lege nomen=predigtr;continuatio=nulla
inhalt$
biblio$/Deutsche Predigten des XII. und XIII. Jahrhunderts [...],/hrsg. von Karl
Roth,//Quedlinburg und Leipzig/1839#(Bibliothek der gesamten deutschen 
National-Literatur von der \"altesten bis auf die neuere Zeit, Bd. 11, 
Teil 1)
pred$1/
$1/uz elliu diu urchunde, diu da gescriben waren uon
unsers herren, des heiligen christes, geburte, unt uon siner
heiligen marter, unt uon siner heiligen urstende; diu
offent er da, unt zait si den iuden, daz si uon dem heiligen
christo gescriben waren.
$2/daz uernamen im ovch alle
die wol, die da in dem sende warn, unt sahen in ane,
unt scovweten sin antlutze.
$3/wan diu heilige scrift
saget uns, daz daz sin antlutz ware so scone unt so liehte
worden, sam er ain heiliger engel uon himil ware.
$4/Do der heilige gotes man also stuont in der grozen
mandunge der tiefen rede, do sah er uf hin ze himile,
unt sprach:
$5/Ecce uideo celos apertos, et filium
hominis  stantem a dextris uirtutis dei.#Latein; Ich sihe den
himil offen, unt sihe den heiligen gots sun unt der
maide sun, unsern herren ihesum christum, bi sins uater zeswen,
den ir uil maintate iuden an daz cruce hinget.
$6/ Sa
bi dem worte, do bewnten die iuden iriu hovpt, unt
uerhabeten iriu \^oren, daz si die marter unsers herren
heten gehorte nennen.
$7/wande si in in dem selben iare
heten gemartert, so warn ovch si so ergremet, daz niemen
uon siner marter getorste predigen, noch sagen, si
marterten in unt br\aehten [(?)in(?)] zuo dem tode.
$8/Wande
si des niht wirdic waren, daz si diu gots tovgen sahen,
so wolten ovch si siner lere nie mere horn; Sunder si
uiengen unt fuorten [(?)in(?)] hin uz in daz uelt, unt steint[(?)en(?)]
in ze tode.
$9/Do der heilige gotes truot, der guote s. Stephan,
nider an diu chnie chom, do hub er uf siniu ovgen unt
sine hende hin ze got, unt sprach:
$10/ Domine ihesu,
suscipe spiritum meum.#Latein; Herre ihesus, nu enphahe minen
geist unt min arme sele.
$11/Positis autem genibus
clamauit uoce magna, dicens: Domine, ne statuas
illis hoc peccatum!#Latein
$12/Dar nach bat er umbe sine
uient unt umbe die ungetriwen iuden, die in da gemartert
heten, unt sprach: Herre, nu uirgib in ir missetat,
die si an mir begangen habent, unt engesezze ins ze
deheinen sunden.
$13/Et cum hoc dixisset, obdormiuit
in domino.#Latein; Mit dem wort, min uil lieben, so verwandelt der
heilige man uon den wrfen unt unter den steinen disen
[(?)lip(?)].
$14/Daz ist der guote s. Stephan, des tac ir hiut
beget.
$15/den scult ir hiut ze boten senden zuo dem
heiligen christus; wand er daz umbe in uerdient hat, daz er
sinen heruanen unt sine herzaichen leiten scol uor allen
martiraren, unt umbe sin selbes uient pat an der stet,
da si im den lip namen.
$16/Wande ir im nu holt birt,
unt im uil gerne dient; so scult ir im des uil wol getruwen,
daz er iwer botscaft hiut werue fur den almahtigen
got umbe alle iwer angest unt umbe alle not.
pred$2/In natiuitate Sancti Iohannis.
Ualde honorandus est beatus iohannes, qui super pectus
domini in cena recubuit.#Latein
$1/Ir scult hiut uil inneclichen ane ruofen den guoten
s. iohannem ewangelistam, unt den heiligen boten unsers
herren, des tac ir hiut beget.
$2/wande in unser herre
got uzer aller dirre werlt zaime sunder truote erwelt,
unt lie in ruowen uf sine bruste, da er mit sinen iungern
ze tiske saz.
$3/Dar nach enphalhe in unser herre,
der heilige christus, siner uil lieben muoter, unser frowen s.
Marien; beualch, da er an dem heiligen cruce uon disem
libe schiet, daz si in mint unt liebt an ir suns stet.
$4/Unt beualch ovch si im hin widere, daz er phl\aege
unt ir uor ware an siner muoter stet.
$5/Den heiligen gots truot, den unser herre also hat
geliebt unt gert, zuo dem scult ir fliehen, unt scult in
iv hiut zaime uor sprechen chiesen unt zaime uater.
$6/Wand in unser herre, der heilige christus, uor andern
sinen iungern; do liebt er in ovch do da mit sunderlichen,
daz er des niht uerhengen wolte, daz er deheins
unsenften todes iht ersturbe, also er idoch uerhancte uber
ander sine iunger.
$7/Uns sait ovch diu heilige scrift uon
dem selben gotes truot s. iohanne, wie er zainer stete
daz heilige gots worte lerte, diu hiez ephesus; unt wie
er uil manic grozez zaichen begienge, da er beidiu
den heiligen glovben mit uestent, und die heilige christenheit
mit gem\^ert, unt die haidenscaft mit bechert.
$8/Da was
ein uil wiser man inne, der was ein heiden, unt enwolte
sich idoch niht bechern durch des guoten s. iohannes
lere, unz daz er im fur iungest ain rede uor teilt, ob er
ain trinchen wolte trinchen, daz er im scanc-
pred$3/
$1/willen sint. Merchet diu suozen wort, daz die heiligen
engele nach dem lob gots dar in himile wnsketen frides
unt genaden den luten an der erde, die da waren
guotes willen.
$2/Allez, daz der man durch got getuon
mac, daz ist allez ze niht frum, er ne habe den guoten
willen.
$3/Dar chom ovch der heilige symeon, unt
sprach sinen segen uber sie, unt wissagete uon dem heiligen
chinde, also ez ergen scolte, wie unser herre chom[(?)en(?)]
ware den iuden zeinem ualle, wande si ungelovbic
waren; unt den christen luten ze troste unt zeiner urstende,
wande in die christen lute mit grozen glovben emphiengen.
$4/Der selbe heilige man symeon der wissagete unser
frowen s. Marien, ez scolte ein swert durch ir lip uarn.
$5/Diu wort, min fil lieben, diu sint muolich ze uersten, man
sages iv.
$6/Ir wizet wol, daz unser frowe s. Marie
des gemainen todes disen lip uerwandelote ane marter.
$7/Daz ein swert durch ir lip uarn scolte, daz ergienc tes
tages, do min trehtin umbe der werlt missetat an daz
cruce genagelot wart.
$8/da stuont sin heiligiu muoter bi,
da gie ein swert durch ir lip; daz was der michel iamer
unt diu chreftige leidewende, die si hete umbe ir uil
lieben sun.
$9/ze den selben wilen chom dar ovch ein
uil heilige frowe, s. anna; div was bi ir elichem manne
gesezzen siben iar, unt wart do witewe uier unt ahzic iar.
$10/diu ne chom uon ierusalem weder tac noch naht mit
wachen, mit uasten, mit ir heiligen gebete.
$11/Diu uil
heilige frowe chom ovch dar, unt tet den luten chunt,
daz ez ware der gotes sun, unt daz er ware ain urlosare
unt ein heilant aller der christenheit.
$12/Do si do dem
heiligen chinde allez daz rehte getaten, also diu \^e gebiutet:
daz si ez besniten, daz si ez mit ir opher hin ze
dem gotes huose gantwrten; do cherten si zir haim
wesen ze nazareth, dannen er geborn was.
$13/Nu manet min trehtin des, daz er dar an geruoche
ze denchen, daz [(?)er(?)] uns gescaffen hat, unt wir uns selben
niht gescafen haben; daz er dar an geruoche ze
denchen, daz der mennisk, swie brode er sie, daz er
dannoch nach gotes pilde gepildet ist.
$14/wande nehein
mennisk lebet, daz ane sunte s\^i; noch sa ein chindil,
daz eines tages alt ist, mag ane mail niht gesin.
$15/Also
wir gesprochen haben, bitet unseren herren, wande
er da ze sinem uater umbe unser sunde ein gen\aediger
suonare ist, daz er uns des iht uerhenge, daz wir in die
grozen sunde iht uallen, die da heizent totliche sunte,
wande si totent die armen sele; daz er uns sende sinen
heiligen geist ze troste unt ze hilfe, in disem zerganclichen
libe also ze lebene, daz wir den ewigen lip
besitzen muozen. AMEN.
pred$4/In circumcisione domini.
Postquam consummati sunt dies octo, ut circumcideretur
puer, uocatum est nomen eius ihesus, quod uocatum
est ab angelo, priusquam in utero conciperetur.#Latein
$1/Disiu here hochcit, min fil lieben, die wir hiut begen,
diu ist uns uil grozliche zeren; wande si uns der hohz\^it,
diu da niemer zeget, da iemer urovde unt genade unt
diu ewige wnne ist, michele zuouersiht unt ovch gewisheit
git.
$2/unseres herren geburte, daz er in dise werlt
chom, diu angest unt note unt uil maniges leides ze uile
hat, die haben wir dise siben tage begangen.
$3/Hiut
ist der ahtode tac, daz unser herre besniten wart nach
der alten e, also uns hiut sait der guote s. lucas ewangelista;
unt daz im der name ihesus gegeben wart, den im
gab der heilige engel s. Gabriel, \^e in unser frowe s.
Marie emphienge.
$4/den sculn wir herlicher begen, denne
die sibene.
$5/Warumbe wir daz tuon sculn, daz sculen
wir flizecliche merchen.
$6/wan die sibene tage bezeichent
die unstatecheit diser werlte.
$7/Der ahtode tac, der
nach den sibenen chumet, also wir hiut begen, der bezeichent
die statecheit der ewigen genaden.
$8/Wir haben
dise siben tage begangen, daz unser herre durch den
mennisc in dise werlt chom, vnt uon unser frowen s.
Marien geborn wart, unt diser werlt wenichait unt arbeit,
also ein ander mennisc, ane sunde durch der mennischen
heil erleit.
$9/Nu begen auer wir hiute eine herere
geburt.
$10/Wir begen hiut, daz diu mennischeit unsers
herren unt sin fleisc, daz er uon unser frowen s. Marien
empfie, daz da totelich was, daz da ersterben mohte an
dem heiligen cruce; daz diu selbe mennischeit, daz daz
selbe fleisc, do ez an dem cruce erstarp, do mit dem
selben tode der tot ertotet wart, des tieuels gewalt zest\^oret
wart, vnd der mensch von dem ewigen tode
erledigt wart, vnd vnser heilant von dem tode erstunde
vntotlicher vnd vnuerwertlicher, vnd den totlichen
menschen mit siner heren vrstende der selben
vntoticheit gewiz gemachte; Daz er do mit der
signunft wider fur ze himel.
$11/also hat er den tot
zestort, vnd sin wir gepflantzet ze der gelichnusse
sines todes.
$12/Nu schuln wir merchen, wie wir
gepflantzet sin ze der gelichnusse sines todes.
$13/do
wir getauffet wurden, vnd vnder daz wazzer gestozzen
wurden; do wurden wir begraben, do ersturben wir
in den sunden, vnd wurden lebentich dem recht.
$14/also vnser herre, vnser heilant, von dem tode
erstanden ist; also schullen auch wir ersten von den
sunten, die der sele tot sint, zuo dem rechten vnd zuo
der hilicheit.
$15/Wir schuln die alten sunten ab waschen;
wir schuln ein neves vnd ein hiligs leben haben.
$16/Wir schvln vns des rechtes vlizzen, daz ist
div erst vrstende der sele.
$17/da von spricht sant Johans:
die sint salich, die teil habent an der ersten
vrstend; an den hat der ander tot, daz ist der ewig
tot, der enhat an dem deheinen gewalt.
$18/Ez sint
zwen tode: der erst tot daz sint die sunten; der die in
diser werlt niht gebuzzet, der erstirbet des ewigen todes,
ob er also von hinnen scheidet.
$19/swer so salich
ist, daz er in diser werlt buzzet, daz ist div erst
vrstende, daz er in disem libe von sinen svnden erstet.
$20/Ze der andern vrstende, an dem Jungisten tag,
so erstet er uil vrolich, so im mein tr\aechtin lonet mit
den ewigen genaden.
$21/Heut ist der tach, daz
vnser herre vmbesniten wart nach der alten \^e;
$22/vnser
herre chom in dis[(?)e(?)] werlt nicht dar vmb, daz er
div \^e wolt storen; er chom dar vmb, daz er si wolt
erfullen.
$23/Nu hat er si erfullet; uil manigiv
dinch, uil manigiv opfer, div si begiengen vnd behielten
vlizsichlich, div hat er gebessert an dem
ewangelio ze geistlichen dingen.
$24/er hat auch an
dem hiligen ewangelio manig durnachticheit geboten,
div in der \^e niht warn geboten, durch ir brodicheit
vnd durch ir herte.
