¶De Terminis, Scholarium Matriculatione, Admissione, Tutoribus, Lectoribus Publicis.

ANnus Academicus continet quatuor Terminos, Tit. 1. §. 1. 2. qui juxta-Cyclum Praelectorum infrà describuntur.

Preces solennes ante Concionem Latinam initio cujusque Termini habendae.

Omnes & singuli Studentes seu Scholares cujuscunque conditionis, Tit. 2. intra quindenam postquam ad Universitatem accefferint, coràm Cancellario ejusve Commissario matriculandos se sistant, sub pae­nâ 6 ^s 8 ^d.

Omnes Scholares intrà Septimanam, Tit. 3. §. 1. à primo ipsorum adventu ad Academiam, in aliquod Collegium aut Au­lam admittantur; ubi continuè victum sumere ac pernoctare teneantur, sub paena carceris aut bannitionis si moniti.

Quicunque verò Oppidanus vel alius, ib. Scholarem ullum in domo suâ commorari, victitare aut pernoctare permi­scrit, pro qualibet Septimana teneatur solvere x ^s.

Singuli Scholares suos habeant Tutores donec ad Gradum aliquem secundùm Statuta promoveri possint. §. 2. Nul­lus pro Tutore se gerat, nisi qui sit in aliqua Facultate Graduatus; Vir probitate & eruditione perspectâ; Religi­one sincerus, judicio Praefecti Collegij sive Aulae (in quâ degit) comprobatus: Qui Scholares regimini suo commissos probis moribus imbuat, & in probatis Authoribus instituat; & maximè in Rudimentis Religionis & Doctrinae, Articulis in Synodo LOND. ( anno 1562.) editis; ac pro virili suo, Disciplinae in Ecclesia Anglicana publice receptae eos conformes praester.

Non licet alicui ab uno Coll. vel Aulâ ad aliud migrare sine veniâ. 3.

Singuli Scholares à primo eorum adventu ad Academiam ad certas aliquas Scholas, Tit. 5. §. 1. pro ratione Temporis vel Gradus in Academiâ assignatas pertineant. Quas, cùm in iis Lectiones habentur, frequentare teneantur sub pae­nis in Cyclo expressis.

Lectores suos, 2. si qui fuerint ejusdem Domus ad Scholas deducant: Et paritèr finitâ Lectione ad Collegium vel Aulam suam reducant, sub paena 2 ^d.

Per modestiam & silentium auscultent. 3. Scripti excipiant ea quae leguntur. A principio ad finem adsint, alitèr ut absentes puniantur.

Quisque eum Authorem privatim & studiosè perlegat, quem in quaque Facultate Professor publicus ad explican­dum sumpserit.

De Tempore ad Gradus Capessendos requisito, & Exercitiis pro Formâ praestandis.

GRadum Baccalaurei in Artibus nemo suscipiat, Tit. 6. antequam qua [...]uor annos integros sive sedecim Terminos, Sect. 1. nu­merandos à die Matriculationis, §. 1. in studio Artium, & in publicis Lectoribus diligenter audiendis posuerit.

Disputationes in paruiso ter in qualibet Septimanâ in pleno Termino habendas, 2 3. post primum annum ab ad­ventu ad Academiam completum, frequentet; in quibus semel pro Formâ opponat, semel item ab horâ primâ ad tertiam respondeat, bis sub Baccalaureo in Determinationibus Quadragesimalibus per horam integram & unius horae semissem respondeat.

Post duos annos in Universitate completos, 4. & non anteà, Sophista Generalis creetur: Et posteà, singulis Ter­minis semel ad minimum in Parvisijs disputet, sub paenâ ne disputatio prius habita ullo modo cedat pro Formâ.

Variationes seu Disputationes in Parviso, 3. ter in qualibet Septimanâ (ut dictum est) habendas, sustinebunt Responsuri pro Formâ; vel ex eorum defectu (Magistris Scholarum id curantibus) Scholares anni quarti & ter­tij per alterutrum Artium Bedellum ordine monendi: qui antè octo dies nomina sua, & Quaestiones Gramma­ticales vel Logicales alterutri Scholarum Magistro exhibeant: & ante meridiem ejusdem dici, quo responsuri sunt, valuis utriusque portae Scholarum publicarum affigi curent. A Templo B. Mariae ad Scholas per Bedellum deducantur. Hisce Disputationibus, à principio ad finem, sub paenâ 3 ^s 4 ^d, interesse tenentur quatuor Magistri Regentes, per Procurat. de quatriduo in quatriduum designati: Qui, ut omnia rite & decenter fiant, prospiciant.

