CREDO NOS OMNIA, QUAE AD INSTRUCTIONEM METRICAE DISCIPLINAE, UELUT QUAEDAM PRIMAE INSTITUTIONIS INCUNABULA, NECESSARIO HIS QUIBUS HUIUSCE ARTIS UOLUPTAS AC STUDIUM EST INTIMANDA SUNT, ADFATIM PERSECUTOS. UNDE NUNC AD NOUEM PROTOTYPA, ID EST PRIMIFORMIA OMNIUM METRORUM GENERA, E QUORUM FONTE ATQUE ORIGINE DERIUATA INNUMERABILIS METRORUM PROFLUIT COPIA, STILUM NOSTRI OPERIS CONUERTAM, DE QUORUM DISCIPLINA ET PRAECEPTIS ET RATIONE OMNI, QUA INTER SE CONGRUUNT SIUE DISSENTIUNT, TEXTUS HUIUS SECUNDI UOLUMINIS SINGULA QUAEQUE RESERANS EXPLICABIT. AUSPICANDUM IGTUR AB EO NOBIS PEDE POTISSIMUM CREDIDI, QUI HEROUM METRUM, PRINCIPUM OMNIUM, CONTINENS ETIAM NOMINIS SUI APPELLATIONE SIGNAUIT SIQUIDEM NON NULLI AMBIGANT, A QUO E DUOBUS METRORUM ORDINEM INCHOANTES EXORDIUM CAPIANT. NAM QUI AB IAMBO INITIUM TRAHUNT EO STUDIO ID FIERI UOLUNT, QUOD IDEM A BREUI, A QUO HIS ORIGO EST, INCIPIENS TEMPORE ET IN LONGO DESINENS, UELUT A MINORI AD MAIUS EGRESSUS, PER TEMPORUM INCREMENTA CONSURGAT. PYRRICHIUS ENIM NULLUM EX SE METRUM EDIDIT, TROCHAEUS UERO A LONGA INCIPIT. NOS AUTEM, UT DICTUM EST, PRINCIPIUM METRORUM OMNIUM HEROO SIUE PYTHIO DEFERENTES NON ABSURDE A DACTYLICO AUSPICANDUM ESSE CENSUIMUS. IGITUR PROTOTYPA, ID EST PRIMIFORMIA NOUEM METRA, QUORUM ET IN PRIMO MENTIONEM FECIMUS, SUNT HAEC, E QUIS PRIMUM DACTYLICUM, DEHINC ANAPAESTICUM, POST IAMBICUM ET TROCHAICUM ET CHORIAMBICUM ET ANTISPASTICUM, IONICUM ?\AP2O ME1IZONOS?, IONICUM ?\AP2O \EL1ASSONOS? ET PAEONICUM. NAM PROCELEUMATICAM SPECIEM NOUEM PROTOTYPIS DECIMAM ADSOCIANDAM ESSE QUIDAM PUTANT, DE QUO SUO LOCO DICEMUS. PLACUIT ITAQUE HOC SITU ORDINIS AD ILLUMINANDAS EORUM INTER SE ALTERNATIONES AC MUTUAS AEMULATIONUM UICISSITUDINES QUAS PER CONTRARIAM NATURAE POSITIONEM HABERE NOSCUNTUR, EADEM SIC DIGERERE, UT DACTYLICIS ANAPAESTICA, IAMBICIS TROCHAICA ET CETERA, UT PAULO ANTE INDUXIMUS, E DIUERSO POSITA, QUO DISTENT AC DIFFERANT SIUE COPULENTUR ET CONGRUANT IPSA SE COMPARATIONE PROPOSITA, NON SOLUM INGENII SED ET OCULORUM UELUTI CONTEMPLATIONE PERCEPTA IN PROMPTU AC PROPATULO HABEANTUR. IGITUR DACTYLICUM HEXAMETRUM CONSTAT E SPONDEO, TROCHAEO ET EODEM DACTYLO. HABET AUTEM SEDES SEX, QUAS 5ARISTOXENUS MUSICUS ?X1WRAS? UOCAT. RECIPIT ETIAM PEDALES FIGURAS TRES; HAS 5GRAECI DICUNT ?PODIK2A SX1HMATA?. NAM AUT IN SEX PARTES DIUIDITUR PER MONOPODIAN, AUT IN TRES PER DIPODIAN ET FIT TRIMETRUS, AUT IN DUAS PER ?K3WLA? DUO, QUIBUS OMNIS UERSUS CONSTAT, DIRIMITUR E CUIUS GENERE HAE METRORUM SPECIES GIGNUNTUR, DIPHILIUM SEU CHOERILIUM LOGAOEDICUM SEU ARCHBULIUM, AEOLICUM SIUE SAPPHICUM ET CETERA, DE QUORUM STATU AC RATIONE SUO LOCO DICEMUS. DACTYLICI IGITUR METRI ID PRAECIPUUM EST, QUOD HEROUM APPELLATUR. DIFFERT ENIM A DACTYLICO HEROUM EO, QUOD ET DACTYLICUM ET SPONDIACUM EST ET IN DUAS CAEDITUR PARTES, DE QUIBUS SUPRA DIXIMUS, PENTHEMIMEREN ET HEPHTHEMIMEREN. DACTYLICUM ENIM, LICET ISDEM SUBSISTAT PEDIBUS, NON TAMEN ISDEM DIUISIONIBUS UT HEROUS CAEDITUR UERSUS. INTER SPONDEUM AUTEM ET DACTYLUM MENSURA TEMPORUM CONGRUENTE ETIAM IN ARSI ET THESI EADEM AEQUALITAS STABIT, QUAM 5GRAECI DICUNT ?4ISON L1OGON?. QUIBUS PER CONIUNCTIONEM ET DIUISIONEM, UT SUPRA DOCUIMUS, MUTUA PROCREATIO EST, MERITOQUE INDIFFERENTER IN QUACUMQUE UERSUS SEDE, UT SORS SCANDENDI PROCESSERIT, REPERIUNTUR, DUMTAXAT USQUE AD PEDEM QUARTUM; QUINTUS ENIM FREQUENTER, UT HEROUM DECET, DACTYLUS ESSE DEBET. SUNT ITEM QUAE PRIMAM