NOvs tous en general & chacun de nous en particulier sous-signez, protestons qu'apres lon gue & deuë examina­tion denos consçiences en matiere de vraye & fausse religion, sommes maintenant entierement resolus de la verïté, par la Parole & Esprit de DIEV: & partant nous croyons en nos coeurs, & confessons de nos bou­ches; signons de nos mains, & affer­mons constamment deuant Dieu & [Page 4] tout le monde, que c'est icy la seule & vraye Foy & Religion Chrestien­ne, plaisante à Dieu & donnant sa­lut à l'homme: la quelle est mainte­nant par la grace de Dieu reuellée au monde par la predication du Sainct Euangile, & est reçeuë, creuë & main­tenuë par plusieurs notables Eglises & Royaumes: mais principalement par la Majesté du Roy, & les Sei­gneurs qui sont soubs luy, comme la verité de Dieu eternelle & seul fon­dement de nostre salut; comme plus particulierement il est porté par la confession de nostre Foy, establie & publicquement confirmees par plu­sieurs actes de nostre Parlement, & dont longuement sa Majesté a faict profession publicque, ensemble tout le corps de ce Royaume, tant par le peuple des villes qu'aux champs.

A laquelle Confession & forme de Religion nos consçiences s'ac­cordent de tous poincts, comme à la vraye & certaine Verité de Dieu, fondée seulement sur la Parolle es­crite. [Page 5] Et pourtant nous abhorrons & detestons toute espece de religion & doctrine contraire, mais princi­pallement toute espece de papisme tant en general qu'en particulier, comme dés à present elle est dam­née & confutée par la Parolle de Dieu & les Eglises qui sont soubs no­stre protection.

Mais specialement nous detestons & refusons l'authorité de l'Ante­christ romain sur l'Escriture de Dieu, sur l'Eglise, le Magistrat Ciuil, & les Consciences des hommes, toutes ses Loix tyranniques faites sur choses indifferentes, contre la liberté Chre­stienne, sa doctrine eronnée con­tre la suffisance de la Parolle escrite, la perfection de la Loy, l'office de Christ & son Sainct Euangile, sa doctrine corrompuë concernant le peché originel, nostre naturelle im­puissance & rebellion à la Loy de Dieu, ses blasphemes contre nostre iustification par la Foy seule, nostre imparfaicte satisfaction & obeissan­ce [Page 6] à la Loy, la nature, nombre & vsage des Saincts Sacrements, nous detestons ces cinq bastards Sacre­ments, auec toutes ses ceremonies accoustumées & fausse doctrine ad­ioustée à l'administration des vrais Sacrements sans la Parolle de Dieu, son iugement Cruel contre les en­fans decedans sans le Sacrement, la necessité absoluë du Baptesme, son opinion pleine de blasphemes tou­chant la Transsubstantiation ou pre­sence reelle du corps de Christ au Sacrement & à la reception d'iceluy par les meschans, sa dispensation des voeux solemnels, pariurements & de­grez de Mariage deffendus en la pa­rolle, sa cruaute enuers les innocens diuorsez.

Nous abhorrons sa Messe diabo­lique, sa Prebstrise pleine de blasphe­mes, ses profanes sacrifices pour les morts & pour les viuans, sa canoni­sation de tant d'hommes que fem­mes, l'Inuocation des Anges & Saincts deceddez, l'Adoration des [Page 7] Images, Reliques & Croix, Dedica­tion de Temples, Autels, Iours, voeux aux creatures, son Purgatoire, Prier pour les morts, la Priere en langage incogneu, sa Procession & Letanie detestable, sa multitude d'Aduocats & Mediateurs, auec sa multitude d'Ordres, sa Confession oriculaire, sa Repentance desesperée & incertaine, sa Foy generale & douteuse, sa Satis­faction des hommes pour leurs pe­chez, sa Iustification par les oeuures, Hic opus operatum, oeuures de Supere­rogation, Merites & Pardons, Pere­grinations & Stations.

Nous detestons son Eauë beniste profane, Baptisation de Cloches, Coniurements d'Esprits, Chima­grées, Signes de Croix, Oignemens, Coniurements, sa Canonisation des Creatures de Dieu auec l'opinion superstitieuse qui y est adioustée, sa Monarchie temporelle, sa maudite Hierarchie, ses trois Voeux solemnels auec ses Couronnes & Raisements de toutes sortes, ses sanglāts & eron­nez [Page 8] Decrets faicts au Concile de Trente, auec to us ceux qui ont soubs signe & approuué ceste bande cruel­le & sanglante coniurée contre l'E­glise de Dieu: & finalement nous de­testons toutes ses vaines Allego [...]ies, Ceremonies, Signes & Traditions, qu'il a fait glisser en l'Eglise, sans ou contre la Parolle de Dieu & doctrine de l'Eglise Reformée.

A laquelle nous nous ioignons vo­lontairement en doctrine foy reli­gion, discipline, & vsage des saincts Sacrements, comme vrays membres d'icelle auec Christ nostre Chef. Pro­mertant & iurant par le grand Nom de nostre Seigneur, que nous conti­nuerons en l'obeissance de la doctri­ne & discipline de ceste Eglise, & la deffendrons selon nostre vaccation & puissance tous les iours de nos vies soubs les peines cōtenuës en la Loi, & danger tant du corps que de l'A­me au grand iour du Iugement.

Et d'autant que plusieurs estans poussez par Satan & l'Antechrist [Page 9] romain, de promettre iurer & signer, & pour quelque temps vser des saincts Sacrements en l'Eglise frau­duleusement & contre leurs con­sciences: esperant par ce moyen pre­meirement soubs vn pretexte estran­ge de religion, corrompre & subuer­tir secrettement la vraye Religion de Dieu en l'Eglise, pour puis apres quand ils auroyent temps à propos deuenir ennemis ouuerts & persecu­teurs d'icelle, soubs la vaine esperan­ce de la dispensation du Pape, inuen­tée contre la Parolle de Dieu, à sa grande confusion & à leur double condamnation au iour de nostre Sei­gneur Iesus.

Nous doncques desireux d'oster tout soupçon & hypocrisie, & toutes telles fuites deuant Dieu & son Egli­se; Protestons & appellons le Crea­teur de tous coeurs à tesmoing que nos coeurs & volontez accordent vnanimement à ceste nostre Confes­sion, Promesse, Voeu & Signature: de sorte que nous n'y sommes point [Page 10] poussez pour aucun respect mondain mais sommes seulement persuadez en nos consçiences par la cognois­sance & amour de la vraye Religion de Dieu, imprimée en nos coeurs par le Sainct Esprit; ainsi que nous auons à luy respondre au Iour que tous les secrets des coeurs luy seront ouuerts.

Et d'autant que nous voyons que le repos & stabilité de nostre Reli­gion & Eglise dépend de la seureté & bon gouuernement de la Majesté du Roy, comme d'vn instrument confortable de la faueur de Dieu octroyée à ce pays pour le maintien de son Eglise en l'administration de Iustice parmi nous: nous protestons & promettons de tous nos coeurs, que nous deffendrons & maintien­drons sa personne & authorité, auec le gage de nos corps, biens & moiens en la defence de l'Euangile de Christ, liberté de nostre pays, administra­tion de Iustice & punissement des meschans, contre tous ennemis tant dedans que dehors ce Royaume. [Page 11] Et ainsi que nous prions nostre Dieu nous estre puissant & misericordie ux deffenseur au iour de nostre mort & aduenement de nostre Seigneur Ie­sus Christ, auquel auec le Pere & le Sainct Esprit soit honneur & gloire eternelle, Amen.