Quilibet Opponens in Scamno, 7. Respondenti diametralitèr opposito, sedem capestat.

Ad Gradum Magistri in Artibus post Gradum Baccalaurei susceptum, Sect. 2. promovendus tenetur in audiendis Pub­licis Lecturis sibi destinatis, §. 1. 2. & in Disputationibus secundum Statuta requisitis, tum habendis tum frequentandis 12. Terminos ponere, in Quadragesimâ solenniter determinare, in Quodlibeticis Disputationibus responde­re, in Augustinensibus respondere vel opponere, & sex solennes Lectiones legere.

Ad Gradum Baccalaurei praesentati, 3. in sequenti Quadragesimâ Determinare tenentur; Qui per Collectores in certas Classes distribuendi, 5. quique in die Carnis privij, statim post Concionem Latinam, ad sonitum par­vae Campanae, 6. cum Praesentatoribus, habitu Gradui competente induti, solennitèr ad Schola [...] accedant: Ubi, quem quisque Decanus seu Praesentator locum aut Cathedram, sive in Scholis Artium, sive in Schola Theo­logica, pro Senioritate in suâ personâ, occupaverit, cum usque tueri tenetur sub paenâ 20 ^s. Disputationes ad horam quintam producendae sub paenâ 40 ^s. Baccalaurei Seniores pro Determinaturis respondeant, propositis pri­us Quaestionibus, una cum versibus carundem sensum breviter exponentibus.

Finitis autem Disputationibus, in quâlibet Scholâ Baccalaureus Determinatorum primus, reliquorum circum­stantium nomine, cum Decano, tum Senioribus Baccalaureis, flexis genibus, gratias aget.

Preces habendae unoquoque die Saturni, 7. durantibus Quadragesimalibus Disputat in Choro Templi B. Mariae. Et Oratio ad Determinatores in Vigiliâ Dominicae Palmarum.

Classes Determinantiū per Collectores ita ordinentur, 8. ut singuli, suis vicibus, bis intrâ spatium Quadragesimae, respondeant; Nisi fortè propter imparem dierum numerum, necesse sit aliquando aliquas Classes ter respondere.

Istae Classes à primo die Lunae ipsius Quadragesimae inchoentur, & usque ad diem Veneris inclusivè, qui pro­ximè praecedit Dominicam Palmarum, continuentur.

Finitis quovis die Disputationibus, ad parvarum Campanarum sonitum absque morâ discedant ad unam omnes, sub paenâ 20 ^s.

Diebus Veneris, 9. duntaxat de Problematibus Grammaticalibus, Rhetoricis, Politicis vel Moralibus, ante meri­diem; reliquis diebus, de Logicalibus disputationes habeant: in quibus, suprema sit Aristotelis authoritas, quem pro virili defendere teneantur, sub paenà, quòd, si quis secùs fecerit, ejus Responsio minimè sibi cedat pro Formâ; & in super mulctetur quinque solidis toties quoties.

D [...]sputationes Augustinenses quolibet die Saturni in pleno Termino habendae: 10. in quibus Baccalaurei omnes, post Determinationem, semel quotannis Respondere vel Opponere teneantur, si per Collectores ad hoc munus de­putatos, ante quindenam, 11. legitimè praemoniti fuerint. Quaestiones ante triduum publicandae. His Disputatio­nibus praeesse alternis vicibus ad Magistrorum Scholarum Munus spectabit.

Baccalaurei antè Licentiationem in Art. sub aliquo Magistro samel in Disput. 12. Quodlibeticis respondere, tres Solennes Lectiones in Naturali Philosophia, 13. & tres in Morali pro Formâ habere teneantur.

