[Page] Barnabae ITINERARIVM, MIRTILI & FAVSTVLI nominibus insignitum: Viatoris Solatio Nuperrimè editum, aptissimis numeris redactum, Veterique Tono BARNABAE, publicè decantatum.
Efficit egregios nobilis alla viros.
Ad Viatorem.
Oppida dum peragras, peragrando poemata spectes, Spectando titubes, Barnabe nomen habes.
Itineris Borealis Pars I.
MIRTIL.
O Faustule tende palmam,
Accipe calicē vitibꝰ almā;
Tune vinctus es dolore?
Vuae tinctus sis colore.
Sperne opes, sperne dapes,
Merge curas, recte sapis.
O
Faustule, dic amico
Quo in loco, quo in vico,
Siue campo, siue tecto,
Sine linteo, sine lecto,
Propinasti, queis tabernis,
An in terris, an Auernis?
FAVSTVL.
[Page]
O Mirtile, baculum fixi
Mille locis vbi vixi,
In Pistrinis, in Popinis,
In Coquinis, in Culinis,
Huc & illuc, istic, ibi,
Hausi potus, plus quam cibi.
In Progressu Boreali,
Vt processi ab Australi,
Veni
Banbery, O prophanum!
Vbi vidi Puritanum,
Felem facientem furem,
Quia Sabbatho strauit murem,
Veni
Brackley, vbi natus
Stirpe vili Magistratus,
Quem conspexi residentem,
Stramine tectum contegentem,
Et me vocans, Malè agis,
‘Bibe minus, ede magis.’
Veni
Daintre cum puella,
Procerum celebre duello,
Ibi bibi in Caupona,
Notamuliere bona,
Cum qua vixi semper idem,
Donec
creta fregit fidem.
Veni
Leister ad
campanam,
Vbi mentem laesi sanam;
Prima nocte mille modis
Flagellarunt me Custodes,
Pelle sparsi sunt liuores
Meos castigare mores.
Veni
Gottam, vbi multos
Si non omnes vidi stultos,
Nam scrutando reperi vnam
Salientem contra Lunam,
Alteram nitidam puellam
Offerentem porco sellam.
Veni
Nottingam, tyrones
Sherwoodenses sunt latrones,
Instar
Robin Hood & serui
Scarlet, &
Iohannis parui;
Passim, sparsim peculantur,
Cellis, syluis depraedantur.
Veni
Mansfield, vbi nôram
Mulierculam decoram,
Cum qua nudum feci pactum,
Dedi ictum, egi actum,
Sed pregnantem timens illam,
Spreui villam & ancillam.
Veni
Clowne, vbi vellem
Pro liquore dare pellem,
Ibi cerebro inani
Vidi coniugem Vulcani,
Quae me Hospitem tractat bene
Donec restat nil crumenae.
Veni
Rothram vsque
Taurum,
Et reliqui ibi aurum,
Diu steti, sed in pontem
Titubando fregi frontem,
Quo pudore pulsus, doctè
Clam putabam ire nocte.
[Page] Veni
Doncaster, vbi sitam
Vidi leuem &
Leuitam,
Quae vieta & vetusta,
Parum pulchra aut venusta,
Cupit tamen penetrari,
Pingi, pungi, osculari.
Veni
Aberford, vbi notum
Quod aciculis emunt potum,
Pauperes sunt & indigentes,
Multum tamen sitientes,
Parum habent, nec habentur
Vlla quae non tenet venter.
Veni
Wetherbe, vbi visam
Clari Ducis meretricem,
Amplexurus, porta strepit,
Et strependo
Dux me cepit;
Vt me cepit, aurem vellit,
Et praecipitem for is pellit.
Hinc diuerso cursu, serò
Quod audissem de
Pindero
Wakefeeldensi, gloria mundi,
Vbi socij sunt iucundi,
Mecum statui peragrare
Georgij fustem visitare.
Veni
Wakefeeld peramoenum,
Vbi quaerens
Georgium Grenum,
Non inueni, sed in lignum
Fixum reperi
Georgij signum,
Vbi allam bibi feram,
Donec
Georgio fortior eram.
