Wigalois der Ritter mit dem Rade, von Wirnt von Gravenberc, hrsg. v.
J.M.N. Kapteyn, Bonn 1926.

000001 Wer ha^t mich guoter u^f geta^n ?
000002 si^ ez iemen der mich kan
000003 beidiu lesen und verste^n ,
000004 der sol gena^de an mir bege^n ,
000005 ob iht wandels an mir si^ ,
000006 daz er mich doch la^ze vri^
000007 valscher rede : daz e^ret in .
000008 ich weiz wol daz ich niene bin
000009 geliutert und gerihtet
000010 noch so^ wol getihtet
000011 michn velsche li^hte ein valscher man ,
000012 wan sich niemen vor in kan
000013 beh}eten wol , swie rehte er tuot .
000014 dehein rede ist so^ guot
000015 sine velschen si , daz weiz ich wol .
000016 swaz ich valsches von in dol ,
000017 owe^ , wem sol ich daz klagen ?
000018 ich wilz et harte ringe tragen ,
000019 mac ich der besten lop bejagen .
000020 Swer na^ch e^ren sinne ,
000021 triuwe und e^re minne ,
000022 der volge guoter le^re -
000023 daz v}edert in vil se^re -
000024 unde vli^ze sich dar zuo
000025 wie er na^ch den getuo
000026 den diu werlt des besten giht ,
000027 und die man doch dar under siht
000028 na^ch gotes lo^ne dienen hie ;
000029 den volge wir , wan daz sint die
000030 den got hie saelde ha^t gegeben
000031 und dort ein e^wicli^chez leben ,
000032 dar na^ch wir alle sulen streben .
000033 Waer ich ein also^ wi^ser man
000034 daz ich wol m|hte - als ich doch kan -
000035 gesprechen na^ch des herzen gir !
000036 leider , nu^ geswi^chent mir
000037 beidiu zunge und ouch der sin ,
000038 daz ich der rede niht meister bin
000039 die ich ze sprechen willen ha^n ,
000040 wan daz ichz dar u^f ha^n geta^n
000041 daz ich mi^nen willen hie
000042 gerne erzeicte - wesse ich wie -
000043 daz ez die wi^sen du^hte guot .
000044 got gebe mir sin und in den muot
000045 daz si mirz verva^hen wol .
000046 ich bin noch ganzer sinne hol ;
000047 des sprich ich na^ch kindes sit .
000048 erziuge ich hie iht guotes mit ,
000049 ob mi^n geist gev}eget daz ,
000050 des sol man mir danken baz
000051 dan einem sinne ri^chen man ,
000052 der meister ist und sprechen kan :
000053 der ha^t des me^r dan ich geta^n .
000054 Man sol mir des gena^de sagen
000055 daz ich her in mi^nen tagen
000056 mich dar u^f geflizzen ha^n ,
000057 si^t ich mich guotes e^rst versan ,
000058 wie ich mit mi^ner zungen daz
000059 verdiente daz die wi^sen baz
000060 mich mit ir gruoze he^ten doch ;
000061 des bin ich erla^zen noch ;
000062 daz machet mi^n gro^z unheil
000063 und mi^n boeser sin ein teil .
000064 waz frumt den ri^chen argen man ,
000065 der al der werlt guotes erban ,
000066 ob er tu^sent marke
000067 heizet in si^ner arke
000068 vil vaste besliezen ?
000069 wer mac des geniezen ,
000070 ern wellez teilen unde geben ?
000071 an dem honige ist mir vergeben ,
000072 wand ich durch ( minen ) boesen gemach
000073 mi^nen schaden }bersach ,
000074 des ist mi^n leben immer swach .
000075 Si wellent daz daz iht witze si^n ,
000076 swer ro^tez golt under diu swi^n
000077 werfe und edel ( ge )steine :
000078 des vreuwent si sich doch kleine :
000079 si wa^ren ie v}r daz golt
000080 der vil tr}eben lachen holt ;
000081 da^ bewellent si sich inne . -
000082 swer guote rede minne
000083 und si gerne hoere sagen ,
000084 der sol mit z}hten gedagen
000085 und merken si rehte : daz ist im guot .
000086 si getiuret ( vil ) manges mannes muot ,
000087 wand er vernimt vil li^hte da^
000088 des er sich gebezzert sa^ ;
000089 daz getiuret in oft anderswa^ .
000090 So^ spricht vil li^hte ein tumber man
000091 eine rede , der si gemerken kan
000092 daz si dem ze staten kumt
000093 und im an si^nen siten vrumt .
000094 swa^ von dem guoten guot geschiht ,
000095 daz dunket die boesen gar enwiht ,
000096 wand in vil we^nic ze herzen ga^t
000097 guotiu rede und guot geta^t .
000098 si bietent li^hte d'o^ren dar :
000099 ir muot ste^t aber anders war :
000100 an valsch und an bo^sheit .
000101 swaz den von mir wirt geseit ,
000102 daz ruofte ich gerner in einen walt :
000103 da^ v}nde ich doch die tagalt
000104 daz mir mi^n o^re w}rde erschalt .
000105 Hie vinde ich anders lo^nes niht
000106 wan swaz er hoeret oder siht ,
000107 des spot er gerne swa^ er mac ;
000108 daz ist des valschen widerslac ;
000109 swaz dem von mir wirt geseit
000110 e^ren oder vr}micheit ,
000111 des nimt er vil kleine war ;
000112 er la^t ez durch diu o^ren gar ,
000113 zem einen i^n , zem andern u^z .
000114 ezn vrumt in niht umb ein gru^z
000115 swaz ich im ( guotes ) gesagen kan ,
000116 wand im si^n valschez herze erban
000117 guotes unde e^ren .
000118 wer mac den guot gele^ren
000119 der ein valschez herze treit ?
000120 er bewillet sich mit ( der ) bo^sheit
000121 als sich daz swi^n mit horwe tuot .
000122 zem besten rihtet iuwern muot .
000123 nu volget mir : ez wirt iu guot .
000124 Mi^n kunst diu was verborgen ie ;
000125 die wold ich nu offen hie ,
000126 ob ich mit mi^nem munde
000127 m|hte swaere stunde
000128 den liuten senfte machen ,
000129 und von solhen sachen
000130 daz guot ze hoeren waere .
000131 nu wil ich iu ein maere
000132 sagen , als ez mir ist geseit .
000133 zeiner ganzen wa^rheit
000134 tru^we ich ez niht bringen ;
000135 wan eines wil ich dingen :
000136 daz ir durch iuwer h|vischeit
000137 dem tihtaer des gena^de seit
000138 der ditze ha^t getihtet ,
000139 mit ri^men wol berihtet ,
000140 wan ditz ist si^n e^rstez werc .
000141 er heizet Wirnt von Gra^venberc .
000142 der werlte ze minnen
000143 enblient erz si^nen sinnen :
000144 ir gruoz wil er gewinnen .
000145 Ez was hie bevor , so^ man seit ,
000146 ein k}nic , der ie na^ch e^ren streit ,
000147 des nam wi^ten ist erkant ;
000148 Britanja^ hiez si^n lant ,
000149 selbe hiez er Artu^s ;
000150 ze Karido^l he^t er hu^s .
000151 mit solhen vreuden stuont ez do^
000152 daz uns daz nu machet vro^
000153 so^ man der herren vr}micheit
000154 uns niwan mit worten seit
000155 die do^ des hoves pfla^gen ;
000156 die muosen dicke wa^gen
000157 durch lop den li^p : daz was ir sit .
000158 da^ muosen si verdienen mit
000159 die stat zer tavelrunde .
000160 swer daz verdienen kunde
000161 daz er der taveln reht besaz ,
000162 den he^t man immer deste baz .
000163 ouch ist e^ oft vil geseit
000164 von der herren vr}micheit
000165 und von des k}niges milte ,
000166 den des niht bevilte
000167 swaz er e^ren m|hte bejagen ;
000168 des muoz man von im immer sagen ;
000169 beidiu si^n nam und si^n lant
000170 diu sint manigem erkant
000171 der ir dewederz nie gesach .
000172 von dem mir nie guot geschach
000173 dem wil ich doch sprechen guot ,
000174 ob er daz beste gerne tuot ;
000175 daz was von kinde ie mi^n muot .
000176 Als ichz vernomen ha^n ,
000177 so^ lac daz hu^s an einer pla^n .
000178 ein gro^z fo^reis dar an stiez .
000179 der k}nic daz vil selten liez
000180 ern rite baneken darin .
000181 ez was der ri^ter gewin
000182 und ir aller bestez spil
000183 daz si a^ventiure vil
000184 da^ zallen zi^ten vunden .
000185 daz jagen mit den hunden
000186 was da^ under wi^len gro^z .
000187 durch den walt ein wazzer vlo^z
000188 v}r daz hu^s an einer si^t ;
000189 daz was eben unde wi^t ,
000190 besetzet vil he^rli^che
000191 mit mangem v}rsten ri^che ,
000192 die alle gehu^set he^ten drin .
000193 ez was der geste gewin
000194 daz si alle umb e^re striten ;
000195 deheine vr}mcheit si vermiten ,
000196 daz beste si alle ta^ten .
000197 daz hu^s was wol bera^ten
000198 mit vil gro^zer ri^cheit ,
000199 als uns diu a^ventiure seit ;
000200 ir guot was mangem man bereit .
000201 Des k}niges hu^s enmitten pflac
000202 der , na^ch dem alten site , pflac
000203 die ri^ter alle enpfa^hen wol ;
000204 er was reiner tugent vol ,
000205 gewizzen unde staete ;
000206 a^ne valsche raete
000207 minnet er iegeli^chen man ;
000208 daz was he^rli^ch geta^n .
000209 als ez von im geschriben ste^t ,
000210 wol tu^sent ri^ter er he^t
000211 ze gesinde t{geli^che ;
000212 der iegeli^cher was so^ ri^che
000213 an rossen und an gewande ,
000214 an b}rgen und an lande ,
000215 daz im nihtes gebrast ;
000216 dar zuo he^t er mangen gast ,
000217 den er von si^ner hant beriet ;
000218 von im niemen ungetroestet schiet ;
000219 er lo^ste den recken dicke ir pfant ;
000220 des ist noch si^n nam erkant
000221 von si^ner milte }ber {lliu lant .
000222 Ein palas he^t diu k}nigi^n
000223 daz was m{rmelsteini^n ,
000224 gezieret wol begarwe ,
000225 von vier hande varwe :
000226 ro^t , bru^n , weiti^n und gel ;
000227 daz hu^s daz was sinwel ,
000228 beliewet umb und umbe wol .
000229 ri^cher vrouwen was ez vol ;
000230 vil manic maget su^berli^ch
000231 dienten aller t{geli^ch
000232 der ri^chen k}niginne .
000233 ouch he^t si dar inne
000234 ri^cheit und vreude vil .
000235 aller hande seitspil
000236 die juncvrouwen kunden ;
000237 daz ho^rte man zallen stunden
000238 in den gewelben schellen ;
000239 der kleinen hunde bellen
000240 dar inne vaste klingen ;
000241 mangen vogel singen
000242 in den liewen }ber al :
000243 galander unde nahtegal
000244 iegeli^cher si^ne stimme sanc .
000245 die vrouwen du^hte diu wi^le unlanc ;
000246 des sagten si dem k}nige danc .
000247 Nu he^t der k}nic einen sit -
000248 da^ was si^n hof getiuret mit -
000249 daz er ze tische nie gesaz
000250 des morgens , e^ er eteswaz
000251 von a^ventiure he^t vernomen .
000252 eins tages was ez also^ komen , -
000253 daz doch selten da^ geschach -
000254 daz man niht a^ventiure sach
000255 unze wol na^ch mittem tage ;
000256 daz was des ingesindes klage ;
000257 si stuonden an der warte hie .
000258 diu edel k}niginne gie
000259 von den ri^tern u^f ir sal .
000260 do^ sach si bi^ der mu^r zetal
000261 einen schoenen ri^ter haben ;
000262 der was geriten an den graben .
000263 der vrouwen was er unbekant .
000264 ein sper vuort er in der hant ,
000265 von scharlachen was er gekleit ,
000266 si^n pf{rt was ro^t daz er reit ,
000267 si^n ha^r gemischet unde reit .
000268 Als er die k}niginne sach ,
000269 vil gezogenli^che er do^ sprach
000270 " u^f gna^de bin ich komen her ;
000271 nu gewert mich , vrouwe , des ich ger ,
000272 durch wi^pli^che g}ete :
000273 so^ ist mi^n gem}ete
000274 gepri^set immer me^re ;
000275 nu enpfa^het durch iuwer e^re
000276 mi^n bet genaedicli^che ,
000277 daz iuch diu Saelde ri^che . "
000278 " nu sprechet , ri^ter , wes ir gert . "
000279 " vrouwe , daz ich werde gewert . "
000280 " nu^ saget mir doch : wes ? "
000281 " vrouwe^ , niwan des :
000282 daz ir von mir geruochet nemen
000283 einen g}rtel , der wol m|hte gezemen
000284 al der werlte vrouwen ;
000285 den la^z ich iuch schouwen .
000286 behaltet in unz morgen vruo .
000287 trage iuch iuwer muot dar zuo ,
000288 so^ habet iu'n zeigen von mir ;
000289 si^ ab , vrouwe , daz ir
000290 den g}rtel niht behalten welt ,
000291 so^ wil ich in als ein helt
000292 morgen holen hie durch stri^t
000293 ze rehter a^ventiure zi^t ;
000294 od ich bin der hie to^t geli^t . "
000295 Diu vrouwe sprach " daz si geta^n ;
000296 ich wil a^ne boesen wa^n
000297 von iu die ga^be enpfa^hen hie ;
000298 also^ doch - ich sagiu , wie -
000299 daz ich iuch , ri^ter , niht entwer :
000300 ir sult morgen komen her
000301 und holt den g}rtel ; daz ist mi^n ra^t .
000302 ich schaffez wol daz ez so^ erga^t
000303 daz ir behaltet iuwer leben .
000304 nu wizzet , ich ha^n iu wol gegeben
000305 daz ich daz tuon durch iuwer bet
000306 mit willen hie an dirre stet
000307 daz ich durch man e^ nie getet . "
000308 Den g}rtel leite er u^f daz sper ;
000309 mit guotem willen reicht er
000310 der vrouwen si^ne ga^be do^ ;
000311 er neic ir unde sprach also^
000312 " nu la^t mich iuwer hulde haben ;
000313 ich wil ri^ten von dem graben
000314 wider zuo dem walde . "
000315 do^ reit er also^ balde
000316 daz si^n da^ niemen war genam
000317 unz er ze si^nen knappen kam .
000318 die wa^rn mit gro^zen vreuden da^ ;
000319 si sa^hen in zuo ri^ten sa^ .
000320 nu la^ze wir den ri^ter si^n .
000321 den g}rtel ha^t diu k}nigi^n ;
000322 der rieme was also^ geta^n
000323 daz ich iu niht gesagen kan
000324 welher hande er waere ;
000325 er was ninder laere
000326 von gesteine noch von golde ;
000327 swer einen w}nschen solde ,
000328 dern w}rde nimmer also^ guot .
000329 der k}niginne riet ir muot
000330 daz si den g}rtel umbe bant ;
000331 do^ he^t diu vrouwe sa^ zehant
000332 vreude unde wi^sheit :
000333 sine truobte deheiner slahte leit ,
000334 die spra^che kunde si alle wol ,
000335 ir herze daz was vreuden vol ,
000336 swaz spils man da^ begunde ,
000337 si du^Hte des wie siz kunde ;
000338 deheiner kunst ir niht gebrast .
000339 si du^hte daz der selbe gast
000340 wol m|hte si^n ein ri ^cher k}nic ;
000341 er du^hte si biderbe unde vr}mic
000342 als ez wol an dem g}rtel schein .
000343 si schuof daz ir her Ga^wein
000344 w}rde bra^ht u^f den sal .
000345 von den liewen gie si zetal
000346 wider sitzen an ir stat ;
000347 die vrouwen si alle sitzen bat .
000348 her Ga^wein kom als si gebo^t .
000349 ern vorhte deheiner slahte no^t ;
000350 des gelac vil manger von im to^t .
000351 Diu vrouwe in zuo ir sitzen hiez .
000352 si wesse wol daz er niht enliez
000353 swes si in bat ern taete daz ;
000354 ir geviel si^n vuore deste baz .
000355 si sprach " helt , nu ra^tet mir ,
000356 wand ich erkenne wol daz ir
000357 habt so^ tugenthaften muot
000358 daz ir nimmer missetuot :
000359 daz ha^t man ofte an iu gesehen .
000360 ein a^ventiure ist mir geschehen ,
000361 die wil ich iuch wizzen la^n ;
000362 ich bedarf wol iuwers ra^tes dran . "
000363 waz welt ir der rede me^ ?
000364 si sagt im als ich iu e^ .
000365 als er von ir he^t vernomen
000366 wie der ri^ter dar was komen
000367 und wiez umb den g}rtel stuont ,
000368 do^ tet er als die wi^sen tuont :
000369 eine wi^le er swi^gende saz .
000370 mit beda^htem muote sprach er daz
000371 " nu wizzet , vrouwe he^re ,
000372 ez waer wider iuwer e^re
000373 und w}rde ein boesez maere ,
000374 swie guot der g}rtel waere ,
000375 und engaebet ir in im niht wider .
000376 vrouwe , irn sult niht nider
000377 la^zen iuwern ho^hen muot
000378 durch deheiner slahte guot :
000379 ir si^t dar zuo ze ri^che ;
000380 und wizzet waerli^che :
000381 swie si^n dar na^ch werde ra^t ,
000382 kumt er morgen , als er ha^t
000383 gelobet , daz man in besta^t . "
000384 Diu rede he^t ein ende hie .
000385 her Ga^wein zem gesinde gie
000386 und sagt in die geschiht do^ ;
000387 des wurden die ri^ter alle vro^ .
000388 des andern morgens kom durch stri^t
000389 ze rehter a^ventiure zi^t
000390 der vil tugenthafte gast
000391 gewa^fent daz im nihts gebrast .
000392 ern vorhte deheiner slahte no^t .
000393 ein ravi^t reit er daz was ro^t ,
000394 daz gie ze sprunge scho^ne .
000395 si^n zimier was ein kro^ne ;
000396 ein gro^z rubi^n dar inne lac ;
000397 diu kro^ne lu^hte als der tac
000398 von golde und von gesteine .
000399 si^n angest diu was kleine .
000400 si^n wa^fenroc von borten was ;
000401 ein sami^t gr}ene alsam ein gras
000402 was ze der banier gesniten .
000403 sus kom der ri^ter dar geriten .
000404 u^f si^nem schilte lac ein ar ;
000405 der was von ro^tem golde gar ,
000406 daz ander von lazu^re .
000407 sus reit er zuo der mu^re ,
000408 da^ er die k}niginne vant .
000409 si^nen helm er abe bant
000410 und sazte in u^f den satelbogen .
000411 er was h|fsch und wol gezogen .
000412 sin houbet daz entwa^fent er ,
000413 an die mu^re leint er si^n sper .
000414 do^ er die k}niginne ersach ,
000415 mit gro^zen z}hten er do^ sprach
000416 " edle vrouwe , hoeret mich
000417 durch iuwer g}ete ; des ger ich .
000418 wert mich mit gnaedecli^chem sit
000419 eins dinges , des ich iuch bit :
000420 daz ir die ga^be behaltet hie . "
000421 si sprach " ri^ter , des enwart mir nie
000422 ze muote , daz geloubet mir ;
000423 edel ri^ter , ja^ne sult ir
000424 solher dinge niht harte gern
000425 der man iuch niht mac gewern ;
000426 ich wil der rede von iu enbern .
000427 Herre , nemt den g}rtel wider . "
000428 si liez in scho^ne vallen nider
000429 von der mu^re u^f si^n knie ;
000430 mit der hant ern ouch enpfie .
000431 als er die vrouwen z}rnen sach ,
000432 der ri^ter offenli^che sprach
000433 " swer ie durch h|vischeit gestreit ,
000434 der gewinne in mit manheit
000435 an mir : des ha^t er e^re ;
000436 od ichn wil nimmer me^re
000437 des hoves wort gesprechen ;
000438 sol ich niht zebrechen
000439 mi^n sper vor der porte hie ,
000440 so^n geschach hie a^ventiure nie . "
000441 der vrouwen neic er sa^ zehant .
000442 si^nen helm er u^f bant
000443 und reit vermezzenli^che dan
000444 v}r daz hu^s u^f die pla^n .
000445 die von der tavelrunde
000446 spra^chen mit einem munde
000447 " wa^ nu schilt unde sper !
000448 harnasch und ors her ! "
000449 und swer e^ bereit wart ,
000450 der was der e^rste an die vart .
000451 Kaii^ den schilt ze halse nam ;
000452 mit zorne er u^z ze velde kam :
000453 er wolde bejagen den gewin .
000454 mit gro^zen schanden vlo^s er in ,
000455 wand in der ri^ter niderstach -
000456 daz ez diu k}niginne sach -
000457 von dem orse u^f daz gras .
000458 Didones der naehste was ;
000459 der rief in ri^terli^che an ;
000460 do^ ke^rte er als ein k}ene man
000461 und stach in von dem rosse nider .
000462 gegen dem walde ke^rter wider .
000463 Segremors erreit in do^ ;
000464 mit dem teilt er den g}rtel so^
000465 daz er mit leide den langen tac
000466 betoubet u^f dem velde lac .
000467 Miljanz , der tugentri^che man ,
000468 der reit in ri^terli^che an ;
000469 den stach er nider u^f die pla^n ;
000470 daz was im selten e^ geta^n .
000471 ichn kan si niht genennen gar ,
000472 wan daz diu tugenthafte schar
000473 von der tavelrunde
000474 in vil kurzer stunde
000475 wart da^ sigelo^s ersehen ;
000476 owe^ , wie mohte daz ie geschehen !
000477 alle die na^ch dem ri^ter riten
000478 die kunde er des vil wol erbiten
000479 daz si in liezen ri^ten dan .
000480 an dem velde lac manic man
000481 der des ungewon was ;
000482 bedecket was daz gr}ene gras
000483 mit den schilten eteswa^ ;
000484 diu ros liefen ledic da^ ,
000485 als ein stuot waer u^z geslagen ;
000486 man sach da mangen i^n tragen
000487 der e^ scho^ne was u^z geriten .
000488 si m|hten in gerne ha^n vermiten ,
000489 wan si da^ schande von im liten .
000490 Nu reit der ri^ter sa^ zehant
000491 da^ er si^ne knappen vant .
000492 die wa^ren si^ns gel}ckes vro^ ;
000493 mit vreuden enpfiengen si in do^ .
000494 den helm man im abe bant ;
000495 selbe schut er si^n i^sengwant
000496 in den schilt zuo im da^ .
000497 zwe^ne knappen hiez er sa^
000498 an daz fo^reis ri^ten .
000499 er sprach " ir sult da^ bi^ten
000500 unz ir daz vil rehte erspehet
000501 daz ir einen ri^ter sehet
000502 von dem hu^se ri^ten her ;
000503 den erkenne ich wol , wan daz ist der
000504 dem an deheinem stri^te nie
000505 von si^ner zagheit missegie ;
000506 gegen dem wil ich ruowen hie .
000507 Die knappen riten v}r den walt .
000508 ir vreude diu was manicvalt .
000509 si warten , als er in gebo^t .
000510 do^ ho^rten si vil gro^ze no^t
000511 von der m{sseni^e klage .
000512 der hof enwart nie vor dem tage
000513 geletzet also^ se^re .
000514 diu k}nigi^n Ginove^re
000515 saz mit gro^zem ja^mer hie :
000516 irn geschach da^ vor so^ leide nie .
000517 nu^ wa^fent sich her Ga^wein ,
000518 der ie in ri^ters e^ren schein .
000519 u^f si^n ors saz er .
000520 man reichte im schilt unde sper .
000521 sus reit er v}r daz b}rgetor ;
000522 da^ sa^hen in die knappen vor .
000523 er reit st{teli^che dan .
000524 ze stri^te was er ein wi^se man ,
000525 wan er he^t ofte vil gestriten ,
000526 durch manheit u^f den li^p geriten .
000527 er stapfet sanfte , im was niht ga^ch .
000528 daz ingesinde sach im na^ch
000529 und bat got si^nes li^bes pflegen .
000530 si he^ten sich si^n gar bewegen ,
000531 wan daz im nie misselanc .
000532 daz gevilde daz was harte lanc ;
000533 daz reit er gegen dem walde nider .
000534 die zwe^ne knappen i^lten wider
000535 und sagten im er kaeme da^ .
000536 der ri^ter hiez sich wa^fen sa^ .
000537 den g}rtel gurter umbe sich ;
000538 wan durch si^n kraft , so du^hte mich
000539 im waer da^ misselungen .
000540 diu ors ze samne sprungen
000541 do^ si ein ander sa^hen .
000542 si begunden vaste ga^hen ;
000543 diu ors na^mens mit den sporn ;
000544 ir ietweder he^t erkorn
000545 den andern underz kinnebein ;
000546 do^ huop sich under in zwein
000547 ein harte schoeniu ri^terschaft ,
000548 wan ir ietweders schaft
000549 brast ze mangen st}cken ;
000550 do^ muosen si z}cken
000551 diu swert von den si^ten ;
000552 hie huop sich schoenez stri^ten
000553 enzwischen in beiden .
000554 wer solde si da^ scheiden ,
000555 si^t da^ niemen bi^ in was ?
000556 si erbeizten nider u^f daz gras .
000557 diu ors enhe^ten in niht geta^n ;
000558 si liezen }ber sich selben ga^n .
000559 si he^ten beide ganze kraft
000560 und va^hten ouch mit meisterschaft ,
000561 wan si kundenz beide wol .
000562 mir ist leit , daz ichz sagen sol
000563 daz dem herren Ga^wein ie
000564 an dem stri^te missegie ;
000565 doch wil ich im des pri^ses jehen :
000566 im waere des lasters niht geschehen
000567 wan durch den g}rtel , den er truoc :
000568 der steine kraft in nider sluoc ;
000569 da^ von der gast den sic gewan .
000570 er waer si^n anders gar erla^n .
000571 des wart her Ga^wein vil unvro^ .
000572 der edel ri^ter vienc in do^ ;
000573 in si^n gezelt zo^ch er in ;
000574 daz was ein ri^terli^ch gewin .
000575 owe^ , daz dem herren Ga^wein ie
000576 von deheinem manne missegie :
000577 wan bezzer ri^ter dern wart nie .
000578 Als diu sicherheit wart geta^n ,
000579 do^ reit der gevangen man
000580 mit dem herren durch den walt .
000581 diu klage was vil manicvalt
000582 da^ ze hove von der geschiht .
000583 k}nc Artu^s was da heime niht :
000584 er was u^z an daz gejeit .
000585 do^ er kom , do^ was im leit
000586 und truobet se^re si^nen muot ,
000587 daz so^ manic ri^ter guot
000588 geschendet was von einem man .
000589 ouch was des ingesindes wa^n
000590 daz her Ga^wein waere erslagen ;
000591 daz begundens alle klagen .
000592 si^n schande was im doch so^ geschehen
000593 daz ir deheiner si he^t ersehen :
000594 da^ von was ez in unkunt .
000595 ezn kaeme ouch nimmer v}r mi^n munt ,
000596 he^t mirz ein knappe niht geseit
000597 zeiner ganzen wa^rheit ,
000598 wider den ich alle wi^le streit .
000599 Nu riten die zwe^n k}ene man
000600 mit vil gro^zen vreuden dan
000601 und ko^men in ein wilde lant .
000602 der herre den g}rtel abe bant
000603 als er die vreise vor im sach .
000604 zem herren Ga^wein er do^ sprach
000605 " herre und lieber ( ge ) selle ,
000606 seht ir daz gevelle
000607 und die steinwende ?
000608 daz ist a^ne wende
000609 wirn m}ezen ri^ten dar an .
000610 nu nemt den g}rtel den ich ha^n ;
000611 behalt in unz an iuwern to^t
000612 und si^t sicher vor aller no^t :
000613 wan daz ir siglo^s si^t ersehen
000614 daz ist von si^ner kraft geschehen .
000615 ichn zel mirz ze deheiner vr}micheit ,
000616 wand ir habt gro^ze manheit
000617 begangen allez iuwer leben ;
000618 man ha^t iu ie den pri^s gegeben
000619 an rehter ri^terschefte .
000620 daz mir von mi^ner krefte
000621 diu e^re si^ gevallen hie ,
000622 den gelouben gewan ich nie ,
000623 wan daz ist ie a^ne wa^n
000624 ezn habe der steine kraft geta^n .
000625 iun mac nu^ nimmer missege^n ;
000626 a^n angest m}get ir beste^n
000627 swaz vreise ir in der werlte welt . "
000628 mit triuwen neic im do^ der helt ;
000629 der ga^be wart er harte vro^ .
000630 er gna^det im und gurte do^
000631 den g}rtel under si^n i^sengwant .
000632 da^ von enpfienc er zehant
000633 vil gro^ze sterke und manheit .
000634 u^f den berc er do^ reit
000635 na^ch dem herren in ein lant .
000636 ich waen ie iemen w}rde erkant
000637 ein lant so^ vreuden ri^che :
000638 ez bluot allez geli^che ,
000639 bluomen unde boume .
000640 wie er in einen troume
000641 waere , des bedu^hte in sa^ .
000642 der vogel sanc was michel da^ .
000643 daz lant gar a^ne liute was :
000644 niwan bluomen unde gras
000645 der was daz gevilde vol .
000646 diu ougen weide tet im wol .
000647 swie ichz doch kurzli^che sage ,
000648 si wa^rn geriten zwelf tage .
000649 des dri^zehenden morgens vruo
000650 ko^men si geriten zuo
000651 einem wazzer daz was breit .
000652 der ri^ter ez zetal reit
000653 durch einen w}nniclichen walt ;
000654 der was ze vreuden wol gestalt
000655 von loube und von gesange .
000656 den riten si unlange
000657 unz er eine stra^ze vant ;
000658 diu wi^ste in in si^n eigen lant .
000659 die reise he^t er wol bewant .
000660 Mit maeren vertriben si den tac .
000661 nu sa^hen si wa^ vor in lac
000662 ein burc harte veste ,
000663 diu schoenest und diu beste
000664 die si ie gesa^hen ;
000665 der begundens na^hen .
000666 ein wi^tiu stat lac vor dem tor ,
000667 da^ wa^ren tiefe graben vor .
000668 ein boumgart umb daz hu^s lac :
000669 den bevridet ein vestez hac .
000670 sus riten si durch die stat .
000671 den herren Ga^wein do^ bat
000672 der k}nic willekomen si^n .
000673 er sprach " ditze lant ist mi^n
000674 von dem walde unz an daz mer ,
000675 und m|hte ich u^z komen mit her
000676 v}r die berge , geloubet daz :
000677 nie dehein k}nic besaz
000678 si^n lant so^ gwalticli^che -
000679 ich betw}nge wol {lliu ri^che . "
000680 sus reit er v}r daz b}rgetor ;
000681 da^ stuonden edel knappen vor ,
000682 ri^ter unde knehte ,
000683 die in na^ch si^nem rehte
000684 enpfiengen k}nicli^che .
000685 er nam gesellicli^che
000686 den herren Ga^wein bi^ der hant .
000687 den helm man im abe bant
000688 und vuorte in an guot gemach .
000689 ze si^nen knappen er do^ sprach
000690 " nu badet den ri^ter scho^ne
000691 daz ichs iu immer lo^ne . "
000692 abe schut er si^n i^sengwant .
000693 si vuorten in enwec zehant
000694 und batten in ri^terli^che .
000695 der wirt der was ri^che ;
000696 daz wol an dem gesinde schein .
000697 sich kleite der herre Ga^wein
000698 mit wi^zer li^nwaete ;
000699 ein juncvrouwe in naete
000700 in einen roc pfelli^n ;
000701 mit einem pelze h{rmi^n
000702 was er gefurrieret ;
000703 sus wart er gezieret .
000704 her Ga^wein was ein schoene man .
000705 des selben pfelles leite er an
000706 einen mantel , der was wi^t .
000707 nu kom ein bote - des was zi^t , -
000708 der hiez in u^f ezzen ga^n ;
000709 der k}nic wolde ins niht erla^n
000710 ern m}ese si^n gemazze si^n ;
000711 ze kemena^ten az diu k}nigi^n :
000712 daz schuof der wirt durch si^n gemach .
000713 an disen dingen er wol sach
000714 daz si^n wille und si^n muot
000715 was reine unde guot :
000716 er tet im als man vriunden tuot .
000717 Man gap im guote spi^se da^ .
000718 do^ man gaz , do^ fuorte in sa^
000719 der k}nic zuo den vrouwen ;
000720 die mohte er gerne schouwen .
000721 als er in den sal gie ,
000722 diu k}niginne in enpfie ,
000723 dar na^ch ein so^ schoeniu maget
000724 daz ninder lebte , so^ man saget ,
000725 ir geli^che bi^ der zi^t ;
000726 si was benamen a^ne stri^t
000727 diu schoenest die er ie gesach ;
000728 des pri^ses ir diu werlt jach .
000729 si enzunde im herze unde muot .
000730 in du^hte daz wesen bi^ ir guot ,
000731 wan da^ was schoene unde jugent ,
000732 gewizzen unde ganziu tugent ,
000733 geburt unde sinne ;
000734 si m|hte wol keiserinne
000735 von ir tugent si^n gewesen .
000736 wer m|hte ouch noch vor ir genesen
000737 diu so^ schoene waere ?
000738 wir sulen guotiu maere
000739 von den reinen wi^ben sagen
000740 und ir leit mit leide klagen ,
000741 die sich mit z}hten kunnen tragen .
000742 Als uns diu a^ventiure seit ,
000743 so^ was diu juncvrouwe gekleit
000744 na^ch ir rehte harte wol ,
000745 als ein edel maget sol .
000746 si truoc einen roc wi^ten ,
000747 von zwein sami^ten
000748 gesniten vil geli^che ,
000749 eben unde ri^che ;
000750 der eine was gr}ene alsam ein gras ,
000751 der ander ro^ter varwe was ,
000752 mit golde wol gezieret .
000753 der was gefurrieret
000754 mit vil gro^zem vli^ze :
000755 herme vil wi^ze
000756 he^t er bedecket ;
000757 der pelz was gestrecket
000758 neben dem rocke geli^che .
000759 gerigen meisterli^che
000760 ein hemde was dar under ;
000761 des nam den ri^ter wunder
000762 daz ez so^ rehte lu^ter was :
000763 als ein liehtez spiegelglas
000764 was daz selbe hemde ;
000765 ez du^hte in harte vremde
000766 daz ez so^ kleine mohte si^n ;
000767 ez was wi^z si^di^n
000768 mit guldi^ner naete .
000769 ouch gezam vil wol der waete
000770 ein g}rtel den diu maget truoc ;
000771 daz was ein borte guot genuoc
000772 von golde und von gesteine ,
000773 gro^z unde kleine .
000774 u^z einem smaragde was ,
000775 rehte gr}ene alsam ein gras ,
000776 diu rinke wol ergraben ,
000777 von golde ein ar dar u^f erhaben
000778 mit gesmelze harte waehe ;
000779 daz werc daz was spaehe .
000780 daz diu sp{ngel solden si^n
000781 daz wa^ren tier guldi^n ,
000782 geworht mit gro^zem vli^ze ;
000783 da^ enzwischen berle wi^ze
000784 wa^ren gestecket .
000785 sus was er bedecket
000786 mit edelem gesteine .
000787 ichn gesach ir nie deheine -
000788 geworht a^ne zungen -
000789 diu so^ wol bedrungen
000790 mit gezierde waere
000791 als an disem maere .
000792 ouch was ein edele rubi^n
000793 durch si^nen w}nnicli^chen schi^n
000794 in den g}rtel vor geleit ;
000795 als si dehein swachez leit
000796 truobte in ir gem}ete ,
000797 so^ benam des steines g}ete
000798 mit s}ezem schi^ne ir ungemach ,
000799 so^ si si^n varwe rehte ersach ;
000800 an tugende was er niht swach .
000801 Sich he^t diu maget ri^che
000802 vil harte h|vischli^che
000803 in einen mantel gevangen ,
000804 wi^ten unde langen ,
000805 genagelt wol mit golde ,
000806 bezogen als si wolde
000807 mit einer veder h{rmi^n ;
000808 da^ wa^ren gesniten i^n
000809 von einer hiute vischi^n -
000810 der ha^r daz was weiti^n ,
000811 bra^ht von I^berne -
000812 ma^ne unde sterne ;
000813 daz zierte die veder harte wol ;
000814 harmzagel was si vol
000815 innen bestecket ;
000816 die veder he^t bedecket
000817 ein also^ guot sigla^t
000818 daz diu werlt niht bezzers ha^t .
000819 ouch wa^ren diu tassel
000820 beidiu ro^t unde gel ,
000821 ergraben harte kleine
000822 u^z einem edeln steine
000823 mit heidenischem liste :
000824 der was ein a^matiste ,
000825 daz ander was ein ja^chant .
000826 ein zobel reichte ir u^f die hant ,
000827 der was swarz unde breit ,
000828 gemischet gra^ unde reit ,
000829 als noch manic vrouwe treit .
000830 An ir houbetloche vor
000831 was der herre A^mor
000832 ergraben meisterli^che ,
000833 rehte dem geli^che
000834 als ez leben solde ;
000835 eine stra^le von golde
000836 he^t er in der zeswen hant ,
000837 in der andern einen brant ;
000838 daz werc was guot und kleine ,
000839 u^z eim karfunkelsteine
000840 ergraben harte scho^ne ;
000841 kleine als ein bo^ne
000842 was der selbe stein .
000843 vor der juncvrouwen er schein
00a843 des nahtes swa^ si gie ;
00b843 dehein vinster er da^ lie
000844 da^ diu juncvrouwe inne was ;
000845 des tages glaster als ein glas .
000846 da^ hafte si ir buosem mit
000847 na^ch der K{rlinge sit .
000848 si was wol gro^zer dinge wert ;
000849 swes ir li^p zer werlte gert ,
000850 des ha^t diu saelde si gewert .
000851 Diu maget truoc ein schapel ,
000852 daz was weiti^n unde gel ,
000853 ro^t , bru^n unde wi^z ;
000854 dar an lac vil gro^zer vli^z
000855 von golde und von si^den .
000856 swer daz nu wolde ni^den
000857 daz si so^ scho^ne was gekleit ,
000858 daz waer ein michel to^rheit ,
000859 wan ez ist a^ne ir aller schaden
000860 swaz ich u^f si mac geladen
000861 von si^den und von borten
000862 und von gezierde , mit worten .
000863 ir z|pfe wa^rn gebunden ,
000864 mit golde wol bewunden
000865 unz an des ha^res ende ;
000866 so^ keiserli^ch gebende
000867 truoc diu maget reine .
000868 ir ha^r daz was kleine ,
000869 goltvar unde reit ;
000870 ir scheitel wi^z und niht ze breit .
000871 diu stirne was ir sinwel .
000872 eben und lu^ter was ir vel ,
000873 von ro^sen varwe wi^ze
000874 getempert mit vli^ze .
000875 ir bra^ bru^n , sleht unde smal .
000876 da^ bi^ hiengen ir zetal
000877 reide l|cke goltvar .
000878 ir ougen lu^ter unde kla^r .
000879 ez waere wi^p oder man ,
000880 swen si g}etli^che an
000881 mit lachenden ougen sach ,
000882 swaz dem leides ie geschach
000883 des was zehant vergezzen .
000884 diu Saelde he^t si besezzen .
000885 ir o^ren ( wa^rn ) ze rehte gar ,
000886 als si waeren erw}nschet dar ,
000887 von liehtvarwer wi^ze ,
000888 na^ch dem gotes vli^ze
000889 beidiu krump unde hol .
000890 diu nase ( was ir ) geschaffen also^ wol :
000891 swer si immer solde sehen ,
000892 dern m|hte niht wandels dran erspehen
000893 sine st}ende gev}ecli^che
000894 dem antl}tz wol geli^che .
000895 diu hiufeli^n ( wa^rn ir ) ro^senvar ,
000896 daz antl}tze lu^ter gar
000897 von roete und von wi^ze ,
000898 als si got mit vli^ze
000899 gemischet he^t begarwe .
000900 mit also^ liehter varwe
000901 was ir li^p }ber al
000902 linde und eben hin zetal .
000903 daz was da^ wol erzeiget :
000904 der Wunsch he^t sich geneiget
000905 vil gar in ir gewalt .
000906 ir munt der was so^ wol gestalt
000907 und so^ minnicli^che ,
000908 und he^t si im geli^che
000909 si^ne ma^ge alle ersterbet ,
000910 in selben so^ verderbet
000911 daz er vil ku^me mohte genesen -
000912 und soldez dannoch also^ wesen
000913 daz er si kuste an ir munt ,
000914 so^ waer vergezzen sa^ zestunt
000915 aller si^ner swaere ,
000916 als ez nie worden waere .
000917 ir zene wi^z , eben und kleine ,
000918 u^z vil lu^term beine
000919 zesamene gestecket ;
000920 der munt he^t si bedecket
000921 mit ro^senvarwer roete . -
000922 daz ich mich nu noete
000923 der gedanke also^ verre ,
000924 ich waene ez mir niht werre ,
000925 wan von gedanken kumt der muot
000926 der dem li^be sanfte tuot . -
000927 ouch was ir diu kel
000928 sleht unde sinwel ,
000929 harmwi^z , als er jach
000930 der die juncvrouwen sach ;
000931 ein breiter zobel drumbe gie ,
000932 der ir vil l}tzel sehen lie ,
000933 wand er den hals gar umbe vie .
000934 Michn triegen danne die sinne mi^n ,
000935 si m|hte wol under ir hemde si^n
000936 ein so^ schoene cre^atiure ,
000937 vil reine und so^ gehiure ,
000938 von eim so^ s}ezen li^be
000939 daz ich waen ie von wi^be
000940 reiner li^p w}rde geborn .
000941 diu Saelde he^t ir gesworn
000942 ze beli^ben mit ir staete
000943 immer under ir waete .
000944 des was ir schoener li^p wol wert ,
000945 wan swes diu Saelde ze ( ge ) sellen gert
000946 der muoz gar a^ne wandel si^n ;
000947 daz was wol an der m{gde schi^n ,
000948 wan si vor allem valsche was
000949 lu^ter als ein spiegelglas .
000950 des nam der ri^ter an ir war ;
000951 ir gro^ziu schoene truoc in dar ;
000952 des minnet er si von herzen gar .
000953 Diu maget diu was ri^che .
000954 vil gezogenli^che
000955 saz si wider an ir stat .
000956 der wirt den herren Ga^wein bat
000957 ze leisten si^ne sicherheit ;
000958 er sprach " herre ich bins bereit ,
000959 wand ich also^ gesworen ha^n . "
000960 die maget hiez er u^f sta^n
000961 und sprach " so^ nemt ze wi^be
000962 dise maget iuwerm li^be
000963 ze triuwen und ze rehter e^ . "
000964 der herre Ga^wein sprach " owe^ ,
000965 ich waene es iu niht ernst si^ !
000966 ich lieze drumb al die werlt vri^ ,
000967 ob si^ mi^n eigen waere ,
000968 daz ich mi^ne swaere
000969 mit ir vertri^ben solde !
000970 wan ez got wolde
000971 daz si mi^n vrouwe solde si^n ,
000972 so^ he^t alre^rst diu saelde mi^n
000973 mi^n vreude gar gekroenet
000974 und oesterli^ch geschoenet ,
000975 wan swaz ich her gedienet ha^n ,
000976 si^t ich mich guotes e^rst versan ,
000977 allen guoten wi^ben ,
000978 daz muoz nu^ beli^ben ;
000979 ichn m}ge es lo^n von ir gehaben ,
000980 mi^n vreude ist e^wicli^ch begraben
000981 mit ja^mer unz an mi^nen to^t .
000982 he^t ich alle mi^ne no^t
000983 erliten durch die schoenen maget ,
000984 so^n w}rde si nimmer me^ geklaget ,
000985 wan si erliuht daz herze mi^n
000986 rehte also^ der sunnen schi^n
000987 tuot den liehten sumertac .
000988 mit lobe ich niht verenden mac
000989 ir schoene und ir gewizzen ,
000990 wan he^t sich ie gevlizzen
000991 O^vi^di^us mit lobe dar ,
000992 ern m|hte si niht volloben gar . "
000993 si bedorfte wol schoene unde jugent ,
000994 gewizzen unde ganzer tugent ,
000995 si^t si nam ein der tiurste man
000996 der ri^ters namen ie gewan ;
000997 den mohte ouch si mit e^ren ha^n .
000998 Do^ si^nen ernst der wirt ersach ,
000999 zem herren Ga^wein er do^ sprach
001000 " si^t ez nu got gev}eget ha^t ,
001001 an dem daz dinc allez sta^t ,
001002 daz iu diu maget beschaffen ist ,
001003 so^ gebe iu unser herre Krist
001004 beiden saelde und e^re ! "
001005 der rede enwart niht me^re .
001006 des wart der ri^ter harte vro^ .
001007 ze si^nen triuwen nam er si do^ ;
001008 sam tet in diu reine maget ,
001009 weinende als mir ist gesaget .
001010 der k}nic wolds getroestet ha^n ,
001011 daz si ir weinen he^t verla^n ,
001012 mit worten ; do^ nemohter .
001013 des k}niges swester tohter
001014 was diu maget wol geta^n .
001015 do^ in der segen wart geta^n ,
001016 k}ssende er si umbe vie ;
001017 der ri^ter mit ir sla^fen gie ;
001018 im geschach da^ vor so^ liebe nie .
001019 Nu^ wart im daz reine wi^p
001020 liep alsam si^n eigen li^p .
001021 sus ruowet er na^ch si^ner vart ,
001022 unz diu vrouwe swanger wart
001023 bi^ im eines kindes .
001024 ouch was des gesindes
001025 vreude von dem gaste gro^z ,
001026 wand in der arbeit niht verdro^z
001027 swa^ er in gedienen mohte ,
001028 iegeli^chem als im tohte .
001029 ri^terschefte was da^ vil ;
001030 mit hunden und mit vederspil
001031 reit der gast , als im gezam .
001032 er he^t erworben daz si^n nam
001033 von si^ner tugent was erkant ;
001034 er zierte wol des k}niges lant ,
001035 wan si^n geli^chen niemen vant .
001036 U^f des k}niges veste
001037 was daz aller beste
001038 werc von ro^tem golde
001039 gegozzen , als er wolde :
001040 ein rat , enmitten u^f den sal ;
001041 daz gienc u^f und zetal ;
001042 da^ wa^ren bilde gegozzen an ,
001043 iegeli^chz geschaffen als ein man .
001044 hie sigen diu mit dem rade nider ,
001045 so^ stigen d'andern u^f wider ;
001046 sus gienc ez umbe an der stat ;
001047 daz was des gel}ckes rat .
001048 ez he^t ein pfaffe gemeistert dar ;
001049 von ro^tem golde was ez gar .
001050 ez bezeichnent daz dem wirte nie
001051 an deheinem dinge missegie ,
001052 wan daz gel}cke volget im ie .
001053 Nu^ was des wol ein halbez ja^r
001054 daz der gast was komen dar .
001055 eins tages er tru^rende gie .
001056 vil gro^zer ja^mer in gevie :
001057 in truoc si^n herze und si^n sin
001058 zuo der m{sseni^e hin
001059 und zuo der tavelrunde .
001060 die stra^ze er vil wol kunde
001061 wider in si^ns herren lant .
001062 her Ga^wein gie sa^ zehant
001063 ze si^nem wi^be ; als er die sach ,
001064 mit gro^zem ja^mer er do^ sprach
001065 " got m}ez iu den li^p bewarn ;
001066 vrouwe , ich wil von hinnen varn
001067 mit urloube dri^e tage . "
001068 die l}ge tet er durch die klage :
001069 er vorhte ir ja^mer und ir no^t .
001070 beidiu tr}ebe unde ro^t
001071 wurden ir ougen an der stat .
001072 vil se^re siuftunde si in bat ,
001073 wand ir sagte ir swaerre muot ,
001074 als er mir selben ofte tuot ,
001075 daz er ze lange wolde si^n . -
001076 si sprach " lieber herre mi^n ,
001077 beli^bet hie , daz ist mi^n ra^t ;
001078 mi^n dinc mir angestli^che sta^t ;
001079 daz seht ir , unde wizzet wol
001080 daz ich gro^zen kumber dol
001081 von mi^ner swaere die ich ha^n .
001082 herre , ir sult hie besta^n
001083 unz ir beseht wiez mir erge^ :
001084 ez kumt vil li^hte daz ir e^
001085 niht wider komt , ichn si^ genesen ;
001086 des m}ese ich immer ja^merc wesen . "
001087 dochn tru^wet si der geschiht niht .
001088 owe^ , waz des noch geschiht
001089 daz man wol versw}ere !
001090 daz er also^ gev}ere
001091 da^ he^t er weizgot v}r gesworn ,
001092 wand er ze staete he^t erkorn
001093 daz wesen si^nem li^be
001094 bi^ si^nem reinen wi^be .
001095 im was daz leider unerkant
001096 daz niemen mohte in daz lant
001097 a^n des k}niges geleite komen ;
001098 und he^t er daz ie vernomen ,
001099 so^ he^t er sichs vil wol bewart
001100 daz ez im immer u^f die vart
001101 also^ komen waere .
001102 sus benam er ir ir swaere :
001103 er sprach " vrouwe , gehabt iuch wol ,
001104 wand ich immer mit iu dol
001105 beidiu liep unde leit ;
001106 iu ist von mir unverseit
001107 minne unde triuwe ;
001108 ich wil iu a^ne riuwe
001109 immer wesen underta^n .
001110 ir sult ez niemen wizzen la^n
001111 daz ich hinnen ri^ten wil ;
001112 ich kum iu in vil kurzem zil
001113 michn irres danne der bitter to^t
001114 od so^ ungev}egiu no^t
001115 die niemen m}ge erwenden ;
001116 dise reise wil ich enden
001117 daz si^n niemen werde gewar
001118 war ich welle od wie ich var ;
001119 daz ist na^ch mi^nem willen gar . "
001120 Diu vrouwe wart des tro^stes vro^ :
001121 si wa^nde ez ergienge also^ .
001122 do^ kuste er si und schiet dan ;
001123 si^nen willen wesse dehein man .
001124 u^f si^n ors saz er zehant ,
001125 verholn nam er si^n i^sengwant
001126 und reit u^z vil balde
001127 die stra^ze gegen dem walde .
001128 ich wil iu ein wunder sagen :
001129 daz er dar reit in zwelf tagen ,
001130 daz reit er wider ein halbez ja^r .
001131 alsus kom er geriten dar
001132 ze Karido^l v}r daz hu^s .
001133 nu was der k}nic Artu^s
001134 gegangen v}r daz b}rgetor ;
001135 da^ ho^rte man in klagen vor
001136 si^nen neven , den hern Ga^wein .
001137 in dirre klage do^ erschein
001138 si^n wa^fen an dem schilte .
001139 k}nc Artu^s der milte
001140 lief gegen im und enpfienc in do^ .
001141 daz gesinde wart allez vro^ ;
001142 ri^ter unde knehte
001143 enpfiengen in wol von rehte ,
001144 wand er he^t tugenthaften muot ;
001145 er was getriuwe unde guot ,
001146 vor allem valsche wol behuot .
001147 Do^ vlugen diu maere
001148 daz er komen waere
001149 von hu^se ze hu^se .
001150 mit dem k}nige Artu^se
001151 gienc er zuo den vrouwen sa^ .
001152 diu k}niginne enpfienc in da^
001153 und ir vrouwen }ber al ;
001154 zuo in saz er u^f den sal .
001155 si vra^geten in der maere
001156 wiez im ergangen waere ;
001157 des sagte er in genuoc ;
001158 si^ner geschiht er nie gewuoc ,
001159 wan in si^n herze dar wider truoc .
001160 Nu nam er des vil rehte war
001161 daz er die m{sseni^e gar
001162 da^ vant als er si gela^zen he^t ,
001163 und daz der hof ganzer ste^t ,
001164 des vreut er sich vil se^re .
001165 diu k}nigi^n Ginove^re
001166 hiez si^n ri^terli^che pflegen .
001167 do^ne wolde iedoch der degen
001168 niht turnieren als e^ ,
001169 wan im tet der ja^mer we^
001170 na^ch si^nem schoenen wi^be .
001171 er geda^hte " ob ich beli^be
001172 lenger hie , des gwinne ich schaden . "
001173 si^n staeter muot begunde in laden
001174 wider in si^ns geswi^gen lant .
001175 vil tougenli^ch gie er zehant
001176 eine v}r daz b}rgetor ;
001177 da^ vant er si^ne knappen vor .
001178 er sprach " bringet mir mi^n ors her ,
001179 harnasch , schilt unde sper ,
001180 und saget niemen mi^ne vart . "
001181 vil snelle ez im bra^ht wart ;
001182 do^ saz er u^f und reit zehant ;
001183 ouch bra^htens im si^n i^sengwant
001184 in den walt , als er gebo^t .
001185 in twanc diu minnende no^t
001186 unz si in dar u^f bra^hte
001187 daz er dar wider ga^hte
001188 da^ er si^n wi^p he^t verla^n .
001189 die knappen riten mit im dan .
001190 sus reit er umbe ein ganzez ja^r
001191 unz er diu lant {lliu gar
001192 vor den bergen durch reit .
001193 daz was ein verlorniu arbeit :
001194 als ichz ofte ha^n vernomen ,
001195 in daz lant moht niemen komen
001196 ern he^t den g}rtel den er lie
001197 si^nem wi^be , do^ er die
001198 aller jungest mit ja^mer sach .
001199 si^nes herzen ungemach
001200 wart da^ von so^ gro^z
001201 daz in des lebens gar verdro^z ;
001202 des ouch si^n li^p vil we^nic geno^z .
001203 Do^ er mit vra^ge daz bevant
001204 daz niemen mohte in daz lant
001205 vor den ho^hen bergen komen ,
001206 als er die wa^rheit he^t vernomen ,
001207 do^ teter als der biderbe man ,
001208 der sich des wol getroesten kan
001209 swes er niht gehaben mac .
001210 swer ie guoter sinne pflac ,
001211 der habe ouch noch denselben sit :
001212 da^ vristet er si^n e^re mit .
001213 sus reit er ( wider ) zuo des k}niges hu^s .
001214 nu was der milte Artu^s
001215 mit ri^terschefte an der pla^n ;
001216 da^ kam ouch her Ga^wein an
001217 geriten zuo des k}niges schar .
001218 des tages was si^n zwei ja^r
001219 daz si^n wi^p was genesen .
001220 hie la^ze wir den ri^ter wesen
001221 und sagen wiez dem kinde ergie .
001222 si^n reiniu muoter woldez nie
001223 von ir gela^zen einen tac .
001224 vor liebe si si^n selbe pflac
001225 und ander manic vrouwe he^r .
001226 in einem ja^re wuohs ez me^r
001227 dan ein anderz in zwein tuo .
001228 man le^rtez spa^te unde vruo
001229 gewizzen unde g}ete .
001230 ouch was si^n gem}ete
001231 zallen dingen veste ;
001232 ez tet niwan daz beste ;
001233 von rehte muosez saelic si^n .
001234 ez zo^ch ein ri^chiu k}nigi^n
001235 unze zuo zwelf ja^ren ;
001236 die do^ die tiursten wa^ren
001237 und die besten ri^ter da^ ,
001238 die underwunden sich si^n sa^ ;
001239 si le^rtenz ri^ten unde ge^n ,
001240 mit z}hten sprechen unde ste^n .
001241 des volget er in , wan er was guot ,
001242 zallen dingen wol gemuot .
001243 daz beste ie na^ch dem besten tuot .
001244 Nu gap im got in si^ner jugent
001245 schoenen li^p und ganze tugent ;
001246 die behielt er an si^n ende .
001247 a^ne missewende
001248 lebt er in si^ner kintheit .
001249 si^n dienst was allen den bereit
001250 die si^n von im geruochten ;
001251 die ga^be ouch an in suochten ,
001252 den gap er als in tohte ,
001253 swen erz gewinnen mohte .
001254 aller hande ri^ter spil
001255 le^rten in die ri^ter vil :
001256 buhurdieren unde stechen ,
001257 diu starken sper zebrechen ,
001258 schirmen unde schiezen .
001259 swen in die ri^ter liezen ,
001260 so^ na^men in die vrouwen wider :
001261 man vuorte in u^f unde nider .
001262 von si^ner tugent daz geschach
001263 daz man in zallen zi^ten sach
001264 gerner danne ein andern man .
001265 wol in , der daz verdienen kan
001266 daz in diu werlt gerne siht
001267 und daz man im des besten giht !
001268 dem ha^t got saelden vil gegeben ;
001269 er mac ouch deste gerner leben .
001270 si^n saelde ha^t ie des gegert
001271 daz er den liuten w}rde wert ;
001271 des wart ouch er von in gewert .
001272 Nu he^t er vordes vil vernomen
001273 wie si^n vater dar was komen .
001275 wand im wart ofte v}r geleit
001276 si^nes vater vr}micheit ,
001277 wie manhaft er waere .
001278 sine wessen ab niht der maere
001279 ob er waer in deheiner no^t ;
001280 weder er lebte od waere to^t ,
001281 daz was in allen unbekant .
001282 der juncherre ez si^t bevant .
001283 in si^nen vreuden truobte in ie
001284 daz er si^nen vater nie
001285 gesach bi^ allen si^nen tagen .
001286 daz begunde er tougenli^che klagen
001287 und gie zuo der muoter si^n
001288 und zuo der edeln k}nigi^n ,
001289 diu he^t in u^z der toufe erhaben .
001290 er sprach " vrouwe , la^t mich haben
001291 iuwer hulde und iuwern segen .
001292 got m}ez iuwer beider pflegen
001293 und geruoche iuch vor dem to^de bewarn .
001294 ich wil benamen hinnen varn ,
001295 in mi^ner jugent erwerben daz
001296 daz man mich von rehte baz
001297 erkenne danne ein andern man ,
001298 als mi^n vater ha^t geta^n .
001299 waz sol mir mi^n starker li^p ,
001300 und sol ich mich nu als ein wi^p
001301 verligen in disem lande hie ?
001302 ich wil den suochen von dem mir ie
001303 tugent unde manheit
001304 allez mi^n leben ist geseit ;
001305 daz ist mi^n vater , her Ga^wein ,
001306 der ie in ri^ters e^ren schein ,
001307 als ichz von im ha^n vernomen .
001308 ichn wil nimmer wider komen
001309 ez ensi^ daz ich in gesehe ,
001310 swaz halt mir dar na^ch geschehe ;
001311 des gunnet mir , wand ez muoz si^n .
001312 vrouwe und liebiu muoter mi^n ,
001313 mir seit daz mi^n gedinge
001314 daz ich in wider bringe ;
001315 got gebe daz mir gelinge ! "
001316 Do^ man si^n ernest rehte ersach ,
001317 si^n muoter , vrouwe Flo^ri^e , sprach
001318 " lieber sun , nu volge mir ,
001319 wan du erkennest wol daz wir
001320 si^n ha^n gebiten ( wol ) zweinzic ja^r .
001321 hie bi^ mahtu nemen war ,
001322 als ichz von im ha^n vernomen ,
001323 lebter , er waere wider komen .
001324 ich erkande si^ne triuwe wol ;
001325 er was ganzer triuwen vol .
001326 owe^ , daz ich in ie erko^s
001327 mir ze vriunt , si^t i'n verlo^s
001328 so^ wunderli^che , ichn weiz wie .
001329 si^n geli^che dern wart nie
001330 und wirt ouch nimmer me^ geborn .
001331 sol ich in also^ ha^n verlorn ,
001332 so^ muoz ich ja^mer unde no^t
001333 li^den unz an mi^nen to^t .
001334 herre got , der m{gde kint ,
001335 si^t dir diu herze offen sint
001336 und alle willen u^f geta^n ,
001337 wie ha^stu mich also^ verla^n !
001338 keiser , herre , reiner Krist ,
001339 si^t dir niht verborgen ist
001340 und a^n dich niht genesen mac ,
001341 la^ mich geleben noch den tac
001342 daz ich gesehe den ich trage
001343 in mi^nem herzen alle tage
001344 beidiu mit ja^mer und mit klage ! "
001345 An ir gebaerden daz wol schein
001346 daz ir der herre Ga^wein
001347 was liep als ir eigen li^p .
001348 si sprach " herre , nu^ beli^p ,
001349 lieber sun , bi^ mir hie . "
001350 er sprach " liebiu muoter , wie
001351 sol mi^n nam werden erkant
001352 ichn ri^te u^z in andriu lant ,
001353 als mi^n vater her i^n tet ?
001354 ir sult la^zen iuwer bet .
001355 ich wil verdienen der besten gruoz
001356 und daz man mich erkennen muoz ,
001357 od ich verliuse mi^nen li^p .
001358 swer si^nen ra^t laet an diu wi^p ,
001359 dern ist niht ein wi^ser man .
001360 dehein dinc mich des erwenden kan
001361 mi^n li^p dern m}eze gewa^get si^n . "
001362 " herre und lieber sun mi^n ,
001363 si^t ichs dich niht erwenden kan ,
001364 so^ nim ein kleino^t daz ich ha^n ;
001365 behaltez unz an di^nen to^t ,
001366 und wis sicher vor aller no^t ;
001367 daz ist ein g}rtel , den mir lie
001368 di^n vater , do^ er jungest gie
001369 von mir und urloup he^t genomen
001370 als er wider solde komen .
001371 an mi^ne se^le bevalch er mir
001372 daz ich den g}rtel gaebe dir , -
001373 als ich dir geseit ha^n -
001374 ob du immer w}rdest ze man ,
001375 swen du woldest hinnen varn .
001376 du solt den g}rtel so^ bewarn
001377 daz si^n iemen werde gewar . "
001378 vil heize weinde gap si in dar ;
001379 er kuste si und neic ir do^ .
001380 die vrouwen wurden alle unvro^ .
001381 sus nam er urloup unde reit .
001382 daz gel}cke was im ie bereit ;
001383 des erziuget er gro^ze manheit .
001384 Si^n muoter , vrouwe Flo^ri^e , stuont
001385 mit gro^zem ja^mer , so^ die tuont
001386 den gro^z herzeleit geschiht .
001387 ir ja^mer hal sich lenger niht
001388 do^ si in von ir ri^ten sach .
001389 mit gro^zer klage si do^ sprach
001390 " owe^ , ich vil armez wi^p !
001391 waz sol mir guot unde li^p ?
001392 waz sol mir schoene unde jugent ,
001393 gewizzen unde ganziu tugent ?
001394 ich ha^n verlorn den tiursten man
001395 den wi^p ze vriunde ie gewan ,
001396 dar zuo mi^n einigez kint .
001397 herre got , si^t dir sint
001398 {lliu dinc underta^n
001399 und a^n dich niht genesen kan ,
001400 so^ bevilhe ich hiute in di^nen segen
001401 mi^n kint , daz du si^n ruochest pflegen
001402 an dirre vart , durch di^nen to^t .
001403 beschirme in , herre , vor gro^zer no^t
001404 und sende in mir gesunden wider ! "
001405 in der klage do^ reit er nider
001406 von dem hu^se durch die stat .
001407 daz liut im allez heiles bat ;
001408 daz machet si^n vil reiner muot ;
001409 er was gewizzen unde guot ,
001410 den tumben tump , den wi^sen vruot .
001411 Sus reit er verre durch diu lant ,
001412 und was im dannoch unbekant
001413 war er ke^ren wolde ;
001414 ern wesse war er solde ;
001415 in disen sorgen reit er .
001416 nu kom gegen im geloufen her
001417 u^f dem wege ein garzu^n .
001418 der truoc einen schapru^n ,
001419 gesniten von fritscha^le ;
001420 mit ro^tem zendale
001421 was er gefurrieret .
001422 si^n huot was gezieret
001423 mit bluomen und mit loube .
001424 sus lief er in dem stoube .
001425 des ro^ten seites von der gran
001426 truoc er einen roc an ,
001427 gebri^st mit gro^zem vli^ze ;
001428 hantschuohe wi^ze
001429 he^t er an den henden .
001430 den stap begunde er wenden
001431 na^ch der garzu^ne sit :
001432 da^ v}rdert er si^n loufen mit .
001433 si^ne hosen wa^ren guot genuoc ;
001434 zwe^ne bri^sschuoch er an truoc .
001435 und als er im so^ na^hen kam ,
001436 si^nen huot er abe nam ;
001437 hie mit e^ret er in also^ .
001438 der juncherre gruozte in do^
001439 und vra^get in der maere
001440 wes garzu^n er waere .
001441 er sprach " des aller tiursten man
001442 der k}nicri^che ie gewan :
001443 des k}niges von Britanje .
001444 der ha^t mich z Ispanje
001445 na^ch ri^tern u^z gesant
001446 ez ha^t der k}nic von Engellant
001447 einen turnei wider in genomen ;
001448 dar suln im die ri^ter komen
001449 ze Karido^l v}r si^n hu^s ;
001450 da^ sol der k}nic Artu^s
001451 wol driu tu^sent ri^ter haben ;
001452 durch daz ha^n ich mich u^z erhaben . "
001453 der juncherre sprach " nu sage mir me^
001454 wiez in si^nem hove ste^ . "
001455 er sprach " herre , ich sagiu daz :
001456 in nie deheinem hove baz ;
001457 da^ ist gro^z ri^terschaft
001458 und alles des diu }berkraft
001459 des man ze vreuden gert .
001460 komt ir dar , ir wert gewert
001461 swes iu der muot erdenken kan .
001462 da^ne zwi^velt nimmer an ,
001463 wand ichz wol erkunnet ha^n . "
001464 " Nu zeige mir den wec dar . "
001465 er sprach " nu nemt der stra^ze war
001466 die ich her komen bin ;
001467 diu treit iuch vil rehte hin
001468 Karido^l v}r dar hu^s ;
001469 da^ ist der k}nic Artu^s
001470 mit gro^zen ho^chzi^ten . "
001471 zehant begunder ri^ten
001472 und kom dar an dem niunden tage .
