MAGNIFICO AC STRENVO VIRO D. FRANCISCO DRACO ANGLO EQVITI AVRATO

Quam benè conueniens rebus Francisce gerendis
Angliacae gentis gloria, nomen habes.
Nam velut aduersus fera bruta animosior ire
Nec solet, vllius vim metuisse Draco.
Sic contra Francisce feros audentior hostes
Vadis, & illorum cornua torta domas.
Non ortu generis, Virtute sed acritèr ipsa
Pro patria fidum corque animumque probas.
Ipsa etenim virtus sibimet gratissima merces
Ipsa viros veré nobilitare solet▪
Sola viget virtus, operosaque gloria rerum
Sola manet tristes nec timet ipsa rogos.
Per varios casus varia & discrimina rerum
Visus es a vestro longius ire polo.
Saepius & terris rapidis iactatus & vndis
Non leuiora vago passus Vlijsse mala es.
Vidisti occiduj longinqua cubilia Solis
Quâ niger auriferas potat Iberus aquas.
Vidisti populos, quos Sol vicinus adurit
Aurea quâ flaui splendet arena Tagi.
Hinc meritamque tibi peperit Victoria laudem
Armatas ducens per freta vasta rates.
Obstitit haud ventus spatiosa nec obstitit vnda.
Virtuti praebent Ventus et vnda Viam.
Ergo tuum Francisce decus nomenque vigebit
Maior septena dum micat vrsa face.
I. H. D. Ioh. Her [...]us [...]nus D [...]us

LONDINI Excudebat Joannes Charlewood. pro Roberto VVallie. 1 [...]87.

This keyboarded and encoded edition of the work described above is co-owned by the institutions providing financial support to the Text Creation Partnership. This Phase I text is available for reuse, according to the terms of Creative Commons 0 1.0 Universal. The text can be copied, modified, distributed and performed, even for commercial purposes, all without asking permission.