MUSICA.
TAnge
lyram, tremulas arguto pectine chordas
Pulsa, deser
[...]isque tuae Permessidos undis,
Phoebe Pater, gelidis Cami succede fluentis:
Diva coronabit solennem Musica pompam.
Ponite, Pierides, tacitae solitaria Sylvae
Otia, & argutae jam tandem assuescite turbae,
Carmina Thymbraeo dicturae digna Chorago:
Diva coronabit solennem Musica pompam.
Tuque potens nemorum, cui dispare surgit avenâ
F
[...]stula dul
[...]isono comes addictissima plectro,
Pan,
[...]ades, & sacrâ cantum modulare cicutâ:
Diva coronabit solennem Musica pompam.
Pendeat ex humeris eadem tibi
barbitos Orpheu,
Quae modò Threicias traxit dulcedine rupes,
Et mutata suos distorsit flumina cursus.
Diva coronabit solennem Musica pompam.
Sume
Chelyn, foelix Thebanae conditor urbis
Et nova percussis surgant tibi moenia nervis:
Tuque incantati pignus Delphinis, Arion,
A
[...]t simili
Citharam aut meliori pollice plaude:
Diva coronabit solennem Musica pompam.
Turba veni, plusquàm harmonicis turba aemula cygnis,
Docta soni variare modos, & voce canorâ
Nunc
Succrotillae sublimem ascendere scalam,
Nunc facilem rauco
Basso mutare
tenorem,
Turba veni & resonas imple concentibus auras:
Diva coronabit solennem Musica pompam.
Tuque ô
Pneumaticae sambucae docta Magistra,
Pernicem per fila move trepidantia dex tram,
Caecilia, & superas aequa modulamine sphaeras:
Diva coronabit solennem Musica pompam.
Impletur mensura Chori. Date vela secundis
Auris unanimes, similésque accendite cantus,
Dum
tuba commissos medio canit aggere ludos,
Altáque rostra tenet, PURCELLO indoctior uno
Cantor TURNERUS, cui Musica dextera suaves
Designat modulos, atque index
virga canoros
Ad numeros sursum nunc, mox librata deorsum,
Alternat melos, & phthongos nunc suadet
acutos,
Nunc mutata
graves operoso verbere pulsat;
Incipite unanimes, similésque accendite cantus:
Diva coronabit solennem Musica pompam.
O quot habes Veneres? quam blandas auribus ornas
Nostris insidias? quam gratâ, Musica, fraude
Captivas animos captivatósque moraris?
Seu mollem sectaris Hylan, seu torrida Nessi
Gestas ornamenta, gravis sub pondere molis
Deficis & nimio indulges, Alcide, dolori;
Tu modò sume chelyn, Line, conticuere querelae,
Et solitas animi vires novus induit Heros.
Ambis infoelix duram, Polypheme, puellam,
Et lachrymas Galatea tuas & praemia spernit,
Usque tamen miserum cantus solatur amorem,
Mordac
[...]sque tibi solvit tua fistula curas.
Dum canis ad Citharam spoliatae incendia Trojae,
Phemie, & errantes aliena per aequora Graecas,
Extorques memori sponsae palantis Ulyssis
Assiduas lachrymas deside
[...]úmque mariti,
Qui mox in simili paries oblivia chorda.
O quanta es, quae saxa moves, sylvásque sequaces
Ducis & horrendi fauces expandis Ave ni
Solo commendanda tuo Dea Musica cantu!
Almae festivus custos & gloria
Grantae,
Cui strinxit nodosa pedes hesterna podagra,
Advolat huc sanúsque tuâ reditu
[...]us ab arâ est.
Lauta haec foemineae gentis spectanda corona
(Quam non tàm vitae, non torquet cura pudoris,
Quàm formae jactura) malae contagia pestis,
Quae metuebat herì mediam grassata per urbem,
Spernit & irridet; solisque intenta Choristis
Musica sola sapit, jucundoque oscitat ore,
‘Nescio quis Deus incantans mihi fascinat aures’.
Claudite (jam satis est) concinnos claudite cantus,
Diva coronavit Solennem Musica pompam.
Jul. 7. In die Comit. Resp. Guliel. Turner pro Gradu Doct. in Musica.