0001 A ceste estoire dire me plest entendre 0002 Ou l en puet molt sens et essenple prendre 0003 Si vueil un pou de m escience espendre 0004 Por ce que cil si fet trop a reprendre 0005 Qui set le sens et ne le veut aprendre 0006 Car sens reponz ce vos di sanz mesprendre 0007 Senble le feu que l en cuevre de cendre 0008 Qui desoz art et flanbe ne puet rendre 0009 Et por ice dirai sanz plus atendre 0010 Del plus preudome qui fust puis Alixandre 0011 Tres bien le sevent li gregnor et li mendre 0012 Por ce fet mieuz la chancon a entandre 0013 Qu ele est de haute estoire 0014 Ceste chancon seignor dont je vos di 0015 Si est l estoire del preu conte Aymeri 0016 Cil de Nerbone au coraje hardi 0017 Qui tante poine en sa vie sofri 0018 Et vers paiens tant grant estor forni 0019 Crestiente essauca et cheri 0020 Car bien savons que tant com il vesqui 0021 Ne trova il Persant ne Arabi 0022 Qu il ne feist venir a sa merci 0023 En plusors leus avez sovant oi 0024 Que la lingnee qui issi d Aymeri 0025 Puis que Dex ot cestui mont establi 0026 Telle lingnee de nul home n issi 0027 Ne tant preudome ce sachiez bien de fi 0028 Com de cest conte seignor que ge vos di 0029 Bien ait la dame quel porta et norri 0030 Car tuit en furent li pais repleni 0031 Et tuit li leu ce set en bien de fi 0032 Ou Damedeu et si saint sont servi 0033 Bien soit de l eure que tel home nasqui 0034 Tantes proeces sont issues de lui 0035 Que nel diroie en un mois aconpli 0036 De ses bontez ont li plusor oi 0037 Puis que l ot Charles de Nerbone sessi 0038 Mien escient tandis com il vesqui 0039 Ne fu sanz guerre .j. seul an aconpli 0040 Et Damedeu tel loier l en rendi 0041 Que en la fin s amor en deservi 0042 Ce fu haute deserte 0043 Por voir vos di q an iceste chancon 0044 Puet en assez trover sens et reson 0045 Que jadis fu Aymeris tant prodon 0046 Et en sa vie fist tant bien ce savon 0047 Q an doit ses fez tenir a fin sermon 0048 Nes doit oir coarz ne mauves hon 0049 Ne losangiers ne ribaus ne garcon 0050 Car des mauves ne vient se honte non 0051 Oir la doivent chevalier et baron 0052 Et conte et roi et cil de bon renon 0053 Et bone gent qui entendent reson 0054 En abaie et en religion 0055 Doit en oir d Aymeri la chancon 0056 Ja ne la doit deffandre sages hon 0057 Car en toz tans escouter la doit on 0058 Et en caresme et en tote sesson 0059 De lui ne puet nus dire se bien non 0060 Ne del lingnaje qui issi del baron 0061 N oi l en onques dire mauves renon 0062 Veritez est en escrit le trovon 0063 Que d Aymeri et del fort roi Charlon 0064 Doivent mis estre en estoire li non 0065 Car par ces .ij. de verte le savon 0066 Fu deffandue a force et a bandon 0067 Crestiente entor et environ 0068 Se cil ne fusent de verte le dison 0069 Tornee fust tote a perdicion 0070 Crestiente et la loi que tenon 0071 Q an n i creust Jesu Crist et son non 0072 Mes tant fu Charles en sa vie prodon 0073 Fiers et puisanz et de si grant renon 0074 Que .vij. rois ot en sa subjection 0075 Qui tuit tenoient de lui lor region 0076 Et l en servoient a coite d esperon 0077 Par mainte foiz chante vos en a l on 0078 Que maint pais maint chastel maint donjon 0079 Conquist rois Charles a force et a bandon 0080 Maint Sarrazin et maint paien felon 0081 Fist il livrer a grant destrucion 0082 Onques nul jor paien ne Esclavon 0083 N orent vers lui longue deffansion 0084 Jusqu a ceu jor que Rollant le baron 0085 Et Olivier son vaillant conpagnon 0086 Perdi li rois par la grant traison 0087 Que Ganes fist en guise de felon 0088 Qui les vendi au roi Marsilion 0089 Et les .xx. mile q an dit en la chancon 0090 Qui furent mort par si grant mesprison 0091 En la terre d Espangne 0092 Preudom fu Charles a la barbe florie 0093 Grans vertuz fist Dex por lui en sa vie 0094 Dont vos avez mainte chancon oie 0095 Ne trova home de si grant seignorie 0096 Ne amirant ne roi de paiennie 0097 S il ot vers lui ne guerre ne anvie 0098 Qu il n essillast sanz nule garantie 0099 Ou occist en bataille fornie 0100 Nel pot guerir chastel ne tor entie 0101 Mainte miracle li fist Dex en sa vie 0102 Qant en Espangne ala en ost banie 0103 O il mena si grant chevalerie 0104 Et tant de gent conbatant et hardi 0105 Prise ot Barbastre et Nobles ot sessi 0106 Et ot conquise la cite de Lerie 0107 Bien eust lors sa besongne fornie 0108 Tote la terre fust en sa conmendie 0109 De tote Espangne et de tote Persie 0110 Eust il lors tote la seignorie 0111 Se ne fust Ganes qui par tel felonnie 0112 Vandi Rollant a la chiere hardie 0113 Et Olivier et l autre conpangnie 0114 Q an Rancevax furent mort par envie 0115 Qant le sot Charles a la barbe florie 0116 Tel duel en ot que n est hom qui le die 0117 Mes apres ce .iij. jorz ne tarja mie 0118 Que il vencha sa riche baronnie 0119 Car sus Marsile asenbla s ost banie 0120 S ocistrent tant de la gent paiennie 0121 Coverte en fu plus de liue et demie 0122 Toute la voie et la place vestie 0123 Si en chacierent par molt fiere aatie 0124 Marsilion et sa gent maleie 0125 Puis revint Charles vers France la garnie 0126 Iriez et tristes de ce ne doutez mie 0127 Francois reperent chascuns molt se gramie 0128 Bien senblent gent qui molt soit traveillie 0129 Charles chevauche derriers sa conpangnie 0130 Desoz lui ot .j. mulet de Sulie 0131 Des .xij. pers fet chiere molt marrie 0132 Et por lor ames Jesu Crist forment prie 0133 Que il les mete en pardurable vie 0134 Biaus nies dist il vostre ame soit garie 0135 En paradis coronnee et florie 0136 Que dirai ore en France la garnie 0137 A Saint Denis en la mestre abaie 0138 La troverai la grant chevalerie 0139 Demanderont de la grant baronnie 0140 Que en Espangne menai par aatie 0141 Que dirai ge dame sainte Marie 0142 Fors q an Espangne est morte et enfoie 0143 Sire dist Naimes ne dites tel folie 0144 Le duel que faites ne vos valt une alie 0145 Mort sont li conte nes recoverroiz mie 0146 Ce a fait Ganes que li cors maudie 0147 Voire dist Charles bien a France honnie 0148 .IIIIc. anz et plus apres ma vie 0149 De la venchance sera chancon oie 0150 Atant le lessent s ont lor voie acoillie 0151 Charles et sa conpangne 0152 Granz fu li duels que vos m oez conter 0153 Que demenoient li baron et li per 0154 A tant de gent com il pot ramener 0155 S en reperoit Charlemaine li ber 0156 Nostre emperere a un pui devaler 0157 Si com il dut .j. haut tertre monter 0158 Par devers destre se prist a regarder 0159 Entre .ij. roches pres d un regort de mer 0160 Desus un pui vit une vile ester 0161 Que Sarrazin i orent fet fermer 0162 Molt bien fu close de mur et de piler 0163 Onques plus fort ne vit hom conpasser 0164 Virent l arbroie contre le vent brenler 0165 D is et d aubors q an i ot fet planter 0166 Plus biau deduit ne pot nus regarder 0167 .XX. tors i ot fetes de liois cler 0168 Et une en mi qui molt fist a loer 0169 N a home el mont tant sache deviser 0170 N i covenist .j. jor d este user 0171 S il voloit bien tote l uevre aconter 0172 Que paien firent en cele tor fonder 0173 Les creniax firent tout a plon sceler 0174 Jusqu as batailles ot .j. ars que giter 0175 Sus as estages del pales principer 0176 Ot .j. pomel de fin or d outremer 0177 Un escharbocle i orent fet fermer 0178 Qui flanbeoit et reluisoit molt cler 0179 Com li solauz qui au main doit lever 0180 Par nuit oscure sanz menconge conter 0181 De .iiij. liues le puet en esgarder 0182 Dautre part est la greve de la mer 0183 D autre part Aude qui molt puet raviner 0184 Qui lor amoine qanqu il sevent penser 0185 A granz dromonz qui la font arriver 0186 Font marcheant les granz avoirs porter 0187 Dont la cite font si bien rasazer 0188 Que riens n i faut q an sache deviser 0189 Qui mestier ait a cors d ome ennorer 0190 La cite prent li rois a esgarder 0191 Dedanz son cuer forment a goloser 0192 Son dru Naimon en prist a apeler 0193 Biaus sire Naimes ce dist Charles li ber 0194 Dites moi tost nel me devez celer 0195 Qui est tel vile qui tant fet a loer 0196 Cil qui la tient se puet tres bien vanter 0197 Q an tot le mont ce cuit je n a sa per 0198 Ne crient voisin qui le puise grever 0199 Mes par l apostre que l en doit aorer 0200 Cil qui en France s en vodront retorner 0201 Parmi ces portes les covendra paser 0202 Car ge vos di tout por voir sanz fauser 0203 Que la cite vodre ge conquester 0204 Ainz que m en aille en France 0205 Naimes entant Charlemaine le roi 0206 Qui ses barons a mis en tel effroi 0207 Il li a dit belement en recoi 0208 Sire fet il par Deu merveilles oi 0209 Ne vi mes home plain de si grant desroi 0210 Mes bien sachiez par la foi que vos doi 0211 S avoir volez la cite que ci voi 0212 Onques si chiere n achetastes ce croi 0213 Qu il n a si fort jusqu au val de Martroi 0214 Ne crient asaut perriere ne berefroi 0215 Cil que la tient a leianz avec soi 0216 .XX.m Turs qui moinent grant boufoi 0217 Si a chascuns et armes et conroi 0218 Ne doutent siege vaillisant .j. baloi 0219 Et tuit nostre home sont si las par moi foi 0220 Que une fame ne valent pas li troi 0221 N avez baron prince conte ne roi 0222 Qui ait talant d asaut ne de tornoi 0223 N il n ont destrier ne mur ne palefroi 0224 Qui au besong vausist ne ce ne coi 0225 Car n ont mengie fors que fuerre et herboi 0226 Si n avez home nesun si com ge croi 0227 Qui puist porter ne armes ne conroi 0228 Tant ont eu de travail et d ennoi 0229 Droiz enperere ge le di endroit moi 0230 Que ge voudroie estre foi que vos doi 0231 El regne de Baiviere 0232 Quant Charlemaine ot Naimon escoute 0233 De mautalant a tout le sens mue 0234 Si li respont iriez comme sengler 0235 Biaus sire Naimes or n en soit plus parle 0236 Que foi que doi au roi de majeste 0237 Je n enterrai en France le regne 0238 Jusque je aie conquise la cite 0239 Alez vos en se il vos vient a gre 0240 Mes par la foi que doi saint Ennore 0241 Qui que s en aut sachiez je remendre 0242 Sire dist Naimes merci por amor De 0243 Aiez pitie de ce vostre barne 0244 Que tant avez traveillie et pene 0245 Leissiez biaus sire ester ceste cite 0246 Ja ne l avroiz nul jor de vostre ae 0247 Se Dex n i fait vertuz par sa bonte 0248 Si vos dirai de ce la verite 0249 Paien vos ont de sans contrepase 0250 Lor chemin ont desoz terre cheve 0251 Molt tost s en sont par ileques ale 0252 En Sarragoce se il lor vient a gre 0253 Et a Tolose ont lor chemin ferre 0254 Et a Orenge qui tant a de fierte 0255 Dont tost avroient le secors amene 0256 S aviez ore asise la cite 0257 Charles l antant tout a le sans mue 0258 Naimon apele si li a demende 0259 Biaus sire Naimes com a non la cite 0260 Sire fet il ja ne vos ert cele 0261 Nerbone a non c est fine verite 0262 Car ge l ai bien enquis et demende 0263 N a en cest mont si riche fermete 0264 Plus de .xx. toises ont li fose de le 0265 Et autretant sont en parfont cheve 0266 Li floz de mer cort parmi le fosse 0267 Aude la grant sachiez de verite 0268 A tot entor le mur avironne 0269 Par ilec vienent li grant dromont ferre 0270 Et les galies plaines de richete 0271 Dont cil sont riche de la bone cite 0272 Qant de la porte ont le clavel ferme 0273 Et li portiers a sus le pont leve 0274 Lors puent estre tres bien aseure 0275 Qu il ne redoutent home de mere ne 0276 Ne les prandroit toute crestiente 0277 Charles l antant s en a un ris gite 0278 He Dex aie com est bien encontre 0279 Ce dist li rois au coraje adure 0280 Est ce Nerbone dont l en m a tant conte 0281 Qui toute Espangne sormonte de fierte 0282 Qant oi pris Nobles et retenu Forre 0283 Lors mist ses gardes en iceste cite 0284 Que il la dut garder a sauvete 0285 Sire dist Naimes par foi c est verite 0286 Mes Sarrazin n orent pas oublie 0287 Puis que il virent Rollant de ci torne 0288 Si s asenblerent li cuvert deffae 0289 Si rasaillirent ceste grant fermete 0290 Et si l asistrent environ de tot le 0291 Mainte perriere i orent amene 0292 Tant asaillirent li gloton parjure 0293 Q an mains d un mois sessirent la cite 0294 Si furent tuit cil dedanz desmenbre 0295 Or ont puis tant paien fait et ouvre 0296 Que refait ont les murs qu erent casse 0297 Et tot entor li fose repare 0298 Aparfondi sont molt et releve 0299 Charles l entant tot a le sens mue 0300 Naimes dist il qui tient la fermete 0301 En non Deu sire ja ne vos ert cele 0302 Rois Baufumez et li rois Desrames 0303 Et Agolans et Dromons li barbes 0304 Et avec aus .xx.m paien arme 0305 Qui Deu ne croient le roi de majeste 0306 Ne sa mere hautisme 0307 Dist l enperere Tendroiz la vos de moi 0308 Sire dist Naimes nanil en moie foi 0309 Car trop sont plain d orgueil et de bofoi 0310 Si ne vos prisent vaillisant .j. baloi 0311 Ainz que l aiez par la foi que vos doi 0312 I seroiz vos .j. an si com ge croi 0313 Naimes dist Charles foi que doi Deu le roi 0314 Ainz que m en parte lor ferai tel tornoi 0315 Ne les garra ne haut mur ne berfroi 0316 Ainz que ge aille en France ou aler doi 0317 Vodrai enz metre la crestienne loi 0318 Un de mes pers la lesserai ce croi 0319 Qui m en rendra servise 0320 Charles li rois fu molt de grant coraje 0321 La cite voit et l ancien estage 0322 C a force tienent li Sarrazin aufaje 0323 Lors s apansa de merveillex barnaje 0324 C a un des pers qu iert de grant vaselaje 0325 Donra la vile et le mestre menaje 0326 Qui gardera la terre et le rivaje 0327 Si l an fera feaute et omaje 0328 Il en apele .j. conte de paraje 0329 Dreues ot non molt le tint l en a saje 0330 Qant l a veu Charles au fier visaje 0331 Gentement l aresonne 0332 Venez avant Dreues de Mondidier 0333 Vos fustes fiz de gentil chevalier 0334 Si vos doit en amer et tenir chier 0335 Tenez Nerbone a vos la veil lesier 0336 Toute la terre avroiz a jostissier 0337 De Nerbonois deci a Montpellier 0338 Quant cil l antant si se prist a irier 0339 Sire fet il mie ne vos en quier 0340 Li vis deables la puise trebuchier 0341 Foi que doi vos aincois .j. mois entier 0342 Vodrai ge estre en mon pais arrier 0343 La me ferai cousteir et bangnier 0344 Car toz sui las ne me puis preu aidier 0345 S avroie molt de repos grant mestier 0346 Droiz enperere a celer nel vos quier 0347 Je n ai roncin palefroi ne destrier 0348 Qui mestier ait ne mes a escorchier 0349 Et ge meismes pres a d un an entier 0350 Ne jui .iij. nuiz sanz mon hauberc doblier 0351 Ne ne finai d errer ne d ostoier 0352 Et de mon cors pener et traveillier 0353 Or me roffrez Nerbone a jostissier 0354 Que encor tienent de paiens .xx. millier 0355 Donez la autre enperere au vis fier 0356 Car ge n en ai que faire 0357 Dist l enperere a la barbe florie 0358 Venez avant Richart de Normendie 0359 Vos estes dus de molt grant seignorie 0360 Si estes plains de grant chevalerie 0361 Tenez Nerbone prenez en la baillie 0362 De moi tendroiz ceste terre garnie 0363 Ja tant com puisse el cors avoir la vie 0364 N en perdroie vos vaillisant une alie 0365 Qant cil l antant durement s en gramie 0366 Sire fet il vos parlez de folie 0367 Tant ai este en la terre haie 0368 Que tote en ai la char tainte et blemie 0369 Car puis que ving entre gent paiennie 0370 Ne fui .vij. jorz sanz ma broine vestie 0371 Mes par l apostre que l en requiert et prie 0372 Se g estoie ore arriers en Normendie 0373 Ja en Espangne n avroie menentie 0374 Ne de Nerbone n avroie seignorie 0375 Donez la autre car ge ne la quier mie 0376 De mau feu soit ele arse 0377 Li enperere tint molt le chief enclin 0378 Por ces .iij. contes qui si sont de fier lin 0379 Qui se refussent Nerbone tot en fin 0380 Il en apele Hoel de Costentin 0381 Haut chevalier et cont palatin 0382 Venez avant gentis cuens de franc lin 0383 Tenez Nerbone et le palais marbrin 0384 A vos seront mil chevalier enclin 0385 Ja se Deu plest qui de l eve fist vin 0386 Ne l avront mes paien ne Sarrazin 0387 Qant cil l antant si li respont enclin 0388 Droiz enperere foi que doi saint Martin 0389 Ja Nerbonois ne n avront a voisin 0390 Tant ai porte mon hauberc doblentin 0391 Et couchie tart et leve par matin 0392 Le cors ai taint par desoz mon hermin 0393 Or me roffrez Nerbone et son train 0394 Que encor tienent .xx. mile Sarrazin 0395 Qui ne vos doutent vaillisant .j. ferlin 0396 Qui me donroit tot le tresor Pepin 0397 Ne tandroie Nerbone 0398 Charles li rois fu en grant sopecon 0399 Qant si li faillent si conte et si baron 0400 Il en apele Girart de Rosillon 0401 Venez avant dist li rois gentis hon 0402 Tenez Nerbone je vos en faiz le don 0403 De moi tendroiz ceste terre environ 0404 Qant cil l antant si bessa le menton 0405 Puis li respont belement sanz tancon 0406 Droiz enperere vos parlez en pardon 0407 Bien a un an et plus bien le savon 0408 Que nos venimes en ceste region 0409 Puis ne jui guieres en sale n en meson 0410 Fors par ces chans dedanz mon paveillon 0411 Toz jorz vestu mon hauberc fremillon 0412 Par chaut par froit et en tote sesson 0413 Vos al servi a coite d esperon 0414 La char en ai tainte comme charbon 0415 Or me roffrez Nerbone et le roion 0416 Que encor tienent .xx. mil paien felon 0417 Qui ne vos doutent la monte d un bouton 0418 A autre fetes de Nerbone le don 0419 N i remandroie por tot l or Salemon 0420 Assez ai aillors terre 0421 Iriez fu Charles a la fiere personne 0422 Qant tuit refussent la cite de Nerbone 0423 Le duc Huedon apres en aresonne 0424 Venez avant sire dus de Borgongne 0425 Si recevez la cite de Nerbone 0426 Sire fet il ja ne la m abandone 0427 Ne m aime pas qui de ce m aresonne 0428 J ai tele terre qui molt est bele et bonne 0429 Si me fet guerre .j. cuens d outre Seonne 0430 Ja a passe de ma terre la bone 0431 Plus m a tolu que ne vaut Terasconne 0432 Li mes m en vindrent ier matin devant nonne 0433 Or m en irai cele part sanz essone 0434 S acquiterai mes marches 0435 En Charlemaine nen ot que airier 0436 Qant si li faillent si baron chevalier 0437 Il en apele de Danemarche Ogier 0438 Venez avant dist Charles au vis fier 0439 Tenez Nerbone vos la veil ge lessier 0440 Ne la puis mieuz a nului enploier 0441 De moi avroiz la terre a jostissier 0442 Qant cil l antant le sans cuide changier 0443 Sire fet il mie ne vos en quier 0444 Assez ai terre je ne la veil changier 0445 Traveilliez sui si me veil aessier 0446 En Danemarche se g i puis reperier 0447 Ja de Nerbone ne me quier enchargier 0448 Donez la autre a cui ele ait mestier 0449 Car ge n i puis entendre 0450 Molt fu li rois corrociez et pansis 0451 Qant de Nerbone li est chascuns eschis 0452 Il en apele Salemon le marchis 0453 Venez avant frans chevaliers gentis 0454 Tenez Nerbone et le pales votis 0455 De moi tandroiz la terre et le pais 0456 Qant cil l antant si enbronche le vis 0457 Puis li respont com hom mautalantis 0458 Droiz enperere par le cors saint Denis 0459 Ce ne sera jusqu au jor del jois 0460 Que ci demeure en Nerbone entrepris 0461 Ainz m en irai arrier en mon pais 0462 S en remenrai mes chevaliers de pris 0463 Mes molt petit m en est ce vos plevis 0464 Ce poise moi de ceus qui sont ocis 0465 Les ames d eus soient en paradis 0466 Car recovrer nes puis ce m est avis 0467 Mes d une rien poez estre toz fis 0468 Que ja Nerbone ne tendrai .xv. dis 0469 Donez la autre enperere gentis 0470 Car ja ne sera moie 0471 Plains fu li rois de molt fier mautalant 0472 Qant si li faillent si home plus puisant 0473 Il en apele Gondebuef l Alemant 0474 Venez avant franc chevalier vaillant 0475 Tenez Nerbone recevez en le gant 0476 Qant cil l oi n ot de chanter talant 0477 Il li respont hautement en oiant 0478 Droiz enperere merveille dites grant 0479 Plus a d un an par le mien escient 0480 Que ge ne vi ne fame ne enfant 0481 Del retorner sui forment desirant 0482 Car en Espangne ai sofert poine grant 0483 Ne me puis mes aidier ne tant ne qant 0484 De toz mes homes n ai pas de remenant 0485 La tierce part s en ai le cuer dolant 0486 Toz les ont morz Sarrazin et Persant 0487 Si n en remeng palefroi n auferrant 0488 Qui tuit ne soient lasse et recreant 0489 Or m alez ci Nerbone presantant 0490 Dont vos encore n avez vaillant .j. gant 0491 Mes par l apostre que quierent peneant 0492 Ja ne l avrai nul jor de mon vivant 0493 Donez la autre au maufe la conment 0494 Ja la claim tote quite 0495 Avant venez dus Naimes de Baiviere 0496 Dist l enperere a la hardie chiere 0497 Au besong m est vostre ensengne premiere 0498 La vostre aide doi ge avoir molt chiere 0499 Onques vers moi ne fustes jor boisiere 0500 Tenez Nerbone et tote la costiere 0501 Tote la cit et la grant tor pleniere 0502 Tandroiz de moi de ci a Porte Aigiere 0503 Ja se Deu plest cele gent aversiere 0504 N en tandront mes vaillisant une osiere 0505 Naimes l antant si dist parole fiere 0506 Droiz enperere ne m en fetes proiere 0507 Raler m en veil en mon pais arriere 0508 Puis que j issi del regne de Baiviere 0509 Ne jui un mois sanz ma broine dobliere 0510 L espee ceinte et lacie la coifiere 0511 Morte est ma gent que j avoie molt chiere 0512 De trois .c. homes c avoie a ma baniere 0513 N en ai pas .c. qui ne soient en biere 0514 Toz les ont morz cele gent pautoniere 0515 Or m ofrez ci ceste cite pleniere 0516 Mes bien vos di que en nule maniere 0517 Ne la prandrai por nul qui m en requiere 0518 Donez la autre cui ele mieuz afiere 0519 Car ja ne sera moie 0520 Venez avant Anseis de Cartage 0521 Tenez Nerbone et le mestre menaje 0522 Chevaliers estes esprovez de coraje 0523 Si garderoiz le port et le rivaje 0524 Que n i arivent la pute gent sauvaje 0525 Se vos asient li Sarrazin aufage 0526 Qu il vos en facent contraire ne domaje 0527 Si m envoiez querre par .j. mesaje 0528 Ja ne lerai por vent ne por orage 0529 Ne vos secorre a mon riche barnaje 0530 Qant cil l antant a pou d ire n enrage 0531 Droiz enperere je n en ai nul corage 0532 Que ge remengne en la terre sauvaje 0533 Foi que doi vos ge feroie folaje 0534 Se guerpisoie ma terre et mon menaje 0535 Ou ge ne truis qui me face domaje 0536 Bien diroit en c avrois el cors la rage 0537 Se an Nerbone prenoie mon estaje 0538 Ausin seroie come li oisiaus en cage 0539 Maudite soit la terre 0540 Nostre enperere se prist a dementer 0541 Et son neveu Rollant a regreter 0542 Et ses barons que tant soloit amer 0543 Biaus nies dist Charles com mar vos vi finer 0544 Ne porrai mes tel ami recovrer 0545 Ne sai en cui me porrai mes fier 0546 A ce besong le puis bien esprover 0547 Ainsi dist Charles ou il n ot c airer 0548 Puis reconmence Nerbone a presanter 0549 Si la roffri a Doon de Valcler 0550 Et a Girart de Vienne le ber 0551 Mes n i a nul qui l en veille escouter 0552 Tant fort redoutent les paiens d otremer 0553 Dolant fu Charles qant lor ot refusser 0554 Car ne set mes cui la doie doner 0555 Fors a Hernaut qui molt fet a loer 0556 Le gentil conte de Biaulande sor mer 0557 Celui en prist Charles a apeler 0558 Si li offri Nerbone 0559 Biaus sire Hernaus dist Charles au vis fier 0560 Prenez Nerbone je vos en veil proier 0561 Par tel covant com vos m orroiz noncier 0562 Se vos assaillent li paien aversier 0563 Secorrai vos o moi maint chevalier 0564 En non Deu sire dist Hernaut le guerrier 0565 Vieuz sui et freilles ne me puis mes aidier 0566 Ne porter armes ne monter sor destrier 0567 De mener guerre n avroie mes mestier 0568 Por ce nen os si grant fes enchargier 0569 Car qui avra Nerbone a jostissier 0570 Maint fort assaut et maint estor plenier 0571 Li covendra maintes foiz essaier 0572 A un danzel fort et juenne et legier 0573 Vos covendroit la cite a baillier 0574 Qui bien poist sofrir le guerroier 0575 Et les paiens confondre et essillier 0576 Et mater les au fer et a l acier 0577 Tex hom si doit Nerbone jostissier 0578 Se hom ne l a ja celer nel vos quier 0579 Qui soit puisans et de lingnaje fier 0580 Ja ne tandra la terre 0581 Qant ce voit Charles que tuit li sont failli 0582 Ne vellent estre de Nerbone sessi 0583 Forment regrete Rollant son chier ami 0584 Et Olivier son conpangnon hardi 0585 Et les barons que Ganelons trai 0586 Biaus nies fist il cil Dex qui ne menti 0587 Ait de vostre ame et pitie et merci 0588 Et des barons qui por lui sont feni 0589 Se fussiez vis tres bien le sai