• Sect. 3.
  In Musicâ pro Gradu
  • Baccalaurei
    • Septem anni in ejus studio vel praxi ponendi.
    • Unum Canticum 5 partium componendum, & publicè in Scholis, tàm vocibus quàm instrumentis exhibendum.
  • Doctoris
    • Quinque anni post susceptum Gradum in ejus studio vel praxi ponendi.
    • Unum Cant. 6 vel 8 partium compon. & (ut pro Baccal.) exhibendum.
• Sect. 4.
  Studiosus in Fac. Juris Civil. te­netui pro Gradu
  • Baccal.
    • Diligentèr audire Pub. Profess. per
      • Tres annos integros, si sit Magister Artium.
      • Quinquennium completum [...] sit alius.
    • Pro Forma
      • Opponentis Principalis munere fungi.
      • Respondere per duas horas.
  • Doctor.
    • Publicum Profess. Jur. Civil. audire per annos
      • Quatuor, si prius fuerit in Artibus Magister, & Gradum Bacca­laurei in Jure susceperit.
      • Quinque, si aliàs fuerit Baccal in Jure.
    • Publicè le­gere vel
      • Selennitèr sex Lectiones, explicando aliquam partem Corporis Jur. Civil.
      • Cursoriè, exponendo aliquem è Titulis de
        • Judicijs
        • Probationibus
        • Re Judicata
        in Digestis vel Codice.
• Sect. 5.
  In Facult. Medicinae ad asseq. Gradum
  • Baccal.
    • Gradus Magistri in Art. est primo suscipiendus.
    • Publ. Med. Profess. per triennium integrum attentè audiendus.
    • In duabus Quaest. solennitèr pro Formâ semel
      • Respondendum.
      • Opponendum.
  • Doct. post Grad. Bac. in Med. susceptum
    • Audiendus Publ. Profess. Med. per quatuor integros annos.
    • Legendum publicè vel
      • Solennitèr, i e. sex Lectionibus aliqua pars Galeni explicanda.
      • Cursoriè, i. e. aliquis ex his Galeni libris, nimirum de
        • Temperamentis,
        • Differ. Morborum,
        • Differ. Febrium,
        • Usu Partium,
        • Affectis Locis
        Tribus ad minimum Lectionibus ex­ponendus.
• Sect. 6.
  In Facult. Theologiae pro Gradu
  • Baccal.
    • Gradus Magistri in Artibus est suscipiendus.
    • Publicus Profess. S. Theologiae per Septennium completum est audiendus.
    • In Disputat. Theologicis pro Formâ
      • Opponendum bis,
      • Respondendum semel.
    • Concio Lat. in Eccles. B. Mariae, post quinquennium à suscepto Grad. Mad. à S. in super Ordinibus initiato, per se & pro se habenda.
  • Doctor.
    • Post susceptum Grad. Baccal. in Theolog. per quatuor integros annos Publ. Theolog. Professor est audiendus.
    • Legendum vel
      • Solennitèr, i. e. aliqua pars S. Scripturae explicanda sex Lectionibus.
      • Cursoriè, i. e. una Epistola Apostoli
        • Pauli ad Petri
        • Galatas
        • Timotheum
        • Titum
        Tribus ad minimum Lectionibus est explicanda.

• [Page]
  Sect. 7.
  Tempus ad Gradus capessendos requisi­tum à
  • Non-Graduatis
  • Baccalaureis cujusli­bet Facult.
  • Magist. in Artibus
  à tempore
  • Matriculationis
  • Presentationis in eâdem Facult.
  • Admissionis ad Regendū
  Computandum est.

NB.Tempus & subjectum Disputationum atque Lectionum pro Gradibus habendarum, ante triduum programmate affixo est significandum.

De Vesperijs & Comitijs.

QUolibet Anno in omnibus Facultatibus Generalis Inceptio habenda, Tit. 7. quae Comitia sive Actus dicitur. Hu­jusmodi Comitia annuatim celebranda die Lunae proximo post septimum diem Julij, §. 1. & Vesperiae die Satur­ni proximè praecedente: Quo die ante meridiem, singuli Praelectores Lectiones solennes habeant, atque Incepto­res (Bedellis praeuntibus) circumeant singulas Scholas. Post meridiem, ab horâ primâ ad quintam, in singulis Facultatibus, ab Incepturis Disputationes solennes habeantur.

Die Dominico inter Vesperias & Comitia duae Conciones linguâ Vernaculâ habeantur. 10.

Die Comitiorum circa horam nonam Matutinam Preces Divinae solenniter habendae, 11. & oblationes faciendae. Posteà Exercitia Comitialia inchoentur, & hoc ordine peragantur viz. 1 Disputationes Philosophicae. 2 Actus Masicus. 3 Disput. in Medicina. 4 Disput. in Jurisprudentia. 5 Disput. in S. Theologia: In hisce omnibus Fa­cultatibus, antequam ad Disputationes descendant, habenda est singulis Professoribus Praefatio & solennis Creatio. Quibus Exercitijs peractis consuevit Vicecancellarius Comitia solenni Oratione concludere: ac demum Congre­gatio, finitis Comitijs habenda, quâ Doctoribus & Magistris novitèr Creatis, Ocreis & Crepidis ac Socculis ipso­rum exuendis, ad quae tempore Inceptionis adstricti erant, dispensari solet.

Die Martis proximo post Comitia horâ octavâ Matutinâ, 20. Concio ad Clerum Latina haberi solet.

De Disputationibus Ordinarijs.