TROCHAICAM, SECUNDAM CHORIAMBICAM, TERTIAM TROCHAICAM, SED ET QUARTAM SYLLABA BREUIOREM CONIUGATIONEM HABEANT, QUORUM EXEMPLA PLERUMQUE APUD COMICOS IN 5DIPHILI ET 5MENANDRI COMOEDIIS REPERIUNTUR. UERUM HAEC HACTENUS NOSCENDA SUNT, NE QUID PER IMPERITIAM PRAETERIISSE UIDEAMUR; ALIOQUIN ET UITANDA ET RESPUENDA SUNT. NAM PERFECTO POETAE LEUIA ET SONORA SECTANDA SUNT? QUAE AUTEM FRAGOSA ET ASPERA, DICIS CAUSA, NON UT IMITENTUR, SED UT UITENTUR, NOSCENDA SUNT. QUORUM, SICUT ET ALIORUM COMPLURIUM, AUCTOR ET PARENS FERTUR 5ARCHILOCHUS SINGULARIS ARTIFICII IN EXCOGITANDIS AC FORMANDIS NOUIS METRIS, QUI PRIMUS EPODOS EXCITAUIT ALIOS BREUIORES, ALIOS LONGIORES, DETRAHENS UNUM PEDEM SEU COLUM METRO, UT ILLI SUBICERET ID QUOD EX IPSO DETRACTUM ESSE UIDEBATUR; UT IN HEROO, A QUO PRIMUM COEPIT, TAMQUAM 3DIFFUGERE NIUES, REDEUNT IAM GRAMINA CAMPIS4? DEHINC EPODUS SUI GENERIS, 3ARBORIBUSQUE COMAE4; ET ILLUD, CUM HEROI UERSUS SECUNDO COLO ITHYPHALLICA EPODOS PER ?\ANTIP1AQEIAN? RESPONDET, UT 3PRIAMIQUE EUERTERE GENTEM FATA IAM PARABANT4; ET MULTA ALIA, QUAE IN PROCESSU OPERIS DEMONSTRABIMUS. OMNIA ENIM EX DACTYLO ET IAMBO PRINCIPALIBUS ORTA NOSCUNTUR. NAM QUAECUMQUE PROTULERIS, EX HIS PROFLUERE FONTIBUS ET AD HAEC REFERRI UELUTI SEMINA EXAMINANDO REPERIES. HAEC ENIM SOLA DUO METRA, QUAMUIS ET IAMBICUM HEROI SIT TRADUCTIUUM, UTPOTE CUM TRIMETER DE HEXAMETRO MANASSE NOSCATUR, HAEC SOLA POSSUNT PROTOTYPORUM PROTOTYPA DICI ET OMNIUM METRORUM ELEMENTA, RELIQUA AUTEM HORUM ?\APOTM1HMATA?; QUORUM MODOS, IN QUANTUM COLLIGI POTUIT, STUDIOSI LECTORIS AURIBUS INTIMABO. NAM CUM METRORUM PRINCIPALIUM, QUAE CATHOLICE EXCEPTO RHYTHMO PAEONICO RECIPIENDA SUNT, OCTO GENERA CENSEANTUR, SIQUIS EA OCTIES MULTIPLICET, ET OCTONA METRA OCTIES MULTIPLICATA EFFICIENT DIFFERENTIAS (LXIIII. ET UT EXEMPLO ID APERTIUS CLAREAT, SIQUIS IAMBICUM IAMBICO CONIUNGAT AUT TROCHAICO ET DEINCEPS CETERIS, ID EST DACTYLICO ANAPAESTICO CHORIAMBICO ANTIPASTICO ET IONICIS DUOBUS, FIENT HARUM PERMIXTIONUM DIFFERENTIAE OCTO. PARI RATIONE SI SIT TROCHAICUM CETERIS METRIS, UT SUPRA DE IAMBICO DIXIMUS, CONIUGATUM, FIENT ALIAE DIFFERENTIAE OCTO. AC DEINCEPS SI PER OMNIA PEDUM GENERA SIMILITER FIAT ISTA CONIUGATIONIS MULTIPLICATIO, NON DUBIE CLARUM ERIT EFFICI DIFFERENTIAS (LXIIII IN OMNI OCTO METRORUM PRINCIPALIUM SUMMA. CUIUS REI EDOCENDAE GRATIA ETIAM QUAEDAM SUI GENERIS EXEMPLA PROPONAM. NAM SI EX DUOBUS IAMBICIS, QUAE PENTHEMIMERE UOCANTUR, UERSUS UNUS FORMETUR, FIET SAPPHICUM HUIUS MODI, MEAT PER AEQUOR 5INOA PROLES. ITEM SI EX DUOBUS IAMBICIS DIMETRIS CATALECTICIS FIAT PERMIXTIO, FIT METRUM QUOD AESCHRIONION DICITUR, UT EST AMORE ME SUBEGIT ET IGNEO FURORE. SIMILITER DUO DACTYLICA SI CONIUNGAS PENTHEMIMERE, FIT ELEGIUM TALE, LACTEA SANGUINEIS LILIA MIXTA ROSIS. UEL SI ANAPAESTICA HEPHIHEMIMERE COPULENTUR, FIET METRUM QUOD ?PAROIMIAK2ON? APPELLATUR, UELUTI SED 5IAPYGII UADA PONTI TACITI PROPE LITORIS ACTAS. ITEM EX DUOBUS TROCHAICIS, QUAE HEPHTHEMIMERE NUNCUPAMUS, FIT METRUM EURIPIDION, QUOD EST TALE, 5PHOEBE CARMINUM POTENS, CUM SORORE SIS FAUENS. SED ET MULTA ALIA PER SINGULA METRORUM GENERA, QUAE PERSEQUI SATIS PROLIXUM EST, SUB HUIUS MODI CONEXIONE MISCENTUR. UERUM HAEC CONIUNCTA, QUAE GRAECE ?\ASUN1ARTHTA? NOMINANTUR, ITA PERFECTA SUNT, UT FACILE SIT UNAM QUAMQUE PARTEM COLI DETERMINATIONE ADSEQUI, CUIUS SIT AUT PROCERITATIS AUT GENERIS. ILLA AUTEM QUAE 5GRAECI ?SUGKEXUM1ENA? ET ?