de fi 0590 Ne remeinsist mie Nerbone ainsi 0591 Puis que mort sont li mien verai ami 0592 Crestiente n a mes nul bon ami 0593 Mes par celui qui de virge nasqui 0594 Ne partirai mes de cest siege ci 0595 Tant com paien en esteront sessi 0596 Seignor baron vos qui m avez servi 0597 Ralez vos en de verte le vos di 0598 En vos pais ou vos fustes norri 0599 Que par ce Deu qui onques ne menti 0600 Puis que je voi que tuit m estes failli 0601 Qui que s en aut je remendrai ici 0602 Si garderai Nerbone 0603 Seignor baron ce dist Charles li rois 0604 Ralez vos en Borguignon et Francois 0605 Et Hennuier Flamenc et Avalois 0606 Et Angevin Poitevin et Mansois 0607 Et Loherain Breton et Herupois 0608 Cil de Berri et tuit li Chanpenois 0609 Ne cuidiez mie que geu die a gabois 0610 Et trestoz ceus qui vodront demenois 0611 Ja n en tendrai .j. seul desor son pois 0612 Que foi que doi saint Fremin d Aminois 0613 Je remendrai ici en Nerbonois 0614 Si garderai Nerbone et le defois 0615 Foi que doi vos ainz i serai .xx. mois 0616 Que ge n en aie le pales maginois 0617 Qant vos vendroiz el pais d Orlenois 0618 En douce France tot droit en Loonois 0619 S an vos demende ou est Charles li rois 0620 Si responez por Deu seignor Francois 0621 Que le lesastes au siege a Nerbonois 0622 Mes jugemenz tendrai ci et mes lois 0623 Cui en fera chose desor son pois 0624 A moi s en viengne ci clamer demenois 0625 Car ja aillors ne l en sera fez droiz 0626 Dex ce a dit Hernaus de Biaulandois 0627 Com sui iriez glorieus sire rois 0628 De mon seignor que voi en tex effrois 0629 Onques ce croi ne fu mes si destroiz 0630 Molt sui honniz se ge de ci m en vois 0631 Se ne li faz sa volente aincois 0632 Ja ai ge un fil qui preuz est et cortois 0633 Novelement a porte ses conrois 0634 N a pas encore .ij. anz et .iiij. mois 0635 Que l adouba Girars de Viennois 0636 S or voloit prendre en garde Nerbonois 0637 Bien porroit dire Charlemaine li rois 0638 Qu il n avroit tel de ci en Vermendois 0639 Por maintenir ses marches 0640 Devant Charlon en est Hernaus venuz 0641 Si l en apele com hom aperceuz 0642 Droiz enperere ne soiez esperduz 0643 Ne devez estre de rien si irascu 0644 Se cist domajes vos est ore avenuz 0645 De voz barons que vos avez perduz 0646 N estes por ce ne morz ne recreuz 0647 Encore est Dex plains de molt granz vertuz 0648 Par cui seroiz aidiez et secoruz 0649 Se ge ne fusse si vieuz et si chenuz 0650 Par moi fust bien cist pais maintenuz 0651 De vos eusse toz les fiez receuz 0652 Ja longuement n en fust li plez tenuz 0653 Mes j ai .j. fil qui fiers est et menbruz 0654 Chevaliers est hardiz et esleuz 0655 Si fetes tant que il soit vostre druz 0656 Je croi en Deu qui el ciel fet vertuz 0657 Par lui ert bien li pais maintenuz 0658 Et vers paiens tensez et defanduz 0659 Dex ce dist Charles car fust il or venuz 0660 Onques n oi si grant joie 0661 Li cuens Hernaus ne s est pas arestez 0662 A Aymeri son fil en est alez 0663 Si l en apele com ja oir porrez 0664 Aymeriz fiz Dex te croisse bontez 0665 Se Dex donoit li rois de majestez 0666 Q ancor fussiez essauciez et levez 0667 Liez en seroie et tes fiers parentez 0668 Dist Aymeris Et por coi dit l avez 0669 En non Deu fiz jeu te dirai assez 0670 Nostre enperere qui tant a de fiertez 0671 Par moi vos mende que a lui en venez 0672 Doner vos veut ce est la veritez 0673 Tot Nerbonois et les granz fermetez 0674 Biaus fiz por Deu qui en croiz fu penez 0675 S il la vos done ja ne la refusez 0676 Car se tant fetes que la cite prenez 0677 Bien sai q ancore seroiz riches clamez 0678 Dist Aymeris Dex en soit aorez 0679 Biaus sire pere orendroit m i menez 0680 Que par les sainz que Dex a plus amez 0681 Je ne vodroie por l or de .x. citez 0682 C uns autres hom fust de l ennor chasez 0683 Car se Dex done que j en soie fievez 0684 Molt chier vendre as paiens desfaez 0685 La mort Rollant qui tant fu redotez 0686 Bien puent dire q an mal an sont entre 0687 N en remendra nus dec a Balesguez 0688 Se il n en est bautisiez et levez 0689 Ou par treu n en est a moi tensez 0690 Se ge vif tant q an l ennor soie entrez 0691 Tote perdront Espangne 0692 Devant le roi vint Hernaus li gentis 0693 Qui encor fu molt dolanz et pansis 0694 Avant se trest li vaillanz Aymeris 0695 N ot plus bel home en .xiiij. pais 0696 Biaus fu a droit parcreuz et forniz 0697 Le regart fier cler et riant le vis 0698 Simples et douz fu envers ses amis 0699 Et fel et fiers contre ses ennemis 0700 Forment l esgardent prince et conte et marchis 0701 Et li vasauz fu sage et bien apris 0702 Qant vit le roi ne fu mie esbahiz 0703 Ainz que li rois l eust a reson mis 0704 Le salua gentement Aymeris 0705 Cil Damedex qui maint en paradis 0706 Il saut et gart le roi de Saint Denis 0707 Et toz ses homes si com ges voi assis 0708 Et il confonde ses mortieus enemis 0709 Entandez moi enperere gentis 0710 Otroiez moi Nerbone et le pais 0711 Ce dont n a cure ne prince ne marchis 0712 Tant fort redotent paiens et Arrabis 0713 Donez la moi enperere gentis 0714 Girars l entant s en a gite .j. ris 0715 Puis respondi l enperere au fier vis 0716 Por les sainz Deu est ce dont Aymeris 0717 Aymeriet por le cors saint Denis 0718 Vodras tu estre des ore mes amis 0719 Ne te menbre il de l eure ne des dis 0720 Qant en Vienne estoit Girars assis 0721 En la forest avoie le porc pris 0722 La me sorprist dans Girars li marchis 0723 Et tu meismes armez o lui venis 0724 Tant fus vers moi fiers et mautalentis 0725 S il te creust n en eschapase vis 0726 Ne remest pas en toi ne fui ocis 0727 Foi que doi vos sire dist Aymeris 0728 De tel cuer sui et esterai toz dis 0729 Ja n amerai nul jor mes ennemis 0730 Mes bien savez trop aviez mespris 0731 Qant a mon oncle toliez son pais 0732 Foi que doi vos enperere au fier vis 0733 Tant com vodroiz je serai vostre amis 0734 Et qant vodroiz par le cors saint Denis 0735 Je reserai de vostre amor eschis 0736 De terre n ai vaillant .ij. parisis 0737 Qant Deu plera le roi de paradis 0738 Je ravrai tost plus grant avoir conquis 0739 Voir dist li rois molt ies preuz et gentis 0740 En l annor Deu qui en la croiz fu mis 0741 Te dong Nerbone et trestot le pais 0742 Par tel covant la pranz biax douz amis 0743 Que Damedex qui pardon fist Longis 0744 Te doint vitoire contre tes ennemis 0745 Dex vos en oie sire dist Aymeris 0746 Qui me croise barnaje 0747 Dist l enperere Ore esta gentement 0748 De mon duel ai molt grant alegement 0749 Puis q Aymeris tendra le chasement 0750 De Nerbonois et l annor qui apant 0751 Je croi molt bien de fi veraiement 0752 Q an mal en sont entre paienne gent 0753 Aymeri frere molt as grant hardement 0754 Mes de l avoir n as tu mie granment 0755 Avoir covient plante d or et d argent 0756 Fain et avoinne char et vin et froment 0757 Et maint destrier et maint bon garnement 0758 Qui veut tenir si riche chasement 0759 Comme au seignor cui Nerbonois apant 0760 Dex aidiez sire com m esmaiez forment 0761 Dist Aymeris par le cors saint Climent 0762 N est encor Dex la sus el firmament 0763 Qui est puisanz toz jorz sanz finement 0764 Je croi en lui molt bien veraiement 0765 Qu il m aidera ce cuit prochienement 0766 Je sui encore bachelers de jovant 0767 Si m eist Dex qui ne faut ne ne ment 0768 Se de l avoir ont la paienne gent 0769 Nos en avrons par le mien escient 0770 Qant Charlemaine cele parole entant 0771 Molt par en ot grant joie 0772 Aymeri frere dist Charles au vis fier 0773 Gentis hom sire ne vos chaut d esmaier 0774 Ne vos faudre tant com vos puise aidier 0775 Eincois q an France m en doie reperier 0776 Mil chevaliers ferai o vos lessier 0777 S avra chascuns et armes et destrier 0778 Aideront vos qant en avroiz mestier 0779 As Sarrazins mater et jostissier 0780 Se vos poez sor paiens gaengnier 0781 Terre ou avoir ou argent ou or mier 0782 N en quier avoir vaillisant .j. denier 0783 Granz merciz sire dist Aymeri le fier 0784 Ja se Deu plest le verai jostissier 0785 N orroiz de nos mauves plet renoncier 0786 Au pie le roi se vait agenoillier 0787 Qant l en redrece l enperere au vis fier 0788 Et li a dit oiant maint chevalier 0789 Aymeris sire ja nel vos quier noier 0790 Des or vos veil amer et tenir chier 0791 Seignor dist Charles franc nobile guerrier 0792 Or m entendez Francois et Berruier 0793 Le mien panse ne vos doi pas noier 0794 Molt a grant tans ne me poi leescier 0795 Puis que perdi Rollant et Olivier 0796 Et les barons qui me suelent aidier 0797 Ne poi a joie ne boivre ne mengier 0798 Savez por coi jeu di franc chevalier 0799 Vez Aymeri qui tant fet a proisier 0800 Ce que geu sant a si noble guerrier 0801 Me fet grant part de mon duel alegier 0802 Or si vodroie seu volez otroier 0803 C une quintaine me feisiez drecier 0804 Devant Nerbone fermer et atachier 0805 S iront ferir cil juenne chevalier 0806 Et bacheler por lor pris essaucier 0807 Et s Aymeris i veut joster premier 0808 Por moie amor je l en avrai plus chier 0809 Se poions tel tornoi commencier 0810 Que hors issisent cil paien aversier 0811 Por la quintaine envers nos chalengier 0812 Foi que doi Deu qui le mont doit jugier 0813 Li quex que soit i porroit gaengnier 0814 Dist Aymeris Bien fet a ostroier 0815 Or s arment dont cil chevalier legier 0816 Par saint Denis nos irons sanz targier 0817 Ferir en la quintaine 0818 Par le conseil que Charles ot done 0819 Tout por l amor Aymeri le menbre 0820 Font la quintaine drecier en mi le pre 0821 Devant la porte assez pres del fosse 0822 Mes as coarz ne vint guieres a gre 0823 Cil chevalier furent molt tost arme 0824 Cil bacheler de novel adoube 0825 Qui vellent estre d armes plus alose 0826 La veist en maint destrier ensele 0827 Et maint escu d or et d argent bande 0828 Et mainte ensengne maint panoncel ferme 0829 Li uns prent lance et l autre espie carre 0830 De bien joster se sont molt acesme 0831 Charles en a Aymeri apele 0832 Le fil Hernaut qui tant ot de bonte 0833 Aymeris sire ore oiez mon panse 0834 En la quintaine por la moie amiste 0835 Ferroiz premiers se il vos vient a gre 0836 Si que vos voient mi prince et mi chase 0837 Sire fet il a vostre volente 0838 Qant il dist ce s a il aillors pense 0839 En son cuer dist coiement a cele 0840 Ja son lingnaje ne sera reprove 0841 Q an escu vuit ait son cors esprove 0842 .Vc. danziaus a a lui apele 0843 Qui tuit estoient si dru et si prive 0844 Et si ami et de son parante 0845 Et chevalier vaillant et alose 0846 Baron dist il or soiez bien arme 0847 Et pres de moi vos tenez tuit serre 0848 Si en irons devers cele cite 0849 Se Dex donoit li rois de majeste 0850 Que hors issisent li paien desfae 0851 Gardez por riens ne soiez effree 0852 Car se bien sont feru et encontre 0853 Tost i avrons tel avoir conqueste 0854 Dont nos serons menant et asaze 0855 Et cil responent A vostre volente 0856 Ne vos faudrons por estre desmenbre 0857 Isnelement se sont tuit adoube 0858 De l ost se partent coiement a cele 0859 Q a ceus de l ost n en ont .j, mot sone 0860 Tant redouterent Charlon et sa fierte 0861 Jusqu a Nerbone ne se sont areste 0862 Enbuchie sont lez .j. gaste fosse 0863 De l autre part encoste la cite 0864 Et cil de l ost qui se furent arme 0865 En la quintaine ont feru et hurte 0866 Ainsi com Charles l ot dit et commende 0867 Le jor i ot maint espie tronconne 0868 Et mainte lance dont li fer sont carre 0869 Mes Aymeri qui les ot esgarde 0870 Il ne si home ne se sont remue 0871 N en la quitaine feru ne boorde 0872 Qant une piece orent aisi este 0873 Tele aventure lor a Jesu done 0874 Que .c. paiens ont ca defors trove 0875 Qui issu furent de la bone cite 0876 Por les Francois qu il orent avise 0877 Qui la quintaine orent fermee el pre 0878 Mes ne se gardent li gloton desfae 0879 De ceus qui furent lez le gaste fosse 0880 S il le seusent sachiez de verite 0881 Il n en issisent por .j. mui d or conble 0882 Cuens Aymeris les a bien regarde 0883 Dist a ses homes Franc chevalier menbre 0884 La merci Deu bien nos est encontre 0885 Ce que voloie avons ici trove 0886 Ce sont paien que tant ai desirre 0887 Or i parra qui ci avra bonte 0888 Et qui avra hardement et fierte 0889 Ferez i bien franc chevalier loe 0890 C apres ce jor ne nos soit reprove 0891 Et cil responent Ore avez bien parle 0892 A ces paroles sont a eus asenble 0893 Aymeris broche le destrier abrive 0894 Brandist la hante qui le fer ot carre 0895 Plus ne lor a ne dit ne sermone 0896 Fiert le premier que il a encontre 0897 L escu li perce l auberc li a fause 0898 Plaine sa lance l a mort acravente 0899 L ensengne Charle a molt haut escrie 0900 Or tost as autres mar seront redoute 0901 De cest premier somes nos delivre 0902 Et il si firent n i ont plus demore 0903 Sor paiens fierent par bone volente 0904 Adont i ot ruiste chaple leve 0905 Puis que Francois sont as paiens melle 0906 Maint fort escu veisiez estroe 0907 Et maint hauberc desrout et despanne 0908 Et tant vert hiaume fret et escartele 0909 Tant Sarrazin trebuchie et verse 0910 Li un sont mort et li autre navre 0911 Li autre fuient ca et la esgare 0912 Li mort s acoisent si crient li navre 0913 Mahomet sire aiez de nos pitie 0914 Ce sont deable c avons ci encontre 0915 Qui guerira molt avra bien ovre 0916 En fuie tornent n i ont plus demore 0917 Mes Aymeris tint le branc acere 0918 Cui il consiut tot a son tans use 0919 Bien a sor aus son hardement prove 0920 Sor paiens a tant feru et chaple 0921 De .c. n en sont pas .xl. torne 0922 Fuiant s en vont vers la grant fermete 0923 Mes Aymeris au coraje adure 0924 Les enchaucoit el pong le branc letre 0925 Desor le pont en a .j. encontre 0926 Tel li dona qu il l abat el fosse 0927 Se il ot soif boivre pot a plente 0928 Dedanz les portes en sont li autre entre 0929 Qant les ont closes si sont aseure 0930 Et Aymeris vint le branc entese 0931 Es portes fiert par molt ruiste fierte 0932 Nerbone escrie moie est ceste cite 0933 Fil a putain fel glouton desfae 0934 Randez moi tost la mestre fermete 0935 Car Charlemaine m en a le don done 0936 Se vos nel faites tuit seroiz desmenbre 0937 Ou ars en feu ou au vant encroe 0938 Car la cite est moie 0939 Qant li paien furent mort et vaincu 0940 Cil qui estoient de la cite issu 0941 Arrieres tornent Aymeris et si dru 0942 Bien les ot Charles de sa tante veu 0943 Comment il sont as paiens conbatu 0944 Bien sot et vit c Aymeris pas ne fu 0945 A la quintaine ou li autre ont feru 0946 Mes as paiens ferir ot entendu 0947 Grant joie en a li enperere eu 0948 De ce que si se furent maintenu 0949 Encontre vait n i a plus atandu 0950 Contre Aymeri sont li baron venu 0951 Li rois le voit si li rendi salu 0952 Aymeris sire com vos est avenu 0953 As Sarrazins vos estes conbatu 0954 Ne vos a guieres de mon comment chalu 0955 Mauvesement m avez covant tenu 0956 En la quintaine n avez .j. cop feru 0957 Merci biaus sire li cuens a respondu 0958 Nel fis por mal foi que doi a Jesu 0959 Mes trop me fust a grant honte tenu 0960 Se ge ferisse desore .j. vuit escu 0961 Mieuz vient que j aie esprove m a vertu 0962 Sor ces paiens qui s en erent issu 0963 Si m eist Dex qui en sainte croiz fu 0964 Ja n amerai Sarrazin mescreu 0965 A nul jor de ma vie 0966 De ce c a dit le preuz quenz Aymeris 0967 Charles li rois s en est volentiers ris 0968 Lors se desarment li chevalier de pris 0969 L eve demendent au mengier sont assis 0970 Des mes qu il orent ne quier fere devis 0971 Bien sont servis li conte et li marchis 0972 Et li paien qant se virent sorpris 0973 Dedanz Nerbone el palais seignoris 0974 .IIII. roi furent qui ont lor conseil pris 0975 Tuit furent frere si com je l ai apris 0976 Rois Baufumez ot l un non ce m est vis 0977 Et Agolanz qui fu preuz et gentis 0978 Et Desramez et Drumanz au fier vis 0979 Dist l un a l autre Charles nos a asis 0980 Vez le la fors Mahons nos soit aidis 0981 D Espangne vient si vait en son pais 0982 Vers nos est molt fiers et mautalantis 0983 Par Mahomet s a force somes pris 0984 Chier nos vandra ses pers qui sont ocis 0985 Dist Agolanz li vieuz o le fier vis 0986 Seignor dist il entandez mon avis 0987 Nos somes .iiij. tuit frere de grant pris 0988 Se vos volez croire le mien avis 0989 En Babiloine seront li dui tramis 0990 A l amirant qui tant est posteis 0991 Secorra nos de ce soiez toz fis 0992 Et li dui autre remendront ci tandis 0993 Si garderont ce pales seignoriz 0994 Dient li autre Ja n en seroiz desdiz 0995 Nos en ferons tot a vostre devis 0996 Tot maintenant que lor conseil ont pris 0997 Rois Desramez s est a la voie mis 0998 Et Baufumez o lui tot ademis 0999 Par une croute dont bien furent apris 1000 S an sont torne n i ont plus terme quis 1001 Si vont le secors querre 1002 Vont s en li mes n i sont plus demorant 1003 Par desoz terre s en sont torne errant 1004 Si ont erre par nuit et par jor tant 1005 De la croute issent lez Orenge la grant 1006 Qui estoit lor et Nimes par devant 1007 D eus vos lerons a maufe les commant 1008 Dirons de Charle l enpereor puissant 1009 Et d Aymeri le preu conte vaillant 1010 Qui vers paiens orent grant mautalant 1011 A un matin par son l aube aparant 1012 Fist l enperere soner .j. olifant 1013 Lors s arment tuit chevalier et sergent 1014 Vont a l asaut dont molt sont desirrant 1015 Nerbone asaillent et derriere et devant 1016 Molt se deffandent Sarrazin et Persant 1017 En la cite nen ot petit ne grant 1018 Qui ne montast sor les murs maintenant 1019 Gietent grans pierres li cors Deu les cravant 1020 Et pieus aguz contreval en lancant 1021 Cui il consivent il n a de mort garant 1022 Charles le voit s an ot le cuer dolant 1023 Il les maudit de Deu onipotant 1024 Dex vos confonde Sarrazin et Persant 1025 Vos me tolistes Olivier et Rollant 1026 Les .xij. pers que ge amoie tant 1027 Mes par l apostre que quierent peneant 1028 Ainz que m en aille en France la vaillant 1029 Vos vendre ge molt chier mon mautalant 1030 L engigneor en apela Morant 1031 Et Savari et son frere Jordant 1032 Fetes moi tost .j. angin fort et grant 1033 Et ausin haut comme cis murs devant 1034 Par coi prendrons ce pales reluisant 1035 De mon avoir vos ferai doner tant 1036 Que vos seroiz toz jorz riche et menant 1037 Et cil responent Tot a vostre commant 1038 Charpanter font les engins maintenant 1039 Toute jor ovrent jusqu au soleil cochant 1040 Et tote nuit a lanternes ardant 1041 Des charpantiers ont mis a l ovre tant 1042 C au main tenoient les engins en estant 1043 Vers la cite vont le berfroi traiant 1044 Desus monterent et archier et sergent 1045 Qant veu l ont Sarrazin et Persant 1046 Dist l un a l autre Molt sont Francois sachant 1047 Or nos amoinent .j. enchantement grant 1048 Tuit somes mort vaincu et recreant 1049 Nostre mesaje vont la briche querant 1050 Eincois c aions secors de l amirant 1051 Avrons perdu Nerbone 1052 Charles a fet le berfroit haut lever 1053 Et pres des murs et conduire et mener 1054 Et les perrieres fet deseure porter 1055 Por fere a ceus de la cite giter 1056 Lors en prist Charles Naimon a apeler 1057 Naimes biaus sire se le volez greer 1058 Par tote l ost fetes .j. ban crier 1059 Que trestuit s arment sanz plus de demorer 1060 Ja n i remengne sergent ne bacheler 1061 Ne un ne autre qui armes puist porter 1062 Que maintenant ne s aillent adouber 1063 Si les ferons toz a l asaut aler 1064 Sire dist Naimes bien fet a creanter 1065 Lors font par l ost cors et tronpes soner 1066 Dont veisiez ces chevaliers armer 1067 N i a remes duc ne conte ne per 1068 Ne escuier sergent ne bacheler 1069 Ne soit armes por a l asaut aler 1070 Carles meismes lor prist a escrier 1071 Franc chevalier hui vos covient pener 1072 Por l amistie Jesu Crist conquester 1073 Hui se porront li hardi esprover 1074 Les engins fetes contre ce mur lever 1075 Qui porra ainz dedanz Nerbone entrer 1076 De mon tresor li ferai tant doner 1077 Com il meismes osera deviser 1078 Qant il oirent le roi ainsi parler 1079 Des tantes partent sanz plus de demorer 1080 De ci as murs n i vodrent arester 1081 Les engins font pres des murs roeller 1082 La veisiez ces fiers sergenz monter 1083 Qant l ont veu Sarrazin et Escler 1084 Poor ont de lor vie 1085 A cel assaut ot molt fiere aatie 1086 Molt avoit Charles bone gent et hardie 1087 As murs asaillent par molt grant arramie 1088 Qant c ont veu la pute gent haie 1089 N i a celui n ait poor de sa vie 1090 Sor les murs montent de la cite entie 1091 Gietent granz pieus li cors Deu les maudie 1092 A noz genz ont mainte teste croisie 1093 Et enbarre maint hiaume de Pavie 1094 Francois le voient chascuns molt s engramie 1095 Mes por ice l asaut ne lessent mie 1096 Ainz recomencent plus fiere l asaillie 1097 Les vergiers copent dont bien estoit garnie 1098 La place entor plus d archiee et demie 1099 Les fossez enplent par molt grant aatie 1100 De ci as murs s en vont tuit d acoillie 1101 L un de picois li autre de congnie 1102 Fierent as murs ensenble a une hie 1103 Tost en eussent abatu grant partie 1104 Qant Charles vint sor .j. mur de Sulie 1105 Ou qu il les voit hautement lor escrie 1106 Mar abatez franche gent seignorie 1107 Je ne vodroie por tot l or de Sulie 1108 Que abatue feust ne agastie 1109 La forterece de la cite entie 1110 Car se Deu plest le fil sainte Marie 1111 Sanz trebuchier sera prise et sessie 1112 Par cel apostre que l en requiert et prie 1113 Ainz i serai .vij. anz a ost banie 1114 Et menderai por fere vos aie 1115 L arriere ban de France la garnie 1116 Ja n i guerront la pute gent haie 1117 S il ne rendent Nerbone 1118 Qant ce entandent sergent et chevalier 1119 Que les hauz murs n oseront pecoier 1120 Et que l asaut lor covient a lessier 1121 Sachiez de voir en eus n ot qu airier 1122 Dist l un a l autre Ci a grant destorbier 1123 James en France ne porrons reperier 1124 Ne ne verrons ne enfant ne moillier 1125 A icest mot se retraient arrier 1126 Li franc sergent et li franc escuier 1127 C as murs abatre n oseront plus tochier 1128 Qant c ont veu li hardi chevalier 1129 Molt tost se vont armer et haubergier 1130 Par ire vont l asaut recommencier 1131 .XIIII. eschieles ont fet as murs drecier 1132 Qui tant sont granz c on les puet apoier 1133 Sor les creniax fermer et atachier 1134 Et Charlemaine l enperere au vis fier 1135 Fist le berfroi apres les murs sachier 1136 Par force i montent et sergent et archier 1137 Les arbalestes ont li arbalestier 1138 A col il traient maint fort carel d acier 1139 Li archier font saietes descochier 1140 As paiens traient qu il voient arengier 1141 Desor les murs por les pierres lancier 1142 Maint en ocient que il font trebuchier 1143 De sus les murs en la cite arrier 1144 Qui dont oist Sarrazins gramoier 1145 Uler et brere et Mahomet huchier 1146 D une grant liue oist l en le noisier 1147 Et li Francois ne se vellent targier 1148 De totes parz font l asaut commencier 1149 Que ne sorent paien quel part gaitier 1150 Mes Aymeris qui tant fet a proisier 1151 Desor toz autres ce puis bien afichier 1152 Se penoit bien de l asaut enforcier 1153 A tot .c. homes qui molt l avoient chier 1154 Fist a la porte .j. fort asaut plenier 1155 Li .xx. tenoient .xx. granz haches d acier 1156 Le jor i furent merveillex charpantier 1157 Car tant i fierent et devant et derrier 1158 Que les ais font totes fandre et percier 1159 Et par devant font le flael brisier 1160 Et cil dedanz ne se porent gaitier 1161 Que dedanz n entrent li vaillant chevalier 1162 Mes qui que fust en la qeue derrier 1163 Cuens Aymeris i est entrez premier 1164 Lors veisiez Sarrazins destranchier 1165 L un mort sor l autre verser et trebuchier 1166 Que ne lor ot lor deffanse mestier 1167 Fuiant s en vont vers le pales plenier 1168 A haute voiz commencent a huchier 1169 Mahomet sire car nos venez aidier 1170 Vers le pales s en cuident reperier 1171 Mes ainz qu i fusent li cuivert pautonnier 1172 En ont ocis Francois plus d un millier 1173 Qui la veist conte Aymeri aidier 1174 Paiens ocirre au branc forbi d acier 1175 Testes et bras et piez et poinz tranchier 1176 Molt le deust