NOS Domini spirituales & temporales, & communitates in hoc Parla­mento congregati, uniuersum Regni Angliae, omnium (que) eius statuū ac dominiorum corpus repraesentantes, nostro ipsorum nomine sigillatim, & uniuersi regni per hanc nostram supplicationem directam Maiestatibus ue­stris eas humillimè rogamus, ut Reuerendiss. in Christo patri D. Cardinali huc specialit à sanctissimo dn̄o nostro Iulio tertio Papa, & sede (Aplica) Apostolica Ro­mana misso, haec supplicatio nostra ꝑ Maiestates uestras porrigatur, ꝑ quā declaramus nos ipsos magnopere poenitere schismatis, & inobedientiae cō ­missae in hoc regno, & prędictis dominijs, contra dictam sedem (Aplicam) Apostolicam, tū in statuendo, tum in consentiendo, tum exequendo, qualescun (que) leges, ordinationes, & decreta contra eius sedis primariā authoritatē, aut aliter facto, aut uerbo eius impugnandę causa, testātes & promittentes per hanc nostrā supplicationem, in testimonium & declarationem huius nostrę poenitentię, nos paratos esse & fore, ex authoritate Maiestatum uestrarum facere quic­quid poterimus, ut illae leges, & decreta, & ordinationes in praesenti Parla­mento rescindantur, & abrogentur, tum nostro ipsorum nomine [...]um totius corporis quod repraesentamus, in quo humillimè supplicamus Maiestati­bus uestris, ut impollutis, & maculae omnis expertibus, quod ad offensionē attinet factā, dictae sedi ab hoc corpore, quibus tamē diuina prouidētia nos subiecit, orantes eas ut suffragari uelint huic nostrae humili supplicationi, ut à sede Apostolica per dictū Reuerendiss. Dominum Legatum, et nos sin­guli, & uniuersum Regnum obtineamus absolutionē, relaxationē, & libera­tionem, ab omnibus censuris & sententijs in quas ex legibus Ecclesiasticis incidimus, & ut filij poenitentes recipiamur in sinū, & unitatem Ecclesiae Christi, ut hoc nobile Regnū unà cum suis omnibus membris possit in hac unitate & perfecta obedientia sedis Apostolicae & Romanorū pro tempore Pontificum seruire Deo, et Maiestatibus uestris, ad incrementū diuini honoris & Gloriae & c̄.

Postridiè, in festo S. Andreae Apostoli, omnes status prędicti lubentissimis animis, at (que) summa deuotione, & cōtritione, Absolutionem & benedictio­nem Apostolicam à Reuerendissimo Cardinale Polo Legato receperunt, Et Sacrosanctę Romanae Ecclesiae obedientiae restituti sunt, adiuuante Sal­uatore nostro Iesu Christo, cui laus, honor, & gloria. Amen.