The first cōmand Thou sal haif na oder strenge godis

THis first cōmand leris al man and voman quhou thay sal haiff thay­me inuertlie in thair hart to god / that is quhat is requirit al time to trow and hop of hime / The quhilk is to traist suuerlie al time guid of hime as of thair maist tender fader and al thair best frend And lwiff hime with al thayr hart ouer al thing / And dreid hime of lwiff as the guid bairne dois his fader / And be dili­gent al time yat thay displeis hime noth in ony maner aganis his commandis / Natur leris vsz alsua yat thayr is bot [Page] ane god quhilk giffis to wsz alguid / and helpis wsz in our aduersite

The ii cōmand Thou sal notht tak the nayme of god inuane

This ii cōmand leris euerie man and voman quhow thay sal haiff thayme to god wtuertlie befor thair nichtburs in thair wordis / And alsua inuertlie in thair selff That is thay sal honour the nayme of god / ffor quhy na man cane mak god knawine befor men or to hime self efter his godlie natur / bot alanerlie be his halie nayme

The iii cōmand Thou sal keip thy halie Day

THis iii command leris euerie man and voman quhou thay sal haiff thayme wtuertlie in thair wark / That is in the seruice of god / Sua thir iii commandis leris al man and vo­man [Page] quhow thay sal haiff thayme to god inuertlie in thair hart and outuertlie in thair word / and wark

THe secund tabil of moyses con­tenit the oder vii commandis the quhilk leris al man and voman quhat thay suld dw / Or noth dw to thair nichtburs

The iiii cōmand Thou sal honur thy fader and moder

THis commād leris euerie man and voman quhow thay sal haiff thay­me to thair fader and moder and to thair frendis and elders / and powers and reulers for thay ar in godis sted Institut to minister Iustice / Quhairsor this command followis nixt effter the iii commandis pertenand to god / And standis befor the vi oder commandis

The v cōmand Thou sal noth sla

[Page]THis command leris al man and voman / Quhow thay sal haiff thayme to thair nichtburs / Quhow thay sal dw thayme na ewil bot help thayme efter thayr power in thair necessite

The vi cōmand Thou sal noth cōmit adultrie

THis command leris euerie man quhow thay sal haiff thayme to thair nichtburs as to thair wiffis douchters aud to oder kinnis vemen / And al sua quhow vemen sal haiff thayme to thair nichtburs husbādis sua that ane sal noth defoul na scheyme ane oder bot hald oder in honur

The vii cōmand Thou sal noth steil

[Page]THis command leris euerie man and voman quhou thay sal haiff thayme to thair nichtburs as pertenand to thair temporal gudis / That is thay sal notht hurt na skaith thaime bot defend and keip thayme efter thair power and help thaime quhair thay cane

The viii cōmand Thou sal notht beir fals vitnes aganis thy nichtbur

This command leris euerie man and voman quhow thay sal haif thay­me to thair nichtburs in thair hon­our and fayme / That thay sal notht hurt thayme in ony maner bot keip thayme efter al thair power

The ix cōmand Thou sal noht Desir thy nichtburs hws et etce
The x cōmand Thou sal noth desir thy nichtburs wiff madin seruand beist or ony thing quhilk pertenis to hime

THir ii last cōmādis letis wsz quhou euil the natur of man is / And quhou cleyne we suld be without al euil desir of guidis mony and riches / And of al oder thingis / Quhairfor ve suld fecht aganis our euil desiris for that suld be ane chrissine mannis dalie batel

Ane schort declaratione of the x cōmandis

OVr lord Ihesus Christ sais hime self / As sanct Matheu writis in his vii chaiptur / Quhat euer ȝe wald that mē dw to ȝou / Dw ȝe sicklick to thayme / This is al the law and the prophetis / [Page] Na man waldhaiff ewil off ane oder / Na man vald that ony oder tuyk fra hi­me his fayme or honour / Na man wald that ony oder displesit hime or did to hime ony thing quhilk is aganis ritht / Na man wald haiff hetrand of his nithtburs / Na man wald that ane oder defoulit his wif or his douthter / Na man wold that ane oder staw or reft or [...]wyk his guidis fra hime throw power or strin [...]ht Na man wald be begilit or bakbitine be ony oder Na man wald that ony oder sleu or stra­ik or hurt hime in ony maner / bot euerie man desiris lwiff and frendsthip help and suport of oders / and to find verite and faith with al man / This leris and te­chis al man the for said x commandis of God

Heir efter folouis quhou man sinnis aganis the first com­mand of god / the quhilk is Thou sal hayff na oder [Page] strenge godis

THay sine aganis this command / quhilk wsis wich craft / or spay craft / or takis consal at thayme quhilk wsis siclik / alsua thay yat wsis vritine letters trowand thairthrou to saiff thair liff in vater land or in batel or in ony oder neid alsua thay that wsis corsis christal / murtur / bukis / vordis and special naymis and reding and coniuracione to find hwid hurdis in theȝeird / and thay quhilk takis avay the frwtis of thair nichtburs beistis / Thay that rewlis thair liff and warkis efter special dais and taiknis of the hewine / and traistis efter as the astronomurs and spaymen makis and vritis and spekis thair of / thay that markis or chermis thair self or thair hws or thair bairnis or seruandis or beistis / or bindis herbis or writings or ony oder thing apone thayme to saif thayme fra wolff or ony oder parel thay yat witis the dewil or ony oder creatur of thair aduersite trowand yat thay haif ony firinth or [Page] power to hurt thayme without the wil of god / Thay quhilk takis noth ewil and guid pacientlie of god and thankkis noth hime thair of committand thay­me in al thingis to hime efter his godlie wil thay sine alsua aganis this cōmand that tempis god and giffis thair self wil­fullie to ony parel without ony necessite / and alsua thay quhilk ar pridful of thair wisdome or science or of ony oder spiritual gift / or of thair richtusnes or guid lif / thay that honours god alanerlie for tem­poral guidis and riches and forȝettis the saluation of thair saul / Thay quhilk tro­wis noth in god and pwtis noth al thair traist and hop in hime alanerlie / and tro­wis noth na he wirkis al the guid warkis in thayme / thay quhilk informis noth thair bairnis in the chrissine faith / and alsua oders quhair thay cane of the cōmādis of God ād of thair onfaithfulnes / alsua thay quhilk trowis noth richt or fallis in dis­peratione of the greit marcie and grace of God thay sine hewilie aganis this forsa­id [Page] first command

Quhou man sinnis aganis the secund cōmand of god the quhilk is Thou sal noth tak the nayme of god inuane

THay sine aganis this command that sweris lichtlie without necessite (and racionabil causz) be the nayme of god Alsua thay quhilk sweris be ane ewil wsz / And thay that sweris inuane ād thay that sweris ony fals aith or kepis notht thair faith and promis in al lesum thīgis / siclik thay yat sweris ād wowis yat thay sal dw ony ewil quhilk is aganis the cōmādis of God / thay that bānis with godis nayme sayand to ane oder god giff the ane ewil deid or god send ane vengence apone ye or ony siclik wordis / Thay that spekis vanlie and lowslie of God or his balie nayme / and makis thairof fablis and [Page] lowsz takine / or twrnis the halie writ to lichtlines and scorne for thair plesur / or to mak oders glaid and blith to heir thairoff / Thay yat callis notht apone the nayme of god in thair aduersite ād thank­kis hime noth thane als veil as in prosperite / thay that desiris lowine or vane gloir for thair science or visdōme or of ony oder giftis of god / thay yat callis falslie opone the nayme of god as dois the ypocritis and the pharesians quhilk haldis thaime self halie wtuertlie befor men / and thinkkis yat thay dw better na oders / and at hard with god for causz thay reid and prais mekil and dois mony wtuert fenȝeit warkis thay that honours noth the nayme of god for ony aduersite that hapnis to thaime / tha that corekkis noth oders quhilk takis the nayme of god inuane (giff thay cane (in oni maner thay that heris or seis or knawis yat ony abusis the nayme of god to vichchraft spayman chraft / or to ony oder siclik abusione and turnis thayme notht thairfra efter thair onderstā [...]ding [Page] / alsua thay that desiris wardlie gloir and to haiff ane greit lowine for thair richtusnes And halie lif thay sine aganis this forsaid secund cammand of god

Quhou man sinnis aganis the iii command the quhilk is Thou sal keip thy halie Day

THay sine aganis this command quhilk wil noth heir na na leir the word of god / or cōtēnis or lichtlis it or makis persecucione aganis it / thay that prais notht inuertlie to god ād seruis hime notht in the spreit / thay that trowis notht that al thair guid varkis cūis notht of god bot of thair selff thay quhilk wil notht suffer god to dāt ād rewl thayme be aduersite efter his halie wil bot murmuris and is inpacient thair of and wil notht thank and lowe hime als weil in aduersite [Page] as in prosperite as Did the halie man iob Thay that leris notht oders yat thay suld notht sine aganis this command

Quhou man sinnis aganis the iiii command of God quhilk is Thou sal honour thy fader and moder

THay sine aganis this command quhilk lichtlis thair fader and moder and thair pwir frendis for powerte orseiknes and wil notht help thayme with meit ād claith and oder neidful thingis (efter thair po­wer) in thair necessite / and specialie thay yat bānis or wil notht heir thaime na tho il of thaime thay that honours notht thayme with thair hart / ād haldis notht of thaime for causz god hes cōmādit / alsua thay that honours thayme notht supos thay dw to thaime onritht / thay quhilk honurs noth [Page] thair maisters and thaime quhilk hes po­wer of thaime onder god and ar notht fa­ithful and trew to thayme and wil notht obey to thaime efter the command of god quheder thay be ewil or gwid / Thay that wil notht help and leit oders to keip this command / and corekkis thayme notht na wil notht stand aganis thayme quhilk wil notht obey to this command alsua thay quhilk ar pridful and he aganis thair for elders techours and leirfaders thay si­ne aganis this forsad iiii command

Quhou man sinnis agane the v command of god the the quhilk is Thou sal notht sla

THay sine agane this cōmand quhilk beris ir and hetrand aganis thair nichtburs / and thay yat says racha to thair broder / that is ony lichtlie takine of ir quhilk men wsis to schaw in wtuert [Page] takine thair of without ony certane sing­nificatione / and alsua thay quhilk sais to thair broder wordis of ir the quhilk hes certane singnificatione as scheyme happi­ne the lowne hursone theiff or fwil or ony siclik manifest ewil wordis or bannis or bakbitis or leis apone ony man or vo­man / or Iugis or dwmis oders wrāgus­lie / Thay quhilk reuelis opinlie or quiit­lie thair nichtburs faltis to ony oders / and haldis thayme noth dune as thay wald oders did to thayme / and defendis noth thair fayme ād honour / quhair thay heir oders spek ewil of thayme / Thay that prais notht to God for thair mimis and dois noth guid to thayme for ewil quhen thay haiff necessite / In this com­mand ar contenit al the sinnis quhilk cūis of inuy and heitrand striff and dissentione as fechtine murthur siauchter iaud sediti [...]one et ce. Thay that ar displesit of thair nichtburs or innimis weil fair or ar blith of thair aduersite / Thay that dois noth [...] the dedis of marcie to thair nichtburs su [...]pos [Page] thay be thair mimis thay that causis discord sayand this man hes spokine ewil of thy honour and fayme / Thay that wil notht agre thayme quhilk ar mimis and stop striff pleis and crabitnes and dissentione quhair thay cane thay sine aganis this commad

Quhou man sinnis aga­nis the vi cōmand the quhilk is Thou sal noth cō ­mit adultrie

THay sine aganis this cōmand that defoulis marit wemen or madins / or cōmittis fornicatione with hwris or ony licht persons Thay that lysz wit thair kine and bluid in greis quhilk ar aganis the cōmand of God / Thay that wsis with ony persone / or in ony maner the sine aganis natur the quhilk is callit ane of thayme quhilk criis to the heuine / thay that prouokis ony [Page] ewil desir concupiscence of lichore in thair selff or in oders with sangis or wordis or foul takine or with ymagis or payntre or with ony siclik thingis thay that seis an [...] woman with inuert desir of the hart / thay that handlis thayme selff or oders onho­nestlie quhairthrow thay fil thair selff or thinkkis lichorus thochttis / thay that fleis noth al occasione of lichore as inor­dinat eiting and drinkkine and lang slepine and dilicious meitis and drinkkis and familiarite with wemen / thay that payntis thair body with precious clais or siluer or gold precious stenis or gold rin­gis or wsis ony oder vntment to prowok oders thairwith / thay that consalis o­ders with word or deid or cōpellis thay­me to dw sic sine thay that helpis noth o­ders to keip thair chaistite and honest liff baith with consal and deid thay sine aga­nis this cōmand

Quhou man sinnis aganis the vii cōmand of god the [Page] quhilk is Thou sal noth steil

THay sine aganis this cōmand that cōmittis thift or okker or reffis fra oders throw power and strimht / thay that wsis fals wechttis or mesours thay that sellis ald and ewil guidis for new and thair throw dissauis oders falslie Thay that haldis wrangus guidis of thair nichtburs or takis wp wrangus rentis Thay that haldis thair seruandis feis fra thayme thay that denisz thair det­tis and wil noth pay thair crediturs / thay that wil noth help thair nichtburs in thair necessite ād wil notht len to thayme in thair mister without okker mony or seruice or raward Thay that sellis ony thing to ane oder that thay ma thairfor haiff mair na it wesz worth for redy mony quhen thay sald it thay sine heuilie aganis this com­mand in thair corruppit mind for our sal­uiour sais in the vi chaiptur of S. Luc. [Page] len ȝour layne traistand na thing thairfor The rich men of this vardel curis this litel bot the time sal cū quhen thay sal giff scherp count thairfor ād thair sal na excusacione help thayme al thay that ar giffi­ne to auarice or fechtis for greit rēt thair throw to be rich and nuchty And thay that begilis strengers or ony oders in guidis or mony by falset Thay that stoppis nocht thair nichtburs skaith quhair thay cane or warnis noth thaime thair of befor giff thay knaw it and thay ma / Thay that stoppis thayme of thair propfeit in ony maner / Thay that beris hetrand yat thay wine thair lewine or cūis to riches thay sine aganis this cōmand

Quhou man sinnis aga­nis the viii command the quhilk is Thou sal nothbeir fals witnes aganis thy nichtbur

[Page]THay that hwidis the verite in Iu­giment or in ony oder place quhair it suld be schauine thay that leis a­pone thair nichtburs Thay that ar quiet and fals flatterers Thay that ar doubel [...]ūgit the quhilk sais ane thīg now / ād sine ane oder thing thay quhilk bakbitis thair nichtburs be hind thair bak / Thay that lichtlis and lakkis thair nichtburs gui­dis to oders quhairthrow thay get skaith thay yat heris blithtlie bakbiters and e­wil tungis or helpis or starkis thayme thair til and standis noth aganis thayme and raprewis thayme notht of thair bak­bitine Thay that spekis notht guid for thair nichtburs and deffendis noth thair honour and fayme (in thair absence) quhair thay cane and reprewis noth al bakbiters and lears ād thayme quhilk rasis discord amangis nichtburs the quhilk God heitis as S. Paul vritis in the first chaiptur to the Romans

Quhou man sinnis a­ganis [Page] and the ix command of god the quhilk is Thou sal notht desir thy nichtburs hws et ce And alsua aganis the x command the quhilk is Thou sal notht desir thy nichtburs wiff et ce.

THir ii commandis ar giffine to wsz in ii sindrie pwyntis the quhilk we suld keip and we be saiff as our saluiour sais in the xix chaiptur of S. Ma [...]theu thairfor we suld dalie pray to god for his help and grace that we ma keip al his commandis and specialie thir ii last for that is inpossibil to wsz to keip thayme without the singlar grace and help of god / for quhy the ewil and sinful desir quhilk we haiff of adame is notht per­fitlie deid in wsz alsz lang as we ar heir apone the ȝeird in the sinful flesch quhilk [Page] we be new borne agane in the resurrectio­ne to cū / fra deid to the ewerlestand liff in the kingdome of heuine and sal be as the angels of God as our saluiour sais in the xxii chaiptur of S. mathew