\APEMFA1INONTA?, QUAE NOS CONFUSA ET IMMANIFESTA DICIMUS? NON TAM PERSPICUA ET APERTA SUNT, IDCIRCO QUOD NON TANTUM EX DIFFERENTIA DIUERSORUM METRORUM CONIUGANTUR, UERUM EX EO, QUOD BREUIA ET NON PERFECTAE PROCERITATIS IN HOC GENERE UERSUUM COLA, QUAE NOS MEMBRA DICIMUS, SOCIANTUR. NAM FERME A MONOMETRO BRACHYCATALECTO INITIUM SUMUNT ET NON ULTRA DIMETRUM HYPERCATALECTUM CRESCUNT. UNDE INTELLEGI DATUR PER SINGULA METRA, QUAE OCTO SUNT NUMERO, TOTIDEM INCREMENTA DIFFERENTIARUM REPERIRI, ID EST OCTONA IN GENERIBUS SINGULIS, ITA; AUT ENIM MONOMETRUM EST BRACHYCATALECTUM AUT MONOMETRUM CATALECTICUM AUT MONOMETRUM ACATALECTUM AUT MONOMETRUM HYPERCATALECTUM? RURSUS AUT DIMETRUM EST BRACHYCATALECTUM AUT DIMETRUM CATALECTICUM AUT DIMETRUM ACATALECTUM AUT DIMETRUM HYPERCATALECTUM. DECURSIS OMNIBUS AB INCUNABULIS ARTIS HUIUSCE GENERIBUS METRORUM, QUIBUS MAGNI AUCTORES TAM NOMINA DEDERUNT QUAM ETIAM FREQUENTER USI SUNT, NON AB RE ARBITROR ANTE CONCLUSIONEM ELUCUBRATI A NOBIS OPUSCULI, PRIUS QUAM DE METRIS NOSTRI LYRICI CARMINIBUS COMPREHENSIS, QUAE SINGILLATIM PER ORDINEM AD EXPLENDUM STUDIOSI LECTORIS ANIMUM PERSEQUI PLACUIT, EXORDIUM FACIAM, ATTINGERE, QUOD NON NULLI TAMQUAM ERUDITIONI ET PROFUNDAE SCIENTIAE NECESSARIUM SOLLICITA SCISCITATIONE PERCONTANTES EXIGUNT, UNDE METRORUM ATQUE OMNIS MUSICAE ELEMENTA PROCESSERINT, QUO PARENTE, QUA ORIGINE, QUIBUS EXORDIIS INITIA EARUNDEM ARTIUM COEPERINT. NEC HOC SATIS; IIDEM ROGANT, QUIS ARTICULATAM UOCEM A CONFUSA DISCREUERIT, QUIS PRIMUS SYLLABAS IN ENUNTIANDO DENSO SEU LENI SPIRAMINE EXTULERIT, QUIS LONGUM TEMPUS AUT BREUE IN ELOCUTIONE UOCIS NOSTRAE CAPTAUERIT. QUAE QUI ANXIE SCIRE DESIDERANT, DICANT UELIM, QUIS NOBIS IN LUCEM EDITIS GESTIRE, REPTARE, RIDERE, QUOD PROPRIUM HOMINI TANTUM EST, QUIS ALIMONIA LACTIS RICTU ORIS APPETERG, QUIS SONUM CONFUSAE UOCIS IN UERBA DIDUCERE SEU PRO STATU ERGA SE MENTIS ATQUE ANIMI NUNC FLETUM AC MAEROREM, NUNC ALACRITATEM LAETITIAMQUE CONCIPERE AUCTOR OSTENDERIT. NAM HAEC QUOQUE SCISCITATIONIBUS EORUNDEM PARILI PROPOSITIONI CONSENTANEA OCCURRUNT. QUIBUS TAMEN SIC RESPONDENDUM EST, NATURALEM NOBIS HANC MUSICAM HAUD ALIAS QUAM ADFECTUS ANIMO CORPORIQUE MOTUS EXISTERE, EAMQUE PARENTE NATURA SIMUL CUM LUCE UITAE SENSUQUE TRADITAM CUMQUE IPSO HOMINE EDITAM EXORTAMQUE COALESCERE EX HIS QUAE IN PROMPTU POSITA SUNT FACILE INTELLEGI. NAMQUE UT OPINIONI NOSTRAE ETIAM SUB EXEMPLIS RESPONDEAT FIDES, NONNE MUTA UIDEMUS ANIMALIA MOX, UT LUCIS USURAM HAUSERINT, PROUT NATURA SUA CUIQUE EST, ALIA PINNARUM UIBRATIONE SUBLIME AERIS PETERE, ALIA SUB AQUIS NATANDI MEATU UARIE PERUAGARI, HAEC PER TERRAM TARDO INCESSU, ILLA IN SALTUM CURSUMQUE PROCEDERE, NEC MINUS AD ALIMONIA UITAE ALIA MATRIS UBERA MOX, UT ELAMBENTE MATRIS LINGUA DETERSA SINT, RICTU ORIS ADTRAHERE, HAEC UISCERIBUS, ILLA HERBIS ALI, QUAEDAM FRUGIBUS AUT POMIS ARBORUM NUTRIRI? UNDE PROCUL DUBIO INTELLEGI DATUR ADAEQUE NOBIS PARENTE EADEM TAM AD RHYTHMORUM CONCEPTIONEM QUAM AD METRORUM NUMEROS AC TONOS MUSICAE, SED ET MOMENTA TEMPORUM IN ENUNTIATIONE UOCUM, INSITUM INGENIO AC SENSIBUS STUDIUM, NON DOCTRINA, SED NATURA HAUSTUM AC TRADITUM, CUMQUE IN IPSO PARITER HOMINE PROCREATUR, ID POSTEA OBSERUATIONIS STRUENTE MAGISTERIO MAIORES NOSTROS, QUOD MENTIS IAM PULSU ET NATURALI CONCEPTIONE COLLEGERANT, ARTI AC DISCIPLINAE TRADIDISSE. DENIQUE AD MODULANDA EADEM SENSU QUODAM ANIMIQUE MOTU INSTRUENTE NOS UELUT MAGISTRO