This file contains fresh transcripts of those Harley Lyrics edited by G. L. Brook. They were done by students in a seminar led by Frances McSparran, and were corrected by Meredith Jones. The numbering refers first to the lyric no. in Brook, followed by the line number of the lyric. They were transcribed afresh from the MS facsimile, so they may not match Brook's text in all respects.

Words joined in the MS ("itelle") have been separated by a colon. 1350 1325 HarLyr24 Er&t;e toc of er&t;e er&t;e wy&t; woh Er&t;e o&t;er er&t;e to &t;e er&t;e droh Er&t;e leyde er&t;e in er&t;ene &t;roh &t;o heuede er&t;e of er&t;e er&t;e ynoh HarLyr27 Middelerd for mon wes mad vnmihti aren is meste mede &t;is hedy ha&t; on honde yhad &t;at heuene hem is hest to hede Icherde a blisse budel vs bad &t;e dreri domesdai to drede of sunful sauhting sone be sad &t;at derne do&t; &t;is derne dede &t;ah he ben derne done &t;is wrakeful werkes vnder wede in soule sotele&t; sone sone is sotel as ich ou sai &t;is sake al&t;ah hit seme suete &t;at i:telle a poure play &t;at furst is feir & se&t;&t;e vnsete &t;is wilde wille went awai wi&t; mone & mournyng muchel vnmete &t;at liue&t; on likyng out of lay his hap he de&t; ful harde on hete a&y;eyn&y; he howe&t; henne alle is &t;riuene &t;ewes &t;rete &t;at &t;enke&t; nout on &t;enne a&y;eynes &t;enne vs &t;rete&t; &t;re &y;ef he be&t; &t;ryuen & &t;owen in &t;eode vr soule bonc so broerli be as berne best &t;at bale forbeode &t;at wole wihtstonden streyn&t;e of &t;eo is rest is reued wi&t; &t;e reode fyth of o&t;er ne dar&t; he floc &t;at fleishshes faunyng furst foreode &t;at falsist is of fyue &y;ef we leue&t; eny leode werryng is worst of wyue wyues wille were ded wo &y;ef he is wicked forte welde &t;at burst shal bete for hem bo he shal him burewen &t;ah he hire belde by body ant soule y:sugge al so &t;at some beo&t; founden vnder felde &t;at ha&t; to fere is meste fo of gomenes he mai gon al gelde ant sore ben fered on folde lest he to harmes helde ant happes hente vnholde hom vnholdest her is on wi&t;outen helle ase ich hit holde so fele bue&t; founden monnes fon &t;e furst of hem biforen ytolde &t;er afterward &t;is worldes won wi&t; muchel vnwynne vs woren wolde sone be&t; &t;is gomenes gon &t;at make&t; vs so brag & bolde ant bidde&t; vs ben bly&t;e an ende he caste&t; ous fol colde in sunne & serewe sy&t;e In sunne & sorewe y am seint &t;at siwe&t; me sosully sore my mur&t;e is al wi&t; mournyng meind ne may ich my&t;en hit namore when we be&t; wi&t; &t;is world forwleynt &t;at we ne lustne&t; lyues lore &t;e fend in fyht vs fynt so feynt we falle&t; so flour when hit is frore for folkes fader al fleme Wo him wes ywarpe &y;ore &t;at Crist nul nowyht queme To queme crist we weren ycore ant kend ys craftes forte knowe Leue we nout we buen forlore in lustes &t;ah we lyggen lowe We shule aryse vr fader byfore &t;ah fon vs fallen vmbe &t;rowe to borewen vs alle he wes ybore &t;is bonnyng when him bemes blowe he byt vs buen of hyse ant on ys ryhthond hente rowe Wy&t; ryht wysemen to aryse HarLyr28 Ichot a burde in a bour ase beryl so bryht ase saphyr in seluer semly on syht ase iaspe &t;e gentil &t;at leme&t; wi&t; lyht ase gernet in golde & ruby wel ryht ase onycle he ys on yholden on hyht ase diamaund &t;e dere in day when he is dyht he is coral ycud wi&t; cayser ant knyht ase emeraude amorewen &t;is may haue&t; myht &t;e myht of &t;e margarite haue&t; &t;is mai mere For charbocle ich hire chos bi chyn & by chere hire rode is ase rose &t;at red is on rys wi&t; lilye white leres lossum he is &t;e primerole he passe&t; paruenke of pris wi&t; alisaundre &t;areto ache & anys coynte ase columbine such hire cunde ys glad vnder gore in gro & in grys he is blosme opon bleo brihtest vnder bis wi&t; celydoyne ant sauge ase &t;ou &t;iself sys &t;at syht vpon &t;at semly to blis he is broht he is solsecle to sauue ys forsoht he is papeiai in pyn &t;at bete&t; me my bale to trewe tortle in a tour y telle &t;e mi tale he is &t;rustle &t;ryuen in &t;ro &t;at singe&t; in sale &t;e wilde laueroc ant wolc & &t;e wodewale he is faucoun in friht dernest in dale ant wi&t; eueruch a gome gladest in gale From weye he is wisist in to wyrhale hire nome is in a:note of &t;e nyhtegale In annote is hire nome nempne&t; hit non whose ryht rede&t; roune to Johon. muge he is ant mondrake &t;ouh miht of &t;e mone trewe triacle ytold wi&t; tonges in trone such licoris mai leche from lyne to lone such sucre mon seche&t; &t;at saue&t; men sone bli&t;e yblessed of crist &t;at baye&t; me mi bone when derne dede is in dayne derne are done ase g»oºmyl in g»eºue grene is &t;e grone ase quibibe & comyn cud is in crone Cud comyn in court canel in cofre wi&t; gyngyure & sedewale & &t;e gylofre he is medierne of miht mercie of mede Rekene ase regnas resoun to rede Trewe ase tegeu in tour ase wyrwein in wede baldore &t;en byrne &t;at of &t;e bor bede Ase Wylcadoun he is wys dohty of dede Feyrore &t;en floyres folkes to fede Cud ase cradoc in court carf &t;e brede hendore &t;en hilde &t;at haue&t; me to hede he haue&t; me to hede &t;is hendy anon gentil ase ionas heo ioye&t; wi&t; Ion HarLyr29 Bytuene mersh & aueril. when spray biginne&t; to springe &t;e lutel foul ha&t; hire wyl on hyre lud to synge Ich libbe in louelonginge for semlokest of alle &t;ynge. he may me blisse bringe icham in hire baundoun An hendy hap ichabbe yhent ichot from heuene it is me sent from alle wymmen mi loue is lent & lyht on alysoun on heu hire her is fayr ynoh hire browe broune hire e&y;e blake wi&t; lossum chere he on me loh wi&t; middel smal & wel ymake bote he me wolle to hire take forte buen hire owen make longe to lyuen ichulle forsake & feye fallen adoun an hendy hap &c nihtes when y wende & wake for&t;i myn wonges waxe&t; won. leuedi al for &t;ine sake longinge is ylent me on. In world nis non so wytermon. &t;at al hire bounte telle con hire swyre is whittore &t;en &t;e swon & feyrest may in