$25/wan er si niht wolt ze storen,
wan er si bezzern wolt, dar vmb lie er sich, also div
\^e gebot, an dem achtoden tag besniden, an dem
viertzigisten tag hintz dem munster mit sinem opfer
bringen.
$26/ze ir chirwihen vnd zv ander ir hochziten
chom er uil emptzichlichen, vnd verwidert des
nicht, des in der \^e gesetzet waz, vntz an div zit, daz
daz himelische lamp fur aller menschen vnrecht sinem
vater geopfert wart.
$27/Als ir nu vernomen habt,
also lie er sich vmbesniden, vnd hat vns da mit pilde
gegeben, daz wir vns vmbesniden von vnsern sunten,
von allem vnserm vnrecht.
$28/Allev vnserev lit, div
noch her dem tivfel gedient habent, die suln wir nv
so besniden, daz si hinne fur dem rechten dienen.
$29/wir suln die oren vmbesniden, daz si der vppicheit
versperret sin, vnd rechten dingen offen sein.
$30/Also
schullen wir augen, Nas, hent, fuozze vnd elliv
vnseriv glid vmbesniden, also daz der tot datz vnsern
venstern icht in ge hintz der sel.
$31/vnseriv venster
daz sint div oren, div Nas, div augen vnd der munt.
$32/So wir vnnutziv dinch, suntlichev dinch, gern
horen; so get der tode da ze vnsers oren venster in.
$33/swenne wir vns svntlichev smah durch werltlichev
dinch machen; so get der tot datz dem venster der
nasen in ze der sele.
$34/also tuot er auch da ze den
augen, vnd ze dem munde.
$35/von div schullen wir
vns vmbesniden daz hertze von bosen gedanchen; die
hent, die fuzze, allen vnsern lip von allen sunten.
$36/tvn wir daz, so sint vns die hochzit nutz vnd heilsam.
$37/Swenn wir si iarlich begen, diz hilig hochzit;
so schullen wir loben und eren elliv div dinch,
div vnser herre durch vns getan hat.
$38/wir schuln
auch bilde dabei nemen, daz wir alles vnser leben
dabei bezzern; daz vnser gelaub vest si; daz wir die
hiligen minne ze got vnd ze allen lvten behalten; daz
vnser zvouersicht hintz got uil vest si; daz wir vns
rechter werche vntz an vnsern tot vlizzen, swenn diser
lip ent nem, daz wir dann div genade besitzen, div
nimmer ent genimet. amen.
pred$5/Dominica IIII. post Natiuitatem domini#Latein
$1/Vns sait daz hilig ewaingelium, daz man hivt
liset ze dem hiligen Ambt, Daz vnser herre gieng an
ein schiffelin, vnd sein hilig iunger mit im.
$2/Do
wart ein vngewiter so grozzes an dem mer, daz die
vnde in daz schiffel slugen.
$3/Do slief vnser herre;
die hiligen Junger giengen zvo vnserm herren, vnd
wakchten in, vnd sprachen: herre, ner vns, chvm vns
ze hilf; dv enwellest vns dann helffen, wir sein anders
verloren.
$4/Do sprach vnser herre: evr gelaube
der ist wenich, waz furchtet ir?
$5/Do stunt
vnser herre auf, vnd gebot den winten vnd dem mer,
vnd wart ein michel senft an dem mer.
$6/So getans
gewaltes, so grozzer zaichen, der wunderot div
l\aeut, vnd sprachen: Ditz ist ein geweltiger herre, der
gebevt den winten vnd dem mer, vnd gehorsament
im div.
$7/Vnser herre, do er uil manigiv wunder
an der erde begie, do begie er auch wunder auf
dem mer, daz er da mit erzaigt, daz er der erde
vnd des mers geweltiger herre w\aer.
$8/Sein hilig
iunger volgten im; si liezzen durch in alle diz werlt,
alle werltlich wunne, alle werltlich gewinne.
$9/Si behielten sein hiligev ler vnd sein gebot.
$10/also
ir vernomen habt, ez wart ein michel vnsenft auf
dem mer vnd ein vngewiter.
$11/Div grozze vnsenft
vnd daz grozze vngewiter daz enchom nicht von geschiht,
ez enchom nicht von im selber, ez chom von
unsers herren willen vnd von sinem gebot, dar vmb,
daz die hiligen Junger in dest mer vorchten, vnd
vnsern herren baten hilf, vnd daz er in sinen gewalt
zaigt.
$12/Die vnde slugen in daz schiffelin, dest
mer vorchten in die hiligen Junger; vnser herre der
slief aver mit sinem slafe, da mit hat er vnsern
gelauben geuestent, vnd hat vns da mit gezaiget, daz
er warer mensch ist.
$13/er slief auch dar vmb, daz
in sein iunger wakchten; die giengen zvo im vnd
wakchten in, vnd baten, daz er in hvlf.
$14/Da mit
sein wir geleret, daz wir ze allen zeiten biten schuln
den alm\aechtigen got, der wil, daz wir in ze allen
ziten biten.
$15/Nv schuln wir doch merchen, wie
vns disev hiligev wort warn, vnd waz sie vns lern.
$16/Vnser herre, der hilig christ, der ensl\aeffet hie
bei vnserm iglichem, swenn wir ze sinem dienst tr\aeg
vnd vngeruchich sein, daz wir im mit so getanem
vleizze, mit solhen zuchten niht dienen, alz wir von
reht solten.
$17/So div hilig minne, vnd der hilig
gelaub des alm\aechtigen gotes an vns erchaltet; so
chvmt vns daz grozze vngewiter, vnd div michel vnsenft
von dem vlaisch, daz der sunten vnd der
bosheit geret, vnd von dem tifel, der vns die bosheit
r\aetet, vnd vns die sunde liebet.
$18/ilen wir danne
wider, daz wir den hiligen gelauben, vnd die hiligen
minne wider enzvnden an vns selben; so wachet der
hilig christ, vnd stet auf vns ze hilf.
$19/Er gebivt
den winten vnd dem mer.
$20/die wint daz sint die
vnreinen geist, die vns bechorent.
$21/Daz mer daz
sint die bosen girde unsers broden leibs; den gebeut
er, vnd macht vns ein michel senft.
$22/Waz vnser
herre zvo sinen hiligen iungern sprach, daz schullen
wir wol merchen.
$23/Er strafte si, daz ir gelaub
nicht veste waz.
$24/Do si wol gesehen heten sinen
gewalt, sinev zaichen auf der erd, daz si nicht gelaubten,
daz er sam geweltich waz auf dem mer, do
er slief; da mit zaigt er vns, daz er warer mensch
w\aere.
$25/Do er die wind vnd daz mer mit sinem
gewalt gestilt, da mit zaigt er vns, daz er der war
vnd der geweltig got w\aer, dem elliv sin geschepf
vndertan ist; si sei gesunlich oder vngesunlich, div
ist im vndertan vnd erfullet sein gebot.
$26/Die l\aeut,
die sinev zaichen sahen vnd vernamen, die wundrot
sein hart, die duht sein gewalt michel, Daz er die
grozzen vnsenft so schir gestilt, vnd so grozze senfte
macht.
$27/An disem hiligen ewaingelio, daz ir nv
vernomen habet, dar ist grozze pizaichenung
an.
$28/Daz mer betutet dise werlt; Daz schiffel
betutet daz hilig chrutz,
$29/Also daz schiffel, die
dar an sint, hintz dem stat bringet; also sein wir von
den genaden des hiligen chruzes vs der werltlichen
vraiz hintz dem stade des himelriches gefuret, da
der hilig christ mit siner hiligen christenheit ist.
$30/Er spricht selb, vnser herre, der zuo mir welle chomen,
der nem sein chrutze, vnd volge mir.
$31/der nimet
daz chr\aeutze, daz vnser herre haizzet nemen, der
sinen leip zuo dem gotes dienst twinget, vnd aller bosheit
wider stet.
$32/Waz vnsers herren slof an dem
schiffelin betut, daz sait vns sant Marcus; er seit
vns, ze welher zit ez ergieng, daz vnser herre an dem
schifflin slief.
$33/daz ergie an der zit, do sich die
sunne gein dem abent chert, vnd div nacht nahen begunde.
$34/Do slieff vnser herre an dem schiffelin,
vnd waren sein iunger in der fraise auf dem mer.
$35/Daz mer, da vnsers herren iunger auf furen,
daz ist disev werlt, die nevr mv, vnd not, vnd uil
manige angest hat.
$36/Der slaf vnsers herren in
dem schiffelin, daz ist sin hiliger tot an dem fron
chrutz, da mit er vns auz der freiz diser werlt, vnd
auz dem gewalt des tifels erledigt hat an dem abent,
an dem ent diser werlt, Do die sunne vnter gie, die
war sunne; do der hilig christ durch der armen menschen
not an dem hiligen chr\aeutz erstarp.
$37/Do er
in dem schiffelin entslief, do wachten in sein
Junger.
$38/Do si sein marter gesahen, do warten
si siner hiligen vrstende, vnd heten die zuouersicht,
daz si da mit aller ir vnfr\aeuden ergetzet wurden.
$39/Do er nach siner marter an dem dritten
tage erstuont, do rafster si umbe ir ungelovbe.
$40/er
gestilte ovch die winte, daz ist, div ubermuot des tieueles.
$41/er storte ovch die raze der unreinen iuden, die
daz mere bezeichenot.
$42/Nu sculn wir den almahtigen
got siner genaden biten, daz er uns uerlihe, daz wir unser
cristenheit, diu ovch mit dem scifeline bedutet ist, daz
wir der also gehuoten, daz der almahtige got mit uns
ruche ze [(?)si(?)]nen, unt uns ruoche ze semften alle werltliche
muoe, alle die ubelen winte, die uns der tieuel ane
wat, daz wir in hie ze disem libe unt ze dem ewigen libe
iemer an ente loben muzen.
pred$6/Dominica V.
Induite uos, sicut electi dei sancti et dilecti, uiscera
misericordie, benignitatem, modestiam, humilitatem,
pacientiam, subportantes inuicem etcetera.#Latein
$1/Der guote s. paulus der sprichet hiut an dem heiligen
ampt zuo ziu.
$2/want iuch unser herre, der
almahtige gote, zuo sinen genaden unt zuo sime riche erwelt
hat; so scult ovch ir tuon, sam diu saligen unt diu
erwelten gotes chint, unt scult ivch annemen aller slahte
gut\aete, die waren erbarmunge, unt die waren chuske,
unt scult ain anderen uertragen, unt scult ain anderen
iwer sculde in got uergeben.
$3/wande do unser herre
sinen iungern ir fuoze gedwoc, also ir ofte wol uernomen
habet; do sprach er zuo zin: da mit han ich iu daz pilde
unt die lere selbe uor getragen, daz ir alsam scult tuon.
$4/wande, so ir iwern scolaren ir sculde uergebet; so habt
ir in die fuoze wol gedwagen.
$5/Ir scult einander helfen
unt scult ainer [(?)des(?)] andern arbeit unt burde tragen
in got.
$6/Super omnia autem hec caritatem habentes.#Latein;
Dar uber scult ir ivch zaller uorderest flizen der
heiligen minne.
$7/wande diu heilige minne diu ist ain
uber gulde aller gutate.
$8/daz bezeichent ovch daz: do
unser herre zuo siner heiligen marter gienc, do trug er
an ainen phellinen rok.
$9/dern hete dehein sute,
noch dehein nat.
$10/der ganze rok der bezeichent ovch
die heilige minne.
$11/wande diu scol iuch alle ze samine
haben, unt alle besamnen in dem gots riche.
$12/Omne,
quodcunque facitis in uerbo, aut in opere, omnia in
nomine domini ihesu etcetera.#Latein
$13/Dar zuo geuesten unt best\aetige
iwer herze der fride des heiligen christes, daz ir
beidiu, in selben unt sinen uil lieben uater, mit allen
iwern worten unt mit allen iweren werchen also loben
unt also eren muzet, also mit rehte diu saligen chint, den
got sin riche goffent unt geheizen hat.
$14/daz muoz
ovch er iu geben durch siner genaden willen.
pred$7/Secundum Matheum.
Confiteor tibi domine, pater celi et terre, quia ascondisti
hec a sapientibus et prudentibus, et reuelasti ea
parwlis.#Latein
$1/Vns sait hiute der heilige ewangelista s. Matheus
an dem heiligen ewangelio, wie unser herre im erwelt
an die zwelf poten, zwene unt sibinzic ivnger, unt sant
ovch die uz, daz si daz gotes wort spr\aechen, unt gab
in do darzuo den gewalt, daz si vil manic zaichen in
sinem namen taten.
$2/do die wider chomen, do chomen
si vil frolichen.
$3/wande si ruomten sich wider unsern
herren, daz si in sime nam[(?)en(?)] vil manic zeichen begangen
heten.
$4/Darumbe sait ovch hiute der heilige gots
sun lobe unt genade sime uil lieben vater da ze himile,
daz er zuo sinen genaden unt zuo sime riche ainvaltigiv
unt diemutigiv lute erwelt unt geladen hat, unt daz er
den in sime namen so getane genade unt so getan ere
erzait unt eroffent hat, die er idoch vil manegem richen
man unt vil manigem hochuertigen man uerholn unt uerborgen
hat in dirre werlt.