OF this declaracione of thir x commandis of god ewerie man and voman ma onderstand opī lie that it is inpossibil that ony man fulfil or keip thayme bot Giff almichtine God giff thayme ane singlar grace thair to God maid the ii last commādis sa inpossibil to al man that we suld al knau our aune weknes and haiff al ty­me our traist to hime and knau wsz sinful creaturs and beseik hime of his help and grace and forgiffine of our sine Quhay is he yat cane keip hime fra ewil desiris [...] lat ewerie man remēber in his aune hart / part desiris gold and siluer and oder riches / oders desiris honours of the wardil / oders ydyl dais and dilicat meittis and drinkis oders madins and fair wemē / neuertheles god hes said to al man (as it writne [Page] in the v chaiptur of sanct Matheu) quhay seis ane woman and desiris hir he hes cō ­mittit adultrie al redy in his hart Thayr is mony fals doctours quhilk sais yat ane man sinnis notht quhen he desiris ony thyng bot giff he determe that perfitlie with his hart Quhow cane ony man desir ony thing bot gif his wil be to haiff that quhilk he desiris / is his wil notht to haiff it thane he desiris notht / siclik fals doctours wald mak our lord Iesus christ ane lear or ellis thay wil say that his command is notht / quhilk sais / thow fal notht desir lat euerie chrissine man keip thayme selff fra siclik blind doctours / for veralie sum tyme ane man ma sine mair with ane e­wil desir na with ane ewil deid / forquhyquhen ane man sinnis in deid thane he knawis hime selff for ane sinner and desi­ris marcie and forgiffnis of god the quhilk he gettis als sune as he knawis his sine and forthinkkis it with his hart Quhen he sinnis with ewil desir thane thinkkis sum tyme yat he consentit notht [Page] persitlie in his hart and yat he is iust and rithtus be for god supos he be ame sinner and ane ypocrit and hes seruit the hel / heir euerie man sal onderstand yat god lu­kis notht the wiuert rithtusnes quhilk mony keipis and dois wtuertlie in the sicht of men quhairth row thay apeir to be rithtus and godlie bot christ said to sic­lik ypocritis and pharesians as it is vri­tine in the xxi chaip. of S. Matheu weralie i say to ȝow yat hwris and oppine sin­ners sal enter in the kingdome off hewi­ne befor ȝow / that hapnis for causz siclik sinful men and wemen knawis befor god yat thay ar sinners and desiris his marcie and grace the quhilk he giffis to al man and vonan quhilk murnis for thair sine and alskis it witht ane meik hart as sanct Iamis writis in his iiii chaiptur god is agane the pridful and giffis his grace to the meik / bot ypocritis and pharesians thynkkis yat thay keip the commandis of god quhen thay dw the wtuert warkis / and giff thay failȝe in ony [Page] thyng aganis thayme thane thay thynk thay haiff fulfillit thairfor with thair pra­yers / fasting / and guid warkis and dissauis thair selff Alsua euerie man sal onderstand yat the sinnis quhilk ar committit with the v wtuert wittis thay ar agains the v and vi command thay quhilk ar callit the vii deidlie sinnis ar aganis al the cōmandis of god / prid is aganis the first and secund inwy and ir is aganis the v Auarice is aganis the vii glwtone is a­ganis the vi / lichore is aganis the vii sweirnes is aganis the thrid cōmand and alsua aganis al the laiff for quhy we ar sweir to keip ony of thaime as ve suld dw thay quilk ar callit the fremmit sinnis ar aganis al the cōmandis of god / for quhy ane man ma sine aganis al his comman­dis in consal thocht or in help thay sin­nis quhilk criisz ane wengence to the he­wine ar aganis the v and vi and the vii command / of al thir forsaid sinnis quhilk ar aganis the cōmandis of god the [...]ausz quhairfor ane man committis thayme is [Page] na oder bot euerie man lwfis hime selff and seikkis his awne wil and profeit and thair with reffis the thyng quhilk pretenis to god and to his nichtbur / that is / that ane man lwffis notht god ower al thyng and thankkis and lowis hime notht baith in prosperite and aduersite na kepis notht his command na liffis notht efter his halie wil the causz quhy man takis fra his nithtburs (the thyng that pertenis to thaime) is that he lwffis / thaime notht as hime selff / and dois notht to thayme as he wald be dwne to / the lwiff that mā hes to hyme selff is the rwit and grund of al sine for quhy he wil notht giff to god the thing quhilk pertenis to hime the quhilk is to lwiff hime ower al thing mair na hime selff Na he wil notht dw to his nichtburs as he suld that hapnis for causz he luffis thayme notht as hime self in al maner / heir of ȝe ma onderstand yat the commandis of god ar na oder thing bot lwiff as sanct paul writis in the first chaiptur of his first epistil to Thimothe [Page] and in the xiii chaiptur to the romans Na thay forbeid na oder thing bot lwiff [...]the quhilk is the ewil and fleslie blynd [...]wiff of ald adame) the quhilk ewerie mā hes to hime selff of the quhilk cūis al sine Na mā cane keip the cōmādis of god wit hou [...]h lwiff / na man sinnis notht aganis thayme / bot in the ewil luiff quhilk he hes to hime selff / quhairfor siclik as lwiff fulfillis al the commandis of god swa inor­ [...]inat luiff quhilk ane mā hes to hime selff sinnis aganis al the commandis of god Quhairfor stelis ane man far causz he desiris and lwffis ane oder mānis guidis Quhairfor committis ane man adultrie for causz he desiris and lwffis ane oder mannis wiff Quhairfor committis ane man glutony for causz he lwffis his body swa ewerie man ma thimk in hime self of al the sinnis quhilk he committis ba­ith aganis god and his nichtbur thane sal he find that he committis thayme for the mordinat lwiff quhilk he hes to hime selff thairfor our lord iesus christ [Page] commandit his distiplis as it writine in the xv chaiptur of S. Ihone i giff ȝow command yat euerie ane of ȝowlwiff oder as i haiff lwffit ȝow thairthrow euerie man sal knaw yat ȝe ar my disciplis gyf euerie ane of ȝow lwffis oder Al chrissine mā and voman suld prent thir wordis in thair hart for christ commandit thayme to wsz als w [...]il as to the distiplis quhilk wesz present witht hime the same tyme and cōmandit euerie ane of wsz to lwiff oder as our selff and god ower al thing

Heir efter folouis quhou man sal keip the commandis of god To keip the first cōmād quhilk is Thou sal haiff na oder strenge godis

[Page]Thou sal lwiff god with ane richt fa­ith of al thy hart ād honour hime al tyme ād haiff ane stark faith & hop in hime in aduersite als weil as in prosperite And commend the aluterlie in his pouer and godlie wil and lat hime rewl the and dw with the efter his plesour quhat ewer that be witht thy wil or aganis thy wil and thank and lowe hime thairfor and dreid hime of lwiff as the guid bairne dois the fader to this commād pertenis al thyngis quhilk ar contenit in the halie writ of fa­ith hop and cherate (or lwiff to god) quhilk ar heir contenit with few wordis in this command

To keip the secund command quhilk is Thou sal notht tak the nayme of god muame

Thow sal honour and lowe and blis the nayme of god ād cal apone it al tyme baith in prosperite ād aduersite [Page] And desir noth thy aune gloir na lowine yat God ma alanerlie be lowit and prisit of al creatur forquhy he wirkis al guid in wsz and in al oder creaturs quhairfor the lowine is his / to this cōmand pertenis al thing contenit in the halie writ of the lo­wine and honorine of God and his blis­sit nayme

To keip the iii cōmand the quhilk is Thou sal keip thy halie day

THow sal commit and giff the aluterlie to God ād lat hime rewl the al tyme in al thy warkis effter his halie wil and giff ower thy selff and thy wil and desiris and lat hime dant the and correk the as the guid bairne dois [...]he fader this command requiris ane puir preit yat we suld knaw in our selff yat we cane noth du na thynk na guid of our [Page] selff / bot giff God giff it to wsz of his special grace Thairfor we suld aluterlie giff wsz in his power and lat hime rewl wsz efter his halie wil / and lat his nay­me be alanerlie honourit and lowit as it is said befor in the iii first commandis. To this command pertenis al thing qu­hilk we suld heir of Godis word And al thing quhilk is cōmandit to wsz of guid warkis / and yat we suld dant the body onder the spreit yat it sal noth lewe as it desiris bot efter the wil of God Sua yat al our guid warkis sal be Godis and noth our aune / that is we suld dw thayme to the lowine and honour of God / and noth of our selff

To keip the iiii cōmand quhilk is Thou sal honour thi Fader and Moder

[Page]THow sal honour thy elders and frendis and al thayme quhilk hes power and rewl of the onder God and thayme quhilk techis and prechis go­dis word / to this command pertenis al thingis quhilk ar commandit in the halie writ of obedience and subiectione to oders onder God / and quhow we suld obey to thayme quheder thay be ewil or guid efter the command of God in al lesuin thingis bid thay wsz dw ony thing quhilk is agane his cōmand thairto we awe na obedi­ence to thayme na to na oder creatur / as the halie apostlis ansuert (as it is writine in v chaiptur of thair dedis) to the rewlers of the tempil and the cheif prestis quhen thay commandit thayme yat thay suld noth prech of the nayme of Iesus Christ

To keip the v cōmand quhilk is Thou sal noth sla

[Page]THow sal be meik and marciful and haiff pece and ane cheritabil hart to al man (ȝei to thy inimis) without ony Inui hetrand or ir To this cōmand pertenis al thingis quhilk ar contenit in the halie writ of meiknes pece sufferance and concord et ce

To keip the vi cōmand quhilk is Thou sal noth cōmit adultrie

THou sal lewe honestlie without ony kind of lichore / and be cleyne in thocht and honest in wark and word and in taiknis / and be sober in mei­tis and drinkkis and sleping / and dw al oder thing quhilk cane help the to keip chaistite and clenesz / to this command pertenis al techine of clenesz and chaistite as to fast and pray and wirk and to be noth ydil and to fle al euil occasione quhilk ma drawe ane man thairto / for thair is na [Page] [...]he vi chaiptur of his first epistil to the Corin. fle fornicatione et ce

To keip the vii cōmand quhilk is Thou sal noth steil

THow sal be pwir spiritualie in thy hart and desir noth na steil noth in ony maner the thing quhilk perte­nis to thy nichtbur bot thow sal be weil willand and cheritabil to euerie man / and giff and len to the pwir of thy gwidis ād mony / to this cōmād pertenis al techine quhilk techis wsz that we suld noth desir ony oder mānis guidis or diss [...]ue or begil thayme or commit okkir or stop ony man of his profeit

To keip the viii command quhilk is [Page] Thou sal notht beir fals witnes aganis thy nichtbur

THow sal keip thy twng that thow dw na man skaith in thy wordis bot help euerie man with thy guid word quhair thow cane / and speik guid of euerie man / and with thy guid vord help to mak pece betwix thayme quhilk ar inimis / and excusz thy nichtburs faltis the best thow cane / be faithful in thy word and promis / and speik lawlie and without fenȝeitnes to euerie man to this command pertenis al techine quhilk cō ­mandis that thow sal noth hurt thy nichtbur in his fayme and honour or in ony oder guidis

To keip the ix and x cō ­mand quhilk ar Thou sal noth desir thy nichtburs hus or wiff madi­ne or seruand et ce

[Page]THow sal noth desir wrāguslie ony thing quhilk pertenis to thy nicht­bor bot lewe honestlie in al maner And thow sal mortifi the ewil desiris of thy hart bot this cane noth be perfitlie in this mortal liff quhil we be lowsit of this mortal body thair is na oder thing conte­nit in this forsaid commandis bot quhou thow sal lwiff God and thy nichtbur ād noth thy selff na lwiff noth thy selff better na thy nichtbur for quhy lwiff sekis noth the aune bot the thing quhilk pertenis to God and to thy nichtbur he that hes per­fit lwiff in hime he is humil and redy to serwe euerie man and wil blithlie part betvix hime and his nichtburs quhat he hes efter his power / heir of euerie man ma leir and onderstand that al dotrine quhilk is neidful to onderstand and to icwe richt thairefter / is contenit in few wordis in thir x cōmandis of God Quhay fulfillis or dois thayme thay dw sa mony guid warkis as ar neidful to the saluatione of the saul / sua that thay neid noth to pa­sz to halie placis in far landis nod [...] [Page] to the halie grawe na to rome efter the papis pardone or to S. Iamis in spāȝe traistād thairthrow to dw warkis (quhilk thay think ar guid) quhilk god hes noth commandit / God hes hime selff commandit the warkis quhilk we suld dw swa that we neid noder to seik or leir of oder vane maisters quhat guid warkis we suld dw / bot we suld du first and last the the guid varkis quhilk God hes cōmandit wsz in his x cōmandis giff we wil be saiff as our saluiour sais in the xix chaiptur of S. Matheu / Leiff thow ony of the cōmandis and guid warkis quhilk God hes cōmandit the to dw / and dw al the oder varkis quhilk ar techit in al the buikis of the wardel and al oder varkis quhilk thow cane ymagine or oders cane writ thay auail the na thing be for God bot thay bring the erer to condamnatione for causz thow lichtlis the command of God and dois oder varkis efter thy au­ne wil and ymaginatione or as men hes lerit and cōmandit ye to dw / that is lik [Page] as ane maister commandit his seruand to dw ony thing and he passit furtht ād did ane oder thing aganis his command and vesz inobedient to hime and lichtlit his command / sua dw thay al quhilk lichtlis the command of god and dois o­der guid warkis as thay think efter thair aune ymaginacione (as dois the mwnkkis and freris in the obseruance of thair tradicions) heir it is manifestlie schauine and techit in thir forsaid x commandis quhat euerie man suld dw to god and to his nichtbur and that he sal notht lwiff hime selff bot god and his nicht­bur / swa that euerie man ma cleirlie onderstand and se thairof / that we suld lwiff euerie ane oder and notht our self and thane we fulfil the law as S. paul writis in the xiii chaiptur to the romans / it is notht neidful to leir or command man to lwiff hime selff for euerie mā lwffis hime selff mair na he suld dw with richt / quhairfor it is mair neidful to forbeid man to lwiff hime selff and to cō mand [Page] hime to swiff god ower al thing and his nichtbur as hime selff thairfor he lwffis best quhilk lwffis notht hime selff bot his ntchtburs and he lwffis warst quhilk lwffis hime selff and notht his nichtburs as the cōmand of god requiris heir euerie man mamark quhow few their is that lwffis richt efter the command and wil of god for that is impossibil yat man of his aune strintht or power cane lew [...]e richt in al thingis efter the cōmād and wil of god thairfor sane we cane that per­fitlie marck ād knau of our aune weknes we suld seik and leir quhow we ma keip and fulfil the x commandis of god this we sal find and leir of the halie chrissine faith as it is contenit in the creid

Off the halie chrissine faith

HEir euerie man sal onderstand that faith in diuidit in iii partis efter the iii parsons nam [...] in the creid the first part o [...] [Page] the fader the secūd is of the sone the thrid is af the halie spreit thir ar the gretast ād maist special articulis of our faith of the quhilk al the laiff dependis heir euerie mā sal mark that ane man ma trow ii maner of wais of god First he ma trow as it is said of hime / that thair is ane god siclik as ane man trowis the thing quhilk is said of ane oder as it said that thair is ane twrk and trowis that is trew / of sic faith spekis S. Iamis in his ii chaiptur that the dewillis trowis and trimlis / the secund is that man trowis notht alanerlie that thair is ane god (as dois the willis) bot trowis in hime and puttis al his hop and traist in hime and giffis and commē ­dis hime aluterlie in his power and lattis hime do with hime ād rewl hime efter his haliewil and trowis without ony dout that he wil do weil to hime and haiff cuir of hime and prouid for hime and deliuer hime fra al ewil and trowis this noth of the paip na cardinal na thair legatis na of ony oder mortal-mā quhow grit that e­wer [Page] rwisz thair power thow ma well trow that thay haiff vardlie power bot trow notht thairfor that thay haiff power ta saiff and to giff the ye euerlestand blis of hewine

The xii articulis of the halie chrissine faith as thay ar cotemt in the creid quhair thay haiff thair grund and fund ment prowine be the halie writ

EFter that our lord iesus christ haid cōmandit his apostlis to gang throw al the vardil to prech his halie vāgel to al creatur (that is to al man voman) thay gadrit al to gider ād schew quhat at tikil euerie ane of thaime held in the hali [...] chrissine faith and declarit al with an [...] mind quhat euerie ane of thayme suld tech and prech to the pepil quhair thay com [...] that thair techine and prechine suld be co [...]forme and agreaud to gider and that thay suld prech the richt word of god (the w [...]gel [Page] of iesus christ) ower al the vardil witht ane mind and ane spreit withouth ony diuersite / swa thay declarit al with ane mind of this xii articulis of our halie chrissine faith to tech and prech thayme to the pepil as we reid thaime now in the creid and oder thair selff or thair successours wrait thayme in few vordis as thay ar cōtenit in the same creid that wesz neidful that thay deid sua that euerie mā and voman ma leir and remember apone thaime / neuertheles thay quhilk ar lerit ād cane reid ād onderstād suld se ād reid in the bibil quhilk is the grūd ād vol of al godlie doctrine and hewinlie visdom neidful to knaw / of the quhilk thir xii articulis and al oder doctrine and exhortacione ar out drawine quhilk ar neidful to our sal­uacione / we trow that the bodi and blwid of our lord Iesus christ is contenit veralie in the sacramēt of the alter onder the forme of breid and vine and this standis notht in thir xii articulis / thairfor we man forthir [...]e and reid the halie writ and noth alaner­lie [Page] thir xii ariiculis / Neuertheles the principal thingis ar contenit in thayme quhilk ar maist neidful to knaw to the sal­uatione of the saul / sane it is sua yat faith is sa neidful that neyne kane be saiff wit­hout it as Christ sais in the last ch. of S. Mark he that trowis noth sal be cōdānit and S. Paul in the xi ch. to ye Hebr. that it is impossibil that ony mā cane pleis is God without faith ād Ihone in his iii cha. he yat trowis noth he is now cōdānit thairfor the dewil our ald innime lauburs nycht and day to draw wsz fra the faith ād fea thir xii artikils thairfor we suld be diligent that we prent thir xii artikils in our hart with ane stedfast faith that we ma manfullie stand aganis al his tēptati­one and sutel craft / our lord Iesus Christ answert with the halie writ aganis his tēptatione as S. Mathew vritis in his iiii cha. quhen he desirit of hime to cōmād the stenis to be breid / our saluiour an­suert to hime / it is vritine man liffis noth [Page] alanerlie of breid bot of euerie word quhilk cūis of the mwcht of God / The dewil set hime apone the pinnakil of the tēpil ād said to hime gyff thow be the sone of God leip dwne our saluiour an [...]uert [...]o the de­wil agane it is writine / Thow sal notht t [...]mp thy lord God the dewil schew to hime al ye kīgdōs of ye wardel ād said to hime I sal giff thir al to the and thow wil fal dune and adorne (or virschip) me / our saluiour ansnert hime agane it is vritine Thow sal adorne thy lord God and wirschip hime alanerlie thane the dewil passit fra hime confundit be the halie writ sua suld we stand and fecht uganis the dewil with faith and the halie writ quhen he tē ­pis ws the / dewil fleis fra the halie writ the quhilk is the richt verite / forquhy he is fader and begynner of falset and leyng quhairfor he ma notht lwiff the euer­lestand word of verite quhilk is contenit in the halie writ / he is heid ower [...] mirknes quhairfor he fleis the licht of verite / he is ye begynner of deid [Page] quhairfor he fleis ye word of verite quhilk is ye euerlestaud lyff as S. Ihone sais in his vi chaiptur / thairfor al chrysyne man suld grund and fessyne thir xii arti­kils of faith throw and abut al sid witht the halie vrit that ye dewil owercum thayme notht the halie vrit is ane swrd to fecht witht aganis the dewil and his mē ­bers and al the stedfastnes and grwnd of our faith cumis of the halie vrit for quhy al that it leris and commandis wsz that is rycht and verite and godis wil / it is al sua our rycht lycht and way / forquhy it is of ye halie spreit ād techis vsz al that is neidful to our saluacione / it confortis vs in al our aduersite and temptacione ād le­ris vs to stand aganis al heresie / it gyffis vs lycht of our ignorance / quhairfor S. Paul sais in the xv chaiptur to Rom. that al thyngis quhilk ar vrityne thay ar vri­tine for our instruccione that we suld haif ane fast hop throw consolacione of the scripturs / he sais sua in the iii chaiptur of the secund epistil to Thimo. al the writ [Page] quhilk is inspirit be the halie Gaist is profetabil to tech / to reprw / to correk / to informe in rychttusnes yat ane chrissine man ma be without cryme / redy to al guid warkis / the sekir faith and ye greit profeit quhilk is in godis word ād doctrine is techit in the halie writ / quhilk is the ald ād new testamēt / thay schaw ws cleirlie / that men hes noth spokine na vritine yame of thair self bot god hym self hes spokine thayme be mē ād that yai ar noth mēnis vordis bot godis / sua spak God to Moses as it is vritine in the iii ch. of Exgāg furth to the kyng Isal be in thy mu [...]h and Isal tech ye quhat thou sal say to hyme / crist is our techour for he his verite as it is writine in the xiiii chaip. of S. Ihone / The fader hes giffine the Ha­lie chrissine kirk Iesum Christum his sone to ane doctor of verite / quhome man suld heir and trow as S. Matheu vritis in his xvii chaiptur / thair sais the fader this is my deir sone in quhom I delit heir hyme In the first artikil of our halie [Page] faith The first word is I trow forquhy S. Paul sais in the xi chaiptur to the Hebreis that it is impossibil that ony man cane pleisz God without faith for he wil weil reward thayme yat sekis hyme we say noth first in the faith I say or wait bot we say I trow S. Paul sais in the same cha. faith is ane fast grwnd of that quhilk we trow werilie to get and ane assent of hart to thay thingis quhilk we se noth na aperis noth thir xii artikils of faith ar the vnderlie secret thyngis of God quhilk cane noth be comprehendit be the visdome of man / bot thay ar aluterlie seyne with the eyne of faith / the visdome of mane cane noth onderstand that God is wordine mane and suffert to de / and is wprissine agane fra deid / or that he sal wpraisz agane al thayme to the euerlestād lyff quhilk deid in ye richt chrissine faith Or that Christ is ascendit wp to the heuine and sittis at the faders rycht hand and that the same Christ the sone of God is borne of ane cleyme and pwir virgine / The wisdome of the corsz is siclik huyd and cane noth be seyne with the fleslie e [...] ­me [Page] or onderstandit be the visdome of men forquhy it is ane heuinlie secreit thyng quhilk is aluterlie seyne with the eyne of faith / Al the visdome of the vardil knawis na thyng thair of / thair for sais S. Paul in the first chaiptur of the first epistil to the Cor. / De prech Iesu Christ crucifeit sclander to the Iowis and folie to the gentils / bot we prech to ye cosyne Ionis and gentils that Iesus Christ is the visdome ād the power of God / the gētils thynkkis that it it is greit folie that god suld de qu­hilk hes power ower al thyng / yai wist noth of his godlie secreit that he wald word mā for our saluation as it vesz predestinat with God or the begynning of the vardil S. Paul sais in the for allegit chaiptur / sane vardlie men kēd notht the visdome of God be thair visdome thane God plesit to sayff ye faithfult throw ye folie of God our lord Iesus christ is maid ane takine aganis quhom sal be agane said / ād he sal be ane fal to mony / and alsua ane wprissi­ne to mony of ye pepil of Israel as it is vritine in ye ii chai. of S. Luc. Christ is [Page] ane steyne apone the quhilk mony sal hurt thayme to thair destructione as it is vritine the viii chaiptur of the propheit Iesaie Iesus Christ is al chrissine mannis visdome the quhilk saiffis ws / and we trow in hyme that he hes maid mendis for our synnis / and thair of we raios / in al our aduersite al the gentil doctowrs and philosophors greit visdome and craft culd notht perfitlie confort thayme or sterk thayme in thair aduersite and trowbil God hes al tyme hwyd the richt visdome fra thayme quhilk haldis thayme selff wisz / and schawis it to thayme that ar simpil and law and desiris it meiklie of hyme as S. Mat vritis in his xi chaiptur / ye Iouis tro­wit to be richtus ād saiff be the law / and throw thair aune guid warkis and strintht bot thay culd noth thair throw be saiff as S. Paul sais in the ix chaiptur to the Romans / Thay lychtlit Iesus Christ ye quhilk is the end of the law / quhay trowis in hyme sal be saiff as Paul vritis in ye x chaiptur to the Romans / Thair is ane [Page] oder rihtusnes quhilk is of God and the Iowis wist noth thair of as Paul vri­iis to ye Romans in the first and in the iii chaiptur this richtusnes is na oder thyng bot to trow that quhilk makis ane sinful mane richtus and saiff as Paul vritis to ye Romans in the iiii chaiptur / Is it sua that ony trow in our lord Iesus Christ that he is veralie the sone of God and he hes diliuerit hyme fra the deuil and frathe eternal condampnatione thane that faith quhilk he hes is countit to hyme for rich­tusnes be for God