Veni
Bradford, cessiforis
In
Familiam Amoris,
Amant istae & amantur,
Crescunt & multiplicantur,
Spiritus instructiarmis,
Nocte colunt opera carnis.
Veni
Kighley, vbi montes
Minitantes, viui fontes,
Ardui colles, aridae valles,
Laeti tamen sunt sodales,
Festiuantes & iucundi,
Acsi Domini essent Mundi.
Veni
Giggleswick; parum frugis
Proferttellus clausaiugis;
Ibi vena prope viae
Fluit, refluit, nocte, die,
Neque norunt vnde vena,
An à sale vel arena.
Veni
Clapham, vnus horum
Qui acciuit voce forum,
Prima hora vt me visit,
Mihi Halicem promisit;
Halicem mihi, calicem ei,
Pignus in amoris mei.
Veni
Ingleton, vbi degi
Donec fabri caput fregi,
Quo peracto, in me ruunt
Mulieres, saxa pluunt,
Queis perculsus, timens laedi,
His posteriora dedi.
Veni
Lonesdale, vbi cernam
Aulam factam in Tabernam;
Nitidae portae, niuei muri,
Cyathi pleni, paucae curae;
Edunt, bibunt, ludunt, rident,
Cura dignum nihil vident.
Veni
Cowbrow, vaccae collem,
Vbi hospitem tetigi mollem,
Pingui ventre, laeto vultu,
Tremulo cursu, trepido cultu,
Vti bibula titubat vates,
Donec cecidit supra nates.
Veni
Natland, eò ventus,
Eboraci qui contemptus
Colligit, hospitium dedit,
Mecum bibit, mecum edit,
Semipotus, sicut vsi,
Circa
Maypole, plebe lusi.
Veni
Kirkland, veni
Kendall,
Omnia hause, vulgò
Spendall,
Nocte, die, peramicè
Bibi potum mistum pice.
‘Tege caput, tende manum,’
‘Manu caput fit insanum.’
His relictis,
Staueley vidi,
Vbitota nocte bibi,
Semper lepidus, semper laetus,
Inter hilares vixi coetus,
Queis iurando sum mansurus,
Donec
Barnabe rediturus,
In Bacci thyrsum & Barnab. nasum EPIGRAMMA, aliàs Nasutum Dilemma.
Haedera laeta bono non est suspensa falerno,
Thyrsus enim
Bacci, Barnabe nasus erit.
Nonopus est thyrso, nō fronde virente cupressi,
Si non thyrsus erit,
Barnabe nasus olet.
Itineris Borealis Pars II.
MYRTIL.
FAustè
(Faustule) redijsti,
Narra (precor) quò venisti,
Villas, vicos visitasti,
Coetus, situs peragrasti,
Certè scis ab Aquilone
Multum mali, parum boni.
FAVSTVL.
[Page]
IL le ago sum qui quondam,
Crines, mores, vestes nondum
Sunt mutatae, nam recessi
Calceamentis queis discessi,
Neque pectine vsus fui,
Sic me
meis iuuat frui.
Sed arrectis auribus audi,
Quid dilexi, quicquid odi,
Pontes, fontes, montes, valles,
Caulas, cellas, colles, calles,
Vias, villas, vicos, vices,
Castas, cautas meretrices.
Dicam (quod mirandum) verum,
Non pauperior sum quàm eram,
Vno nec quadrante ditior,
Lautior, laetior, nec foelicior,
Mollior, melior, potior, peior,
Minùs sanus, magis aeger.
Ego enim mundum totum
Tanti esse quanti potum
Semper duxi: mori mallem
Nobilem quàm vitare allam:
‘Sobrius similis apparet agno,’
‘Ebrius
Alexandro Magno.’
Leuiore nam maeandro
Capite capto, sum
Lysandro
Multò fortior, & illaesum
Puto me capturum
RHESVM;
Sed ne tihi grauior essem,
Nunc descendam ad progressum.
Primò occurrit peragranti
Oppidum
Iohannis Ganti,
Sedes nota & vetusta,
Mendicantibus onusta,
Ianitorem habens qualem
Mundus vix ostendet ialem.