aloser et proisier 1177 Tant fiert li cuens et avant et arrier 1178 Et avec lui maint vaillant chevalier 1179 Que il s en entrent el grant pales plenier 1180 El mestre estage fet s ensengne drecier 1181 Cuens Aymeris et au vent baloier 1182 Charles li rois si l apercut premier 1183 Naimon apele son mestre conseillier 1184 Vez sire dus dist Charles au vis fier 1185 La merci Deu qui tot a a jugier 1186 Cuens Aymeris s est ja fet herbergier 1187 Je voi s ensengne la au vant baloier 1188 Foi que doi Deu le verai jostissier 1189 Bien doit tenir la terre 1190 Sus el pales en l estaje plus grant 1191 Fu Aymeris au coraje vaillant 1192 Sone son cor hautement en oiant 1193 Ce senefie qu il est leanz avant 1194 Qant l enperere entendi l olifant 1195 En la vile entre a esperon brochant 1196 Et li baron le vont apres sivant 1197 D or et d argent troverent leanz tant 1198 Que plus n en ot ne roi ne amirant 1199 Et qui vost armes ne destrier auferrant 1200 Hauberc ou hiaume ou espee luisant 1201 Assez en pot avoir a son talant 1202 Dex tant i trovent pain et vin et froment 1203 Et char salee et de fresche ensement 1204 La cite ot bien garnie Agolant 1205 Li rois qui tint le mestre mandement 1206 Et si troi frere qui furent roi puisant 1207 Mes li dui furent plus fol et non sachant 1208 Qu erent remes en Nerbone la grant 1209 Et Aymeris au coraje vaillant 1210 Ot ces .ij. pris entre lui et sa gent 1211 Rendu se furent qant ne porent avant 1212 Et Aymeris les ot fet maintenant 1213 Dedanz sa chartre metre sanz nul garant 1214 Dont puis n isirent en trestot lor vivant 1215 Et li dui autre puent d ore en avant 1216 Par loisir querre le secors l amirant 1217 Car Charlemaine li rois au poil ferrant 1218 Et Aymeris qui tant ot hardement 1219 Jurent la nuit el plus haut mandement 1220 Et lor riche conpangne 1221 Qant ce ot fet Charlemaine li ber 1222 Qu il ot Nerbone qui tant fet a loer 1223 Ce poez croire grant joie en dut mener 1224 Des sinagogues fist les Mahons oster 1225 L or et l argent en fist tot esgruner 1226 A ceus le fist departir et doner 1227 Qui remendront a la cite garder 1228 Un biau mostier font fere et conpaser 1229 Et les autieus beneir et sacrer 1230 Puis i ont fet establir et poser 1231 Un arcevesque sanz plus de demorer 1232 Por Damedeu servir et ennorer 1233 Si i fist Charles offrir et presanter 1234 Le chief saint Pol ce dit en sanz fauser 1235 Qu il fist d Espengne avec lui aporter 1236 De ce fist il molt que gentis et ber 1237 Que au mostier a fet messe chanter 1238 Ainz qu il vosist de Nerbone torner 1239 Molt grant offrende i fist li rois doner 1240 Et li baron et li conte et li per 1241 I vont chascuns s offrende presanter 1242 Un besant d or o .j. marc d argent cler 1243 Apres la messe ne vost plus demorer 1244 Li rois ainz fet tout son oirre aprester 1245 Lors veisiez ces chevax enseler 1246 Metre ces frains e ces hernois trouser 1247 Grant joie font ce sachiez sanz douter 1248 De ce q an France s en doivent retourner 1249 Charles li rois n i vost plus sejourner 1250 Au departir en prist a apeler 1251 Aymeri de Nerbone 1252 Charles parole a la fiere vigor 1253 Aymeri frere molt avez bele tor 1254 Riche cite biau pales riche ennor 1255 Dedanz l estage del tans enciennor 1256 Porroiz menoir a joie et a baudor 1257 Vitaille avez a vos vivre maint jor 1258 S avez ceanz maint destrier misodor 1259 Et bones armes de diverse color 1260 Haubers et hiaumes et escuz painz a flor 1261 Mar douteroiz cele gent paiennor 1262 S avez besong prez sui que vos secor 1263 Grant merci sire ci a molt grant amor 1264 Respont li cuens qui molt ot de valor 1265 Si m eist Dex le pere criator 1266 Tant com vivrai vos tendre a seignor 1267 Et si n aiez onques de ce poor 1268 Que tant com puisse monter el misodor 1269 N avront paien ancontre moi sejor 1270 Tant com vivrai les metrai en error 1271 Ja envers aus ne quier avoir amor 1272 Ainz les metrai a duel et a tristor 1273 Tot por l amor Rollant le pongneor 1274 Et Olivier le nobile contor 1275 Et por les autres qui tant orent valor 1276 Q an Rancevax furent mort a dolor 1277 Par Ganelon le felon traitor 1278 A cui Dex doint et honte et desennor 1279 Frans enperere por Deu le criator 1280 Qant vos vendroiz en la terre Francor 1281 Vangiez vos en n i fetes lonc sejor 1282 Com l an doit fere de felon traitor 1283 Si que trestuit li grant et li menor 1284 L oient conter jusqu en Inde major 1285 Et que poor en aient traitor 1286 Si que james vers lor lige seignor 1287 N osent panser einsi grant desennor 1288 Et dist li rois Par Deu le sauveor 1289 Vos dites bien Dex vos croisse valor 1290 Or vos penez de garder vostre ennor 1291 Dist Aymeris De ce n aiez poor 1292 Car se Deu plest le verai criator 1293 N en perdrai ja demi pie ne plain dor 1294 Par la gent Sarrazine 1295 Charles li rois n i fist plus demoree 1296 Arrier s en vait en France la loee 1297 Aveques lui en a sa gent menee 1298 A Aymeri a Nerbone donee 1299 Et avec lui lessa en la contree 1300 Mil chevaliers de molt grant renommee 1301 Qui garderont la fort cite loee 1302 Et desfandront vers la gent desfaee 1303 Or lor doint Dex qu ele soit bien gardee 1304 Car au prendre a molt este redoutee 1305 A .xiij. contes fu aincois presantee 1306 Et tuit li .xiij. l orent bien refusee 1307 Mes cil la prist qui ait bone duree 1308 C est Aymeris a la chiere menbree 1309 Qui en fist puis c est verite provee 1310 Maint fort estor et mainte grant mellee 1311 Vers Sarrazins la pute gent desvee 1312 Si desfandi bien vers eus la contree 1313 Qu il n en perdi demie ne denree 1314 Ainz a tant terre vers paiens conquestee 1315 Que partout fu de lui la renommee 1316 Des porz d Espangne jusqu a la mer betee 1317 Estoit l ensengne Aymeri redoutee 1318 Mes apres ce sanz nule demoree 1319 Li vint novele qui pas ne li agree 1320 Dedanz Nerbone li fu dite et contee 1321 Q Hernaus ses peres avoit vie finee 1322 Sa mere ausin la contesse ennoree 1323 Qant il le sot dolor en a menee 1324 Mes il voit bien qu il n i a recovree 1325 Une abaie a por eus estoree 1326 Ou il ot puis mainte messe chantee 1327 N orent plus d oirs c est verite provee 1328 Fors Aymeri a la chiere menbree 1329 En heritage li remest la contree 1330 Qui fu Hernaut a la fiere pensee 1331 Molt ot grant terre et riche et asazee 1332 Cuens Aymeris et gent molt redoutee 1333 Or li covenist fame 1334 Adont li loent li petit et li grant 1335 Aymeris sire por Deu onipotant 1336 Car prenez fame n alez plus atendant 1337 Dont eussiez biaus sire aucun enfant 1338 Qui del pais fust apres vos tenant 1339 S estes sanz oir ce sera dolor grant 1340 Joie en avront Sarrazin et Persant 1341 Dist Aymeris Par le cors saint Amant 1342 Je n en sai nule en cest siecle vivant 1343 Qui aferist a moi ne tant ne qant 1344 Ou ne me soit molt pres apartenant 1345 Si m eist Dex le pere tout puisant 1346 Se ge n ai tele qui molt soit avenant 1347 Et qui soit sage et de parage grant 1348 Je n avrai ouan fame 1349 Seignor baron ce a dit Aymeri 1350 Je n en sai nule en France n en Berri 1351 Ne jusqu a Rome vraiement le vos di 1352 Qui ne me soit parente et ge a li 1353 Sire dist Hugues au coraje hardi 1354 Merveilles oi par Deu qui ne menti 1355 Je an sai une par foi le vos afi 1356 Ainz de mes euz ausin bele ne vi 1357 Le vis a gent et le cors eschevi 1358 Mes par ma foi ele est molt loinz de ci 1359 C est Hermenjart au gent cors seignori 1360 De Pavie est la dame que ge di 1361 Fille a un roi dont vos avez oi 1362 Desier fu cil que l engenoi 1363 Rois Bonifaces est ses freres ausi 1364 A Pavie est la dame que ge di 1365 Apres lor pere sont del regne sessi 1366 Maint haut baron et maint conte hardi 1367 L ont puis requise por voir le vos affi 1368 Mes ainz n en volt .j. seul prendre a mari 1369 L autrier venoie de requerre merci 1370 Des .ij. apostres qui Deu furent ami 1371 Ce est saint Pere et saint Pol autresi 1372 Parmi Pavie .j. soir m en reverti 1373 Cele Hermenjart au gent cors eschevi 1374 Trovai seant desoz .j. arc volti 1375 .XV. puceles avoit ensenble o li 1376 Demenda moi dont j estoie norri 1377 Et ge li dis De la terre Aymeri 1378 Por vostre amor la dame me chieri 1379 Et ennora hautement et servi 1380 Car bien avoit de vos parler oi 1381 Respont li cuens La seue grant merci 1382 Bon gre l en sai par le cors saint Remi 1383 Or en sai tant par Deu que ne menti 1384 Se ge ne l ai tel plet m avez basti 1385 Dont il morront .m. home fervesti 1386 Por l amor la pucele 1387 En non Deu Hugues vos la m avez loee 1388 Et maint autre homme la m ont pieca nommee 1389 Mes par celui qui mainte ame a sauvee 1390 Ne par la foi que ge ai presantee 1391 Charlon de France a la barbe mellee 1392 Se ge ne l ai chier sera conparee 1393 Car mainte tor en ert acraventee 1394 Et mainte vile et arse et enbrasee 1395 Et de maint cors en ert l ame sevree 1396 S ele ne m est volentiers presantee 1397 Lonbart avront jusqu a pou la mellee 1398 Car ge irai l oriflanbe levee 1399 Jusqu a Pavie la fort cite loee 1400 Se la pucele m est volentiers donee 1401 De mon pais sera dame clamee 1402 Et s ele m est escondite et veee 1403 Por voir vos di molt ert chier conparee 1404 Eincois que ge m en parte 1405 Sire dist Hugues li preuz et li senez 1406 De Bargelone qui molt fu redoutez 1407 Se il vos plest ja issi nel ferez 1408 Mieudre conseils vos en sera donez 1409 Si le feroiz se croire me volez 1410 Se il vos plest biaus sire or m entendez 1411 Bailleroiz moi .lx. homes armez 1412 A cleres armes a destriers abrivez 1413 Bien soit chascuns vestuz et acesmez 1414 Et de coraje hardiz et adurez 1415 Des plus hauz homes que vos avoir porrez 1416 En vostre terre et aillors les querez 1417 Chascuns soit cuens o princes o chasez 1418 N a si haut home en trestoz ces regnez 1419 Qui tost ne viengne a vos se le mendez 1420 Ja mar soit il de riens vostre fievez 1421 Tant estes vos et cremuz et doutez 1422 Que par amors iront la ou vodrez 1423 Qant les avroiz a Nerbone asenblez 1424 Droit a Pavie au roi les trametez 1425 Ja ne fera tel tans ne tex orez 1426 Que n i soions ainz .xv. jorz passez 1427 Se Boniface est el pales trovez 1428 Bien li sera voz mesages contez 1429 Cele pucele qui tant a de biautez 1430 Requerrons nos avant par amistez 1431 Et s il la vee que il soit tant osez 1432 Nos l anmenrons et si en ait mal grez 1433 Eincois en ert maint escuz estroez 1434 Et maint haubers desrouz et despanez 1435 Et maint Lonbars ocis et desmenbrez 1436 Aymeris l ot si s en est ris assez 1437 Hugues fet il bon conseil me donez 1438 Se vos ce faites que vos me devisez 1439 A toz jorz mes seroiz de moi amez 1440 Si vos donrai .ij. chastiax lez a lez 1441 Dont vos seroiz serviz et ennorez 1442 Sire dist Hugues Vc. merciz et grez 1443 La dame avroiz eincois .ij. mois pasez 1444 Ceanz dedanz Nerbone 1445 Cuens Aymeris n i volt plus delaier 1446 Par ses contrees fet ses mes envoier 1447 As plus hauz homes qui plus font a proisier 1448 Par les mesajes lor fait dire et proier 1449 Que a lui viengnent ainsi com il l ont chier 1450 Se a lui veillent mes avoir recovrier 1451 Et cil si font sanz point de respitier 1452 .LX. per gentil et droiturier 1453 Vindrent a lui aincois .j. mois entier 1454 Et .xx. en ot Aymeris au vis fier 1455 Aveques lui en son pales plenier 1456 Qui a lui sont a boivre et a mengier 1457 Et tuit le tienent por seignor droiturier 1458 Car de lui tienent lor terre a jostissier 1459 Qant sont ensenble li .lx. princier 1460 Cuens Aymeris les prist a aresnier 1461 Seignor baron ne vos doi pas noier 1462 Talanz m est pris que ge prengne moillier 1463 Si m en veil ainz a vos toz conseillier 1464 Si comme a ceus que molt doi avoir chier 1465 Et que molt veil ensenble mercier 1466 Qant de voz terres m estes venu aidier 1467 Une pucele fille au roi Desier 1468 Me loent molt mi baron chevalier 1469 Suer Boniface qui molt fet a prisier 1470 Maint gentil home la sont ale proier 1471 Toz les refusse si com j oi tesmoingnier 1472 N en i a nul dont ne face dengier 1473 Foi que doi vos ja celer nel vos quier 1474 Se ge ne l ai n avrai ouan moillier 1475 Dient li prince Fetes i envoier 1476 De par vos soient .lx. mesagier 1477 Qui pas ne soient ne coart ne lanier 1478 Mes tuit haut home et corajeus et fier 1479 Qui bien savront le mesage noncier 1480 Et eus deffandre se il en ont mestier 1481 S an la vos done ce fet a mercier 1482 Et s an la vee vendue sera chier 1483 Pavie fetes craventer et brisier 1484 Et le pais gaster et essillier 1485 Roi Boniface feroiz vilment tretier 1486 Dist Aymeris Bien fet a ostroier 1487 Dient si home Pansez de l esploitier 1488 Eslisiez les sanz plus de respitier 1489 Toz les mesages que volez envoier 1490 Respont li cuens N avons que delaier 1491 Hugues ira et Garin le lancier 1492 Fouques de Fors et Acharz de Vivier 1493 Li quinz Bernarz et li sistes Gontier 1494 Raoul li semes li huitiemes Braier 1495 Herchanbaut .ix. et .x. a Engelier 1496 A Girart .xj. et xij. a Berengier 1497 A Huon .xiij. et .xiiij. a Bruier 1498 A Milon .xv. .xvj. erent a Renier 1499 Et .xvij. a Buevon le guerrier 1500 Et .xviij. esteront a Garnier 1501 Et .xx. seront a Tierri et Fouchier 1502 C est la tierce partie 1503 Vint en i a qui sont preu et cortois 1504 .XXI. furent a Guillaume de Blois 1505 Et .xxij. a Jociaume as crins blois 1506 Et a Guion furent il .xxiij. 1507 Et .xxiiij. a Mauduit l Espangnois 1508 Et .xxv. a Ensel d Orlenois 1509 Et ,xxvj. a Loihier de Genois 1510 Et .xxvij. a Girart l Avalois 1511 Les .xxviij. parfist li cuens Gaufrois 1512 .XXIX furent a Bernart l Aubijois 1513 Les .xxx. fist li preuz dus Godefrois 1514 Cil iront a Pavie 1515 Trente baron furent cil que ge di 1516 Qui tuit iront por la fame Aymeri 1517 .XXXI. furent au conte Savari 1518 Et .xxxij. a Gaidon le hardi 1519 Et .xxxiij. furent a Esmauri 1520 Et xxxiiij. furent au conte Gui 1521 .XXXV. furent au chastelain Henri 1522 Et .xxxvj. a Geufroi de Ponti 1523 Et .xxxvij. au senechal Guerri 1524 XXXVIII. furent au Loherant Tierri 1525 Et .xxxix. au preu conte Ferri 1526 Cil tint Bediers et Terrasconne ausi 1527 Si en ot fet feaute Aymeri 1528 XL. per furent a Alori 1529 Qui tint Estanpes avec Monleheri 1530 Tuit cil xl. que vos ai nommez ci 1531 Iront la dame querre 1532 Tuit cil .xl. que nome vos avon 1533 Iront ensenble a coite d esperon 1534 Querre Hermenjart a la clere facon 1535 Et .xx. avec seront lor conpangnon 1536 Qui sont haut home et chevalier baron 1537 La conpangnie conduira .j. hauz hon 1538 De Monpancier l apelerent Guion 1539 Et cil de Chartres qui Aliaumes ot non 1540 Cil portera devant le confanon 1541 Gautiers del Mans et Garins de Loon 1542 Sanses d Orliens qui fu de grant renon 1543 Li cuens Guimarz et Ors de Valbeton 1544 Et de Galice Aymes li gentis hon 1545 Jeufroiz d Anjou et Hunaus le Breton 1546 Hernaus de Mez et Landris de Mascon 1547 Et Jocerans et de Police Oton 1548 Si fu aveqes Fouques de Morillon 1549 Li cuens Rotrox et Basins de Dijon 1550 Ensenble o eus Fauques de Monjeucon 1551 Si fu avec Gibers de Terrascon 1552 Et li vintiemes Girarz de Rosillon 1553 Ce sont .xx. per del roiaume Charlon 1554 Et li .xl. que nomme vos avon 1555 Ensenble furent .lx. conpangnon 1556 Qui estoient duc ou conte ou baron 1557 Ou chastelain ou per de grant renon 1558 Cil en iront qui q an poist ne qui non 1559 Querre la dame a la clere facon 1560 En la cit de Pavie 1561 Cil mesagier que ge vos ai nomme 1562 Furent .lx. esleu et nonbre 1563 Prince et baron duc et conte chasse 1564 Lor oirre aprestent n i ont plus demore 1565 Congie demendent es chevax sont monte 1566 Et Aymeris si les commende a De 1567 Le glorieus le roi de majeste 1568 Qui les conduie trestoz a sauvete 1569 Et li baron s en sont a tant torne 1570 Mes ne vont pas com vilain esgare 1571 Richement sont vestu et acesme 1572 Robe de soie mantel de gris forre 1573 Avoit chascuns a son col afuble 1574 Lor chauces furent de paile et de cende 1575 Et lor soler de cordouan ovre 1576 Chascuns chevauche bon mulet sejorne 1577 Ou palefroi richement ensele 1578 Seul li lorain qui estoient dore 1579 Valoient bien tot l or d une cite 1580 V. escuiers aa chascuns d aus mene 1581 Qui bien estoient garni et conree 1582 En destre moinent maint destrier abrive 1583 Or et argent et armes a plente 1584 Maint bon hauberc et maint hiaume jeme 1585 Et maint espie et maint escu liste 1586 Dont lor seignor seront tost adobe 1587 S il voient chose qui ne lor soit a gre 1588 Car molt estoient chevalier adure 1589 Et si n estoient pas trestuit d un ae 1590 En .iij. aages estoient devise 1591 Li .xx. en furent viel et chanu barbe 1592 Et li .xx. autre furent assez puisne 1593 Li autre .xx. jovencel alose 1594 Li .xx. plus viel que ge vos ai nomme 1595 Portoit chascuns .j. bon ostoir mue 1596 Et li puisne qui sont de grant barne 1597 Chascuns de ceus porte .j. faucon rame 1598 Et li .xx. juenne bacheler redoute 1599 Chascuns d aus a .j. esprevier porte 1600 Mes tuit sont sage et bien enlatime 1601 N a cort el monde n en la crestiente 1602 Ou il ne fussent par reson escoute 1603 Se Boniface n a or le cuer sene 1604 Que par conseil ou par sa grant fierte 1605 Ne veille fere riens de lor volente 1606 Tost li movront tel plet en sa cite 1607 Dont .c. Lonbart seront a mort livre 1608 Por l amor la pucele 1609 Vont s en li mes sanz nule demoree 1610 Molt ont ensenble grant joie demenee 1611 Mainte parole ont dite et devisee 1612 Chevauchant vont a grant esperonnee 1613 Tant qu il costoient .j. brueil lez une pree 1614 Malarz et anes ont pris en la contree 1615 Que planteive riviere i ont trovee 1616 A tant encontrent a senestre a l entree 1617 .I. Alemant de molt grant renommee 1618 Viellarz estoit s ot la barbe mellee 1619 C ert Savaris qui grant gent a menee 1620 .IIIc. estoient chascuns la teste armee 1621 Des Alemenz des mieuz de sa contree 1622 Vestu estoient comme gent mal senee 1623 Chascuns avoit une gonele lee 1624 Et une jupe de gros agniax forree 1625 Solers a ganches et chauces havetees 1626 Amuce el chief et par devant orlee 1627 Si ot chascuns ceinte molt longue espee 1628 Une toise ot s ele fust mesuree 1629 Et targe avoit roonde au col posee 1630 Et si chevauchent comme gent forsenee 1631 Tel i ot ive a qeue recopee 1632 Ou haut cheval a grant teste levee 1633 Et qant il ont nostre gent avisee 1634 En haut s escrient comme gent desfaee 1635 Godehelpe a molt grant menee 1636 Mes Savaris qui ot la barbe lee 1637 Parla romanz que la terre ot usee 1638 Contre noz contes s en vet de randonee 1639 Qant pres d eus fu s a sa voiz escriee 1640 Ou iroiz vos fole gent esgaree 1641 Qui est vos sire et de quele contree 1642 Normanz senblez c est verite provee 1643 Qui tel orgueil menez et tel ponee 1644 Ainz que voiez de Pavie l entree 1645 Sera molt chier cele robe achetee 1646 N en enmenroiz vaillant une denree 1647 Et dist Jeufroiz a la chiere menbree 1648 S ainsi le fetes molt ert France avilee 1649 Et nos avrons bien proece oubliee 1650 Par ce Seignor qui fist ciel et rousee 1651 Por seul itant que tel avez janglee 1652 En avroiz vos une itele sodee 1653 C ainz n acointastes ainsi pesme jornee 1654 Pou savez ore quel gent avez trovee 1655 Fil a putain fole gent desfaee 1656 Dont n avons nos chascuns trenchant espee 1657 Et bones armes teles com nos agree 1658 Et bon destrier qui cort de randonee 1659 Par saint Denis ainz que soit la vespree 1660 Avroiz vos si cele barbe tiree 1661 Que cele jupe en ert ensanglantee 1662 Dist Savaris Bien l avoie en pansee 1663 Tout voirement di ge verte provee 1664 Que Normant estes qui menez tel posnee 1665 Bien i ert as paroles 1666 Qant l Alemant orgueillex entendi 1667 De Rosillon Girarz au cuer hardi 1668 Un pou sourist et puis si respondi 1669 Vassal fet il vos n avez pas menti 1670 Normenz i a et Angevins ausi 1671 Et li mieuz sont Francois bien le vos di 1672 Droit a Pavie alons sachiez de fi 1673 A Boniface le bon roi seignori 1674 Querre Hermenjart au preu conte Aymeri 1675 Sa bele suer don nos avons oi 1676 S il la nos done sachiez buer la norri 1677 Onques mieuz dame mariee ne vi 1678 Et s il nel fet par verite le di 1679 Onques de riens tant ne se repanti 1680 Qu il et si home en seront mal bailli 1681 Si en verra tout son regne apovri 1682 Puis l enmenrons tot malcoit gre li 1683 Vos i mentez vassal dist Savari 1684 Car cele dame dont vos parlez ici 1685 Me fu donee .ij. anz a et demi 1686 Plus m a coute por voir le vos afi 1687 Que n a vaillant vostre conte Aymeri 1688 S ore alez plus avant je le vos di 1689 Ja seroiz tuit pris et mort et honni 1690 Mes alez tost ariere 1691 Seignor vasal n alez plus en avant 1692 Ce lor a dit Savari l Alemant 1693 Je vos chalong la pucele avenant 1694 S avant alez folie feroiz grant 1695 N en remenroiz palefroi n auferrant 1696 N auberc n espee ne hiaume reluisant 1697 Li conte l oient molt lor vait ennuiant 1698 Li cuens Guiz dist hautement en oiant 1699 Seignor baron c alez vos atandant 1700 Dont n oez vos ce gloton souduiant 1701 Qui ne nos prise la montance d un gant 1702 Ainz nos vait ci par orgueil menacant 1703 Ja somes nos tuit chevalier vaillant 1704 Et mesagier Aymeri le puissant 1705 Au meillor home de cest siecle vivant 1706 Se cist gloton s en vont ainsi gabant 1707 Dont somes nos vaincu et recreant 1708 Armez vos tost trestot de maintenant 1709 Ses asaillons et derriere et devant 1710 Et cil si font n i vont plus delaiant 1711 Endementiers que il vont ranponant 1712 Les armes traient escuier et sergent 1713 Dont lor seignor s armerent erranment 1714 Et d autre part s arment li Alemant 1715 Qant arme sont trestuit a lor talant 1716 Chascuns remonte el destrier auferrant 1717 Et pant au col le fort escu pesant 1718 Et puis s en vont a esperon brochant 1719 Vers la gent d Alemengne 1720 Ce fu en mai que la rose est florie 1721 Que bois foillist et herbe reverdie 1722 Que li mesage aloient a Pavie 1723 Li Alement lor firent asaillie 1724 Qu il ancontrerent es plains de Lonbardie 1725 Mes li mesage sont de grant baronnie 1726 Arme se sont comme gent bien hardie 1727 Vers Alemenz brochent par aatie 1728 Qui trois .c. furent d une connestablie 1729 Et cil lx. mal est l uevre partie 1730 Mes por ice nes refuserent mie 1731 Li vaillant conte qui ont grant seignorie 1732 Ainz les requierent par molt fiere aatie 1733 Et Alement ont lor gent establie 1734 Chascuns en haut Godeherre s escrie 1735 Ainz mes ne fu par itele folie 1736 Tele bataille fete ne commencie 1737 Por Ermenjart la dame de Pavie 1738 Ont commencie le jor tele envaie 1739 Dont plus de .c. en perdirent la vie 1740 Mes Savaris a la barbe florie 1741 Qui la pucele vost avoir a amie 1742 Qant voit les contes et lor grant baronnie 1743 Qui si sont fier et de tel seignorie 1744 Entr eus et soi a mis sa conpangnie 1745 Si vait derriere por ce qu il ne vost mie 1746 Que il eust la premiere envaie 1747 Par devant lui mist sa gent esbaie 1748 Qui de la mort se doute 1749 Savaris fu coarz de grant maniere 1750 Entre sa gent se trest bien loinz arriere 1751 Car n avoit cure de la joste premiere 1752 Prist une lance qui ne fu pas d osiere 1753 Et la bataille commence grant et fiere 1754 Chascuns des contes desploie sa baniere 1755 Les destriers brochent qui corent com levriere 1756 Un Alement devant a l ancontriere 1757 Ala ferir chascuns en tel maniere 1758 Parmi l escu de sa lance pleniere 1759 Nel pot tenir cengle ne estriviere 1760 Que il n en chiee tel .xiij. en la podriere 1761 Qui n ont mestier fors que gesir en biere 1762 Et Savariz qui se fu trez arriere 1763 Esperonna sa grant ive corsiere 1764 Et vait ferir Hugon par de derriere 1765 De Bargelone a la hardie chiere 1766 Brise sa lance ne remest pas entiere 1767 Mes ainz li cuens n en guerpi estriviere 1768 Son cheval torne par la resne dobliere 1769 Vers Savari a tornee sa chiere 1770 Se le trovast bataille i eust fiere 1771 Mes cil s en est tornez fuiant