1 Appel. Corone. 41 EN Lescheker chaumber, cest question fuit dde des iustices la estiantz. Vn femme ad issue fitz, le quel fitz est murder neyāt heire de parte son pier si sō vncle de part la mier aūa lappel ou ne­my ¶ Billing. chiefe iustice dengleterr̄. ¶ Ned­ham & Chok, disoient que lappel ne gist pur luy pur ceo que il conuey son title dauer lappell par le femme, que ne puissoit vnques auer appel de mort dautre forsque de son baron, ¶ Brian, Nele, Littelton, & le chiefe Baron in contraria opinione, quar luncle de parte le pier poet auer appell de mort son neuewe, et vncore le pier par que il fait son conueians ne puit auer appell de mort son fitz, nient pluis que la mier le fitz. ¶ Billing, co­ment que le pier ne poit auer appell de mort son fitz, pour ceo q̄ lap­pell est toutz foitz done al heire par discent, vncore il est enable da­uer appell de mort son auncestre, Et ceo ne poit le mere auer, come appiert per lestatut de Magna carta. Ca. xxxiiii. Et si ascun person par quel le pl ou lappellant conuey son tytle dauer appel ou accion del terre soit disable dauer appel ou acc̄ de mesme la terre, come par vtlagary de felonye, ou auterment, soit il par lineal discent ou colla­teral, lacc̄ faile et lappell auxi, coment que mesme le person issint di­sable ne puissoit vnq̄s auer la terre ou lappell coment q̄ il fuit mye disabl sic hic &c. Vid hanc materiā bn̄ argumentar̄. xx. H. vi. infin̄.

2 Trespas. ContractEN Trn̄s de close debruse et frument orge et herbez prises & em­ꝑtz ¶ Cat. acc̄ non, car longe temps deuant le trespas supp̄ le pl et le def. bargaynent en tyel gard en Lond, que le def. duist aler al lieu ou, &c. et la voier le dit frument, orge, et pree, et si eux luy pleist quant il les veiast que il donques duist prendre le dit frumēt, orge, & lerbage paiāt al dit pl iii. s̄. iiii. d. pour chescun acre vn oue autre. Et nous diomus q̄ nous alamus la et eux veieromus cōe deuant, & fui­mus bn̄ cōtēt oue le bargain, par q̄ nous eux prisomus le q̄l ē mesme le trespas iugement &c. ¶ Pigot. ceo nē plee pur diuers causes. Vn est il ad dit que le lieu &c. est. x. acres de frument &c. lou il duist auer dit. x. acres de terre semes oue frument, &c. Auxi il ad conus le prise et nad monstre coment il ad nous pay lez denierz accord al bargain̄ car ieo croy q̄ ne list a luy de les prendre auaūte que il ad fait le pai­ment, car il serr̄ tresmischeuous ley q̄ il les aūoit & ne paier &c. Auxi quāt il auer veye les greines &c. il duissoit auer certifie nous sil fuis­soit content oue eux ou nemy. issint q̄ nous duissomus conustr̄ que il eux prist pur mesm̄ l cause, car il ne poit estr̄ parfit bargain si ne soit [Page]que chescun partie soit agree &c. ¶ Catesby, le ple est assetz ben pour ascun cause que il ad moustre, primer conceit q̄ nous auomus appel les acres de frument. &c. et nemy de terre. &c. il en issint appell vul­gariter: a lauter conceit que nauomus surmitte le payment de les deniers, ieo croy que plusours bargaynes en le royalme sont voy­des si ceo duist este ley. Mes ieo te igne que il est loyal a luy pur eux prender sur tiel bargaine deuant ascun payment: quar il nest a as­cun mischiefe, quar il poit auer accion de Dette pur largent quaunt nous auomus resceiue le chose pur quoy &c. Et a ma entēten thes­cun tiel bargain le ley entend que come lun mist son trust in lauter pur auer le chose pur quoy ilz bargainent, que issint duist lauter ecō ­tra. Et a ceo que nous doiomus certifier luy de nosir̄ agrement, ceo duist estre trop dure, que quant nous sumus bien contēt oue l view del chose (que est parauenture en auter pais en graund distauns de Loundres) de reuener cieins pur ceo monstrer a luy. Et auxi le bargain en luy proue que ne besoigne pas, pour ceo que il ad [...] son volunt en nr̄e velunt. s. si eux neus pleist sur le view de ceux que a­donques nous laueromus, par oue don (que) il ne puit meux ēe certifie que il est par nostre prisel &c. ¶ Littelton, quantal paiment mey sē ­ble q̄ il duist ceo surmitt ou auterm̄t nest ple: come si ieo veigū a vn draper & demand de luy come bien ieo paiera pur tiel piece de drape que dit que taunt, et ieo die que ieo voile ceo issint auer, mes ieone luy paye ascun denere en poigne par q̄ ieo priū le drape: icy il auer a bon accion de trespas vers moy, et ne serra ple pour mey adire q̄ ieo ceo achate de luy, sanz mr̄er que ieo luy paya &c. sic hic. ¶ Chok, a m̄ lentent, quar vn contract ne poit este profit sauns lagrem̄t de thesē partie, quia dicitur de con, qd est simul: quar si vous moy demaun­des en Smithfield combien vous doneres a moy pour mon chiual, et ieo die que taunt, et vous dytes que vous voilles luy auer, et ne dones poynt dargent, crois vous que pur tant est mon volunte que vous luy doiez auer saunz paier lez denierz▪ ieo die que non, mez ieo luy puiz vender a vn auter maint, & vous nauerez ascun remedy vz moy, car auterment ieo serra compelle de garder mon chyuall tout tempz encountre ma gree si le proprietie soit en vous, et vous duis­ses luy prendre quant vous pleist, que serra encountre reason. sic hic ¶ Brian, a mesme lentent, et moy semble pour ascuns parolx que il ad surmitte en le bargaine que ne list a luy dentrer et prendre les greinez, quar ne poit estre entend que il voilloit que le def, duist lez greinez auer, si non que il paiast le money: Mes si il auer dyt a luy preignez et paiez quaunt a vous plerra, ou si il auer luy don̄ ascun [...]our de paiment, donques ieo voille bien que il purra eux prendre et [Page]que serra bon barre come il est pled quant a ceo. Et vncore ieo die que le propriete est en le def. par le bargaine en le cas al barre et en toutz vr̄e cases des chiualx et draps: vncor̄ ne list a cēy q̄ ad le ꝓpriet de ceo prendre sans gree lautre, Et il auera briefe de Detinue mes le defendāt serra excuse adire q̄ il fuit prist de ceo rendre si lauter vst luy paie, Et si il port accion de dette il aūa mesme le ple Le cas est assetz come lou l propertie demurra tout temps en moy, et vncore durant cerr̄ temps ieo ne purr̄ ceo prendre, cōe lou ieo baile certein barbitz a vn home pur compastr̄ sa terre pour certein temps, iey le propriete est en moy et vncore durāt le terme ieo ne puis eux reprē ­dr̄. Pur lauter conceit moy sembl le ple nē bon sans monstre q̄ il ad certifie lautre de son pleasure, car comen erudicion ē que lētent dun home ne serra trie, car le diable nad conusans de lentent de home: Mes si vous vsses agree q̄ si le bargaine vous pleist q̄ adon (que) vous voilles ceo monstre a vn tiel, don (que) ieo voill graunter que vous ne bosoigne de faire pluis, car cest vn mater en fait: ieo pose que ieo sue oblige a vous en. x. li. paiable deins deux ou trois iours ap̄s, sur cō ­diciō que si vous pleist de prend vn tiel mon chiual, pur tiel trespas que ieo ay vous fait, que adōques &c. et vous veies le chiual, mez ne dittes a moye sil vous pleist ou nemye, par que ieo ne paie pas les x. li. serra lobligac̄ forfait▪ non par que &c. ¶ Catesbie, sir sil le chy­uall ne prist issint que son acte proue lagrement, donques vous forfaitz vostre obligation. Et a ceo que est dit que ne besoigne aly­uerer le chose vendue deuant que il paie, en mesme le maner lautre nest lie de paier deuant q̄ il adle chose vendue: Mes cōe ieo aie dit deuant par le ley et reason chescun mittera confidens en autre, Et si le paunent serroit materiall, ieo croy que nous duissomus aū vieu issues prises sur ceo en nostre liueres. Mes ieo ne vnq̄s veia come ieo pose q̄ vous portz br̄e de trespas vs moy de vostre chiuall prise, et ieo pled q̄ ieo luy achat de vn tiel certe in iour en Lōdres en mar­ket ouert, & puis luy cōmit a vn B. pur gard que luy dona a vous & ieo luy prist, dirres vous en ceo cas que ieo ne paia point pur le chy­uall? ¶ Choke non, car ceo nest material al pleintife. ¶ Pigot, si ieo suy oblige a vous en xx. li. de vous enfeoffer en tiel acre de terre tiel iour, si vous pleist de prendr̄ le feoffem̄t, ne ferrez vous lie la de moy monstre vostre pleasure? oyle verament come moy semble.