001473 na^ch des garzu^nes sage
001474 vant er michel vreude da^ .
001475 u^f den hof reit er sa^ ,
001476 da^ manic a^ventiure geschach .
001477 bi^ einer linden er do^ sach
001478 ligen einen breiten stein ,
001479 des tugent im inz herze schein ,
001480 gevieret und niht sinwel ;
001481 striemen ro^t unde gel
001482 giengen dar durch eteswa^ ;
001483 daz ander teil daz was bla^ ,
001484 lu^ter als ein spiegelglas .
001485 so^ gro^ziu tugent an im was
001486 daz deheiner slahte man
001487 der ie deheinen valsch gewan
001488 die hant niht mohte gela^zen dran .
001489 Zuo der linden reit der gast ,
001490 si^n pf{rt hafter an einen ast
001491 und saz enmitten u^f den stein .
001492 si^n herze was a^ne mein
001493 und ledic aller bo^sheit ;
001494 si^n muot ie na^ch dem besten streit .
001495 swer ie dhein untugent begie ,
001496 dern mohte dem steine na^her nie
001497 komen dan eins kla^fters lanc ;
001498 si ta^ten alle widerwanc ,
001499 so^ si zem steine wolden ge^n ;
001500 si muosen alle ho^her ste^n .
001501 ezn was da^ vor nie geschehen
001502 daz ie iemen w}rde ersehen
001503 u^f demselben steine ,
001504 niwan der k}nic ( al ) eine :
001505 der was a^ne wandel gar .
001506 her Ga^wein der reichte dar
001507 mit der hant , und niht baz ;
001508 ich sagiu wie er verworhte daz
001509 er zem steine niht moht komen .
001510 als ichz ofte ha^n vernomen :
001511 eine maget wol geta^n
001512 die greif er }ber ir willen an ,
001513 so^ daz si weinde unde schre^ .
001514 deheiner slahte untugent me^
001515 er von si^ner kintheit nie
001516 unz an si^nen to^t begie ;
001517 diu selbe in zuo dem steine niht lie .
001518 Do^ man den knappen dar u^f sach ,
001519 einem ri^ter wart vil ga^ch
001520 v}r den k}nic , und sprach also^
001521 " herre , ir sult wesen vro^ !
001522 ein a^ventiure ist hie geschehen :
001523 ich ha^n u^f dem steine ersehen
001524 sitzen einen jungelinc . "
001525 daz du^hte si alle samt ein dinc
001526 gro^z unde wunderli^ch .
001527 der edeln ri^ter iegeli^ch
001528 i^lte v}r den andern dar
001529 und na^men der geschiht war .
001530 der k}nic stuont ( u^f ) von si^ner stat ;
001531 die vrouwen er do^ ge^n bat
001532 mit im zuo dem steine nider ;
001533 des satzte sich ir deheiniu wider .
001534 do^ daz gesinde in gerne sach ,
001535 der k}nic zuo den vrouwen sprach
001536 " enpha^he wir in ! des ist er wert ,
001537 und wizzet , swes er an mich gert
001538 im ze vrumen , daz ist geta^n ;
001539 und wil er hie bi^ mir besta^n ,
001540 ich behalte in na^ch si^nem rehte .
001541 ri^ter unde knehte
001542 die giengen mit im }ber al
001543 zuo dem steine hin zetal ;
001544 mit vreuden ru^mten si den sal .
001545 Dem juncherren was unbekant
001546 wiez umb den stein was gewant ;
001547 he^t erz von iemen e^ vernomen ,
001548 er waere benamen dru^f niht komen .
001549 als er den k}nic her sach ge^n ,
001550 do^ begunde er von dem steine ste^n .
001551 si^n gebaerde diu was saeliclich :
001552 die hende habte er v}r sich
001553 vil harte gezogenli^che .
001554 k}nc Artu^s der ri^che
001555 der hiez in willekomen si^n ,
001556 und diu edel k}nigi^n ;
001557 dar na^ch diu m{sseni^e gar .
001558 si na^men an im beider war
001559 li^bes unde muotes :
001560 do^ne vundens niht wan guotes ,
001561 wand er was alles valsches blo^z ;
001562 dar zuo was si^n saelde gro^z ;
001563 der beider er von rehte geno^z .
001564 Der k}nic vra^get in ( der ) maere
001565 war er wolde od wer er waere .
001566 er sprach " herre , niwan her ;
001567 ichn kan iu niht gesagen wer
001568 ich von mi^nem vater bin . "
001569 der ( edel ) k}nic bat aber in
001570 im sagen si^nen namen sa^
001571 und mit im beli^ben da^ .
001572 er sprach " herre , daz si^ geta^n ;
001573 ich wilz iuch gerne wizzen la^n :
001574 Gwi^ von Ga^lois bin ich genant .
001575 beslozzen ist daz selbe lant
001576 von danne ich bin geborn .
001577 ze herren ha^n ich iuch erkorn ,
001578 ob ir geruochet behalten mich ;
001579 mit mi^nem dienest wolde ich
001580 erwerben des ich ( ie ) ha^n gegert ,
001581 ob ich der e^ren waere wert ,
001582 daz ich ri^ter w}rde hie ;
001583 des ha^n ich gedinget ie ,
001584 wan diu werlt also^ zerge^t
001585 daz nimmer dehein hof geste^t
001586 mit so^ ganzer ri^terschaft ;
001587 aller vreuden }berkraft
001588 ha^n ich in kurzen stunden
001589 in iuwerm hove vunden .
001590 enpfa^het mich als ichs ha^n gegert ! "
001591 er sprach " juncherre , si^t gewert
001592 aller iuwer bete hie . "
001593 in si^n gena^de er in enpfie
001594 und bevalch in an der stet ,
001595 na^ch der k}niginne bet ,
001596 si^nem vater , dem herren Ga^wein .
001597 do^ was under in zwein
001598 diu gro^ze triuwe unbekant
001599 die kint ie ze vater vant :
001600 ir deweder erkante den andern da^ .
001601 her Ga^wein underwant sich sa^
001602 des knaben mit si^ner le^re ;
001603 des gewan er vrum und e^re .
001604 den besten was er underta^n ;
001605 mit rede he^t er den valschen man ;
001606 ir deheinen er nie ze vi^nt gewan .
001607 Dem k}nige wart er heimli^ch
001608 und diente im aller t{geli^ch
001609 als er beste kunde .
001610 den von der tavelrunde
001611 was er allen vil bereit :
001612 ze turnein er mit in reit ,
001613 und swa^ man manheit begie ,
001614 da^ versu^mte er sich nie
001615 ern waer zevorderst an der schar ;
001616 si muosen es alle nemen war .
001617 si^n manheit diu was harte gro^z ;
001618 gel}ckes er dar zuo geno^z
001619 daz im vil selten missegie ,
001620 wand er he^t vor ougen ie
001621 got , der die si^nen nie verlie .
001622 Do^ dem k}nige wart geseit
001623 si^n vil gro^ziu manheit ,
001624 des wundert in und wart si^n vro^ .
001625 eine ho^chzi^t gebo^t er do^ ;
001626 dar kom manic v}rste ri^ch .
001627 diu ho^chzi^t wart vil lobeli^ch
001628 da^ der knappe nam daz swert .
001629 er was wol ri^terschefte wert ;
001630 die enpfienc ouch er mit vreuden da^ .
001631 diu k}niginne sande im sa^
001632 sehs ri^ter kleider ;
001633 diu wa^ren der beider
001634 von scharlach und von pfelle .
001635 her Ga^wein , si^n geselle ,
001636 gap im ein ravi^t daz was guot ;
001637 daz vreute se^re si^nen muot ,
001638 der k}nic im zwelf knappen liez ;
001639 dar zuo er im geben hiez
001640 swaz er haben solde ,
001641 iegeli^chez als er wolde .
001642 daz geschach , als ich iu sage ,
001643 an dem heiligen pfingestage
001644 daz der knappe swert nam .
001645 und als er messe vernam ,
001646 die pfaffen ga^ben im den segen .
001647 do^ gurte umbe sich der degen
001648 ein swert , daz dehein man
001649 nie dhein bezzerz gewan .
001650 ez half im si^t u^z manger no^t ,
001651 er behieltz ouch unz an si^nen to^t ;
001652 daz gap im her Ga^wein da^ .
001653 der milte k}nic reichte im sa^
001654 den schilt selbe und einen schaft .
001655 sich huob da^ michel ri^terschaft
~1656 und schoene buhurdieren
001657 mit ri^chen banieren .
001658 sus wart her Gwi^ga^lois ze man
001659 mit ri^terschefte u^f der pla^n ;
001660 der k}nic he^t wol zim geta^n .
001661 Do^ sich der buhurt zerlie ,
001662 der k}nic u^f den sal gie ,
001663 mit im der junge swertdegen -
001664 der kunde wol der e^ren pflegen , -
001665 dar na^ch die ri^ter }ber al .
001666 sich huop dar inne gro^zer schal
001667 und manger hande seitspil ;
001668 floiten und tambu^ren vil
001669 die hullen wider ein ander da^ .
001670 der milte k}nic vuorte in sa^
001671 zuo der tavelrunde
001672 und gap im an der stunde
001673 der taveln reht unde stat ,
001674 als in diu m{sseni^e bat .
001675 ouch gap er im ze ( ge ) sellen sa^
001676 den aller tiursten ri^ter da^ :
001677 daz was mi^n herre Ga^wein ,
001678 der ie gar a^ne wandel schein ;
001679 des wurdens beide harte vro^ .
001680 den spilliuten gap man do^
001681 pf{rit , silber und gewant ;
001682 si wurden alle sa^ zehant
001683 von den ga^ben ri^che
001684 und lobten alle geli^che
001685 den ri^ter und die ho^chzi^t .
001686 si spilten alle en widerstri^t
001687 vor der tavelrunde ,
001688 iegeli^cher als er kunde .
001689 man gap in allen wirtschaft
001690 und alles des die }berkraft
001691 des man zem li^be gerte .
001692 diu ho^chzi^t diu werte
001693 mit vreuden da^ , als ich iu sage ,
001694 na^ch pfingesten vierzehen tage .
001695 do^ diu ende ha^t genomen ,
001696 die geste die dar wa^ren komen
001697 die na^men alle urloup da^
001698 ze hove und ouch anderswa^ .
001699 do^ hiez der k}nic Artu^s
001700 tragen in si^n muoshu^s
001701 die pfelle ungeschro^ten ,
001702 mangen sami^t ro^ten ,
001703 gra^ , h{rmi^n unde bunt ;
001704 dar zuo gap er manic pfunt
001705 und schoeniu ros den gesten ;
001706 er kunde wol enbresten
001707 iegli^chen na^ch si^ner werdicheit ;
001708 si^n guot was do^ der werlt bereit ,
001709 als man noch hiute von im seit .
001710 Mit urloube ritens alle dan ,
001711 als ich iu geseit ha^n ,
001712 iegeli^cher heim ze lande .
001713 der k}nic he^t a^n schande
001714 die ho^chzi^t gehabet also^
001715 daz si^n daz liut was allez vro^
001716 do^ siz alsus verenden .
001717 zen naehsten sunewenden ,
001718 do^ der k}nic ze tische saz
001719 und innen des do^ er az ,
001720 kom ein maget ri^che
001721 geriten h|vischli^che
001722 mit ir getwerge u^f den sal ,
001723 da^ die ri^ter }ber al
001724 an dem tische sa^zen ,
001725 trunken unde a^zen .
001726 si reit ein ph{rit daz was blanc ;
001727 ir getwerc huop u^f unde sanc
001728 ein liet so^ w}nnicli^che
001729 daz si alle geli^che
001730 ir selber verga^zen
001731 die in dem sale sa^zen .
001732 als ez ist geseit mir ,
001733 u^f dem ph{rit hinder ir
001734 stuont ez , swar si reit ;
001735 u^f ir ahseln he^t ez geleit
001736 si^ne hende beide .
001737 diu maget vuorte ze kleide
001738 ein scharlaches kappen an .
001739 si was so^ rehte wol geta^n
001740 daz ir des pri^ses ja^hen
001741 alle die si gesa^hen .
001742 ir houbt was ungebunden ,
001743 ir z|pfe wol bewunden
001744 mit golde unz an daz ende ;
001745 deheiner slahte gebende
001746 vuorte diu maget me^re .
001747 diu juncvrouwe he^re
001748 reit da^ si den k}nic sach .
001749 vil gezogenli^che si do^ sprach
001750 " herre her k}nic , mich ha^t gesant
001751 mi^n vrouwe her in iuwer lant ;
001752 ir dienest ha^t si iu enboten .
001753 bi^ deheinem andern boten
001754 wolde si iuz enbieten .
001755 ir vriunde ir daz rieten
001756 daz si helfe suochte hie :
001757 von disem hove sagt man ie
001758 wie vrume ri^ter hie waeren ,
001759 und daz si niht verbaeren
001760 deheiner slahte manheit .
001761 nu si^ iu offenli^ch geseit
001762 ein gro^ziu a^ventiure ;
~1763 diu ist vil ungehiure
001764 und bitter , geli^ch dem to^de gar .
001765 wer vehten welle , der hebe sich dar !
001766 des vindet er da^ vil guot stat .
001767 er wirt si^n a^ne zwi^vel sat ,
001768 wan da^ ist manger to^t gelegen . "
001769 Gwi^ga^lois , der tiure degen ,
001770 stuont u^f zer selben stunde
001771 von der tavelrunde -
001772 mit urloube wart daz geta^n , -
001773 v}r den k}nic gienc er sta^n .
001774 er sprach " lieber herre mi^n ,
001775 nu la^t an mir daz werden schi^n
001776 daz ir niemen niht verseit ;
001777 iuwer ga^be ist allen den bereit
001778 die ir von iu geruochent ,
001779 swa^ siz ze rehte suochent :
001780 gewert mich , herre , des ich ger ;
001781 so^ ha^t mich diu Saelde her
001782 wol geleitet mi^ne tage ;
001783 mi^ner swaere die ich trage
001784 der wirde ich ledic sa^ zehant .
001785 herre k}nic , nu si^t gemant
001786 daz iuwer milte mir werde erkant . "
001787 Do^ daz gesinde si^ne bet
001788 geho^rte , die er mit vli^ze tet ,
001789 des nam si michel wunder
001790 und swigen alle besunder .
001791 der k}nic sprach " nu si^t gewert
001792 alles des ir an mich gert ,
001793 daz mi^nem namen rehte ste^
001794 und mir niht an mi^n e^re ge^ . "
001795 er sprach " ichn ger niht v}rbaz
001796 wan daz mir werde erloubet daz
001797 ich die a^ventiure hol ;
001798 so^ habet ir mir gegeben wol .
001799 wer weiz ob ichz erwerben sol ! "
001800 Diu rede wart im ungemach .
001801 den jungen ri^ter er an sach
001802 und was im si^n arbeit
001803 von allen si^nen sinnen leit
001804 die er wolde li^den .
001805 er sprach " wolt ir vermi^den
001806 dise reise durch mi^ne bet ,
001807 ich wolde iuch ri^chen hie ze stet . "
001808 " neina^ , herre ! " sprach er do^ ,
001809 " ja^ne mac ich nimmer werden vro^
001810 irn erloubet mir die selben vart . "
001811 zehant si im erloubet wart .
001812 daz wart der juncvrouwen leit ;
001813 mit zorne si von danne reit ,
001814 daz si ze niemen niht ensprach .
001815 ich sagiu wa^ von daz geschach :
001816 si vorhte daz si ir arbeit
001817 verl}r von si^ner kintheit ,
001818 durch daz er so^ junc was .
001819 si begunde v}r daz palas
001820 mit gro^zer klage ri^ten ;
001821 sine wolde si^n niht bi^ten ,
001822 swie wol er kunde stri^ten .
001823 Sus reit si gegen dem walde .
001824 die knappen bra^hten im balde
001825 ors , harnasch unde sper
001826 und einen schoenen schilt her ,
001827 der was swarz alsam ein kol ;
001828 da^ was enmitten u^ffe wol
001829 ein rat von ro^tem golde erhaben ;
001830 daz wolde er zeinem wa^fen haben
001831 da^ man in bi^ erkande .
001832 diu k}nigi^n im sande
001823 einen wa^fenroc ze stiure
001824 zuo der a^ventiure ,
001835 der was mit golde durchslagen ;
001836 den solde er durch ir willen tragen ;
001837 des begunde er ir gena^de sagen .
001838 Nu nam er urloup von in da^ ;
001839 dem milten k}nige neic er sa^
001840 und der m{sseni^e gar .
001841 " herre got , nu bewar
001842 dem ri^ter si^nen schoenen li^p ! "
001843 sprach da^ man unde wi^p ;
001844 si wunschten im alle heiles na^ch .
001845 dem ri^ter was zer vreise ga^ch ,
001846 wand er he^t eins lewen muot :
001847 swaz vreisli^ch was daz du^hte in guot ;
001848 des kom er ofte in gro^ze no^t .
001849 si^n dienest er in allen bo^t ;
001850 sus nam er urloup in den to^t .
001851 Her Ga^wein do^ mit im gie :
001852 von des ra^te kom er nie .
001853 ir geselleschaft was harte guot :
001854 beidiu ir herze und ir muot
001855 wa^rn einander heimli^ch ;
001856 deiswa^r , daz was billi^ch ,
001857 si^t si eines li^bes wa^ren .
001858 ir ougen es niht verba^ren
001859 sine lachten ofte ein ander an .
001860 her Ga^wein , der k}ene man ,
001861 wa^fent in selbe mit si^ner hant ;
001862 einen helm er im u^f bant ,
001863 dar u^f ein rat von golde gie .
001864 daz wa^fen minnet der ri^ter ie ,
001865 wand einez gienc u^f und zetal
001866 mit listen in si^ns neven sal :
001867 durch daz truoc er daz rat ,
001868 als in des si^n herze bat ,
001869 zeiner zimiere .
001870 ein ri^chiu baniere
001871 wart im gebunden an si^n sper .
001872 u^f sin ors saz er ;
001873 daz was starc unde guot ;
001874 des wart der ri^ter wol gemuot .
001875 schilt und sper reicht man im dar ;
001876 do^ was er gewa^fent gar .
001877 den hern Ga^wein bevalch er got ;
001878 vil gro^zer ja^mer a^ne spot
001879 wart da^ zwischen in beiden
001880 do^ si sich muosen scheiden .
001881 sus reit her Gwi^ga^lois von dan .
001882 im bat da^ guotes manic man ;
001883 da^ von muos er gel}ckes ha^n .
001884 Der m{gde i^lte er balde na^ch .
001885 vor zorne was ir also^ ga^ch
001886 daz si si^n niht wolde bi^ten ;
001887 deste balder muose er ri^ten .
001888 do^ daz getwerc den ri^ter sach ,
001889 ze si^ner juncvrouwen ez ( do^ ) sprach
001890 " dort kumt der ri^ter her geriten ;
001891 des solde wir da^ ha^n gebiten :
001892 des he^t er e^re und st}ende iu wol .
001893 ez kumt vil li^hte daz im sol
001894 dirre pri^s gevallen
001895 vor den ri^tern allen ;
001896 er ist li^hte als manhaft
001897 und ha^t also^ gro^ze kraft
001898 sam der aller tiurste da^ . "
001899 diu juncvrouwe sprach " nu la^
001900 die rede , wan diu ist enwiht ;
001901 ich erkenne disse ri^ters niht :
001902 her Ga^wein wart mir genant ;
001903 den erkennet man }ber {lliu lant
001904 von si^ner gro^zen manheit .
001905 swaz er stri^tes ie gestreit ,
001906 daz im dar an nie missegie ,
001907 daz ho^rte ich von im sagen ie .
001908 der waer mit uns geriten dan ,
001909 he^t dirre si^ne bet verla^n ;
001910 da^von ich im niht e^ren gan . "
~1911 Do^ si die rede gar gesprach ,
001912 den jungen ri^ter si do^ sach
001913 enneben ir ri^ten sa^ zehant .
001914 den helm vuort er in einer hant ,
001915 enwa^fent was si^n houbet .
001916 er sprach " vrouwe , erloubet
001917 mir daz ich mit iu var . "
001918 daz widersaget si im gar .
001919 do^ bat er si so^ se^re
001920 unz daz diu maget he^re
001921 in do^ mit ir ri^ten hiez .
001922 do^ si ir zorn ein teil verliez
001923 und ir gro^ziu swaere ,
001924 do^ saget er ir maere
001925 und kurzet ir die stunde ,
001926 als er beste kunde ,
001927 unz daz der a^bent ane gie .
001928 si sprach " ri^ter , ra^tet wie
001929 od wa^ wir hi^nt beli^ben
001930 da^ wir die naht vertri^ben . "
001931 " liebiu vrouwe , swa^ ir welt . "
001932 si sprach " ich weiz einen helt ,
001933 des hu^s ist hie na^hen bi^ ;
001934 ichn weiz ab wie si^n nam si^ ,
001935 wan ein dinc ist mir bekant :
001936 ez ist umb in also^ gewant :
001937 er ha^t wunderli^che sit ,
001938 da^ er si^n bro^t vristet mit .
001939 desn ist deheiner slahte ra^t :
001940 swer so^ ri^ters namen ha^t ,
001941 wil er des nahtes da^ ruowe ha^n ,
001942 ern m}eze in eine besta^n
001943 u^f dem velde mit ri^terschaft .
001944 und ist er dan so^ manhaft
001945 daz er in }berwindet ,
001946 ich sagiu daz : er vindet
001947 von gemache da^ swes er gert ,
001948 wand er wirt von im gewert
001949 so^ guoter handelunge da^
001950 die niemen v}nde anderswa^ .
001951 stichet ab in der wirt nider ,
001952 so^ muoz er danne blo^zer wider
001953 scheiden gar a^n si^ne habe .
001954 mich dunket guot wir tuon uns abe
001955 der ruowe und ri^tern anderswa^ :
001956 si ist boese ze gewinnen da^ . "
001957 diu rede misseviel im sa^ .
001958 Er sprach " vrouwe , nein , durch got !
001959 ich wil allez iuwer gebot
001960 leisten an andern dingen ;
001961 mir muoz hie gelingen ,
001962 od ich verliuse swaz ich ha^n . "
001963 er was des muotes gar ein man ,
001964 wand er daz nie gevlo^ch
001965 swaz ze manheit gezo^ch
001966 da^ne waere er starke gerne mit ;
001967 daz was von kinde ie si^n sit .
001968 daz hu^s was im so^ na^hen
001969 daz si dar abe sa^hen
001970 den gast gewa^fent ri^ten .
001971 der wirt wolde niht bi^ten ;
001972 si^nen harnasch hiez er bringen .
001973 er wa^nde im solde gelingen
001974 als im ofte e^ was geta^n .
001975 leider , do^ trouc in si^n wa^n !
001976 im was ze ga^ch an die vart .
001977 zehant als er gewa^fent wart ,
001978 do^ bra^hten im die knappen dar
001979 ein ors , daz was bedecket gar
001980 mit einer gro^piere .
001981 der wirt was vil schiere
001982 u^f daz ors gesprungen .
001983 die garzu^n na^ch im drungen ;
001984 die truogen schilt unde sper .
001985 si liefen u^z na^ch im her
001986 vaste v}r den burcgraben .
001987 si wolden daz gewis haben
001988 si w}rden alle ri^che ;
001989 so^ geriet ez misli^che .
001990 der gast den helm u^f bant ;
001991 von der stra^ze ke^rt er zehant
001992 gegen dem wirte u^f die pla^n .
001993 si liezen zuo einander ga^n
001994 swaz diu ors mohten gevarn .
001995 si kunden sich beide wol bewarn ;
001996 iedoch so^ stach der junge gast
001997 si^n sper daz ez durch in brast
001998 ander halbe eins kla^fters lanc .
001999 ez geschach ein teil a^n si^nen danc
002000 daz er in also^ he^t erslagen ;
002001 daz wil ich iu v}r wa^r sagen ,
002002 wand er begundez von herzen klagen .
002003 Sich huop ein jaemerli^chiu no^t
002004 do^ si gesa^hen daz er to^t
002005 von dem orse viel u^f daz gras .
002006 swaz da^ ingesindes was ,
002007 daz huop sich mit klage dar .
002008 diu juncvrouwe sprach " ( nu ) nemt war
002009 welch ein mort ir habt geta^n !
002010 wir mugen hie nu niht besta^n ;
002011 wir sulen v}rbaz ri^ten ,
002012 da^ wir des tages bi^ten ,
002013 e^ si hie mit uns stri^ten . "
002014 Der geschiht wa^ren si vil unvro^ ;
002015 von dem to^ten i^lten si do^
002016 bi^ einem wazzer hin ze tal .
002017 da^ ho^rten si die nahtegal
002018 singen vaste gegen der naht .
002019 daz gevilde was bedaht
002020 mit grase und mit loube da^ .
002021 die gesellen enwessen wa^
002022 si m|hten beli^ben unz an den tac .
002023 ein fo^reis in da^ na^hen lac ;
002024 da^ erbeizte diu juncvrouwe zuo .
002025 si beliben da^ unz morgen vruo
002026 so^ si beste mahten .
002027 sine kunden niht betrahten
002028 war si riten v}rbaz ;
002029 diu ungeschiht vuocte in daz ;
002030 doch ta^tens als der biderbe man :
002031 swenne erz niht gebezzern kan ,
002032 so^ dunket ez in ein ra^t
002033 swaz er danne ha^t ,
002034 als ez an die no^t ga^t .
002035 Der juncvrouwen schuofen si gemach ;
002036 daz getwerc des gr}enen loubes brach
002037 und bette ir nider u^f daz gras ,
002038 wand ez an einer wisen was .
002039 do^ si eine wi^le gela^gen
002040 und ir gemaches pfla^gen ,
002041 do^ ho^rtens eine stimme
002042 kl{geli^ch und grimme
002043 in dem walde , bi^ einem se^
002044 ruofen vaste " we^ ! we^ ! "
002045 als daz da^ v}rhtet den to^t .
002046 der ri^ter sprach " hoert ir die no^t
002047 und die klage die daz ha^t ?
002048 vrouwe , ist ez iuwer ra^t ,
002049 so^ wil ich ri^ten dar ,
002050 daz ich uns rehte ervar
002051 waz daz si^ daz da^ klaget . "
002052 des antwurt im diu maget ;
002053 si sprach " nu tuot als ir welt . "
002054 zehant do^ reit der helt
002055 als in le^rte si^n sin .
002056 diu naht was wol halbiu hin
002057 und schein der ma^ne gegen dem tage .
002058 sus reit der ri^ter na^ch der klage ,
002059 als diu stimme vor im hal ,
002060 den walt u^f und ze tal .
002061 der was ru^ch und enge ;
002062 durch dorne und durch gedrenge
002063 vuor er wol eine mi^le .
002064 nu sach er bi^ der wi^le
002065 sitzen zwe^ne starke risen
002066 bi^ einem viure u^f den wisen ,
002067 die bi^ dem se^we la^gen .
002068 einer juncvrouwen si da^ pfla^gen
002069 leider }ber ir willen .
002070 sine mohten si niht gestillen
002071 mit deheiner slahte bet :
002072 daz tru^ten ir unsanfte tet ,
002073 wan si was in gar ze kranc .
002074 sus wolden si }ber ir danc
002075 ir willen mit ir gehabet ha^n ;
002076 des wart ir ja^mer also^ geta^n
002077 daz ez in muose erbarmen .
002078 si he^t mit beiden armen
002079 der eine an sich gedr}cket .
002080 si he^ten si gez}cket
002081 dem milten k}nige Artu^s
002082 ze Karido^l vor si^nem hu^s ;
002083 des was michel klage da^ .
002084 die edeln ri^ter enwessen wa^
002085 si hin wa^ren geke^ret ;
002086 des was ir herze gese^ret
002087 und ouch der hof gune^ret .
002088 Do^ der ri^ter rehte ersach
002089 der juncvrouwen ungemach ,
002090 daz begunde im an si^n herze ga^n .
002091 ezn sol ouch noch dhein biderbe man
002092 nimmer gerne }bersehen ,
002093 swa^ dehein schade mac geschehen
002094 deheinem reinen wi^be ,
002095 ern wendez mit si^nem li^be ;
002096 daz ist mi^n sit und ouch mi^n ra^t ,
002097 wan swaz diu werlt vreude ha^t ,
002098 diu kumt uns von den wi^ben .
002099 wie m|hte wir vertri^ben
002100 die langen naht und unser leit
002101 niwan mit ir saelicheit ?
002102 unser vreude waere enwiht
002103 und he^te wir der wi^be niht .
002104 got m}ez in genaedic wesen !
002105 wirn m|hten a^n si niht genesen .
002106 daz beda^hte der ri^ter guot ,
002107 wand er was ie vil wol gemuot ,
002108 als der biderbe gerne tuot .
002109 Si^n ors nam er mit den sporn ;
002110 den einen risen he^t er erkorn
002111 da^ er bi^ dem viure saz .
002112 mit dem sper stach er daz
002113 ez im durch daz herze brast .
002114 der ander rise zarte einen ast
002115 von einem boume , der was gro^z ;
002116 des er iedoch niht vil geno^z .
0a2116 ( wand er sich in die este slo^z )
002117 der ri^ter ouch erbeizet was
002118 zuo zim u^f daz gr}ene gras
002119 und liefen beide einander an .
002120 si wa^rn zwe^ne bereite man
002121 des muotes sam der kraft ;
002122 daz schein wol an ir ri^terschaft .
002123 der rise mit dem aste
002124 treip in harte vaste
002125 hinder sich in ein dickez hac ,
002126 daz da^ na^hen bi^ im lac ;
002127 da^ entweich der edel ri^ter in .
002128 daz tet er niwan durch den sin
002129 daz er in sl}ege a^n si^nen schaden :
002130 so^ kunde er in ze hu^se laden .
002131 do^ enpfie der rise wunden vil .
002132 sus spilten si des to^des spil
002133 unz daz der tac u^f gie .
002134 eine wunden do^ der rise enpfie
002135 von im , diu nam im si^ne kraft ;
002136 des wart der ri^ter sigehaft .
002137 in si^n gewalt muos er sich geben
002138 durch daz er in lieze leben ;
002139 dar }ber swuor er einen eit
002140 daz er die maget a^ne leit
002141 braehte dem k}nige Artu^s
002142 ze Karido^l wider in si^n hu^s ,
002143 unde si^n dar inne bit
002144 unz er dar na^ch im rit ;
002145 hie was er gevangen mit .
002146 Bi^ den zi^ten was der sit : -
002147 da^ behielten si ir triuwe mit -
002148 swer deheinen eit zebrach ,
002149 swa^ man den immer me^ gesach ,
002150 der was ungenaeme ,
002151 den liuten widerzaeme ,
002152 als der to^tsieche man
002153 der von der werlte wirt geta^n .
002154 des muosen si ir sicherheit ,
002155 ez waer in liep ode leit ,
002156 behalten , als man in gebo^t ,
002157 od an den e^ren ligen to^t ;
002158 des waer ouch noch der werlte no^t .
002159 Nu he^t sich diu reine maget
002160 beidiu verweinet und verklaget
002161 daz si vil ku^me mohte geleben .
002162 do^ wart ir ein tro^st gegeben
002163 daz si wider solde varn .
002164 den to^ten mohtens niht bewarn ;
002165 der lac da^ als im gezam .
002166 der rise die juncvrouwen nam ,
002167 als der ri^ter im gebo^t .
002168 si^ns lieben gesellen to^t
002169 klagte er a^ne ma^ze .
002170 sus vuorens a^ne stra^ze
002171 unz er die juncvrouwen vant ;
002172 diu begunde sa^ zehant
002173 u^f ir wec ri^ten :
002174 sine wolde si^n niht bi^ten .
002175 der rise nam urloup ( von im ) da^ ;
002176 engegen Britanje gienc er sa^
002177 und bra^hte die maget he^re
002178 der k}niginne Ginove^re
002179 und dem k}nige Artu^s
002180 ze Karido^l wider in si^n hu^s .
002181 des wart diu m{sseni^e vro^ ;
002182 dem edeln ri^ter gna^detens do^
002183 der triuwen und der e^ren .
002184 der ( ri^ter ) begunde ke^ren
002185 si^ner juncvrouwen na^ch .
002186 der was von im harte ga^ch ,
002187 wand ez was ir vil leit
002188 daz er iender mit ir reit .
002189 swaz er manheit begie ,
002190 die wolde si gepri^sen nie :
002191 ez du^hte si allez kleine
002192 wider die al eine
002193 diu im ze tuone si^t geschach .
002194 gezogenli^che der ri^ter sprach
002195 " edliu maget , hoeret mich !
002196 erloubet mir , vrouwe , daz ich
002197 mit iu ri^te disen tac . "
002198 wand er solher z}hte pflac
002199 daz er daz bewarte ie
002200 daz er wider ir willen nie
002201 deheiner slahte dinc getet
002202 ern erw}rbez e^ mit si^ner bet ;
002203 daz bescheinder ir an manger stet .
002204 Daz getwerc begunde mit im biten
002205 unz si si des }berstriten
002206 daz si im si^n gunde .
002207 an derselben stunde
002208 lief vor in ein br{keli^n
002209 daz niht schoeners mohte si^n .
002210 daz was blanc }ber al ;
002211 niwan ein o^re was im val ,
002212 daz ander ro^t alsam ein bluot .
002213 des wart diu maget wol gemuot ,
002214 wande si des selbe jach
002215 daz si nie deheinez gesach
002216 daz ir z'ihte maere
002217 wider daz selbe waere .
002218 des wart der ri^ter harte vro^ .
002219 daz h}ndeli^n vienc er do^
002220 und legtez v}r si u^f ir kleit .
002221 des wart diu maget vil gemeit ;
002222 mit gro^zen vreuden si do^ reit .
002223 Ditz was na^ch mittem morgen .
002224 si riten a^ne sorgen
002225 gegen einem vinstern tan ;
002226 dar u^z reit ein michel man ,
002227 des ha^r was swarz alsam ein kol ,
002228 iesli^ch loc bewunden wol
002229 mit si^den und mit golde ,
002230 gezieret als er wolde .
002231 si^n ros swarz unde guot .
002232 von bluomen vuorte er einen huot ;
002233 mit ( gr}enem ) tymi^t was er gekleit .
002234 zer geselleschefte er reit .
002235 si wa^rn ein ander unbekant .
002236 einen kn}ttel vuorte er in der hant ,
002237 mit riemen wol bewunden .
002238 ich waene er mit den hunden
002239 was geriten in den walt .
002240 si^n muot ze zorne wart gestalt
002241 do^ er si^n h}ndeli^n ersach .
002242 wider die juncvrouwen er sprach
002243 " ir sult wizzen , vrouweli^n ,
002244 dirre kleine hunt ist mi^n .
002245 seit mir , wer ha^t iu'n gegeben ?
002246 benamen ez ge^t im an si^n leben ! "
002247 si sprach " dirre ri^ter hie . "
002248 er sprach " wie getorst ir ie
002249 geva^hen mi^nen schoenen hunt ?
002250 heizeten la^zen an dirre stunt
002251 balde u^f die stra^ze nider ,
002252 oder irn komt nimmer wider
002253 mit deheinen iuwern e^ren
002254 und m}ezt wider ke^ren
002255 mit ungesundem li^be . "
002256 " diu rede zaeme einem wi^be "
002257 sprach her Gwi^ga^lois der degen ,
002258 " und wil unser got pflegen ,
002259 so^ sul wir e^re unde leben
002260 umb so^ li^hte sache niht geben .
002261 ich waen der hunt ist iuwer niht ;
002262 muot ir anders von uns iht
002263 nach e^ren und mit minnen ,
002264 daz mugt ir wol gewinnen .
002265 swaz ab uns da von geschiht ,
002266 wirn geben iu des hundes niht
002267 durch boese rede noch durch dro^ . "
002268 mit zorne ke^rte der herre do^
002269 }ber daz ( breite ) gevilde
002270 gegen der ( gro^zen ) wilde ,
002271 swaz daz ros mohte gevarn .
002272 her Gwi^ga^lois muose sich bewarn
002273 als er beste kunde ,
002274 wand er zer selben stunde
002275 gwa^fent dar wider wolde komen ;
002276 als he^ten siz von im vernomen .
002277 des wart der ri^ter harte vro^ ,
002278 wan si^n muot der stuont also^
002279 ern vorhte deheines mannes dro^ .
002280 Die stra^ze riten si als e^ .
002281 ir vreude wart do^ michels me^
002282 dan ir da^ vor waere .
002283 mit mangem guoten maere
002284 vertriben si die selben zi^t .
002285 nu kom der ri^ter her durch stri^t
002286 gewa^fent von der wilde ;
002287 }ber daz ( gro^ze ) gevilde
002288 kom er gewalopieret .
002289 si^n helm der was gezieret
002290 mit einem swanen h{rmi^n ,
002291 snabel und v}eze guldi^n :
002292 ditz selbe wa^fen vuort er .
002293 mit ho^hem muote ke^rter her ;
~2294 daz schein an si^nem geverte wol .
002295 swaz dem manne geschehen sol ,
002296 daz geschiht im a^ne wende ;
002297 si^nes li^bes ende
002298 waer da^ v}rnames niht gewesen ,
002299 wan daz er doch niht solde genesen .
002300 nu sach der junge ri^ter daz .
002301 si^nem rosse gurte er baz ,
002302 zehant er wider u^f saz ;
002303 ze manheit wart er nie laz .
002304 den schilt er an sich gevie ,
002305 daz starke sper er si^gen lie ,
002306 si^n ors mit den sporn nam ;
002307 mit solher kraft er an in kam
002308 daz er daz sper durch in stach
002309 daz man ez ander halbe sach .
002310 der ander schaft so^ gar zebrach
002311 daz dehein schade geschach
002312 dem ri^ter , als ez solde si^n .
002313 gevri^et was daz h}ndeli^n
002314 von der justiure .
002315 die kirchen wa^rn da^ tiure ;
002316 des belac er u^f dem velde da^ .
002317 der ri^ter hafte si^n ors sa^
~2318 bi dem zoume an einen dorn .
002319 daz waer bi^ disen zi^ten vlorn ,
002320 als ich michs versinnen kan :
002321 ir ist nu we^nic , sin vuortenz dan ,
002322 man z}ge im nu^ den harnasch abe ,
002323 dar zuo alle si^ne habe ;
002324 daz was ab do^ wider dem sit :
002325 swer ez tet , der vlo^s da mit
002326 also^ gar si^n e^re
002327 daz er nimmer me^re
002328 ze ri^terschefte mohte komen ;
002329 im wurde si^n e^re gar benomen .
002330 swer hiute daz selbe taete ,
002331 so^ belibe vil li^ht staete
002332 allez ri^terli^che reht .
002333 swer vil ku^me waere kneht ,
002334 der wil nu ri^ter werden ;
002335 des m}ezen die werden
002336 der boesen engelten .
002337 ja^ geniuzet man vil selten
002338 der boesen gesellen .
002339 got m}eze si vellen
002340 die dem immer swert gegeben
002341 der daz ri^terli^che leben
002342 niht behalten k}nne ,
002343 und der von si^nem k}nne
002344 niht dar zuo si^ geborn !
002345 daz alte reht hab wir verlorn .
002346 daz was e^ guot , so^ man seit ;
002347 mit valsche und mit bo^sheit
002348 ist ez nu^ leider hin geleit .
002349 Do^ er den sic da^ genam ,
002350 als ez dem helde wol gezam ,
002351 do^ reit diu maget wol geta^n
002352 mit ir geselleschefte dan
002353 beidiu berge unde tal ,
002354 da^ vil manic stimme hal ,
002355 gro^z unde kleine .
002356 eine juncvrouwen al eine
002357 sa^hen si v}r sich ri^ten .
002358 bi^ den selben zi^ten
002359 was daz gewonli^ch ,
002360 si waere arm ode ri^ch ,
002361 daz si wol mohte durch ir muot
002362 ri^ten swar si du^hte guot ,
002363 unbesprochen und a^ne leit .
002364 daz was do^ gewonheit ,
002365 swa^ man deheine ri^ten sach ,
002366 daz ir niemen niht ensprach .
002367 nu ist diu werlt valschaft
002368 und ist a^ne meisterschaft
002369 beidiu liute unde lant .
002370 eine vrouwen die man ha^t erkant
002371 an ir e^ren staete ,
002372 diu nimmer missetaete
002373 durch deheiner slahte guot , -
002374 so^ sint die valschen so^ gemuot
002375 daz si so^ staete niht mac gesi^n
002376 sine slahen ir doch ein kl{pfeli^n
002377 mit worten und mit va^re .
002378 ezn mac nu^ zewa^re
002379 ein vrouwe v}r ir hu^s niht komen ,
002380 als ichz ofte ha^n vernomen ,
002381 man spreche si ge^ durch bo^sheit .
002382 reht und zuht ist hin geleit ;
002383 man kapfet nu^ die valschen an !
002384 swer der werlt gespotten kan ,
002385 des lache wir und merken daz .
002386 deiswa^r , wir taeten michel baz
~2387 und vl}he wir si alle tage .
002388 swer immer boesiu maere gesage
002389 von den guoten wi^ben ,
002390 des vreude m}eze beli^ben
002391 mit ja^mer unz an si^n ende ,
002392 wan si sint a^ne wende
002393 der werlte ein vil s}ezez spil .
002394 got gebe in saelde und vreuden vil !
002395 des ich in immer w}nschen wil .
002396 Als ich iu e^ ha^n geseit ,
002397 mit gro^zer klage diu maget reit
002398 }ber die stra^ze al eine ;
002399 ir vreude diu was kleine .
002400 si reit ein pf{rit wol geta^n ,
002401 unz u^f si^n knie reicht im diu man ,
002402 daz was ro^t alsam ein bluot .
002403 ir gereite daz was harte guot
002404 von golde und von gesteine .
002405 ouch vuorte diu maget reine
002406 einen roc von pli^a^te .
002407 von ro^tem sigla^te
002408 vuorte si eine kappen an ;
002409 ein veder , wi^z alsam ein swan ,
002410 daz niht edlers mohte si^n ,
002411 diu was guot h{rmi^n ,
002412 drin gefurrieret ,
002413 mit zobeln wol gezieret .
002414 ir z|pfe wa^rn enpflohten gar ;
002415 u^f den satel reichte ir ha^r ,
002416 daz was goltvar unde reit ;
002417 dar u^f ein huot der was breit ,
002418 von pf{nvedern gestricket wol .
002419 ir herze daz was ja^mers vol ;
002420 si klaget unde weinde
002421 als siz von herzen meinde ;
002422 man mohte vil wol an ir sehen
002423 daz ir leide was geschehen ,
002424 wan si vil jaemerli^che schre^
002425 " owe^ mir armen wi^be , we^ !
002426 ditz leit daz klage ich immer me^ . "
002427 Vor ja^mer si daz }bersach
002428 daz si wider si niht sprach ,
002429 do^ si die stra^ze v}r si reit .
002430 dem edeln ri^ter was vil leit
002431 ir kumber und ir swaere .
002432 wer diu maget waere ,
002433 daz was den gesellen unbekant .
002434 her Gwi^ga^lois sprach zehant
002435 " vrouwe , ich wil daz besehen
002436 waz der m{gde si^ geschehen
002437 od waz ir leides werre . "
002438 si sprach " lieber herre ,
002439 nu tuot als ir gebietet ,
002440 wan swaz ir mir gerietet ,
002441 so^ taete ich doch na^ch mi^ner k}r ;
002442 welt ir dar , so^ ri^tet v}r
002443 und ervart da^ swaz ir welt . "
002444 " ich tuon vil gerne " sprach der helt .
002445 si^n manheit du^hte si dannoch kranc ;
002446 da^ von er allez }ber ir danc
002447 na^ch der a^ventiure reit .
002448 mit bet er si des }berstreit
002449 daz si in mit ir ri^ten lie .
002450 dheinen gedingen gwan si nie ,
002451 swaz manheit er begienge ,
002452 daz in daz iht vervienge
002453 ern he^t den to^t doch an der hant ,
002454 wand ir was daz wol bekant
002455 daz diu a^ventiure
002456 was so^ ungehiure ,
002457 swer si wolde erwerben ,
002458 daz der da^ m}ese ersterben
002459 ezn wolde got dan underste^n ;
002460 a^n den mohtez niht erge^n .
002461 si vorhte si^ner kintheit ;
002462 da^ von was ir si^n arbeit
002463 und si^n ri^ten mit ir leit .
002464 Her Gwi^ga^lois , der k}ene man ,
002465 lie si^n ros zesprunge ga^n
002466 engegen der m{gde wol geta^n .
002467 diu was , als ich gesaget ha^n ,
002468 schoene und also^ ri^che
002469 daz ich waen ir geli^che
002470 in dem lande iht waere .
002471 do^ si in gro^zer swaere
002472 was so^ rehte su^berli^ch ,
002473 owe^ , wem was si geli^ch
002474 e^ si daz leit gew}nne !
002475 daz si von k}niges k}nne
002476 so^ rehte schoeniu waere geborn ,
002477 des m|hte ein to^re ha^n gesworn .
002478 ez schein wol an ir ri^chen wa^t
002479 daz si deheinen unra^t
002480 he^t von armuote .
002481 vil se^re si daz muote
002482 daz der ri^ter zuo ir reit ;
002483 daz machet ir kumber und ir leit
002484 diu si von gewalte leit .
002485 Do^ er ir so^ na^hen kam
002486 daz er ir leides war genam
002487 und ir kumber rehte ersach ,
002488 vil gezogenli^che er sprach
002489 " got minne iuch , liebiu vrouwe mi^n !
002490 mac daz in iuwern hulden si^n
002491 daz ir mirz geruochet sagen ,
002492 so^ wil ich mit iu gerne tragen
002493 iuwern kumber und iuwer no^t ,
002494 od ich lig u^f der verte to^t .
002495 ich ha^n daz wol an iu ersehen
002496 daz iu schade ist geschehen ;
002497 ouch wolde ichz gerne wizzen baz . "
002498 " waz m|hte mich gehelfen daz ? "
002499 sprach diu maget wol geta^n
002500 " irn m|ht ez doch niht understa^n ;
002501 wan mir daz selbe leit geschach
002502 daz ez vil manic ri^ter sach
002503 den ez an ir herze gie ;
002504 diene mohten ez erwenden nie .
002505 ich sage iuz doch - waz wirret daz ? - :
002506 }ber dri^ mi^le ode baz
002507 da^ li^t ri^ter harte vil ,
002508 als ich iu nu sagen wil .
002509 ichn weiz ob irz e^ habt vernomen
002510 war umbe si alle dar sint komen ,
002511 iegeli^cher mit si^ner vriundin :
002512 da^ was ein ri^terli^ch gewin ;
002513 den verlo^s ich ; des ich tru^ric bin .
002514 Ez he^t der k}nic von I^rlant
002515 durch a^ventiure dar gesant
002516 daz schoenest pf{rt deich ie gesach
002517 und einen sitich , der wol sprach
002518 swaz er sprechen wolde .
002519 in einem hu^se von golde
002520 was er beworht ; daz ist mir kunt :
002521 daz koste me^ dan tu^sent pfunt
002522 von golde und von gesteine .
002523 daz werc daz was kleine ,
002424 geworht vil meisterli^che
002525 und was gevuocli^che
002526 gesetzet zwischen die satelbogen .
002527 ir waent des li^hte ich habe gelogen ;
002528 daz ich iu sage daz ist wa^r .
002529 ez wa^rn die satelbogen gar
002530 von wi^zem helfenbeine ,
002531 mit golde und mit gesteine
002532 wol gef}llet }ber al .
002533 ein pfelle der was hin zetal
002534 drin gefurrieret .
002535 daz pf{rit was gezieret
002536 mit einem zoume , des nam ich war ,
002537 der was von ro^tem golde gar .
002538 daz der z}gel solde si^n ,
002539 daz wa^ren borten guldi^n ,
002540 geworht mit gro^zem vli^ze ;
002541 von berlen vil wi^ze
002542 kn|pfe wa^rn geworht daran .
002543 daz pf{rt was blanc als ein swan ,
002544 wol geschicket , und wol geta^n .
002545 daz winster o^re und si^n man
002546 diu wa^ren ro^t zinobervar ;
002547 daz zeswe o^re was im gar
002548 swarz alsam ein kol .
002549 ein swarziu strieme teilte ez wol
002550 na^ch dem r}cke hin zetal
002551 unz u^f den zagel , der was ( im ) val ,
002552 beidiu lanc unde breit .
002553 als ich iu e^ han geseit ,
002554 daz pf{rit wart gezogen dar
002555 niwan under der vrouwen schar ;
002556 die muosen zeinem ringe ste^n .
002557 man hiez die ri^ter dar ge^n
002558 daz si die vrouwen saehen .
002559 swelher si des jaehen
002560 daz si^ diu schoenest waere da^ ,
002561 der gaebe ouch man daz pf{rit sa^ ,
002562 wand ez der k}nic von I^rlant
002563 u^f die rede he^t dar gesant .
002564 sus ko^mens zuo der vrouwen schar
002565 und na^men der ( aller ) schoensten war
002566 diu under in was komen dar .
002567 Do^ si si gar besa^hen ,
002568 die ri^ter mir des ja^hen
002569 ich waer diu schoenest under in ,
002570 ich solde ouch haben den gewin .
002571 der rede wart ich harte vro^ ;
002572 daz pf{rt antwurte man mir do^ ,
002573 den sitich und swaz dru^ffe lac
002574 und ein getwerc daz si^n pflac ;
002575 daz he^t gelebet mangen tac .
002576 Als ich mich si^n underwant ,
002577 do^ kom ein ri^ter sa^ zehant ,
002578 der was michel unde ro^t .
002579 daz schoene pf{rt er mir verbo^t ;
002580 er zo^ch ez mit gewalte hin
002581 und gap ez si^ner vriundin .
002582 daz was den ri^tern allen leit ;
002583 nu pflac er solher manheit
002584 daz in da^ niemen torste besta^n
002585 ezn m}ese im an den li^p ga^n .
002586 des zo^ch erz hin ungestriten ;
002587 also^ bin ich dan geriten .
002588 daz ist mi^n klage und tuot mir we^ !
002589 der sitich jaemerli^che schre^
002590 bescheidenli^che als ein man
002591 zehant als er sichs versan
002592 daz in der ro^te ri^ter nam .
002593 den schalt er unde was im gram ;
002594 er klaget mich , daz ho^rte ich wol .
002595 daz gevilde ist ri^ter vol
002596 und si^gent ouch iemitten zuo .
002597 si ligent da^ unz morgen vruo ;
002598 so^ scheidet sich diu ri^terschaft .
002599 herre got , durch di^ne kraft
002600 nu rihte mir ! " sprach diu maget ;
002601 " mi^n leit daz si^ dir gesaget ,
002602 wan dir diu werlt {lliu klaget . "
002603 " Vrouwe , " sprach der ri^ter do^ ,
002604 " si^t der rede ist also^ ,
002605 so^ sulen wir mit minnen
002606 daz pf{rt wider gewinnen
002607 und swaz er iu genomen ha^t . "
002608 diu vrouwe sprach " die rede la^t ,
002609 irn waeret dan so^ manhaft
002610 daz ir mit ri^terschaft
002611 den sic m|ht behaben an ;
002612 des ha^n ich abe deheinen wa^n ,
002613 wan niemen lebt bi^ dirre zi^t
002614 der wider in deheinen stri^t
002615 gehaben m}ge a^n den to^t . "
002616 der ri^ter sprach " daz waere ein no^t
002617 sold er uns allen an gesigen ;
002618 ich wil da^ to^t von im geligen ,
002619 ode er tuot iu , vrouwe , reht .
002620 ist er ein so^ guot kneht
002621 als man iu gesaget ha^t ,
002622 ich weiz wol daz er mich besta^t .
002623 nu ri^tet v}r und wi^set mich dar ! "
002624 diu vrouwe sprach " nu sagt mir : war ? "
002625 " hin , da^ die ri^ter sint . "
002626 " deiswa^r , so^ du^ht ir mich ein kint ,
002627 unde wolt ir den besta^n
002628 dem so^ manic biderbe man
002629 an ri^terschaft des pri^ses jach
002630 und als ich selbe an im wol sach .
002631 iu ist si^n manheit unkunt . "
002632 die maget bat er unz an die stunt ,
002633 swie ez ir doch waere leit ,
002634 daz ers mit guote des }berstreit
002635 daz si mit im wider reit .
002636 Sus ritens mit einander dan ,
002637 daz getwerc , die m{gde und der man .
002638 mit mangem guoten maere
002639 vertreip er in ir swaere
002640 und kurzet in die stunde ,
002641 als er vil wol kunde ,
002642 unz si so^ na^hen ka^men
002643 daz si den schal verna^men
002644 von den ri^tern }ber al .
002645 daz gevilde was u^f und zetal
002646 vollez pavelu^ne geslagen .
002647 si sa^hens schoeniu wa^fen tragen ;
002648 dise turnierten da^ ,
002649 so^ schirmten die anderswa^ ;
002650 si sa^hen buhurdieren ,
002651 die knappen justieren ,
002652 tanzen unde singen ,
002653 schiezen unde springen ;
002654 als ich iu nu sagen wil ,
002655 aller hande ri^terspil
002656 was da^ a^ne ma^zen vil .
002657 Do^ daz her Gwi^ga^lois ersach ,
002658 ze si^ner juncvrouwen er ( do^ ) sprach
002659 diu in dar gewi^set he^t
002660 " ichn kan niht wizzen wiez hie ste^t
002661 und erkenne ouch ir deheinen ;
002662 zeiget mir doch den einen
002663 der iu daz pf{rt genomen ha^t ;
002664 des ist deheiner slahte ra^t
002665 iune m}eze reht von im geschehen ,
002666 od er mich da^ to^ten vor im sehen
002667 ern welle mir ri^terschaft versagen . "
002668 vil ungeli^ch tet er einem zagen .
002669 des wart diu maget harte vro^ ;
002670 mit willen zeiget si im do^
002671 da^ der ro^te ri^ter lac ,
002672 der gro^zer ho^chverte pflac ,
002673 diu dem manne ist gar ein slac .
002674 Si sprach " nu seht hin u^f daz velt !
002675 da^ ste^t ein harte schoene gezelt
002676 von sami^t ro^t unde bla^ ;
002677 mit golde ist ez eteswa^
002678 gev}llet meisterli^che .
002679 der ri^ter der ist ri^che ;
002680 daz schi^net an si^nem geverte wol .
002681 swaz ich leides von im dol ,
002682 daz rihte , herre got , enzi^t !
002683 mi^n niftel im da^ na^hen li^t ,
002684 des k}niges tohter von Persi^a^ ;
002685 in der gezelte was ich da^ ;
002686 mit der suln wir beli^ben :
002687 diu kan uns wol vertri^ben
002688 die zi^t mit vreuden , deist ir sit ;
002689 da^ liebet si sich den liuten mit .
002690 si siht uns gerne , daz weiz ich wol ,
002691 wand ir herze ist tugent vol ;
002692 des willen si geniezen sol . "
002693 Mit vreuden ritens }ber daz velt
002694 v}r vil manic schoene gezelt .
002695 do^ si die maget sa^hen
002696 mit vreuden wider ga^hen
002697 der daz pf{rit was genomen ,
002698 und den ri^ter mit ir komen
002699 mit si^ner juncvrouwen ,
002700 do^ wart da^ michel schouwen
002701 von den liuten }ber al
002702 zehant als daz maere erschal
002703 war umb der ri^ter dar was komen .
002704 als irz da^ vor habt vernomen ,
002705 er wolde verliesen da^ si^n leben ,
002706 ode man muose wider geben
002707 der m{gde ir pf{rit und ir guot .
002708 er tet als der biderbe tuot ,
002709 dem ie zem besten ste^t si^n muot .
002710 Des k}niges tohter von Persi^a^
002711 diu saz in ir gezelte da^
002712 mit vreuden , als ir sit was .
002713 ein schoeniu maget vor ir las
002714 an einem buoche ein maere
002715 wie Troje zevuort waere
002716 und wie jaemerli^che
002717 E^ne^as der ri^che
002718 sich danne stal mit si^nem her
002719 vor den Kriechen u^f daz mer ,
002720 wie in vrouwe Di^do^ enphie
002721 und wiez im dar na^ch ergie ,
002722 als ez iu ofte ist geseit .
002723 innen des ir niftel reit
002724 mit ir geselleschefte dar ;
002725 des nam diu k}niginne war .
002726 daz maere man do^ beli^ben lie .
002727 diu vrouwe mit ir gesinde gie
002728 und enpfie vil minnicli^che
002729 die gesellen alle geli^che .
002730 ir nifteln nam si bi^ der hant ;
002731 diu tet ir schiere daz erkant
002732 wie si der ri^ter he^t wider bra^ht ,
002733 als ichs da^ vor ha^n geda^ht .
002734 des nam si michel wunder
002735 und geda^hte iedoch darunder
002736 " waere er niht so^ manhaft ,
002737 ern he^t sich dirre ri^terschaft
002738 nimmer underwunden . "
002739 die vrouwen im enbunden
002740 die riemen alle sa^ zehant .
002741 do^ schuter si^n i^sengwant
002742 in si^nen schilt u^f daz gras .
002743 vil snelle im bereitet was
002744 nach si^nem willen ein reinez bat ,
002745 als es diu k}niginne bat ,
002746 und harte guotiu kleider ;
002747 diu wa^ren der beider
002748 von pfelle und von ro^sa^te :
002749 diu vrouwe was mit ra^te
002750 gevaren von ir lande ;
002751 deheinen mangel si erkande ;
002752 ir milte was a^ne schande .
002753 Als der ri^ter wart gekleit ,
002754 do^ saz er u^f unde reit
002755 da^ er den ro^ten ri^ter vant .
002756 die maget nam er bi^ der hant
002757 der er gewalt he^t geta^n .
002758 si giengen beidiu v}r in sta^n
002759 in si^n gezelt da^ er lac .
002760 vil gro^zer ho^chverte er pflac ;
002761 er he^t sich h|vischli^che
002762 u^f einen kulter ri^che
002763 in si^ner a^mi^en scho^z geleit .
002764 waz touc nu me^r da^ von geseit ?
002765 diu was ze wunsche wol gekleit .
002766 Der sitich stuont vor in und sprach
002767 als er die juncvrouwen sach
002768 " willekomen , liebiu vrouwe mi^n !
002769 ich sold et iuwer zerehte si^n ;
002770 mit gewalte bin ich iu benomen .
002771 von swelhem dinge daz si^ komen ,
002772 daz nider got und rihtez hie ,
002773 wand er gestuont dem rehten ie . "
002774 daz gap dem ri^ter guoten muot .
002775 guot tro^st was ie zer noete guot :
002776 swie manhaft ein herze si^ ,
002777 ist da^ niht guotes tro^stes bi^ ,
002778 ez kumt vil li^hte daz ez verzaget .
002779 swer ouch dem si^nen kumber klaget
002780 der im deheines guotes gan
002781 und in ouch niht getroesten kan ,
002782 der dunket mich niht ein wi^ser man .
002783 Als ir der herre wart gewar ,
002784 mit ho^hem muote sprach er dar
002785 " wen suochet ir , junger ri^ter , hie
002786 mit iuwer a^mi^en , die
002787 ir da^ leitet bi^ der hant ? "
002788 der ri^ter sprach " waer iu bekant
002789 ir geburt und ir leben ,
002790 so^ solt ir ir wider geben
002791 daz pf{rt daz ir erteilet wart .
002792 mit ir bin ich hie u^f der vart
002793 als ich iuch des biten wil .
002794 swie mir der bet doch si^ ze vil
002795 - wand ich iu niht gedienet ha^n - ,
002796 iedoch so^ tuon ichz u^f den wa^n ,
002797 gewert ir mich der selben gebe ,
002798 daz ichz diene die wi^le ich lebe .
002799 ouch sult ir bedenken daz
002800 ir habt darumbe gro^zen haz
002801 von den liuten }ber al .
002802 so^ ist iu daz der meiste val
002803 daz ir gewalt an ir bege^t ,
002804 daz iu doch niht ze tuone ste^t ,
002805 wan si daz pf{rt mit rehte he^t .
002806 Durch got , erkennet ir ir reht ! "
002807 der ri^ter sprach " herre guot kneht ,
002808 ich wil iu ra^ten waz ir tuot :
002809 nu le^rt iuch selben , daz ist iu guot .
002810 ir mugt mich niht gele^ren ,
002811 wand ich wil mi^ner e^ren
002812 an iuch la^zen so^ ich minnest mac ;
002813 daz was ie der tumben slac
002814 daz si sich durch ir tumpheit
002815 ofte gro^zer arbeit
002816 underwindent ; waz hilft si daz ? "
002817 der ri^ter sprach " nu tuot ir baz ,
002818 si^t ir so^ rehte wi^se si^t !
002819 deiswa^r , daz la^ze ich a^ne ni^t .
002820 welt ir der juncvrouwen mi^n
002821 gna^den und rehtes wider si^n
002822 mit iuwerm gwalte den ir traget ,
002823 so^ si^ iu von mir widersaget ;
002824 ich wil iuch mit der gotes kraft
002825 und mit rehter ri^terschaft
002826 morgen beste^n u^f der pla^n ;
002827 als ich mich vermezzen ha^n .
002828 v}r wa^r wil ich iu daz sagen :
002829 mac ich den sic da^ bejagen ,
002830 so^ volget uns daz pr{rit hin ;
002831 gevalle ab mir der ungewin ,
002832 so^ tuot ir dar na^ch als ir welt . "
002833 des lachet do^ der helt
002834 und wart der rede harte vro^ ,
002835 wan si^n muot der stuont also^
002836 er vuor niwan na^ch manheit ;
002837 swaz er da^ vor ie gestreit
002838 des he^t er ie doch den sic genomen ;
002839 daz was von si^ner sterke komen .
002840 als he^ten siz von im vernomen .
002841 Im was der bart und daz ha^r
002842 beidiu ro^t , viurvar .
002843 von den selben hoere ich sagen
002844 daz si valschiu herze tragen ;
002845 des gelouben ha^n ich niht :
002846 swie man den getriuwen siht ,
002847 in swelher varwe er schi^net ,
002848 si^n herze sich doch pi^net
002849 u^f triuwe und u^f g}ete .
002850 ob ein valscher bl}ete
002851 als ein ro^se diu da^ ste^t ,
002852 u^z im doch niwan valschez ge^t .
002853 swie si^n ha^r ist geta^n ,
002854 ist et er ein getriuwer man ,
002855 diu varwe im niht geschaden kan .
002856 Der herre der was ri^che ;
002857 an manheit si^n geli^che
002858 der was ninder in der schar .
002859 ez he^t von im , daz ist wa^r ,
002860 vil manger si^nen li^p verlorn ;
002861 er was von Mannesvelt geborn ,
002862 der gra^ve Hojir was er genant ;
002863 durch manheit in vremdiu lant
002864 was er gevaren mangen tac ;
002865 ri^terschaft was si^n bejac .
002866 als ich iu nu sagen wil ,
002867 e^ren unde guotes vil
002868 he^t er erworben mit si^ner hant ;
002869 z Ispanje was er wol bekant ,
002870 swie er ein Sahse waere ;
002871 im was da^ heime unmaere
002872 sich ze verligen einen tac ,
002873 wan mit gemache niemen mac
002874 gro^ze e^re erwerben .
002875 von rehte sol er verderben
002876 der da^ heime sich verli^t
002877 und sich vli^zet zaller zi^t
002878 daz si^nem li^be sanfte si^ ,
002879 wan boese gemach ist e^ren vri^ .
002880 swer sich an e^ren wil erholn ,
002881 der muoz benamen kumber doln
002882 und underwi^len arbeit .
002883 ez wirt vil selten hirz erjeit
002884 mit sla^fendem hunde ;
002885 traeges wolves munde
002886 geschiht von spi^se selten guot ;
002887 der dinge was er wol behuot :
002888 ern he^t sich heime niht verlegen .
002889 mit si^ner kunst wa^nde der degen
002890 den ri^ter }berwinden ;
002891 ern tru^wet an im niht vinden
002892 also^ gro^ze meisterschaft .
002893 da^ was kunst unde kraft ,
002894 saelde unde manheit ;
002895 diu he^t got an in geleit ;
002896 da^ mit erz allez }berstreit .
002897 Do^ man si^n ernest rehte ersach ,
002898 der gra^ve zuo dem ri^ter sprach
002899 " herre , bereit iuch dar zuo :
002900 kumt her wider morgen vruo ,
002901 als ir messe habt vernomen ,
002902 und la^ze wir dar zuo komen
002903 ri^ter unde vrouwen ,
002904 die ez wellen schouwen .
002905 si^t ir dan so^ manhaft ,
002906 daz ir mir mit ri^terschaft
002907 den sic muget behaben an ,
002908 ich wirde iu gerne underta^n
002909 swes ir mir gebietet .
002910 ich v}rhte ab ir genietet
002911 iuch e^ der ri^terschefte .
002912 irn habt niht ganzer krefte ;
002913 der sinne si^t ir gar ein kint ;
002914 iuwer kraft diu ist ein wint
002915 wider einen starken man .
002916 ezn welle got dan understa^n ,
002917 ir m}ezet uns hie la^zen ein pfant . "
002918 her Gwi^ga^lois sprach sa^ zehant
002919 " ez m}ez under uns beiden
002920 got ze rehte scheiden ;
002921 dem wil ichz enpfehlen gar ,
002922 wand er nam ie des rehten war ;
002923 a^n in kan ich niht stri^ten .
002924 ich wil nu wider ri^ten
002925 mit urloube zer vrouwen mi^n "
002926 " got m}ez iu genaedic si^n ! "
002927 sprach diu vrouwe und der man .
002928 sus reit her Gwi^ga^lois von dan
002929 mit der m{gde wol geta^n .
002930 Diu maere vlugen }ber daz velt
002931 von der h}tte in daz gezelt
002932 wie ein ri^ter waere komen ,
002933 als irz e^ habt vernomen ,
002934 mit der m{gde wol geta^n :
002935 der wolde den gra^ven besta^n
002936 der der ro^te ri^ter hiez ,
002937 dar umbe daz er niht enliez
002938 niwan durch si^nen }bermuot
002939 der m{gde ir pf{rit und ir guot ,
002940 daz ir erteilte manic man ;
002941 dar umbe wolde er in besta^n
002942 eine u^f der heide
002943 ir einem ze leide ,
002944 wand erz mit deheinen minnen
002945 mohte wider gwinnen .