toune An hend &c Icham for wolwyng al forwake wery so water in wore lest eny reue me my make ychabbe y&y;yrned &y;ore Betere is &t;olien whyle sore &t;en mournen euermore geynest vnder gore herkne to me roun. An hendi &c HarLyr30 Wi&t; longyng y am lad on molde y waxe mad a maide marre&t; me y:grede y:grone vnglad for selden y am sad &t;at semly forte se leuedi &t;ou rewe me to rou&t;e &t;ou hauest me rad be bote of &t;at y bad my lyf is long on &t;e leuedy of alle londe les me out of bonde broht icham in wo haue:resting on honde & sent &t;ou me &t;i sonde sone er &t;ou me slo my reste is wi&t; &t;e ro &t;ah men to me han onde to loue nuly noht wonde ne lete for:non of &t;o leuedi wi&t; al my miht my loue is on &t;e liht to menske when y:may &t;ou rew & red me ryht to de&t;e &t;ou hauest me diht y de&y;e longe er me day &t;ou leue vpon mi lay treu&t;e ichaue &t;e plyht to done &t;at ich haue hyht whil mi lif leste may lylie whyt hue is hire rode so rose on rys &t;at reue&t; me mi rest wymmon war & wys of prude hue bere&t; &t;e pris burde on of &t;e best &t;is wommon wone&t; by west brihtest vnder bys heuene y:tolde al his &t;at o nyht were hire gest HarLyr33 Weping haue&t; myn wonges wet for wilked werk ant wone of wyt vnbli&t;e y be til y ha bet bruches broken ase bok byt of leuedis loue &t;at y ha let &t;at leme&t; al wi&t; luefly lyt ofte in song y haue hem set &t;at is vnsemly &t;er hit syt hit syt & seme&t; noht &t;er hit ys seid in song &t;at y haue of hem wroht ywis hit is al wrong al wrong y wrohte for a wyf &t;at made vs wo in world ful wyde heo rafte vs alle richesse ryf &t;at dur&t;e vs nout in reynes ryde a sty&t;ye stunte hire sturne stryf &t;at ys in heouene hert in hyde In hire lyht on lede&t; lyf & shon &t;ourh hire semly syde &t;ourh hyre side he shon ase sonne do&t; &t;ourh &t;e glas wommon nes wicked non se&t;&t;e he ybore was wycked nis non &t;at y wot &t;at durste for werk hire wonges wete alle heo lyuen from last of lot & are al hende ase hak in chete for&t;i on molde y waxe mot &t;at y sawes haue seid vnsete my fykel fleish mi falsly blod on feld hem feole y falle to fete to fet y:falle hem feole for falslek fifte folde of alle vntrewe on tele wi&t; tonge ase y her tolde &t;ah told beon tales vntoun in toune such tiding mei tide y nul nout teme of brudes bryht wi&t; browes broune or blisse heo beyen &t;is briddes breme In rude were roo wi&t; hem roune &t;at hem mihte henten ase him were heme nys kyng cayser ne clerk wi&t; croune &t;is semly seruen &t;at me ne may seme semen him may on sonde &t;is semly seruen so bo&t;e wi&t; fet ant honde for on &t;at vs warp from wo nou wo in world ys went away & weole is come ase we wolde &t;ourh a mihti methful:mai &t;at ous ha&t; cast from cares colde euer wymmen ich herie ay & euer in hyrd wi&t; hem ich holde ant euer at neode y nyckenay &t;at y ner nemnede &t;at heo nolde y nolde & nullyt noht for no&t;yng nou a nede so&t; is &t;at y of hem ha wroht as Richard erst con rede Richard rote of resoun ryht rykening of rym ant ron of maidnes meke &t;ou hast myht on molde y holde &t;e murgest mon cunde comely ase a knyht clerk ycud &t;at craftes con In vch an hyrd &t;yn a&t;el ys hyht & vch an a&t;el &t;in hap is on hap &t;at ha&t;el ha&t; hent wi&t; hendelec in halle sel&t;e be hem sent in londe of leuedis alle HarLyr34 Mosti ryden by rybbesdale wilde wymmen forte wale ant welde wuch ich wolde founde were &t;e feyrest on &t;at euer wes mad of blod ant bon in boure best wi&t; bolde Ase sonnebem hire bleo ys briht in vche londe heo leome&t; liht &t;ourh tale as mon me tolde &t;e lylie lossum is ant long wi&t; riche rose ant rode among a fyld or fax to folde Hire hed when ich biholde apon &t;e sonnebe'e'm aboute noon me &t;ohte &t;at y se&y;e hyre (ey&y;en) aren grete ant gray ynoh &t;[at] lussom when heo on me loh ybend wax ey&t;er bre&y;e &t;e mone wi&t; hire muchele maht ne lene&t; non such lyht anaht &t;at is in heouene he&y;e ase hire forhed do&t; in day for wham &t;us muchel y mourne may for duel to de&t; y drey&y;e Heo ha&t; browes bend an heh whyt bytuene ant nout to neh lussum lyf heo ledes hire neose ys set as hit wel seme&t; y de&y;e for de&t; &t;at me deme&t; hire speche as spices sprede&t; hire lockes lefly aren & longe for sone he mihte hire mur&t;es monge wi&t; blisse when hit bredes hire chyn ys chosen & ey&t;er cheke whit ynoh & rode on eke ase roser when hit redes Heo ha&t; a mury mouht to mele wi&t; lefly rede lippes lele romaun&y; forte rede hire teht aren white ase bon of whal euene set ant atled al ase hende mowe taken hede swannes swyre swy&t;e wel ysette a sponne lengore &t;en ymette &t;at freoly ys to fede me were leuere kepe hire come &t;en beon pope & ryde in rome sty&t;es vpon stede When y byholde vpon hire hond &t;e lylie white lef in lond best heo mihte beo ey&t;er arm an elne long baloygne menge&t; al bymong ase baum ys hire bleo fyngres heo ha&t; feir to folde myhte ich hire haue & holde in world wel were me hyre tyttes aren an vnderbis as apples tuo of parays ouself &y;e mowen seo Hire gurdel of bete gold is al vmben hire middel smal &t;at trike&t; to &t;e to al whi&t; rubies on a rowe wi&t;inne coruen craft to knowe ant emeraudes mo &t;e bocle is al of whalles bon &t;er wi&t;inne stont a ston &t;at warne&t; men from wo &t;e water &t;at hit wetes yn ywis hit wor&t;e&t; al to wyn &t;at se&y;en seyden so Heo ha&t; a mete myddel smal body & brest wel mad al ase feynes wi&t;oute fere ey&t;er side soft ase sylk whittore &t;en &t;e moren mylk wi&t; leofly lit on lere al &t;at ich ou nempne noht hit is wonder wel ywroht ant elles wonder were he myhte sayen &t;at crist hym se&y;e &t;at myhte nyhtes neh hyre le&y;e heuene he heuede here HarLyr35 In:a fryht as y con fare fremede y founde a wel feyr fenge to fere heo glystnede ase gold when hit glemede nes ner gome so gladly on gere y wolde wyte in world who hire kenede &t;is burde bryht &y;ef hire wil were heo me bed go my gates lest