tag "french scene" tag "speech prefix centered" tag <_his> "historiated initial" tag <_capit> "capitulum" tag <_hy> "end of line hyphen" tag "signature" tag "catchword" tag "running title recto"  Here begynneth a propre newe Interlu-_ de of the Worlde and the chylde/otherwy-_ se called [Mundus & Infans] & it sheweth us the estate of Chyldehode and Manhode. Mundus S<_his>yrs seace of your sawes what so befall And loke ye bow bonerly to my byddyng For I am ruler of realmes I warn you And over all fodys I am kynge (all For I am kynge and well knowen in these I have also paleys ypyght (realmes rounde I have stedes in stable stalworthe and stronge Also stretes and strondes full strongely ydyght For all the storide wyde I wote well is my name All rychesse redely it renneth in me All pleasure worldely bothe myrthe and game My selfe semely in sale I sende with you to be For I am the worlde I warne you all Prynce of powere and of plente He that cometh not whan I do hym call I shall hym smyte with poverte For poverte I parte in many a place To them that wyll not obedyent be I am a kynge in every case My thynketh I am a god of grace The floure of vertu foloweth me Lo here I sette semely in se I commaunde you all obedyent be And with fre wyll ye folowe me Infans <_capit>Cryst our kynge graute you clerly to know y_ case To meue of this mater that is in my mynde Clerely declare it cryst graunte me grace Now semely syrs beholde on me How mankynde doth begynne I am a chylde as you may se Goten in game and in grete synne xl.wekes my moder me founde Fleshe and blode my love was tho Whan I was rype from her to founde In peryil of dethe we stode bothe two Now to seke dethe I must begyn For to passe that strayte passage For body and soule that shall than twynne And make a partynge of that maryage Fourty wekes I was frely fedde Within my moders possessyon Full oft of dethe she was adred Whan that I sholde parte her from Now in to the worlde she hathe me sent Poore and naked as ye may se I am not worthely wrapped nor went But powerly prycked in pouerte Now in to the worlde wyll I wende Some comforte of hym for to craue All hayle comely crowned kynge God that all made you se and saue Mundus <_capit>Welcome fayre chylde what is thy name Infans <_capit>I wote not syr withouten blame But ofte tyme my moder in her game Called me dalyaunce Mundus Dalyaunce my swete chylde It is a name that is ryght wylde For whan thou warest olde It is a name of no substaunce But my fayre chylde what woldest thou haue Infans <_capit>Syr of some comforte I you craue Mete and clothe my lyfe to saue Mundus & Infans And I your true seruaunt shall be Mundus <_capit>Now fayre chylde I graunte the thyne askynge I wyll the fynde whyle thou art yinge So thou wylte be obedyent to my byddynge These garmentes gaye I gyue to the And also I gyue to the a name And clepe the wanton in euery game Tyll.xiij.yere be come and gone And than come agayne to me Wanton <_capit>Gramercy worlde for myne araye For now I purpose me to playe Mundus Fare well fayre chylde and haue good daye All rychelesnesse is kynde for the Wanton Aha wanton is my name I can many a quaynte game Lo my toppe I dryue in same Se it torneth rounde I can with my scorge stycke My felowe upon the heed hytte And wyghtly from hym make a skyppe And blere on hym my tonge If brother or syster do me chyde I wyll scratche and also byte I can crye an also kyke And mocke them all be rewe If fader or mother wyll me smyte I wyll torynge with my lyppe And lyghtly from hym make a skyppe And call my dame shrewe Aha a newe game haue I founde Se this gynnne it renneth rounde And here another haue I founde And yet mo can I fynde I can mowe on a man And make a lesynge well I can And mayntayne it ryght well than This connynge came me of kynde Ye syrs I can well gelde a snayle And catche a cowe by the tayle This is a fayre connynge I can baunce and also skyppe I can playe at the chery pytte And I can wystell you a fytte Syres in a whylowe tyne Ye syrs and euery daye Whan I to scole shall take the waye Some good mannes gardyn I wyll assaye Berys and plommes to plucke I can spye a sparowes nest I wyll not go to scole but whan me lest For there begynneth a sory test Whan the mayster sholde lyfte my bocke But syrs whan I was seven yere of age I was sent to the worlde to take wage And this seuen yere I haue ben his page And kept his commaundement Now I wyll wende to the worlde & worthy emperour Hayle lord of grete honour This.vij.yere I have serued you in hall & in boure With all my trewe entent Mundus <_capit>Now welcome wanton my derlynge dere A newe name I shall gyue the here Loue lust