arriere 1772 Por garantir sa vie 1773 Granz fu et fiere la bataille en la plangne 1774 D anbedeus parz crierent lor ensengne 1775 A tant es vos Goniot d Alemengne 1776 Nies Savari de sa seror germaine 1777 Il esperonne la grant ive brehangne 1778 Et vet ferir Aymer de Losengne 1779 Un des meillors de tote la conpengne 1780 L escu li perce et l auberc de Sartengne 1781 Mort le trebuche del bon destrier d Espengne 1782 Grant duel en ont li prince et li chatengne 1783 N i a celui qui forment ne s en plengne 1784 Por lui vengier a desploie s ensengne 1785 De Rosillon Girarz sanz demorengne 1786 Fiert Goniot dont il a grant engengne 1787 Ne li valut l escu une chastengne 1788 Mort l abati del destrier d Alemengne 1789 A tant es vos conte Gui le chatengne 1790 Prant le destrier que il voit en la plengne 1791 Car li suens fu navrez par mi l entrengne 1792 C aler ne pot a plain ne a montengne 1793 Desus celui monte sanz demorengne 1794 Qui molt bien li agree 1795 La bataille ont fierement maintenue 1796 Li mesagier cui Gesu face aiue 1797 De Rosillon Girarz molt s esvertue 1798 Point le destrier qui molt tost se remue 1799 Del fuerre a trete l espee tote nue 1800 Un Alement en fiert qui ot non Hue 1801 Desor la targe que il li a fandue 1802 Tranche la maille de la broigne menue 1803 Et la grant jupe que il avoit vestue 1804 Tot contreval est l espee corue 1805 La destre hanche a li brans conseue 1806 Ausin li tranche com .j. rain de cegue 1807 Estort son cop contre terre le rue 1808 Ainz n ot pooir de dire Dex aiue 1809 Tantost li fu l ame del cors issue 1810 Qant Savaris voit la descovenue 1811 De mautalant toz li sans li remue 1812 S ensengne escrie et sa gent est venue 1813 Et Savaris les semont et argue 1814 Qant cil l antandent l un crie et l autre hue 1815 Li plus hardiz a tel poor eue 1816 Par poi qu il n ont corne la recreue 1817 Car des mesages chascuns si s esvertue 1818 Et la bataille ont si bien maintenue 1819 Onques mes jor tele ne fu veue 1820 Es plains de Lonbardie 1821 Savaris fu et si home en dotence 1822 Qant les barons virent de tel puissence 1823 N i a celui n ait brisiee sa lance 1824 S ont les brans trez ou il ont grant fiance 1825 Cui il consivent morz est sanz demorance 1826 Savaris voit lor fiere contenance 1827 Il jure Deu qui toz les biens avance 1828 Que il fist trop folie et grant enfance 1829 Qant encontre aus mut orgueil ne bobence 1830 Mes puis qu il sont torne a mesestance 1831 Mieuz veut morir que n en prengne vengence 1832 De ceus qu il a perdu sanz recovrance 1833 Lors sone .j. cor et l estor recommence 1834 Ensenble fierent sor les barons de France 1835 Li uns d espee et li autres de lance 1836 Mes li baron n ont poor ne doutence 1837 Ainz se desfandent com gent de grant puissence 1838 Sanses d Orliens fiert Gontart de Valence 1839 Et Garins fiert Guerri de Valsilance 1840 Et li cuens Guiz Maleffort de Briance 1841 Morz les trebuchent qui que en ait pesance 1842 Cil mar virent la guerre 1843 La bataille est molt fort et aduree 1844 Savaris l a molt formement redotee 1845 Car il veoit sa gent desconfortee 1846 Par pou que n est tote en fuie tornee 1847 Mes durement ra s ensengne escriee 1848 Tot entor lui ra sa gent aunee 1849 Es vos pongnant a grant esperonnee 1850 ..I. Alement qui menoit grant posnee 1851 Helpins ot non cuens fu de Valsegree 1852 Fouques qui tint de Poitiers la contree 1853 Fiert le traitre qu il n i ot arestee 1854 Que sa lance a brisiee et tronconnee 1855 Mes ainz qu il ait sa resne retornee 1856 Le fiert li ber sor la targe listee 1857 Que il li a fandue et estroee 1858 Et desmailliee la broine et desafree 1859 Mort l abati tot envers en la pree 1860 Tant d armeure com il ot aportee 1861 A li ber Fouques son escuier donee 1862 Et cil s arma tantost sanz demoree 1863 La broine vest qui fu fort et serree 1864 Puis lace l iaume si a ceinte l espee 1865 Fouques ses sires li dona la colee 1866 Chevaliers fu par bone destine 1867 Et il fu puis de molt grant renommee 1868 Monte el destrier a la sele doree 1869 Pant a son col la grant targe roee 1870 Que l Alement i avoit aportee 1871 Prist .j. espie qui l alemele ot lee 1872 Fist .j. esles aval parmi la pree 1873 Un Alement li vint a l ancontree 1874 Et cil le fiert par molt grant airee 1875 L escu li perce et la broine a fausee 1876 L espie li met tres par mi l eschinee 1877 Mort le trebuche et l ame en est alee 1878 Francois le voient grant joie en ont menee 1879 A haute voiz ont monjoie escriee 1880 Dex aidiez sire com bone destinee 1881 D Aymer est la perte recovree 1882 Le bon vassal qui la vie a finee 1883 Cist est ses nies fiz sa seror l ainnee 1884 Bien doit tenir la terre et la contree 1885 Qui fu son oncle a la chiere menbree 1886 Mal ait par cui il an perdra denree 1887 Q an lui ert bien tout par droit asenee 1888 Or est la nostre conpangne restoree 1889 Or resomes .lx. 1890 Fort fu l estor et la bataille grant 1891 Molt sont li conte de l escuier joiant 1892 Qui fu armez et sist en l auferrant 1893 Et chevaliers fu des lors en avant 1894 Bon conpagnon ot en lui et vaillant 1895 Or sont .lx. ausin comme devant 1896 Mes ne sont pas an l estor a tant qant 1897 Que .iij. cenz furent au moins li Alement 1898 Par la bataille vint Gracien pongnant 1899 .I. Alemanz desor une ive grant 1900 Et vait ferir Girart le conbatant 1901 Par de derriere que cil garde n en prant 1902 Plaine sa lance l abat de l auferrant 1903 Qant Guiz le voit s en ot le cuer dolant 1904 Voir dist li cuens trop m avez fet dolant 1905 Cil m avoit hui done cheval corant 1906 C as abatu par traison si grant 1907 Et seu tenoie por ami et parent 1908 Se or nel venge ne me pris pas .j. gant 1909 Le destrier broche qui ne vait mie lent 1910 Fiert Gracien en la targe devant 1911 Desoz la bocle li pecoie et li fant 1912 Et le hauberc li desmaille et desment 1913 Par mi le cors li mist l espie tranchant 1914 Encontre terre l abati mort sanglant 1915 Puis tret l espee par molt fier mautalant 1916 En mi sa voie encontre .j. Alement 1917 Del branc d acier li fiert .j. cop si grant 1918 Que il li tranche la teste maintenant 1919 S ansengne escrie Baron ferez avant 1920 Lors recommence .j. estor molt pesant 1921 Mes ne sont mie encores a tant qant 1922 Car trois canz furent li gloton soduiant 1923 S an ont il mort .c. a terre gisant 1924 Mes Francois orent un aventaje grant 1925 Pres de .iijc. escuier et sergent 1926 Qui tuit estoient corajeus et vaillant 1927 S i sont arme le jor de maintenant 1928 A l estor vont a esperon brochant 1929 Lors recommence la bataille plus grant 1930 Car cil qui sont de ferir desirrant 1931 Ocient tout qanqu il vont atengnant 1932 Qant Savaris voit cel enconbrement 1933 A l einz qu il pot s en est tornez fuiant 1934 Dist a ses homes N alez plus atendant 1935 Ce sont deable par le mien escient 1936 Se a Verziaus estions ca devant 1937 Lors avrions et secors et garant 1938 Mes freres est li evesques Morant 1939 Vengera nos de ceste male gent 1940 Qui ca derrier nos chacent 1941 Alement fuient n osent plus delaier 1942 Et li Francois pensent de l enchaucier 1943 Mes Savaris s en vet fuiant le premier 1944 Si home apres qui n ont soing de targier 1945 N i vont querant ne voie ne sentier 1946 Cil est honiz qui est au derrenier 1947 Car li baron pansent de l enchaucier 1948 Maint en i font verser et trebuchier 1949 Qui n orent puis pooir de redrecier 1950 Apres aus vont li vaillant escuier 1951 Qui vost avoir ou armes ou destrier 1952 Assez en pot celui jor gaengnier 1953 Tant en ot pris com il lor fu mestier 1954 Les bones armes font troser et chargier 1955 Et Alemant s en vont sanz atargier 1956 Jusq a Verziaus ne finent de brochier 1957 La cuident bien maintenant herbergier 1958 Mes cil dedanz qui les virent chacier 1959 Lor firent bien les portes verroillier 1960 Car il se criement de la cite brisier 1961 Et Savaris commenca a huchier 1962 Ovrez la porte sanz plus de delaier 1963 Car ci nos chacent deable et aversier 1964 Mes cil dedanz vont as murs apoier 1965 Pierres et fuz font aval desrochier 1966 Veillent ou non les ont fet trere arrier 1967 Mes Savaris ne s i sot si gaitier 1968 Que .j. Lonbarz nel ferist par derrier 1969 El haterel d un grant caillo plenier 1970 Que tout le hiaume li a fet defroisier 1971 Et par desoz le haterel sengnier 1972 De son cheval le fist jus trebuchier 1973 Qant cil le voit le sans cuide changier 1974 Poieur ostel ne pot mes acointier 1975 Que la cite ou cuida herbergier 1976 Mes li Francois pensent de l esploitier 1977 Outre s en vont n i vellent delaier 1978 Le chemin vers Pavie 1979 Vont s en Francois qui le chanp ont fine 1980 Droit vers Pavie se sont achemine 1981 A Bardeline sont li conte passe 1982 C estoit une eve roide de grant fierte 1983 Mortiers et Gauz ont apres trespase 1984 Tant ont li conte esploitie et erre 1985 Que de Pavie virent la fermete 1986 Oiez coment il lor est encontre 1987 Roi Boniface ont el chemin trove 1988 Vient de riviere ou le jor ot este 1989 A pou de gent repere en sa cite 1990 Devers senestre a li rois regarde 1991 Vit la podriere el grant chemin ferre 1992 Et les mesages qui vienent aroute 1993 Dist a ses homes Avez vos esgarde 1994 Ne sai quel gent vienent ci abrive 1995 De pelerins i a a grant plante 1996 A Rome vont a l apostre ennore 1997 Anuit seront a Pavie ostele 1998 Atandons les si orrons lor panse 1999 Dient si home A vostre volente 2000 Entor le roi sont si home areste 2001 Mes ainz qu eussent lor mulet estale 2002 Vindrent pres d eus li mesage menbre 2003 Et qant li rois voit qu il sont adobe 2004 Et a choisi des armes la clarte 2005 Voit tante ensengne tant panon de cende 2006 Et tant hauberc et tant escu liste 2007 Et tante lance et tant hiaume jeme 2008 Tel poor ot tout a le sans mue 2009 Dist a ses homes Folie avons pense 2010 Que pelerins cuidons avoir trove 2011 Ce ne sont pas pelerin en non De 2012 D aler a Rome n ont pas cist volente 2013 Nul pelerin ne vont ainsi arme 2014 Car cist si ont armes a grant plante 2015 Et lor bordon si sont lonc et ferre 2016 Bien senblent gent de mal fere apense 2017 Cil de Torins ce sai de verite 2018 Et de Barbastre m ont molt coilli en he 2019 Gaitier me font plus a d un an pase 2020 S il me tenoient assez avroie ovre 2021 Je crien que ci n aions trop demore 2022 Car ge ne sai que cist ont en pense 2023 Alons en tost en la bone cite 2024 Si lor fermons les portes 2025 Rois Boniface s en est tornez fuiant 2026 Droit vers Pavie a esperon brochant 2027 Et tuit si home le vont de pres sivant 2028 Cil fu ainz enz qui ot cheval corant 2029 Qant il sont enz lie en sont et joiant 2030 Les portes ferment apres eus maintenant 2031 Puis sont monte sor les murs par devant 2032 Nostre baron s en vont molt merveillant 2033 Dist l un a l autre C est deable grant 2034 De nule part ne trovons biau senblant 2035 Vez Boniface que alions querant 2036 Or l avions ci trove maintenant 2037 Si cuidions dire nostre talant 2038 Mes or s enfuit a loi de recreant 2039 Totes les portes nos fet fermer devant 2040 Or nos poons hors herbergier au vent 2041 Que anz avons mauves herbergement 2042 De Rosillon Girarz parla avant 2043 Seignor baron ne vos esmaiez tant 2044 Li rois est ci dedanz son chasement 2045 Si puet bien fere auques de son commant 2046 Ne savez pas ore son hardement 2047 Par aventure il ne voit pas sovant 2048 En cest pais venir si fete gent 2049 Qui avec eus portent tant garnement 2050 Si nos fet clorre ses portes au devant 2051 Por ce qu il n a de guerre nul talant 2052 Mes or alons avant tot sagement 2053 Je parlerai a lui premierement 2054 Se poions parler tant sagement 2055 Qu eussions pris leanz herbergement 2056 Foi que doi Deu qui ne faut ne ne ment 2057 Ne criendrions puis son dangier granment 2058 Ainz porrions parler seurement 2059 Dient li conte Ci a conseil molt gent 2060 Alons en dont sanz nul arestement 2061 Gardez que vos aiez bon escient 2062 Por rover la pucele 2063 Francois chevauchent sanz plus de demorer 2064 De ci as portes ne vodrent arester 2065 Voient le roi desor les murs monter 2066 Li dus Girarz fist forment a louer 2067 Et molt sot bien cortoisement parler 2068 Ou voit le roi seu prist a saluer 2069 Cil Damedeus qui nos dengna former 2070 Et que devons et croire et aorer 2071 Gart Boniface le roi qui tant est ber 2072 Amis fet il et cil te puist sauver 2073 Que ge t oi ci amentoivre et nomer 2074 Quele gent estes nel me devez celer 2075 Cortoisement ses ta reson conter 2076 Sire fet il ja l orroiz sanz fauser 2077 Mesagier somes ne vos covient douter 2078 Pes et amor vos venons aporter 2079 N avons talant de guerre demener 2080 Mes ennuit mes nos fetes osteler 2081 Dedanz Pavie seu volez creanter 2082 Jusq au demain que il sera jor cler 2083 Dist Boniface Ja nel vos quier veer 2084 Tantost lor fet les portes desfermer 2085 Et a chascun fist bon ostel livrer 2086 Puis les en prist molt bel a apeler 2087 Seignor fet il .j. don vos veil rouver 2088 Et par amor le vos veil demander 2089 Que tuit soiez avec moi au souper 2090 Et le matin encores au disner 2091 Tant com vodroiz avec moi sejorner 2092 Vos ferai toz richement conreer 2093 Ne quier que ja vos doie riens couter 2094 Sire font il ce fet a mercier 2095 Mes por .c. mars de fin or et de cler 2096 Nel porrions otroier ne greer 2097 Car trestuit somes riche baron et per 2098 S avons tout ce que volons demander 2099 Puis ier en ca ce sachiez sanz fauser 2100 Nos a Dex fet plus d avoir conquester 2101 Que ne porroient .xxx. somier porter 2102 Tant en ferons et despendre et doner 2103 Dedanz Pavie ainz q an doions torner 2104 Que li plus povres s en porra bien loer 2105 Ja n i ferons nostre mengier veer 2106 A pelerin qui o nos veille entrer 2107 N a trespasant c ait mestier de souper 2108 N omme qui sache deduire ne chanter 2109 Ne un ne autre n en ferons destorner 2110 Dist Boniface Gentil estes et ber 2111 Se vos volez tel barnaje mener 2112 Dont estes vos trop riche 2113 Rois Boniface fu nobiles et fiers 2114 Mes molt li poise des gentis mesagiers 2115 Qui si refusent son boivre et ses mengiers 2116 Avis li est que c est granz reproviers 2117 Se ses viendes preissent volentiers 2118 Ennor li fust ses en eust plus chiers 2119 Et li mesage descendent des destriers 2120 Les ostieus ont fet prendre as escuiers 2121 Et Boniface s en vet endementiers 2122 Devant lui fet mender les bolengiers 2123 Et toz les fevres et toz les taverniers 2124 Toz les ciriers avec les poisoniers 2125 Ceus qui fein vendent et toz les aveniers 2126 Ceus qui char vendent et avec les merciers 2127 Les peletiers et les cordoenniers 2128 Toz ceus qui font en la vile mestiers 2129 Seignor ce dist Boniface li fiers 2130 Ci a venu .lx. mesagiers 2131 Ainz mes ne vi si nobles chevaliers 2132 Toz dus et contes et molt riches terriers 2133 N i a celui qui n ait .v. escuiers 2134 En destre font mener les bons destriers 2135 Et granz avoirs trouser sor les somiers 2136 Portent faucons ostoirs et espreviers 2137 Chiens et brachez et viautres et levriers 2138 A vos coment qui faites les mestiers 2139 Que lor vendoiz toz voz avoirs si chiers 2140 Une denree .ij. solz ou .xx. deniers 2141 Aincois que past demain li jorz entiers 2142 Mengeront il avec moi volentiers 2143 Sire font il par les sainz de Poitiers 2144 Cist bans nos est a fere molt legiers 2145 Se acheter vellent de noz mestiers 2146 Nos lor vendrons mien escient si chiers 2147 C onques viande outre mer as paumiers 2148 Ne fu si chier vendue 2149 Rois Boniface s en vet en son donjon 2150 Par la cite herbergent li baron 2151 Es bons ostieus antor et environ 2152 Font aporter vitaille a tel foison 2153 Com se trestout ne coutast .j. bouton 2154 Qui ot a vendre bon luz ou bon saumon 2155 Mar le feist s a deniers peser non 2156 Avoir en pot tant comme il li fu bon 2157 .C. mars d argent .j. ors i vendoit on 2158 Et .xxx. livres .j. cras cerf de seson 2159 Et la perdriz vendoit on .j. mengon 2160 Et la geline .x. solz o le chapon 2161 Ainz ne troverent si chiere venoison 2162 Si chier oisel char fresche ne poisson 2163 Tant chier lor fust vendue a desreson 2164 Qu il an prisassent la chierte .j. bouton 2165 De tot en font porter a tel foison 2166 Com s il eussent tout trove a bandon 2167 Ce resanble barnaje 2168 Molt demenerent li baron grant fierte 2169 Le pain font querre par tote la cite 2170 Qui ot gastiax ou blanc pain belute 2171 Vendre le pot si a sa volente 2172 Que mieux l en fu jusq a .j. an passe 2173 Car tant menoient largece et richete 2174 Q ainz ne troverent de riens si grant chierte 2175 Qu il n en eussent ausin large plente 2176 Com s il eussent tot por neant trove 2177 Ce jor meismes n i ot plus demore 2178 S en vet .j. mes el grant palais liste 2179 A Boniface l avoit dit et conte 2180 En non Deu sire or torne a folete 2181 Ce c a voz homes aviez comende 2182 Cil mesagier qui sont en la cite 2183 Demeinent trop orgueil et grant fierte 2184 Il n ont poisson en la vile trove 2185 Oisel ne char qu il n en aient porte 2186 Vostre cite ont mise en tel chierte 2187 Que pelerin n omme de mere ne 2188 N i truevent riens por denier monnee 2189 Tant en ont ja cist mesage achete 2190 Qant li rois l ot forment l en a pese 2191 Par foi fet il or me torne a vilte 2192 Apres ce ban ra plus fort commende 2193 Que il n i ait estrenge ne prive 2194 Povre ne riche n omme de mere ne 2195 Qui buche vende por denier monnee 2196 As mesagiers qui la sont ostele 2197 Qant ce entandent li prince et li chase 2198 Qui lor mengier avoient achete 2199 Sachiez de voir ne lor fu pas a gre 2200 Entr eus en sont a .j. conseil ale 2201 De Monpancier a Guiz premiers parle 2202 Seignor fet il or nos fet grant vilte 2203 Rois Boniface qui ce a comende 2204 Mengier char crue n avons pas ause 2205 Se la menjons ce sera laschete 2206 En noz pais nos sera reprove 2207 Par ce Seignor qui le mont a forme 2208 Se volez croire mon dit et mon pense 2209 Ja serons tuit maintenant adoube 2210 Si asaudrons ce roi desmesure 2211 La sus amont en son palais liste 2212 Ocirons le voiant tot son barne 2213 Puis enmenrons sa suer au cors molle 2214 Voiant sa gent et s en aient mal gre 2215 Ce dist Girarz Onques ne soit panse 2216 N est pas barnajes de fere folete 2217 Dont n est il sires et rois de son regne 2218 Droiz est q an face ce qu il a commende 2219 Puis que des buches a l en son ban crie 2220 Si achetons groses noiz a plente 2221 Et de bon madre henas s il sont trove 2222 Puis qu il seront dedanz le feu gite 2223 Ne verroiz rien qui giete tel clarte 2224 Trop somes nos plein de grant richete 2225 Prince et baron de molt haut parente 2226 Se despandons .m. mars d argent pese 2227 Ne nos en soit vaillant .j. oef pele 2228 Mes c a l ennor Aymeri le menbre 2229 Aions ce fet qu il nos a commende 2230 Dient li conte Molt avez bien parle 2231 Ainsi ferons com l avez devise 2232 A ce qu il dit se sont tuit acorde 2233 Lor ban refont crier par la cite 2234 Qui henas a chier seront achete 2235 Li borjois l oient n i ont plus demore 2236 Desoz lor chapes en ont tant aporte 2237 Que il en ont .j. grant mont entasse 2238 Si chier lor vendent com il lor vint a gre 2239 A bon argent et a fin or pese 2240 Si grant avoir lor en furent done 2241 Et cil vilain rameinent a plante 2242 Muls et somiers qui sont de noiz trouse 2243 Qu il ont vendues tot a lor volente 2244 Et li Francois ont tot el feu gite 2245 Des bons henas qu il ont fret et casse 2246 Et de noiz jauges ont le feu alume 2247 La flanbe i fiert qui giete grant clarte 2248 De ci as lates sont li brandon vole 2249 Par pou qu il n ont tot ars et enbrase 2250 Lonbart en sont forment espoente 2251 Dist l un a l autre Mal nos est encontre 2252 Ce sont ici vif deable et maufe 2253 Tuit li domage en soient retorne 2254 Sus Boniface le fol bricon prove 2255 Qui les mist en Pavie 2256 Vint jorz sejornent li baron et li per 2257 Si richement com en puet deviser 2258 Font chascun jor les mengiers conreer 2259 Les venoisons et les ors font tuer 2260 Et qant les ont fet cuire et atorner 2261 N en dengnent il se petit non gouster 2262 Aincois font tot departir et doner 2263 Ja ne feront lor mengier deveer 2264 A nul qui veille ne venir ne aler 2265 Et cil qui veut en puet assez porter 2266 Lonbart le voient qui estoient aver 2267 Lor grant despans ne puent endurer 2268 .I. mesagiers le vet au roi conter 2269 En non Deu sire molt fetes a blasmer 2270 Qant ces mesages fetes ci sejorner 2271 Ainz tel orgueil ne vi mes demener 2272 A roi n a conte n a prince ne a per 2273 En tel chierte font la vile torner 2274 Que trespasant n i puent osteler 2275 Ne il n i truevent viende a acheter 2276 Gentis rois sire fetes les en torner 2277 Li rois l antant n ot en lui c airer 2278 Par foi fet il or me doit molt peser 2279 Je les ferai par devant moi mender 2280 Sire fet il ja n en estuet parler 2281 Ainz verriez la quinzaine paser 2282 Q an vostre ostel en dengnast .j. entrer 2283 Por ce que trop les feistes irer 2284 Qant lor feistes la buche deveer 2285 Ce resenbla folage 2286 Dist Boniface Par Deu le fil Marie 2287 Tout voirement fu ce molt grant folie 2288 Qant de la buche fis fere tel banie 2289 Car li baron sont de grant seignorie 2290 Riens que facons ne prise une alie 2291 Molt tost porroit torner a estoutie 2292 S auques ainsi demorent en Pavie 2293 Mes ainz que plus soit la vile enchierie 2294 G irai a eus si ne demorrai mie 2295 Lors vait monter el mulet de Sulie 2296 Et moine o lui de sa gent grant partie 2297 .XXX. Lonbarz ot en sa conpangnie 2298 Mes ainz qu il isse de la sale voltie 2299 Rois Boniface les ensengne et chastie 2300 Et toz ensenble molt gentement lor prie 2301 Seignor fet il por Deu le fil Marie 2302 Qant verroiz la cele grant baronnie 2303 Gardez vos bien que ne dioiz folie 2304 Car Francois sont une gent molt hardie 2305 Et si sont plain de grant chevalerie 2306 Qui lor diroit orgueil ne estoutie 2307 Tost le fandroient del branc jusqu en l oie 2308 Ja nel leroient por toz ceus de l avie 2309 Et s il avoient nostre gent envaie 2310 Ainz en avroient a cent tolu la vie 2311 Que poissions d eus prendre avoir baillie 2312 Sire font il de ce ne doutez mie 2313 Ja se Deu plest ne lor dirons folie 2314 Dex nos en gart qui tot a en baillie 2315 Que a nos ne se prengnent 2316 Richement sont et chaucie et vestu 2317 Rois Boniface si ami et si dru 2318 Es chevax montent n i ont plus atendu 2319 Jusq as ostieus aus barons sont venu 2320 Et qant li conte les ont aperceu 2321 Contre le roi sont maintenant issu 2322 Li rois lor dit molt gentement salu 2323 De Damedeu le verai roi Jesu 2324 Qui toz jorz est et totes eures fu 2325 Soiez garde franc chevalier menbru 2326 Bien vegniez sire cil li ont respondu 2327 Si avez vos vers nos grant tort eu 2328 Qui buche a vendre nos avez desfandu 2329 S il ne nos fust autre bien avenu 2330 Nostre mengier eussions mengie cru 2331 Seignor dist il n en soiez irascu 2332 Nel fis por mal foi que doi a Jesu 2333 Mes bien vodroie des or avoir seu 2334 S il vos plesoit por qu estes ci venu 2335 Et por quel chose vos estes esmeu 2336 Fors de vostre contree 2337 Hugues parla li chevaliers gentis 2338 De Bargelone qui molt fu bien apris 2339 Biaus sire rois ce dist li cuens de pris 2340 Si m eist Dex li rois de paradis 2341 Nos somes tuit duc et conte et marchis 2342 N i a celui qui n ait riche pais 2343 ‚a nos envoie li preuz cuens Aymeris 2344 Li mieudre princes qui el monde soit vis 2345 Fiz fu Hernaut qui tant fu seignoris 2346 N a tel baron de ci a Saint Denis 2347 Com est li cuens qui ci nos a tramis 2348 Fors seulement Charlon o le fier vis 2349 Contre celui mie ne l aatis 2350 Mes apres lui a desor toz le pris 2351 Li cuens qui tient Nerbone et le pais 2352 Ce dont n ot cure ne prince ne marchis 2353 Tant redoutoient paiens et Arrabis 2354 Icil frans cuens que ge ci vos devis 2355 Par nos vos mende biaus sire rois gentis 