*ARTUS, LI BOENS ROIS DE *BRETAINGNE
 LA CUI PROESCE NOS ENSEIGNE
 QUE NOS SOIENS PREU ET CORTOIS,
 TINT CORT SI RICHE COME ROIS
 A CELE FESTE QUI TANT COSTE,
 QU'AN DOIT CLAMER LA *PANTECOSTE.
 *LI ROIS FU A *CARDUEL EN *GALES;
 APRE/S MANGIER, PAR MI CES SALES
 CIL CHEVALIER S'ATROPELERENT
 LA OU DAMES LES APELERENT
 OU DAMEISELES OU PUCELES.
 *LI UN RECONTOIENT NOVELES,
 LI AUTRE PARLOIENT D'*AMORS,
 DES ANGOISSES ET DES DOLORS
 ET DES GRANZ BIENS QU'ORENT SOVANT
 LI DECIPLE DE SON COVANT,
 QUI LORS ESTOIT MOLT DOLZ ET BUENS;
 MES OR I A MOLT PO DES SUENS
 QU'A BIEN PRES L'ONT JA TUIT LESSIEE,
 S'AN EST *AMORS MOLT ABESSIEE,
 CAR CIL QUI SOLOIENT AMER
 SE FEISOIENT CORTOIS CLAMER
 ET PREU ET LARGE ET ENORABLE;
 OR EST *AMORS TORNEE A FABLE
 POR CE QUE CIL QUI RIEN N'EN SANTENT
 DI=ENT QU'IL AIMENT, MES IL MANTENT,
 ET CIL FABLE ET MANC&ONGE AN FONT
 QUI S'AN VANTENT ET DROIT N'I ONT.
 *MES OR PARLONS DE CEZ QUI FURENT,
 SI LEISSONS CEZ QUI ANCOR DURENT,
 CAR MOLT VALT MIALZ, CE M'EST A VIS,
 UNS CORTOIS MORZ C'UNS VILAINS VIS.
 *POR CE ME PLEST A RECONTER
 CHOSE QUI FACE A ESCOUTER
 DEL ROI QUI FU DE TEL TESMOING
 QU'AN EN PAROLE ET PRES ET LOING;
 SI M'ACORT DE TANT AS *BRETONS
 QUE TOZ JORZ DURRA LI RENONS
 ET PAR LUI SONT AMENTEU=
 LI BOEN CHEVALIER ESLEU=
 QUI A ENOR SE TRAVEILLIERENT.
 *MES CEL JOR MOLT SE MERVEILLIERENT
 DEL ROI QUI EINC&OIS SE LEVA,
 SI OT DE TEX CUI MOLT GREVA
 ET QUI MOLT GRANT PAROLE AN FIRENT,
 POR CE QUE ONQUES MES NEL VIRENT
 A SI GRANT FESTE AN CHANBRE ANTRER
 POR DORMIR NE POR REPOSER;
 MES CEL JOR ENSI LI AVINT
 QUE LA REI=NE LE DETINT,
 SI DEMORA TANT DELEZ LI
 QU'IL S'OBLIA ET ENDORMI.
 *A L'UIS DE LA CHANBRE DEFORS
 FU *DIDONEZ ET *SAGREMORS
 ET *KEX ET MES SIRE *GAUVAINS,
 ET SI I FU MES SIRE *YVAINS,
 ET AVOEC AX *QUALOGRENANZ,
 UNS CHEVALIERS MOLT AVENANZ,
 NON DE S'ANNOR, MES DE SA HONTE.
 *QUE QUE IL SON CONTE CONTOIT
 ET LA REI=NE L'ESCOUTOIT,
 SI S'EST DELEZ LE ROI LEVEE
 ET VIENT SOR AX TOT A CELEE,
 QU'AINZ QUE NUS LA POI=ST VEOIR,
 SE FU LESSIEE ENTR'AX CHEOIR,
 FORS QUE *CALOGRENANZ SANZ PLUS
 SAILLI AN PIEZ CONTRE LI SUS.
 *ET *KEX, QUI MOLT FU RANPONEUS,
 FEL ET POIGNANZ ET VENIMEUS,
 LI DIST: "*PAR *DEU, *QUALOGRENANT,
 MOLT VOS VOI OR PREU ET SAILLANT,
 ET CERTES MOLT M'EST BEL QUANT VOS
 ESTES LI PLUS CORTOIS DE NOS;
 ET BIEN SAI QUE VOS LE CUIDIEZ,
 TANT ESTES VOS DE SAN VUIDIEZ.
 *S'EST DROIZ QUE MA DAME LE CUIT
 QUE VOS AVEZ PLUS QUE NOS TUIT
 DE CORTEISIE ET DE PROESCE:
 JA LE LEISSAMES POR PERESCE,
 ESPOIR, QUE NOS NE NOS LEVAMES
 OU POR CE QUE NOS NE DEIGNAMES.
 *MES PAR *DEU, SIRE, NEL FEI=SMES,
 MES POR CE QUE NOS NE VEI=SMES
 MA DAME, AINZ FUSTES VOS LEVEZ.
 _ *CERTES, *KEX, JA FUSSIEZ CREVEZ,
 FET LA REI=NE, AU MIEN CUIDIER,
 SE NE VOS POI=SSIEZ VUIDIER
 DEL VENIN DON VOS ESTES PLAINS.
 *ENUIEUS ESTES, ET VILAINS,
 DE TANCIER A VOZ CONPAIGNONS.
 _ *DAME, SE NOS N'I GAEIGNONS,
 FET *KEX, AN VOSTRE CONPAIGNIE,
 GARDEZ QUE NOS N'I PERDIENS MIE.
 *JE NE CUIT AVOIR CHOSE DITE
 QUI ME DOIE ESTRE A MAL ESCRITE
 ET, S'IL VOS PLEST, TEISONS NOS AN:
 IL N'EST CORTEISIE NE SAN
 DE PLET D'OISEUSE MAINTENIR;
 CIST PLEZ NE DOIT AVANT VENIR,
 QUE NUS NEL DOIT AN PRIS MONTER.
 *MES FEITES NOS AVANT CONTER
 CE QU'IL AVOIT ENCOMANCIE/,
 CAR CI NE DOIT AVOIR TANCIE/."
 *A CESTE PAROLE S'ESPONT
 *QUALOGRENANZ, ET SI RESPONT:
 "*DAME, FET IL, DE LA TANC&ON
 NE SUI MIE EN GRANT SOSPEC&ON;
 PETIT M'AN EST, ET MOLT PO PRIS.
 *SE *KEX A ENVERS MOI MESPRIS,
 JE N'I AVRAI JA NUL DOMAGE:
 A MIALZ VAILLANT ET A PLUS SAGE,
 MES SIRE *KEX, QUE JE NE SUI,
 AVEZ VOS DIT HONTE ET ENUI,
 CAR BIEN AN ESTES COSTUMIERS.
 *TOZ JORZ DOIT PUI=R LI FUMIERS,
 ET FELONS ENUIER ET NUIRE.
 *MES JE NE CONTERAI HUI MES,
 SE MA DAME M'AN LEISSE AN PES,
 ET JE LI PRI QU'ELE S'AN TEISE,
 QUE LA CHOSE QUI ME DESPLEISE
 NE ME COMANT, SOE MERCI.
 _ *DAME, TRESTUIT CIL QUI SONT CI,
 FET *KEX, BOEN GRE/ VOS EN SAVRONT
 ET VOLANTIERS L'ESCOTERONT;
 NE N'AN FAITES JA RIEN POR MOI,
 MES, FOI QUE VOS DEVEZ LE ROI,
 LE VOSTRE SEIGNOR ET LE MIEN,
 COMANDEZ LI, SI FEROIZ BIEN.
 _ *QUALOGRENANT, DIST LA REI=NE,
 NE VOS CHAILLE DE L'ATAI=NE
 MON SEIGNOR *KEU LE SENESCHAL;
 COSTUMIERS EST DE DIRE MAL,
 SI QU'AN NE L'EN PUET CHASTI=ER.
 *COMANDER VOS VUEL ET PRI=ER
 QUE JA N'EN AIEZ AU CUER IRE,
 NE POR LUI NE LESSIEZ A DIRE
 CHOSE QUI NOS PLEISE A OI=R,
 SE DE M'AMOR VOLEZ JOI=R,
 MES COMANCIEZ TOT DE RECHIEF.
 _ *CERTES, DAME, CE M'EST MOLT GRIEF
 QUE VOS ME COMANDEZ A FEIRE;
 EINZ ME LEISSASSE UN DES DANZ TRAIRE,
 SE CORRECIER NE VOS DOTASSE,
 QUE JE HUI MES RIEN LOR CONTASSE;
 MES JE FERAI CE QU'IL VOS SIET,
 COMANT QUE IL ONQUES ME GRIET,
 DES QU'IL VOS PLEST; OR ESCOTEZ!
 *CUERS ET OROILLES M'APORTEZ,
 CAR PAROLE EST TOTE PERDUE
 S'ELE N'EST DE CUER ENTANDUE.
 *DE CEZ I A QUI LA CHOSE OENT
 QU'IL N'ENTANDENT, ET SI LA LOENT;
 ET CIL N'EN ONT NE MES L'OI=E,
 DES QUE LI CUERS N'I ENTANT MIE;
 AS OROILLES VIENT LA PAROLE,
 AUSI COME LI VANZ QUI VOLE,
 MES N'I ARESTE NE DEMORE,
 EINZ S'AN PART EN MOLT PETIT D'ORE,
 SE LI CUERS N'EST SI ESVEILLIEZ
 QU'AU PRENDRE SOIT APAREILLIEZ;
 CAR, S'IL LE PUET AN SON OI=R
 PRENDRE, ET ANCLORRE, ET RETENIR,
 LES OROILLES SONT VOIE ET DOIZ
 PAR OU S'AN VIENT AU CUER LA VOIZ;
 ET LI CUERS PRANT DEDANZ LE VANTRE
 LA VOIZ, QUI PAR L'OROILLE I ANTRE.
 *ET QUI OR ME VOLDRA ENTANDRE,
 CUER ET OROILLES ME DOIT RANDRE,
 CAR NE VUEL PAS PARLER DE SONGE,
 NE DE FABLE, NE DE MANC&ONGE.
 *IL M'AVINT PLUS A DE SET ANZ
 QUE JE, SEUS COME PAI=SANZ,
 ARMEZ DE TOTES ARMEU=RES
 SI COME CHEVALIERS DOIT ESTRE;
 ET TORNAI MON CHEMIN A DESTRE
 PAR MI UNE FOREST ESPESSE.
 *MOLT I OT VOIE FELENESSE,
 DE RONCES ET D'ESPINES PLAINNE;
 A QUELQU'ENUI, A QUELQUE PAINNE,
 TING CELE VOIE, ET CE SANTIER;
 A BIEN PRES TOT LE JOR ANTIER
 M'EN ALAI CHEVALCHANT ISSI,
 TANT QUE DE LA FOREST ISSI,
 ET CE FU EN *BROCELI=ANDE.
 *DE LA FOREST, EN UNE LANDE
 ENTRAI, ET VI UNE BRETESCHE
 A DEMIE LIUE GALESCHE;
 SE TANT I OT, PLUS N'I OT PAS.
 *CELE PART VING PLUS QUE LE PAS,
 VI LA BRETESCHE ET LE FOSSE/
 TOT AN VIRON PARFONT ET LE/,
 ET SOR LE PONT AN PIEZ ESTOIT
 CIL CUI LA FORTERESCE ESTOIT,
 SOR SON POING UN OSTOR MU=E/.
 *NE L'OI MIE BIEN SALU=E/,
 QUANT IL ME VINT A L'ESTRIE/ PRENDRE,
 SI ME COMANDA A DESCENDRE.
 *JE DESCENDI, QU'IL N'I OT EL,
 CAR MESTIER AVOIE D'OSTEL;
 ET IL ME DIST TOT MAINTENANT
 PLUS DE SET FOIZ EN UN TENANT,
 QUE BENEOITE FUST LA VOIE
 PAR OU LEANZ ENTREZ ESTOIE.
 *ATANT EN LA CORT EN ANTRAMES,
 LE PONT ET LA PORTE PASSAMES.
 *EN MI LA CORT AU VAVASOR,
 CUI *DEX DOINT ET JOIE ET ENOR
 TANT COM IL FIST MOI CELE NUIT,
 PENDOIT UNE TABLE; CE CUIT
 QU'IL N'I AVOIT NE FER NE FUST
 NE RIEN QUI DE CUIVRE NE FUST.
 *SOR CELE TABLE, D'UN MARTEL
 QUI PANDUZ ERT A UN POSTEL
 FERI LI VAVASORS TROIS COS.
 *CIL QUI LEISSUS ERENT ANCLOS
 OI=RENT LA VOIZ ET LE SON,
 S'ISSIRENT FORS DE LA MEISON
 ET VIENENT AN LA CORT AVAL.
 *JE DESCENDI DE MON CHEVAL,
 ET UNS DES SERGENZ LE PRENOIT;
 ET JE VI QUE VERS MOI VENOIT
 UNE PUCELE BELE ET GENTE.
 *EN LI ESGARDER MIS M'ANTENTE,
 QU'ELE ESTOIT BELE, ET LONGUE, ET DROITE;
 DE MOI DESARMER FU ADROITE
 QU'ELE LE FIST ET BIEN ET BEL,
 ET M'AFUBLA D'UN CORT MANTEL
 VAIR D'ESCARLATE PEONACE;
 ET SE NOS GUERPIRENT LA PLACE
 QUE AVOEC MOI NE AVOEC LI
 NE REMEST NUS, CE M'ABELI,
 QUE PLUS N'I QUERROIE VEOIR.
 EL PLUS BEL PRAELET DEL MONDE,
 CLOS DE BAS MUR A LA REONDE.
 *LA LA TROVAI SI AFEITIEE,
 SI BIEN PARLANT, SI ANSEIGNIEE,
 DE TEL SOLAZ ET DE TEL ESTRE,
 QUE MOLT M'I DELITOIT A ESTRE,
 NE JA MES POR NUL ESTOVOIR
 NE M'AN QUEI=SSE REMOVOIR;
 MES TANT ME FIST, LA NUIT, DE GUERRE
 LI VAVASORS, QU'IL ME VINT QUERRE,
 QANT DE SOPER FU TANS ET ORE;
 N'I POI PLUS FEIRE DE DEMORE,
 SI FIS LORS SON COMANDEMANT.
 *DEL SOPER VOS DIRAI BRIEMANT
 QU'IL FU DEL TOT A MA DEVISE,
 DES QUE DEVANT MOI FU ASSISE
 LA PUCELE QUI S'I ASSIST.
 *APRE/S MANGIER ITANT ME DIST
 LI VAVASORS QU'IL NE SAVOIT
 LE TERME, PUIS QUE IL AVOIT
 HERBERGIE/ CHEVALIER ERRANT
 QUI AVENTURE ALAST QUERANT;
 N'EN OT, PIECE A, NUL HERBERGIE/.
 *APRE/S ME REPRIA QUE GIE/
 PAR SON OSTEL M'AN REVENISSE
 AN GUERREDON ET AN SERVISE,
 ET JE LI DIS: "*VOLENTIERS, SIRE",
 QUE HONTE FUST DE L'ESCONDIRE;
 PETIT POR MON OSTE FEI=SSE
 SE CEST DON LI ESCONDEI=SSE.
 *MOLT FUI BIEN LA NUIT OSTELEZ,
 ET MES CHEVAX FU ESTABLEZ
 QUE G'EN OI MOLT PROIE/ LE SOIR.
 *LORS QUE L'EN POT LE JOR VEOIR,
 SI FU BIEN FETTE MA PROIERE;
 MON BOEN OSTE ET SA FILLE CHIERE
 AU *SAINT ESPERIT COMANDAI;
 A TRESTOZ CONGIE/ DEMANDAI,
 SI M'EN ALAI LUE/S QUE JE POI.
 *L'OSTEL GAIRES ESLOIGNIE/ N'OI,
 QUANT JE TROVAI, EN UNS ESSARZ,
 TORS SALVAGES, ORS ET LIEPARZ,
 QUI S'ANTRECONBATOIENT TUIT
 ET DEMENOIENT SI GRANT BRUIT
 ET TEL FIERTE/ ET TEL ORGUEL,
 SE VOIR CONUISTRE VOS AN VUEL,
 C'UNE PIECE ME TREIS ARRIERE
 QUE NULE BESTE N'EST TANT FIERE
 NE PLUS ORGUELLEUSE DE TOR.
 *UNS VILEINS, QUI RESANBLOIT *MOR,
 LEIZ ET HIDEUS A DESMESURE,
 EINSI TRES LEIDE CRIATURE
 QU'AN NE PORROIT DIRE DE BOCHE,
 ASSIS S'ESTOIT SOR UNE C&OCHE,
 UNE GRANT MAC&UE EN SA MAIN.
 *JE M'APROCHAI VERS LE VILAIN,
 SI VI QU'IL OT GROSSE LA TESTE
 PLUS QUE RONCINS NE AUTRE BESTE,
 S'OT PRES DE DEUS ESPANZ DE LE/,
 OROILLES MOSSUES ET GRANZ
 AUTIEX COM A UNS OLIFANZ,
 LES SORCIX GRANZ ET LE VIS PLAT,
 IALZ DE C&UETE, ET NES DE CHAT,
 BOCHE FANDUE COME LOUS,
 DANZ DE SENGLER AGUZ ET ROUS,
 BARBE ROSSE, GRENONS TORTIZ,
 ET LE MANTON AERS AU PIZ,
 LONGUE ESCHINE TORTE ET BOC&UE;
 APOIEZ FU SOR SA MAC&UE,
 VESTUZ DE ROBE SI ESTRANGE
 QU'IL N'I AVOIT NE LIN NE LANGE,
 EINZ OT A SON COL ATACHIEZ
 DEUS CUIRS DE NOVEL ESCORCHIEZ,
 OU DE DEUS TORS OU DE DEUS BUE/S.
 *AN PIEZ SAILLI LI VILAINS, LUE/S
 QU'IL ME VIT VERS LUI APROCHIER;
 NE SAI S'IL ME VOLOIT TOCHIER,
 NE NE SAI QU'IL VOLOIT ENPRENDRE,
 MES JE ME GARNI DE DESFANDRE,
 TANT QUE JE VI QUE IL ESTUT,
 EN PIEZ TOZ COIZ, NE NE SE MUT,
 ET FU MONTEZ DESOR UN TRONC,
 S'OT BIEN DIS ET SET PIEZ DE LONC;
 SI M'ESGARDA, NE MOT NE DIST,
 NE PLUS C'UNE BESTE FEI=ST,
 ET JE CUIDAI QU'IL NE SEU=ST
 PARLER, NE REISON POINT N'EU=ST.
 *TOTE VOIE TANT M'ANHARDI,
 QUE JE LI DIS: "*VA, CAR ME DI
 SE TU ES BOENE CHOSE OU NON."
 *ET IL ME DIST QU'IL ERT UNS HOM.
 "*QUIEX HOM IES TU? _ *TEX CON TU VOIZ;
 SI NE SUI AUTRES NULE FOIZ.
 _ *QUE FEZ TU CI? _ *GE M'I ESTOIS,
 ET GART LES BESTES DE CEST BOIS.
 _ *GARDES? *PAR SAINT *PERE DE *ROME,
 JA NE CONUISSENT ELES HOME;
 NE CUIT QU'AN PLAIN NE AN BOSCHAGE
 PUISSE AN GARDER BESTE SAUVAGE,
 N'EN AUTRE LEU, POR NULE CHOSE,
 S'ELE N'EST LI=EE ET ANCLOSE.