Faith is noth ane thing quhilk ane man cane giff to hyme selff quhen he wil bot it is ane greit gyft of God the quhilk re­nwis the hart and makis ane nev mā quhair be for he wes of ald adame in ewil desiris and sinful lyff / to trow / that is to stād fast at God is vord quhat he promisis to wsz quhat euer it be that he wil fulfil his promis na mā cane haiff this faith of hime selff bot the spreit of God giffis this licht in the hart ād renwis it inuertlie / ane [Page] ne of the body / ād ye euerlestād liff bot quhen deid en̄is yat ye saul ād body mā depart this opinione hes na power na strinth in it / for quhen he gettis ony aduersite or persecutione thane it wanissis and wauers as ane dreyme / that is noth aneucht that ony reid the creid or rekin ye articulis cōtenit in it x or xii timis apone ye day ād siclik the pater noster / bot we suld perfitlie onderstād it ād prēt it inuertlie in our hartis that we noth alanerlie rekine ād speik the articulis cōtenit in it with our mwth bot alsua wit our hart / that quhair thair cūis ony aduersite or ꝑsecutione thane we ma trow with the hart siclik as we spak befor with the mwcht Thow sais i trow forgiffine of my sinnis / bot quhen the deuil cūis in the time of deid ād tēpis the to dispair of forgiffine of thayme / Thane thow art reid ād dowtis ād fallis in dispair Thairof euerie mā ma onderstād that thow sais this with thy mwcht and noth with the hart for thow trowis noth perfitlie that thy sinis ar forgiffine / Thow sais i trow the resurrectio [Page] thane thow art sa red as baith the saul ād the body suld aluterlie de ād that thair varna mair thairefter of the / se ād cōseder that in thy selff / and thow haid ane richt faith in thy hart of this artikil that thow tro­wit weralie that thou suld risz wp agane fra deid ād get the euerlestād liff thairefter / thane thow wald noth dispair na be red for quhy faith is socht and prouine in aduersite as the gold is prouine in the fyr Thair for thow sal al time pray meiklie to God thy heuinlie fader giff in my hart the richt faith for thy sone Iesꝰ christ our lordis saik

Heir efter folouis mony [Page] [...]itnes of the new testament and the ald that our lord Iesus Christ is the sone of God

SAnct Ihone sais in his first chaiptur the word wesz in the beginnīg / ād this word wesz with God / and this word wesz God this word vesz in the begīning with God al thing wesz maid be this word / Thane he is veray God S. Thomas said to hime as it writine in the xx chaip. of S. Ihone my lord and my God S. Peter said to hime as it is writine in xvi of S. Mat. thow art the sone of the lift ād God S. Paul said as it is writine in ye xx c. of the dedis of the Apostli. that God hes gottine the kirk with his blwid thair he spekis that he is baith God and man / he sais alsua in the ix chaiptur to the Ro­mans Christ is God and blissit ower al thing for euer / he sais [...]sua in the ii chaiptur to the Philippenses / Feil the same mind in ȝow quhilk wesz in Christ [Page] Iesu quhilk beand in the schaip of God et ce / He sais alsua in the ii chaip. of the epistil to the Colosen. Al the fouth of God ramanis veralie in hime / He sais alsua in the ii chaiptur of the epistil to Titum Velwik efter ane blissit hop and the glorious cn̄ing of the greit God / He sais alsua in the first chaiptur of the epistil to Hebreis God (the fader) said to his sone / God / thy trowne sal be euer without ony end S. Ihone sais in ye v chaip. of his first epi­stil quhay ouercūis the vardil bot he that trowis that Iesus is the sone of god? the propheit Dauid sais in the viii Psalme o lord quhat is mā that thow art mindful of hime thow hes crounit hime with gloir and honour that is thow hes maid thy sone lord ower al and hime selff said (efter his resurrectione) as S. Matheu writis in his last chai. al the power in hewine ād ȝeird is giffine to me / God the fader hes set hime at his richt hand in the heuine as S. Paul writis in the first chaiptur to the Ephe. thane he is veralie God for [Page] that sennis noth that ony suld be placit at the richt hand of God the fader / bot giff he war God / forquhy God giffis notht his honour to ony oder as it writine in the xlii chaip. of the propheit Esaie / and in mony oder placis of the halie schriptur S. Ihone sais in his v chaiptur God the fader wil that men sal honour his sone as hime selff and that is the honour of God to honour hime as the fader / sua God wil yat we sal alanerlie virschip ane god ād giff noth his honour to ony oder creatur / sane the fader gaiff his honour to our lord Iesꝰ christ thane is he veralie the sone of God S. Paul beris witnes thair of in the first chaiptur to the Roma. sayand he is the so­ne of Dauid as to the flesch / bot he is declarit the sone of God in power / the halie writ alsua callis our lord Iesus Christ cōmonlie God / and s [...]m time callis hy­me oder wis the quhilk prewis that he is weray God that is noth neidful to writ heir mair thair of that Iesus is the sone of God / bot reid the wāgel of S. Ihone [Page] for the maist part thair of is writine of Iesꝰ Christis godheid and schawis cleerlie that he is God / the arrians / eboni­tans and ceritans for yar perwersit wil come in greit blyndnes for yai trowit that Iesus Christ wesz alanerlie man and noth God / bot we chrissine men quhilk trowis richt we ar Godis barnis alanerlie of his greit grace throw faith ād noth of his godlie natur / that al chrissine men ar Godis barnis of his greit grace that yow sal find in ye iiii chaiptur of Paulis epistil to the Galatians and in ye viii to the Romans and in the first to ye Ephisi­ans thair it is cleirlie vritine quhow we ar the barnis of God be his weil be lowit sone Iesꝰ Christ / and ar aris with hyme of the ewerlefiād kīgdome of heuine ye richt faith yat we haiff to Iesus Christ makis wsz Godis barnis and worthy to get the euerlestand heritage of heuine as S. Ihone writis in his first chaiptur God hes giffine to sa mony as trowis in his nayme to be the barnis of God an [Page] as S. Paul sais in the viii chaipt. to the Romans giff we be the barnis of God thane ar we alsua heritours / ȝei heritours of God / and heritours with Christ

Uitnes of the ald testament of our lord Iesus chrst is halie passione

THair is mony vitnes of our lordis passione in the ald testamēt the quhilk schew yat he suld de to deliuer wsz fra the deuil and the euerlestand deid and payne / his deid and passione wesz opinlie reuelit lang befor or he twik our manhe­id as it is writine in the ii x xi xii lxvi xviii xxiii xxi xxiii chaiptur of the prop­heit esaie and in the iii and in the iiii cha­iptur of Trend (rum) and in the v chaip. of Baruch and in the xvii cha. of Eȝechiel and in the vi and xiii chaiptur of ose and in the ii chaiptur of Iohel and in the viii chaiptur of amos and in the ii chaiptur of Ionas and in the ii and v chaiptur of Micheas and in the ii chaiptur of abacuk and in the ii chaiptur of Aggei ād in the [Page] ix xii xii xiii and xiiii chaiptur of ȝa­charie alsua Dauid vritis of his blissit passione in the xii xxxviii xli lv lxix Psalme and siclik in mony oder Psal. mis Thay quhilk redis in the bibil ma haiff heir certane placis quhair thay ma find of our lord Iesꝰ christis passione / ād it is specialie writine of the frwit of profeit quhilk we haiff thairof in the liii chaiptur of the propheit esaie

Uitnes of the neu testameut of the same halie passione

THair of we mareid the wangelistis and the laiff of the apostlis writin­gis S. mathew writis of his passione [Page] in his xxvi ād xxvii chaip S. Marc in his xiiii and xv chaip. S. Luc in xxii and xxiii chaip. S Ihone in his xviii ād xix chaip. thair euerie man ma se of thair writingis that the Propheceis of his passione ar veralie fulfillit ād quhow the wā gelistis folouis the propheceis in euerie place / thair of we ma reid in ye dedis of ye apostlis in the first ii iii iiii v vii xiii xvii xx and xxvi chaip. Alsua thay beir witnes thairof in thair epistlis S. Paul writis in the v chaip. of the epistil to the ro­mane we war inimis with god bot now we ar reconsalit be the deid of his sone / alsua he sais in the iiii and v vi and viii chaip. of the same epistil that Christ deit for our sinis / he writis alsua in the vi ād viii chaip. of the first epistil to the corin­thians of our lordis blissit deid and passione / and in the iiii v / and xiii chaiptur of the secund epistill to the corinthians / and in the first ii iii iiii and vi chaip. to the galathiās and in the first ii and v chaiptr to the ephesians / and in the ii and iii chaip. [Page] to the Ephesians / and in the ii and iii chaiptur to the Philipenses / quhow the sone of God humilit hime of his hie maieste and come in the vard il and suffert deid apone ane cors for our sinis ād in ye first ii and iii chaiptur to the Colossen. and in the first ii iii and v chaiptur / of the first epistil to the Tessalonicenses / and in the i and ii chaiptur of the first epistil to Thimotheum / and in the i and ii chaiptur of the secund epistil to the same / and in the ii chaiptur to Titum and in the i ii v vi ix x and xiii chaiptur to ye Hebreis / S. Peter vritis alsua of our lordis passione / in the i ii iii and iiii chaiptur of his first e­epistil / S. Ihone alsua vritis thairof in ye ii iii and iiii chaiptur of his first epistil Of our lordis ȝeirding it is vritine in the iii chaiptur of Trenorum / Dauid alsua spekis thair of in the iii iiii and xv Psal­me / My flesch sal rest in hop and Esaias vritis thair of in his xi chaiptur / we reid alsua of our lordis ȝeirding in the new testament in the xxviii chaiptur of S. Mat. [Page] and in the xv chaiptur of S. Marc / and ih ye xxiii chaiptur of S. Luc / and in ye xix chaiptur of S. Ihone / Ve find alsua in the same sorsaid chaipturs the ontellibil profeit and frwit of his deid and passiōe

Uitnes of the ald testa­ment of his glorious resurrectione

THe resurrectione of our lord Iesus Christ vesz figurit in ye ald testamēt be Ionas the propheit as it is writine in his ii c. He lay iii dais ād iii nichtis in the weyme of ane quhail and come liffand furtht agane [Page] The scribis and pharesians desirit to se miraculis of lord Iesꝰ Christ as S. Matheu writis in his xii chaiptur he ansuert to thayme this vikkit generatione desiris miraculis bot thair sal na mirakil be giffine to thayme bot the mirakil of Ionas ye propheit siclik as he wesz iii dais and iii nichtis in the weyme of ane quhail / sua sal the sone of man be iii dais and iii nichtis in the hart of the ȝeird (that wesz in ye stene grawe) Our lord spak hime selff al­sua of his resurrectione in the ii chaipt. of S. Ihone sayand braik dune this tempil and I sal big it wp agane in iii dais / He menit of the tempil of his body quhilk he rasit wp the thrid day efter the Iowis pat hime to deid The propheit Oseas spekis heirof in his ii chaiptur and Dauid in the iii and iiii Psalme I haiff slepit and am fulfillit of sopir / and I am rissine wp agane he spak this of Christ he sais alsua in the xv Psalme lat noth my saul rama­ne in the hel / thow sal noth suffer thy ha­ile mā to se corruptione / with this Dauid [Page] prewis cleirlie our lordis resurrexione for christ is oft timis callit godis halie man in the scriptur and quhair he sais thou sal notht suffer (or giff) that is tak me sone fra deid / Item lat notht thy halie man sufer corrupciōe that is restoir me sune agane to my corporal liff / for I sal risz wp agane with my same body / reid the bibil and thow sal find mony vitnes of his resurexione

Uitnes of ye neu testament of our lord Iesus christis resurexione

Sanct mathew sais in his xx c. he sal risz wp agane the thrid day thir ar godis aune vordis quhairfor thay ar trew and ca­ne desawe na man / S. marc vritis of his resurrexione in his xvi chaiptur S. Luc in his xxiiii chaiptur sanct matheu in his xxviii chaiptur sanct Ihone in his xx and xxi chaiptur Alsua it is vritine thair [Page] of in the dedis of the apostlis in the [...] i ii iii iiii v x xiii xviixxiiii and xxvi ca. And in the vi and xv chaipt. of the first epistil to the Corinthians / and in the v and xiii chaiptur of the secund epistil to the Corinthians / And in the first iii iiii and v chaipt. to the galathians And to the ephesians in the secund and iiii ca. And to the Philipēses in the ii and iii c. And in the first ii and iii chaiptur to the colocenses And in the iiii chaipt. of the first epistil to the thessolonicenses / and in the first ii and iii chaiptur of the secund epistil to the Thessolonicēses / And in the first and iii chaiptur of the first epistil to themothe And in the first and ii chaipt. of the secund epistil to timothe and in the ii chaiptur to titum / And in the first ii iii vi vii ix x xiii chaiptur to the hebreis And S. Peter in the first chaiptur of his first epistil

Uitnes off the ald testa­ment that our lord Iesus christ ascendit to the heuine

DAuid vritis thair of in the lxvii psalme sayand he is passit wp to the heicht and led the presoners with hime ād gaiff giftis to men / Our lord Iesus christ passit wp to the hewine with his glorious body of his aune godlie power ād rasawit of the fathir honowr and sēd the halie spreit to his apostlis the quhilk gaif to thayme ye gift to speik with al twngis and pat in thaime the lwiff of god And maid thaime abil to prech the wangel throw al the wardil without ony dredour and to tw [...] ­ne [Page] mony to the halie chrissine faith / the de­wil befor haid al the vardil in his power for adamis sine / he haid drawine al his ofspring sutellie fra thair richt lord and haid brocht thayme onder his kingdome / that is in sine mirknes and to the euerle­stand Deid and condemnatione / bot thair come ane starker na the dewil as S. Luc vritis in his xi chaiptur this is the stark lion of Iuda Iesus Christ the quhilk owercū sine deid and the hel and distroyit the kingdome of the dewil and the portis of hel / ād as ane stark kīg spulȝe [...]t the dewil of his kingdōe / ād twik that spulȝe to hime selff throw power of his halie passione and brocht furtht this spulȝe quhilk wesz the halie saulis / and brocht thayme to his kingdome / quhilk is the euerlestād liff / he is ane rich lord ower al creatur sua that al quhilk trowis in hime thay sal be fre of sine Deid and hel and of al po­wer of ye diwil Dauid vritis thair of in ye xvii xxiiii xlvi xlvii cix cx Psalme

Uitnes of the neu [Page] of the wp passing of our lord Iesus Christ to the heuine