$5/Venite ad me omnes, qui laboratis et onerati
estis, et ego reficiam uos.#Latein
$6/Dar zuo sprichet hiute unser herre, der heilige christus,
ein vil uaterlich wort zuo ziv.
$7/Chomet her zuo mir,
sprichet er, ir da mit arbeiten lebt, unt die swaren burde
trait; ia wil ich iv iwer arbeit unt iwer burde gesemften.
$8/Iwer arbeit, min fil lieben, unt iwer burde, die iv unser
herre geminneren wil, ist daz getan, daz ir zvo zim chomet,
daz sint iwer sunde unt iwer uil manicvalte missetat; die
wil iv unser herre geminren, chomet ir zuo zim.
$9/Uon
div, daz ir nv zuo zim chomen muget, darumbe scult ir
die selben burde mit pihte unt mit puze ab iv legen; so
pirt ir unserem herren willechomen; so emph\aet [(?)er(?)] ivch
in sine genade unt g\^it iv den ewigen lip.
$10/den muoz
er iv geben durch siner genaden willen. AMEN.
pred$8/In purificatione s. Marie.
Postqvam impleti sunt dies purgationis ihesu secundum
legem moysi, tulerunt illum in#Latein
pred$9/
$1/Daz cit, daz wir nu
begen unze hinze ostern, daz bediutet daz ellendlich
leben, da wir inne birn, die wile wir leben in dirre
werlt.
$2/Nu, min uil lieben, nu scuol wir w\aeinen in
die wazer, die da rinnent uon babylonie ze ierusalem.
$3/Mit babylonie ist bedivtet disiv welt; mit ierusalem
ist bediutet daz himelriche.
$4/Div wazer, diu
da enzwischen rinnent, da mit ist bezeichent div heilige
schrift unt die heiligen s\aele, die uon dirre werlde
uerscheiden sint.
$5/Die scul wir anweinen, bi den
scule wir unser botschaft enbieten, nu si komen sin zuo
den ewigen gnaden, daz ovch si uns helfen, daz wir
also geleben in disem ellende, daz wir daz uerdienen,
daz wir besitzen muzen unser rehtez erbe, die himilischen
ierusalem.
$6/In disem c\^ite liset man anderes niht, niwan
wie unser forderen ir erbe, daz urone pardyse, uerworhten,
unt wie si in ditze ellende chomen mit ir hochuerte;
unt sage wir ez iv darumbe uore, daz ir daz bedenchet,
daz da gescriben ist: Quoniam non habemus
hic manentem ciuitatem.#Latein
$7/daz sprichet, daz wir hie
nehein st\aetigez wesen niht gehaben mugen; unt daz ir
dar nach arbeitet mit iwerem almuosene, mit iwerm gebete,
mit allen guoten werchen, daz ir dar chomet, da
daz st\aetige wesen unt daz wnnecliche leben ist.
$8/daz
ist da ze den ewigen genaden; dar bringe ivch der almahtige
got. AMEN.
pred$10/Item.
Nescitis, quod hi, qui in stadio currunt, omnes quidem
currunt, sed unus accipit bravium? Sic currite,
ut comprehendatis.#Latein
$1/Der guote s. Paulus der sprichet hiute an dem heiligen
ampt zvo ziv:
$2/Ir scult ettewenne pi werltlichen
unt pi zerganclichen sachen pilde nemen, wie ir nach
den ewigen unt nach den obersten sache[(?)n(?)], daz ist daz
himilriche, arbeiten scult.
$3/darzvo sehet die ane, unt
nemet pi den pilde, die da enwette lo[(?)v(?)]fent uf der
straze, wie die allesamt lovfent unt arbeiten, vnt wie si
iedoch sumeliche uil harte uermissen.
$4/want si engewinnent umbe daz daz wette alle niht.
$5/want daz wette
daz engewinnet niemen, niewan der eine, der da rehte
hin ze dem zil chumt.
$6/Nv lovfet ovch ir also, daz
ir rehte hin ziwerm zil chomet, daz iv daz wette werde.
$7/wan div straze diu bezeichent dise werlt, da paidiu,
ubel unt guot, inne sint.
$8/Swelhe auer denne den
heiligen gelovben unt die heilige tovfe enphangen habent,
die lovfent alle hin ze dem zil nach dem wette.
$9/want
der lovf der bezeichent die arbeit, daz sint div guoten
werch.
$10/Daz zil daz ist daz ende; Daz ende daz ist
der tot.
$11/Uon div, chomet ir denne rehte mit den
guoten arbeiten hin ze dem ende, so gewinnet ir daz
wette; daz ist der ewege lon.
$12/Nv, min fil lieben, sprichet
s. Paulus, also ir nu pi den werltlichen sachen guotiv
pilde habt genomen; also scult ir ovch pi mir pilde
nemen.
$13/want ich pin iwer maister, unt pin ovch uf
der straze, unt lovfe unt arbeit ovch nach dem wette.
$14/ich enlovfe unt enarbeit auer niht ungewislichen.
$15/want ich gr\^if den lip an mit uasten unt mit allen
guoten arbeiten, unt nicke unt leske ane mir des
fleiskes girde, unt chreftige ane mir der sele unt des
geistes willen.
$16/alsam scult ovch ir tuon.
$17/wande
swer sine guotate unterwilen mit den sunden wil mischen,
der lovfet uil ungewislichen, unt uermisket des uil lihte,
daz im des wettes niene wirt, des iuch got erlaze.
$18/Uon
div, min fil lieben, scult ir also st\aeteclichen lovfen unt arbeiten,
daz ir rehte hin ze dem zil unt hin ze dem drume
chomt; so wirt iv daz wette, daz ist der ewige lon.
$19/den gebiv der ware gotes sun durch siner gnaden
willen.
pred$11/Secundum Matheum.
Simile est regnum celorum homini patri familias, qui
exiit primo mane, conducere operarios in uineam
suam.#Latein
$1/Uns sait hiut der heilige ewangelista s. Matheus an
dem heiligen ewangelio ein vil scone unt ein uil trostlich
bispel, daz min trehtin sinen ivngeren sagete, unt ist uns
zeinen frovden unt zeiner mandunge gescriben.
$2/Iz
was, sprach er, ein wirt; der gieng eines morgens
fruo uz, daz er lute gewnne, die umbe lone worhten daz
uolle tagewerch in sinem wingarten.
$3/Do vant er sumeliche
lute; den gehiez er ze dem tage einen phenninc,
unt sante si in sinen wingarten mit dem gedinge.
$4/Do
daz also ergie, do gienc der wirt uz ze mitten morgen,
unt uant aber lute; die sant er mit dem selben gedingen
in sinen wingarten.
$5/Ze mittem tage unt ze none c\^it
gie auer der wirt uz, unt uant muozige lute; die sant er
ovch mit dem selben gedinge in sinen wingarten.
$6/Umbe
uesper c\^it gie er auer uz, unt uant an dem markite
muozige lute sten, unt sprach also zin:
$7/Quid hic statis
tota die otiosi?#Latein; Uvaz stet ir [(?)fi(?)]ren disen sumer langen
tac so muozic?
$8/Do antwrten si im: herre, sprachen si,
uns enmiete niemen.
$9/Ite et uos in uineam meam, et
quod iustum fuerit, dabo uobis.#Latein; Get hin, sprach der
wirt, in meinen wingarten; ich gibiv, daz der rehte ist.
$10/Die gi-
pred$12/
$1/chint niht geheizen werden, niwan uon den guoten
werchen.
$2/der scult ir pilde pi im selbem nem[(?)en(?)],
unt scult die triwe unt die minne zallen citen haben, die
er do het, do er sich selbe fur ivch sime vater zaime warn
opher gab an dem heiligen cruce.
$3/Fornicatio et omnis
inmundicia nec nominetur in uobis.#Latein
$4/Want ir nu daz uerdienen scult mit den guoten
werchen, daz ir div gotes chint heizet; so scult ir ovch
div posen werch uil gar uermiden, unt scult ivch huoten
uor aller unchuske, uor aller upichait.
$5/want swer so
getanen werchen nach uolget, der nehaizet niht ein gotes
chint, svnder er haizet des tieuels chint vnt sin scalc.
$6/Hoc autem scitote intelligentes, quod omnis fornicator
aut inmundus etcetera.#Latein
$7/Ir scult daz uerstanteclichen wizen, daz alle huorare
unt alle uber huorare unt alle girskiv lute unt alle
die, die dem tieuel dienent, die ne habent deheinen teil,
sprichet s. Paulus, an dem gotes riche mit dem heiligen
christo.
$8/want uber alle die, die so getaniv dinc hie beuor
taten, da gienc ovch der gotes zorn unt sin rach ubere,
vnt ovch f\^it uber ander vil manige, der genoz ivch got
niemer laze werden.
$9/Eratis enim aliquando tenebre;
nunc autem lux in domino.#Latein
$10/want, wart ir etewenne
so getaner livte genoz, do ir chint unt tump waret, do
ir an dem gotes dienst plint waret; so pirt ir auer nu
gesehente worden.
$11/want nu habt ir ivch becheret,
nu habt ir ivch uerwandelet, nu pirt ir niwiv unt anderiv
lute worden.
$12/want nu erchennet ir got, nu dient ir
gote; uon div haizet ir ovch nu div gotes chint.
$13/want
swer sins danches dem tieuel dient, der ist unt heizet wol
uon rehte plint.
$14/Ut filii lucis ambulate.#Latein
$15/Nu
sit ir div chint des tages unt des liehtes; nu scult ir ovch
den werchen nach uolgen, div hin ze dem tage vnt hin
ze dem liehte da gehorent: daz ist elliv triwe unt elliv
warhait, daz ist der ewige lip.
$16/den gebiv der ware
gotes sun durch siner genaden willen.
pred$13/Secundum [(?)Lvcam.(?)]
Erat ihesus eiciens demonium, et illud erat mutum.#Latein
$1/Uns sait hiute der gute s. Lvcas an dem heiligen
ewangelio, wie unser herre sine genade begienge mit eime
vil armen mennisken.
$2/der was beidiu, behaft, vnt
stumme unt plint.
$3/unt do er in erlost uon dem ubelen
g\aeist, do tet er uolleclichen sine genade zuo zim, unt
gab im ovch widere paidiv, sin gespr\aeche unt ovch sin
gesihene.
$4/Diu driv zeichen diu begienc unser herre an
dem einen mennisken.
$5/Der selbe mennisc, der da
behaft unt stumme und plint was, der bezeichent einen
ieslichen armen sundare, den der tieuel also uerre fur sich
geuazet hat, unt in also uerre in die sculde braht hat,
daz er gezwiuelt hat an der gotes erbarmunge.
$6/der ist
leider vil harte behaft.
$7/want im hat der tieuel benom[(?)en(?)]
alle sine guote sinne; da uon ist er erstummet an
dem gotes lobe unt an allen guoten worten.
$8/dar zuo
ist er ovch erplint an der gotes warehait unt an allen
guoten werchen.
$9/Wie scol der arm mennisc nu genesen?
$10/daz welle wir iv mit der gotes chrefte sagen.
$11/sich scol [(?)er(?)] zuo dem selben mennischen nahen, der
sin lerare unt sin briester ist.
$12/want der briester bezeichent
den heiligen christum; unt also der heilige christus, der
mit sime gotlichem gewalte den armen mennisken erlost,
der da behaft unt stumme unt plint was; alsam scol
ovch der briester den sundare erlosen uon sinen sunden.
$13/want er scol mit dem heiligen gotes wort dem sundare
sin gemuote semften, unt sin herze ringen unt erwaichen,
unze so uerre, daz den sundare ain guot gemuote
unt ein riwe ane chome; so ist der arm sundare iesa erl\^ost
uon dem bosen geist unt uon des tieuels gewalte.
$14/Dar nach scol der briester den sundare vil trosten,
vnt scol im daz geheizen, daz er mit samt im alle sine
burde im welle helfen tragen, ob er in die welle lazen
wizen.
$15/so wirt ovch denne der stumme sprechent, daz
ist daz, daz der sundare vil frolichen sime ewarte div
tovgen sins herzen uf tuot, unt im sine pihte uil inneclichen
tuot, uf sine helfe unt uf sinen trost.
$16/so scol
der briester denne den sundare her wider zuo dem rehten
wege wisen, unt scol in des trosten, ob er static
welle sin, unt ob er im uolgen welle, daz er got fur sine
sele antwrten welle.
$17/so wirt ovch der denne da gesehente,
der e plint was; daz ist daz, daz der sundare
ein vil ringez gemuote gewinnet, unt wirt denne ane
sehente die vil grozen genade, die div gotes erbarmunge
begangen hat an uil manigen armen sundare
pred$14/
$1/daz frie wip unt der ir sun, Daz sint die zwene willen,
die in eines ieslichen mannes herzen sint, unt die
da wider ainen anderen strebent unt uehtent.