lykynge in fere Mundus & InfansA.iii. These thy names they shall be All game and gle and gladnes All loue longynge in lewdnes This seuen yere forsake all sadnes And than come agayne to me Lust & Lykynge Aha now lust and lykynge is my name I am as freshe as flourys in maye I am semely shapen in same And proudely apperelde in garmentes gaye My lokes ben full louely to a ladyes eye And in loue longynge my harte is sore sette Myght I fynde a fode that were fayre and fre To lye in hell tell domysdaye for soue I wolde not let My loue for to wynne All game and gle All myrthe and melodye All reuell and ryotte And of bost wyll I neuer blynne But syrs now I am.xix.wynter olde Iwys I ware wonder bolde Now I wyll go to the worlde A heygher seyence to assaye For the worlde wyll me auaunce I wyll kepe his gouernaunce His plesynge wyll I praye For he is a kynge in all substaunce All hayle mayster full of myght I haue you serued bothe day and nyght Now I comen as I you behyght One and twenty wynter is comen and gone Mundus <_capit>Now welcome loue lust and lykynge For thou hast ben obedyent to my byddynge I encreace the in all thynge And myghtly I make the a man Manhode myghty shall be thy name Bere the prest in euery game And wayte well that thou suffre no shame Neyther for londe nor for rente Yfony man welde wayte the with blame With stonde hym with thy hole entent Full sharpely thou bete hym to shame With doghtynesse of dede For of one thynge manhode I warne the I am moost of bounte For seuen kynges serven me Bothe by daye and nyght One of them is the kynge of pryde The kynge of enuy doughty in dede The kynge of wrathe that boldely wyll abyde For mykyll is his myght The The kynge of couetous is the fourte The fyfte kynge the hyght slouthe The kynge of glotony hath no Jolyte There pouerte is pyght Lechery is the seuenth kynge All men in hym haue grete delytynge Therfore worshyp hym aboue all thynge Manhode with all thy myght Manhode> <_capit>Yes syr kynge without lesynge It shall be wrought Had I knowynge of the fyrst kynge without lesynge Well Joyen I mought Mundus The fyrst kynge hyght pryde Manhode> <_capit>A lorde with hym sayne wolde I byde Mundus <_capit>Ye but woldest thou serue hym truely in euery tyde Manhode> <_capit>Ye syr and therto my trouthe I plyght That I shall truely pryde present I swere by saynt Thomas of kent To serue hym truely is myn entent With mayne and all my myght Mundus <_capit>Now manhode I wyll araye the newe In robes ryall ryght of good hewe And I maye the pryncypally be trewe And here I dubbe the a knyght And haunte always to chyualry I gyue the grace and also beaute Golde and syluer grete plente Of the wronge to make the ryght Manhode> Gramercy worlde and emperour Gramercy worlde and gouernoure Gramercy comforte in all coloure And now I take my leve fare well Mundus <_capit>Farewell manhode my gentyll knyght Fare well my sone semely in syght I gyue the a swerde & also strength and myght In batayle boldly to bere the well Manhode> Now I am dubbed a knyght hende Wonder wyde shall waxe my fame To seke aduentures now wyll I wende To please the worlde in gle and game Mundus <_capit>Lo syrs I am a prynce peryllous yprobyde I preuyd full peryllous and pethely I pyght As a lorde in eche londe I am belouyd Myne eyen do shyne as lanterne bryght I am a creature comely out of care Emperours and kynges they knele to my kne Euery man is a ferde whan I do on hym stare For all mery medell erthe maketh mencyon of me Yet all is at my hande werke both by downe & by dale Bothe the see and the lande and foules the fly And I were ones moued I tell you in tale There durst do sterre stere that stondeth in the sky For I am lorde and leder so that in londe All boweth to my byddynge bonerly aboute Who y_ styreth wony stryfe or wayteth me with wroge I shall myghtly make hym to stamer & stowpe For I am rychest in myne araye I haue knyghtes and Toures I haue ladyes bryghtest in bourys Now wyll I fare no these flourys Lordynges haue good daye Manhode> <_capit>Peas now peas ye felowes all aboute Peas now and herken to my sawes For I am lorde bothe stalworthy and stowte All londes are ledde by my lawes Baron was there neuer borne that so well hym bare A better ne a bolde nor a bryghter of ble For I haue myght & mayne ouer countrees fare And manhode myghty am I named in euery coutre For Salerne and famers and ynde the loys Caleys kente & cornewayle I haue conquered clene Pycardy and Pountes and gentyll artoys Florence Flaunders and Frauce & also Gascoyne All I haue conquered as a knyght There is no emperour so kene That dare me lyghtly tene For lyues and lymmes I lene So mykyll is my