DUCIMUR GESTUSQUE ETIAM CORPORIS IMAGINI MODULATIONIS CONGRUOS INCITATI ADFECTIBUS COMMODAMUS. ETENIM UT ACCENTU UOCIS DISPAR SONUS NON DISCIPLINA, SED NATURA EDITUR, ITA ETIAM RHYTHMI ET MELE UARIANDIS CANTU MODULATIONIBUS PRIUS SUAPTE NATURA QUAM ARTIS STRUCTIONE GIGNUNTUR. HIS ACCEDENTEM ET CONSENTANEAM ETIAM 5THEOPHRASTI OPINIONEM ERUDITIORIBUS LITTERIS HAUD PRAETERMISERIM, ADSERENTIS INCENTIUUM ET NON PARUOS IMPETUS HIS, QUIBUS CORDI EST CARMEN PER MELE EDERE, AB ADFECTIONIBUS, QUAS 5GRAECI ?P1AQH? APPELLANT, SUGGERI ET QUIBUSDAM INCALESCENTIS INGENII STIMULIS INCITARI, QUIBUS SUBLIME COTHURNATUM CANORUM ET TRAGICI PONDERIS CARMEN EDATUR. QUORUM TRIPERTITAM UIRTUTEM IN ISTO DUMTAXAT A DICENDI OPERE ITA DISCERNIT. INDUCIT ENIM UOLUPTATEM, IRAM, ENTHUSIASMON, UELUTI SACRI FURORIS INSTINCTUM, UT 5GRAECI UOCANT, QUO FATIDICI UATES INSPIRANTUR. NEQUE ABNUO, SED MAGIS ADPROBO NON NIHIL ETIAM HIS ADFECTIBUS OMNE INGENIUM, CUI MUSICI CARMINIS STUDIUM EST, NATURA DUMTAXAT PRIUS AD ID INFORMANTE, NATURA, UT SUPRA DICTUM EST, PARENTE AC PRINCIPE IN MAIUS EXTOLLI SATISQUE PROSPERE SUB HUIUS MODI MENTIS INCITATIONE PROUENIRE.

OMNIS DEFINITIO IN QUAESTIONE REM HABET INCERTAM. OMNIS RES, SI CERTA EST, DEFINITIONE NON EGET? SI INCERTA EST, NEQUE RES EST, ET QUAERIT DEFINITIONE MONSTRARI. OMNIS ENIM RES SI MODO IAM RES EST, QUEMADMODUM DIXIMUS, CERTA EST. CUM UERO IAM CERTA EST, ET QUALITATES SUAS HABEAT QUIBUS CUM FACILE COMPREHENDITUR, FACILE QUID SIT AGNOSCITUR. NUNQUAM ENIM QUID SIT INTELLIGI POTEST, NISI QUALE SIT FUERIT COMPREHENSUM. OMNIS DIFFINITIO AUT PROBANDAE REI CAUSA, AUT, SI RES IN QUAESTIONE UERSATUR, AUGENDAE, AUT SI UEL APUD ADUERSARIUM UEL APUD AUDITOREM QUAELIBET IAM NOTA RES EST, CONFIRMANDAE ASSUMITUR. NIHILOMINUS TAMEN DIFFINITIO, UT RES EADEM QUAE NOTA EST, ET CERTA ET FIXA, TENEATUR, ADHIBETUR. OMNIS DIFFINITIO, AUT RHETORICA EST ORATIO, AUT DIALECTICA. SI EST RHETORICA, ORIGINEM EX CONTENTIONE SUSCIPIENS PER REI DE QUA QUAERITUR PARTES IN SUAS SE DIUIDET, NEC IN UNIUS TRACTATU A SUIS REBUS TOTA CONSISTET, UT CUM UNIUSCUIUSQUE REI PLENA ET CERTA PERFECTIO NOTA SIT, CUNCTAS PER PARTES SIBI EAMDEM DISTRIBUANT DICTA CERTANTIUM. SEPULTURAE UIOLATIONEM REM ETIAM CERTAM PLENAMQUE ET PERFECTAM RETINEMUS CUM IN ERUTO SEPULCRO EST ETIAM ANIMUS ET FACTUM UIOLANTIS, UT STUDIO ERUENDI ET PROFANANDI MANES HOC QUISPIAM UIDEATUR AGGRESSUS. ERGO, UTI DIXIMUS, UIOLATIO SEPULTURAE CONSTAT ET ANIMO ET FACTO, PLENAQUE IPSO RES EST UIOLATI SEPULCRI EX HIS DUOBUS, APERUIT SEPULCRUM QUIDAM UT AUFERRET ORNAMENTA. IDEM SEPULCRI UIOLATI REUS IN IUDICIUM DEUOCATUR, SINE DUBIO DIFFINITIUAM ORATIONEM ET CONTENTIONEM EXPRIMENTEM QUID SIT UIOLATIO SEPULTURAE NECESSARIO CAUSA DESIDERAT? SED SINGULIS PARTIBUS TOTIUS FACTI AC PLENI UTUNTUR ORATORES, UT SEPULTURAE UIOLATIONEM PONAT UNUS QUOD APERTUM SIT SEPULCRUM, CONTRA ALIUS SEPULTURAE UIOLATIONEM DICAT IN ANIMO CONTINERI; ITA EXISTIT DIFFINITIUAE ORATIONIS ISTE TRACTATUS, UT CUM TOTUM QUOD AGNOSCITUR IN SEPULTURAE UIOLATIONE, PER PARTES SUAS FUERIT DISTRIBUTUM, EASQUE PARTES ORATORES SINGULI TENUERINT, CONTENDENDI GENERE DIFFINITIONE UTI UIDENTUR. SED NON RECTE DICITUR HUIUSMODI DIFFINITIO, CUM NON SIT CERTA, NON PLENA, NON INTEGRA, NISI CUM TOTUM QUIDQUID IPSIUS REI EST DE QUA QUAERITUR EXPRIMENS QUID SIT ORATIO DECLARIT, UERUM HAEC CAPTIOSA ET FALSA EST, NON CERTA RHETORUM DIFFINITIO. EST