$2/die scol
der iwer abraham uon ainen andern sundern.
$3/Iwer
abraham daz ist iwer mannelicher muot, iwer manliv
untersc\^idunge, div da zuo zir selber sprechen scol.
$4/Nv ne wellestu, herre got, daz mir min brodechait
so iht ane gesigen scule, daz ich durch die hin ze helle
iht chomen scule.
$5/So ist iwer eigen div unt ir sun, daz ist des
libes girde, uertriben; unt ist daz frige wip unt ir sun,
daz ist div chuske unt div guotate, iwers herzen husfrowe
worden; so pirt ir sa fri unt edel, unt besitzet
daz erbe, daz ist div himeliske ierusalem.
$6/des helfiv der
ware gotes sun durch siner genaden willen.
pred$15/Secundum Johannem.
Cvm subleuasset oculos ihesus, et uidisset, quia multitudo
maxima uenit ad eum, dixit ad philippum:
"Unde ememus panes, ut manducent hi?"#Latein
$1/Uns scribt hiut der guote s. iohannes an dem heiligen
ewangelio, wie sich ein michel menige uon manegem
lande besamt hete, unt chom zuo zunserm herren,
unt was st\aeticlichen drie tage bi im.
$2/An dem dritten
tage do fraite unser herre einen sinen iungeren, s. philippum,
wie er im riete, daz er die lute gimbizt.
$3/want
si nu drie tage miner genaden hie gewart habent; unt
laze ich si nu also uastende uone mir uarn, so uerwerdent
si uf der straze.
$4/ovch sint si sumeliche uerre her
chomen.
$5/Do sprach s. philippe: Ducentorum denariorum
panes non sufficiunt eis, ut unusquisque modicum
quid accipiat.#Latein
$6/Zwai hundert phenewert protes
div heuent unhohe under der menige.
$7/Do sprach s.
andreas: herre, hie ist ein chint, der treit funf prot unt
zwene uisce.
$8/Do sprach unser herre zuo sinen iungeren:
$9/Facite homines discumbere;#Latein; nu sedelt die lute
nider zuo der erde, uf daz hov, des da hie genuc s\^ie.
$10/unt nam er div funf prot unt die zwene uiske, unt
segent die, unt teilt si do unter sine iungere, daz si si
teilten unter div lute.
$11/Do div menige elliv wol enbizen was, do gebot
unser herre sinen iungeren, daz si die alaibe uf l\aeren,
die den luten da waren uber worden, daz die iht uerlorn
wrden.
$12/der lute der waren ovch funf tusent
man, ane wibe unt ane chint, die waren ane zal.
$13/Do
laren sine ivngere, ze samene der alaibe, da si zwelf
chorbe mit fulten, uon den funf proten unt uon den
zwain uisken.
$14/Die funf tusent man, min fil lieben, die unser herre da
spist, die bezeichent die saligen.
$15/daz sint alle die,
die daz heilige gots wort gerne horent, unt die ez ovch
mit den guoten werchen wol behaltent.
$16/die habent
die ere uor got, daz si man [(?)sint(?)] unt mannes nam habent,
durch daz si manlichen der brode dirre werlt widerstent;
die sculn ovch alle sitzen uf daz gras.
$17/want daz gras
daz bezeichent die brode dirre werlt; die sculen alle die
uersmahen unt uertretten, die iriv werch hin ze got habent
gechert.
$18/Div wip unt div chint, die ovch da
gespiset wrden, die waren ane zal.
$19/die bezeichent
alle die, die daz heilige gotes wort unruohlichen horent,
unt ovch sin lucel behaltent.
$20/die sint umbe daz den
wiben unt den chinden gebenmazet, daz si der brodechait
dirre werlt nach uolgent.
$21/die sint ovch umbe
daz ane zal; want si unser herre got in deheiner siner
aht, noch in deheiner siner ruochunge niene hat.
$22/Div
funf brot unt die zwene uiscke, da div menege elliu mit
gespist wart, die bezeichent die heilige scrift, da ein
ieslich christen sele mit gespist unt gefuort scol werden hin
ze dem ewigen libe.
$23/Der chint, der div funf prot
unt die zwene uiske da truoc, unt ir idoch selbe niht
enn\^oz, der bezeichent die ungetriwen ivden, die uon got
die alten \^e unt die heilige scrift habent enphangen, unt
ir idoch leider niht behaltent.
$24/Do sprach ovch do unser herre, daz div livte sumelichiv
uerre dar chomen waren.
$25/Div lute, div
uerre hinz unserm herren chomen waren, die bezeichent
alle die, die mit grozen hovpthaften sunden beuangen
sint.
$26/want swenne die wider cherent, unt rehte riwe
gewinnent, die sint uerre hinz unsers herren genaden
chomen; want iriv werch wider got waren.
$27/uon div
warn ovch si im vil fremede unt vil ellende.
$28/Do div
menige elliv enbizen was, do gebot unser herre sinen
ivngeren, daz si die alaibe zesamne l\aeren, die den luten
da warn
pred$16/Quis ex uobis arguet me de peccato? Si ueritatem
dico, quare uos non creditis mihi?#Latein
$1/Uns scribt hiut der guote s. Johannes an dem heiligen
ewangelio, wie hiute unser herre mit sinen iungeren
choste.
$2/Er sprach zin: swer uon got chomen ist, der
minnet ovch daz gotes wort; unt swer uon got niht chomen
ist, der enminnet ovch sin wort niht.
$3/Mit der churcen
rede, min fil lieben, hat unser herre eim ieslichen mennisken
daz wol erzeiget, daz er scol sehen in sin selbes herze;
so sait im sin herce denne daz wol, ob er uone got
chomen ist, oder niht.
$4/want enminnet er daz heilige
gotes wort niht, so ne minnet er ovch gote niht.
$5/want
daz hailige gotes worte,daz ist got selbe.
$6/Swer ovch
denne sinen scephare niht enminnet, dern nist ovch
sin chint niht, sunder er ist uon dem tieuel chomen,
unt ist ovch sin helle chint.
$7/Swer auer daz heilige
gotes wort mint, unt daz wol behaltet mit den guoten
werchen, der minnet got, der ist ovch sin chint, dem git
ovch er den ewigen lip.
$8/also muoz er ovch iv tuon
durch siner genaden willen.
pred$17/Item.#Latein
$1/Unser herre, der uns alle behalten wil, ob wir
rehte leben wellen, unt siniv gebot behalten wellen; der
sine iungere, sine heiligen predigare zwene, also man
hiute liset, dar zuo sande, daz si iuden unt heiden uon
ir sunden ledigoten.
$2/der iunger, der uns haiden
gesendet wart, der guote s. Paulus, der chundet uns hiut
aine froliche botscaft.
$3/Er sprichet, daz wir sculen
wizen, daz unser alter mennisch gecrucet sie, daz die
sunde an uns zestoret sin, daz wir den sunden niemer
untirtan sin.
$4/Wir heten einen ubelen uiant, der im
die werlt uil nach alle het untirtan gemachet.
$5/Der
selbe unser uiant ist unser fleisch.
$6/daz selbe fleisc
scolte der sele untertan sin, want div sele div frowe ist,
unt daz fleisch der div ist.
$7/Div selbe diu hete die
werlte uil nah alle uerleitet, unt hete sie alle uil nach
in des tieuels gewalte praht.
$8/Si hete ovch funf dienistman,
die ir zallen citen hulfen; daz waren die funf
sinne des libes: daz gesuone, diu gehorde, der smac, der
waz, div berurde.
$9/Mit hilfe der selben funf sinne
hete div div, daz fleisc, der sele angesiget, unt hete si
in ir uancnusse.
$10/Do unser herre, der almahtige got, sach, wie daz
fleisc die werlt uerleit hete, wie die div die frowen
uberchomen hete; do beriet er sich mit siner barmunge,
daz er die ledigen wolte uon der uancnusse, unt geruochte
des, daz er unseren uiant an leit, mennisclich
fleisc, mennisclich pilde,
$11/darumbe, daz er mit dem
selben fleisc u\aehte, unt an dem tieuele gesigete, unt die
werlte uz siner uancnusse ledigete, unt daz fleisc, daz
uns da angesiget hete, unt die funf sinne, die im des
hulfen, uerdruhte, unt in ir chraft ben\aeme, daz div
frowe, div sele, ir gewalt wider gewnne, unt daz er uns
den gewalt vnt die chraft g\aebe, daz wir dem fleische
unt dem tieuele wider sten mohten.
$12/Dar zuo erwelt
er ime ein geuelligez wize, daz unser uiant, daz fleisc,
unt die funf sinne daran gecruciget unt gewicenet wrden.
$13/Welt ir nu horen, wie si uerdruket sint, unt in elliv
ir chraft benomen ist? An dem heiligen cruce sahen div
ovgen die scante unt daz laster unt div scantlichen wice;
si entstuonten ovch die uinstere des todes.
$14/Div oren
horten die scantliche itewize; der munt der tranc ezich
unt gallen; die hende unt die fuze die wrden durch slagen
mit den nagelen; der lip, daz fleisc allezsamt, l\aeit
div wice unt daz sere, unt wart allez so uerdruket, darumbe,
daz ez der sele untirtan sie, unt sich wider sine
frowen, die sele, niemer mere gesetze.
$15/Daz ist div
froliche botscaft, die uns s. Paulus gechundet hat, daz er
sprichet, daz der unser alte mennisc sie gecrucet.
$16/Der
alte mennisc ist unser fleisc, dem elliv sin chraft an dem
cruce genomen ist.
$17/Also ir nu uernomen habet, so hat unser herre
die div gezuhtiget.
$18/also hat er sie uerdrucket, unt
hat ir alle ir hochuart benomen, daz si sich wider die
frowen, wider die sele, niemer gesetzen mac, si ne tuo
ez mit unser hilfe; unser herre hat sie uerdruket.
$19/nu
sehen wir, daz wir sie iht fur lazen, daz si auer iht hochuertig
werde, unt uns auer ze den sunden uerleite.
$20/So
getan genade, also ir nu uernomen habt, div was uns uil
lange da uore mit vil heiligen pilden gezeiget, also wir
iv nu sagen.
$21/Wir lesen, do Moyses, der vnsers herren
lvt furt vz Egypto, do der verschied; do wart
iosue an div selben stat erwelt von dem alm\aechtigen
got.
$22/Der selb iosue furt si in daz lant, daz in
got gehaizzen het.
$23/Svmlich stet, die in wider
waren, die betwungen si; sumlich die cherten mit
minnen zvo in.
$24/Nv chert ein grozzev stat zv in,
die hiez gabaon.
$25/Daz vernamen fumf chvnige,
die da in dem lant waren, vnd besazzen div stat.
$26/Do santen si hintz iosue, daz er si ledigt.
$27/Dar
chom iosue mit grozzem her, vnd vacht mit den fumf
chvnigen; da wurden ir genvnch erslagen mit den
swerten, genuge mit dem schure vnd mit den steinen,
die got von himel sant sinen lvten.
$28/Do bat iosue
vnsern herren, daz div sunne von der stet iht chom,
daz si ze abent iht sige, vntz si sich vollichlich err\aechen
an ir veinten.
$29/Do stund div svnne, daz si
ze abent niht engie; da vor, noch sit, noch dar nach
enwart nie dehein tag so langer.
$30/Do fluhen die
chvnige, vnd verburgen sich in einem hol.
$31/daz
wart iosue geseit; vnd do er si alle betwanch, do hiez
er die chvnig alle auz dem hol zihen, vnd hiezz sein
fursten, daz si den selben chvnigen auf den hals tr\aeten,
vnd hiezz si da pei auf hahen.
$32/also
hiengen si vntz an den abent.
$33/Do div svnne
vnder gie, do hiezz er si ab nemen, vnd hiezz si in
daz selb hol werffen, do si sich e inn verborgen
heten, vnd hiezze grozze stein vber siv werffen.
$34/Elliv disiv dinch vnd alles ditz vechten, daz ir
nv vernomen habt, die sint ein bizaichvng vnserr
ding vnd vnsers vechtens.
$35/Josue, der vnsers herren
lute laitt, der bezaichent den hiligen christ, der
in diz werlt chom, daz er sinen luten, die im getriv
sint, vnd siniv bot behaltent, daz er der veint zestort,
vnd si von allen irn noten erledigot, vnd si ze den
ewigen genaden belaitt.
$36/Die lut, die in der grozzen
stat waren ze gabaon, die bezaichent die sunt\aer,
die zu dem alm\aechtigen got vliehent, vnd sein hulde
werbent mit guten werchen, mit rechtem leben.
$37/Die
fumf chvnige, daz sint die fumf sinne des leibs, die
vns irrten gern, daz wir nach gotes hulden iht wurben;
des volgen die saligen niht.
$38/So si die bosen
gelust mvent, oder dehein bechorung; so gerent si der
hilf datz dem alm\aechtigen got, der sendet in die hiligen
bredig\aer, die si lerent vnd sterchent.
$39/Die
stein, die von himel choment, daz sint die gaisel, da
mit vns vnser herre zuhtigt, vnd vns nach des leibs
gir niht varen lat, daz wir vns zvo der hochvart iht
erheben, die vns gotes hulde verlieset.