002946 do^ bat da^ man unde wi^p
002947 daz got si^nen jungen li^p
002948 vriste unde behuote .
002949 si gunden in ir muote
002950 dem jungen ri^ter gl}ckes wol ;
002951 daz doch dem manne helfen sol
002952 ob im diu werlt guotes gan ,
002953 wan swer daz verdienen kan
002954 daz im diu werlt sprichet guot ,
002955 der sol vor leide si^n behuot ,
002956 wand ir ist leider nu^ niht vil
002957 die diu saelde u^f ir zil
002958 so^ g{rli^che la^ze
002959 daz si mit der ma^ze
002960 {lliu dinc verenden .
002961 got m}eze im helfe senden
002962 der ir lop erwerben sol ,
002963 wan si ist leider valsches vol .
002964 da^ von muoz er si^n erwelt
002965 der zem besten wirt gezelt :
002966 daz bejagt her Gwi^ga^lois der helt .
002967 Mit vreuden gie diu naht hin .
002968 des andern morgens wa^fent in
002969 diu k}nigi^n von Persi^a^
002970 und vil manic vrouwe da^
002971 mit vli^ze in si^n i^sengwant
002972 unde vuorten in zehant
002973 da^ er messe vernam ,
002974 als ez dem helde wol gezam ,
002975 von den drin genenden .
002976 do^ si ir bet verenden
002977 und messe wart gesungen ,
002978 die ri^ter zuo im drungen
002979 und tro^sten in als einen man
002980 dem diu werlt guotes gan .
002981 si^n ors wart im gezogen dar ;
002982 daz was wol bedecket gar
002983 mit einer kovertiure .
002984 im wart da^ ze stiure
002985 gegeben manic reiner segen .
002986 si ba^ten si^n got alle pflegen
002987 beidiu arme und ri^che .
002988 vil vermezzenli^che
002989 spranc er u^f daz ors si^n .
002990 den schilt reicht im diu k}nigi^n ,
002991 daz sper diu maget wol geta^n
002992 der er gewalt he^t geta^n
002993 mit dem er solde stri^ten .
002994 nu sach er gegen im ri^ten
002995 den selben ri^ter sa^ zehant .
002996 der was da^ bi^ wol bekant :
002997 si^n wa^fen daz was allez ro^t ;
002998 an si^nem schilte was der To^t
002999 gema^let vil griuli^che .
003000 " wi^cha^ , herre , wi^che ! "
003001 die garzu^n alle riefen
003002 die da^ vor im liefen .
003003 si wa^rn siges an im gewon .
003004 do^ schiet ab in da^ von
003005 si^n unreht und si^n ho^chvart .
003006 ein rinc in gemachet wart
003007 daz si zesamne mohten komen .
003008 mit ni^de wurden do^ genomen
003009 diu ors beidiu mit den sporn .
003010 da^ wart manic sper verlorn
003011 in vil kurzen stunden .
003012 der ro^te he^t da^ vunden
003013 alre^rst si^nen gestri^ten .
003014 si begunden vaste ri^ten
003015 beide einander u^f daz leben .
003016 dem jungen ri^ter wart gegeben
003017 ein starkez sper in si^ne hant .
003018 do^ ke^rte er an den wi^gant
003019 na^ch si^nes vater le^re .
003020 do^ne mohter niht me^re
003021 gewern vor dem kinde :
003022 er stach in also^ swinde
003023 von dem orse u^f daz gras
003024 daz im der spra^che zerunnen was .
003025 daz was im da^ vor nie geschehen .
003026 zesamne begundens alle sehen ,
003027 mit worten im des pri^ses jehen .
003028 Von dem orse erbeizter nider .
003029 der gra^ve kom ze sinnen wider ;
003030 er spranc u^f und lief in an .
003031 wolde er daz erwendet ha^n ,
003032 daz he^t er e^ vil wol geta^n
003033 do^ er sich ligende niht versan .
003034 daz liez er durch si^n e^re .
003035 des leit er deste me^re
003036 von im slege a^ne no^t .
003037 er he^t in na^ch u^f si^nen to^t
003038 gespart , als vil manger tuot
003039 der durch si^nen ho^hen muot
003040 si^nes vi^ndes scho^net ,
003041 wand er im des lo^net
003042 mit dem to^de , swenne er mac .
003043 da^ gie slac wider slac ;
003044 ir deweder dem andern niht vertruoc .
003045 der gra^ve doch den ri^ter sluoc
003046 unz an des kreizes ende .
003047 do^ zarten ir gebende
003048 die vrouwen vor leide ;
003049 sich huop u^f der heide
003050 von den vrouwen an dem tage
003051 vil gro^zer ja^mer unde klage .
003052 ez rief diu maget wol geta^n
003053 mit ja^mer unsern herren an
003054 durch die er die no^t bestuont ,
003055 als die getriuwen tuont .
003056 si sprach " herre , reiner got ,
003057 nu ist ez allez in di^m gebot :
003058 der werlte to^t und ir leben ;
003059 geruoche mi^nem kempfen geben
003060 mit di^ner helfe ganze kraft
003061 an dirre herten ri^terschaft ,
003062 wan du , keiser , vil wol weist ,
003063 vater , sun , he^rre geist ,
003064 daz er gewalt an mir bege^t . "
003065 do^ die klage der ri^ter he^t
003066 vernomen von den vrouwen ,
003067 do^ begunder vaste houwen ;
003068 beidiu schilt und i^sengwant
003069 sluoc er im allez von der hant
003070 und treip in durch den kreiz wider .
003071 man sach daz bluot vallen nider
003072 von den starken wunden .
003073 sus wart er }berwunden
003074 von dem jungen ri^ter da^ .
003075 do^ muos er im sichern sa^
003076 swaz er in tuon hieze ,
003077 daz er des niht enlieze ;
003078 dar umbe liez er im si^n leben .
003079 daz pf{rit muose er wider geben
003080 und den sitech a^ne danc .
003081 daz im da^ so^ wol gelanc ,
003082 des wart daz liut allez vro^ .
003083 mit gro^zem schalle vuorte in do^
003084 diu k}nigi^n von Persi^a^
003085 durch ruowe in ir gezelt sa^ .
003086 ouch volget im dar in
003087 si^n vil ri^terli^ch gewin
003088 und die ri^ter a^ne zal .
003089 sich huop da^ vil gro^zer schal .
003090 ir vreude was des ro^ten val .
003091 Do^ er den pri^s da^ he^t bejaget ,
003092 als ich iu nu ha^n gesaget ,
003093 den gra^ven hiez er sichern des : -
003094 welt irz vernemen , ich sagiu wes -
003095 daz er und si^n vriundin
003096 v}eren gegen Britanje hin
003097 zem milten k}nige Artu^s
003098 und da^ waeren in si^nem hu^s
003099 unz er dar na^ch im kaeme ;
003100 swer daz gerne vernaeme
003101 wer in dar he^t gesant ,
003102 daz erz im also^ taete erkant :
003103 " daz ha^t der ri^ter mit dem rade . "
003104 der gra^ve sprach " daz waer mir schade
003105 soldich iuch niht erkennen baz . "
003106 der ri^ter sprach " wie kaeme daz ? "
003107 " da^ v}ert vil manic man daz rat
003108 der nimmer kumt an iuwer stat
003109 an geburt und an manheit .
003110 dar umb waere ez mir leit
003111 und wesse gerne iuwern namen .
003112 irn durft iuch nimmer des geschamen
003113 daz iu an mir gelungen ist ,
003114 wan daz weiz unser herre Krist
003115 daz ez mir nie me^ geschach .
003116 der junge ri^ter aber do^ sprach
003117 " ich wil mich iu nennen
003118 daz ir mich m}gt erkennen ,
003119 si^t irs so^ vli^zicli^che gert ,
003120 wand ir si^t aller e^ren wert .
003121 ich bin Gwi^ga^lois genant
003122 und ha^n geda^ht mit mi^ner hant
003123 der besten lop erwerben
003124 od m{nli^ch ersterben ;
003125 also^ bin ich u^z gevarn . "
003126 " herre , got m}ez iuch bewarn . "
003127 sprach der gra^ve Hojir
003128 " und gev}ege uns noch daz wir
003129 mit vreuden m}ezen ein ander sehen ;
003130 swaz mir von iu ist geschehen
003131 des wil ich niht laster ha^n . "
003132 do^ nam er urloup und schiet dan
003133 engegen Britanje , als er gebo^t .
003134 da^ wurden liehtiu ougen ro^t
003135 do^ sich diu ri^terschaft zerliez ;
003136 dem herren Gwi^ga^lois gehiez
003137 geselleschaft vil manger da^ .
003138 sus schieden sich die ri^ter sa^
003139 beidiu mit vreuden und mit klage .
003140 ez was wol na^ch mittem tage
003141 und he^ten zi^t ze ri^ten
003142 die da^ niht wolden bi^ten
003143 unz an den andern morgen .
003144 da^ was unverborgen
003145 triuwe unde minne ;
003146 mit worten und mit sinne
003147 erbuten siz ein ander wol ,
003148 als ein vriunt dem andern sol
003149 der im dienstes ist bereit
003150 und im ganze triuwe treit
003151 a^n aller slahte bo^sheit .
003152 Sus schieden si sich alle da^ .
003153 diu k}nigi^n von Persi^a^
003154 bat den ri^ter mit ir varn .
003155 er sprach " vrouwe , ich muoz bewarn
003156 daz ich mich iht versu^me ;
003157 ja^ erbat ich des vil ku^me
003158 die lieben juncvrouwen mi^n
003159 diu mi^n geleite dar sol si^n
003160 daz si hie her mit mir reit . "
003161 diu vrouwe sprach " herre , seit ,
003162 war sol si iuch leiten ? "
003163 " des wil ich iuch bereiten :
003164 zeiner a^ventiure
003165 diu ist so^ ungehiure
003166 daz si niemen mac besta^n
003167 ezn m}eze im an den li^p ga^n ;
003168 dar an ich mich niht su^men wil . "
003169 do^ wart im genigen vil
003170 von den vrouwen }ber al ;
003171 diu dienest wa^ren a^ne zal
003172 diu man den ri^ter ane bo^t .
003173 sus nam er urloup in den to^t
003174 und gna^det der k}niginne
003175 triuwen unde minne
003176 die si im bescheinde .
003177 ir niftel se^re weinde
003178 und kuste die vrouwen alle .
003179 sus vuor si mit schalle
003180 und mit gro^zer ri^cheit .
003181 ir spi^se was allen den bereit
003182 die si wolden ezzen .
003183 an ir was niht vergezzen
003184 deheiner slahte g}ete ,
003185 wand ir reine(z) gem}ete
003186 ie na^ch e^ren bl}ete .
003187 Her Gwi^ga^lois und diu maget
003188 von der ich iu nu ha^n gesaget
003189 der er daz pf{rt wider gewan ,
003190 die riten mit ein ander dan ,
003191 diu juncvrouwe und diu zwei getwerc ,
003192 }ber einen ho^hen berc
003193 durch michel waltgevelle nider .
003194 do^ ko^men si ze der stra^ze wider
003195 die diu maget v}r si reit ,
003196 do^ si klagte ir herzeleit .
003197 si^nen zoum vie si mit der hant ;
003198 si sprach " ri^ter , si^t gemant
003199 iuwer g}ete und iuwer e^ren ,
003200 daz ir geruochet ke^ren
003201 mit mir heim ze lande
003202 ( des si^t ir a^ne schande -
003203 ich bit iuch si^n vil verre -
003204 daz ez iu unser herre
003205 vergelten m}ez duch si^nen to^t ! ) ,
003206 daz ich verdiene die gro^zen no^t
003207 die ir durch mich habt erliten
003208 er sprach " vrouwe , la^t iuwer biten ;
003209 ir sult si^n niht ze harte gern ,
003210 wand ichn mac iuch ( si^n ) niht gewern .
003211 ich muoz in kurzer zi^t besta^n ,
003212 als ich mich an genomen ha^n ,
003213 die a^ventiure ze Kornti^n ;
003214 dar sol ich mit der vrouwen mi^n
003215 komen so^ ich schierest mac .
003216 ez w}rde mi^ner e^ren slac
003217 ob ich die lieze under wegen .
003218 got m}ez iuwers li^bes pflegen ,
003219 und gebe iu saelde und e^re !
003220 wan swaz ich mich nu me^re
003221 su^mte hie , des gw}nne ich schaden . "
003222 si mohte in niht so^ vil geladen
003223 sin verl}r ir vle^hen und ir bet .
003224 do^ er niht na^ch ir willen tet ,
003225 do^ klaget si und weinde als e^ .
003226 ir ja^mers wart do^ michels me^
003227 dan si^n da^ vor waere gewesen ;
003228 vor leide tru^wet si niht genesen ,
003229 und waere ir verre baz geschehen
003230 he^t si den ri^ter nie gesehen ,
003231 wand ir von si^ner hinvart
003232 ir reinez herze beswaeret wart ,
003233 mit ja^mer e^wicli^ch bespart .
003234 Do^ si ir bet niht vervie
003235 und ez an ein scheiden gie ,
003236 daz si daz g{nzli^che ersach ,
003237 zem jungen ri^ter si do^ sprach
003238 " si^t ir mich niht mugt gewern ,
003239 so^ wil ouch ich der ga^be enbern
003240 die ich von iu enpfangen ha^n .
003241 ir waent des li^hte ich habez geta^n
003242 ze minnern mi^ne armuot ? "
003243 ich ha^n lant unde guot ,
003244 liute und e^ren also^ vil
003245 daz ich der ga^be niht enwil .
003246 ir sult von rehte iuwern gewin
003247 geben iuwer vriundin ,
003248 wand ich si^n guoten ra^t ha^n . "
003249 do^ muose daz pf{rit da^ besta^n :
003250 si treipz von ir mit slegen do^ ;
003251 des wart der ri^ter vil unvro^ ,
003252 wand er sis alles widerstreit ,
003253 ez waere im liep ode leit .
003254 sus nam si urloup unde reit .
003255 Der ri^ter sich do^ underwant
003256 des schoenen pf{rdes sa^ zehant
003257 und alles des dar u^ffe lac
003258 und eins getwerges daz si^n pflac ;
003259 daz gap er der juncvrouwen si^n .
003260 do^ he^t ouch si daz h}ndeli^n
003261 daz er dem ri^ter an gewan ,
003262 als ich iu e^ gesaget ha^n .
003263 die zwo^ ga^be he^t si do^
003264 von im ; der wart si harte vro^ .
003265 iedoch he^t si deheinen tro^st
003266 daz ir vrouwe w}rde erlo^st
003267 mit si^ner manheit von ir no^t
003268 und vorhte ouch daz im der to^t
003269 da waere beschert ; daz was ir klage
003270 in ir muote alle tage ,
003271 wand er du^hte si ze kranc .
003272 dannoch reit er }ber ir danc
003273 mit ir ; si lieze ab a^ne zorn
003274 wan si die reise niht he^t verlorn :
003275 si he^t erworben an der vart ,
003276 als ez do^ gahtet wart ,
003277 baz danne ze tu^sent marken ;
003278 des begunde ir herze starken
003279 in vil ho^hem muote ,
003280 wan von gro^zem guote
003281 sti^gent diu herze ho^ ;
003282 von armuot wirt niemen vro^ .
003283 daz ho^rte ich ie die wi^sen sagen
003284 daz die ri^chen ho^he tragen ,
003285 die armen tru^ren unde klagen .
003286 Mit vreuden riten si do^ dan .
003287 der getwerge einez in began
003288 sagen schoeniu maere ,
003289 wer si^n herre waere
003290 der ez dar he^t gesant ,
003291 und wiez st}ende in I^rlant .
003292 hie mit kurztez in den tac ,
003293 wan man mit guoten maeren mac
003294 und mit reinen wi^ben
003295 die zi^t wol vertri^ben ;
003296 sus treip ez in die zi^t hin .
003297 nu sa^hen si wa^ vor in
003298 verre u^f einem gevilde
003299 in einer gro^zen wilde
003300 ein schoene gezelt was u^f geslagen .
003301 wie dem waere , daz wil ich iu sagen :
003302 ez was ho^ch , sinwel und wi^t ,
003303 gel und ro^t an einer si^t ,
003304 diu ander wi^z unde bla^ ;
003305 ein hirzgeh}rne was da^
003306 von golde dru^f gestecket ,
003307 die sn}ere wa^rn gestrecket
003308 vaste mit starken ki^len ;
003309 ouch wa^ren ze zwein zi^len
003310 drumbe gestecket v}nfzic sper .
003311 nune wessen die gesellen wer
003312 under dem gezelte lac .
003313 innen des entweich der tac
003314 der naht mit si^nem glaste .
003315 do^ i^lten si vil vaste
003316 engegen dem gezelte sa^ ,
003317 wan die gesellen enwessen wa^
003318 si die selben naht vertriben
003319 da^ si so^ ri^terli^che beliben .
003320 ouch was dem ri^ter dar vil ger :
003321 do^ er ersach so^ manic sper
003322 umb daz gezelt stecken ,
003323 daz begunde an im do^ wecken
003324 beidiu manheit unde kraft .
003325 er geda^hte " ich vinde da^ ri^terschaft :
003326 dar na^ch ich ie gevaren bin ;
003327 ich wil bejagen da^ gewin ,
003328 od ich scheide gevangen hin . "
003329 Der des gezeltes herre was ,
003330 dem was dar under u^f ein gras
003331 gebettet h|vischli^che
003332 mit einem kulter ri^che
003333 von zweier hande pfellen .
003334 und als er die gesellen
003335 zuo im sach ri^ten ,
003336 niht lenger wolder bi^ten :
003337 er gie engegen in und enpfie si wol ,
003338 als ein wirt den gast sol
003339 der gena^den an in gert ;
003340 sus wurden si von im gewert
003341 vil guoter handelunge da^ .
003342 wider den ri^ter sprach er sa^
003343 mit dem diu juncvrouwe reit
003344 " herre , enwaere ez iu niht leit ,
003345 ich vra^get iuch gerne maere
003346 war iuwer wille waere
003347 mit dirre juncvrouwen .
003348 iu ist der schilt zehouwen
003349 iuwer wa^fenroc verschro^ten :
003350 ir habt gemachet to^ten
003351 ode vil se^re wunden ;
003352 des ha^t wol enpfunden
003353 der liehte helm mit dem rade .
003354 si^ ez iu niht gro^zer schade ,
003355 so^ la^t mich wizzen war ir welt . "
003356 do^ sprach her Gwi^ga^lois der helt
003357 " si^t ez mir niht verboten wart ,
003358 ich sagiu wol mi^ne vart :
003359 disiu maget wart gesant
003360 ze Britanje in daz lant
003361 mi^nem herren , dem k}nige Artu^s ,
003362 ze Karido^l in si^n hu^s ,
003363 als ir si sehet ri^ten hie .
003364 der k}nic si minnicli^che enpfie
003365 und diu m{sseni^e gar .
003366 u^f der gena^de kom si dar
003367 ob iemen waere under in
003368 der einen ri^terli^chen gwin
003369 ze Kornti^n getorste holn ;
003370 er m}ese da^ gro^zen kumber doln
003371 dar under den gewizzen to^t .
003372 do^ underwant ich mich der no^t ,
003373 als ich iu nu ha^n geseit .
003374 ez was aber ir vil leit ,
003375 wand ich du^hte et si ze kranc .
003376 sus bin ich allez }ber ir danc
003377 mit ir geriten her .
003378 got gebe mir daz ich mi^n sper
003379 da^ so^ vertuo als ich des ger ! "
003380 Do^ der herre daz he^t vernomen
003381 warumb od wie er dar was komen
003382 und si^ne jugent rehte ersach ,
003383 des nam in wunder unde sprach
003384 " mich dunket des : ir si^t ze kint ;
003385 iuwer kraft diu ist ein wint
003386 zer selben a^ventiure ,
003387 wan si ist ze holen tiure ,
003388 als ich iu nu sagen wil :
003389 ich ha^n da^ gesellen vil
003390 verloren von der selben no^t ;
003391 ez sint da^ gelegen to^t
003392 die tiursten von dem lande ,
003393 an den ich wol erkande
003394 ganze manheit unde kraft ,
003395 und die ir zi^t mit ri^terschaft
003396 gro^zen pri^s erwurben .
003397 si^t die da^ verdurben ,
003398 wie m|ht iu gelingen ?
003399 welt ir den pri^s erringen ,
003400 so^ volget mi^nem ra^te :
003401 ich ha^n vruo und spa^te
003402 dar na^ch geriten wol zehen ja^r ,
003403 biz ich mi^ne gesellen gar
003404 ha^n verlorn und ouch daz guot .
003405 si^t wir nu beide einen muot
003406 haben zuo der selben no^t ,
003407 so^ la^ze wir ez hie den to^t
003408 also^ gerne scheiden
003409 enzwischen uns beiden
003410 und sweder unser hie gesige ,
003411 ob der ander niht to^t gelige ,
003412 der danne den sic habe verlorn ,
003413 daz der wider a^ne zorn
003414 ze lande var , daz ist mi^n ra^t ;
003415 swer ab danne gesiget ha^t ,
003416 der v}ere den pri^s ze Kornti^n ;
003417 da^ la^ze er alre^rst werden schi^n
003418 ob er guot ri^ter k}nne si^n . "
003419 Her Gwi^ga^lois was ein man
003420 der nie zagheit gewan
003421 noch nie bo^sheit begie ;
003422 si^n herze da^ von vreude vie
003423 als im dehein manheit
003424 ze tuone wart v}r geleit .
003425 do^ er vernam des ri^ters muot ,
003426 des vreute er sich und du^hte in guot ,
003427 wand er he^t sich des bewegen
003428 swes iemen wolde mit im pflegen
003429 ze ri^terli^cher manheit ,
003430 dar u^f was sin li^p bereit ,
003431 wand er ie na^ch e^ren ranc .
003432 der rede sagter dem herren danc ,
003433 wand er wol sach daz si^n muot
003434 was ze ri^terschefte guot ;
003435 des wart her Gwi^ga^lois vil vro^ .
003436 wider den ri^ter sprach er do^
003437 " herre , welt ir des niht enbern
003438 ichn m}eze iuch stri^tes hie gewern ,
003439 so^ teilt mit mir geli^che :
003440 der sper si^t ir ze ri^che
003441 und habt driu schoeniu ros hie
003442 und zwelf vrume knappen , die
003443 wartent iuwer , daz ist ir reht ;
003444 so^ ha^n ab ich deheinen kneht ,
003445 niwan mi^n ors und min sper ;
003446 niht me^r gesindes bra^hte ich her
003447 noch helfe ze disem stri^te ;
003448 anders ich niht ri^te
003449 niwan mi^n ors den langen tac ;
003450 da^ von ez niht getu^ren mac
003451 zer selben ri^terschefte .
003452 ouch ha^n ich l}tzel krefte
003453 ir seht wol selbe ich bin ein kint . "
003454 do^ sprach der herre " si^t iu ( nu ) sint
003455 diu ors und knappen tiure ,
003456 so^ gibe ich iu ze stiure
003457 daz beste ors daz ich ha^n ;
003458 dar zuo so^ si^n iu underta^n
003459 sehs knappen die ich bra^hte her ;
003460 und nemt v}nf und zweinzic sper
003461 daz ir des stri^tes iht abe ge^t . "
003462 do^ erz alsus geteilet he^t ,
003463 des vreute sich der k}ene man .
003464 sehs knappen hiez er v}r sich sta^n ;
003465 die ta^ten im des sicherheit
003466 daz im ir dienest waere bereit
003467 an dem selben stri^te .
003468 nu was ez an der zi^te
003469 daz man solde ezzen ;
003470 desn wart niht vergezzen
003471 im engaebe der wirt wirtschaft
003472 und alles des die }berkraft
003473 des er haben mohte ,
003474 als ez im ze nemen tohte .
003475 dar na^ch bettet man in
003476 under daz gezelt hin
003477 beidiu u^f loube und u^f gras ;
003478 vil manic guot kulter was
003479 u^f daz loup gedecket ;
003480 dar u^f wa^ren gestrecket
003481 vil wi^ziu li^lachen .
003482 die knappen hiez man wachen
003483 die naht mit vli^ze unz an den tac .
003484 ein walt in da^ na^hen lac ,
003485 dar inne manic nahtegal
003486 uobte ir w}nnicli^chen schal ;
003487 diu vreude in in daz herze hal .
003488 na^ch der naht erschein der tac
003489 na^ch si^nem sit , als er ie pflac .
003490 die knappen wa^rn alle bereit .
003491 si he^ten u^f diu ors geleit
003492 satel und kovertiure .
003493 zir zweier justiure
003494 was in allen harte ger .
003495 harnasch , schilt unde sper
003496 wa^ren bereit in beiden .
003497 do^ begunden sich da^ kleiden
003498 die herren an ir sla^fstet ;
003499 dar na^ch spra^chens ir gebet
003500 und bevulhen got beide ir no^t ,
003501 wand ir einem was der to^t
003502 beschert von dem andern da^ .
003503 do^ hiezen si sich wa^fen sa^
003504 ir ietweders knappen ; die
003505 dienten ir herren hie
003506 als si geteilet wa^ren .
003507 dem herren begunde swa^ren
003508 si^n muot harte se^re ;
003509 wan daz er durch si^n e^re
003510 den stri^t niht mohte la^n ,
003511 er he^t sichs gerne abe geta^n ,
003512 wand im wi^ssagte si^n muot ,
003513 als er den liuten ofte tuot
003514 die vor in wizzen den to^t
003515 und die doch durch der e^ren no^t
003516 den li^p verliesent als er da^ .
003517 den schilt hiez er im reichen sa^
003518 und saz u^f daz ors si^n .
003519 zwe^ne schefte i^wi^n ,
003520 dar an wa^ren starkiu sper ,
003521 die bra^hten in die knappen her .
003522 si liezen von ein ander ga^n
003523 daz si ir puneiz m|hten ha^n
003524 und ke^rten gegen ein ander wider ;
003525 diu sper druhten si do^ nider ,
003526 als si truoc ir gelust ;
003527 durch die schilte u^f die brust
003528 si so^ vaste sta^chen
003529 daz die schefte bra^chen .
003530 do^ na^men si zwei andriu sper ;
003531 zuo ein ander was in ger ;
003532 zesamne ke^rten si do^ da^
003533 so^ vaste daz die schefte sa^
003534 sich zarten von den i^sen .
003535 daz golt begunde ri^sen
003536 von den schilten u^f daz gras .
003537 an in beiden dannoch was
003538 ganziu manheit unde kraft ;
003539 ir deweder deheiner ri^terschaft
003540 so^ starker nie begunde ;
003541 in vil kurzer stunde
003542 versta^chen si diu sper gar .
003543 zaller jungest bra^hte man dar
003544 zwe^ne schefte eschi^n ,
003545 als ez leider solde si^n
003546 des herren to^t an der stat .
003547 her Gwi^ga^lois den ri^ter bat
003548 baz ze velde ke^ren ;
003549 des endorfte er in niht le^ren ,
003550 wand ers im selbe he^t geda^ht .
003551 do^ wurden si zesamne bra^ht
003552 von den starken rossen wider .
003553 her Gwi^ga^lois der druhte nider
003554 daz sper mit beiden handen ;
003555 si^nen zorn begunde er anden ,
003556 als in si^n vater le^rte ;
003557 und do^ er an in ke^rte ,
003558 daz starke sper er durch in stach
003559 daz man in da^ to^ten sach
003560 vallen nider u^f daz gras .
003561 vil gro^ziu klage umb in da^ was :
003562 von den liuten }ber al
003563 wart da^ ein jaemerli^cher schal ;
003564 si klagten alle des ri^ters val .
003565 Er was wol gro^zer klage wert ,
003566 wand er he^t ie des gegert
003567 daz im der e^ren kro^ne
003568 ze jungest waer ze lo^ne
003569 gevallen umb si^n arbeit .
003570 daz he^t der to^t nu hin geleit ,
003571 als er noch vil ofte tuot :
003572 er nidert mangen ho^hen muot
003573 und zev}eret die ri^cheit
003574 diu lange zesamne ist geleit .
003575 er gi^t ouch ie na^ch liebe leit .
003576 Her Gwi^ga^lois , der k}ene man
003577 hiez die knappen v}r sich sta^n .
003578 swie ez in doch waere leit ,
003579 si ta^ten im des sicherheit -
003580 als si u^f den heiligen sw}eren -
003581 daz si ze Britanje v}eren
003582 zem milten k}nige Artu^s
003583 und si^n da^ biten in si^nem hu^s
003584 biz er na^ch in koeme dar .
003585 des swuoren si und liezen wa^r ,
003586 swie leide in von im waere geschehen .
003587 doch wolden si daz gerne sehen
003588 wer er waere ; daz was ir muot .
003589 do^ na^men si ir herren guot ,
003590 beidiu ros und ouch gewant ;
003591 si bunden u^f diu pf{rt zehant
003592 swaz si tragen solden .
003593 den to^ten si niht wolden
003594 la^zen an der walstat ;
003595 her Gwi^ga^lois die knappen bat
003596 daz si in ze kirchen braehten
003597 und si^ner se^le gedaehten
003598 mit almuosen und mit messen ,
003599 swaz si ze tuone wessen
003600 si^ner se^le ze tro^ste
003601 daz si von der helle erlo^ste
003602 daz si sich des vlizzen ,
003603 und im niht harte wizzen
003604 umb ir lieben herren to^t ;
003605 si saehen wol es gienge im no^t .
003606 do^ ta^ten si als er gebo^t .
003607 Si na^men urloup von im da^ .
003608 der ri^ter huop sich danne sa^ ,
003609 als in diu maget le^rte ;
003610 mit vreuden er do^ ke^rte
003611 mit ir heim ze lande .
003612 si mohte wol a^ne schande
003613 si^n ri^ten mit ir do^ vertragen .
003614 alre^rst begunde si im sagen
003615 ir maere , do^ im da^ gelanc ,
003616 und sagte im si^ner noete danc .
003617 si sprach " herre , geloubet daz
003618 mir geviel nie ri^ter baz
003619 dan ir an rehter manheit .
003620 nu habt ir iu daz v}r geleit
003621 daz ir den li^p verliesen welt
003622 od riterli^che als ein helt
003623 der werlte lop erringen ;
003624 under den zwein dingen
003625 muoz iu morgen einz geschehen .
003626 wil ez got , so^ sul wir sehen
003627 noch hi^nt daz lant ze Kornti^n ,
003628 dar u^z diu liebe vrouwe mi^n
003629 in ir kintheit wart vertriben .
003630 ir landes ist ir niht beliben
003631 niwan ein burc , diu li^t dran ,
003632 daz nie dehein k}nic gewan
003633 ein hu^s so^ rehte veste ;
003634 ez ist ein berc , der beste
003635 den ie dehein man gesach .
003636 ezn waere dehein wi^p so^ swach
003637 sine behieltez mit li^hter wer
003638 immer vor des k}niges her .
003639 dar u^f ist diu vrouwe mi^n ,
003640 daz niht schoeners m|hte si^n
003641 in dirre werlte dan si ist .
003642 nu ha^t ir unser herre Krist
003643 na^ch ir ahte ein kleinez leben
003644 in ir kintheit gegeben ,
003645 als ich iu nu sagen wil .
003646 ir vater der he^t e^ren vil
003647 und diu liebe vrouwe mi^n :
003648 daz guote lant ze Kornti^n
003649 daz was ir eigen beider .
003650 mit gro^zer klage leider
003651 si^ wir da^ von gescheiden :
003652 daz bu^wet nu^ ein heiden ;
003653 Ro^az von Glois ist er genant ;
003654 si^n manheit diu ist erkant
003655 als wi^te so^ diu werlt ist .
003656 er ha^t durch si^nen zouberlist
003657 beidiu se^le unde leben
003658 einem tievel gegeben ;
003659 der tuot durch in wunders vil :
003660 er v}eget im allez daz er wil ;
003661 also^ gevuocter im daz lant .
003662 daz was im e^ vil unbekant
003663 ob er da^ k}nic solde si^n ;
003664 nu^ ha^t er goldes vollen schri^n ;
003665 daz was des lieben herren mi^n .
003666 Welt irz vernemen , ich sagiu wie
003667 der heiden daz ane gevie
003668 daz er uns von dem lande schiet ,
003669 als imz si^n herre der tievel riet .
003670 ez li^t enhalp Kornti^n
003671 ein ri^chiu gra^fschaft , diu ist si^n ;
003672 die bra^hte in si^n vater an .
003673 nu wart der ungetriuwe man
003674 mi^nem herren heimli^ch
003675 und diente im aller t{geli^ch
003676 als er si^n eigen waere .
003677 mit mangem guten maere
003678 vreut er im ofte si^nen muot ,
003679 als der ungetriuwe tuot :
003680 swen er dem manne schaden wil ,
003681 so^ sagt er guoter maere vil
003682 und lachet in valschli^che an ;
003683 als tet der ungetriuwe man .
003684 mi^n herre der was guot
003685 unde he^t so reinen muot
003686 daz er sichs niht beda^hte
003687 unz ez im den schaden bra^hte
003688 da^ von er den li^p verlo^s .
003689 owe^ , daz er ie erko^s
003690 im ze vriunde ein den man
003691 der nie deheine triuwe gewan !
003692 deiswa^r , daz was niht wol geta^n .
003693 Si^n hu^s was im bereit
003694 und si^n guot unverseit ;
003695 er he^t in in si^ner pflege
003696 und beriet in alle wege
003697 durch si^ne gro^ze manheit .
003698 da^ wider geda^ht er im leit
003699 ze tuone aller t{geli^ch .
003700 daz was iedoch unbilli^ch
003701 daz er wider minne
003702 si^ne valsche sinne
003703 im ze schaden ke^rte ,
003704 als in sin schande le^rte .
003705 eins morgens do^ der tac u^f gie
003706 und daz der wahtaer verlie
003707 die huote an der zinne ,
003708 als er des wart inne
003709 daz diu porte was u^f geta^n ,
003710 do^ kom der ungetriuwe man
003711 daz si^n niemen wart gewar
003712 mit vier hundert ri^tern dar ;
003713 die wa^rn ze harnasche gar .
003714 Als er daz b}rgetor gevie ,
003715 si^n ors er do^ ste^n lie
003716 und i^lte mit zorne u^f den sal ,
003717 da^ die ri^ter }ber al
003718 mit gro^zen z}hten sliefen .
003719 die vi^nde si an liefen
003720 und sluogen daz gesinde
003721 von kinde ze kinde ,
003722 von manne ze manne ;
003723 nieman mohte danne
003724 dem ga^hen to^de enbresten ;
003725 da^ lac von den gesten
003726 vil manic edel ri^ter to^t .
003727 owe^ der kl{geli^chen no^t
003728 daz si also^ verdurben
003729 und a^ne wer ersturben !
003730 wie m|hte ein mort groezer wesen !
003731 man liez ir einen niht genesen .
003732 da^ wart mi^n lieber herre erslagen ;
003733 den sol diu werlt immer klagen :
003734 an im was manheit unde jugent ,
003735 sterke , wi^sheit unde tugent ;
003736 mit disen dingen minnet er ie
003737 die werlt , und vergaz doch nie
003738 si^n der imz gegeben he^t ,
003739 in des gewalt diu werlt ste^t ;
003740 dem diente mi^n lieber herre
003741 und minnet in also^ verre
003742 mit almuosen und mit messen
003743 daz ims die liute wessen .
003744 ich wil iu sagen wes er pflac :
003745 ern liez nie deheinen tac
003746 ern teilte selbe mit si^ner hant ;
003747 swaz er armer liute vant ,
003748 die beriet der tugentri^che man .
003749 des sol in got geniezen la^n ,
003750 wand er im ie was underta^n .
003751 Mi^n altvrouwe was gevarn -
003752 als si got wolde bewarn
003753 und ez ir saelde solde si^n -
003754 u^z dem lande ze Kornti^n
003755 u^f ir hu^s ze Roimunt , -
003756 daz tuon ich iu entiuschen kunt :
003757 K}nigesberc hieze ez hie -
003758 daz ir ir vater z'eigen lie
003759 und allez daz dar umbe li^t .
003760 mi^n juncvrouwe was zer selben zi^t
003761 do^ ditze mort hie geschach ,
003762 als es mi^n vrouwe selbe jach ,
003763 niwan dri^er ja^r alt .
003764 nu^ ist si so^ wol gestalt
003765 und ha^t einen so^ schoenen li^p
003766 daz waen iender lebe ein wi^p
003767 in allem disem ri^che
003768 diu sich ir geli^che .
003769 si ha^t schoene unde jugent ,
003770 geburt unde ganze tugent .
003771 ich erkenne wol ir reinen muot :
003772 si ist gewizzen unde guot .
003773 mi^n vrouwe pfligt ir harte wol ,
003774 als ein muoter ir tohter sol :
003775 si ha^t si in ir huote
003776 mit li^be und mit guote .
003777 durch ir schoene ha^t manic man
003778 ze Kornti^n den li^p verla^n
003779 und li^t ouch noch vil manger to^t .
003780 owe^ der kl{geli^chen no^t !
003781 noch machet si liehtiu ougen ro^t .
003782 Ich sagiu wie daz komen ist :
003783 wir haben vunden einen list
003784 der uns benamen vrumen muoz
003785 und sol uns leides werden buoz .
003786 wirn wellen die juncvrouwen mi^n
003787 a^n daz lant ze Kornti^n
003788 nieman geben ze wi^be ,
003789 wan der mit si^nem li^be
003790 daz guote lant erwerben mac ;
003791 der ha^t ouch danne v}r den tac
003792 genuoc ze geben swem er wil ;
003793 so^ wirt im daz beste spil
003794 daz man im gi^t ze wi^be
003795 eine magt diu si^nem li^be
003796 wirt ein }bergulde :
003797 swer die e^rsten schulde
003798 von ir li^be nemen sol ,
003799 dem wirt herzenli^che wol ,
003800 wand ez ha^t diu saelicheit
003801 ir wunsch so^ gar an si geleit
003802 daz si mit lobe die kro^ne treit .
003803 Ich la^ze iuch morgen an ir sehen
003804 daz ir des selbe m}ezet jehen .
003805 ob diu werlt einem man
003806 {lliu waere underta^n ,
003807 und daz im geli^che
003808 {lliu k}nicri^che
003809 dienten gar v}r eigen ,
003810 dem enkunde ich niht gezeigen
003811 noch gera^ten ze wi^be
003812 deheine magt diu si^nem li^be
003813 so^ rehte wol gezaeme
003814 und diu ouch so^ genaeme
003815 an allen dingen waere ;
003816 si ist unwandelbaere
003817 an li^be und an sinnen .
003818 sold ich die schoenen minnen ,
003819 daz ich niht waere ein wi^p ,
003820 dar umbe wolde ich mi^nen li^p
003821 immer v}eren veile
003822 und wolde in urteile
003823 mi^ne se^le setzen . "
003824 sus begunde si in wetzen
003825 unde reizen u^f den to^t .
003826 des was ir weizgot vil unno^t ,
003827 wand er pflac solher manheit
003828 daz si^n li^p was bereit
003829 allen ( den ) die si^n geruochten ,
003830 die ez an in suochten
003831 und die si^n wert wa^ren .
003832 er he^t in si^nen ja^ren
003833 und in si^ner kintheit
003834 der werlte lop also^ bejeit
003835 daz man si^n noch gedenken muoz .
003836 swer welle daz im werde buoz
003837 si^ner schande die er ha^t ,
003838 der la^ze si^ne misseta^t
003839 und volge den besten ; deist mi^n ra^t .
003840 Her Gwi^ga^lois sprach zuo der maget ,
003841 do^ si im also^ he^t gesaget
003842 " juncvrouwe , nu sagt mir me^
003843 wiez umb die a^ventiure ste^
003844 und wer mich dar bringe
003845 od mit welhem dinge
003846 ich si vinde ; daz tuot mir kunt . "
003847 do^ sprach diu maget an der stunt
003848 " herre , daz wil ich iu sagen
003849 und wil iuch des niht verdagen
003850 daz iu dar zuo gevrumen mac :
003851 nimmer wirt dehein tac
003852 man sehe v}r daz hu^s ga^n
003853 ein tier , daz ist so^ wol geta^n ,
003854 und wil ich im der wa^rheit jehen ,
003855 daz ich niht schoeners ha^n gesehen ;
003856 ich sagiu wiez geschaffen ist :
003857 ez ha^t under herre Krist
003858 si^nen vli^z dar an geleit .
003859 dar tier u^f si^nem houbet treit
003860 eine guldi^ne kro^ne ;
003861 diu ist bewahsen scho^ne
003862 mit zwein swarzen hornen ;
003863 mit beiden orten vornen
003864 ist si so^ bewunden
003865 daz wir niht enkunden
003866 mit deheinen unsern sinnen
003867 si da^ von gewinnen ,
003868 ob ez uns si^n gunde .
003869 ez ha^t in si^nem munde
003870 die hitze , als ichz ha^n vernomen ,
003871 daz niemen mac dar zuo komen
003872 der im iht schaden wil ;
003873 vrumer ri^ter ha^t ez vil
003874 mit im geleitet in den to^t .
003875 welt ir beste^n die selben no^t ,
003876 so^ merket rehte war ez var .
003877 von si^nem houbet ist ez gar
003878 geschaffen als ein le^bart .
003879 ez ha^t erkorn im eine vart ,
003880 diu ist niemen me^ bekant :
003881 einen sti^c in daz lant ,
003882 durch den walt , zuo Kornti^n ;
003883 da^ sult ir im volgen i^n : "
003884 er sprach " triuwen , daz sol si^n ! "
003885 Do^ er daz wort vol sprach ,
003886 die schoenen burc er do^ sach
003887 bi^ im ligen na^hen ;
003888 dar u^z si gegen in sa^hen
003889 einen ri^ter gwa^fent ri^ten ,
003890 als er wolde stri^ten .
003891 er reit ein ors wol geta^n .
003892 einen wi^zen halsberc vuorter an ;
003893 den bedahte ein gr}ener wa^fenroc ;
003894 dar u^f was ein re^chboc
003895 gesniten von sami^te
003896 an ietwederre si^te .
003897 si^n helm der was ri^che ,
003898 vil harte h|veschliche
003899 mit ro^ten keln bedecket ;
003900 dar umbe was gestrecket
003901 ein strieme wi^z h{rmi^n ;
003902 oben was gestecket dri^n
003903 ein sch}zzel von golde ,
003904 da^ bi^ man wizzen solde
003905 daz er da^ truhsaeze was .
003906 ein timi^t gr}ene alsam ein gras
003907 was gebunden an si^n sper .
003908 einen niuwen schilt vuort er ;
003909 da^ was daz tier gema^let an ,
003910 als ich iu gesaget ha^n ,
003911 daz in da^ leiten solde ;
003912 von lazu^re und von golde
003913 was ez harte ri^che
003914 gev}llet meisterli^che ;
003915 daz was ir wa^fen ze Roimunt .
003916 der ri^ter sprach " nu tuot mir kunt
003917 und sagt mir rehte , wer ist der
003918 der dort kumt geriten her ?
003919 ich waene er pri^s welle bejagen . "
003920 si sprach " herre , daz wil ich iu sagen :
003921 ez ist ein der tiurste man
003922 der ri^ters namen ie gewan
003923 an tugent und an manheit ;
003924 iu ist von im vil unverseit
003925 swes ir mit im beginnen welt ;
003926 des li^bes ist er gar ein helt
003927 und ist tzuhsaeze hie ;
003928 ri^terschaft die minnet er ie .
003929 vermi^de er iuch , so^ ist mi^n ra^t
003930 daz ir in gerne ri^ten la^t ,
003931 wand iuch da^ misselingen mac . "
003932 der ri^ter sprach " daz waere ein slac
003933 aller mi^ner e^ren
003934 und soldich von im ke^ren ,
003935 si^t ich na^ch ri^terschefte var ;
003936 des himels keiser mich bewar !
003937 ich wil benamen gegen im dar . "
003938 Sus ke^rter }ber die heide .
003939 die herren begunden beide
003940 die schilte vazzen v}r diu knie ;
003941 ir ietweder si^gen lie
003942 gegen dem andern si^nen schaft ;
003943 sus ko^men si mit gro^zer kraft
003944 zesamne u^f der heide ;
003945 si versta^chen beide
003946 also^ ri^terli^che ir sper
003947 daz niemen kunde wizzen wer
003948 daz si^ne baz he^t verta^n .
003949 der truhsaeze reit in wider an ;
003950 bi dem zoume vienc ern do^
003951 vil minnicli^che und sprach also^
003952 " ir sult hie willekomen si^n
003953 und wizzet bi^ den triuwen mi^n
003954 daz iu mi^n dienest ist bereit . "
003955 nu sach er wa^ dort her reit
003956 diu maget wider in daz lant
003957 die si^n vrouwe he^t u^z gesant .
003958 vor ir zo^ch man ir gewin
003959 gegen der schoenen b}rge hin :
003960 den sitich , daz ph{rt wol geta^n
003961 als ez mit manheit gewan
003962 her Gwi^ga^lois , der wi^gant .
003963 der truhsaeze nam in bi^ der hant
003964 und ke^rte da^ diu maget reit ;
003965 si^n getriuwer gruoz was ir bereit ,
003966 wan si he^t gro^ze no^t erliten .
003967 mit ein ander si do^ riten ,
003968 die dri^ gesellen an den berc ;
003969 vor in zo^ch daz getwerc
003970 daz schoene pf{rit mit der hant ;
003971 sus bra^hte diu maget in daz lant
003972 dar na^ch si u^z was gesant .
003973 Ri^ter unde knehte
003974 iegeli^cher na^ch si^nem rehte
003975 enpfienc den ri^ter und die maget ;
003976 in beiden was da^ unversaget
003977 guot gemach und e^re ,
003978 und kunden si iht me^re
003979 in ze liebe ha^n erda^ht ,
003980 daz waere benamen da^ volbra^ht ,
003981 wand in geviel nie ri^ter baz .
003982 si spra^chen alle " ist er daz
003983 den der k}nic Artu^s
003984 mi^ner vrouwen her ze hu^s
003985 ze helfe ha^t gesant ,
003986 und der uns daz reine lant
003987 erledigen sol ze Kornti^n ?
003988 der sol hie willekomen si^n
003989 uns allen ze tro^ste !
003990 der mange se^le erlo^ste
003991 u^z der helle mit si^ner kraft
003992 und der a^ne meisterschaft
003993 die werlt alle werden hiez
003994 und der den va^lant verstiez
003995 von dem himelri^che
003996 durch daz er im geli^che
003997 wolde setzen si^nen stuol -
003998 er warf in in der helle pfuol :
003999 also^ m}ez vallen von si^ner hant
004000 der heidenische va^lant
004001 der mangen ri^ter ha^t erslagen !
004002 got sol im niht me^ vertragen
004003 si^nen vil gro^zen }bermuot
004004 und si^nen gwalt den er tuot . "
004005 diu rede du^hte den ri^ter guot .
004006 Ein ende ha^t diu klage do^ ;
004007 si lachten alle und wa^ren vro^ .
004008 diu magt bevalch den wi^gant
004009 dem truhsaezen bi^ der hant
004010 und den besten ri^tern da^ .
004011 zuo ir vrouwen gie si sa^ ;
004012 der bra^hte si liebiu maere
004013 wie mit ir komen waere
004014 der aller besten ri^ter ein
004015 den diu sunne ie beschein ;
004016 den he^t der k}nic Artu^s
004017 ir ze helfe in ir hu^s
004018 von si^ner m{sseni^e gesant .
004019 do^ neic diu vrouwe in daz lant
004020 dem k}nige von Britanje .
004021 diu s}eze gamanje
004022 enpfie vil wol die reinen maget .
004023 owi^ , waz da^ wart gesaget
004024 maere von ir reise !
004025 si zalte mange vreise
004026 die si von vorhten leit
004027 als ir geselle streit .
004028 ouch lie si ir vrouwen
004029 diu kleino^t schouwen
004030 diu ir her Gwi^ga^lois gewan ,
004031 als ich iu gesaget ha^n ,
004032 mit micheler manheit .
004033 ir getwerc daz ph{rit v}r si reit
004034 und vuorte den sitich und den hunt ;
004035 do^ ahten si v}r tu^sent pfunt
004036 daz gereite und daz vogelhu^s .
004037 dem milten k}nige Artu^s
004038 gna^deten si der e^ren .
004039 diu magt begunde me^ren
004040 dem jungen ri^ter si^nen pri^s :
004041 si lobet in en mangen wi^s
004042 vor ir juncvrouwen :
004043 wie wol er kunde houwen
004044 helm unde schilte
004045 und daz in niht bevilte
004046 ze tuone durch dehein wi^p ;
004047 er wolde verliesen si^nen li^p
004048 durch si , des waer im geda^ht ;
004049 sus he^t si in u^z bra^ht .
004050 des wart diu wirtinne vro^ .
004051 ir juncvrouwen gna^dete si do^
004052 der {ngestli^chen arbeit
004053 die si u^f der verte leit ,
004054 als si ir selbe he^t geseit .
004055 Nu berieten sich die dri^e ,
004056 diu schoene La^ri^e ,
004057 ir muoter und diu selbe maget
004058 diu in diu maere he^t gesaget ,
004059 wie man den ri^ter enpfienge
004060 daz er da^ von gevienge
004061 guoten willen in den to^t .
004062 allen ir vrouwen si gebo^t
004063 daz si sich ri^che kleiten
004064 und sich dar zuo bereiten ,
004065 als er i^n gienge ,
004066 daz man in so^ enpfienge
004067 daz er da^ von w}rde vro^ ;
004068 daz lobten si mit willen do^ .
004069 Ne^reja^ diu maget hiez
004070 diu von dem ri^ter tro^st gehiez ,
004071 mit der er dar komen was .
004072 in einen garten u^f ein gras
004073 vuort in der truhsaez bi^ der hant ;
004074 do^ schuter abe si^n i^sengwant
004075 under einer linden gr}ene ;
004076 her Gwi^ga^lois der k}ene
004077 kuolte sich und ruowet da^ .
004078 do^ bra^hte im Ne^reja^
004079 von pfelle harte ri^ch gewant ;
004080 daz he^t ze liebe im gesant
004081 diu schoene magt La^ri^e ;
004082 ez was ir von Syri^e
004083 verre gesant }ber se^ .
004084 noch bra^ht im diu maget me^ :
004085 li^nwa^t , wi^z alsam ein sne^ .
004086 zuo zim saz si u^f den kle^ .
004087 sus kleite sich der k}ene man .
004088 zwo^ scharlaches hosen streich er an
004089 mit gro^zem vli^ze an diu bein .
004090 o^wi^ , wie wol et an im schein
004091 geburt unde manheit !
004092 gewizzen unde saelicheit
004093 he^t got mit vli^ze an in geleit .
004094 Do^ der ri^ter wart gekleit
004095 und er na^ch si^ner arbeit
004096 so minnicli^che ga^be enphie ,
004097 des gna^deter got unde gie
004098 mit der juncvrouwen hin
004099 v}r die edeln k}nigin
004100 da^ diu u^f ir sal saz .
004101 o^wi^ , herre got , waz
004102 er da^ schoener vrouwen vant !
004103 die he^ten sich in ri^ch gewant
004104 gekleit manger slahte ,
004105 iegeli^che na^ch ir ahte .
004106 v}nfzic was ir }ber al ;
004107 dri^zic la^ze ich a^ne zal
004108 so^ daz ich si niht pri^se ,
004109 wan si niht in der wi^se
004110 geli^ch den zweinzic wa^ren
004111 an geburt noch an geba^ren ,
004112 an schoene noch an ri^cheit ;
004113 die zweinzic wa^ren so^ gekleit
004114 von pfelle und von sami^te
004115 daz ich da^ wider stri^te
004116 daz man nu iht vinde
004117 under deheinem gesinde
004118 also^ ri^che vrouwen .
004119 do^ begunder umbe schouwen
004120 und nam ir aller rehte war ;
004121 do^ wa^ren si ze lobe gar
004122 und ze wunsche wol gestalt ;
004123 ir saelde diu was manicvalt
004124 an li^be und an gewizzen ;
004125 des besten si sich vlizzen
004126 v}r ein ander alle da^ .
004127 do^ sach er under in sitzen sa^
004128 vrouwen La^ri^en , die schoenen maget
004129 von der schoene im was gesaget
004130 michel wunder ; daz was ouch wa^r ;
004131 got he^t si^nen vli^z gar
004132 ze wunsche wol an si geleit :
004133 an li^be und an saelicheit
004134 diu reine v}r si alle was
004135 geliutert als ein spiegelglas .
004136 hie vant er si^nes herzen bluot .
004137 beidiu li^p unde muot
004138 gap er ir tougenli^che da^ .
004139 vrou Minne vie den ri^ter sa^
004140 und zo^ch in in ir hami^t
004141 gewalticli^che a^ne stri^t ,
004142 daz er sich niht mohte erwern ;
004143 er muose ir sichern unde swern
004144 ze tuone swaz si du^hte guot ;
004145 ze gi^sel muose er ir den muot
004146 geben und daz herze si^n ,
004147 daz diu beidiu muosen si^n
004148 ir gevangen biz an ir to^t ;
004149 swaz man ze tuone im gebot
004150 durch si , daz du^hte in allez swach ,
004151 swie im doch si^n herze brach
004152 do^ er die schoenen alre^rst sach .
004153 Vrou Minne nam in mit ir kraft
004154 und zo^ch in in ir meisterschaft
004155 gewalticli^che a^ne wer ;
004156 der e^ vl}htic tet ein her
004157 und mangen vrumen ri^ter vie ,
004158 dern kunde sich gevristen nie
004159 mit deheiner si^ner kraft
004160 ern m}ese dulden meisterschaft
004161 von der starken minne .
004162 hie liez er si^ne sinne
004163 bi^ der m{gde wol geta^n ;
004164 ir gro^ziu schoene gesigte im an
004165 daz er ir nimmer me^ vergaz ,
004166 wan si si^n herze da^ besaz
004167 mit ja^mer , so^ daz im nie me^
004168 von deheinem wi^be geschach so^ we^ .
004169 des gwaltes was er ungewon ;
004170 ich sagiu daz im da^ von
004171 deste wirs muose si^n .
004172 gegen im gie diu k}nigi^n ;
004173 ir tohter nam si bi^ der hant ;
004174 diu schoene La^ri^e was si genant
004175 si enpfiengen in mit triuwen wol ,
004176 als man ( die ) lieben vriunt sol ;
004177 dar na^ch die vrouwen }ber al .
004178 vil gro^ziu vreude a^ne schal
004179 huop sich mit z}hten under in da^ .
004180 diu vrouwe hiez in sitzen sa^
004181 und klaget im ir herzeleit ;
004182 der ri^ter sprach " ich bin bereit
004183 durch iuch ze ri^ten in den to^t ;
004184 ezn ist dehein so^ gro^ziu no^t
004185 ichn beste^ si gerne und si^ ir vro^ ,
004186 ob der rede ist also^
004187 als mir Ne^reja^ ha^t gesaget :
004188 daz man daz lant und die maget
004189 mit manheit erwerben sol .
004190 ez tuot mir sanfte unde wol ,
004191 swaz leides mir da^ von geschiht . "
004192 diu vrouwe sprach " ichn hils iuch niht ,
004193 wand ichz also^ gevestent ha^n -
004194 gesiget ir dem heiden an -
004195 ( CL : daz ich gote getru^we wol
004196 daz ichz vch geben sol ) ,
004197 mit mannen und mit ma^gen .
004198 do^ begunde in des betra^gen
004199 daz er sich su^men solde ;
004200 mit urloube er do^ wolde
004201 gegen dem lande si^n geriten .
004202 do^ begunde in diu maget biten
004203 daz er belibe mit ir die naht ;
004204 daz gap im vreude unde maht ,
004205 wand er die schoenen gerne sach .
004206 mit gro^zen z}hten er do^ sprach
004207 " ir sult gebieten }ber mich ,
004208 wan swaz ir welt , daz tuon ich ;
004209 und wizzet sicherli^che :
004210 waeren mi^n {lliu ri^che ,
004211 so^ daz ich keiser waere ,
004212 der e^ren ich enbaere
004213 e^ ich verlieze iuwer gebot .
004214 ir sult ez la^zen a^ne spot
004215 daz ich iuch , vrouwe , minne ,
004216 wand ir habt mi^ne sinne
004217 gevangen und daz herze mi^n ;
004218 diu m}ezen bi^ iu immer si^n
004219 mit triuwen biz an mi^nen to^t . "
004220 v}r ir v}eze er sich bo^t
004221 mit u^f gerahten henden .
004222 er sprach " sich muoz verenden
004223 mi^n li^p na^ch iuwern gna^den gar ;
004224 dise reise die ich var
004225 da^ ich den li^p verliesen sol
004226 daz tuot mir herzenli^che wol ,
004227 wand ez durch iuch geschehen muoz . "
004228 der m{gde kuste er an den vuoz
004229 vor vreuden und ergap sich ir .
004230 er sprach " vrouwe , ditz ist mir
004231 diu meiste vreude diech ie gewan
004232 daz ich die vreise sol besta^n
004233 da^ mit man iuch erwerben mac ;
004234 got la^ze mich den selben tac
004235 geleben daz ich in beste^ ,
004236 swiez halt mir dar na^ch erge^ ,
004237 der iuch des landes versto^zen ha^t ! "
004238 " got gebe iu helfe unde ra^t ! "
004239 sprach diu maget wol geta^n .
004240 den ri^ter hiez si u^f sta^n
004241 und erzeicte im mit den ougen
004242 vor ir muoter tougen
004243 daz er ir was alsam der li^p .
004244 des pflegent noch diu reinen wi^p
004245 daz si in diu herze sehent ,
004246 dar inne suochent unde spehent
004247 durch des mannes ougen ,
004248 wan swaz daz herze tougen
004249 wider den vriunt valsches ha^t ,
004250 daz ouge ez nimmer verla^t
004251 ezn meldez mit dem blicke ;
004252 ez wenket harte dicke
004253 an im u^f unde nider
004254 und z}cket sich vil ga^hes wider ;
004255 ezn siht nicht g}etli^che dar ,
004256 niwan daz ez neme war
004257 ob iht ze merken an im si^ ;
004258 da^ erkennet die valschen bi^ .
004259 als ich mich versinnen kan :
004260 swa^ diu ougen ein ander an
004261 lange sehent a^ne wanc ,
004262 daz da^ herze und ( ir ) gedanc
004263 mit triuwen zuo ein ander sta^t ;
004264 swa^ ab der blic so^ schiere erga^t ,
004265 da^ enist niht ganzer triuwe bi^ ,
004266 ezn kome also^ daz ez si^
004267 daz si^n die liute werden gwar :
004268 so^ la^ze er si^n sehen gar ,
004269 ern blicke dan underwi^len dar .
004270 Als tet im diu reine maget .
004271 waz da^ maere wart gesaget
004272 under in von guoten dingen !
004273 si kunden im wol geringen
004274 si^nen muot mit s}ezem spil ;
004275 da^ was kurzewi^le vil
004276 von s}ezer ougen weide .
004277 ezn geschach nie man so^ leide
004278 und solder under in si^n gewesen ,
004279 er waer vor leide gar genesen ,
004280 wan da^ was michel ri^cheit .
004281 innen des wart in geseit
004282 si solden u^f ezzen ga^n .
004283 den ri^ter hiez man u^f sta^n
004284 von der kurzewi^le ;
004285 ez du^hte in wol ein mi^le
004286 do^ er von ir ze tische gie .
004287 groezer e^re erbo^t man nie ,
004288 weder e^ noch si^t , deheinem man
004289 als im mit willen da^ wart geta^n .
004290 do^ si mit vreuden ga^zen
004291 und dar na^ch gesa^zen ,
004292 die vrouwen ga^ben im guot naht ;
004293 sus schieden si sich a^ne braht .
004294 der tac he^t ein ende hie .
004295 her Gwi^ga^lois do^ sla^fen gie
004296 u^f einen w}nnicli^chen sal .
004297 da^ sach er von der mu^re zetal
004298 eine brunst in dem walde ;
004299 do^ vra^get er also^ balde
004300 wa^ diu brunst m|hte si^n .
004301 si sprachen " ez ist ze Kornti^n ,
004302 da^ unser herre nam den to^t .
004303 man hoeret da^ ja^mer unde no^t
004304 die langen naht unz an den tac .
004305 niemen ez erleschen mac
004306 unz daz der tac u^f ge^t ;
004307 daz hu^s ab danne da^ ganzez ste^t ,
004308 unverbrunnen alsam e^ .
004309 man hoeret da^ niwan we^ ! we^ !
004310 schri^en die langen naht ;
004311 des tages ist ez a^ne braht
004312 und alles schalles laere .
004313 ez ist ein swaere
004314 daz wir des niht mugen gesehen
004315 wa^ von od wie ez si^ geschehen .
004316 ez ha^tz getriben wol zehen ja^r :
004317 des nahtes so^ verbrinnet ez gar
004318 und ste^t iedoch des tages da^ . "
004319 der ri^ter sprach " nu sagt mir wa^
004320 diu stra^ze durch den walt ge^ . "
004321 der truhsaeze sprach " owe^ !
004322 ja^ne ge^t niht weges leider dar :
004323 ein breitez mos ha^t ez gar
004324 umbevangen und ein se^ .
004325 ichn kom dar in nimmer me^
004326 si^t mi^n vrouwe vertriben wart .
004327 ouch ge^t dar in dehein vart
004328 niwan en zwein enden ;
004329 die sint mit steinwenden
004330 beslozzen und mit huote ,
004331 so^ daz des iemen muote
004332 daz er dar in ke^re
004333 er engelte si^n vil se^re ,
004334 ezn volge einer dem tiere dar
004335 der na^ch der a^ventiure var :
004336 den leitez a^ne schaden dar in .
004337 der teile ouch danne den gewin
004338 mit swelhem vriunde er welle !
004339 ich wil si^n geselle
004340 nimmer werden , swiez mir erge^ ;
004341 ichn weiz et wiez dar umbe ste^ :
004342 wirn gesehen ir deheinen nimmer me^ . "
004343 " Der al die werlt geschaffen ha^t ,
004344 der gebe mir helfe unde ra^t
004345 und tro^st ze mi^ner reise ,
004346 wand ich die selben vreise
004347 mir ze vreuden ha^n erwelt , "
004348 so^ sprach her Gwi^ga^lois der helt ;
004349 " ez wirt mir ein vil s}eziu no^t
004350 und sol ich durch si ligen to^t
004351 die ich ze vrouwen ha^n erkorn ;
004352 ich muoz und wil ir si^n geborn
004353 ze dienest swar ich ke^re ! "
004354 der rede enwart niht me^re ,
004355 wand im was ruowe harte no^t ;
004356 guot naht er in do^ bo^t .
004357 sus ruowet er unz an den tac .
004358 si^ns rosses man mit vli^ze pflac ;
004359 ez wart da^ harte wol beslagen .
004360 si^n i^sengewant daz hiez man tragen
004361 balde in ein vegevaz ;
004362 mit solhem vli^ze vegt man daz
004363 ez wart lu^ter als ein i^s .
004364 si v}rderten in en mangen wi^s
004365 zer {ngestli^chen reise .
004366 si^n muot in in die vreise
004367 und in solhen kumber stiez
004368 dar zuo im niemen tro^st gehiez ;
004369 an gotes gna^de erz allez liez .
004370 Des morgens do^ der tac u^f gie ,
004371 si^n sorge in niht sla^fen lie
004372 und der ja^mer na^ch der maget .
004373 si^n herze was vil unverzaget ;
004374 des gno^z er an vil manger stat .
004375 eine messe er im do^ singen bat
004376 von dem he^ren geiste
004377 und bat got aller meiste
004378 siges durch die reinen maget ,
004379 wand im v}r wa^r was gesaget
004380 ob er den sic genaeme da^ ,
004381 man gaebe im mit staete sa^
004382 die schoenen magt ze wi^be ,
004383 ze vreuden si^nem li^be ;
004384 des vreute sich der k}ene man .
004385 do^ daz ambet wart geta^n
004386 und sich der pfaffe engarte ,
004387 do^ stuont er unde warte
004388 wen er im gaebe den segen ,
004389 als wir zer noete hiute pflegen .
004390 der priester kom vil schiere wider ;
004391 mit gro^zem ja^mer kniete er nider
004392 v}r den alter mit gebet .
004393 eine kefsen nam er an der stet ,
004394 diu was heilctuomes vol ;
004395 mit ro^tem golde was si wol
004396 gezieret und mit gesteine ;
004397 von wi^zem helfenbeine
004398 was der kefsen daz ander teil .
004399 der priester was gar a^ne meil
004400 und ledic aller bo^sheit ;
004401 si^n ha^r was gra^ unde reit ,
004402 si^n bart lanc unde breit ;
004403 mit ri^cher wa^t was er gekleit :
004404 si^n pelz der was lu^ter gra^ ,
004405 mit einem sami^t der was bla^
004406 bezogen ( vil ) meisterli^che ,
004407 gevidert was er ri^che
004408 mit einem zobel spanne breit ;
004409 der priester he^t an sich geleit
004410 einen mantel der was luhsi^n ;
004411 der slaht moht er niht bezzer si^n ,
004412 mit einem sigla^t bedaht .
004413 die liute liezen alle ir braht
004414 und neicte sich der junge degen .
004415 der priester gap im do^ den segen
004416 als er beste kunde :
004417 mit kefsen und mit munde
004418 segent er in den to^t .
004419 da^ wart vil manic ouge ro^t
004420 do^ im der segen wart gegeben .
004421 " herre got , vrist im si^n leben
004422 und gip im sige unde kraft
004423 zer {ngestli^chen ri^terschaft
004424 und behalte im si^nen jungen li^p "
004425 sprach da^ man unde wi^p ,
004426 " wand er ist alles guotes wert . "
004427 der priester strihte im umb si^n swert
004428 einen brief , der gap im vesten muot :
004429 v}r {lliu zouber was er guot .
004430 des gna^ter im und bevalch sich got .
004431 dar na^ch schiere kom ein bot ,
004432 der hiez in enbi^zen ga^n .
