QUUM ex rationali, & ad san­ctiores Artis Apollineae leges ac­curatissimè instituto Stochasmo, nobis planè plenèque compertum sit, Nobilissimum Virum contumacioribus vis­cerum [Page 2]Nutricatui officialium, maxi­mè verò Mesenterii ac Lienis obstru­ctionibus impense obnoxium esse; eòque forsan nomine, Affectione Hy­pochondriaca subinde molestatum fu­isse, annis aliquot retrò abhinc elapsis, & non ita pridem graviori etiam Febre Tertiana; quumque omnimoda affe­ctum horum eradicatio potissimùm spe­rari debeat ab usu eorum remediorum, quae obstructis ac Hypochondriacis certis­simam spondent medelam: Eapropter, Eum humillimè duximus monendum, adhortandumque, ut, quamprimùm Patriae felicitèr redditus fuerit, insequen­tia Medicamenta, tempore, modo, ac ordine praescriptis, alacritèr usurpando, saluti suae prospiciat; impraesentiarum quidem (quod lugendum) vix satis con­stanti, ast omnibus melioris Genii homi­nibus haud immeritò charissimae.

Exordium, igitur, commodissimè sumatur â benigniori primarum via­rum [Page 3]ablutione: cui scopo adprimè satis­faciet hujusmodi Apozema solutivum.

℞

• Decoct. Sennae & Tamarindorum, in a­qua Hordeacea facti, ℥ iij. ss.
• Aceti Sambucini recentioris, ʒ vj.
• Rhabarbari optimi, minutìm incisi, ʒ j. ss.
• Agarici albissimi, pariter in frustula secti, ʒ j.
• Seminum Foeniculi dulcis, & Carui con­tusorum, ana ℈ ss.
• Florum Macis amplior. Gr. vj.

Maceratione per 3. horulas, ad lentio­rem cinerum calorem, factâ, transcola­tòque liquore, denuò admisceantur.

• Syruporum Cichorei cum Rheo, & Ro­sarum solutivi, ana ʒ vj.
• Tartari Vitriolati, Gr. vij.

Ut fiat Potio, mane mox post solis exortum sumenda, cum regimine pur­gativo.

Impuritatibus è prima corporis regi­one, [Page 4]viscerumque confiniis, hoc pacto, cum Euphoria, exterminatis; postera luce celebranda veniet Phlebotomia: quae dextrè administrari possit in magis con­spicua vena cubiti dextri; unde effluere permittantur sanguinis ℥ vij, aut circiter. Hoc autem Illustriss. Marchioni seriò per­suadere nobis visum est, duplicem qui­dem ob considerationem: nimirum, ut per detractionem istam moderatam aliquantulùm imminuto sanguinis ple­onasmo, quicquid in vasis superest, liberiùs expeditiúsque per universum corpus suos peragat circuitus; utque tempestivè exonerentur viscerum pe­netralia, plenioribus ejusdem Laticis purpurei rivulis infarcta, & aliquate­nus distenta. Experientia quippe mul­tiplici sumus edocti, prudentèr insti­tutam venae sectionem, quicquid in Arterioso venosòque genere redundat, deplere; distentum relaxare; inflam­mationi pronum contemperare; deni­que tum carnes, tum vasula [...] red­dere.

[Page 5] Proximum locum sibi ex ordine vendicant Deobstruentia mitiora; talia tamen, quae crassos, viscidos, salinos, faecumque vini aemulos succos, in an­gustioribus Mesenterii meandris coa­cervatos, attenuando, incidendo, exa­gitando, sensìm submoveant, praepa­rentque ad commodiorem suo tempo­re deturbationem. Quocirca, sangui­nis missionem citò excipiat usus Apo­zematis hujus deoppilativi.