myght For I haue boldely blode full pyteously dyspylde There many hath lefte fyngers & fete both heed & face I haue done harme on hedes & knyghtes haue I kyld And many a lady for my loue hath sayd alas Brygaunt Ernys I haue beten to backe & to bonys And beten also many a grome to grounde Brestplates I haue beten as Steuen was w stonys So fell a fyghter in a felde was there neuer y_ founde To me no man is makyde For manhode myghty that is my name Many a lorde haue I do lame Wonder wyde walketh my fame And many a kynges crowne haue I crakyd I am worthy and wyght wytty and wyse I am tyall arayde to reuen under the ryse I am proudely aparelde in purpure and byse As golde I glyster in gere I am styffe stronge stalworthe and stoute I am the ryallest redely that renneth in this route There is no knyght so grysly that I drede nor dout For I am so doughtly dyght ther may no dint me dere And y_ kynge of pryde full prest w all his proude plens ????? And y_ kynge of lechery louely his letters hath me sent And the kynge of wrathe full wordely w all his entent They wyll me mayntayne w mayne & all theyr myght The kynge of couetous and the kynge of glotony The kynge of slouthe and the kynge of Enuy All those sende me thyr leuery Where is now so worthy a wyght A wyght Ye as a wyght wytty Here in this sete sytte I For no loues lette I Here for to sytte Conscyence <_capit>Cryst as he is crowned kynge Saue all this comely company And graunte you all his dere blessynge That bonerly bought you on the roode tre Now praye you prestly on enery syde To god omnypotent To let our enemy sharpely on syde That is the deuyll and his couent And all men to haue a clere knowynge Of heuen blysse that hye toure Me thynke it is a nessarye thynge For yonge and olde both ryche and pore Poore conseyence for to knowe For conseyence clere it is my name Conseyence counseyleth both hye and lowe And conscyence comenly bereth grete blame Blame Ye and oftentymes set in shame Wherfore I rede you men bothe in ernest & in game Conseyence that ye knowe For I knowe all the mysterys of man They be as symple as they can And in euery company where I come Conseyence is out cast All the worlde dothe conscyence hate Mankynde and conscyence ben at debate For yf mankynde myght conscyence take My body wolde they brast Brast ye and warke me moche wo Manhode> Say how felowe who gaue the leue this way to go What wenest thou I dare not come the to Say thou harlot whyder in hast Conscyence <_capit>What let me go syr I knowe you nought Manhode> <_capit>No bychyde brothell thou shalte be taught For I am a knyght and I were sought The worlde hath auaunced me Conscyence <_capit>Why good syr knyght what is your name Manhode> <_capit>Manhode myghty in myrthe and in game All powere of pryde haue I tane I am as gentyll as Sap on tre Conscyence Syr thoughethe worlde haue you to mahode brought To mayntayne maner ye were neuer taught As conscyence clere ye knowe ryght nought And this longeth to a knyght Manhode> <_capit>Conscyence what the deuyll man is he Conscyence <_capit>Syr a techer of the spyrytualete Manhode> <_capit>Spyrytualyte what the deuyll may that be Conscyence <_capit>Syr all that be leders into lyght Manhode> Lyght ye but herke felowe yet lyght fayne wolde I be Conscyence <_capit>Wyll ye so syr knyght than do after me Manhode> <_capit>Ye and it to prydes pleasynge be I wyll take thy techynge Conscyence <_capit>Nay syr beware of pryde and you do well For pryde lucyfer fell in to hell Tyll domysdaye ther shall he dwell Withouten ony out comynge For pryde syr is but a vayne glorye Manhode> Peas thou brothell and lette those wordes be For the worlde and pryde hath auaunced me To me menlewte full lowe Conscyence And to beware of pryde syr I wolde counsayll you And thynke on kynge robert of cysell Now he for pryde in grete pouerte fell For he wolde not conscyence knowe Manhode> <_capit>Ye conscyence go forthe thy waye For I loue pryde and wyll go gaye All thy techynge is not worthe a strape For pryde clepe I my kynge Conscyence <_capit>Syr there is no kynge but god alone That bodely bought us with payne and passyon Bycause or mannes soule redempcyon In Scrypture thus we synde Manhode> Saye conscyence syth y_ woldest haue pryde fro me What sayest thou by the kynge of lechery With all mankynde he must be And with hym I loue to lynge Conscyence Mundus & Infans <_capit>Nay manhode that may not be From lechery fast you fle For in combraunce in wyll brynge the And all that to hym wyll lynde Manhode> <_capit>Saye conscyence of the kynge of slouthe He hath behyght me mykell trouthe And I may not forsake hym for ruthe For with hym I thynke