 _ *JE GART SI CESTES ET JUSTIS
 QUE JA N'ISTRONT DE CEST PORPRIS.
 _ *ET TU COMANT? *DI M'AN LE VOIR.
 _ *N'I A CELI QUI S'OST MOVOIR
 DES QUE ELE ME VOIT VENIR,
 CAR QUANT J'EN PUIS UNE TENIR,
 SI L'ESTRAING SI PAR LES DEUS CORZ,
 AS POINZ QUE J'AI ET DURS ET FORZ,
 QUE LES AUTRES DE PEOR TRANBLENT
 ET TOT EN VIRON MOI S'ASANBLENT,
 W
 W
 AUSI CON POR MERCI CRI=ER;
 NE NUS NE S'I PORROIT FI=ER,
 FORS MOI, S'ANTR'ELES S'ESTOIT MIS,
 *EINSI SUI DE MES BESTES SIRE,
 ET TU ME REDEVROIES DIRE
 QUIEX HOM TU IES, ET QUE TU QUIERS.
 _ *JE SUI, FET IL, UNS CHEVALIERS
 QUI QUIER CE QUE TROVER NE PUIS;
 ASSEZ AI QUIS, ET RIEN NE TRUIS.
 _ *ET QUE VOLDROIES TU TROVER?
 _ *AVANTURE, POR ESPROVER
 MA PROESCE ET MON HARDEMANT.
 *OR TE PRI ET QUIER ET DEMANT,
 SE TU SEZ, QUE TU ME CONSOILLE
 OU D'AVENTURE OU DE MERVOILLE.
 _ *A CE, FET IL, FAUDRAS TU BIEN:
 D'AVENTURE NE SAI JE RIEN,
 N'ONQUES MES N'EN OI= PARLER.
 *MES SE TU VOLOIES ALER
 CI PRES JUSQU'A UNE FONTAINNE,
 N'EN REVANDROIES PAS SANZ PAINNE,
 SE NE LI RANDOIES SON DROIT.
 *CI PRES TROVERAS OR EN DROIT
 UN SANTIER QUI LA TE MANRA.
 *TOTE LA DROITE VOIE VA,
 SE BIEN VIAX TES PAS ANPLOIER,
 QUE TOST PORROIES DESVOIER:
 IL I A D'AUTRES VOIES MOUT.
 *LA FONTAINNE VERRAS QUI BOUT,
 S'EST ELE PLUS FROIDE QUE MARBRES.
 *ONBRE LI FET LI PLUS BIAX ARBRES
 C'ONQUES POI=ST FORMER *NATURE.
 *EN TOZ TENS SA FUELLE LI DURE,
 QU'IL NE LA PERT POR NUL IVER.
 *ET S'I PANT UNS BACINS DE FER
 A UNE SI LONGUE CHAAINNE
 QUI DURE JUSQU'AN LA FONTAINNE.
 *LEZ LA FONTAINNE TROVERRAS
 UN PERRON, TEL CON TU VERRAS;
 JE NE TE SAI A DIRE QUEL,
 QUE JE N'EN VI ONQUES NUL TEL;
 ET D'AUTRE PART UNE CHAPELE
 PETITE, MES ELE EST MOLT BELE.
 *S'AU BACIN VIAX DE L'EVE PRANDRE
 ET DESUS LE PERRON ESPANDRE,
 LA VERRAS UNE TEL TANPESTE
 QU'AN CEST BOIS NE REMANRA BESTE,
 CHEVRIAX NE CERS, NE DAINS NE PORS,
 NES LI OISEL S'AN ISTRONT FORS;
 CAR TU VERRAS SI FOUDROIER,
 VANTER, ET ARBRES PEC&OIER,
 PLOVOIR, TONER, ET ESPARTIR,
 QUE, SE TU T'AN PUEZ DEPARTIR
 SANZ GRANT ENUI ET SANZ PESANCE,
 TU SERAS DE MEILLOR CHEANCE
 QUE CHEVALIERS QUI I FUST ONQUES."
 *DEL VILAIN ME PARTI ADONQUES
 QU'IL I OT LA VOIE MOSTREE.
 *ESPOIR SI FU TIERCE PASSEE,
 ET POT ESTRE PRES DE MIDI,
 QUANT L'ARBRE ET LA FONTAINNE VI.
 QUE CE ESTOIT LI PLUS BIAX PINS
 QUI ONQUES SOR TERRE CREU=ST.
 *NE CUIT C'ONQUES SI FORT PLEU=ST
 QUE D'EVE I PASSAST UNE GOTE,
 EINC&OIS COLOIT PAR DESOR TOTE.
 *A L'ARBRE VI LE BACIN PANDRE,
 DEL PLUS FIN OR QUI FUST A VANDRE
 ENCOR ONQUES EN NULE FOIRE.
 *DE LA FONTAINNE, POEZ CROIRE,
 QU'ELE BOLOIT COM IAUE CHAUDE.
 *LI PERRONS ERT D'UNE ESMERAUDE
 PERCIEE AUSI COM UNE BOZ,
 ET S'A QUATRE RUBIZ DESOZ,
 PLUS FLANBOIANZ ET PLUS VERMAUZ
 QUE N'EST AU MATIN LI SOLAUZ,
 QUANT IL APERT EN ORI=ANT;
 JA, QUE JE SACHE A ESCI=ANT,
 NE VOS AN MANTIRAI DE MOT.
 *LA MERVOILLE A VEOIR ME PLOT
 DE LA TANPESTE ET DE L'ORAGE,
 DON JE NE ME TING MIE A SAGE;
 QUE VOLENTIERS M'AN REPANTISSE
 TOT MAINTENANT, SE JE POI=SSE,
 QUANT JE OI LE PERRON CROSE/
 DE L'EVE AU BACIN AROSE/.
 *MES TROP EN I VERSSAI, CE DOT;
 QUE LORS VI LE CIEL SI DEROT
 QUE DE PLUS DE QUATORZE PARZ
 ME FEROIT ES IALZ LI ESPARZ;
 ET LES NUES TOT MESLE MESLE
 GITOIENT PLUIE, NOIF ET GRESLE.
 *TANT FU LI TANS PESMES ET FORZ
 QUE CENT FOIZ CUIDAI ESTRE MORZ
 DES FOUDRES QU'ANTOR MOI CHEOIENT,
 ET DES ARBRES QUI PECEOIENT.
 *SACHIEZ QUE MOLT FUI ESMAIEZ,
 TANT QUE LI TANS FU RAPAIEZ.
 *MES*DEX TOST ME RASEGURA
 QUE LI TANS GAIRES NE DURA,
 ET TUIT LI VANT SE REPOSERENT;
 DES QUE *DEU PLOT, VANTER N'OSERENT.
 *ET QUANT JE VI L'AIR CLER ET PUR,
 DE JOIE FUI TOZ ASSEU=R;
 QUE JOIE, S'ONQUES LA CONUI,
 FET TOT OBLIER GRANT ENUI.
 *JUSQUE LI TANS FU TRESPASSEZ
 VI SOR LE PIN TOZ AMASSEZ
 OISIAX, S'EST QUI CROIRE LE VUELLE,
 QU'IL N'I PAROIT BRANCHE NE FUELLE,
 QUE TOT NE FUST COVERT D'OISIAX;
 S'AN ESTOIT LI ARBRES PLUS BIAX;
 DOUCEMANT LI OISEL CHANTOIENT,
 SI QUE MOLT BIEN S'ANTR'ACORDOIENT;
 ET DIVERS CHANZ CHANTOIT CHASCUNS;
 C'ONQUES CE QUE CHANTOIT LI UNS
 A L'AUTRE CHANTER NE OI=.
 *DE LOR JOIE ME RESJOI=;
 S'ESCOUTAI TANT QU'IL ORENT FET
 QUE MES N'OI= SI BELE JOIE
 NE JA NE CUIT QUE NUS HOM L'OIE,
 SE IL NE VA OI=R CELI
 QUI TANT ME PLOT ET ABELI
 QUE JE M'AN DUI POR FOS TENIR.
 *TANT I FUI QUE J'OI= VENIR
 CHEVALIERS, CE ME FU A VIS,
 BIEN CUIDAI QUE IL FUSSENT DIS,
 TEL NOISE ET TEL BRUIT DEMENOIT
 UNS SEUS CHEVALIERS QUI VENOIT.
 *QUANT GE LE VI TOT SEUL VENANT,
 MON CHEVAL RESTRAING MAINTENANT,
 N'A MONTER DEMORE NE FIS;
 ET CIL, COME MAUTALENTIS,
 VINT PLUS TOST C'UNS ALERI=ONS,
 FIERS PAR SANBLANT COME LI=ONS;
 DE SI HAUT CON IL POT CRI=ER
 ME COMANC&A A DESFI=ER,
 ET DIST: "*VASSAX, MOLT M'AVEZ FET,
 SANZ DESFI=ANCE, HONTE ET LET.
 *DESFI=ER ME DEU=SSIEZ VOS,
 SE IL EU=ST REISON AN VOS,
 OU AU MOINS DROITURE REQUERRE,
 EINZ QUE VOS ME MEU=SSIEZ GUERRE.
 *MES SE JE PUIS, SIRE VASAX,
 SOR VOS RETORNERA CIST MAX
 DEL DOMAGE QUI EST PARANZ;
 EN VIRON MOI EST LI GARANZ
 DE MON BOIS QUI EST ABATUZ.
 *PLAINDRE SE DOIT QUI EST BATUZ;
 ET JE ME PLAING, SI AI REISON,
 QUE VOS M'AVEZ DE MA MEISON
 FORS CHACIE/ A FOUDRE ET A PLUIE;
 FET M'AVEZ CHOSE QUI M'ENUIE,
 ET DAHEZ AIT CUI CE EST BEL,
 QU'AN MON BOIS ET AN MON CHASTEL
 M'AVEZ FEITE TELE ENVAI=E,
 OU MESTIER NE M'EU=ST AI=E
 NE DE GRANT TOR NE DE HAUT MUR.
 *ONQUES N'I OT HOME ASSEU=R
 AN FORTERESCE QUI I FUST
 DE DURE PIERRE NE DE FUST
 *MES SACHIEZ BIEN QUE DES OR MES
 N'AVROIZ DE MOI TRIVES NE PES."
 *A CEST MOT, NOS ANTREVENIMES,
 LES ESCUZ ANBRACIEZ TENIMES,
 SI SE COVRI CHASCUNS DEL SUEN.
 *LI CHEVALIERS OT CHEVAL BUEN
 ET LANCE ROIDE; ET FU SANZ DOTE
 PLUS GRANZ DE MOI LA TESTE TOTE.
 *EINSI DEL TOT A MESCHIEF FUI,
 QUE JE FUI PLUS PETIZ DE LUI
 ET SES CHEVAX MIAUDRES DEL MIEN.
 *PAR MI LE VOIR, CE SACHIEZ BIEN,
 M'AN VOIS POR MA HONTE COVRIR.
 *SI GRANT COP CON JE POI FERIR
 LI DONAI, C'ONQUES NE M'AN FAINS,
 EL CONBLE DE L'ESCU L'ATAINS;
 S'I MIS TRESTOTE MA PUISSANCE
 ET LA SOE REMEST ANTIERE,
 QU'ELE N'ESTOIT MIE LEGIERE,
 EINZ PESOIT PLUS, AU MIEN CUIDIER,
 QUE NULE LANCE A CHEVALIER,
 QU'AINZ NULE SI GROSSE NE VI.
 *ET LI CHEVALIERS ME FERI
 SI DUREMENT QUE DEL CHEVAL
 PAR MI LA CROPE, CONTREVAL,
 ME MIST A LA TERRE TOT PLAT;
 SI ME LEISSA HONTEUS ET MAT,
 C'ONQUES NUS NE ME REGARDA.
 *MON CHEVAL PRIST ET MOI LEISSA;
 SI SE MIST ARRIERE A LA VOIE.
 *ET JE, QUI MON ROI NE SAVOIE,
 REME/S ANGOISSEUS ET PANSIS.
 *DELEZ LA FONTAINNE M'ASIS
 UN PETIT, SI ME SEJORNAI;
 LE CHEVALIER SIUDRE N'OSAI
 QUE FOLIE FEIRE DOTASSE.
 *ET, SE JE BIEN SIUDRE L'OSASSE,
 NE SAI GE QUE IL SE DEVINT.
 *EN LA FIN, VOLANTEZ ME VINT
 QU'A MON OSTE COVANT TANROIE
 ET QUE A LUI M'AN REVANROIE.
 *ENSI ME PLOT, ENSI LE FIS,
 MES JUS TOTES MES ARMES MIS
 POR PLUS ALER LEGIEREMANT,
 SI M'AN REVING HONTEUSEMANT.
 *QUANT JE VING LA NUIT A OSTEL
 TROVAI MON OSTE TOT AUTEL,
 AUSI LIE/ ET AUSI CORTOIS,
 COME J'AVOIE FET EINC&OIS.
 *ONQUES DE RIEN NE M'APARC&UI,
 NE DE SA FILLE NE DE LUI,
 QUE MOINS VOLENTIERS ME VEI=SSENT
 NE QUE MOINS D'ENOR ME FEI=SSENT
 QU'IL AVOIENT FET L'AUTRE NUIT.
 *GRANT ENOR ME PORTERENT TUIT,
 LES LOR MERCIZ, AN LA MEISON,
 ET DISOIENT C'ONQUES MES HOM
 N'AN ESCHAPA, QUE IL SEU=SSENT
 NE QUE IL OI= DIRE EU=SSENT,
 DE LA DON J'ESTOIE VENUZ
 QU'IL N'I FUST MORZ OU RETENUZ.
 *ENSI ALAI, ENSI REVING;
 AU REVENIR POR FOL ME TING.
 *SI VOS AI CONTE/ COME FOS
 CE C'ONQUES MES CONTER NE VOS.
 _ *PAR MON CHIEF, FET MES SIRE *YVAINS,
 VOS ESTES MES COSINS GERMAINS;
 SI NOS DEVONS MOLT ENTR'AMER;
 MES DE CE VOS PUIS FOL CLAMER
 QUANT VOS TANT LE M'AVEZ CELE.
 *SE JE VOS AI FOL APELE/,
 JE VOS PRI QU'IL NE VOS AN POIST,
 QUE, SE JE PUIS, ET IL ME LOIST,
 G'IRAI VOSTRE HONTE VANGIER.
 _ *BIEN PERT QUE C'EST APRE/S MANGIER,
 FET *KEX, QUI TEIRE NE SE POT:
 DE VIN QU'AN UN MUI DE CERVOISE;
 L'EN DIT QUE CHAZ SAOUS S'ANVOISE.
 *APRE/S MANGIER, SANZ REMU=ER,
 VET CHASCUNS *LORADIN TU=ER,
 *ET VOS IROIZ VENGIER *FORRE/!
 *SONT VOSTRE PANEL ABORRE/
 ET VOZ CHAUCES DE FER FROIEES
 ET VOZ BANIERES DESPLOIEES?
 *OR TOST, POR *DEU, MES SIRE *YVAIN,
 MOVROIZ VOS ENUIT OU DEMAIN?
 *FEITES LE NOS SAVOIR, BIAX SIRE,
 QUANT VOS IROIZ AN CEST MARTIRE,
 QUE NOS VOS VOLDRONS CONVOIER;
 N'I AVRA PREVOST NE VOIER
 QUI VOLANTIERS NE VOS CONVOIT.
 *ET SI VOS PRI, COMANT QU'IL SOIT,
 N'EN ALEZ PAS SANZ NOZ CONGIEZ.
 *ET SE VOS ANQUENUIT SONGIEZ
 MALVE/S SONGE, SI REMENEZ!
 _ *COMANT? *ESTES VOS FORSSENEZ,
 MES SIRE *KEX, FET LA REI=NE,
 QUE VOSTRE LEINGUE ONQUES NE FINE?
 *LA VOSTRE LEINGUE SOIT HONIE
 QUE TANT I A D'ESCAMONIE!
 *CERTES, VOSTRE LEINGUE VOS HET
 QUE TOT LE PIS QUE ELE SET
 DIT A CHASCUN, COMANT QU'IL SOIT.
 *LEINGUE QUI ONQUES NE RECROIT
 DE MAL DIRE SOIT MALEOITE!
 *LA VOSTRE LEINGUE SI ESPLOITE
 QU'ELE VOS FET PAR TOT HAI=R:
 MIALZ NE VOS PUET ELE TRAI=R.
 *BIEN SACHIEZ, JE L'APELEROIE
 DE TRAI=SON, S'ELE ESTOIT MOIE.
 *HOME QU'AN NE PUET CHASTI=ER
 DEVROIT EN AU MOSTIER LI=ER
 COME DESVE/, DEVANT LES PRONES.
 _ *CERTES, DAME, DE SES RANPOSNES,
 FET MES SIRE *YVAINS, NE ME CHAUT.
 *TANT PUET, ET TANT SET, ET TANT VAUT
 MES SIRE *KEX, AN TOTES CORZ,
 QU'IL N'I IERT JA MU=EZ NE SORZ.
 *BIEN SET ANCONTRE VILENIE
 RESPONDRE SAN ET CORTEISIE,
 NE NEL FIST ONQUES AUTREMANT.
 *OR, SAVEZ VOS BIEN SE JE MANT;
 MES JE N'AI CURE DE TANCIER,
 NE DE FOLIE ANCOMANCIER;
 QUE CIL NE FET PAS LA MESLEE
 QUI FIERT LA PREMIERE COLEE,
 EINZ LA FET CIL QUI SE REVANGE.
 *BIEN TANCEROIT A UN ESTRANGE
 QUI RANPONE SON CONPAIGNON.
 *NE VUEL PAS SANBLER LE GAIGNON
 QUI SE HERICE ET SE REGUINGNE
 QUANT AUTRES GAINGNONS LE RECHINGNE."
 *QUE QUE IL PARLOIENT ENSI
 OU IL OT FET LONGUE DEMORE,
 QUE DORMI OT JUSQU'A CESTE ORE.
 *ET LI BARON, QUANT IL LE VIRENT,
 TUIT AN PIEZ CONTRE LUI SAILLIRENT,
 ET IL TOZ RASEOIR LES FIST.
 *DELEZ LA REI=NE S'ASIST,
 ET LA REI=NE MAINTENANT
 LES NOVELES *CALOGRENANT
 LI RECONTA TOT MOT A MOT,
 QUE BIEN ET BEL CONTER LI SOT.
 *LI ROIS LES OI= VOLANTIERS
 ET FIST TROIS SAIREMANZ ANTIERS,
 L'AME *UTERPANDAGRON SON PERE,
 ET LA SON FIL, ET LA SA MERE,
 QU'IL IROIT VEOIR LA FONTAINE,
 JA EINZ NE PASSEROIT QUINZAINE,
 ET LA TEMPESTE ET LA MERVOILLE,
 SI QUE IL I VANRA LA VOILLE
 MON SEIGNOR SAINT *JEHAN BAPTISTE,
 ET S'I PANRA LA NUIT SON GISTE,
 ET DIT QUE AVOEC LUI IROIENT
 TUIT CIL QUI ALER I VOLDROIENT.
 *DE CE QUE LI ROIS DEVISA
 TOTE LA CORZ MIALZ L'EN PRISA,
 CAR MOLT I VOLOIENT ALER
 LI BARON ET LI BACHELER.
