The Promine, contening the maner, place, and time, of the maist Illuster King James the sext his first passing to the feildis: Directit to his hienes: Be P. H. familiar seruitour to his Maiestie.
¶Imprentit at Edinburgh be Iohn [...] Ros, for Henrie Charteris. 1580.
Cum Priuilegio Regali.
The Epistill.
O Reuerend Rois, and maist redowtit Roy
O peirles Prince, and Per
[...]
[...]uperlatiue
Our hope, our helth, our help, and warldlie Ioy
Comfort to Scotland Indefinitiue:
Cleir lamp of licht aboue all that dois liue
Patrone of prudence, precious and perfite,
Gem of Ingine, to quhome God lykis to giue
Gracis far ma, nor I can think or write.
¶ Thocht ouir all quhair thy famous louing springis
In reputatioun and greit reuerence,
Thocht thy renoun out throch al Europe ringis
As flowand fountane full of sapience
To offer this ȝit to thine Excellence
For feir of fault I wald haue bene effrapit
Git I had not be sure experience
Thy gracious gudenes prouin and assayit.
¶ For this respect, maist cūning courtes King,
As I desire, and wischis eirnestlie
To pleis and serue ȝour grace in euerie thing
Swa I beseik ȝour mightie Maiestie
For to accept this mater maid be me
To glaid ȝour grace, conforme to Innentioun
Of Clerkis commending, mirth with honestie
As Comedeis, and sie vther Inuentioun.
¶ Schir reid thairfoir, and mak me to reiois
I hecht ȝour hienes, helping Goddis grace
That I sall pen sum Poetrie or prois
Mair profitabill, gif I get time and space
And sen ȝour wit all vertewis dois Imbrace
Schortlie I sweir, bot gif ȝour grace allow it,
That I sall curs my cairfull catiue care,
Sine quite this quair, and neuer sall awow it.
¶ To tak this peice in proper patronage
Ȝour Prencelie prudence will me not deny
Than gif thay speir, the Author to alledge
Quha wrait the veirs, I sall say it was I
And sall not sussie men geuin to Inuy
Bot quhen thay lak, or lauchis at my letter
Bauldlie sall say in geuing the defy
Vpon the subiect. se quha can do better.
¶FINIS.
¶Ȝour Graces humbill seruand to command
I P. H. with faithfull hart and hand,
I P. H. with faithfull hart and hand,
¶THE PROMINE.
¶On the xij. day at fiue houris before none, 1500. seuentie nyne in Iune.
GOLDIN Titan with burning bemis bricht
Be kindlie cours, and reuolutioun
Appeirandlie, to the Astrologues sicht
Was in the first degre of Cancer wone
Or neir hand by in his Ecliptyk rone
Against the force quhilk daylie had him rent
Be the first Mobillis, weltering violent.
¶Sa in his Solstice glemand gloriouslie
Throw nature of his proper motioun
That Pompous Planeit placit properlie
In that North Signe, of richt ascensioun
Quhair Iuppiter hes exaltatioun
Did with his bemis on bankis & brayis beit
The frutes to foster with his hailsum heit.
And flowand
Phaebe, Lady of the seyis
Not retrograd, reuoluing in hirring
Beheld the west, with fixit face and eyis
In Ioyfull Iune, quhen the xij. day did spring
Befoir the furthcome of that cumlie King:
Quhilk as the Sone out of the cloudes gray
Fra Snawdoun Castell did discend that day.
¶With manlike maner is, maikles to behald
With Princelie port, and visage glorious
With gentill gesture, wordis wise and cald
In taikning of the maist victorious
Richt gaylie garnist with giftis gracious
Quhais heuinlie hauingis stonischit the Air
As esterward I purpois to declair.
¶At his first furthcome on the G
[...]wane hillis
To write how euerie circumstance befell,
Quhat heir begā of Hagbutis, bowis & Billis
Quhat din of daggis, with clink of mony bell
At Falcounis fair, war tedious to tell
For to be schort, I schaw not how the steidis
On bridillis bait, quhil famie mouthis bleidis
¶Ȝit wald my Muse Inspire me with the spreit
Of Poetrie, and pairt of Eloquence
To schaw the maner, I esteme it meit
How euerie thing maid haill obedience
Unto his Royall hie Magnificence
Reiosit swa, with suddand semelie sicht
Of that leidsterne, and luifsum lamp of licht.
¶His Princelie presence superexcellent
As lemand Lanterne maist delectabill
Did euerie leuing creature content
And to thingis senceles semit amiabill.
Quhais Celsitude was sa acceptabill
That in thair kind Ilk thing did obseruance
His heich honour and worschip to auance.
¶I mene not onlie thingis Inferiall
That subiect at vnto corruptioun,
Bot also celest
[...] and Superiall
Quhais substance is but alteratioun
As fair Phebus, or vtherwayis the Sone
Quhilk is composit of na Element,
That day brak vp in his bricht birneist Tent.
And schew his radious visage rubicound
Quhilk all the day lay hid vnto the howr
That his grace Ischit furth vpon the ground:
Thairefter did on eirth his presence powr
Excluding than all signes of the schowr
Sa glaid he was to se his gudlie grace,
And
[...] fast the phi
[...]ome of his face.
Sine in the praises of that Prince preclair,
Spred furth his Purpour springis aureat
Into sic sort to purifie the Air
Quhill all the skyis skaillit violat
The Hemispheir become Illuminat
Vpon the eirth be heuinlie Influence
Distelland dewis on vapouris sweit as sence.