to rest Conscyence Manhode in scrypture thus we fynde That slouthe is a traytour to heuen kynge Syr knyght yf you wyll kepe your kynge Frome slouthe clene you cast Manhode> Say conscyence the kynge of glotonye He sayth he wyll not forsake me And I purpose his saruaunt to be With mayne and all my myght Conscyence <_capit>Thynke manhode on substaunce And put out glotony for combraunce And kepe with you good gouernaunce For this longeth to a knyght Manhode> <_capit>What conscyence frome all my maysters & wolde But I wyll neuer forsake enuy (have me For he is kynge of company Bothe with more and lasse Conscyence <_capit>Nay manhode that may not be And ye wyll cherysshe enuy God wyll not well pleased be To comforte you in that case Manhode> Ey/ey from fyue kynges thou hast counseyled me But from the kynge of wrathe I wyll neuer fle For he is in euery dede doughty For hym dare no man rowte Conscyence <_capit>Nay manhode beware of wrathe For it is but superfluyte that cometh and goeth Ye and all men his company hateth For ofte they stonde in doubte Manhode> <_capit>Fye on the false flaterynge frere Thou shalte rewe the tyme that thou came here The deuyll mote set the on a fyre That euer I with the mete For thou conseylest me from all gladnes And wolde me set unto all sadnes But or thou brynge me in this madnes The deuyll breke thy necke But syr frere euyll mote thou thye Frome.vi.kynges thou hast counseyled me But that daye shall thou neuer se To counsayll me from couetous Conscyence <_capit>No syr I wyll not you from couetous brynge For couetous I clepe a kynge Syr couetous in good doynge Is good in all wyse But syr knyght wyll ye do after me And couetous your kynge shall be Manhode> <_capit>Ye syr my trouthe I plyght to the That I wyll warke at thy wyll Conscyence Mundus & Infans.B.ii. Manhode wyll ye by this worde stande Manhode> <_capit>Ye conscyence here my hande I wyll neuer from it longe Neyther loude ne styll Conscyence <_capit>Manhode ye must loue god aboue all thynge His name in ydelnes ye may not mynge Kepe your holy daye from wordly doynge Your fader and moder worshyppe aye Coueyte ye to fle no man Ne do no lechery with no woman Your neyboures good take not be no waye And all false wytnesse ye must denaye Neyther ye must not couete no mannes wyfe Nor no good that hym be lythe This couetys shall kepe you out of stryfe These ben the commaundementes ten Mankynde and ye these commaundementes kepe Heuen blysse I you behete For crystes commaundementes all full swete And full necessary to all men Manhode> <_capit>What conscyence is this thy couetous Conscyence <_capit>Ye manhode in all wyse And coueyte to crystes seruyse Bothe to matyns and to masse Ye must manhode with all your myght Mayntayne holy chyrches ryght For this longeth to a knyght Playnly in euery place Manhode> <_capit>What conscyence sholde I leue all game and gle Conscyence <_capit>Nay manhode so mote I thye All myrthe in measure is good for the But syr measure is in all thynge Manhode> Measure conscyence what thynge may measure be Conscyence <_capit>Syr kepe you in charyte And from all euyll company For doubte of foly doynge Manhode> <_capit>Folye what thynge callest thou folye Conscyence <_capit>Syr it is Pryde Wrathe and Enuy Slouthe Couetous and Glotonye Lechery the seuente is These seuen synnes I call folye Manhode> What thou lyest to this Seuen the worlde delyuered me And sayd they were kynges of grete beaute And most of mayne and myghtes But yet I praye the syr tell me Maye I not go arayde honestly Conscyence Yes manhode hardely In all maner of degre Manhode> But I must haue sportynge of playe Conscyence Sykerly manhode I say not naye But good gouernaunce kepe bothe nyght and daye And mayntayne mekenes and all mercy Manhode> Mundus & InfansB.iii. <_capit>All mercy conscyence what may that be Conscyence <_capit>Syr all dyscrecyon that god gaue the Manhode> <_capit>Dyscressyon I knowe not so mote I the Conscyence <_capit>Syr it is all the wyttes that god hathe you sende Manhode> <_capit>A conscyence, conscyence now I know and se Thy cunnynge is moche more than myne But yet I praye the syr tell me What is moost necessary for man in euery tyme Conscyence <_capit>Syr in euery tyme beware of folys Folye is full of false flaterynge In what occupacyon that euer ye be Alwaye or ye begyn thynke on the endynge for blame Now fare well manhode I must wende Manhode> <_capit>Now fare well conscyence myne owne frende Conscyence <_capit>I praye you manhode haue god in mynde And beware of folye and shame Manhode> <_capit>Yes, yes, ye come wynde and rayne God let hym neuer come here agayne Now he is forwarde I am