$40/Daz
die sunne vnd der man einen tach stvnden
vnd niht fur giengen; Daz bezaichent div genad, die
vns vnser herre braht, do er in disiv werlt geborn
wart, von der zit siner geburt in dise werlt.
$41/So
haizzet ez div zit der genaden.
$42/In allen den ziten
so gestet vns bei der hilig christ, der ware svnne,
vnd luhtet vns, vnd vertribet von vns div vinster des
todes, vnd belaitet vns in daz himelrich, ob wir div
hilf datz im suchen.
$43/Vor vnsers herren geburt,
do gie div svnn ze abent.
$44/Do bechanden die arm
menschen gotes niht, wan uil lvtzel.
$45/Do enstvnd
er in niht, do enluht er in niht.
$46/die fumf chvnig,
die sich verborgen heten in einem hol, daz sint die
fumf sinne, die sich an irdischev dinch verlazzen
habent, vnd gotlicher ding deheinn war nement.
$47/Daz er si auz dem hol hiezz zihen, vnd in auf den
hals hiezz treten, vnd hiezz si auf hahen; Daz ist,
daz er den hiligen bredig\aern hat geboten, daz si
vns von werltlichen dingen laiten, vnd ze den himlischen
girden wisen.
$48/Ze abent hiezz er si ab nemen,
vnd hiezz si in daz hol werffen, vnd hiezz grozz
stein dar vber legen.
$49/Daz betut, daz vnser herre
an dem abent dirre werlt durch vns gechrutzet wart,
vnd ab dem chrvtz genomen wart, vnd in daz grap
gelit wart, also ir uernomen habet.
$50/also sint unser
uiande an dem heren cruce zestoret, also ist uns die
friheit wider geben.
$51/nu sehen, wie wir dienen unserm
herren, der uns gefrihet hat mit sin selbes libe;
sehen, wie wir die selben martyr, diu uns erlediget hat;
nv sehen, wie wir uns nu errainen uon allen den sunden,
da div sele unt der lip mit gemeilet ist.
$52/uersuomen
uns niht, die wile wir die genade uinden; geben uns
sculdic, suochen vil tiefe in den gedanchen, wa wir misseuarn
haben.
$53/rugen uns mit den worten, buzen mit
guoten werchen; da mit uerdienen wir den ewigen lip.
$54/den gebiv der ware gotes sun durch siner martyr ere.
pred$18/Dominica in palmis.
Hoc enim sentite in uobis, quod et in christo ihesu.#Latein
$1/Der guote s. Paulus der sprichet hiut an dem heiligen
ampt zuo ziv.
$2/min fil lieben, sprichet er, ir scult hiut
disen heiligen tac ane sehen; want der ist ein urchunde
der grozen gedult unt der grozen diemuote unseres herren,
des heiligen christes.
$3/die selben diemuote die scult
ir ane sehen in iwerm gemuote, iv ze pezerunge, daz
rat ich iv.
$4/Qui cum in forma dei esset, non rapinam
arbitratus est, esse se equalem deo etcetera.#Latein
$5/unt
daz ir deste baz sine groze diemuote erchennen muget,
so scult ir aller erest sinen grozen gewalt unt sine herscaft
ane sehen.
$6/want er ist der ainborn sun des himilisken
vaters, der mit im allez daz gordent unt gescafen hat,
daz der ist.
$7/Sed semetipsum exinaniuit.#Latein
$8/Unt swie
er nu mit sime uater ane durfte ain geweltiger got si;
idoch so hat er sine here magenchraft dar zuo gediemuot,
daz er ein mennisc ist worden.
$9/da mit ne hat er, vil
lieber herre, idoch niht uersmaht, noch genideret sinen
gotlichen nam[(?)en(?)], unt sine gotliche ere; svnder er hat sin
here magenchraft uerholn unt uerborgen in eines mennisken
libe,
$10/darumbe, daz er iv da mit ze helfe chome, unt
ovch darumbe, daz sin heiligiv geburte dem tieuel deste
baz uerholn ware.
$11/Et habitu inuentus ut homo.#Latein;
want wider des tieuels untriwen unt wider siner hochuerte;
so hat er sich so groze diemuot angenom[(?)en(?)], daz
er ein mennisk ist worden.
$12/der mennisk der hat ovch
an im beidiv, libe unt sele, unt totliche nature.
$13/Humiliauit se ipsum, factus obediens usque ad
mortem.#Latein
$14/zuo der rede aller, so hat er sich dannoch
nu so uerre gediemuot, daz er des uerhenget hat, daz
er paidiu, gevangen unt gepunten ist, unt hin ze dem lasterlichen
tode uerteilt ist.
$15/Propter quod deus
illum exaltauit etcetera.#Latein
$16/Nu, min fil lieben, sprichet s. Paulus,
nu habt ir wol gehoret unseres herren diemuot, des heiligen
christes; nu scult [(?)ir(?)] ovch merchen, waz er mit siner
grozen diemuote ueruangen habe.
$17/er hat daz dermit
ueruangen, daz er ivch erlost hat uon dem ewigen tode;
vnt hat daz dermit uerdient, daz in got nu also gehohet
unt gert hat, daz sin nam ist ob allen namen.
$18/Nu scult ir uil wol merchen, wer der man si, den
got so gehohet hat unt gert, daz sin man ist ob allen
nam[(?)en(?)].
$19/want daz ennist iedoch niht unser herre,
der ainborn gotes sun, der mit sime vater ie was an
anegenge, unt iemer ist an ende.
$20/want der hete die
ere uon siner gotlichen nature ie, daz sin nam was ob
allen namen.
$21/dern bedorft ovch deheiner hochunge
niht; sunder iz ist div nature unt der lip, den er sich da
an nam uon der heren maide libe, unt den er da zeime
opher gab an dem heiligen cruce fur allez manchunne.
$22/Den lip unt die nature die hat der himiliske uater
nu also gehohet unt gert, daz diu selbe nature unt der
sine ainborn sun ist ein herre unt ain gewalt unt ain got.
$23/Ut in nomine ihesu omne genu flectatur etcetera.#Latein
$24/den
scult ir hiut flegen unt eren, unt scult in anebetten
mit aller himiliscen herscefte, unt mit allen engelisken
choren.
$25/want er ist hiute da ze himile pi sins uater
zeswen, im eben herer unt eben gewaltiger got; sime
heiligen nam ze lobe unt zeren, unt iv ze trost unt ze
helfe hin ze dem ewigen libe.
$26/den gebiv der ware
gotes sun durch siner genaden willen.
pred$19/Secundum Matheum.
Cvm appropinquasset ihesus ierosolimis, et uenisset betfage
ad montem oliueti, misit duos de discipulis suis,
[(?)et(?)] ait illis: Ite in castellum, quod contra vos est etcetera.#Latein
$1/Daz heilige ewangelium, daz man hiut liset, daz
sait uns die liebe unt die genade des almahtigen gotes,
wie er durch die grozen liebe, die er zuo dem menniscken
hete, in dise werlt chom; unt do er erfulte elliv div
werch, unt alle die genade, durch die er herchomen
waz.
$2/Do div zit nahent, daz er durich der menschen
vnrecht sich selben sinem vater an dem hiligen
chr\aeutze opfern wolde; Do chom er ze ierusalem zvo
dem berge, der ze nachst pei der selben stat leit, vnd
sazz an dem perig, vnd sant sein zwen iunger in
daz kastel, daz da nahen waz, vnd hiezz si ein eselinn
ledigen vnd ir iungeit; die waren gebunden
fur ein tvr bei dem wege, da die wege ze sammen
giengen, vnd hiezz im sei bringen.
$3/vnd do si ims
brahten, do sazz er dar auf vnd reit ze ierusalem.
$4/do chomen div chint vnd div einvaltig menig, vnd
enpfingen in mit lob vnd mit sang, vnd wurffen
ir gewant an den wekch, vnd div zwi, div si
ab dem palmbavm brachen.
$5/also chom er in daz
templum ze ierusalem; da vand er inne die, die tvben
da verchauften, vnd die mvnss\aer, die ir wechsel
dar inne heten, vnd vertreip die alle dar vz, also ir
nv vernomen habet.
$6/do er vns von des tifels gewalt
wolt erledigen; do chom er zvo der stat, da er
gemartert wolde werden, vnd sant siner iunger zwen.
$7/Die zwen iunger die bezaichent div zwei gesl\aeht
der hiligen predig\aer, die vnser herre den zwein
lvten sant, daz si sei losten.
$8/Er hiez sei losen
div Eselinn vnd ir iungit, Div beidiv waren gebunden
fur die tvr zvo den wegen, da die wege ze
sammen giengen.
$9/Nv schullen wir doch merchen,
waz div Eselinn, vnd waz ir Jungid bedute, vnd
waz auch daz bedute, daz si fur die tur zvo den
wegen gebunden warn.
$10/Div muter, div Eslinn,
div da gebunden waz, div bedutet div Judenschaft,
div da gebunden waz mit dem Joch der \^e; div waz
maniger svnden schuldich, wan si uil manigen weis
die \^e vber gangen heten, die in got gegeben het, die
si gaistlich scholden erfullet haben.
$11/Daz iungid
bedutet div haydenschaft, die auch gebunden waren
mit grozzen svnden, Do si die apgot an betten,
vnd des waren gotes niht erchanten.
$12/Div waren
peidiv fur div tvr gebunden, an daz gewik.
$13/Div
tur betutet den hiligen christ. vor der tur waren
si bediu gebunden, iuden vnd haiden, Do si in
den sunden waren.
$14/si waren an dem gewikke,
da die wege ze sammen gent, do si manigem wege des
irretums volgten.
$15/Daz si von den svnden vnd
von dem irretum erlediget wurden, Dar zvo sand
vnser herre zwen siner iunger; daz sint zwaier slacht
predig\aer: ein gesl\aecht sant er den iuden,daz
ander gesl\aecht sant er den hayden.
$16/Die selben
predig\aer losten si von den sunden, vnd brachten si
vnserm herren, vnd leiten ir gewant dar auf.
$17/Daz
gewant waz div hilig lere, da mit si sie vnserm herren
gezam machten, Daz er auf si rucht ze sitzen,
vnd ir hertze mit sinen genaden ze sinem dienst ruchte
ze wisen.
$18/Daz da stet geschriben, daz vnser
herre auf div Eslinn vnd auf ir iungid saz, Daz
schul[(?)n(?)] wir also versten, daz er iuden vnd hayden ze
sinen genaden enphie, vnd in die girde in ir hertze
hat gegeben, Daz si hin ze der himelischen ierusalem
mit rehten werchen ilent.
$19/Nv schuln wir tvn,
alsam div reinen chint; alsam die einualtige menig,
vnd schuln auz gen gegen im mit den palmen.
$20/palm,
daz spricht signvft; sech vnser ieglichs zvo im selber,
wie er diz hilig tag begangen hab; wie er den
svnden vnd des tifels schvntsalungen wider stanten
habe.
$21/Swelhes vnder vns dem tifel an gesigt
hat, der treit die palm wol, vnd singet meins trechteins
lop schone.
$22/mit so getanen palmen
schuln wir vz gen entgegen vnserm herren, vnd schuln
singen daz hilig gesanch, daz div reinen chint vnd
div einvaltig menige sanch, vnd schuln vnser plumen
im engegen tragen.
$23/vnser deheiner scol mit
itteler hant fur in chomen.
$24/Alz er ez geteilt
hat vnder vns, also schuln wir ez bringen ze sinem
lob, vnd ze sinen eren.
$25/Ettelicher bringe im
div hiligen minn[(?)e(?)], daz ist div aller schonist blum.
$26/Div hilig minne ist div wurtze, von der alle tugent
springent vnd wachsent.
$27/So bringe ettelicher
ch\aeusch vnd reinicheit.
$28/Die blumen bracht
sant Johannes ewaingelista vnserm herren; da von
minnet er in von andern sinen iungern.
$29/So
bringe ettelicher die hiligen diemvt; daz ist ein
so getanev blvm, die dem alm\aechtigen got gen\aem
ist.
$30/die selb blvm, die hilig diemut, hiez er vns
lernen von im selben, vnd sprichet, ob wir die selben
tvgent gelernen vnd behalten, so hab vnser sel immer
mer rvo vnd genad.
$31/Ettlicher bringe div hiligen
parmung.
$32/Swer die blumen dem alm\aechtigen
got bringet; der sich erbarmet vber den notigen,
den ledigt got von allen sinen angsten des leibs vnd
der sel.
$33/Ettelicher bringe daz hilig gebet.
$34/Div plvm stiget auf zvo dem alm\aechtigen got.
$35/Ettelicher \aezet vnd padet den armen.
$36/Daz emph\aehet got selber.
$37/also schvln wir vns
vlizzen, daz vnser dehainer mit eiteler hant fur
den alm\aechtigen got chom, ern bring ettelichev
plvmen, ettlichev tugent.