2356 Que li dongniez vostre suer au cler vis 2357 C est Hermenjart au gent cors seignoris 2358 Se li cuens l a par foi le vos plevis 2359 Onques mes dame ne monta en tel pris 2360 Et si avroiz recovre tant d amis 2361 Ne douteroiz nul home qui soit vis 2362 Et se nel fetes de ce soiez toz fis 2363 A toz jorz mes sera vostre ennemis 2364 Aymeris de Nerbone 2365 Hugues parla li preuz et li cortois 2366 Prenez conseil fet il biaus sire rois 2367 Ce que vos di n est mie par gabois 2368 Se nos donez vostre suer demenois 2369 Dedanz Nerbone el palais maginois 2370 Sera contesse entreci c a un mois 2371 Et se nel fetes par Deu qui fist les lois 2372 Vos en avroiz et hontes et ennois 2373 Tant amenrons chevaliers et hernois 2374 C aincois .j. an l avrons sor vostre pois 2375 Mes tel conseil prenez biaus sire rois 2376 Que nos dongniez la pucele as crins blois 2377 Riche doaire li ferons tot a chois 2378 Seu nommerons orendroit demenois 2379 Dame sera de tot le Biaulandois 2380 De Biscarrel et de tot Nerbonois 2381 Et de Marsone de ci en Viennois 2382 Qant Lonbart l oent si sont en granz effrois 2383 Dist l un a l autre Par Deu qui fist les lois 2384 Si fier doaire ne fist ne cuens ne rois 2385 Bien doit avoir la dame 2386 Dist Boniface Seignor or m entendez 2387 D une partie vos sai ge molt bons grez 2388 Qant par amor ma suer me requerez 2389 A Aymeri qui tant est redoutez 2390 Et d autre part me senble granz fiertez 2391 Qant vos par force avoir la vodriez 2392 Mes une chose sachiez qu est veritez 2393 Molt est li hom fox et musarz provez 2394 Qui fame prant outre ses volentez 2395 Ja se li hom n est de sa fame amez 2396 N en sera bien serviz ne annorez 2397 Mes ja de ce ne quier estre blasmez 2398 A la pucele irai se vos volez 2399 Se ele ostroie ice que dit avez 2400 Donrai la vos volentiers et de grez 2401 Dient Lonbart Dex en soit aorez 2402 Biaus sire rois or dont si vos hastez 2403 Dont n oez vos com dient granz fiertez 2404 Tant nos menacent toz nos ont effreez 2405 Ne sont pas home eincois sont vis maufez 2406 Alez biaus sire por Deu si lor donez 2407 Et cest pais molt tost en delivrez 2408 Se vos nel fetes vos en repantirez 2409 A ces paroles s en est li rois tornez 2410 Jusq au pales ne s est pas arestez 2411 Trova sa suer qui molt ot de biautez 2412 De ses puceles avoit o lui assez 2413 Li rois si fu sages et enparlez 2414 Andeus ses braz li a au col gitez 2415 Puis l en apele par molt granz amistez 2416 Ma bele suer vers moi en entendez 2417 Mariee estes se il vos vient a grez 2418 Au plus haut prince qui soit de mere nez 2419 Qui vos envoie querre 2420 En une chanbre qui estoit peinte a flor 2421 Se sist li rois en son pales haucor 2422 Les lui sa suer a la fresche color 2423 Il li a dit belement par amor 2424 Ma bele suer ancui avroiz seignor 2425 Doner vos veil .j. conte pongneor 2426 N a plus vaillant jusqu en Inde major 2427 LX. per de la terre Francor 2428 Vos vienent querre tuit sont duc et contor 2429 En ceste vile ont ja fet tel sejor 2430 Qui a coute vc. mars puis cart jor 2431 Hermenjart l ot si li dist par amor 2432 Frere fet ele nel tenez a folor 2433 Foi que doi Deu le verai criator 2434 Je n avrai ja ne mari ne seignor 2435 Se .j. n en ai qui est de grant valor 2436 C est Aymeris le noble pongneor 2437 Qui tient Nerbone et le pais d entor 2438 Que refuserent li grant et li menor 2439 Tant redotoient la gent Sarrazinor 2440 Et cil la tient par force et par vigor 2441 Et desfant si contre gent paiennor 2442 Q ainz n en perdi demi pie ne plain dor 2443 Et por ice q an le tient au meillor 2444 Ai ge vers lui si tornee m amor 2445 Se ge ne l ai n avrai mari nul jor 2446 Car de celui me puet venir ennor 2447 Antan me quist Herchenbaus de Monflor 2448 Vieuz est li rois si tret mes a foiblor 2449 Mes nel preisse par Deu le criator 2450 Por le tresor Charlon l enpereor 2451 Qu il an poist bien venir desennor 2452 Que ja n eusse a lui pes ne amor 2453 S en venist tost hontage 2454 Frere ce dit la pucele eschevie 2455 Por amor Deu qui tot a en baillie 2456 N aiez vos ja de grant avoir envie 2457 Trop avez vos avoir et menentie 2458 Or vos ennuie la moie conpangnie 2459 Ce poise moi tant sui ge plus marrie 2460 Ne m en queisse a piece movoir mie 2461 Antan me vint querre dedanz Pavie 2462 Cil d Apolice a molt grant baronnie 2463 Ce est rois Otes qui a tant a seignorie 2464 Et Savaris a la barbe florie 2465 Li Alemanz qui cuidoit grant folie 2466 Car mieuz vosisse estre vive enfoie 2467 Que tex viellarz eust ma druerie 2468 Et li dus Aces c a Venice en baillie 2469 Plus a d un an me requiert molt et prie 2470 Si me requiert rois Andreus de Hongrie 2471 Riches hom est ce ne desdi ge mie 2472 .X citez a dedanz sa seignorie 2473 Mes il n avra ja a moi conpagnie 2474 Car il est vieuz s a la barbe florie 2475 Et si est rox et la char a blesmie 2476 Par cele foi que doi sainte Marie 2477 Ne le prendroie por a perdre la vie 2478 Mieuz vodroie estre enz en .j. feu broie 2479 Que ja jeusse lez sa pance flestrie 2480 Si m eist Dex qui tot a en baillie 2481 Je n avrai ja viel home 2482 Dist Hermenjart au gent cors seignori 2483 Biaus sire frere par foi le vos afi 2484 Que ja n avrai en ma vie mari 2485 Se ge nen ai le preu conte Aymeri 2486 Le fil Hernaut au coraje hardi 2487 Que Charlemaine de Nerbone sessi 2488 Qant tuit li autre en furent esbahi 2489 Et tuit en furent del prendre au roi failli 2490 Qant li danziaus en gre la recoilli 2491 Biaus sire frere tot mon panse vos di 2492 Si m eist Dex qui onques ne menti 2493 Je ne desir nul home fors que li 2494 Dist Boniface Jesu Crist en merci 2495 Je ne vos veil doner fors Aymeri 2496 LX. pers a envoiez ici 2497 Qui sont haut home corajeus et hardi 2498 Dedanz Pavie sont passe a cart di 2499 Dist la pucele Deu en aor et pri 2500 Or puis bien dire de bone eure nasqui 2501 Puis que c est voirs que j avrai Aymeri 2502 Le seignor de Nerbone 2503 Qant sa seror rois Boniface entant 2504 Qu ele prendra Aymeri bonement 2505 Molt en est liez entre lui et sa gent 2506 Et li Lonbart en sont tuit molt joiant 2507 Car des Francois avoient poor grant 2508 Que il n eussent envers aus mautalant 2509 Cil qui ainz pot s en est tornez corant 2510 Jusq as Francois en vienent maintenant 2511 Qui tuit ensenble estoient atandant 2512 Que respondroit la pucele avenant 2513 Et li Lonbart vienent a eus errant 2514 Qui del conter estoient desirrant 2515 Et cil demendent a ceus qui sont devant 2516 Que vos respont la pucele avenant 2517 Menrons la nos a Nerbone la grant 2518 A Aymeri le hardi conbatant 2519 Et cil responent Oil molt bonement 2520 Se ne fussiez que iiij. seulement 2521 Si alast ele volentiers lieement 2522 Au seignor de Nerbone 2523 Qant la parole ont li conte escoutee 2524 Que bien ostroie la pucele senee 2525 C Aymeris l ait a la chiere menbree 2526 Savoir poez que molt bien lor agree 2527 Et Boniface sanz plus de demoree 2528 Les moine o lui en la sale pavee 2529 Ilec avoit molt de gent asenblee 2530 Car la novele lor estoit ja contee 2531 Que Hermenjart devoit estre espousee 2532 Atant es vos la pucele ennoree 2533 D une chanbre ist richement acesmee 2534 Vestue fu d une porpre roee 2535 Sa crine fu d un fil d or galonnee 2536 Les euz ot vers la face coloree 2537 De tel biaute l ot Dex enluminee 2538 Que puis ne fu si bele dame nee 2539 Tuit li baron l ont forment esgardee 2540 Dist l un a l autre coiement a celee 2541 Se ceste avoit Aymeris espousee 2542 Bien porroit dire c est veritez provee 2543 N avroit si bele jusq a la mer betee 2544 Rois dus ne cuens tant ait grant renommee 2545 Et la pucele qui bien fu doutrinee 2546 Est encontr eus tot maintenant alee 2547 Si les salue comme sage et senee 2548 Cil Damedex qui mainte ame a sauvee 2549 Et qui fist ciel et terre et mer salee 2550 Gart toz ces contes et doint bone encontree 2551 Molt par a ci bele gent asenblee 2552 Mainte robe ont entailliee et ovree 2553 De ver de gris et d ermine forree 2554 Mes ne connois de tant sui esgaree 2555 Conte Aymeri a la chiere menbree 2556 Cil de Nerbone a cui je sui donee 2557 Car viengne avant sanz nule demoree 2558 Si me recoive si li plest et agree 2559 Dame dist Hugues merveille avez contee 2560 Foi que doi Deu qui fist ciel et rousee 2561 Qant ce que dites sera chose averee 2562 Que cil de qui devez estre espousee 2563 Vandra por vos en iceste contree 2564 Bien percevroiz a la chiere menbree 2565 Au fiert regart a la brace carree 2566 Que c iert li cuens a cui seroiz donee 2567 Tot entor lui avra tele asenblee 2568 Tote enplira cele sale pavee 2569 Et la citez tant comme est granz et lee 2570 En essera en toz leus effreee 2571 Seignor ce dit la pucele senee 2572 Loez soit Dex et sa mere aoree 2573 De si haut mariage 2574 Qant li baron ont la parole oie 2575 Que il ont si la besongne fornie 2576 Que la pucele molt bonement otrie 2577 Q Aymeris l ait a la chiere hardie 2578 Li uns a l autre le conseille en l oie 2579 Tot coiement que l en ne l entant mie 2580 Par les sainz Deu bien est l uevre aconplie 2581 Molt par est bele Hermenjart de Pavie 2582 Car pleust Deu le fil sainte Marie 2583 Que Aymeris l eust en sa baillie 2584 Dedanz Nerbone la fort cite garnie 2585 Et si l eust espousee et plevie 2586 A cele loi que Dex a establie 2587 Et couchie fussent en la sale voltie 2588 Bien porroit dire si ne mentiroit mie 2589 N avroit si bele jusq as porz de Hongrie 2590 Princes ne rois tant ait grant seignorie 2591 Ce dist li uns a l autre 2592 El palais sont li prince et li marchis 2593 Desfuble sont li mantel vair et gris 2594 Soz aus les ploient deseure sont assis 2595 Entr eus ensenble ont molt joe et ris 2596 Et avec eus la pucele au cler vis 2597 Ele en apele les contes seignoris 2598 Seignor dist ele entendez mon avis 2599 Puis q ainsi est que li conseils est pris 2600 C avoir me veut li preuz cuens Aymeris 2601 Foi que doi Deu qui en la croiz fu mis 2602 Se vos volez ostroier mon avis 2603 De vos iront a Nerbone li dis 2604 Tout maintenant n i avra terme quis 2605 Et si diroiz Aymeri le marchis 2606 Qu il viengne querre sa fame en cest pais 2607 Se il veut cele por cui vos a tramis 2608 Et s il nel veut par le cors saint Denis 2609 Ja en avant n en sera mes requis 2610 Mes s il vient si ameint ses amis 2611 Et si chevauchent et par nuit et par dis 2612 Ja por cheval ne soient plus tardis 2613 S il ont cheval afole ne maumis 2614 Por .j. roncin rendrai destrier de pris 2615 Et por .j. mort en rendrai ge ij. vis 2616 Or en alez ou li .xij. ou li .x. 2617 Et li .l. remandront ci tandis 2618 Dedanz mes chanbres armez et fervestis 2619 Se por moi querre venoit en cest pais 2620 Par aventure duc ou conte ou marchis 2621 Tant avriont a mon frere tramis 2622 Que par avoir seroit molt tost sorpris 2623 Mes cil que erent dedanz mes chanbres mis 2624 Me secorroient as brans d acier forbis 2625 Se porter m en voloient 2626 Seignor baron nobile chevalier 2627 Dist Hermenjart la bele au cors legier 2628 Alez i .x. le mesage noncier 2629 Dedanz Nerbone a Aymeri le fier 2630 Qu il viegne ca sanz point de delaier 2631 Et ne li chaille de cheval espargnier 2632 Qui pert roncin je li rendrai destrier 2633 Dame font il bien fet a ostroier 2634 Qui ce refusse il ne vaut .j. denier 2635 Les bons mantiax lessierent tuit arrier 2636 La ou il sistrent qu il nes dengnent baillier 2637 Li .x mesaje se vont apareillier 2638 Cil que l en doit a Nerbone envoier 2639 Un pou les vont li autre convoier 2640 Tant qu il sont fors del grant pales plenier 2641 Et la pucele se prist a merveillier 2642 De ceus qui sont si orgueillex et fier 2643 Que lor mantiax lessent si estraier 2644 Mal soit de cel qui .j. en deint baillier 2645 Mes la pucele qui molt fist a proisier 2646 En apela son seneschal Garnier 2647 Et avec lui .j. damoisel legier 2648 Et .ij. sergenz et ,j, franc escuier 2649 Seignor fet ele portez sanz delaier 2650 As chevaliers lor mantiaus qui sont chier 2651 Qui ci les ont lessiez toz estraier 2652 Ne sai por nos trichier ou essaier 2653 Dame font il bien fet a ostroier 2654 Chascuns en vait .xij. ou xv. enchargier 2655 As barons vont molt tost sanz delaier 2656 Qui ja issoient fors del pales plenier 2657 Por les mesages qu il vellent convoier 2658 Qui a Nerbone en doivent chevauchier 2659 Li senechaus les prist a aresnier 2660 Atendez nos seignor noble guerrier 2661 Toz voz mantiax que fesiez lessier 2662 Vos fet ma dame apres vos envoier 2663 Seignor vallet dist Guiz de Monpancier 2664 Or soient vostre bien vos avront mestier 2665 Car n afiert pas a nul franc chevalier 2666 N a duc n a conte qui terre ait a baillier 2667 Que il enport son siege 2668 Seignor vallet ce dist Guiz li marchis 2669 Or soient vostre li mantel vair et gris 2670 D autres avons tot a nostre devis 2671 N i a celui n en ait ou .v. ou sis 2672 N est pas reson en ce nostre pais 2673 Que cuens ne dus ne princes ne marchis 2674 Enport le siege sor coi il avra sis 2675 Font li vallet Seignor les voz mercis 2676 Damedex gart li rois de paradis 2677 Qui a doner vos a teus dons apris 2678 Si m eist Dex qui en la croiz fu mis 2679 Rois Boniface que nos servons toz dis 2680 Ne nos dona pieca tant mantiax gris 2681 Lonbart le voient tuit en sont esbahis 2682 Li rois meismes en fu forment pensis 2683 Merveille soi ou teus avoirs fu pris 2684 Que despandoient cil prince et cil marchis 2685 En son coraje les tient por fox et bris 2686 Car il n a pas tele despanse apris 2687 Mes qant le sot Hermenjart au cler vis 2688 Trestoz li cuers l en est de joie espris 2689 Lors en monterent li mesagier tuit dis 2690 Suz les mulez n i ot plus terme quis 2691 Tot maintenant sont a la voie mis 2692 Et li l. remainnent el pais 2693 Si comme dist la pucele gentis 2694 Et li mesage s en vont tuit ademis 2695 Or les conduie li rois de paradis 2696 Q ainz que les voie a Nerbone Aymeris 2697 Avra poor trestoz li plus hardi 2698 Car li cuiverz Alemanz Savaris 2699 Qu il enchaucierent ainsi com je vos dis 2700 S estoit puis tant porchaciez et porquis 2701 A un suen frere qu il avoit el pais 2702 Que il ot bien .c. homes fervestis 2703 Dex gart les contes qui en la croiz fu mis 2704 C or lor croist molt grant poine 2705 Vont s en li mes qui ne se targent mie 2706 Droit vers Nerbone ont lor voie acoillie 2707 .X. escuiers ont en lor conpagnie 2708 Q an destre moinent les destriers de Hongrie 2709 Chascuns ot armes et espee forbie 2710 Qui grant mestier lor orent ainz conplie 2711 Serre chevauchent l anbleure serie 2712 Dex les conduie qui tot a en baillie 2713 Car Savaris a la barbe florie 2714 N a pas son duel encore oublie mie 2715 Le chemin gaite a jornee et demie 2716 Por Hermenjart la bele de Pavie 2717 Dont trop avroit grant duel et grant envie 2718 Se autres hom l avoit en sa baillie 2719 A tot .c. homes cui Damedex maudie 2720 Fu enbuchiez lez une voie antie 2721 Et li baron qui ne s en gardent mie 2722 Vont cele part a mesnie escherie 2723 Hugues parla a la chiere hardie 2724 De Bargelone avoit la seignorie 2725 Seignor dist il ce resenble folie 2726 Qant ne montons es destriers de Surie 2727 Et si fermons les hiaumes de Pavie 2728 Que n aillons pas comme gent esbahie 2729 Car ceste voie me senble molt soutie 2730 Tiengne chascuns pres l espee forbie 2731 Se trovons gent qui nos face asaillie 2732 Chascuns bien se desfande 2733 Seignor dist Hugues franc chevalier baron 2734 Se m en creez sor les destriers monton 2735 Et noz espees pres de nos bien tenon 2736 S an nos assaut tres bien nos desfandon 2737 Et cil responent A Deu beneicon 2738 Chascuns descent del mulet arragon 2739 Es destriers montent sanz plus d arestoison 2740 Puis chevauchierent fierement a bandon 2741 Jusq a l aguet ou firent li glouton 2742 Qant Savaris qui ait maleicon 2743 Choisi les contes si joianz ne fu hom 2744 Dist a ses homes Antandez ma reson 2745 Mien escient ancui gaengneron 2746 Car ci reperent li chevalier baron 2747 Qui l autrier firent si grant ocision 2748 De nostre gent c amene avion 2749 Mes n en i a pas a si grant foison 2750 Ceus qui ci vienent ne pris pas .j. boton 2751 S or n en prenons ancui la venjoison 2752 De ceus qu il ont ocis par mesprison 2753 James nul jor ennore ne seron 2754 Car par eus sont mort nostre conpagnon 2755 Dont j ai le cuer plain de grant marrison 2756 Dient si home Et nos que atendon 2757 Ja contre nos n avront guieres foison 2758 A icest mot s eslessent li gloton 2759 Et vers les contes brochent a esperon 2760 Qant cil les voient molt en ont grant fricon 2761 Seignor ce dist Hugues li gentis hom 2762 De bon conseil ne vient il se bien non 2763 Bien poez ore veoir a ma reson 2764 Que vos donai leal conseil et bon 2765 Car ci nos veinent pongnant de grant randon 2766 Ce m est avis li Alement felon 2767 Que l autre jor desconfit avion 2768 Por amor Deu seignor et por son non 2769 Or gardez bien que chascuns soit preudon 2770 Et conbatant et fier comme lion 2771 Se somes poi tant mieuz les requerron 2772 Vos veez bien qu eschaper ne poon 2773 Ne d autre part nul secors n atendon 2774 Ne nule aide se de Damedeu non 2775 Et bien sachiez se nos desconforton 2776 Ja encontr eus n avrons plus de foison 2777 Ne que l aloe contre l esmerillon 2778 He verai Dex quel soufrete hui avon 2779 Del bon vasal Girart de Rosillon 2780 D Hernaut de Mez et d Ors de Valbeton 2781 Gautier del Mans de Garin de Loon 2782 Et de Geufroi de Hunaut le Breton 2783 De Jocerant et del vasal Guion 2784 Et des .l. que arrieres lesson 2785 S or fussent ci li chevalier baron 2786 Petit durassent envers nos cil gloton 2787 Mes puis que voi que avoir nes poon 2788 Par ce Seignor qui Longis fist pardon 2789 Chier me cuit vendre aincois que pris soion 2790 Ne vos puis fere seignor autre sermon 2791 Toz nos comant a Deu et a son non 2792 Ja i ferrai qui q an poist ne qui non 2793 A ce mot broche le destrier arragon 2794 Et desploia le vermeil confanon 2795 Devant s en vet le tret a un bouzon 2796 De l autre part vint vers lui de randon 2797 Cil Savaris qui li crie a haut ton 2798 Randez vos tost fiz a putain gloton 2799 Ne vos vaudroit la defanse .j. bouton 2800 En Alemagne vos menrai en prison 2801 A mon talant en prendrai venjoison 2802 Et si me plest s en avrai raencon 2803 Hugues l entant si dolanz ne fu hom 2804 Le destrier broche ne dist ne o ne non 2805 Et l Alement revint a esperon 2806 Sor son escu fiert le vasal Hugon 2807 Brise sa lance s en volent li troncon 2808 Et Hugues fiert le traitor felon 2809 Desus la targe .j. tel cop a bandon 2810 Que ne li vaut la monte d un bouton 2811 Et tresperca le hauberc fremillon 2812 Mes li porpoinz fu desoz d auqueton 2813 Qui de la mort garanti le gloton 2814 Li ber l enpaint par grant airoison 2815 Janbes levees l abati el sablon 2816 Puis tret l espee qui li pant au giron 2817 Sore li cort iriez comme lion 2818 Ja li tranchast le chief soz le menton 2819 Mes au rescorre vindrent .c. conpangnon 2820 De la mesniee a l encrieme felon 2821 Ha Godehelpe escrient a haut ton 2822 Si l ont enclos entor et environ 2823 De totes parz asaillent le baron 2824 Se Dex n en pense par son saintisme non 2825 Ja n avra mes secors ne garison 2826 Car cil li lancent lor espiez a bandon 2827 Si li ocient son destrier arragon 2828 Si le metent par terre 2829 Qant Hugues voit soz lui mort son destrier 2830 Savoir poez n ot en lui c airier 2831 Il saut en piez a guise d omme fier 2832 Qui li veist son escu enbracier 2833 Et escremir del branc forbi d acier 2834 Molt le deust aloser et proisier 2835 Tant fiert li ber et devant et derrier 2836 Mal soit de cel qui l osast aproismier 2837 De loinz li lancent les roiz espiez d acier 2838 Ocis l eussent sanz autre recovrier 2839 Qant i apongnent li nobile guerrier 2840 Si conpangnon qui estoient arrier 2841 Et avec aus tuit li .x. escuier 2842 Qui arme furent si comme chevalier 2843 Entre Alemenz se fierent sanz targier 2844 La ou il virent le baron chaploier 2845 Qui molt avoit d aide grant mestier 2846 Nerbone pristrent hautement a huchier 2847 Chascuns celui qu il encontra premier 2848 Fet maintenant a terre trebuchier 2849 Qui lors veist Alemenz desrangier 2850 Tote la place lor ont fet si vuidier 2851 Qu il n i remest fors Hugon le guerrier 2852 Qui a pie fu el pong le branc d acier 2853 Dolent en furent li noble princier 2854 Devant eus gardent s ont veu le destrier 2855 Dont Hugues fist Savari trebuchier 2856 N avoit encor loisir ne recovrier 2857 Que il peust metre pie en estrier 2858 Monter font Hugue li baron droiturier 2859 Isnelement sor l auferrant corsier 2860 N avoit meillor de ci a Monpellier 2861 Si le soloit Savaris avoir chier 2862 Qu il nel donast por les membres tranchier 2863 Et d autre part li felon pautonier 2864 Font Savari lor seignor redrecier 2865 D ilec ou Hugues l avoit fet trebuchier 2866 Si l ot feru tot l ot fet esmaier 2867 Monter le font sor .j. autre destrier 2868 Que devant aus troverent estraier 2869 Il sone .j. grelle por sa gent ralier 2870 Tot entor lui les a fet reperier 2871 Qant il les voit ses prent a aresnier 2872 Seignor dist il molt me doit ennuier 2873 Qant cil vassal me font tel destorbier 2874 Par pou ne m ont fet les menbres froisier 2875 Et a toz jorz de mon cors mehangnier 2876 D autre part ai tel duel de mon destrier 2877 Que j an cuit bien de mon sans enragier 2878 A vos m en clain qui me devez aidier 2879 Se me poez de ces glotons vengier 2880 Tot mon tresor vos ferai si vuidier 2881 N i remendra maaille ne denier 2882 Tant vos donrai et argent et or mier 2883 Com li plus forz en osera chargier 2884 Qant cil l antandent n i ot qu esleescier 2885 Qui les veist de joste apareillier 2886 Envers les contes repansent de brochier 2887 Si les asaillent et devant et derrier 2888 Qant cil le voient n i ot que esmaier 2889 Deu reclamerent le verai jostissier 2890 Qui de mort les desfande 2891 Grans fu et fiers et perillex l estor 2892 De tant de gent ne vit nus hom gregnor 2893 Bien se desfandent li nobile contor 2894 Petit estoient mes molt orent valor 2895 Chascuns tenoit le bon branc de color 2896 N i ot si grant Alemant traitor 2897 S un d aus le fiert sor l iaume paint a flor 2898 Qu il ne l ocie sanz nul autre trestor 2899 Cui chaut de ce trop i a pou des lor 2900 Que trop estoient li cuivert boiseor 2901 Dex pant des contes par la seue docor 2902 Ne puent mes plus endurer l estor 2903 Car li gloton lor ont ocis le jor 2904 Lors escuiers dont molt ont grant iror 2905 Tant ont sofert li nobile contor 2906 Les cors ont tainz de sanc et de suor 2907 De lor escuz n i ot plain dor 2908 Tuit sont casse lor hiaume paint a flor 2909 Et desmaillie li hauberc tot entor 2910 Forment reclaiment le verai criator 2911 Que il les giet de cest jor a ennor 2912 N est pas merveille s il ont de mort poor 2913 Car navre sont durement li plusor 2914 De teles plaies dont granz est la menor 2915 Hugues lor dist belement par amor 2916 Por Deu seignor le verai sauveor 2917 Tant com vivons maintenons bien l estor 2918 Qu n en aions honte ne desennor 2919 Vez ci devant ce m est vis une tor 2920 Qui molt est bien fermee tot entor 2921 Se poions avoir tant de sejor 2922 Et Damedex donoit par sa docor 2923 Que fussions enz ja n avrions poor 2924 Que fussions pris sanz domaje des lor 2925 Qant cil l antandent si reprenent vigor 2926 Chascuns let corre le destrier misodor 2927 Pongnant s en tornent par delez .j. destor 2928 Tant lor aida Damedex celui jor 2929 Que tote overte ont trovee la tor 2930 Car ale furent cil dedanz en labor 2931 Dedanz se fierent li baron sanz trestor 2932 Fors seul Hugon le hardi pongneor 2933 Qui s apansa de sans et de valor 2934 Qu il ira dire Aymeri le contor 2935 Por ce qu il a le destrier coreor 2936 N avoit meillor jusqu en Inde major 2937 Lors s en torna pongnant par .j. destor 2938 Et li baron qui furent en la tor 2939 Cloent les portes maintenant sanz demor 2940 Ne truevent enz fors .j. seul