¶ Littelton, ieo ne purra agreer q̄ le propriete ē en luy q̄ achate par tiel perolx sauns paiment, car il nest elere barga [...] mes sur condi­cion en ley, cest assauoir si il luy paye que il serra bon et sinon il ser­ra voide. Cōe mittomus q̄ si ieo enfeoffe Pigot de enfeoffer Catesby [Page]sil ne voet luy enfeoffer mon entre est enclude en ley: issint le ꝑfor­mans del condicion cause le propriete estr̄ en luy. ¶ Catesby, quāta certif. de son agrement, ieo pose que il vst de uenus muetap̄z le bar­gain par larte de dieu, et ne sauoit pas escrier, et ē en bon memorie, et lhome semble q̄ le bargain est pur son profit, coment duist il faire, ne serr̄ son prisel sufficient pur proū son volunt? quasi. d. sic, par q̄ &c.

3 Dette.VN A. port accion de Dette sur obligaciō vers (ser) T. Cooke l q̄l T. C. mr̄a vn endēture de fesans q̄ contein diuers articlez dēe parformes par le def. enter queux vn fuit, q̄ le dit. T. C. & toutz ses feoffes, & ceux q̄ ount estate par luy en certein terre, measons, et shoppez lesses par le dit T. C. al dit pl doient parmitter & suffrer le lesse de prendre les profitz deux, et eux occupier deuant sō terme. Et nous diomus q̄ nous & toutz nr̄e feoffees &c. auomus luy suffre &c. ¶ Catesby vous couient monstrer q̄ux fuer̄ vr̄e feoffes. Et si vous aues nul feoffe en la terre &c. de ceo mr̄er expressemēt et adire que vous m̄ nous suffcastꝭ, come si soies oblige q̄ vous ou vr̄e feoffeez deues fair̄ a nous estate en le man̄ de Dale, la si le man̄ soit en pos­session de certen feoffes, vous couient mr̄e ceo, & q̄ ilz oūt moy fayt estat, Et si vous fuistꝭ m̄ seisi, de pled accord &c. sic hic. ¶ Litelton ni­ent semble, car lou ieo sue oblige de faire vn chose ou autre pur moy cōe est en vr̄e case vous ditz voier, Mes lou ieo ou aut pur moy du­isse suffre chose este cōtinue le ley est autre, car vn suffranz nē p̄ acte Et issint fuit loppinion del court.

4 Appel.APpellou appellant fuit deinz age. ¶ Catesby pour le def, pria q̄ il poet este dismisse: cāa qua sup̄. Et les iustices disoient que ils voille examiner le matter pluis. Et si eux semble que lappel ē culp̄ il demurra en gard tan (que) al plein age lenfant.