hire gremede ne kepte heo non henyng here yhere &t;ou me nou hendest in helde nauy &t;e none harmes to he&t;e casten y wol &t;e from cares & kelde comeliche y wol &t;e nou cle&t;e clo&t;es y haue on forte caste such as y may weore wi&t; wynne betere is were &t;unne boute laste &t;en syde robes ant synke into synne haue &y;e or wyl &y;e waxe&t; vnwraste afterward or &t;onk be &t;ynne betre is make forewardes faste &t;en afterward to mene & mynne of munnyng ne munte &t;ou namore of menske &t;ou were wur&t;e by my myht y:take an hond to holde &t;at y:hore of al &t;at y &t;e haue byhyht why ys &t;e lo&t; to leuen on my lore lengore &t;en my loue were on &t;e lyht ano&t;er myhte &y;erne &t;e so &y;ore &t;at nolde &t;e noht rede so ryht such reed me myhte spaclyche reowe when al my ro were me atraht sone &t;o woldest vachen an newe ant take ano&t;er wi&t;inne ny&y;e naht &t;enne mihti hengren on heowe in vch an hyrd ben hated & forhaht ant ben ycayred from alle &t;at y:kneowe & bede cleuyen &t;er y hade claht betere is taken a comeliche y clo&t;e in armes to cusse & to cluppe &t;en a wrecche y wedded so wro&t;e &t;ah he me slowe ne myhti him asluppe &t;e beste red &t;at y:con to vs bo&t;e &t;at &t;ou me take ant y &t;e toward huppe &t;ah y swore by treu&t;e & o&t;e &t;at god ha&t; shaped mey non at luppe mid shupping ne mey hit me ashunche nes y neuer wycche ne wyle ych am a maide &t;at me of&t;unche luef me were gome boute gyle HarLyr36 A wayle whyt ase whalles bon a grein in golde &t;at godly shon a tortle &t;at min herte is on in tonues trewe hire gladshipe nes neuer gon whil y may glewe when heo is glad of al &t;is world namore y:bad &t;en beo wi&t; hire myn one bistad wi&t; oute strif &t;e care &t;at icham yn ybrad y wyte a wyf A wyf nis non so worly wroht when heo ys bly&t;e to bedde ybroht wel were him &t;at wiste hire &t;oht &t;at &t;ryuen & &t;ro wel y wot heo nul me noht myn herte is wo hou shal &t;at lefly syng &t;at &t;us is marred in mournyng heo me wol to de&t;e bryng longe er my day gret hire wel &t;at swete &t;ing wi&t; e&y;enen gray hyre he&y;e haue&t; wounded me ywisse hire bende browen &t;at bringe&t; blisse hire comely mouth &t;at mihte cusse in muche mur&t;e he were y wolde chaunge myn for his &t;at is here fere wolde hyre fere beo so freo ant wur&t;es were &t;at so myhte beo al for on y wolde &y;eue &t;reo wi&t;oute chep from helle to heuene ant sonne to see nys non so &y;e,e,p ne half so freo wose wole of loue be trewe do lystne me herkne&t; me y ou telle in such wondryng for wo y welle nys no fur so hot in helle al to mon &t;at loue&t; derne ant darn:out telle whet him ys on Ich vnne hire wel ant heo me wo ycham hire frend ant heo my fo me &t;unche&t; min herte wol breke atwo for sorewe ant syke in godes greting mote heo go &t;at wayle whyte Ich wolde ich were a &t;restelcok a bountyng o&t;er a lauercok swete bryd bituene hire curtel ant hire smok y wolde ben hyd HarLyr41 Of a mon Matheu &t;ohte &t;o he &t;e wyn&y;ord whrohte ant wrot hit on ys boc In marewe men he sohte at vnder mo he brohte ant nom ant non forsoc At mydday ant at non he sende hem &t;ider fol:son to helpen hem wi&t; hoc huere foreward wes to fon so &t;e furmest heuede ydon ase &t;e erst vndertoc At euesong euen neh ydel men &y;et he seh lomen habbe an honde to hem he sayde an heh &t;at suy&t;e he wes vndreh so ydel forte stonde so hit wes bistad &t;at nomon hem ne bad huere lomes to fonde anon he was byrad to werk &t;at he hem lad for nyht nolde he nout wonde huere hure anyht hue nome he &t;at furst ant last come a peny brod & bryht &t;is o&t;er swore alle & some &t;at er were come wi&t; lome &t;at so nes hit nout ryht ant swore somme vnsaht &t;at hem wes werk bytaht longe er hit were lyht for ryht were &t;at me raht &t;e mon &t;at al day wraht &t;e more mede anyht &t;enne sei&t; he ywis why na&t; nout vchmon his holde&t; nou or pees Away &t;ou art vnwis tak al &t;at &t;in ys ant fare ase foreward wees &y;ef y may betere beode to mi latere leode to leue nam y nout lees to alle &t;at euer hider eode to do today my neode Ichulle be wra&t;&t;elees &t;is world me wurche&t; wo rooles ase &t;e roo y sike for vnsete ant mourne ase men doh mo for doute of foule fo hou y my sunne may bete &t;is mon &t;at Matheu &y;ef a peny &t;at wes so bref &t;is frely folk vnfete &y;et he &y;yrnden more ant saide he come wel &y;ore ant gonne is loue forlete HarLyr43 Lenten ys come wi&t; loue to toune wi&t; blosmen & wi&t; briddes roune &t;at al &t;is blisse brynge&t; dayese&y;es in &t;is dales notes suete of nyhtegales vch foul song singe&t; &t;e &t;restelcoc him &t;rete&t; oo away is huere wynter wo when woderoue springe&t; &t;is foules singe&t; ferly fele ant wlyte&t; on huere wynter wele &t;at al &t;e wode rynge&t; &t;e rose rayle&t; hire rode &t;e leues on &t;e lyhte wode waxen al wi&t; wille &t;e mone mande&t; hire bleo &t;e lilie is lossom to seo &t;e fenyl & &t;e fille wowes &t;is wilde drakes Miles murge&t; huere makes ase strem &t;at strike&t; stille Mody mene&t; so doh mo Ichot ycham on of &t;o for loue &t;at likes ille &t;e mone mande&t; hire lyht so do&t; &t;e semly sonne bryht when briddes singe&t; breme deawes donke&t; &t;e dounes deores wi&t; huere derne rounes domes forte deme wormes wowe&t; vnder cloude wymmen waxe&t; wounder proude so wel hit wol hem seme &y;ef me shal wonte wille of on &t;is wunne weole y wole forgon ant wyht in wode be fleme HarLyr44 In may hit murge&t; when hit dawes In dounes wi&t; &t;is dueres plawes ant lef is lyht on lynde blesmes brede&t; on &t;e bowes al &t;is wylde wyhtes wowes so wel ych vnderfynde y not non so freoli flour ase ledies &t;at be&t; bryht in bour wi&t; loue who mihte hem bynde so worly wymmen are by west one of hem ich herie best from Irlond into ynde wymmen were &t;e beste &t;ing &t;at shup oure he&y;e heuene kyng &y;ef feole false nere heo beo&t; to rad vpon huere red to loue &t;er me hem lastes bed when heo shule fenge fere Lut in