$38/Nu schuln wir
den alm\aechtigen got innenchlichen biten, daz er sinen
satel auf vns ruch ze legen: daz sint die hiligen
tugent, Div rechten werch; vnd sinen britel: daz ist
div huote siner gebot, da mit er vns chere hintz der
himilischen ierusalem, da div ewige genad ist immer
an ent. amen.
pred$20/In cena domini, sermo.#Latein
$1/Alle, die sich hivt her in dem namen des alm\aechtigen
gotes gesament habent, die svln mit aller
andacht die manigen genad, die vns die gut vnsers
herren an disem tag getan hat.
$2/Er hat vns pei
sinen hiligen wissagen enboten ein trostlich botschaft.
$3/Er spricht, er welle mit siner parmung wider cheren
ze Jerusalem, vnd er welle wider zimmern sein
haus.
$4/Jerusalem bedutet die hiligen christenhait.
$5/In der selben christenhait birn wir daz haus, alle,
die christenlich lebent.
$6/Daz haus, daz vnser herre
mit dem hiligen gelauben auf gerichtet hat, Daz er
mit den hiligen tugenden gezimmert hat, Daz er mit
der hiligen tauf von allen mailen erwaschen hat,
Daz er mit den gaben siner genaden gezirt hat; Nv
ist laider daz selb haus an vns nider gevallen, vnd
ist der alm\aechtig got von vns gechert.
$7/Nv aver
wir in disen hiligen tagen dem alm\aechtigen
got vber vns selben gerichtet haben; nv wir mit der
vasten vnd mit der riw sein genad versucht haben;
Nv hat er vns bei sinen hiligen wissagen enboten, er
welle wider zvo vns cheren.
$8/Vnser herre chert wider zvo dem svnd\aer, swenn
er sein riw enpf\aeht, vnd im sein svnd vergit.
$9/Er
zimmert sein haus, so er den svnd\aer mit sinen gaben
an dem reht gevestent.
$10/Da von ist div gewonheit,
daz die Bischolf, die der hiligen christenhait
pflegent, die mines tr\aechtins zimmerlut sint, die sein
haus auf richtent; die arm sund\aer, die mit den svnden
gevallen waren, vnd von der christenheit gesvnderot
waren, die bringent si hivt wider zvo der christenhait,
vnd zimmernt si wider zvo einem haus, dem
alm\aechtigen got.
$11/Die Bischolf richtent hivt
wider auf daz haus, daz da nider gevallen waz, so
si daz hilige Ole, den hiligen chresem, wihent, da
mit die s\aeligen ze dem gotes rich gezaichent werdent.
$12/Die s\aeligen, die ir svnde innechlichen berivset
habent in disen hiligen tagen, die werdent hivt erledigt
von den ewarten, den div christenheit enpfolhen
ist.
$13/An disem heren tag twuch vnser herre sinen
iungern ir fuzze, vnd hat vns gegeben dar an pilde,
daz wir vnsern brudern vnd den armen ir fuzze
twahen.
$14/An vnsern brudern erfullen wir die minne
vnsers n\aechsten; an den armen erfullen wir die minne
des alm\aechtigen gotes.
$15/Wan vnser herre spricht:
waz ir den armen gutes getut, daz habt ir mir getan.
$16/An disem heren tage gab vns vnser herre
sinen hiligen lichnamen, vnd sein hiligs bluot ze gehugede
siner marter; dar an enpfahen wir etlichen
antloz vnserr svnden.
$17/Do vnser herre, vnser
hailant, der heilig christ, elliv div dinch erfullen
wolt, div in der alten \^e vnd in den heiligen wissagen
von im geschriben waren, vnd div zit nahent, daz er
sich durch vnser svnte in der sunt\aer gewalt sinen
iunger iuda wolte lazzen geben; alz er div gebot
der alten \^e da vor behalten het, also behielt er si
dannoch, vntz er ez alles erfult, daz von im geschriben
waz: Elliv div oppfer, div in der \^e geboten
waren, alsam daz lamp, daz si ze den Ostern oppferoten,
vnd anderiv ir oppfer, div daz zaigten vnd
beduten, daz er geborn scholt werden, Daz er gemartert
scholt werden.
$18/Do daz war lamp chom,
daz an dem heren chrutz fur aller menschen svnde
dem ewigen vater geoppfert wart; do wolt er mit sinen
hiligen iungern die hiligen Ostern begen, vnd wolt
daz lamp mit in ezzen, vnd wolt da mit den alten
bizaichnungen ente geben.
$19/Do er mit in daz
lamp gaz, vnd die alten Ostern werdent, Dar
nach satzt er die niwen Ostern.
$20/wie satzt er si?
$21/Er gab sinen iungern sinen hiligen lichnamen, vnd
sein hiliges bluot.
$22/Do die alten ostern ent namen,
do nam er daz brot, vnd segenot iz, vnd gab inz; da
nach gab er in den wein.
$23/Nv schuln wir merchen,
daz der mensch von zwein dingen gemachet ist,
von der sele vnd von dem leibe.
$24/an dem ietwern
waz der arm mensch uerwertet, vnd waz im not,
daz im geholffen wurde.
$25/Do sant der ewig
vater sinen sun, der gelichte sich dem menschen, vnd
nam an sich menschlich pilde an svnt, daz er den
menschen erledigt an der sel vnd an dem leib.
$26/von
div so setzet man auf den tisch des alm\aechtigen gotes,
swa man die messe singet, prot vnd wein.
$27/Daz
selb brot, so daz gesegent wirt mit dem hiligen gotes
wort; so wirt ez uil w\aerlichen des hiligen christes
lichnam.
$28/Swelher s\aeliger mensch den wirdichlichen
nimet, der wirt uil w\aerlich an dem leib erledigt.
$29/alsam wirdet der wein; so er mit den hiligen
gotes wort gesegent wirt, so ist iz uil w\aerlich des
hiligen christes bluot.
$30/Swer daz selb hilig bluot
wirdichlich mit gelovbigem hertzen enpf\aecht, der wirt
an der sele uil w\aerlich erheilt hie in diser werlt, die
weil er lebt, vnd nach disem leib, in den ewigen eren,
so er erstet ze den ewigen genaden.
$31/vnser
herre, der vnser brode wol weiz, der spricht, daz
wir den ewigen leip nimmer gewinnen mugen, wir
ezzen dann sein vleisch, vnd trinchen sein bluot.
$32/der
hat vns da mit begenadet, daz er sein fleisch vnd
sein heres bluot in einem so getanem pild gegeben
hat, daz ez vnser broder natur niht wider ste.
$33/in
dem pilde des weines git er vns sein heres bluot, dar
vmb, daz ez vnserr broden natur iht wider ste.
$34/Swenn auch wir daz brot da ze dem alter, vnd
den wein auz dem chelich von des ewartes hant enpfahen;
so haben wir siv peidiv, vnsers herren blut
vnd sein vleisch, vil w\aerlich enpfangen.
$35/Nu
schvl wir auch paz merchen die grozzen gut des alm\aechtigen
gotes.
$36/swenn man da ze dem alter
daz hilig oppfer an richtet, so mischet man daz wazzer
zu dem wein.
$37/Der wein bedutet vnd ist uil
w\aerlich vnsers herren pluot, so er mit den heiligen
worten gesegent wirt.
$38/so bezeichent daz wazer die
heilige tovfe, in der die mennischen erraint sint, daz si
gote gezame sint.
$39/Swie der heilige crist niwar
zeinem male durch unsich gemarteret wrde, idoch wolt
er, daz wir die gehugede der selben heren martyr tagelichen
empzigen, also div heilige christenhait tageliche tuot.
$40/Swa man die misse singet, da beget man die gehugede
der heren martere.
$41/wande wir arme sundare
tageliche sunden, so begen wir ovch tageliche die gehugede
der heiligen martere, diu uns uon unseren tagelichen
sunden erleget.
$42/Unser herre wolte, daz
wir in selben emphahen in dem pilde des protes, daz
wir da ze dem altare emphahen; unt hat da mit gezeiget,
daz er daz lebentige prot ist, daz uns ze heile
unt ze geniste uone himile chomen ist.
$43/Jdoch sculn
wir merchen div wort unseres herren.
$44/Er sprichet:
swenne wir daz selbe begen, da mit sculen wir sin gehugen;
vnt swenne wir sinen heiligen lichnamen unt sin
herez pluot emphahen, daz wir denne da p\^i gedenchen
siner heiligen martyr, also er sinen lip durch unsich ze
martyren gap, daz er uns erledigote, daz ovch wir unseren
lip durch in geben, ob sin durft werde.
$45/Nu
habet ir wol uernomen, ze wie grozen genaden uns diser
heilige tac gesetzet ist, unt habt wol uernom[(?)en(?)], die
unseres herren lichnamen wirdeclichen emphahent, wie
die behalten sint an der sele unt an dem libe;
$46/Die
in auer unwirdiclichen emphahent, daz die ewigen uerlornusse
der sele vnt des libes dar an emphahent.
$47/uone
div rat wir iv, daz ir iwer selber salichait, iwer selber
hail furderet; unt swaz ivch des ewigen libes gesuomen
muge, daz ir daz ilet uon iv ze tuonne; daz ir merchet
sin gebot, daz er uns gab.
$48/do er zer martyre gie, do
sprach er: Mandatum nouum do vobis, ut diligatis
inuicem, sicut dilexi uos, ut et uos diligatis inuicem.#Latein;
er emphalch in, daz si die heilige minne zeinander behielten,
vnt ain ander also minniten, also er sie hete geminnet.
$49/Den uriunt sculen wir minnen in dem almahtigen
gote, den uiant durch den almahtigen got,
durch neheine ander sache, durch nehein werltlich
dinc, durch neheinen wertlichen gewin, wan namelichen
durch den almahtigen got.
$50/so getane minne sculn
cristen mennisc haben.
$51/da bi erchennet man den
cristen mennisc, ob er gotes chint ist, ob er der meisterscefte
des almahtigen gotes untertan ist.
$52/Swelch saliger
mennisc die minne behaltet, des sunde sint alle uerdechet.
$53/Vone div sculn wir nu uon uns tuon den zorn, den
n\^it, die missehellunge, den haz unt ander totliche sunde,
die uns uone gote sceident, unt sculn in siner genaden
biten, daz er die heilige minne an uns ruoche ze st\aetigen,
diu alle unser sunde uerdeche, unt uns den waren antlaz
erwerue. amen.
$54/Swa uns der tieuel enzeher die
sunde geliebet habe, unt uns uon dem heiligen glovbe[(?)n(?)]
geleitet habe, daz clagen dem almahtigen got, unt biten
in siner genaden, daz er uns den rehten gelovben in unserm
herzen sende. Amen.
pred$21/In die sancto pasce.
Expvrgate vetus fermentum, ut sitis noua conspersio,
sicut estis azymi. Et enim pasca nostrum immolatus
est etc.#Latein
$1/Der guote s. Paulus der sprichet hiut an dem heiligen
ampt zuo ziu.
$2/min fil lieben, sprichet er, want ich
iuch zallen citen mane iwers heiles unt iwer salichait, so
ne mag ich ovch hiute daz niht uermiden, ich enmuoz iv
daz ovch hiute raten, daz ir disen heiligen uzgenomen
tac anseht, den got selbe geheiliget unt gert hat mit siner
heiligen urstende, unt daz ir den hiut emphahet mit
allen geistlichen frovden.
$3/Unt daz ovch ir den wirdiclichen
emphahen muozet, so scult irz iwerm herzen
sundern alle unkuske unt swaz ir wizet, daz wider got
unt wider iwer salichait si; unt scult iuch nu der alten
unt der suntlichen gewonhait abetuon, unt scult niwiu
unt rainiv lute sin.
$4/want des ist uil liht, des ein ovge
betrubet wirt, wande ein uil wenigez urhab daz erheuet
einen grozen troc uollen taiges.
$5/Daz urhab daz bezeichent
die sunde; want swa die sunde sint pi dem manne,
die gemerent mit ir sure ie uon tage ze tage.
$6/der
scult ir ivch also abe tuon, daz sich die da ziu iht
mugen gemeren.
$7/Estote sancti, quomodo ego sanctus
sum.#Latein; Ir scult luoter unt reine sin, sam er ist, der
heilige christus, der ivch da gechovfet hat mit sime heiligen
tode.
$8/Unser herre der hat getan, sam ein chovf man,
want der uert in uremedez lant, unt nimt den merz da,
des [(?)er(?)] e niene hete, unt git den sinen dar widere,
den er e hete.
$9/Alsam hat och er getan, unser herre,
der heilige christus; wande er chom her in dise werlte, unt
nam den merz, der da hie was, unt gab den sinen dar
widere, den er e het.
$10/Nu waz hat disiv werlt anders,
niwan muoe unt arbeit, unt daz der mennisc an
dise werlt zangesten unt zarbeiten unt wider ze dem
tode geborn wirt.
$11/den chouf scatz den nam der gots
sun hie; des enhet er e niht.
$12/darwidere hat er iu
sinen gotlichen chovfscatz gegeben, daz ist frovde unt
genade, unt sin selbes lip, da er ivch mit erchovfet hat
hin ze dem ewigen libe, unt hin ze der ewigen urstende.