5 Entre. Accord.ENtre sur lestatut de R. le def. pled vn cōcorde oue le pl purlentr̄ s. q̄ il duist paier al pl vi. d. en satiffacc̄ del tort, & auxi de don̄ ā luy son counsell en son faculte quamit il fuit requise, les queux deners il paie &c. ¶ Townsend ceo nest plee, car il ad graund dyuersite entre vn arbiterment et vn concorde, quar dun concord si les parties doi­ent este lies par ceo couient que chescū point soit execute si soient. xx. Et le cause est, pur ceo que il ne poit este compelle de ceo parfourm̄ par voie daccion, mes dun arbitrement est auter: donques quaunt laccord fuit que il duist paier vi. d. et auxi don̄ counsel, nient pur quāt que il ad surmitt q̄ il ad paie les deners, vncore nad il dyt que il luy donast ascun counsel. ¶ Nedham laccord nest simplement que il do­nera counsel eins quant il fuit requise, par que si voilles auer auaū ­tage de ceo vous couient de monster q̄ vous demaundez de luy coū ­sel, [Page]et il ne voilloit &c. ¶ Townesend vncor̄ il couient mōstre ceo ex­ecute en fait, quar ne serra bon ple de pled vn concord q̄ ieo vous fra feoffement del man̄ de D. deuant tiel iour pur le trespas que ieo aye vous fait si vous ꝑtastꝭ accion de trespas deuāt le iour, saūs monstr̄ que iay fait le feoffement et si sic. Et les iustices fuerunt en dyuers oppinions.

6 Dette.DEtte sur arbitrement, q̄l fuit que le def. duissoit auer del [...]uer al pl le testam̄t son testatour tiel iour &c. Et le def. dyt q̄ il auoyt deliuera a luy lr̄as testamētorias, & issint ad il ꝑforme le gard. Et ceo fuit chall, pur ceo que il ne mr̄e que il ad liuer le testament ꝑ tiel perol testamentum ¶ Litteltō le ple est bon. Et dit que le ley ne serra prise stricte en variance des parolx, car si lagard soit parform̄ en fait ces parolx ne font mater: come si les arbitrours vssent agr̄ q̄ lun dez parties done ra a lautr̄ quoddam factum feoffamenti, & il liū vn fait par nosme de quandā cartam, et pled accordant a ceo en acc̄ port vers luy, cest assetz bon, ¶ Brian, a mesme lentent et le commē pleding proue tout vn appeller testamentum & lr̄as testmētorias, car vous saches bien, q̄ le count en dette port par execut voet. Et ꝓ fert hic in cur̄ lr̄as testamentorias predict del testatour, & vncore le def. dde oyer del testament, par q̄. Et ieo pose q̄ ieo doy vous lyuer tielx lr̄es patentz del roy dun tiel office par reson vn arbitrement, et paraduenture ieo les pard, et puis ala en le Chauncery et purchase vn exemplificacion de ceo et ceo dona a vous en lieu des lr̄es patētz ne (ser)ra ieo discharge par ceo? oil certes. Et lou lagard est que ieo doy vous enfeoffer &c. si ieo vous fait lees et reles cest assets bon ꝑfour­mans del ag. qd ¶ Littelton negauit, ideo quere de hoc.

1 Arbitrem̄t NOta par tout le courten trespas si le def. pled vne arbitrem̄t q̄ le def. duist don̄ al pl vn certeyn̄ some dargent et que il troūa suer tie al pl pur le parmēt dicel, il couient a luy mr̄e le submissyon, & anxi q̄ il ad puy, ou autrement q̄ il ad troue suerte autrem̄t le ple nest bon. P. 5. E. 4.1.