 *MES QUI QU'AN SOIT LIEZ ET JOIANZ,
 MES SIRE *YVAINS AN FU DOLANZ,
 QU'IL I CUIDOIT ALER TOZ SEUS;
 SI FU DESTROIZ ET ANGOISSEUS
 DEL ROI, QUI ALER I DEVOIT.
 *POR CE SEULEMANT LI GREVOIT
 QU'IL SAVOIT BIEN QUE LA BATAILLE
 AVROIT MES SIRE *KEX, SANZ FAILLE,
 EINZ QUE IL, S'IL LA REQUEROIT;
 JA VEHEE NE LE SEROIT;
 OU MES SIRE *GAUVAINS MEI=SMES,
 ESPOIR, LI DEMANDERA PRIMES.
 *SE NUS DE CES DEUS LA REQUIERT,
 JA CONTREDITE NE LOR IERT.
 *MES IL NE LES ATENDRA MIE,
 QU'IL N'A SOING DE LOR CONPAIGNIE,
 EINC&OIS IRA TOZ SEUS, SON VUEL,
 OU A SA JOIE OU A SON DUEL,
 ET, QUI QUE REMAIGNE A SEJOR,
 IL VIALT ESTRE JUSQU'A TIERZ JOR
 AN *BROCELI=ANDE, ET QUERRA,
 S'IL PUET, TANT QUE IL TROVERRA
 L'ESTROIT SANTIER TOT BOISSONEUS,
 QUE TROP AN EST CUSANC&ONEUS,
 ET LA BANDE ET LA MEISON FORT
 ET LE SOLAZ ET LE DEPORT
 DE LA CORTOISE DAMEISELE
 QUI MOLT EST AVENANZ ET BELE,
 ET LE PRODOME AVOEC SA FILLE
 QUI A ENOR FEIRE S'ESSILLE,
 TANT EST FRANS ET DE BOENE PART.
 *PUIS VERRA LES TORS ET L'ESSART
 *LI VEOIRS LI DEMORE ET TARDE
 DEL VILAIN QUI TANT PAR EST LEZ,
 GRANZ, ET HIDEUS, ET CONTREFEZ,
 ET NOIRS A GUISE D'ESPERON.
 *PUIS VERRA, S'IL PUET, LE PERRON,
 ET LA FONTAINNE, ET LE BACIN,
 ET LES OISIAX DESOR LE PIN;
 SI FERA PLOVOIR ET VANTER.
 *MES IL NE S'EN QUIERT JA VANTER,
 NE JA, SON VUEL, NUS NEL SAVRA
 JUSQUE TANT QUE IL EN AVRA
 GRANT HONTE OU GRANT ENOR EU=E,
 PUIS SI SOIT LA CHOSE SEU=E.
 *MES SIRE *YVAINS DE LA CORT S'ANBLE
 SI QU'A NUL HOME NE S'ASANBLE,
 MES SEUS VERS SON OSTEL S'EN VA.
 *TOTE SA MESNIEE TROVA,
 SI COMANDE A METRE SA SELE
 ET UN SUEN ESCUIER APELE
 CUI IL NE CELOIT NULE RIEN.
 "*DI, VA! FET IL, AVOEC MOI VIEN
 LA FORS, ET MES ARMES M'APORTE!
 *JE M'AN ISTRAI PAR CELE PORTE
 SOR MON PALEFROI, TOT LE PAS.
 *GARDE NE DEMORER TU PAS,
 QU'IL ME COVIENT MOLT LOING ERRER.
 *ET MON CHEVAL FAI BIEN FERRER,
 SI L'AMAINNE TOST APRE/S MOI,
 PUIS RAMANRAS MON PALEFROI.
 *MES GARDE BIEN, CE TE COMANT,
 S'EST NUS QUI DE MOI TE DEMANT,
 QUE JA NOVELES LI AN DI=ES:
 SE OR DE RIEN AN MOI TE FI=ES,
 JA MAR T'I FI=EROIES MES.
 _ *SIRE, FET IL, OR AIEZ PES,
 QUE JA PAR MOI NUS NEL SAVRA.
 *ALEZ, QUE JE VOS SIUDRAI LA."
 *MES SIRE *YVAINS MAINTENANT MONTE
 QU'IL VANGERA, S'IL PUET, LA HONTE
 SON COSIN, EINZ QUE IL RETORT.
 *LI ESCUIERS MAINTENANT CORT
 AU BOEN CHEVAL, SI MONTA SUS,
 QUE DE DEMORE N'I OT PLUS,
 QU'IL N'I FAILLOIT NE FERS NE CLOS.
 *SON SEIGNOR SIUST TOZ LES GALOS
 TANT QUE IL LE VIT DESCENDU,
 QU'IL L'AVOIT UN PO ATENDU
 LOING DE CHEMIN, EN UN DESTOR.
 *TOT SON HERNOIS ET SON ATOR
 EN APORTE; CIL L'ATORNA.
 *MES SIRE *YVAINS NE SEJORNA,
 PUIS QU'ARMEZ FU, NE TANT NE QUANT,
 EINC&OIS ERRA, CHASCUN JOR, TANT
 PAR MONTAIGNES ET PAR VALEES,
 ET PAR FOREZ LONGUES ET LEES,
 PAR LEUS ESTRANGES ET SALVAGES,
 ET PASSA MAINZ FELONS PASSAGES,
 ET MAINT PERIL ET MAINT DESTROIT,
 PLAIN DE RONCES ET D'OSCURTEZ;
 ET LORS FU IL ASSEU=REZ
 QU'IL NE POOIT MES ESGARER.
 *QUI QUE LE DOIE CONPARER,
 NE FINERA TANT QUE IL VOIE
 LE PIN QUI LA FONTAINNE ONBROIE,
 ET LE PERRON ET LA TORMANTE
 QUI GRAUSLE, ET PLUET, ET TONE, ET VANTE.
 *LA NUIT OT, CE POEZ SAVOIR,
 TEL OSTE COM IL VOST AVOIR;
 CAR PLUS DE BIEN ET PLUS D'ENOR
 TRUEVE IL ASSEZ EL VAVASOR
 QUE NE VOS AI CONTE/ ET DIT;
 ET AN LA PUCELE REVIT
 DE SAN ET DE BIAUTE/ CENT TANZ
 QUE N'OT CONTE/ *CALOGRENANZ,
 QU'AN NE PUET PAS DIRE LA SOME
 DE PRODE FAME ET DE PRODOME,
 DES QU'IL S'ATORNE, A GRANT BONTE/.
 *JA N'IERT TOT DIT NE TOT CONTE/
 QUE LEINGUE NE PUET PAS RETREIRE
 TANT D'ENOR CON PRODON FET FEIRE.
 *MES SIRE *YVAINS CELE NUIT OT
 MOLT BOEN OSTEL, ET MOLT LI PLOT.
 *ET VINT ES ESSARZ L'ANDEMAIN,
 SI VIT LES TORS ET LE VILAIN
 QUI LA VOIE LI ANSEINGNA;
 MES PLUS DE CENT FOIZ SE SEINGNA
 DE LA MERVOILLE QUE IL OT,
 COMANT *NATURE FEIRE SOT
 OEVRE SI LEIDE ET SI VILAINNE.
 *PUIS ERRA JUSQU'A LA FONTAINNE,
 SI VIT QUAN QU'IL VOLOIT VEOIR.
 *SANZ ARESTER ET SANZ SEOIR
 VERSSA SOR LE PERRON DE PLAIN
 DE L'EVE LE BACIN TOT PLAIN.
 *ET MAINTENANT VANTA ET PLUT,
 ET FIST TEL TANS CON FAIRE DUT.
 *ET QUANT *DEX REDONA LE BEL
 SOR LE PIN VINDRENT LI OISEL
 ET FIRENT JOIE MERVEILLEUSE
 SOR LA FONTAINNE PERILLEUSE.
 *EINZ QUE LA JOIE FUST REMEISE,
 VINT, D'IRE PLUS ARDANZ QUE BREISE,
 UNS CHEVALIERS, A SI GRANT BRUIT
 CON S'IL CHAC&AST UN CERF DE RUIT;
 ET MAINTENANT QU'IL S'ANTREVIRENT,
 S'ANTREVINDRENT ET SANBLANT FIRENT
 QU'IL S'ANTREHAI=SSENT DE MORT.
 *CHASCUNS OT LANCE ROIDE ET FORT;
 SI S'ANTREDONENT SI GRANZ COS
 QU'ANDEUS LES ESCUZ DE LOR COS
 PERCENT, ET LI HAUBERC DESLICENT;
 LES LANCES FANDENT ET ESCLICENT,
 ET LI TRONC&ON VOLENT AN HAUT.
 *LI UNS L'AUTRE A L'ESPEE ASSAUT
 SI ONT AU CHAPLE DES ESPEES
 LES GUIGES DES ESCUZ COLPEES
 ET PAR DESUS ET PAR DESOZ
 SI QUE LES PIECES AN DEPANDENT,
 N'IL NE S'AN CUEVRENT NE DESFANDENT;
 CAR SI LES ONT HARIGOTEZ
 QU'A DELIVRE, SOR LES COSTEZ,
 ET SOR LES PIZ, ET SOR LES HANCHES,
 ESSAIENT LES ESPEES BLANCHES.
 *FELENESSEMANT S'ANTR'ESPRUEVENT,
 N'ONQUES D'UN ESTAL NE SE MUEVENT
 NE PLUS QUE FEI=SSENT DUI GRES;
 EINZ DUI CHEVALIER PLUS ANGRE/S
 NE FURENT DE LOR MORT HASTER.
 *N'ONT CURE DE LOR COS GASTER
 QUE MIALZ QU'IL PUEENT LES ANPLOIENT;
 LES HIAUMES ANBUINGNENT ET PLOIENT
 ET DES HAUBERS LES MAILLES VOLENT,
 SI QUE DEL SANC ASSEZ SE TOLENT;
 CAR D'AX MEI=SMES SONT SI CHAUT
 LOR HAUBERC, QUE LI SUENS NE VAUT
 A CHASCUN GUERES PLUS D'UN FROC.
 *ANZ EL VIS SE FIERENT D'ESTOC,
 S'EST MERVOILLE COMANT TANT DURE
 BATAILLE SI FIERE ET SI DURE.
 *MES ANDUI SONT DE SI FIER CUER
 QUE LI UNS POR L'AUTRE A NUL FUER
 DE TERRE UN PIE/ NE GUERPIROIT
 SE JUSQU'A MORT NE L'ENPIROIT;
 ET DE CE FIRENT MOLT QUE PREU
 C'ONQUES LOR CHEVAL AN NUL LEU
 NE FERIRENT NE MAHEIGNIERENT,
 QU'IL NE VOSTRENT NE NE DEIGNIERENT,
 MES TOZ JORZ A CHEVAL SE TIENENT
 QUE NULE FOIZ A PIE/ NE VIENENT:
 S'AN FU LA BATAILLE PLUS BELE.
 *EN LA FIN, SON HIAUME ESCARTELE
 AU CHEVALIER MES SIRE *YVAINS;
 DEL COP FU ESTONEZ ET VAINS
 LI CHEVALIERS; MOLT S'ESMAIA
 QU'AINZ SI FELON COP N'ESSAIA,
 QU'IL LI OT DESOZ LE CHAPEL
 LE CHIEF FANDU JUSQU'AU CERVEL,
 TANT QUE DEL CERVEL ET DEL SANC
 TAINT LA MAILLE DEL HAUBERC BLANC,
 DON SI TRES GRANT DOLOR SANTI
 QU'A PO LI CUERS NE LI MANTI.
 *S'IL S'AN FOI=, N'A MIE TORT,
 QU'IL SE SANTI NAVREZ A MORT;
 CAR RIENS NE LI VALUT DESFANSSE.
 *SI TOST S'AN FUIT, COM IL S'APANSSE,
 VERS SON CHASTEL TOZ ESLEISSIEZ,
 ET LI PONZ LI FU ABEISSIEZ
 ET LA PORTE OVERTE A BANDON;
 ET MES SIRE *YVAINS DE RANDON
 QUAN QU'IL PUET APRE/S ESPERONE.
 *SI CON GIRFAUZ GRUE RANDONE,
 QU'IL LA CUIDE PANRE ET N'I TOCHE,
 ENSI CIL FUIT, ET CIL LE CHACE
 SI PRES QU'A PO QU'IL NE L'ANBRACE,
 ET SI NE LE PAR PUET ATAINDRE,
 ET S'EST SI PRES QUE IL L'OT PLAINDRE
 DE LA DESTRECE QUE IL SANT;
 MES TOZ JORZ A FOI=R ENTANT,
 ET CIL DE CHACIER S'ESVERTUE,
 QU'IL CRIENT SA POINNE AVOIR PERDUE
 SE MORT OU VIF NE LE RETIENT,
 QUE DES RANPONES LI SOVIENT
 QUE MES SIRE *KEX LI OT DITES.
 *N'EST PAS DE LA PROMESSE QUITES
 QUE SON COSIN AVOIT PROMISE,
 NE CREU=Z N'IERT AN NULE GUISE
 S'ANSEIGNES VERAIES N'AN PORTE.
 *A ESPERON JUSQU'A LA PORTE
 DE SON CHASTEL L'EN A MENE/;
 SI SONT ANZ ENBEDUI ANTRE/;
 HOME NE FAME N'I TROVERENT
 ES RUES PAR OU IL ANTRERENT,
 SI VINDRENT ANBEDUI D'ESLE/S
 PAR MI LA PORTE DEL PALE/S.
 *LA PORTE FU MOLT HAUTE ET LEE,
 SI AVOIT SI ESTROITE ANTREE
 QUE DUI HOME NE DUI CHEVAL
 SANZ ANCONBRIER ET SANZ GRANT MAL
 N'I POOIENT ANSANBLE ANTRER
 N'AN MI LA PORTE ENTR'ANCONTRER;
 CAR ELE ESTOIT AUTRESI FAITE
 CON L'ARBALESTE QUI AGAITE
 LE RAT, QUANT IL VIENT AU FORFET,
 ET L'ESPEE EST AN SON AGUET
 DESUS, QUI TRET ET FIERT ET PRANT,
 QU'ELE ESCHAPE LORS ET DESCENT
 QUE RIENS NULE ADOISE A LA CLEF,
 JA N'I TOCHERA SI SOE=F.
 *ENSI DESOZ LA PORTE ESTOIENT
 DUI TRABUCHET QUI SOSTENOIENT
 A MONT UNE PORTE COLANT
 DE FER ESMOLUE ET TRANCHANT;
 SE RIENS SOR CES ENGINS MONTOIT,
 LA PORTE D'AMONT DESCENDOIT,
 S'ESTOIT PRIS ET DEHACHIEZ TOZ
 CUI LA PORTE ATEIGNOIT DESOZ.
 *ET TOT EN MI A DROIT CONPAS
 ESTOIT SI ESTROIZ LI TRESPAS
 CON SE FUST UNS SANTIERS BATUZ.
 *EL DROIT SANTIER S'EST ANBATUZ
 LI CHEVALIERS, MOLT SAGEMANT,
 ET MES SIRE *YVEINS SOLEMANT
 HURTE GRANT ALEU=RE APRE/S,
 SI LE VINT ATEIGNANT SI PRES
 QU'A L'ARC&ON DERRIERE LE TINT;
 ET DE CE MOLT BIEN LI AVINT
 QU'IL SE FU AVANT ESTANDUZ:
 TOZ EU=ST ESTE/ PORFANDUZ,
 SE CESTE AVANTURE NE FUST,
 QUE LI CHEVAX MARCHA LE FUST
 *SI CON LI DEABLES D'ANFER,
 DESCENT LA PORTE ET CHIET AVAL
 SANZ ENCONBRIER ET SANZ GRANT MAL
 DERRIERE, ET TRANCHE TOT PAR MI,
 MES NE TOCHA, LA *DEU MERCI,
 MON SEIGNOR *YVEIN MAINTENANT,
 QU'A RES DEL DOS LI VINT REANT,
 SI C'ANBEDEUS LES ESPERONS
 LI TRANCHA A RES DES TALONS,
 ET IL CHEI= MOLT ESMAIEZ;
 CIL QUI ESTOIT A MORT PLAIEZ
 LI ESCHAPA EN TEL MENIERE.
 *UNE AUTEL PORTE AVOIT DERRIERE
 COME CELE DEVANT ESTOIT.
 *LI CHEVALIERS QUI S'AN FUIOIT
 PAR CELE PORTE S'AN FOI=,
 ET LA PORTE APRE/S LUI CHEI=.
 *ENSI FU MES SIRE *YVAINS PRIS.
 *MOLT ANGOISSEUS ET ANTREPRIS
 REMEST DEDANZ LA SALE ANCLOS,
 QUI TOT ESTOIT CIELEE A CLOS
 DOREZ, ET POINTES LES MEISIERES
 DE BOENE OEVRE ET DE COLORS CHIERES.
 *MES DE RIEN SI GRANT DUEL N'AVOIT
 CON DE CE QUE IL NE SAVOIT
 QUEL PART CIL AN ESTOIT ALEZ.
 *UNE CHANBRETE IQUI DELEZ
 OI= OVRIR D'UN HUIS ESTROIT,
 QUE QUE IL ERT AN SON DESTROIT,
 S'AN ISSI UNE DAMEISELE,
 GENTE DE CORS ET DE VIS BELE,
 ET L'UIS APRE/S LI REFERMA.
 *QUANT MON SEIGNOR *YVEIN TROVA,
 SI L'ESMAIA MOLT DE PREMIERS:
 "*CERTES, FET ELE, CHEVALIERS,
 JE CRIEM QUE MAL SOIEZ VENUZ:
 SE VOS ESTES CEANZ TENUZ
 VOS I SEROIZ TOZ DEPECIEZ,
 QUE MES SIRE EST A MORT PLAIEZ
 ET BIEN SAI QUE VOS L'AVEZ MORT.
 *MA DAME AN FET UN DUEL SI FORT
 ET SES GENZ AN VIRON LUI CRI=ENT,
 QUE PAR PO DE DUEL NE S'OCI=ENT;
 SI VOS SEVENT IL BIEN CEANZ,
 MES ENTR'AX EST LI DIAX SI GRANZ
 QUE IL N'I PUEENT OR ENTANDRE,
 SI VOS VOELENT OCIRRE OU PANDRE:
 A CE NE PUEENT IL FAILLIR,
 QUANT IL VOS VOLDRONT ASSAILLIR."
 *ET MES SIRE *YVAINS LI RESPONT:
 "*JA, SE *DEU PLEST, NE M'OCIRRONT
 NE JA PAR AUS PRIS NE SERAI.
 _ *NON, FET ELE, QUE G'EN FERAI
 AVOEC VOS MA PUISSANCE TOTE.
 *N'EST MIE PRODON QUI TROP DOTE:
 POR CE CUIT QUE PRODOM SOIEZ
 QUE N'IESTES PAS TROP ESMAIEZ.
 *ET SACHIEZ BIEN, SE JE POOIE,
 CAR VOS LA FEI=STES JA MOI.
 *UNE FOIZ, A LA CORT LE ROI
 M'ENVOIA MA DAME AN MESSAGE;
 ESPOIR, SI NE FUI PAS SI SAGE,
 SI CORTOISE, NE DE TEL ESTRE
 COME PUCELE DEU=ST ESTRE,
 MES ONQUES CHEVALIER N'I OT
 QU'A MOI DEIGNAST PARLER UN MOT
 FORS VOS, TOT SEUL, QUI ESTES CI;
 MES VOS, LA VOSTRE GRANT MERCI,
 M'I ENORASTES ET SERVISTES;
 DE L'ENOR QUE VOS M'I FEI=STES
 VOS RANDRAI JA LE GUERREDON.