SAnct Mathew vritis thair of in his xxvi chaipt. ȝe sal se the sone of man sit at the richt haud of god in power and maiestate quhilk ar christis aune vordis Alsua he sais in his xxii chaiptur he sittis ar the richt hand of god S. Luc writis in his xxiiii cha. / quhen he haid blissit thayme he vesz borne wp in the heuine / and S. Ihone in his xvi chaipt. vritis thir vordis quhilk christ spak to his distiplis i pas to my fathir / ye maner of his vppassing is vritine in ye i c. of ye dedis of ye apostlis ād S. Pet in the v c. of the same said to ye rewlers of the tempil and the cheif prestis god hes rasit vp Iesum Christum fra deid quhom ȝe sleu and hangit apone ane cors and hes exaltit hime and maid hime ane prince and ane saluiour and giffine hime power to [Page] forgiff the pepil of Israel thair sinnis sanct Paul vritis in the viii chaiptur to the romans Christ sittis at the richt hand of the fathir and prais for vsz / he vritis alswa in the first chaiptur to the ephesiās god hes rasit vp Iesum christū of deid and hes set hime at his richt hand in the heuine ower al kingdome and power ād hes giffine hime pouer ād lordsthip ower al thing quhilk is or cane be namit notht alanerlie in this vardil / bot alsua in the vardil to cum And hes subiect al thing onder his feit and hes maid hime heid ower al thing to the halie kirk quhilk is his body and he fulfillis al thing in al creaturs / he vritis in the iiii chaiptour to the ephesiās he is passit vp to heicht and twilk the personers with hime And hes gifine giftis to men / quhilk vordis ar cōtenit in the lxvii psalme quhat is that he passit vp? bot that he first passit dwme to ye law partis of the ȝeird / he quhilk passit dwne he is the same quhilk passit vp abwne to the heuine and rewlis and [Page] gwuernis al thing S. Paul vritis in the ii chaiptur to the philipenses he is set in greit power and henes And in the iii c. to ye Coloseses and in the i iiii vii ix ād x chaiptur to the hebre. ewerie man suld perfitlie marck thir ii articulis of our lor­dis resurrexione / and vp passing to the heuine / for thay ar the prīcipal in our faith and giffis vsz greit confort / for to trow that our lord rais vp fra deid and passit vp to the heuine ād sittis at the richt hād of the fathir that is na oder bot to trow that our lord Iesus Christ hes owercum the euerlestād deid and paine and condā ­nacione with his deid and passione and hes taine the greit ir of god apone hime quhilk he haid to wsz for our sine / ād hesz maid pece betwix ws and his hewinlie fathir as sanct Paul vritis the v chaipt. to the romans and in in the ii to the ephesians and he hes giffine his halines to wsz / that deid sal haiff na power ower his menbers quhilk ar chrissine men / and swa we haiff greit frwit and profeit off [Page] his glorious resurrectione quhilk is remissione of al our sinnis / as S. Paul vritis in the iiii chaiptur to the Romans / That he sittis at the richt hand of the fathir that is to say he is equal in power with the fathir as ane king / in his kingdome / as S Ihone sais in his xvi chaiptur And S. Matheu in his xxviii chaiptur Al the power in heuine and ȝeird is giffine to hime S. Paul vritis in the first chaiptur to the Ephesians / God hes subiect al thing on­der his feit / he is now ane mediatur and forspeker to God the fader for our sinnis S. Ihone vritis in the secund chaiptur / of his first epistil / Ve haiff ane aduocat befor the Fader / richtusz Iesus Christ and he is help for our sinnis / and noth alanerlie for our sinis bot for al the sinnis of the vardil thairfor S. Paul sais in the iiii chaiptur to Hebreis / we haiff ane bischoip the quhilk cane haif pete af our infirmite is / he wesz prouine in al thigis in simlitud bot without sine thairfor lat vsz with traist pas to his gratious troune and find mar­cie [Page] and find grace in neidful tyme

Uitnes of the halie vrit of this forsaid artikil

THe propheit Malachias vritis of our lord Iesus Christis cūing apone the later day (and of ye dwine) in his iii chaiptur / Daniel vritis in his vii chaiptur That our lord sal cum to dume apone the later day And vritis al­sua of his power and kingdome / And qu­how his power and lordschip sal be ewerlestand [Page] as S. Luc vritis alsua in his first chaiptur And Micheas in his iiii chaiptur S. Matheu in his xxiiii chaip­tur vritis of our lordis secund cūing qu­hilk is to dwmis day that siclik as fyr flacht passis owt of ye est and schenis to ye vest sua al ye cūinge of the sone of mā be / thane al the generacions apone ye ȝeird sal greit and murne And thay sal se the sone of man cūmand apone ane clowd of the heuine / with greit power and ma­iestate and he sal send furth his angel with ane trwmpet and sal gader to gider al his chosine barnis fra ye est to the vest fra the sutht to ye northt / fra ane end of ye heuine to ye oder thairof S. Marc vritis in his xiii chai. And S. Luc in his xxi chaipt. And S. Matheu in his xxv and xxvi chaiptur and S. Paul in ye iii chaiptur of the first epistil to the Tessalonicenses ād in the ye ii ch. of ii epistil to ye same And in the iiii chaiptur of the first epistil to the Corinthians / And in the iii chaiptur of the secund epistil to Thim. [Page] he sais I beir vitnes befor God and our lord Iesꝰ Christ quhilk sal cum to dwme quik and deid / He sais alsua in the xiiii chaiptur to the Romans / Ve sal al cōpeir befor the seit of our lord Iesus Christ / as it is vritine in ye xlvi chaiptur of the propheit Esaie Thair our lord sais sa veralie as iam liffand / thane al kne sal bow befor me / And al twngis sal knaw and vit that I am God S. Paul sais in the v chaip. of the secund epistil to ye Corinthians / Vesal al compeir be for our lord Iesꝰ Christ seit / That euerie ane ma haiff the reuard of the body efter thair vatkis heir in the vardil quhider thay be guid or euil / Alsua S. Peter sais in ye iiii chaiptur of his i epistil Thay sal al mak count to God quhilk is redy to dume quyk ād deid / He sais alsua in the xi chaiptur of ye dedis of the dedis apostlis / our lord Iesus hesz cōmā ­dit vsz to prech ād beir vitnes to the pepil that God hesz maid hime iuge / of quyk and deid

Uitnes of ye ald testamēt

MOyses vritis in ye xxxiiii ca. of exodi / lord god thou quhilk is marciful meik lang suferād and trew / thow quhilk gyffis marcie to ane thousand generacions and tak [...]s avay euil and sine / thair is n [...]yne innocent in thy sicht / mark heir quhow faithfullie moises confessit the lord godi [...] greit grace and marcie Item it is vritine in the xii chaiptur of the secund bwik of kingis quhen Dauid haid Committit ad ultrie. witht Bersibea vrias vyff et c. qu­hen he knew his sine and angert thairfor in his hart thane ye propheit Nathan said [Page] in contenent to hime / the lord hes tayne auay thy sine / god sais as it is vritine in the first chaiptur of the propheit esaie / vesth ȝow and be cleyne / tak auay ȝour ewil thochtis fra my eyne / seisz to dweweil / for giff ȝour sinnis be reid as bl­wid ȝeit thay sal be quhyt as snaw / and giff thay be reid as purpur neuertheles yai sal be quhit as wow / the propheit eȝechel vritis in his xviii chaiptur quhen ane / sinner twrnis hime [...]ra al his sinnis quhilk he hes dune / and keipis al my cōmā dis thane I wil ramember na mai [...] of his sinnis / quhilk he hes dune / he vritis alsua heir of in his xxxiii and xxxvi c. the propheit Ihonas vritis of the forgiffine of sinnis in his iii chaiptur / the pro­pheit Esaias of the muth of god sais in his xliii / I am he / I am he quhilk takis auay thy sinnis for my aune saik / and I vil na mair ramember apone thayme the propheit Iohel vritis thayr of in his ii c. and the Propheit Dauid in the bwik of psalmis in mony placis and specialie in [Page] ye li and xxxii and lxxxix Psalme

Uitnes of the neu testament

IEsus Christ is cōpanie ād cō uersatione wesz with siners ye quhilk signifeis yat he come to rasawe thayme to marcie and grace as hime selff sais in ye xviii chai. of S. Matheu / The sone of man come to saiff ye thing quhilk perist / S. Matheu vritis in his ix chaiptur yat Christ said to ye man quhilk ye pepil brocht to hime / liand in his bed / sone traist thy sinnis ar forgiffine to ye / and he callit S. Matheu quhilk vesz ane publicane fra his sinful craifft as he vritis in ye saine chaip. al­sua he callit paul quhen he wesz persewād ye halie chrissine kirk / as it is vritine in ye iy chaiptur of ye dedis of ye apostlis And he sais in ye first chaiptur of ye first epistil to Thimothe it is ane trew vord [Page] and aluay wordy to be rasauit Christ Ie­sus come in this wardil to saiff sinners et ce. Christis and S. Ihonis preching beginnis yat ve suld anger and repent our sinnis / and leiff [...] ald liff as S. Ma­theu vritis in his iii and iiii chaiptur / Thay say thair / repent / ye kingdome of heuine / is at ye hand / S. Luc vritis in his vii chaiptur quhow Christ forgaiff ye sin­ful voman quhilk weisch his feit / and in his xiii chaliptur / He callis al sinners to repentente / sayand / siclik as ye tour in si­loe / fel dune and slew xviii men / sua sal it be of ȝow and ȝe repent noth sune / Sanct Marc vritis in his iii chaiptur / al sine / sal be forgiffine to men and thay repent / quhat signifeis yat oder in the halie vrit that men sal be borne agane / bot thay sal re­pent and liff in ane new liff efter the com­mand of God / Nichodemus knew notht quhou he suld be borne new as S. Ihone vritis in his iii chaiptur / and in his v chaiptur he vritis that Christ helit ane man quhilk xxxviii ȝeris vesz seik / and [Page] said to hime nou thow art hail tak tent that thow sine ma mair / sua yat it happi­ne noth ye var / S. Ihone vritis in his viii chaiptur that Christ forgaiff the vo­man quhilk vesz taine in adultrie and said to hir pasz thy vay and sine na mair / it is vritine in ye ii chaiptur of ye dedis of ye apostlis / That S. Peter said / repēt et ce. S. Paul vritis in ye it chaiptur of ye ii epistil to ye Corinthians that thay suld rasaue ye fornicator to marcie agane for causz he repentit / ye halie vrit is ful of siclik exemplis that sine is forgiffine to vsz quhen ve repent and murnis in our hart and wil mend our liff / God quhilk hes promist to vsz forgiffine of our sinnis he is trew and fwl of verite / and almich­tine Thairfor he wil fulful his promis quhairfor ye propheit dauid sais in ye cxvi Psalme / Lowe ye lord al nacions / Lo­we hime al pepil / for his marcie is ma­id swuer to wsz And his verite rama­nis for ewer / he is our meik and marciful [Page] fader / thairfor he wil forgiff vsz bltthlie he hes commandit vsz / as S. Matheu vritis in his vi chaipt. to pray in our Pater noster forgiff wsz our sinnis / S. Ihone vritis in his xvi chaiptur / that Christ said to ye apostlis / ask and ȝe sal get / veralie veralie I sa to ȝow / quhat ȝe ask ye fader in my nayme / ȝe sal get / our lord is faithful and trew / and cane noth le / thairfor he wil keip to vsz his promis and forgiff vsz our sinnis / as ve forgiff thayme quhilk sinnis aganis vsz

Uitnes of this artikil of the ald testament

[Page] ESaias sais in his xxvi chaiptur Thy deid sal liff agane ād thay quhilk ar slane sal stand wp agane of deid / vaik wp and lowff God ȝe quhilk liis in ye ȝeird / Iesus Christ prewit the resurrectione aganis ye Saduceis (that the deid sal stand wp aga­ne) be the vordis quhilk ar vritine in the iii chaiptur of Exodi / I am Abrahams God / Isakis God / Iacobs God / and noth God of the deid / bot God of the liffand / quhen God said thir vordis / thir iii Patriarchs vesz lang deid befor / bot sane swa is that God is callit God of the liffād ād noth God of ye deid / thane thay ar veralie liffand / thair body and saul sal cum to gider agane quhen ye time is cum preordinit be God / ye propheit Eȝechiel vritis of ye general resurrectiōe xxxvii ca. sayand. The lord sais i sal opine wp ȝour grawis and tak ȝow out of thaime / the propheit Daniel vritis in his xii chaipt. Thair sal mony vaik wp of thayme qu­hi [...] slepis in the ȝeird / part of thayme to [Page] the euerlestand liff ād saluatione ād oder to ye ewerlestand payne and cōdānatione

Uitnes of this artikil of the new testament

SAnct Mathew vritis in his xxii chaiptur that Christ prewit aganis ye saduceis yat ye deid sal stand wp agane alsua he vritis in his xxvii c. that in the time of Christis passione ye grawis opnit and mony bodis of sanctis quhilk haid slepit thane raisz wp / and passit in to ye halie cite of Ierusalem and aperit to mony / S. Luc vritis in his vii cha. that Christ rasit wp ane vidous sone / he vritis alswa in his viii chaiptur / That he rasit wp ane madine S. Ihone vritis in his xi chaiptur / That he rasit wp ane man cal­lit Laȝarus quhilk vesz deid iiii dais S. Luc vritis in the xx cha. of the dedi [...] of ye apostlis / That S. Paul rasit wp ane [Page] ȝoung man fra deid quhilk vesz callit eu­tichus / sanct Ihone vritis in his vi chaip. that christ said na man cane cum to me bot giff my fader draw hime and I sal raisz hime vp apone the later day of dume / christ sais as it is vritine in xi ca. of sanct Ihone I am ye resurrexione and liff quhay trowis in me he sal liff supposz he var deid / christ said to martha thy broder sal risz vp fra deid / schw answert to hime I vait weil that he sal risz vp agane apone the later day S. Ihone vritis in his v chaiptour siclik as the fader rasis vp ye deid and makis liffand / swa the sone of god makis thaime liffand quhome he wil / the fader hesz giffine power to his sone to iuge al / the time sal cum quhen alyai quhilk ar in thair grawis sal heir his voce / and thay that hes dune weil sal risz vp to the euerlestand liff / bot thay quhilk hes dune ewil sal risz vp to the euerlesiād fyr and condamnacione / S. Paul prechit in athenis of the resurexione of deid / as it is vritine in the xvii and in ye xxiiii ca. [Page] of the dedis of ye apostlis sayand / I trow al thingis quhilk ar vritine in ye law and in ye prophetis / ād i traist in God yat ye deid sal risz wp agane baith euil and guid S. Paul sais in ye vi chaiptur to the Romās / Siclik as ve ar grawit with Christ be deid / sua sal we be partakers vith hime of his resurrectione / he sais alsua in the for said chaip. Sane ve ar deid with Christ we throw that we sal risz wp of deid and liff with hime / Sanct Paul vri­tis in the vi chaiptur of the first epistil to the Corinthians / God hes rasit wp our lord and he sal raisz wsz wp with his power ramember ȝe noth that ȝowr bodis ar the members of Christ? Tha­ne thay sal veralie be glorifeit with hi­me / Sanct Paul vritis in the xv chaiptur of the same epistil to the Corinthians / Plane and marklie of our lordis resur­rectione / reid and mark that veil for thair thow sal find cleirlie of al mennis re­surrectione / He makis ane argument say­and swa / Christ is rissine wp fra deid / [Page] quhair for ve sal alsua risz vp fra deid quhairfor suffert he deid and paine quhat pat hime to deid? veralie our sinnis God ye fader laid al our sinnis apone hime / ād he payit for thayme as it is vritine in the liii chaiptur af the propheit Esaie / haid he notht rissine vp fra deid / thane we ha­id beine tint / and ȝeit in our sinnis / thane thair haid na creaturs beine sa miserabil as we chrissine men / forgiff we put al our hop in Christ heir in our schort liff and sine var na mair heir efter of our hop quhilk ve haiff in hime / thane our sinnis war heuy and stark agants vsz to draw vsz to condamnacione / bot Christ is now rissine vp fra deid and it sal haiff na mair power ower hime / quhairfor he hesz veralie ouercum the deid and our sinnis that thay sal haiff na mair power ower vsz siclik as we deit al throw adam swa we sal al liff throw christ thair for lat vsz al be bitch in Iesus Christ for he hesz slane our inimis quhilk ar sine deid and the de­wil [Page] and hel / Christ is lord and king ād his kingdome is euerlestand / and quhair he is thair ve sal cum / thairfor we suld be glaid and blith / and thank and lowff our glorious lord and kinge Iesus Christ and cuir noth deid / bot sing / deid is ouer­cum be christis power / the propheit Oseas vritis in his xiii chaiptur / that our lord said o deid i sal be thy deid / o hel / i sal sink the dune o deid quhair is thy brod? o hel quhair is thy power God be lowit and thankit quhilk hesz giffine vs victorie ower thaime / be his wil be­lowit sone Iesus Christ / S. Paul vri­tis in ye first chaiptur of the secund epis­til to the Corinthians / That we suld notht traist in our selff bot we suld pwt our hop in God quhilk rasis wp the deid to the euerlestand liff / he sais alsua in ye iiii chaip. of the same epistil / Ye wait that he quhilk rasit vp our lord Iesꝰ christ fra deid yat he sal raisz wsz vp vith hime / ād in ye xiii ch. of ye same epistil he sais we [Page] sal liff with hime be ye power of god ād he sais in ye iii chaiptur to ye philippenses / our dwelinge is in ye heuine quhair fra we lwik efter our saluiour Iesus christ quhilk sal reforme our fowl bodis / (lik to his fair glorious body) be ye power quhair throu he ma subiect al thing to hi­me efter his will / Sanct Paul vritis in the iii chaiptur to the Collosenses giff ȝe be rissine wp with Christ thane se­ik efter heuinlie thingis and in the iiii ca. of the first epistil to the thessolonicenses breder ve will notht that ȝe be ignorant of thaime that slepis (that is of the deid) that ȝe be notht sorouful as oders quhilk hes na hop (of the resurrexione) for giff ve trow yat Iesus tholit deid and is rissine vp agane swa God sal leid thai­me vp to the heuine with hime quhilk ar deid in christ / for we say to ȝow yat in our lordis aune vord that we quhilk liff­is and ramanis to our lordis cuming a­pone dwinis day that ve sal notht cum (to the hewine) befor thaime quhilk slepit [Page] forquhy our lord sal thane / command ane archangel / to blaw the trumpait of God and he sal cū dwne of the heuine / ād thay quhilk ar deid in Christ sal first stand wp sine sal we quhilk thane sal liff / be reft to / gider with thaime / and meit our lord in ye air / and sine ramane for ewer with hime quhairfor be glaid and blith / and confort euerie ane oder in thir vordis