2 Accion sur le cas.THomas Browne suist acc̄ sur sō cas enūs vn Hawkins, d ceo lou le dit T. B. estoit de bon̄ fame & cōdicion la auoit le dit H. tiel iour & lieu luy claim̄ estre son visseme, et oue forc̄ et armis [Page]gisoit agayt pur luy prendre et emprison̄, et de luy faire come de son villein par q̄ il ne ausoit aler et faire ses besoignes. Et auoit iugem̄t de rec̄ ses dam̄, pur ceo que il suit trie franke et de franke estate. Et ore le dit Hawkins suist br̄e derrour en bank le roy. ¶ VVod, moy semble le iugement serr̄ reūs pur ceo que moy semble le mar̄ en luy nest suffic. de mainten̄ laccion, car iay prise pur vn groūd que home nauera accion de chose q̄ depend solement sur lentent dascun persō car ceo ne poit propremēt estre trie: come si ieo voille dire q̄ ieo voill debruser vr̄e meson, et puis ieo ne veigne presse a vostre mea (ser) mez ne face riens, vous naueres acc. er vncore paraduēture mon entēt fuit pur faire come ieo disoy deuant: a forciori en le cas al barre, car il est loial pur moy de claim̄ vn come mon villen lou ientend que il ē est issint, come de claim̄ vn gard ou seruant, pur quel claym̄ de luy prendre sans acte fait ieo ne serra puny. Auxint come moy sembl le gi (ser) en agait ne serra entend pur mesme le cause, si non q̄ il soit issint surmise en fait, come il nad mie: car si ieo port briefe de trespas et re­site en mon briefe lou ieo sue seisi del man̄ de D. oue wreke de mere le wreke ne serra entend app̄ al man̄, sauns ceo monstre enfait, sic hic par que &c. ¶ Suliard, al contrarie. Et ientend que vous voilles toutz agreer, que si Hawkins vst luy manace pur prendre et empri­son̄, pur pauour de q̄l il nosast aler en ses besoign̄, que pour cel il a­uera acciō, et si sic, ieo prouera que tout ceo est include icy, car le claim̄ includ vn manace en luy, et son demeanour apres proue bien que il ceo entend par le claim̄, come serra lou home distr̄ mō chiuall & puiz luy vend ou occist. Issint proue le gi (ser) en agait en nostre cas. Et hōe poit este manace coment q̄ il ne soit present, & auoidra vn fait ꝑ tyel manace. Et auxi vn assaut poit este lou les ꝑties ne fuer̄ ensembles cōe si ieo sue chiuachāt en le chemin, et vn vient a moy et dit gardes vous bien, car vn dit a moy ore que fuit chiuachāt aprez vous que sil poet vous prēdr̄ il vous tuera, pur pauour de q̄l en hastif. chiua cher pour eschaper ieo tue mon chiual pur trop de laboure, icy iaue ra ac­cion sur mon cas. quod fuit dedict per totam curai. ¶ Townsend. al contrarie, le mater del accion icy est merement cōtrarie en luy m̄, q̄l si ieo mist mon chiual al ferrour pur este ferre, et il per son neglig [...]z luy tua par que ieo port accion sur mon cas recitant le especial mar̄ & conclude vi et armis equū suum interfecit, ieo prendre riens par mon briefe. Quar icy mise ii. maters daccion en br̄. s. lun pur accion sur le cas, et lauter pur general br̄ de trespas, issint icy en cest accion sur le cas il ad tielx ꝑolx ap̄s en le br̄e vi et armis insidiatus ē, q̄l oue le mar̄ precedent include ii acc. de diuers natures: par q̄ &c. Auxint le matter del acciō nē bon car nul des articles aperluy est sufficient [Page]pur acc̄ auer s̄ ne claim̄. ne le insidiacion, donquez coment que ils sount prysez ensemblement, vncore ilz ne [...]ount lacc̄ le pluis deste main [...] ̄, quar quant al primer. s. le claim̄, ceo nest que vn infamy, cōe si home appel moy laron le quel ne don̄ acc. en nr̄e ley. Et quaunt al second. s. le insidiac. par ceo il ne fist ascun tort. quar sauns vue acre enfait serra pluis reson daiuger pur bon entent que pour male par que &c. ¶ Ienney al contrary, nient obstant que il ne poit auer accion pur le claim̄, vncore quaunt il gisoit en agait accordant a son claym̄, par reason de quel il nosast aler en sez besoignez, ceo don a luy cause daccion, come si vn gist en le haute strete & dit que il voile moy bater si ieo veign al sale de Westm̄, & vn come mon amy dyt ceo a moy, par q̄ ieo nosa ven̄ la pur pleder nauera ieo accion? qd. d. oyel, & vncor̄ il ne parlast ascun parol a moy. Et est comen chose denditer home de insidiacion en le chemin, & continetur en le commissiō des Iustic. de peace. ¶ Curia, mes saches si tiel enditem̄t vient, deuāt nous le def. (ser)ra dismisse, ¶ Ienney, et a ceo que est dit que dun claim̄ home naūa accion, ceo nest issint et nosmement de vn tyel chose que cause ca hōe & tout son sanke este corrupt. ¶ Digas; al contrary, home nauera vnques accion en nostre ley sauns acte en fait, quar si ieo sue oblige a vn B. le quel B. est oblige pur C. a vn A. q̄ ieo luy gardera sauns dam̄ enuers A. en cest cas B. nauera acc. ne recouere enuers moy deuant que il ad fait paiment pour C. ou auterment est en prison, ou en execucion pur icel: ne le tenaunt nauera execuc. en value auaūt que le demaūdant ad sue execuciō enuerz le tenaūt: ne le tenaūt na­uera Ne iniuste vexes auaūt que il soit distr̄ par le seigniour: donquez en le cas icy il appiert que nul act est fait. Et pur auter cause le ma­ter nest sufficient, car il ad diuersitie enter manace de batrie, et ma­nace deste emprison, quar par batrie home serra mis en ieopardye de son vie, le quel home ne voloit pur tout le tresure en le mond, mez pur lucre home voile suffer deste emprison et dycel il auera dam̄ en br̄e de Faux imprisonment, & auxint il auera briefe de homine reple­giando, mes pur batrie il est impossible que home eit amendꝭ. Et ieo croy si home voilloit dder suertie de peace deuaunt vous vers ascun & pur nul cause, mes pur ceo que il est en doubte q̄ lautre voile pren­der & imprison̄, vous ne voilles luy graūter le peace. Ad quod curia concord. ¶ Pigot a mesm̄ lentent, et en le cas parenter mon seigni­or de Sarum, & le segnior Egremont quaunt ils auoyent graund multitude de gentz de chescun part en maner de guerre, vncore ceo ne duissoit aū este iudge ascun assaut, sinō pur ceo q̄ ascū deux auoyēt tyre oue lour arkes, et issint pur fair̄ vn assaut home doit ꝑler ou ex tender ses braches, et par ceo son entent serra conus. Et si home ꝑt [Page]br̄e de trūs vers moy Quare clausum suum fregit ad intentionem ca­piendi bona sua, tout ceo ap̄s (ad intentionem) est outerment voyd, et il nauera dam̄ eins eyant regard al infreindre del clos, par q̄ len­tent dun home solement sauns act fayt nest materiall. ¶ Fairfax. Iustice al contrarie, et ieo agree que le claim̄ & le insidiaciō solemēr ne don̄ cause dacc. mes quaunt il dit oustr̄ per quod circa ne gotia sua palam intendere non audebat, tout cel ensemble est bon matr̄ pour accion auer. Et ieo agree que les parolx ne fount ascū matter, quar home aūa acc. sur son cas lou nul parol ē parle, cēe si ieo escrie en vn serowe que ieo voille bater I. S. sil viēt hors de son measō, et puis iet cel serowe en le meason de I. S. par q̄ il nosa si venir de hors en ses besoignes, en ceo cas il aūa acciō sur son cas. Et vncor̄ nul parol parle. ¶ Nedham, & Billing, chiefe iustic. al cōtrarie, quant le claim̄ ne le manace ne don̄ nul cause dacc. come est agree, le q̄l est antece­dent, coment poit le consequens don̄ accion? q. d. non poet, par que donques serra rette le foly del pl q̄ il ne alast de hors en ses besoig­nes. Et sont diuers cases en nr̄e ley lou home auera dampnū abs (que) iniuria, come de defamacōne en appellāt vn home laron, ou traitor, cē dam̄ en nr̄e ley, mes nul tort. 30. ass. p. 19. Et si ii. conspir̄ denditr̄ vn hōe il na­uera remedie si non q̄ il foit endite en fait, etauxi acquite sur cel, issint en nr̄e cas. Mes pour ceo q̄ cest le prim̄ temps que cel matr̄ ad este argue nous voillomus auyser de ceo.