 *BIEN SAI COMANT VOS AVEZ NON
 ET RECONEU= VOS AI BIEN:
 FILZ ESTES AU ROI *URI=EN,
 ET S'AVEZ NON MES SIRE *YVAINS.
 *OR SOIEZ SEU=RS ET CERTAINS
 QUE JA, SE CROIRE ME VOLEZ,
 N'I SEROIZ PRIS NE AFOLEZ:
 ET CEST MIEN ANELET PRENDROIZ
 ET, S'IL VOS PLEST, SEL ME RANDROIZ
 QUANT JE VOS AVRAI DELIVRE/."
 *LORS LI A L'ANELET LIVRE/,
 SI LI DIST QU'IL AVOIT TEL FORCE
 COM A, DESUS LE FUST, L'ESCORCE
 QU'EL LE CUEVRE QU'AN N'EN VOIT POINT;
 MES IL COVIENT QUE L'EN L'ANPOINT
 SI QU'EL POING SOIT LA PIERRE ANCLOSE;
 PUIS N'A GARDE DE NULE CHOSE
 CIL QUI L'ANEL AN SON DOI A,
 QUE JA VEOIR NE LE PORRA
 NUS HOM, TANT AIT LES IALZ OVERZ,
 NE QUE LE FUST QUI EST COVERZ
 DE L'ESCORCE, QU'AN N'EN VOIT POINT.
 *MON SEIGNOR *YVAIN CE ANJOINT,
 ET, QUANT ELE LI OT CE DIT,
 SEL MENA SEOIR EN UN LIT
 COVERT D'UNE COUTE SI RICHE
 QU'AINZ N'OT TEL LI DUS D'*OSTERICHE;
 CELE DIT QUE, SE IL VOLOIT,
 A MANGIER LI APORTEROIT;
 ET IL DIST QU'IL LI ESTOIT BEL.
 *LA DAMEISELE CORT ISNEL
 EN SA CHANBRE, ET REVINT MOLT TOST,
 S'APORTA UN CHAPON EN ROST
 ET VIN QUI FU DE BOENE GRAPE,
 PLAIN POT, COVERT DE BLANCHE NAPE;
 *SI LI A A MANGIER OFFERT
 CELE QUI VOLENTIERS LE SERT;
 ET CIL, CUI BIEN ESTOIT MESTIERS,
 MENJA ET BUT MOLT VOLENTIERS.
 *QUANT IL OT MANGIE/ ET BEU=,
 FURENT PAR LEANZ ESPANDU
 LI CHEVALIER QUI LE QUEROIENT,
 QUI LOR SEIGNOR VANGIER VOLOIENT,
 QUI JA ESTOIT AN BIERE MIS.
 *ET CELE LI A DIT: "*AMIS,
 MOLT I A GRANT NOISE ET GRANT BRUIT,
 MES, QUI QUE VEIGNE, ET QUI QUE VOISE,
 NE VOS MOVEZ JA POR LA NOISE
 QUE VOS NE SEROIZ JA TROVEZ,
 SE DE CEST LIT NE VOS MOVEZ;
 JA VERROIZ PLAINNE CESTE SALE
 DE GENT MOLT ENUIEUSE ET MALE
 QUI TROVER VOS I CUIDERONT;
 ET SI CUIT QU'IL APORTERONT
 PAR CI LE CORS POR METRE AN TERRE;
 SI VOS COMANCERONT A QUERRE
 ET DESOZ BANS ET DESOZ LIZ.
 *SI SEROIT SOLAZ ET DELIZ
 A HOME QUI PEOR N'AVROIT,
 QUANT GENT SI AVUGLEZ VERROIT:
 QU'IL SERONT TUIT SI AVUGLE/,
 SI DESCONFIT, SI DESJUGLE/,
 QUE IL ANRAGERONT TUIT D'IRE;
 JE NE VOS SAI ORE PLUS DIRE,
 NE JE N'I OS PLUS DEMORER.
 *MES *DEU PUISSE JE AORER
 QUI M'A DONE/ LE LEU ET L'EISE
 DE FEIRE CHOSE QUI VOS PLEISE,
 QUE MOLT GRANT TALANT EN AVOIE."
 *LORS S'EST ARRIERS MISE A LA VOIE
 ET, QUANT ELE S'AN FU TORNEE,
 FU TOTE LA GENZ ATORNEE
 QUI DE DEUS PARZ AS PORTES VINDRENT
 ET BASTONS ET ESPEES TINDRENT;
 SI OT MOLT GRANT FOLE ET GRANT PRESSE
 DE GENT FELENESSE ET ANGRESSE;
 ET VIRENT DEL CHEVAL TRANCHIE/,
 DEVANT LA PORTE, LA MITIE/.
 *LORS SI CUIDOIENT ESTRE CERT,
 QUANT LI HUIS SEROIENT OVERT,
 QUE DEDANZ CELUI TROVEROIENT
 QUE IL POR OCIRRE QUEROIENT.
 *PUIS FIRENT TRAIRE A MONT LES PORTES
 PAR COI MAINTES GENZ FURENT MORTES,
 MES IL N'I OT A CELUI SIEGE
 TANDU NE PAVEILLON NE PIEGE,
 EINZ I ENTRERENT TUIT DE FRONT;
 ET L'AUTRE MITIE/ TROVEE ONT
 DEL CHEVAL MORT DEVANT LE SUEL;
 MES ONQUES ENTR'AX N'ORENT OEL
 DON MON SEIGNOR *YVAIN VEI=SSENT
 QUE MOLT VOLENTIERS OCEI=SSENT;
 ET IL LES VEOIT ANRAGIER,
 ET FORSSENER, ET CORRECIER,
 ET DISOIENT: "*CE QUE PUET ESTRE?
 QUE CEANZ N'A HUIS NE FENESTRE
 PAR OU RIENS NULE S'AN ALAST,
 SE CE N'ERT OISIAX QUI VOLAST,
 OU ESCURIAX, OU CISEMUS,
 OU BESTE AUSI PETITE OU PLUS,
 QUE LES FENESTRES SONT FERREES,
 ET LES PORTES FURENT FERMEES
 LORS QUE MES SIRE EN ISSI FORS;
 QUE DEFORS NE REMEST IL MIE;
 LA SELE ASSEZ PLUS QUE DEMIE
 EST C&A DEDANZ, CE VEONS BIEN,
 NE DE LUI NE TROVOMES RIEN
 FORS QUE LES ESPERONS TRANCHIEZ
 QUI LI CHEI=RENT DE SES PIEZ;
 OR AU CERCHIER PAR TOZ CES ENGLES,
 SI LESSOMES ESTER CES GENGLES,
 QU'ANCOR EST IL CEANZ, CE CUIT,
 OU NOS SOMES ANCHANTE/ TUIT,
 OU TOLU LE/ NOS ONT MAUFE."
 *ENSI TRESTUIT D'IRE ESCHAUFE/
 PAR MI LA SALE LE QUEROIENT
 ET PAR MI LES PAROIZ FEROIENT,
 ET PAR LES LIZ, ET PAR LES BANS,
 MES DES COS FU QUITES ET FRANS
 LI LIZ, OU CIL ESTOIT COUCHIEZ,
 QU'IL N'I FU FERUZ NE TOCHIEZ,
 MES ASSEZ FERIRENT ANTOR
 ET MOLT RANDIRENT GRANT ESTOR
 PAR TOT LEANZ DE LOR BASTONS,
 COM AVUGLES QUI A TASTONS
 VA AUCUNE CHOSE CERCHANT.
 *QUE QU'IL ALOIENT REVERCHANT
 DESOZ LIZ, ET DESOZ ESCHAMES,
 VINT UNE DES PLUS BELES DAMES
 C'ONQUES VEI=ST RIENS TERRI=ENE.
 *DE SI TRES BELE CRESTI=ENE
 NE FU ONQUES PLEZ NE PAROLE;
 MES DE DUEL FEIRE ESTOIT SI FOLE
 QU'A PO QU'ELE NE S'OCIOIT
 A LA FOIEE, SI CRIOIT
 SI HAUT COM ELE POOIT PLUS,
 ET RECHEOIT PASMEE JUS;
 ET QUANT ELE ESTOIT RELEVEE,
 AUSI COME FAME DESVEE,
 SE COMANC&OIT A DESSIRIER
 ET SES CHEVOLS A DETRANCHIER;
 SES MAINS DETUERT ET RONT SES DRAS,
 SI SE REPASME A CHASCUN PAS,
 NE RIENS NE LA PUET CONFORTER,
 QUE SON SEIGNOR EN VOIT PORTER
 DEVANT LI, EN LA BIERE, MORT,
 DON JA NE CUIDE AVOIR CONFORT;
 POR CE CRIOIT A HAUTE VOIZ.
 *L'EVE BENEOITE, ET LES CROIZ,
 ET LI CIERGE, ALOIENT AVANT
 AVOEC LES DAMES D'UN COVANT,
 ET LI TEXTE, ET LI ANCENSSIER,
 ET LI CLERC, QUI SONT DESPANSSIER
 DE FEIRE LA HAUTE DESPANSSE
 A CUI LA CHEITIVE AME PANSSE.
 *MES SIRE *YVAINS OI= LES CRIZ
 ET LE DUEL, QUI JA N'IERT DESCRIZ,
 NE NUS NE LE PORROIT DESCRIVRE,
 NE TEX NE FU ESCRIZ AN LIVRE;
 ET LA PROCESSI=ONS PASSA,
 MES EN MI LA SALE AMASSA
 ENTOR LA BIERE UNS GRANZ TOAUZ,
 RISSI AU MORT PAR MI LA PLAIE;
 ET CE FU PROVANCE VERAIE
 QU'ANCOR ESTOIT LEANZ, SANZ FAILLE,
 CIL QUI OT FEITE LA BATAILLE
 ET QUI L'AVOIT MORT ET CONQUIS.
 *LORS ONT PAR TOT CERCHIE/ ET QUIS,
 ET REVERCHIE/, ET TREMU=E/
 SI QUE TUIT FURENT TRESSU=E/
 DE GRANT ANGOISSE, ET DE TOOIL,
 QU'IL ORENT POR LE SANC VERMOIL
 QUI DEVANT AUS FU DEGOTEZ;
 PUIS FU MOLT FERUZ ET BOTEZ
 MES SIRE *YVEINS, LA OU IL JUT;
 MES AINZ POR CE NE SE REMUT;
 ET LES GENZ PLUS ET PLUS CRIOIENT
 POR LES PLAIES QUI ESCREVOIENT;
 SI SE MERVOILLENT POR COI SEINNENT,
 N'IL NE TRUEVENT DE COI SE PLEINGNENT
 ET DIST CHASCUNS ET CIL ET CIST:
 "*ENTRE NOS EST CIL QUI L'OCIST,
 NE NOS NE LE VEOMES MIE:
 CE EST MERVOILLE ET DEABLIE."
 *POR CE TEL DUEL PAR DEMENOIT
 LA DAME, QU'ELE FORSSENOIT,
 ET CRIOIT COME FORS DEL SAN:
 "*HA! *DEX, DON NE TROVERA L'AN
 L'OMECIDE, LE TRAI=TOR,
 QUI M'A OCIS MON BOEN SEIGNOR?
 *BOEN? *VOIRE LE MEILLOR DES BUENS!
 *VOIRS *DEX, LI TORZ AN SEROIT TUENS
 SE TU L'EN LEISSES ESCHAPER.
 *AUTRUI QUE TOI N'EN DOI BLASMER
 QUE TU LE M'ANBLES A VEU=E.
 *EINZ TEX FORCE NE FU VEU=E,
 NE SI LEZ TORZ CON TU ME FEZ,
 QUE NES VEOIR NE LE ME LEZ,
 CELUI QUI EST SI PRES DE MOI.
 *BIEN PUIS DIRE, QUANT JE NEL VOI,
 QUE ANTRE NOS S'EST CEANZ MIS
 OU FANTOSMES OU ANEMIS;
 S'AN SUI ANFANTOSMEE TOTE;
 OU IL EST COARZ, SI ME DOTE.
 *COARZ EST IL, QUANT IL ME CRIENT;
 DE GRANT COARDISE LI VIENT,
 QANT DEVANT MOI MOSTRER NE S'OSE.
 *HA! FANTOSME, COARDE CHOSE,
 POR QU'IES VERS MOI ACOARDIE,
 QUANT VERS MON SEIGNOR FUS HARDIE?
 *QUE NE T'AI ORE AN MA BAILLIE?
 *TA PUISSANCE FUST JA FAILLIE!
 *POR COI NE TE PUIS OR TENIR?
 *MES CE, COMANT POT AVENIR
 QUE TU MON SEIGNOR OCEI=S,
 SE AN TRAI=SON NEL FEI=S?
 *JA VOIR PAR TOI CONQUIS NE FUST
 MES SIRES, SE VEU= T'EU=ST,
 QU'EL MONDE SON PAROIL N'AVOIT,
 NE *DEX NE HOM NE L'I SAVOIT,
 *CERTES, SE TU FUSSES MORTEX,
 N'OSASSES MON SEIGNOR ATENDRE
 QU'A LUI NE SE POOIT NUS PRENDRE."
 *ENSI LA DAME SE DEBAT,
 ENSI TOT PAR LI SE CONBAT,
 ENSI TOT PAR LI SE CONFONT
 ET, AVOEC LUI, SES GENZ REFONT
 SI GRANT DUEL QUE GREIGNOR NE PUEENT,
 *LE CORS AN PORTENT, SI L'ANFUEENT;
 ET TANT ONT QUIS ET TRIBOLE/
 QUE DE QUERRE SONT SAOLE/,
 SI LE LEISSENT TOT PAR ENUI,
 QU'IL NE PUEENT VEOIR NELUI
 QUI DE RIEN AN FACE A MESCROIRE.
 *ET LES NONAINS ET LI PROVOIRE
 ORENT JA FET TOT LE SERVISE;
 REPEIRIE/ FURENT DE L'IGLISE
 ET VENU SOR LA SEPOUTURE.
 *MES DE TOT ICE N'AVOIT CURE
 LA DAMEISELE DE LA CHANBRE:
 DE MON SEIGNOR *YVAIN LI MANBRE;
 S'EST A LUI VENUE MOLT TOST
 ET DIT: "*BIAU SIRE, A MOLT GRANT OST
 A CEANZ CESTE GENT ESTE/.
 *MOLT ONT PAR CEANZ TANPESTE/
 ET REVERCHIEZ TOZ CES QUACHEZ,
 PLUS MENUEMANT QUE BRACHEZ
 NE VET TRACENT PERDRIZ NE CAILLE.
 *PEOR AVEZ EU= SANZ FAILLE.
 _ *PAR FOI, FET IL, VOS DITES VOIR;
 JA SI GRANT NE CUIDAI AVOIR.
 *ENCORES, SE IL POOIT ESTRE,
 OU PAR PERTUIS OU PAR FENESTRE
 VERROIE VOLENTIERS LA FORS
 LA PROCESSI=ON ET LE CORS."
 *MES IL N'AVOIT ANTANCI=ON
 N'AU CORS, N'A LA PROCESSI=ON,
 QU'IL VOLSIST QU'IL FUSSENT TUIT ARS,
 SI LI EU=ST COSTE/ CENT MARS.
 *CENT MARS? *VOIRE, PLUS DE CENT MILE.
 *MES POR LA DAME DE LA VILE,
 QUE IL VOLOIT VEOIR, LE DIST;
 ET LA DAMEISELE LE MIST
 A UNE FENESTRE PETITE.
 *QUAN QU'ELE PUET VERS LUI S'AQUITE
 DE L'ENOR QU'IL LI AVOIT FEITE.
 *PAR MI CELE FENESTRE AGUEITE
 MES SIRE *YVAINS LA BELE DAME,
 QUI DIT: "*BIAU SIRE, DE VOSTRE AME
 AIT *DEX MERCI, SI VOIREMANT
 COM ONQUES, AU MIEN ESCI=ANT,
 CHEVALIERS SOR CHEVAL NE SIST
 QUI DE RIEN NULE VOS VAUSIST.
 *DE VOSTRE ENOR, BIAX SIRE CHIERS,
 NE FU ONQUES NUS CHEVALIERS,
 NE DE LA VOSTRE CONPAIGNIE;
 LARGESCE ESTOIT LA VOSTRE AMIE
 ET HARDEMANZ VOSTRE CONPAINZ.
 SOIT LA VOSTRE AME, BIAX DOLZ SIRE!"
 *LORS SE DERONT ET SE DESSIRE
 TRESTOT QUAN QUE AS MAINS LI VIENT.
 *A MOLT GRANT POINNE SE RETIENT
 MES SIRE *YVEINS, A QUE QU'IL TORT,
 QUE LES MAINS TENIR NE LI CORT.
 *MES LA DAMEISELE LI PRIE,
 ET LOE, ET COMANDE, ET CHASTIE,
 COME GENTIX ET DEBONEIRE,
 QU'IL SE GART DE FOLIE FEIRE
 ET DIT: "*VOS ESTES CI MOLT BIEN.
 *GARDEZ, NE VOS MOVEZ POR RIEN,
 TANT QUE CIST DIAUS SOIT ABEISSIEZ;
 ET CES GENZ DEPARTIR LEISSIEZ,
 QU'IL SE DEPARTIRONT PAR TENS,
 *S'OR VOS CONTENEZ A MON SENS,
 SI CON JE VOS LO CONTENIR,
 GRANZ BIENS VOS AN PORRA VENIR.
 *CI POEZ ESTER ET SEOIR,
 ET ANZ ET FORS LES GENZ VEOIR
 QUI PASSERONT PAR MI LA VOIE,
 NE JA N'IERT NUS HOM QUI VOS VOIE,
 SI AVROIZ MOLT GRANT AVENTAGE;
 MES GARDEZ VOS DE DIRE OUTRAGE,
 CAR QUI SE DESROIE, ET SORMOINNE,
 ET D'OUTRAGE FEIRE SE POINNE,
 QUANT IL EN A ET EISE ET LEU,
 JE L'APEL PLUS MALVE/S QUE PREU.
 *GARDEZ, SE VOS PANSEZ FOLIE,
 QUE POR CE NE LA FEITES MIE.
 *LI SAGES SON FOL PANSE/ CUEVRE
 ET MET, S'IL PUET, LE SAN A OEVRE.
 *OR VOS GARDEZ BIEN COME SAGES
 QUE N'I LESSIEZ LA TESTE AN GAGES,
 QU'IL N'EN PANROIENT REANC&ON;
 SOIEZ POR VOS AN CUSANC&ON,
 ET DE MON CONSOIL VOS SOVEIGNE;
 S'ESTEZ AN PES TANT QUE JE VEIGNE,
 QUE JE N'OS PLUS CI ARESTER,
 CAR G'I PORROIE TROP ESTER,
 ESPOIR, QUE L'EN M'AN MESCRESROIT
 POR CE QUE L'EN NE ME VERROIT
 AVOEC LES AUTRES AN LA PRESSE,
 S'AN PANROIE MALE CONFESSE."