Veni
Ashton, vbi vinum,
Militem, & Heroinam,
Clarum, charum, & formosam,
Damam, Domum speciosam
Vidi, mersi mero musam,
Donec pes amisit vsum.
Veni
Garestang, vbi malè
Intrans forum Bestiale,
Fortè vacillando vico
Huc & illuc cum amico,
In Iuuencae dorsum rui,
Cuius cornu laesus fui.
Veni
Preston, ductus eram
Ad bacchantem
Banisterum,
Ac si vna stirpe nati,
Fratres fuimus iurati;
Septem dies ibi mansi,
Multum bibi, nunquam pransi.
Veni
Euxston, vbi hospes
Succi plena, corpore sospes,
Crine sparso, vultu blando,
At halitu (proh) nefando,
Qua relicta cum ancillis,
Me ad lectum duxit
Phillis.
Veni
Wiggin prope coenam,
Ad hospitulam obscoenam;
Votis meis fit secunda,
Ebria fuit & iocunda;
Sparsit
anus intellectum,
Merelicto minxit lectum.
Veni
Newton in Salictis,
Vbi ludens chartis pictis
Cum puella speciosa,
Cuius nomen erat
ROSA,
Centi-pede prouocaui
Ad amandum quam amaui.
Veni
Warrington, profluentes
Riuos ripas transeuntes
Spectans, multo satius ratus
Mergi terris quàm in aquis,
Vixi lautè, bibilaetè,
Donec aquas signant metae.
Veni
Budworth vs
(que)
Gallum,
Vbi bibi fortem allam,
Sed ebrietate captus,
Ire lectum sum coactus;
Mihi mirus affuit status,
A duobus sum portatus.
Sed amore captus grandi
Visitandi
Thomam Gandi,
Holmi petij
Sacellum,
Vbi coniugem & puellam
Vidi pulchras, licet serò
Has neglexi, mersus mero.
Hinc ad
Tauka Hill peruentum,
Collem valde lutulentum,
Faber mihibene notus
Mecum bibit donec potus,
Quorelicto,
CYTHERA sponte
Cornua fixit
LEMNIA fronte.
Nouo-Castro subter Linum,
Mulsum propinaui vinum;
Nullus ibi fit scelestus,
Vox clamantis in Suggestis;
Portas castitatis frangunt,
Quas extincta luce tangunt.
Veni
Stone ad
Campanam,
Vidi
Deliam non
Dianam;
Hic suspectam habens vitam
Pastor gregis, Iesuitam
Me censebat, sed incertas
Nil inuenit praeter chartas.
Haywood properans malignum,
Nocte praeparat aprugnam
Mihi Hospes; sed quid restat?
Calices haurire praestat:
Nullum Baccho gratius libum,
Quàm mutare potu cibum.
Veni
Ridgelay, vbi Faber,
Cui liquor Summus labor,
Mecum bibit; Nocte data
Mihi matula perforata,
Vasis crimine detecto,
Fit oceanus in lecto.
Veni
Bruarton, CLAVDI. domun
Vbi querulum audiens sonum,
Coniugem virum verberantem,
Et vicinum equitantem,
Quo peracto frontem limi
Spuma byne instar vini.
Inde
Lichfield properabam,
Vbi quendam inuitabam
Perobscoenum opibus plenum,
Ad sumendum mecum coenam;
Hausto vino, acta coena,
Soluit Diuitis crumena.
Veni
Colesyll, ad macellum,
Vbi in ceruisiam cellam
Fortè ruens, cella sordet,
Vxor mulcet, vrsa mordet;
Sed vt Lanius fecit focum
Lectum, dereliqui locum.
Veni
Meredin, Meri-die,
Vbi longae fessus viae,
Hospitem in genu cepi,
Et vlteriùs furtìm repi;
Cum qua propinando mansi,
Donec sponsam sponsum sensi.
Veni
Couentre, vbi dicunt
Quod
caeruleum filum texunt,
Ego autem hoc ignoro,
Nullum enim empsi foro,
Nec discerni iuxta morem,
Lignum, lucem, nec colorem.