3 Scire fac.HOme auoit rec̄ certen dette & dam̄ par iudgꝭ & auoit Elegit et auaunt le br̄e seruy lan expire, par q̄ il auer vn Scire facias sur quel le br̄e fuit return̄ seruy, mes le def. ne vient. Et sur ceo le pleintife pria vn Capias ad satis faciendum. ¶ Ienney, moy sembl q̄ il naūa Cap̄, pur ceo q̄ il auoit eslieu son execuc̄ deuāt par Elegit le q̄l est le pluis haut execuc̄, pur ceo q̄ ses terres serr̄ liables, et done par lestatute, par que il ne resorter de prender aur̄ execucion. Mes ceo nient obstant apres il fuit aiudge que il auera le Cap̄ assetz bū, quar comēt que cel execuc̄ par Elegit est done ꝑ le statut W. 2. ca. 18. vncor̄ cest estat ne restrein̄ ceo q̄ fuit deuant al comen ley, par q̄ quauntle Scire facias issist sur tiel briefe il anera son prier.

4 Dette.LE maister des Rolles demaund des Iustices del comen bāke, si home promitta certen̄ som̄ dargent a vn auter pur marier sō file ou son seruant, le q̄l luy maria accord, sil aūa acc. de Detal comen ley pur cel argent ou nemye. ¶ Townsend, moy semble nul accion en nr̄e ley, car il nē q̄ vn nude promise. Et exnudo pacto nulla oritur accio: cōe si ieo promitt vous. xx. li. pur fair̄ vr̄e sale de nouel, [Page]icy nul accion gist pur ceo car il nad quid pro quo: et nest semble lou ieo vous promitte vi. s. chescū semayn pur le comens dun tiel, car la il ad quid pro quo, & le ley entend que il est vn tiel par q̄ (ser)uice ieo ay auaūtage, Auxint en le cas al barre le chose q̄ il doit faire est espiri­tuel, le quel ne poit este vend ne le partie ne poit este compel de ceo fayr̄, Et si sic nest resō que lautre serra charge. ¶ Rogers & Suliard al contrary, & a ceo que est dit que il nest que vn nude promise ceo nē issint, quar il ad quid pro quo entaunt que son file ou amie est auāce par le mariage par entendement: quar si ieo promytte a vn schole­maister tant des de niers pur enfourmer mon fitz le quel issint fayt, il auera accion de Dette, Issint est lou ieo promitte a vn physiciō ou surgeon certen summe pur curer vn tiel pouer home. Ou si ieo pro­mitte vn labourer certein deniers pur repayrer tiel voy q̄ ē le haute chemin, bon acciō gist sur cel, sic hic. ¶Et puis Chok et Littelton fu­erūt accord oue le master des Rolles que en le principal cas nul ac­cion gist al common ley. pur ceo que le matrimony sur quel le ꝓmise fuit foūdue, est chose espirituel q̄ ne poet estre vend en nul maner.

1 Trespas. TRespas Dassaute, baterie, et imprisonemēt a Ex­cester: le defendaunt dit que vn tiel fuit robbe par Iohn S. & R. E. tiel iour &c. et ils veiant al mea­son le pleintife, et le Constable de mesme le vyile (pur ceo que il auoyt le pleyntife suspecte de mesm̄ le felonye) luy aresta, et entaunt que il ne voyl­loyt obeyer son arest il nous commaund pour luy assister, par que nous mittomus nostre mains sur luy, le quel est m̄ le batery, et puis alamus oue le Constable a Excestre en ayde de luy et la luy deliueramus al Gayllour, le quel est mesme lemprison­ment dount &c. ¶ Ienney, ceo nest plee, quar nous auomus complein de ceo que il nous empryson, et il ad monstre lemprisonment estre fayt par vne auter cestassauoyr par le gayllour, le quel nest res­pons a nous. Mes le courte teignoyt le ple assetz bone nyent ob­staunt ceo. ¶ Ienney, moy semble auxint que le ple est double, Vn entant q̄ il ad surmitte vne felonye destre fayten fait le quel done a chescun home auctorytie darrester cesty que le fait: quar si ieo vey vn home tue vn auter, ieo puis byen luy arrester. Auter matter [Page]est le commaundement de constable, que est auxi sufficient. Mes a­pres quant le court fuit auise ils teignount le ple assetz syngle, Mes dit fuit par ¶ Chok & Littelton, que le ple nest bon, entant que le de­fendant nad surmitte en le pl nul cause de suspeccion en le pl, come adire que il fuit parsone de male fame, ou auterment que il fuit va­garaunt fefaunt nul labour, par que il pled issint. ¶ Littelton auter­ment vn puit arester chescun home en le vylle quant ascun felony est fayt.