 *ATANT S'EN PART ET CIL REMAINT
 QUI NE SET AN QUEL SE DEMAINT,
 QUE DEL CORS QU'IL VOIT QU'AN ENFUET
 LI POISE, QUANT AVOIR N'EN PUET
 AUCUNE CHOSE QU'IL AN PORT
 TESMOING QU'IL L'A OCIS ET MORT;
 S'IL N'EN A TESMOING ET GARANT,
 QUE MOSTRER PUISSE A PARLEMANT,
 DONC IERT IL HONIZ EN TRAVERS,
 TANT EST *KEX, ET FEL, ET PERVERS,
 PLAINS DE RANPONES ET D'ENUI,
 QU'IL NE GARRA JA MES A LUI,
 ET GAS ET RANPONES GITANT,
 AUSI CON IL FIST L'AUTRE JOR.
 *MALES RANPONES A SEJOR
 LI SONT EL CORS BATANZ ET FRESCHES.
 *MES DE SON C&UCRE ET DE SES BRESCHES
 LI RADOLCIST NOVELE AMORS
 QUI PAR SA TERRE A FET UN CORS;
 S'A TOTE SA PROIE ACOILLIE;
 SON CUER A O SOI S'ANEMIE,
 S'AIMME LA RIEN QUI PLUS LE HET.
 *BIEN A VANGIEE, ET SI NEL SET,
 LA DAME LA MORT SON SEIGNOR;
 VANGENCE EN A FEITE GREIGNOR
 QUE ELE PANRE N'AN SEU=ST,
 S'*AMORS VANGIEE NE L'EU=ST,
 QUI SI DOLCEMANT LE REQUIERT
 QUE PAR LES IALZ EL CUER LE FIERT;
 ET CIST COS A PLUS GRANT DUREE
 QUE COS DE LANCE NE D'ESPEE:
 COS D'ESPEE GARIST ET SAINNE
 MOLT TOST, DES QUE MIRES I PAINNE;
 ET LA PLAIE D'*AMORS ANPIRE
 QUANT ELE EST PLUS PRES DE SON MIRE.
 *CELE PLAIE A MES SIRE *YVAINS,
 DOM IL NE SERA JA MES SAINS,
 QU'*AMORS S'EST TOTE A LUI RANDUE.
 *LES LEUS OU ELE ERT ESPANDUE
 VET REVERCHANT, ET SI S'AN OSTE;
 NE VIALT AVOIR OSTEL NE OSTE
 SE CESTUI NON, ET QUE PREUZ FET
 QUANT DE MALVE/S LEU SE RETRET
 POR CE QU'A LUI TOTE SE DOINT.
 *NE CUIT QU'AILLORS AIT DE LUI POINT;
 SI CERCHE TOZ CES VIX OSTEX;
 S'EST GRANZ DIAX QUANT *AMORS EST TEX
 ET QUANT ELE SI MAL SE PRUEVE
 QU'EL PLUS DESPIT LEU QU'ELE TRUEVE
 SE HERBERGE ELE AUTRESI TOST
 COM AN TOT LE MEILLOR DE L'OST.
 *MES OR EST ELE BIEN VENUE,
 CI IERT ELE BIEN MAINTENUE
 ET CI LI FET BOEN SEJORNER.
 *ENSI SE DEVROIT ATORNER
 *AMORS QUI EST MOLT HAUTE CHOSE,
 CAR MERVOILLE EST COMANT ELE OSE
 DE HONTE AN MALVE/S LEU DESCENDRE.
 *CELUI SANBLE QUI AN LA CENDRE
 ET AN LA POUDRE ESPANT SON BASME
 ET HET ENOR, ET AINME BLASME,
 ET DESTRANPRE SUIE DE MIEL,
 ET MESLE C&UCRE AVOEQUES FIEL.
 *MES OR N'A ELE PAS FET CEU,
 LOGIEE S'EST AN FRANC ALEU,
 DOM NUS NE LI PUET FEIRE TORT.
 *QUANT EN OT ANFOI= LE MORT,
 S'AN PARTIRENT TOTES LES GENZ;
 CLERS, NE CHEVALIERS, NE SERGENZ,
 QUI SA DOLOR MIE NE CELE.
 *MES IQUI REMEST TOTE SOLE,
 ET SOVANT SE PRANT A LA GOLE,
 ET TORT SES POINZ, ET BAT SES PAUMES,
 ET LIST EN UN SAUTIER, SES SAUMES,
 ANLUMINE/ A LETRES D'OR.
 *ET MES SIRE *YVAINS EST ANCOR
 A LA FENESTRE OU IL L'ESGARDE;
 ET QUANT IL PLUS S'AN DONE GARDE,
 PLUS L'AINME, ET PLUS LI ABELIST.
 *CE QU'ELE PLORE ET QU'ELE LIST
 VOLSIST QU'ELE LESSIE/ EU=ST
 ET QU'A LUI PARLER LI PLEU=ST.
 *AN CE VOLOIR L'A *AMORS MIS
 QUI A LA FENESTRE L'A PRIS;
 MES DE SON VOLOIR SE DESPOIRE,
 CAR IL NE PUET CUIDIER NE CROIRE
 QUE SES VOLOIRS PUISSE AVENIR,
 ET DIT: "*POR FOS ME PUIS TENIR,
 QUANT JE VUEL CE QUE JA N'AVRAI;
 SON SEIGNOR A MORT LI NAVRAI
 ET JE CUIT A LI PES AVOIR!
 *PAR FOI, JE NE CUIT PAS SAVOIR,
 QU'ELE ME HET PLUS OR EN DROIT
 QUE NULE RIEN, ET SI A DROIT.
 *D'OR EN DROIT AI GE DIT QUE SAGES,
 QUE FAME A PLUS DE CENT CORAGES.
 *CELUI CORAGE QU'ELE A ORE,
 ESPOIR, CHANGERA ELE ANCORE;
 AINZ LE CHANGERA SANZ ESPOIR;
 MOLT SUI FOS QUANT JE M'AN DESPOIR,
 ET *DEX LI DOINT ANCOR CHANGIER,
 QU'ESTRE M'ESTUET AN SON DONGIER
 TOZ JORZ MES, DES QU'*AMORS LE VIALT.
 *QUI *AMOR EN GRE/ NE REQUIALT
 DES QUE ELE AN TOR LI L'ATRET
 FELENIE ET TRAI=SON FET;
 ET JE DI, QUI SE VIALT SI L'OIE,
 QUE CIL N'A DROIT EN NULE JOIE.
 *MES POR CE NE PERDRAI JE MIE,
 TOZ JORZ AMERAI M'ANEMIE,
 QUE JE NE LA DOI PAS HAI=R
 SE JE NE VOEL *AMOR TRAI=R.
 *CE QU'*AMORS VIALT DOI JE AMER.
 *ET DOIT ME ELE AMI CLAMER?
 *OI=L, VOIR, POR CE QUE JE L'AIM.
 *ET JE M'ANEMIE LA CLAIM
 QU'ELE ME HET, SI N'A PAS TORT,
 QUE CE QU'ELE AMOIT LI AI MORT.
 *DONQUES SUI GE SES ANEMIS?
 *NEL SUI, CERTES, MES SES AMIS.
 *GRANT DUEL AI DE SES BIAX CHEVOX
 C'ONQUES RIEN TANT AMER NE VOX,
 QUE FIN OR PASSENT, TANT RELUISENT.
 *D'IRE M'ESPRANENT ET AGUISENT,
 QUANT JE LES VOI RONPRE ET TRANCHIER;
 N'ONQUES NE PUEENT ESTANCHIER
 TOTES CES CHOSES ME DESSIEENT.
 *A TOT CE QU'IL SONT PLAIN DE LERMES
 SI QU'IL N'EN EST NE FINS NE TERMES,
 NE FURENT ONQUES SI BEL OEL.
 *DE CE QU'ELE PLORE ME DUEL,
 NE DE RIEN N'AI SI GRANT DESTRECE
 COME DE SON VIS QU'ELE BLECE,
 QU'IL NE L'EU=ST PAS DESSERVI:
 ONQUES SI BIEN TAILLIE/ NE VI,
 NE SI FRES, NE SI COLORE/;
 MES CE ME PAR A ACORE/
 QUE ELE EST A LI ENEMIE.
 *ET VOIR, ELE NE SE FAINT MIE
 QU'AU PIS QU'ELE PUET NE SE FACE,
 ET NUS CRISTAUZ NE NULE GLACE
 N'EST SI CLERE NE SI POLIE.
 *DEX! *POR COI FET SI GRANT FOLIE
 ET POR COI NE SE BLECE MAINS?
 *POR COI DETORT SES BELES MAINS,
 ET FIERT SON PIZ ET ESGRATINE?
 *DON NE FUST CE MERVOILLE FINE
 A ESGARDER, S'ELE FUST LIEE,
 QUANT ELE EST OR SI BELE IRIEE?
 *OI=L VOIR, BIEN LE PUIS JURER,
 ONQUES MES SI DESMESURER
 NE SE POT AN BIAUTE/ *NATURE,
 QUE TRESPASSEE I A MESURE,
 OU ELE, ESPOIR, N'I OVRA ONQUES.
 *COMANT POI=ST CE ESTRE DONQUES?
 *DON FUST SI GRANT BIAUTE/ VENUE?
 *JA LA FIST *DEX, DE SA MAIN NUE,
 POR *NATURE FEIRE MUSER.
 *TOT SON TANS I PORROIT USER
 S'ELE LA VOLOIT CONTREFERE,
 QUE JA N'EN PORROIT A CHIEF TRERE
 NES *DEUS, S'IL S'AN VOLOIT PENER,
 CE CUIT, NE PORROIT ASENER
 QUE JA MES NULE TEL FEI=ST,
 POR POINNE QUE IL I MEI=ST.
 *ENSI MES SIRE *YVAINS DEVISE,
 CELI QUI DE DUEL SE DEBRISE,
 N'AINZ MES NE CUIT QU'IL AVENIST
 QUE NUS HOM QUI PRISON TENIST,
 TEL COM MES SIRE *YVAINS LA TIENT,
 QUE DE LA TESTE PERDRE CRIENT,
 AMAST AN SI FOLE MENIERE,
 DOM IL NE FERA JA PROIERE
 NE AUTRES POR LUI, PUET CEL ESTRE.
 *TANT DEMORA A LA FENESTRE
 QU'IL AN VIT LA DAME RALER,
 ET QUE L'EN OT FET AVALER
 ANBEDEUS LES PORTES COLANZ.
 *DE CE FUST UNS AUTRES DOLANZ
 QUE MIALZ AMAST SA DELIVRANCE
 QU'IL NE FEI=ST LA DEMORANCE;
 ET IL MET TOT AUTANT A OEVRE
 SE L'EN LES CLOT, CON S'AN LES OEVRE.
 *IL NE S'AN ALAST MIE CERTES,
 NE SE LA DAME LI DONAST
 CONGIE/, ET SI LI PARDONAST
 LA MORT SON SEIGNOR BOENEMANT,
 SI S'EN ALAST SEU=REMANT,
 QU'*AMORS ET *HONTE LE RETIENENT
 QUI DE DEUS PARZ DEVANT LI VIENENT:
 IL EST HONIZ, SE IL S'EN VA
 QUE CE NE RECRESROIT EN JA
 QU'IL EU=ST ENSI ESPLOITIE/;
 D'AUTRE PART, RA TEL COVOITIE/
 DE LA BELE DAME VEOIR
 AU MOINS, SE PLUS N'EN PUET AVOIR,
 QUE DE LA PRISON NE LI CHAUT:
 MIALZ VIALT MORIR QUE IL S'EN AUT.
 *MES LA DAMEISELE REPEIRE,
 QUI LI VIALT CONPAIGNIE FEIRE,
 ET SOLACIER, ET DEPORTER,
 ET PORCHACIER, ET APORTER
 QUAN QUE IL VOLDRA A DEVISE.
 *DE L'*AMOR QUI EN LUI S'EST MISE
 LE TROVA TRESPANSE/ ET VAIN;
 SI LI A DIT: "*MES SIRE *YVAIN,
 QUEL SIEGLE AVEZ VOS PUIS EU=?
 _ *TEL, FET IL, QUI MOLT M'A PLEU=.
 _ *PLEU=? *POR *DEU, DITES VOS VOIR?
 *COMANT PUET DONC BOEN SIEGLE AVOIR
 QUI VOIT QU'AN LE QUIERT POR OCIRRE?
 *CIL AINME SA MORT ET DESIRRE!
 _ *CERTES, FET IL, MA DOLCE AMIE,
 MORIR N'I VOLDROIE JE MIE,
 ET SI ME PLOT MOLT TOTE VOIE
 CE QUE JE VI, SE DEX ME VOIE,
 ET PLOT ET PLEIRA TOZ JORZ MES.
 _ *OR LE LEISSONS ATANT AN PES",
 FET CELE QUI BIEN SET ANTENDRE
 OU CESTE PAROLE VIALT TENDRE;
 "NE SUI SI NICE NE SI FOLE
 QUE BIEN N'ENTANDE UNE PAROLE;
 MES OR AN VENEZ APRE/S MOI,
 QUE JE PANRAI PROCHEIN CONROI
 DE VOS GITIER FORS DE PRISON.
 *BIEN VOS METRAI A GARISON,
 S'IL VOS PLEST, ENUIT OU DEMAIN;
 OR AN VENEZ, JE VOS AN MAIN."
 *ET IL RESPONT: "*SOIEZ CERTAINNE,
 JE N'AN ISTRAI FORS, DE SEMAINNE,
 EN LARRECIN NE AN ENBLEE.
 *QUANT LA GENZ IERT TOTE ASANBLEE
 PAR MI CES RUES, LA DEFORS,
 PLUS A ENOR M'EN ISTRAI LORS,
 QUE JE NE FEROIE NUITANTRE."
 *A CEST MOT, APRE/S LI S'EN ANTRE
 DEDANZ LA PETITE CHANBRETE.
 *LA DAMEISELE QUI FU BRETE,
 FU DE LUI SERVIR AN ESPANS,
 SI LI FIST CREANCE ET DESPANS
 DE TOT QUAN QUE IL LI COVINT.
 *ET QUANT LEUS FU, SI LI SOVINT
 QUE MOLT LI PLOT CE QUE IL VIT,
 QUE PAR LA SALE LE QUEROIENT
 LES GENZ QUI DE MORT LE HAOIENT.
 *LA DAMEISELE ESTOIT SI BIEN
 DE SA DAME, QUE NULE RIEN
 A DIRE NE LI REDOTAST,
 A QUE QUE LA CHOSE MONTAST,
 QU'ELE ESTOIT SA MESTRE ET SA GARDE.
 *ET POR COI FUST ELE COARDE
 DE SA DAME RECONFORTER
 ET DE SON BIEN AMONESTER?
 *LA PREMIERE FOIZ A CONSOIL
 LI DIST: "*DAME, MOLT ME MERVOIL
 QUE FOLEMANT VOS VOI OVRER.
 *DAME, CUIDIEZ VOS RECOVRER
 VOSTRE SEIGNOR POR VOSTRE DUEL?
 _ *NENIL, FET ELE, MES MON VUEL
 SEROIE JE MORTE D'ENUI.
 _ *POR COI? _ *POR ALER APRE/S LUI.
 _ *APRE/S LUI? *DEX VOS AN DESFANDE
 QUI AUSI BOEN SEIGNOR VOS RANDE
 SI COM IL AN EST POSTEI=S.
 _ *EINZ TEL MANC&ONGE NE DEI=S,
 QU'IL NE ME PORROIT SI BOEN RANDRE.
 _ *MEILLOR, SE VOS LE VOLEZ PRANDRE,
 VOS RANDRA IL, SEL PROVERAI.
 _ *FUI! *TEIS! *JA TEL NE TROVERAI.
 _ *SI FEROIZ, DAME, S'IL VOS SIET.
 *MES OR DITES, SI NE VOS GRIET,
 VOSTRE TERRE, QUI DESFANDRA
 QUANT LI ROIS *ARTUS I VENDRA
 QUI DOIT VENIR L'AUTRE SEMAINNE
 AU PERRON ET A LA FONTAINNE?
 *N'EN AVEZ VOS EU= MESSAGE
 DE LA DAMEISELE SAUVAGE
 QUI LETRES VOS EN ANVEA?
 *AHI! CON BIEN LES ANPLEA!
 *VOS DEU=SSIEZ OR CONSOIL PRENDRE
 DE VOSTRE FONTAINNE DESFANDRE,
 ET VOS NE FINEZ DE PLORER!
 *N'I EU=SSIEZ QUE DEMORER,
 S'IL VOS PLEU=ST, MA DAME CHIERE;
 QUE CERTES UNE CHANBERIERE
 NE VALENT TUIT, BIEN LE SAVEZ,
 LI CHEVALIER QUE VOS AVEZ:
 JA PAR CELUI QUI MIALZ SE PRISE
 N'EN IERT ESCUZ NE LANCE PRISE.
 *DE GENT MALVEISE AVEZ VOS MOUT,
 MES JA N'I AVRA SI ESTOUT
 QUI SOR CHEVAL MONTER EN OST,
 ET LI ROIS VIENT A SI GRANT OST
 QU'IL SEISIRA TOT, SANZ DESFANSSE."
 *LA DAME SET MOLT BIEN ET PANSSE
 QUE CELE LA CONSOILLE AN FOI;
 MES UNE FOLIE A EN SOI
 QUE LES AUTRES FAMES I ONT:
 TRESTOTES, A BIEN PRES, LE FONT,
 QUE DE LOR FOLIE S'ANCUSENT
 "*FUI! FET ELE, LESSE M'AN PES.
 *SE JE T'AN OI PARLER JA MES,
 JA MAR FERAS, MES QUE T'AN FUIES:
 TANT PAROLES QUE TROP M'ENUIES.
 _ *A BENEU=R, FET ELE, DAME,
 BIEN I PERT QUE VOS ESTES FAME,
 QUI SE CORROCE QUANT ELE OT
 NELUI QUI BIEN FEIRE LI LOT."
 *LORS S'AN PARTI, SI LA LEISSA;
 ET LA DAME SE RAPANSSA
 QU'ELE AVOIT SI GRANT TORT EU=;
 MOLT VOLSIST BIEN AVOIR SEU=
 COMANT ELE POI=ST PROVER
 QU'AN PORROIT CHEVALIER TROVER
 MEILLOR C'ONQUES NE FU SES SIRE:
 SE LI ORROIT VOLENTIERS DIRE,
 MES ELE LI A DESFANDU.
 *AN CE PANSER A ATENDU
 JUSQUE TANT QUE ELE REVINT;
 MES ONQUES DESFANSSE N'EN TINT,
 EINZ LI REDIT TOT MAINTENANT:
 "*HA! DAME, EST CE ORE AVENANT,
 QUI SI DE DUEL VOS OCI=EZ?
 *POR *DEU, CAR VOS EN CHASTI=EZ,
 SI LE LAISSIEZ SEVIAUS DE HONTE:
 A SI HAUTE DAME NE MONTE
 QUE DUEL SI LONGUEMANT MAINTEIGNE.
 *DE VOSTRE ENOR VOS RESOVEIGNE
 ET DE VOSTRE GRANT GENTILLESCE.
 *CUIDIEZ VOS QUE TOTE PROESCE
 SOIT MORTE AVOEC VOSTRE SEIGNOR?
 *QUE AUTRESI BOEN OU MEILLOR
 AN SONT REME/S PAR MI LE MONDE.
 _ *SE TU NE MANZ, *DEX ME CONFONDE!
 *ET NE POR QUANT UN SEUL M'AN NOME
 QUI AIT TESMOING DE SI PREUDOME
 CON MES SIRE OT TOT SON AHE/.