$13/Itaque epulemur.#Latein; Der scol ovch hiut iwer frovde
unt iwer wirtsceft sin.
$14/want er ist daz ware osterlich
lamp, da ir hiut mit scult gespiset unt gefuort werden,
unt da ir an scult nemen die wirtscaft der ewigen
urstende.
$15/Derselben wirtscefte uerlih iv hiut der ware
gotes sun durch siner heiligen urstende willen.
pred$22/[(?)Secundum(?)] Marcvm.
Maria magdalena et maria iacobi et salome emerunt
aromata, ut uenientes unguerent ihesum.#Latein
$1/Uns scribt hiut an dem heiligen ewangelio der guote
s. Marcus, daz vier marien waren: Maria, unser frowe,
unt Maria iacobi, s. iacobes muoter, den si den minnern
iacob haizent, unt Maria, s. iacobes muoter unt s. iohannes,
die zwo waren unser frowen swestere, unt Maria magdalena,
die unser herre erreinte uon aller poshait.
$2/Iz
was gewonhait der alten lute unter den iuden, daz die
edelen unt die richen frowen ir maisteren, uon den si daz
gotes wort horten, daz sie den mit ir guote dienten, unt
in alle ir notdurft gaben.
$3/Nach der gewonhait taten
dise heiligen frowen, die unserm herren uon ir guote
dienten.
$4/Do [(?)er(?)] uns erlediget an dem heren cruce
mit sinem tode, unt er zuo der erde bestat wart; die
frowen, die zuo zim lebentigen minne heten, der herze
sin genade in der waren minne enzundet hete, die giengen
unt chovften, da si tivre salben uz macheten.
$5/Iz was gewonhait unter den alten livten, daz si ir
liebe toten mit tivrer salben so bestrichen, daz si niene
fulten daz si ovch die wrme niene ruorten.
$6/Nach
der gewonhait wolten dise frowen unsers herren lip gesalbet
haben, daz er lange ungewertet ware.
$7/Do si des abendes die salben gemacheten, do chomen
si an dem sunne tage uil fruo zuo dem grabe.
$8/Div
groze liebe, die si zuo zim heten, diu machete, daz si so
fruo dar chomen.
$9/Dise heiligen frowen die habent
uns pilde uor getan, da wir nach sculen tuon.
$10/Wir
sculn die uinster der poshait garliche uz unserm herzen
tuon, unt sculn daz herze errainen, daz diu sunne des
rehtes, der heilige christ, dar in scine, vnt sculn unser tivre
salben, unser wol smechente salben zu dem grabe
unseres herren bringen.
$11/Waz ist diu salben? daz sint diu guoten werc; daz
ist daz reine gebet, da mit sculn wir suochen unsern
herren, den wir gelovben, daz er uon dem tode erstanden
ist.
$12/Wir sculn ovch ze sinem grabe chomen.
$13/Wie? da sculn wir pilden sine martyr, also er durch
uns starp, daz ovch wir den sunden sterben.
$14/Wir sculn die wol wazente salben bringen, vnt sculn
so leben, daz der waz unt der guote leunte uon uns
g\^e, daz wir der christenhait gezemen, unt daz uon unserm
rehtem lebene die tumben gebezzert werden; so chomen
wir wol zuo dem grabe unsers herren.
$15/Di heiligen
frowen, do si hin ze dem grabe giengen, unt nehein man
mit in gie, vnt si wol wessen, daz si brode waren; do
sprachen si zuo ainandere: Quis reuoluet nobis
lapidem ab ostio monumenti?#Latein; Wer welzet uns den stein
uon dem grabe?
$16/Do si dar wider sahen, do was der
stein abe gewelzet.
$17/Wie er abe gewelzet wrde, daz
sait uns s. Matheus.
$18/Der engel chom uon himele,
unt warf den stein ab dem grab.
$19/daz tet er dar
vmb, daz er den frawen zaigt, daz daz grab eitel
waz, vnd vnser herre erstanten waz.
$20/Do vnser
herre dannoch totlich waz, vnd gemartert mocht
werden; ob er do mocht geborn werden von der heren
maget, daz si uil w\aerlich maget beleip; so endarf
niemand wunder dunchen, daz er von dem grab
ersten mocht, da der uil grozze stein ob lach.
$21/Do
der engel den stein ab gewarf, do giengen die frawen
in daz grap, vnd sachen einen Ivngelinch sitzen
ze der zeswen.
$22/Div zeswen bedutet den ewigen leip.
$23/Div winster bedutet disen zerg\aenchlichen leip.
$24/Der engel, der vns daz chvnt getet, daz der hilig
christ erstanten w\aer von dem tode, der saz von
recht ze der zeswen; wan der vns, ob wir reht leben
wellen, nach disem leib der ewigen vntotlicheit
gewiz hat gemacht.
$25/Des engels gew\aet waz wiz,
alz ein sne.
$26/Daz selb gew\aet bezaichent die fr\aeud
vnser hochzit, die hilig vrstend vnsers herren; div
hat fr\aeude bracht beidiv, dem menschen hie en erde,
vnd auch den Engeln da ze himel.
$27/mit siner vrstend
hat er vns des ewigen leibs gewiz gemachet.
$28/So erfr\aeuent sich die engel des, daz div stat da
ze himel erfult sol werden mit den s\aeligen menschen.
$29/Die hiligen frawen, do si den Engel sahen,
do erschrachen si.
$30/Do sprach der engel:
niht furchtet ev; ich weiz wol, ir suchet iesum von
Nazzareth, den gechrutzeten; der ist hie nicht, der ist
erstanten.
$31/Nv schvln wir merchen diu trostlichen
wort, div der engel sprach zv den frowen: ir enschult
ev nicht furchten, daz ir den himelischen boten sehet,
wan ir da ze himel schvlt sein mit den hiligen engeln.
$32/Alle, die diz werlt mer minnent, dann daz himelrich,
die mvzzent in hart furchten, wan si vngenad
mvzzent haben.
$33/Der engel sprach auch mer
zvo den frawen: Iesum, den ir da suchet, des gewalt
ist allenthalben; er ist aller ding geweltlich; auer
sein hiliger lip, der ist hie nicht gagenwurtich.
$34/schavet daz grap, vnd secht div stat, da vnser
herre geleit waz; ob ir minen worten nicht gelaubet,
daz ir doch dem iteln grab gelavbet.
$35/Do er in
die hiligen vrstende chvnt getet, do hiez er si gen,
daz si den hiligen iungern saiten, vnd n\aemlich sant
peter, daz er uil gewislichen erstanten w\aer, vnd daz
si in ze Galilea funden.
$36/welich durft waz des,
daz er petrum benam nante.
$37/petrus der hat vnsers
herren dristund verlaugent; vnd w\aer er nicht
genent bei namen, so entorst er vnder die iunger
nimmer mer sein chomen.
$38/Durch daz sein schuld
merer waz, denn eines andern; so nant in der engel
bei namen, daz er iht gezwiuelt, durch daz
er vnsers herren verlaugent het.
$39/In wolt avch
vnser herre siner christenheit ze maister geben; do lie
er in an siner aigen schulde lernen, wie er mit sinen
vndertanen gebarn scholt, die haubthafter svnde schuldich
waren; wie er die lokchen vnd trosten scholt,
daz si wider ze gotes hulden chomen.
$40/Der engel
der hiez die frawen, daz si den iungern saiten, er
chom vor in ze galilea; da scholten si in sehen.
$41/Galilea, daz spricht in vnser zung ein eroffenung,
vnd bezaichent die s\aelicheit des himelriches, da sich
vnser herre eroffent mit sinem vater vnd mit dem hiligen
geist sinen iungern.
$42/Vnser herre fuor vor
sinen iungern, dar nach volgten si im, vnd volgent
im alle tag die s\aeligen vnd die erwelten; daz ist div
war eroffenvnge; da eroffent er sich den erwelten, alz
er ist.
$43/An dem iungisten tage so wirt div war
eroffenvnge, da eines iegelichen menschen werch eroffent
werdent, da die rechten von den vnrechten gescheiden
werdent, die rechten zvo den ewigen genaden,
die vnrechten ze der ewigen helle.
$44/Nu schuln
wir den alm\aechtigen got vil innechlichen biten, daz
er vns helfe, daz wir in disem libe von allen vnsern
svnten so ersten mvzzen, daz wir ze der iungisten vrstende
mit den erwelten die vollichlich fr\aeude besitzen
mvzzen. amen.
$45/Nv schuln wir vnser zaichen, den
hiligen gelauben, sprechen, dem alm\aechtigen
got ze eren, dem tivfel ze laster.
pred$23/
$1/fides nostra.#Latein; want glovbt ir daz warez, daz der
ware gotes sun an dise werlt chomen unt geborn s\^i, gemartert
unt erstanten si, unt behaltet ir den gelovben mit
den guoten werchen, so gesiget ir ane zwiuel, alsam ovch
er gesiget, der heilige christus, paidiv, dem tieuel unt ovch
dirre werlt ane.
$2/Si testimonium hominum accipimus,
testimonium dei maius est.#Latein
$3/Uon diu muget
ovch ir vil gerne glovben; want scol man der livte geziuc
unt urchunde emphahen, unt scol man dem gelovben,
so scol man michels paz dem geziuge unt dem urchunde
des almahtigen gotes glovben.
$4/want, min fil lieben,
sprichet der guote iohannes, unser herre, der heilige christus,
der gab paidiv, mir unt allen minen huskenozen, sinen
heiligen geist zeime urchunde siner heiligen urstende;
$5/unt
haben ovch wir in sime namen mit dem heiligen gaist so
manic zaichen begangen, dem elliv disiv werlt muoz gelovben.
Qui credit in filium dei, habet testimonium dei in
se.#Latein
$6/Uon div, want ovch ir nu emphangen habet daz
gotes urchunde, daz ist der heilige glovbe unt diu heilige
tovfe; so pirt ir ovch gezalt zuo den waren gotes
chinden.
$7/darumbe git iv der himiliske vater den ewigen
lip.
$8/des helfiv der ware gotes sun durch siner
genaden willen.
pred$24/Secundum Iohannem.
Cvm esset sero die illa, una sabbatorum, et fores
essent clause, ubi erant discipuli congregati, propter
metum iudeorum, uenit ihesus et stetit in medio eorum,
et dixit eis: "Pax uobis!"#Latein
$1/Uns scribt hiute der guote s. iohannes ewangelista
an dem heiligen ewangelio, wie unser herre an dem heiligen
osterlichen tage zuo sinen iungeren chome, unt
sprach zuo zin: "Der gotes fride sie mit iv!"
$2/Et cum
hoc dixisset, ostendit eis manus et latus.#Latein; Do er daz
gesprach, do zait er in sine hente unt sine siten.
$3/do wrden ovch si vil fr\^o, daz si in gesehen heten.
$4/Sicut misit me pater, et ego mitto uos in mundvm.#Latein;
Dar nach sprach er zuo zin: also ich mins uater bot her
an dise werlt was, also scult ir nu mine boten sin.
$5/unt
do er die rede gesprach, do plies er in sin ahtem in,
unt sprach:
$6/Accipite spiritum sanctum!#Latein; nv habt iv
den heiligen geist, unt swem ir sine sunde uergebet, dem
sin si uergeben; unt swem ir si ovch niht uergeben welt,
dem sin si ovch unuergeben.
$7/Thomas, unus ex
duodecim, qui dicitur didimus, non erat cum eis,
quando uenit ihesus. Dixerunt ergo ei alii discipuli: uidimus
dominum.#Latein
$8/Do chom daz also, daz der guote
s. thomas pi sinen huskenozen do niene was.
$9/do er
auer chom, do saiten si im, wie si unseren herren gesehen
heten.
$10/Do sprach der guote s. thomas: Nisi uidero
in manibus eius fixuram clavorum etcetera.#Latein
$11/daz enwil
ich niemer glovben, daz der uon dem tode erstanden si,
ich engrif im aller erest mit minen vingeren durch sine
hente, da die nagele durch giengen, unt ich engrif im
mit miner hente durch sine siten, da er mit dem sper
durch gestochen was.
$12/Et post dies octo iterum erant discipuli eius intus,
et thomas cum eis. Uenit ihesus ianuis clausis etcetera.#Latein
$13/Daz gestuont also unz an disen heiligen tac.
$14/do
chom auer unser herre zuo sinen iungern, da si sich inne
uersperret heten durch die uorhten der iuden, vnt sprach
auer: pax uobis!#Latein; Der gotes fride si mit iv!
$15/Do
was ovh der guote s. thomas chomen.
$16/Zuo dem
sprach do der ware hailant: Infer digitum tuum huc,
et uide manus meas, et affer manum tuam etcetera.#Latein
$17/Thoma, nu grif her mit dinen uingeren unt mit
diner hende durch mine hende unt durch mine siten,
unt enhabe deheinen ungelovben, noch deheinen zwiuel
ane mir niemer mere, sunder wis gelovbic unt getriv.
$18/Do sprach der guote Thomas: Dominus meus et
deus meus.#Latein; herre, ich gelovbe an dich; want du pist
min got unt min herre.