EN mayntenans en banke le Roy suit tenus par tout le courte q̄ vn iurrour poit exorter ses compaignious pur pas (ser) oue le pl ou le def. solonques ceo come il sembl le droit est et serra dit nul maint. Mes si il done ascun money de son cost demesne ou dautre, ceo serra dit mayntenauns, soyt ceo pour le pluis verrey cause que poit este. Vide P. 18. E. 4. fo. [...].2.4.

3 Trespas. Arbitrem̄tLE cas fuit tyel ii. homes eux submitte en lagard de I. S. pour certeyn Trespas fayt par lun a lauter le quel agard q̄ le tres­passour payera a lautre xl. li. s. x. li. prist en poygne, et pour les xxx. li. que tem̄ que il cause roit iii. seue ralx personez este obligez thes­cun en x. li. al partie a que &c. (si cest agard soit bone ou nemye) Et par loppinion de toutz les Iustices lagarde fuit tenus voyde, quar diuersitie est parenter le condicion dun obligacion et vne arbytre­ment, quar home poit luy obliger que il causera I. S. denfeoffer R. N. et sil ne enfeoffa luy il ad forfait son obligacion, pour ceo que cest son foly, et par le lien il ad prie sux luy que I. S. voil ceo sayre. Mes en arbitrem̄t le ley entend que les arbitrours serrosut indifferents et equall iudges enter les parties donques quel indifferen­cy est ceo de causer vn home de prouer tiel chose este fait que gisten le volunte dun estraunge sil voile ceo faire ou non, quar ieo pose que vn arbitrour voile ag. q̄ ieo duisie causer le roy a don̄ le tewr̄ de Lō ­dres a lauter tiel ag. est clerement voyd. Et auxint le partie nad nul remedie pur compeller lestraunge pour faire lacte, mes sil auoit tiel power auterment serra, come lou vn arbitrour agard que lou vne tiel fuit seisi a mon vse que ieo luy causera de fayre relees a lautre esteant en pos (ser), ceo est bon pour ceo que ieo ay tyel enterest et pow­er que ieo poy compeller mes feoffes de relesser. cestassauoyr per sub pena. ¶ Choke. si lagarde vst estre que vous duysses fayre vne tyel defaute en vn accyon de conustre lacryon al pleynetyfe, cest clerement voyde. Et issynt tyent toute le Courte.

4 Couenant.¶Couenaunt le cas fuit tiel, que lou le def. auer lesse al pleint vne [Page]maner pour certien tearme, et luy graunt par indenture que il luy acquitera durant le terme de toutz charges issaūtz hors del dit ma­ner durant le dit terme, deins q̄l terme les comens en le parliamēt graunteroūt al roy le disieme part del value de lour terres, si en ceo cas le def. duist acquiter le lesse ou nemie. ¶ Ienney semble que lac­cion gist bien, et que cest disme serra dit issaunt hors del terre, quar auterment laccion serra dyt come voyde, que ieo conceiue que les commissioners ount power de commaunder les collectours daler a [...] terre et la distreine pur le summe due, Et le sir disme part del va­lue de la terre, et le disme part des issues et profites del terre sount tout vn, quar quant le distringas vient al vicoūt que parla distringas terras & ten̄, vncore sur ceo en le retourne il ne returnera en issuez forsque le value del profitz, et nemy le value del terre, et issint serra entend par lact quel parle del disme part del value que le terre serra charge. Auxint lacte est que ilz duissent leuer ceo omnibus viis et mediis, par que. ¶ Catesby, al contrary, ieo voylle bien que le Roye pour tiel dette poit distrein, mes vncore le terre ne serra par taunt charge dicel, coment si ieo face recognisauns al roy et aytiel tenaunt et face couenaunt come ceo cy et en ceo cas ne serra dit ascū charge al terre, quar poit estre que il voille auer execucion vers mon per­son, et ceo est pluis properment charge, et ieo say bien que il poit dis­treine, mes ceo nest fors (que) per media et vias &c. et ie ne say coment la terre serra dit charge forsque immediate. Et sir ieo pose que ieo vous graunt le rente que vn tiel mon tenaunt paye a moy annuel­ment, est le terre charge? non, par que &c. ¶ Nele al contrarie, & que cest disme parte serra dit issant hors del terre, et si sic donques lacc̄ gist, quar ieo die que le Roy est hors del cas de chescun comen per­son, quar coment que nul clause de distr̄ soit don̄ al Roy par le fait, vncore il distr̄ pur son rent, donques a forciore quaunt il ceo graunt a luy par auctorytie de parliament que est auxi bien le graunt dun come dauter, per que chescun terre en le Realme est charge a vne som̄ en certeyn, et le def. duist luy acquiter &c. ¶ Litelton, a mesme lentent, et ieo pose que ieo graunte a mon master Brian vn rente hors de mon maner de Dale, et que pour def. de payment il dystr̄ pour cel en mon maner de Sale, puis ieo lessa le maner de Sale a Ienney pour terme dans oue autiel couenaunt come est icy, & pur le rent arrer̄ master Bryan luy distr̄ nauera Ienney briefe de co­uenaunt vers moy? oyel. ¶ Catesby; la ieo graunte bien, quar vous aues charge la terre. ¶ Littelton, sir a forciori en le cas le Roy cōe master Nele ad dit, quar si ieo graunt al Roy vesturam terre, ceo est en luy. Mes si soyt a vne comen person le ley est auter, car vestur̄ [Page]del terre ne poit passer hors vn comen person sauns liuere & seisin. ¶ Chok, semble que le charge ensuera le terre, al cas del vesture graunt si soit par auctorite de par liam̄t il est bon sans question. Et ieo pose que al temps del grant icy ieo fuissoy seisi del man̄ de Dale & pu [...] alien ceo, mon aliene serra charge del x. ꝑte et nemye moy, ergo le terre est charge, & par consequenz lacc̄ maint. ¶ Brian al cō ­trary. Et primes al cas que maister Littelton ad mise del graunte del rēt hors del maner oue distr̄ en auter maner les ꝑolx del graūt serra tout, quar en vostre couenant vous discharges vostre lesse de toutz charges issantz hors del dit maner, la vous nenfreignez a [...]un couen̄t. Mes si vous luy discharges de chescū charge q̄ il duist auer par reason de cel maner donoues estez lie a ceo par br̄e couen̄t, mez nemy en lauter case, car nest issant hors de cel maner. Et en vostre case Littelton. del ve stur̄ graunt, moy sēble que ceo passera ꝑ graūt sauns liuer̄, q̄r si vous lesses la terr̄ a moy a terme des ans l frank­tenem̄t est en vous, & ieo nay ascun chose fors (que) le vesture & profyt deē pris la, par q̄. Et lou il est dit q̄ nest diuersitie lou le grant vst eē del value des disme ꝑte del issues del terr̄, & lou le dism̄ partie del il­sues del terre, (ser) il ad grand diuersitie ent les cases, q̄r si le grant vst eē q̄ le roy aūoit le x. partie del issues del terr̄ la l terr̄ (ser)ra dit charge mes en laur̄ cas nemy. Et ieo mittera a vous vn case q̄ prouera vn aut diuersitie, si ieo sue oblige a maister Choke en xx.ii, sur tiel cōdi [...] q̄ si ieo luy payer le disme parte des issues del man̄ de Dale q̄ donq̄s &c. si ieo ne luy paya de mesme les issues lobligaciō est forfait. Mes si le condic̄ soit que ieo luy payera del value &c. donq̄s ieo puis ap­prompt dun auter home a tant et luy payer et lobligac̄ sauer. Et si Mille liuers soiēt issint grantꝭ al roy il puit pur ceo distr̄ lou il vou­dra, q̄r ma terr̄ nē pluis lie q̄ la terr̄ dun estrange, issint ceo ne poyt este dit issant hors dascū terr̄, ꝑ que &c. ¶ Littelton. ieo ay view les ꝑolx del endenture que uxsout q̄ il dischargera le pleintife de euers & charges dues & deste dues, donq̄s ceo q̄ fuit grant al roy, quaunt il fuit graūt fuit due a luy, & pour ceo poit il loyalm̄t distr̄, ꝑ que le man̄ serr̄ charge oue ceo, par q̄ laccion bien maint.