vavasor 2941 Lui et sa fame a la fresche color 2942 Qui les recoivent volentiers par amor 2943 Qant desarme furent li .ix. contor 2944 Entr eus regardent environ et entor 2945 Qant il ne voient Hugon le pongneor 2946 Cuident qu il soit morz ou pris en l estor 2947 Lors font entr eus tel cri et tel dolor 2948 Que por .j. home ne veistes gregnor 2949 Mes por neant sont de lui en error 2950 Car li vasaus s en vet sanz nul sejor 2951 A Aymeri sor le bon misodor 2952 Cil dira les noveles 2953 Hugues chevauche sanz nule demorengne 2954 Droit vers Nerbone sor le destrier d Espangne 2955 Et Savaris et sa gent d Alemengne 2956 Devant la tor furent hors en la plengne 2957 Molt orent tuit grant duel et grant engangne 2958 De ceus qui sont en la grant tor hautengne 2959 Devant la porte descent o sa conpangne 2960 Et jure Deu et les sainz de Bretengne 2961 Ainz se leroit percier cuer et entrengne 2962 Que il s en parte tant c a force les prengne 2963 Mes s il atant Aymeri le chatengne 2964 N en partira jusq a tant qu il s en plengne 29 65 Car li ber Hugues i vet sanz demorengne 2966 Qui dira le mesaje 2967 Or sont li conte en la tor asegie 2968 Devant la porte sont Alement logie 2969 De ceus qui sont la dedanz herbergie 2970 Sont Alemant molt forment corrocie 2971 Sovant asaillent li cuivert renoie 2972 Mes n en sont guieres cil dedanz esmaie 2973 Ainz se desfandent comme vasal proisie 2974 Maint grant carrel lor ont aval lancie 2975 Cil qu il consivent sont mort et escachie 2976 Maint en i ont ocis et domagie 2977 Molt bien lor a li vavasors aidie 2978 Il et sa fame lor font grant amistie 2979 Des biens qu il ont ont beu et mengie 2980 Ausin se sont la dedanz aessie 2981 Comme s il fussent en lor demeinne fie 2982 Mes d aus vos ert .j. pou ici lessie 2983 D Ugon dirai le bon vasal proisie 2984 Qui avoit tant erre et chevauchie 2985 Et main et soir le bon cheval coitie 2986 Qu il voit Nerbone que tant a covoitie 2987 En la vile entre n i a plus delaie 2988 Molt ot le cors lasse et traveillie 2989 Un diemenche si com l en ot mengie 2990 Devant la sale au degre descendie 2991 A un vallet a son cheval baillie 2992 Dedanz la sale en est montez a pie 2993 Au mestre dois de fin marbre entaillie 2994 Fu Aymeris et si home apoie 2995 Qant Hugon voient merveille furent lie 2996 Encontre lui sont maintenant drecie 2997 Li plusor l ont acole et besie 2998 Cuens Aymeris en plore de pitie 2999 Isnelement l en avoit aresnie 3000 Hugues fait il com avez esploitie 3001 Ou sont remes li bon conte proisie 3002 Tuit li lx. que j avoie envoie 3003 Qant ge n en voi fors que vos reperie 3004 Ou en avez lix. lessie 3005 Hugues l antant si a le chief bessie 3006 Pleure des euz mot ne li respondie 3007 Voit l Aymeris pres n a le sans changie 3008 Par mautalant l a encor aresnie 3009 Hugues dist il ne me soit pas noie 3010 Dites moi tost com avez esploitie 3011 Sire dist il bien vos sera noncie 3012 Se me volez entendre 3013 Dist Aymeris Ne me soit pas cele 3014 Hugues biaus sire por Deu de majeste 3015 Ou sont remes li franc conte menbre 3016 Qant ge n en voi fors que vos retorne 3017 En mal pais avez ce senble este 3018 Forment vos voi traveillie et pene 3019 En grant besong avez ce cuit este 3020 Qui vos a si cel escu estroe 3021 Et ce hauberc desrout et desafre 3022 Et ce vert hiaume fret et escartele 3023 Sire fet il bien vos sera conte 3024 Tant avons fet la merci Damede 3025 La dame avroiz volentiers et de gre 3026 Il n a si bele de ci en Noiron pre 3027 Requise l ont maint haut prince chase 3028 Ainz de nul prendre n ot faim ne volente 3029 Fors que de vos que tant a desirre 3030 Par le conseil qu ele nos a done 3031 Sont la remes el grant pales liste 3032 De noz barons li .l. adoube 3033 Et nos .x. autre estions retorne 3034 Et avec nos .x. escuier menbre 3035 Por vos conter ce c avions trove 3036 Ainz qu eussions une jornee ale 3037 Nos asaillirent Alement desfae 3038 Qui plus estoient de cent par verite 3039 Tant i avons fort estor endure 3040 Nostre escuier sont mort et afole 3041 Et nos meisme en plusors leus navre 3042 Tuit i fussions ocis et decope 3043 Qant nos veismes une grant fermete 3044 Une fort tor de grant antiquite 3045 Si com Deu plot le roi de majeste 3046 Ilecques sont li .ix. baron entre 3047 Mien escient il sont a sauvete 3048 Bien se porront tenir au mien pense 3049 Tant c aiez la vostre secors mene 3050 Jentis cuens sire n i ait plus demore 3051 Secorez ceus qui tant vos ont ame 3052 Se il i muerent vos sera reprove 3053 Et qant li conte en seront delivre 3054 D ilec irons n i avra sejorne 3055 Querre Hermenjart au gent cors ennore 3056 Dist Aymeris Molt avez bien parle 3057 Foi que doi Deu le roi de majeste 3058 Ja mes en vile c une nuit ne jerre 3059 Tant que li conte en seront hors gite 3060 De cele tor ou il sont enserre 3061 Apres irons se Dex l a destine 3062 Por la pucele querre 3063 Cuens Aymeris n i vost plus delaier 3064 Qant il antant qu il avra moillier 3065 Richement fet son oirre apareillier 3066 Par la contree fet ses mes envoier 3067 Asenbler fet son grant barnaje fier 3068 Encore furent o lui li chevalier 3069 Que Charlemaine i avoit fet lessier 3070 Et tant en ot el grant pales plenier 3071 Mien escient plus de v. millier 3072 Ne li faudront por les menbres tranchier 3073 Dedanz Nerbone les a fet herbergier 3074 Li cuens la nuit de ci a l esclerier 3075 Au matinet font le hernois chargier 3076 Et es charroiz que il font charroier 3077 Font tot mener si com lor est mestier 3078 Devant s aroutent sergent et escuier 3079 Cuens Aymeris qui molt fist a proisier 3080 En la cite fist .m. sergenz lessier 3081 Et si remestrent .iiijc. chevalier 3082 Mes ainz qu il puissent arriere reperier 3083 En i eussent bien v. mile mestier 3084 Se Dex n en pense qui tout a a jugier 3085 Qant a Nerbone s en revendra arrier 3086 Lui n Ermenjart n avra ou herbergier 3087 S il nel conquiert au fer et a l acier 3088 Car Desramez cui Dex doint enconbrier 3089 Et Baufumez dui roi felon et fier 3090 Qui par la croute s en issirent l autrier 3091 Icil l alerent a l amirant noncier 3092 Si amenront le grant siege plenier 3093 Ainz c Aymeris puist arrier reperier 3094 Li vodront il sa cite chalengier 3095 Vait s en li cuens qui ne s i sot gaitier 3096 Molt se penerent d errer et chevauchier 3097 Mes lor jornees a conter ne vos quier 3098 Tant vait li cuens o son barnaje fier 3099 Qu il ont veu la grant tor blanchoier 3100 Ou enserre furent li mesagier 3101 Li gentil conte ou il n ot c airier 3102 Que Savaris avoit fet asegier 3103 Mes ainz qu il voient l endemain esclerier 3104 Voudroient estre li gloton pautonier 3105 Arrier en Alemengne 3106 Vait s en li oz a force et a bandon 3107 Et tant chevauchent a coite d esperon 3108 Qu il ont veu la tor et le donjon 3109 La ou il conte estoient en prison 3110 Virent les loges entor et environ 3111 La ou estoient li Alement felon 3112 Hugues les voit si joianz ne fu hom 3113 Conte Aymeri en apele par non 3114 Sire fet il or oiez ma reson 3115 Vez ci la tor la ou sont li baron 3116 Mes Deu merci qui Longis fist pardon 3117 Encore sont au siege li gloton 3118 Se il vos plest je lou que nos armon 3119 Car se as loges sorprendre les poon 3120 Ne lor vaudroit lor deffanse .j. boton 3121 Ne soient pris et mort sanz raencon 3122 Dist Aymeris A Deu beneicon 3123 Lors descendirent sanz nule arestoison 3124 Maintenant s arment chevalier et baron 3125 Qant arme furent entor et environ 3126 Chascuns remonte el destrier arragon 3127 Puis chevauchierent a coite d esperon 3128 Par les fenestres del plus mestre donjon 3129 Les ont veu li mesagier prison 3130 Virent reluire tant hauberc fremillon 3131 Et tant vert hiaume tant escu a lion 3132 N i ot celui qui n en eust fricon 3133 Car lors cuidierent li chevalier baron 3134 Ce fust la gent Savari le felon 3135 Ques viengne prendre a force et a bandon 3136 Dist l un a l autre Seignor quel la feron 3137 Tuit somes mort ja n avrons raencon 3138 Trop ont grant force cist Alement felon 3139 As ames face Jesu Crist voir pardon 3140 Aymeris sire com grant destruction 3141 Gentis cuens sire por vostre amor moron 3142 Mar vos veimes gentis fiz a baron 3143 Et Hermenjart a la clere facon 3144 Par cui perdon les vies 3145 Forment s esmaient li baron en la tor 3146 Et molt regretent Aymeri le contor 3147 Por coi se hastent li gentil pongneor 3148 Car li cuens vient a force et a vigor 3149 Et fu devant el destrier misodor 3150 Lez lui Hugon qui tant ot de valor 3151 Bien fu armez sor le bai coreor 3152 Dont abati Savari en l estor 3153 Au vant desploie l ensengne et l oriflor 3154 Qant la conurent li baron de la tor 3155 Lors firent joie nus hom ne vit gregnor 3156 En petit d eure oublient lor dolor 3157 Forment aorent le pere criator 3158 Dist l un a l autre N i fesons plus sejor 3159 Armons nos tost seignor franc pongneor 3160 Issons la fors por commencier l estor 3161 Vers Savari le felon traitor 3162 Car Damedex par la seue doucor 3163 Nos a si bien regarde hui cest jor 3164 Que ci nos vient Aymeri le contor 3165 Qui secors nos ameine 3166 Molt font grant joie li chevalier vaillant 3167 Dedanz la tor s armerent maintenant 3168 En tant com s arment li hardi conbatant 3169 Vint Aymeris a esperon brochant 3170 Et lez lui Hugues armez sor l auferrant 3171 Vc estoient el premier chief devant 3172 Dont chscuns fu armez a son talant 3173 Et qant les virent venir li Alemant 3174 N i ot celui ne muast son senblant 3175 Dist Savaris Seignor por Deu le grant 3176 Cil que ci vienent par le mien escient 3177 Ne nos sont pas ce sachiez bien voillant 3178 Or i parra qui me sera aidant 3179 Gardez mon cors que plus ne vos demant 3180 C est Aymeris qui ci vient chevauchant 3181 Lez lui ameine le vasal conbatant 3182 Qui enmena l autrier mon auferrant 3183 Vez le desus el premier chief devant 3184 Qant m en remenbre molt ai le cuer dolant 3185 Montez molt tost si en tornons fuiant 3186 Se il nos tienent n avrons de mort garant 3187 Et cil responent Tot a vostre commant 3188 De bien foir mar nos irioz proiant 3189 Car de conbatre n avons nos nul talant 3190 Lors corent tuit as chevax maintenant 3191 Qui roncin trueve destrier n i vet querant 3192 Chascuns sessist ce qu il trova avant 3193 Li uns roncin li autres auferrant 3194 Li tierz somier li carz mulet enblant 3195 Nes Savaris n i vait pas choisissant 3196 Sanz sele monte en un destrier corant 3197 A l ainz qu il pot s en est tornez fuiant 3198 Et apres lui s aroutent Alemant 3199 Que li plus fors le plus foible n atant 3200 Hugues les voit qui venoit apongnant 3201 Sor le destrier qui les granz sauz porprant 3202 En son coraje se vet aporpansant 3203 S il li eschape il ne se prise .j. gant 3204 Tant a brochie le destrier auferrant 3205 Que Savari qui s en fuioit devant 3206 A conseu au destroit d un pendant 3207 Il li escrie Cuiverz n iroiz avant 3208 Hui conparroiz vostre traison grant 3209 Qant cil l antant si ot poor si grant 3210 Que il se lesse cheoir de maintenant 3211 Merci li crie contre terre en gisant 3212 Tant li s espee et li vasax la prant 3213 Puis nel toucha ne feri tant ne qant 3214 Mes en prison l enmeinne 3215 Qant Savaris ot rendue s espee 3216 Molt poi ont puis li autre de duree 3217 ‚a et la fuient comme gent esgaree 3218 Que il n ont loge ne tante remuee 3219 Et Aymeris lor vient de randonee 3220 Et tuit si home a grant esperonnee 3221 Et d autre part issent sanz demoree 3222 Li ix. baron de la grant tor carree 3223 Apres ceus vont qui la fuie ont tornee 3224 Cui il consivent tost a la vie outree 3225 As Alemanz rendent male sodee 3226 Car vers eus n ont desfanse ne duree 3227 Qui eschapa fete ot bone jornee 3228 Et qui fu pris s ot la teste copee 3229 Fors Savari qui la vie ot tensee 3230 C au vavasor de le grant tor carree 3231 Le dona Hugues a la chiere menbree 3232 Por ce qu il ot sa tor abandonee 3233 As ix. barons qui la vie ont sauvee 3234 Et cil le mist es sa chartre pavee 3235 Tant qu il li ot tel raencon donee 3236 Dont puis fu toz jorz riches 3237 Desconfit sont Alement et ocis 3238 Et en prison fu gitez Savaris 3239 Molt en fist Hugues que preuz et que gentis 3240 Que n en vost prendre vaillant ij. parisis 3241 Ainz le dona au vavasor de pris 3242 Por les barons c avoit en sa tor mis 3243 Et cil en a molt tres grant avoir pris 3244 Et raencon trestot a son devis 3245 Molt par fu liez li frans cuens Aymeris 3246 Qant les barons ot trovez sains et vis 3247 Molt s entrefirent grant joie li marchis 3248 Puis s en tornerent n i ot plus terme quis 3249 Cuens Aymeris et ses barons gentis 3250 Droit vers Pavis vont li conte de pris 3251 Querre Hermenjart la bele o le cler vis 3252 De lor jornees ne quier fere devis 3253 Tant ont erre et par nuit et par dis 3254 C un juesdi main aincois que fust midis 3255 En Pavie entrent li conte et li marchis 3256 Les bons ostieus ont li escuier pris 3257 Et Boniface li fors rois posteis 3258 Lor vint encontre comme frans et gentis 3259 Contre lui est descenduz Aymeris 3260 Con cil qui fu sages et bien apris 3261 Molt se conjoient li prince et li marchis 3262 Par les degrez qui sont de marbre bis 3263 En sont monte el pales seignoris 3264 D une chanbre ist Hermenjart au cler vis 3265 Bien fu vestue et de ver et de gris 3266 Un chapel d or ovre et bien assis 3267 Ot en son chief la pucele gentis 3268 Vers ot les euz cler et riant le vis 3269 Plus bele dame ne vit hom qui soit vis 3270 Nus ne la voit qui toz n en soit pensis 3271 Qant ele voit les chevaliers de pris 3272 Cortoisement les a a reson mis 3273 Cil Damedex qui maint en paradis 3274 Qui toz jorz fu et essera toz dis 3275 Il saut et gart ces dus et ces marchis 3276 Tant voi sor aus et de vair et de gris 3277 Que je ne sai li quiex est Aymeris 3278 Cil de Nerbone qui tant est posteis 3279 Qui por moi est venuz en cest pais 3280 Car viengne avant li frans cuens Aymeris 3281 Si me recoive n i ait plus terme quis 3282 Et qant l antant li cuens si s en est ris 3283 Son mentel giete ne li chaut qui l ait pris 3284 A la pucele a ses braz au col mis 3285 Car molt fu bien enseigniez et apris 3286 Dame fet il par foi le vos plevis 3287 Et bien sachiez que ge sui Aymeris 3288 Qui vostre sire doit estre et vos mariz 3289 S or vos avoie menee en mon pais 3290 Plus de ij. mile de chevaliers de pris 3291 Vos serviroient tot a vostre devis 3292 Granz merciz sire dist la dame au cler vis 3293 Si m eist Dex bien poez estre fis 3294 Que plus vos aim que hom qui soit vis 3295 Plus vos ai dit c a home mes ne dis 3296 Mes por ice ne m en doit estre pis 3297 Dame fet il par le cors saint Denis 3298 Mieuz vos en aim et amerai toz dis 3299 A ces paroles se sont andui assis 3300 Deseure ,j, lit covert de paile bis 3301 La parolent ensenble 3302 Aymeris fu sages et enparles 3303 Prant la pucele si s est assis delez 3304 Par la main destre la prant par amistez 3305 Les doiz li baille qu ele ot molt bien formez 3306 Blanc ot le vis et si fu colorez 3307 De sa biaute poisse dire assez 3308 Mes ainz seroit li demi jorz passez 3309 Que ses sanblanz vos fust toz devisez 3310 Li cuens l apele com sages et menbrez 3311 Bele dist il quiex est vostre pansez 3312 Que vos resenble de moi nel me celez 3313 De long vos vieng querre bien le savez 3314 Por ce vos pri que se ne me volez 3315 Que vo talant ici me descovrez 3316 Aincois c avant en soit plus moz sonez 3317 Car bien sachiez se vos me refussez 3318 Qui me donroit tot l or de .x. citez 3319 Ne vos prendroie s il ne vos ert a grez 3320 Mieuz est que ci vostre bon me contez 3321 Que ja Lonbarz s en fust apres gabez 3322 Sire dist ele ja mar en douterez 3323 Car plus vos aim que home qui soit nez 3324 Mes Dex en soit merciez et loez 3325 Qant il vos plest que vos me requerez 3326 Mes ge vos pri gentis cuens ennorez 3327 Por amor Deu qui en croiz fu penez 3328 Ne me laissiez ci qant vos en irez 3329 Mes a Nerbone avec vos m enmenez 3330 Que ci ne viengne ou princes ou chasez 3331 Qui m en vosist mener par ses fiertez 3332 Tost en porroit tex max estre levez 3333 Dont mainz Francois seroit morz et finez 3334 Bele dist il ja mar en parlerez 3335 Par l ame au pere dont ge fui engendrez 3336 Ce fu Hernauz qui tant fu renommez 3337 Qant g en irai avec moi en vendrez 3338 El pales de Nerbone 3339 Grant fu la noise sus el pales plenier 3340 Venu i furent maint baron chevalier 3341 Et des Lonbarz i ot pres d un millier 3342 De plusors choses prenent a conseiller 3343 Cuens Aymeris n i vost plus delaier 3344 Milon apele le fil au duc Garnier 3345 Amis fet il je vos veil enchargier 3346 Le mien afere a dire et a noncier 3347 De ceste dame del fere ou del lessier 3348 Q an mon pais vodroie reperier 3349 Car de paiens me covient molt gaitier 3350 Bien sai de voir qu il ne m ont guieres chier 3351 Se il pooient en nul sans esploitier 3352 Molt me feroient volentiers domagier 3353 De Nerbonois mon grant pales plenier 3354 Que Charlemaine li rois me fist baillier 3355 S or le perdroie por aler donoier 3356 Bien porroit dire et por voir afichier 3357 C a mauves oir l avroit il fet baillier 3358 Sire dist il bien fet a ostroier 3359 Adont se drece en piez li fiz Garnier 3360 Molt ot en lui nobile chevalier 3361 Bel et cortois et molt bien enparlier 3362 Roi Boniface en prist a aresnier 3363 Et les Lonbarz que il vit conseillier 3364 Seignor dist il ne vos doit ennuier 3365 La volente conte Aymeri le fier 3366 Por coi il vint en cel pales plenier 3367 De par le conte s il vos plest vos requier 3368 Que li dongniez Hermenjart al vis fier 3369 Se li cuens l a molt vos poez proisier 3370 En totes corz en seroiz vos plus chier 3371 Et en vos marches plus redote et fier 3372 Et s il ne l a ja nel vos quier noier 3373 Il s en ira en son pais arrier 3374 Si avra fame aincois .j. mois entier 3375 Tele com Dex la li vodra jugier 3376 Mes une chose a celer ne vos quier 3377 Ainz que partons de cest pais plenier 3378 Vc. des voz avrons fet trebuchier 3379 Lonbart l antandent n i ot que esmaier 3380 Li uns a l autre le prist a conseillier 3381 Molt nos fet ore cil vasax menacier 3382 C. dahez ait qui por une moillier 3383 Se lera ja ocirre et destranchier 3384 S il veut la dame si l ait sanz nul dengier 3385 Si li fesons sanz plus de delaier 3386 XV. somiers d or et d argent chargier 3387 Qu entr eus avront li baron chevalier 3388 Et si franc home qui en avront mestier 3389 Hermenjart rit qant les ot deresnier 3390 Dist as Lonbars Ce fet a mercier 3391 Foi que doi Deu le Pere droiturier 3392 Puis que li cuens me requiert a moillier 3393 James nel quier por nul home changier 3394 Lonbart l entandent prenent a conseillier 3395 Bien a la dame riche mari et fier 3396 En la cort Charle n a meillor chevalier 3397 Pleust a Deu qui tout a a jugier 3398 Qu il la tenist en son pales plenier 3399 Et si l eust espousee a moillier 3400 Rois Boniface en prist a aresnier 3401 Conte Aymeri le nobile guerrier 3402 Gentis cuens sire volez ceste moillier 3403 Respont li cuens Riens plus ne vos requier 3404 Par la main destre li vait li rois baillier 3405 Li cuens la prist liement sanz dengier 3406 Grant joie font li baron chevalier 3407 A lor ostieus alerent herbergier 3408 Jusqu au matin qu il virent esclerier 3409 Lors s apareillent sanz plus de l atargier 3410 Sor ces somiers font ces hernois chargier 3411 Es destriers montent li nobile guerrier 3412 Vait s en li cuens s enmeine sa moillier 3413 De la vile issent sanz plus de delaier 3414 Rois Boniface les ala convoier 3415 Aymeris sire par le cors saint Richier 3416 Entre tiex gens vos en alez arrier 3417 Qui vo lignaje n en orent onques chier 3418 Gentis cuens sire seu volez ostroier 3419 De mes Lonbarz enmenroiz .j. millier 3420 S avra chascuns et armes et destrier 3421 Aideront vos se en avez mestier 3422 Mes d une chose vos veil ge molt proier 3423 Que ce se vient a estor commencier 3424 Que les metoiz devant el chief premier 3425 Dist Aymeris Bien fet a ostroier 3426 De conpangnie ne me doi esmaier 3427 Par saint Denis a cui l en doit proier 3428 Qant plus en ai plus me fet leeschier 3429 Lonbart l entendent n i ot que corrocier 3430 Li uns a l autre le prist a conseillier 3431 Par saint Remi molt nos doit ennuier 3432 Rois Boniface ne nos a guieres chier 3433 Qui a tel home nos veut ici baillier 3434 Plus aime guerre que boivre ne mengier 3435 Se apres lui nos covient chevalchier 3436 Ja uns toz seus n en revendra arrier 3437 Qant Boniface les ot ainsi plaidier 3438 Conte Aymeri en prist a aresnier 3439 Gentis hom sire a celer nel vos quier 3440 Icist Lonbart c o vos veil envoier 3441 Sont molt coart et foible au commencier 3442 Se vos venez au fort estor plenier 3443 El front devant les fetes chevalchier 3444 Si les metez as premiers cox paier 3445 Lors devendront et corageus et fier 3446 Ainz qu il se lessent prendre ne destranchier 3447 Ce sachiez vos se vendront il molt chier 3448 Lonbart l entandent n i ot que esmaier 3449 Dist l un a l autre N i vaut rien gramoier 3450 Se par bien fere ne poons reperier 3451 Honnis soit il a guise de lanier 3452 Qui s i lera tuer ne mehangnier 3453 Tant com il puist durer au branc d acier 3454 Lors se departent li baron chevalier 3455 Vait s en li cuens s enmeine sa moillier 3456 Rois Boniface est retornez arrier 3457 Et Aymeris panse de chevauchier 3458 O lui enmaine son grant barnaje fier 3459 Or les conduie cil qui tout puet jugier 3460 C or croist molt grant paine 3461 Endementiers c alez fu a Pavie 3462 Cuens Aymeris a la chiere hardie 3463 Querre Hermenjart la bele l eschevie 3464 Uns Sarrazins cui li cors Deu maudie 3465 Droit a Orenge a sa voie acoillie 3466 Jusq au pales ne s aseura mie 3467 Desrame trueve en la sale voltie 3468 Et Baufume o lui sa conpangnie 3469 Ce sont li roi qui par la croute antie 3470 Fors de Nerbone issirent la garnie 3471 Qant Charlemaine i mena s ost banie 3472 Cil dui issirent par mi la croute antie 3473 Por aler querre et secors et aie 3474 A l amirant qui sire ert de Persie 3475 En Orenge orent puis pris herbergerie 3476 Enz el palais en est montez l espie 3477 Il les salue de la loi paienie 3478 Baron fet il Mahomez vos aie 3479 Alez s en est Aymeris a Pavie 3480 Querre une fame a grant chevalerie 3481 Si a lessie Nerbone desgarnie 3482 Molt sont dedanz a mesnie escherie 3483 Se vos volez par tans l avroiz sessie 3484 Qant li dui roi ont la novele oie 3485 Molt en firent grant joie 3486 Qant li dui roi oient le mes parler 3487 Que Aymeris est alez querre per 3488 Droit a Pavie ou la doit espouser 3489 D ilec s en tornent n i vodrent plus ester 3490 Vers Babiloine pansent d esperonner 3491 Tant com cheval lor puent randoner 3492 De lor jornees ne vos quier deviser 3493 En Babiloine vindrent .j. avesprer 3494 A pie descendent sanz plus de demorer 3495 Puis en monterent el palais principer 3496 L amirant truevent seant a son souper 3497 Et iiij. rois qui molt font a douter 3498 De l autre enpire ne vos sai ge nomer 3499 Merveille gent i ot fet asenbler 3500 Por une feste que vodrent celebrer 3501 De Mahomet que durent aorer 3502 Si com en l ot a Mesques fet porter 3503 Et en la fierte couchier et reposer 3504 La feste ert grant bien la firent garder 3505 Et l amirant lor fist ses jeus mostrer 3506 Si merveillex com vos m orriez conter 3507 En mi la sale del pales principer 3508 Avoit .j. arbre q an i ot fet ovrer 3509 Fet fu de coivre si l ot en fet dorer 3510 Et en un molle si fondre et tresgiter 3511 Soz ciel n a home tant seust porpanser 3512 Et la maniere des oisiax esgarder 3513 Qu il ne poist sor cel arbre trover 3514 De toz oisiaus la figure prover 3515 Et si avoit chascuns oisiax son per 3516 Li enchanteres fist forment a loer 3517 Del flum c oez Paradis apeler 3518 Il fist les pierres venir et asenbler 3519 En fin esmal les ot fet seeler 3520 Par nigromance i fait le vent entrer 3521 Encontremont par le tuel monter 3522 Qant li vanz sofle