ryght fayne For in faythe syr he had nere counsayled me all amys A, a now I haue be thought me yf I shall heuen wyn Conscyence techynge I must begyn And clene forsake the kynges of synne That the worlde me taught And conscyence seruaunt wyll I be And beleue as he hath taught me Upon one god and persones thre That made all thynge of nought for conscyence clere I clepe my kynge And his knyght in good doynge for ryght of reason as I fynde Conscyence techynge is trewe The worlde is full of boost And sayth he is of myghtes moost All his techynge is not worthe a coost for conscyence he do the refuse But yet wyll I hym not forsake for mankynde he dothe mery make Thoughe the worlde and conscyence be at debate Yet the worlde wyll I not despyse for bothe in chyrche and in chepynge And in other places beynge The worlde fyndeth me all thynge And dothe me grete seruyle Now here full prest I thynke to so rest Now myrthe is best Folye <_capit>What hey, how care awaye My name is folye I am not gaye Is here ony man that wyll saye naye That renneth in this route A syr god gyue you good eue Manhode> Stonde utter felowe where doest y_ thy curtesy preue Folye <_capit>What I do but clawe myne ars syr be your leue I praye you syr ryue me this cloute Manhode> <_capit>What stonde out thou fayned shrewe Folye By by faythe syr there the cocke crewe For I take recorde of this rewe My thedome is nere past Manhode> <_capit>Now trewely it may well be so Folye <_capit>By god syr yet haue I felowes mo For in euery countre where I go Some man his thryfte hath lost Manhode> <_capit>But herke felowe art thou ony craftes man Folye <_capit>Ye syr I can bynde a syue and tynke a pan And thereto a coryous bukler player I am Aryse felowe wyll thou assaye Manhode> Now truely syr I trow thou canst but lytell skyl of (playe Folye <_capit>Yes by cockes bones that I can I wyll neuer fle for no man That walketh by the waye Manhode> Felowe thoughe thou haue kunnynge I counsayll the leue thy bostynge For here thou may thy felowe fynde Whyder thou wylte at longe or shorte Folye <_capit>Come loke and thou darest aryse and assaye Manhode> <_capit>Ye syr but yet conscyence byddeth me naye Folye No syr thou darest not in good faye For truely thou faylest no false herte Manhode> <_capit>What sayst thou haue I a false herte Folye <_capit>Ye syr in good saye Manhode> <_capit>Manhode> wyll not that I saye naye Defende the folye yft you maye For in feythe I purpose to wete what thou art Now sayste thou now folye hast thou not a touche Folye <_capit>No ywys but a lytell on my pouche On all this meyne I wyll me wouche That stondeth here aboute Manhode> <_capit>And I take recorde on all this rewe Thou hast two touches thoughe I say but fewe Folye <_capit>Ye this place is not without a shrewe I do you all out of dewe Manhode> But herke felowe by thy faythe where was thou bore Folye By my faythe in englonde haue I dwelled yore And all myne auncetters me before But syr in London is my chefe dwellynge Manhode> In London, where yf a man the sought Folye <_capit>Syr in holborne I was forthe brought And with the courtyers I am betaught To westmynster I bled to wende Manhode> <_capit>Herke felowe why doost thou to westmynster drawe Folye Mundus & Infans For I am a seruaunt of the lawe Couetous is myne owne felowe Wetwayne plete for the kynge And poore men that come from uplande We wyll take theyr mater in hande Be it ryght or be it wronge Theyr thryfte with us shall wende Manhode> <_capit>Now here felowe I praye y_ whyder wendes y_ tha Folye <_capit>By my feyth syr into London I ran To the tauernes to drynke the wyne And than to the Innes I toke the waye And there I was not welcome to the osteler But I was welcome to the fayre tapester And to all the housholde I was ryght dere For I haue dwelled with her many a daye Manhode> <_capit>Now I praye y_ whyder toke y_ than the waye Folye In feythe syr ouer London brydge I ran And the streyght waye to the stewes I came And toke lodgynge for a nyght And there I founde my brother lechery There men and women dyde folye And euery man made of me as worthy As thoughe I hadde ben a knyght Manhode> I praye the yet tell me mo of thyne aduentures Folye In feythe euen streyght to all the freres And with them I dwelled many yeres And they crowned folye a kynge Manhode> <_capit>I praye the felowe whyder wendest thou the Folye <_capit>Syr all englande to and fro In to abbeys and in to nonneryes also And alwaye folye dothe felowes fynde Manhode> Now herke felowe I praye the tell me thy name Folye Iwys I hyght bothe folye and shame Manhode> A ha thou arte he that conscyence dyd blame Whan he me taught I praye