Veni
Dunchurch per latrones
Ad lurcones & lenones,
Nullum tamen timui horum,
Nec latronem, nec liquorem;
Etsi Diues metu satur,
Cantet vacuus viator.
Manè
Daintre vt venissem,
Corculum quod reliquissem,
Auidè quaerens per musaeum,
Desponsatam esse eam
Intellexi, qua audita,
Vale (dixi)
Proselyta.
Veni
Wedon, vbi varij
Omnis gentis Tabellarij
Conuenissent, donec mundus
Currit cerebro rotundus:
‘Soluite sodales laeti,’
‘Plus reliqui quàm accepi.’
Veni
Tosserer die Martis,
Vbi Baccalaureum artis
Bacchanalia celebrantem
Vt inueni tam constantem,
Feci me consortem festi
Tota nocte perhonesti.
Veni
Stratford, vbi
Grenum
Procis procam, Veneris venam,
Nulla tamen forma iugis,
* Verdor or is perit rugis;
Flos vt viret semelaret,
Forma spreta procis caret.
Tenens cursum & decorum
Brickhill, vbi
IVNIOREM
Veni, vidi, propter mentem
Vnum octo sapientum;
Sonat vox vt
Philomela,
Ardet nasus vt candela.
Hocklayhole vt accessissem,
Cellam Scyllam incidissem,
Antro similem Inferni,
Aut latibulo Lauernae;
Ibi diu propinando,
Saeuior eram quàm
Orlando.
Veni
Dunstable, vbi mures
Intus reptant, extus fures,
Sed vacandum omni metu
Furum temulento coetu,
Pars ingenij mansit nulla
Quam non tenuit ampulla.
Illinc stomaebo inani
Petij oppidum
Albani,
Vbi tanium fecit vinum,
Dirigentem ad
Londinum
Manum manu cepi mea,
Ac si socia esset ea
Vani
Barnet signo
Bursae,
Vbi conuenissent vrsi,
Propinquanti duo horum
Parùm studiosi morum,
Sublig acula dente petunt,
Quo posteriora foetent.
Veni
Highgate, quo prospexi
Vrbem perditè quam dilexi,
Hîc Tyronibus exosum
Hausi
cornu tortuosum,
Eius memorans salutem
Cuius caput fit cornutum.
Veni
Hollowell, pileum rubrum,
In cohortem muliebrem,
Me
Adonidem vocant omnes
Meretrices
Babylonis,
Tagunt, tingunt, molliunt, mulcent,
At egentem foris pulsant.
Veni
Islington ad
Leonem,
Vbi spectans Histrionem
Sociatum cum choraulis,
Dolis immiscentem sales,
Cytharae repsi in vaginam,
Quod praestigijs dedit finem.
Aegrè iam relicto rure,
Securem Aldermanni-Bury
Primò petij, qua exosa
Sentina,
Holburni Rosa
Me excepit, ordine tali
Appuli
Griphem Veteris Bayly.
Vbi experrectus lecto,
Tres Ciconias indiès specto,
Quò victurus, donec aestas
Rure curas tollet moestas;
Festus
FAVSTVLVS & festiuus,
Calice viuidus, corpore viuus.
Fgo etiam & Sodales
Nunc
Galerum Cardinalis
Visitantes, vi
Mineruae
Bibimus ad
Cornua Cerui,
Sed
Actaeon anxius horum,
Luce separat vxorem.
Sub Sigillo tubi fumantis & thyrsi flammantis, motu MVLCIBERI naso-flagrantis.
[...], Sine telis non typis.
Officina iuncta Baccho
Iuuenilem fert Tobacco,
VTI LIBET, tunc signata,
Quae impressio nunc mutata,
VTI FIET, nota certa
Qua delineatur charta.
In Errata.
INter
Accipitrem et
Buteonem,
Iuxta phrasem percommunem,
Spectans ista typis data,
Haec comperui
Errata;
Quaesi corrigas (Candide Lector)
Plena coronet pocula nectar.
Errata Part. II.
PAg 22. lin. 5. pro limi, lege lini. pag. 30. lin. 2. pro caeruleum, lege coeruleum. pag. 40. lin. 1. pro vani, lege veni.
Errando disco.