004433 der imbiz wart vil schiere geta^n ;
004434 ringiu spi^se was im bereit
004435 ze si^ner gro^zen arbeit .
004436 von dem tische gienc er zehant
004437 da^ er die vrouwen alle vant
004438 und nam urloup von in sa^ .
004439 si^n vestez herze liez er da^
004440 bi^ der m{gde wol geta^n ;
004441 ir krankez herze vuorte er dan .
004442 nu sprechet wie si^n werde ra^t
004443 der ein krankez herze ha^t
004444 als er ze stri^te ri^ten sol ?
004445 da^ tuot im der gedinge wol
004446 und der muot den im gi^t
004447 diu s}eze minne zaller zi^t ;
004448 ditz allez reizte in u^f den stri^t .
004449 Hie neic er dem gesinde
004450 von kinde ze kinde ,
004451 von manne ze manne ;
004452 dem ri^ter volget danne
004453 ein segen meinicli^che :
004454 si ba^ten alle geli^che
004455 got daz er si^n gedaehte
004456 und in wider braehte
004457 mit sige und mit gesunde .
004458 got enwolde so^ mangen munde
004459 si^ne gna^de niht versagen :
004460 er liez in an der vart bejagen
004461 solhen pri^s der in noch wert ;
004462 des he^t der ri^ter ie gegert .
004463 man bra^hte im si^n ors zehant ,
004464 sper , schilt und i^sengwant ;
004465 do^ wa^fent sich der junge degen .
004466 des li^bes he^t er sich bewegen .
004467 vrouwe La^ri^e sande im do^
004468 eine ga^be , der wart er harte vro^ :
004469 ez was ein tasche pfelli^n ;
004470 ein bro^t daz was geleit dar i^n ,
004471 geworht mit gro^zer meisterschaft :
004472 von wurzen he^t ez solhe kraft
004473 daz in lie diu hungers no^t
004474 als erz engegen dem munde bo^t ;
004475 ez gap im muot und solhe maht :
004476 er waere gewesen siben naht
004477 in einem walde a^ne maz
004478 als er si^n ein l}tzel gaz ;
004479 des gna^ter ir wol tu^sent stunt .
004480 nu kom ein bot , der tet im kunt ,
004481 als erz ouch e^ he^t vernomen ,
004482 daz tier waer v}r die burc komen
004483 und gienge gegen dem walde .
004484 danne ke^rte er balde
004485 mit ja^mer v}r daz b}rgetor ;
004486 da^ sach er daz tier vor
004487 gegen dem walde ke^ren ;
004488 si^ne reise begunde er me^ren
004489 wan im was zuo dem tiere ga^ch .
004490 daz gesinde segent im na^ch
004491 und antwurt in in gotes pflege .
004492 her Gwi^ga^lois ke^rt von dem wege
004493 ein engez pfat , daz was niht breit ,
004494 unz er daz schoene tier erreit .
004495 als er im so^ na^hen kam
004496 daz ez si^n rehte war genam ,
004497 do^ spiltez gegen im als ein hunt ;
004498 mit si^nem spil tet ez im kunt
004499 daz er im willekomen was ;
004500 ez legt sich v}r in u^f daz gras
004501 und gna^te im si^ner k}nfte dar .
004502 des wart er an im wol gewar ,
004503 wand ez vil g}etli^che tet .
004504 na^ch im ke^rte er von der stet
004505 ein pfat , daz was vil enge ;
004506 durch michel gedrenge
004507 reit er in kurzer wi^le
004508 baz danne zwelf mi^le ;
004509 sus vuoren si mit i^le .
004510 Hie he^t der walt ein ende ;
004511 bi^ einer steinwende
004512 ko^men si v}r daz b}rgetor ;
004513 da^ la^gen wilde graben vor ;
004514 die wa^ren so^ vreisli^che tief ,
004515 als ein man dar i^n rief ,
004516 daz ez vil ku^me her u^f hal ;
004517 da^ wa^ren pfi^laere hin ze tal
004518 geworht mit gro^zer krefte ,
004519 dar u^f mit meisterschefte
004520 ein br}cke was geslihtet ,
004521 ein slegetor ( was ) gerihtet
004522 von den pfi^laeren enbor ;
004523 da^ was geheftet an daz tor .
004524 als daz tier zuo gie ,
004525 der portenaere ez si^gen lie
004526 und haftez u^f die br}cke nider .
004527 in si^n hu^s gienc er wider :
004528 er erkande si^nen bla^st wol ;
004529 so^ gro^zer hitze was ez vol ,
004530 an swaz ez in der werlte blies ,
004531 daz bran zehant als ein mies ,
004532 steine und i^sen als ein stro^ .
004533 na^ch dem tiere reit er do^
004534 ze Kornti^n in daz lant ;
004535 daz was eben als ein hant ,
004536 wol gebu^wen }ber al ;
004537 da^ lac u^f und zetal
004538 wi^nw{hse harte vil .
004539 do^ sach er si^ner ougen spil
004540 vor im : einen turnei ;
004541 da^ wart vil manic sper enzwei
004542 in kurzer wi^le gestochen ,
004543 die starken schilte zebrochen
004544 von slegen und von stichen ;
004545 si jagten und entwichen
004546 ze rehte als si solden ;
004547 daz wart da^ wol vergolden
004548 beidiu mit stichen und mit slegen ;
004549 enzwischen zwein breiten wegen
004550 was diu stori^e ;
004551 hundert unde dri^e
004552 was der ri^ter und niht me^ ;
004553 man ho^rte da^ niwan " we^ ! we^ ! "
004554 vor in kreigieren da^ .
004555 her Gwi^ga^lois beda^hte sich sa^
004556 ezn waeren rehte liute niht ;
004557 ir ri^terschaft du^ht in enwiht
004558 und nam ir aller wa^fen war ;
004559 daz was in einer varwe gar ,
004560 rehte swarz alsam ein kol ;
004561 mit zinober wa^ren wol
004562 ro^tiu viur gema^let drin .
004563 in twanc si^n manheit und si^n sin
004564 daz er si^n sper an der stet
004565 mit einer ri^chen jost vertet
004566 durch si^ne liebe a^mi^en ,
004567 die schoenen La^ri^en .
004568 " zevalier ! " begunder schri^en .
004569 Do^ er daz sper he^t verta^n ,
004570 beidiu schaft und i^sen bran
004571 swa^ ez an si ruorte ;
004572 si^n ors in danne vuorte
004573 baz danne rehte reise .
004574 ern kom in solhe vreise
004575 von so^ gro^zer hitze nie .
004576 er geda^hte " herre got , wie
004577 ste^t ez umb dise ri^terschaft
004578 daz beidiu i^sen unde schaft
004579 an in so^ gar ist verbrant ?
004580 und waer mir doch daz nu^ erkant
004581 wes gesinde ez waere ,
004582 so^ vra^get ich si der maere
004583 unz ich erv}ere ir leben gar . "
004584 von der jaemerli^chen schar
004585 ke^rte der edel ri^ter do^ ;
004586 ir valschiu vreude tet in unvro^ ,
004587 wand er wol sach daz in daz leben
004588 got ze buoze he^t gegeben .
004589 von den ri^tern wart im ga^ch ;
004590 dem tiere ke^rte er aber na^ch
004591 v}r daz hu^s ze Kornti^n .
004592 an des gezierde was wol schi^n
004593 daz daz lant ri^che was ;
004594 diu mu^re glaste alsam ein glas
004595 lu^ter unde reine ,
004596 von edelm m{rmelsteine
004597 geworht vil meisterli^che ;
004598 ein palas harte ri^che
004599 lac enmitten drinne
004600 gemu^rt mit gro^zem sinne
004601 von lu^tern kristallen -
004602 daz muose im wol gevallen , -
004603 mit vli^ze gewelbet a^ne dach ;
004604 durch die mu^re man wol sach
004605 allez daz dar inne was ,
004606 wan si was lu^ter als ein glas ;
004607 daz hu^s was erbu^wen wol
004608 und maniger gezierde vol .
004609 ouch lac ein anger vor dem tor
004610 u^f einem breiten steine enbor
004611 na^hen bi^ der stra^ze ;
004612 scho^ne a^ne ma^ze
004613 ein boum dar u^f gebelzet was
004614 rehte enmitten in daz gras ,
004615 des schat den anger gar bevie ;
004616 von si^nem s}ezen bluote gie
004617 ein smac reine unde guot ;
004618 der gap kraft und guoten muot .
004619 dar engegen daz tier ke^rte ,
004620 als ez diu gwonheit le^rte ,
004621 da^ der schoene anger lac .
004622 nimmer wart dehein tac
004623 ezn koeme dar zer selben stunt ;
004624 si^n s}ezer smac was im wol kunt .
004625 u^f den anger spranc ez sa^ ;
004626 daz tier wart verwandelt da^
004627 zehant von si^ner wilde
004628 in eines mannes bilde ;
004629 der he^t z|pfe alsam ein wi^p ;
004630 beidiu si^n wa^t und si^n li^p
004631 diu wa^ren lieht sunnen var ,
004632 lu^ter und so^ rehte kla^r
004633 daz ez im in diu ougen schein
004634 als ein lieht karfunkelstein ;
004635 si^n houbet daz was scho^ne
004636 gezieret mit der kro^ne
004637 die daz tier he^t dar getragen .
004638 her Gwi^ga^lois bi si^nen tagen
004639 so^ vremdes nie niht gesach .
004640 des erkom er se^re unde sprach
004641 " herre got , waz sol daz si^n ? "
004642 zuo dem man wold er dar i^n
004643 erbeizet si^n sa^ zehant ;
004644 do^ was der anger a^ne want
004645 beslozzen mit gotes tougen ;
004646 swie in doch si^niu ougen
004647 vor im offen sa^hen ,
004648 ern mohte niht gena^hen
004649 dem manne den er bi^ im sach .
004650 daz muote in se^re unde sprach
004651 " sag an , si^t du mensche bist ,
004652 ob du geloubest an Krist
004653 und wiez umb di^n leben ste^ ;
004654 dir ist nu^ wol , e^ was dir we^ .
004655 als ich mich versinnen kan ,
004656 got ha^t wunder an dir geta^n :
004657 e^ waerd ein tier , nu^ bist ein man . "
004658 Er sprach " den du mir ha^st genant ,
004659 der sol mir immer si^n bekant
004660 und geloube daz er wa^rre Krist
004661 ie was und immer ist ,
004662 daz a^ne in niht genesen mac ;
004663 ich ha^n verdienet si^nen slac
004664 leider mir und si^nen zorn ;
004665 des bin ich armiu se^le verlorn
004666 ern welle mir genaedic wesen :
004667 a^ne in tru^we ich niht genesen .
004668 ditz ist mi^n ruowe die ich ha^n ,
004669 als ich von den wi^zen ga^n
004670 des tages ie ze dirre stunt ;
004671 niht me^ ruowe ist mir kunt
004672 als ich dich nu^ bewi^se :
004673 zeinem paradi^se
004674 gap mir got ditz ze lo^ne hie ;
004675 daz verdienet ich , ich sage dir wie :
004676 ich was herre }ber ditze lant
004677 unde stuont gar in mi^ner hant
004678 beidiu liute unde guot ;
004679 do^ gap mir got so^ guoten muot
004680 daz ich die armen an dise stat
004681 zallen zi^ten komen bat ;
004682 ich teilte in selbe mit mi^ner hant ,
004683 swaz ich armer liute vant ;
004684 die beriet ich mit der spi^se .
004685 ditz selbe paradi^se
004686 gap mir got ze lo^ne
004687 und dise liehte kro^ne
004688 die ich hie mit vreuden trage .
004689 du solt merken waz ich dir sage . "
004690 " daz tuon ich gerne " sprach der degen .
004691 er sprach " ez ist hie bi^ gelegen
004692 ein wurm nu^ wol zehen ja^r ;
004693 der ha^t ditze lant gar
004694 verw}est unz an daz wilde mos ;
004695 beidiu man unde ros
004696 treit er hin a^ne wer ;
004697 von si^nem stanke verd}rbe ein her
004698 der im u^z dem halse ge^t ;
004699 und wizze et daz , wer in beste^t ,
004700 der ha^t den to^t an der hant .
004701 nu ha^t dich got her gesant
004702 daz du uns erledigen solt ;
004703 da^ mit erwirbestu den solt
004704 des du immer vro^ maht si^n :
004705 La^ri^en , die tohter mi^n ,
004706 dar zuo ditz lant ze Kornti^n .
004707 Ouch wil ich dir sagen me^ :
004708 diu ri^terschaft die du e^
004709 saehe bi^ der stra^ze ;
004710 der wi^ze ist a^ne ma^ze
004711 gro^z und so^ jaemerli^ch
004712 daz ir noete ist niht geli^ch ;
004713 swie vroeli^ch si da^ ri^ten ,
004714 si sint doch zallen zi^ten
004715 in der helle viure ;
004716 ruowe ist in triuwe ;
004717 daz tuot mir we^ und muoz ez klagen :
004718 si wurden alle ( bi^ ) mir erslagen
004719 do^ mir der ungetriuwe man
004720 an guoten triuwen an gewan
004721 mi^nen li^p und ditze lant .
004722 Ro^az von Glois ist er genant ;
004723 ez ist manic zierre degen
004724 von si^ner hant hie to^t gelegen
004725 die na^ch der a^ventiure riten ;
004726 si habent hie also^ gestriten
004727 daz si ir e^re gar verlurn
004728 und ouch den to^t von im kurn .
004729 si^n hu^s daz li^t hie na^hen bi^ .
004730 und wizze iedoch , swie k}ene er si^ ,
004731 ern getorste den wurm nie besta^n ,
004732 swie er im doch habe geta^n
004733 solhen schaden mangen tac
004734 den er niht }berwinden mac
004735 an si^nen liuten die er ha^t . "
004736 der ri^ter sprach " nu gip mir ra^t
004737 durch die gotes g}ete
004738 wie ich mich beh}ete
004739 vor des wurmes stanke ,
004740 daz ich dirs immer danke ,
004741 die wi^l ich lebe , mit mi^m gebet . "
004742 der schoene man brach an der stet
004743 von dem boume einen bluot .
004744 er sprach " nu nim ! ditz ist dir guot ,
004745 daz dir dehein boeser smac
004746 von si^ner s}eze geschaden mac ,
004747 und ri^t v}r daz b}rgetor ;
004748 da^ stecket ein gl{vi^e vor ,
004749 die bra^hte mir ein engel her ;
004750 niht ist daz da^ vor gewer ,
004751 horn , stein noch i^sengwant ,
004752 man steche da^ durch unz an die hant .
004753 si wart genomen , ich sage dir wa^ :
004754 in der innern Indi^a^
004755 da^ ist einer slahte sta^l
004756 daz ha^t von golde ro^tiu ma^l
004757 und ist so^ herte daz ez den stein
004758 rehte sni^det als ein zein .
004759 si stecket in der steinwant .
004760 nu nim si , helt , in di^ne hant
004761 und ri^t u^f die heide ;
004762 er ist an si^ner weide
004763 als der a^bent ane ge^t ;
004764 swaz lentiges dan da^ beste^t ,
004765 liute od vihe , daz treit er hin ;
004766 ze vl}hte habe niemen sin ,
004767 wand er erloufet , swenne er wil ,
004768 daz wilde tier als er spil .
004769 man enmac in niht gese^ren
004770 mit geschozze noch mit ge^ren ;
004771 ouch ist dehein gesmi^de
004772 daz den wurm sni^de
004773 wan diu gl{vi^e eine ;
004774 in einem holen steine
004775 ist er gelegen mangen tac ,
004776 da^ in niht gewinnen mac .
004777 du erslehst den wurm , daz ist wa^r ;
004778 du verliuset ab von im so^ gar
004779 di^ne kraft daz dir nie me^
004780 von deheinem stri^te geschach so^ we^ ;
004781 die no^t soltu bedenken e^ . "
004782 Her Gwi^ga^lois mit vreuden sprach
004783 " wol mich , daz ez mir ie geschach
004784 daz ich die magt ervehten sol !
004785 ez tuot mir herzenli^che wol
004786 daz ich hie stri^tes vinde stat . "
004787 " ja^ , benamen , du wirst si^n sat ! "
004788 sprach der wundern schoene man .
004789 " na^ch di^nem willen muoz erga^n
004790 allez des di^n herze gert ;
004791 des bistu weizgot wol wert ;
004792 du solt von rehte si^n ein helt ,
004793 wan di^n vater ist erwelt ,
004794 der s}eze her Ga^wein ,
004795 zuo dem besten ri^ter ein
004796 den diu sunne ie beschein . "
004797 Der junge ri^ter aber do^ sprach
004798 " du erkennest den ich nie gesach . "
004799 " zwa^re , du ha^st ! " er sprach " nein . "
004800 " ez ist der selbe Ga^wein
004801 dem der k}nic Artu^s
004802 ze Karido^l in si^nem hu^s
004803 si^n e^re gar bevolhen ha^t ,
004804 an dem der hof aller sta^t . "
004805 " so^ dir got , ist ez wa^r ? "
004806 " ( zwa^r , ) ichn liuge dir niht umb ein ha^r . "
004807 " her Ga^wein wart er mir genant ;
004808 mir was ab daz unbekant
004809 ob er mi^n vater waere ;
004810 nu vreuwe ich mich der maere
004811 daz mir von si^ner vr}micheit
004812 so^ mangen enden ist geseit ;
004813 ouch ha^n ichz selbe wol gesehen . "
004814 " saelde und e^re m}ez dir geschehen ! "
004815 so^ sprach diu se^le " nu ge^t mir zuo
004816 diu zi^t daz ich unz morgen vruo
004817 in dem hu^se brinnen sol ;
004818 dar na^ch ist mir immer wol .
004819 ich ha^n geb}ezet zehen ja^r ;
004820 dar na^ch bin ich ledic gar
004821 mi^ner s}nden die ich ie getet .
004822 du solt , helt , mit di^m gebet
004823 gedenken der vil armen schar
004824 diu vor mir in daz hu^s var ,
004825 wan diu ist leider unerlo^st ;
004826 du bist ir helfe und ir tro^st ;
004827 als ich dir e^ ha^n gesaget ,
004828 dir wirt daz lant und diu maget ,
004829 dar zuo ri^ch dienstman ,
004830 wan du gesigest dem heiden an
004831 des leit ich ie mit leide truoc ;
004832 an guoten triuwen er mich sluoc ;
004833 durch daz ich im mi^n dienest bo^t ,
004834 da^ von kom ich in dise no^t ;
004835 des li^t mi^n armer li^p nu to^t . "
004836 Do^ si die rede vol sprach ,
004837 her Gwi^ga^lois do^ ri^ten sach
004838 v}r sich da^ , des nam er war ,
004839 die vil jaemerli^chen schar
004840 u^f den er si^n sper vertet ;
004841 si erbeizten alle an der stet
004842 do^ si zem anger ka^men ;
004843 ir sper si alle na^men
004844 u^f ir ahsel und zugen hin ,
004845 einer na^ch dem andern , in
004846 durch daz schoene b}rgetor .
004847 her Gwi^ga^lois der nam da^ vor
004848 die gl{vi^en in si^ne hant ;
004849 diu stahte in der steinwant
004850 als in einer tanne .
004851 " ri^ter , hebt iuch danne ! "
004852 sprach der u^f dem anger saz .
004853 " unser herre got gebe iu daz
004854 ir den sic erwerbet hie ! "
004855 von dem anger er do^ gie
004856 in tieres wi^s , alsam e^ ;
004857 si^ner rede enwart niht me^ ;
004858 sus gienc ez in das hu^s dan ;
004859 von si^nem bla^ste ez do^ bran
004860 daz man ez harte wi^ten sach ,
004861 daz si^t nimmer me^ geschach ,
004862 wan got he^t si^nen zorn verla^n .
004863 der junge ri^ter huop sich dan
004864 mit gro^zem herzeleide
004865 }ber die wilden heide .
004866 diu liehte sunne under gie .
004867 einen sti^c her Gwi^ga^lois gevie ,
004868 der truoc in hin zuo einem se^ ,
004869 da^ vil jaemerli^che schre^
004870 ein schoene wi^p na^ch wi^bes sit ;
004871 da^ si ir leit erzeiget mit .
004872 dar begunde der ri^ter ga^hen .
004873 do^ er ir kom so^ na^hen
004874 daz er ir ungebaerde ersach ,
004875 daz beswa^rte in se^re unde sprach
004876 " owe^ , ir saelic wi^p ,
004877 warumbe quelt ir iuwern li^p ,
004878 waz leides ist iu hie geschehen ? "
004879 er mohte vil wol an ir sehen
004880 daz ir von herzen leide was ;
004881 si was gevallen u^f daz gras
004882 mit gezartem gebende ;
004883 ir wil wi^ze hende
004884 brach si und ir ri^ch gewant ;
004885 in solhem ja^mer er si vant
004886 daz ez in muose erbarmen :
004887 mit nackenden armen ,
004888 mit zevuortem ha^re ;
004889 ez was ir li^p ze wa^re ,
004890 swa^ er blahte , alsam ein sne^ ;
004891 ir gro^ziu klage tet im we^ ;
004892 daz erzeiget er si^t mit werken wol .
004893 ir brust was swarz alsam ein kol ,
004894 daz bluot darunder geloufen ;
004895 mit slegen und mit roufen
004896 he^t si ir li^p verderbet
004897 und vil na^ch gar ersterbet .
004898 sus lac diu vrouwe a^ne maht ,
004899 der liehte tac was ir ein naht ,
004900 si^ne geho^rte noch gesach ;
004901 von herzeleide ir daz geschach .
004902 der ri^ter aber zuo ir sprach
004903 " Owe^ , vrouwe , wie tuot ir so^ ?
004904 gehabt iuch wol und si^t vro^ ;
004905 daz ir saelic m}ezet si^n !
004906 wand ich durch iuch den li^p mi^n
004907 wa^gen wil unz in den to^t ,
004908 ob ich da^ mit iuwer no^t
004909 erwenden mac und iuwer leit ;
004910 liebiu vrouwe mi^n , nu seit
004911 waz iu leides werre . "
004912 diu vrouwe sach vil verre
004913 u^f ze got unde sprach ,
004914 do^ si den ri^ter bi^ ir sach ,
004915 " owe^ , lieber herre , owe^ !
004916 ja^ muoz ich tru^ren immer me^ ;
004917 mi^ner klage ge^t mir no^t .
004918 wolde got wan waere ich to^t ,
004919 so^ he^t mi^n klage ein ende .
004920 herre got , nu sende
004921 mir den to^t , si^t ich si^n bit !
004922 da^ ha^t mi^n leit ein ende mit .
004923 herre got , wie tuostu so^ ?
004924 von di^nen gna^den was ich vro^ :
004925 mir he^t zer werlte ein s}ezez leben
004926 di^n reiniu gotheit gegeben ;
004927 des bin ich nu^ beroubet .
004928 mi^n vreude diu ist betoubet
004929 von herzenli^chem leide !
004930 herre got , nu scheide
004931 die se^le von mi^nem li^be ,
004932 wan mir armen wi^be
004933 nimmer liep mac geschehen
004934 si^t ich in to^ten ha^n gesehen
004935 den ich ze vreuden he^t erkorn .
004936 owe^ daz ich ie wart geborn !
004937 wie jaemerli^che er ist verlorn ! "
003938 Na^ch der klage si sich sluoc .
003939 der ri^ter ir daz niht vertruoc ;
004940 er erbeizte von dem orse nider .
004941 diu vrouwe begunde sich roufen wider ,
004942 ir kleit zerren alsam e^ .
004943 der ri^ter sprach " desn wirt niht me^ . "
004944 ir wi^ze hende er gevie ;
004945 mit bet er si des }bergie
004946 daz si im begunde sagen
004947 wie der wurm he^t hin getragen
004948 an der wi^le ir lieben man .
004949 si sprach " herre , got ha^t geta^n
004950 an mir des ich in nie gebat :
004951 wir wa^rn geriten an dise stat ,
004952 ich und mi^n vriunt , mit vederspil ;
004953 do^ wart mir mi^ner vreuden zil
004954 in kurzer wi^le geslagen nider ,
004955 daz nimmer wirt gerihtet wider .
004956 daz tet der gro^ze wurm Pfeta^n ,
004957 der micheln schaden hie ha^t geta^n ;
004958 er truoc in selbe vierden hin ,
004959 diu starken ors under in
004960 als ez ein niht waere .
004961 wie er mich verbaere ,
004962 des nimt mich michel wunder ;
004963 von mi^nem vriunt besunder
004964 ich an daz velt beizen reit ;
004965 da^ von der to^t mich vermeit .
004966 daz si^ dir , herre got , gekleit ! "
004967 Der ri^ter sprach " wa^ ke^rter hin ? "
004968 si sprach " herre , habt ir den sin
004969 daz ir in beste^n welt ? "
004970 " ja^ ich , gerne " sprach der helt .
004971 " owe^ , herre , so^ si^t ir to^t . "
004972 " waz darumber ? ich bin durch no^t
004973 von Britanje her gevarn . "
004974 " herre , got m}ez iuch bewarn ! "
004975 sprach daz vreudelo^se wi^p .
004976 " ich weiz wol daz ir iuwern li^p
004977 habt verlorn a^ne wer . "
004978 " nu si^ got der mich ner "
004979 sprach der ri^ter " swar ich var ;
004980 ich wil benamen na^ch im dar
004981 da^ er iuwern vriunt ha^t ,
004982 swie si^n dar na^ch werde ra^t . "
004983 si sprach " herre , nu seht daz pfat
004984 daz er mit si^nen v}ezen trat ,
004985 und volget im vil rehte na^ch ;
004986 er ge^t vil sanfte , im ist niht ga^ch ,
004987 wand er ist a^n angest gar . "
004988 von der vrouwen ke^rter dar
004989 na^ch dem pfat , durch den walt ;
004990 si^n sorge was vil manicvalt .
004991 do^ nam er u^z der taschen si^n
004992 daz bro^t und daz bl}emeli^n ;
004993 des s}eze gap im guoten muot :
004994 v}r }beln smac was ez guot .
004995 ab dem bro^te beiz er zehant ;
004996 sus warnet sich der wi^gant
004997 zuo der {ngestli^chen no^t ;
004998 ez du^hte in ein vil reinez bro^t ,
004999 wand imz si^n vrouwe he^t gegeben
005000 ze vristen an der no^t si^n leben ;
005001 ez gap im also^ gro^ze maht
005002 daz er vro^li^che vaht .
005003 ditz was vil na^hen bi^ der naht .
005004 Sus reit er einen berc zetal .
005005 da^ ho^rte er mangen gro^zen val
005006 von den starken esten ;
005007 die boume begunden bresten
005008 da^ der wurm hin sleif ;
005009 swaz er mit dem zagel begreif ,
005010 daz brach er allez na^ch im nider ;
005011 si^ner sterke was niht wider .
005012 vil schiere sach der k}ene man
005013 den ungev}egen wurm Pfeta^n
005014 vor im eisli^che ge^n .
005015 er geda^hte " und sol ich dich beste^n ,
005016 daz ist mir ein {ngestli^chiu no^t ! -
005017 waz dar umbe , lige ich to^t ? "
005018 des he^t er sich vil schiere bewegen ;
005019 v}r sich tet er den gotes segen
005020 do^ er den wurm rehte ersach ;
005021 in si^nem herzen er des jach
005022 daz so^ ungehiure
005023 deheine cre^a^tiure
005024 ie gesaehe dehein man .
005025 ich sagiu wie er was geta^n ,
005026 als er si^t selbe jach
005027 der in bescheidenli^che sach :
005028 si^n houbt was a^ne ma^ze gro^z ,
005029 swarz , ru^ch ; si^n snabel blo^z ,
005030 eins kla^fters lanc , wol ellen breit ,
005031 vor gespitzet , unde sneit
005032 als ein niuwesliffen sper ;
005033 in si^nem giele he^t er
005034 lange zene als ein swi^n ;
005035 breite schuopen h}rni^n
005036 wa^ren an im }ber al ;
005037 von dem houbet hin ze tal
005038 stuont u^f im ein scharfer gra^t ,
005039 als der kokodrille ha^t ,
005040 da^ er die kiele kliubet mit ;
005041 der wurm he^t na^ch wurmes sit
005042 einen zagel langen ;
005043 da^ mit he^t er bevangen
005044 vier ri^ter lussam ,
005045 die er vor dem walde nam ,
005046 als im diu vrouwe he^t geseit
005047 durch die er na^ch dem wurme reit .
005048 vil ku^me he^ten si ir leben ;
005049 der zagel was umb si gegeben
005050 wol mit drin valten ;
005051 sus he^t er si behalten ,
005052 als er si ezzen wolde .
005053 ern tru^wet niht daz er solde
005054 sterben von deheinem man .
005055 einen kamp he^t er als ein han ,
005056 wan daz er ungev}ege was ;
005057 si^n bu^ch was gr}ene alsam ein gras ,
005058 diu ougen ro^t , si^n si^te gel ;
005059 der wurm der was sinwel
005060 als ein kerze hin zetal ;
005061 si^n scharfer gra^t der was val ;
005062 zwei o^ren he^t er als ein mu^l ;
005063 si^n a^tem stanc , wand er was vu^l ,
005064 wirs dan ein a^s daz lange zi^t
005065 an der heizen sunnen li^t ;
005066 ouch he^t er vil uns}eze
005067 als ein gri^fe v}eze ,
005068 die wa^ren ru^ch als ein ber ;
004069 zwei schoeniu vetiche he^t er
005070 geli^ch eins pfa^wen gevider ;
005071 si^n hals was im vil nider
005072 gebogen u^f daz gr}ene gras ;
005073 si^n drozze gar von knurren was ,
005074 als ein steinbockes horn .
005075 von im was manic li^p verlorn ;
005076 ouch muos er den to^t da^ korn .
005077 Als er den wurm rehte ersach ,
005078 do^ blihter u^f unde sprach
005079 " nu hilf , keiser , herre got ,
005080 daz mich dirre tievels bot
005081 iht scheide von dem li^be ,
005082 daz ich dem s}ezen wi^be
005083 erledige ir gesellen .
005084 du solt den tievel vellen ,
005085 wand er der werlte schaden tuot . "
005086 der segen gap im vesten muot
005087 zuo der {ngestli^chen no^t .
005088 sus ke^rte der ri^ter in den to^t
005089 gegen dem wurme vreissam ;
005090 mit beiden handen er do^ nam
005091 die gl{vi^e , wan si was starc ;
005092 do^ truoc in si^n schoene marc
005093 u^f den wurm da^ er gie ;
005094 die gl{vi^e er si^gen lie
005095 daz si^n der wurm niht ensach ;
005096 durch si^n herze er im stach
005097 den schaft unz an die hant gar
005098 e^ er des mannes w}rde gewar :
005099 so^ snelli^che kom er dar .
005100 Als er des stiches da^ enpfant ,
005101 do^ begunder l}ewen sa^ zehant
005102 daz der walt al erhal .
005103 sich huop da^ manic gro^zer val
005104 von den starken esten ;
005105 die boume begunden bresten
005106 da^ der wurm na^ch im sluoc ;
005107 si^n snellez ors in danne truoc .
005108 die vier gesellen liez er da^ ;
005109 na^ch dem ri^ter ke^rter sa^
005110 und he^t in harte schiere ervarn ;
005111 si^n kraft moht in des niht bewarn
005112 ern zarte im abe daz i^sen ;
005113 die ringe begunden ri^sen
005114 als ez waere ein d}rrez stro^ ;
005115 dem edeln ri^ter nam er do^
005116 si^ne kraft und si^nen sin ;
005117 also^ t|unde druhte er in
005118 daz im daz bluot zer nase dranc
005119 und ouch zen o^ren u^z spranc ;
005120 sus warf er in als einen bal
005121 eine rise hin zetal ;
005122 da^ belac er bi^ dem breiten se^ .
005123 owe^ , ja^mer und owe^ ,
005124 daz er so^ jaemerli^che lac
005125 des herze ie niwan tugent pflac !
005126 er he^t daz swert in si^ner hant ;
005127 beidiu schilt und i^sengwant
005128 wa^ren an im zedr}cket .
005129 si^n leben he^t gez}cket
005130 der to^t vil na^ch mit ja^mer hin :
005131 a^ne maht und a^ne sin
005132 belac der ri^ter mit dem rade
005133 u^f des breiten se^wes stade .
005134 ouch was der }bel wurm to^t ,
005135 von dem daz lant gro^ze no^t
005136 he^t gehabet mangen tac .
005137 daz schoene ros ouch bi^ im lac
005138 zezerret und zebrochen ;
005139 sus he^t er sich gerochen ;
005140 ouch lac er da^ erstochen .
005141 Als ich iu e^ gesaget ha^n ,
005142 diu vrouwe diu da^ klagte ir man ,
005143 der was ir gesinde komen ;
005244 daz he^t ouch si zuo zir genomen
005145 und i^lte dem pfade balde na^ch .
005146 zir gesellen was ir ga^ch
005147 daz si den to^t mit im da^ k}r :
005148 da^ he^t si niht die werlt v}r
005149 genomen gar v}r eigen ;
005150 si mohte li^hte erzeigen
005151 got ir herze und ir muot ,
005152 wand er }bel unde guot
005153 erkennet e^ dan ez geschiht ;
005154 vor den werken er wol siht
005155 swaz daz mensche tuon wil ;
005156 si^nem gewalte ist niht ze vil .
005157 er reiner got bekande wol
005158 daz ir herze was triuwen vol ,
005159 wand im triuwe liep ist ;
005160 do^ liez er si in kurzer vrist
005161 vinden ir vil lieben man .
005162 da^ he^t er wunder an geta^n
005163 daz er si^n leben ie behielt ,
005164 so^ vaste so^ der wurm vielt
005165 umb in si^nen starken zagel .
005166 er druhte nider als der hagel
005167 allez daz er begreif ,
005168 swa^ der wurm hin sleif .
005169 owe^ der jaemerli^chen no^t !
005170 die dri^e gesellen wa^ren to^t
005171 und la^gen bi^ im na^hen .
005172 do^ si die ri^ter sa^hen
005173 die ir ma^ge wa^ren ,
005174 do^ begunden si geba^ren
005175 daz ez was zerbarmen .
005176 diu vrouwe mit beiden armen
005177 ir gesellen umbe vie .
005178 si sprach " lieber herre , wie
005179 gehabt ir iuch ? mugt ir genesen ? "
005180 " ja^ , wil mir got gnaedic wesen , "
005181 sprach der halpto^te man ,
005182 " a^n den ich niht genesen kan ,
005183 so^ tru^we ich wol mi^n werde ra^t .
005184 ein ri^ter mich erlediget ha^t
005185 und dise to^ten dri^e ;
005186 mit einer gl{vi^e
005187 sluoc er in daz ichz sach ;
005188 groezer liep mir nie geschach ,
005189 wand ich was et vil na^ch to^t . "
005190 do^ wart ( da^ ) vil manic ouge ro^t
005191 vor vreuden und vor leide ,
005192 wan si ta^ten beide ,
005193 si lachten unde weinden , -
005194 mit vreuden si daz meinden -
005195 daz ir herre was genesen ;
005196 da^ wider muosens alle wesen
005197 tru^ric von den to^ten ;
005198 daz si so^ unverschro^ten
005199 a^ne wer verlurn ir li^p ,
005200 daz klaget man unde wi^p .
005201 deiswa^r , si wa^ren kl{geli^ch ;
005202 geburt unde guotes ri^ch ;
005203 des alles wa^ren si geli^ch .
005204 Diu vrouwe ir gesellen nam .
005205 als ez ir e^ren wol gezam ,
005206 die to^ten hiez si ba^ren
005207 die mit ir da^ wa^ren
005208 u^f diu ros , und vuorte hin
005209 beidiu vlust und gewin :
005210 die ri^ter he^t si da^ verlorn ;
005211 da^ wider he^t si ir erkorn
005212 daz ze gwinne dazs ir man
005213 lendigen wider gwan
005214 den der wurm he^t hin getragen .
005215 vor vreuden wolde si niht klagen .
005216 die ri^ter ke^rten balde
005217 mit ja^mer u^z dem walde
005218 gegen des herren veste .
005219 da^ne was dehein gebreste
005220 e^ren noch des guotes .
005221 diu vrouwe was ir muotes
005222 ri^che alsam der tac
005223 daz daz hu^s so^ na^hen lac ,
005224 in einer halben mi^le .
005225 in vil kurzer wi^le
005226 ko^mens v}r daz b}rgetor ;
005227 da^ was michel ja^mer vor
005228 und von klage gro^zer braht .
005229 innen des he^t diu naht
005230 den tac gar verdrungen .
005231 si du^hte in waere gelungen
005232 daz si ir herren bra^hten wider .
005233 von den rossen huop man nider
005234 die dri^e to^ten sa^ zehant ;
005235 vil gro^ze klage man da^ vant
005236 under dem gesinde ;
005237 ir ja^mer wart vil swinde
005238 die ir ma^ge wa^ren ;
005239 die to^ten u^f den ba^ren
005240 truoc man zuo der wahte .
005241 salben manger slahte
005242 hiez ir diu vrouwe gwinnen ;
005243 sus vuorte si mit minnen
005244 ir gesellen an guot gemach ,
005245 da^ im allez guot geschach .
005246 diu vrouwe ersu^fte unde sprach
005247 " Her(re) geselle , du solt mir sagen
005248 ob der wurm si^ erslagen . "
005249 " ja^ , benamen , wand ich daz sach
005250 daz ein ri^ter durch in stach
005251 und daz si^n lu^t so^ vaste schal
005252 daz ez durch den walt hal .
005253 ouch liez er uns vallen da^ ;
005254 na^ch dem ri^ter ke^rter sa^ ;
005255 ich weiz wol si sint beidiu to^t . "
005256 " owe^ danne ! so^ waer mi^n no^t
005257 und mi^n klage geniuwet ;
005258 si^n li^p mich immer riuwet ,
005259 wand er iuch erlo^ste ,
005260 herre , mir ze tro^ste . "
005261 si sprach " herre , ha^t er den li^p
005262 verloren umb mich armez wi^p ,
005263 so^ waer ich bezzer ungeborn . "
005264 der herre sprach " la^ di^nen zorn
005265 und di^n ungem}ete :
005266 waz ob diu gotes g}ete
005267 in durch si^ne triuwe ernert ? "
005268 diu vrouwe sprach " der mir ervert
005269 ob der selbe ri^ter lebe ,
005270 der ha^t immer mi^ne gebe ! "
005271 si he^t an guote gro^ze kraft ,
005272 wande si eine gra^fschaft
005273 he^t in dem lande ;
005274 ir namen man erkande
005275 in dem lande verre .
005276 Mora^l hiez der herre ;
005277 an si^ner (ge)b}rte was er gro^z ,
005278 vil wol der v}rsten geno^z ;
005279 guoter b}rge he^t er dri^ .
005280 disiu lac so^ na^hen bi^
005281 dem se^we daz er rehte v}r
005282 der vrouwen kemena^ten t}r
005283 sluoc , als ez wint was .
005284 dar u^z wa^ren an daz gras
005285 gegangen sehs vrouwen
005286 zuo dem se^we schouwen .
005287 der ma^ne lu^terli^che schein .
005288 nu sa^hen si wa^ vor in ein
005289 schiffeli^n vlo^z u^f dem se^ ;
005290 dar an was niht liute me^
005291 niwan ein wi^p und ir man ;
005292 den lac gro^ziu armuot an ;
005293 si he^ten sehs kindeli^n ;
005294 deste spa^ter muosens si^n
005295 na^ch ir gewerfte u^f den se^
005296 geltes he^ten si niht me^
005297 niwan ein schif daz si truoc ;
005298 als in ir dinc ze heile sluoc ,
005299 so^ bejagten si vil ku^me ir bro^t ;
005300 der hunger tet in gro^ze no^t ;
005301 ditze was gar ir genist .
005302 nu lie si unser herre Krist
005303 ze tro^ste den armen kinden
005304 des selben nahtes vinden
005305 da^ von ir armuot zergie .
005306 got der was erbarmic ie ;
005307 daz erzeiget er an manger stet ,
005308 wan swer mit lu^term gebet
005309 an in gena^de suochet ,
005310 si^n barmunge in beruochet ,
005311 als wirz an den buochen lesen ;
005312 ern welle uns genaedic wesen ,
005313 unser einer m|hte niht genesen .
005314 Sus liez er sich erbarmen
005315 die selben gotes armen
005316 und wi^ste si zuo des se^wes stade ,
005317 da^ der ri^ter mit dem rade
005318 lac als ein to^ter man ;
005319 na^ch grase wolde er u^z ga^n ,
005320 und vant in also^ ligen da^ ;
005321 si^nem wi^be wincter sa^ .
005322 er sprach " hoere her ze mir :
005323 ein wunder wil ich zeigen dir ;
005324 nu sich , hie li^t ein to^ter man ;
005325 der ha^t den besten harnasch an
005326 den ich ie me^ gesach . "
005327 daz wi^p zuo dem manne sprach
005328 " geselle , la^ di^n grasen si^n ;
005329 hie mit suln unser kindeli^n
005330 werden wol bera^ten . "
005331 ich sagiu wie sim ta^ten :
005332 si^n houbt daz was geke^ret nider ;
005333 daz rihten si ze berge wider ;
005334 von bluote wa^rn die riemen
005335 so^ herte daz si niemen
005336 wol entstricken mohte ;
005337 do^ in daz niene tohte ,
005338 do^ begunden si si sni^den .
005339 daz er daz muose li^den
005340 daz im ein man und ein wi^p
005341 also^ entnacten si^nen li^p ,
005342 daz m|hte got erbarmen .
005343 si zugen im von den armen
005344 harnasch unde wa^fenroc .
005345 sus lac er stille alsam ein stoc
005346 mit bluote gar berunnen ;
005347 und he^t er sich versunnen ,
005348 so^ waere ez im beliben da^ .
005349 daz wi^p ersach den g}rtel sa^ ;
005350 der vreute harte se^re ir muot ,
005351 wand er du^hte et si vil guot ;
005352 vor dem manne si in stal ;
005353 zesamne want sin als ein bal
005354 daz si ins niht sehen liez ;
005355 in ir biutel si in stiez .
005356 owe^ , daz ez ie geschach
005357 daz dehein wi^p so^ swach
005358 den g}rtel in ir hant genam !
005359 dem andern ta^ten si alsam ;
005360 sus entnacten si in gar .
005361 nu nemt , ir guoten liute , war
005362 wie jaemerli^ch der ri^ter lac :
005363 im was naht unde tac
005364 allez ungemeine ;
005365 si^n leben daz was kleine ;
005366 iedoch was im der li^p warm .
005367 innen des zo^ch er den arm
005368 na^her zuo dem li^be baz ;
005369 daz }bel wi^p ervorhte daz .
005370 si sprach " nu sich , lieber man ,
005371 got ha^t wol zuns geta^n
005372 mit dirre gro^zen ri^cheit ;
005373 nu si^ dir daz v}r wa^r geseit
005374 und lebt er unz an den tac ,
005375 daz ez uns wol geschaden mac ;
005376 wir suln in baz toeten . "
005377 " des soltu mich niht noeten "
005378 sprach der vil getriuwe man ,
005379 " wand er doch niht genesen kan . "
005380 " zwa^re er tuot ! " er sprach " niht ! "
005381 " woch , ez du^hte dich ie enwiht
005382 swaz ich guotes ie getet . "
005383 den ri^ter nam si an der stet
005384 bi^ dem ha^re und zo^ch in
005385 gegen dem breiten se^we hin
005386 als si in wolde ertrenken .
005387 er sprach " mahtu gedenken ,
005388 saelic wi^p , hin ze got ?
005389 nu was doch daz von si^m gebot
005390 daz daz schiffeli^n hie her stiez . "
005391 daz }bel wi^p er niht enliez
005392 dem ri^ter nemen si^nen li^p .
005393 ez ist ouch noch ein }bel wi^p
005394 wirser danne dehein man ,
005395 wan si niht bedenken kan
005396 waz ir dar na^ch k}mftic si^ .
005397 diu edeln wi^p diu sint vri^
005398 alles }bels , daz weiz ich wol :
005399 ir reiniu herze sint g}ete vol .
005400 wol in der daz verdienen kan
005401 daz in ein edliu vrouwe an
005402 niwan g}etli^che siht ;
005403 erwirbet er da^ anders niht ,
005404 so^ vreut ez in doch verre baz
005405 danne ob er verdienet daz ,
005406 daz im ein unedel wi^p
005407 gaebe guot unde li^p :
005408 swem si vreude wellent geben
005409 der mac wol deste gerner leben ;
005410 da^ von man die vrouwen sol
005411 a^ne ma^ze haben wol ;
005412 ir lo^n daz gi^t vil s}ezen zol .
005413 Ditz was dem hu^s so^ na^hen
005414 daz die vrouwen sa^hen
005415 den halsberc wi^zen
005416 und den helm gli^zen
005417 gegen dem ma^nen da^ er schein .
005418 nu was der sehs vrouwen ein
005419 gegangen dar da^ si wol sach
005420 swaz man da^ tet unde sprach .
005421 ich ha^n oft vernomen daz ,
005422 daz man u^f dem wazzer baz
005423 verrer hoere dan anderswa^ ;
005424 also^ tet diu vrouwe da^ .
005425 si sach wol daz daz }bel wi^p
005426 dem ri^ter entnacte si^nen li^p
005427 also^ gar daz dehein
005428 vadem an si^m li^be schein ;
005429 sus lac er sinne und guotes blo^z ;
005430 ern schamte sich niht ha^res gro^z ,
005431 wand ern ho^rte noch ensach
005432 swaz im leides da^ geschach .
005433 nu sach daz herze }bel wi^p
005434 daz si^n w}nnicli^cher li^p
005435 su^berli^ch und s}eze was ;
005436 v}r in kniete si u^f daz gras
005437 und nam si^nes li^bes war ;
005438 do^ was er ze wunsche gar
005439 wol geschicket }ber al ;
005440 si^n ha^r was reit unde val ,
005441 si^n li^p wi^z alsam ein sne^ .
005442 do^ ersu^fte si und sprach " owe^ ,
005443 ditz ist der aller schoenste man
005444 des ich k}nde ie gewan !
005445 mich wundert waz im si^ geschehen ;
005446 in ha^t niwan der wurm ersehen ;
005447 an des weide ist er komen ;
005448 der ha^t ouch im den li^p benomen ,
005449 wan swaz dem lendes widervert ,
005450 daz ist benamen unernert .
005451 ditz m|hte wol ein v}rste si^n ;
005452 daz ist an si^nem wa^fen schi^n ,
005453 wan daz ist von golde gar . "
005454 mit ir goufen truoc si dar
005455 des wazzers unde go^z im in ;
005456 vil l}tzel maht a^ne sin
005457 enpfie der edel ri^ter da^ .
005458 der gebu^r rief dem wi^be sa^ ;
005459 er sprach " nu trac den harnasch an :
005460 wir suln von dem walde dan
005461 balde varn e^ ez tage . "
005462 do^ schiet daz wi^p mit gro^zer klage
005463 von dem schoenen li^be .
005464 dem vil }beln wi^be
005465 gap diu minne guoten muot ,
005466 als si noch vil mangem tuot ,
005467 wan si dem kucte si^n leben
005468 dem si den to^t e^ wolde geben ;
005469 daz machet si^n vil s}ezer li^p .
005470 ich hoere sagen daz diu wi^p
005471 na^ch gro^zer ung}ete
005472 vil snelle guot gem}ete
005473 geva^hent von der minne ;
005474 als ich mich versinne ,
005475 so^ ist mit in daz beste leben
005476 daz got der werlte ha^t gegeben .
005477 diu reinen wi^p sint alle guot ;
005478 si gebent ofte guoten muot
005479 dem der na^ch ir willen tuot .
005480 In disen sorgen vuorens dan ,
005481 daz }bel wi^p und ir man ,
005482 wie si ir vunt so^ braehten dar
005483 daz si^n niemen w}rde gewar
005484 v}r daz hu^s in si^nen gle^t ,
005485 den er da^ geziunet he^t
005486 mit ro^re und mit ri^se .
005487 sus vluzzen si vil li^se
005488 unz si ze stade ka^men .
005489 den harnasch si do^ na^men
005490 und truogen in in ir gemach .
005491 der vrouwen einiu daz ersach ,
005492 wand ez was bi^ ir na^hen .
005493 si begunde dar ga^hen
005494 und luoget durch den zu^n dar in ;
005495 do^ sach si allen ir gewin :
005496 helm , schilt und i^sengwant ;
005497 ein vackel wart u^f gebrant ;
005498 da^ bi^ kosten si ir vunt ,
005499 der was bezzer danne tu^sent pfunt ,
005500 von golde und von gesteine .
005501 ir angest diu was kleine :
005502 si wa^ndenz ha^n verborgen ;
005503 do^ kom ez in ze sorgen
005504 daz ez diu vrouwe he^t ersehen .
005505 ein man sol e^ vil rehte erspehen
005506 daz si^n iemen werde gewar ,
005507 e^ er mit tougen dingen dar
005508 kome da^z im geschaden mac ;
005509 ditz ist mi^n sit des ich ie pflac .
005510 diu vrouwe nam si^n rehte war
005511 unz si ersach diu wa^fen gar .
005512 do^ kom ein hunt und bal si an ;
005513 zir gespiln vlo^ch si dan .
005514 ditz was wol umbe mitte naht .
005515 der vrouwen einiu sprach " nu maht
005516 du uns sagen : wa^ waer du hin ?
005517 dunket dich daz ein guot sin
005518 daz du eine von uns ge^st ?
005519 ez kumt vil li^hte daz du beste^st
005520 alle di^ne une^re da^ . "
005521 si sprach " vrouwe , die rede la^ :
005522 ich was niwan zuo dem se^ . "
005523 " nu sich , daz ez dir immer me^
005524 geschehe ! daz wil ich ra^ten dir .
005525 ir vrouwen , ez ist zi^t daz wir
005526 ge^n ze kemena^ten . "
005527 vil li^se si do^ tra^ten
005528 und giengen zuo ir vrouwen sa^ .
005529 diu saz mit gro^zer klage da^
005530 bi^ ir vriunde ; der gehabt sich wol ;
005531 ir herze was ab leides vol
005532 umb den ri^ter , der si^n leben
005533 durch si dem to^de he^t gegeben .
005534 si sprach " ich sol den ri^ter klagen ,
005535 wand er durch mich ha^t erslagen
005536 und durch si^ne manheit
005537 den wurm , der vil gro^ziu leit
005538 disem lande ha^t geta^n .
005539 beidiu wi^p unde man
005540 die si^n des tages immer vro^
005541 daz si unser herre also^
005542 von dem wurme erlediget ha^t ;
005543 ez ist mi^n bet und ouch mi^n ra^t ,
005544 als man sich des tages enste^ ,
005545 daz daz lantvolc allez ge^
005546 mit ir kriuze in den walt
005547 und loben in des gewalt
005548 unde des vil s}ezer tro^st
005549 si von dem tievel ha^t erlo^st ;
005550 so^ wil ouch ich den selben man
005551 mit allen den die ich ha^n
005552 suochen der ez ha^t geta^n .
005553 Si^n ors was guot daz er reit ;
005554 si^n schoener li^p ( der ) was gekleit
005555 mit einem halsberge der was wi^z ;
005556 an si^nem helme lac gro^zer vli^z
005557 von gesteine und von golde
005558 geworht als er wolde ;
005559 enmitten u^f dem helme ein rat ;
005560 daz lief umbe an der stat
005561 als er buhurdierte ;
005562 ein ri^cher zobel ( der ) zierte
005563 den liehten helm }ber al ;
005564 von golde ein li^ste niht ze smal
005565 lac im ob den ougen ;
005566 dar under was vil tougen
005567 der helm lu^ter als ein gras ;
005568 von genageltem pfelle was
005569 si^n wa^fenroc , daz marhte ich wol ;
005570 si^n schilt ( was ) swarz alsam ein kol ,
005571 dar u^ffe ein rat von golde .
005572 ob ich w}nschen solde
005573 einen ri^ter im geli^chen ,
005574 also^ tugentri^chen ,
005575 daz enm|hte weizgot niht geschehen ;
005576 da^ von wil ich im jehen
005577 ( des ) pri^ses v}r alle diech ie gesach :
005578 er was ein kro^ne und ein dach
005579 rehter ri^terschefte ,
005580 wand er mit si^ner krefte
005581 und mit si^ner manheit
005582 allez disse landes leit
005583 ze vreuden ha^t gemachet ,
005584 daz manic herze lachet
005585 dem der }bel wurm Pheta^n
005586 ofte leide ha^t geta^n
005587 an vriunden und an guote .
05588 nu haben in ir huote
005589 alle die mich minnen
005590 daz si mir gewinnen
005591 doch den li^p , ob er niht lebe ;
005592 dar umb enpfa^het ir die gebe
005593 daz iu nie deheiner vart
005594 also^ wol gelo^net wart .
005595 michn triegen danne die sinne mi^n ,
005596 so^ mohtez wol ein ri^ter si^n
005597 von der tavelrunde ,
005598 wand ich zeiner stunde
005599 der selben ri^ter einen sach
005600 daz er wol hundert sper zebrach
005601 und zwelf vrume ri^ter vie ;
005602 bezzer ri^ter wurden nie
005603 dan die selben ri^ter sint ;
005604 bi^ den zi^ten was ich ein kint
005605 do^ ich den selben ri^ter sach ,
005606 wan diu ri^terschaft geschach
005607 vor mi^nes vater hu^se ;
005608 von dem k}nige Artu^se
005609 kom er dar durch ri^terschaft ;
005610 er he^t ellen unde kraft
005611 und hiez der herre Ga^wein ;
005612 an si^nem schilte was ein
005613 guldi^n tavelrunde
005614 geworht daz niemen kunde
005615 ein gewaefen dem geli^che
005616 vinden also^ ri^che ;
005617 dar inne was , geloubet mirz ,
005618 von kri^den gema^lt ein wi^zer hirz
005619 u^f einem berge guldi^n :
005620 daz selbe wa^fen daz was si^n
005621 der die ri^ter alle vie ;
005622 diu tavel diu dar umbe gie
005623 die nevuorte dehein man ,
005624 als ichz vernomen ha^n ,
005625 wan der mit gro^zer arbeit
005626 und mit si^ner manheit
005627 die stat he^t errungen ;
005628 swem so^ was gelungen ,
005629 der vuorte die tavelrunde
005630 daz man da^ bi^ kunde
005631 sehen unde wizzen daz
005632 er zer tavelrunde saz ;
005633 daz selbe wa^fen ich wol sach ,
005634 do^ mir daz herzeleit geschach ,
005635 an des ri^ters schilte,
005636 den des niht bevilte
005637 ern rit durch mich in den to^t .
005638 ob ich den klage , des ge^t mir no^t ,
005639 wand er iuch , herre , erlo^ste
005640 uns allen ze tro^ste .
005641 ich he^t mich iuwer gar bewegen ;
005642 niwan durch den selben degen
005643 ir waert benamen da^ to^t gelegen . "
005644 Daz diu vrouwe he^t gesaget ,
005645 daz marhte diu vil schoene maget ,
005646 wan si daz ersehen he^t
005647 da^ man ez truoc in den gle^t ,
005648 helm , schilt und isengwant .
005649 u^f stuont diu maget sa^ zehant ;
005650 v}r ir vrouwen kniete si do^
005651 vil gezogenli^che und sprach also^
005652 " gena^de , liebiu vrouwe mi^n !
005653 sol daz in iuwern hulden si^n
005654 und mac ich si^n geniezen ,
005655 so^ wil ich iu entsliezen
005656 ein verholnez maere ,
005657 da^ mit sich iuwer swaere
005658 vil li^hte verendet .
005659 vrouwe , nu sendet
005660 mit mir einen boten dar . "
005661 diu vrouwe sprach " nu sage , war ? "
005662 si sprach " vrouwe , an eine stat
005663 da^ den helm und daz rat
005664 ha^t verborgen ein armer man .
005665 als ichz von iu vernomen ha^n ,
005666 so^ ist ez rehte " sprach diu maget
005667 " als ir uns allen ha^t gesaget . "
005668 " so^ dir got , ha^st du wa^r ? "
005669 " zwa^re , vrouwe , ich sach ez gar ,
005670 helm , schilt und i^sengwant . "
005671 diu vrouwe sprach " ist dir bekant
005672 ob der ri^ter ouch da^ si^ ? "
005673 " vrouwe , ich sach da^ niemen bi^ ,
005674 niwan ein wi^p und ir man . "
005675 diu vrouwe sprach " nu^ wol dan ,
005676 ri^ter unde vrouwen !
005677 ich wil die wa^rheit schouwen
005678 wa^ der harnasch si^ genomen . "
005679 si sprach " vrouwe , ich sach si komen
005680 in einem schiffe }ber den se^ .
005681 ichn kan iu niht gesagen me^
005682 wan daz sin truogen in den gle^t
005683 der bi^ uns hie na^hen ste^t ;
005684 des nam ich alles rehte war . "
005685 diu vrouwe sprach " nu wi^se mich dar . "
005686 sus stuont si u^f und gie dan .
005687 do^ vunden si den armen man
005688 sitzen bi^ si^nem viure .
005689 gna^de was im tiure ,
005690 dar zuo saelde unde guot ;
005691 ez he^t diu gro^ze armuot
005692 zuo im gehu^set in den gle^t ,
005693 da^ selten vreude bi^ beste^t :
005694 diu armuot mit ja^mer li^t ,
005695 diu ri^cheit niwan vreude gi^t .
005696 do^ saz er und betrahte
005697 wie er so^ manger slahte
005698 gezierde von golde
005699 so^ verkoufen solde
005700 daz si^n niemen w}rde gewar .
005701 innen des do^ ko^men dar
005702 die vrouwen alle v}r den gle^t ,
005703 den er vil vaste beslozzen he^t .
005704 diu vrouwe sprach " tuo u^f die t}r ! "
005705 der arme man sprach her v}r
005706 " herre got , waz sol daz si^n ? "
005707 diu vrouwe sprach " la^ mich dar i^n ,
005708 od du verliust di^nen li^p . "
005709 nu erkande si wol daz arme wi^p .
005710 si sprach " ez ist mi^n vrouwe .
005711 lieber man , nu schouwe
005712 wie wir si^n verra^ten . "
005713 die t}r si u^f ta^ten
005714 und erschrihten ha^rte se^re da^ von ,
005715 wan si wa^rn des ungewon
005716 daz si so^ spa^te iht gienge da^ .
005717 diu vrouwe sprach zem manne sa^
005718 " lieber man , nu tuo durch mich ,
005719 dar umbe wil ich ri^chen dich ,
005720 eine sache der ich dich bit ;
005721 da^ verdienstu benamen mit
005722 daz dir immer vrumen muoz . "
005723 der vrouwen viel er v}r den vuoz
005724 und sprach " gebietet }ber mich :
005725 swaz ir gebietet daz tuon ich . "
005726 diu vrouwe hiez in u^f sta^n .
005727 si sprach " du solt mich sehen la^n
005728 den schilt und daz i^sengwant ;
005729 dar umbe wil ich dir zehant
005730 beidiu li^hen unde geben
005731 daz du mit vreuden wol maht leben . "
005732 des begunde er ir gena^de sagen .
005733 daz i^sengwant wart getragen
005734 v}r die edeln vrouwen do^ .
005735 si sprach " nu wolde ich wesen vro^
005736 der mir saget maere
005737 wa^ der ri^ter waere
005738 des der harnasch ist gewesen ;
005739 wesse ich ob er waere genesen ,
005740 so^ waer mi^n leit verendet . "
005741 er sprach " vrouwe , nu sendet
005742 mit mir iuwern boten dan ,
005743 und welt ir michs geniezen la^n ,
005744 so^ zeige ich iu den selben man . "
005745 Diu vrouwe sprach " entriuwen , ja^ . "
005746 do^ gap si im mit vreuden da^
005747 dri^zic huobe zeigen
005748 und hiez im u^z zeigen
005749 daz beste hu^s , als er si bat ,
005750 daz inder stuont in der stat .
005751 sus gwan der arme ri^chen muot ,
005752 saelde , sin unde guot .
005753 do^ vra^get mich mi^n kranker sin , -
005754 des ich gar a^ne zwi^vel bin , -
005755 " sag an , Wirnt , ist daz wa^r :
005756 mac iemen , a^ne guot gar
005757 al der werlt genaeme si^n ? "
005758 des antwurt ich dem sinne mi^n
005759 " zwa^re , ja^ ! des dunket mich . "
005760 " entriuwen , anders waene ab ich ;
005761 waz vrumt dir li^p unde muot ,
005762 bistu gar a^ne guot ? "
005763 " nu hoere , daz wil ich dir sagen
005764 wie ich ir minne wil bejagen :
005765 ich wil zuo den besten ge^n
005766 und wil mit mi^ner kunst bege^n
005767 und mit mi^nen z}hten daz ,
005768 daz ich in gevalle baz
005769 danne ein guotes ri^cher man
005770 der deheiner slahte vuoge kan . "
005771 " daz la^ si^n " sprach der sin .
005772 " si^t ich dir so^ n}tze bin ,
005773 ich vrum dir als ich beste kan ;
005774 da^n gezwi^vel nimmer an . "
005775 der rede wart ich harte vro^
005776 und behabte iedoch den stri^t also^
005777 daz werder ist ein sinnic man
005778 dem der in erkennen kan
005779 danne ein man der allen ra^t
005780 a^ne ganze sinne ha^t ;
005781 die rede ir mich niht liegen la^t .
005782 Der vrouwen was zer verte ger .
005783 si sprach " nu brinc balde her
005784 ein schif daz uns alle trage . "
005785 diu naht entweich dem liehten tage ,
005786 wand er scho^ne u^f gie .
005787 den harnasch si zem hu^se lie
005788 ir ri^tern und ir vrouwen ;
005789 do^ begunden si in schouwen .
005790 sus vuor si von dem hu^se dan .
005791 Gwi^ga^lois , der arme man ,
005792 der he^t sich u^f gerihtet .
005793 si^n ha^r was ungeslihtet ,
005794 bluotic und zeworren .
005795 an einen d}rren storren
005796 leinet er sich biz er bekam .
005797 michel wunder in des nam
005798 wie er dar komen waere
005799 gewandes also^ laere .
005800 do^ er sich also^ nacket sach ,
005801 wider sich selben er do^ sprach
005802 " Gwi^ga^lois , mahtu mir sagen :
005803 waz wunders ha^t dich her getragen
005804 od wie ste^t di^n dinc also^ ?
005805 deiswa^r , gestuont di^n herze ie ho^
005806 von minnen , ode wurd ie ri^ch ,
005807 dem bistu leider ungeli^ch .
005808 allez mi^n leben ist ein troum .
005809 ich bin gesetzet an disen boum
005810 rehte als ich wilde si^ .
005811 herre got , nu wis mir bi^ !
005812 des bit ich dich durch di^nen to^t :
005813 ichn kom nie in so^ gro^ze no^t !
005814 ob ich mich rehte versinne ,
005815 so^ was diu k}niginne
005816 mi^n muoter von Syri^e
005817 diu s}eze Flo^ri^e .
005818 mi^n oeheim hiez Jo^ram ,
005819 der ze Karido^l nam
005820 den ri^tern allen da^ ir pri^s ;
005821 er was starc unde wi^s .
005822 mi^n vater hiez her Ga^wein
005823 und was der besten ri^ter ein ,
005824 als mir der schoene man jach
005825 den ich zer a^ventiure sach .
005826 La^ri^e hiez diu vrouwe mi^n ;
005827 durch der schoene woldich si^n
005828 und durch ir lant to^t gelegen ;
005829 des he^t ich mich vil gar bewegen
005830 zer gro^zen a^ventiure .
005831 nu^ bin ich ungehiure .
005832 waz touc diu rede ? si ist enwiht .
005833 Gwi^ga^lois heize ich niht ;
005834 ich bin et sus ein armman
005835 und sol bu^wen disen tan
005836 als mi^n vater ha^t geta^n . "
005837 Sus he^t er verzwi^velt gar
005838 daz si^ner (ge)taete iht waere wa^r
005839 od daz er ie w}rde ri^ch ,
005840 wan dem saz er ungeli^ch .
005841 vil scho^ne schein der liehte tac .
005842 nu sach er wa^ bi^ im lac
005843 diu tiure tasche pfelli^n
005844 die im diu liebe vrouwe si^n
005845 gap ze stiure in den to^t ;
005846 dar inne lac daz reine bro^t
005847 verborgen und der s}eze bluot .
005848 des wart er vro^ und du^hte in guot
005849 daz im iht beliben was ;
005850 nider greif er u^f daz gras
005851 und nam die taschen in die hant .
005852 mit ja^mer wart er do^ ermant
005853 der schoenen magt La^ri^en .
005854 " owe^ " begunder schri^en
005855 " daz ich ie wart geborn !
005856 nu ha^n ich guot und sin verlorn ;
005857 dar zuo li^d ich den gotes zorn . "
005858 Ditz jaemerli^che wort " owe^ "
005859 erho^rte diu vrouwe u^f dem se^ ,
005860 wand ez na^hen bi^ ir geschach .
005861 zuo dem manne si do^ sprach
005862 " lieber man , du solt mir sagen ,
005863 eine stimme hoere ich hie klagen ,
005864 ob du wizzest wa^ ez si^ . "
005865 " vrouwe , ez ist hie na^hen bi^ ,
005866 da^ ich den to^ten ri^ter liez . "
005867 daz schif do^ zuo dem stade stiez
005868 in eine gro^ze wilde .
005869 da^ was dehein gevilde
005870 niwan berge unde tal ,
005871 mit starken boumen }ber al
005872 bewahsen und vervallen .
005873 mit ir gesellen allen
005874 diu vrouwe u^z dem schiffe gie .
005875 vil gro^zer ja^mer si gevie
005876 daz si den ri^ter also^ vant .
005877 diu scham hiez in sa^ zehant
005878 von den liuten vliehen .
005879 do^ begunde in nider ziehen
005880 si^nes li^bes siecheit .
005881 diu scham in do^ des }berstreit
005882 daz er von den liuten lief .
005883 diu vrouwe im do^ na^ch rief .
005884 si sprach " herre , wa^ welt ir hin ?
005885 gewunnet ir ie guoten sin ,
005886 deiswa^r , dem tuot ir ungeli^ch .