 _ *ET VOS M'AN SAVRI=EZ MAL GRE/,
 SI VOS RECORROCERI=EZ
 ET M'EN REMENACERI=EZ.
 _ *NEL FERAI, JE T'EN ASSEU=R.
 _ *OR SOIT A VOSTRE BOEN EU=R,
 QUI VOS EN EST A AVENIR,
 SE IL VOS VENOIT A PLEISIR.
 *ET CE DOINT *DEX QUE IL VOS PLEISE!
 *NE VOI RIEN POR COI JE M'AN TEISE,
 QUE NUS NE NOS OT NE ESCOUTE.
 *VOS ME TANROIZ JA POR ESTOUTE,
 MES BIEN PUIS DIRE, CE ME SANBLE,
 QUANT DUI CHEVALIER SONT ANSANBLE
 VENU A ARMES EN BATAILLE,
 LI QUEX CUIDIEZ VOS QUI MIALZ VAILLE,
 QUANT LI UNS A L'AUTRE CONQUIS?
 *AN DROIT DE MOI DOING JE LE PRIS
 AU VEINQUEOR. *ET VOS, QUE FEITES?
 _ *IL M'EST AVIS QUE TU M'AGUEITES,
 SI ME VIAX A PAROLE PRANDRE.
 QUE JE M'AN VOIS PAR MI LE VOIR,
 ET SI VOS PRUEF PAR ESTOVOIR
 QUE MIALZ VALUT CIL QUI CONQUIST
 VOSTRE SEIGNOR, QUE IL NE FIST:
 IL LE CONQUIST ET SEL CHAC&A
 PAR HARDEMANT ANJUSQUE C&A,
 ET SI L'ENCLOST AN SA MEISON.
 _ *OR AI GE OI= DESREISON,
 LA PLUS GRANT C'ONQUES MES FUST DITE.
 *FUI! PLAINNE DE MAL ESPERITE,
 NE MES DEVANT MOI NE REVEINGNES,
 POR COI DE LUI PAROLE TEIGNES.
 _ *CERTES, DAME, BIEN LE SAVOIE
 QUE JA DE VOS GRE/ N'EN AVROIE,
 ET JEL VOS DIS MOLT BIEN AVANT.
 *MES VOS M'EU=STES AN COVANT
 QUE JA IRE N'EN AVRI=EZ
 NE MAL GRE/ NE M'AN SAVRI=EZ.
 *MAL M'AVEZ MON COVANT TENU,
 SI M'EST OR ENSI AVENU
 ET DIT M'AVEZ VOSTRE PLEISIR;
 SI AI PERDU UN BOEN TEISIR."
 *ATANT VERS SA CHANBRE RETORNE,
 LA OU MES SIRE *YVAINS SEJORNE
 CUI ELE GARDE A MOLT GRANT EISE;
 MES N'I OT CHOSE QUI LI PLEISE,
 QANT LA DAME VEOIR NE PUET,
 ET DEL PLET QUE CELE LI MUET
 NE SE GARDE, NE N'AN SET MOT.
 *MES LA DAME TOTE NUIT OT
 A LI MEI=SMES GRANT TANC&ON,
 QU'ELE ESTOIT EN GRANT CUSANC&ON
 DE SA FONTEINNE GARANTIR.
 *SI SE COMANCE A REPANTIR
 DE CELI QU'ELE AVOIT BLASMEE,
 ET LEIDIE, ET MESAAMEE,
 QU'ELE EST TOTE SEU=RE ET CERTE
 QUE POR LOIER, NE POR DESSERTE,
 NE POR AMOR QU'A CELUI AIT,
 NE L'EN MIST ELE ONQUES EN PLAIT.
 *ET PLUS AINME ELE LI QUE LUI,
 NE SA HONTE NE SON ENUI
 NE LI LOEROIT ELE MIE,
 QUE TROP EST SA LEAX AMIE.
 *EZ VOS JA LA DAME CHANGIEE:
 DE CELI QU'ELE OT LEIDANGIEE
 NE CUIDE JA MES A NUL FUER
 QUE AMER LA DOIE AN SON CUER,
 ET CELUI QU'ELE OT REFUSE/
 RA MOLT LE=AUMANT ESCUSE/
 PAR REISON ET PAR DROIT DE PLET
 QU'IL NE LI AVOIT RIEN MESFET,
 SI SE DESRESNE TOT ENSI
 CON S'IL FUST VENUZ DEVANT LI;
 LORS SEL COMANCE A PLEIDOIER:
 "*VIAX TU DONC, FET ELE, NOIER
 QUE PAR TOI NE SOIT MORZ MES SIRE?
 _ *CE, FET IL, NE PUIS JE DESDIRE,
 EINZ L'OTROI BIEN. _ *DI DONC POR COI
 POR HAI=NE, NE POR DESPIT?
 _ *JA N'AIE JE DE MORT RESPIT
 S'ONQUES POR MAL DE VOS LE FIS.
 _ *DONC N'AS TU RIEN VERS MOI MESPRIS
 NE VERS LUI N'EU=S TU NUL TORT,
 CAR S'IL POI=ST, IL T'EU=ST MORT;
 POR CE, MIEN ESCI=ANT, CUIT GIE/
 QUE J'AI BIEN ET A DROIT JUGIE/."
 *ENSI PAR LI MEI=SMES PRUEVE
 QUE DROIT SAN ET REISON I TRUEVE
 QU'AN LUI HAI=R N'A ELE DROIT,
 SI AN DIT CE QU'ELE VOLDROIT,
 ET PAR LI MEI=SMES S'ALUME
 ENSI COME LI FEUS QUI FUME
 TANT QUE LA FLAME S'I EST MISE,
 QUE NUS NE LA SOUFLE  N'ATISE.
 *ET S'OR VENOIT LA DAMEISELE,
 JA DESRESNEROIT LA QUERELE
 DOM ELE L'A TANT PLEIDOIEE,
 S'AN A ESTE/ BIEN LEIDOIEE.
 *ET CELE REVINT PAR MATIN,
 SI RECOMANC&A SON LATIN
 LA OU ELE L'AVOIT LEISSIE/,
 ET CELE TINT LE CHIEF BESSIE/,
 QUI A MESFETE SE SANTOIT
 DE CE QUE LEIDIE L'AVOIT;
 MES OR LI VOLDRA COMANDER
 ET DEL CHEVALIER DEMANDER
 LE NON, ET L'ESTRE, ET LE LINAGE;
 SI S'UMELIE COME SAGE,
 ET DIT: "*MERCI CRI=ER VOS VUEL
 DEL GRANT OLTRAGE ET DE L'ORGUEL
 QUE JE VOS AI DIT COME FOLE,
 SI REMANRAI A VOSTRE ESCOLE.
 *MES DITES MOI, SE VOS SAVEZ,
 DEL CHEVALIER DON VOS M'AVEZ
 TENUE A PLET SI LONGUEMANT
 QUIEX HOM EST IL, ET DE QUEL GENT.
 *SE IL EST TEX QU'A MOI ATEIGNE,
 MES QUE DE PAR LUI NE REMAIGNE,
 JE LE FERAI, CE VOS OTROI,
 SEIGNOR DE MA TERRE ET DE MOI.
 *MES IL LE COVANRA SI FERE,
 QU'AN NE PUISSE DE MOI RETRERE
 NE DIRE: "*C'EST CELE QUI PRIST
 CELUI QUI SON SEIGNOR OCIST.
 _ *E NON *DEU, DAME, ENSI IERT IL.
 *SEIGNOR AVROIZ LE PLUS GENTIL,
 ET LE PLUS GENT, ET LE PLUS BEL
 QUI ONQUES FUST DEL LING *ABEL.
 _ *COMANT A NON? _ *MES SIRE *YVAINS.
 _ *PAR FOI, CIST N'EST MIE VILAINS,
 EINZ EST MOLT FRANS, JE LE SAI BIEN,
 ET S'EST FILZ AU ROI *URI=EN.
 _ *PAR FOI, DAME, VOS DITES VOIR.
 _ *ET QUANT LE PORRONS NOS AVOIR?
 _ *JUSQU'A QUINT JOR. _ *TROP TARDEROIT,
 *VEIGNE ENUIT OU DEMAIN, SEVIAX.
 _ *DAME, NE CUIT PAS C'UNS OISIAX
 POI=ST TANT EN UN JOR VOLER.
 *MES JE I FERAI JA ALER
 UN MIEN GARC&ON QUI MOLT TOST CORT,
 QUI IRA BIEN JUSQU'A LA CORT
 LE ROI *ARTUS, AU MIEN ESPOIR,
 AU MOINS JUSQU'A DEMAIN AU SOIR,
 QUE JUSQUE LA N'IERT IL TROVEZ.
 _ *CIST TERMES EST TROP LONS ASSEZ:
 LI JOR SONT LONC. *MES DITES LI
 QUE DEMAIN AU SOIR RESOIT CI
 ET VOIST PLUS TOST QUE IL NE SIAUT,
 CAR BIEN S'ESFORCERA, S'IL VIALT:
 DE DEUS JORNEES FERA UNE;
 ET ANQUENUIT LUIRA LA LUNE,
 SI REFACE DE LA NUIT JOR,
 ET JE LI DONRAI AU RETOR
 QUAN QU'IL VOLDRA QUE JE LI DOINGNE.
 _ *SOR MOI LEISSIEZ CESTE BESOINGNE,
 QUE VOS L'AVROIZ, A TOT LE MAINS,
 JUSQU'A TIERZ JOR ANTRE VOZ MAINS.
 *ET AU DEMAIN REMANDEROIZ
 VOS GENZ ET SI DEMANDEROIZ
 CONSOIL DEL ROI QUI DOIT VENIR.
 *POR LA COSTUME MAINTENIR
 DE VOSTRE FONTAINNE DESFANDRE
 VOS COVENDROIT BOEN CONSOIL PRANDRE;
 ET IL N'I AVRA JA SI HAUT
 QUI S'OST VANTER QUE IL I AUT.
 *LORS PORROIZ DIRE TOT A DROIT
 QUE MARI=ER VOS COVENDROIT.
 *UNS CHEVALIERS MOLT ALOSEZ
 VOS REQUIERT, MES VOS NE L'OSEZ
 PANRE, S'IL NEL VOS LOENT TUIT
 ET S'IL NEL PRANENT AN CONDUIT:
 TANT LES QUENUIS JE A MALVE/S
 QUE, POR AUTRUI CHARGIER LE FES
 DOM IL SEROIENT TUIT CHARGIE/,
 VOS AN VANRONT TRESTUIT AU PIE/,
 ET SI VOS AN MERCI=ERONT
 QUE FORS DE GRANT PEOR SERONT.
 *CAR QUI PEOR A DE SON ONBRE,
 S'IL PUET, VOLENTIERS SE DESCONBRE
 D'ANCONTRE DE LANCE OU DE DART,
 QUE C'EST MALVE/S JEX A COART."
 *ET LA DAME RESPONT: "*PAR FOI,
 ENSI LE VUEL, ENSI L'OTROI,
 ET JE L'AVOIE JA PANSE/
 SI CON VOS L'AVEZ DEVISE/,
 ET TOT ENSI LE FERONS NOS.
 *MES CI POR COI DEMOREZ VOS?
 *ALEZ! *JA PLUS NE DELAIEZ!
 *SI FAITES TANT QUE VOS L'AIEZ,
 ET JE REMANDERAI MES GENZ."
 *ICI FINE LI PARLEMANZ.
 *CELE FET SANBLANT QU'ANVOIT QUERRE
 MON SEIGNOR *YVAIN EN SA TERRE,
 SON CHIEF LAVER ET APLEIGNIER;
 ET AVOEC CE LI APAROILLE
 ROBE D'ESCARLATE VERMOILLE,
 DE VEIR FORREE A TOT LA CROIE.
 *N'EST RIENS QU'ELE NE LI ACROIE
 QUI COVEIGNE A LUI ACESMER:
 FERMAIL D'OR A SON COL FERMER,
 OVRE/ A PIERRES PRECI=EUSES
 QU'IL FONT LEANZ MOLT GRACI=EUSES,
 ET CEINTURETE, ET AUMOSNIERE
 QUI FU D'UNE RICHE SAINIERE;
 BIEN L'A DE TOT APAREILLIE/.
 *ET A SA DAME A CONSEILLIE/
 QUE REVENUZ EST SES MESSAGES:
 SI A ESPLOITIE/ COME SAGES.
 "*COMANT, FET ELE, QUANT VENRA
 MES SIRE *YVEINS? _ *CEANZ EST JA.
 _ *CEANZ EST IL? *VENEZ DONC TOST,
 CELEEMANT ET AN REPOST
 DEMANTRES QU'AVOEC MOI N'EST NUS.
 *GARDEZ QUE N'EN I VEIGNE NUS,
 QUE G'I HARROIE MOLT LE CART."
 *LA DAMEISELE ATANT S'AN PART;
 S'EST VENUE A SON OSTE ARRIERE,
 MES NE MOSTRA MIE A SA CHIERE
 LA JOIE QUE SES CUERS AVOIT,
 EINZ DIT QUE SA DAME SAVOIT
 QU'ELE L'AVOIT LEANZ GARDE/,
 ET DIT: "*MES SIRE *YVAIN, PAR *DE/,
 N'A MES MESTIER NEANT CELEE
 TANT EST DE VOS LA CHOSE ALEE
 QUE MA DAME CEANZ VOS SET,
 QUI MOLT ME BLASME ET MOLT ME HET,
 ET MOLT M'EN A ACOISONEE;
 MES TEL SEU=RTE/ M'A DONEE
 QUE DEVANT LI VOS PUIS CONDUIRE
 SANZ VOS DE RIEN GREVER NE NUIRE.
 *NE VOS GREVERA RIEN, CE CROI,
 FORS TANT, DON MANTIR NE VOS DOI
 QUE JE FEROIE TRAI=SON,
 QU'AVOIR VOS VIALT EN SA PRISON,
 ET SI I VIALT AVOIR LE CORS
 QUE NES LI CUERS N'AN SOIT DEFORS.
 _ *CERTES, FET IL, CE VOEL JE BIEN,
 QUE CE NE ME GREVERA RIEN,
 QU'AN SA PRISON VOEL JE MOLT ESTRE.
 _ *SI SEROIZ VOS, PAR LA MAIN DESTRE
 DON JE VOS TEING! *OR AN VENEZ,
 MES A MON LOS VOS CONTENEZ
 SI SINPLEMANT DEVANT SA FACE
 QUE MALE PRISON NE VOS FACE.
 *NE POR CE NE VOS ESMAIEZ:
 NE CUIT MIE QUE VOS AIEZ
 PRISON QUI TROP VOS SOIT GREVAINNE."
 *LA DAMEISELE ENSI L'EN MAINNE;
 SI L'ESMAIE, ET SEL RASEU=RE,
 ET PAROLE PAR COVERTURE
 DE LA PRISON OU IL IERT MIS,
 POR C'A DROIT SE PRISON LE CLAINME
 QUE SANZ PRISON N'EST NUS QUI AINME.
 *LA DAMEISELE PAR LA MAIN
 EN MAINNE MON SEIGNOR *YVAIN
 LA OU IL IERT MOLT CHIER TENUZ;
 SI CRIENT IL ESTRE MAL VENUZ,
 ET S'IL LE CRIENT, N'EST PAS MERVOILLE.
 *SOR UNE GRANT COUTE VERMOILLE
 TROVERENT LA DAME SEANT.
 *MOLT GRANT PEOR, CE VOS CREANT,
 OT MES SIRE *YVAINS A L'ENTREE
 DE LA CHANBRE, OU IL ONT TROVEE
 LA DAME QUI NE LI DIST MOT;
 ET POR CE GRANT PEOR EN OT,
 SI FU DE PEOR ESBAI=Z
 QU'IL CUIDA BIEN ESTRE TRAI=Z,
 ET S'ESTUT LOING CELE PART LA,
 TANT QUE LA PUCELE PARLA
 ET DIT: ".*VC. DAHEZ AIT S'AME
 QUI MAINNE AN CHANBRE A BELE DAME
 CHEVALIER, QUI NE S'AN APROCHE,
 ET QUI N'A NE LENGUE, NE BOCHE,
 NE SAN, DOM ACOINTIER SE SACHE!"
 *MAINTENANT PAR LE BRAZ LE SACHE,
 SI LI DIT: "*EN C&A VOS TRAIEZ,
 CHEVALIERS, NE PEOR N'AIEZ
 DE MA DAME QU'EL NE VOS MORDE;
 MES QUEREZ LA PES ET L'ACORDE,
 ET G'EN PROIERAI AVOEC VOS
 QUE LA MORT *ESCLADOS LE ROS,
 QUI FU SES SIRES, VOS PARDOINT."
 *MES SIRE *YVAINS MAINTENANT JOINT
 SES MAINS, SI S'EST A GENOLZ MIS
 ET DIT, COME VERAIS AMIS:
 "*DAME, VOIR, JA NE VOS QUERRAI
 MERCI, EINZ VOS MERCI=ERAI
 DE QUAN QUE VOS ME VOLDROIZ FEIRE,
 QUE RIENS NE ME PORROIT DESPLEIRE.
 _ *NON, SIRE? *ET SE JE VOS OCI?
 _ *DAME, LA VOSTRE GRANT MERCI,
 QUE JA NE M'AN ORROIZ DIRE EL.
 _ *EINZ MES, FET ELE, N'OI= TEL,
 QUE SI VOS METEZ A DEVISE
 DEL TOT AN TOT EN MA FRANCHISE
 SANZ CE QUE NES VOS EN ESFORZ.
 _ *DAME, NULE FORCE SI FORZ
 N'EST COME CELE, SANZ MANTIR,
 QUI ME COMANDE A CONSANTIR
 VOSTRE VOLOIR DEL TOT AN TOT.
 *RIEN NULE A FEIRE NE REDOT
 QUE MOI VOS PLEISE A COMANDER,
 ET, SE JE POOIE AMANDER
 LA MORT DON J'AI VERS VOS MESFET,
 JE L'AMANDEROIE SANZ PLET.
 _ *COMANT? FET ELE: OR LE ME DITES,
 SI SOIEZ DE L'AMANDE QUITES,
 SE VOS DE RIEN ME MESFEI=STES,
 _ *DAME, FET IL, VOSTRE MERCI;
 QUANT VOSTRE SIRES M'ASAILLI,
 QUEL TORT OI JE DE MOI DESFANDRE?
 *QUI AUTRUI VIALT OCIRRE OU PRANDRE,
 SE CIL L'OCIT QUI SE DESFANT,
 DITES SE DE RIEN I MESPRANT.
 _ *NENIL, QUI BIEN ESGARDE DROIT;
 ET, JE CUIT, RIEN NE ME VAUDROIT
 QANT FET OCIRRE VOS AVROIE.
 *ET CE MOLT VOLENTIERS SAVROIE
 DON CELE FORCE PUET VENIR
 QUI VOS COMANDE A CONSENTIR
 A MON VOLOIR, SANZ CONTREDIT;
 TOZ TORZ ET TOZ MESFEZ VOS QUIT,
 MES SEEZ VOS, SI ME CONTEZ
 COMANT VOS IESTES SI DONTEZ.
 _ *DAME, FET IL, LA FORCE VIENT
 DE MON CUER, QUI A VOS SE TIENT;
 AN CE VOLOIR M'A MES CUERS MIS.
 _ *ET QUI LE CUER, BIAX DOLZ AMIS?