londe are to leue &t;ah me hem trewe trou&t;e &y;eue for tricherie to &y;ere when trichour ha&t; is trou&t;e yplyht byswyken he ha&t; &t;at suete wyht &t;ah he hire o&t;es swere wymmon war &t;e wi&t; &t;e swyke &t;at feir ant freoly ys to fyke ys fare is o to founde so wyde in world ys huere won in vch a toune vntrewe is on from Leycestre to Lounde of treu&t;e nis &t;e trichour noht bote he habbe is wille ywroht at steuenyng vmbe stounde ah feyre leuedis be on war to late come&t; &t;e &y;eynchar when loue ou ha&t; ybounde wymmen bue&t; so feyr on hewe ne trowy none &t;at nere trewe &y;ef trichour hem ne tahte ah feyre &t;inges freoly bore when me ou wowe&t; be&t; war bifore whuch is worldes ahte al to late is send a&y;eyn when &t;e ledy liht byleyn ant lyue&t; by &t;at he lahte ah wolde Lylie leor in lyn yhere leuely lores myn wi&t; sel&t;e we weren sahte HarLyr45 He&y;e louerd &t;ou here my bone ¢at madest middelert & mone ant mon of mur&t;es munne trusti kyng ant trewe in trone &t;at &t;ou be wi&t; me sahte sone asoyle me of sunne Fol ich wes in folies fayn In luthere lastes y am layn &t;at make&t; myn &t;ryftes &t;unne &t;at semly sawes wes woned to seyn Nou is marred al my meyn away is al my wunne vnwunne haue&t; myn wonges wet &t;at make&t; me rou&t;es rede Ne semy nout &t;er y am set &t;er me calle&t; me fulle flet ant waynoun wayteglede Whil ich wes in wille wolde In vch a bour among &t;e bolde yholde wi&t; &t;e heste Nou y may no fynger folde Lutel loued ant lasse ytolde yleued wi&t; &t;e leste A goute me ha&t; ygrey&t;ed so ant o&t;er eueles monye mo y not whet bote is beste &t;ar er wes wilde ase &t;e ro nou yswyke y mei nout so hit siwe&t; me so faste Faste y wes on horse heh ant werede worly wede Nou is faren al my feh wi&t; serewe &t;at ich hit euer seh a staf ys nou my stede When y se steden sty&t;e in stalle ant y go haltinde in &t;e halle Myn huerte gynne&t; to helde &t;at er wes wildest inwi&t; walle nou is vnder fote yfalle ant mey no fynger felde &t;er ich wes luef icham ful loht ant alle myn godes me atgoht myn gomenes waxe&t; gelde &t;at feyre founden me mete & cloht hue wrie&t; awey as hue were wroht such is euel ant elde Euel ant elde ant o&t;er wo folewe&t; me so faste Me &t;unke&t; myn herte breke&t; a tuo suete god whi shal hit swo hou mai hit lengore laste whil mi lif wes lu&t;er & lees glotonie mi glemon wes wi&t; me he wonede a while prude wes my plowe fere lecherie my lauendere wi&t; hem is gabbe & gyle Coueytise myn keyes bere Ni&t;e ant onde were mi fere &t;at bue&t; folkes fyle Lyare wes mi latymer sleuthe & slep mi bedyuer &t;at wene&t; me vnbe while vmbe while y am to whene when y shal mur&t;es meten Monne mest y am to mene lord &t;at hast me lyf to lene such lotes lef me leten such lyf ich haue lad fol &y;ore merci louerd y nul namore bowen ichulle to bete syker hit siwe&t; me ful sore gabbes les & lu&t;ere lore sunnes bue&t; vnsete godes heste ne huld y noht bote euer a&y;eyn is wille ywroht mon lere&t; me to lete such serewe ha&t; myn sides &t;urhsoht &t;at al y weolewe away to noht when y shal mur&t;es mete To mete mur&t;es ich wes wel fous ant comely mon ta calle y:sugge by o&t;er ase bi ous alse ys hirmon halt in hous ase heued hount in halle dredful de&t; why wolt &t;ou dare bryng &t;is body &t;at is so bare ant yn bale ybounde Careful mon ycast in care y falewe as flour y let for&t;fare ychabbe myn de&t;es wounde mur&t;es helpe&t; me no more help me lord er &t;en ich hore ant stunt my lyf a stounde &t;at &y;okkyn ha&t; y&y;yrned &y;ore Nou hit serewe&t; him ful sore ant bringe&t; him to grounde to grounde hit haue&t; him ybroht whet ys &t;e beste bote bote heryen him &t;at haht vs boht vre lord &t;at al &t;is world ha&t; wroht ant fallen him to fote Nou icham to de&t;e ydyht ydon is al my dede god vs lene of ys lyht &t;at we of soutes habben syht ant heuene to mede ± amen. HarLyr46 Blow northerne wynd sent &t;ou me my suetyng blow nor&t;erne wynd blou blou blou Ichot a burde in boure bryht &t;at sully semly is on syht menskful maiden of myht feir ant fre to fonde In al &t;is wurhliche won a burde of blod & of bon neuer&y;ete y nuste non lussomore in londe blow &c wi&t; lokkes lefliche & longe wi&t; frount & face feir to fonde wi&t; mur&t;es monie mote heo monge &t;at brid so breme in boure wi&t; lossom eye grete ant gode wi&t; browen blysfol vnder hode he &t;at reste him on &t;e rode &t;at leflich lyf honoure Blou &c hire lure lumes liht ase a launterne anyht hire bleo blykye&t; so bryht so feyr heo is ant fyn a suetly suyre heo ha&t; to holde wi&t; armes shuldre ase mon wolde ant fyngres feyre forte folde god wolde hue were myn Middel heo ha&t; menskful smal hire loueliche chere as cristal &t;e&y;es leggos fet ant al 1entil iolyf so &t;e Iay a lussum ledy lasteles &t;at sweting is & euer wes a betere burde neuer nes yheryed wi&t; &t;e heste heo is derewor&t;e in day graciouse stout ant gay worhliche when heo wake&t; Maiden murgest of mou&t; bi est bi west by nor&t; & sou&t; &t;er nis fiele ne crou&t; &t;at such mur&t;es make&t; heo is coral of godnesse heo is rubie of ryhtfulnesse heo is cristal of clannesse ant baner of bealte heo is lilie of largesse heo is paruenke of prouesse heo is solsecle of suetnesse ant ledy of lealte to loue &t;at leflich is in londe y tolde him as ych vnderstonde hou &t;is hende ha&t; hent in honde on huerte &t;at myn wes ant hire knyhtes me han so soht sykyng sorewyng & &t;oht &t;o &t;re me han in bale broht a&y;eyn &t;e poer of pe'e's to loue y putte pleyntes mo hou sykyng me ha&t; siwed so ant eke &t;oht me &t;rat to slo wi&t; maistry &y;ef he myhte ant serewe sore in balful bende &t;at he wolde for &t;is hende me lede to my lyues ende vnlahfulliche in lyhte hire loue me lustnede vch word ant beh him to me ouer bord ant bed me hente &t;at hord of myne huerte hele ant biseche&t; &t;at swete ant swote er &t;en &t;ou falle as fen of fote &t;at heo wi&t; &t;e wolle of bote derewor&t;liche