Of faith

HEir is now vritine and schauine quhow we suld trow in God / and qu­hat greit grace he hes giffine to vsz be his weil­belowit sone Iesus christ for he is borne and tholit deid / ȝeirdit and rissine wp agane fra deid for our saik to deliuer vsz fra ye euerlestād deid and ye deuil / And he sittis now at ye faders rycht hand / And is mediatur for vsz / as Sanct Paul sais in the viii chaiptur to ye Ro­mans [Page] / He is at ye richt hand of ye fader and makis intercessione for vsz / Alsua S. Ihone vritis in ye ii c. of his first epistil / Giff ony of vsz sinis ve haiff ane aduocat befor ye fader (quhilk is) richtꝰ Iesꝰ christ and he is quhilk optenis grace for our sinnis / he hes seruit forgiffine of our sinis ād resurrectione and ye gloir baith of saul and body to ye euerlestād liff without ony end be his blissit deid / and throw na varkis of richtusnes quhilk we haiff dune / sua al ye halie vrit sēdis vsz to Iesꝰ Christ yat we suld knaw yat he is ye sone of God / qu­hairfor he sperit at his disciplis / as S. Mat. vritis in his xvi c. quhome thay tro wit he vesz [...]hane peter ansuert for hime ād for al ye laiff / thow art christ ye sone of ye liffād god / apone this confessione of Peter (quhilk ve suld al haiff) ye h. chrissine kirk is fūdit and biggit / as S. Paul sais in ye i c. of ye i epistil to ye Cori. Ve prech to ȝow Iesꝰ Christ quhilk is ye power and visdome of God / and in ye iii c. of ye same epistil he sais / nay man can lay ane oder fundment bot ye same quhilk is [Page] land the quhilk is Christ Iesus / He vesz send be the fader and tuik the natur of mā and suffert deid apone ane cors to saiff v­sz fra the eternal deid / and raisz wp agane fra deid / and is our lord and heid / at the richt hand of ye fader to quhome ve cane noth cū throw our aune guid varkis bot throw his greit grace and marcie / and sw­uer faith in hime / Christ schew that he is the sone of God / as S. Ihone vritis in mony placis of his vangel / and he prechit that God vesz his fader quhairfor the io­wis vald haiff stenit hime to deid / as S. Ihone vritis in his viii cha. Iesus Christ come to leir al to trow perfitlie that he is the sone of God / and this same halie fa­ith is the fulfilling of the law and cōmā ­dis / faith is ye vera richtusnes / faith is ye glorious vark of God / faith slais the e­uil desiris of ye body faith ouercūis ye vardil deid ād ye deuil ād hel / saith makis ye saul of man liffand and giffis licht in ye hart / as S. Ihone sais in his first chaip. The portis of hel sal noth preuail aganis [Page] saith as sanct Mathew vritis in his xxt chaiptur faith hes power to al thing and cane dw al thing / and al thinge is possi­bil to faith / Sanct Ihone vritis in his viii chaip. that Christ said to the Iowis bot giff ȝetrow that i am (the sone of god) ȝe sal de in ȝowr sinnis / he said alsua as S. Ihone vritis in the same chaiptur he that trowis in me sal notht de for ewer Al the vangelistis and the apostlis vritin­gis ar ful of ye Doctrine of faith for al thing depēdis and standis in faith for he that trowis notht sal be cōdamnit as our saluiour sais in the last chaiptur of S. Marc / sanct Ihone vritis in his iii cha. he that trowis in the sone of god he hesz the euerlestand liff / thairfor ve suld al prey almichtyne god baith day and nicht to giff vsz the richt faith ād mak vsz stedfast in it for it bringis wi [...]h it baith hop and cherate and al oder guid frwitis ye quhilk sanct Paul callis the frwitis of the spreit in the v chaiptur to the galathians / faith is notht ane licht mening or ane thocht [Page] quhilk mē cane haiff of thair aune strintht or onderstanding / bot it is ane liffand thyng in the hart the quhilk renewis ād purifeis it as it is vritine in the xv ca. of the dedis of the apostlis / faith is ane liffand traist to god the quhilk makis wsz swuer without ony dout that we ar in his fa­woris and he wil be gracious and marci­ful to vsz and wil blithlie for his sēmis saik sorgiff vsz al our sinnis quhair throw we haiff offendit hime / this faith is the gretast thing of the first command / and siclik as ye first cōmand is ane rewl and heid af al ye layff of the cōmādis quhair of thay haiff al thair grwnd / sua faith is ye heid and grund of al gwid varkis / sua that thair is na guid varkis dune bot in faith and al the varkis quhilk ar notht dwne in faith ar sine as S. Paul vritis in the xiiii ca. to ye romās / this richt faith is the precious vark of God / of the quhilk sanct Ihone vritis in his vi caip. that is the vark of god / that ȝe trow in hime quhome the fader send / quhairfor ye [Page] halie vrit desiris sa oft faith / as ve reid baith in ye ald testamēt ād ye new / quhen Christ vald dw ony mirakil thane he sperit first giff thay trowit that he culd that dw / sanct Marc vritis in his ix ca. and sanct Matheu in his xiii caiptur. / that he did notht mony miraculis in his aune la­nd for thair onfaithfulles sanct Matheu vritis in his xvii ca. yat Christ said to his disciplis yat thay culd notht heil ye man quhilk vesz possessit with ane deuil for thair onfaithfulnes / quhair ye richt chrissine faith is thair is ane new hart / yat is ye special grace and gift of god / ye sin­ful hart of ald adame hes notht faith in it selff na cane notht haiff it of it aune natur na power / mony spekis mekil and rwsis thayme of faith / bot thay knaw noth [...] quhat it is / faith makis vsz lawlie soft pacient and abil to heir God / sua yat ve put al our traist in hime alanerlie And lwffis hime ower al thing and dredis hime as ye sone dwis ye fader / And to giff liff and Guidis for our eyn-Chrissine And to dw na man ewil [Page] and to suffer blithlie / skaith / persecucione and aduersite / and to dw al our varkis to ye profeit of our eynchrissine supposz thay be our inimis or freyndis as our lord Ie­sus christ did to vsz sinful creaturs quha­irfor thay ar notht al chrissine men quhilk callis thaime chrissine for giff thay be redy to dw thair eynchrissine skaith in ony ma­ner thay ar paganis and notht chrissine for supposz thay haiff the Chrissine nayme thair f [...]wit schawis veil quhat yai ar ād quhat thay suld be callit / var thay richt chrissine thane thay vald lwiff ye cōmād of god ād be weil willand to al man and dw na skaith to ony mā / god be marciful to thayme al that callis thayme chrissine and giff thayme the licht of the richt faith that thay be in verite as thay ar callit / heir ony man ma speir quhat i sal dw and i cane notht trow that god wil heir my prayer ād giffine quhat i desir / thane thow sal dw as the possessit mannis fader did off quhome sanct Marc vritis in his ix chaiptur / thair our lord Iesus said to hi­me [Page] cane thou trow (thow sal haiff thy de sir) for al thing is possibil to hime that trowis / thane he criit and grat / and said lord i trow / help my onfaithfulnes / and alsk with the apostlis as sanct Luc vritis in his xvii chaiptur / lord giff me faith

Of faith

THe man that trowis perfitlie yat god vil dw to hime efter his pro­mis baith now and in ye tyme of deid / he is ane richt chrissine man and he gettis quhat he desiris of god / na euil or sals or onfaith­ful man cane haiff siclik ane richt faith to god / for this is ane liffād faith and is cō mandit in the first cōmand quhilk sais I am thy god / thow sal haiff na oder godis thairfor it is notablie vritine i trow in god ye fader / in god ye sone / in god ye halie [Page] spreit / And it is notht vritine sua I trow of god ye fader / or of god ye sone / or of god ye halie spreit / this faith na man cane giff or eik bot god alanerlie / Na man cane haiff siclik ane faith bot alanerlie to god / heir ve cōfesz yat ye sone of god is veray god / for ve trow in hime as in ye fader / heir ve confesz alsualyat god ye halie spreit is God / for ve trow in hime as in ye fader ād siclik as thair is ane god in iii persōs swa thair is iii persons ād bot ane god

The first part of faith

I Trow in god fader almychtine quhilk maid heuine and ȝeird ād al creatur / yat is i forsaik ye de­uil ād al fals godis al vichchraft and onfaithfulnes i put notht my hop na faith in ony man of ye vardil na in my selff na in my power visdome guidnes richtusnes sciēce or onderstādyng / na in to ony oder thyng quilk i haiff or cane get i put notht my hop in to na creatur noder in heuine na in the ȝeird / i put my hop ād [Page] traist alanerlie in to almychtine onlie god the quhilk maid heuine and ȝeird and al creaturs quhairfor i dreid notht ye deuil na his pouer for my god hes power ower hyme I trow notht ye lesz in hime supposz i be lichtlit and persecut vith al ye men heir in ye vardil I trou noth ye lesz in hime supposz i be pwir and vithout onderstan­dynge ād supposz i be desolat of al vardlie help I trow notht ye lesz in god yat i ame ane sinful man for my stark faith sal o­uercum al ye euil and sine quhilk i haiff dune sua yat my faith sal be stark in god alene as ye first cōmand of god l [...]ris me that i sal notht dreid for my sinnis / na i sal notht traist in my guid varkis / bot i sal alanerlie trow that god vil be to me gra­cious ād marciful I desir noth ane mirakil of god (to be thair vith maid swuer of ye guid quhilk he hes promist to al chrissine man) to prewe or tempt hyme / bot I trou that he wil keip his promis to al richt Chrissine men that trowis in hyme I trow swuerlie [Page] in god yat he wil help me ād deliuer me quhou lang yat ewer i ramane in troubil and i set na special tyme or maner quhen or quhou he sal deliuer me / bot i commit that aluterlie to his godlie wil / sane god is almychtyne quhat thyng cane i thane mister that he cane notht dw and giff me quhen he vil? sane he hes maid he­uine and ȝeird and is lord ower al thyng quhay cane thane tak ony thing fra me or dw to me ony skaith bot giff he wil? quhou sal noth al thing cū for my guid quhē he giffis to me al guid And al thingis cummis efter his godlie wil / fane he is god thane he knawis best quhou he sal dw al thing to me and to al chrissine mē ād sane he is our fader thane he wil dw blithlie ye best And sane t dout notht of hyme bot puttis al my hop and traist in hime / thane i am veralie his bairne and heritour in his kingdome and gloir vith his sone Iesus Christ rom. viii

The secund part of faith

[Page] I Trow in his onlie sone Iesꝰ Christ our lord quhilk vesz consawit of the halie spreit ād borne of the virgine Maria and suffert onder Poncio Pilato crucifeit deid and ȝeitdit and passit dune to the hel and raisz wp the iii day of deid ād passit wp to the heuine and sittis at ye faders richt hād and sal cum agane to iuge quyk and deid / yat is i trow noth alanerlie yat Iesus Christ is the sone of God in a­ne euerlestand godlie natur and is borne of ye Fader without ony beginning / Bot i trowe / that al thing is giffine and subiect to hime be the fader and he is maid lord ower al thing (as to his humanite) as S. Matheu vritis in his last chaiptur that al the power in heuine and in ȝeird is giffine to hyme / I trow ihat na man cane trow in God the fader or cum to hyme be visdome power or guid varkis or be o­ny oder thing / in heuine or ȝeird / bot ala­nerlie throu Iesꝰ Christ his onlie sone yat is throu faith in his halie passione / I trou [Page] that he wesz cōsawit of ye halie spreit for the saluatione of me ād al mā (without ye seid of man) to clenge myne and al sinful bodis foul conceptione and to mak thay­me spiritual and saiff / of his aune and his faders guid wil I trowe that he vesz bor­ne for myne and for al mennis saik of the virgine Maria (without [...]ony corruptione of hir virginite in ony maner) to clenge myne and al sinful mennis birth efter the wil of ye fader I trow that he hesz suffert al his payne for me and al sinful mannis saik and that thair with he hes blissit al thayme quhilk suffers for his saik ād yat al that thay suffer is for thair saluatione I trow yat he deit and vesz ȝeirdit to sia myne and al mannis sinnis that tro­wis in hyme and ar grawit with hyme fra sine as S. Paul sais in de vi c. to ye Romans / I trowe that he hes slane the deid / ād hes maid it precious to thayme yat trowis in hyme sua yat quhen yai sal be lousit of ye body yai sal pas fra ye deid to ye euerlestād liff as S. Ihone sais in [Page] in his v chaiptur / I trowe that he passit dune to the hel to tak al the deuilis po­wer fra hyme / sua yat the deuil cane haiff na mair power ower wsz heir efter / for causz Christ hes deliuerit vsz fra hyme be his deid and hes distroyit the payne of hel fra thayme that trowis in hime / I trow that he raisz wp fra deid the thrid day to giff me and al that trowis in hime ane new and ane euerlestand liff / I trow yat he hes rasit me wp sua be the grace of his halie spreit yat i sal notht efter liff in sine bot yat i sal alanerlie serwe hyme and keip his cōmandis be his gracious help / I trow yat he passit wp to ye heuine and rasauit honour ād power of ye fader ower ye angels and al creaturs and sittis at his richt hād / yat is he is equal in power vith hyme / and is lord and kyng ower al thing yat pertenis to hyme in heuine and ȝeird He said to his disciples (as S. Math. wri­tis in his last c. (Ester his resurrectione) al ye power in hewine and ȝeird is giffine to me / thairfor he cane help and deliuer me ād [Page] al that trow is in hyme in al our troubil and fra al our inimis and fra the euerle­stand deid and condamnatione / I trow that he sal cum agane apone the later day of dwme to iuge quyk and deid and that the angels and deuilis and al man sal thane cum befor hyme and se hyme veralie And yat he sal deliuer me and al yat tro­wis in hyme fra ye euerlestand deid / and yat he sal pwnis his inimis and al thay­me quhilk ar aganis hyme and his halie vord / and he sal deliuer me and al yat tro­wis in hyme fra thair power for ewer

The thrid part of faith

I Trou in ye halie spreit / and yat thair is ane halie chrissine kirk quhilk is ye cōgregatione of sāctis yat is of al chrissine men / and yat our sine sal be forgiffine to wsz and that our bodis sal risz wp agane / and yat ve sal get the euerlestand liff / Amen [Page] That is i trow noth alanerlie / yat ye halie spreit is veray God with the fader ād the sone / bot alsua yat he is in the fader and that neyne cane cum to ye fader bot be his grace and the deid of our lord Iesꝰ Christ And yat neyne cane get ony thing of the fader na be part taker of our lord Iesus Christis deid / bot be the grace of the halie spreit be the quhilk the fader callis steris lichtis and drawis me and al chrissine man to hyme / and makis me saiff ha­lie ād liffand with Iesꝰ christ throw his deid / for he is be quhome ye fader virkis al thing and saiffis and makis wsz al liff and throw Iesus Christ / I trow yat thair is bot ane halie chrissine kirk apone ye ȝeird in al the vardil the quhilk is na o­der thyng bot the congregatione of sanctis that is of al chrissine men and vemen in al partis quhair euer thay be ower al the vardil / ād this halie chrissine kirk is ga­drit ād gwuernit with the halie spreit ād it is spiritualie dailie fed with our lord Iesus Christis word and his halie [Page] sacrament And he is alanerlie ye heid of this halie chrissine kirk and na mortal sinful man quhedir he be pape or patriarch or ony oder as mony ignorant prechours hes prechit befor / Sanct Paul sais in ye first chaiptur to ye Ephesians / God hes giffine Iesus Christ to be ane heid to al men quhilk ar his members & ce. I trow yat neyne cane be saiff bot giff he trow and be baptist and be in ye halie chrissine kirk and haiff ye veray faith of Christ and haiff ane hop and cherate with al chrissine men / ād yat na iow na turk na pagane cane be saiff bot giff thay rasaue ye chrissine faith and trow in euerie arti­kil thairof / I trow yat al thing is com­mone in this spiritual chrissine kirk swa yat al chrissine mannis orisone and guid varkis pertenis to me and to al oder guid chrissine man alsz veil as to thayme selff and yat na man hes or dwis ony guid yat pertenis to thayme selff alene thair­for al guid chrissine mennis prayer and al yat thay dw is to myne and to oder [Page] chrissine mennis guid baith in our liff and in ye tyme of our deid / swa euerie chrissine man sal beir oders burdine as S. Paul sais in ye vi chaiptur io ye Gala­thians / I trow yat thair is forgiffine of sinnis in ye halie chrissine kirk and in na oder place and yat helpis na thing to ye forgiffine of sinnis quhat ewer ony man or woman dw bot giff he haiff ye richt faith in ye halie chrissine kirk / I trow yat it stopis thayme notht of forgiffine of sinnis quhilk ar in ye chrissine kirk quhou greit or quhow mony sinnis thay haiff dwne / for thay get forgiffinis of thayme als lange as thay ar in ye halie kirk and trowis in ye vord of God and his greit grace ād marcie ād thinkkis to mēd thair liff / our lord hes giffine to ye chrissine kirk (quhilk is al gwid chrissine men yat tro­wis in his word) ye keyis yat is power to lowsz syne / As Sanct Mathew vri­tis in his xviii chaiptur / Quhat ewer ȝe lowsz apone ye ye ȝeird yat sal be lowsz [Page] in the heuine our lord said to S. Peter (as S. Mathew vritis in his xvi chaip.) I sal giff to ye / the keyis of ye kingdome of heuine quhat thou lowsis apone the ȝeird yat sal be lousz in the heuine / our lord said thir vordis to S. Peter apone al chrissine mannis vay and noth alanerlie to hime alene / that he suld hatff yat power / bot that al quhay trowis in hime in the halie chrissine kirk suld haiff power to lousz sinnis with his vord and the halie spreit / as S. Ihone vritis in his xx chaiptur / that our lord said to al his disciplis / Rasawe ye halie spreit / quhais sinnis ȝe forgiff thay ar forgiffine / heir of it is prowine that al quhilk hes noth ye halie spreit ād al quhilk ar aganis Godis vord thay haiff nay power to lousz sine / for sine cane notht be­lowsit withoutine the halie spreit and Godis vord and ye meritis of ye passione of Christ / thairfor na mane cane lousz sine of his aune power for causz he is ane bischoip or ane prest or ane mwnk / bot this is dune with the halie spreit and our lord [Page] Iesus Christis vord and noth throu thair power as thay and thair prechours hes precht to the pepil / trowis thow as the halie vrit sais yat thy sinnis ar forgiffine ye with our lord Iesus christ­is vord for his blwid / thane thay ar al­uterlie forgiffine ye / bot trowis thow yat thou wil dw satisfactione for thayme vith thy aune guid varkis thane thay sal notht be forgiffine to the / for causz thou lichtlis ye passione of our lord Ie­sus Christ yat he hes notht dwne ane­u [...] for thy sinnis bot thow trowis yat thow wil thy selff dw petfiter satisfac­tione with thy guid varkis na Christ hes dune / bot yat is inpossibil yat ony man cane dw satisfactione vith al ye Gud varkis quhilk be cane dw in al his liff for culd ony nan dw that / thane our lord Iesus christis deid var inuane as S. Paul sais in ii chaiptur to ye Gala. I trowe yat al men sal stād wp of de­id baith guid and euil with saul and body swa that the same body quhilk vesz gro­wit [Page] & rottine be for or distroyit in as or in ony oder maner sal risz wp agane i trow yat thair is ane euerlestand liff efter this resurrexione to al sanctis and guid chrissi­ne men / and yat thair sal be ane euerle­stand deid and condamnacione to al ewil and onfaithful men / and i dout notht of al thir forsaid artiklis bot I trew yat god the fader sal fulfil that me vith his sone (our lord Iesus Christ) and vitht he halie spreit amen

Heir efter folouis the pater noster vith ane schort declaratione apone the same

THe disciplis desirit at our lord Iesus Christ to leir thaime to pray (as Ihone did his disci­plis) as S. Luc writis in his xi chaiptur in the quhilk ca. he techit tha­yme quhat thay suld pray and quhow thay suld persiueir and be constant in pra­yer / alsua he techit thayme quhow thay suld pray ād quhat thay suld pray quhen he prechit the sueit sermond to thayme a­pone [Page] the montane (as S. Mathew vri­tis in his vi chaiptur) say and quhen ȝe pray ȝe sal notht haiff mony vordis as ye paganis dwis for thay trow to be hard for thair mony vordis quhairfor ȝe sal notht dw as thay dw forȝour fader in the heuine knawis quhat ȝe mister or ȝe desir ony thinge of hyme quhairfor ȝe sal pray swa Our fader thow quhilk is in ye heuine / thy nayme mot be hallowit / thy kingdome mot cum (to vsz) thy wil mot be dwne in ye ȝeird as it is in the heuine giff wsz this day our dailie breid / and forgiff wsz our dettis as we forgiff our det­tours / and leid vsz notht in temptatione bot deliuer vsz fra ewil Amen / Heir off our Iesus Christis aune vordis ve leir quhow and quhat ve sal pray / the quhilk ii thingis ar neidful to wsz to know