the folye go hens and folowe not me Folye <_capit>Yes good syr let me your seruaunt be Manhode> Naye so mote I thye For than a shrewe had I caught Folye <_capit>Why good syr what is your name Manhode> <_capit>Manhode myghty that bereth no blame Folye <_capit>By y_ roode and manhode mystereth in euery game Somdele to cherysshe folye For folye is felowe with the worlde And gretely beloued with many a lorde And yfye put me out of your warde The worlde ryght wroth wyll be Manhode> <_capit>Ye syr yet had I leuer the worlde be wrath Than lese the cunnynge that Conscyence me gaue Folye <_capit>A cucko we for Conscyence he is but a dawe Mundus & InfansC.ii. He can not elles but preche Manhode> <_capit>Ye I praye the leue thy lewde claterynge For Conscyence is a counseler for a kynge Folye <_capit>I wolde not gyve a strawe for his techynge He dooth but make men wrothe But wottest thou what I saye man By that ylke trouthe that god me gaue Had I that bychyde Conscyence in this place I sholde so hete hyme with my staffe That all his stownes sholde stynke Manhode> I praye the folye go hens and folowe not me Folye <_capit>Yes syr so mote I thye Your seruaunt wyll I be Fare but mete and drynke Manhode> Peace man I may not haue the for thy name For thou sayst thy name is bothe folye and shame Folye <_capit>Syr here in this cloute I knyt shame And clype me but propre folye Manhode> <_capit>Ye folye wyll thou be my trewe seruaunt Folye <_capit>Ye syr manhode here my hande Manhode> Now let us drynke at this comnaunt For that is curtesy Folye Mary mayster ye shall haue in hast A ha syrs let the catte wyncke For all ye wote not what I thynke I shall draw hym such a draught of drynke That conscyence he shall awaye cast Haue mayster and drynke well And let us make reuell, reuell For I swere by the chyrche of saynte myghell I wolde we were at stewes For there is nothynge but reuell route And we were there I had no doubte I sholde be knowen all aboute Where conscyence they wolde refuse Manhode> Peas folye my fayre frende For by cryste I wolde not y_ conscyence sholde me here Folye (fynde Tusshe mayster therof speke no thynge For conscyence cometh no tyme here Manhode> <_capit>Peace folye there is no man that knoweth me Folye <_capit>Syr here my trouthe I plyght to the And thou wylte go thyder with me For knowlege haue thou no care Manhode> <_capit>Peace but it is hens a grete waye Folye <_capit>Parde syr we may be there on a daye Ye and we shall be ryght welcome I dare well saye In estchepe for to dyne And than we wyll with lombardes at passage playe And at the popes heed swete wyne assaye We shall be lodged well a fyne Manhode> <_capit>What sayest thou folye is this the best Mundus & Infans C.iii. Folye Syr all this is manhode well thou knowest Manhode> <_capit>Now foly go we hens in hast But fayne wolde I chaunge my name For well I wote yf conscyence mete me in this tyde Ryght well I wote he wolde me chyde Folye <_capit>Syr for fere of you his face he shall hyde I shall clepe you shame Manhode> <_capit>Now gramercy folye my felowe in fere Go we hens tary no lenger here Tyll we be gone me thynke it seuen yere I haue golde and good to spende Folye <_capit>Aha mayster that is good chere And or it be passed halfe a yere I shall the shere ryght a lewde frere And hyther agayne the sende Manhode> <_capit>Folye go before and teche me the waye Folye <_capit>Come after shame I the praye And conscyence clere ye cast awaye Lo syrs this foly techeth aye For where conscyence cometh with his cunnynge Yet folye full fetely shall make hym blynde Folye before and shame behynde Lo syrs thus fareth the worlde alwaye Manhode> <_capit>Now I wyll folowe folye, for folye is my man Ye folye is my felowe and hath gyuen me a name Conscyuence called me manhode foley calleth me shame Folye wyll me lede to london to lerne revell Ye and conscyence is but a flaterynge brothell For euer he is carpynge of care The worlde and folye counseylleth me to all gladnes Ye and conscyence counseylleth me to all sadnts Ye to moche sadnes myght brynge me into madnes & now haue good daye syrs to london to seke folye wyll Conscyence (I fare <_capit>Saye manhode frende whyder wyll ye go Manhode> <_capit>Nay syr in faythe my name is not so Why frere what the deuyll hast thou to do Whyder I go or abyde Conscyence Yes syr I wyll counsell you for the best Manhode> <_capit>I wyll none of thy counsell so haue I rest I wyll go whyder my lest For thou canst nought elles but chyde Conscyence <_capit>Lo syrs a grete ensample you may se The freylnes of mankynde Now oft he falleth in folye Throughe temptacyon of the fende For whan the fende and the