dele for hire loue y carke ant care for hire loue y droupne ant dare for hire loue my blisse is bare ant al ich waxe won for hire loue in slep y slake for hire loue al nyht ich wake for hire loue mournyng y make More &t;en eny mon HarLyr50 Suete iesu king of blysse myn huerte loue min huerte lisse &t;ou art suete myd ywisse wo is him &t;at &t;e shal misse suete iesu min huerte lyht &t;ou art day wi&t;oute nyht &t;en &y;eue me strein&t;e & eke myht forte louien &t;e aryht Suete iesu min huerte bote in myn huerte &t;ou sete a rote of &t;i loue &t;at is so swote ant leue &t;at hit springe mote suete iesu myn huerte gleem bryhtore &t;en &t;e sonnebeem ybore &t;ou were in Bedleheem &t;ou make me here &t;i suete dreem Suete iesu &t;i loue is suete wo is him &t;at &t;e shal lete &t;arefore me shulden ofte &t;e grete wi&t; salte teres & e&y;e wepe Suete iesu kyng of londe &t;ou make me fer vnderstonde &t;at min herte mote fonde hou suete bue&t; &t;i loue bonde Swete iesu louerd myn my lyf myn huerte al is &t;in vndo myn herte & liht &t;eryn ant wite me from fendes engyn Suete iesu my soule fode &t;in werkes bue&t; bo suete & gode &t;ou bohtest me vpon &t;e rode for me &t;ou sheddest &t;i blode Suete iesu me reowe&t; sore gultes &t;at y ha wro&t;t &y;ore &t;arefore y bidde &t;in mylse & ore merci lord y nul namore Suete iesu louerd god &t;ou me bohtest wi&t; &t;i blod out of &t;in huerte orn &t;e flod &t;i moder hit seh &t;at &t;e by stod Suete iesu bryht & shene y:preye &t;e &t;ou here my bene &t;ourh erndyng of &t;e heuene quene &t;at my bone be nou sene Suete iesu berne best wi&t; ich hope halbe rest whe&t;er y be sou&t; o&t;er west &t;e help of &t;e be me nest Suete iesu wel may him be &t;at &t;e may in blisse se after mi soule let aungles te for me ne gladie&t; gome ne gle Suete iesu heuene kyng feir & best of alle &t;yng &t;ou bring me of &t;is longing & come to &t;e at myn endyng Suete iesu al folkes reed graunte ous er we buen ded &t;e vnderfonge in fourme of bred ant se&t;&t;e to heouene &t;ou vs led HarLyr51 Iesu crist heouene kyng &y;ef vs alle god endyng &t;at bone bidde&t; &t;e at &t;e biginnyng of mi song iesu y &t;e preye among in stude al wher y be For &t;ou art kyng of alle to &t;e y clepie ant calle &t;ou haue merci of me &t;is enderday in o morewenyng wi&t; dreri herte ant gret mournyng on mi folie y &t;ohte one &t;at is so suete a &t;ing &t;at ber iesse &t;e heuene kyng merci y besohte iesu for &t;i muchele myht &t;ou graunte vs alle heuene lyht &t;at vs so duere bohtes for &t;i merci iesu suete &t;in hondywerk nult &t;ou lete &t;at &t;ou wel &y;erne sohtest wel ichot ant so&t; hit ys &t;at in &t;is world nys no blys bote care serewe & pyne &t;arefore ich rede we wurchen so &t;at we mowe come to &t;e ioye wi&t;oute fyne HarLyr52 Wynter wakene&t; al my care nou &t;is leues waxe&t; bare ofte y sike & mourne sare when hit come&t; in my &t;oht of &t;is worldes ioie hou hit ge&t; al to noht Nou hit is & nou hit nys also hit ner nere ywys &t;at moni mon sei&t; so&t; hit ys al go&t; bote godes wille alle we shule deye &t;a&t; vs like ylle al &t;at gren me graue&t; grene nou hit falewe&t; al bydene iesu help &t;at hit be sene ant shild vs from helle for y not whider y shal ne hou longe her duelle HarLyr53 When y se blosmes springe ant here foules song suete louelongynge myn herte &t;ourhout stong al for a loue newe &t;at is so suete & trewe &t;at gladie&t; al my song ich wot al myd iwisse my ioie & eke my blisse on him is al ylong when y miselue stonde & wi&t; myn e&y;en seo &t;urled fot ant honde wi&t; grete nayles &t;reo blody wes ys heued on him nes nout bileued &t;at wes of peynes freo wel wel ohte myn herte for his loue to smerte ant sike ant sory beo Iesu milde & softe &y;ef me streyn&t;e ant myht Longen sore an ofte to louye &t;e aryht pyne to &t;olie ant dre&y;e for &t;e sone marye &t;ou art so fre ant bryht mayden ant moder mylde for loue of &t;ine childe ernde vs heuene lyht alas &t;at y ne cou&t;e turne to him my &t;oht ant cheosen him to lemmon so duere he vs ha&t; yboht wi&t; woundes deope ant stronge wi&t; peynes sore ant longe of loue ne conne we noht his blod &t;at feol to grounde of hise suete wounde of peyne vs ha&t; yboht Iesu milde ant suete y synge &t;e mi song ofte y &t;e grete ant preye &t;e among let me sunnes lete ant in &t;is lyue bete &t;at ich haue do wrong at oure lyues ende when whe shule wende iesu vs vndefong amen HarLyr60 Stond wel moder vnder rode byholt &t;y sone wi&t; glade mode bly&t;e moder myht &t;ou be sone hou shulde y bli&t;e stonde y se &t;in fet y se &t;in honde nayled to &t;e harde tre. moder do wey &t;y wepinge y &t;ole de&t; for monkynde, for my gult &t;ole y non, sone y fele &t;e dedestounde &t;e suert is at myn herte grounde &t;at me byhet symeon, moder merci let me deye for adam out of helle beye ant his kun &t;at is forlore sone what shal me to rede my peyne pyne&t; me to dede lat me de&y;e &t;e byfore moder &t;ou rewe al of &t;i bern &t;ou wosshe awai &t;e blody tern hit &t;op me worse &t;en my ded, sone hou may y teres werne y se &t;e blody stremes erne from &t;in herte to my fet moder nou y may &t;e seye betere is &t;at ich one deye &t;en al monkunde to helle go, sone y se &t;i bodi byswngen fet & honden &t;ourhout stongen no wonder &t;ah me be wo moder now y shal &t;e telle &y;ef y ne de&y;e &t;ou gost to helle y &t;ole ded for &t;ine sake, sone &t;ou art so meke & mynde ne wyt me naht hit is my kynde &t;at y for &t;e &t;is sorewe make moder nou &t;ou miht wel leren whet sorewe haue&t; &t;at children beren whet sorewe hit is wi&t; childe gon sorewe ywis y con &t;e telle bote hit be &t;e pyne of helle more serewe wot y nou, moder rew of moder kare for nou &t;ou wost of moder fare &t;ou &t;ou be clene mayden mon sone help at alle nede alle &t;o &t;at to me grede maiden wif ant fol wymmon moder may y no lengore duelle &t;e time is come y shal to helle &t;e &t;ridde day y ryse vpon sone y wil wi&t; &t;e