005887 nu ke^ret wider : ich mache iuch ri^ch ;
005888 alles des ir an mich gert
005889 des si^t benamen von mir gewert .
005890 ich sihe wol daz iu we^ tuot
005891 diu scham ( und ) iuwer armuot
005892 und iuwers li^bes siecheit .
005893 ich wil mit triuwen iuwer leit
005894 wenden , swa^ ich mac , zehant .
005895 iuwer schoene i^sengwant
005896 daz ist gev}eret von dem wege ;
005897 ich ha^n ez allez in mi^ner pflege ,
005898 als ich iuz behalten ha^n .
005899 si^t got so^ wol geta^n
005900 daz ir , herre , genesen si^t ,
005901 ir sult ez haben a^ne stri^t .
005902 nu ke^ret wider , ri^ter guot ,
005903 wand iuwer tugenthafter muot
005904 und iuwer gro^ziu manheit
005905 die na^men mir mi^n herzeleit
005906 und ga^ben mir vreude wider .
005907 do^ ich mit gro^zem ja^mer nider
005908 was gevallen u^f daz gras ,
005909 als mir mi^n vriunt gez}cket was ,
005910 do^ ko^met ir und tro^stet mich .
005911 diu selbe vrouwe bin ich
005912 die ir da^ vundet mit gro^zer klage .
005913 ir sult gelouben daz ich iu sage :
005914 ich tuon allez daz ir welt . "
005915 alre^rst bekande sich der helt
005916 und geda^hte ir leides harte wol .
005917 diu scham treip in in ein hol
005918 da^ vor gro^z ger}ne was ;
005919 beidiu mies unde gras
005920 brach er v}r si^nen li^p .
005921 do^ rief im aber daz reine wi^p ,
005922 wan der walt was so^ gro^z
005923 daz si ir suochens niht geno^z .
005924 si sprach " herre , si^t ir guot
005925 od gwunnet ir ie guoten muot
005926 von deheinem reinen wi^be ,
005927 so^ la^t iuwerm li^be
005928 bieten gemach und e^re . "
005929 do^ne barc er sich niht me^re ;
005930 er lie sich also^ nacket sehen .
005931 daz waere weizgot niht geschehen ,
005932 wan durch si^ne vrouwen .
005933 alsus liez er sich schouwen :
005934 die si^te ke^rte er gegen ir dar ,
005935 daz si da^ bi^ naeme war
005936 daz im diu scham we^ tet .
005937 einen pelz zo^ch si an der stet
005938 ab ir , der was lu^ter gra^ ;
005939 den sande si dem ri^ter da^ ;
005940 hie mit kleite er sich sa^ .
005941 Als er bedahte si^nen li^p ,
005942 do^ gie gegen im daz reine wi^p .
005943 vil minnicli^ch enpfie si in
005944 und leite in an daz schif hin .
005945 si sprach " lieber herre mi^n ,
005946 ir sult mir willekomen si^n
005947 hie in disem lande .
005948 ich weiz wol iu ist ande
005949 iuwer gro^ziu armuot ;
005950 gehabt iuch wol : ich gibiu guot
005951 und schaffe iu solhen gemach
005952 daz iu nie baz geschach ,
005953 ob irz von mir nemen welt . "
005954 " vil gerne , vrouwe " sprach der helt .
005955 im was gemaches harte no^t .
005956 in he^t vil na^ch der bitter to^t
005957 mit si^ner kraft gez}cket hin .
005958 do^ he^t er maht unde sin ,
005959 so^ daz er sich wol versan .
005960 mit der vrouwen vuor er dan
005961 u^f ir hu^s an guot gemach ,
005962 da^ im allez guot geschach .
005963 der wirt selbe gegen im gie .
005964 vil minnicli^che er in enpfie ,
005965 dar na^ch daz liut }ber al .
005966 sich huop da^ ein vil gro^zer schal
005967 und gedranc von dem gesinde .
005968 diu wi^p mit ir kinde
005969 diu liefen u^z der stat dar
005970 und na^men des ri^ters war ,
005971 der den wurm he^t erslagen .
005972 si begunden im gena^de sagen
005973 und danken si^ner manheit .
005974 do^ badet man in , und wart gekleit
005975 dar na^ch mit so^ ri^cher wa^t
005976 daz diu werlt niht bezzers ha^t .
005977 diu vrouwe hiez in mit ir ga^n
005978 in eine kemena^ten dan ,
005979 da^ im allez guot geschach .
005980 an disen dingen er wol sach
005981 daz si in mit triuwen meinde
005982 als si im wol bescheinde ,
005983 wan si in mit willen werte
005984 swes er an si gerte .
005985 ouch was er so^ bescheiden daz
005986 er niht gerte v}rbaz
005987 noch von niemen niht des nam
005988 des im ze nemen niht gezam ;
005989 des was gepri^set ie si^n nam .
005990 Do^ er guot gemach da^ vant
005991 und si^nen siechtuom }berwant ,
005992 des begunde er got gena^de sagen ,
005993 dar under tougenli^che klagen
005994 den g}rtel und si^n i^sengwant .
005995 er geda^hte " nu^ sol ich zehant
005996 gegen der a^ventiure varn ;
005997 wa^ mit sol ich mich bewarn
005998 si^t ich den g}rtel han verlorn
005999 den ich ze tro^ste he^t erkorn
006000 zallen mi^nen dingen ?
006001 noch muoz mir gelingen
006002 zer selben a^ventiure ;
006003 sin ist nie so^ ungehiure
006004 ichn welle da^ to^t geligen ,
006005 od mit der gotes kraft gesigen .
006006 noch mac si^n alles werden ra^t .
006007 ich weiz wol , swer den g}rtel ha^t ,
006008 daz er mirs niht wider gi^t ;
006009 da^ von sol ich ze dirre zi^t
006010 niht vil dar na^ch gevra^gen .
006011 den li^p wil ich da^ wa^gen
006012 durch si , der mi^n herze gert ;
006013 und gi^t man mir mi^n schoenez swert ,
006014 ein ors und mi^n i^sengwant ,
006015 so^ wil ich ri^ten zehant
006016 zer a^ventiure , swa^ diu ist . "
006017 nu kom diu vrouwe an der vrist
006018 zuo im gegangen unde sprach , -
006019 wande si wol an im sach
006020 daz si^n guot gem}ete
006021 vil gro^ziu swaere m}ete ;
006022 daz siht ouch noch ein iesli^ch man
006023 mit li^hter kunst dem andern an
006024 daz si^n herze swaere treit ,
006025 swen er in si^ne hant leit
006026 daz houbet und ez geneiget ha^t ;
006027 dar na^ch gap si im ra^t
006028 und tro^st ze si^ner swaere -
006029 si sprach " herre , waere
006030 iuwer herze und iuwer muot
006031 dem geli^ch als ir tuot ,
006032 daz waer mir innicli^che leit .
006033 lieber herre mi^n , nu seit
006034 mir war umb ir tru^ric si^t . "
006035 er sprach " vrouwe , da^ ha^n ich zi^t
006036 zer a^ventiure ze ri^ten . "
006037 si sprach " welt ir da stri^ten ? "
006038 " ja^ , vrouwe , ich ha^ns gesworn . "
006039 " owe^ , so^ si^t ir verlorn . "
006040 " zwa^re , vrouwe , nein ich ,
006041 und welt ir bera^ten mich ,
006042 so^ wirt er stri^tes von mir gwert .
006043 wirt mir mi^n harnasch und mi^n swert
006044 und ein guot ors gegeben ,
006045 deiswa^r , so^ mac ich mi^n leben
006046 gerne wa^gen u^f den tro^st
006047 daz daz lant werde erlo^st ,
006048 ob ich dem heiden an gesige ;
006049 ist abe daz ich da^ to^t gelige ,
006050 so^ ist manic tiurre ri^ter to^t .
006051 nu helft mir , vrouwe , zuo der no^t ,
006052 daz ich die a^ventiure
006053 iht gar a^n iuwer stiure
006054 also^ vehten m}eze ;
006055 des suoche ich iuwer v}eze .
006056 ir seht wol ich bin nacket gar ,
006057 iedoch wil ich benamen dar ;
006058 also^ bin ich u^z gevarn . "
006059 " herre , got m}ez iuch bewarn !
006060 des ist iu benamen no^t :
006061 ir welt in den gewissen to^t .
006062 si^t ich iuch niht erwenden kan ,
006063 so^ nemt ein ors daz ich ha^n ,
006064 bezzer danne hundert marc ;
006065 daz ist schoene unde starc .
006066 dar zuo gibe ich iu zehant
006067 daz aller beste i^sengwant
006068 daz ie dehein keiser getruoc ,
006069 dar umbe Bri^en La^me^ren sluoc
006070 an guoten triuwen da^ er lac .
006071 des ist nu^ vil manic tac
006072 daz ez mi^n herre , ( der ) k}nc Jore^l ,
006073 mi^nem wirte bevalch an si^ne se^l
006074 daz erz behielte unz an die zi^t
006075 swen si^n tohter w}rde gehi^t
006076 zeinem biderben manne ,
006077 daz er den harnasch danne
006078 im gaebe ze si^nem li^be .
006079 er wart von einem wi^be
006080 verstoln einem getwerge
006081 alre^rst u^z einem berge ,
006082 da^ ez in mit listen gar
006083 he^t geworht wol dri^zic ja^r .
006084 er ist ein hemde ringe ,
006085 mit deheiner slahte dinge
006086 mac man in zebrechen
006087 noch dar durch gestechen .
006088 welher hande der harnasch si^ ,
006089 und waere er al der werlte bi^ ,
006090 daz ez iemen erra^te , des ist er vri^ .
006091 Ich sagiu wie in La^me^r gewan ,
006092 als ichz e^ vernomen ha^n .
006093 do^ man im saget maere
006094 daz der harnasch waere
006095 in dem lande ze Li^bi^a^ ,
006096 dar vuor er mit here sa^
006097 und beroubet die stat und daz lant ,
006098 unz daz man im daz i^sengwant
006099 in si^n gezelt muose tragen .
006100 si^t wart er darumb erslagen .
006101 daz tet Bri^en , der bruoder si^n .
006102 der bra^ht ez zuo Kornti^n
006103 Jore^l , dem lieben herren mi^n .
006104 Er bevalch ez mi^nem wirte hie .
006105 si^t wart ez gezeiget nie
006106 deheinem manne , geloubet daz .
006107 nu he^te wir michel reht , swaz
006108 wir iuch m|hten ge^ren
006109 und iuwer liep geme^ren ,
006110 daz wir des niht enliezen . "
006111 diu vrouwe hiez entsliezen
006112 den sarbalc da^ er inne lac .
006113 do^ schut man in u^z an den tac .
006114 als er den harnasch rehte ersach ,
006115 zem reinen wi^be er do^ sprach -
006116 diu was ein bluome der g}ete ,
006117 ir herze in tugent bl}ete -
006118 " gena^de , vrouwe , dirre gebe ,
006119 und wizzet , ( daz ) die wi^le ich lebe ,
006120 daz ich ez immer dienen wil ;
006121 dirre gebe ist mir ze vil . "
006122 si^nen harnasch truoc man dar .
006123 der was zebrochen also^ gar
006124 daz er im ze nihte entouc .
006125 daz reine wi^p in niht betrouc
006126 an disem , wan dehein man
006127 bezzern harnasch nie gewan .
006128 si^nen halsberc liez er da^ ;
006129 in disen begunde in wa^fen sa^
006130 der wirt und di wirtin .
006131 er sprach " herre , nu v}ert ir hin
006132 waen ich in den gewissen to^t ,
006133 wan daz ir alle iuwer no^t
006134 so^ wol habt }berwunden . "
006135 die vrouwen im do^ bunden
006136 die i^senhosen an diu bein .
006137 si^n herze was herte als ein stein ,
006138 wand ez nie da^ von erkam
006139 swaz er untro^stes ie vernam .
006140 die zi^t he^t er da^ wol vertriben ,
006141 wand er die naht was da^ beliben .
006142 nu^ was ditz an dem andern tage .
006143 ob ir welt daz ich iu sage
006144 wie er zuo der a^ventiure rit ,
006145 so^ swi^get und hoeretz mit guotem sit .
006146 als er wart gewa^fent gar ,
006147 do^ bra^hte man im den helm dar
006148 mit dem rade guldi^n ;
006149 den bant im u^f daz houbet si^n
006150 der wirt selbe mit si^ner hant .
006151 an ein sper man im do^ bant
006152 einen sami^t der was ro^t ;
006153 daz bezeichnent daz er in den to^t
006154 des tages ri^ten solde .
006155 der wirt im do^ wolde
006156 gegeben ha^n ze stiure
006157 zuo der a^ventiure
006158 einen schilt von eines gri^fen kla^ .
006159 den hiez er im behalten da^ ;
006160 si^nen schilt bra^ht man im sa^ .
006161 Den vuorte er durch diu maere
006162 daz er ein ri^ter waere
006163 von der tavelrunde ,
006164 daz man da^ bi^ kunde
006165 sehen unde wizzen daz
006166 er zer tavelrunde saz .
006167 si^nen wa^fenroc leit er an ;
006168 der was ri^che und wol geta^n ,
006169 wan daz er was durchstochen
006170 und mangen ende zebrochen ;
006171 den vuorte der helt me^re
006172 durch si^ner vrouwen e^re
006173 danne durch si^n armuot ;
006174 er du^hte in bezzer danne guot .
006175 si^n swert striht im daz s}eze wi^p
006176 vil heize weinde umb den li^p
006177 und vle^get got vil tiure
006178 daz er die a^ventiure
006179 in da^ lieze erwerben ,
006180 und daz in niht verderben
006181 lieze diu gotes g}ete .
006182 dehein ungeloube in m}ete
006183 in dem hu^se noch u^f dem wege ;
006184 er liez ez allez an gotes pflege .
006185 swaz im des morgens wider lief
006186 od swie vil diu kra^ gerief ,
006187 swie vil der mu^saere umbe gevlouc ,
006188 der ungeloube in niht betrouc ,
006189 wand er da^ niht u^f ahte .
006190 wir ha^n nu manger slahte
006191 bo^sheit und gelouben ,
006192 da^ mit wir uns rouben
006193 aller unser saelicheit :
006194 ez ist vil mangem manne leit
006195 swen im ein wi^p daz swert gi^t ;
006196 daz lie der ri^ter a^ne ni^t ;
006197 ern ahte dar u^f niht ein ha^r ,
006198 ez waere gelogen ode wa^r ;
006199 er he^t in gotes gna^de ergeben
006200 beidiu se^le unde leben .
006201 swaz im des morgens wider gie ,
006202 dazn gevlo^ch der ri^ter nie ,
006203 wan guoten glouben he^t er ie .
006204 Do^ nam er urloup von in da^ .
006205 wirt und vrouwen neic er sa^
006206 und gna^det in alles guotes ,
006207 der werke und ir muotes ,
006208 dar na^ch dem (ge)sinde }ber al .
006209 vil manic guot wunsch a^ne zal
006210 wart im gegeben an der stat .
006211 daz liut im allez heiles bat
006212 und segenten in in den to^t .
006213 si^n dienst er do^ in allen bo^t
006214 und bat den reinen wirt sa^
006215 daz er die gl{vi^en da^
006216 bi^ dem wurme suochte
006217 und si im behalten ruochte
006218 unz er dar wider kaeme ,
006219 ob er den sic genaeme
006220 zer selben a^ventiure .
006221 do^ gelobt der wirt vil tiure
006222 daz er gerne taete
006223 swes er in gebaete .
006224 diu vrouwe sprach " herre mi^n ,
006225 wir suln iu beidiu immer si^n
006226 bereit unsers muotes ,
006227 li^bes unde guotes ,
006228 wand iuwer gro^ziu manheit
006229 diu benam mir mi^n herzeleit .
006230 do^ ich in gro^zem ja^mer lac
006231 und deheiner slahte vreude pflac ,
006232 do^ ko^met ir und tro^stet mich ;
006233 da^ von ist michel reht daz ich
006234 iu dienstes wes underta^n
006235 swa^ ich mac unde kan .
006236 ouch bit wir iuch vil verre ,
006237 ob iuch unser herre
006238 den sic la^ze erwerben da^ ,
006239 daz ir danne her wider sa^
006240 an guot gemach ri^tet
006241 als ir da^ gestri^tet . "
006242 er sprach " vrouwe , daz si^ geta^n !
006243 iuwer bet bin ich underta^n
006244 ob mir got des li^bes gan . "
006245 Si^n ors wart im gezogen dar ;
006246 daz was in einer varwe gar
006247 rehte ro^t als ein bluot ;
006248 dar u^f saz der ri^ter guot .
006249 man reichte im schilt unde sper .
006250 von dem hu^se ke^rt er
006251 eine stra^ze , diu was wol gebant ;
006252 diu solde in tragen in daz lant
006253 ze Glois , da^ der heiden saz .
006254 si^n manic (ge)m}ete vuocte im daz
006255 er die stra^ze }bersach .
006256 einem sti^ge volget er na^ch
006257 u^z gegen der linken hant ,
006258 der was grasic unde ungebant .
006259 er truoc in verre in den walt ,
006260 da^ manic boum was gevalt
006261 und gro^ze ronen la^gen .
006262 do^ begunde in des betra^gen
006263 daz er si^n ors allez zo^ch .
006264 ze sti^gen er die ronen vlo^ch .
006265 an ein wazzer er do^ reit ,
006266 daz was tief und so^ breit
006267 daz niht vurtes dar}ber gie .
006268 er geda^hte " herre got , wie
006269 kum ich }ber daz wazzer hie ? "
006270 Si^n ors hafter vaste
006271 zeinem starken aste ,
006272 wand ern mohte niht v}rbaz .
006273 swie snel er waere , si^n ge^n was laz ,
006274 wand er muose sliefen da^ .
006275 nu sach er u^f dem wazzer sa^
006276 vliezen einen kleinen vlo^z ,
006277 den ein starkiu wide slo^z
006278 bi^ einem stecken zuo dem stade ;
006279 dar kom der ri^ter mit dem rade
006280 von des waldes enge
006281 gesloffen durch gedrenge .
006282 er nam den vlo^z und zo^ch in dan
006283 da^ er si^n ors he^t la^zen sta^n .
006284 nu was bi^ im ein holer stein .
006285 u^z dem hole sach er ein
006286 wi^p gegen im loufen dar ,
006287 diu was in einer varwe gar
006288 swarz , ru^ch als ein ber .
006289 vil gro^ziu schoene was der
006290 und guot gebaerde tiure ,
006291 wan si was ungehiure :
006292 ir ha^r enpflo^hten unde lanc ,
006293 zetal in ir buoc ez swanc .
006294 daz houbet gro^z , ir nase vlach .
006295 daz wi^p u^z gro^zer riuhe sach
006296 als zwo^ kerzen br}nnen da^ .
006297 ir bra^ lanc unde gra^ ,
006298 gro^ze zene , wi^ten munt ;
006299 zwei o^ren he^t si als ein hunt ,
006300 diu hiengen nider spanne breit .
006301 als uns diu a^ventiure seit ,
006302 so^ was diu schoene La^ri^e
006303 schoener danne ir dri^e .
006304 der r}cke was ir u^f gebogen ,
006305 da^ engegen ein hover u^z gezogen
006306 ob dem herzen als ein huot .
006307 he^t iemen von ir ho^hen muot ,
006308 dern sach der vrouwen E^ni^ten niht ,
006309 wan der herre Hartmann giht ,
006310 daz waer gar u^z dem stri^te
006311 ezn waere vrouwe E^ni^te
006312 ze Karido^l diu schoenste maget ,
006313 als im si^n meister he^t gesaget .
006314 ir br}ste nider hiengen ;
006315 die si^ten si beviengen
006316 geli^ch zwein gro^zen taschen da^ .
006317 als ein gri^fe he^t si kla^
006318 an den vingern allen .
006319 ro^t und linde ballen
006320 die man an schoenen vrouwen siht ,
006321 ich waene wol dern he^t si niht :
006322 si wa^rn ir herte als einem bern .
006323 swen si ir minne solde wern ,
006324 daz waer ein su^rez tru^ten .
006325 ir li^p der vrouwen Jeschu^ten ,
006326 diu da^ was so^ saelden ri^ch ,
006327 was des tages ungeli^ch
006328 do^ si in ir gezelte slief
006329 und si Parziva^l an lief .
006330 als in le^rte diu muoter si^n ,
006331 er zo^ch ir abe ein vingerli^n
006332 und nam ir v}rspan a^ne ir danc .
006333 ein l}tzel er mit ir geranc
006334 und kuste si an ir ro^ten munt
006335 a^ne sin : im was unkunt
006336 waz ez dem herzen vreude gi^t ;
006337 dar umbe leit si kumber si^t .
006338 si wa^rn geli^ch , als ich ez weiz ,
006339 reht als ein bin einer geiz .
006340 disiu was ungehiure ;
006341 so^ was Jeschu^ten tiure
006342 swaz vrouwen li^be ie missezam .
006343 daz lop gi^t ir her Wolfram ,
006344 ein wi^se man von Eschenbach ;
006345 si^n herze ist ganzes sinnes dach ;
006346 leien munt nie baz gesprach .
006347 Daz wi^p du^ht in uns}eze :
006348 starkiu bein , krumbe v}eze
006349 he^t si , sus was si gestalt .
006350 ein kurziu naht diu machet in alt
006351 swer bi^ ir solde si^n gelegen ;
006352 so^ s}ezer minne kunde si pflegen .
006353 si hiez diu starke Ru^el
006354 und was so vreisli^che snel
006355 daz ir dehein tier entran .
006356 Fero^z geheizen was ir man .
006357 den sluoc Floji^r von Belamunt ;
006358 den zo^ch er an des se^wes grunt
006359 mit im t|unde in si^ner no^t ;
006360 da^ la^gens bi^ ein ander to^t .
006361 sus verlo^s si ir lieben man ;
006362 des wolde si in engelten la^n .
006363 si lief zuo im a^ne wer ;
006364 ir einer sterke was im ein her .
006365 desn tru^wet der junge ri^ter niht .
006366 von missetriuwe vil ofte geschiht
006367 daz den liuten missege^t .
006368 swer daz gerne underste^t ,
006369 der si^ gewarnet zaller zi^t :
006370 vil li^hte erz anders missegi^t .
006371 also^ }bergap erz da^ .
006372 daz starke wi^p begreif in sa^ ,
006373 wan si endu^hte in des niht wert
006374 daz er gegen ir si^n swert
006375 immer gevuorte ,
006376 wan gro^ziu tugent ruorte
006377 si^n herze zallen stunden .
006378 als er waere gebunden ,
006379 so^ truoc in diu tiuvelin
006380 under ir starken armen hin .
006381 swie starc der ri^ter waere
006382 und swie wi^ten maere
006383 waer si^n gro^ziu manheit ,
006384 diu selbe vrouwe ungemeit
006385 truoc in hin als einen sac .
006386 " owe^ , daz ich disen tac
006387 ie gelebte ! " sprach der degen .
006388 " nu^ ist mi^n kraft gar gelegen ;
006389 waz touc mir mi^n manheit ?
006390 ditz ist ein jaemerli^chez leit !
006391 sol ich also^ verderben
006392 und a^ne wer ersterben
006393 von dirre cre^atiure ? "
006394 si tet imz allez tiure
006395 beidiu sprechen unde regen .
006396 vrouwe Lu^nete kunde pflegen
006397 des ri^ters mit dem lewen baz ,
006398 do^ er gevangen bi^ ir saz .
006399 disiu tet als ir gezam :
006400 dem jungen ri^ter si do^ nam
006401 die kraft und si^ne sinne ;
006402 guotes wi^bes minne
006403 was ir tru^ten ungeli^ch ;
006404 sus sint die minne misli^ch :
006405 diu eine ist arm , diu ander ri^ch .
006406 Ru^el diu ungehiure
006407 ergatzt in der a^ventiure
006408 und swaz im liebes ie geschach .
006409 daz swert si im von der si^ten brach
006410 und zo^ch im abez i^sengwant ;
006411 mit einer wide si im bant
006412 beide hende hinder sich .
006413 owe^ leider , nu dunket mich
006414 daz er mit si^nem li^be
006415 iht koeme von disem wi^be ,
006416 des waer er weizgot unwert !
006417 si zo^ch im u^z si^n eigen swert ;
006418 bi^ dem ha^re vuorte sin hin ;
006419 }ber ein ronen druhte in
006420 daz wi^p bi^ si^nem ha^re , owe^ !
006421 nu sprechet , wiez um da^ erge^ .
006422 daz swert swanc si gegen im her .
006423 in dirre no^t geda^ht er
006424 der schoenen magt La^ri^en .
006425 si^n ors begunde schri^en
006426 und ze weien se^re .
006427 dem wi^be enwart niht me^re
006428 wan daz sin also^ ligen liez ;
006429 daz swert si in die scheide stiez
006430 und vlo^ch u^z dem hol zehant
006431 u^f ein ander steinwant
006432 ein pfat , daz was vil enge ,
006433 durch michel gedrenge .
006434 waz dem wi^be waere ,
006435 welt ir daz selbe maere
006436 hoeren , daz wil ich iu sagen :
006437 der wurm den da^ he^t erslagen
006438 der ri^ter mit si^ner hant ,
006439 der kom zuo der steinwant
006440 vil oft mit solhem schalle
006441 daz die berge alle
006442 schullen von si^nem lu^te
006443 na^ch des tievels tru^te ;
006444 der wurm wesse si da^ wol .
006445 si entran im ofte u^z dem hol
006446 u^f ein ander steinwant
006447 als ir der zagel waer verbrant .
006448 si vorhte ir se^re ; des gienc ir no^t :
006449 swaz er begreif , daz was to^t ;
006450 niemen mohte sich si^n erwern
006451 noch vor si^nem stanke ernern ;
006452 da^ von vlo^ch des tievels tru^t .
006453 do^ si erho^rte des rosses lu^t ,
006454 do^ wande si er kaeme da^ ;
006455 von dem ri^ter vlo^ch si sa^ ,
006456 wan si entru^wet niht genesen ,
006457 als ez si^n saelde solde wesen
006458 der da^ vor ir gebunden lac ;
006459 v}r den tro^st si^n zwi^vel wac .
006460 ditz was wol umbe mitten tac .
006461 Wem kom der to^t so^ na^hen ie ?
006462 a^ne den to^t gevreischt ich nie
006463 angestli^cher iemen ligen ;
006464 des lebens was im gar verzigen .
006465 do^ si daz swert gegen im swanc ,
006466 do^n he^t er des deheinen (ge)danc
006467 daz er iht lenger solde leben ,
006468 he^t imz got niht gegeben .
006469 des gena^de ist niht geli^ch ;
006470 daz erzeiget er aller t{geli^ch .
006471 er nidert ho^ch gem}ete
006472 und hoehet alle g}ete ;
006473 er ermet unde ri^chet ,
006474 den ri^chen er geli^chet
006475 dem armen , swenne er wil .
006476 ditz was si^nes gwaltes spil ,
006477 daz er disem k}enen man
006478 si^nen tro^st an gewan ,
006479 den si^n herze ungerne liez ;
006480 in ganzen zwi^vel er in stiez ,
006481 da^ von er si^ne vreude lie .
006482 got der was genaedic ie ;
006483 daz erzeigter an disem ri^ter hie .
006484 Do^ er sus an dem to^de lac
006485 und daz si^n leben zem to^de wac ,
006486 do^ kom er im ze tro^ste ;
006487 si^n barmunge in erlo^ste
006488 daz im dehein schade geschach
006489 wan daz er vreise vor im sach .
006490 do^ daz wi^p von im dan
006491 gevlo^ch und der gebunden man
006492 in dem hole niemen sach ,
006493 do^ stuont er u^f unde sprach
006494 " nu hilf mir , herre , s}ezer got !
009495 la^ di^n gena^de und di^n gebot
009496 an mir schi^nen : daz e^ret dich .
009497 mit di^ner kraft enbinde mich ,
009498 daz mir mi^nen jungen li^p
009499 iht beneme ein solch wi^p
006500 diu der helle zaeme .
006501 waer si doch so^ genaeme
006502 daz ich si m|hte an gesehen ,
006503 so^ waer mir deste baz geschehen .
006504 herre got , erhoere mich ! "
006505 in dirre bet so^ lo^ste sich
006506 diu starke wide da^ er mit
006507 gebunden was na^ch diebes sit .
006508 do^ sich diu starke wide enbant
006509 und im enbunden wart si^n hant ,
006510 si^nen e^rsten grif den tet er nider
006511 na^ch si^nem swerte , daz nam er wider
006512 da^ erz bi^ im ligen sach .
006513 er kuste daran unde sprach
006514 " o^ wol mich , swert , daz ich dich ha^n !
006515 nu^n ist weder wi^p noch man
006516 der mich binde a^ne wer ;
006517 u^f di^nem knopfe ich des swer
006518 die wi^le ich swert tragen wil :
006519 ez si^ ernest ode ein spil ,
006520 daz ez mir nimmer me^ geschiht ,
006521 swa^ mi^n ouge iht des siht
006522 daz mi^nem li^be geschaden mac ,
006523 ichn slahe ie doch den e^rsten slac
006524 dem daz ungehiure si^ .
006525 ditz was aller triuwen vri^ ,
006526 ez he^t mir anders widersaget .
006527 ezn wirt hie nu^ niht me^ geklaget
006528 si^t ich mi^n swert wider ha^n . "
006529 si^nen harnasch schutter an
006530 und gie von dem steine nider
006531 balde ze si^nem orse wider .
006532 von dem aste erz enbant
006533 und zo^ch ez an den vlo^z zehant ;
006534 mit einem aste schielt er in
006535 }ber daz breite wazzer hin
006536 anderhalbe an daz stat ;
006537 vil snelle er da^ abe trat
006538 und zo^ch daz ors na^ch im dan .
006539 sus was genesen der k}ene man
006540 von dirre cre^atiure .
006541 gegen der a^ventiure
006542 ke^rte der edel ri^ter sa^ .
006543 einen sti^c den vant er da^ ,
006544 der truoc in an die stra^ze wider .
006545 gegen Glois reit er nider .
006546 von der br}cke stahten her
006547 gegen im sehzic starkiu sper
006548 eine mi^le u^f dem wege .
006549 diu he^t ein ri^ter in si^ner pflege ,
006550 der was ze harnasche wol ,
006551 als ze stri^te ein ri^ter sol .
006552 er reit ein ors swarz gevar ,
006553 mit einer kovertiure gar
006554 bedecket von sami^te ;
006555 an der zeswen si^te
006556 was si gr}ene alsam ein gras ;
006557 da^ zer winstern hant si was
006558 tunkel ro^t als ein bluot .
006559 sin schilt was niuwe unde guot ;
006560 daz diu buckel solde si^n ,
006561 daz was ein bluome guldi^n ,
006562 geworht mit gro^zem vli^ze ;
006563 von liehter varwe wi^ze
006564 was der schilt }ber al ;
006565 von ro^tem golde ein li^ste smal
006566 was geleit u^f den rant ;
006567 drinne - da^ bi^ daz was bekant
006568 daz er von Glois ein ri^ter was -
006569 ein su^l , diu glaste als ein gras
006570 von la^zu^re und von golde ;
006571 als er leben solde ,
006572 Machmet dar u^ffe saz ;
006573 da^ bi^ man solde wizzen daz
006574 sich niht erwerte si^m gebot ;
006575 durch daz vuort er der heiden got .
006576 daz wa^fen was des ri^ters spot .
006577 Ouch vuorte der selbe tievels tru^t
006578 an im eines lewen hu^t
006579 ob einem halsberge wi^z .
006580 an si^nem helme lac gro^zer vli^z
006581 von golde und von gesteine ,
006582 gro^z unde kleine ;
006583 daz was mit vli^ze geleit dar i^n ;
006584 zaller obrist ein rubi^n ,
006585 der was groezer danne ein ei ;
006586 den liehten helm teilte enzwei
006587 von ro^tem golde ein li^ste smal .
006588 von dem rubi^n hin ze tal
006589 ( vil ) l}tzel si^n ob dem satel schein :
006590 gro^ze arme und kurziu bein
006591 he^t er na^ch der getwerge sit .
006592 ich waen ie iemen baz gestrit
006593 danne der vil kurze man
006594 da^ vil ofte he^t geta^n .
006595 der a^ventiure huot er
006596 vil mangen tac , daz diu sper
006597 niemen gar wider in vertet ;
006598 ez he^t gesiget an der stet
006599 si^n hant an mangem ri^ter guot ,
006600 dem vil ho^he stuont si^n muot .
006601 swie kurz er waere , si^n kraft was gro^z .
006602 er hiez der k}ene Karrio^z .
006603 si^n muoter was ein wildez wi^p ;
006604 da^ von was im si^n kurzer li^p
006605 aller ru^ch unde starc .
006606 si^n gebeine was a^ne marc
006607 na^ch dem gesl{hte der muoter si^n ;
006608 deste sterke muose er si^n .
006609 einem man was er ein her .
006610 den lewen vienc er a^ne wer
006611 und sluoc in mit nacter hant ;
006612 bi^ der hu^t was daz bekant
006613 die er da^ ze kleide truoc ,
006614 daz er den lewen eine sluoc .
006615 Karrio^z leisierte dort
006616 gegen den speren an si^n ort
006617 und was im daz vil ungemach
006618 daz er disen ri^ter sach
006619 so^ vr{veli^ch da^ ri^ten .
006620 daz er wolde stri^ten
006621 mit im , des geda^ht er .
006622 mit zorne nam er daz e^rste sper ,
006623 wand ez stahte bi^ im da^ .
006624 gegen dem gaste ke^rte er sa^
006625 mit ho^hem muote , mit ganzer kraft .
006626 er vreute sich der ri^terschaft
006627 und der jost die er da^ nam ;
006628 her Gwi^ga^lois der tet alsam ;
006629 in beiden was zesamne ger .
006630 mit ganzer kunst si diu sper
006631 under die arme sluogen ;
006632 zesamne si do^ truogen
006633 diu ors so^ krefticli^che
006634 daz si versta^chen gli^che
006635 mit einer ri^chen jost diu sper .
006636 ir ietweder ga^hte her
006637 na^ch einem sper an si^n ort ,
006638 daz ir deweder dehein wort
006639 zuo dem andern nie gesprach ;
006640 von ho^hem muote daz geschach .
006641 Karrio^z dem was unwert
006642 daz er die jost he^t gewert
006643 a^ne vallen wider in .
006644 na^ch ganzem stri^te ranc ie si^n sin .
006645 gegen dem gaste ke^rte er hin .
006646 Her Gwi^ga^lois was bereit ;
006647 mit si^nem sper er gegen im reit ;
006648 an manheit verzagt er nie .
006649 Karrio^z in do^ enpfie
006650 mit einem sper daz was starc .
006651 zesamne truogen si diu marc
006652 mit geli^cher gir , mit solher kraft
006653 daz ir ietweders schaft
006654 zebrochen in die l}fte spranc
006655 und daz diu ros geli^chen wanc
006656 an die hahsen ta^ten nider .
006657 ir ietweder ga^hte wider
006658 da^ er daz naehste sper vant .
006659 sus versta^chen si zehant
006660 diu sper mit solhem ni^de gar
006661 daz die schilte goltvar
006662 v}r stiche wa^ren dehein guot .
006663 dannoch was ir beider muot
006664 unverschert an manheit ;
006665 ir ganziu kraft diu was bereit ;
006666 ir einen der to^t doch da^ versneit .
006667 Do^ in der sper gar zeran
006668 und Karrio^z sich des versan ,
006669 einen kolben er gevienc ,
006670 der im an dem arme hienc ;
006671 der was von sta^le harte gro^z .
006672 in beide hende er in slo^z
006673 und reit den jungen ri^ter an .
006674 Gwi^ga^lois , der k}ene man ,
006675 von im nie einen trit gevlo^ch .
006676 si^n swert er u^z der scheide zo^ch
006677 und sluoc in u^f den rubi^n ,
006678 daz vil manic liehter schi^n
006679 von viure gegen im glaste .
006680 Karrio^z ouch vaste
006681 mit si^nem kolben u^f in sluoc .
006682 ir dweder dem andern niht vertruoc .
006683 dem jungen ri^ter vrumte daz
006684 er ze orse kunde baz
006685 stri^ten danne der kurze man .
006686 des kraft was ab so^ geta^n
006687 und si^n gro^ziu manheit :
006688 he^t er sich im niht entseit ,
006689 als er den slac gegen im bo^t ,
006690 er waer von si^nen slegen to^t .
006691 her Gwi^ga^lois mit k}ndicheit
006692 wider disen ri^ter streit
006693 unz daz der a^bent ane gie .
006694 si^n kunst in do^ da^ vervie
006695 und si^n swert , wan daz was guot ,
006696 daz er im durch den sta^lhuot
006697 sluoc eine tiefe wunden .
006698 als er den he^t enpfunden ,
006699 do^ was im zuo dem gaste ger .
006700 mit beiden handen reicht er
006701 na^ch im mit grimmen muote .
006702 her Gwi^ga^lois mit huote
006703 allez vor im wancte dan
006704 unz er im aber an gewan
006705 einen slac alsam e^ ;
006706 der tet im herzenli^che we^ ,
006707 als er da^ zehant jach ,
006708 wand er im durch die brust stach
006709 mit des schoenen swertes ort .
006710 der kurze man der schrei mort
006711 und oyme^ , des gienc im no^t :
006712 derselbe slac gap im den to^t ,
006713 des gwalt do^ }ber in gebo^t .
006714 Als er des to^des rehte enpfant ,
006715 gegen Glois vlo^ch er zehant
006716 und schrei so^ lu^te daz erschal
006717 beidiu berge unde tal
006718 und daz der luft sich gegen im kloup .
006719 von si^ner vluht wart der stoup
006720 also^ gro^z u^f dem wege
006721 daz er u^z si^ner ougen pflege
006722 kom in kurzer wi^le ,
006723 swie er im doch mit i^le
006724 u^f dem wege volget na^ch .
006725 her Gwi^ga^lois do vor im sach
006726 einen nebel der was swarz ,
006727 alse^ swebel unde harz
006728 ensamet brunnen beide
006729 }ber al u^f der heide .
006730 dar i^n vlo^ch der kurze man ;
006731 da^ gesigt ouch im der to^t an .
006732 der nebel u^z einem mose gie ;
006733 die a^ventiure er bevie
006734 umbe und umbe als ein rinc .
006735 ditz was ein harte vremdez dinc
006736 daz nieman her u^z noch drin ,
006737 als ichs bewi^set bin ,
006738 weder reit noch engie
006739 unz daz diu sunne ir schi^n verlie ,
006740 so^ daz si entweich der naht ;
006741 so^ was niwan daz mos bedaht ;
006742 dar u^f legt sich der nebel nider ;
006743 mit der naht steic er ie wider .
006744 ditz was ein vil kurziu zi^t .
006745 an der wi^le he^t sich der stri^t
006746 verendet zwischen in beiden ;
006747 der to^t he^t si gescheiden ,
006748 als ich iu e^ gesaget ha^n .
006749 Karrio^z sich niht versan
006750 und wolde durch den nebel dan
006751 gevlohen si^n ; do^ was er an
006752 in gevallen als ein harz .
006753 si^n wa^fen daz was allez swarz ,
006754 daz e^ in liehter varwe schein ;
006755 si^n ros was als ein bechstein
006756 erstarret und bestecket ;
006757 der nebel he^t in bedecket
006758 dicker danne eins mannes hant ;
006759 also^ to^ten er in vant .
006760 swenne der nebel nider gie ,
006761 swaz er under im bevie ,
006762 daz li^mte er zesamne gar .
006763 do^ des der ri^ter wart gewar
006764 der na^ch der a^ventiure reit ,
006765 si^n ri^ten er dar i^n vermeit
006766 unz er sich u^f daz mos gelie .
006767 eine stra^ze er do^ gevie ,
006768 diu was gebr}cket }ber daz mos ;
006769 dar an truoc in si^n schoenez ros .
006770 nu was diu selbe stra^ze
006771 wol eines schuzzes ma^ze
006772 gebr}cket meisterli^che ;
006773 dar u^f harte ri^che
006774 von marmel ein tor gemu^ret lac ,
006775 des ein rat von e^re pflac ;
006776 daz lief umbe vor dem tor
006777 u^f i^seni^sen siulen enbor .
006778 ez treip ein wazzer daz was gro^z ;
006779 durch daz vu^le mos ez vlo^z .
006780 daz rat mit kreften umbe gie ;
006781 durch daz tor ez niemen lie .
006782 daz he^t Ro^az gemeistert dar .
006783 mit scharfen swerten was ez gar
006784 und mit kolben wol beslagen .
006785 wer m|ht solhes iht an getragen
006786 daz in beschirmet vor den slegen ?
006787 gegen dem tor hielt der degen ,
006788 wand ern mohte niht v}rbaz .
006789 vil vlizicli^ch versuohte er daz
006790 bi^ dem tore al umbe da^ ;
006791 do^ne mohte er ninder anderswa^
006792 v}r komen wan zem tor ;
006793 da^ lief abe daz rat vor
006794 und huote wol der porte
006795 mit mangem scharfen orte .
006796 da^ von si^n herze ja^mer vie .
006797 er geda^hte " herre got , wie
006798 sol ich nu komen in daz lant ?
006799 du ha^st mich allez her gesant
006800 durch vil mange vreise ;
006801 hilf mir , daz ich die reise
006802 volbringe als ich ha^n geda^ht ,
006803 so^ ha^stuz allez zende bra^ht
006804 mit gnaedicli^cher g}ete .
006805 herre got , nu h}ete
006806 mi^n mit di^ner krefte hie !
006807 ichn kom in solhe vreise nie . "
006808 der nebel do^ wider u^f gie .
006809 Des wart der ri^ter niht gewar
006810 unz daz er sich versu^mte gar
006811 daz der nebel disehalp si^n
006812 mit des liehten ma^nen schi^n
006813 gesteic wol zweier schefte ho^ch .
006814 zuo der porte er do^ vlo^ch .
006815 do^ne mohter v}r noch hinder sich ;
006816 diu vancn}s diu was jaemerli^ch ,
006817 wand in da niemen lo^ste .
006818 nu sprecht wer im ze tro^ste
006819 da^ mohte komen an der stat !
006820 vor im umbe lief daz rat ,
006821 hinder im der nebel stoup ,
006822 des tropfe velwet gr}enez loup .
006823 nu^ne mohte er v}r noch wider .
006824 von si^nem orse erbeizter nider
006825 und want si^ne hende .
006826 hie was der ellende
006827 gevangen a^ne mannes hant !
006828 alre^rst wart im untro^st erkant .
006829 owe^ der no^t die er da^ vant !
006830 Do^ der ri^ter daz ersach
006831 daz im leit und ungemach
006832 so^ ofte an si^ner vart geschach ,
006833 wider sich selben er do^ sprach
006834 " noch mac mi^n wol werden ra^t :
006835 wes got mit mir geda^ht ha^t ,
006836 daz muoz benamen doch geschehen ;
006837 ich wil ouch im des siges jehen .
006838 war umb gehabe ich mich niht wol ?
~6839 wan swaz mir geschehen sol ,
006840 dazn mac doch niemen underste^n . "
006841 diu m}ede begunde in ane ge^n
006842 und der sla^f na^ch si^ner no^t .
006843 u^f si^nen arm er sich bo^t
006844 an einen stein der da^ lac .
006845 si^ns rosses er bi^ dem zoume pflac ,
006846 des swertes mit der zeswen hant .
006847 er sprach " herre , dir ist bekant
006848 der mannes herze und si^n muot .
006849 du maht wol }bel unde guot
006850 an mir bege^n , swederz du wil .
006851 nu soltu di^nes gwaltes spil ,
006852 herre , an mir erzeigen hie ,
006853 wand ich dich mit herzen ie
006854 in mi^ner jugent geminnet ha^n ,
006855 si^t ich mich guotes e^rst versan .
006856 herre got , dir si^ gegeben
006857 mi^n vil zwi^velli^chez leben
006858 in di^ne gro^ze erbarmicheit ,
006859 wan du erkennest wol herzeleit . "
006860 hie mit der sla^f im an gestreit .
006861 In dirre no^t entslief er .
006862 nu^ habt iu ze ra^ten wer
006863 im da^ koeme ze tro^ste
006864 od wer in erlo^ste .
006865 daz tet der s}ezen magde kint .
006866 von des krefte waete ein wint ;
006867 der sluoc den nebel vaste nider
006868 in daz vu^le wazzer wider ,
006869 daz zer selben stunde
006870 daz wazzer begunde
006871 dicken von des nebel kraft
006872 als vaste daz wol ein schaft
006873 dar inne bestecket waere .
006874 got ist niht ze swaere
006875 noch ze gro^z si^ner kraft .
006876 er ha^t in si^ner meisterschaft
006877 alle cre^atiure ,
006878 boese unde tiure .
006879 die himel ste^nt in si^m gebot ;
006880 aller dinge ist er got
006881 und diu oberiste kro^ne .
006882 swer na^ch si^nem lo^ne
006883 gedienet , der ist der saelden kint .
006884 ze tro^ste sande er im den wint .
006885 den nebel er in daz wazzer treip ,
006886 daz si^n niht vil dar obe beleip ;
006887 da^ von ez si^n vliezen lie .
006888 daz rat do^ nie me^r umbe gie ;
006889 ez gestuont under dem b}rgetor .
006890 vil michel schal huop sich da^ vor :
006891 von si^nem kerren daz ez tet
006892 der ri^ter spranc u^f an der stet
006893 von einem herten troume .
006894 daz ors an dem zoume
006895 begunde snarchen unde streben ,
006896 wand ez entru^wet niht lenger leben .
006897 do^ der ri^ter he^t ersehen
006898 daz diu geschiht da^ was geschehen ,
006899 des wart er herzenli^che vro^ .
006900 einen laden nam er do^ ,
006901 der lac bi^ im na^hen da^ .
006902 in daz rat leit er in sa^
006903 und zo^ch si^n ors dr}ber zehant .
006904 got he^t in durch daz rat gesant
006905 na^ch si^nem willen , als er in bat .
006906 do^ er von dem rade getrat
006907 und si^n ors zuo im gespranc ,
006908 des sagte er im vil gro^zen danc
006909 von des gena^de ez was geschehen .
006910 do^ er wolde umbe sehen
006911 na^ch der a^ventiure ,
006912 do^ ho^rter ungehiure
006913 eine stimme gegen im schri^en
006914 " owe^ , di^ner a^mi^en !
006915 diu mac wol klagen : du li^st hie to^t !
006916 von di^nem bluote werdent ro^t
006917 und missevar die bluomen hie . "
006918 diu stimme do^ ir schri^en lie .
006919 v}r den ma^nen ein wolken gie .
006920 Do^ der starke wint gelac ,
006921 der nebel steic , als er e^ pflac ,
006922 u^f gegen dem wolken wider .
006923 daz wazzer vlo^z zem rade nider
006924 und treip ez umbe na^ch si^m sit
006925 hie was diu a^ventiure mit
006926 beslozzen , als mir ist geseit .
006927 her Gwi^ga^lois mit sorgen reit
006928 do^ er u^f si^n ors gesaz .
006929 diu naht wart so^ vinster daz
006930 er den wec niht mohte ha^n .
006931 in dirre vinster lief in an
006932 ein vremdiu cre^atiure ;
006933 diu bestuont in mit viure .
006934 si he^t ein houbet als ein hunt ,
006935 lange zene , wi^ten munt ,
006936 diu ougen tief , viurvar ;
006937 niderhalp der g}rtel gar
006938 he^t si eines rosses li^p .
006939 weder ez man ode wi^p
006940 waere , des enweiz ich niht .
006941 als uns diu a^ventiure giht , -
006942 ob iemen daz geloubet -
006943 enzwischen g}rtel und houbet
006944 was si geschaffen als ein man ;
006945 breite schuopen wa^ren dran
006946 gewahsen herter danne ein stein ;
006947 die selben schuopen mohte dehein
006948 wa^fen wol gesni^den .
006949 des muose der ri^ter li^den
006950 von ir gro^ze swaere .
006951 waz geschepfte ez waere ,
006952 desn kan ich iu niht gesagen .
006953 er sach si einen haven tragen ,
006954 der was gro^z , e^ri^n ;
006955 mit listen was ein viuwer dri^n
006956 gemachet , so^ daz bran
006957 swaz ez wart geworfen an :
006958 bein , i^sen unde stein .
006959 daz selbe viur mohte dehein
006960 wazzer niht erleschen so^
006961 ezn br}nne drinne als ein stro^ ;
006962 daz selbe viur warf si in an .
006963 nu begunde daz ors von ir dan
006964 se^re vliehen ; des gienc im no^t ,
006965 wandez vorhte den grimmen to^t .
006966 do^ si im mangen wurf getet ,
006967 daz ors sich an einer stet
006968 niht mohte enthalten , wandez bran
006969 so^ se^re daz daz bluot ran
006970 von im u^f daz gr}ene gras .
006971 do^ des dehein ra^t was
006972 si^n ors m}ese verbrinnen da^ ,
006973 u^f die erde erbeizter sa^
006974 und klaget got si^ne no^t .
006975 den schilt er gegen dem wurfe bo^t
006976 den der va^lant u^f in tet .
006977 zehant enzunde sich daz bret
006978 und verbran im von der hant ;
006979 si^n wa^fenroc ouch gar verswant
006980 von dem selben viure .
006981 nu seht , welch a^ventiure
006982 durch si^nen muot er muose doln !
006983 }ber eine schrit wold ich niht holn
006984 den kumber und die arbeit
006985 die er von si^nem muote leit !
006986 daz si^ iu v}r wa^r geseit .
006987 Her Gwi^ga^lois hie blo^zer ste^t ;
006988 niht me^ er ze schirme he^t
006989 niwan si^n barez i^sengwant .
006990 vil schiere wart im daz bekant
006991 daz si^nem halsberge lieht
006992 daz selbe listviuwer nieht
006993 mohte geschaden ; des wart er vro^ .
006994 an die geschepfte lief er do^ .
006995 ouch was ir so^ ger an in
006996 daz si von dem slage hin
006997 niht entweich den er tet .
006998 des wart ir an der selben stet
006999 daz vierde bein abe geslagen ;
007000 dazn sol niemen guoter klagen .
007001 do^ dirre tievel daz he^t ersehen
007002 daz im der schade was geschehen ,
007003 do^ warf er den haven dar
007004 mit dem viure u^f in gar ,
007005 daz beidiu helm und swert bran .
007006 von dem ri^ter woldez dan
007007 gevlohen si^n sa^ zehant .
007008 do^ wart im mit voller hant
007009 geslagen ein tiefiu wunde .
007010 von si^nem bluote begunde
007011 daz viur erleschen da^ ez bran
007012 swa^ ez kom gesprungen an .
007013 do^ des der ri^ter wart gewar ,
007014 na^ch dem bluote greif er dar
007015 da^ ez bi^ im swebte ;
007016 swa^ daz viuwer klebte ,
007017 daz bluot er dar an streich ;
007018 zehant daz viur da^ von entweich .
007019 sus ernerte sich der degen :
007020 und he^t si^n got niht gepflegen ,
007021 er waer ze to^de da^ verbrant .
007022 von im vlo^ch der va^lant ,
007023 beidiu man unde ros ,
007024 gegen dem nebel u^f daz mos
007025 und gal so^ vreisli^che
007026 daz daz ertri^che
007027 na^ch im hal da^ er lief .
007028 u^f Glois do^ ein stimme rief
007029 " wa^ nu^ , Ro^az ! di^n e^re ist to^t .
007030 hoerst du niht Marri^en no^t ,
007031 der mit si^nem viure
007032 pflac der a^ventiure
007033 alle naht ? den hoere ich klagen ;
007034 ich waene wol er ist erslagen .
007035 diu a^ventiure diu ist entrant ,
007036 wan dir ist komen in daz lant
007037 der dich ganzes stri^tes wert ,
007038 des du ie ha^st gegert .
007039 si^t Marri^en erslagen ist ,
007040 daz in aller si^n list
007041 vor dem to^de niht mohte ernern ,
007042 so^ muostu dich vil kecke wern ,
007043 od du verliusest di^n schoene wi^p ,
007044 e^re , guot und ouch den li^p .
007045 ez mac dir wol ze schaden komen
007046 daz du den stri^t dir ha^st genomen
007047 ze vehten wider in eine .
007048 wir m}ezen alle gemeine
007049 im dienstes wesen underta^n ,
007050 gesigt er di^nen listen an ,
007051 wan des ha^stu ie gesworn .
007052 helt , nu rich , di^nen zorn ,
007053 od du ha^st guot und li^p verlorn ! "
007054 Na^ch dirre rede diu stimme sweic .
007055 der ma^ne u^z von dem wolken steic
007056 und wart si^n schi^n lu^ter gar .
007057 do^ nam der ri^ter umb sich war
007058 wie daz lant waere geta^n ;
007059 do^ sach er Glois vor im sta^n .
007060 daz was ein schoene kastel
007061 ho^ch , wi^t und sinwel ,
007062 gemu^rt mit gro^zem vli^ze wol .
007063 von marmel swarz als ein kol
007064 wa^ren gepfi^laert da^ vor
007065 in die burc zwei wi^tiu tor ;
007066 daz ander teil der mu^re was
007067 ro^t , gr}ene als ein gras ,
007068 von marmelsteine gezieret ,
007069 mit golde geparrieret ,
007070 gelu^tert als ein agstein .
007071 swa^ der ma^ne dar an schein ,
007072 da^ glaste si als ein spiegelglas .
007073 v}r daz tor gesetzet was
007074 ein gro^ziu su^l von e^re ;
007075 dien vint man ninder me^re
007076 in der werlte anderswa^
007077 niwan in Korinthi^a^ :
007078 der e^re ist rehte lu^ter gar
007079 als der regenboge gevar ,
007080 daz man sich drinne m|hte ersehen ;
007081 des muoz man den heiden jehen
007082 gro^zes listes ze Kornti^n .
007083 oben was ein rubi^n
007084 darinne beworht als ein huot ;
007085 des schi^n was ze sehen guot
007086 und gap dem herzen w}nne .
007087 als ein stern da^ br}nne ,
007088 so^ brehende er zallen stunden ;
007089 mit golde was er gebunden .
007090 des huoten zwe^ne ri^ter da^ ,
007091 die wa^ren beide von alter gra^ ,
007092 baz danne hundert ja^r alt ;
007093 ir berte wa^ren wol gestalt ,
007094 lanc , dic , ze ma^ze breit ,
007095 ir ha^r gevlohten unde reit ,
007096 mit borten wol bewunden .
007097 die huoten zallen stunden
007098 der siule under einer linden ;
007099 sine mohte niemen vinden
007100 a^ne wer ze deheiner zi^t ;
007101 si wa^ren ie bereit u^f stri^t
007102 und huoten ouch der porte
007103 mit ir scharfem orte
007104 beidiu naht unde tac .
007105 do^ im diu burc so^ na^hen lac
007106 und er die zwe^ne ri^ter sach
007107 wider sich selben er do^ sprach
007108 " wes sol ich hie nu lenger ste^n ?
007109 ich wil gegen der b}rge ge^n
007110 si^t ich mi^n ors nu ha^n verlorn ;
007111 daz ist unwendic , nu si^z verkorn ! "
007112 sus gienc er gegen dem b}rgetor .
007113 si^ne hende habter enbor
007114 und sach vil tiure hin ze got .
007115 er sprach " herre , na^ch di^m gebot
007116 wil ich se^le unde leben
007117 in di^ne erbarmunge geben ,
007118 daz du mir ruochest ze helfen hie ;
007119 swaz ich ha^n gestriten ie ,
007120 daz tet ich a^ne meisterschaft ,
007121 b{rli^ch mit di^ner kraft ;
007122 nu hilf mir , herre , des ist mir no^t ,
007123 daz die liehten bluomen ro^t
007124 mi^n bluot iht roeter mache ;
007125 daz mi^nes to^des iht lache
007126 diu ungetriuwe heidenschaft .
007127 nu hilf mir , herre , mit di^ner kraft ,
007128 daz ich gesige dem heiden an ;
007129 so^ ha^stu wol ze mir geta^n
007130 und ouch volendet mi^ne gir .
007131 herre got , des hilf du mir ;
007132 so^ wil ich immer dienen dir . "
007133 Zuo den alten er do^ gie .
007134 die he^ten sich gewa^fent hie
007135 und sa^zen u^f einer gre^de .
007136 der herren schilte be^de
007137 die hiengen an der mu^re enbor
007138 an zwein nageln vor dem tor .
007139 sus kom der junge ri^ter dar ,
007140 daz ir deweder des wart gewar ,
007141 unz er den naehsten schilt gevienc ,
007142 der an der mu^re bi^ im hienc .
007143 zehant als er den schilt begreif ,
007144 si^n sorge im ein teil entsleif
007145 und gewan ze stri^te vesten muot ;
007146 der schilt was im ze schirmen guot .
007147 des wurden die ri^ter vil unvro^ ;
007148 mit gro^zem ni^de liefen do^
007149 dise zwe^ne k}ene man
007150 mit ganzer kunst den einen an
007151 und triben in von der porte nider .
007152 her Gwi^ga^lois der sluoc wider
007153 under wi^len na^ch si^ne maht .
007154 mit listen er sus mit in vaht :
007155 er schirmet mange wi^le ;
007156 dar na^ch sluoc er mit i^le ,
007157 daz si^n swert vil ofte erklanc
007158 und daz u^z dem helmen spranc
007159 daz viuwer zallen stunden .
007160 der eine im eine wunden
007161 durch den liehten helm sluoc .
007162 den slac er im do^ niht vertruoc :
007163 den schilt begunder vazzen baz
007164 und trat so^ na^hen zuo im daz
007165 er in wol mohte erreichen ;
007166 daz swert begunder sleichen
007167 under si^nem schilte hin
007168 und stach im da^ zem ge^ren in
007169 eine wunden diu was wi^t ,
007170 daz er dar na^ch in kurzer zi^t
007171 to^ter viel u^f daz gras .
007172 der ander des vil vli^zic was
007173 daz er geraeche si^nen to^t :
007174 den schilt er allez v}r sich bo^t
007175 und sluoc u^f in so^ vaste
007176 daz daz viuwer glaste
007177 gegen des liehten ma^nen schi^n
007178 und daz daz rat guldi^n
007179 vil mange scharten da^ enpfie .
007180 mit slegen er do^ u^f in gie ,
007181 als in si^n ellen le^rte ;
007182 daz bluot vil vaste re^rte
007183 der junge mit starken wunden .
007184 als er der he^t enpfunden ,
007185 der alte sprach " nu la^t mich leben !
007186 ich wil iu sichern unde geben
007187 mi^nen li^p in iuwer gebot
007188 und swer iu bi^ dem oberisten got
007189 daz ich iu diene die wi^le ich lebe ;
007190 und la^t ir mir daz zeiner gebe ,
007191 edel ri^ter , von iu ha^n ,
007192 so^ wil ich werden iuwer man
007193 und wil iu leisten triuwe
007194 immer a^ne riuwe . "
007195 der ri^ter sprach " daz si^ geta^n ! "
007196 v}r in begunde der alte man
007197 vallen balde u^f si^niu knie .
007198 in si^ne gna^de er in enpfie
007199 und kusten ein ander beide .
007200 diu swert si in die scheide
007201 mit ganzem vride stiezen ;
007202 mit triuwen si geheizen
007203 ein ander rehte geselleschaft .
007204 diu he^t staete und ganze kraft
007205 under in beiden unz an ir to^t .
007206 der alte sprach " iuwer no^t
007207 diu ist noch unverendet ;
007208 gi^t got daz hie geschendet
007209 den heiden iuwer manheit ,
007210 so^ habt ir a^ne arbeit
007211 daz lant immer me^re ,
007212 liute , guot und e^re ;
007213 dar zuo gi^t man iu die maget ,
007214 von der schoene man wunder saget ,
007215 der disiu lant solden si^n ,
007216 Glois unde Kornti^n .
007217 mit gewalte ez ir benomen ist ;
007218 habt ir nu kraft und guoten list ,
007219 des wirt iu benamen no^t ;
007220 ir sult iuch wern , od ir si^t to^t . "
007221 des volget er im si^t erz gebo^t .
007222 Er sprach " herre , nu si^t gemant ,
007223 welt ir die maget und daz lant
007224 erwerben hie , daz ir iuch wert .
007225 ist daz iuch got hie ernert ,
007226 so^ habt ir iuwer arbeit
007227 vil saelicli^che an geleit .
007228 ich sagiu daz v}r dise stat
007229 dehein ri^ter nie getrat
007230 na^ch stri^te durch daz b}rgetor :
007231 man vant ie stri^tes gnuoc da^ vor
007232 von uns unz an dise stunt .
007233 nu ist er to^t und bin ich wunt ;
007234 daz ist uns von iu geschehen .
007235 ich wil iu gerne siges jehen ,
007236 wand ir si^t aller e^ren wert ,
007237 der iuch got wol ha^t gewert ,
007238 ob ir in der burc gesiget .
007239 ist ob daz ir da^ to^t geliget ,
007240 so^ habt ir michel arbeit
007241 verlorn in iuwer kintheit . "
007242 sus sa^zen si da^ be^de
007243 durch ruowe u^f einer gre^de
007244 unz si gewunnen niuwe maht .
007245 ditz was wol na^ch mitter naht .
007246 her Gwi^ga^lois zem alten sprach ,
007247 do^ er die burc beslozzen sach
007248 " wer entsliuzet mir daz tor ?
007249 mich dunket , ich si^ ze lange hie vor ;
007250 mi^ner vreude wil ich ende geben ,
007251 od mit vreuden lenger leben ;
007252 des helfet mir , so^ si^t ir guot . "
007253 er sprach " ich sagiu waz ir tuot :
007254 nu r}eret den rinc mit der hant ;
007255 sa^ so^ wirt iu daz bekant
007256 waz innerhalp der porte ist . "
007257 do^ su^mte er sich unlange vrist ;
007258 urloup nam er von im da^ .
007259 den rinc begunder r}eren sa^
007260 so^ vaste daz diu burc erhal .
007261 zehant huop sich so^ gro^zer schal
007262 als al diu werlt da^ br}nne ;
007263 ez was dehein w}nne
007264 in dem hu^se noch da^ vor ;
007265 mit zorne slo^z man u^f daz tor .
007266 do^ daz her Gwi^ga^lois ersach ,
007267 vil herzenli^che er do^ sprach
007268 und tet daz kriuze da^ v}r sich
007269 " herre got , beh}ete mich
007270 und wis mi^n geleite hie ! "
007271 in die burc er do^ gie ;
007272 baz gezierde gesach er nie ,
007273 In si^ner no^t nam er des war
007274 daz diu mu^re innen gar
007275 gegen im von ro^tem golde schein
007276 und daz vil manic edel stein
007277 gegen dem andern glaste ;
007278 sus gleiz ez allez vaste :
007279 die steine gegen dem golde nider ,
007280 und daz golt gegen in wider .
007281 daz was guot ougen weide ;
007282 in allen si^nem leide
007283 die gezierde er gerne sach .
007284 zehant ein blic vor im geschach ,
007285 der lu^hte rehte alsam der tac ;
007286 na^ch dem blicke kom ein slac
007287 als diu burc in einer var
007288 zesamne wolde bresten gar ,
007289 und wart so^ vinster umb die want
007290 daz er vor im si^ne hant
007291 niht wol mohte gekiesen .
007292 den li^p wa^nder verliesen
007293 in dem selben schalle da^ .
007294 si^n schoenez swert vuorter sa^
007295 und stuont ze wer als ein ber .
007266 dar na^ch giengen gegen im her
007267 zwelf m{gde su^berli^ch ;
007268 der selben m{gde iesli^ch
007269 truoc ein kerzen , diu vaste bran ;
007300 vil guotiu kleider he^tens an
007301 von bunt und von sami^te ,
007302 an ietwederre si^te
007303 geteilet gel unde ro^t .
007304 ir gruoz im da^ deheiniu bo^t ;
007305 si stuonden neben ein ander da^ .
007306 von den liehten gesach er sa^ .
007307 ein palas wart da^ u^f geta^n ,
007308 dar i^n die m{gde begunden ga^n ,
007309 daz was schoene und so^ wi^t
007310 daz er vordes noch si^t
007311 schoener palas nie gesach ;
007312 dar i^n gienc in der ri^ter na^ch
007313 und als er zuo in wolde ga^n ,
007314 eine porte sach er offen sta^n
007315 von im wol eines wurfes lanc ;
007316 dar u^z Ro^az gewa^fent dranc .
007317 vor im mit zouber ein wolken gie ;
007318 daz wolken sa^hen alle die
007319 vor im giengen unde na^ch ;
007320 her Gwi^ga^lois si^n niht ensach .
007321 dar inne vuor er der si^n pflac
007322 beidiu naht unde tac
007323 und dem er se^le unde leben
007324 in si^n gebot he^t gegeben .
007325 daz was ein tievel , der im ie
007326 half unde riet wie
007327 er im verl}r die se^le gar .
007328 u^f den gedingen kom er dar
007329 daz si im w}rde a^ne stri^t ,
007330 wan des du^hte in michel zi^t .
007331 do^ wa^nde Ro^az er wolde im da^
007332 helfen als er anderswa^
007333 mit si^nen listen he^t geta^n :
007334 do^ was gewarnet der junge man
007335 mit einem brieve , der im wart
007336 gestricket an si^ner vart
007337 umb si^n swert mit gebet ,
007338 und mit dem kriuze , daz er tet
007339 v}r sich do^ er zem tor i^n gie .
007340 da^ von getorste der tievel nie
007341 zuo im komen na^her baz .
007342 vil se^re schu^hte der heiden daz ;
007343 iedoch was er so^ manhaft
007344 daz er wol mit si^ner kraft
007345 vor in beiden tru^wet genesen ,
007346 ob ir zwe^ne waern gewesen .
007347 da^ }berda^hte er sich an ,
007348 wand ez gesigt ein kurzer man
007349 vil oft mit kunst an einem der
007350 spannen lenger ist dan er .
007351 ze stri^te was in beiden ger .
007352 Beslozzen wurden do^ die t}r .
007353 Ro^az der gie gewa^fent v}r ,
007354 michel als ein gi^gant .