flesshe be at one assent Than conscyence clere is clene out cast Men thynke not on the grete Jugement That the sely soule shall haue at the last But wolde god all men wolde haue in mynde Of the grete daye of dome How he shall gyue a grete rekenynge Of euyll dedes that he hathe done But nedeles syth it is so That manhode is forthe with folye wende Mundus & Infans To seche perseueraunce now wyll I go With the grace of god omnypotent His counseylles ben in fere Perseueraunce counsell is moost dere Next to hym is conscyence clere From synnynge Now in to this presence to cryst I praye To spede me well in my Journaye Fare well lordynges and haue good daye To seke perseueraunce wyll I wende Perseueraunce Now cryst our comely creature clere tha crystal clene That craftly made euery creature by good recreacyon Saue all this company that is gathered here bydene And let all your soules in to good saluacyon Now good god y_ is moost wysest and welde of wyttes This company, counsell, comforte and glad And saue all this symylytude that semely here syttes Now good god for his mercy that all men made Now mary moder mekest that I mene Shelde all this company from euyll Inuersacyon And saue you from our enemy as she is bryght & clene And at y_ last day of dome delyuer you fro euerlastynge Syrs perseueraunce is my name (dampnacon Conscyence borne broder is He sente me hyder mankynde to endoctryne That they sholde to no vyces enclyne For ofte mankynde is gouerned amys And throughe foly mankynde is set in shame Therfore in this presens to cryst I praye Or that I hens wende awaye Some good worde that I may saye To borowe mannes soule from blame Age <_capit>Alas, alas, that me is wo My lyfe my lykynge I haue forlorne My rentes my rychesse it is all ygo Alas the daye that I was borne For I was borne manhode moost of myght Styffe stronge both stalworthy and stoute The worlde full worthely hath made me a knyght All bowed to my byddynge bonerly aboute Than conscyence clere comely and kynde Mekely he met me in sete there I sate He lerned me a lesson of his techynge And the.vij.deedly synnes full lothely he dyde hate Pryde wrathe and enuy and couetous in kynde The worlde all these synnes delyuered me untyll Slouthe couetous & lechery y_ is full of false flaterynge All these conscyence reproued both lowde and styll To conscyence I helde vp my hande To kepe crystes commaundementes He warned me of folye y_ traytour & bade me beware And thus he went his waye But I haue falsly me forsworne Alas the daye that I was borne For body and soule I haue torlorne I clynge as a clodde inclaye In london many a daye At the passage I welde playe I thought to borowe and neuer paye Than was I sought and set in stockes In newgate I laye vnder lockes If I sayd ought I caught many knockes Alas where was manhode tho Alas my lewdenes hath me lost Where is my body so proude and prest I coughe and rought my body wyll brest Age dothe folowe me so I stare and stacker as I stonde I grone glysly vpon the grounde Alas dethe why lettest thou me lyue so longe I wander as a wyght in wo And care For I haue done yll Now wende I wyll My selfe to spyll I care not whyder nor where Perseueraunce <_capit>Well ymet syr, well ymet, and whyder awaye Age <_capit>Why good syr wherby do ye saye Perseueraunce Tell me syr I you praye And I with you wyll wende Age <_capit>Why good syr what is your name Perseueraunce Forsothe syr perseueraunce the same Age <_capit>Syr ye are conscyence brother that me dyd blame I may not with you lynge Perseueraunce <_capit>Yes, yes Manhode my frende in fere Age <_capit>Nay syr my name is in another maner For folye his owne selfe was here And hath clepyd me shame Perseueraunce Shame Nay Manhode let hym go Folye and his felowes also For they wolde the brynge in to care and wo And all that wyll folowe his game Age <_capit>Ye game who so game Folye hath gyuen me aname So where euer I go He clypped me shame Now manhode is gone Folye hath folowed me so Whan I fyrst from my moder cam The worlde made me a man And fast in ryches I ran Tyll I was dubbed a knyght And than I met with conscyence clere And he me set in such manere Me thought his techynge was full dere Bothe by daye and nyght And than folye met me And sharpely he beset me And from concyence he fet me He wolde not fro me go Many a daye he keped me And to all folkes he cleped me Fro shame And vnto all synnes he fet me Alas that me is wo For I haue falsely me forsworne Alas that I was borne Body and soule I am but lorne Me lyketh neyther gle nor game Perseueraunce Nay, nay, manhode saye not so Be ware of manhode for he is a fo A newe name I shall gyue you to I clepe