founden, y deye ywis for &t;ine wounden so soreweful ded nes neuer non when he ros &t;o fel hire sorewe hire blisse sprong &t;e &t;ridde morewe bly&t;e moder were &t;ou &t;o Leuedy for &t;at ilke blisse bysech &t;i sone of sunnes lisse, &t;ou be oure sheld a&y;eyn oure fo blessed be &t;ou ful of blysse let vs neuer heuene misse &t;ourh &t;i suete sones myht louerd for &t;at ilke blod, &t;at &t;ou sheddest on &t;e rod, &t;ou bryng vs into heuene lyht Amen. HarLyr61 Iesu for &t;i muchele miht &t;ou &y;ef vs of &t;i grace &t;at we mowe dai & nyht &t;enken o &t;i face in myn herte hit do&t; me god, when y &t;enke on iesu blod, &t;at ran doun bi ys syde from is herte doun to is fot for ous he spradde is herte blod, his wondes were so wyde when y &t;enke on iesu ded min herte ouerwerpes mi soule is won so is &t;e led for mi fole werkes ful wo is &t;at ilke mon &t;at iesu ded ne &t;enkes on what he soffrede so sore for my synnes y wil wete ant alle y wyle hem forlete, nou & euermore. mon &t;at is in ioie & blis, & li&t; in shame & synne he is more &t;en vnwis &t;at &t;erof nul nout blynne al &t;is world hit ge&t; away, me &t;ynke&t; hit ne&y;y&t; domesday, nou man gos to grounde iesu crist &t;at &t;olede ded, he may oure soules to heuene led, wi&t;inne a lutel stounde &t;ah &t;ou haue al &t;i wille &t;enk on godes wondes for &t;at we ne shulde spille he &t;olede harde stoundes al for mon he &t;olede ded, &y;yf he wyle leue on is red ant leue his folie we shule haue ioie & blis more &t;en we conne seien ywys in iesu compagnie iesu &t;at wes milde & fre wes wi&t; spere ystonge he was nailed to &t;e tre wi&t; scourges yswongen al for mon he &t;olede shame wi&t;outen gult wi&t;outen blame bo&t;e day & o&t;er mon ful muchel he louede &t;e when he wolde make &t;e fre ant bicome &t;i bro&t;er. HarLyr62 Y syke when y singe for sorewe &t;at y se when y wi&t; wypinge biholde vpon &t;e tre ant se iesu &t;e suete is herte blod forlete for &t;e loue of me ys woundes waxen wete &t;ei wepen stille & mete marie rewe&t; &t;e he&y;e vpon a doune &t;er al folk hit se may a mile from vch toune aboute &t;e midday &t;e rode is vp arered his frendes aren afered ant clynge&t; so &t;e clay , &t;e rode stond in stone marie stont hire one ant sei&t; weylaway when y &t;e biholde wi&t; ey&y;en bryhte bo ant &t;i bodi colde &t;i ble waxe&t; blo, &t;ou hengest al of blode so he&y;e vpon &t;e rode bituene &t;eues tuo who may syke more marie wepe&t; sore ant siht al &t;is wo &t;e naylles be&t; to stronge &t;e smy&t;es are to sleye &t;ou bledest al to longe &t;e tre is al to hey&y;e &t;e stones beo&t; al wete alas iesu &t;e suete for nou frend hast &t;ou non bote seint Iohan mournynde ant marie wepynde for pyne &t;at &t;e ys on ofte when y sike & makie my mon welille &t;ah me like wonder is hit non when y se honge he&y;e ant bittre pynes dre&y;e iesu my lemmon his wondes sore smerte &t;e spere al to is herte ant &t;ourh is sydes gon ofte when y syke wi&t; care y am &t;ourh soht when y wake y wyke of serewe is al mi &t;oht alas men be&t; wode &t;at suere&t; by &t;e rode & selle&t; him for noht &t;at bohte vs out of synne he bring vs to wynne &t;at ha&t; vs duere boht HarLyr63 Nou skrnke&t; rose & lylie flour &t;at whilen ber &t;at suete sauour in somer &t;at suete tyde ne is no quene so stark ne stour ne no leuedy so bryht in bour &t;at ded ne shal by glyde whose wel fleysh lust forgon & heuene blis abyde on iesu be is &t;oht anon &t;at &t;erled was ys side from petersbourh in o morewenyng as y me wende o:my pley&y;yng on mi folie y &t;ohte meuen y gon my mournyng to hire &t;at ber &t;e heuene kyng of merci hire bysohte ledy preye &t;i sone for ous &t;at vs duere dohte ant shild vs from &t;e lo&t;e hous &t;at to the fend is wrohte &t;at to the fend is wrohte myn herte of dedes wes fordred of synne &t;at y haue my fleish fed ant folewed al my tyme &t;at y not whider ishal be led, when y lygge on de&t;es bed, in ioie ore into pyne on a ledy myn hope is moder ant virgyne whe shulen into heuene blis &t;urh hire medicine betere is hire medycyn &t;en eny mede or eny wyn hire erbes smulle&t; suete from catenas into dyuelyn nis &t;er no leche so fyn oure serewes to bete mon &t;at fele&t; eni sor & his folie wol lete wi&t;oute gold o&t;er eny tresor he mai be sound ant sete. of penaunce is his plastre al ant euer seruen hire y shal nou & al my lyue nou is fre &t;at er wes &t;ral al &t;ourh &t;at leuedy gent & smal heried be hyr ioies fyue wherso eny sek ys &t;ider hye blyue &t;urh hire beo&t; ybroht to blis bo mayden ant wyue for he &t;at dude is body on tre of oure sinnes haue piete &t;at weldes heouene boures wymmon wi&t; &t;i iolyfte, &t;ou &t;ench on godes shoures, &t;ah &t;ou be whyt & bryth on ble falewen shule &t;y floures Iesu haue merci of vs &t;at al &t;is world honoures ± Amen. HarLyr64 My de&t; y loue my lyf ich hate for a leuedy shene heo is brith so daies liht &t;at is on me wel sene al y falewe so do&t; &t;e lef in somer when hit is grene &y;ef mi &t;oht helpe&t; me noht to wham shal y me mene sorewe & syke & drery mod bynde&t; me so faste &t;at y wene to walke wod &y;ef hit me lengore laste my serewe my care al wi&t; a word he myhte awey caste whet helpe&t; &t;e my suete lemmon my lyf &t;us forte gaste do wey &t;ou clerc &t;ou art a fol wi&t; &t;e bydde y noht chyde shalt &t;ou neuer lyue &t;at day mi loue &t;at &t;ou shalt byde &y;ef &t;ou in my boure art take shame &t;e may bityde, &t;e is bettere on fote gon &t;en wycked hors to ryde. weylawei whi seist &t;ou so &t;ou rewe on me &t;y man, &t;ou art euer in my &t;oht in londe wher ich am &y;ef y de&y;e for &t;i loue hit is &t;e mykel sham &t;ou lete me lyue & be &t;i luef & &t;ou my suete lemman. be stille &t;ou fol y calle &t;e ri&t;t cost &t;ou neuer blynne &t;ou art wayted day & nyht wi&t; fader & al my kynne be &t;ou in mi bour ytake lete &t;ey for no synne me to holde & &t;e to slon &t;e de&t; so &t;ou maht wynne suete ledy &t;ou