ALIA ETIAM QUAE RHETORIBUS ACCOMODATA COGNOSCITUR, QUAE LONGE A UIRTUTE DIFFINIENDI PLENISSIME SEPARATUR, QUAE PER COLLATIONEM NON QUID SIT OSTENDIT, SED HAEC ESSE A SIMILI, CUM ALIUD SIT, ORATIONE CONCLUDIT, UT CUM QUAERITUR QUID SIT ACCIPERE UTIQUE RE PROPRIA, UERA, CERTA, NIHIL ALIUD EST NISI PROPRIA MANU ALIQUID AB ALIQUO OBLATUM SUMERE. PER COLLATIONEM 5M 5TULLIUS DEFINIT PECUNIAS ACCEPISSE 5UERREM, CUM COMITES, SOCII MINISTRIQUE PECUNIAS ACCEPERINT. COMITES ILLI, INQUIT, TUI MANUS ERANT TUAE. ITEM IN ALIO EXEMPLO CUM QUAERITUR QUID SIT INIMICUS, DICIMUS INIMICUM ESSE EUM QUI ALIQUID MALI MOLITUS SIT? AC 5CICERO COLLATIONE UTENS DICIT; INIMICUS EST QUI FACIT CONTRA OMNIUM REM, UOLUNTATEM, HONOREM, DIGNITATEM. EX QUIBUS COLLIGIMUS HUIUSMODI DIFFINITIONES CONTENTIONI ORATORUM MAXIME CONUENIRE, LONGE TAMEN A UIRTUTE DIFFINITIONIS ESSE DISCRETAS? SED HAE DIFFINITIONES QUAE ORATORIBUS APTAE SUNT ET POETIS SUI EXPLICATIONE IN ORATIONE CERTUM ORDINEM CONTINENT.

OMNIS, QUICUMQUE INCIPIT CUIUSCUMQUE GENERIS ORATIONEM, HAEC TRIA IN PRINCIPIIS ADHIBERE DEBET; UT AUDITORES FACIAT ATTENTOS, BENIUOLOS, DOCILES. ERGO HIC 5CICERO FACIT DOCILES AUDITORES, CUM, QUID SIT ELOQUENTIA, OSTENDIT? ATTENTOS CUM DICIT SE DE ELOQUENTIA DICTURUM, RE SCILICET MAGNA? BENIUOLOS, SI QUIDEM OSTENDIT FUTURUM EI COMMODUM, QUI HIS ARTIBUS FUERIT EDOCTUS. ELOQUENTIA IGITUR QUALIS SIT PER SE IPSAM NON OSTENDIT, SED EST CAPAX QUALITATIS, QUAM NON IN SE HABET, SED ACCIPIT AB AGENTE. NAMUT CUIUSCUMQUE INGENIUM FUERIT EIUS QUI EA UTITUR, PROINDE QUALIS SIT UEL QUID FACIAT DEMONSTRAT. ERGO QUONIAM QUIUIS MEDIOCRITER SAPIENS POTEST UIDERE ELOQUENTIAM, SI IN HOMINE STULTO SIT MALAM ESSE, SI IN SAPIENTE, BONAM ESSE, PROPTEREA 5CICERO NON UTRUM BONUM AN MALUM SIT ELOQUENTIA QUAERIT, SED UTRUM PLUS BONI AN PLUS MALI HABEAT OSTENDIT. TRACTAT AUTEM IN PRINCIPIIS QUATTUOR THESIS; UNAM TALEM, STUDENDUM ESSE SAPIENTIAE CUM ELOQUENTIA; ALIAM, PARUM PRODESSE SOLAM SAPIENTIAM, TAMEN PRODESSE; TERTIAM, MULTUM NOCERE ELOQUENTIAM, SI SINE SAPIENTIA SIT. ET QUIA POTEST DICI; 1ERGO ELOQUENTIAE STUDENDUM NON EST$ NAM UBIQUE SAPIENTIAM LAUDAS2, RESPONDETUR STUDENDUM ESSE ELOQUENTIAE, QUIA PER ELOQUENTIAM UIM SUAM SAPIENTIA EXSERIT NECESSARIO. QUARTA THESIS; STUDENDUM ESSE ELOQUENTIAE, SED TAMEN QUAE SIT MIXTA SAPIENTIAE. ANIMADUERTERE TAMEN DEBEMUS IN PRINCIPIIS DELIBERATIONIS PROPOSITIONEM PARTES PROPOSITIONIS, EXSECUTIONEM PARTIUM, POSTREMAM UERO SENTENTIAM, QUOD DILIGENTER ATTENDENTI FACILE COGNITU EST. SED ANTEQUAM AD ID, UNDE COEPIT 5CICERO, UENIAMUS, DICENDUM PRIMUM UIDETUR, QUID SIT ARS, DEINDE QUID INTERSIT INTER ARTEM ET UIRTUTEM. ARS EST, QUAE SIGNIFICANTIAM SUI PLENAM NON HABET, SED INTELLEGITUR AD ALIQUID PERTINERE; NON ENIM, UT CODICE NOMINATO SCIMUS STATIM QUID SID CODEX, ITA MOX SCIRE POSSUMUS, QUID SIT ARS, NISI ADDITUM FUERIT CUIUS ARS, POETICAE, GRAMMATICAE, ELOQUENTIAE. UIRTUS EST ANIMI HABITUS, IN NATURAE MODUM RATIONI CONSENTANEUS, ET IDEO IN NATURAE MODUM; DUOBUS ENIM CONSTAMUS, ANIMA ET CORPORE. ANIMA INMORTALIS EST. SI INMORTALIS EST, A DIUINIS DESCENDIT; SI A DIUINIS DESCENDIT, PERFECTA EST. SED ACIES QUAMUIS PERFECTAE ANIMAE QUODAM CORPORIS CRASSO TEGMINE INRETITUR ET CIRCUMFUNDITUR, ET ITA FIT UT QUANDAM OBLIUIONEM SUI CAPIAT. CUM UERO STUDIO AC DISCIPLINA UELUTI DETEGI COEPERIT ATQUE NUDARI, TUNC IN NATURAE SUAE MODUM ANIMI HABITUS REUERTITUR ATQUE