 _ *DAME, MI OEL. _ *ET LES IALZ, QUI?
 _ *LA GRANZ BIAUTEZ QUE AN VOS VI.
 _ *ET LA BIAUTEZ QU'I A FORFET?
 _ *DAME, TANT QUE AMER ME FET.
 _ *AMER? *ET CUI? _ *VOS, DAME CHIERE.
 _ *MOI? _ *VOIRE VOIR. _ *AN QUEL MENIERE?
 _ *AN TEL QUE GRAINDRE ESTRE NE PUET;
 EN TEL QUE DE VOS NE SE MUET
 MES CUERS, N'ONQUES AILLORS NEL TRUIS;
 AN TEL QU'AILLORS PANSSER NE PUIS;
 EN TEL QUE TOZ A VOS M'OTROI;
 AN TEL QUE PLUS VOS AIM QUE MOI;
 EN TEL, S'IL VOS PLEST, A DELIVRE
 QUE POR VOS VUEL MORIR OU VIVRE.
 _ *ET OSERI=EZ VOS ENPRANDRE
 POR MOI MA FONTAINNE A DESFANDRE?
 _ *OI=L VOIR, DAME, VERS TOZ HOMES.
 _ *SACHIEZ DONC, BIEN ACORDE/ SOMES."
 *ENSI SONT ACORDE/ BRIEMANT.
 *ET LA DAME OT SON PARLEMANT
 DEVANT TENU A SES BARONS
 ET DIT: "*DE CI NOS EN IRONS
 AN CELE SALE OU CES GENZ SONT
 QUI LOE/ ET CONSEILLIE/ M'ONT,
 QUE MARI A PRENDRE M'OTROIENT
 POR LE BESOING QUE IL I VOIENT.
 *CI MEI=SMES A VOS ME DOING
 NE GE N'EN IRAI JA PLUS LOING
 QU'A SEIGNOR REFUSER NE DOI
 BOEN CHEVALIER ET FIL DE ROI."
 *OR A LA DAMEISELE FET
 QUAN QU'ELE VOLOIT ANTRESET;
 MES SIRE *YVAINS N'EN OT PAS IRE,
 CE VOS PUIS BIEN CONTER ET DIRE,
 QUE LA DAME AVOEC LI L'EN MAINNE
 EN LA SALE, QUI ESTOIT PLAINNE
 ET MES SIRE *YVAINS FU SI GENZ
 QU'A MERVOILLES TUIT L'ESGARDERENT,
 ET ENCONTRE AX TUIT SE LEVERENT
 ET TUIT SALU=ENT ET ANCLINENT
 MON SEIGNOR *YVAIN, ET DEVINENT:
 "*C'EST CIL QUI MA DAME PRENDRA;
 DAHEZ AIT QUI LI DESFANDRA
 QU'A MERVOILLES SANBLE PRODOME.
 *CERTES, L'EMPERERRIZ DE *ROME
 SEROIT AN LUI BIEN MARI=EE.
 *CAR L'EU=ST IL JA AFI=EE
 ET ELE LUI DE NUE MAIN,
 SI L'ESPOUSAST HUI OU DEMAIN."
 *ENSI PARLOIENT TUIT D'UN RANC.
 *AU CHIEF DE LA SALE OT UN BANC
 OU LA DAME S'ALA SEOIR
 LA OU TUIT LA PORENT VEOIR,
 ET MES SIRE *YVAINS SANBLANT FIST
 QU'A SES PIEZ SEOIR SE VOLSIST
 QANT ELE L'AN LEVA AMONT;
 ET DE LA PAROLE SEMONT
 SON SENESCHAL, QUE IL LA DIE,
 SI QU'ELE SOIT DE TOZ OI=E.
 *LORS COMANC&A LI SENESCHAX,
 QUI N'ESTOIT NE ESTOLZ NE CHAX:
 "*SEIGNOR, FET IL, GUERRE NOS SOURT:
 N'EST JORZ QUE LI ROIS NE S'ATOURT
 DE QUAN QU'IL SE PUET ATORNER
 POR VENIR NOZ TERRES GASTER.
 *ENC&OIS QUE LA QUINZAINNE PAST
 SERA TRESTOTE ALEE A GAST,
 SE BOEN MAINTENEOR N'I A.
 *QANT MA DAME SE MARI=A,
 N'A MIE ANCOR SIS ANZ PARCLOS,
 SI LE FIST ELE PAR VOZ LOS.
 *MORZ EST SES SIRES, CE LI POISE.
 *N'A OR DE TERRE C'UNE TOISE
 CIL QUI TOT CEST PAI=S TENOIT
 ET QUI MOLT BIEN I AVENOIT:
 C'EST GRANZ DIAX QUE PO A VESCU.
 *FAME NE SET PORTER ESCU
 NE NE SET DE LANCE FERIR;
 MOLT AMANDER, ET ANCHERIR,
 SE PUET DE PANRE UN BOEN SEIGNOR.
 *EINZ MES N'EN OT MESTIER GRAIGNOR;
 LOEZ LI TUIT QUE SEIGNOR PRAINGNE,
 EINZ QUE LA COSTUME REMAINGNE
 QUI AN CEST CHASTEL A ESTE/
 PLUS DE .LX. ANZ A PASSE/."
 *A CEST MOT DI=ENT TUIT ANSANBLE
 QUE BIEN A FEIRE LOR RESANBLE.
 *ET TRESTUIT JUSQU'AUS PIEZ LI VIENENT;
 DE SON VOLOIR AN GRANT LA TIENENT;
 SI SE FET PREIER DE SON BUEN,
 TANT QUE, AUSI CON MAUGRE/ SUEN,
 OTROIE CE QU'ELE FEI=ST
 SE CHASCUNS LI CONTREDEI=ST,
 ET DIT: "*SEIGNOR, DES QU'IL VOS SIET,
 M'A MOLT PROIEE, ET MOLT REQUISE;
 DE M'ENOR, ET AN MON SERVISE
 SE VIALT METRE, ET JE L'AN MERCI;
 ET VOS L'EN MERCI=EZ AUSI.
 *N'ONQUES MES CERTES NEL CONUI,
 S'AI MOLT OI= PARLER DE LUI:
 SI HAUZ HOM EST, CE SACHIEZ BIEN,
 CON LI FILZ AU ROI *URI=EN.
 *SANZ CE QU'IL EST DE HAUT PARAGE,
 EST IL DE SI GRANT VASSELAGE,
 ET TANT A CORTEISIE, ET SAN,
 QUE DESLOER NEL ME DOIT AN.
 *DE MON SEIGNOR *YVAIN, CE CUIT,
 AVEZ BIEN OI= PARLER TUIT;
 ET CE EST IL QUI ME REQUIERT.
 *PLUS HAUT SEIGNOR QU'A MOI N'AFIERT
 AVRAI AU JOR QUE CE SERA."
 *TUIT DI=ENT: "*JA NE PASSERA
 CIST JORZ, SE VOS FEITES QUE SAGE,
 QU'AINZ N'AIEZ FET LE MARI=AGE,
 QUE MOLT EST FOS QUI SE DEMORE
 DE SON PREU FEIRE UNE SEULE ORE."
 *TANT LI PRI=ENT QUE ELE OTROIE
 CE QU'ELE FEI=ST TOTE VOIE,
 QU'*AMORS A FEIRE LI COMANDE
 CE DON LOS ET CONSOIL DEMANDE;
 MES A PLUS GRANT ENOR LE PRANT
 QUANT CONGIE/ EN A DE SA GENT.
 *ET LES PROIERES RIEN N'I GRIEVENT,
 EINZ LI ESMUEVENT ET SOULIEVENT
 LE CUER A FEIRE SON TALANT:
 LI CHEVAX QUI PAS NE VA LANT
 S'ESFORCE QUANT AN L'ESPERONE;
 VEANT TOZ SES BARONS SE DONE
 LA DAME A MON SEIGNOR *YVAIN.
 *PAR LA MAIN D'UN SUEN CHAPELAIN
 PRISE A LA DAME DE *LANDUC
 L'ANDEMAIN, QUI FU FILLE AU DUC
 *LAUDUDEZ, DOM AN NOTE UN LAI.
 *LE JOR MEI=SMES, SANZ DELAI,
 L'ESPOUSA ET FIRENT LOR NOCES.
 *ASEZ I OT MITRES ET CROCES,
 QUE LA DAME I OT MANDEZ
 LES ESVESQUES ET LES ABEZ.
 *MOLT I OT GENT DE GRANT NOBLESCE,
 ET MOLT I OT JOIE ET LEESCE,
 PLUS QUE CONTER NE VOS PORROIE
 QUANT LONC TANS PANSSE/ I AVROIE;
 EINZ M'AN VUEL TEIRE QUE PLUS DIRE.
 *MES OR EST MES SIRE *YVAINS SIRE,
 ET LI MORZ EST TOZ OBLI=EZ;
 CIL QUI L'OCIST EST MARI=EZ;
 SA FAME A, ET ENSANBLE GISENT;
 ET LES GENZ AINMENT PLUS ET PRISENT
 LE VIF C'ONQUES LE MORT NE FIRENT.
 *A CES NOCES MOLT LE SERVIRENT,
 QUI DURERENT JUSQU'A LA VOILLE
 DE LA FONTAINNE ET DEL PERRON,
 ET AVOEC LUI SI CONPAIGNON,
 QUE TRESTUIT CIL DE SA MESNIEE
 FURENT AN CELE CHEVALCHIEE,
 C'UNS TRESTOZ SEUS N'AN FU REME/S.
 *ET SI DISOIT MES SIRE *QUES:
 "*POR *DEU, QU' EST ORE DEVENUZ
 MES SIRE *YVAINS, QUI N'EST VENUZ,
 QUI SE VANTA APRE/S MANGIER
 QU'IL IROIT SON COUSIN VANGIER?
 *BIEN PERT QUE CE FU APRE/S VIN!
 *FOI=Z S'AN EST, JE LE DEVIN,
 QU'IL N'I OSAST VENIR POR L'UEL.
 *MOLT SE VANTA DE GRANT ORGUEL.
 *MOLT EST HARDIZ QUI LOER S'OSE
 DE CE DONT AUTRES NE L'ALOSE,
 NE N'A TESMOING DE SA LOANGE,
 SE CE N'EST POR FAUSSE LOSANGE.
 *MOLT A ENTRE MALVE/S ET PREU,
 QUE LI MALVE/S ANTOR LE FEU
 DIT DE LUI UNE GRANT PAROLE,
 SI TIENT TOTE LA GENT POR FOLE
 ET CUIDE QUE L'EN NEL CONOISSE.
 *ET LI PREUZ AVROIT GRANT ANGOISSE,
 S'IL OOIT REDIRE A AUTRUI
 LES PROESCES QUI SONT AN LUI.
 *NE POR QANT, CERTES, BIEN M'ACORT
 A MALVE/S, QU'IL N'A MIE TORT;
 S'IL NE LE DIT, QUI LE DIRA?
 *TANT SE TEISENT D'AX LI HERA
 QUI DES VAILLANZ CRI=ENT LE BANC,
 ET LES MALVE/S GIETENT AU VANT
 QU'IL NE TRUEVENT QUI POR AUS MANTE;
 FOS EST QUI SE PRISE NE VANTE."
 *ENSI MES SIRE *KEX PARLOIT
 ET MES SIRE *GAUVAINS DISOIT:
 "*MERCI, MES SIRE *KEX, MERCI!
 *SE MES SIRE *YVAINS N'EST OR CI,
 NE SAVEZ QUELE ESSOINE IL A.
 *ONQUES VOIR SI NE S'AVILLA
 QU'IL DEI=ST DE VOS VILENIE
 TANT COM IL SET DE CORTEISIE.
 _ *SIRE, FET IL, ET JE M'AN TES,
 NE M'AN ORROIZ PARLER HUI MES,
 DES QUE JE VOI QU'IL VOS ENUIE."
 *ET LI ROIS POR VEOIR LA PLUIE
 VERSA DE L'EVE PLAIN BACIN
 SOR LE PERRON, DESOZ LE PIN;
 ET PLUT TANTOST MOLT FONDELMANT.
 *NE TARDA PUIS GUEIRES GRANMANT
 QUE MES SIRE *YVAINS SANZ AREST
 ENTRA ARMEZ EN LA FOREST
 ET VINT PLUS TOST QUE LES GALOS
 SOR UN CHEVAL MOLT GRANT, ET GROS,
 FORT, ET HARDI, ET TOST ALANT.
 *ET MES SIRE *KEX OT TALANT
 QU'IL DEMANDEROIT LA BATAILLE,
 IL VOLOIT COMANCIER TOZ JORZ
 LES MESLEES ET LES ESTORZ
 OU IL I EU=ST GRANT CORROZ.
 *AU PIE/ LE ROI VIENT DEVANT TOZ
 QUE CESTE BATAILLE LI LEST.
 "*KEX, FET LI ROIS, DES QU'IL VOS PLEST
 ET DEVANT TOZ L'AVEZ ROVEE,
 NE VOS DOIT PAS ESTRE VEHEE."
 *KEX L'EN MERCIE ET PUIS SI MONTE.
 *S'OR LI PUET FEIRE UN PO DE HONTE
 MES SIRE *YVAINS, LIEZ AN SERA
 ET MOLT VOLANTIERS LI FERA,
 QUE BIEN LE RECONUIST AS ARMES.
 *L'ESCU A PRIS PAR LES ENARMES
 ET *KEX LE SUEN, SI S'ANTR'ESLEISSENT,
 CHEVAX POIGNENT, ET LANCES BEISSENT
 QUE IL TENOIENT ANPOIGNIEES;
 UN PETIT LES ONT ALOIGNIEES
 TANT QUE PAR LES QUAMOIS LES TIENENT,
 ET A CE QUE IL S'ANTREVIENENT
 DE TEX COS FERIR S'ANGOISSIERENT
 QUE ANDEUS LES LANCES FROISSIERENT
 ET VONT JUSQU'ANZ ES POINZ FANDANT.
 *MES SIRE *YVAINS COP SI PUISSANT
 LI DONA, QUE DE SUS LA SELE
 A FET *KEX LA TORNEBOELE,
 ET LI HIAUMES AN TERRE FIERT.
 *PLUS D'ENUI FEIRE NE LI QUIERT
 MES SIRE *YVAINS, ENC&OIS DESCENT
 A LA TERRE, ET SON CHEVAL PRENT.
 *CE FU MOLT BEL A TEL I OT,
 ET FU ASSEZ QUI DIRE SOT:
 "*AHI! AHI! CON OR GISIEZ
 VOS QUI LES AUTRES DESPISIEZ!
 *ET NE POR QUANT S'EST IL BIEN DROIZ
 QU'AN LE VOS PARDOINT CESTE FOIZ
 POR CE QUE MES NE VOS AVINT."
 *ENTRE TANT, DEVANT LE ROI VINT
 MES SIRE *YVAINS, ET PAR LE FRAIN
 MENOIT LE CHEVAL EN SA MAIN,
 POR CE QUE IL LI VOLOIT RENDRE;
 SI LI DIST: "*SIRE, FEITES PRENDRE
 CE CHEVAL, QUE JE MESFEROIE
 SE RIEN DEL VOSTRE DETENOIE.
 _ *ET QUI ESTES VOS, FET LI ROIS?
 *NE VOS CONOISTROIE DES MOIS
 AU PARLER, SE NE VOS VEOIE
 OU SE NOMER NE VOS OOIE.
 *LORS S'EST MES SIRE *YVAINS NOMEZ;
 S'AN EST *KEX DE HONTE ESSOMEZ,
 ET MAZ, ET MUZ, ET DESCONFIZ,
 QU'IL DIST QU'IL S'AN ESTOIT FOI=Z.
 *ET LI AUTRE MOLT LIE/ AN SONT
 QUE DE S'ENOR GRANT JOIE FONT.
 *NES LI ROIS GRANT JOIE AN MENA;
 MES MES SIRE *GAUVAINS EN A
 QUE SA CONPAINGNIE AMOIT PLUS
 QUE CONPAIGNIE QU'IL EU=ST
 A CHEVALIER QUE L'EN SEU=ST.
 *ET LI ROIS LI REQUIERT ET PRIE,
 SE LUI NE POISE, QU'IL LOR DIE
 COMANT IL AVOIT ESPLOITIE/;
 CAR MOLT AVOIT GRANT COVOITIE/
 DE SAVOIR TOTE S'AVANTURE;
 DE VOIR DIRE MOLT LE CONJURE,
 ET IL LOR A TRESTOT CONTE/
 ET LE SERVISE ET LA BONTE/
 QUE LA DAMEISELE LI FIST;
 ONQUES DE MOT N'I ENTREPRIST;
 NE RIENS NULE N'I OBLIA.
 *ET APRE/S CE LE ROI PRIA
 QUE IL ET TUIT SI CHEVALIER
 VENISSENT A LUI HERBERGIER,
 QU'ENOR ET JOIE LI FEROIENT,
 QUANT A LUI HERBERGIE/ SEROIENT.
 *ET LI ROIS DIT QUE VOLANTIERS
 LI FEROIT IL, HUIT JORZ ANTIERS,
 AMOR ET JOIE ET CONPAIGNIE.
 *ET MES SIRE *YVAINS L'EN MERCIE.
 *NE DE DEMORE PLUS N'I FONT,
 MAINTENANT MONTENT, SI S'AN VONT
 VERS LE CHASTEL LA DROITE VOIE.
 *ET MES SIRE *YVAINS ENVOIE
 DEVANT LA ROTE UN ESCUIER,
 QUI PORTOIT UN FAUCON GRUIER,
 POR CE QUE IL NE SORPREI=SSENT
 LA DAME, ET QUE SES GENZ FEI=SSENT
 CONTRE LE ROI SES MEISONS BELES.
 *QANT LA DAME OI= LES NOVELES
 DEL ROI QUI VIENT, S'EN A GRANT JOIE.
 *N'I A NUL QUI LA NOVELE OIE
 QUI N'AN SOIT LIEZ, ET QUI N'EN MONT.
 *ET LA DAME TOZ LES SEMONT
 ET PRIE QUE CONTRE LUI VOISENT;
 ET CIL N'EN TANCENT NE NE NOISENT,
 QUE DE FEIRE SA VOLANTE/
 ESTOIENT TUIT ANTALANTE/.
 *ENCONTRE LE ROI DE *BRETAINGNE
 VONT TUIT SOR GRANZ CHEVAX D'*ESPAINGNE,
 SI SALU=ENT MOLT HAUTEMANT
 LE ROI *ARTUS PREMIEREMANT
 ET PUIS SA CONPAIGNIE TOTE:
 "*BIEN VAINGNE, FONT IL, CESTE ROTE
 QUI DE TANT PRODOMES EST PLAINNE.
 *BENEOIZ SOIT CIL QUI LES MAINNE
 ET QUI SI BOENS OSTEX LOR DONE."
 *CONTRE LE ROI LI CHASTIAX SONE
 DE LA JOIE QUE L'EN I FET.
 *LI DRAP DE SOIE SONT FORS TRET
 ET ESTANDU A PAREMANT,
 ET DES TAPIZ FONT PAVEMANT
 QUE PAR LES RUES LES ESTANDENT
 CONTRE LE ROI QUE IL ATANDENT,
 ET REFONT UN AUTRE APAROIL:
 CUEVRENT LES RUES DES CORTINES.
 *LI SAIN, LI COR, ET LES BUISINES
 FONT LE CHASTEL SI RESONER
 QUE L'EN N'OI=ST PAS *DEU TONER.