DIsputationes Ordinariae quotannis habendae hunc in modum, viz.

In Theologia Deci [...]s, die nimirum Jovis primo & ultimo cujusque pleni Termini: Tit. 2. acetiàm die Jovis anto primam Dominicam Adventus Domini, §. 1. ac postremò die Jovis qui Quadragesimam proximè praecedit.

Ad quas Disputationes obeundas teneantur omnes tam Baccal. in S. Theologiae, quàm in Artibus Magistri post­quam ab Inceptione integrum Quadriennium compleverunt, sive in Collegijs sive [...] ulis victitent, nisi ad studia vel Juris vel Medicinae, vel alicujus Facultatis nomina sua ipsos dedisse constet.

His Disputationibus interesse teneantur Baccal. S. Theologiae, & Magistri omnes post secundum Regentiae suae annum.

In Medicinâ Disputatio quolibet Anno bis habeat [...]nimirum Terminis Hilarij & Trinitatis, ultimo die Martis utriusque Termini: §. 2. Quam sustinebunt omnes Baccal. in Medicinâ suis vicibus, & alij quotquot ritè studio Medi­cinae nomina dederunt. Huic interesse adstringuntur omnes Baccal. Medicinae, aliique Magistri qui Medicinae student.

In Jurisprudentiâ Disputatio bis in Anno habeatur, nimirum in Terminis S. Michaelis & Paschatis, ultimo die utriusque Termini. 3. Quam sustinebunt omnes Baccal. Juris, & qui in studio Juris tempus compleverint: quo ad Baccal Gradum promoveri possint. Huic interesse teneantur singuli Baccal. & studiosi Juris.

In Artibus unoquoque die disputabili in pleno Termino, quo Magistrorum Regentium Congregationes non ha­bentur, ab horâ decimâ ad undecimam Disputationes Quodlibeticae habeantur. 4. In quibus è Magistris Regentibus seriatim & per vices, incipiendo ab eorum Juniore, quolibet die duo, in totidem Scholis; Habitu Gradui compe­tente induti cum Moderatorum, tum Opponentium munus sustinere tenentur, sub paenâ 6 ^s 4 ^d, si modò per superi­orem in Artibus Bedellum ante septem dies legitimè praemoniti fuerint.

Bedellus superior in caeteris tribus Facultatibus, 5. per sex hebdomadas ante diem Disputationis tam Responden­tem, quam Opponentes officij ipsorum certiores faciet:

• Et Quaestiones discutiendae
• Intra biduum,
  5.
  postquam approbatae fuerint, Professoribus suis exhibendae.
• Ante septem dies tribus in locis publicandae.

Officium denique Vicecancellarij & Procuratorum, 7. circa has Disputationes Ordinarias, est curare ut debito modo & formâ praestentur, 8. & ab iis, qui interesse debent, frequententur; item ut delinquentes mulctentur.

De Examinandia Graduum Candidatis.

CAndidati singuli Gradum ambientes, Tit. 9. per Magistros necessariò Regentes examinandi sunt in iis Artibus & Au­thoribus quibus audiendis (in Scholis publicis) per Statuta assignantur. Sect. 2. Et praetere à etiam an congruè, & com­modè animi sui sensa Latinâ Linguâ explicare valcant.

Examinatores juratos de singulis examinatis testimonium dicere oportebit.

De Vestitu & Habitu Scholastico.

OMnes vestibus coloris nigri aut subfusci se assuefaciant. Fastum & luxum vitent. Ab absurdo & fastuoso more in Ocreis ambulandi abstinere compellantur: Tit. 14. Cincinnos aut comam promissam non alant sub paenâ 6 ^s 3 ^d, aut corporali. §. 1.

Qui novos & insolitos Habitus introducit, 2. si ter monitus aut correptus non resipiscat, banniatur.

Quotquot non-graduati de fundatione Collegij cujusvis fuerint, quoties in publicum in Universitate prodeunt, Tojis laxè manicatis, 3. & Pileis quadratis; Commensales verò & caeteri Togis talaribus & Pileis rotundis, induti incedent.

Graduati omnes, Togas Gradui & facultati competentes, etiam Epomidas, & Pileos quadratos gestabunt: prae­cipuè in Concionibus, Ordinariis Praelectionibus, & Disputationibus publicis. In Concionibus verò solennibus, & singulis diebus Dominicis intra Terminum ante meridiem in Templo B. V. Mariae; & in Quadragesima, & in Dominica Paschatis post meridiem ad S. Petri in Oriente, Capis & Caputiis, sive è Serico sive è Minuto-Vario, obversis, Concionibus intersint; Doctores Capa & Caputio coccineo.