REUOCATUR. HANC UIRTUTEM 5PLATO DICIT NUNC ARTE FIERI, NUNC CUM HOMINIBUS NASCI, NUNC EXERCITATIONE CONFICI, NUNC A DEO DARI. HAEC UIRTUS IN RHETORICIS A 5CICERONE EADEM PONITUR QUAE SAPIENTIA. ALIBI UERO, ID EST IN LIBRIS DE RE PUBLICA, AB EODEM 5CICERONE ILLA UIRTUS DICITUR QUAE PRUDENTIA. UIRTUS IGITUR HABET PARTES QUATTUOR, PRUDENTIAM, IUSTITIAM, FORTITUDINEM, TEMPERANTIAM. PRUDENTIA EST RERUM BONARUM ET MALARUM PER OMNE TEMPUS SCIENTIA. IUSTITIA EST ANIMI HABITUS ITA INFORMATUS, UT OMNIBUS MERITIS TRIBUAT DIGNITATEM. FORTITUDO EST CONSIDERATA PERICULORUM SUSCEPTIO ET LABORUM PERPESSIO. TEMPERANTIA EST ANIMI CIRCA RES INUTILES ATQUE INHONESTAS UICTRIX AC PUDICA DOMINATIO. HARUM PARTIUM PARTES IN CONSEQUENTIBUS COGNOSCEMUS. NUNC AD ID, QUOD OSTENDERE PROPOSUIMUS, REUERTAMUR, SCILICET UT, QUID INTER ARTEM ET UIRTUTEM INTERSIT, UIDEAMUS. HARUM QUATTUOR PARTIUM, QUAS DIXIMUS INESSE UIRTUTI, NULLA OMNINO IN ARTEM CADIT. ARS ENIM TANTUM PRAECEPTA TRADIT, NON ALIQUID SECUNDUM IPSA PRAECEPTA FACIENDUM. IDEO ARS SAPIENTIAE TRADI NON POTEST; PER SE AUTEM TOTA CONSTAT AC PERMANET? QUAE PERFECTA EST, SI HAEC QUATTUOR TENEAT PRUDENTIAM, IUSTITIAM, FORTITUDINEM, TEMPERANTIAM. DATUR AUTEM ARS ELOQUENTIAE, ET RECTE DATUR. ETENIM SI CONSTAT QUATTUOR REBUS, NATURA, USU, EXERCITATIONE, ARTE, NECESSARIO ET ARTIS PRAECEPTA IN ELOQUENTIAM DANTUR. QUAE SI DEEST, PROFECTO TRIA ILLA MULTUM INTERDUM NOCERE, NUMQUAM PRODESSE POSSUNT. DICENDUM ETIAM UIDETUR, QUAE DISTANTIA SIT INTER RHETOREM, SOPHISTAM ET ORATOREM. RHETOR EST QUI DOCET LITTERAS ATQUE ARTES TRADIT ELOQUENTIAE; SOPHISTA EST, APUD QUEM DICENDI EXERCITIUM DISCITUR; ORATOR EST, QUI IN CAUSIS PRIUATIS AC PUBLICIS PLENA ET PERFECTA UTITUR ELOQUENTIA. ET UT SCIAMUS ALIUM ESSE RHETOREM, ALIUM ORATOREM, HOS LIBROS ARTIUM RHETORICARUM UOCAUIT, UBI DOCET ARTEM DICENDI, ILLOS ALIOS TRES 3DE ORATORE4 NOMINAUIT, UBI ILLA, QUAE HABERE DEBEAT ORATOR, OSTENDIT. NUNC ERGO CONSIDERANS QUID ET QUANTUM SIT ILLUD, DE QUO DICTURUS EST, ID EST ELOQUENTIA, RECTE SE INDUCIT DIU COGITASSE, NON UTRUM BONA AN MALA SIT ELOQUENTIA, SED UTRUM PLUS BONI AN PLUS MALI HABEAT. 3CIUILIS QUAEDAM RATIO EST4. UT SUPRA PROMISIMUS, DE GENERE ARTIS RHETORICAE NOBIS DICENDUM EST. IGENUS2, HOC IPSUM QUOD SONAT GENUS, UOX EST. HAEC UOX GENERIS TRIPLICEM SIGNIFICANTIAM HABET. EST GENUS, ID EST PATRIA, PARENTES, ORIGO, SANGUIS, QUO MODO EST ILLUD; 1UNDE GENUS DUCIS$2. EST ITEM GENUS, SUB QUO MULTA SIMILIA EX EODEM DESCENDENTIA CONTINENTUR, UT ANIMAL GENUS? ETIAM HOMO, EQUUS, PISCIS ANIMALIA; SED HORUM OMNIUM GENUS ANIMAL. EST TERTIUM ILLUD GENUS, QUO CUIUSLIBET REI QUALITAS INDICATUR; SI DICAS, CUIUS GENERIS UESTIS, CUIUS GENERIS FACTURA. IN HOC GENERE ARTEM RHETORICAM PONIT, ID EST, QUALIS UEL QUANTA SIT DEMONSTRAT. ET RECTE; SI ENIM ARS GENUS EST, ILLUD QUAERENDUM EST, SUB QUO GENERE ARTIS SIT? EST ENIM ARS GRAMMATICA, ARS DIALECTICA, ARS RHETORICA. SED ISTAE OMNES ARTES IN GENERE QUALITATIS SUNT PONENDAE, QUO QUALES UEL QUANTAE SINT DEMONSTRENTUR. ERGO ET RHETORICAM IN GENERE QUALITATIS PONIT, QUO QUALIS UEL QUANTA SIT DEMONSTRETUR. DEINDE DEBET ATTENDERE, UBI SIT ARS RHETORICA, AN SOLA SIT, SI PAR, SI AEQUALIS, MAIOR MINORUE SIT. ATQUE IDEO QUIA HAEC DILIGENTER INSPEXIT, RHETORICAM CIUILIS CUIUSDAM RATIONIS PARTEM DICIT ESSE MAIOREM. ET QUIA AD GENUS ARTIS RHETORICAE DESCENDIMUS, QUAE SIT UEL UBI SIT, ATTENDAMUS. OMNIS PATRIA