RIchardus, Prouidentia diuina, Lincol. Episcopus: Dilectis nobis in Christo, Gardianis Ecclesiae Parochialis de Dioc. Lincol. Salutem. Vigore
Literarum Patentium Domini nostri Regis sub Sigillo suo Scaccarij nobis direct. vobis coniunctim & divisim committimus, & mandamus, quatenus sequestretis, & in manus vestras, ad vsum Domini Regis, recipiatis omnia & singula redditus, reverciones, exitus, proficua, fructus, commoditates, glebas, decimas, oblationes, pentiones, portiones, & alia proficua quaecun (que) ad Ecclesiam Parochialem de praedict. spectant. & pertinent. in quorumcun (que) manibus, possessione, siue occupatione, illa vel eorum aliqua existunt aut existent. Ea (que) omnia & singula insimul aut separatim in vsum dicti Domini Regis reponatis & seruetis. Et quae peritura sunt, seu commode seruari non possunt, maiori commodo dicti Domini Regis vendatis, caetera (que) quae de iure exigere poteritis, peragatis, quo & quovs (que) debita siue Arreragia decimarum, de & pro Ecclesia praedicta Domino nostro Regi debita, & praesentibus subscripta, plenarie & expeditius persolvantur: Hanc (que) sequestrationem auctoritate nostra, vigore literarum Patentium praedict. factam, in Ecclesia Parochiali praedicta publicetis & intimetis, tempore divinorum ibidem celebratorum, quoties & quandocunque, & talibus temporibus, locis, & personis, provt vobis id melius videbitur expedire. Et quid in praemissis feceritis, nos, aut Iohannem Lambe, Generosum, Subcollect [...]em nostrum, immediate post executionem praesentium debite certificare curetis. Ac vlterius virtute mandati Domini Regis praedict. mandamus omnibus & singulis Iusticiarijs, Vicecomitibus, Maioribus, Ballivis, Constabularijs, & alijs Officiarijs, & Ministris dict. Domini Regis quibuscunque, tam infra libertates, quam extra, quatenus vobis in hac parte circa executionem praemissorum assistentes & auxiliantes sint & intendentes, provt decet. Vobis (que) coniunctim & divisim vices & auctoritatem nostras tenore praesentium committimus per praesentes. Dat. sub Sigillo nostro quo in hac parte vtimur, octauo die mensis Ianuarij, Anno Domini Millesimo Sexcentesimo decimo Quinto.