007355 ein swert truoc er in der hant
007356 des ecke na^ch dem to^de sneit ;
007357 daz was wol einer spannen breit .
007358 einen schilt er ze schirme(n) truoc ,
007359 da^ he^t ein man an genuoc
007360 ze tragen }bern r}cke ;
007361 er waere zeiner br}cke
007362 gnuoc starc gewesen }ber einen bach ;
007363 dar an er gema^let sach ,
007364 als der wirt wolde ,
007365 von la^zu^re und von golde
007366 einen tracken vreisli^ch ;
007367 von golde was ein buckel ri^ch
007368 und von gesteine dru^f geslagen .
007369 den moht er mit e^ren tragen ;
007370 ze stri^te was er wol bereit .
007371 eine br}nje he^t er an geleit
007372 }ber einen wi^zen halsberc ,
007373 daz was heidenischez werc
007374 von breiten blechen h}rni^n ;
007375 mit golde wa^rn geleit dar i^n
007376 rubi^n und manic edel stein ,
007377 der glast da^ wider ein ander schein,
007378 saphi^re und berillen .
007379 er he^t na^ch si^nem willen
007380 einen helm herter danne ein glas ,
007381 der ouch des selben sta^les was
007382 u^z der innern Indi^a^ ,
007383 als diu gl{vi^e die er da^
007384 in dem wurme stecken lie .
007385 umb den helm ein li^ste gie
007386 von golde zweier vinger breit ;
007387 oben was dar in geleit
007388 mit gesmelze ein adamas ;
007389 von golde dru^f gemeistert was
007390 ein tracke als er lebte
007391 und ob dem helme swebte .
007391 si^n i^senhosen die wa^rn guot .
007392 si^n herze he^t eins lewen muot
007393 ze m{nli^chem stri^te .
007395 si^n wi^p , diu vrouwe Japhi^te ,
007396 na^ch im mit ho^hem muote gie ;
007397 vor ir zwelf m{gde , die
007398 wa^ren su^berli^ch genuoc .
007399 eine kerzen ir iesli^chiu truoc ,
007400 gro^z , gwunden , diu vaste bran .
007401 guotiu kleider he^tens an
007402 von pfelle , roc unde dach ;
007403 gefurrieret man darunder sach
007404 lu^ter veder die wa^rn bunt .
007405 gro^ziu swaere was in unkunt
007406 und der wunsch geteilet so^
007407 daz si von schulde wa^ren vro^ .
007408 ir zobel wa^ren ri^che ;
007409 ie zwo^ und zwo^ geli^che
007410 neben ein ander giengen .
007411 }ber die m{ntel hiengen
007412 ir z|pfe verre hin zetal ,
007413 wol bewunden }ber al
007414 mit borten und mit si^den .
007415 swer von in solde li^den
007416 tru^ten unde minne ,
007417 dem waeren si^ne sinne
007418 wol getiuret da^ von .
007419 armuot wa^rens ungewon :
007420 ez schein wol an ir ri^chen wa^t
007421 daz dehein unra^t
007422 ir deheiniu nie gewan .
007423 ie neben zwein ein spilman
007424 vil s}eze videlunde gie ,
007425 der deheiner dem andern nie
007426 einen grif }bersach .
007427 zaller jungest gie dar na^ch
007428 diu schoene vrouwe Japhi^te .
007429 daz was gar u^z dem stri^te
007430 sine waer diu schoenest under in .
007431 einen mantel truoc si zobeli^n ,
007432 bedaht mit einem pfelle ,
007433 den he^t ir ir geselle
007434 verre bra^ht }ber se^ ;
007435 die w}rme Salamandre^
007436 worhten in in dem viure ;
007437 da^ von was er tiure
007438 und m}eli^ch ze gwinnen
007439 andern k}niginnen .
007440 ir muoter was der selbe berc
007441 da^ noch daz si^di^ne werc
007442 die w}rme Salamandre^
007443 inne w}rkent alsam e^ .
007444 der berc ist hol unde wi^t ,
007445 mit kreften brinnet er zaller zi^t
007446 in der gro^zen Asi^a^ .
007447 dem wurme Salamandra^
007448 durch si^n wunder ha^t got gegeben
007449 in dem viure ein vremdez leben ,
007450 als wirz an den buochen lesen .
007451 niht lebendes drinne mac genesen ,
007452 ezn verbrinne ze pulver gar ;
007453 des habt ir ofte genomen war .
007454 ditz maere sage ich iu v}r wa^r .
007455 Sus kom diu vrouwe Japhi^te
007456 zuo ir vriundes stri^te
007457 gegangen harte scho^ne .
007458 eine guldi^ne kro^ne
007459 truoc diu vrouwe he^re .
007460 an ir was vrouwen e^re
007461 und ganziu triuwe veste .
007462 deheiner slahte gebreste ,
007463 der ie an deheinem wi^be wart ,
007464 des was ir li^p wol bewart ,
007465 wan daz si ungetoufet was ;
007466 lu^ter als ein spiegelglas
007467 was si vor anderm meine .
007468 vrouwe Japhi^te diu reine
007469 u^f eine ho^he br}cke saz ,
007470 daz nie dehein br}cke baz
007471 von betten wart geslihtet ,
007472 mit tepten wol berihtet ,
007473 und mit liehten pfellen .
007474 do^ sach si ir gesellen
007475 gewa^fent gegen dem gaste ge^n .
007476 die m{gde hiez si ho^her ste^n
007477 alle neben ein ander da^ .
007478 sus huop sich der stri^t sa^
007479 under den herren beiden .
007480 geboten he^t der heiden
007481 allen den si^nen daz
007482 benamen bi^ ir li^be , swaz
007483 im geschaden m|hte ein man ,
007484 swa^ si daz m|hten understa^n
007485 mit werken od mit raeten ,
007486 daz si des niht entaeten .
007487 ouch was diu vrouwe Japhi^te
007488 niht strenge an dem stri^te
007489 swaz er ze la^zen ir gebo^t :
007490 e^ waer si gelegen to^t ,
007491 swaz er si la^zen hieze ,
007492 e^ si daz niht enlieze .
007493 daz waer ouch noch guot wi^bes sit ,
007494 daz si iht harte wider strit
007495 und daz mit willen taete
007496 swes si ir vriunt gebaete ,
007497 so^ belibe ir minne staete .
007498 Ro^az mit zorne zuo im gie ;
007499 unminnicli^che er in enpfie
007500 u^f den schilt mit starken slegen .
007501 do^ entweich im der werde degen
007502 mit scherme allez u^f den sal .
007503 ouch sluoc er daz der helm erschal
007504 under wi^len , als er mohte .
007505 swen im si^n slahen tohte ,
007506 so^ sluoc er , daz der schiltes rant
007507 sich vil vaste unz u^f die hant
007508 kloup engegen der buckel nider .
007509 so^ treip in abe der heiden wider
007510 mit starken slegen gegen der t}r .
007511 sus entweich er wider unde v}r
007512 mit listen v}r die vrouwen .
007513 die schilte wurden zehouwen
007514 vil se^re von in beiden .
007515 sin getorste niemen scheiden ,
007516 noch dar zuo gesprechen ein wort ,
007517 wan der waere gewesen mort
007518 von im , des he^t er gesworn .
007519 den selben stri^t he^t er erkorn
007520 im ze vehten eine .
007521 vrouwe Japhi^te diu reine
007522 klagte des jungen ri^ters no^t .
007523 si was gewis daz im der to^t
007524 da^ von ir vriunde waere beschert .
007525 und ist daz er sich des erwert ,
007526 so^ ha^t ir huote diu saelicheit
007527 mit vli^ze wol an in geleit ,
007528 wan so^ ha^t der ri^ter gar
007529 swaz im leides ie gewar
007530 mit liebe }berwunden
007531 und ganze vreude vunden .
007532 des was ab si gar a^ne wa^n ,
007533 wan der k}nic Ro^az , ir man ,
007534 was ein helt ze si^ner hant ;
007535 si^nen geli^chen niemen vant
007536 }ber al die heidenschaft ;
007537 er he^t m{nli^che kraft
007538 und ganze kunst ze stri^te ;
007539 des sluoc er wunden wi^te ;
007540 da^ von wart manger sigelo^s
007541 der si^nen li^p von im verlo^s .
007542 er was gar a^ne triuwe ;
007543 si^n herze da^ von riuwe
007544 und vil gro^ze swaere gevie ,
007545 swen er ze guote iht begie ;
007546 grimmes muotes was er vol .
007547 daz erzeiget er disem ri^ter wol ,
007548 wand er mit slegen u^f in gie .
007549 er sluoc in daz er an diu knie
007550 kom vor vrouwen Japhi^ten .
007551 ditz was ein hertez stri^ten ,
007552 wandez muose gelten gar ,
007553 swaz si beide bra^hten dar :
007554 den li^p , guot und e^re .
007555 her Gwi^ga^lois vil se^re
007556 sich schamen des begunde
007557 und spranc u^f an der stunde ,
007558 als ez im nie waere geschehen .
007559 die vrouwen begunder an sehen ;
007560 der schoene gap im solhe maht
007561 daz er aber mit kreften vaht .
007562 da^ von wil ich den vrouwen jehen ,
007563 daz ir minnicli^chez sehen
007564 des mannes herze enz}ndet ;
007565 ir gro^ziu schoene sch}ndet
007566 u^f aller slahte vr}micheit ,
007567 ze tugent und ze manheit .
007568 daz hoere ich die vrumen sagen ,
007569 die von in dicke m}ezen tragen
007570 gro^ze liebe und herzeleit .
007571 mi^n lop waer in baz bereit ,
007572 waer mir ir heimli^che bekant ;
007573 sus schri^b ich mit vremder hant ,
007574 als der mit golde umbe ge^t
007575 des in niht gru^zwert beste^t .
007576 waer ich ein so^ werder kneht
007577 daz mir ir g}ete und ir reht
007578 baz kunt w}rde geta^n ,
007579 so^ schribe ich baz dan ich noch ha^n ;
007580 des sint si sus von mir erla^n .
007581 Na^ch vrouwen minne li^t manger to^t ;
007582 si v}egent ja^mer unde no^t ,
007583 herzeliebe und herzeleit .
007584 dise ri^ter wa^rn bereit
007585 ze dienen na^ch ir hulden .
007586 der heiden tet ez von schulden ,
007587 wand er he^t ein schoene wi^p ;
007588 dirre liez ab si^nen li^p
007589 bliuwen und zehouwen
007590 durch si^ne liebe vrouwen ,
007591 die schoenen magt La^ri^en ,
007592 die er zeiner a^mi^en
007593 si^nem li^be he^t erkorn
007594 ist daz ez da^ niht wirt verlorn .
007595 daz bewarte ouch er vil vaste .
007596 der heiden von dem gaste
007597 eine wunden in ein bein enpfie
007598 diu im an daz herze gie ,
007599 da^ von er an der stunde
007600 vil se^re hinken begunde .
007601 do^ daz si^n schoene wi^p ersach ,
007602 von gro^zem leide ir herze brach ;
007603 ir swaere begunde sti^gen
007604 und ir vreude si^gen ;
007605 ir schoene verwandelt sich da^ gar ;
007606 ir antl}tze wart missevar ,
007607 daz e^ in ho^hem (ge)m}ete
007608 baz danne ein ro^se bl}ete .
007609 ir swaere daz bescheinde
007610 daz si in mit triuwen meinde ;
007611 diu ougen ir }ber liefen ;
007612 vil mangen siuften tiefen
007613 den nam si u^f von herzen
007614 umb ir gesellen smerzen ;
007615 der tet ir innicli^che we^ .
007616 dise zwe^ne ri^ter als e^
007617 ein ander vaste umbe triben ,
007618 unz daz in niht was beliben
007619 der schilte wan die riemen .
007620 do^ schiet si leider niemen ,
007621 vrouwen , ri^ter noch kneht ;
007622 ir gir was zesamne sleht
007623 beiden u^f des to^des wa^n ;
007624 dazn getorste niemen understa^n .
007625 valsches slo^z , untriuwen zil
007626 daz was der heiden , der daz spil
007627 si^nem muote he^t erkorn ,
007628 dar inne der to^t als ein dorn
007629 in dem meien bl}ete .
007630 zorn und ungem}ete ,
007631 daz uns tuot we^ , daz tet im wol .
007632 si^n barmunge alsam ein kol
007633 was , daz gar erloschen ist .
007634 des leben he^t deheine vrist ,
007635 swen si^n mortgirigiu hant
007636 an deheinem stri^te }berwant :
007637 des leben wart des to^des pfant .
007638 Do^ va^hten si unz an die zi^t
007639 daz ir ri^terli^cher stri^t
007640 mit gro^zem ja^mer ende nam .
007641 ir ietweder a^ne scham
007642 vil gro^ze slege da^ enpfie .
007643 geselleschaft diu was hie
007644 under in beiden tiure .
007645 ir helme mit viure
007646 vil ofte wurden bedaht ;
007647 sus va^hten si die langen naht .
007648 si muosen sich vil vaste wern
007649 und mit starken slegen nern ,
007650 wand ez galt li^p unde guot .
007651 si he^ten beide mannes muot ,
007652 beidiu kunst unde kraft ;
007653 da^ von was diu ri^terschaft
007654 herte under in beiden .
007655 her Gwi^ga^lois den heiden
007656 mit des swertes orte nam .
007657 do^ er im so^ na^hen kam ,
007658 er kloup im br}nje und i^sengwant ;
007659 durch die brust er im zehant
007660 sluoc eine starke wunden ,
007661 da^ von er }berwunden
007662 sich dem to^de muose ergeben .
007663 sus endet sich der werlte leben ;
007664 vreude , guot und e^re
007665 des wirt in niht me^re
007666 dan mir des keisers kro^ne ;
007667 wan swer na^ch gotes lo^ne
007668 in dirre werlt gedienet ha^t ,
007669 swen ez im an die zi^t ga^t
007670 daz er niht lenger leben sol ,
007671 der vert saelicli^che wol ;
007672 also^ m}eze ouch uns geschehen .
007673 do^ vrouwe Japhi^te he^t ersehen
007674 daz ir man da^ to^ter lac ,
007675 ir s}ezen sit si verpflac
007676 und zarte ir si^di^n gewant ;
007677 mit gro^zem ja^mer si zehant
007678 }ber in lief da^ er lac .
007679 von si^nem to^de si erschrac
007680 so^ se^re daz ir herze brast
007681 lu^te als ein d}rrer ast ,
007682 swa^ man den bricht enzwei .
007683 si viel }ber in und schrei
007684 ein so^ jaemerli^che stimme ,
007685 dehein man waer so^ grimme
007686 des muotes noch des herzen ,
007687 he^t er ir ja^mers smerzen
007688 und ir gro^ze klage ersehen ,
007689 im waer ze weinen geschehen .
007690 den helm bant si im abe
007691 mit so^ gro^zer ungehabe
007692 daz ez was zerbarmen ;
007693 mit ir wi^zen armen
007694 druhte si in also^ to^ten
007695 an sich ; er was verschro^ten ,
007696 mit bluote berunnen gar ;
007697 des nam si vil l}tzel war ;
007698 si kuste in , als er waere gesunt ,
007699 vil dicke an si^nen to^ten munt
007700 und weinde in jaemerli^che an .
007701 si sprach " owe^ , lieber man ,
007702 nu ha^stu di^nen schoenen li^p
007703 verloren umb mich armez wi^p ;
007704 daz tuot mir herzenli^che we^ ;
007705 ouch sol ich mich niht su^men me^
007706 ichn werde di^n geselle
007707 ze himel od zer helle ,
007708 swederhalp wir m}ezen si^n ;
007709 owe^ , lieber herre mi^n ,
007710 daz ich dich to^ten ie gesach ! "
007711 ir ha^r si u^z der swarten brach ;
007712 daz was minnicli^ch gevar ,
007713 reit unde lanc gar .
007714 si sprach " wa^ nu Machme^t ?
007715 di^ne helfe ich ie he^t
007716 ze ganzem tro^ste und di^n gebot ;
007717 Machme^t , vil s}ezer got ,
007718 ich ha^n dich geminnet ie ;
007719 wem ha^stu mich nu la^zen hie ?
007720 er li^t to^ter hie vor mir ,
007721 den ich bevalch mit dienest dir ,
007722 si^t ich si^n kunde alre^rst gewan .
007723 owe^ , Ro^az , vil lieber man ,
007724 ich muoz dich klagen , des ge^t mir no^t ;
007725 von di^nem to^de bin ich to^t ;
007726 du waere mi^n herze und mi^n li^p ,
007727 ich di^n herze und di^n wi^p ;
007728 wir he^ten beidiu einen muot :
007729 swaz ich wolde , daz du^ht dich guot ;
007730 swaz du woldest , daz wolde ouch ich ;
007731 nu ha^t der ganze wille sich
007732 von di^nem to^de gescheiden
007733 enzwischen uns beiden ;
007734 si^t di^n herze ie was mi^n
007735 und aller mi^n wille di^n ,
007736 so^ sol di^n to^t mi^n to^t ouch si^n ! "
007737 Si huop in in ir scho^ze hie ;
007738 mit beiden armen si in umbvie
007739 mit so^ jaemerli^cher klage ,
007740 swie truckenli^che ichz da^ sage ,
007741 da^ von ir herze d}rkel wart .
007742 owe^ der kl{geli^chen vart
007743 und der jaemerli^chen no^t !
007744 sus lac si klagende ob im to^t .
007745 swie si waer ein heidenin ,
007746 ganze triuwe und staeten sin
007747 mit liebe si an in ke^rte ,
007748 als si diu minne le^rte .
007749 herzeliebe ist arbeit ;
007750 ir ende bringet herzeleit .
007751 daz wart wol an der vrouwen schi^n ;
007752 waer si niht ein heideni^n ,
007753 so^ m}ese ich klagen ir ja^mers no^t .
007754 hie la^gen samet vieriu to^t :
007755 zwo^ se^le und zwe^ne li^be ;
007756 dem manne und si^nem wi^be ,
007757 der se^le vor got sint erslagen ;
007758 solhen to^t sol man klagen .
007759 wol in , der dem entrinnen mac
007760 und der den e^wicli^chen tac
007761 verdienet ; der ha^t wol gevarn .
007762 er ist ein saelic muoterbarn ,
007763 swer dise werlt gebu^wet also^
007764 daz si^nes to^des si^n se^le ist vro^ ;
007765 des leider nu^ niht vil erge^t .
007766 her Gwi^ga^lois gestriten he^t ,
007767 daz er des bluotes was ersigen ;
007768 er he^t sich also^ gar erwigen
007769 daz er v}r to^t ouch lac alda^ .
007770 sich huop vil gro^ziu klage sa^ ;
007771 in dem hu^se }ber al
007772 wart ein jaemerli^cher schal
007773 von dem gesinde daz da^ was .
007774 si liefen u^f den palas
007775 schri^unde owe^ , und rouften sich ;
007776 ir klage diu was jaemerlich
007777 umb ir herren der was erslagen .
007778 ouch muosen si von schulden klagen
007779 des reinen wi^bes triuwe ,
007780 diu von herzenriuwe
007781 durch ir gesellen lac da^ to^t ,
007782 als ir der minne kraft gebo^t .
007783 diu twinget manic herze ;
007784 ir ende ist ja^mers smerze ,
007785 als ich iu hie bescheide ;
007786 liep zerge^t mit leide .
007787 also^ zergienc ir vreude gar ,
007788 die si mit ganzer liebe dar
007789 he^ten bra^ht vil manic ja^r .
007790 Owe^ dir , to^t ! du bist ein hagel ;
007791 vil bitter riuwe treit di^n zagel
007792 und jaemerli^chez ende ;
007793 di^n slo^z und di^n gebende
007794 bindet und besliuzet daz
007795 da^ von diu ougen werdent naz :
007796 daz ist ja^mer unde leit .
007797 ein ri^ter hie di^n wa^fen treit ,
007798 der ez ie vil gerne gap .
007799 si^n hant vil mangen in daz grap
007800 mit ri^ters were ha^t geleit .
007801 sold ich von si^ner manheit
007802 nu sagen und von si^ner kraft ,
007803 die er begie mit ri^terschaft ,
007804 und wie er muose stri^ten ,
007805 do^ er die vrouwen Japhi^ten
007806 mit dem hoehsten pri^se erwarp ,
007807 da^ manic edel v}rste starp
007808 vor Babylo^n von si^ner hant -
007809 a^voy , wie wol da^ wart bekant
007810 si^n kraft und si^n manheit !
007811 mit ri^terli^cher were er reit
007812 durch die poinder mit slegen wider .
007813 von si^ner jost viel da^ nider
007814 vil manic stolzer Babylo^n
007815 do^ den k}nic von Ascalo^n
007816 valte da^ si^n lanze ;
007817 der tet im fi^anze :
007818 daz spricht entiuschen sicherheit .
007819 Ro^az so^ ri^terli^che streit
007820 daz er den pri^s da^ gewan ,
007821 als er e^ oft he^t geta^n :
007822 in einem stri^te vor Do^mas ,
007823 da^ manic ri^cher v}rste was ,
007824 k}nige ,gra^ven , herzogen ,
007825 si^n pri^s so^ ho^he da^ wart gezogen
007826 daz in niemen mohte erlangen .
007827 erslagen und gevangen
007828 vuort er die v}rsten in die stat .
007829 si^n pri^s sagt in da^ allen mat ;
007830 sus steic er ie daz hoehste pfat .
007831 Swaz er mit si^ner manheit
007832 ganzes lobes he^t bejeit
007833 vil ri^terli^che si^ne tage ,
007834 daz wirt ze lanc , ob ich daz sage ;
007835 da^ von wil ichz nu^ verdagen .
007836 hie was gro^z weinen unde klagen
007837 von den m{gden wol geta^n .
007838 der tac begunde ouch u^f ga^n ;
007839 entslozzen wurden diu b}rgetor .
007840 da^ saz ein alter v}rste vor ,
007841 der gra^ve Adam von A^la^ri^e .
007842 si^ner bruoder dri^e
007843 sluoc Roa^z mit si^ner hant .
007844 si^nen li^p und ouch si^n lant
007845 muos er in si^nen gwalt geben .
007846 also^ liez er in do^ leben
007847 daz er si^n portenaere
007848 unz an si^n ende waere ;
007849 des he^t er si^ne sicherheit .
007850 ditz was ein jaemerli^chez leit
007851 daz ouch bi^ im da^ lac erslagen
007852 der gwalticli^che solde tragen
007853 in dem lande ze Mirmido^ne
007854 beidiu zepter unde kro^ne .
007855 den vie Ro^az vor Do^mas ,
007856 wand er im da^ vor lange was
007857 herzenli^che vi^nt gewesen .
007858 durch vrouwen bet liez er genesen
007859 den selben v}rsten , do^ ern vie ;
007860 er muose ouch dirre porte hie
007861 h}eten unz an si^nen to^t ,
007862 als im diu sicherheit gebo^t
007863 die er Ro^az he^t geta^n .
007864 nu erho^rte ir klage der gra^ve Ada^n
007865 und ir jaemerli^chen schal ,
007866 der sich da^ huop u^f dem sal
007867 von den m{gden wol geta^n ,
007868 und daz daz tor wart u^f geta^n .
007869 des nam in wunder und gie dar .
007870 do^ vant er daz gesinde gar
007871 in jaemerli^cher riuwe .
007872 ir klage diu was niuwe
007873 umb den wirt der was erslagen .
007874 ouch muosen si mit triuwen klagen
007875 die reinen wirtinne ,
007876 diu guotes wi^bes sinne
007877 bra^hte unz an ir ende .
007878 a^ne missewende
007879 lac diu vrouwe Japhi^te to^t ;
007880 des twanc si ganzer triuwe no^t
007881 und herzenli^chiu minne .
007882 se^le , li^p und sinne
007883 schiet diu herzeleide .
007884 nu seht wer si da^ scheide ,
007885 herzeliep od herzeleit ,
007886 wie wirt daz g{nzli^ch geseit ?
007887 si^t ich si^n niht gesagen kan ,
007888 wa^ ist nu^ wi^ser man ,
007889 der mir den stri^t bescheide ?
007890 starp si von herzeleide ,
007891 daz muose von herzeliebe si^n ;
007892 diu gap ir herze solhen pi^n
007893 da^ von ir schoener li^p verdarp .
007894 ich waens et von in beiden starp ;
007895 anders ich mich niht verste^n .
007896 sold ich dem stri^te na^ch ge^n ,
007897 so^ w}rde der rede li^hte ze vil ;
007898 da^ von ich mich niht su^men wil
007899 an der a^ventiure .
007900 ist dehein cre^atiure
007901 diu ganzer triuwe geniezen sol ,
007902 so genist mi^n vrouwe Japhi^te wol ,
007903 wan si was ganzer triuwe vol .
007904 Hie ist diu a^ventiure geholt .
007905 wa^ ist nu der minne solt ,
007906 des wunsches a^mi^e ,
007907 diu schoene La^ri^e ?
007908 hie li^t ir vriunt , her Gwi^ga^lois ,
007909 den der milte Britanois ,
007910 der k}nic Artu^s , ha^t gesant
007911 zer a^ventiure , daz er daz lant
007912 solde erwerben und die maget .
007913 owe^ , daz den niemen klaget !
007914 er li^t hie leider a^ne kraft ,
007915 der mit rehter ri^terschaft
007916 und mit ganzer manheit ,
007917 als uns diu a^ventiure seit ,
007918 vil mangen ho^hen pri^s gewan .
007919 er lac da^ als ein to^ter man
007920 a^ne kraft und a^ne sin .
007921 die juncvrouwen he^ten in
007922 von dem houbte entwa^fent gar
007923 und na^men des vil rehte war
007924 ob er lebte od waere to^t .
007925 do^ wa^ren im diu hiufel ro^t
007926 und allez lebeli^ch geta^n .
007927 do^ wolde in erslagen ha^n
007928 vor leide diu vil s}eze schar .
007929 des wart der gra^ve Ada^n gewar ;
007930 vil se^re muot in si^n ungemach .
007931 er lief }ber in und sprach
007932 " ey , guoten vrouwen ! habt ir den muot
007933 daz ir disem ri^ter guot
007934 si^nen li^p nemen welt ,
007935 der ri^terli^che als ein helt
007936 die a^ventiure erstriten ha^t ?
007937 daz ist ein gro^ziu misseta^t ,
007938 wand er durch vrouwen minne
007939 li^p , guot und sinne
007940 ha^t verloren vil na^ch gar .
007941 nu nemt , ir edeln vrouwen , war ,
007942 swa^ ein so^ guot ri^ter lebe ,
007943 wie mangem herzen er vreude gebe .
007944 la^t mich in neren ob ich m}ge ;
007945 ja^ waen ie wi^bes brust ges}ge
007946 bezzer ri^ter dan er ist .
007947 nu gebet si^nem leben vrist
007948 unz erz verliese als ers ger ;
007949 ja^ kan er wol mit si^nem sper
007950 ri^terli^chen to^t bejagen .
007951 w}rd er von wi^bes hant erslagen ,
007952 des leben a^ne misseta^t
007953 si^ne zi^t behalten ha^t
007954 und der von si^ner manheit
007955 den aller hoehsten pri^s nu treit ,
007956 daz w}rde ein jaemerli^chez leit .
007957 Ir mugt in gerne la^zen leben .
007958 iun mac si^n to^t doch niht gegeben
007959 die vrouwen noch den wirt wider .
007960 si^n }bermuot der valte in nider
007961 und si^n gewalt den er begie
007962 an dirre juncvrouwen hie ,
007963 vrouwen La^ri^en , der schoenen maget .
007964 der sluoc er , als mir ist gesaget
007965 ir vater , der hie scho^ne
007966 truoc zepter unde kro^ne
007967 na^ch k}nicli^cher werdecheit .
007968 nu ha^t errochen daz selbe leit
007969 dirre helt mit si^ner hant !
007970 dem erteile ich maget unde lant .
007971 ouch wil ich im v}r disen tac ,
007972 swa^ ich kan unde mac ,
007973 mit li^be und mit guote
007974 dienen na^ch si^nem muote ;
007975 daz ist mi^n reht : ich bin si^n man ;
007976 swaz man im tuot od ha^t geta^n ,
007977 daz hilfe ich rechen swa^ er wil .
007978 ich bin komen u^f daz zil
007979 daz mi^nes leides wirdet ra^t ;
007980 mi^n sicherheit ein ende ha^t
007981 die ich dem k}nige he^t geta^n
007982 ich solde nimmer komen dan ,
007983 die wi^le er lebte , von dem tor ;
007984 da^ h}ete ouch nu^ ein ander vor !
007985 der mich da^ von enbunden ha^t ,
007986 dem sol mi^n helfe und mi^n ra^t
007987 immer undertaenic si^n .
007988 nu ste^t u^f , lieber herre mi^n !
007989 ich tuon iu helfe mit triuwen schi^n . "
007990 Er rihte in u^f und sach in an .
007991 si^n h{rsenier daz was im dan
007992 von dem houbte enbunden gar .
007993 von bluote diu wangen und si^n ha^r
007994 diu wa^ren jaemerli^ch geta^n .
007995 " owe " , sprach der gra^ve Ada^n
007996 " di^ner lieben a^mi^en ,
007997 der schoenen magt La^ri^en !
007998 diu muoz immer si^n unvro^ ,
007999 verdirbt di^n schoener li^p also^
008000 in ir minne dienest hie . "
008001 von dem namen do^ gevie
008002 kraft der halpto^te man ;
008003 er su^fte se^re und sach si an
008004 die bi^ im da^ wa^ren do^ .
008005 des wart der gra^ve Ada^n vil vro^ ;
008006 er sprach " herre , gehabt iuch wol !
008007 iuwer leit sich hie enden sol .
008008 ez ha^t erstriten iuwer hant
008009 eine schoene maget und ein lant
008010 dem sich niht geli^chen mac . "
008011 nu was ez also^ ho^her tac
008012 daz diu sunne erzeicte ir schi^n .
008013 do^ weinde manic heideni^n
008014 von ho^her (ge)burt u^z Asi^a^
008015 ir vil lieben vrouwen da^ ,
008016 die getriuwen vrouwen Japhi^ten .
008017 ezn lebte bi^ den zi^ten
008018 dehein vrouwe mit so^ reinen siten .
008019 owe^ , wan solde ich guotes biten
008020 ir se^le der li^p also^ verdarp !
008021 diu vrouwe von herzeleide starp .
008022 ich geloube daz si s}l genesen ;
008023 diu wa^re riuwe ist gewesen
008024 ir touf an ir ende .
008025 herre got , nu sende
008026 ze schirme ir di^ne barmicheit ,
008027 diu manger se^le ist bereit .
008028 herre , get}rre es iemen gern ,
008029 so^ soltu si gena^den wern ,
008030 daz si genieze ir triuwe :
008031 ir touf was diu riuwe
008032 die si dolte umb ir liep .
008033 do^ kom der to^t als ein diep
008034 und stal dem reinen wi^be
008035 daz leben u^z ir li^be .
008036 als ich iu e^ ha^n geseit ,
008037 herzeliebe ist arbeit ;
008038 ir ende bringet herzeleit .
008039 Diu burc glaste als ein glas .
008040 niht ri^ter me^r dar u^ffe was ,
008041 niwan dise zwe^ne man ,
008042 her Gwi^ga^lois und gra^ve Ada^n .
008043 ich sagiu wa^ von daz geschach
008044 daz man niht ri^ter dru^ffe sach :
008045 der k}nic was an angest gar
008046 daz durch daz tor iemen dar
008047 m|hte komen vor dem rade ;
008048 ouch was si^n angest ein ander schade :
008049 er vorhte daz ir minne
008050 vil li^hte diu k}niginne
008051 gewante an einen andern man .
008052 deiswa^r , desn he^t si niht geta^n , -
008053 daz erzeiget si an ir to^de si^t -
008054 wan daz diu liebe zaller zi^t
008055 ir liep vil gerne mit huote ha^t .
008056 an ir was aller huote ra^t ,
008057 wan si was a^ne misseta^t .
008058 Vierzic was der vrouwen ;
008059 dar under mohte man schouwen
008060 vil gro^zen ja^mer unde klage .
008061 v}r wa^r ich iu ein maere sage :
008062 ich wil geli^chen dirre no^t
008063 eines vil edeln v}rsten to^t
008064 von Mera^n , da^ ich ja^mer sach
008065 und von klage den ungemach
008066 von der werlte wunne ,
008067 ez m|hte diu liehte sunne
008068 ir schi^n da^ von verlorn ha^n .
008069 daz ta^ten vrouwen wol geta^n ,
008070 geboren von der hoehsten art
008071 diu ie in der werlt wart .
008072 da^ was solch ja^mer unde klage ,
008073 ob ich mi^n herze hie ganzez trage ,
008074 daz ich des niht gelouben mac .
008075 ich ho^rte da^ mangen gro^zen krac
008076 von reiner vrouwen herzen ;
008077 diu truogen ja^mers smerzen
008078 umb des edeln v}rsten to^t .
008079 si^ si^n se^le in deheiner no^t ,
008080 da^ nim si u^z , vil reiner Krist !
008081 wan du so^ bescheiden bist
008082 daz du der reinen wi^be klagen
008083 und si^ne no^t niht solt vertragen .
008084 gedenke bi^ di^ner menscheit
008085 wie broede s}eze ir leben treit ,
008086 und gip daz wir verdienen hie
008087 die vreude die dhein o^re nie
008088 geho^rte noch nie ouge ersach
008089 noch nie munt da^ von gesprach
008090 daz sich iht geli^che dar .
008091 herre , nim di^ner (ge)schefte war
008092 e^ dan si verzwi^vele gar .
008093 Got m}eze im dort genaedic si^n !
008094 nu wil ich an die rede mi^n
008095 wider gri^fen da^ ich si lie .
008096 her Gwi^ga^lois der lac hie
008097 under der tru^rigen schar .
008098 ein reiner muot erkucte im gar
008099 daz herze und si^ne sinne .
008100 er srpach " owe^ , minne ,
008101 ge^ret si^ di^n s}ezer nam !
008102 dir solde niemen wesen gram ;
008103 du bist ze sprechen ein lindez wort
008104 und treist iedoch vil scharfen ort
008105 und eine herte sni^de .
008106 waz ich von dir li^de
008107 kumbers und ha^n erliten !
008108 du ha^st ze na^hen mir gesniten
008109 enmitten durch daz herze mi^n !
008110 vrouwe Minne , ich muoz si^n
008111 di^n gevangen ; du ha^st mich gar
008112 mit di^ner kraft gezogen dar
008113 da^ von ich niht gewenken mac .
008114 ja^ ist si mi^nes herzen tac
008115 und der wunsch mi^ner sinne .
008116 vrouwe La^ri^e , k}niginne ,
008117 wenne sol ich dich gesehen !
008118 mi^niu ougen kunden rehte spehen
008119 do^ si dir pri^ses ja^hen !
008120 wenne kum ich dir so^ na^hen
008121 daz sich mi^n herze erk}ele an dir !
008122 du solt von rehte werden mir ,
008123 wand ich dich , vrouwe , erstriten han . "
008124 si^n gebaerde wart also^ geta^n
008125 sam si bi^ im waere da^ .
008126 gra^ve Ada^n der vienc in sa^ ;
008127 bi^ dem arme zo^ch er in dan .
008128 er sprach " herre , gedenket dar an
008129 daz iu nu^ daz waegest si^
008130 und la^t solhe gedanke vri^ .
008131 iuwer leit daz sol nu ende haben .
008132 die to^ten la^ze wir begraben
008133 und haben uns an der vreuden vart . "
008134 der rede im do^ gevolget wart
008135 do^ sich her Gwi^ga^lois versan .
008136 Ro^az der wart verstolen dan
008137 zehant von der tievel schar
008138 daz si^n da^ niemen wart gewar
008139 unz daz man in u^z solde tragen ;
008140 do^ huop sich alre^rst gro^zez klagen
008141 und weinen von den vrouwen .
008142 " hie bi^ mugt ir schouwen "
008143 sprach her Gwi^ga^lois der degen
008144 " daz unser toufe und unser segen
008145 ein schirm v}r den tievel ist .
008146 wolt ir gelouben an Krist ,
008147 na^ch dem wir kristen si^n genant ,
008148 so^ enpfienget ir zehant
008149 der engel geno^zschaft
008150 und enm|hte iu niht des tievels kraft
008151 geschaden noch si^n arger list
008152 vor dem der uns da^ schirmende ist ,
008153 wan daz ist der wa^re got .
008154 wir gelouben daz in si^nem gebot
008155 ist swaz ie geschaffen wart
008156 und daz er schirmet und bewart
008157 swaz si^n gena^de erkennet .
008158 unser gloube in also^ nennet :
008159 vater , sun  , he^rre geist .
008160 so^ ist daz unser volleist ,
008161 der gotes sun , der m{gde kint .
008162 die an disem glouben sint
008163 und behaltent kristen e^ ,
008164 die sint ze gna^den immer me^ .
008165 nu schaffet daz ez iu alsam erge^ ! "
008166 Mit triuwen sprach der gra^ve Ada^n
008167 " ich wirde im gerne underta^n
008168 swer vor dem tievel mich bewart .
008169 ez ist ein jaemerli^chiu vart
008170 sol nu der mensche ze helle varn .
008171 mac iuwer segen mich bewarn
008172 vor der helle und kristen e^ ,
008173 so^ne wil ich mich niht su^men me^
008174 ich enpfa^he der kristen e^ zehant .
008175 solde mi^n se^le des wesen pfant
008176 des der li^p hie bega^t ,
008177 und daz ir nimmer w}rde ra^t ,
008178 so^ne he^t ich hie niht wol gevarn ;
008179 den selben to^t sol ich bewarn .
008180 vervluochet si^ diu heidenschaft ,
008181 si^t an ir des tievels kraft
008182 si^nen gwalt mac erzeigen .
008183 ich wil mich da^ hin neigen
008184 da^ si^n gewalt ende ha^t
008185 und mi^ner se^le wirdet ra^t .
008186 wa^ nu^ der touf ? ich bin bereit ,
008187 si^t u^z unser e^ hin treit
008188 der tievel einen so^ werden man .
008189 mi^ner se^le ich niemen gan
008190 wan dem der si geschaffen ha^t ,
008191 in des gewalt diu werlt sta^t ,
008192 der ie was und immer ist .
008193 den nennet ir den wa^ren Krist ;
008194 der ist den ich da^ meine ;
008195 er ist got alters eine
008196 und iedoch endriu genamt ;
008197 si^n gotheit diu ist ensamt
008198 und immer ungescheiden .
008199 swie gar ich si^ ein heiden ,
008200 von dem gedanke kom ich nie
008201 ichn minnet iedoch den got ie
008202 der uns geschuof von nihte .
008203 nu bin ich an die rihte
008204 alre^rst des gelouben komen ;
008205 da^ von ich wunder ha^n vernomen ,
008206 dem wil ouch ich nu volgen na^ch ;
008207 zer toufe wart dem gra^ve ga^ch .
008208 do^ne was niht pfaffen bi^ im da^ .
008209 her Gwi^ga^lois der sprach sa^
008210 " wir sulen bi^ten , gra^ve Ada^n ,
008211 got ha^t wol zuo uns geta^n :
008212 er ha^t mir den sic gegeben
008213 und iu daz e^wige leben
008214 geoffent genaedicli^che ;
008215 sus si^ wir beide ri^che
008216 von gotes gna^den worden .
008217 ir sult in Kristes orden
008218 die toufe enpfa^hen und kristen e" ;
008219 ich wil benamen nu^ niht me^
008220 mi^n leit mit solhem ja^mer klagen .
008221 wir sulen got gena^de sagen
008222 und unser liep mit vreuden tragen . "
008223 Des volget im der gra^ve Ada^n .
008224 ir klage wart do^ hin geta^n ;
008225 ze vreuden rihten si ir leben .
008226 guot tro^st den vrouwen wart gegeben
008227 von dem jungen wirte da^ .
008228 vrouwen Japhi^ten truoc man sa^
008229 mit gro^zer klage v}r daz tor ;
008230 da^ legt man die reinen vor
008231 in einen ro^ten ja^chant .
008232 den sarc man da^ ste^nde vant
008233 u^f zwein siulen e^ri^n .
008234 zwei glas gesetzet wa^ren dar i^n
008235 zir v}eren und zir houbet , -
008236 ichn weiz ob irz geloubet -
008237 diu wa^rn gefult mit balsamo^ :
008238 den zunde man , und brinnet also^
008239 noch hiute , als mir ist geseit .
008240 u^f den sarc wart geleit
008241 ein saphir la^zu^rvar .
008242 den sarc he^t gemeistert dar
008243 Ro^az do^ er gewaltes pflac .
008244 wart Gahmuret ze Baldac
008245 von dem ba^ruc bestatet baz ,
008246 deiswa^r , daz la^ze ich a^ne haz ,
008247 wand er he^t gro^ze ri^cheit .
008248 umb disen sarc wart geleit
008249 von golde ein gro^zez vingerli^n : -
008250 dar an was ir triuwe schi^n -
008251 zwo^ hende na^ch der triuwe .
008252 mit herzenli^cher riuwe
008253 vrouwe Japhi^te wart begraben .
008254 mit guldi^nen buochstaben
008255 gesmelzet u^f den ja^chant
008256 ein e^pita^fi^um man vant
008257 gebrievet von ir to^de hie ,
008258 heidenisch und franzois , wie
008259 si starp von herzeleide .
008260 die schrift sagten beide
008261 " hie li^t in disem steine
008262 vrouwe Japhi^te diu reine ,
008263 der ganzer tugent niht gebrast .
008264 ir kiusche truoc der e^ren last .
008265 an staete gewancte nie ir muot ;
008266 si was gewizzen unde guot
008267 und truoc die wa^ren minne .
008268 mit z}hticli^chem sinne
008269 lebt si na^ch wi^pli^chem sit ;
008270 dem volget ganze triuwe mit .
008271 si was geborn von ho^her art .
008272 getriuwer wi^p niene wart
008273 geborn noch so^ valschlo^s .
008274 ir schoenen li^p si verlo^s
008275 von herzenli^cher riuwe ;
008276 den to^t gap ir diu triuwe
008277 die si Ro^az , dem heiden truoc ,
008278 den Gwi^ga^lois , der kristen , sluoc .
008279 diu vrouwe was ein heidenin ;
008280 von disem li^be schiet si hin
008281 leider ungetoufet .
008282 im selben er saelde koufet
008283 swer umb den andern vrumt gebet .
008284 nu w}nschet gna^den an dirre stet
008285 der se^le , swer die schrift hie lese ,
008286 daz ir got genaedic wese
008287 durch si^ne gro^ze erbarmicheit ,
008288 wan si den tot von triuwen leit ;
008289 diu riuwe ir abe daz herze sneit . "
008290 Beslozzen wart der edel stein .
008291 an ietwederm orte schein
008292 von golde ein rinc spanne wi^t ;
008293 da^ mit was zer selben zi^t
008294 der saphir u^f den sarc gehaben .
008295 von golde ein rouchvaz was ergraben
008296 besigelt u^f den ja^chant ,
008297 dar inne man zallen zi^ten vant
008298 mit s}ezem smacke brinnen da^
008299 diu reinen thymi^a^mata^ .
008300 sus wart der sarc gehe^ret ,
008301 gro^z ri^cheit dran geke^ret ,
008302 under einem (ge)welbe m{rmeli^n ;
008303 der gap wider ein ander schi^n ,
008304 ro^t , gr}ene , weiti^n und gel .
008305 daz gewelbe daz was sinwel ,
008306 mit gemaelde wol gezieret ,
008307 von golde geparrieret .
008308 ditz was der heiden bethu^s .
008309 der ri^che k}nic Artu^s
008310 m|hte mit aller si^ner habe
008311 die gezierde an dem grabe
008312 niht ha^n erziuget und den stein ,
008313 do^ er aller ri^chest schein ,
008314 dar inne diu vrouwe bestatet was .
008315 der estrich was als ein glas
008316 lu^ter , gr}ene , spiegelvar .
008317 daz gewelbe he^t gemeistert dar
008318 Ro^az durch si^nen ho^hen muot .
008319 er he^t a^ne ma^ze guot ;
008320 daz schein an der gezierde wol .
008321 nu was si^n ho^chvart als ein kol
008322 mit dem li^be erloschen gar .
008323 sus wa^rn verendet si^niu ja^r ,
008324 als ich iu gesaget ha^n .
008325 do^ diu bivilde wart geta^n ,
008326 ( do^ ) giengen die vrouwen wol geta^n
008327 und daz gesinde mit klage dan
008328 da^ her Gwi^ga^lois do^ stuont .
008329 si ta^ten als die wi^sen tuont ,
008330 die a^ne helfe mit leide lebent
008331 und sich dem zwi^vel gar ergebent :
008332 si erga^ben sich in si^n gebot
008333 und manten in bi^ dem wa^ren got
008334 daz er bedaehte ir swaere
008335 und in genaedic waere ;
008336 si wolden im wesen underta^n :
008337 des antwurt in der gra^ve Ada^n
008338 an der selben stunde ,
008339 wand er die spra^che kunde ,
008340 heidenisch und franzois .
008341 er sprach " mi^n herre , her Gwi^ga^lois
008342 der wil iu gerne wesen guot ,
008343 ob ir na^ch si^nem willen tuot ;
008344 daz ist si^n rede und ouch si^n muot . "
008345 Si spra^chen " herre , wir si^n bereit
008346 im na^ch si^ner werdicheit
008347 ze dienen als si^n wille gert .
008348 er ist so^ biderbe und so^ wert
008349 daz er uns niht verderben la^t .
008350 swaz mi^n herre hie (ge)la^zen ha^t ,
008351 daz nem er gar in si^ne pflege . "
008352 sus wi^sten si in von dem wege
008353 und zeicten im silber unde golt .
008354 si wurden im von herzen holt
008355 durch si^ne tugent reine .
008356 golt und edel(ge)steine
008357 des vant er a^ne ma^zen vil ;
008358 do^ was ab si^ner vreuden zil
008359 von im ze verre ; daz tet im we^ .
008360 geltes engerte er niht me^
008361 wan daz er si^ne a^mi^en ,
008362 die schoenen La^ri^en ,
008363 da^ bi^ im he^t na^ch si^ner no^t .
008364 dem gra^ven Ada^n er gebo^t ,
008365 swaz er da^ guotes v}nde ,
008366 daz er sichs underw}nde
008367 und ez im behielte durch si^n bet ;
008368 sus underwant sich an der stet
008369 der gra^ve alles des da^ was .
008370 do^ giengens u^f den palas .
008371 da^ vunden si den halsberc
008372 und daz heidenische werc
008373 dar inne Ro^az wart erslagen ;
008374 daz hiez der alte gra^ve tragen
008375 in ein kemena^ten von dem wege .
008376 do^ he^t er gar si^ner pflege
008377 daz hu^s und alle die ri^cheit
008378 diu da^ zesamne was geleit ,
008379 und swaz diu mu^re umbe vie .
008380 mit dem gra^ven er do^ gie
008381 in eine kemena^ten dan ;
008382 da^ entwa^fent in der gra^ve Ada^n
008383 und wuosch im si^ne wunden ;
008384 dar na^ch wart er gebunden
008385 mit vil gro^zem vli^ze wol .
008386 si^n herze wart da^ vreuden vol ,
008387 wand er he^t }berwunden gar
008388 swaz im leides ie gewar ;
008389 diu saelde was si^n geleite dar .
008390 Do^ gebunden wart der degen
008391 und eine wi^le was gelegen
008392 durch ruowe und einen sla^f getet ,
008393 do^ entwachte er und sprach si^n gebet .
008394 er gena^det got vil tougen
008395 mit wazzerri^chen ougen
008396 der gena^den die er an im begie .
008397 dar na^ch er mit dem gra^ven gie
008398 da^ er den tisch gerihtet vant ;
008399 do^ saz er und enbeiz zehant .
008400 der gra^ve truoc im die spi^se dar
008401 vil willicli^ch ; do^ nam er war
008402 daz si^n triuwe und si^n muot
008403 wider in was ganz unde guot ;
008404 do^ne he^t er deheinen zwi^vel me^ .
008405 im tet niwan der ja^mer we^
008406 na^ch der m{gde wol geta^n ;
008407 der was si^n li^p underta^n
008408 mit herzen und mit sinne ;
008409 er truoc die wa^ren minne
008410 ir mit ganzer staeticheit .
008411 ouch was si dar an verzeit
008412 daz er iht lebte ; daz was ir klage
008413 in ir muote aller tage ,
008414 wan si im guoten willen truoc ;
008415 si^n leit ir an daz herze sluoc ,
008416 des si doch niemen zuo gewuoc .
008417 Als der helt enbizzen was ,
008418 do^ gienc er von dem palas
008419 durch schouwen v}r daz b}rgetor ;
008420 da^ vant er gesatelt vor
008421 ein harte schoene kastela^n .
008422 do^ bat in der gra^ve Ada^n
008423 dar u^ffe erringen si^nen muot ;
008424 des volget er im und du^hte in guot .
008425 do^ er u^f daz ros gesaz ,
008426 si^ns ja^mers er ein teil vergaz
008427 und vie ze vreuden niuwen muot ,
008428 als der guote ri^ter tuot
008429 wen er ze velde kumt geriten
008430 und er na^ch ri^terli^chen siten
008431 si^n ros ze rehte ersprenget
008432 und im daz wol verhenget
008433 na^ch si^nem willen als er wil .
008434 da^ hebet sich reht ri^terspil
008435 swa^ der vil zesamne kumt
008436 den beidiu kunst und ellen vrumt ;
008437 da^ wirt gehurt unde geslagen ,
008438 da^ von si ma^l m}ezen tragen
008439 gro^ze wunden unde biulen
008440 von swerten und von kiulen ;
008441 ouch wirt verstochen li^hte ein sper
008442 so^ dort kumt gevaren her
008443 ein poinder der niht vrides gert .
008444 ein kranker z}gel unlange wert
008445 ern breste von z}gen li^hte enzwei .
008446 w}rde genomen ein turnei
008447 von den o^sterherren u^f daz Sant ,
008448 da^ w}rde gevaterschaft entrant
008449 so^ sich die poinder vlaehten
008450 und na^ch gewinne daehten .
008451 ich ha^n ir sliche wol ersehen ,
008452 wie si na^ch guote kunnen spehen
008453 so^ sich der poinder wirret
008454 und si diu stat niht irret .
008455 da^ mac verliesen wol ein man
008456 der niht mit ri^terschefte kan
008457 swaz er ze velde bringet .
008458 nu he^t vil wol geringet
008459 der junge ri^ter si^nen muot .
008460 daz ros was im v}r tru^ren guot ;
008461 si^n geverte im niuwe vreude gap .
008462 er reit ez in den walap
008463 dar na^ch in die rabi^ne ;
008464 er liez die schenkel si^ne
008465 ze rehte vliegen gegen der man .
008466 swer nu ri^ter pr}even kan
008467 und an in rehten pri^s erspehen ,
008468 he^t er den ri^ter do^ gesehen ,
008469 er m}ese im ganzes pri^ses jehen .
008470 Sus reit er gegen der burc wider ;
008471 von dem rosse erbeizter nider
008472 und haftez v}r daz b}rgetor
008473 an einer linden ast enbor .
008474 si^nen willen he^t ez wol geta^n .
008475 do^ gie gegen im der gra^ve Ada^n ,
008476 mit im sehs videlaere :
008477 die wolden im si^ne swaere
008478 mit videlen vertriben .
008479 do^ begunden si ez ri^ben
008480 mit k}nsticli^chen griffen ,
008481 unz im was gar entsliffen
008482 diu swaere von dem herzen si^n ,
008483 wan daz ein gro^zer ja^mers pi^n
008484 versigelt (en)mitten drinne lac
008485 des er zallen zi^ten pflac .
008486 swie manger hande vreude er sach ,
008487 si^n herze iedoch des einen jach
008488 " mirn wirt nimmer ja^mers buoz
008489 ich enpha^he ir minne und ir gruoz
008490 der g}ete mir so^ na^hen li^t : "
008491 ditz was si^n staeticli^cher stri^t .
008492 do^ die herren sa^hen
008493 daz diu sunne na^hen
008494 ir louf he^t verendet gar ,
008495 do^ na^men si des nebels war
008496 den man da^ nider si^gen sach .
008497 her Gwi^ga^lois zem gra^ven sprach
008498 " heizet den harnasch bringen her ,
008499 iuwern schilt und iuwer sper ,
008500 und ri^t(et) ouch selbe mit mir dar .
008501 ich wil der zi^t nemen war
008502 wenne der nebel nider ge^ .
008503 wir suln daz rat stellen e^ .
008504 ich wil u^z ze Joraphas ,
008505 da^ ich gester morgen was ,
008506 zem gra^ven Mo^ra^le . "
008507 do^ nam er deheine twa^le ;
008508 er wa^fent sich und reit von dan .
008509 do^ volget im der gra^ve Ada^n
008510 zuo dem rade da^ ez gie .
008511 daz wazzer er do^ u^f vie ;
008512 zehant gestuont daz selbe rat .
008513 den getriuwen gra^ven er do^ bat
008514 daz er des landes huote ;
008515 des wolde er im mit guote
008516 gerne lo^nen ; daz lobt ouch er .
008517 er sprach " herre , iuwer gewer
008518 wil ich des landes gerne si^n .
008519 ich nim daz u^f die triuwe mi^n
008520 daz ichz iu behalte ,
008521 wan mich mac mit gewalte
008522 nieman da^ von gescheiden .
008523 swie ich si^ ein heiden ,
008524 ich geste^n iu zaller iuwer no^t
008525 michn irre es danne der bitter to^t . "
008526 des gna^deter im und wart si^n vro^ .
008527 durch daz tor reit er do^ .
008528 geoffent wart diu selbe vart
008529 diu mit dem rade was bespart
008530 an der selben stunde .
008531 der gra^ve dem herren gunde
008532 mit triuwen gro^zer e^ren .
008533 dannen begunder ke^ren
008534 die stra^ze gegen Joraphas .
008535 do^ kom er da^ erbeizet was
008536 gra^ve Mo^ra^l mit den si^nen .
008537 si^ne triuwe liez er schi^nen
008538 do^ er den ri^ter komen sach .
008539 wider die si^nen er do^ sprach
008540 " dort kumt ein ri^ter geriten her !
008541 ich waene wol daz ist der
008542 gester morgen von uns schiet . "
008543 iesli^cher do^ besunder riet
008544 " nein ! der schilt ist im ze glanz ,
008545 unverhouwen unde ganz . "
008546 " da^ ist ein boie geslagen an
008547 von golde ; den v}ert der gra^ve Ada^n
008548 anders niht wan durch den list
008549 daz er ein gevangen ist . "
008550 " ditz ors ist blanc , daz si^n was ro^t . "
008551 " waz ob er lebet ? " " nein , er ist to^t ! "
008552 " wer weiz daz ? " - nu^ vuort er daz rat
008553 verhouwen , des si^n herze ie bat ;
008554 do^ erkanden si in an der stat .
008555 Zen orsen si do^ sprungen .
008556 do^ wart se^re gedrungen ,
008557 gehurt durch si^ne liebe dar .
008558 vil schiere der ri^ter wart gewar
008559 daz ez vriunde wa^ren ;
008560 do^ne wolde er ir niht va^ren .
008561 si^n sper he^t er gesenket nider ;
008562 daz zuhte er u^f vil ga^hes wider .
008563 der gra^ve Mo^ra^l enpfienc in do^ ,
008564 dar na^ch die ri^ter ; si wa^ren vro^
008565 daz er so^ sigeli^che reit .
008566 der gra^ve sprach " herre , seit
008567 ob ir ze Glois habt gestriten ? "
008568 er sprach mit z}hticli^chen siten
008569 " ja^ , des ist unlougen . "
008570 des getriuwen gra^ven ougen
008571 vor vreuden }ber liefen do^ .
008572 er sprach " lieber herre , so^
008573 sult ir uns waerli^che sagen
008574 ob der heiden si^ erslagen . "
008575 " ja^ , benamen ! " sprach der degen .
008576 si^n ho^her muot der ist gelegen
008577 und si^n gewalt den er begie . "
008578 vor liebe er in do^ umbe vie
008579 und kuste in an die hende si^n .
008580 er sprach " lieber herre mi^n ,
008581 nu^ ist ergangen des ich bat .
008582 ouch sol ich hie an dirre stat
008583 mi^niu le^hen von iu ha^n .
008584 ich wil werden iuwer man
008585 und leisten swes ir , herre , gert ,
008586 wand ir si^t aller e^ren wert .
008587 iu ha^t verdienet iuwer hant
008588 eine schoene maget und zwei lant ;
008589 da^ von ir mugt na^ch wunsche leben ;
008590 diu Saelde ha^t iu wol gegeben .
008591 ouch wil ich iu v}r wa^r sagen :
008592 iuwer houbet sol zwo^ kro^ne tragen :
008593 diu eine hoeret ze Kornti^n ,
008594 diu ander ze Joraphi^n ;
008595 daz lant li^t an dem lebermer .
008596 si sint gwesen mit solher wer
008597 si^t Ro^az der lande pflac
008598 daz si^n gewalt da^ ringe wac .
008599 si wa^rn dem k}nige underta^n
008600 da^ von ich e^ gesprochen ha^n ,
008601 den Ro^az der heiden sluoc ;
008602 die kro^ne er gwalticli^che truoc .
008603 si dienent gerne iuwer hant
008604 swen in diu wa^rheit wirt bekant
008605 daz Ro^az erslagen ist .
008606 herre , nu tuot niht lenger vrist ;
008607 enpfa^het mich , als ich ha^n gegert ! "
008608 er sprach " herre , des si^t gewert . "
008609 do^ wart gevolget si^ner bet :
008610 er enpfie in und le^ch hin an der stet
008611 daz im si^n vater niht la^zen he^t ;
008612 diu e^re die zagen gar verge^t !
008613 do^ diu rede verendet wart ,
008614 der gra^ve huop sich an die vart ,
008615 er und ein si^n dienestman ,
008616 gegen Glois u^f die pla^n .
008617 den herren bat er bi^ten da^ .
008618 v}r daz tor rante er sa^ ,
008619 da^ bi^ habt der gra^ve Ada^n ;
008620 den bat er sich wizzen la^n
008621 ob der heiden waere erslagen .
008622 er sprach " ja^ ! ouch sult ir klagen
008623 mi^ner vrouwen Japhi^ten no^t ,
008624 diu lac vor leide na^ch im to^t .
008625 ouch muoz ich von schulden klagen
008626 einen k}nic der li^t hie erslagen ,
008627 Ga^rel von Mirmido^ne .
008628 in dem selben lo^ne
008629 li^t Karri^o^z und Marri^e^n .
008630 in des gebot ich hie ste^n
008631 der daz allez ha^t geta^n .
008632 swa^ ich im gedienen kan ,
008633 deiswa^r , des ist er unbehert :
008634 si^n manheit mit saelden vert .
008635 er ri^tet gegen Joraphas
008636 ze iuwerm hu^se , da^ er e^ was ;
008637 ir sult in wol enpfa^hen da^ . "
008638 er sprach " ich tuon . " do^ ke^rter sa^
008639 von der ho^hen br}cke nider
008640 ze si^nem lieben herren wider .
008641 den helm er im abe bant ;
008642 sper , schilt und i^sengwant
008643 hiez er die knappen v}eren do^ .
008644 si lobten got und wurden vro^
008645 daz im so^ wol gelungen was .
008646 sus ko^men si ze Joraphas
008647 geriten v}r daz b}rgetor .
008648 da^ was michel vreude vor
008649 von manger hande seitspil ;
008650 man ho^rte da^ bu^su^nen vil
008651 bla^sen na^ch der heiden sit ;
008652 da^ sluogens unde wurfen mit
008653 die tambu^r mit behendicheit ;
008654 der galm da^ wider ein ander streit
008655 so^ daz diu burc al erhal .
008656 von dem tor gie her zetal
008657 engegen im diu wirti^n .
008658 si hiez in willekomen si^n
008659 und kuste in an si^nen munt .
008660 die andern vrouwen ta^ten im kunt
008661 ir gruoz na^ch wi^pli^chen sit .
008662 ob er zuo den vrouwen rit ?
008663 nein , er was erbeizet vor .
008664 si truogen in mit gedrange enbor
008665 die in da^ gerne sa^hen .
008666 da^ was gro^z enpfa^hen
008667 von dem wirte und von den si^nen ;
008668 si liezen an im schi^nen
008669 daz er in liep ze herren was .
008670 sus ruowet er da^ ze Joraphas
008671 unz daz man si^ne a^mi^en ,
008672 die schoenen magt La^ri^en ,
008673 bra^hte dar von Roimunt .
008674 den v}rsten allen tet man kunt
008675 mit den boten in diu lant ,
008676 die a^ventiure he^t entrant
008677 von ho^her art eins heldes hant .
008678 Den v}rsten allen wart enboten ,
008679 beidiu mit brieven und mit boten ,
008680 daz si kaemen ze Kornti^n :
008681 da^ solden si ze dem hove si^n
008682 }ber sehs wochen .
008683 sus wart der hof gesprochen
008684 }ber diu lant wi^ten .
008685 loufen unde ri^ten
008686 hiez man die boten sa^ zehant
008687 mit den brieven in diu lant .
008688 der gra^ve bereite sich dar zuo
008689 daz er des andern morgens vruo
008690 rit gegen Roimunt .
008691 diu maere wurden wi^ten kunt
008692 daz Ro^az waere erslagen ;
008693 daz ho^rte man l}tzel iemen klagen .
008694 des andern morgens der gra^ve gie
008695 v}r si^nen herren , da^ er enpfie
008696 einen brief und si^ne botschaft
008697 als ez si^nes herzen kraft
008698 und rehtiu liebe meinde ;
008699 daz er si^t wol bescheinde .
008700 der selbe brief besigelt was
008701 under einem adamas
008702 in ein guldi^n vingerli^n ;
008703 der stein solde ein zeichen si^n
008704 si^ner staeten minne .
008705 mit worten und mit sinne
008706 enbo^t er si^ner a^mi^en ,
008707 der schoenen magt La^ri^en ,
008708 si^nen gruoz und allez guot ,
008709 als noch vil dicke ein ri^ter tuot
008710 dar er herzeliebe treit
008711 und der si^n dienest ist bereit .
008712 der gra^ve nam urloup und schiet dan ;
008713 mit im si^ner dienestman
008714 driu hundert und ein si^n geno^z ;
008715 der was von geb}rte gro^z ,
008716 des gra^ven sun von Le^odarz ;
008717 der was geheizen Bejolarz ,
008718 si^n muoter Bejola^re ,
008719 diu s}eze und diu kla^re ;
008720 der bruoder was der gra^ve Mo^ra^l .
008721 do^ na^men si niht lenger twa^l ;
008722 u^z dem lande si do^ riten
008723 na^ch der vrouwen ; diu he^t erliten
008724 vil ja^mers na^ch dem ri^ter guot ;
008725 des was getr}ebet ir der muot
008726 und ir herze an vreuden wunt .
008727 sus ka^men si ze Roimunt
008728 geriten an dem naehsten tage .
008729 ir gro^zen ja^mer und ir klage
008730 die boten in bena^men ;
008731 do^ si zem hu^se ka^men ,
008732 si wurden wol enpfangen .
008733 der gra^ve kom gegangen
008734 v}r si^ne vrouwen La^ri^en ,
008735 des wunsches ami^en .
008736 si^nen mantel er von im gap .
008737 ditz was der rede urhap :
008738 " vrouwe , iu enbiut mi^n herre
008739 si^nen dienest also^ verre ,
008740 der den heiden ha^t erslagen ,
008741 daz ichz so^ wol niht kan gesagen
008742 als ez si^n herze meinet ;
008743 daz er iu wol bescheinet
008744 ob ir des , vrouwe , geruochet
008745 si^n dienest gna^de suochet -
008746 und ob er rehtes geniezen sol .
008747 si^n hant diu ha^t verdienet wol
008748 daz iuwer minne im lo^ne :
008749 iuwer lant und iuwer kro^ne
008750 ha^t mi^n her Gwi^ga^lois erstriten
008751 und kumbers vil durch iuch erliten .
008752 er sendet iu ditz vingerli^n ;
008753 der stein sol ein zeichen si^n
008754 si^ner staeten minne . "
008755 do^ sach si darinne
008756 gebrievet durch den adamas
008757 daz diu maget gerne las .
008758 der brief alsus geschriben was :
008759 " Tro^st in mi^nem leide ,
008760 des wunsches ougen weide
008761 si^t ir und der saelden spil .
008762 mit liebe ich immer gr}ezen wil
008763 iuwern minnicli^chen li^p .
008764 ich ha^n iuch v}r {lliu wi^p
008765 erwelt mir ze lo^ne .
008766 mi^ner vreuden kro^ne ,
008767 vrouwe La^ri^e , daz si^t ir .
008768 nu komet und enpfa^het von mir
008769 iuwer kro^ne und iuwer lant ;
008770 daz ha^t mi^n saelde und mi^n hant
008771 erlediget und diu gotes kraft .
008772 triuwe und rehte geselleschaft
008773 die leiste ich iu mit staeticheit .
008774 mi^n herze iu wa^re minne treit .
008775 ich bin als iuwer wille gert .
008776 si^ ich so^ biderbe und so^ wert ,
008777 so^ komet unde heilet mich .
008778 iuwer gevangen bin ich ;
008779 an mir ligent iuweriu bant . "
008780 niht me^ si da^ geschriben vant .
008781 daz golt leit si an die hant .
008782 U^f stuont diu maget ri^che .
008783 vil gezogenli^che
008784 neic si des herren botschaft
008785 und antwurt ir vil endehaft .
008786 si sprach " gna^de mi^nes herren ;
008787 im sol unlange werren
008788 der kumber den er von mir ha^t ;
008789 ich gibe im helfe unde ra^t
008790 und mi^nen li^p ze lo^ne .
008791 he^t ich tu^sent kro^ne ,
008792 die solden im wesen underta^n .
008793 er ha^t so^ vil durch mich geta^n
008794 daz ichs im gerne lo^nen wil ,
008795 beidiu mit ernste und mit spil ,
008796 swie er si^n geruochet .
008797 swaz si^n wille suochet
008798 an mir , daz ha^t er vunden ;
008799 ich heile im si^ne wunden
008800 und gibe im solher minne teil
008801 da^ von si^n herze wirdet geil .
