IN OBITVM THOMAE RHAEDI, VIRI VNDEQVAQVE MERITISSIMI, ET SERENISSIMO REGI AB EPSTOLIS LATINIS EPICEDIVM.
M.DC.XXIIII.
IN OBITVM THOMAE RHAEDI EPICEDIVM.
SCilicet hoc fatum est validae virtutis, et acris
Ingenij haec genesis, dum Famae extendere met
Vltra busta parat, vitae pomeria in arctum
Contrahit, accersit funus dum funeris expers
Emolitur opus, fit et vmbra vt colligat auras:
Sic querimur te Rhaede rapi: dum totus anhelas
Mnemosynes clarum fastis inscribere nomen,
Et vel priuatis iuuat impallescere chartis
Vt possis prodesse orbi, vel iussa capessis
Regia, et Ausonio donatur epistola cultú
Ad Reges mittenda alios, sub pondere tanto
Ilia paulatim ducis: vis ignea mentis
Imperia in famulos tam dura exercuit artus
Vt non sufficerent vires conatibus altae
Indolis, et magnae captantis praemia famae,
Sed macie exangui pallentem lurida tabes
Occupat, et lentâ carpit praecordia flammâ:
Consumptam sic saepe facem conspeximus, omnem
Dum lucem impendens alienis vsibus, altê
Liquitur, et proprias depascitur igne medullas.
Si qua tamen spes est victuri nominis vlli
Si qua Nouensilibus visest concessa Deabus
Cultores sacrare suos, Tua posthuma Rhaede
[Page] Innumerabilibus canescet gloria saeclis.
Nempe tibi infanti quâ Scotia vergit ad Arctos
Ipsa fuit Pallas nutrix, dedit vbera, cunas
Impulit, adduxit somnos modulamine cantûs
Ausonii Graii
(que): dein cum prima tenellus
Tentamenta pedum faceres, per deuia Pindi
Tesqua, per Aonios lucos et amaena vireta
Fortunatorum Nemorum quae laurus inumbrat
Ipse tibi rexit phoebus vestigia, toto
Pieridum plaudente choro: tunc firmior annis
Faelici auspicio Sophiae per cuncta vagaris
Naturae secreta, vides quaecun
(que) profundis
Democritus putei finxit demersa latebris:
Mente etiam petis alta poli, velum
(que) reducente
Vranie, humanis imperuia visibus audes
Rimari, et toto latè discurrere coelo.
Subsidijs fretum tantis, talique saburrâ
Libratum iuuat a patrio secedere fumo
Externas
(que) videre plagas, (sic matre relicta
Deserit angusti genitiua cubilia nidi
Alarum tyrocinium factura volucris:
Sic tractus alio quae
[...]it sub sole iacentes
Mercator patriae fructus et munera terrae
Permutaturus peregrini mercibus orbis.)
Gallia visa tibi primùm, sed Gallia tantùm
Visa tibi, per transennam (ceu flumina Nili
Delibat canis) attraxit Germania philtro
Et precis et pretij, geminâ
(que) hac arte morandi
[Page] Consilium extorsit: geminas sic inter ami
[...]s
Eligitur non quae roseo formosior ore est,
Sed quae peruigili studio magis instat, et vrget
Fortius affectum Paphiae
(que) incendia flammae.
Palladis in castris multâ hîc cum laude merentē
Et victa de Barbarie sciolis
(que) sophistis
Ducentem insignes fama victrice triumphos
Lipsia detinuit longúm: Quis credidit illic
Se ritè admissum in Phoebi sacraria Rhaedo
Non pandente fores? Quis per dumeta Lycaei
Ausus iter tentare nisi duce et Auspice Rhaedo?
Nec tibi fama minor quâ Balthica littora spectat
Rostochium, paucis isthic tibi plurimus annis
Creuit honos, nullo non admirante profundae
Doctrinae aggestos tot in vno pectore aceruos,
Faelicem
(que) viam fandi, quocun
(que) liberet
Ore loqui, quocunque habitu ptoducere partus
Mentis, et exanimes scriptis animare papyros.
Aequa tamen tantae virtuti praemia nondum
Contigerant, non seena satis conrermina luci
Hanc tibi debebat florentibus inclyta rebus
Anglia, florenti sueras flos debitus Aulae,
Et decuit tali talem clarere theatro.
Namque Mineruaej quamuis nutritus in vmbrâ
Non tamen in curis fueras ciuilibus hospes,
Sed te dexteritas genij versa
[...]ilia aptum
Finxerat ex aeqno studijs aulaeue scholaeue,
Vnde capescenti grauiorum pondera rerum,
[Page] Tradenti et Latijs mandata Augusta tabellis
Incorrupta fides, solers industria, coctum
Iudicium, et priscae certans facundia Romae
Hîc magnum peperere decus, quod
(que) omnia vincit
Elogia, hîc magno Regi potuisse placere
Contigit, et talem meritis adsciscere testem
Quo nihil in terris sapientius adspicit aether.
Ille tuum eloquium tanto est dignatus honore
Vt tibi non alij propriae monumenta lucernae
Crediderit vertenda illo sermone per orbem
Quo peregrinari possent, et Regibus esse
Pro speculo, non quâ sceptris stat meta Britannis
Sed quâcun
(que) patent Latiae commercia linguae.
Iam
(que) hîc ad summum voti venisse cacumen
Rhaede videbaris, nihil amplius addere laudi
Fama tuae poterat, nihil illi aut liuor auarus
Detrahere, aut Nemesis rebus non aequa secundis,
Verùm O perfidiam fati! quod demere laudi
Haud potuit, luci et vitalibus abstulit auris.
Et tu Rhaede iaces opera inter manca, minas
(que)
Scriptorum ingentes, quaeis si suprema fuisset
Cum limâ porrecta manus, non vlla fuisset
Calliopes toto Sophiaeuè illustrior albo
Quam quae Rhaedeum praeferret pagina nomen.
Nunc ceu rapta tuis superant tantūmodo bustis
Paucula furtiuas Schediasmata fusa per horas,
Qualiacum
(que) tamen sunt haec, haec ipsa reuincent
Esse Caledonijs etiamnum numen alumnis
[Page] Et Genium quo vel Scoti Subtilis acumen
Vel poterunt dulces Buchanani aequare Camaenas.
Iam
(que) vale mi Rhaede, (mei ah pars maxima quondam
Nunc coeli pars magna) tuo mihi funere tantum
Cordolium inflixit fati importuna tyrannis
Cogat vt incaepats lachrymis abrumpere laudes.
Heu quoties dixi descendam laetus ad vmbras
Elysias, moriar
(que) libens, modo carmina nostro
Inscribat tumulo Rhaedus, nunc ordine verso
Naturae voti
(que) mej, (proh fata) sub vmbras
Is prior, et nobis demandas pensa Supremi
Officij, quae dum multis firmatus ab annis
Nodus amicitiae satagit persoluere, charis
Manibus obstrepimus, non iusta
(que) iusta ferentes
Indoctâ heu doctam pietate lacessimus vmbram.
Tu tamen affectu placido libamina nostri
Affectûs capias, poterit meruisse videri
Qui propriae famae impensis tua nomina famae
Tradere, et ad seros voluit transferre nepotes.
Faciebat R. A.