Quhou ve suld pray

WE sal noth haiff mony vordis bot we suld haiff our hart and thocht apone that quhilk we pray / ye fewer vordis ve haif ye [Page] prayer is ye better / and ye may vordis ve haiff without ye hart thairapone ye prayer is ye var / few vordis vith ane ar­dent desir of ye hart is ane crissine prayer mony vordis vith ye mwtht vithout ye hart is ane paganis prayier / quhairfor our lord said ȝe sal notht haiff mony vordis quhen ȝe pray as ye paganis dwis / he said alsua to ye samaritane as sanct Iho­ne vritis in his iiii chaiptur voman trow me the our is cum / quhen thay quhilk prayis faithfullie to the fader sal pray to hime in the spreit and in verite / to pray in ye spreit yat is said aganis thayme quhilk prays wtuertlie with ye mutht and notht ye hart / to pray in verite yat is said aganis ye prayer quhilk is lik to ane schaudou quhilk aperis wtuertlie in ye air as it var ane oder thinge in verite / sua quhen men mwuis the mwtht and the lippis and the tunge wtuertlie without ye hart ād mind thair apone / this prayer aperis vtuertlie be for mē bot it is notht in verite quhait for it may be comparit to ane schadow / god [Page] said of thayme that prayis to hyme sua / as the propheit Esaias vritis in his xxix chaip / this pepil virschipis me with thair lippis bot thair hart is far fra me / bot the spiritual and veray prayer is vith the inwert desir and mwrning of the hart to God for his help / our saluiour sais of thayme yat prayis sua / as S. Mathew vritis in his v chaiptur / Blissit ar thay quhilk murnis for thay sal be confortit ye wtuert prayer with ye mutht (without the hart) be for men is na vorth be for god / bot it makis falsz wtuert ha­lines and hipocritis and causis thaime to trowe yat thay haiff prayit veil quhē thay haiff bablit lange with the lippis / bot the spiritual ād veray prayer makis men godlie and frwitful be for God / That is notht possibil that he cane haiff mony vordis that prayis spiritualie with the hart for quhen he ramembers thay wordis with the quhilk he prayis ād quhat thay meyn / sua he man leiff the wordis and think quhat yai meyn / or elles he mā leiff [Page] the mening and think apone the vordis thairfor man nedis notht to reid and pray vtuertlie with the mutht bot giff that be inuertlie vith the hart and ane feruent de­sir swa that the mynd folow with the vordis and the menynge thair of / thair is mony psalmis in the psalter of lowine ād thankkis to god ād to pray vith / neuertheles thay haiff few vordis in thayme thay raisz vp the hart to think and pray and to desir guid of god / part of psalmis ar se­wert be this vord sela that singnifeis rest ād pece ād this vord is noder red na sung in ony place / bot it singnifeis yat thair is ane singlar marklie thing in yat prayer ād that man sal rest thair ād ramember apone the meninge and lat the vordis alene salange

Quhat suld ve pray

THe wordis suld be thay quhilk our lord Iesus Christ lerit wsz / our fader thow quhilk is in the heuine [Page] & ce. Sane our lord hime selff maid this prayer thairfor without ony dout it is ye best and maist acceptabil to our heuinlie fader for haid our maister Iesus Christ knawine ony oder prayer mair profetabil for wsz and mair plesand to his fader / in verite he haid lerit wsz that / neuertheles na man sal onderstand sua that oder prayers ar ewil or oneprofetabil quhilk hes noth ye Pater noster in thayme / for mony prophetis ād halie men prayit mony prayers befor that our lord vesz borne and ne­uerthelis thay var hard with God / bot al oder prayer awalis noth quhilk hes noth ye same meninge Psalmis ar guid prayers bot thay schaw notht sa cleirlie this prayers meninge as it dwis it selff suppos thay haiff that same meninge in mony placis / thairfor it is ane greit folie that o­ny oder prayer suld be cōparit to the Pa­ter Noster or to say or leir oders that thair lisz mair pardone to ony oder pray­er / as the papis hes dwne giffand [Page] sa mony thousād ȝedris to reid ye dremis of mē and thay quhilk redis thayme may deliuer sa mony saulis of purgatorie / and thay sal noth be condannit / ye quhilk is al bot manifest leinge and haldis ye pepil in errour I held mekil alsua befor of siclik praers ād pardonis in my blindnes quhair in i vesz befor quhen i vesz blindit with ye deuilis doctrine quhilk is ye doctrine of men / quhilk spekis leinge throw ypo­crisie as sanct Paul vritis in ye iiii ca. of ye first epistil to thimothe and in mony oder placis of his epistlis bot lowit be ye fader of licht quhilk hes brocht me and mony oders out of this blindnes and mirknes of egipt be the licht of his halie vord quhilk is sprunge wp to vsz qu­hilk ramanit in mirknes and ingnorance part prayis ane special prayer for to get riches oder to get vardlie honours / oder for oder peticions / ād sua sancte Brigitte­is prayer ād ye xv o and S. Gregoris vii o and alexandri and sixti and iulii and papis prayers hes beyne haldine mair precious [Page] na our lord Iesus Christis prayer for causz thay haiff giffine sic leinge and pardone to thayme ye quhilk hesz blindit ye pepil and causit thayme to trow mair in the prayers dremit be men (quhilk ar lears) na in ye prayer maid be our lord Iesus Christ quhilk is ye euerlestand verite / Mony prayis ye psalter of our ladie part vith queral bedis for causz thay suld thair for haiff greit pardone / and oders prais this Psalter / and makis thair of ane fra­ternite / ye falsz prechours said to ye simpil pepil yat thay vane ye greit pardone for this suposz thay prayit this notht with ye hart bot yat is manifest leinge / siclik as ye oder thingis yat thay said thairof yat yair suld be say mony thousād ȝeris of pardone for ye prainge of thayme / siclik pray­ers ar mair skaithful na profetabil to ye saluatione of the saul for causz our lord Iesus Christis prayer is thairfor lichtlit / al that is neidful to the saul and liff of man is habundantlie contenit in the Pa­ter Noster for al the pardone and blissinge [Page] and al oder thing quhilk is necessar for liff and saul baith in this vardil and in the vardil to cum is contenit in the Pa­ter noster / and it is better to pray ane Pater Noster with ane feruent mynd thair apone na to pray al the oder prayers maid be men with thair greit pardo­ne AMEN

• The first part is ane be­ginning and preparatione to pray
• The secund part is diui­dit in vii peticions

The beginning Our fader thou quhilk is in the heuine

[Page] ALmichtine God sane thow of thy singlar grace and marcie hes noth alanerlie maid wsz / bot alsua commandit and lerit wsz be thy sone Iesus Christ that we suld cal and hald the for our best belowit hewinlie fader / sup­posz thow may richtuslie be ane scherp iu­ge apone wsz pwir sinners for our innu­merabil sinnis quhilk ve haiff dwne aga­nis thy commandis and godlie wil in mony vays / and thairthrow hes greitlie offē dit thy maieste / quhairfor o heuinlie Fa­der giff wsz thy marcie and ane swuer sa­ith and hop to the in our hart that we may aluterlie without ony dout trow in thy faderlie marcie lwiff and grace ād lat vsz knaw thy faderlie lwiff quhilk thow hes to vsz ād schew to vsz giffād thy onlie sone to deid for our saik ād gif vsz faith to trow veralie that thow art our decrest fa­der and that thairfor we may lwiff the with al our hart and knaw and trow in verite that we ar thy bairnis and that [Page] ve may cal ye fader with blithnes ād cry traistfullie and pertlie to ye in al our ad­uersite defend vsz fader fra al ewil yat ve may al tyme ramane thy bairnis and yat ve serue noth to mak ane terribil iuge of ye / or yat ve mak noth ye our inime (with our sinnis) quhilk ar thy bairnis and heritours / Thow wil noth yat we alaner­lie suld cal ye fader bot thow wil yat we sal al cal ye our fader / and yat we sal euerie ane pray to ye for oder / quhairfor giff vsz ane broderlie lwiff to oder yat we may al knaw and onderstand yat we ar al to gider breder and sister and yat thow art al our fader / and giff vsz yat we may euerie ane pray for oder and notht to pray alanerlie for our selff or seik our aune profeit of ye / bot alsua our breders and lat vsz cast auay al inuy ād crabitnes quhilk is amāgis ony of vsz ād lat vsz lwiff eue­rie ane oder with our hart as ye guid bairnis of God suld dw / yat we may al say to gider to ye our fader and notht alaner­lie my fader / and sane thow art notht ane [Page] fleschlie ȝeirdlie fader as ve haif heir apone ye ȝeird / bot thou art our spiritual fader quhilk is in ye heuine ād thou cane newer de bot thow art inmortal without ony end bot our fleschlie fader heir apone ye ȝeird is mortal and vaik and cane noth saiff hi­me selff fra deid thairfor thow art gretar and ane better fader to wsz na our flesch­lie fader / and thow leris vsz to leiff our fleschlie fader and moder sister and bredir frendis and kine riches and mony gloir and honour and al the vanite of this var­dil / and our aune liff for thy saik / O he­uinlie fader thairfor giff vsz grace to be thy heuinlie bairnis and leir vsz yat we may alanerlie think apone ye euerlestand airschip and dwellinge of our saul quhilk is in the heuine / That ye flesclie faders heritage draw wsz notht fra our richt air­schip and mak wsz ye barnis and airis of ye vardil bot giff wsz yat we may say to ye vith ane richt hart / O heuinlie fa­der giff vsz yat we may veralie be thy he­uinlie barnis and airis AMEN

The first peticione Thy nayme mot be hallowit

O Almichtine God best belo­wit hewinlie fader thy halie nayme is mony vayis dispisit ād lichlit / it is alsua callit to mony thingis quhilk ar noth to thy lowine and honour / bot abusit to sine and ewil and vichcraft and to mony greit abhominabil aithtis / sua yat ye chrissine nayme quhilk we haiff of Christ qu­hair throw we ar callit chrissine men yat is mair to dishonour of thy halie nayme na to honour / it is dailie blasphemit a­māgis vsz in mony innumerabil vayis quhairfor giff wsz thy godlie grace that we may keip wsz fra al thing quhilk is notht to the lowine and honour of thy halie nayme / help alsua that al vichcraft and fals traist in the deuil / and in al oder creaturs [Page] may be distroyit for thy halie nay­mis saik Pwt auay al onfaithfulnes out of our hart quhairfor we trow notht richt and faithfullie in the as we suld dw / And giff we trow in ony creatur quhilk we suld notht dw bot onlie in the thane tak this vane belewe aluterlie out off our hart / help for thy godlie power that al heresie and fals doctrine quhilk is techit ād prechit onder the colour of thy halie nay­me may aluterlie be distroyit / help alsua o heuinlie fader that neyne dissaue wsz with fals godlines fenȝeit meiknes / and hali­nes / help that neyne dissaue oder in swerī ­ge and leinge with thy halie nayme / keip wsz al fra vane hop and traist quhilk ar maid onder the colour of thy halie nayme / keip wsz fra al spiritual hienes and fra al vane gloir / and leir wsz to cal apone thy halie nayme in our aduersite help wsz siclik that we forȝet notht to cal apone thy halie nayme in the time of our deid quhen our hart and vittis ar ful of sorow and dolour / help wsz that we [Page] may alanerlie lowe and honour ye in al our varkis and thochtis and speking and yat we desir notht [...]thairfor na vane gloir na vardlie honour bot lat al lowine ane honour come to ye our heuinlie fader to quhome al lowine and honour alanerlie pertenis / keip wsz fra al onthankfulnes quhilk is ane greit sine befor ye / O heuinlie fader raisz wp al men to honour and lowe ye for our chrissine faith and al guid warkis quhilk ar ye frwitis thair of / and lat wsz noth desir lowine na honour thair for / bot lat al man lowe and honour ye and thy halie nayme thair of / to quhome al lowine and honour is det / o Fader giff wsz yat neyne tak ewil exempil of our liff quhairthrow thy halie nayme may be licht lit / O fader keip wsz that we desir nay thinge in this vardil bot giff it be to ye honour of thy halie nayme ask we ony thin­ge fra ye o heuinlie fader quhilk is notht to thy honour heir wsz noth and dw noth efter our wil bot efter thyne / bot help wsz yat we may liff sua heir apone ye ȝeird yat [Page] ve altime knaw yat ve ar thy veray bair­nis that ve cal notht the our fader falslie inuane / al the psalmis quhair vith ve thank and lowis the nayme of god / per­tenis to this for said peticione

The secund peticione Thy kingdome mot cum (to wsz)

THis ȝeirdlie liff quhilk ve haiff heir in ye vardil quhilk is ye kīgdome of sine and euil and the deuil is prince thairof for he is the beginner of al sine ād euil he is ane falsz desauer of al man / bot thy kingdome is the kingdome of grace and guidnes in the quhilk Iesus christus thy veilbelouit sone is prince and lord and he is the beginner of al guid and the veray wprayser of al marcie and grace thair for fader help vsz to ramane in this kingdome ād be marciful and giff vsz grace to trow richt in Iesu Christ thy veilbelowit [Page] sane / giff vsz alsua ane swuer hop in thy grace and marcie aganis our sinful conscience / giff vsz ane veray lwiff to the and to al men apone the ȝeird for thy saik / o­fader deliuer vsz fra al onfaithfulnes and fra al hettrand and inuy and fra al the varkis off ye flesch yat yai draw vsz noth to condamnacione apone the later day help vsz that ve may owercum al euil desiris and giff vsz grace to liff richtus­lie in al vais / keip vsz fra al our inimis ād strif and giff vsz grace to ramane in to thy kingdome quhilk is pece grace and cherate / help vsz that hettrand and in [...]y and the oder varkis of the flesch ha­iff noth thair kingdome in vsz / bot lat broderlie cherate meiknes ād paciēce ramane in vsz / help vsz that ve dispar notht in our aduersite bot lat vsz haiff thy hewinlie blithnes in our hart ād tak al our sorow fra vsz / lat vsz be ful of al guid varkis quhilk ar the frwitis of the richt chrissine faith yat thou may al tyme ring in vsz ād that ve may ramane in thy kingdōe that [Page] ve may serue and honour the vith al our hart and liff efter thy commandis and halie wil and lat vsz aluterlie be gidit be ye al wayis and notht efter our selff or efter our body or efter the deuil or the vardil lat vsz notht folow the desiris of thayme bot aluterlie thy wil / help vsz that thy kingdo­me may now begine in vsz and be dailie ekit / that euil desiris of the ald adame ha­iff na power ower vsz / help vsz that sane thow of thy greit marcie hes rasit vsz vp fra sine that ve sal na mair heir efter / bot giff vsz that ve may be stark in the faith ād noth aluterlie to begine to lyff veil bot alsua to perseueir in ane guid liff as Da­uid sais / Lord illuminat my eyne that i sleip notht (or that i fal notht in sine) that me inimis haiff na power ower me help vsz O heuinlie fader yat ve may ramane constant in the halie crhissine faith yat our kingdome may be endit and maid perfit in thy kingdome to cum / help and diliuer vsz of this sinful and [Page] miserabil liff and giff vsz grace to desir al tyme thy euerlestand kingdome ād contēp the kingdome of this vardil / giff vsz grace that ve be notht red for the deid / bot to desir it that ve may cū to thy ewerlestand kingdome and liff / tak fra vsz al lwiff quhilk ve haiff to this mortal liff and vardlie pl [...]sour / yat thy kingdome may be perfit in vsz / al psalmis quhair vith ve pray to our heuinlie fader for his grace and chrissine liff pertenis to his peticione

The thrid peticione Thy vil mot be [...]ulfillit in the ȝe [...]rd as it is in ye heuine

OVr aune wil is al tyme euil quhen it is comparit to thy halie wil / bot thy wil is ay guid quhair for ve suld al tyme pray [Page] yat it altime be fulfillit thairfor be marciful to vsz hewinlie fader and lat vsz dw nathynge efter our desir bot giff it be thy wil giff vsz grace to haiff pacience quhen our wil is postponit / giff vsz grace that ve [...]e notht inpacient in our spekinge or quhen ony man sais our dwis to vsz ony aduer­site / and that ve bane notht na bakbit ony man / lat vsz notht defend vsz vith inpaci­ence bot lat vsz humil vsz and suffer thay­me pacientlie quhilk sinnis aganis vsz in vord or deid / alsua lat vsz noth tak it heuy in hart quhat ony man dw aganis vsz lat vsz distroy our aune wil / lat vsz blis thayme quhilk efter thy blissit wil dwis agāis our wil / giff vsz grace yat ve may paciētlie suffer al seiknes powerte and al aduersite and that ve may onderstand / at that is thy godlie wil that thow dwis sua with vsz to mortify our flesclie wil / giff vsz grace that ve may suffer pacientlie our inimis and yat ve rewenge vsz notht apone thayme na dw thayme notht euil for euil bot guid for euil / and lat vsz suffer thayme [Page] and lat wsz ramember that we man cum to the heuine throw suffering and be na oder vay onder ye heuine and yat ve may onderstand yat quhat thay dw to vsz it is efter thy halie wil / and that we thairfor thāk ād lowe the / lat vsz noth veit the deuil or euil men of ony aduersite quhilk cū is to vsz aganis our wil / bot lat vsz thāk thy godlie wil [...] quhilk disponis althing to our guid and to stop our aune euil wil / and to giff vsz the greittar blithnes in thy kingdome / giff vsz grace to de blithlie and to suffer the deid pacientlie for thy saik yat ve displeisz notht ye be inpacience or dout in ony maner / bot lat vsz thane perfitlie trow that thow hesz dwne satisfaccione for al our sinnis and that thow blithlie forgiffis vsz thayme and wil sa [...]ff vsz for thy guidnes / giff vsz grace veilbelowit fader that ve liff notht efter the desiris of our menibers / bot efter thy blissit wil keip vsz fra inpacience in our aduersite and inobedience to thy wil and fra al oder euil of our aune wil and giff wsz grace [Page] that ve may be obendient to the and pacient in al vais efter thy wyl / and to ramēber apone ye obedience of thy sone Iesꝰ Christ quhilk beand in ye schaip of god neuertheles he lawit hime selff and twik apone hime ye schaip of man & ce. giff vsz alsua grace to haiff ane fre and perfit wil in al maner baith in spiritual ād temporal thīgis efter thy wil / keip vsz fra al detraccione ād sclander that we bringe na man in ane euil fayme / lat vsz notht speik euil or iuge ony man vranguslie / tak auay siclik-euil twngis and greit sine fra vsz / that we dw notht swa our selff na haiff na plesour to heir siclik of oders / bot le­ir vszthat quhair ve se or heir the thing quhilk is euil of oders that ve may turn­ne that tho the best alsz far as possibil is to wsz / and schaw this alanerlie to ye heuinlie fader and commit that to thy wil yat thow dispone thair with as thy selff thinkkis expedient / and lat wsz for­giff thayme quhilk detrackis and spekis euil of wsz with thair euil twngis and lat wsz noth desir ony euil to thayme thairfor [Page] bot erer to pray for thayme / o heuinlie fader leir vsz to knaw that neyne cane dw vsz ony skaith or ewil bot he dwis hime selff ane thousand timis mair in thy seicht And giff vsz grace thairfor to be marciful to hi­me / and to haiff piete thairof for causz he hesz neyne of hime felff for thow puni­ssis al euil varkis and sine / giff vsz grace that ve be notht blith of thair aduersite quhilk heitis vsz / lat vsz notht be sorousul of thair prosperite / al the psalmis ād pray­ers quhair vith ve pray for sinners and for our inimis pertenis to this peticione