les oisiax fet chanter 3523 En lor maniere seriement et cler 3524 Soz ciel n a home qui s en puist saouler 3525 S il est iriez por coi l oie soner 3526 Tout maintenant li fet s ire oublier 3527 Tant com en veut fet en le son durer 3528 Et qant l en veut si le fait en cesser 3529 L amirant servent Sarrazin et Escler 3530 Forment se fet servir et ennorer 3531 Mes jusq a pou changera son penser 3532 Car li dui roi vienent sanz demorer 3533 Qui li diront noveles 3534 El palais montent li dui desherite 3535 Qui de Nerbone estoient eschape 3536 C est Baufumez et li rois Desrame 3537 A l amirant en sont au pie ale 3538 Por Mahomet li ont merci crie 3539 Li amiranz les en a releve 3540 Et fierement les en a apele 3541 Que avez vos chetif maleure 3542 Sire font il ja ne vos ert cele 3543 La gent de France que mal fussent il ne 3544 Charles li rois et sa crestiente 3545 Nos ont tolue Nerbone la cite 3546 Et la contree environ et en le 3547 Si l a donee a un suen avoe 3548 A Aymeri .j. orgueillex chase 3549 Mes alez est a molt riche barne 3550 Querre une dame ce nos a l en conte 3551 Ne revendra de c a .j. mois passe 3552 L amirant l ot pres n a le sans desve 3553 A haute voiz lor avoit escrie 3554 A .c. deables tant a Charles dure 3555 Des que paien orent Rollant tue 3556 Et Olivier le vassal adure 3557 Et toz les pers de France le regne 3558 Si deust il avoir son tans fine 3559 Dient li mes Onques n en soit parle 3560 Biaus est li vieuz et de molt gent ae 3561 Bien sont par lui si garnement porte 3562 Et molt tost monte el destrier abrive 3563 N a en sa cort home plus alose 3564 Mes se volez croire nostre panse 3565 Mandez paiens environ et en le 3566 Et qant avrons grant barnaje asenble 3567 Droit a Nerbone en irons la cite 3568 Qant l avroie prise par vostre poeste 3569 Si en irons en France le regne 3570 Prendroiz Paris a vostre volente 3571 Troies et Miauz que ja n iert trestorne 3572 Et tot le regne Charlon le rasote 3573 A Es en France en mi la roiaute 3574 Avroiz par tans vostre chief coronne 3575 Puis retorroiz ainz demi an passe 3576 Tot droit a Rome qui est d antiquite 3577 Si conquerroiz par force la cite 3578 Le grant tresor que la ont amasse 3579 Avroiz vos tot se il vos vient a gre 3580 Dont tenu erent .xx. paien arme 3581 Dist l amirant Molt avez bien parle 3582 Et molt m avez loial conseil done 3583 Par ceste barbe ja n iert plus trestorne 3584 Que ge n en face ce c avez devise 3585 Lors a tantost l amirant commande 3586 Que si brief soient maintenant seele 3587 Et as corlius soient molt tost livre 3588 Et il si font n i ont plus demore 3589 Tant ont li mes esploitie et erre 3590 De Rochebrune de si c an Dureste 3591 Ou li soleuz giete premiers clarte 3592 Sont tant paien venu et asenble 3593 Que l ost en dure une liue de le 3594 De ci a Mesques ne se sont areste 3595 Ileques ont Mahomet enserre 3596 De Charlemaine se sont a lui clame 3597 Et d Aymeri cel orgueillex chase 3598 Qui de Nerbone les a desherite 3599 Grant fu l ofrande que il li ont done 3600 Apres i ot maint olifant sone 3601 Destrier henissent et mur ont rechane 3602 Cil Sarrazin ont glati et jupe 3603 Li uns a l autre escremi et joste 3604 Plus grant enpire ne vit nus aune 3605 Car ilec fu Athenas et Janbe 3606 Et rois Maubrun et son frere Forre 3607 Li rois d Egipte et li rois Codroe 3608 Et Anfelis et li rois Acere 3609 Cornabadas et li rois Mautrible 3610 Et Lucifer et li rois Giboe 3611 .XIIII roi qui d Espengne sont ne 3612 A tout l enpire qu il orent amene 3613 Sont maintenant en lor navie entre 3614 Vitaille portent li gloton deffae 3615 Por aus guerir jusq a un an passe 3616 Boutent de rive en mer sont esquipe 3617 Li vif deable lor donent tel ore 3618 Q an xv. jorz sont deca arive 3619 Voient la terre de la crestiente 3620 De Terrasconne le bon pais loe 3621 Li mur blanchoient comme flor en este 3622 Plus de xm. ont de pitie plore 3623 Por lor lignaje qu en iert desherite 3624 Des nes issirent n i ont ont plus demore 3625 Sor les destriers sont maintenant monte 3626 Qant il se furent molt richement arme 3627 Par Avalence se sont achemine 3628 Tote ont la terre et le pais gaste 3629 Tant chetif ont pris et enchaenne 3630 Batu les ont et feru et fuste 3631 Que de lor char en est li sans vole 3632 Ce fu a feste saint Jehan en este 3633 Que soie sont et recoilli li ble 3634 Sarrazin vindrent a la bone cite 3635 Devant Nerbone ont fet tendre maint tref 3636 Li amirant li prince et li chase 3637 Maint paveillon ont tot entor ferme 3638 Dex quel domaje voirs rois de majeste 3639 Que or nel set Aymeris l adure 3640 Qui amoine sa fame 3641 Li amiranz fet ses paiens logier 3642 Si pres des murs que tresist .j. archier 3643 En . j. bruillet s en entrent dui millier 3644 Des Sarrazins cui Dex doint enconbrier 3645 Tres bien se font aincois apareiller 3646 De blans haubers et de hiaumes d acier 3647 De fors escuz et de tranchanz espies 3648 Puis desroterent et chamex et somiers 3649 Parmi les prez les lessent estraier 3650 Dex les confonde qui tot a a jugier 3651 Car ce font il por Francois engangnier 3652 Et cil qui furent sus el pales penier 3653 Qant la cite virent si asegier 3654 S il s en esmaient ne fet a merveillier 3655 Dist Elinaus o le coraje fier 3656 Li nies Naimon que Charles ot tant chier 3657 Seignor dist il celer nel vos quier 3658 Cuens Aymeris qui ci nos fist lessier 3659 Porra des ores ce cuit ge trop targier 3660 Alez s en est requerre sa moillier 3661 Droit a Pavie ou la doit nocoier 3662 Ne revendra devant .j. mois entier 3663 Puis qu il nos a fet sa cite lessier 3664 Bien doit chascuns valoir ,j, chevalier 3665 C dahez ait a guise de lanier 3666 Qui ci sera com en mue esprevier 3667 Issons la fors chascuns sor son destrier 3668 Trestuit arme sanz plus de delaier 3669 Si acoillons et chamex et somiers 3670 Que il ont fet de vitaille chargier 3671 S en garnirons ce grant pales plenier 3672 Qant Aymeris mon seignor droiturier 3673 S en revendra que il truist a mengier 3674 Et cil responent Bien fet a ostroier 3675 Qui vos faudra ja ne soit chevalier 3676 Isnelement se vont apareillier 3677 Vestent haubers lacent hiaumes d acier 3678 Cengnent espees a lor flanc senestrier 3679 Puis est montez chascuns sor son destrier 3680 A lor cox pandent les escuz de cartier 3681 Et en lor poinz les rois tranchanz espiez 3682 Par Porte Aigiere s en issent eslessie 3683 De ci as tres ne finent de brochier 3684 Li amiranz ert assis au mengier 3685 Bien les requierent noz baron chevalier 3686 Des Sarrazins ont mort pres d un millier 3687 Puis s en reperent vers la cite arrier 3688 Si acoillirent et chamex et somiers 3689 Mener les cuident avec aus herbergier 3690 Mes paien saillent cui Dex doint enconbrier 3691 Plus sont de mil li gloton losengier 3692 Bien sont arme chascuns sor son destrier 3693 Qant li Francois les virent desbuchier 3694 Savoir poez n i ot que esmaier 3695 James arrier ne cuident reperier 3696 Dedanz Nerbone el grant pales plenier 3697 Le grant eschec lor covient a lessier 3698 Ainz n amenerent ne chamel ne somier 3699 Ne de l avoir vaillisant .j. denier 3700 Ne n i parlerent de tornoi commencier 3701 Mes de l ocirre et de tout destranchier 3702 La veissiez .j. grant estor et fier 3703 Tant hante fraindre et tant escu percier 3704 Tant Sarrazin verser et trebuchier 3705 Bien s i vandirent li noble chevalier 3706 Des Sarrazins ocistrent .j. millier 3707 Mes des Francois i ot grant destorbier 3708 N en repera pas les Vc. arier 3709 De m. qu il furent a l estor commencier 3710 Et de ceus fu navree une moitie 3711 Il s en retornent vers le pales plenier 3712 D antrer dedanz orent grant desirier 3713 Par mi les portes panserent de brochier 3714 Qant il sont outre si font le pont drecier 3715 Tres par mi l ost s eslesse un chevalier 3716 Non ot Fouquins fiz fu au duc Garnier 3717 De son escu n i ot plein pie d entier 3718 Trestot li orent tranchie li aversier 3719 Et son hauberc ont fet si desmaillier 3720 Que n eust mes a franc home mestier 3721 Et li ont fet par mi le cors plaier 3722 D un roit espie fu feruz au lancier 3723 Li fers l en vint sor le neu del braier 3724 Par mi la char vit en le sanc raier 3725 Que l esperon en covint a moillier 3726 L enforcheure et le col del destrier 3727 D un espie tint la hante de pomier 3728 Perdu en ot et le fer et l acier 3729 A grant merveille senbla bien chevalier 3730 Qui soit issuz de fort estor plenier 3731 Paien s escrient Ore apres sanz targier 3732 Par Mahomet vez ci le chevalier 3733 Qui l ira ja Charlemaine noncier 3734 Si amenra le grant barnaje fier 3735 Apres lui vont de paiens .x. millier 3736 Et qant il voient ne le porront baillier 3737 Les forz espiez li prenent a lancier 3738 Dex le gueri qui ot tot a a jugier 3739 Qu il ne touchierent ne li ne son destrier 3740 Ainz cers ne dains ne prist saut de ramier 3741 Ne corut mieuz qant en le fet chacier 3742 Com il fet corre son auferrant corsier 3743 Par tans l ira a Aymeri noncier 3744 Se le cheval ne covient estanchier 3745 Tant a erre li nobile guerrier 3746 C Aymeri trueve c ameine sa moillier 3747 En sa conpangne maint vaillant chevalier 3748 Cil jugleor por eus esbanoier 3749 De vieler pansent et d envoisier 3750 Noces ont bones s atendent bon loier 3751 Mes en pou d eure orront le vers changier 3752 Es vos Fouquin pongnant sor le destrier 3753 A haute voiz commenca a huchier 3754 Aymeris sire gentil noble guerrier 3755 Vos amenez ce m est avis moillier 3756 Mes d une chose vos poez esmaier 3757 Que vos ne lui n avroiz ou herbergier 3758 Car Desrames l orguellex et li fier 3759 Et Baufumez cui Dex doint enconbrier 3760 Qui par la croute s en issirent l autrier 3761 Icil l alerent a l amirant noncier 3762 Amenez ont tant paiens aversiers 3763 Ja n en seroient aconte li millier 3764 Asiege ont ton grant pales plenier 3765 N i a plain pie de terre au mien cuidier 3766 Ou n aient fet tref ou tente drecier 3767 Molt fierement nos asaillirent ier 3768 Mes onques guieres n i porent gaengnier 3769 La merci Deu qui tot a a jugier 3770 Nos oceimes des lor plus d un millier 3771 Mes des noz firent des plusors domagier 3772 Et cruelment et navrer et plaier 3773 Aincois c arrieres peussions reperier 3774 Nos en covint l une moitie lessier 3775 De nostre gent el fort estor plenier 3776 Dex pant des ames qui tout a a jugier 3777 A moi poez veoir sanz nul cuidier 3778 Q an l estor fui n en sui pas mencongier 3779 Dist Aymeris Molt senbles bien guerrier 3780 Si a en toi molt vaillant chevalier 3781 En nule terre meillor de toi ne quier 3782 Voit Hermenjart prist l en a aresnier 3783 Bele dist il savez moi conseillier 3784 Se Dex m eist ore en ai grant mestier 3785 Sire fet ele par moi foi volentiers 3786 Car il me senble li conseuz est legier 3787 Dont n estes vos .iiij. guerrier 3788 Que Charlemaine vos avoit fet lessier 3789 Et si avez de Lonbarz un millier 3790 Dont chascuns a et armes et destrier 3791 Se vos venez au grant estor plenier 3792 Par eus porroiz grant estor commencier 3793 Alez avant vos et vo chevalier 3794 Et g en irai sel volez ostroier 3795 Droit a Vienne el pales herbergier 3796 Au duc Girart vostre oncle le guerrier 3797 Proierai lui se de rien vos a chier 3798 Que vos secore a ce besong premier 3799 Il est vostre oncles si vos doit bien aidier 3800 De moi meismes i fetes mesagier 3801 Plus creant mes n i poez envoier 3802 Aymeris l ot s enbraca sa moillier 3803 Les euz le vis li commence a besier 3804 Dame dist il bien fet a ostroier 3805 Bien me savez loiaument conseillier 3806 Alez en dont n avez que delaier 3807 Je vos comment au verai jostissier 3808 Et ge vos sire a Deu le droiturier 3809 Qui vos desfande de mort et d enconbrier 3810 Vait s en li cuens si part de sa moillier 3811 Vc. Lonbarz fist o lui envoier 3812 Et iiij contes qui molt font a proisier 3813 Cil la conduient tot le chemin plenier 3814 Droit a Vienne ou en doit chevalchier 3815 Le Rosne passent sanz plus de delaier 3816 A Luniax vait Aymeris herbergier 3817 Jusq au matin que il dut esclerier 3818 Armer se fist li cuens et haubergier 3819 Et en monta sor .j. corant destrier 3820 Puis s en ala sor j. tertre puier 3821 De sa cite voit les murs blanchoier 3822 Et voit paiens et Sarrazins logier 3823 Tout environ Nerbone 3824 Desus .j. tertre Aymeris en monta 3825 Devant Nerbone les paiens esgarda 3826 Il les maudist de Deu qui tot forma 3827 Et Hermenjart la bele chevaucha 3828 De ses jornees ne vos conterai ja 3829 Tres c a Vienne mie ne sejorna 3830 Le fil Guimart Poincon en apela 3831 Un chevalier que la dame adouba 3832 Conroi et armes et cheval li dona 3833 Amis fet ele ore entant a moi ca 3834 Droit a Vienne a Girart tost en va 3835 Le gentil duc qui tant de bonte a 3836 Salue le de Deu qui tot forma 3837 Et de par moi qui t ai envoie la 3838 Et d Aymeri son neveu qu il ama 3839 Le grant besong ne li celes tu ja 3840 Que assise est Nerbone qu il lessa 3841 Qant a Pavie querre moillier ala 3842 Tant de paiens entor la cite a 3843 Que hom qui vive autant n en esgarda 3844 Mes Aymeris a tot sa gent i va 3845 Si m en envoie droit a Vienne ca 3846 C or me herberge se il onques l ama 3847 Et cil respont Dame com vos plera 3848 Le bon destrier forment esperonna 3849 Tres c a Vienne mie ne s atarda 3850 Le duc Girart sus el pales trova 3851 Ou beter fait j. grant ors que il a 3852 Es vos le mes qui bel le salua 3853 De par Jesu qui le mont estora 3854 Et de par cele qui a lui l envoia 3855 Puis li a dit que mot n i oblia 3856 Ce que la dame li dist et devisa 3857 Li dus l antant grant joie en demena 3858 De Damedeu qui tot le mont cria 3859 Soit beneoite l eure que ci vendra 3860 La gentil dame qui vos envoie ca 3861 N oi si grant joie ce sachiez des pieca 3862 Qant li miens nies si sage dame avra 3863 Dame Guiborc fet il entandez ca 3864 S onques m amastes or le verre ge ja 3865 Or sai ge bien qui de cuer m amera 3866 C a ceste dame grant ennor portera 3867 Isnelement les degrez avala 3868 Dame Hermenjart jus au perron trova 3869 Li dus l enbrace et apres la besa 3870 Sus el palais avec lui l enmena 3871 A son pooir chascuns d eus l ennora 3872 De lor mengier ne vos parlerai ja 3873 C a grant plante li dus lor en dona 3874 Por Aymeri biau senblant lor mostra 3875 Dame Guiborc Hermenjart enmena 3876 Dedanz ses chanbres richement la coucha 3877 Lonbart la gardent tant que il ajorna 3878 Chascuns ot hache ou dart qui bien trancha 3879 Car oiez ores com Girarz esploita 3880 N est mie povres qui un bon ami a 3881 Mende ses homes tant que .x. mile en a 3882 Chascuns ot armes et destrier quel porta 3883 Ce dit li dus son neveu secorra 3884 Dame Hermenjart sa fame li menra 3885 L or et l argent tout mener li fera 3886 Que de Pavie la dame en amena 3887 Guiborc la seue avec lui conduira 3888 S il fait bataille tres bien li aidera 3889 Par aventure que mestier i avra 3890 S il fet ses noces tres bien i servira 3891 Au mengier a Nerbone 3892 Girarz s en torne n i volt plus sejorner 3893 Molt fiere gent fet avec lui mener 3894 Et chevaliers qui molt font a loer 3895 Dame Hermenjart fet avec lui aler 3896 L or et l argent n i volt pas oblier 3897 Et les chiers pailes fet chargier et troser 3898 Que de Pavie orent fet aporter 3899 Guiborc sa fame fet avec eus errer 3900 De lor jornees ne vos quier a conter 3901 Jusq a Nerbone ne vodrent arester 3902 Or redevons ci d Aymeri chanter 3903 Qui en l angarde fu au matin montez 3904 Sor son destrier fervestuz et armez 3905 Et regarda devers Nerbone es prez 3906 Tenduz i voit .m. loges et .m. tres 3907 Et. m. aucubes et .m. brehans levez 3908 Voit les cuisines et les feus alumez 3909 Les Sarrazins et venir et aler 3910 Et l un a l autre escremir et joer 3911 Ces chevax ferrent et moinent abuvrer 3912 De Damedeu qui le mont volt sauver 3913 Les maudit toz li cuens gentis et ber 3914 Paienne gent Dex vos puist craventer 3915 Mal soit des meres qui tant en ont porte 3916 Puis des glotons qui les ont engendrez 3917 Je ne cuidasse que outre la grant mer 3918 L une moitie en poist l en trover 3919 Uns autres hom en fust molt effreez 3920 Et il en prist forment Deu a loer 3921 Voirs Dex fet il toi puisse aorer 3922 Qui nos as fet tel avoir amener 3923 Com cist paien ont ci fet amasser 3924 Se Dex ce done qui tot a a sauver 3925 Que ge le puisse avoir et conquester 3926 N iere mes povres tant com puisse durer 3297 Par cel apostre que l en doit aorer 3298 Se Dex me done ma moillier espouser 3299 De cel avoir qui la est asenble 3930 Ferai mes noces en ce domaine tref 3931 Ja en chastel ne m irai osteler 3932 Por noces fere ne por joie mener 3933 Jus de l angarde s en prist a devaler 3934 Jusq a ses homes ne se vost arester 3935 Contre lui vont si baron et si per 3936 Qui des paiens pristrent a demander 3937 Seignor baron dist Aymeris li ber 3938 Puis que Dex vost le suen peuple former 3939 Et en la Virge se dengna aonbrer 3940 Qant vint an terre por le monde sauver 3941 Ne furent tant de paiens ne d Esclers 3942 Com en puet ci sor ce tertre esgarder 3943 Franc chevalier ne vos espoentez 3944 Car s avient chose que doions asenbler 3945 Criez Monjoie et del ferir pansez 3946 Si cuideront Sarrazin et Escler 3947 Que ce soit Charles li forz rois coronnez 3948 Qui ait de France ses barons amenez 3949 Plus le redoutent que foudre ne orez 3950 Se ces premiers avons desbaretez 3951 Li remenanz porroit petit durer 3952 Toz li gaeinz vos soit abandonez 3953 Ja n en prendrai ij. deniers monneez 3954 Tuit en seront et conpangnon et per 3955 Qui de cest jor porra vis eschaper 3956 A toz jorz mes sera riches clamez 3957 Bien sot li cuens ses gens reconforter 3958 Car si les a bien fet aseurer 3959 Que il vodroient ja estre a l asenbler 3960 Lonbart l entendent si pristrent a trenbler 3961 Dist l un a l autre Ne poons eschaper 3962 Hui nos covient nostre tens afiner 3963 Rois Boniface qui ca nos fist torner 3964 Ne se pooit mieuz de nos delivrer 3965 Or puet noz fames richement marier 3966 Et noz granz terres a autre home doner 3967 James .j. seul n en verra retorner 3968 Qant Aymeris les ot si dementer 3969 Les suens barons en prist a apeler 3970 Seignor fet il ne vos quier a celer 3971 Ces Lonbarz ci voi molt espoenter 3972 Mes d une chose me puis bien ramenbrer 3973 Que Boniface me fist bien commander 3974 Qant de lui dui partir et desevrer 3975 Que se venoie a bataille asenbler 3976 El front devant les meisse chapler 3977 Si veil c avant les facons toz aler 3978 Et qant vendrons as ruistes cox doner 3979 Se les veez foir ne reculer 3980 Proier vos veil a toz et commender 3981 C a voz espees les alez decoper 3982 Ja autre Turc n i querez n autre Escler 3983 Qant Lonbart oent le conte ainsi parler 3984 Dist l un a l autre N i poons plus durer 3985 Par mi la mort nos covient a passer 3986 Encore ancui n en poons eschaper 3987 Mes Damedex puist celui vergonder 3988 Qui se lera ocirre et decoper 3989 Si l avra fet as paiens conparer 3990 Tel hardement prenent a recovrer 3991 Que toz les autres en puet en mieuz amer 3992 Seignor baron dist Aymeris li ber 3993 G irai avant le premier cop doner 3994 Sor mon destrier fervestuz et armez 3995 Ja n i menrai ne conpangon ne per 3996 S a l amirant pooie ja parler 3997 Que a delivre le poisse trouver 3998 C est bon espie qui si est d acier cler 3999 Li cuit ge fere par mi le corps passer 4000 Se lor seignor pooie mort giter 4001 Petit porroit li remenanz durer 4002 Et vos vos faites garnir et aprester 4003 Qant vos orroiz mon olifant soner 4004 Et les paiens entor moi asenbler 4005 Secorez moi tantost sanz demorer 4006 Ja n avez vos que ce tertre a passer 4007 Et cil responent Bien fet a creanter 4008 Qui vos faudra Dex le puist craventer 4009 A ces paroles s en est li cuens tornez 4010 Sor son destrier fervestuz et armez 4011 Dex le conduie qui an croiz fu penez 4012 Passe le tertre si est en l ost entrez 4013 Voit le pomel dont li aigle ert dorez 4014 Partant conut que c ert li mestre trez 4015 Sor son destrier i vint tot abrivez 4016 L amirant trueve et iij. rois coronnez 4017 N i avoit plus Sarrazin ne Escler 4018 La conseilloient entr eus por deviser 4019 Com il porroient la cite conquester 4020 Au feu grezois esprendre et alumer 4021 Mes en pou d eure changera lor penser 4022 Es vos le conte qui est dedanz entrez 4023 Porte l espie qui est gros et carre 4024 Et par devant estoit li fers tornez 4025 Li troi roi saillent chascuns fu effreez 4026 Dist Aymeris Gloton car vos seez 4027 Mieuz vos ira espoir que ne pensez 4028 Ou pis espoir se ne voz i gardez 4029 Car ne vos veil de riens aseurer 4030 Mesagiers sui ja nel vos quier celer 4031 Au meillor roi dont nus oist parler 4032 C est Charlemaine li gentis et li ber 4033 Cil si m envoie son mesage conter 4034 A l amirant que por fol puis clamer 4035 Qant il osa sor nos a ost torner 4036 Si vieng a lui enquerre et demander 4037 S avant ira ou ci vodra ester 4038 Li quieus est ce fetes le moi mostrer 4039 Li amiranz respont sanz demorer 4040 Sire vasax ja ne m i quier celer 4041 Je sui li sire a cui volez parler 4042 Par Mahomet que ge doi aorer 4043 Bien vos poez por fol musart prover 4044 Qui toz armez osastes ci entrer 4045 Et li portiers le doit bien conparer 4046 Qant vos lessa le suel ainsi passer 4047 Si fera il ne l en puet nus garder 4048 Que ne li face ou pie ou pong coper 4049 Ou de la teste endeus les euz crever 4050 Dist Aymeris De folie oi parler 4051 De biau respondre ne savez apanser 4052 Mes se des autres puet son cors delivrer 4053 D androit de vos le cuit bien aquiter 4054 Je vos deffi nel vos quier plus celer 4055 De Damedeu qui tot a a sauver 4056 Brandist l espie o le fer d acier cler 4057 Fiert l amirant quanqu il pot enteser 4058 Par mi le cors li fist le fer passer 4059 Del faudestuel le fet mort craventer 4060 Qant Sarrazin l ont veu jus verser 4061 Et a la terre morir et janbeter 4062 En fuie tornent sanz plus de demorer 4063 Et li troi roi se cuident destorner 4064 Mes Aymeris lor fu a l ancontrer 4065 Au branc d acier lor fet les chies voler 4066 Del tref se prent par force a retorner 4067 Paien le voient n i ot qu espoenter 4068 IIc. ensengnes i oissiez crier 4069 Dont s estormissent Sarrazin et Escler 4070 Le conte vont si fort avironner 4071 Que de nul sans ne s en pot eschaper 4072 Voit l Aymeris le sans cuide desver 4073 Il trait l espee dont li brans luisoit cler 4074 Cui il consiut son tans li fait finer 4075 Car il n avoient loisir d eus adober 4076 Desarme furent si ne porent durer 4077 C a chascun cop n en face .j. mort giter 4078 Lors fait li cuens son olifant soner 4079 Par .iiij. enpaintes molt hautement et cler 4080 Que bien l entandent si baron et si per 4081 Que il ot fet lez le mont arester 4082 Adonc desrengent sanz plus de demorer 4083 Qui ainz qui mieuz pansent d esperonner 4084 Et le grant tertre molt tost a devaler 4085 En l ost se fierent hardi comme sengler 4086 Monjoie escrient qant vint a l asenbler 4087 Adonc cuidierent Sarrazin et Escler 4088 Que ce fust Charles qui tant fet a douter 4089 Qui ait de France fet son ost amener 4090 Plus le redoutent que home de ca mer 4091 Ne s erent pas encores fet armer 4092 Ce fist Lonbarz hardement recovrer 4093 As brans d acier lor vont granz cox doner 4094 De ci au conte les ont fet reuser 4095 Mes Sarrazin que Dex puist craventer 4096 Li ont ja fet son destrier mort giter 4097 Si li levoient le pan de l auberc cler 4098 Par mi le cors li voloient bouter 4099 Lor granz espiez por li fere finer 4100 Qanz Fouquerez et Jeufroiz de Valcler 4101 Et cil Fouquins dont m oistes parler 4102 Qui ala le mesage conter 4103 Et avec eus maint baron et maint per 4104 Pongnent por li secorre 4105 A la rescouse del preu conte Aymeri 4106 Vindrent pongnant maint chevalier hardi 4107 Qui li baillierent un destrier arabi 4108 Li cuens i monte que plus n i atendi 4109 En son pong tint le branc d acier forbi 4110 