5 Trespas.SIr W. Calthorp̄ port accion de Trespas & supp̄ que le def. duist auer pisch en son seueral pischarie, le def. dit q̄ le lieu ou &c. est et iour de Trespas fuit nr̄e franketenement &c. ¶ Pigot. ceo nest plee, car poit este que il adnous graunt seueral piscarie en son ewe demesne, & la le soyle et franketenement est al lessour, et vncore ne poit il pischer la come serra dun garrein ou chace. Et issint fuit tenꝰ ore tard en le cas parenter Strangwiche et Coniers, ¶ Choke, [Page]a mesme lentent, et nest semble al cas das (ser) de rent, q̄r la ieo grant q̄ hors de sō fee est bon plee Prima facie, et le pl ferr̄ son title, q̄r il serr̄ entend rent (ser)uice tan (que) le pl ad fait title a autre rent, mez icye serr̄ pris q̄ le pl ad franke pisca [...]ie en le foile le def. come il poit asse [...]z bn̄ este entend. Mes del garrein et chace ceo duist este ꝑ graunt le roy ou ꝑ prescripcion par q̄ &c. ¶ Brian. moy semble le ple bon quar il ad graund diuersitie enter seperalem piscariam et liberam piscariam, car seueral piscarie ne poit nul home auer fors (que) en son soile demesne, et auxi solement aperluy. Mes franke piscarie ieo puis graunt a xx. ꝑsons en ma stangne, quar si nul luy disturbe il ad liberam piscai iā quod Littelton concessit. ¶Mes Chok dit q̄ il ne saū diuersity enter eux, car il dit q̄ cesty que ad franke piscarie auer ceo solem̄t. ¶ Brian, non, ieo mittera vous diuersitie si iay vn graund close, et vous troys eyes iiii. closes adioygnantz a mon close, ieo puis graunter a chescū de vous dauer liberum ingressum et regressum oustre ma terre a vostr̄ terre, don (que) quant home poit auer franke piscarie en aur̄ soyle et nemy seueral, & le br̄e est speciali piscaria. residuū P. 18. E. 4.4.

1 Chaleng. 6 EN assise port par le dean̄ & chapiter de Lincoln̄ vn iurrour fuit chalenge pur ceo q̄ il fuit frere a vn des chanons dellieu. ¶ Fairfax iustice, ceo nest principal chalenge, pour ceo q̄ chescun dez chanons est en maner present & resident a son Prebend cōe vn ꝑson est sur son benefice, issynt ad il son pos (ser) distinct a parluy et seueral. Mes si le iurrour soit frere a vn moyne ou monyalle challenge serra bon̄ lou laccion est port per le soueraigne, Residuū M, xxi. E. iiii. fo. xi.

2 Dette.DEtte sur le arer̄ dun les a terme dans et supp̄ q̄ il lessa al def. xiiii. acres de terre ¶ Catesby quant a iiii. acres il ne lessa pas Et quant al rem̄ nous diomus q̄ il eux lessa a nous & a nostre feme le quel ē vncor̄ en plein vie nient nosme en le br̄e iudgem̄t &c. ¶ Chok voꝰ naūez tiel pledre, car ceo ple va a tout, et proue que nul tielles fuit cōe il ad supp̄. Et pur ceo vous couient conustr̄ le leez dez x. acres et trauerser saunz ceo q̄ il lessa les xiiii. acres modo & forma. Et issint fuit loppinion del court. ¶Et Chok dit, que si lees soit fayt al baron et le feme a terme dans (come le cas icy est) rend certein rent, si le rent soit arrer̄ laccion couient este port ermers eux ambi­deux et nemy solement vers le b [...]on, car par comen entendement le terre serra de pluis value que le [...]ent reserue, issint q̄ le lees serra [Page] entend beneficial al feme, et tiel chose que est beneficial el prendra durant le couertur̄. Et si wast soit fait laccion poit este port vers eux ambideux. quod curia concessit.