008802 ich wilz nu sprechen }berlu^t :
008803 er was doch mi^nes herzen tru^t ;
008804 ich he^t in mir ze liebe erkorn ;
008805 er wart ze tro^ste mir geborn ;
008806 wol der muoter diu in (ge)bar ;
008807 na^ch si^nem willen ich gerne var
008808 durch si^ne liebe swar er wil ;
008809 des gibe ich iu niht lenger zil .
008810 wil mi^n vrouwe , ich bin bereit !
008811 swaz mi^n munt iht anders seit ,
008812 daz ist niht mi^nes herzen wort ,
008813 wan daz ha^t er bi^ im dort
008814 und ich daz si^ne bi^ mir hie ;
008815 der selbe wehsel ergie
008816 enzwischen uns beiden
008817 do^ wir uns muosen scheiden . "
008818 vor vreuden si do^ weinde .
008819 diu wa^rheit daz bescheinde
008820 daz ir der helt liep was .
008821 si sprach " ist er ze Joraphas ? "
008822 der gra^ve sprach " vrouwe , ja^ .
008823 also^ wunder ruowet er da^
008824 und ha^t uns her na^ch iu gesant . "
008825 diu schoene maget gie zehant
008826 v}r ir muoter , die k}nigi^n .
008827 si sprach " vrouwe und muoter mi^n ,
008828 si^t uns got erhoeret ha^t ,
008829 so^ ist mi^n bet unde mi^n ra^t
008830 daz wir hie niht lenger si^n ;
008831 wir sulen varn zuo Kornti^n
008832 in daz k}nicri^che . "
008833 daz lobten do^ geli^che
008834 die da^ gesinde wa^ren ,
008835 wan si in zehen ja^ren
008836 daz lant nie gesa^hen .
008837 si begunden alle ga^hen
008838 und bereiten sich zer heimvart .
008839 vil manger sprach " o^ wol mich wart ,
008840 daz ich sol ze lande varn !
008841 got m}eze si^nen li^p bewarn
008842 der uns daz lant geoffent ha^t ! "
008843 schoene pf{rt und ri^chiu wa^t
008844 den vrouwen wart zer reise bra^ht .
008845 beli^bens was in ungeda^ht ;
008846 der verte wa^rens alle vro^ .
008847 u^f die soumaere luot man do^
008848 manger hande ri^cheit :
008849 golt , gesteine , pfelle breit ,
008850 vil gezierde wart daru^f geleit .
008851 Diu altvrouwe Ame^na^ hiez .
008852 die burc si mit gedinge liez
008853 ir truhsaezen Azzadac ,
008854 der manheit unde triuwen pflac .
008855 sus vuoren si mit vreuden dan .
008856 die vart ich niht gepr}even kan
008857 so^ wol als si geschicket was .
008858 von Roimunt ze Joraphas
008859 die k|che riten v}r enwec .
008860 der vrouwen garzu^n , Schandalec ,
008861 der he^t sich na^ch in u^z erhaben ;
008862 si^ne gesellen und die knaben
008863 die man zer k}chen ouch bedarf
008864 die truogen kr|ul die wa^ren scharf .
008865 den treip man die soume na^ch .
008866 die knappen man do^ ziehen sach
008867 diu ors dar na^ch in einer schar ;
008868 den volget daz gesinde gar .
008869 dar na^ch die stolzen vrouwen riten ;
008870 die vuorten kappen wol gesniten
008871 von bru^nbem scharlachen .
008872 mit schimpfe und mit lachen
008873 die ri^ter kurzten in die vart .
008874 ie zwein ein vrouwe bevolhen wart
008875 der si mit vli^ze pfla^gen .
008876 si^ne dorfte niht betra^gen
008877 der schimpfli^chen maere ;
008878 verswunden was ir swaere
008879 und ir vreude u^f gestigen .
008880 zwo^ bu^su^ne selten swigen ;
008881 die blies man daz engegen hal
008882 beidiu berge unde tal .
008883 sus vuoren si mit ri^cheit .
008884 na^ch der schar hinden reit
008885 des wunsches a^ventiure ,
008886 der saelden kre^atiure ,
008887 vrouwe La^ri^e , der vreuden kranz .
008888 ir gereite was von golde glanz
008889 und von gesteine lieht gevar ;
008890 sus glast ez wider einander gar .
008891 den sitich man ir ze tische zo^ch
008892 diu wi^bes missewende vlo^ch .
008893 daz schoene pf{rt diu maget reit
008894 als ez her Gwi^ga^lois erstreit
008895 mit ri^terschefte u^f einer pla^n ,
008896 da^ von er gro^zen pri^s gewan .
008897 eine kappen vuorte diu maget guot
008898 von pfelle ; ro^t als ein bluot
008899 was daz golt dri^n geweben ;
008900 die he^t ir gra^ve Mo^ra^l gegeben
008901 ze stiure zuo ir heimvart ,
008902 diu im si^t wol vergolten wart ;
008903 da^ was gefurrieret i^n
008904 ein veder wi^z h{rmi^n ;
008905 da^ vor ein zobel ze rehte breit ;
008906 u^f die kappen wa^rn geleit
008907 borten mit gesteine .
008908 ouch vuorte diu maget reine
008909 u^f ir houbet einen huot ;
008910 der was von pf{vedern guot
008911 mit ro^tem golde wol durchleit .
008912 ir muoter na^hen bi^ ir reit ;
008913 die zoumte hoveli^che
008914 Bejolarz der ri^che .
008915 ir pf{rt was swarz und ir gewant ;
008916 da^ bi^ der ja^mer was bekant
008917 den si na^ch ir gesellen truoc ,
008918 den Ro^az der heiden sluoc ;
008919 aller vreuden si verpflac
008920 si^t daz ir vreude an im gelac .
008921 Mo^ra^l der gra^ve zoumte do^
008922 vrouwen La^ri^en und was des vro^
008923 daz si so^ rehte schoene was .
008924 sus bra^hte er si ze Joraphas
008925 mit vreuden in ir eigen lant ,
008926 da^ si den helt mit vreuden vant ;
008927 des twanc in gro^zer liebe kraft .
008928 er was mit si^ner (ge)selleschaft
008929 u^z ze velde gegen in komen ,
008930 wand er die botschaft he^t vernomen
008931 von ir garzu^ne Schandalec .
008932 der was an loufe also^ quec
008933 daz er vor in daz botenbro^t
008934 enpfie , da^ mit er si^ne no^t
008935 }berwant mit ri^cheit .
008936 her Gwi^ga^lois mit vreuden reit
008937 von Joraphas u^f die pla^n
008938 engegen der m{gde wol geta^n ;
008939 der was si^n li^p underta^n .
008940 Mit im vil stolzer ri^ter riten ,
008941 die ouch des vil ku^me erbiten
008942 daz si ir vrouwen solden sehen .
008943 der schoene muose er pri^ses jehen
008944 swer ir li^p ie gesach ;
008945 dar zuo was ir herze dach
008946 gewizzen , scham und g}ete ;
008947 ir antl}tze daz bl}ete
008948 als ein ro^se wol gevar ;
008949 ir li^p was a^ne wandel gar .
008950 diu saelde ir ouch mit vli^ze pflac .
008951 ir beider ja^mer da^ gelac
008952 do^ si her Gwi^ga^lois ersach .
008953 si^n munt u^z gro^zen vreuden sprach
008954 " o^ wol mich wart , vil lieber got !
008955 mir ha^t di^n helfe und di^n gebot
008956 dise magt ze vreuden bra^ht .
008957 des ich mir selbe niht he^t geda^ht ,
008958 daz ha^stu mir gev}eget .
008959 der e^ren mich gen}eget
008960 die du mir , herre , ha^st gegeben ,
008961 und laestu mir ze vreuden leben
008962 dise maget wol geta^n ,
008963 die ich mir ze tro^ste ha^n
008964 erkoren und ze vreuden gar . "
008965 vor liebe wart er missevar
008966 do^ er zuo ir kam geriten ;
008967 diu minne si^n herze he^t versniten .
008968 ir schoeniu varwe ouch wandel nam ;
008969 ir wi^pli^ch kiusche und ir scham
008970 machte si ro^t und dar na^ch bleich .
008971 ir ganziu varwe ir entweich
008972 do^ si den helt bi^ ir sach ,
008973 der vil minnicli^che sprach
008974 " La^ri^e , liebiu vrouwe mi^n ,
008975 ir sult mir willekomen si^n
008976 ze tro^ste na^ch mi^nem leide .
008977 mi^ns herzen ougen weide
008978 si^t ir und mi^ner vreuden kraft .
008979 staete und rehte geselleschaft
008980 die sult ir mir erzeigen .
008981 ich wil mit dienest neigen
008982 mi^nen li^p in iuwer gebot ,
008983 wand ich ha^n iuch mir na^ch got
008984 zeiner gebieterinne erkorn .
008985 mi^n arbeit ist niht verlorn
008986 ob iuwer minne mir lo^nen wil . "
008987 do^ wart im gedanket vil
008988 von der m{gde wol geta^n .
008989 si sach in guetli^che an ,
008990 wan si truoc im holden muot .
008991 si sprach " mi^n li^p und ouch mi^n guot
008992 daz sol iu , lieber herre mi^n ,
008993 immer undertaenic si^n .
008994 kro^ne , zepter und mi^n lant
008995 daz ha^t erlediget iuwer hant ;
008996 des ich iu gerne lo^nen wil
008997 beidiu mit ernest und mit spil
008998 na^ch iuwerm willen als ir gert ;
008999 iuwer werder pri^s ist lo^nes wert .
009000 ir sult iuch underwinden mi^n ;
009001 in iuwer pflege wil ich si^n ,
009002 ich und mi^n gesinde gar . "
009003 vrouwe Ame^na^ reichte im dar
009004 ir tohter zoum mit der hant ;
009005 her Gwi^ga^lois sich underwant
009006 alre^rst si^ner ami^en ,
009007 der schoenen magt La^ri^en ;
009008 des wart er herzenli^che vro^ .
009009 gegen der burc reit er do^
009010 mit vroeli^chem schalle .
009011 die ri^ter begunden alle
009012 von ir buhurdieren
009013 mit ri^chen banieren .
009014 von hurte die schilte ga^ben schal
009015 so^ daz manic knie geswal
009016 von hurte und von gedrenge .
009017 diu stra^ze wart vil enge
009018 von der edeln ri^terschaft .
009019 da^ wart zebrochen manic schaft
009020 von slegen und von hurte enzwei .
009021 ez waere worden ein turnei ,
009022 he^ten si ir harnasch gehabet .
009023 desn wirt iu dehein eit gestabet :
009024 da^ was vil manic ri^ter guot ,
009025 dem so^ ho^he stuont si^n muot
009026 von den vrouwen die da^ riten
009027 daz si nach ri^terli^chen siten
009028 diu ors mit hurte umbe triben ,
009029 unz in niht vil was beliben
009030 der schilte ganz an dem spil .
009031 ouch was da^ spilliute vil ,
009032 die ir kunst ( ouch ) uobten da^ .
009033 zwo^ busu^ne blies man sa^
009034 vil krefticli^che vor dem tor .
009035 man vant da^ michel vreude vor
009036 von dem liute daz da^ was .
009037 sus bra^hte der helt ze Joraphas
009038 die magt mit gro^zer he^rschaft .
009039 aller vrouwen }berkraft
009040 vunden si na^ch ir willen da^ .
009041 ir juncvrouwen enpfie do^ sa^
009042 vrou Be^le^a^re , diu wirti^n ,
009043 dar na^ch die zwo^ k}nigi^n .
009044 die vrouwen vuorte si von dem wege
009045 in ir heimli^che pflege ,
009046 da^ in allez guot geschach
009047 und na^ch ir willen guot gemach ;
009048 der handelunge man pri^ses jach .
009049 Her Gwi^ga^lois durch si^ne zuht
009050 vermeit der wa^ren minne vruht ,
009051 daz er ir minne niene pflac
009052 noch bi^ der schoenen nie gelac
009053 unz daz er si ze staete nam .
009054 do^ diu zi^t des hoves kam ,
009055 die v}rsten riten in daz lant
009056 na^ch den der helt he^t gesant .
009057 Ri^a^l der kunic von Jeraphi^n ,
009058 kom mit den gesellen si^n
009059 gevaren vr}micli^che ;
009060 er wolde si^n k}nicri^che
009061 enpfa^hen von des heldes hant
009062 der den heiden }berwant .
009063 v}r Kornti^n u^f daz velt
009064 wart vil manic ho^ch gezelt
009065 von pfelle geslagen u^f daz gras .
009066 swaz volkes mit dem k}nige was
009067 gevarn von si^nem lande ,
009068 die riten helfande ,
009069 als uns diu a^ventiure giht .
009070 daz selbe lant ha^t rosse niht ,
009071 niwan helfande ;
009072 die ziehents in dem lande .
009073 der bra^hte der k}nic zweinzic dar .
009074 die truogen si^n gesinde gar ,
009075 dar zuo gro^ze ri^cheit :
009076 zobelbelge und pfelle breit ,
009077 h{rmi^n , bunt unde gra^ ;
009078 niht ander kleider vint man da^ ;
009079 des bra^hte der k}nic wunder dar .
009080 ouch kom geriten ein ander schar
009081 v}r daz hu^s ze Kornti^n : -
009082 an den was gro^z(er) ja^mer schi^n -
009083 dri^ v}rsten ri^che und wol bekant .
009084 Meda^ri^e hiez ir lant ;
009085 von danne wa^ren si geborn .
009086 ir herren he^ten si verlorn
009087 u^f dem gevilde bi^ Roimunt ;
009088 er wart von einer joste wunt
009089 mit einem sper von Angran
009090 so^ se^re daz der werde man
009091 sich dem to^de muose ergeben .
009092 ich sagiu wer im nam daz leben :
009093 her Gwi^ga^lois , der wi^gant .
009094 der herre wart mir sus genant :
009095 der werde k}nic Schaffilu^n ;
009096 Meda^ri^e und Belaku^n ,
009097 diu lant wa^ren im underta^n .
009098 sus verlo^s der werde man
009099 an ri^terschefte si^nen li^p .
009100 den solden klagen {lliu wi^p :
009101 si^n dienst in allen was bereit .
009102 durch ( die ) vrouwen La^ri^en er reit
009103 die a^ventiure erwerben ;
009104 ein jost diu le^rte in sterben
009105 u^f dem gevilde bi^ Roimunt .
009106 den selben v}rsten was unkunt
009107 daz ir herre wart erslagen ,
009108 wan diez in wider solden sagen ,
009109 die muosen ir sicherheit bewarn ;
009110 ze Britanje wa^ren si gevarn ,
009111 als in her Gwi^ga^lois gebo^t .
009112 die v}rsten klagten ir herren to^t
009113 offenli^che und tougen ,
009114 mit vliezenden ougen .
009115 si riten pf{rt diu wa^ren kranc .
009116 ir ha^r und ir berte lanc ,
009117 ungeschorn und ungetwagen .
009118 u^f ir schilte wa^rn geslagen
009119 ba^re von ro^tem golde ,
009120 da^ bi^ man sehen solde
009121 daz ir herre was erslagen ;
009122 sus sach man si den k}nic klagen
009123 mit herzenli^cher riuwe .
009124 daz schuof ir gro^ziu triuwe ;
009125 ir klage diu was niuwe .
009126 Dar kom vrouwe E^lami^e geriten ,
009127 durch die der helt he^t gestriten ,
009128 her Gwi^ga^lois , der werde man ,
009129 der er daz pf{rt wider gewan ,
009130 als ich da^ vor ha^n geseit .
009131 diu kom mit gro^zer ri^cheit
009132 gevaren und mit gro^zer kraft .
009133 vil werde geselleschaft
009134 vuorte diu maget ri^che :
009135 zwelf m{gde su^berli^che ,
009136 wol gekleit unde geriten ;
009137 niht na^ch wi^pli^chen siten :
009138 si vuorten mannes kleider an
009139 und he^tenz ofte guot geta^n
009140 an manger ri^terschefte
009141 mit wi^pli^cher krefte .
009142 vil schoeniu ors zo^ch man vor in .
009143 vrouwe E^lami^e , diu k}nigin ,
009144 bra^hte die w}nnicli^chen schar
009145 in ir geselleschefte dar .
009146 si wa^rn von A^la^ri^e geborn
009147 und he^ten ir wi^pheit verkorn
009148 und ri^terschaft an sich genomen .
009149 ich sagiu wa^ von daz was komen :
009150 diu ir aller vrouwe was ,
009151 der en wart von Do^mas
009152 gevangen an einem stri^te .
009153 na^ch dem selben zi^te
009154 nam si an sich ri^ters leben ;
009155 des wart ir ho^her pri^s gegeben .
009156 si was ein maget wol geta^n .
009157 ir en hiez der gra^ve Ada^n ,
009158 den Ro^az der heiden vie
009159 da^ schoeniu ri^terschaft ergie .
009160 an einer schumpfentiure
009161 valt in der ungehiure
009162 hinder daz ors ; daz was im leit ;
009163 und nam da^ si^ne sicherheit
009164 als ich iu da^ vor ha^n geseit .
009165 Diu schoene magt Mari^ne hiez .
009166 deheine ri^terschaft si enliez
009167 da^ man pri^s solde bejagen ,
009168 man m}ese von ir geta^t da^ sagen
009169 und von ir gesellen .
009170 si kunde wol gevellen
009171 mit rehter jost die ri^ter nider .
009172 beidiu vor des und ouch sider
009173 an ri^terschefte ir magetuom
009174 bejaget ri^terli^chen ruom .
009175 si was ir guotes milte .
009176 u^f kleidern und u^f schilte
009177 truoc si lewen guldi^n .
009178 vrouwe E^lami^e , diu k}nigi^n ,
009179 vuor na^ch wi^pli^chem sit ;
009180 dem volgten ri^che v}rsten mit ,
009181 gra^ven unde herzogen .
009182 si was dar an niht betrogen
009183 sine he^t ri^cheit genuoc .
009184 ze Ty^ro^ si ( die ) kro^ne truoc ;
009185 }ber al daz k}nicri^che
009186 gebo^t si gwalticli^che .
009187 si was ein maget , niht ein wi^p ,
009188 und wolde des ri^ters li^p
009189 mit ir schoene erworben ha^n
009190 der ir daz pf{rt wider gewan .
009191 do^ was mi^n vrouwe La^ri^e ,
009192 des wunsches a^mi^e ,
009193 an wi^bes schoene wandels bar ;
009194 ir gro^ziu schoene erlaschte gar
009195 aller wi^be schoene .
009196 die schellen ga^ben gedoene
009197 an vrouwen E^lami^en gereite ,
009198 geworht mit arbeite
009199 von golde vil meisterli^che .
009200 diu k}niginne ri^che
009201 erbeizte an einer wisen da^
009202 v}r daz hu^s ; do^ vant si sa^
009203 ir gezelte u^f geslagen
009204 von sami^te , daz he^t getragen
009205 ein starkiu olbende dar :
009206 die sn}ere wa^rn von si^den gar ;
009207 daru^ffe stuont ein guldi^n ar .
009208 Dar ko^men von der heidenschaft
009209 geriten mit gro^zer kraft
009210 zwe^ne k}nige u^z Asi^a^ ;
009211 die wolden ir swester da^ ,
009212 die getriuwen Japhi^ten , holn ,
009213 die in der to^t he^t verstoln .
009214 do^ ditz jaemerli^che leit
009215 den edeln k}nigen wart geseit ,
009216 si huoben sich mit klage dar .
009217 ir herze wurden vreuden bar ;
009218 daz si wol bescheinden :
009219 si klagten unde weinden ,
009220 als ir triuwe in gebo^t ,
009221 des vil reinen wi^bes to^t .
009222 die k}nige hiezen beide ,
009223 als ich iu hie bescheide ,
009224 Zaradech und Panschavar .
009225 u^f die rede ko^men si dar
009226 daz si daz vil getriuwe wi^p ,
009227 der s}ezen vrouwen Japhi^ten li^p ,
009228 mit in gev}eret wolden haben .
009229 do^ was ir reiner li^p begraben
009230 und mit gezierde bestatet so^
009231 daz sis ze sehen wa^ren vro^ .
009232 v}r wa^r wil ich iu sagen daz :
009233 wart ie dehein wi^p bestatet baz ,
009234 daz wil ich la^zen a^ne haz .
009235 Ouch ka^men u^z der heidenschaft
009236 durch vreude und durch ri^terschaft
009237 herzogen unde gra^ven vil .
009238 Kornti^n der vreuden zil ,
009239 wart daz hu^s da^ genant ,
009240 wan man da^ zallen zi^ten vant
009241 vreude na^ch des herzen gir -
009242 sus sagt diu a^ventiure mir -
009243 si^t daz si^n begunde pflegen
009244 Gwi^ga^lois , der werde degen ,
009245 und mi^n vrouwe La^ri^e .
009246 der zweier kurtosi^e
009247 sich zem wunsche he^t geweten ;
009248 si wa^ren ninder u^z getreten ;
009249 ir zuht stuont an der ma^zen zil ;
009250 des wurden si gepri^set vil .
009251 do^ si zem hove wa^ren komen ,
009252 der namen ir wol habt vernomen ,
009253 und der ich niht genennen kan ,
009254 do^ mohte man schouwen u^f der pla^n
009255 vil manic he^rli^ch gezelt ;
009256 da^ was ri^cheite gelt
009257 wider einander geke^ret .
009258 diu velt wa^rn gehe^ret
009259 mit banieren und mit schilten .
009260 die edeln ri^ter spilten
009261 aller hande ri^terspil .
009262 man vant da^ kurzewi^le vil ,
009263 als des mannes muot was .
009264 her Gwi^ga^lois von Joraphas
009265 mit schalle k}nicli^che reit
009266 und manic ri^ter gemeit ,
009267 wol gekleit unde geriten .
009268 ob ri^terschaft da^ w}rde vermiten ?
009269 nein , deiswa^r ! si ta^tenz da^
009270 verre daz dan anderswa^ ,
009271 wan da^ reit der saelden spil ,
009272 der schoene ich niht geli^chen wil ,
009273 diu s}eze magt La^ri^e ,
009274 des wunsches a^mi^e .
009275 a^voy , wie stolzli^ch si reit !
009276 mit ro^tem sami^t gekleit
009277 was diu maget wol geta^n ;
009278 da^ engegen ir munt von roete bran
009279 als ein vil edel rubi^n .
009280 an ir schoene was wol schi^n
009281 daz ir der wunsch geda^hte :
009282 got si zer werlte bra^hte
009283 do^ ze vreuden stuont si^n muot .
009284 ezn gebluote nie schoener bluot
009285 dan ir antl}tze lieht .
009286 mi^n herze kan erdenken nieht
009287 noch si mi^n munt gepri^sen so^
009288 sine waere verre schoener do^
009289 si zem hove kom geriten ;
009290 zwo^ liehte varwe an ir striten :
009291 ro^t und wi^z alsam ein sne^ ;
009292 doch behabte diu roete ir stri^tes me^ ,
009293 wand ez was in der sumerzi^t
009294 so^ diu hitze roete gi^t .
009295 bi^ ir reit der werde degen ,
009296 des pflac der wa^re gotes segen ,
009297 her Gwi^ga^lois , der triuwen stam .
009298 von si^ner manheit was si^n nam
009299 gebreitet als der sunnen schi^n .
009300 si^n herze truoc vil ho^hen pi^n
009301 na^ch der m{gde wol geta^n ,
009302 daz er si muose sehen an
009303 und doch ir minne niene pflac .
009304 vil geli^ch ir beider minne wac ;
009305 diu herzeliebe under in zwein
009306 also^ gesamet wart enein ;
009307 daz si^t wol an ir staete schein .
009308 Die v}rsten und ir dienestman
009309 die in wa^ren underta^n
009310 enpfiengen wol den werden degen ,
009311 der des landes solde pflegen ,
009312 und ir rehte vrouwen .
009313 man mohte wunder schouwen
009314 von der vreude die man da^ vant .
009315 da^ was mit vreuden gar daz lant ,
009316 iegeli^ch volc na^ch si^nem sit .
009317 da^ bliesen busu^naere mit
009318 in vier enden u^f der pla^n .
009319 da^ wart diu ri^terschaft geta^n
009320 die man wol pri^sen mohte ;
009321 dehein zage niht entohte
009322 under der tugenthaften schar ,
009323 wan da^ wa^rn die besten gar
009324 von allem dem ri^che .
009325 die enpfiengen ri^terli^che
009326 den herren und die k}nigi^n .
009327 sus bra^hte man si ze Kornti^n
009328 mit ri^terli^chem schalle .
009329 des vreuten si sich alle
009330 die zem lande ho^rten ;
009331 mit vreuden si do^ sto^rten
009332 ir vil jaemerli^che tage ,
009333 die si mit riuwicli^che klage
009334 he^ten gehabt wol zehen ja^r ;
009335 die verke^rten sich nu gar
009336 ze vreuden von ir zweier e^ .
009337 do^ne wart da^ niht gebiten me^ ,
009338 diu vrouwe vuor an ir gemach .
009339 her Gwi^ga^lois zen gesten sprach
009340 si^nen gruoz vil minnicli^che
009341 und bat si alle geli^che
009342 im da^ willekomen si^n .
009343 sus besaz do^ Kornti^n
009344 her Gwi^ga^lois mit ri^cheit .
009345 da^ was solch wirtschaft bereit
009346 die ich niht wol kan gesagen .
009347 nach si^nem willen zuo zwelf tagen
009348 beliben die v}rsten da^ .
009349 zwei herhorn blies man sa^
009350 vil krefticli^che vor dem tor .
009351 alle die da^ wa^ren vor ,
009352 die ko^men u^f den palas .
009353 vrouwe La^ri^e ouch komen was ,
009354 gekroenet als ein keiseri^n .
009355 ein ander kro^ne guldi^n
009356 truoc vor ir vrouwe Mari^ne ,
009357 diu in ri^ters schi^ne
009358 he^t vil reinen magetuom ,
009359 wan daz diu vrouwe durch ir ruom
009360 wolde versuochen ri^ters leben .
009361 si kunde wol na^ch e^ren geben
009362 und mit z}hten wesen vro^ .
009363 ir kiusche behielt si also^
009364 daz diu nie besprochen wart ;
009365 sus was ir wi^pheit bewart
009366 a^ne valsch unz an die zi^t
009367 daz si zer e^ sich habte si^t ;
009368 des was ir ganzez lop vil wi^t .
009369 Ri^a^l , der k}nic von Jeraphi^n ,
009370 si^t ez si^n reht solde si^n ,
009371 nam des jungen ri^ters swert ,
009372 des ecke der e^ren he^t gegert
009373 daz manz so^ werdicli^che truoc ,
009374 do^ ez den starken heiden sluoc ,
009375 daz ez von si^nem slegen nie
009376 deheiner slahte mal enpfie ;
009377 daz truoger vor der vrouwen bar .
009378 und die glavi^e bluotvar
009379 der gra^ve Mo^ra^l vor ir truoc
009380 da^ mit er den wurm sluoc
009381 der gro^zen mort he^t geta^n
009382 an vil mangem werden man
009383 und so^ verwuost he^t daz lant
009384 daz man da we^nic liute vant ;
009385 des wart der helt gepri^set vil .
009386 vrouwe La^ri^e , der saelden spil ,
009387 gegen im mit ho^hem muote gie .
009388 bi^ der hant si in gevie
009389 dem man so^ ho^hes pri^ses jach .
009390 wider in si minnicli^che sprach
009391 " her Gwi^ga^lois , mi^n ami^s ,
009392 si^t ir nu tragt den hoehsten pri^s
009393 von iuwer ellenthafter hant ,
009394 so^ nemt die kro^ne und mi^n lant
009395 und mi^nen li^p in iuwer gebot .
009396 herre , ich ha^n iuch mir na^ch got
009397 ze tro^ste mi^nem li^be erkorn ;
009398 swaz ich vreuden ha^n verlorn ,
009399 der mugt ir wol ergetzen mich .
009400 herre , nu tuot also^ daz ich
009401 und ir mit triuwen si^n enein
009402 so^ daz diu herze under uns zwein
009403 staete liebe einander tragen .
009404 des leit ich wil mit leide klagen
009405 und des vreude ich vro^ wil si^n ,
009406 daz si^t ir ; ich tuon iu schi^n
009407 daz iuwer minne mir na^hen ge^t .
009408 in iuwerm gebot mi^n li^p hie ste^t ;
009409 swaz ir welt , daz wil ouch ich . "
009410 der rede vreute der ri^ter sich
009411 und gena^det ir an der stunde
009412 als er beste kunde
009413 mit worten und mit herzen ,
009414 wand er des ja^mers smerzen
009415 dannoch unverendet truoc ,
009416 des er doch niemen zuo gewuoc .
009417 herzeliebe ist ein schu^r ,
009418 dem li^be ein herter na^chgebu^r ;
009419 ir s}eze wirt vil ofte su^r .
009420 Ri^a^l , der k}nic von Jeraphi^n ,
009421 gap die lieben vrouwen si^n
009422 im ze staete na^ch ir bet ;
009423 mit rehter e^ wart an der stet
009424 diu staete gevestent under in da^ .
009425 ein vingerli^n daz legte er sa^
009426 der juncvrouwen an ir hant ;
009427 da^ wider gap si im daz lant
009428 und vra^get die helde maere
009429 ob daz ir wille waere .
009430 do^ wart ein vroeli^cher schal
009431 von dem liute }ber al
009432 daz si si^n alle waeren vro^ .
009433 vrouwe La^ri^e satzte im do^
009434 u^f si^n houbet scho^ne
009435 die guldi^nen kro^ne
009436 und bevalch in si^ne hant
009437 ir li^p , ir liute und ir lant
009438 mit einem zepter guldi^n .
009439 do^ kuste er die k}nigi^n
009440 und nam si in si^nen gwalt .
009441 mit ir minne si im galt
009442 si^ne no^t do^ me^ dan tu^sentvalt .
009443 Do^ disiu rede verendet was ,
009444 do^ huop sich u^f dem palas
009445 von vreuden harte gro^zer schal .
009446 die tische wa^ren }ber al
009447 geriht na^ch k}nicli^chem sit .
009448 den truhsaezen giengen mit
009449 busu^ner die in bliesen vor .
009450 man warf die tambu^r enbor
009451 mit slegen daz der wi^te sal
009452 dem gedoene engegen hal .
009453 man gap da^ gro^ze wirtschaft
009454 und aller vreuden }berkraft
009455 sa^hen si die wi^le man az .
009456 her Gwi^ga^lois der k}nic vergaz
009457 alles si^nes leides hie .
009458 do^ er von dem tische gie ,
009459 die maget nam er bi^ der hant .
009460 mit vreuden giengen si zehant
009461 von den liuten an ir gemach .
009462 ob ie ri^ter baz geschach
009463 von wi^be , daz liez er a^ne haz ;
009464 geschach ouch ie vrouwen baz
009465 von manne , daz lie si a^ne ni^t;
009466 daz erzeicten si einander si^t
009467 mit herzenli^cher minne ,
009468 wand ir zweier sinne
009469 mit ganzen triuwen wurden enein
009470 so^ daz diu herze under in zwein
009471 he^ten beidiu einen muot ;
009472 swaz si wolde , daz du^hte in guot ;
009473 ouch was si^n wille der vrouwen ja^ .
009474 sus versigelt diu minne da^
009475 mit herzeliebe ir herze enein
009476 so^ daz diu liebe under in zwein
009477 eines willen pfla^gen .
009478 niemen darf des vra^gen
009479 ob si die naht iht waeren vro^ .
009480 ja^ si , deiswa^r , ir vreude was so^
009481 daz ich der niht geli^chen mac .
009482 mit herzeliebe unz an den tac
009483 si sich underviengen .
009484 dar na^ch si beidiu giengen
009485 wol na^ch mittem morgen
009486 mit vreuden a^ne sorgen
009487 da^ man in eine messe sanc .
009488 sich huop da^ harte gro^z gedranc
009489 do^ si gekroenet giengen v}r .
009490 die kameraere bi^ der t}r
009491 wielken ez mit starken slegen .
009492 nu he^t her Gwi^ga^lois der degen
009493 ze Glois in die burc gesant
009494 da^ man die juncvrouwen vant
009495 und den getriuwen gra^ven Ada^n .
009496 die vuorte man mit einander dan
009497 bi^ der naht ze Kornti^n ;
009498 si wolden ouch zer messe si^n
009499 da^ der helt gekroenet gie .
009500 ein bischof die bredige vie
009501 mit so^ s}ezen worten an
009502 daz der getriuwe gra^ve Ada^n
009503 si^ne s}nde begunde klagen .
009504 er entslo^z in die wi^ssagen
009505 und die ewange^listen
009506 unz er mit gotes listen
009507 und mit der rehten wa^rheit
009508 ir gelouben }berstreit
009509 daz si der toufe wa^ren vro^ .
009510 na^ch ir bet toufte man do^
009511 vrouwen Mari^nen und gra^ven Ada^n ,
009512 dar na^ch die m{gde wol geta^n
009513 die vrouwe Mari^ne bra^hte dar .
009514 do^ si getoufet wa^ren gar
009515 und kristen e^ enpfiengen ,
009516 mit vreuden si do^ giengen
009517 v}r den k}nic u^f den sal
009518 da^ die v}rsten }ber al
009519 sa^zen und die k}nigi^n .
009520 Ri^a^l der k}nic von Jeraphi^n ,
009521 si^n lant alda^ von im enpfie ;
009522 dar na^ch vil manic v}rste gie ,
009523 die si^nes ortes wa^ren geil .
009524 iedoch bleip im der bezzer teil :
009525 dise vrouwen und diu lant
009526 bejagt si^n ellenthaftiu hant
009527 und si^nes herzen manheit .
009528 swer ie so^ gro^ze no^t erleit
009529 durch vrouwen , dem erteile ich daz
009530 er si habe mit vli^ze baz
009531 dan einer der da heime li^t
009532 unz man im eine vrouwen gi^t
009533 der eigen er wol m|hte si^n .
009534 daz nim ich u^f die triuwe mi^n
009535 daz der so^ wol niht wirt gepflegen
009536 noch so^ s}eze bi^ gelegen
009537 als der durch die man kumber ha^t
009538 und diu ze ho^hem gwinne sta^t ;
009539 ich waen der minne na^hen ga^t .
009540 Dar umbe enweiz ich anders niht
009541 wan als diu a^ventiure giht
009542 diu mirz kunt ha^t geta^n :
009543 diu sagt uns daz der werde man
009544 vrouwen La^ri^en pflaege also^
009545 daz si der pflege waere vro^ .
009546 er volzo^ch ir muote
009547 mit li^be und mit guote ;
009548 des was ir schoener li^p wol wert .
009549 do^ er die v}rsten he^t gewert
009550 ir le^hen , als si an gezo^ch ,
009551 ir deheines muot da^ von envlo^ch
009552 sine sw}eren im alle hulde da^ .
009553 do^ gebo^t er den v}rsten sa^
009554 daz si behielten Karles reht
009555 und diu gerihte machten sleht
009556 }ber allez si^n ri^che .
009557 daz wart do^ staeticli^che
009558 gevestent , als er in gebo^t .
009559 sus he^t daz lant si^ne no^t
009560 mit vreuden }berwunden .
009561 an den selben stunden
009562 kom mi^n her Ga^wein geriten
009563 v}r die burc na^ch si^nen siten ;
009564 die wa^ren harte ri^terli^ch ,
009565 wand er was wert unde ri^ch ,
009566 als ez an si^nem geverte schein .
009567 sus kom mi^n her Ga^wein
009568 selbe vierde in daz lant : -
009569 die vuorten werli^che hant -
009570 E^rec und mi^n her Ga^wein ,
009571 Lanzelet und her I^wein .
009572 ir geselleschaft und ir muot
009573 was a^ne valsch mit triuwen guot .
009574 si ka^men dar mit ri^cheit ,
009575 wol geriten und gekleit ,
009576 als ez ir e^ren wol gezam ;
009577 ir geverte daz was a^ne scham .
009578 si vuorten ingesindes vil .
009579 busu^nen unde seitspil
009580 vor in u^f der stra^ze hal .
009581 von vreuden was da^ gro^zer schal
009582 u^f dem hu^se und da^ vor .
009583 die ri^ter giengen v}r daz tor
009584 und enpfiengen wol die geste .
009585 da^ne was dehein gebreste
009586 des guotes noch der e^ren ;
009587 daz begunde man allez ke^ren
009588 in ze liebe und ze guote
009589 mit herzen und mit muote .
009590 ir harnasch man vor in zo^ch .
009591 aht ors starc und ho^ch
009592 zo^ch man den soumen na^ch ,
009593 diu man vil wol verdecket sach
009594 mit sami^te der was ro^t ,
009595 der ouch den schilten decke bo^t
009596 daz si da^ bi^ iht waern bekant
009597 swa^ si riten durch diu lant .
009598 sus ka^men si ze Kornti^n .
009599 der k}nic und diu k}nigi^n
009600 enpfiengen si mit triuwen wol ,
009601 als sun si^nen vater sol .
009602 her Ga^wein in umbe vie ;
009603 vor vreuden er die z{her lie
009604 u^f si^ne wa^t vallen .
009605 mit triuwen a^ne gallen
009606 si sich underkusten ;
009607 des mohte si wol lusten :
009608 si wa^rn ze sehen einander vro^ .
009609 vrouwe La^ri^e kuste do^
009610 die geste , als si der k}nic bat .
009611 die v}rsten giengen von ir stat
009612 und enpfiengen si alle besunder .
009613 daz was niht ein wunder
009614 war umb si ko^men in daz lant :
009615 her Gwi^ga^lois der he^t gesant
009616 einen brief dem herren Ga^wein ,
009617 daran ein ingesigel schein
009618 daz er si^ner muoter lie
009619 do^ er mit ja^mer von ir gie
009620 und si si^t nimmer me^ gesach ;
009621 dar an im doch ein leit geschach
009622 daz si^nes herzen vreude brach .
009623 Der brief sagt im diu maere
009624 wie er worden waere
009625 k}nic }ber zwei lant
009626 und wie si^n ellenthaftiu hant
009627 die a^ventiure he^t erstriten .
009628 derselbe brief begunde in biten
009629 und manen herzenli^che
009630 daz er die v{terli^che
009631 triuwe an im behielte
009632 und kaeme da^ er wielte
009633 zweir lande und ir kro^ne ;
009634 die waeren im ze lo^ne
009635 gegeben umb si^n arbeit
009636 und ein k}nigi^n gemeit
009637 der schoene man niht geli^ches vant .
009638 sus kam her Ga^wein in daz lant
009639 ze si^nes sunes ho^chvart ,
009640 da^ er vil wol enpfangen wart .
009641 dar na^ch er den wirt gevie
009642 bi^ der hant unde gie
009643 an eine heimli^che stat ,
009644 da^ er in mit ja^mer bat
009645 von si^ner lieben muoter sagen .
009646 do^ huop sich e^rste gro^zez klagen
009647 und herzenli^chiu swaere
009648 do^ er diu gewissen maere
009649 vernam von der muoter si^n .
009650 er sprach " owe^ , k}nigi^n ,
009651 daz ich di^ner minne enbern muoz !
009652 di^n handelunge unde di^n gruoz
009653 was mi^ner vreuden o^stertac !
009654 swen ich an di^nem arme lac
009655 und di^nen li^p umbe vie ,
009656 owe^ , so^ was mir rehte wie
009657 ich waer in dem pardi^se !
009658 di^ner minne spi^se
009659 nam mir dicke mi^nen sin .
009660 der ja^mer gi^t mir ungewin .
009661 wol der w}nnicli^chen zi^t
009662 der ich mit gro^zem ja^mer si^t
009663 vil herzenli^che ha^n geda^ht ,
009664 so^ diu winterlange naht
009665 mi^ner swaere was ze lanc
009666 und mich diu gro^ze liebe twanc
009667 diu na^hen in mi^nem herzen saz ;
009668 da^ von ich nimmer me^ vergaz
009669 di^ner reinen g}ete
009670 irn gedaehte mi^n gem}ete .
009671 sus ha^n ich immer ja^mers vil .
009672 durch mi^ner vrouwen e^re ich wil
009673 allen wi^ben wesen holt
009674 und si liutern als ein golt
009675 mit worten swa^ ich immer kan .
009676 ich wil ir aller dienestman
009677 und ir kempfe immer wesen ,
009678 wan niemen mac a^n si genesen
009679 der ir g}ete erkennen kan ;
009680 in solden wesen underta^n
009681 von rehte alle kro^ne ,
009682 wan sich ir s}ezem lo^ne
009683 nimmer niht geli^chen mac .
009684 owe^ , gelebte ich noch den tac
009685 daz ich mi^n tru^t m}ese sehen ,
009686 so^ne m|hte mir lieber niht geschehen !
009687 daz wizze , lieber sun mi^n ,
009688 nu solt ab du^ mi^n vreude si^n ,
009689 si^t dich mir got ha^t gegeben ;
009690 di^n werdicheit ist gar mi^n leben .
009691 des lobe ich unsern herren Krist
009692 daz dir so^ wol gelungen ist
009693 und wil si^n immer wesen vro^ . "
009694 na^ch der rede giengen si do^
009695 wider zir geselleschaft .
009696 da^ was von vreuden gro^ziu kraft
009697 und minnicli^cher vrouwen vil ,
009698 der schoene ist gar der vreuden zil
009699 und werltli^chiu w}nne .
009700 der in niht guotes g}nne ,
009701 der m}ez von in gescheiden si^n .
009702 si gebent vreude und ho^hen pi^n ,
009703 dem herzen senli^che no^t .
009704 wan ir gna^de , wir waeren to^t
009705 an vreuden und an muote .
009706 ze liebe und ze guote
009707 geschuof si got der werlte gar .
009708 o^ wol der w}nnicli^chen schar
009709 die got also^ gekroenet ha^t
009710 daz gar der werlte vreude sta^t
009711 an ir vil reinen g}ete !
009712 si nidernt ho^ch gem}ete
009713 und hoehent dicke nidern muot .
009714 wol im der na^ch ir willen tuot !
009715 ir tro^st der ist na^ch leide guot .
009716 Do^ dem herren Ga^wein
009717 vrouwen La^ri^en schoene erschein
009718 und ir li^p rehte ersach ,
009719 wider si^ er g}etli^che sprach
009720 " o^ wol dir , minnicli^cher li^p !
009721 gebar di^ne schoene ie dehein wi^p ?
009722 daz ist doch ungeloublich .
009723 ich waen got selbe worhte dich
009724 mit si^ner gotli^chen hant .
009725 swaz ich vrouwen ha^n erkant
009726 od mit den ougen ie gesach ,
009727 der schoene macht di^n schoene swach .
009728 du bist ir aller spiegel .
009729 ich ha^n noch her den ziegel
009730 v}r lu^ter glas an gesehen ;
009731 di^ner schoene muoz ich pri^ses jehen ;
009732 du solt ir aller kro^ne tragen .
009733 di^n schoene mangen ha^t erslagen
009734 der noch wol lebte si^ne zi^t .
009735 ich waen di^n s}eziu minne gi^t
009736 dem herzen ja^mers stimme .
009737 du bist diu wa^re gimme
009738 senli^cher minne
009739 des herzen und der sinne .
009740 ichn gan di^n niemen also^ wol
009741 als dem der dich da^ haben sol ,
009742 mit dem du , vrouwe , solt genesen .
009743 ir sult mi^n vreude beidiu wesen
009744 swar ich in der werlte var .
009745 got ha^t si^nen vli^z gar
009746 ze wunsche wol an iuch geleit ;
009747 und laet er iuch a^ne leit
009748 also^ mit vreuden alten ,
009749 und welt ir danne behalten
009750 die se^le , so^ wirt daz ende guot .
009751 nu gebe er iu den selben muot
009752 der iuwer minne gesamnet ha^t ;
009753 dar zuo habt ir mi^nen ra^t
009754 und mi^ne helfe die wi^le ich lebe .
009755 ich zel mirz zeiner gro^zen gebe
009756 von unsers herren barmicheit
009757 daz er mir mi^n herzeleit
009758 mit iu beiden ha^t benomen .
009759 ze vreuden bin ich wider komen
009760 si^t ich iuch bi^ einander weiz . "
009761 vrouwe La^ri^e sich do^ vleiz
009762 mit gebaerden und mit munde
009763 als si beste kunde
009764 daz si in mit triuwen meinde ;
009765 mit worten si im bescheinde
009766 daz si si^n tohter wolde si^n ;
009767 hern Ga^wein hiez si v{terli^n .
009798 sus gwan diu triuwe und ir sin
009799 einen muot under in ,
009770 der was gescheiden e^ mit drin .
009771 Des k}niges ho^chzi^t diu was gro^z .
009772 ir deheinen des wesens da^ verdro^z .
009773 man gap in gro^ze wirtschaft ;
009774 dar zuo si vreuden }berkraft
009775 sa^hen alle tage da^ .
009776 niemen dorfte vra^gen " wa^ ? "
009777 wan da^ was manger hande spil
009778 und ri^terli^cher vreuden vil ;
009779 also^ vertriben si die zi^t .
009780 der sal was schoene unde wi^t ,
009781 lu^ter , eben als ein glas .
009782 vil gro^zer tanz daru^ffe was
009783 von ri^tern und von vrouwen .
009784 ouch stuonden in den ouwen
009785 vil manic he^rli^ch gezelt .
009786 beidiu wisen unde velt
009787 vollez ri^terschefte lac ,
009788 da^ man buhurdierens pflac
009789 alle tage unz an die naht .
009790 sus was mit vreuden bedaht
009791 daz lant , daz e^ ja^mers pflac
009792 vil riuwicli^che mangen tac .
009793 E^rec und mi^n her Ga^wein ,
009794 Lanzelet und her I^wein
009795 die buhurdierten ouch da^ vil .
009796 sus werte daz ri^terli^che spil
009797 vollecli^che zwelf tage
009798 na^ch der a^ventiure sage .
009799 also^ diu ho^chzi^t ende nam ,
009800 do^ kom ein garzu^n a^ne scham
009801 u^f den sal geloufen .
009802 der begunde sich roufen
009803 und geba^ren jaemerli^che ,
009804 wand er was ja^mers ri^che .
009805 ich waen si^n swaere diu was gro^z .
009806 er lief nacket unde blo^z
009807 aller hande kleider ,
009808 niwan dirre beider :
009809 zweir schuohe und einer niderwa^t ;
009810 im was aller hande ra^t
009811 anders vil tiure .
009812 der bra^ht a^ventiure :
009813 ein bluotic sper zebrochen ;
009814 da^ mit was erstochen
009815 der k}nic A^mi^re von Li^bi^a^ .
009816 daz kunt er den ri^tern da^
009817 mit vil jaemerli^cher klage .
009818 da^ vor an dem dritten tage
009819 was er erslagen vor Na^mu^r .
009820 daz he^t geta^n der vreuden schu^r ,
009821 Li^o^n , der ungehiure ,
009822 mit einer jostiure .
009823 ditz klage er offenli^che
009824 und rief vil jaemerli^che
009825 " wa^fen }ber den helt balt
009826 der gro^zen mort und gewalt
009827 an mi^nem herren ha^t geta^n ! "
009828 er sprach " swer ie liep gewan
009829 und herzenli^che tru^tschaft ,
009830 habe er dar zuo ganze kraft
009831 der triuwen und der manheit ,
009832 so^ si^ im daz unbilde leit
009833 daz der ungetriuwe man
009834 an mi^nem herren ha^t geta^n .
009835 er nam im si^ne vriundin
009836 und vuorte si mit gewalte hin ,
009837 do^ er den helt he^t erslagen .
009838 ditz leit sol der k}nic klagen ,
009839 von Kornti^n her Gwi^ga^lois ;
009840 und ist er also^ kurtois
009841 und pfligt so^ gro^zer manheit
009842 also^ diu werlt von im seit ,
009843 so^ sol er rechen ditze leit .
009844 Mi^n vrouwe und mi^n herre
009845 die wa^ren harte verre
009846 durch den k}nic gevaren her .
009847 nu ha^t geletzet in daz sper
009848 des lebens und der ho^chzi^t .
009849 owe^ , wie jaemerli^ch er li^t
009850 noch u^f dem velde unbegraben !
009851 swelhe nu ri^ters namen haben ,
009852 den si daz unbilde leit .
009853 vor leide ha^n ich mi^niu kleit
009854 von dem li^be gerizzen .
009855 der k}nic sol daz wizzen ,
009856 die v}rsten und ir dienestman ,
009857 daz ditz laster ist geta^n
009858 benamen u^f ir e^re .
009859 mi^ner vrouwen Li^ame^re ,
009860 der werden k}niginne ,
009861 ist ir staetiu minne
009862 mit gewalte entschumpfieret .
009863 swen daz laster zieret ,
009864 dern kan niht leit mit leide klagen .
009865 Li^o^n der v}rste ha^t erslagen
009866 an mi^nem herren einen man
009867 daz ich iu niht gesagen kan
009868 wie ho^hes werdes was si^n li^p .
009869 vrouwe La^ri^e und si^n wi^p ,
009870 mi^n vrouwe Li^ame^re ,
009871 ir ietwedriu se^re
009872 der andern leit solde klagen
009873 mit triuwen als ich iu wil sagen .
009874 ir v{ter zweier bruoder kint
009875 wa^ren , die erslagen sint
009876 leider nu^ vor mangem tage . " -
009877 der zweier namen ich iu sage :
009878 der ein Ga^rez von Li^bi^a^ ;
009879 ouch nant er den andern sa^ :
009880 La^r , der k}nic von Kornti^n . -
009881 " nu sehet waz si einander si^n
009882 und helfet mi^ner vrouwen wider ! "
009883 vor leide vrouwe La^ri^e nider
009884 umb ir nifteln laster seic .
009885 her Gwi^ga^lois niht lenger sweic .
009886 er sprach " vrouwe , gehabt iuch wol !
009887 ich erledige si , oder ich dol
009888 swaz ze li^den mir geschiht .
009889 vrouwe La^ri^e , enweinet niht !
009890 ich wil im widerbieten . "
009891 die v}rsten im do^ rieten
009892 daz er sich besande baz .
009893 si spra^chen " herre , wizzet , daz
009894 im helfent die S{rvi^e ;
009895 dar zuo von Turki^e
009896 kumt im vil manic ri^ter guot .
009897 ouch tragent im vil holden muot
009898 die Valwen und die Kriechen .
009899 wir m}ezen mangen siechen
009890 vor der stat gewinnen .
009891 u^zen an der mu^re und innen
009892 li^t da^ ho^her t}rne vil .
009893 da^ wirt benamen des to^des spil .
009894 nu dar , swer pri^s bejagen wil ! "
009905 E^rec und si^n geselleschaft
009906 spra^chen " swer nu zwi^velhaft
009907 durch dise vreise wil beste^n ,
009908 dem kan daz laster niht na^hen ge^n
009909 daz si^nem herren und im geschiht . "
009910 " her Gwi^ga^lois , nu ensu^mt iuch niht , "
009911 sprach her Ga^wein der degen ,
009912 " und wil got des rehten pflegen ,
009913 als er ie ha^t geta^n ,
009914 so^ waen uns niht geschaden kan .
009915 ir habt vil guote ri^terschaft ,
009916 und wellent die ir triuwen kraft
009917 iu mit helfe erzeigen hie ,
009918 so^ne gewan dehein k}nic nie
009919 in disem lande so^ mangen helt .
009920 dise ri^ter sint erwelt
009921 u^z mangem k}nicri^che . "
009922 do^ lobten im geli^che
009923 helfe an der stunde
009924 mit gemeinem munde
009925 die si^ne und ouch die geste .
009926 diu sicherheit wart veste
009927 }ber den ungetriuwen man
009928 der disen mort he^t geta^n
009929 und in daz laster he^t erboten .
009930 her Gwi^ga^lois do^ si^nen boten
009931 mit dem garzu^n sande dar .
009932 von im und von den v}rsten gar
009933 widerbo^t er in die stat
009934 Li^o^n dem v}rsten w}rde mat ,
009935 m|ht er , na^ch si^nem scha^che geta^n .
009936 sus schiet der bot von im dan .
009937 dem garzu^n wolder kleider geben .
009938 do^ sprach er " nein ! ich wil leben
009939 mit herzeleide unz an die zi^t
009940 daz gotes (ge)rihte ra^che gi^t
009941 na^ch si^nen werken }ber in
009942 der mir vreude und gewin
009943 a^ne schulde genomen ha^t .
009944 owe^ der gro^zen meinta^t ,
009945 daz si noch ungerochen sta^t ! "
009946 Sus nam er urloup und schiet dan
009947 wider zuo dem to^ten man ,
009948 der dannoch u^f dem velde lac ;
009949 des got mit si^ner huote pflac
009950 vor vogeln und vor hunden .
009951 si^n ors daz was gebunden
009952 vil vaste an einer linden ast .
009953 also^ gewa^fent lac der gast :
009954 si^n schilt was }ber in geleit
009955 na^ch des landes gwonheit ;
009956 daz swert under si^nem houbet lac .
009957 ditz was der sibende tac
009958 daz der helt was erslagen .
009959 man sach in jaemerli^che klagen
009960 zwe^ne winde die bi^ im la^gen .
009961 des heldes si da^ pfla^gen
009962 vor vogeln und vor wilde .
009963 unga^z u^f dem gevilde
009964 dolten si die hungers no^t
009965 unz si da^ lagen bi^ im to^t ,
009966 daz ors und si^ne winde .
009967 den schat gap in diu linde
009968 mit ir loube daz was breit .
009969 mi^n vrouwe Li^ame^re erleit
009970 na^ch dem helde gro^ze pi^ne .
009971 im wa^ren die si^ne
009972 gar gevangen und erslagen .
009973 daz begunde si herzenli^che klagen
009974 mi^t wi^pli^cher swaere ;
009975 ir wart der li^p unmaere
009976 daz si ir tru^t he^t verlorn .
009977 do^ he^t ab si Li^o^n erkorn
009978 ze vreuden si^nem li^be .
009979 disem reinem wi^be
009980 ersluoc er ir lieben man
009981 mit einem sper von Angran .
009982 ir gro^ziu schoene gap im den to^t .
009983 der ja^mer ir na^ch im gebo^t
009984 vil pi^nli^che swaere .
009985 swie schoene ir varwe e^ waere ,
009986 diu erlasch nu gar und wart bleich .
009987 ir vreude ir so^ gar gesweich
009988 daz si niwan ja^mers pflac
009989 beidiu naht unde tac .
009990 des li^bes si sich gar bewac .
009991 Als ir der triuwen ja^mer riet ,
009992 ir schoene z|pfe si abe schriet ,
009993 die wa^ren lanc , ze rehte gro^z ;
009994 der regen von ir ougen vlo^z
009995 an diu wange und u^f ir brust .
009996 der bitter to^t was ir gelust ;
009997 daz erzeiget si der werlte si^t .
009998 si zarte von ir den sami^t ,
009999 der von golde gap liehten schi^n ,
010000 und einen belz h{rmi^n
010001 von ir schoenem li^be .
010002 dem vil reinem wi^be
010003 wart von herzen leide ,
010004 daz si ir ougen weide
010005 a^ne schulde slahen sach .
010006 von disem leide ir herze brach ,
010007 da^ von ouch si den li^p verlo^s .
010008 ir ganze sinne si verko^s
010009 mit jaemerli^cher tobeheit ;
010010 sine dolte an ir deheiniu kleit ,
010011 unz man ir huote muose haben .
010012 " owe^ , wan waer ich begraben
010013 mit mi^nem s}ezen tru^te ! "
010014 daz rief si vil lu^te ;
010015 dise rede begap si nie .
010016 swaz si ir schoenen li^bes gevie ,
010017 da^(z) beiz si jaemerli^che abe .
010018 von dirre gro^zen ungehabe
010019 vlo^ch si wi^p unde man ,
010020 wan si was so^ wol geta^n ,
010021 swer ir ja^mer rehte ersach
010022 daz dem ze weinen geschach .
010023 ditz treip si also^ siben tage ,
010024 daz ir ja^mer und ir klage
010025 was zallen zi^ten niuwe ;
010026 si truoc die wa^ren riuwe
010027 umbe ir gesellen to^t .
010028 Li^o^n der v}rste ir dicke enbo^t
010029 si^nen li^p und ouch si^n lant .
010030 daz gienc ir allez zeiner hant ;
010031 si^n tro^st der was ir ungehabe .
010032 sus tet si sich der werlte abe
010033 mit herzenli^chem se^re .
010034 den li^p , guot und e^re
010035 verlo^s si umb ir gesellen to^t ;
010036 des wart vil manic ouge ro^t ;
010037 ir triuwe wac v}r Karles lo^t .
010038 Do^ si der v}rste to^te sach ,
010039 wider sich selben er do^ sprach
010040 " owe^ , waz ha^n ich geta^n !
010041 ich ha^n erslagen ir lieben man
010042 a^ne schulde mit mi^ner hant .
010043 owe^ dir , untriuwen bant ,
010044 wie mich di^n gir verleitet ha^t !
010045 du gaebe mir disen boesen ra^t
010046 daz ich den helt erslagen ha^n
010047 niwan u^f des heiles wa^n
010048 daz mir si^n schoene wi^p belibe
010049 und ich die zi^t mit ir vertribe .
010050 nu li^t si hie vor leide to^t
010051 umb ir gesellen , deist ein no^t
010052 die ich immer klagen muoz .
010053 o^ wol dir , reines wi^bes gruoz
010054 und herzenli^chiu tru^tschaft !
010055 du treist et gar der triuwen kraft
010056 mit vil jaemerli^chen siten . "
010057 innen des do^ kam geriten
010058 des k}niges bot von Kornti^n .
010059 waz si^n gewerp m|hte si^n ,
010060 daz was in allen unbekant .
010061 er erbeizte und gie zehant
010062 da^ er Li^o^n den v}rsten sach .
010063 wider in er vr{veli^che sprach
010064 " herre , dir widerbietent die
010065 die ich dir benenne hie
010066 ir dienest und ir vriuntschaft :
010067 mi^n herre der k}nic mit si^ner kraft ,
010068 her Gwi^ga^lois von Kornti^n ,
010069 Ri^a^l , der k}nic von Jeraphi^n ,
010070 E^rec, fil de roi Lac
010071 und Lanzelet der Arlac ,
010072 mi^ns herren vater , her Ga^wein ,
010073 und von dem brunnen her I^wein ,
010074 Zaradech und Panschafar , -
010075 die sint von der heiden schar
010076 zwe^ne k}nige u^z Asi^a^ , -
010077 die wellent ir sper da^
010078 durch di^nen schilt verstechen
010079 und daz laster rechen
010080 mit swerten an di^nem li^be ,
010081 daz du dem reinen wi^be
010082 ha^st erslagen ir lieben man ,
010083 der dir niht leides he^t geta^n .
010084 zes k}niges ho^chzi^t wolder si^n ;
010085 nu ha^t diu untriuwe di^n
010086 ir gewalt an im erzeiget .
010087 di^n ho^chvart wirt geneiget
010088 und di^n gewalt verke^ret .
010089 di^n vreude wirt gese^ret
010090 mit herzenli^cher swaere .
010091 owe^ der leiden maere
010092 daz mi^n vrouwe Li^ame^re ist to^t ,
010093 diu nie wart von schanden ro^t !
010094 ir li^p ha^t si von dir verlorn .
010095 dar umbe ha^t u^f dich gesworn
010096 der gra^ve Ada^n von A^lari^e ,
010097 und dise v}rsten dri^e :
010098 Dare^l , Game^r und Ari^u^n ;
010099 Medari^e und Belacu^n ,
010100 von danne sint si geborn .
010101 ir herren habent si verlorn
010102 u^f dem gevilde bi^ Roimunt .
010103 von disen v}rsten tuon ich dir kunt
010104 daz si dir schade wellent si^n .
010105 vrouwe E^lami^e diu k}nigi^n
010106 widerbiutet dir ir vriuntschaft ,
010107 si und ir geselleschaft .
010108 vrouwe Mari^ne und ir gespiln
010109 die wellent hie mit dir spiln
010110 da^ von manic ouge wirdet ro^t .
010111 daz spil wirt manges mannes to^t .
010112 dir widerbiutet ouch Bejolarz ,
010113 des gra^ven sun von Le^odarz
010114 und si^n neve , der gra^ve Mo^ra^l ;
010115 Ursi^n und Ambiga^l ,
010116 zwe^ne gra^ven von Sa^li^e ;
010117 dar na^ch diu m{sseni^e
010118 widerbiutet dir ir vriuntschaft .
010119 mi^n herre der k}nic , mit si^ner kraft
010120 wil dich besitzen vor der stat .
010121 da^ wirt di^n untriuwe sat
010122 mortli^cher dinge .
010123 di^ner vreuden klinge
010124 muoz bresten von der meinta^t
010125 die di^n hant begangen ha^t
010126 an dem v}rsten wol geborn .
010127 von si^nem to^de ha^t verlorn
010128 ir li^p vrouwe Li^ame^re ,
010129 diu mit herzen se^re
010130 vil jaemerli^che ende ko^s
010131 vor leide , daz si ir tru^t verlo^s .
010132 waz mac ich nu sprechen me^ ?
010133 ir li^p der ist ein junger re^
010134 und li^t hie jaemerli^che .
010135 nu wizze et sicherli^che
010136 daz got den mort niht }bersiht .
010137 swaz leides dir da^ von geschiht ,
010138 dazn sol niemen guoter klagen .
010139 na^ch disen zwelf tagen
010140 sihestu mi^nen herren hie ,
010141 dem reiner wi^be ja^mer ie
010142 vi^l na^hen an daz herze gie . "
010143 Do^ Li^o^n he^t vernomen
010144 die botschaft diu im was komen ,
010145 und disen ja^mer vor im sach ,
010146 daz beswa^rte in se^re unde sprach
010147 " der rede wirt vil guot ra^t .
010148 swer mir widerboten ha^t
010149 dem entwi^che ich nimmer einen vuoz .
010150 ir vriuntschaft und ir gruoz
010151 ist mir als in diu mi^ne .
010152 vor der stat ich schi^ne
010153 swen si komen , mit ri^ters wer .
010154 sine bringent nie so gro^zez her
010155 ichn gebe in ri^terschaft genuoc .
010156 o^woch ! daz ich den v}rsten sluoc ,
010157 des tru^we ich harte wol genesen .
010158 die mir schade wellent wesen
010159 die komen her , swer si si^n !
010160 ich nim daz u^f die triuwe mi^n
010161 daz si den pri^s hie bejagent
010162 den ir wi^p da heime klagent .
010163 si waenent des ich si^ ez Ro^az .
010164 deiswa^r , ich tru^we verre baz
010165 mi^n lant erweren und die stat .
010166 der rede wil ich dehein blat
010167 legen v}r mi^nen munt .
010168 daz weiz ich wol und ist mir kunt
010169 daz er den helt mit zouber sluoc
010170 des hant vil m{nlich ellen truoc .
010171 durch daz im da^ so^ wol gelanc ,
010172 so^ wolder }ber mi^nen danc
010173 mi^n lant mir an erstri^ten .
010174 er sol noch lenger bi^ten
010175 mich dunket des , er su^me sich .
010176 si^n zorn unde si^n gerich
010177 ist mir als daz boeste ha^r
010178 daz ie man von im geschar .
010179 daz soltu di^nem herren sagen .
010180 swaz er pri^ses hie wil bejagen ,
010181 den muoz er koufen tiure ,
010182 hei enist niht a^ventiure !
010183 die sol er suochen anderswa^ .
010184 ich weiz wol , - im gelinge et da^
010185 als im tet ze Kornti^n , -
010186 sol ich leben , ich tuon im schi^n
010187 daz er mi^n lant und mich verbirt .
010188 ich wil hie selbe wesen wirt .
010189 ern ha^t niht rehte an mir ersehen ;
010190 ander liute sol er im spehen
010191 die si^n ze herren wellen jehen ! "
010192 Der bot sprach zem wirte sa^n
010193 " hie enwirt mit rede niht geta^n ;
010194 die sul wir beide la^zen si^n ;
010195 bistu vrum , daz wirt wol schi^n .
010196 ich wil mit urloube varn . "
010197 er sprach " got m}eze dich bewarn !
010198 nu sage der m{sseni^e von mir :
010199 und tragen si ri^terli^che gir ,
010200 daz si die hie erzeigen ;
010201 ez sterben (ni)wan die veigen , -
010202 die laegen doch da^ heime to^t , -
010203 daz si niht schiuhen dise no^t . "
010204 er sprach " herre , daz tuon ich . "
010205 mit der rede schiedens sich .
010206 sus vuor der bot ze Kornti^n .
010207 den k}nic und die k}nigi^n
010208 vant er und die v}rsten da^ .
010209 disiu maere begunder sa^
010210 al der m{sseni^e sagen :
010211 wie der k}nic waere erslagen ,
010212 A^mi^re , durch si^n schoene wi^p ,
010213 und wie der na^ch vor leide ir li^p
010214 diu schoene Li^ame^re
010215 mit herzenli^chem se^re
010216 vil jaemerli^ch verko^s ,
010217 do^ si ir gesellen verlo^s
010218 der ir herzen bluome was .
010219 noch staeter danne ein adamas
010220 was der reinen triuwe .
010221 daz erzeicte ir gro^ziu riuwe
010222 die si na^ch dem helde truoc
010223 den ir gro^ziu schoene sluoc .
010224 owe^ und wol dir , Minne !
010225 du twingest die k}niginne
010226 geli^ch der vil armen diet .
010227 di^n kraft nie niht underschiet
010228 dune z}gest ez gar in di^n gebot .
010229 du kanst in ernest und in spot
010230 twingen allez daz du wil .
010231 di^n ende daz treit ja^mers vil :
010232 den to^t er na^ch im ziuhet .
010233 swer di^nem gewalte enpfliuhet ,
010234 der dunket mich ein sinnic man .
010235 di^n kraft vil wol gemachen kan
010236 mit leide liehtiu ougen ro^t .
010237 da^ wart vil ofte " owe^ dir , to^t ! "
010238 ger}efet jaemerli^che ,
010239 do^ si kl{geli^che
010240 klagten daz vil reine wi^p ,
010241 diu von herzeleide ir li^p
010242 verlo^s umb ir lieben man .