QUIDQUID AGIT, CIUILIS RATIO DICITUR. HAEC CIUILIS RATIO DUPLEX EST; UNA, QUAE RES CERTAS SOLLEMNI CURSU AC SINE ULLO TUMULTU AGIT, ET ALTERA, QUAE IN LITE AC DISCEPTATIONE UERSATUR. UT HOMO QUIDQUID AGIT DUOBUS MODIS AGIT, FACTIS ET DICTIS, ITA CIUILIS RATIO EST UNA IN FACTIS ET DICTIS, SED QUAE FACTA ET DICTA IN ACTU ATQUE OPERE CONSTITUTA SINT; ALIA IN FACTIS ET DICTIS, SED QUAE FACTA ET DICTA IN IUDICIO UEL QUAESTIONE UERSANTUR. ITA UNA ILLA RATIO IN ACTU EST ATQUE OPERE; HANC UERO ALTERAM CIUILEM RATIONEM, QUAE IN QUAESTIONE UERSATUR, SCIENTIAM NOMINAUIT. HIC ENIM DOCETUR, QUID IUSTUM, QUID UTILE, QUID HONESTUM SIT. HAEC RURSUS CIUILIS RATIO, ID EST SCIENTIA, IN DUOBUS EST; IN RHETORICA, ID EST ARTIFICIOSA ELOQUENTIA, ET IN SAPIENTIA, ID EST RERUM CONCEPTIONE EX NATURA UENIENTE. SED QUIA ORATOR PLUS PER ELOQUENTIAM GERIT, IDCIRCO RHETORICAM CIUILIS RATIONIS PARTEM ESSE DIXIT, SED QUIA DUPLEX EST, CUIUSDAM RATIONIS PARTEM? NAM EST IBI ET SAPIENTIA. ET UT GENUS EXPRIMERET RHETORICAE, PARTEM AMPLAM MAGNAMQUE ESSE CONFIRMAT. 3CIUILIS QUAEDAM RATIO EST, QUAE MULTIS ET MAGNIS EX REBUS CONSTAT4. CUM DICIT 3QUAEDAM RATIO4, OSTENDIT DUPLICEM ESSE; UNAM, QUAE IN OPERE CONSTITUTA SIT, ALTERAM, QUAE IN QUAESTIONIBUS; QUAM RATIONEM CIUILEM, IN QUA RHETORICAM PONIT, UT SUPRA DIXIMUS, SCIENTIAM DEBEMUS INTELLEGERE. ET QUOD AIT 3MULTIS ET MAGNIS EX REBUS CONSTAT4? NOTUM EST ENIM, QUAM CREBRIS ET DE QUAM MAGNIS REBUS IUDICIA UEL QUAESTIONES HABEANTUR. PARUM ERGO FUERAT DIXISSE 3MULTIS EX REBUS4 NISI ADDIDISSET 3ET MAGNIS4. 2EIUS QUAEDAM MAGNA ET AMPLA PARS EST ARTIFICIOSA ELOQUENTIA.4 CUM AIT QUAEDAM PARS, OSTENDIT ELOQUENTIAM ET SCIENTIAM EX DUPLICI CONSTARE, ID EST, EX SAPIENTIA ET ARTIFICIOSA ELOQUENTIA, SED ELOQUENTIAM PARTEM ESSE MAIOREM. 3ET MAGNA, INQUIT, ET AMPLA PARS.4 MAGNUM EST? QUOD IN CUMULUM SUI ET MAGNITUDINEM CRESCIT, AMPLUM, QUOD LATE PATET ET PER MULTA DIFFUNDITUR; ITA ET SUPRA; 3QUAE MULTIS ET MAGNIS4. 1MAGNUM2 ITA IBI, UT HIC POSUIT, 1MULTUM2 UERO AD AMPLITUDINEM REFERAMUS. 3MAGNA ET AMPLA PARS EST, INQUIT, ARTIFICIOSA ELOQUENTIA4; NON ELOQUENTIA SOLUM, SED ARTIFICIOSA ELOQUENTIA, QUAE RHETORICA UOCETUR. 3NAM NEQUE CUM HIS SENTIMUS, QUI CIUILEM SCIENTIAM ELOQUENTIA NON PUTANT INDIGERE.4 DIXIMUS SUPRA PARTEM ILLAM CIUILIS RATIONIS, QUAE IN IUDICIIS UERSETUR, SCIENTIAM UOCARI HANCQUE EX DUPLICI CONSTARE, SAPIENTIA SCILICET ET ARTIFICIOSA ELOQUENTIA. QUARE NUNC SE AB HIS DISSENTIRE DICIT, QUI HORUM ALTERO SCIENTIAM CIULEM CONSTARE DICUNT. 3NAM NEQUE INQUIT CUM HIS SENTIMUS, QUI CIUILEM SCIENTIAM ELOQUENTIA NON PUTANT INDIGERE.4 MULTI, INQUIT, DICUNT, CIUILEM SCIENTIAM SINE ELOQUENTIA STARE POSSE? CUNCTA ENIM PER NATURAM, ID EST PER SAPIENTIAM, FACILE POSSE COGNOSCI. MULTI AUTEM DICUNT CIUILEM SCIENTIAM SOLA ELOQUENTIA CONSTARE POSSE, ILLUDQUE ESSE IUSTUM UEL INIUSTUM, QUOD ELOQUENTIA POTUERIT PERSUADERE. SED EGO, INQUIT, AB UTRISQUE DISSENTIO. NAM CIUILIS SCIENTIA ET EX SAPIENTIA CONSTAT, QUA CUNCTA SENTIMUS, ET EX ELOQUENTIA, QUA ID, QUOD SENTIRE POSSUMUS, EXPLICAMUS. SED QUIA ELOQUENTIA POSITA IN RE PUBLICA FACILIUS QUOD FUERIT ADGRESSA PERSUADET, IDCIRCO EAM IN CIUILI SCIENTIA PARTEM DIXIT ESSE MAIOREM. NISI ENIM AD ALIQUID NULLUS POTEST ESSE RESPECTUS. ITA CUM DICIMUS MAIUS, TUNC INTELLEGIMUS MAIUS, SI MINUS CONSIDEREMUS; RURSUS TUNC INTELLEGIMUS MINUS, SI MAIUS CONSIDEREMUS. ITA ET RELIQUA EX ALIORUM CONLATIONE COGNOSCIMUS. UERUM NUNC UIDEAMUS, QUEMADMODUM HOS RESPECTUS NEGOTIORUM CONSIDERARE DEBEMUS. 