Lors recommence l estor grant et forni 4111 Paien demoinent et tel noise et tel cri 4112 Que d une liue les a l en bien oi 4113 Tantost s adoubent paien et Arabi 4114 Qant arme furent li gloton malei 4115 Au fort estor sont molt tost reverti 4116 Mes ainz qu il fussent tuit d armes bien garni 4117 En ont tant mort noz chevalier hardi 4118 Que entor aus en sont li pre vesti 4119 Mes qant arme sont li Deu ennemi 4120 Lors veissiez fier estor esbaudi 4121 Tant hante frete et tant escu croissi 4122 Et tant hauberc desrout et desarti 4123 Et detranchie tant vert hiaume bruni 4124 Mal fu baillis qui a terre chai 4125 Que n en leva se il n ot bon ami 4126 Paien demoinent et tel noise et tel cri 4127 Que tuit en furent li Lonbart esbahi 4128 Molt volentiers s en fussent tuit foi 4129 Mes tant redoutent le preu conte Aymeri 4130 C onques .j. seus de l estor ne parti 4131 Car qant il voient le preu conte hardi 4132 Qui devant eus la presse departi 4133 Li plus coarz hardement recoilli 4134 Si fiert chascuns del branc d acier forbi 4135 Sor la gent Sarrazine 4136 Grant hardement recoillent li Lonbart 4137 Por Aymeri qui les granz cox depart 4138 Sont devenu hardi li plus coart 4139 Qant lor remenbre de lor dame Hermenjart 4140 Qui tel baron doit avoir a sa part 4141 Chascuns d aus broche le bon destrier liart 4142 L un porte hache et li autres faussart 4143 As cox doner cuident venir a tart 4144 Sor paiens fierent ainsi comme liepart 4145 Des glotons font le jor si grant essart 4146 Que n en diroie la moitie ne le cart 4147 Cuens Aymeris s en est donez regart 4148 Voir dist li cuens bien le font li Lonbart 4149 Ques blameroit jel tandroie a musart 4150 Car vers paiens sont felon et gangnart 4151 M amor ont recovree 4152 Tres bien se sont li Lonbart maintenu 4153 As premiers cox ont fort estor rendu 4154 Bien ont as Turs lor mautalant vendu 4155 D autre part sont asenble et venu 4156 Li chevalier Aymeri et si dru 4157 Les Lonbarz ont fierement secoru 4158 A l estor vienent a force et a vertu 4159 Et d autre part Sarrazin mescreu 4160 Grant cri demoinent et grant noise et grant hu 4161 Entre Francois se sont tuit enbatu 4162 Portent maint dart et maint espie molu 4163 Sor crestiens ont chaple et feru 4164 Assez en ont navre et abatu 4165 A grant meschief cuens Aymeris i fu 4166 Qant li mesage i sont tuit acoru 4167 Cil qui estoient de Pavie venu 4168 LX. estoient baron de grant vertu 4169 Qui Aymeri furent ami et dru 4170 Chascuns a point le bon destrier crenu 4171 Cil ont le conte vaillament secoru 4172 La veissiez fier estor maintenu 4173 Tant hante frete et percie tant escu 4174 Et tant hauberc desmaillie et ronpu 4175 Tant braz tranchie tant pong tant pie tant bu 4176 Et tant paien trebuchie et cheu 4177 Mes tant estoient li gloton mescreu 4178 Se Dex n en panse par la seue vertu 4179 Cil de Vienne seront a tart venu 4180 Li dus Girarz si ami et si dru 4181 Qui secors lor ameinne 4182 Grant fu l estor longuement a dure 4183 Paien ont molt noz crestiens greve 4184 De totes parz se furent adoube 4185 Et a l estor venu et amasse 4186 Tant en i ot ja ne fussent nonbre 4187 ,V. rois paiens i ot de grant fierte 4188 Chascuns si a son olifant sone 4189 S ont lor ensengne hautement escrie 4190 Lors sont paien entor aus aune 4191 Tuit li fuiant sont el chanp retorne 4192 Sor crestiens ont feru et chaple 4193 Maint en ont mort li gloton desfae 4194 Ja fussent tuit Francois desbarete 4195 Qant Hugues vint au coraje adure 4196 Guiz et Aliaumes li dui conte ennore 4197 Sanses et Aimes qui molt orent fierte 4198 Et d Apolice Oton le roi menbre 4199 De Rosillon Girarz au cuer sene 4200 Jeufroiz d Anjou o le branc entese 4201 Li dus Hernaus qui molt ot de bonte 4202 Et Savaris sor .j. destrier loe 4203 LX. furent prince conte et chase 4204 Qui por le conte Aymeri le menbre 4205 A Pavie orent le mesage porte 4206 Tuit cil desrengent n i ont plus demore 4207 Et fort estor se fierent abrive 4208 Chascuns tint tret le branc d acier letre 4209 Maint paien ont ocis et decope 4210 Cui il consivent tot a son tans fine 4211 A ice poindre ont paien reuse 4212 La veissiez fier estor adure 4213 Tant hante frete et tant escu troe 4214 Et tant hauberc desrout et desafre 4215 Tant braz tranchie tant pie tant pong cope 4216 Tant Sarrazin trebuchie et verse 4217 Par ces chans fuient cil destrier ensele 4218 Tuit estraier de seignor esgare 4219 Qui la vosist bon destrier abrive 4220 Prendre en peust tot a sa volente 4221 Paiene gent ont glati et ule 4222 Mahom reclaiment que il ait d aus pite 4223 Li roi paien en sont forment ire 4224 Chascuns si a .j. olifant sone 4225 Sonent tabors et cil cor ont corne 4226 Lors se ralient li gloton desfae 4227 Tex iiij. mile se resont asenble 4228 Qui encor n orent el grant estor este 4229 Hulent et crient et moinent tel fierte 4230 La terre en crole environ et en le 4231 Lors ont l estor del tot renovele 4232 Sor crestiens ont feru et chaple 4233 Plus d une archie les ont ferant mene 4234 Voit l Aymeris pres n a le sans desve 4235 Point le destrier par molt ruiste fierte 4236 Fiert s en la presse le bon branc entese 4237 Et apres lui li xx. conte ennore 4238 N i a celui n ait chastel ou cite 4239 Se Dex n en panse par la seue bonte 4240 Ainz que retornent l avront chier conpare 4241 Car de paiens sont si avironne 4242 Que ge ne voi com soient eschape 4243 Car l un de l autre sont par force sevre 4244 Ne set li uns ou li autre est ale 4245 Aymeri ont li Sarrazin navre 4246 Et soz lui mort son destrier abrive 4247 Li cuens saut sus tint le branc acere 4248 Les nons Jesu a forment reclame 4249 Environ lui a fierement chaple 4250 Et paien sont entor lui amasse 4251 De loinz li lancent les espiez noielez 4252 Mes li non Deu que il avoit nomme 4253 L ont de la mort garenti et tense 4254 D autre part sont li franc conte alose 4255 Qui en la presse erent o lui entre 4256 Li uns de l autre ne sot nule verte 4257 N i a celui n ait le cors entame 4258 En iiij. leus et plaie et navre 4259 Et lor destrier estoient mort gite 4260 A pie estoient li franc conte menbre 4261 Chascuns tenoit le bon branc acere 4262 Maint paien ont ocis et decope 4263 Mes ne lor vaut .j. denier monnee 4264 Car de paiens sont si avironne 4265 Se Dex n en panse li rois de majeste 4266 Ja de mort n ierent garanti ne tense 4267 Tant les asaillent li gloton desfae 4268 Que .x. en prenent qui molt erent lasse 4269 Et piez et poinz lor ont forment noe 4270 Et il ont Deu hautement reclame 4271 Qu il les secore par la seue bonte 4272 Tant durement sont li conte escrie 4273 Que cil les oient de la bone cite 4274 A lor ensengnes les ont bien ravise 4275 Dist Elinanz Trop avons demore 4276 Cuens Aymeris au coraje adure 4277 Si nos secort a son riche barne 4278 Issons la fors franc chevalier menbre 4279 Si lor aidons par bone volente 4280 Et cil responent Ore avez bien parle 4281 Qui vos faudra ses cors ait mal dahe 4282 Isnelement se sont tuit adoube 4283 Cil qui estoient et plaie et navre 4284 Si ont lor flans estroitement bande 4285 Sor les destriers sont maintenant monte 4286 Les portes ovrent s ont le pont avale 4287 De laienz issent et rengie et serre 4288 Entre paiens se fierent abrive 4289 Si a chascuns devant lui aterre 4290 Celui qu il a premerain encontre 4291 Mes en pou d eure fussent desbarete 4292 Qant Girarz vint o son riche barne 4293 Cil de Venne au coraje adure 4294 Riche secors a li dus amene 4295 A tot .x. mil fervestu et arme 4296 Fres et novel sont en l estor melle 4297 Lors ont l estor del tot renovele 4298 Sor paiens fierent par molt ruiste fierte 4299 Tant en ocient ne puet estre nonbre 4300 Paien le voient si sont espoente 4301 N est pas merveille se il sont effree 4302 Car bien savez de fine verite 4303 C ainz ne vit nus si grant ost asenble 4304 Se il perdirent lor seignor avoe 4305 Que il ne fussent tantost desbarete 4306 Et qant il virent le franc duc redoute 4307 Girart qui ot tel secors amene 4308 Tout maintenant sont en fuie torne 4309 Que puis n i ot ganchi ne trestorne 4310 Li dus Girarz a tant esperonne 4311 Parmi l estor et venu et ale 4312 Que tot a pie a Aymeri trove 4313 Son chier neveu que il a tant ame 4314 Tant ot feru de son branc acere 4315 Que tuit li braz l en estoient enfle 4316 Et si l avoient paien el cors navre 4317 Li sans li ist par le hauberc safre 4318 Tot l esperon en ot ensanglante 4319 Voit le Girarz pres n a le sans desve 4320 Prent .j. destrier si li a presente 4321 A pie descent si l a aresone 4322 Biaus nies fet il estes vos en sante 4323 Oil biaus oncles la merci Damede 4324 Mes s un petit eussiez plus este 4325 Je sai de voir mal me fust encontre 4326 Or tost biaus oncles n i ait plus demore 4327 Gardez paien ne soient eschape 4328 Or tost apres trop avons sejorne 4329 A ice mot sont andui remonte 4330 Apres paiens ont brochie et hurte 4331 Et tuit lor home apres esperonne 4332 Les .x. barons ont devant eus trove 4333 Que Sarrazin orent enprisone 4334 Toz les liens lor ont molt tost cope 4335 Et cil monterent qant furent delivre 4336 Mes Sarrazin s enfuient aroute 4337 Li dus Girarz les a forment haste 4338 Au dos les siut el pong le branc letre 4339 Sor aus a bien son hardement prove 4340 Cui il consiut tot a son tans fine 4341 De ci au vespre a li enchauz dure 4342 Des paiens morz furent jonchie li pre 4343 Entre les morz sont li vif ostele 4344 Cheoir se lessent ausin comme pasme 4345 Del sanc as morz se sont ensanglante 4346 Que il ne soient perceu n avise 4347 Mal soit de ceus qui soit eschape 4348 Fors Baufume et le roi Desrame 4349 Par tost aler ont le jeu joe 4350 Ensenble o eus .xxx. paien arme 4351 A lor nes vienent si sont dedanz entre 4352 En un chalant s en sont nagent torne 4353 Tout droitement a Cordres 4354 Aymeris a bien l enchaut maintenu 4355 O lui Girarz si ami et si dru 4356 Se il ne fussent a ce besong venu 4357 A Aymeri en fust mal avenu 4358 Tuit fussent mort et pris et confondu 4359 Se il ne fussent a ce point secoru 4360 Il s en repairent qant l estor fu veincu 4361 Aymeris est a son oncle coru 4362 Chascuns d eus oste de son chief l iaume agu 4363 Il s entrebesent qant ont di lor salu 4364 Li dus Girarz qui proz et sages fu 4365 Li dist Biaus nies com vos est avenu 4366 Molt bien biaus oncles merci au roi Jesu 4367 Et vos qui nos avez mestier eu 4368 Vers Sarrazins nos somes conbatu 4369 Tant longuement nos somes desfandu 4370 Que tuit en somes lasse et recreu 4371 Se ne fussiez a itel point venu 4372 Mien escient tuit i fussions veincu 4373 N en eschapast ne juenne ne chenu 4374 Mes a tel point nos avez secoru 4375 Que Deu merci l estor avons veincu 4376 Et si avons grant avoir retenu 4377 Que aporterent li felon mescreu 4378 Dont tieus ert riches qui devant povres fu 4379 Si en sera largement despandu 4380 A feste et a grant joie 4381 Girarz descent en une praierie 4382 Et avec lui sa riche conpangnie 4383 A lor talant ont pris herbergerie 4384 Li dus Girarz de neant ne s oblie 4385 Son neveu dist a la chiere hardie 4386 Aymeris sire nel vos celerai mie 4387 Ce que vos mande dame Guibourc m amie 4388 Par moi vos mande droiz est que le vos die 4389 Ne faites noces dedanz sale voltie 4390 Ne an chastel ne an cite garnie 4391 Qant vos prendroiz Hermenjart de Pavie 4392 Mes en ces tentes par mi la praierie 4393 Et en ces tres a la gent paiennie 4394 Fetes vos noces par molt grant seignorie 4395 Si menez feste et joie resbaudie 4396 Et tel richesce et si grant baronnie 4397 Que jusqu en France soit la novele oie 4398 Charles li rois a la barbe florie 4399 Qui vos lessa ceste terre en baillie 4400 Vos en avra plus chier tote sa vie 4401 Dist Aymeris a la chiere hardie 4402 Oncles Girarz par Deu le fil Marie 4403 Si com vos dites qui quel tiengne a folie 4404 L ai en panse a fere 4405 Aymeris a sa fame demandee 4406 Girarz ses oncles la li a amenee 4407 Li cuens la bese et si l a acolee 4408 Bele fet il buer fussiez vos ainz nee 4409 Or seroiz dame de ceste grant contree 4410 La dame l ot si s est vers lui clinee 4411 Tote la nuit ont grant joie menee 4412 Cuens Aymeris a la chiere menbree 4413 Manda .j. mire sanz plus de demoree 4414 Paiens fu ja d outre la mer salee 4415 Une poison a molt tost destranpee 4416 A Aymeri a sa plaie bandee 4417 El cors li a la poison avalee 4418 Ainz que venist au main a l ajornee 4419 Fu il plus sains que n est pome paree 4420 Au matinet qant l aube fu crevee 4421 Ont Hermenjart richement acesmee 4422 Puis la monterent sor la mule afeutree 4423 Jusq a Nerbone ont la dame menee 4424 Ou l arcesvesque la li a espousee 4425 Si ot bien .c. d autre gent ordenee 4426 Dame Guiborc s en est avant alee 4427 Fame Girart a la chiere menbree 4428 A haute voiz s est la dame escriee 4429 Aymeris sire or oiez ma pansee 4430 Por amor Deu qui fist ciel et rousee 4431 Vez ceste dame qu est de haute gent nee 4432 El n a parant en iceste contree 4433 Seror ne frere dont ele soit privee 4434 De son doaire ne doit estre obliee 4435 Car li nomez sire s il vos agree 4436 Plus en avra s amor a vos tornee 4437 Si vos en ert plus cortoise et privee 4438 Dist Aymeris Bien en ert asenee 4439 Premierement soit Nerbone nommee 4440 Et Biaulandois et Biaulande la lee 4441 Car en doaire fu ma mere donee 4442 Or resoit hui Hermenjart delivree 4443 Tote sa vie en ert dame clamee 4444 C est une chose qui as barons agree 4445 Dex a quel joie l a li cuens espousee 4446 Miedis fu qant messe fu chantee 4447 Del mostier issent sanz nule demoree 4448 Hermenjart ont molt richement montee 4449 Li dus Girarz l a le jor adestree 4450 Bohordant vont tot contreval la pree 4451 Cil damoisel qui sont de renommee 4452 Mainte lance ont brisiee et tronconnee 4453 Cil jugleor ont grant joie menee 4454 Mainte viele ont le jor atenpree 4455 Et mainte harpe mainte gigue sonnee 4456 De ci as tantes n i ot resne arestee 4457 La descendirent el milieu d une pree 4458 Hermenjart ont as dames delivree 4459 Et eles l ont el mestre tref menee 4460 Le jor l ont molt servie et ennoree 4461 Cil de Nerbone ont la feste levee 4462 Vin et piment et char fresche et salee 4463 Et voleilles ont apres amenee 4464 Et de vitaille mainte grant charretee 4465 Et tot ice qui a cors d omme agree 4466 Et d une part et d autre ont aportee 4467 Tant de viande que ja n iert acontee 4468 Et qant el fu bien cuite et conreee 4469 Li dus Girarz sanz plus de demoree 4470 Fait commender que l eve soit donee 4471 En .xxx. leus fu as tantes criee 4472 Cil damoisel si ont l eve aportee 4473 As hauz barons de plus grant renommee 4474 Mainte richesce i ot le jor mostree 4475 Maint bacin d or mainte toaille ovree 4476 Et mainte hennap mainte cope doree 4477 Plus bele gent ne vit nus asenblee 4478 Les napes metent tot contreval la pree 4479 Qant mises furent c est verites provee 4480 En toz sans durent plus d une arbalestee 4481 Mengier i porent tuit cil cui il agree 4482 C onques vitaille ne lor fu deveee 4483 Ainz fu a toz del tot abandonee 4484 Des mez qu il orent ne vos faz devisee 4485 Mes nule gent ne fu mieuz ennoree 4486 Comme cil furent tot contreval la pree 4487 As noces soz Nerbone 4488 Huit jorz durerent les noces Aymeri 4489 Si richement chascun jor com ge di 4490 Furent li riche et li povre servi 4491 Ainz de tieus noces nus hom parler n oi 4492 Au nueme jor si se sont departi 4493 Girarz s en vait que plus n i atandi 4494 Droit a Vienne et si home avec li 4495 Et sa moillier au gent cors seignori 4496 Et a Saint Gile s en vait Raimon ausi 4497 Ors a Valence ou ot este norri 4498 En lor pais vont li conte hardi 4499 Dedanz Nerbone ont lessie Aymeri 4500 Et Hermenjart qu il ama et cheri 4501 Ainz de tel dame nus hom parler n oi 4502 .C. anz la tint li preuz cuens Aymeri 4503 Es premiers .xxx. ce set en bien de fi 4504 VII. fiz gentis li cuens engenoi 4505 Tuit furent conte et prince seignori 4506 Et si conquistrent comme fier et hardi 4507 Les granz marches d Espengne 4508 Li premiers fiz Aymeri le vaillant 4509 Cil ot a non dant Bernart de Brebant 4510 Si fu ses fiz li palazins Bertrant 4511 Qui en sa vie fist de proesces tant 4512 Parmi Espangne contre gent mescreant 4513 Li segonz fu Guillaume le puissant 4514 Cil au cort nes a l adure talant 4515 Qui tante poine sofri en son vivant 4516 Que nel puet dire nus hom qui vos en chant 4517 Nimes conquist par le charroi menant 4518 Et si ocist et Herpin et Otrant 4519 Qui erent roi de la cite vaillant 4520 Et puis Orenge conquist la cite grant 4521 Et bautisier fist Guiborc la vaillant 4522 Puis l espousa bien le sevent auqant 4523 Soz Rome ocist Corsolt le mescreant 4524 Crestiente essauca toz jorz tant 4525 Que Dex l ama bien fu aparissant 4526 Car en la fin ce trovons nos lisant 4527 En deservi la joie permenant 4528 Cil mena bone vie 4529 Cil segons fiz Guillaumes que ge di 4530 Por amor Deu tante poine sofri 4531 Que en la fin sa gloire en deservi 4532 Garins ot non li tierz fiz Aymeri 4533 Cil d Anseune ce savons nos de fi 4534 Qui pere fu Vivien le hardi 4535 Le fier vasal dont vos avez oi 4536 Que tant ot cuer et vaselaje en li 4537 Que Damedeu voa tant com vesqui 4538 Qu il ne fuiroit de grant estor forni 4539 Plus d une lance por paien Arrabi 4540 Ceste parole tint bien que n en menti 4541 En Aleschans tante poine sofri 4542 Qu il en fu morz por le veu que ge di 4543 En Aleschans Guillaumes l enfoi 4544 Encore i gist il ores 4545 Li carz des fiz Aymeri le menbre 4546 Ot non Hernaut ce set en de verte 4547 Cil de Gironde qui tant ot de fierte 4548 Il se venta d une grant folete 4549 Mes toz ses diz torna a fausete 4550 Car il dist ce voiant tot son barne 4551 Que fame rouse n avroit en son ae 4552 Puis en ot une ainz lonc terme passe 4553 Qu il n ot plus laide en une grant cite 4554 D un pie clochoit s ot .j. oil avugle 4555 Si estoit rouse et il rous par verte 4556 Et apres s est d autre chose vente 4557 Qu il ne fuiroit d estor por home ne 4558 Puis l enchacierent Sarrazin desfae 4559 Granz .iiij. liues jusque dedanz .j. gue 4560 Si l enbatirent dedanz estre son gre 4561 Ainz qu il eust outre l eve passe 4562 Enclost il anz jusq a l iaume geme 4563 Puis se venta d une autre folete 4564 Ne mengeroit de torte en son ae 4565 Puis fu tele eure ainz lonc terme passe 4566 Qu il en menjast volentiers et de gre 4567 S ele fust d orge ou de plus aspre ble 4568 Et croute et mie en menjast par verte 4569 Qu il n en donast a dru ne a prive 4570 Qant asegie l orent en sa cite 4571 Li xij. fil Borrel le desfae 4572 Et neporqant s iert il de grant bonte 4573 Forz et hardiz et de ruiste fierte 4574 S ot en lui molt preudome 4575 Li quinz des fiz Hermenjart la loee 4576 Si ot non Bueves a la chiere menbree 4577 Cui Aymeris dona la bone espee 4578 Gresbe la bone qui tant fu redoutee 4579 Dont il dona tante pesant colee 4580 Sor Sarrazins la pute gent desvee 4581 Dex tante dame en fu veuve clamee 4582 Tante pucele orfeline apelee 4583 Cil ot ij. fiz de molt grant renommee 4584 Qui onques n orent mauvestie en pansee 4585 L un fu Girarz a la chier menbree 4586 Et l autre Guis par bone destinee 4587 Vers Sarrazins murent mainte mellee 4588 Qant furent en Barbastre 4589 Li sises fiz qu engendra Aymeris 4590 Si ot a non Aymers li chetis 4591 Li preuz li sages li cortois li gentis 4592 Qui en sa vie ot tant de paiens ocis 4593 Si ne vost onques gesir tant com fu vis 4594 En tor entie ne en pales votiz 4595 Ainz guerroia sor Sarrazins toz dis 4596 Et si conquist Venice et le pais 4597 Et Soramonde la bele o le cler vis 4598 Toli par force a l aufage Oersis 4599 Bautisier fist la dame seignoriz 4600 Si crut en Deu qui en la croiz fu mis 4601 Puis l espousa li gentis hom de pris 4602 Sire fu de la terre 4603 Li siemes fiz Hermenjart au cuer fin 4604 Et Aymeri le conte palazin 4605 Si apelerent le menor Guibelin 4606 Molt ot franc cuer et coraje enterin 4607 S orent en lui paien felon voisin 4608 Maint en ocist a son branc acerin 4609 Mes a un jor le pristrent Sarrazin 4610 En croix le mistrent li cuvert barbarin 4611 Molt grant martire fesoient del meschin 4612 Qant le rescout son pere et son cousin 4613 Puis li dona Aymeris en la fin 4614 Tot son pais et son pales marbrin 4615 Si fu oirs de Nerbone 4616 Entre ces freres si ot v. serors nees 4617 Plus furent beles que sereinnes ne fees 4618 Qant bien norries les ot et alevees 4619 Cuens Aymeris qui chier les ot gardees 4620 A riches princes dont molt furent amees 4621 Les a li cuens richement mariees 4622 Tant les ot Dex par sa grace amendees 4623 Et essauciees et a ennor montees 4624 De maintes terres furent dames clamees 4625 Par eus crut li lingnajes 4626 L ainee fille donerent a moillier 4627 A un baron qui molt fist a proisier 4628 Cil ot a non Dreues de Mondidier 4629 IIII. fiz orent qui furent preu et fier 4630 L un fu Gaudins et li autres Richier 4631 Et li dui autre Sanson et Angelier 4632 Qui tant aiderent Guillaume le guerrier 4633 Crestiente firent molt essaucier 4634 Forment les dut Guillaumes avoir chier 4635 Neveu furent au conte 4636 L autre donerent a j. baron vaillant 4637 Raoul del Mans a l adure talant 4638 Icil si orent .j. molt gentil enfant 4639 Qu il apelerent Anquetin le Normant 4640 Molt ot en lui ce sevent li auqant 4641 Hardi vasal et fier et conbatant 4642 Sa grant proesce fu bien aparissant 4643 Envers paiens que il guerroia tant 4644 Maint en ocist a l espee tranchant 4645 Ainz nes ama nul jor de son vivant 4646 Molt bien aida Guillaume le puissant 4647 Et au riche lingnaje 4648 La tierce fille donent a un marchis 4649 Qui d Angleterre fu hauz hom et de pris 4650 Et puis fu sains ce dient el pais 4651 Et deservi la joie en paradis 4652 Mes aincois orent .v. enfanz molt gentis 4653 L un fu Rabiaus li autres Estormis 4654 Li tierz Mularz qui fu fiers et hardiz 4655 Li carz si fu Soef del Planteiz 4656 Et sains Morans fu li quinz ce m est vis 4657 Oi avez que molt fu Deu amis 4658 A Doai gist li bons cors sainz de pris 4659 Molt ot sainz el lingnaje 4660 La carte fille Hermenjart de Pavie 4661 Donent Huon a la chiere hardie 4662 De Floreinville ot cil la seignorie 4663 De celui fu Fouques qui tint Candie 4664 Dont li plusor ont la chancon oie 4665 Qu il la conquist par sa chevalerie 4666 Et Anfelise la bele l eschevie 4667 Toli par force a la gent paienie 4668 Puis l espousa qant sa loi ot guerpie 4669 Et crut en Deu le fil sainte Marie 4670 Cele estoit suer .j. roi d Esclavonie 4671 Ce fu Tibaut a la chiere hardie 4672 Qui guerroia Espangne 4673 La menor fille Aymeri le baron 4674 La plus juennete Blancheflor ot a non 4675 Molt par fu bele et de gente facon 4676 Et sus les autres fu de plus grant renon 4677 Molt li dona Damedex riche don 4678 Qant a moillier la prist li fiz Charlon 4679 Rois Looys qui molt par fu preudon 4680 Et tint la terre a force et a bandon 4681 Et ocist puis tant Sarrazin felon 4682 Bien en avez oie la chancon 4683 Que en bataille ocist le roi Gormont 4684 Cil Looys que nos ci vos dison 4685 Prist Blanchefor a la clere facon 4686 Roine fu de France 4687 Si richement com ge ci vos devis 4688 Si maria ses filles Aymeris 4689 Desor toz contes fu li cuens posteis 4690 Et par le mont plus enforciez d amis 4691 Ses fiz toz .vij. ainsi com ge vos dis 4692 Retint li cuens o lui en son pais 4693 Tant les norri li bons cuens seignoriz 4694 Que tuit .vij. furent damoisel de haut pris 4695 Plus fiers danziax ne vit hom qui soit vis 4696 Plus corageus plus fiers ne plus hardiz 4697 Molt grant mestier lor fu ce m est avis 4698 Car en tel marche fu li cuens Aymeris 4699 C onques n i fu sanz guerre .xv. dis 4700 Tant l asaillirent li Turc et li Persis 4701 Que de la guerre eust sovant le pis 4702 Se ne feussent li damoisel de pris 4703 Qui si li ont marez ses ennemis 4704 Que en pes tint sa terre et son pais 4705 Or se pansa li frans cuens posteis 4706 Q an autres terres a rois et a marchis 4707 Envoiera les damoisiax gentis 4708 S iront ennor conquerre