$19/Do sprach unser herre:
Quia uidisti me, thoma, credidisti; beati, qui non
uiderunt, et crediderunt.#Latein; Thoma, nu hastu mich gesehen,
nu gelovbestu ane mich.
$20/nu sint die uil salic,
die mich nie gesahen, unt idoch an mich gelovbent.
$21/Min fil lieben, daz was ein genadiclichiv rede.
$22/want
da maint er iuch vnt alle die mit, die sint mals an dise
werlt geborn sint, die in nie gesahen, unt idoch ann im
in glovbent.
$23/darumbe uerhancter ovch des, daz der
sine erwelte iunger ann im gezwiuelt, daz er uon sime
ungelovben best\aetiget unt geuestent wrde an dem heiligen.
$24/Multa quidem et alia signa fecit ihesus in conspectu
discipulorum suorum etcetera.#Latein
$25/Unser herre der begienc
uil manic zeichen uor sinen iungeren, div elliv niht gescriben
sint.
$26/nu ist auer ditz zeichen unt disiv rede
darumbe also gescriben, daz ir daz warez scult gelovben
pred$25/
$1/phahent sin heiligez gebet da vnt bringent daz hin ze
himele fur den almahtigen got.
$2/Si quis autem ex
uobis errauerit a ueritate etcetera.#Latein
$3/Uon div scult ir uil
gerne iwers gebetes phlegen uil emziclichen, paidiv, umbe
ivch selben unt ovch umbe alle die heilige christenhait, unt
scult den tumben wisen mit leren, unt den sundare uon
sime unrehte becheren.
$4/want darumbe uerg\^it iv unser
herre got alle iwer sunde, vnt g\^it iv den ewigen lip.
$5/den gebiv der ware gotes sun dvrch siner genaden
willen. AMEN.
pred$26/[(?)Secundum(?)] Lucam.
Si qvis uestrum habebit amicum, et ibit ad illum media
nocte et dicet illi: amice, commoda mihi tres panes,
quoniam amicus meus uenit de uia ad me, et
non habeo, quod ponam ante illum.#Latein
$1/Uns scribt hiute der guote s. Lvcas an dem heiligen
ewangelio, wie unsern herren sine iunger paten,
daz er si ir gebet lert, wie si beten scolten.
$2/do lert
er si den heiligen pater noster#Latein;, unt do er si den gelerte,
do sprach er diu wort dar nach, div wir hiute lesen an
dem hailigen ampt.
$3/Swelher iwer, sprach er, einen friunt hete, unt chom
er hin ze des huose umb eine mittenaht, unt chlophete
an des tur, unt spr\aeche: "friunt, stant uf, unt
entlih mir drier brote; want mir ist ein min frivnt
chomen ab der straze, unt enhan im niht ze geben";
$4/So sprichet vil lihte der iwer frivnt, uor des tur ir
da stet: Noli mihi molestus esse; iam ostium clausum
est, et pueri mei mecum sunt in cubili; non possum
surgere et dare tibi.#Latein
$5/Nu ne mue mich niht; want
min tur diu ist beslozen, vnt pin, baidiv, ich selbe vnt
ovch miniv chint, in miner reste; ich ne mac niht uf gest\^en
vnt enmac dir niht gelihen.
$6/So sagich iv, sprichet
unser herre, unt enwil der iwer friunt umbe daz niht uf
sten, daz er iwer friunt ist, chlophet et ir denne staticlichen
da ze siner tur; er muoz uf sten ze iungest durch
daz, daz ir im ungemach tuot, vnt muoz iv geben, des
ir in da bitet.
$7/Also sage ich iv, sprichet unser herre,
pitet ir, iv wirt gegeben; suochet ir, ir uindet; chlophet
ir, iv wirt uf getan.
$8/want swer pitet, dem g\^it man;
vnt swer suochet, der uindet; vnt swer chlophet, dem wirt
uf getan.
$9/Mit der rede, min fil lieben, hat iv unser herre
wol erzait, daz er wil, daz ir in staticlichen vnt zallen
citen piten sculet.
$10/want der friunt, hinz des
tur ir umbe mitenaht chomen scult, daz ist er selbe.
$11/want diu naht diu bezeichent die manicvalten angest
unt arbeit dirre werlt.
$12/Div driu brot, daz ist der
vater unt der sun unt der heilige geist, der ivch da trosten
vnt frovwen sol, paidiu, ze disem libe unt ze dem
ewigen libe.
$13/Der iwer uriunt, der iv uon der straze
muoder chomen ist, unt den ir selbe niht beruochen
muoget, daz ist daz, swenne ir iwer leben ansehent werdet,
unt ivh iwer sunde geriwent;
$14/want da ne muget
ir denne niht uone chomen an unsers herren hilfe, so
scult ir chlophen an sine tur.
$15/Div tur, daz ist daz heilige gotes wort unt diu heilige
scrift. div rativ daz, swenn in unsern herren vnt
sine gnade suochen unt uinden welt, daz ir aller erist paidiu
mit pihte unt mit buoze unt mit aller slahte guotate
iwer herze ersuobert vnt errainet von aller der
achuste dirre werlt; so muget ir wol biten aller iwer
notdurfte.
$16/so ne scult ovch ir denne uon dem gebet
unt uon dem suochen unt uon dem chlophen niemer mere
chomen, unze daz er iv uf tuo die ture siner barmunge
unt iv gebe den ewigen lip.
$17/Uvie dirre heilige tac der cristenheit gesetzet wrde
ze buoze ir sunden unt fur die angest des gahen todes,
daz scult ir uernemen.
$18/wand sich zeinen citen die
lute wider unseren herren got uerworht heten mit ir tagelichen
sunden; so uerhancte unser herre im selben des,
daz er sinen zorn fur sin barmde uber die lute cherte,
daz im selben doch widerwartic ist.
$19/want div heilige
scrift diu sprichet: Misericordia et ueritas precedent
faciem tuam;#Latein; daz chuit: div erbarmide unt diu warhait
sculen dinem antlutze uorgen.
$20/Daz gescach also:
ze rome in der stat fliuzet ein wazzere, heizet div tyuer;
daz het sich so sere enchozen unt sinen runst so gar
uerloffen, daz ez daz alte gemuore allez nider geworfen
hete.
$21/Uz dem gemure erspult ez eiteriges
gewrmes ain michel chraft; daz fuort ez allez in daz
mere.
$22/Do daz gewrme in dem mere ertranc, unt iz
daz mere nach siner nature uz gewarf; do wart nach dem
stanche des ungewrmes, daz da ertrunchen was, sich der
luft uerwertet.
$23/unt uon dem nebele, der doch
in dem selben lante emzic ist, so wart der sterbe uon den
luten also groze, daz si ane zal, iunge unt alte, hine uielen
unt sturben.
$24/unt, also der wissage sprichet: A
sanctuario meo incipite,#Latein; ze minem heiligen stuole da vahet
an; so begunde der selbe sterbe da ze dem babest
sich anegengen, daz der zem ersten starp, vnt da nach
div werlt ane zal.
$25/Do genamen si uon der bewisunge des heiligen
geistes den heiligen man s. Gregorium, unt satzeten den
an den stuol.
$26/der gesatzete do fur die angest des gahen
todes dise cruce traht, also wir si hiut begen, vnt
scuof siben scar der lute mit dem cruce: die phafen besunder,
die munichen besunder, die nunnen besunder, die
laien besunder, die gehiten frowen besunder, die witewen
besunder, die maide besunder.
$27/Do si chomen hin ze
dem munster, da si daz heilige ampt begen scolten, unter
der predige, do si der heilige babest scunte, daz si
mit andahtigem herzen der gotes gnaden gerten, vnt siner
barmunge uber sich selben unt uber alle die heilige christenhait;
$28/do sturtzeten allen gahes ahzic mennisc
ensamt fur sine vuoze unt sturben in dem munster. Do
uiel der heilige babest mit samt den luten an sin antlutze
fur den almahtigen got, vnt erwaruin antlaz uone
gote.
$29/unt do er sich uf gerihte, do sach er sten uf
dem dietriches huose einen engel mit pluotigem swerte;
der wiskete daz selbe swert durch sinen geren.
$30/Do
uerstuont sich der heilige man, daz der ewige uater sines
zornes hin ze den liuten erwinden wolte, vnt troster daz
liute, unt wrden si uon der angeste des gahen todes erloste;
$31/vnt wart diu selbe cruce traht der heiligen christenhait
uf gesetzet iarlichen ze beg\^ene fur den gahen tot,
vnt swaz so in werrende si ze sele oder ze libe.
$32/Nu
mane wir ivch des in dem almahtigen gote, also iv daz
heilige ewangelium geraten hat, daz ir also pitet, daz iv
gegeben werde; daz ir also suochet, daz ir uindet;
daz ir also chlophet, daz iv uf getan werde div tur des
himelriches.
$33/dar in muoze ivch der almahtige gote
beleiten durch siner genaden willen.
pred$27/In inuentione s. crvcis.
Hoc signum crucis erit in celo, dum dominus ad iu
dicandum uenerit.#Latein
$1/Wande wir hiut begen die gehugede unt den tac
des heiligen cruces, also ez erhaben unt erfunden wart;
so scult ir churcelichen uernemen, wie iz erhaben unt
erfunden wrde.
$2/Do unser herre, der himiliske vater,
sinen einen born sun uon siner barmunge her in dise werlt
sante, daz er die heilige marter an sich name fur ivch
unt vur allez mankunne, vnt daz er genagelet wart an
dem heiligen cruce, unt dar an erstarp;
$3/do namen
iz die iuden, unt ovch der zwair schach\aer galgen,
die pi unserm herren da erhangen waren, unt begruben
die mit dem heiligen cruce uil tiefe in die erde.
$4/Da
lac do daz here cruce uerborgen in der erde unze an
eines uil heiligen babes cit, der hiez silvester. pi des
citen was ovch da ze rome ain cheiser, der hiez constantinus,
vnt was ein heiden.
$5/dem sait der heilige pabest
daz gotes wort also lange uor, unze daz er in zuo
der tovfe braht.
$6/want sin ovch do got ruochunge haben
wolte, vnt im sin becherde anphanclich was, so sant
er im do siechtuom ane, daz er wart miselsuhtic, vnt
machet in wider gesunt in der heiligen tovfe.
$7/Da uon wart do da ze rome vnt uber alle die heilige
christenhait ein vil groziv frovde, daz der cheiser paidiv,
bechert unt ovch gesunt was worden in der heiligen tovfe.
$8/Daz gestunt do dar nach uil unlange, unze daz der
cheiser ein hervart suochen scolt uf die heiden; da heter
groze sorge zuo.
$9/Do erscain im ein heiliger engel in
sime trovme, unt unterwistin des, daz er fuoren scolte
einen roten hervanen, der gezeichen ware nach dem
heiligen cruce.
$10/da mit scolter allen sinen uienten ane
gesigen.
$11/Do der cheiser erwachet, do wart er vil
fr\^o, unt tet, also er uon dem engel untirwist was, unt
hiez im uor fuoren ainen roten hervanen, der nach dem
heiligen cruce gezeichent was, unt gesigete mit dem heren
zaichen allen sinen uienten an.
$12/Da wart auer do
ein vil groziv frovde uon; unt uon der selben frovde,
unt ovch durch die liebe des heiligen cruces so fuor iesa
des cheisers muoter, s. elena, hin ze ierusalem, daz si
da suochen unt ovch uil gerne uinden wolte daz ware
zaichen des heiligen cruces, da got allez mankunne
an erlost hete.
$13/Do si do chom hin ze ierusalem
pred$28/
$1/nu hine widere lobe unt genade sagen dem himilisken
vater in dem namen sins vil lieben suns, uon des offenunge
wir sinen vaterlichen namen erchennen, unt durch
des liebe er uns armen sundaren die genade unt ovch die
ere uerlihen hat, ob wir si ....
pred$29/
$1/unt hiez in sagen, di ...... w\aere gereit, die varren
unt daz gevugele daz w\aere allez erslagen, unt ez w\aere
allez gereit, daz si chomen.
$2/Do ne wolten si auer
niht chomen. ir ettelicher gie ze sinem buowe, ettelicher
ze anderem sinen gewerve, sumeliche die uiengen
die ......
$3/[(?)Amice, quomodo huc intrasti, non habens(?)]
vestem nuptialem?#Latein
$4/Friunt, warumbe giendu
her in ane brutliche gewate?
$5/Do erstummeter unt
enantwrte niht.
$6/Do sprach der kunic ze sinen luten:
Ligatis manibus et pedibus eius mittite eum in tenebras
exteriores.#Latein 
$7/Bindet im die hende unt die fuoze,
unt werfet in ......
pred$30/
$1/[(?)Spiritus sanctus(?)] superueniet in te.#Latein; Der heilige
geist chumet in dich, unt div tugende des allerhohisten
div umbe scatwet dich; unt daz chint, daz uon dir
geborn wirt, daz wirt geheizen der gots sun.
$2/Dem
selbem sune, den uns der ewige uater so herliche unt so
gotliche in dise werlt ze tro-