℞

• Radicum quinque Aperitivarum, ana ℥ ij.
• Osmundi regalis siccat. ℥ j. ss.
• A­sari ℥ ss.
• Corticum radicum Capparum, & Ta­marisci, ana ʒ vj.
• Folior. Agrimoniae, Ceterach, ITEMinguae Cervinae, ana, M. j.
• Flor. Sambuci, Cichorei, Genistae, ana M. ss.
• Uvarum Corinthiacarum, à sordibus re­purgatarum, ℥ ij.
• Seminum Endiviae, & Aquilegiae, ana ʒ ij.
• Tartari ad Albedinem niveam loti, ℥ j.

[Page 6] Incisa & contusa leniter coquantur, ad B. M. calorem, per horam u­nam & alteram, in partibus ae­qualibus vini albi Oligophori, & Aquae Fluvialis, ut post decocti­onem saturatam remaneant Liquo­ris Librae tres. Quibus exquisitè colatis, & clarificatis tandem af­fundantur

• Syrupi è succo Fumariae, ℥ vj.
• Spirit. Vitrioli, saepiùs rectificat, ℈ ij.

Ut conficiatur Apozema, de quo, mane, & appetente jam vesperâ, exhibeantur ℥ v. continuò per tri­duum; abstinendo interim ab Epulis vespertinis.

Huic autem proximè succedat levior Catharsis, ex hujusmodi Catapotiis.

℞

• Pilular. Hierae cum Agarico, ℈j. ss.
• Resinae Zalapii, Gr. viij.
• [Page 7] Elixir. proprietatis Paracelsi Guttulas quot sufficiant.

E commixtis formentur Pilulae quin­que, auro obryzo foliato hone­standae, primàque luce, in pulpa pomi Buxtorfiani assari, degluti­endae: superhauriendo serum lactis vaccini, succo Aurantii acidioris sequestratum, atque ad jucundita­tem saporis saccharatum; idque toties quoties ventrem laxaverint.

Postridie hujus purgationis secundae, peropportunum erit ad Ecphractica ge­nerosiora progredi. Quorum è censu, caeteris omnibus palmam dudum jam praeripuisse perhibentur è Chalybe com­posita: non, mehercule, (ut rem, quam [...], mul­ti mirantur, pauci verò intelligunt, obiter heic subinnuere liceat) respectu Sulphuris illius, quod Chalybi insitum, virtute quadam pollere creditur insig­nitèr [Page 8]incisoria, quemadmodum pre­cariò statuunt plerique è Practicis; sed multo verisimiliùs quòd mala Hypo­chondriaca ferè omnia à Fermenta­tionis vi proficisci videantur; eidem­que compescendae Chalybs summope­rè conducat. Quippe si Aceto etiam acerrimo (cui serosa Melancholicorum colluvies certè haud multum absimi­lis existit) limaturam ejus, per no­ctis spatium, indiderit quis; postri­die pro aceto aquam inveniet, omni acore spoliatam. Caeterum, utcunque se habeat haec res, praelonga, nec im­prospera sanè Experientia sancitum fa­temur, Chalybeata reserandis viscerum obstructionibus convenire eximiè: pro­indeque Nos viro Amplissimo authores esse nulli dubitamus, eorum usum in se admittere nec recuset, nec ultrà hic definitam [...] differat; eâ tamen lege, ut vitentur ea, quae supra mo­dum aut calefacere possint, aut exsic­care; & ut talibus consociantur, quae [Page 9]alvum quotidiè muneris sui com­monefaciant. Laudamus itaque Pi­lulas Martis, hujusmodi artificio con­fectas.

℞

• Massae Pilular. Hierae cum Agarico, ʒ j.
• Rhabarbari optimi pulverat, ℈ ij.
• ITEMimaturae Chalybis purissimae, in polli­nem subtilissimum redactae, ℈ j. ss.
• Extracti Centaurei minoris, ʒ j.
• Salis Absinthii, ℈ ss.
• Terebinthinae Cypriae, quantum satis sit, ut lentore ejus consistentiam induant pilularem caetera commista.