wend &t;i mod sorewe &t;ou wolt me ky&t;e ich am al so sory mon so ich was whylen bly&t;e in a wyndou &t;er we stod we custe vs fyfty sy&t;e feir biheste make&t; mony mon al is serewes mythe weylawey whi seist &t;ou so mi serewe &t;ou makest newe y louede a clerk al paramours of loue he wes ful trewe he nes nout bly&t;e neuer a day bote he me sone se&y;e ich louede him betere &t;en my lyf whet bote is hit to le&y;e whil y wes a clerc in scole wel muchel y cou&t;e of lore ych haue &t;oled for &t;y loue woundes fele sore fer from & eke from men vnder &t;e wode gore suete ledy &t;ou rewe of me nou may y no more &t;ou semest wel to ben a clerc for &t;ou spekest so stille shalt &t;ou neuer for mi loue woundes &t;ole grylle fader moder & al my kun ne shal me holde so stille &t;at y nam &t;yn & &t;ou art myn to don al &t;i wille HarLyr65 When &t;e nyhtegale singes &t;e wodes waxen grene lef & gras & blosme springes in aueryl y:wene ant loue is to myn herte gon wi&t; one spere so kene nyht & day my blod hit drynkes myn herte de&t; me tene. Ich haue loued al &t;is &y;er &t;at y may loue namore ich haue siked moni syk lemmon for &t;in ore me nis loue neuer &t;e ner & &t;at me rewe&t; sore suete lemmon &t;ench on me ich haue loued &t;e &y;ore suete lemmon y preye &t;e of loue one speche whil y lyue in world so wyde o&t;er nulle y seche wi&t; &t;y loue my suete leof mi blis &t;ou mihtes eche a suete cos of &t;y mou&t; mihte be my leche suete lemmon y:pree&y;e &t;e of a loue bene &y;ef &t;ou me louest ase men says lemmon as y wene ant &y;ef hit &t;i wille be &t;ou loke &t;at hit be sene so muchel y &t;enke vpon &t;e &t;at al y waxe grene bituene lyncolne & lyndeseye norhamptoun ant lounde ne wot y non so fayr a:may as y go fore ybounde suete lemmon ypre&y;e &t;e &t;ou louie me a stounde y wole mone my song on wham &t;at hit ys on ylong HarLyr66 Blessed be &t;ou leuedy ful of heouene blisse suete flur of parays moder of mildenesse prey&y;e iesu &t;y sone &t;at he merede & wysse so my wey forte gon &t;at he me neuer misse of &t;e suete leuedy my song y wile byginne &t;y deore suete sones loue &t;ou lere me to wynne ofte y syke & serewe among may y neuer blynne leuedi for &t;i milde mod &t;ou shilde me from synne myne &t;ohtes leuedy make&t; me ful wan to &t;e y crie & calle &t;ou here me for &t;i man help me heuene quene for &t;yn euer:ycham wisse me to &t;i deore sone &t;e weres y ne can Leuedy seinte marie for &t;i milde mod soffre neuer &t;at y be so wilde ne so wod &t;at ich her forleose &t;e &t;at art so god &t;at iesu me to bohte wi&t; is suete blod bryhte & shene sterre cler lyht &t;ou me & lere In &t;is false fykel world myselue so to bere &t;at y ner at myn endyng haue &t;e feond to fere Iesu mid &t;i suete blod &t;ou bohtest me so dere Leuedi seinte marie so fair & so briht al myn help is on &t;e bi day & by nyht leuedi fre &t;ou shilde me so wel as &t;ou myht &t;at y neuer forleose heueriche lyht leuedy seinte marie so fayr & so hende preye iesu crist &t;i sone &t;at he me grace sende so to queme him & &t;e er ich henne wende &t;at he me bringe to &t;e blis &t;at is wi&t;outen ende ofte y crie merci of mylse &t;ou art welle alle buen false &t;at bue&t; mad bo&t;e of fleysh & felle leuedi suete &t;ou vs shild from &t;e pine of helle bring vs to &t;e ioie &t;at no tonge hit may of telle Iesu crist godes sone fader & holy gost help vs at oure nede as &t;ou hit al wel wost bring vs to &t;in riche &t;er is ioie most let vs neuer hit misse for non worldes bost HarLyr67 Ase y me rod &t;is ender day by grene wode to seche play mid herte y &t;ohte al on a may suetest of alle &t;inge Ly&t;e & ich ou telle may al of &t;at suete &t;inge &t;is maide is suete ant fre of blod briht & feyr of milde mod alle heo mai don vs god &t;urh hire bysechynge of hire he tok fleysh & blod iesu heuene kynge Wi&t; al mi lif y loue &t;at may he is mi solas nyht & day my ioie & eke my beste play ant eke my louelongynge al &t;e betere meis &t;at day &t;at ich of hire synge of alle &t;inge y loue hire mest my dayes blis my nyhtes rest heo counseile&t; & helpe&t; best bo&t;e elde & &y;ynge nou y may &y;ef y wole &t;e fif ioyes mynge &t;e furst ioie of &t;at wynman when gabriel from heuene cam ant seide god shulde bicome man ant of hire be bore & bringe vp of helle pyn monkyn &t;at wes forlore &t;at o&t;er ioie of &t;at may wes o cristesmasse day when god wes bore on &t;oro lay ant brohte vs lyhtnesse &t;e ster wes seie byfore day &t;is hirdes bere&t; wytnesse &t;e &t;4idde ioie of &t;at leuedy &t;at men clepe&t; &t;e epyphany when &t;e kynges come wery to presente hyre sone wi&t; myrre gold & encen&y; &t;at wes mon bicome &t;e fur&t;e ioie we telle mawen on estermorewe wen hit gon dawen hyre sone &t;at wes slawen aros in fleysh & bon more ioie ne mai me hauen wyf ne mayden non &t;e fifte ioie of &t;at wymman when hire body to heuene cam &t;e soule to &t;e body nam ase hit wes woned to bene crist leue vs alle wi&t; &t;at wymman &t;at ioie al forte sene preye we alle to oure leuedy ant to &t;e sontes &t;at wone&t; hire by &t;at heo of vs hauen merci ant &t;at we ne misse In &t;is world to ben holy ant wynne heuene blysse amen HarLyr69 Mayden moder milde oie&y; cel oreysoun from shome &t;ou me shilde e de ly mal feloun for loue of &t;ine childe me menez de tresoun Ich wes wod & wilde ore su en prisoun &t;ou art feyr & fre e plein de doucour of &t;e sprong &t;e ble ly souerein creatour mayde byseche y:&t;e vostre seint socour meoke & mylde be wi&t; me pur la sue amour &t;o Iudas iesum founde donque ly beysa he wes bete & bounde que nous tous fourma wyde were is wounde qe le gyw ly dona he &t;olede harde stounde me poi le greua on stou ase &t;ou stode puccele tot pensaunt &t;ou restest &t;e vnder rode ton fitz veites pendant &t;ou se&y;e is sides of blode l'alme de ly partaunt he ferede vch an fode en mound que fust viuant ys siden were sore le sang de ly cora &t;at lond wes forlore mes il le rechata