‘ Vana Salus hominis.’

PIETATI SACRUM.

H. S. E. Quod mortale fuit I. N. R. I. Praestolans Epiphaniam, depositum HENRICI Baronis HASTINGS Com. Venantoduni Haeredis designati, Sobole antiquissimâ & vere Regiâ prognati.

Quippe cujus Praenobile fluentum per Hungerfordios & Piperellios à Ludovici VI Francorum Regis origine devolvit.

Per Polos Masculo rivo è Venedotiae principe desilit; Foemineo ductu è Clarentio, è Lineâ Plantagenistarum, Ebullienti Nevillorum Scaturigine è Bello-campo promanat, Qui è Mortuo-mari prosilit, Bello-campi per dispensatores ab Henrieo primo Angliae Per Nevillos Monte-acuto impetu ex Edv. 1. Regio; Noviss. per Stanlaeos luculenter prolabitur ab Hen. VII. sinu, Terreni Sanguinis factus exhaeres, Coelestem crevit haereditatem.

CLARITATEM SANGUINIS INGENII DOTIBUS SUPERAVIT.

H. I. Trilinguis Sacer, nec non Gallici & Vernaculi idiomatis ornamentum.

Par decus artium.

Historiarum indagator Sagacissimus.

Omnifariae eruditionis Academia, magnum Numen.

SED VICIT INGENIUM MORUM ET PROBITATIS CANDOR.

ECCE, Suavitatis Suada, Cor Gratiarum, Sedes Amorum; Votum & deliciae populi dudum; Nunc desiderium; Divini amoris flamma: Denuò Astrum.

Filius obsequens, Dominus benignus, impubes Ethicus Senex; Unicum familiae columen; Pridiè Sponsalium (proh Hymenaee) Funere luit immaturo.

AT, at Sanguine Christi longè maxumè Nobilior, Sacrarum Literarum studio consultior, Trini-unius cultu Sanctior, cluens, Raptus in patriam obiit.

Divi defuncti manibus ingens hoc doloris Amphitheatrum tota Gens Britonum L. M. Q. Posuit.

Gloria Dei est celare verbum. Prov.

Denatus A. D. MDCXLIX.IX Kal. Julii. [...]

PHIL. KINDE [...].

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.