Si quis in his delinquere deprehensus fuerit, non Graduatus pro arbitrio Vicecancellarij castigetur: Graduatus pro prima vice quâ deliquerit, 20 ^d, pro secundâ 3 ^s 4 ^d, pro tertia 5 ^s, pro quarta 6 ^s 8 ^d, & sic toties quoties mulctetur.

De Moribus Conformandis.

IUniores Senioribus, Tit. 15. id est, nondum Graduati Baccalaureis; Baccalaurei Magistris, Magistri Doctoribus, congru­am reverentiam exhibeant. §. 1.

Insuper quilibet Bac. in Jure (qui non etiam inceperit in Artibus) cuilibet Magistro in Artibus ejusdem anni ce­dere debet intra Universitatem, locumque dare.

Scholares & Artium Bac. in templis & Scholis, coram Doctoribus, Magistris, & Baccalaureis in Facultatibus S. Theologiae, Jurisprudentiae ac Medicinae nudatis capitibus adstent, humiliterque & modestè se gerant.

Proviso tamen, quòd licebit Facultatis Artium Bac. Habitu Gradui competente indutis, in Scholis Artium vel Philosophiae, Pileos etiam in praesentiâ Magistrorum & aliorum induere.

Si aliqui secùs se gesserint, non Graduati à Vicecancellario & Procuratoribus pro arbitrio castigentur, vel paenâ corporali (si per aetatem congruat;) vel suspendantur à Gradu per unum Terminum toties quoties. Graduati verò sic delinquentes, singuli mulctentur 3 ^s 4 ^d; & si contumaces perstiterint, Incarcerentur; à Gradu ulteriori per unum Terminum suspendantur toties quoties; & in Libro Nigro Procuratorum nomina ipsorum inserantur.

Nemo otiosus Civitatem, 2. suburbia, plateas, forum obambulet; aut apud Oppidanorum seu Artificum officinas stans vel commorans conspiciatur: Sin, non-Graduatus pro arbitrio Vicecan. vel Procurat. corripiatur, vel ca­stigetur. Graduatus 2 ^s Universitati mulctetur. Et si contumax fuerit Incarceretur.

Sessiones aut Assisas nemo adeat, sub paenâ 10 ^s, aut carceris, si jussus recedere non obtemperet. Tyrones & Juniores pro arbittio puniantur. 3.

A Domibus & Officinis Oppidanorum abstineant sub paenâ 3 ^s 4 ^d de die, & de nocte sub paenâ Noctivagorum.

A Diversorijs, 4. Popinis, Cauponis, Oenopoliis qui non abstinuerit, Maior 18 annis primâ vice luat 6 ^s 8 ^d & se­cundâ, tertiâ per mensem incarceretur, 5. quartâ ab Universitate expellatur. Insuper, Oppidani qui Scholares sic in domos recipiunt, debito supplicio afficiendi.

Nocturna vagatio mulctatur 40 ^s, & incarceratione.

Lusus talorum, 6. alearum, chaitarum penitus interdicitur sub paenâ 6 ^s 8 ^d: Venatio etiam & canes, bombardae, Arcubalistae, 7. retia sub paena 6 ^s 8 ^d. Ludus etiam pilae pedalis prohibetur, & cum rudibus batuere; Item ad Histri­onum, Funambulonum & Gladiatorum spectacula confluere.

Qui componit, 8. celat aut spargit famosum libellum, ut pacis perturbator banniatur.

Si quis alteri minetur, 10. ad pugnam lacessar, vestimenta laceret, mulctetur 4 ^s. Si pugno, cubito, pede percusserit 5 ^s. Si baculo, lapide, clavi 6 ^s 8 ^d; incarceretur insuper & repellatur à Gradu per 2 Term. Si cultellum, pugionem, gla­dium distrinxerit & intentaverit cum minis, mulctetur 20 ^s, & suspendatur à Gradu per annum integrum. Si cul­tello vel alio telo sic laeserit, ut inde sequatur mutilatio membri aut articuli, aut debilitatio, banniatur.

Quivis Studiosus intra Universitatis ambitum arma vel tela gestans, 11. tanquam Pacis perturbarae suspectus, incar­ceretur.

Nullus conventicula illicita instituat, aut iis intersit, vel in domo sua permittat.

Nullus pacem vel concordiam impediat, 12. aut dissensionem foveat, accendatue: Nec coram Vicecancellario vel Procuratoribus, 13. 14. aliorum causis, nisi legitim è vocatus, se immisceat.