The iiii peticione giff vsz this day our daylie breid

O Almichtine hewinlie fader giff wsz that we want newer our spiritual breid thy halie word / bot that we haiff it al time to refresch wsz daylie lat notht the wardlie tirannis spulȝe vsz thairof / ye quhilk yow hes alanerlie cō mandit [Page] to heir and liff thairefter as it is writine in ye vi and viii c. of Deuterono. Lat wsz notht liff efter our anne wisdo­me thinkkand thairthrow to pleisz the / thay quhilk dwis sua thay ar maid fulis as it is vritine in ye xxix c. of ye propheit Esaie this breid fedis and starkis our saul O heuinlie fader giff vsz grace that chri­stis liff and passione / his vord and his vā gel his varkis and wil may be richt prech it to wsz and to al men in the vardil yat we may al knaw and onderstand and prent thayme in our hart and ramēbrance giff vsz alsua that we may haiff Christis vord ād liff al tyme be for vsz in the seicht of our saul as ane murrour and exempil to liff richt thairefter / giff vsz grace to be stark and blith (in our aduersite) be the bitter deid and passione of Iesus Christ ād to ramember that he suffert pacientlie for our sinnis / giff vsz grace to ouercum the euerlestand deid / for Iesus Christis deid and the swuer faith quhilk we haiff tha­ir to / that he hes dwne perfit satisfacti­one [Page] for our sinnis / and lat wsz folowe our saluiour to the euerlestand liff with out ony inpediment / Giff thy grace to al prechours and techours that thay may richt prech and leir the pepil thy halie word quhilk is necessar to our saluatione and leir al men to knaw Iesu Christ thy sone and the greit marcie quhilk he hes dwne to wsz al deliuerand wsz fra the dewil and the eternal condamnatione Help al that heris thy vord that thay may ramēber thair apone and mend thair liff thairefter / O heuinlie Fader lat al fals doctrine and prechine be distroyit and pasz out of the hartis and ramenbrance of al men quhilk prechis and leris notht thy richt word and wil / and ye meritis of Iesus Christ / be marciful to al thayme quhilk callis thayme bischoipis / and Prestis Mwnckis and freris that thay may onderstand thy halie word quhilk bringis to the euerlestand liff and saluati­one keip al thayme quhilk ar noth stark in the faith that thay tak notht ewil ex­empil [Page] of thair liff quhilk callis thayme Prelatis of the kirk or to dw ony wark quhilk is aganis thy wil / keip wsz fra al heresie and fals doctrine / That we may ramane al in thy halie word and doctrine quhilk is our daylie breid and the fwid of our saul / leir wsz to ramember perfitlie and prent in our hart the bitter deid and passione of our lord Iesus Ch­rist / and giff wsz al grace to schaw in our liff and warkis that we ar richt chris­sine men / giff vsz grace to resaue chrissinlie ye testamēt of our lord Iesꝰ christ at our later end / O heuinlie fader giff wsz our dailie breid that Christ may ramane in wsz and we in hyme without omy end And that we may richt beir that nayme quhilk we haiff of hime / of quhome we ar callit chrissine men and yat we may liff chrissinlie efter his halie doctrine sua yat ye frwitis of our chrissine faith may scheyne in ye seicht of al men quhairof thay may lowe ye as thy sone Iesus Christ techit wsz in the v c. of S. Mathew / O heuinlie fader giff vsz alsua necessar thingis to our [Page] corporal sustentatione be our aune richtus la [...]bour and noth be oder mennis lat wsz notht eit the pwir widousz houssis onder the colour of lang prayers lat wsz notht liff of the sweyt and blwid of the pwir as dwis oppressours and the tirannis of this wardil / Lat wsz noth liff of okir or be o­ny falsait or stouth the quhilk is ane greit sine and mekil wsit in this wardil of the quhilk sathane is prince / thow hesz com­mandit wsz to eit our breid with ye sueit of our browis / as it is vritine in the iii c. of Genesis / Giff wsz grace o hewinlie fader to liff efter thy command and noth as dwis the tirannis and oppressours ād theyffis and stark ydil beggers the qu­hilk ar blwid suppers of the pwir and citis notht thair aune breid bot oder folkis aganis the command of God / al Psal­mis and prayers quhair with we pray for the stait of the chrissine kirk and specialie that we be noth desawit with fals doctri­ne / and for thayme quhilk ar in aduersite pertenis to this peticione

The v peticione Forgiff vsz our dettis as we forgiff our dettours

THis peticione techis vsz yat we suld first forgiff thayme quhilk hes fail­ȝet aganis vsz and quhen we haiff dwne yat / thane we may pray to cur fa­der yat he wil forgiff vsz our sinnis / Heir it is techit befor in the thrid peticione yat the wil of God be fulfillit / and yat we suld suffer al ewil and aduersite paci­entlie / and to dw na euil for euil bot to dw guid to yaime quhilk heitis vsz siclik as our heuinlie fader dwis / quhilk causis his sone to scheyne apone ewil men and guid / and giffis his rayne to ye richtus and on richtus / thairfor heuinlie fader help and stark our onderstanding / and our mind ād hart baith now and at our later end yat we fal notht in dout na disperatione for [Page] our innumerabil sinnis / In tyme of our deid bot lat vsz thane swuerlie trow / that Christ thy sone hes owne satisfactione for thayme / thairfor giff vsz pece and rest in our hart yat we blithlie desir thy cūinge to ye iugiment / O fader iuge vsz noth [...]fter thy iustice / for thair is na flesch iust befor ye / O fader leir vsz yat we traist notht in our aune guid varkis in our fasting or prayer and in siclik oders quhair throw ye ypocritis of ye vardil trowis to mak thayme selff richtus / bot lat vsz ala­nerlie traist in thy promis and marcie lat vsz noth dout na fal in disperacione for our sinful liff bot lat vsz trow and ra­member that thy marcie and grace is without ony comparisone greittar nay al our sinnis / O heuinlie Fader help al men quhilk ar vexit in thair hartt dou­tand for thair sinnis and specialie in the tyme of deid forgiff thayme and stark thayme and rasaue thayme to grace / giff vsz thy grace and marcie and forgiff vsz [Page] our sinnis siclik as thow hes commandit wsz to dw guid to thayme quhilk dwis wsz euil / expel the deuil fra wsz quhilk is our crwel mimi / and accusis vsz scherp lie befor ye of our sine baith now and in ye time of our deid / and siclik our awne conscience accusis vsz and murmurs aga­nis wsz for our sinnis thairfor lat wsz re­pent thayme and trow that thow wil blithlie forgiff wsz for ye deid of thy sone Iesus Christ / O heuinlie fader iuge wsz notht efter the accusatione of the deuil na efter our aune conscience / Heir notht the dewil quhilk accusis wsz baith nicht and day befor ye / siclik as we wil noth glaidlie heir thayme quhilk bakbitis oders / O heuinlie fader tak fra wsz al thingis quhilk accusis wsz of sine and giff wsz ane cley­ne and ane guid conscience without sine and euil desiris / yat we may haiff ane cleyne hart to the ād giff wsz alanerlie to thy greit marcie and grace and suffer al ad­uersite blithlie and siclik de glaidlie that [Page] we may cum to thy euerlestand blithnes al Psalmes and prayers quhair with we pray for the forgiffine of sinnis and the marcie of God / pertenis to this peticione

The vi peticione Leid vsz noth in temptatione

WE haiff iii tempers (and we ar tempit be iii vayis) quhilk is of ye body of the dewil / ād of ye vardil quhairfor we pray ye almichtine God our heuinlie fader that thow wil giff vsz grace to dant the ewil desiris of our body / giff wsz grace yat we may stand aganis al inordinat and super fluis desiris in meittis and drinkkis and slepinge / and aganis al hienes and al o­der sinnis giff vsz grace to dant our bodis and to subiect thayme in seruitut / and to mortify the ewil desiris of thayme with [Page] the ramenbrance of Iesus Christis pas­sione and deid and lat vsz notht fulfil the desiris of the body to draw vsz to sine giff vsz grace that quhair ve se ony per­sons the quhilk may draw vsz to sine that ve tak nay euil occasione of thayme bot lat vsz thank and lowe and honour ye O heuinlie fader quhilk hes maid say plesād creaturs ād yat thay may be occasione to vsz of al clenes ād chaistite / giff vsz gra­ce that quhen ve heir any plesand thing or gettis ony thyng quhilk ve thynk is plesand and guid as riches or honour / yar ve desir noth our plesour thair in / bot that may be to thy louine ād honour / keip vsz fra auarice and fra al desir of vard lie riches or vayne gloir / keip vsz alsua that the fals plesour and promissis and vane blithnes of this vardil desawe vsz notht na draw vsz noth efter thayme / keip vsz that ve be noth inpaciēt quhen ye var dil gāgis aganis vsz be pouerte ād aduersite bot giff vsz grace to contēp al the vanite ād falsait of it as ve promist in our baptime [Page] / lat vsz stand stark in our promis and euerie day grow mair ād mair in the swuer faith / keip vsz fra ye spreit of prid yat ve be notht pridful of ye giftis quhilk thou hes giffine to vsz in this vardil that ve lichtlie notht oders / keip vsz that ve beir na hettrand in ony maner aganis ony man / lat vsz notht fal in ony temptacione of our faith or in ony dout or dispair of thy marcie and grace noder now na in ty­me of our deid O heuinlie fader i cōmend to the al chrissine men quhilk fechtis aga­nis the mony temptacions quhilk cūis of the body of the deuil and of the vardil stark thayme quhilk standis now / raisz thayme vp agane quhilk ar falline / and giff vsz thy grace quhilk ar heir in this vardil amangis sa mony cruel innimis ād tempers the quhilk al tyme fechtis aga­nis vsz vithout ony seissinge that ve may manfullie fecht and stand aganis thayme be thy help and cum to the euerlestand blithnes and pece in the heuine amen

The vii peticione bot deliuer vsz fra euil

THis peticione is agnis al euil and punicione quhilk ve haiff seruit for our sinnis / O heuinlie fader keip / vsz fra displesour of the and fra the euerle­stand payne of hel / keip vsz fra thy scherp iugiment in the tyme of our deid and apo­ne the later day of dume / deliuer vsz fra the deuil and fra haftie deid / deliuer vsz fra fir ād vater hunger ād weris ād schedding of bluid / keip vsz fra al thy greit plagis pestilence lipper grangour and fra al oder siclik greit seiknes deliuer vsz fra al euil and corporal aduersite Neuertheles lat al thynge happine auhilk we desir in this peticione efter thy halie wil to the louine and honour of thy godlie nayme O heuinlie fader giff vsz yat ve may get the thingis quhilk ve desir in thir peticious ād lat vsz noth dout thairof yat thou heris noth [Page] our peticions blithlie and wil giff vsz thay thyngis quhilk ve ask fra the quhair for ve say al amen that is veralie be it sua

Ane schort disputacio ne apone the pater noster betuix god ād ye saul

THe saul sais / our fader thou quhilk is in ye heuine ve ar thy bairnis he­ir apone ye ȝeird ād seuert fra ye he­ir in ane frēmit cuntreth o quhou greit ane space is betuix vsz ād ye? quhou sal ve ony ryme cū hayme to ye in our faders kīgdome

God ansuaris as ye propheit Malach sais in his first c. ane bairne honours his fader / and ane seruand dredis his lord am i ȝowr fader quhair is thane my honour quhilk ȝe suld giff to me? am i ȝour lord quhair is thane my dredour quhilk ȝe suld haiff off me? for my nayme is continualie al ye day blasphemit amāgis ȝou as ye propheit Esaias sais in his lii chaiptur

The first peticione

THe saul sais o heuinlie fader that is in verite ve knaw our sine befor the / be to vsz marciful and ane gracious fader ād count notht scherplie vith vsz bot giff vsz thy grace that ve lyff sua he­ir efter that ve may lowe and honour and dreid thy halie nayme for euer / lat vsz notht thynk or speik or dw bot the thyng quhilk is to thy lowine and honour / sua that ve altyme seik thy lowine and honour and notht our aune / Dhewinlie fader giff vsz grace to lwiff the abune al thyng and to dreid and lowe the vith al our hart

God ansuaris quhou cane my nayme be honourit or haldine halie amangis ȝou for the hart and thocht of man is redy to ewil fra the ȝouth as it is vritine in the viii c. of genesis / and nay man cane sing my lowine in ane fremmit land as the propheit Dauid sais in ye cxxxvi psalme

The secund peticione

THe saul ansuaris o heuīlie fader yat is in verite ve knaw yat our hart ād thocht is al tyme redy to ewil and sine / and that the vardil and the deuil and the euil desiris of the flesch desiris to ringe in vsz and to eypel the out of vsz / thairfor ve beseik the to help vsz in this batel and lat thy kingdome cum to vsz ād lat notht sine ringe in our mortal bodis that ve may be plesand to the ād that thou may alanerlie ringe in vsz / that we may be obedient to the with al our hart in al vayis

God ansuaris as it is vritine in the lix psalme i distroy thayme first quhome i wil help ād quhome i mak liffand or rich or guid or saiff i sla thayme first ād leiffis thay me i mak thayme pwir and to notht ād as Dauid sais in the cv Psalme ȝe wil notht suffer my maruolous varkis and [Page] consal quhou sal I thane help ȝow? or quhat mair sal du to ȝou as the propheit Esaias vritine in his v chaiptur

The iii peticione

THe saul ansuaris that is in ve­rite o heuinlie fader ve onderstād notht nay suffers notht thy gracious hand ād the cors quhilk thou layis apone vsz to knaw ye O heuin lie fader thairfor giff vsz thy grace and help ād leir vsz to lat thy godlie wil wirk in vsz / stop our wil and lat vsz dw nay thing efter it bot giff it be accordand to thy halie wil for owr wil and thyne ar cō ­trarie for our wil is al tyme euil suppos it apeir to vsz to be guid

God ansuaris as the propheit Dauid vritis in the lxxvii psalme that hes hapnit befor that mony hesz lwiffit me with thair mwtht bot thair hart wesz far fra me / And quhen i laid my hand [Page] apone thayme / that thay suld knaw me / thane thay lap abak and passit fra me / as it is vritine in the same forsaid psalme thay fled in the day quhen thay suld haiff fouchtine / thay quhilk begwid to cum to­me quhen i pwnist and corekkit thayme efter my wil thay ar turmt ād falline in sine agane / and dishonours and lichtlis me and ar inpacient in the aduersite quhilk I send apone thayme

The iiii peticione

THe saul ansuaris o heuinlie fader that is in verite for thair cane nay man be stark of thair aune strintht And as it is vritine in ye lxxxix psalme quhay cane ramane or byd thy punissione thairfor cōfort and stark vsz heuinlie fa­der and lay thy hand marcifullie apone vsz and pwnis vsz efter thy godlie wil yat [Page] we may be now obedient to ye and suf­fer thy hand pacientlie to thy honour / Bot heuinlie Fader stark wsz (quhen thow layis thy hand apone wsz) with thy halie vourd our dailie breid and prent thy sone Iesus Christ in our hart qu­hilk is ye heuinlie breid that we may be stark be hime and suffer blithlie al aduer­site and giff ower our aune wil and ful­fil thy wil / giff alsua grace and marcie to al chrissine men and send wsz richt prechours to prech wsz thy halie vourd / and to knaw thy Sone Iesus Christ our onlie saluiour

God ansuaris / As it is vritine in ye vii and xv chaiptur of S. Mathew / and in mony oder placis of ye halie writ / it is notht guid to cast halie breid to dogis or to giff the bairnis breid to dogis / ȝe sine daylie supposz i lat prech to ȝow baith nicht and day ȝe heir it notht na dwis notht thair efter bot ȝe dishonour and licht lis my halie vourd

The v peticione

THe saul ansuaris / O heuinlie fader thairfor be marciful to wsz and for­giff wsz / we forthink yat we haiff hard and lichtlit thy halie word and hesz notht liffit thairefter / thairfor we pray ye heuinlie fader meiklie / yat thow wil haiff marcie of wsz thy bairnis and forgiff wsz our onthankfulnes and sine / and gang notht in iugiment with wsz for thair salneyne compeir richtus in thy seicht / keip thy promis quhilk thow hes promittit to wsz / for we wil glaidlie forgiff thayme quhilk hes sinnit aganis wsz / and thairfor thow hes promist to forgiff wsz our sin­nis suppos we serwe noth forgiffinis of thayme thairfor for causz we forgiff oders bot for causz thow art trew and marciful and hesz promist wsz forgiffine of our sin­nis of thy aune gwidnes and grace and we forgiff thayme quhilk sinnis aganis wsz / we traist thow art ane trew God [Page] and wil fulfil thy promis

God ansuaris / As it is vritine in the lxxvii Psalme / I forgiff ȝow ȝour sin­nis and deliueris ȝow fra euil / bot ȝe for­ȝet my kindnes ȝe ramane noth stark in ye faith / ȝe haiff ane litil faith / ȝe cane notht vaik ane our with me / ȝe fal sune in tēptatione agane

The vi peticione

The saul ansuaris / o heuīlie fader we ar seik and veik and thair is mony tēptations aganis vsz of our flesch of ye deuil / ād of ye vardil / O marciful fader help wsz and stark vsz and lat vsz namair fal in tēptatione and sine agane / bot giff wsz thy grace that we may stand swuer and stark in thy faith / and that we may fecht manfullie to our later end / for we ma notht of our selff bot euil bot giff thow wil help wsz and [...]iff wsz strintht

[Page]God ansuaris as it is vritine in the vii Psalme / I am richtus and my iugi­ment is richt quhairfor ȝe cane noth ra­mane one pwnist thairfor now ȝe man suffer trowbil and aduersite to pwnis ȝow and to turne ȝow fra ȝowr sinnis

The vii peticione

THe saul sais / sane that our inni­mis quhilk ar our aune bodis ye deuil and ye vardil / drawis wsz daylie to sine / thairfor we be seik the heuinlie fader to deliuer wsz fra ewil / and qu­hen thow hes deliuerit wsz giff wsz grace thane to be thy veil belowit bairnis and to be obedient to ye in al vayis / and to dreid the as ye guid bairne dwis ye fader and to lowe and honour [...]he foreuer Amē

Thy sone Iesus Christ hes lerit wsz ād alsua commandit wsz to pray to ye ād promist to wsz yat you wil heir our prayer in his nayme / Thairfor ve trow soouerlie heuinlie fader yat thow wil heir wsz graciouslie [Page] to ye lowine and honour of thy selff Thow wil keip ye promis of thy sone Iesus Christ to wsz pwir sinners / Thairfor lowine and honour be to ye of al thy crea­turs without ony end / AMEN