E massula hac formentur Pilulae mediocres, auro decorandae, & pondere ℈ ij. sumendae, singulis auroris, per dies viginti. Obser­vandum autem praeterea, ut post unamquamque dosin & superbi­batur serum lactis vaccini, in quo Flores Cichorei & Borra­ginis [Page 10]incocti fuerint; & ut mo­deratè exerceatur corpus, per horulam unam & alteram, vel (si ferant vires) ampliùs: ex utròque enim facultates Ecphra­cticῶn haud parùm promovebun­tur.

Porro dum haec peraguntur, sum­mè proficuum fore arbitramur, si Illustriss. Marchio se in Balneum Aquae dulcis, bis tervè in septimana, ad humeros usque (si modo id ferre valeat, sin minùs semicupium subro­gari poterit) immergeret. Quando­quidem Galenus (8. de loc. affect. cap. 6.) refert, solis Balneis aquarum dulci­um se multos Melancholicos curasse, absque ullo alio medicamento. Nec sine sontica causa profectò. [...] quippe, sive redundantia Seri in Lie­nosis, quae proculdubio est [...], fons eorum, quae sunt in corpore, malorum, ut loquitur divi­nus [Page 11]Senex ( lib. de Flatibus 2. text. 19.) tam per inconspicua cutis spi­racula, quàm per Urinas evacuari exposcit.

Absoluto tandem, quicquid ad expe­diendos viscerum infarctus, humores­que vitiosos, [...], per loca lege Naturae commodiora, pedetentim educendos, videretur requisitum; nil aliud agendum restabit, speramus, quàm ut partium malè affectarum intempe­ries, & [...] successivè corrigantur: id quod haud difficulter praestabunt Corro­borantia. Quorum è sylva sequens se­ligeremus Electuarium, mense integro di­etìm usurpandum.

℞

• Pulpae Passularum Corinthiacarum, vi­no Hispanico polygophoro decentèr extractae, & per setaceum trajectae, ℥ iiij.
• Conserv. Florum Borraginis & Buglossae, ana ℥ ij.
• [Page 12] Confect. Alchermes, ℥ j.
• Pulver. è chelis Cancror. marium sim­plicis, & Laetitiae Galeni, ana ʒ ij.
• Rasurae Cornu Cervini, & Eboris pul­verat, ana ʒ j. ss.
• Margaritarum praeparat. ʒ j.
• Syrupor. è Corticibus Citriorum, & è Coralliis simplic. ana quantum suffi­ciat.

Ut fiat Conditum; cujus, mane, & sub vesperam, detur Duella: super­hausto Cyatho duplici Vini Rhe­nani Bacharacensis, floribus Cichorei, Borraginis & Buglossae impraegna­ti, nec non succi Aurantii pauxillo aculeati.

Diaetae regimen quod attinet, non est, profectò, cur super eo admodum solliciti essemus, aut curiosi. Nam Magnificentiss. Heros tam strictè so­brius est, atque abstemius; ut minimè metuendum, Ipsum gulae indulgendo va­letudini [Page 13]suae unquam incommodaturum: tam prudens, ut appetitui suo fraena inji­cere probè noverit; ab Hippocrate nostro dudum edoctus, quòd [...], habet unaquaeque esca, quo prosit, vel obsit.

Jam verò finem scriptiunculae huic impositurus, primùm me converto ad Te, Deus ter Opt. Max. animarum juxta ac corporum Archiater: divinam Misericordiam Tuam supplex accedo, rogoque, ut auxiliis omnibus ac singu­lis à me heic praescriptis adesse velit, & benedictione singulari adspirare, ne optato successu frustrentur.

Deinde me converto ad TE, Mar­chionum Nobilissime, qui oraculum es inclytissimi Senatus vestri, & totius Li­guriae spes. TIBI summas ago grati­as, quòd tenuitatem meam dignatus es in re maximi momenti, scilicet Sanitatis Tuae, consulere: Teque submissè rogo, [Page 14]etiam digneris in hoc Consilio, qua­lecunque sit, agnoscere voluntatem of­ficiosam, promptam, sinceram, quam­que habere me decet ad omne omnino Excellentiae Tuae obsequium. Vale, Vir Excellentissime, & ad Nestoreos us­que annos illibata sanitate perfruere. Ita toto animo vovet