DEette sur vn obligac̄ de C. li. ¶ Catesby, lobligacion est en­doce sur tiel condicion que sile def. deliuer al pleintife. xxx. li. de blanke alome a tiel wharf. deins Londres a tiel iour que ser­rount al value del som̄ en dd que adonques lobligacion pardra son force &c. Et nous diomus que deuaunt le iour nous auomus blank alome a Londres prist deste &c. al value &c. Et diomus que tiel iour nous affirmamus vn pleint de dette enuers cesty ore pl en Loun­dres sur vn contract de C. li. et pur ceo que il napparust mie a ascun des. iiii. courtz a rn̄der a nostre pleint solonquez le custome del citie, agꝭ fuit que le dit alome duist este attache et nous duissomus ceo re­teign̄ en recompence de nr̄e dit dutie, iudgement si acciō ¶ Iey, ceo nest ple, quar nous ne ddomus ascun alome verz luy, ne alome nest mie le duetie. Et ieo ay pris tout temps pour ley que vn ne poit este attache par biens lou al temps del attachement il nauoit proprietie en les bienz: quar si vous obliges a moy sur condiciō que vous moy enfeofferes en le maner de D. tiel iour deuaunt le condicion par­fourme, ieo ne serra attache ne garny encest terre. ¶ Catesby. si ieo sue oblige pur vous liuerer x. quarters de frume [...]t deuaunt tyel iour apres le iour vous poies estre attache par ceo. ¶ Iay, si vous vsses liuer a nous pepper ou auter marchaundise quel que il soit, et nous vssomus agree a cel, le condicion vst este byen parfourme, et ceo proue que nous nauomus ascun proꝑrietie en le alome. Et lopi­nion de tout le court fuit que le ple ne fuit bone pour le cause reherce auaunt.

4 Laborer.ACciō sur lestat labourers supp̄ que lou vn tiel fuit reteign̄ oue luy en Lond la ad le def, luy reteign̄ hors de son seruice deyns son term̄, Et le def. pled en barre par petit seriātie. Et ore Ien­ney, vient al barr̄ et fuit reteign̄ pur le def. et pled en abatem̄t de br̄e entaunt que le pl ne monstre en son count en quel lieu le def. pryst son seruant. Et fuit resceu pour auer le ple nyent obstaunt le pledre en barre deuaunt, pour ceo que il fuit mater apparaunt, et auxile barr̄ ne fuit plede par vn seriant. Et le briefe tenus abatable. Le plee en barre fuit tiel que le def. troue le dit seruant vagarāten aur̄ com̄ hors de chescū (ser)uice, et nemy marchaunt, ne nul terre ayant, ꝑ q̄ il luy reteign̄ pur luy seruier par vn an, sanz ceo q̄ nous luy reteig­neromus en Lond cōe il ad supp̄ prist. ¶ Littelton, ceo ē bon ple, car ieo cōceu que en vn com̄ home ne prendr̄ notice de reteign̄ enauter com̄. Mes si le tout soit en vn com̄ ieo ne serra resceu a pleder que [Page]il fuit vagr̄ et hors de seruice, pur ceo que ieo ne doy este mysconisāt de chose deinz mesm̄ l com̄, & la le def. duist trauer (ser) le prim̄ reteign̄. Mes quant il est en auter com̄ il ad fait bien. Et ceo fuit loppin ion de tout le court. Vide semble. P. 18. E. 4.5.

5 Trespas.TRespas de son chiual pris le defendant dit que le pl luy apprist mesme le chiual tan (que) il auoit finishe ses besoignes, et di. que ces besoignes ne sount mie vncore faitz iudgement &c. ¶ Pi­got, Ceo nest ple, quar home ne poit auer interesse en vn chatel si­non pur temps certein, et en ceo cas nul certeinte est compris, quar ses besoignes ne serra finies peraduenture en tout sa vie. ¶ Brian, serra entend que il ceo auera pour la vie. ¶ Pigot. Coment auera home frankten̄t en vne chatel? ¶ Brian. ieo pose q̄ ieo vous graunt loccupacion de mon chiual tan (que) vous aues chiuache a Euerwike, coment aues vous cest chiual; an non a terme de vie si vous pleist? ¶ Littelton a mesme lentent, et ieo say byen que en plusours lieux ilz ount tiel custome que vne auera loccupacion de vn chose a terme de sa vie pur certain summe dargent, et tiel est lusage en mon pays de lesser les grand pannes a eux q̄ brasient.

6 Trespas. Accord.TRespas le def. dit que accion non, quar pour mesme le trespas al instauns de diuers de lour bone amies le pleintife et ils ac­corderount que le defendaunt duist doner al pleyntife. xl. d. en satissac̄ del tort le quel il luy offra et vncore est prist a payer et le pl ceo refuse. ¶ Pigot, ceo nest ple, car ieo conceiue que vn concord ne liera ascun partie sinon que vn satisfaccion soit en fait, pur ceo q̄ sur accord nul accion gist, mes de vn arbitrement le ley est auter, don (que) par son plee appiert q̄ nous disagreomus al accord ꝑ le refusel issint nul accord. ¶ Catesby. A ceo que il dit que vn satisfaccion duist estre en fait sur vn concorde, a ma conceite ceo nest issint, car vn satisfac­cion en ley serra assetz bien come est icy, quar quaunt nous tendo­mus et il refuse, ceo fuit satisfaccion en ley, le q̄l suffist. Mes tout le court tient le contrary, par q̄ &c.