Of the Aue Maria

HEir euerie man [...] mark that neyne sal [...] thair hop in the virgine Maria or trow that schw cane saiff ony man for prayer or seruice dwne to hir Thairfor euerie man sal put thair hop alane [...]lie in Iesu Christ for thair is na oder saluiour bot he alene / quhilk gaiff hime selff in redempti­one for al / as S. Paul vritis in ye ii chaiptur of ye first epistil to Thimothe / This is ye greitast seruice ād honour that man cane dw to God to trow in his so­ne quhome he send in ye vardil as our saluiour sais inye vi chaiptur of S. Ihone Thairfor euerie man sal lowe and thank God for the greit grace quhilk he gaiff to [Page] hir / / nay man sal lowe hir oderwisz bot that schw gat that greit grace of ye guidnes of God without hir meritis that he maid hir vorthty to beir his veilbelouit sone as hir selff said in ye Magnificat / god hes lukit apone ye powerte of his madine or seruand / schw extollit notht hir selff of hir humilite or meiknes (as mony sais without onderstādīg) for yat haid beyn prid ād sine and schw haid dwne sua / bot schw lowit God quhilk maid hir vorthy of his guidnes and grace and chosit hir to beir his sone quhair schw vesz pwir and licht­lit in the vardil / quhen ane man seis the sone or the mwne or the sternis or ony o­der plesand creaturs thane thay giff occa­sione to lowe and thank God quhilk maid thayme and to say blissit be thow almichtine God of al thy angels and sanctis and of al thy creaturs quhilk thow hes maid in heuine and ȝeird / sua suld we dw and say of the virgine Maria O almichtine and marciful God blissit be thow quhilk maid that plesand crea­tur [Page] ye virgine Maria and gaiff hir sa greit grace and honour to be the Moder of thy weilbelowit sone our saluiour / giff wsz al grace yat we may thank the thairfor without ony end / we suld sua think in our hart of hir in our prayer / yat we put notht our hop in hir bot in Iesu christ our lord and saluiour and mediatur betuix wsz and the fader / we may sua remember of hir and of oder sanctis in our prayer / O almichtine God quhilk gaiff the vir­gine Maria and Peter and Paul and N N. say greit faith and grace yat thay tro­wit alanerlie in the / giff vsz pwir sin­ners grace yat we may alsua trowe in ye and lowe and thank ye for euer in the he­uine / sua we may pray for al thingis qu­hilk ar neidful to wsz and traist alaner­lie in God That he may giff wsz thay­me / Thairfor chrissine reder considder the Aue Maria perfitlie and thow sal find yat is giffis the lowine of al guid quhilk wesz in hir to God

Hail Maria ful of grace The lord is with the / Thow art blissit amāgis al vemen / and blissit is the frwit of thy weyme Iesus Christ Amen

HEir euerie man may se that thair is nay prayer heir in the Aue Maria / bot alanerlie lowine siclik as thair is nay prayer in Ye vi first vourdis of the Pater noster / ye quhilk ar / our fader quhilk is in the heui­ne Thairfor nay man cane mak ane pray­ir of it / for it is noth lesum yat ony man interpreit the wordis of it in ony oder maner nay thay stand / for thay ar playne and spokine be the halie spreit Neuerthe­les we speik of thayme as of ane ramem­brance quhairof we may ramēber ye greit grace quhilk God gaiff to hir / makand hir cleyne of sine / and chesand hir to be ye moder of his sone And that the lord wesz with hir yat is to say / he come of ye heuine [Page] be ye wil of ye fader ād of his awne marcie and grace (and notht for nay meritis of ony creatur) and wesz consauit and borne of hir be the operacione of ye halie spreit to suffer deid to deliuer hir and al qu­hilk trowis in hyme fra the power of ye dewil and ye eternal deid and condamnacione / Schw is blissit amangis al wemen noth alanerlie for causz schw bwir hir so­ne withowt ony payne or corrupcione of hir parsone hot specialie for causz schw wesz frwitful be the operacione of ye halie spreit without ye seid of man ye quhilk wesz notht giffine to ony oder virgine nay voman / alsua the blissit frwit of hir wey­me incurrit notht the sine ād maledictione quhilk cūis apone euais and al wemennis bairnis and frwit for causz thay ar cō sauit and borne in sine and ar detrours to deid ād cōdānacione / bot Iesus christ the frwit of the virgine maria wesz and is alanerlie blissit the quhilk alsua maid hir blissit and al man and woman quhilk tro­wis in hime thairfor lat wsz al sing with hir to gider mi soul lowis the lord [Page] and my spreit hesz reiosit in god my salui­our / to quhome be lowine and honour of al creatur AMEN

Heir efter folouis ane e­pistil to ye nobil lordis / ād batōs of scotlād

OVr saluiour Iesus christ quhilk is king of kingis ād lord of al lordis cōmandit his apostlis to prech the wangel to al crea­turs / as sanct Marc beris vitnes in his last chaiptur / quhairfor thay and thair successours var dettours and bwnd to prech the same / to al pepil / to the puir / ād to the rich / without exceptione of ony par­sone / S. Paul the faithful prechour of christ confessis the same in the first chaip. of his epistil to the romans And in the ix c. of his first epistil to the corinthians he ferit to brak this cōmand sayand wa is to me and i prech notht the vangel et ce / this consideris notht ye blynd giders ād pastors quhilk sekis bot the mylk and ye wow of the scheip / quhilk alsua thinkkis nay scheyme to cal thayme selff vicars of christ ād successours of the apostlis / o say [Page] lik? say lik? ye quhilk ȝe sal onderstand hesz hapnit for iii causis / the first is ingnorance of the wangel to the quhilk thay ha­iff giffine na cuir to thir mony ȝeris / bot to thair awne tradicions the quhilk thay haiff maid to hald wp thair kingdome ye quhilk culd notht stand and thay prechit ye wangel ye quhilk cōmandis thayme to be noth as kingis and princis / bot to be content of necessar thyngis that is to say of meit and claith as S. paul vritis in in the vi ca. of his first epistil to timothe The secund causz is thair voluptu [...]usz ād flesclie liff (quhilk thay haiff of the sweit and blwid of the puir) and as the suine trampis the precious peirlis onder thair feit / sua thyr flesclie men lichtlis the preci­ous peirl christis wangel / maruel ȝe notht thair of / ye causz is ye vanting of Godis spreit quhilk onlie leris to know ye giftis of god / as S. Paul vritis in ye ii c. of his first epistil to ye corinthians The thrid ād principal causz is the sekkis N. and N. quhilk ar riffine laitlie in the kirk and pre­chis dremis and fablis and ye tradicions of men and notht the vangel and giff [Page] ony amangis thayme wald prech it and notht thair tradicions thay ar haldine for heretikis / as ȝe knaw be experience of patrik hammiltone quhom thay pat creu­ellie to the deid bot now he liffis with christ quhom he confessit befor ye princis of this vardil bot ye voce of his blwid ctyis ȝeit vith ye bluid of abel to ye hewine / our halie fader ye paip ād his bischopis giffis ane part of ye spulȝe quhilk thay reiff fra ye pwir to thir forsaid sekkis ād thinkkis yat thay supple thair office the quhilk is notht in verite for sanct Paul sais in the iii c. of his first epistil to timothe ane bischoip mā be ane prechour heir Paul sais notht yat it is sufficiēt to ane bischoip to haiff ane prechour to supple his office bot hime self suld be ane techour and prechour of his pepil / bot alace thay wil noder prech tha­ir self nay ȝeit suffer oders quhilk wald prech the chrissine and heilful doctrine / the machometis and the turkis / the iowis and oder infidelis wil suffer to prech tha­ir lawis amangis thayme / bot thay qu­hilk haldis thayme self for heiddis to the [Page] chrissine pepil wil notht suffer Christis doctrine to be prechit to thayme / quhilk thay haiff al professit in thair baptime to lyff thair efter quhair of thay sal alsua al giff count apone the day of dwme / belewe suuerlie in God ȝe sal heir the vangel prechit amangis ȝow as amangis oder pepil for it is his wil that ȝe be saiff ād cum to the knawlege of his nayme thair for to raisz ȝour hartis to desir the same of ȝour heuinlie fader be his help i sal he­ir declair schortlie to ȝow quhat is the vā ­gel and to quhome almichtine God reue­lit it first the quhilk ȝe cane notht perfitlie onderstand excep ȝe onderstand the law ye quhilk ii hes diuersz strinthtis / the law schawis ȝou ȝour seiknes ye vāgel schauis to ȝow remeid ye law is ye ministraciōe of onrest and deid / the vangel is the minis­tracione of liff and pece / the law schawis to ȝow ȝour sinis ye vangel schawis ȝow remissione / the law is the strintht of sine / the vangel is the strinth of heil to al quhilk belewis / the law is ane doctrine [Page] the quhilk cōmādis the thingis quhilk arguid and richtus ād schawis quhat is sine the vangel is the promis of grace and the marcie of god / as forgiffine of sine and ye kindnes of god to wsz be the quhilk we ar maid suuer yat al our sinis ar forgiffine and yat God hesz rasauit vsz in his fauoris / this promis rasis and quiknis our hartis to lwiff and lowe ād reiosz in god this promis is fulfillit in christ quhilk wesz first mirklie bot efteruert cleirlie reuelit quhen Adam simit he oblist hime self and al his ofspring to the eternal deid / with­out dout he haid disparit haid notht God of his greit marcie confortit hime be pro­mis of grace sayand to the serpent / ye se­id of voman sal tramp dwne thy heid this promis is the vangel or ioiful tithā ­di [...] the quhilk God reuelit first to adame throw the quhilk he wesz wprasit in his hart and trowit in this ioiful promis and thairthrow he wesz maid richtus Efteruert God maid ane promis to abra­hame Genesis xxii that al pepil suld be [Page] blissit in his seid the quhilk cane notht be onderstand oderwisz bot of christ as S. Paul vritis in the iii to the galathians thay var al saiffit quhilk beleuit in this promis maid to abrahame this is the ioi­ful and sueit promis quhilk is cōmendit in diuersz placis of the new testament and specialie in the iiii chaiptur to the romans quhair it is said that abraham belew and in the promis of God wesz maid richtus God promist to Dauid (as it is vritine in the vii c. of the secund bwik of kingis) sayand i sal raisz thy seid efter the quhilk sal cum of ye and i sal mak his kingdome suuer for euer / ād for thir promissis christ is callit sum tyme the sone of Dauid / and sum tyme ye sone of Abrahame / ane dili­gent reder ma collec to gider al the pro­missis of christ ye quhilk ar na oder thing bot the vangel the quhilk ar richt profeta­bil to reid and ramember apone / for thay raisz ād strinthis our waiknes for he quhilk maid thayme to wsz is faithful ād ful of strintht / in this maner efter ye fal of [Page] Adame incontinent god reuelit the van­gel / bot efteruert be successione of tyme mair cleirlie And quhen the tyme wesz cū pre ordinat be god he fulfillet his promis as S. Paul vritis in the first chaip. of his epistil to the romans / Paul the seruand of Iesu christ callit to ye office of ane apostil sewert to prech the vangel (or blitht tyrhā dis) of god quhilk he promist befor be his prophetis in ye halie scripturs of his sone quhilk vesz borne of the seid of Dauid as pertenand to the flesch And in the first ca. of his ii epistil to Timothe he sais thynk notht scheyme to beir vitnes of our lord Iesus Christ / nay think notht scheyme of me quhilk am bwnd for his saik bot suffer aduersite with the vangel throw the power of god quhilk hes deliuerit and cal­lit vsz witht ane halie vocatione / notht efter our varkis bot for his preposz and grace quhilk wesz giffine to wsz throw Christ Iesu or the beginning of the vardil bot is now declarit opinlie be the apering of our saluiour Iesu quhilk hes distroyit [Page] deid and hes brocht liff ād inmortalite to licht throw ye vangel / ye vangeliftis beris vitnes yat God fulfillit his promis as we reid in ye i c. of S. Math. quhair he beginnis sayand this is ye bwik of ye ge­neratione of Iesus Christ / ye sone of Dauid / ye sone alsua of Abraham / ye law as i sai [...] befor is ye ministratione of deid ye quhilk schawis to ȝow quhat is sine and cōfūdis and sleis ād slais ȝour cōsciēce ād giffis nay strinth to ȝou to forbeir sine / ye vangel is ye ministratione of liff ye quhilk rasis ād quiknis ȝour fleyit cōsciēce ād giffis ye spreit to fulfil quhat ye law cōmādis this is neidful to onderstand giff we wil knaw in quhat maner we quhilk ar borne ye bairnis of ir ar maid richtus befor god quhen ye law schawis to wsz our sine and condānatione it causis wsz to dispair / bot we ar maid richtus quhen we belewe in ye word of grace ye vāgel quhilk God promist to wsz in Christ ye quhilk is forgiffine of our sinis ād ve inheir to hime be faith doutand notht bot his richtusnes is ouris [Page] his halines is ouris / his satisfactione is ouris / his resurrectione is ouris / schortlie notht doutand bot our sinnis ar forgiffine throw hime ād we ar rasauit in ye fauoris of God / Neyne of our varkis makis wsz richtus quhow guid (or quhow meritabil as mony callis thayme) thay apeir bot alanerlie faith of ye marcie and grace of God (throw Iesꝰ Christ) as ye propheit Abac. sais in his ii c. The richtus liffis of faith and S. Paul sais ii c. of his epistil to the Gal. I liff of ye faith / of ye sone of god quhilk lwiffit me ād gaiff hime selff for me I lichtiie notht ye grace of god for giff richtusnes come of ye law thane Christ de it inuane / alsua he sais in ye iii c. to ye Ro. Richtusnes in ye seicht of God is be ye faith of Iesu Christ / and in ye iiii c. of ye same he sais / to hime yat trowis in hime quhilk makis ye ongodlie richtus faith is reknit for richtusnes / faith is noth ane vayne opinione or ane vauerād thocht quhilk ony herād ye historie of ye vāgel may haiff ye quhilk renewis noth ye hart nay causis [Page] notht ane new liff nay hesz nay guid warkis or frwitis folouand efter / weray faith is ye wark of God in wsz throw ye qu­hilk we ar new borne be his halie spreit ād ar maid new creaturs to God / Faith virkis throw lwiff (ād cane noth be you) as S. Paul sais in ye v c. to ye Gala. ād of it cūis guid varkis as guid frwit dwis of ye guid tre / ye mā quhilk hesz veray faith cu­ris noth quhider guid varkis be cōmādit or noth / ȝei supposz thair war nay law / saith causis hime to virk throw lwiff godlie ād chrissine varkis / he quhilk dwis hton his varkis with ane godlie and quik lwiff he is ȝeit onfaithful / ād al his varkis ar bot sine faith is ane cōstant ād swuer beleue of ye marcie of God to vsz quhilk is quik in ye hart ād wirkis michtilie and makis ye hart blith ād ioyful ād rasis it in sueit lwif to God and starkis ye hart yat it feris noth deid nay ony oder creatur this causis ye spreit of god quhilk cūis in ye hart throu faith / it cane noth be yat this faith be in ony [Page] bot guid varkis (or frwitis) man cū of it siclik as heit procedis fra ye fyr / and the bemis fra ye sone / I pray God quhilk cō mandit with his word licht to spring of mirknes yat he scheyne in ȝour hartis ād illuminat ȝou in ye chrissine faith for it is ye gift of God and cūis noth throw warkis / nay industrie of man / this faith is veray iustice or richtusnes in ye seicht of god quhilk renewis ād makis ane man sua according to ye diffinitione of iustice (or richtusnes) yat he giffis to euerie man his aune quhen we ar maid richtus throw faith quhairthrow we rasaue ye spreit quhilk cau­sis wsz to lwiff ye law thane we giff louine and honour to God quhilk pertenis a­lanerlie to hime / and alsua quhen we trow yat we ar recōsalit to God throw ye deid of Christ frelie without our meritis and knawis yat he did say greit kīdnes to vsz thane we dw al yat we cane ȝei is redy to giff our liff for our bredir / quhen ye phari­seans ād pyntit ypocritis quhilk vald mak thair selff richtꝰ throw thair aune varkis [Page] as ye pridful pharesiane did of quhome S. Luc vritis in his xviii c. heris yat we ar maid richtus throw faith and throw nay varkis thay murmur ād cryis heresie heresie thir new prechours condānis guid varkis o blind ignorance quhē sal thow be expellit out of thir hartis ād quhē sal ye licht of verite scheyne? yat ȝe may cleirlie onderstand ye natur of faith and varkis and informe thayme of thair ignorance reid quhat ye halie apostil S. Paul sais of Abrahā in ye iiii c. to ye Rom. quhair he sais quhat sal we say yat Abraham our fader fand as per­cen and to ye flesch / yat is to say wesz he maid richtꝰ throu his varkis? he cōcludis yat he wesz maid richtus befor god throw faith without ony varkis and he prewis this be ye scriptur quhilk is vritine in the xv cha. of Genesis yat faith vesz reknit to Abraham for richtusnes or he wesz circūcidit / quhairfor giff ye vark of cir­cūcisione quhilk God cōmādit to hime / ye quhilk wesz ane precious vark of obedience aualit notht to Abraham for richtusnes [Page] quhat is thane mair swuer nay yat our varkis makis wsz noth richtꝰ in ye seicht of God / bot siclik as abrahamis circūcisiōe wesz ane sing (or ane takine) of ye richtus­nes quhilk he haid throw faith / sua our varkis ar bot wtuert singis or taiknis quhilk makis wsz notht richtus bot decla­ris and schawis that we ar maid richtus throw faith / siclik as ye guid frwit decla­ris and schawis ane guid tre / as our saluiour sais in ye vii c. of S. Mat. quhais doctrine we suld heir giff we wil be (as ve ar callit) chrissine men / our heuinlie fa­der hes cōmādit wsz to heir hime sayand this is my weilbelowit sone in quhō i delit heir hime / as it is vritine in ye xvii c. of S. Mat. Be seik ȝour heuinlie fader yat ȝe be notht of thayme of quhome ye propheit Esaias spekis in his vi c. ȝe sal heir with ȝour eris / and sal noth onderstand / and ȝe sal se with ȝour eyne / and sal notht se / for ye hart of this pepil is vaxit groff / ād yai ar dul to heir with thair eris ād thay haiff closit thair eyne yat thay suld noth se nay [Page] heir with thair eris nay onderstand with thair hartis ād suld turne yat i micht he [...]l thayme / as S. Paul sais in ye iiii c. of his ii epistil to ye Corī. Giff our vangel be hid it is hid amangis thayme quhilk perissis / in quhome ye God of this vardil hesz blīdit ye myndis of thayme quhilk beleuis noth that the licht of ye glorious vā gel of Christ suld notht scheyne to thayme be var with the fals prophetis quhilk cū is to ȝow in scheipis clais (ād in religione of angels) yat yai spulȝe ȝow noth of this doctrine ād iuge the spretis giff thay be of god for sathane transfigurs hime selff in ye āgel of licht Fair now veil ād rasaue this seruice of ȝour pwir seruād / ye fauor of our lord Iesus Christ / and ye lwiff of God ād the companie of ye halie spreit be with ȝow al AMEN