010243 als ich mich versinnen kan ,
010244 daz wirt vil selten nu^ geta^n .
010245 Welt ir , ich sagiu wa^ von :
010246 wi^len was man ungewon
010247 valschli^cher minne ;
010248 mit einvaltigem sinne
010249 minten si ein ander do^ .
010250 nu^ si^ wir valschli^che vro^
010251 und minnen (ni)wan mit k}ndicheit .
010252 swer nu^ wa^re minne treit
010253 und triuwe , der ist vil manges spot .
010254 wi^len do^ minten si got ,
010255 do^ he^t ouch ers in si^ner pflege .
010256 nu ke^re wir alle von dem wege
010257 si^ner gebot , diu er uns lie .
010258 da^ von solt wir bedenken wie
010259 diu werlt sich verke^ret ha^t ;
010260 ir vreude jaemerli^che sta^t ;
010261 diu reht sint gevloehet ;
010262 ir gewalt der ist gehoehet ;
010263 diu triuwe ist verschertet ;
010264 untriuwe mit ni^de hertet .
010265 diu zi^t ha^t sich verwandelt gar ;
010266 ie lanc lenger boesent diu ja^r .
010267 ezn lebt nu niemen si^ne zi^t ;
010268 diu gi^ticheit boese ende gi^t ;
010269 sus ha^t si sich verke^ret .
010270 ir vreude ist gese^ret
010271 mit toetli^cher s}nde .
010272 ditz ist ir urk}nde :
010273 si ste^t nu^ , als wi^len sach
010274 Jo^hannes , da^ von er sprach
010275 in dem he^ren geiste .
010276 mit gotes volleiste
010277 sach er die himel offen ste^n ;
010278 dar inne solhiu dinc bege^n
010279 daz im ze schri^ben wart verboten .
010280 er sach des wa^ren lambes boten
010281 in si^nen tougen umbe varn
010282 und durch den himel einen arn
010283 vliegen krefticli^che .
010284 der rief vil jaemerli^che
010285 " owe^ ir , aller muoter barn !
010286 ir solt na^ch si^nem willen varn
010287 der anegenges niene ha^t
010288 und des gewalt a^n ende sta^t
010289 und der in si^ner hende
010290 besliuzet der werlt ende ,
010291 a^n des gena^de niht mac gesi^n ;
010292 des tuot er alle tage schi^n .
010293 si^n gebot habt ir }bersehen ;
010294 des muoz iu leide geschehen .
010295 von im si^t ir vervluochet
010296 iuwers lebens er niht ruochet . "
010297 daz ist }ber uns ergangen .
010298 mit des to^des zangen
010299 si^ wir leider hin gezogen .
010300 diu gi^ticheit ha^t uns betrogen
010301 und werltli^cher ri^chtuom .
010302 owe^ dir , ri^cheit unde ruom !
010303 di^n zierli^ch gebende
010304 wirt vil ellende
010305 nach des li^bes ende .
010306 Ichn mac ez allez errecken niht
010307 swaz do^ geschach und noch geschiht :
010308 der maere w}rde gar ze vil ;
010309 da^ von ich mich niht su^men wil
010310 mit so^ manger umbesage .
010311 da^ was gro^z weinen unde klage
010312 von der m{sseni^e .
010313 diu k}nigi^n La^ri^e
010314 klaget vil se^re ir nifteln to^t .
010315 da^ wart vil manic ouge ro^t
010316 von kl{geli^chem se^re .
010317 der bot sagt in noch me^re
010318 von Li^o^n , dem v}rsten balt :
010319 daz er umb ir aller gwalt
010320 niht engaebe daz boeste ha^r
010321 daz ie man von im geschar ,
010322 und daz ir aller widerbot
010323 waer si^n t{geli^cher spot ;
010324 ern v|rhte si ze nihte
010325 und wolde zir angesihte
010326 gegen in ligen mit si^nem her .
010327 si v}nden ri^terli^che wer ,
010328 strenge jost und herten stri^t ,
010329 ob si koemen im enzi^t
010330 mit m{nli^chem muote .
010331 her Ga^wein der guote
010332 und si^n gesellen ( die ) wurden vro^ .
010333 diu m{sseni^e bereit sich do^
010334 vil snelle zuo der hervart ,
010335 da^ manic schilt verhouwen wart .
010336 ouch bereite man der k}nigi^n
010337 da^ si inne solde si^n
010338 die vart durch des k}niges bet ,
010339 daz ouch si vil gerne tet ,
010340 wand ez ir beider minne riet ,
010341 diu si nimmer me^ geschiet .
010342 swar mi^n her Gwi^ga^lois nu rit ,
010343 vrouwe La^ri^e im volget mit ,
010344 wand er die schoenen gerne sach .
010345 er hiez bereiten durch ir gemach
010346 ein harte schoene kastel ,
010347 ze ma^ze ho^ch und sinwel ,
010348 geriht u^f einen helfant ,
010349 daz man vil wol bedecket vant
010350 mit pfelle von Alexandri^e .
010351 drinne mi^n vrouwe La^ri^e
010352 mit zwelf juncvrouwen reit ,
010353 die wa^ren ri^ch und gemeit .
010354 vil gro^z gezierde truoc man dri^n ;
010355 mit ri^chen tepten si^di^n
010356 bestreuwet man daz kastel .
010357 ein pfelle ro^t unde gel
010358 die wende al umbe gar bevienc .
010359 enmitten dar inne hienc
010360 ein m}ckennetze si^di^n .
010361 mit golde was gehangen dri^n
010362 ein kristalle , lu^terr danne ein glas ,
010363 daz vil wol gef}llet was
010364 mit balsam der gap guoten smac ;
010365 des s}eze enstri^te gegen wac
010366 bisem und spica^ nardi^ .
010367 welt ir wizzen waz daz si^ ?
010368 umb den smac ste^t ez so^ :
010369 nie niemen wart so^ unvro^ ,
010370 gesmecket er si^n , si^n leit zerge^ .
010371 nu hoert von si^ner tugent me^ :
010372 dehein suht ist so^ geta^n
010373 und wirt diu salbe gestrichen dran ,
010374 sine m}eze deste semfter si^n .
010375 besigelt in einem rubi^n
010376 was si ; da^ von mans gesach .
010377 der was der kristallen dach
010378 und brehende als ein kerzen lieht
010379 da^ man des nahtes bi gesieht .
010380 diu salbe ist tiure und unbekant ;
010381 man bringet si von des Alten lant
010382 vil verre u^z der heidenschaft .
010383 von solhen wurzen ha^t si kraft
010384 die man mit golde wider wiget .
010385 da^ von ir su^ezer smac gesiget
010386 von rehte allen wurzen an .
010387 als ichz vernomen ha^n ,
010388 ir s}eze sich niht geli^chen kan .
010389 Daz netze was gestricket wol ;
010390 guldi^ner schellen hienc ez vol
010391 niden an dem ende ;
010392 ouch wa^ren die wende
010393 mit betten umbe und umbe beleit .
010394 von ri^chen pfellen kulter breit
010395 wa^ren dru^f gestrecket ,
010396 die wende gar bestecket
010397 mit bluomen , und daz hu^s bestreut .
010398 der tac , des schi^n diu herze vreut ,
010399 schein al umbe durch diu glas ,
010400 swen ez an si^nem zi^te was .
010401 sus was gezieret scho^ne
010402 drinne der vreuden kro^ne ,
010403 des wunsches a^mi^e ,
010404 diu k}nigi^n La^ri^e
010405 durch gemach solde ri^ten .
010406 in vil kurzen zi^ten
010407 na^ch ir willen was ez bereit ,
010408 gezieret mi^t gro^zer ri^cheit .
010409 swenne diu vrouwe solde varn ,
010410 so^ hiez her Gwi^ga^lois bewarn
010411 mit gro^zer huote daz kastel
010412 vier gra^ven ; die wa^ren snel
010413 ze triuwen und ze manheit ;
010414 ouch was in ganzer sin bereit .
010415 der eine hiez gra^ve Mo^ra^l ;
010416 Ursi^n und Ambiga^l ;
010417 der vierde hiez gra^ve Ada^n .
010418 der gebot wa^rn underta^n
010419 hundert ri^ter ge^rte .
010420 swar der helfant ke^rte
010421 u^f dem velde od an dem wege ,
010422 da^ he^ten si in in ir pflege ,
010423 also^ diu vrouwe dru^ffe was .
010424 nu ko^men u^f den palas
010425 die v}rsten durch des k}niges bet
010426 und swuoren alle an der stet
010427 ze warten dem herren Ga^wein ,
010428 des kunst an ri^terschefte schein .
010429 er du^hte si so^ wi^se
010430 daz si von si^nem pri^se
010431 nimmer m|hten missevarn ,
010432 si^t er daz her solde bewarn
010433 mit sinnen und mit manheit .
010434 des kom er in die arbeit
010435 die er vil ku^me }berwant .
010436 wan daz im vreise was bekant ,
010437 ez waer verzaget des heldes hant .
010438 Do^ diu hervart was bereit ,
010439 als uns diu a^ventiure seit ,
010440 und iegeli^ch ri^ter zuo der vart
010441 an der zal geahtet wart ,
010442 do^ he^t der k}nic von Kornti^n , -
010443 an dem was gro^z manheit schi^n , -
010444 sehs tu^sent ri^ter ode me^r .
010445 nie dehein k}nic wart so^ he^r
010446 im zaeme solhiu ri^terschaft .
010447 er he^t wol heres groezer kraft
010448 gev}eret , ob er wolde .
010449 dehein ri^ter na^ch solde
010450 diente da^ mit si^ner wer :
010451 im was so^ willic gar daz her
010452 durch si^ne gro^ze manheit ,
010453 daz im ir dienest was bereit
010454 mit ganzem willen , a^ne guot ;
010455 si truogen im alle holden muot .
010456 ouch ta^ten si der k}nigi^n
010457 si^t wol an dem stri^te schi^n
010458 daz si rou ir nifteln to^t .
010459 man sol reiner wi^be no^t
010460 dankes nimmer }bersehen .
010461 swa^ in schade mac geschehen
010462 daz sol wenden ein iegli^ch man ,
010463 wan dem herzen niemen kan
010464 so^ herzenli^che vreude geben
010465 als der reinen wi^be leben .
010466 ir gewizzen und ir g}ete
010467 hoehent daz gem}ete
010468 daz immer waere an vreuden to^t .
010469 sus wendent si des herzen no^t
010470 mit guoter handelunge .
010471 vervluochet si^ diu zunge
010472 da^ von dehein rede ge^ ,
010473 diu ir lobe widerste^ !
010474 Nu hoeret wie diu hervart
010475 geordent und gepr}evet wart
010476 u^z dem lande ze Kornti^n .
010477 Ri^a^l der k}nic von Jeraphi^n
010478 vuor ie vor mit si^ner schar .
010479 si^n banier was alsus gevar :
010480 geteilet wi^z unde ro^t .
010481 enmitten dar inne bo^t
010482 ein tier von golde liehten schi^n ;
010483 daz muose wol gezieret si^n ,
010484 geschicket als ein helfant :
010485 da^ bi^ si^n wa^fen was bekant ,
010486 swar der edel ri^ter vuor .
010487 diu volge im m{nlich ellen swuor .
010488 er was ein helt , a^ne wa^n ;
010489 si^n hant vil dicke he^t geta^n
010490 da^ von man im pri^ses jach .
010491 die galio^te man vl}htic sach
010492 vor im vil dicke u^f dem mer :
010493 er he^t entschumpfiert ir wer .
010494 ouch la^gen im geli^che
010495 zwei ri^chiu k}nicri^che ;
010496 der gewaltes he^t er sich erwert .
010497 nu hoeret wie der k}nic vert !
010498 sehs helfande vuort er ;
010499 die truogen na^ch des heldes ger
010500 wi^chu^s unde bercvrit .
010501 da^ riten tu^sent ri^ter mit
010502 und v}nf tu^sent sarjant ;
010503 die truogen lanzen in der hant ,
010504 buckeler , swert unde bogen .
010505 uns enhabe diu a^ventiure betrogen ,
010506 si zogeten u^z dem lande dar
010507 mit manger banier lieht gevar .
010508 dar na^ch reit diu k}nigi^n ;
010509 an der geverte was wol schi^n
010510 daz ir des wunsches niht gebrast .
010511 si vuorte mit ir der saelden last
010512 u^f dem helfande , -
010513 gepr}evet a^ne schande : -
010514 zwelf m{gde w}nnicli^che ,
010515 edel unde ri^che ,
010516 gekleit in gr}enen sami^t ;
010517 roc unde mantel wi^t
010518 mit lu^tern vedern gefurriert .
010519 ir houbet wa^ren geziert
010520 mit schapeln bluomi^n .
010521 ir schoene gap den andern schi^n
010522 enstri^te gegen dem liehten tage .
010523 swie in ja^mer unde klage
010524 gaebe vrouwen Li^ame^ren to^t ,
010525 iedoch wa^rn in die m}nde ro^t
010526 unde ir antl}tze lieht .
010527 ouchn sol ich vergezzen nieht
010528 wie vrouwe La^ri^e was gekleit .
010529 als uns diu a^ventiure seit ,
010530 ir schoene gegen der sunnen streit .
010531 Ein hemde wi^z als ein swan
010532 truoc diu gespil der saelden an ;
010533 daz was von si^den kleine .
010534 an ietwederm beine
010535 zwe^ne schuohe von borten guot .
010536 si jehent alle daz ho^hen muot
010537 diu ri^cheit dem herzen gi^t .
010538 daz mac wol si^n , doch ist mi^n stri^t
010539 daz nie gro^ze ho^chvart
010540 dehein herze von reiner art
010541 gewan von gro^zer ri^cheit .
010542 daz si^ iu allen samt geseit :
010543 daz ungesl{hte treit }bermuot .
010544 ein pfelle , gelpfer danne ein gluot
010545 vrouwen La^ri^en was gesniten ;
010546 dem was furrieren niht vermiten
010547 von hermen die wa^ren blanc .
010548 ir roc und ir mantel lanc ,
010549 wol bezogen und gesniten
010550 na^ch der Franzoiser siten ,
010551 ( der mantel ) mit offener sn}ere .
010552 na^ch ri^cheit gev}ere
010553 ein zobel umbe und umbe gie , -
010554 beidiu orte er bevie , -
010555 swarz , gra^ unde breit .
010556 diu vrouwe he^t umb sich geleit
010557 einen riemen von I^berne ;
010558 als die liehten sterne
010559 daz edel(ge)steine daru^ffe lac .
010560 ein rubi^n , lieht alsam der tac ,
010561 was zuo der rinken wol ergraben ,
010562 von golde ein tracke daru^f erhaben .
010563 diu vrouwe truoc ein v}rspan
010564 da^ne was niht me^ gesmi^des an
010565 niwan ein dorn guldi^n ;
010566 da^ mit hafte si ir buosem i^n .
010567 daz v}rspan was ein edel stein ,
010568 der doch dri^er varwe schein .
010569 daz ein teil ein sma^ragde was
010570 gr}ener danne dehein gras ;
010571 ein saphir was des andern schi^n ;
010572 daz dritte ein edele rubi^n :
010573 zwe^ne lewen und ein ar .
010574 alsus ha^t gemeistert dar
010575 na^ch dem wunsche ditze werc
010576 mit worten Wirnt von Gra^venberc .
010577 der pfelle den si an truoc
010578 der was von golde guot genuoc ,
010579 geworht in der heidenschaft ;
010580 da^ ist der sinne hoehstiu kraft .
010581 da^ la^gen vor den vrouwen fier
010582 wurfzabel und kurrier
010583 geworht von helfenbeine .
010584 mit edelem gesteine
010585 spilten si , mit holze niht ,
010586 als man nu^ vrouwen spilen siht .
010587 si he^ten kurzewi^le vil
010588 von manger hande seitspil
010589 daz die vrouwen kunden ;
010590 da^ mit si }berwunden
010591 ir ja^mer und ir herzeleit .
010592 alsus was in der wunsch bereit ;
010593 ir gespile was diu saelicheit .
010594 E^rec und si^n geselleschaft
010595 swenne die wolden gro^ze kraft
010596 herzenli^cher vreude spehen
010597 und minnicli^che schoene sehen ,
010598 so^ giengen si zer k}nigi^n ;
010599 da^ vunden si der saelden schi^n
010600 und schoener kurzewi^le vil
010601 von zabel und von seitspil
010602 und s}eze ougen weide .
010603 nie niemen wart so^ leide ,
010604 und solder zuo den vrouwen ge^n ,
010605 ern m}ese leides a^ne geste^n .
010606 die von geb}rte wa^ren gro^z ,
010607 v}rsten oder v}rsten geno^z ,
010608 die lie man u^f daz kastel .
010609 da^ was diu wi^le harte snel
010610 mit vreuden schiere zergangen .
010611 wen moht da^ erlangen
010612 da^ der wunsch geordent was ?
010613 niuwe bluomen , gr}enez gras
010614 was ie t|uwigez dri^n gestreut .
010615 da^ von sich li^p und herze vreut
010616 und daz diu beidiu twinget ,
010617 da^ mit diu saelde ringet -
010618 daz ist der edeln vrouwen gruoz ,
010619 den diu volge jehen muoz
010620 daz niht dem herzen na^her ge^ ,
010621 dem tuont si wol unde we^ , -
010622 die sa^zen hie na^ch pri^ses k}r .
010623 ir ougen wider unde v}r
010624 sa^hen in diu herze ;
010625 da^ von vil li^hte ein smerze
010626 moht eteli^chem widervarn ,
010627 da^ vor sich niemen kan bewarn .
010628 sus vuor diu vrouwe La^ri^e ,
010629 des wunsches a^mi^e .
010630 ob ir kastel vlouc ein van ;
010631 da^ was von golde gebildet an
010632 ein tier , als daz von Roimunt
010633 ir vriunde tet die stra^ze kunt
010634 in daz lant zuo Kornti^n .
010635 sus was des selben tieres schi^n
010636 in einen swarzen sami^t
010637 gesniten lanc unde wi^t ;
010638 daz was ir wa^fen zaller stunt ;
010639 da^ bi^ was ir der ja^mer kunt
010640 mit leide umb ir vater to^t ,
010641 als diu triuwe ir gebo^t .
010642 daz tier mant si der selben no^t ,
010643 Als ez ist geseit mir ,
010644 zwe^ne k}nige pfla^gen ir :
010645 der herre I^wein und E^rec ;
010646 die riten mit ir u^f den wec .
010647 driu tu^sent ri^ter vor und na^ch ,
010648 da^ man under v}eren sach
010649 vil liehtiu baniere .
010650 mit golde harte ziere
010651 vil schilte sach man gli^zen ,
010652 mangen helm wi^zen
010653 gebunden u^f die soume ;
010654 ri^che pf{rdes zoume
010655 mit guldi^nen schellen ;
010656 die ho^rte man verre hellen ,
010657 die busu^n bla^sen in dem her .
010658 iegeli^ch man mit si^ner wer
010659 reit als er kunde stri^ten .
010660 vil knappen sach man ri^ten ,
010661 die schoeniu ors mit in zugen ;
010662 habiche unde valken vlugen
010663 und aller hande vederspil .
010664 als in kom des a^bendes zil
010665 und si diu hitze ein teil verlie ,
010666 iegeli^chez si^nen vogel vie
010667 den ez va^hen solde .
010668 als her Ga^wein wolde
010669 dri^ k}nige riten na^ch dem her ;
010670 die vuorten toetli^che wer :
010671 starkiu sper von Angran .
010672 man vuorte mit den v}rsten dan
010673 wol zweinzic vuoder oder me^r ;
010674 gabilo^t und atige^r
010675 truogen die sarjande .
010676 sus vuor u^z si^nem lande
010677 her Gwi^ga^lois , der werde helt .
010678 zwei tu^sent ri^ter u^z erwelt
010679 huoten hinden na^ch dem her ;
010680 die vuorten vreisli^che wer :
010681 tu^sent sch}tzen mit starken bogen .
010682 swenne die wurden u^f gezogen
010683 und man die vi^nde komen sach ,
010684 so^ waer mi^n li^p da^ ze swach
010685 ze ri^ten under in gewesen ;
010686 ich waen unlange waere genesen .
010687 einen helfant zo^ch ein knappe kluoc
010688 der des k}niges kamer truoc
010689 und si^nen vanen vor der schar ;
010690 des muosens alle nemen war .
010691 ez was ein swarzer sami^t ,
010692 gesniten lanc unde wi^t ;
010693 von golde ein rat darinne schein ;
010694 daz zieret manic edel stein .
010695 der sami^t gebl}emet was
010696 mit dem golde von Kaukasas .
010697 daz brehent als ein queckiu gluot
010698 geviuret u^z der vinster tuot .
010699 die zwe^ne k}nige u^z Asi^a^
010700 zwei ri^chiu banier vuorten da^ ,
010701 Zaradech und Panschavar .
010702 ir wa^fen was ein h{rmi^n ar
010703 in einem pfelle von Ninive^ ;
010704 der was gr}ene als ein kle^ ,
010705 gebildet mit ro^tem golde gar ;
010706 da^ mit si pfla^gen einer schar .
010707 diu banier vlugen }ber velt .
010708 vil mange h}tte und gezelt
010709 diu starken mu^le truogen .
010710 vil olbenden sluogen
010711 die koufliute vor in hin ;
010712 die truogen ri^cheit gewin ,
010713 spi^se und also^ ri^ch gewant
010714 daz man ninder bezzerz vant
010715 ze Kriechen und in der heidenschaft .
010716 sus vuor der k}nic mit si^ner kraft
010717 vil ri^terli^che v}r Namu^r
010718 ze leide Lio^n , der vreuden schu^r ;
010719 diu vart wart mangem manne su^r .
010720 Si ko^men an dem zwelften tage
010721 na^ch des boten widersage .
010722 den k}nic Ami^ren bra^htens dar .
010723 des re^ wart , gebalsamt gar ,
010724 geleit in einen edeln stein
010725 u^f eine su^l , da^ durch er schein
010726 vor der stat }ber al daz her .
010727 si vunden ri^terli^che wer
010728 al umbe und umbe u^f dem graben ;
010729 da^ wart vil manic stri^t erhaben .
010730 diu stat lac einhalp an dem mer ;
010731 da^ was si sicher vor dem her .
010732 ein starkiu mu^re si gar bevie ;
010733 vil tief ein grabe drumbe gie ,
010734 da^ durch ein lu^ter wazzer vlo^z ;
010735 daz was ze guoter ma^ze gro^z ,
010736 geleit durch ein gebirge dar .
010737 her Gwi^ga^lois mit si^ner schar
010738 belegt die stat unz an daz mer .
010739 diu was ber}stet wol mit wer :
010740 t}rne , bercvrit , {rker
010741 vil a^ne ma^ze stuont der
010742 u^f der mu^re ob dem graben .
010743 da^ man den to^t mit solde laben
010744 und da^ mit manger wart erslagen ,
010745 des was vil u^f die wer getragen :
010746 guot geschoz , steine vil .
010747 ein dinc daz was des to^des spil :
010748 pfeteraere und gro^ze mangen .
010749 diu mu^re was behangen
010750 mit gro^zen blochen sinwel ;
010751 diu wa^ren an der wer so^ snel :
010752 swen iemen an den graben gie ,
010753 und man diu bloch vallen lie ,
010754 so^ hurten si die vi^nde wider
010755 in den tiefen graben nider ;
010756 da^ von den li^p vil manger vlo^s
010757 des hant vil werli^ch ende ko^s .
010758 aht porte giengen in die stat :
010759 zwo^ warten u^f des meres stat ,
010760 die sehs her u^z an daz velt .
010761 man vant da^ stri^tes widergelt
010762 swiez der man geruochte ,
010763 als ez si^n ellen suochte .
010764 her Ga^wein , der des heres pflac
010765 nam vride unz an den andern tac
010766 von dem her und u^z der stat ,
010767 des man da^ beidenthalben bat .
010768 von dem graben an diu gezelt
010769 was ein also^ breitez velt
010770 daz si vor sch}zzen wa^ren vri^ .
010771 nu hoeret wie geordent si^
010772 daz gesaeze , ob ir welt .
010773 her Ga^wein , der wi^se helt ,
010774 he^t geschaffet zuo dem mer
010775 Ri^a^l den k}nic von dem her
010776 gegen der porte diu da^ u^z gie ;
010777 tu^sent ri^ter er im lie .
010778 do^ la^gen dem naehsten tor
010779 zwe^ne ri^che k}nige vor :
010780 Zaradech und Panschavar ;
010781 den lie man tu^sent ri^ter dar ,
010782 die ir gebotes na^men war .
010783 Do^ la^gen gegen der dritten
010784 porte , vil na^ch enmitten ,
010785 der k}nic I^wein und E^rec ;
010786 der hende kunden wi^ten wec
010787 houwen durch die ri^terschaft ;
010788 si he^ten kunst unde kraft ;
010789 den wa^ren tu^sent ri^ter bi^ .
010790 nu hoeret wer vor der vierden si^ :
010791 her Gwi^ga^lois , der k}nic he^r ,
010792 wan da^ vant man stri^tes me^r
010793 danne vor deheinen andern tor ;
010794 da^ was her Ga^wein mit im vor
010795 und tu^sent ri^ter u^z erkorn .
010796 ein k}niginne wol geborn
010797 vor der v}nften porte lac ;
010798 der geselleschefte pflac
010799 vrouwe Mari^ne und gra^ve Ada^n ;
010800 der gebot wa^rn underta^n
010801 ouch tu^sent ri^ter unverzaget .
010802 vrouwe E^lami^e hiez diu maget ;
010803 der was diu milte an geborn ;
010804 diu he^t ouch in ir hant gesworn .
010805 angenomen milte schiere zerge^t .
010806 seht wie daz m}lrat geste^t
010807 swenne ez niht snelles wazzers ha^t !
010808 dem geli^che ich milter liute ra^t :
010809 als der dem herren entwi^chet ,
010810 diu erge wider sli^chet
010811 aber zuo dem herzen .
010812 da^ beginnet diu milte smerzen ,
010813 wan si da^ niht wesen sol ;
010814 der wehsel gevellet mir niht wol !
010815 ditz maere ist hie mit undersniten
010816 und durch die (g)warheit geriten
010817 den alten und den niuwen siten .
010818 Vor der sehsten porte lac
010819 der sich stri^tes ouch bewac :
010820 der truhsaeze von Roimunt ;
010821 dem was wol stri^tes vuore kunt .
010822 bi^ im lac der gra^ve Mo^ra^l ,
010823 Ursi^n und Ambiga^l ;
010824 die he^ten tu^sent ri^ter da^ .
010825 her Ga^wein der teilte sa^
010826 die sarjande underz her ,
010827 iegeli^chen mit si^ner wer :
010828 u^f sehs helfande
010829 zwei hundert sarjande .
010830 die wurfen unde schuzzen
010831 daz die z{her vluzzen
010832 bluotic durch daz i^sengwant .
010833 iegeli^cher schar ein helfant ;
010834 die kunden entwi^chen unde ste^n ,
010835 mit stri^te gegen den vi^nden ge^n :
010836 sus wa^ren si gele^ret .
010837 ein gezelt daz was gehe^ret
010838 da^ vrouwe La^ri^e inne saz ,
010829 daz nie dehein gezelt baz
010840 von pfelle wart gezieret ,
010841 mit golde geparrieret .
010842 dar u^ffe stuont ein guldi^n tier
010843 von edelem gesteine fier .
010844 dar obe vlouc ein liehter van ;
010845 da^ was daz selbe tier an
010846 mit vil lu^term golde
010847 gebildet als si wolde .
010848 von leder ein huot hienc da^ bi^
010849 der daz gezelt machet vri^
010850 des regens , so^ der nider go^z .
010851 gegen der sunnen stuont ez blo^z .
010852 vil gro^ziu ri^cheit darunder was :
010853 mit pfelle von Kaukasas
010854 vil bette wa^rn gedecket wol ;
010855 diu sa^zen edler vrouwen vol .
010856 daz selbe gezelt was so^ wi^t
010857 daz ich waen deheinez si^t
010858 iemen wi^ter kunde gespehen .
010859 man mohte da^ ri^che v}rsten sehen
010860 ri^ten wider unde v}r ,
010861 iegeli^ch ri^ter na^ch si^ner k}r ,
010862 da^ er si^nen vriunt gesprach
010863 und ouch die k}nigi^n gesach ;
010864 dar na^ch si riten wider i^n
010865 da^ iegeli^cher solde si^n .
010866 si he^ten alle spi^se genuoc .
010867 einen market man bi^ in u^f sluoc ;
010868 da^ vant man michel ri^cheit
010869 von aller hande spi^se bereit
010870 und swaz man koufen wolde
010871 von gewande und von golde ,
010872 na^ch des mannes muote .
010873 dem here schuof man huote :
010874 hundert ri^ter ie von der schar ,
010875 die daz her behuoten gar
010876 vor den vi^nden unz an den tac .
010877 vil s}ezes schalles man da^ pflac
010878 mit hollerbla^sen u^f der wer .
010879 umbe und umbe unz an daz mer
010880 huoten si mit vli^ze
010881 unz daz des tages wi^ze
010882 o^stern durch diu wolken dranc .
010883 von glocken ho^rte man mangen klanc
010884 in der stat , wan diu was wi^t .
010885 do^ du^hte ouch des die u^zern zi^t
010886 daz si sich bereiten
010887 gegen den arbeiten .
010888 ir i^senhosen schuohtens an ;
010889 dar na^ch vuor ein iegeli^ch man
010890 der kristen was und dens gezam
010891 da^ er eine messe vernam .
010892 die v}rsten und her Ga^wein
010893 des a^bendes wa^ren worden enein
010894 wen si ze sturme solden ge^n ,
010895 mit stri^te gegen den vi^nden ste^n .
010896 der ri^ter ors wa^ren bereit ,
010897 u^f iegeli^chez zwo^ decke geleit
010898 von i^sen und von pfelle .
010899 E^rec und si^n geselle
010900 die pfla^gen einer banier lieht .
010901 ouch sol ich vergezzen nieht
010902 ichn sagiu wie diu gepr}evet si^ :
010903 ein ro^ter pfelle von A^ra^bi^ ,
010904 darinne ein rat , von Ninive^
010905 eins pfelles gr}ene alsam ein kle^ ;
010906 der pfla^gen die helde mit ir kraft
010907 durch des k}niges geselleschaft ,
010908 zuo dem si wa^ren komen dar .
010909 do^ warte vrouwen E^lami^en schar ,
010910 der edeln k}niginne ,
010911 mit m{nli^chem sinne
010912 einer banier diu was bla^ ;
010913 mit ri^cher koste was alda^
010914 von golde ein kro^ne drin gesniten ;
010915 mit der stolze helde riten .
010916 dem truhsaezen von Roimunt
010917 und si^nen (ge)sellen tet man kunt
010918 ze warten einer banier
010919 diu was swarz ; darinne ein tier
010920 gesniten enmitten vlouc ,
010921 mit dem golde van Azagouc
010922 gezieret und gemeistert dar .
010923 sus lac der vrouwen La^ri^en schar
010924 gegen einer porte bi^ dem mer .
010925 do^ wa^rens beidenthalp ze wer ,
010926 daz u^zer und daz inner her .
010927 Die porte(n) wurden u^f geta^n .
010928 u^z iegeli^cher vlouc ein van ;
010929 v}nf hundert ri^ter volgten na^ch ;
010930 den was gegen den vi^nden ga^ch .
010931 si he^ten alle geneiget ir sper ;
010932 man dorfte niht ruofen " hera^ ! her ! "
010933 wan si ke^rten gegen der schar
010934 da^ si der herte na^men war .
010935 die schilte druhten si an sich .
010936 mit speren wart da^ manic stich
010937 gevrumt durch daz i^sengwant ,
010938 daz si^n daz herze darunder enpfant .
010939 die u^zern wa^ren gegen in komen
010940 und he^ten alle ir ors genomen
010941 ze beiden si^ten mit den sporn .
010942 die helde treip der grimme zorn
010943 zem stri^te und m{nli^chiu gir .
010944 durch helm und durch herseni(e)r
010945 mit jost da^ manger wart erslagen .
010946 man sach die trunzu^ne ragen
010947 durch die schilte alniuwe .
010948 sine bra^chen niht ir triuwe ;
010949 beidenthalb was widerboten .
010950 man sach vil mangen helm roten
010951 von bluote der e^ lu^ter was .
010952 die ringe riren als ein glas
010953 von stichen und von starken slegen .
010954 da^ lac vil manic werder degen
010955 gehurt und geslagen nider ,
010956 dem niemen mohte gehelfen wider .
010957 die innern entwichen v}r diu tor ;
010958 da^ huop sich solich stri^ten vor
010959 daz daz bluot nider go^z
010960 und durch die wa^fenr|cke vlo^z .
010961 mit slegen den andern niemen trouc .
010962 daz viur u^z den helmen vlouc ,
010963 gemischet mit bluote daz was ro^t .
010964 sicherheit da^ niemen bo^t ;
010965 da^ was dehein gevaterschaft :
010966 ez schiet niwan des to^des kraft
010967 mit vil vi^ntli^chen slegen .
010968 allenthalben bi^ den wegen
010969 sach man die wunden t|unde ligen
010970 die des bluotes wa^rn ersigen ,
010971 und vil mangen to^ten
010972 der se^re was verschro^ten .
010973 mit diu he^t sich der sturm erhaben ;
010974 die sarjande an den graben
010975 mit antwerke giengen ;
010976 dar u^f si enpfiengen
010977 diu bloch , so^ man diu vallen lie .
010978 daz geschoz als diu sni^e gie
010979 und die w}rfe underz her .
010980 do^ mischten sich ir beider wer
010981 }ber den graben unz an daz mer .
010982 Die helfande volgeten mit
010983 dem her na^ch ir gele^rtem sit
010984 gegen den vi^nden u^f den graben .
010985 diu wi^chu^s wa^ren daru^f erhaben
010986 geli^ch ho^ch der mu^re .
010987 vil herte na^chgebu^re
010988 wa^ren in die sarjande .
010989 ir manheit verswande
010990 geschozzes unde steine vil .
010991 sus spilten si des to^des spil
010992 vil na^ch unz an mitten tac .
010993 vil manic helt da^ bi^ in lac
010994 u^zen unde innen to^t ,
010995 vil orse erslagen ; von bluote ro^t
010996 wart vil manic i^sengwant .
010997 von den helden da^ verswant
010998 mit manger ri^chen jost der walt .
010999 da^ wart vil manger abe gevalt
011000 der si^nen li^p zehant verlo^s .
011001 vrouwe Mari^ne ir erko^s
011002 einen gra^ven von Turki^e .
011003 er und si^n kumpani^e
011004 ta^ten guote ri^terschaft .
011005 diu maget schiet in mit ir kraft
011006 von allen si^nen (ge)sellen ;
011007 si beschutte in a^ne vellen
011008 und nam si^ne sicherheit ;
011009 in ir gezelt er do^ reit .
011010 diu maget nam ein starkez sper ;
011011 von rabi^ne reit si her
011012 ir ors gegen den vi^nden wider ;
011013 einen v}rsten stach si nider ;
011014 den zugen ir gesellen hin .
011015 da^ huop sich vlust und gewin ;
011016 diu maget tetz da^ harte guot .
011017 si truoc m{nli^chen muot
011018 und vil reinen magetuom .
011019 si erwarp da^ ri^terli^chen ruom
011020 mit sper und ouch mit schilte .
011021 dar zuo was si milte ;
011022 diu ist der e^ren kro^ne .
011023 sus lebt diu maget scho^ne
011024 mit vil ganzer werdicheit ,
011025 unz si ein scharfez sper versneit .
011026 daz treip ein helt mit joste dar ,
011027 der herzoge Galope^ar ;
011028 von Kriechen was er geborn ;
011029 u^f die brust he^t ers erkorn
011030 und valte die maget to^te nider .
011031 do^ er wolde wenden wider ,
011032 do^ erreit in der gra^ve Ada^n ;
011033 mit einem sper von Angran
011034 stach er den helt und rach die maget .
011035 ir geli^che nie wart betaget
011036 diu so^ se^re w}rde geklaget .
011037 E^rec und her I^wein ,
011038 an ir geta^t da^ wol schein
011039 daz si wa^ren manhaft ;
011040 si ta^ten solhe ri^terschaft
011041 da^ von ich wol sprechen mac .
011042 die wi^le her Gwi^ga^lois da^ lac
011043 vor der stat mit si^nem her .
011044 man vant da^ ri^terli^che wer
011045 ze rosse und ouch ze vuoze ;
011046 daz was ir unmuoze .
011047 sehs wochen alle tage
011048 ho^rten si da^ niuwe klage :
011049 " dort li^t der wunt ! der hie erslagen ! "
011050 man sach sich wider ein ander tragen
011051 als ein vride gegeben wart .
011052 diu swert wa^ren ungespart ,
011053 diu ho^rte man verre klingen ,
011054 durch liehte helme dringen .
011055 eins morgens vruo Li^o^n u^z reit ;
011056 zer joste durch si^ne manheit
011057 vordert er herren Ga^wein dar ;
011058 in du^hte des er he^t in gar
011059 gewalticli^che in si^ner hant .
011060 Li^o^n der truoc den serpant
011061 mit golde wol gezieret .
011062 der kom gewalopieret
011063 v}r den graben u^f daz velt .
011064 her Ga^wein ru^mte ouch si^n gezelt ;
011065 durch si^nen sun vuort er daz rat
011066 gegen dem helde v}r die stat .
011067 von rabi^ne si beide riten
011068 ze jost ; na^ch ri^terli^chen siten
011069 versta^chen si zwei starkiu sper .
011070 ein ander v}rste ga^hte her
011071 von der stat : Sali^n er hiez ;
011072 si^n manheit in niht ruowen liez .
011073 u^f den herren Ga^wein seiget er ;
011074 durch den schilt mit si^nem sper
011075 stach er im eine wunden gro^z .
011076 daz bluot do^ durch die ringe vlo^z :
011077 iedoch zoumt er Li^o^nen dan .
011078 do^ huop sich u^z der stat sa^n
011079 ze helfe im gar des v}rsten kraft ;
011080 do^ mischte sich diu ri^terschaft .
011081 Zaradech und Panschavar
011082 die i^lten mit ir rote dar
011083 und valten mangen ri^ter nider ,
011084 der si^t niht kom ze(r) joste wider .
011085 Ri^a^l , der k}nic von Jeraphi^n ,
011086 er und die gesellen si^n
011087 punierten under der vi^nde schar .
011088 da^ wurden die helme missevar ,
011089 diu swert von bluote erblichen .
011090 mit slegen und mit stichen
011091 ke^rten si gegen der herte .
011092 daz inner her sich werte
011093 mit so^ m{nli^cher kraft
011094 daz manic swert unde schaft
011095 zebrochen u^f dem velde lac .
011096 vliehens da^ niemen pflac .
011097 diu sunne erlu^hte do^ den tac .
011098 Her Gwi^ga^lois punierte do^ ;
011099 des manic herze wart unvro^ .
011100 mit im her I^wein und E^rec ;
011101 die machten wi^t vil engen wec
011102 mit stichen und mit starken slegen .
011103 da^ viel vil manic werder degen
011104 von den wi^ganden ;
011105 den walt si verswanden
011106 an der schumpfentiure
011107 mit maniger jostiure .
011108 der stri^t wart da^ harte gro^z ;
011109 daz bluot u^f dem velde vlo^z
011110 von wunden und von to^ten
011111 die se^re wa^rn verschro^ten .
011112 vil schoener rosse lac da^ erslagen ;
011113 dar u^z sach man die schefte ragen
011114 und manger hande zeine ,
011115 gro^z unde kleine .
011116 her Gwi^ga^lois die poinder brach ;
011117 einen herzogen von S{rni^e er stach
011118 mit orse betalle nider ;
011119 sus hiuw er v}r unde wider .
011120 vil mangen to^ten valt er
011121 beidiu mit swerte und mit sper ,
011122 unz er den herren Ga^wein vant ;
011123 der he^t erslagen mit si^ner hant
011124 Li^o^nen an der stunde .
011125 ze vliehen do^ begunde
011126 gegen der stat daz inner her ;
011127 da^ wart enschumpfiert ir wer .
011128 der truhsaeze von Roimunt
011129 und si^ne gesellen an der stunt
011130 vil mangen ri^ter viengen .
011131 die sarjande giengen
011132 mit den vi^nden in die stat .
011133 da^ mohte ein man wol werden sat
011134 stri^tes , swer des gerte .
011135 die helde man da^ werte
011136 beidiu mit sch}zzen und mit slegen .
011137 Zaradech , ein werder degen ,
011138 der junge k}nic von Asi^a^ ,
011139 wart mit eime schuzze da^
011140 gevellet in daz wal .
011141 von vl}hte huop sich gro^zer schal .
011142 die geste drungen durch diu tor
011143 mit den die da^ wa^ren vor .
011144 die stra^ze wurden enge .
011145 des to^des gedrenge
011146 huop sich mit den swerten da^ .
011147 des k}niges vanen sach man sa^
011148 mit gewalte v}eren durch die stat ;
011149 darinne von ro^tem golde daz rat
011150 vlouc gegen den l}ften .
011151 do^ liezen si ir g}ften .
011152 die geste gewunnen oberhant .
011153 golt , silber und gewant
011154 und die aller groesten ri^cheit
011155 da^ von ie wart geseit ,
011156 die na^men die vi^nde da^ .
011157 her Gwi^ga^lois beriet sich sa^
011158 daz man die burgen lieze leben ,
011159 ob si sich wolden im ergeben
011160 mit ir dienste in si^nen gewalt .
011161 gar diu stat , jung(e) und alt ,
011162 swuoren im do^ hulde .
011163 do^ liez er die schulde
011164 und swaz im leides was geta^n .
011165 er gap in einen houbetman
011166 der des landes wielte
011167 und im die stat behielte .
011168 dar zuo wolder gi^sel haben
011169 daz wider in immer w}rde erhaben
011170 deheiner slahte sicherheit ;
011171 daz muose vesten ir aller eit .
011172 der vride dem her do^ wart geseit .
011173 Namu^r daz was ein herzentuom ;
011174 vil mangen ri^terli^chen ruom
011175 he^t er erworben der si^n pflac ,
011176 der to^ter in dem wal gelac .
011177 daz herzentuom und die stat ,
011178 als es diu vrouwe La^ri^e bat ,
011179 le^ch er dem gra^ven Mo^ra^l
011180 mit dem zepter a^ne twa^l .
011181 si^n staete diu was niht niuwe ;
011182 er he^t ouch si^ne triuwe
011183 an si^ner vrouwen behalten ie ;
011184 des man in do^ geniezen lie .
011185 dri^zic tu^sent marc von golde
011186 die burgaer do^ ze solde
011187 ga^ben dem k}nige ir herren .
011188 sine wolden im niht verren
011189 ir getriuwecli^ch dienest und ir habe ;
011190 da^ teilte er den v}rsten abe ,
011191 dem derz nemen wolde .
011192 die sarjande mit solde
011193 man na^ch ir willen werte ,
011194 als si^n der man ie gerte .
011195 die gevangen (be)schatzte ein iegli^ch man
011196 ders u^z dem wal bra^hte dan
011197 als er ho^hest mohte .
011198 swaz den wunden tohte
011199 die den k}nic ho^rten an ,
011200 daz wart ze gemache in geta^n .
011201 her Ga^wein do^ gebunden wart
011202 und manic ri^ter von ho^her art ,
011203 der ri^terli^ch was worden wunt .
011204 der k}nic hiez do^ an der stunt
011205 die to^ten alle samt begraben ,
011206 die wunden binden unde laben .
011207 Li^o^n do^ scho^ne bestatet wart ,
011208 durch daz er was von ho^her art ,
011209 swie er in doch leide he^t geta^n .
011210 den k}nic A^mi^ren truoc man dan
011211 mit kl{geli^chem se^re
011212 da^ vrouwe Li^ame^re
011213 besigelt in einem sarke lac .
011214 der was lieht alsam der tac
011215 von golde und von gesteine ;
011216 dar inne lac diu reine .
011217 der sarc der was niuwe ,
011218 Li^o^n durch ir triuwe
011219 he^t si bestatet scho^ne .
011220 ein guldi^niu kro^ne
011221 was gehangen }ber den sarc , -
011222 diu koste me^r dan tu^sent marc , -
011223 durch daz si was ein k}nigi^n .
011224 in den sarc zuo ir dar i^n
011225 leit man do^ ir gesellen .
011226 mit vil liehten pfellen
011227 wurden si bewunden .
011228 an den selben stunden
011229 satzte man dari^n ein lu^ter glas ;
011230 mit balsam daz gev}llet was .
011231 da^ bi^ was vrouwe La^ri^e ,
011232 des wunsches a^mi^e .
011233 si klagt vil se^re ir beider to^t .
011234 den burgaern si daz gebo^t
011235 daz si ein kapellen mu^rten dar
011236 und daz diu w}rde von marmel gar .
011237 daz gelobten si und liezens wa^r .
011238 Her Gwi^ga^lois der k}nic he^r ,
011239 des landes marke besatzt er
011240 und gebo^t in allen bi^ der wide
011241 guot gerihte und staeten vride .
011242 sus ke^rte er dan mit si^ner schar .
011243 der werde k}nic Panschafar
011244 von Asi^a^ nam urloup sa^n ;
011245 si^nen to^ten bruoder vuorte er dan .
011246 also^ stuont des heldes muot :
011247 ern wolde deheiner slahte guot ;
011248 daz was iedoch dem k}nige leit .
011249 mit gro^zer klage er danne reit .
011250 der ez von im nemen wolde ,
011251 mit gesteine und mit golde
011252 vulte man in die schilte .
011253 her Gwi^ga^lois was milte
011254 bescheidenli^ch wider alle diet .
011255 a^n ga^be niemen von im schiet .
011256 vrouwe E^lami^e diu k}nigi^n
011257 diune wolde niht lenger bi^ im si^n ;
011258 si nam urloup von im da^ .
011259 den v}rsten allen dancte er sa^
011260 mit worten und mit guote ,
011261 na^ch iegeli^ches muote .
011262 Ri^a^l und die gesellen si^n
011263 ke^rten gegen Jeraphi^n .
011264 si vuorten guotes michel kraft
011265 und vil gevangner ri^terschaft .
011266 Dare^l , Game^r und Ari^u^n
011267 die ke^rten gegen Belaku^n .
011268 der gra^ve Ada^n nam urloup do^ ;
011269 des herze vor leide was unvro^ :
011270 des twanc in vil strengiu no^t
011271 umb der vrouwen Mari^nen to^t
011272 diu an dem stri^te was gelegen .
011273 si vuorte mit im der werde degen ,
011274 er und si^n kumpani^e ,
011275 gegen dem lande z' Alari^e .
011276 dri^ gra^ven vuortens mit in hin
011277 gevangen ; daran lac gro^z gewin .
011278 sus ke^rten dan die geste ;
011279 iegeli^cher an si^ne veste
011280 bra^hte gro^ze ri^cheit ;
011281 daz was den burgaeren leit .
011282 der k}nic die v}rsten sande
011283 gegen si^nem lande
011284 mit dem her ze Kornti^n .
011285 do^ vuorter die gesellen si^n ,
011286 E^rec und den herren I^wein ,
011287 Lanzelet und herren Ga^wein ,
011288 und hundert ri^ter wol geborn ,
011289 der manheit was u^z erkorn .
011290 daz was do^ si^n gesinde .
011291 zweinzic wol geborner kinde
011292 vuorter und diu k}nigin
011293 in daz lant ze Britanje hin .
011294 sus vuorens a^ne swaere .
011295 do^ bra^hte in leidiu maere
011296 u^f dem wege ein garzu^n .
011297 des roc was gel unde bru^n
011298 in ein ander geparrieret ;
011299 si^n houbet was gezieret
011300 mit einem schapel bluomi^n ;
011301 ouch truoc er in den henden si^n
011302 einen stap von helfenbeine .
011303 der knappe lief vreuden eine ,
011304 ich waen diu was im kleine .
011305 Als er die knappen komen sach ,
011306 der garzu^n tru^ricli^che sprach
011307 " ei , guote knappen , tuot mir kunt
011308 a^ne zorn , wider mi^nen munt ,
011309 wes si^ ditz gesinde . "
011310 do^ sprach einez der kinde
011311 " daz sol iu unversaget si^n :
011312 des k}niges von Kornti^n ,
011313 her Gwi^ga^lois ist er genant . "
011314 do^ sprach der garzu^n zehant
011315 " herre , zuo dem bringet mich ;
011316 mit iuwer helfe so^ ha^n ich
011317 mi^nen louf wol bewendet ;
011318 ich bin zuo im gesendet . "
011319 der juncherre sprach " daz si^ geta^n . "
011320 ze si^nem herren vuorter in sa^n .
011321 der garzu^n durch die ri^ter dranc ;
011322 an des k}niges zoum er spranc .
011323 her Gwi^ga^lois sprach wider in
011324 " juncherre , wa^ welt ir hin ? "
011325 er sprach " herre , niwan her . "
011326 bi^ der rede erkande er
011327 si^ner muoter garzu^n .
011328 der geburt was er ein Britu^n .
011329 er sprach " du solt mir willekomen si^n !
011330 nu sage mir von der muoter mi^n ,
011331 wie sich der reine li^p gehabe ;
011332 ich weiz wol si tet sich abe
011333 ir vreude , do^ si mich verlo^s .
011334 ir herze ist ganzer triuwen flo^s . "
011335 der garzu^n weinende sprach ,
011336 daz ir aller vreude brach
011337 " owe^ leider , ja^ ist si to^t !
011338 daz vuorte ir ja^mer und diu no^t
011339 die si na^ch iuwerm li^be leit ;
011340 diu swaere ir abe daz herze sneit .
011341 si schiet mit solhen riuwen hin
011342 daz ich des gewis bin
011343 daz got die se^le im habe erkorn .
011344 ir schoenen li^p ha^t si verlorn ,
011345 daz wizzet , von den beiden :
011346 daz ein was daz scheiden
011347 daz von ir tet ir lieber man ,
011348 na^ch des minne ir herze bran ;
011349 daz ander daz si iuch verlo^s .
011350 von disem leide si erko^s
011351 den to^t mit jaemerli^cher klage .
011352 ez ist hiute an dem dri^zigesten tage
011353 daz bestatet wart diu reine
011354 under einem edeln steine
011355 in der stat ze Riodach ;
011356 mit mi^nen ougen ich daz sach .
011357 daz vingerli^n sande si her ;
011358 daz was ir jungestiu ger
011359 daz ich iu daz braehte
011360 und man da^ bi^ gedaehte
011361 muoterli^cher triuwe
011362 und senli^cher riuwe . "
011363 daz vingerli^n enpfie si^n hant ;
011364 daran er geschriben vant
011365 " owe^ , geselle und ouch mi^n kint !
011366 von iu mi^n varwe ist worden blint ,
011367 mi^n ro^tez golt gar }berzint . "
011368 Von disem maere gestoeret wart
011369 ir aller vreude an der vart .
011370 her Gwi^ga^lois ze herren Ga^wein sprach
011371 " ditz leit ist alles leides dach
011372 daz uns got noch ie erbo^t ;
011373 unser beider li^p ist an ir to^t :
011374 si was mi^n muoter und iuwer wi^p .
011375 ist rehtiu konschaft ein li^p ,
011376 diu ist mit staete iu an ir to^t ."
011377 von dirre klage wurden ro^t
011378 ir ougen und ir herzen se^r .
011379 " waz mac ich nu sprechen me^r "
011380 so^ sprach her Ga^wein der degen ,
011381 " wan daz mi^n vreude si^ gelegen
011382 mit ir hiute v}r disen tac
011383 der ich mit ho^hem muote ie pflac .
011384 ichn wil konli^cher e^
011385 mit staete gepflegen nimmer me^ ,
011386 noch ri^terschaft , michn twinges no^t .
011387 owe^ dir , unbescheiden to^t !
011388 du nimest mangen schoenen li^p
011389 und laest vil wundernaltiu wi^p
011390 leben gar }ber ir zil .
011391 du gi^st der werlte ja^mers vil ! "
011392 sus riten si mit gro^zer klage
011393 und ko^men an dem zwelften tage
011394 in die stat ze Nantasan .
011395 da^ was vi^l manic werder man
011396 bi^ Artu^s , dem k}nige he^r .
011397 do^ si geho^rten rehte wer
011398 da^ kaeme des wurdens alle vro^ .
011399 u^f ir ors si sa^zen do^
011400 und enpfiengen si mit ri^terspil .
011401 man sach da^ kurzewi^le vil
011402 von ri^tern und von vrouwen ,
011403 die gerne wolden schouwen
011404 die k}niginne von Kornti^n .
011405 Artu^s und daz wi^p si^n ,
011406 mit in diu m{sseni^e gar ,
011407 di^e ko^men u^f daz velt dar
011408 zenpfa^hen die geselleschaft
011409 mit williges herzen kraft .
011410 deiswa^r , daz was billi^ch ;
011411 dar ka^men v}nf v}rsten ri^ch ,
011412 gesellen der tavelrunder ,
011413 und aller schoene ein wunder .
011414 diu k}nigi^n La^ri^e ,
011415 des wunsches ami^e .
011416 si wurden wol enpfangen .
011417 do^ daz was ergangen ,
011418 durch die stat si do^ riten
011419 mit vil ri^terli^chen siten
011420 und ko^men v}r des k}niges hu^s .
011421 der vil getriuwe Artu^s ,
011422 si^n wi^p , vrou Ginove^re ,
011423 und ander vrouwen me^re
011424 die ko^men u^f den helfant ,
011425 da^ man den wunsch von ri^cheit vant
011426 und die k}niginne .
011427 ir schoene was der minne
011428 geleite und ir kro^ne ;
011429 den ja^mer si ze lo^ne
011430 gap mit s}ezen blicken ;
011431 si kunde wol verstricken
011432 die sinne dem herzen
011433 mit e^wicli^chem smerzen .
011434 der k}nic Artu^s enpfie ,
011435 dar na^ch vrou Ginove^re gie
011436 mit manger vrouwen wol geta^n .
011437 die k}nigi^n si kuste sa^n
011438 und enpfie vil minnecli^che
011439 ir juncvrouwen alle geli^che .
011440 da^ wart vil manic kus geta^n
011441 von den vrouwen wol geta^n ;
011442 si giengen mit ein ander dan .
011443 Diu k}nigi^n vrouwen La^ri^en nam ,
011444 als ez ir e^ren wol gezam ,
011445 und der k}nic Artu^s .
011446 si leiten si in ir hu^s
011447 mit vroeli^chem schalle .
011448 die edeln ri^ter alle
011449 enpfiengen vrouwen La^ri^en ,
011450 des wunsches a^mi^en .
011451 alle die si gesa^hen
011452 des pri^ses si ir ja^hen
011453 an schoene unde an saelicheit
011454 und daz ir li^be waere bereit
011455 der wunsch an wi^pli^chem zil ;
011456 sus wart si gepri^set vil
011457 von der m{sseni^e .
011458 diu k}nigi^n La^ri^e
011459 gie do^ mit der wirti^n .
011460 ir kamergwant truoc man i^n
011461 und entladete den helfant .
011462 k}nic Artu^s nam bi^ der hant
011463 den jungen k}nic von Kornti^n ;
011464 in und den vater si^n
011465 vuort er mit vreuden u^f den sal ,
011466 da^ daz gesinde }ber al
011467 si vil willicli^che enpfie .
011468 der gra^ve Hojir do^ gie ;
011469 er und si^ne ami^e ,
011470 mit rehter kurto^si^e
011471 enpfiengen si den werden degen .
011472 swie si^n pri^s waere gelegen
011473 von des heldes manheit ,
011474 im was iedoch si^n dienest bereit .
011475 si^ns gel}ckes wa^ren si alle vro^ .
011476 alre^rst gevrieschen si do^
011477 daz si^n vater was her Ga^wein ,
011478 des zuht ie a^ne wandel schein .
011479 der helt beleip mit vreuden da^
011480 siben tage , und gerte sa^
011481 urloubes , er und si^n gespil :
011482 si he^ten ze tuonne vil
011483 da^ heime in ir lande
011484 daz was in allen ande ,
011485 ri^tern unde vrouwen .
011486 doch muosen si schouwen
011487 daz der helt danne schiet ,
011488 als im si^n unmuoze riet .
011489 der helt urloubes gerte ;
011490 des in ungerne gewerte
011491 si^n neve der k}nic Artu^s .
011492 er sprach " daz ir u^z mi^nem hu^s
011493 nu^ ze disen zi^ten
011494 so^ ga^hes m}ezet ri^ten ,
011495 daz ist mir innicli^che leit ;
011496 mi^n dienest ist iu bereit ,
011497 dar zuo mi^n helfe und mi^n ra^t ,
011498 swenne ir mich daz wizzen la^t ,
011499 wand ir mi^n naehster ma^ge si^t .
011500 neve , ir sult v}r dise zi^t
011501 triuwen an mich warten
011502 a^ne valsches scharten . "
011503 her Gwi^ga^lois sprach a^ne spot
011504 " herre , daz vergelte iu got !
011505 der rede ist mir von iu ze vil ;
011506 nu wizzet daz ich immer wil
011507 iu dienstes wesen underta^n
011508 die wi^le und ich den li^p ha^n . "
011509 urloup nam der helt da^
011510 zem k}nige und ouch anderswa^ ,
011511 und vrouwe La^ri^e , si^n gespil .
011512 die buten dienstes harte vil
011513 den vrouwen und der ri^terschaft .
011514 her Ga^wein und si^n (ge)selleschaft
011515 die konduwierten si von dan ,
011516 und manic ander werder man ,
011517 der ich niht genennen kan .
011518 Do^ ke^rte der helt gegen Kornti^n ;
011519 her Ga^wein , der vater si^n
011520 reit mit im besunder .
011521 er sprach " got ha^t si^n wunder
011522 und si^n gena^de an iu geta^n .
011523 ir sult im wesen underta^n
011524 und minnet in herzeli^che .
011525 der sinne si^t ir ri^che ,
011526 des guotes und der e^ren ;
011527 daz sult ir allez ke^ren
011528 swa^ ir muget na^ch si^nem gebot .
011529 swer herzeli^che minnet got ,
011530 der ist behalten hie und dort .
011531 sun , nu merket disiu wort
011532 und behalt diu a^ne misseta^t , -
011533 daz ist mi^nes herzen ra^t : -
011534 si^t bescheiden an allen dingen
011535 und la^t niht verdringen
011536 die jugent iuwer sinne ;
011537 der iuch mit triuwen minne
011538 an den sult ir iuch la^zen
011539 und boeses schimpfes ma^zen ;
011540 vernemet armer liute klage
011541 und b}ezet ir kumber alle tage ;
011542 si^t gewizzen unde guot ;
011543 den vi^nden traget ho^hen muot ,
011544 den vriunden si^t gesellicli^ch
011545 und milte : so^ werdet ir lobes ri^ch ;
011546 bietet den gesten e^re
011547 na^ch iuwer gewizzen le^re ;
011548 si^t dem geh}lfic unde guot
011549 der iuwern willen gerne tuot .
011550 disem ra^te volget na^ch :
011551 la^t iuwern zorn niht wesen ga^ch ;
011552 tragt scham ob allen iuwern siten .
011553 ich wil iuch manen unde biten
011554 daz ir gedenket der vrouwen mi^n ,
011555 bi^ der ich wil mit ja^mer si^n ,
011556 der reinen Flo^ri^en .
011557 sold iemen wa^fen schri^en
011558 }ber gotes gwalt , daz taete ouch ich ,
011559 wand er ha^t beroubet mich
011560 mi^ner hoehsten wunne ;
011561 si was ein brehendiu sunne
011562 enmitten in mi^nem herzen .
011563 owe^ des gro^zen smerzen
011564 den ich nu ewicli^che trage
011565 mit to^tli^cher ja^mers klage ! "
011566 vor leide si beide weinden ;
011567 mit triuwen si bescheinden
011568 daz si in beiden liep was .
011569 " munt von wi^be nie gelas , "
011570 sprach her Gwi^ga^lois der degen ,
011571 " diu g{nzli^cher kunde pflegen
011572 wi^pli^cher g}ete ;
011573 ir herze in tugent bl}ete
011574 also^ der s}ezen ro^sen bluot
011575 des morgens gegen der sunnen tuot . "
011576 sus truogen si des ja^mers last ;
011577 diu vreude was ir herzen gast .
011578 ganziu triuwe ir beider pflac
011579 unz an ir ende mangen tac .
011580 si^nen vater er mit vli^ze bat
011581 swen im der reise w}rde stat ,
011582 daz er kaeme in si^n lant ;
011583 daz lopte her Ga^wein zehant .
011584 ein ander si do^ kusten ;
011585 si truogen under ir brusten
011586 triuwe a^ne wenken ,
011587 die valsch niht mohte beschrenken .
011588 si^ne liebe tohter kuste er do^ ;
011589 der herze wart vor leide unvro^
011590 daz si sich muosen scheiden .
011591 den gelieben beiden
011592 gap der helt vil s}ezen segen
011593 und bat ir got aller pflegen .
011594 sus na^men si do^ urloup da^ ;
011595 mit ja^mer si sich schieden sa^ .
011596 her Ga^wein und des k}niges man
011597 die ke^rten gegen Nantasan ,
011598 her Gwi^ga^lois gegen Kornti^n .
011599 vrouwe La^ri^e diu k}nigi^n
011600 weinde unde was unvro^ .
011601 her Gwi^ga^lois si tro^ste do^ ;
011602 mit schimpfli^chem maere
011603 benam er ir die swaere .
011604 si was untriuwen laere .
011605 Sus ko^men si ze Kornti^n .
011606 der k}nic und diu k}nigi^n
011607 besa^zen da^ ir eigen lant ,
011608 da^ man si^t immer me^re vant
011609 vreude na^ch des herzen gir .
011610 ezn liege diu a^ventiure mir ,
011611 si^t si da^ wurden sedelhaft ,
011612 vrouwen unde ri^terschaft
011613 vant man da^ zallen zi^ten vil .
011614 die burc nant man der vreuden zil .
011615 ein wi^tiu stat da^ vor lac
011616 w}este vil mangen tac ;
011617 die besatzter unde bu^wet si wol .
011618 daz lant wart allez vreuden vol
011619 von des heldes saelicheit .
011620 got si^n dienest was bereit
011621 mit lu^term herzen ; alle tage
011622 vernam er armer liute klage
011623 und buozte in ir kumbers no^t ,
011624 als im diu ma^ze ie danne gebo^t .
011625 mit vreuden lebten si ir ja^r .
011626 vrouwe La^ri^e von im gebar
011627 und von gotes stiure
011628 einen sun , des a^ventiure
011629 mir ze wilde waere ,
011630 ze krump und ze swaere ,
011631 von so^ wunderli^cher (ge)schiht
011632 daz ichz mit mi^nem getiht
011633 nimmer triuwe errecken .
011634 er muoz die sinne endecken
011635 swer si ze rehte tihten wil ;
011636 daz maere ist ho^her sinne ein zil .
011637 der selbe sun wart genant ,
011638 si^n nam wi^ten erkant ,
011639 Lifort Ga^wa^nides .
011640 si^n a^ventiure giht des
011641 daz ri^ters ta^t zer werlte nie
011642 gesteic mit wa^rheit hoeher ie .
011643 er kunde mit ri^cher jost diu sper
011644 hurticli^che na^ch ri^ters ger
011645 in dem poinder brechen ,
011646 durch herte schilte stechen .
011647 si^n gernder pri^s na^ch e^ren ranc .
011648 a^voy , wie dicke im si^t gelanc
011649 an mangem herten stri^te !
011650 er sluoc wunden wi^te
011651 durch helme und durch h{rsenier .
011652 der helt wart m{nli^ch unde fier .
011653 dise a^ventiure nem sich an
011654 ein so^ k}nstiger man
011655 der wildiu wort k}nne zamen .
011656 vremdiu maere und vremde namen
011657 ha^t diu a^ventiure .
011658 ich gibim daz ze stiure
011659 swer si gerne tihten wil ,
011660 daz ich in wi^se u^f ir zil
011661 da^ si geschriben ha^t ein man
011662 der ir im wol ze tihten gan ,
011663 von der w{lsche in diutsche zungen .
011664 mich ha^t von ir gedrungen
011665 mi^n krankiu kunst und mi^n sin ;
011666 von ir ich sus gescheiden bin .
011667 swie kranker kunst ich doch si^ ,
011668 ich beli^be der a^ventiure bi^ .
011669 diuhte mi^n werc die wi^sen guot
011670 und v}nde ich ein so^ ringen muot
011671 der mich da^ zuo beriete ,
011672 mi^n zunge si verschriete
011673 und begunde si wider li^men
011674 mit ganzen niuwen ri^men .
011675 als ich waene , des envinde ich niht .
011676 owe^ der jaemerli^chen (ge)schiht
011677 daz diu werlt niht vreuden ha^t !
011678 ie hoehstez leben mit grimme sta^t ;
011679 daz ist ri^ters orden !
011680 ich bin wol innen worden
011681 daz der werlte vreude sinket
011682 und ir e^re hinket ;
011683 daz pr}evet in diu gi^ticheit ,
011684 diu boesen muot und erge treit .
011685 owe^ ! daz ist mi^n herzeleit .
011686 Ich wil daz maere volenden hie ,
011687 als michz ein knappe wizzen lie
011688 der mirs ze tihten gunde .
011689 niwan eines von si^nem munde
011690 enpfie ich die a^ventiure ;
011691 da^ von was mir tiure
011692 daz maere an mangen enden .
011693 mi^nen sin wil ich wenden
011694 an ein ander , und wizzet daz
011695 diu wirt von mir erriten baz .
011696 her Gwi^ga^lois und si^n wi^p
011697 ri^cheit und e^ren pflac ir li^p
011698 a^n alle missewende
011699 scho^ne unz an ir ende .
011700 ir reinez leben verdiente hie
011701 daz gotes gna^de si dort enpfie
011702 da^ tu^sent ja^r sint ein tac .
011703 deheines herzen sin gemezzen mac
011704 der vreude niht geli^che
011705 diu ist in himelri^che ;
011706 dar uns noch got gesende
011707 u^z disem ellende !
011708 hie ha^t daz buoch ein ende .