3MAIUS ET MINUS ET AEQUE MAGNUM EX UI ET EX NUMERO ET EX FIGURA NEGOTII SICUT EX STATURA CORPORIS CONSIDERATUR.4 HAEC TRIA, ID EST MAIUS ET MINUS ET AEQUE MAGNUM, TRIBUS MODIS CONSIDERARE DEBEMUS, UI, NUMERO, FIGURA. UIS SINGULIS NOMINIBUS UERBISQUE CONSTAT ET PERSONA? OMNIS ENIM RES ET OMNE DICTUM FACTUMUE HABET UIM SUAM. ETENIM SI DICAS PARRICIDIUM, STATIM QUANTUM HOC SIT ET IN QUA UI SIT, ANIMO AESTIMAMUS; ITA HOMICIDIUM, ADULTERIUM ET RELIQUA FACILE QUID SINT, CUM FUERINT AUDITA, COGNOSCIMUS. SIMILITER ET PERSONAE HABENT UIM SUAM. ETENIM CUM DIXERIS 5CICERONEM, STATIM EX BONI UIRI CONSIDERATIONE, QUAE IN ILLO UIS SIT, AGNOSCIMUS. DEINDE CUM DIXERIS 5CATILINAM, EX CONSIDERATIONE PESSIMI HOMINIS STATIM, QUAE IN ILLO UIS SIT, AGNOSCIMUS. NUMERUS EST, CUM MINUS AC MAIUS NON EX UI, SED EX RERUM UEL EX PERSONARUM NUMERO DEMONSTRAMUS. FIGURA EST, QUAE IN TOTO NEGOTIO CONSIDERATUR, ID EST PER OMNIA ILLA SEPTEM ELEMENTA, UT CONSIDERES, QUID FACTUM SIT, QUIS FECERIT, UBI FECERIT, QUANDO FECERIT, QUEMADMODUM FECERIT ET RELIQUA; QUAE, INQUIT, FIGURA TOTIUS NEGOTII ITA EST, UT CORPORIS STATURA, IN QUA STATURA OMNIA LINIAMENTA CORPORIS CONTINENTUR. ITAQUE UT MELIUS INTELLEGAMUS, NOTUM PROPONAMUS EXEMPLUM, ILLUD SCILICET, QUOD 5CICERO NEGOTIO SUO ADIUNXIT. NAM CUM 5CATILINAM DICERET OCCIDENDUM, EX ADIUNCTO, QUID MAIUS UEL MINUS ESSET, ARGUMENTA COLLEGIT; QUOD UTIQUE MAIUS ET MINUS ET AEQUE MAGNUM EX UI, NUMERO, FIGURA IAM DUDUM DIXIMUS ADPROBANDUM. ITA ET 5CICERO; 3AN UERO 5P 5SCIPIO PONTIFEX MAXIMUS 5TIBERIUM 5GRACCHUM MEDIOCRITER LABEFACTANTEM STATUM REI PUBLICAE PRIUATUS INTERFECIT; 5CATILINAM ORBEM TERRAE CAEDE ADQUE INCENDIIS UASTARE CUPIENTEM NOS CONSULES PERFEREMUS$4. HIC EX UI RERUM INTELLEGIMUS MINUS ESSE STATUM REI PUBLICAE QUAM ORBEM TERRARUM, DEINDE SIMILITER EX UI INTELLEGIMUS MINUS ESSE LABEFACTARE QUAM UASTARE. ITA ET EX UI PERSONARUM, CUM 5GRACCHUS ET 5CATILINA NOMINANTUR, 5CATILINA MAGIS TIMENDUS AGNOSCITUR. PRAETEREA EX NUMERO INTELLEGIMUS MAIUS ESSE DUOS CONSULES QUAM 5SCIPIONEM. HIC FIGURAM NON POSUIT TOTIUS NEGOTII, ID EST, QUEMADMODUM OCCIDERIT 5GRACCHUM 5SCIPIO, UBI OCCIDERIT, QUANDO OCCIDERIT, UNDE OCCIDERIT; UERUM HAEC, QUIA NIHIL PRODERANT, PRAETERMISIT ATQUE UNO UERBO, QUOD AIT 1INTERFECIT2; CUIUS UERBI CONSIDERATA UI MAIUS ESSE INTELLEGIMUS INTERFICERE QUAM EX URBE EICERE. UERUM IN ALIIS EXEMPLIS ET EX FIGURA DEBET FIERI CONPARATIO, UT MAIUS ALIQUID MINUSUE DEMONSTRES, SI DICAS; 1ILLUD TUNC FACTUM EST, IBI FACTUM EST, ITA FACTUM EST, PROPTEREA FACTUM EST2 ET RELIQUA, QUAE IN ELEMENTIS PRINCIPALIBUS CONTINENTUR. 3SIMILE AUTEM EX SPECIE CONPARABILI AUT EX CONFERENDA ATQUE ADSIMILANDA NATURA IUDICATUR.4 CUM FACIMUS ARGUMENTUM EX ADIUNCTIS NEGOTIO PER SIMILITUDINEM, IN QUA SIMILITUDINE QUALITAS CONSIDERANDA EST; SUPERIORA ENIM MAIUS ET MINUS ET AEQUE MAGNUM EX QUANTITATAE COGNOSCIMUS. NEC PUTEMUS HOC ESSE PAR, QUOD SIMILE. ETENIM PAR EX MENSURA DEFINITA ET EX CONPARATA UTRIUSQUE QUANTITATE COGNOSCIMUS, SIMILE AUTEM NON IN EO, QUANTUM SIT, SED IN EO, QUALE SIT, ATTENDIMUS. SIMILE ITAQUE DUOBUS MODIS CONSIDERARE DEBEMUS, IN SPECIE FORMARUM ET IN NATURA RERUM. ET SCRIPTORES QUIDEM ARTIUM SIMILE GENUS PONUNT SUB SIMILIA TRIA ?E\IK1ONA?, ID EST IMAGINEM, ?PARABOL1HN?, ID EST CONLATIONEM, ?PAR1ADEIGMA?, ID EST EXEMPLUM. ****