you repentaunce For and you here repente your synne Ye are possyble heuen to wynne But with grete contrycyon ye must begynne And take you to abstynence For thoughe a man had do alone The deed y_ synnes euerychone And he with contrycyon make his mone To cryst our heuen kynge God is also gladde of hym As of the creature that neuer dyde syn Age <_capit>Now good syr how sholde I contrycyon begyn Perseueraunce <_capit>Syr in shryfte of mouthe without varyenge And another ensample I shall shewe you to Thynke on Peter and Poule and other mo Thomas, James, and Johan also And also mary maudeleyn For Poule dyde crystes people grete vylany And Peter at the passyon forsoke cryst thryes And Maudelayne lyued longe in lechery And saynt thomas byleued not in the resurreccyon And yet these to cryst are derlynges dere And now be sayntes in heuen clere And therfore thoughe ye haue trespased here I hope ye be sory for your synne Age <_capit>Ye perseueraunce I you plyght I am sory for my synne bothe daye and nyght I wolde fayne lerne with all my myght How I sholde heuen wynne Perseueraunce So to wynne heuen.v.nessarye thynges there ben That must be knowen to all mankynde The.v.wyttes doth begynne Syr bodely and sparytually Age Of the.v.wyttes I wolde haue knowynge Perseueraunce <_capit>Forsoth syr herynge, seynge, and smellynge The remenaunte tastynge, and felynge These ben the.v.wyttes bodely And syr other.v.wyttes there ben Age Syr perseueraunce I knowe not them Perseueraunce Now repentaunce I shall you ken They are the power of the soule Clere in mynde there is one Imagynacyon and all reason Understondynge an compassyon These belonge vnto perseueraunce Age <_capit>Gramercy perseueraunce for your trewe techynge But good syr is there ony more behynde That is necessary to all mankynde Frely for to knowe Perseueraunce <_capit>Ye repentaunce more there be That euery man must on byleue The.xij artycles of the fayth That mankynde must on trowe The fyrst that god is in one substaunce And also that god is in thre persones Begynnynge and endynge without varyaunce And all this worlde made of nought The seconde that the sone of god sykeriy Toke flesshe and blode of the vyrgyn mary Without touchynge of mannes flesshe companye This must be in euery mannes thought The thyrde that that same god sone Borne of that holy vyrgyn And she after his byrthe mayden as she was beforne And clerer in all kynde Also the fourthe that same cryst god and man He suffred payne and passyon Bycause of mannes soule redemcyon And on a crosse dyde hynge The fyfre artycle I shall you tell Than the spyryte of godhed went to hell And bought out the soules that there dyde dwell By the power of his owne myght The.vi.artycle I shall you saye Cryst rose vpon the thyrde daye Very god and man withouten naye That all shall deme and dyght He sent mannes sonle in to heuen Alofte all the aungelles euery chone There is the, fader the sone, and y_ sothfast holy goost The eyght artycle we must beleue on That same god shall come do wite And deme mannes soules at the daye of dome And on mercy than must we trust The.ix.artycle with outen stryfe Euery man mayden and wyfe And all the bodyes that euer bare lyfe And at the daye of dome body and soule shall pere Truely the.x.artycle is All they that hath kepyd goddes seruyce They shall be crowned in heuen blysse As crystes seruauntes to hym full dere The.xi.artycle the sothe to sayne All that hath falsely to god gayded them They shall be put in to hell payne There shall be no synne couerynge Syr after the.xij.we must wyrche And byleue in all the sacramentes of holy chyrche That they ben necessary to both last and fyrste To all maner of mankynde Syr ye must also here & knowe y_ commaundemetes.x. Lo syr this is your beleue and all men Do after it and ye shall heuen wyn Without doubte I knowe Age <_capit>Gramercy perseueraunce for your trewe techynge For in the spyryte of my soule wyll I fynde That it is necessary to all mankynde Truely for to knowe Now syrs take all ensample by me How I was borne in symple degre The worlde ryall receyued me And dubbed me a knyght Than conscyence met me So after hym came folye Folye falsely deceyued me Than shame my name hyght Perseueraunce <_capit>Ye and now is your name repentaunce Throughe the grace of god almyght And therfore withoute ony dystaunce I take my leue of kynge and knyght And I praye to Jhesu whiche as made vs all Couet you with his mantell perpetuall Amen. <_capit>Here endeth the Interlude of Mundus & Infans. Imprynted at London in Fletestrete at the synge of y_ Sone by me Wynkyn deworde. The yere of our Lorde M.CCCCC.and.xxii.The.xvii.daye of July.