vch bern &t;at wes ybore en enfern descenda he &t;olede de&t; &t;erfore en ciel puis mounta &t;o pilat herde &t;e tydynge molt fu ioyous baroun he lette byfore him brynge iesu nazaroun he was ycrouned kynge pur nostre redempcioun whose wol me synge auera grant pardoun HarLyr73 God, &t;at al &t;is myhtes may in heuene & er&t;e [&t;y] wille ys oo ichabbe be losed mony a day er ant late y be &t;y foo ich wes to wyte & wiste my lay longe habbe holde me &t;erfro vol of merci &t;ou art ay al vngrey&t;e icham to &t;e to go To go to him &t;at ha&t; ous boht my gode deden bue&t; fol smalle of &t;e werkes &t;at ich ha wroht &t;e beste is bittrore &t;en &t;e galle my god ich wiste y nolde hit noht in fohe me wes luef to folie when y myself haue &t;ourhsoht y knowe me for &t;e wrst of alle God &t;at de&y;edest on &t;e rod al &t;is world to for&t;ren & fylle for ous &t;ou sheddest &t;i suete blod &t;at y ha don me lyke&t; ylle bote er a&y;eyn &t;e sti&t; y:stod er & late loude ant stille of myne deden fynde y non god lord of me &t;ou do &t;y wille In herte ne myhte y neuer bowe ne to my kunde louerd drawe my meste vo ys my loues trowe crist ne stod me neuer hawe ich holde me vilore &t;en a gyw & y myself wolde bue knowe Lord merci rewe me now reyse vp &t;at ys falle lowe god &t;at al &t;is world shal hede &t;y gode myht &t;ou hast in wolde on er&t;e &t;ou come for oure nede for ous sunful were boht & solde when we bue&t; dempned after vr dede a domesday when ryhtes bue&t; tolde when we shule suen &t;y wounde blede to speke &t;enne we bue&t; vnbolde vnbold icham to bidde &t;e bote swy&t;e vnreken ys my re'e's &t;y wille ne welk y ner afote to wickede werkes y me che'e's fals y wes in crop ant rote when y seyde &t;y lore wes le'e's Iesu crist &t;ou be mi bote so boun icham to make my pe'e's Al unreken ys my ro louerd crist whet shal y say of myne deden fynde y non fro ne no&t;yng &t;at y &t;enke may vnwr&t; icham to come &t;e to y serue &t;e nou&t;er nyht ne day In &t;y merci y me do god &t;at al &t;is myhtes may HarLyr81 Mon in &t;e mone stond & strit on is botforke is bur&t;en he bere&t; hit is muche wonder &t;at he na doun slyt for doute leste he valle he shoddre&t; ant shere&t; when &t;e forst frese&t; muche chele he byd &t;e &t;ornes be&t; kene is hattren to tere&t; Nis no wy&t;t in &t;e world &t;at wot wen he syt ne bote hit bue &t;e hegge whet wedes he were&t; whider trowe &t;is mon ha &t;e wey take he ha&t; set is o fot is o&t;er toforen For non hi&t;te &t;at he ha&t; ne sy&t;t me hym ner shake he is &t;e sloweste mon &t;at euer wes yboren Wher he were o &t;e feld pycchynde stake for hope of ys &t;ornes to dutten is doren He mot myd is twybyl o&t;er trous make o&t;er al is dayes werk &t;er were yloren ¢is ilke mon vpon heh whener he were wher he were y &t;e mone boren ant yfed He lene&t; on is forke ase a grey frere &t;is crokede caynard sore he is adred Hit is mony day go &t;at he was here ichot of is ernde he na&t; nout ysped He ha&t; hewe sumwher a bur&t;en of brere &t;arefore sum hayward ha&t; taken ys wed Yef &t;y wed ys ytake bring hom &t;e trous sete for&t; &t;yn o&t;er fot stryd ouer sty We shule preye &t;e haywart hom to vr hous ant maken hym at heyse for &t;e maystry Drynke to hym deorly of fol god bous ant oure dame douse shal sitten hym by When &t;at he is dronke ase a dreynt mous &t;enne we schule borewe &t;e wed ate bayly ¢is mon here&t; me nout &t;ah ich to hym crye ichot &t;e cherl is def &t;e del hym todrawe ¢ah ich &y;e&y;e vpon he&t; nulle nout hye &t;e lostlase ladde con nout o lawe Hupe for&t; hubert hosede pye ichot &t;art amarscled into &t;e mawe ¢ah me teone wi&t; hym &t;at myn teh mye &t;e cherld nul nout adoun er &t;e day dawe HarLyr92 Lvtel wot hit anymon hou loue hym haue&t; ybounde &t;at for vs o &t;e rode ron ant bohte vs wi&t; is wounde &t;e loue of him vs haue&t; ymaked sounde ant ycast &t;e grimly gost to grounde Euer & oo nyht & day he haue&t; vs in is &t;ohte he nul nout leose &t;at he so deore bohte he bohte vs wi&t; is holy blod what shulde he don vs more he is so meoke milde & good he na gulte nout &t;erfore &t;at we han ydon yrede we reowen sore ant crien euer to iesu crist &t;yn ore Euer & oo nyht & day &c. He seh his fader so wonder wroht wi&t; mon &t;at wes yfalle wi&t; herte sor he seide is oht whe shulde abuggen alle his suete sone to hym gon clepe & calle & preiede he moste deye for vs alle Euer & oo &c. He brohte vs alle from &t;e de&t; & dude vs frendes dede suete iesu of nazareth &t;ou do vs heuene mede vpon &t;e rode why nulle we taken hede his grene wounde so grimly conne blede Euer & oo &c. His deope wounden blede&t; fast of hem we ohte munne he ha&t; ous out of helle ycast ybroht vs out of sunne For loue of vs his wonges waxe&t; &t;unne his herte blod he &y;ef for al monkunne Euer & oo &c. HarLyr93 Lutel wot hit anymon hou derne loue may stonde bote hit were a fre wymmon &t;at muche of loue had fonde &t;e loue of hire ne leste&t; nowyht longe heo haue&t; me plyht & wyte&t; me wy&t; wronge Euer & oo for me leof icham in grete &t;ohte y &t;enche on hire &t;at y ne seo nout ofte y wolde nemne hyre today ant y dorste hire munne heo is &t;at feireste may of vch ende of hire kunne bote heo me loue of me heo haues sunne who is him &t;at loue&t; &t;e loue &t;at he ne may ner ywynne Euer & oo &c. Adoun y fel to hire anon ant crie ledy &t;yn ore ledy ha mercy of &t;y mon lef &t;ou no false lore &y;ef &t;ou dost hit wol me reowe sore loue drecche&t; me &t;at y ne may lyue namore Euer & oo &c. mury hit ys in hyre tour wy&t; ha&t;eles & wy&t; heowes so hit is in hyre bour wi&t; gomenes & wi&t; gleowes Bote heo me louye sore hit wol me rewe wo is him &t;at loue&t; &t;e loue &t;at ner nul be trewe Euer & oo &c. Fayrest fode vpo loft my gode luef y &t;e gre'e'te ase fele sy&t;e & oft as dewes dropes be&t; we'e'te ase sterres be&t; in welkne ant grases sour ant suete whose loue&t; vntrewe his herte is selde se'e'te Euer & oo &c.