The ground ouirgiltand all with goldin glemis
Quhill throw his michtie operatiounis
Furth of fresche fludes bet with buriall bemis
Rais sappie subtil exhalatiounis,
Quhais potent pithie Inspiratiounis
Makis treis, frutes, and flouris for to spreid,
Nicelie enamaling mony mirthfull meid.
Thā fair dame Flora glaiding gardings gay
Syilit with schaddow of the blumand bewis
Hir minglit Mantill meiklie display
Richt cu
[...]ouslie, ouircleithand all the clewis
With flouris of ane hundreth heuinlie hewis
Quhair besilie the bummand honie Beis
Tuik nurischement on natures tapestreis.
Thair micht be sene the dewie perllis round
Reuest the Rosis, and the Lilleis quhite,
Into dulce humouris herbis did abound
Bathing the bony Daseis of delite:
With ane sweit liquour on the leiffis lit
Comforting all the fragrant freklit flouris
That spreidis in Maij throw hailsum balmis
¶Obedientlie begouth than to vnfald
The beiraris bricht thair flouris to his eis
Quhen thay his potent presence did behald
Sa tender twistis trimling on
[...]he treis
His prudent hie precellence for to pleis.
Thair Cristall croppis me thocht thay did
[...]
[...]
¶Into the Park did properlie appeir
Richt trimlie trottand into trowpis and twais
The wilde quhite cullourit Ky and falow deir
With brawland bowkis bendand ouir the brais
The flingand Fownis followand dune dais
Sa curage causit beistis mak besines
His Maiestie mui
[...]and to merines.
¶Bot to behald it was ane perfite Ioy
And as ane eirdlie plesand Paradice:
To heu and se thair at the kingis conuoy
The Merle and Maweis, changeing notis nice
The kiddis skippand, with Rais throw the rice
Quhair birdis blyithlie on the branches sang
With sie ane reird, quhill all the Rokkis rang.
¶Swa schortlie throw sit heuinlie harmoneis
Become richt coy, heiring the fowlis sing
Baith Eolus, and Neptune God of seis,
Behalding fast the cumming of that King
Quhilk was sa welcum vnto euerie thing.
Quhat misteris mair, the Goldspinkis was sa glaid
Culd yai haif spokin doutles yai had said:
¶Welcum maist maikles Mirrour and A per se
With euerie princelie prerogatiue possest
Welcum worschip, vertew and honestie,
Welcum in warld the wise and worthiest
Welcum blist birth, as bountifull and best
Welcum but peir the maist Imperiall King
That is, or was, or in the warld sall ring.
¶Thow Salomon
[...]ecund in sapience
Ane Iob in Iustice, Ioint with pietis
Perfitelie pleneist with all abstinence
Discreitlie mixt with Magnanimitie
Me
[...] mercifull, kind but
[...]
To all gude men luifing and liberall:
In the thair wantis na wit Heroicall.
¶Thy liuelie licht, o leidar Laureat
All Christiane men may cleirlie knaw and se
Dois glance as gyde, lyifis to Illuminat
Instructing Kingis, and thair Nobilitie
Be gude exampill, for to follow the,
As worthiest, but feinȝe to confes
Nixt vnder God the haill eirth to posses.
Thow onlie may be callit verteous,
In quhome na vertew is deficient:
Indewit with the giftis plenteous
Of bodie, mind, and fortoun to the lent
Thairfoir ȝe Knichtis and Clerkis with ane cōsent
And pynit pure men from all panis relaxt
Salute ȝour Souerane, sweit King James y
e saxt.
For vicious folk, with filthie faultis defylit
Into his Court sall haue na praise nor place.
And gredie godles men sall be begylit
Gif thay presume for to obtene his grace.
All fenȝeit flatteraris sall an fle his face
And as the snaw meltis from the Sone away
Sa from his sicht the wickit sall decay.
Quhairfoir now Scotland sing with ane accord
Baith greit and small, of Ilk stait and degre
Perpetuall praise, and thankis to the Lord
That he ȝow geuin sa gude ane King as he.
Ȝow to mantene mantene in eis and Equitie.
Wald God his da
[...]is for euer micht Indure,
Swa of all seill, but sorrow war ȝe sure.
¶God grant his grace the Euerlasting gloir,
Lang life, gude helth, praise and prosperitie:
Baith worschip, welth, and weilfair euermoir,
And of his fois the vailȝeand victorie
With heuinlie, eirthlie,
[...] felicitie:
And that in him (God) be ay glorifeit
Luifit, honourd, feird, and euer sanctifeit.
¶FINIS.
¶LENVOY.
¶Thir wordis few the Authour dois reheirs
Into this maner, speikand to his veirs.
MY bony bill, of barbour language breuit,
Gif thow be euill, thow will be wors repreuit,
Be witles, vaine, enuyous, Ignorantis,
Quhilk to speik euill, and do na gude thame hantis.
For sum will say thy febill Eloquence
I
[...] euill cullourit, but Intelligence.
[...] will say this, sum vtheris will say that,
And pairt will speik in deid, and wait not quhat.
Syne sum seditious craftie knaifis Inding,
Will say perhaps, thow dois bot fleiche the King.
Thus gif thow heir fals knaifis calumniat the,
I pray the, baith to say, and sweir thay le.
Schaw, to sic fuillis, quhair euer that thow fairis,
Thy mening gude, and honester than thairis.
[...] for all this, thay ceis not to maling:
Than say thow art ressauit of the King
Vnto quhais serene Celsitude I send the:
Thay ar ouir pert: syne gif thay vilipend the:
Ȝit of ane thing greitly thow may reiois
In Burgh or land, quhair euer that thow gois,
All men of knawledge, and Clerkis will co
[...]nd the
And honest folkis will euer mair defend
[...]
¶ Fin de l'enuoy.
FINIS.