 *LA OU DESCENDENT LES PUCELES,
 SONENT FLAU=TES ET VI=ELES,
 TYMPRE, FRETELES ET TABOR;
 D'AUTRE PART REFONT LOR LABOR
 LI LEGIER SAILLEOR QUI SAILLENT;
 TRESTUIT DE JOIE SE TRAVAILLENT,
 ET A CESTE JOIE REC&OIVENT
 LOR SEIGNOR, SI CON FEIRE DOIVENT.
 *ET LA DAME REST FORS ISSUE,
 D'UN DRAP EMPERI=AL VESTUE,
 ROBE D'ERMINE TOTE FRESCHE,
 AN SON CHIEF UNE GARLENDESCHE
 TOTE DE RUBIZ ATIRIEE;
 NE N'OT MIE LA CHIERE IRIEE,
 EINZ L'OT SI GAIE ET SI RI=ANT
 QU'ELE ESTOIT, AU MIEN ESCI=ANT,
 PLUS BELE QUE NULE CONTESSE.
 *TOT AN TOR FU LA PRESSE ESPESSE,
 ET DISOIENT TRESTUIT A TIRE:
 "*BIEN VEIGNE LI ROIS ET LI SIRE
 DES ROIS ET DES SEIGNORS DEL MONDE."
 *NE PUET ESTRE QU'A TOZ RESPONDE
 LI ROIS, QUI VERS LUI VOIT VENIR
 LA DAME A SON ESTRIE/ TENIR.
 *ET CE NE VOST IL PAS ATENDRE,
 EINZ SE HASTE MOLT DE DESCENDRE;
 SI DESCENDI LUE/S QU'IL LA VIT
 ET ELE LE SALUE ET DIT:
 "*BIEN VEIGNE, PAR CENT MILE FOIZ,
 LI ROIS MES SIRE, ET BENEOIZ
 SOIT MES SIRE *GAUVAINS, SES NIE/S.
 _ *ET VOSTRE CORS ET VOSTRE CHIE/S,
 FET LI ROIS, BELE CRIATURE,
 AIT JOIE ET GRANT BOENE AVENTURE."
 *PUIS L'ENBRAC&A PAR MI LES FLANS,
 LI ROIS, COME CORTOIS ET FRANS,
 ET ELE LUI TOT A PLAIN BRAZ.
 *DES AUTRES PAROLE NE FAZ
 COMANT ELE LES CONJOI=,
 MES ONQUES MES PARLER N'OI=
 DE NES UNE GENT TANT JOI=E,
 TANT ENOREE, ET TANT SERVIE.
 *DE LA JOIE ASSEZ VOS CONTASSE
 SE MA PAROLE N'I GASTASSE;
 MES SEULEMANT DE L'ACONTANCE
 VOEL FEIRE UNE BRIEF REMANBRANCE
 QUI FU FEITE A PRIVE/ CONSOIL
 ENTRE LA LUNE ET LE SOLOIL.
 *SAVEZ DE CUI JE VOS VOEL DIRE?
 *CIL QUI DES CHEVALIERS FU SIRE
 ET QUI SOR TOZ FU RECLAMEZ
 DOIT BIEN ESTRE SOLAUZ CLAMEZ.
 *POR MON SEIGNOR *GAUVAIN LE DI,
 QUE DE LUI EST TOT AUTRESI
 COME SOLAUZ LA MATINEE
 OEVRE SES RAIS, ET CLARTE/ RANT
 PAR TOZ LES LEUS OU IL S'ESPANT.
 *ET DE CELI REFAZ LA LUNE
 DOM IL NE PUET ESTRE QUE UNE,
 DE GRANT FOI ET DE GRANT AI=E.
 *ET NE POROEC, JE NEL DI MIE
 SEULEMANT PAR SON GRANT RENON,
 MES POR CE QUE *LUNETE OT NON.
 *LA DAMEISELE OT NON *LUNETE
 ET FU UNE AVENANZ BRUNETE,
 MOLT SAGE, ET VEZIEE, ET COINTE.
 *A MON SEIGNOR *GAUVAIN S'ACOINTE
 QUI MOLT LA PRISE, ET QUI MOLT L'AINME,
 ET POR CE S'AMIE LA CLAINME,
 QU'ELE AVOIT DE MORT GARANTI
 SON CONPAIGNON ET SON AMI;
 SI LI OFFRE MOLT SON SERVISE.
 *ET ELE LI CONTE ET DEVISE
 A CON GRANT POINNE ELE CONQUIST
 SA DAME, TANT QUE ELE PRIST
 MON SEIGNOR *YVAIN A MARI,
 ET COMANT ELE LE GARI
 DES MAINS A CEZ QUI LE QUEROIENT:
 ENTR'AX ERT, ET SI NEL VEOIENT.
 *MES SIRE *GAUVAINS MOLT SE RIT
 DE CE QU'ELE LI CONTE ET DIT:
 "*MA DAMEISELE, JE VOS DOING
 ET A MESTIER ET SANZ BESOING
 UN TEL CHEVALIER CON JE SUI;
 NE ME CHANGIEZ JA POR AUTRUI,
 SE AMANDER NE VOS CUIDIEZ;
 VOSTRES SUI ET VOS RESOIEZ
 D'ORE EN AVANT MA DAMEISELE.
 _ *VOSTRE MERCI, SIRE" FET ELE.
 *ENSI CIL DUI S'ANTR'ACOINTOIENT,
 LI UNS A L'AUTRE SE DONOIENT,
 QUE D'AUTRES I OT TEL NONANTE
 QUE AUCUNE I OT BELE, ET GENTE,
 ET NOBLE, ET COINTE, ET PREUZ, ET SAGE,
 GENTIX DAME, ET DE HAUT PARAGE;
 SI S'I PORRONT MOLT SOLACIER,
 ET D'ACOLER, ET DE BEISIER,
 ET DE PARLER, ET DE VEOIR,
 ET DE DELEZ ELES SEOIR,
 ITANT EN ORENT IL AU MAINS.
 *OR A FESTE MES SIRE *YVAINS
 DEL ROI, QUI AVOEC LI DEMORE;
 ET LA DAME TANT LES ENORE
 CHASCUN PAR SOI ET TOZ ANSANBLE,
 QUE TEL FOL I A CUI IL SANBLE
 QUE D'AMORS VEIGNENT LI ATRET
 ET LI SANBLANT QU'ELE LOR FET;
 ET CEZ PUET AN NICES CLAMER
 QUI CUIDENT QU'EL LES VOELLE AMER;
 QANT UNE DAME EST SI CORTOISE
 QU'A UN MALEU=REUS ADOISE
 QU'ELE LI FET JOIE ET ACOLE,
 FOS EST LIEZ DE BELE PAROLE,
 *A GRANT JOIE ONT LE TANS USE/
 TRESTOTE LA SEMAINNE ANTIERE:
 DEDUIT DE BOIS ET DE RIVIERE
 I OT MOLT QUI LE VOST AVOIR;
 ET QUI VOST LA TERRE VEOIR
 QUE MES SIRE *YVAINS OT CONQUISE
 EN LA DAME QUE IL OT PRISE,
 SI SE REPOT ALER ESBATRE
 OU SIX LIUES, OU CINC, OU QUATRE,
 PAR LES CHASTIAX DE LA ENTOR.
 *QANT LI ROIS OT FET SON SEJOR
 TANT QUE N'I VOST PLUS ARESTER,
 SI REFIST SON OIRRE APRESTER;
 MES IL AVOIENT LA SEMAINNE
 TRESTUIT PROIE/ ET MISE PAINNE
 AU PLUS QU'IL S'AN PORENT PENER
 QUE IL EN POI=SSENT MENER
 MON SEIGNOR *YVAIN AVOEC AX.
 "*COMANT! SEROIZ VOS OR DE C&AX,
 CE DISOIT MES SIRE *GAUVAINS,
 QUI POR LEUR FAMES VALENT MAINS?
 *HONIZ SOIT DE SAINTE *MARIE
 QUI POR ANPIRIER SE MARIE!
 *AMANDER DOIT DE BELE DAME
 QUI L'A A AMIE OU A FAME,
 QUE N'EST PUIS DROIZ QUE ELE L'AINT
 QUE SES LOS ET SES PRIS REMAINT.
 *CERTES, ANCOR SEROIZ IRIEZ
 DE S'AMOR, SE VOS ANPIRIEZ;
 QUE FAME  A TOST S'ENOR REPRISE,
 NE N'A PAS TORT, S'ELE DESPISE
 CELUI QUI DEVIENT DE LI PIRE
 EL RE=AUME DOM IL EST SIRE.
 *OR PRIMES DOIT VOSTRE PRIS CROISTRE.
 *RONPEZ LE FRAIN ET LE CHEVOISTRE,
 S'IRONS TORNOIER MOI ET VOS,
 QUE L'EN NE VOS APIAUT JALOS.
 *OR NE DEVEZ VOS PAS SONGIER,
 MES LES TORNOIEMANZ ONGIER
 ET ANPANRE, ET TOT FORS GITER,
 QUE QUE IL VOS DOIE COSTER.
 *ASSEZ SONGE QUI NE SE MUET!
 *CERTES, VENIR VOS AN ESTUET
 QUE JA N'I AVRA AUTRE ESSOINE;
 GARDEZ QUE EN VOS NE REMOINGNE,
 BIAX CONPAINZ, NOSTRE CONPAIGNIE,
 QUE EN MOI NE FAURA ELE MIE,
 MERVOILLE EST COMANT EN A CURE,
 DE L'EISSE QUI TOZ JORZ LI DURE.
 *BIEN A DONC CIST OU DELAIER
 ET PLUS EST DOLZ A ESSAIER
 UNS PETIZ BIENS, QUANT IL DELAIE,
 C'UNS GRANZ, QUI TOT ADE/S L'ESSAIE.
 *JOIE D'AMORS QUI VIENT A TART
 SANBLE LA VERT BUSCHE QUI ART,
 QUI DEDANZ RANT PLUS GRANT CHALOR
 ET PLUS SE TIENT EN SA VALOR,
 QUANT PLUS DEMORE A ALUMER.
 QUI MOLT EST GREVEUSE A RETRERE;
 QUANT AN LE VIALT, NEL PUET AN FERE.
 *NE POR CE NE LE DI GE MIE,
 SE J'AVOIE SI BELE AMIE
 CON VOS AVEZ, BIAX DOLZ CONPAINZ,
 FOI QUE JE DOI *DEU ET TOZ SAINZ,
 MOLT A ENUIZ LA LEISSEROIE!
 *A ESCI=ANT, FOS AN SEROIE.
 *TEX DONE BOEN CONSOIL AUTRUI
 QUI NE SAVROIT CONSEILLIER LUI,
 AUSI CON LI PREESCHEOR
 QUI SONT DESLEAL LECHEOR,
 ENSEIGNENT ET DI=ENT LE BIEN
 DOM IL NE VUELENT FEIRE RIEN!"
 *MES SIRE *GAUVAINS TANT LI DIST
 CESTE CHOSE, ET TANT LI REQUIST
 QU'IL CREANTA QU'IL LE DIROIT
 A SA FAME, ET PUIS S'AN IROIT,
 S'IL AN PUET LE CONGIE/ AVOIR;
 OU FACE FOLIE OU SAVOIR,
 NE LEIRA QUE CONGIE/ NE PRAIGNE
 DE RETORNER AN LA *BRETAIGNE.
 *LA DAME EN A A CONSOIL TRETE
 QUI DE CE CONGIE/ NE SE GUETE,
 SI LI DIST: "*MA TRES CHIERE DAME,
 VOS QUI ESTES MES CUERS ET M'AME,
 MES BIENS, MA JOIE, ET MA SANTEZ,
 UNE CHOSE M'ACREANTEZ
 POR VOSTRE ENOR ET POR LA MOIE."
 *LA DAME TANTOST LI OTROIE,
 QU'EL NE SET QU'IL VIALT DEMANDER
 ET DIT: "*BIAX SIRE, COMANDER
 ME POEZ CE QUI BOEN VOS IERT."
 *CONGIE/ MAINTENANT LI REQUIERT
 MES SIRE *YVAINS, DE CONVOIER
 LE ROI, ET D'ALER TORNOIER,
 QUE L'AN NE L'APIALT RECREANT.
 *ET ELE DIT: "*JE VOS CREANT
 LE CONGIE/ JUSQU'A UN TERMINE.
 *MES L'AMORS DEVANRA HAI=NE,
 QUE J'AI EN VOS, TOZ AN SOIEZ
 SEU=RS, SE VOS TRESPASSI=EZ
 LE TERME QUE JE VOS DIRAI;
 SACHIEZ QUE JA N'EN MANTIRAI:
 SE VOS MANTEZ, JE DIRAI VOIR.
 *SE VOS VOLEZ M'AMOR AVOIR
 ET DE RIEN NULE M'AVEZ CHIERE,
 PANSEZ DE TOST VENIR ARRIERE
 A TOT LE MOINS JUSQU'A UN AN
 HUIT JORZ APRE/S LA *SAINT *JOHAN
 C'UI AN CEST JOR SONT LES HUITAVES.
 *DE M'AMOR SOIEZ MAZ ET HAVES,
 SE VOS N'IESTES JUSQU'A CE JOR
 CEANZ AVOEC MOI AU RETOR."
 *MES SIRE *YVAINS PLEURE ET SOPIRE
 SI FORT QU'A POINNES LE POT DIRE:
 "*DAME, CIST TERMES EST MOLT LONS.
 *SE JE POI=SSE ESTRE COLONS
 MOLT SOVANT AVOEC VOS SEROIE.
 *ET JE PRI *DEU QUE, S'IL LI PLEST,
 JA TANT DEMORER NE ME LEST.
 *MES TEX CUIDE TOST REVENIR
 QUI NE SET QU'EST A AVENIR.
 *ET JE NE SAI QUE M'AVENRA,
 *SE ESSOINES ME DETANRA
 DE MALAGE NE DE PRISON;
 S'AVEZ DE TANT FET MESPRISON
 QUANT VOS N'EN AVEZ MIS DEFORS
 AU MOINS L'ESSOINE DE MON CORS.
 _ *SIRE, FET ELE, ET JE LI MET;
 ET NE POR QUANT BIEN VOS PROMET
 QUE, SE *DEX DE MORT VOS DESFANT,
 NUS ESSOINES NE VOS ATANT
 TANT CON VOS SOVANRA DE MOI.
 *MES OR METROIZ AN VOSTRE DOI
 CEST MIEN ANEL, QUE JE VOS PREST;
 ET DE LA PIERRE QUEX ELE EST
 VOS VOEL DIRE TOT EN APERT:
 PRISON NE TIENT NE SANC NE PERT
 NUS AMANZ VERAIS ET LEAX,
 NE AVENIR NE LI PUET MAX;
 MES QUI LE PORTE, ET CHIER LE TIENT
 DE S'AMIE LI RESOVIENT,
 ET SI DEVIENT PLUS DURS QUE FERS;
 CIL VOS IERT ESCUZ ET HAUBERS
 ET VOIR EINZ MES A CHEVALIER
 NE LE VOS PRESTER NE BAILLIER,
 MES POR AMORS LE VOS DOING GIE/."
 *OR A MES SIRE *YVAINS CONGIE/:
 MOLT OUT PLORE/ AU CONGIE/ PRENDRE.
 *ET LI ROIS NE VOST PLUS ATENDRE
 POR RIEN QU'AN DIRE LI SEU=ST,
 EINZ LI TARDOIT QUE L'EN EU=ST
 TOZ LOR PALEFROIZ AMENEZ,
 APAREILLIEZ ET ANFRENEZ.
 *DES QU'IL LE VOST, IL FU TOST FET;
 LI PALEFROI LOR SONT FORS TRET,
 SI N'I A MES QUE DEL MONTER.
 *NE SAI QUE PLUS DOIE CONTER,
 COMANT MES SIRE *YVAINS S'EN PART,
 NE DES BEISIERS QU'AN LI DEPART,
 QUI FURENT DE LERMES SEME/
 ET DE DOLC&OR ANBAUSSEME/.
 *ET DEL ROI QUE VOS CONTEROIE,
 COMANT LA DAME LE CONVOIE
 ET SES PUCELES AVOEC LI
 ET TUIT LI CHEVALIER AUSI?
 *TROP I FEROIE DE DEMORE.
 *LA DAME, POR CE QU'ELE PLORE,
 PRIE LI ROIS DE REMENOIR
 ET DE RALER A SON MENOIR;
 TANT LI PRIE QU'A MOLT GRANT POINNE
 S'AN RETORNE, ET SES GENZ AN MOINNE.
 *MES SIRE *YVAINS MOLT A ENVIZ
 EST DE S'AMIE DEPARTIZ,
 ENSI QUE LI CUERS NE SE MUET.
 *LI ROIS LE CORS MENER AN PUET
 CAR SI SE TIENT ET SI SE JOINT
 AU CUER CELI QUI SE REMAINT
 QU'IL N'A POOIR QUE IL L'EN MAINT;
 DES QUE LI CORS EST SANZ LE CUER
 DON NE PUET IL ESTRE A NUL FUER;
 ET SE LI CORS SANZ LE CUER VIT
 TEL MERVOILLE NUS HOM NE VIT.
 *CESTE MERVOILLE EST AVENUE
 QUE IL A L'AME RETENUE
 SANZ LE CUER, QUI ESTRE I SOLOIT,
 QUE PLUS SIUDRE NE LE VOLOIT.
 *LI CUERS A BOENE REMENANCE
 ET LI CORS VIT EN ESPERANCE
 DE RETORNER AU CUER ARRIERE;
 S'A FET CUER D'ESTRENGE MENIERE
 DE S'ESPERANCE QUI SE VANT,
 TRAI=TE, ET FAUSE DE COVANT.
 *JA, CE CUIT, L'ORE NE SAVRA
 QU'ESPERANCE TRAI= L'AVRA;
 CAR S'IL UN TOT SEUL JOR TRESPASSE
 DEL TERME QU'IL ONT MIS A MASSE,
 MOLT A ENVIZ TROVERA MES
 EN SA DAME TRIVES NE PES.
 *ET JE CUIT QU'IL LE PASSERA,
 QUE DEPARTIR NE LE LEIRA
 MES SIRE *GAUVAINS D'AVOEC LUI.
 *AUS TORNOIEMANZ VONT ANDUI
 PAR TOZ LES LEUS OU L'EN TORNOIE;
 ET LI ANZ PASSE TOTE VOIE,
 SEL FIST TOT L'AN MES SIRE *YVAINS
 SI BIEN QUE MES SIRE *GAUVAINS
 SE PENOIT DE LUI ENORER,
 ET SI LE FIST TANT DEMORER
 QUE TOZ LI ANZ FU TRESPASSEZ
 ET DE TOT L'AUTRE ENCOR ASSEZ,
 TANT QUE A LA MI AOST VINT
 QUE LI ROIS CORT ET FESTE TINT.
 *ET FURENT LA VOILLE DEVANT
 REVENU DEL TORNOIEMANT
 OU MES SIRE *YVAINS OT ESTE/;
 S'AN ONT TOT LE PRIS APORTE/,
 CE DIT LI CONTES, CE ME SANBLE;
 ET LI DUI CHEVALIER ANSANBLE
 NE VOSTRENT EN VILE DESCENDRE,
 EINZ FIRENT LOR PAVEILLON TENDRE
 FORS DE LA VILE ET CORT I TINDRENT
 C'ONQUES A CORT DE ROI NE VINDRENT,
 EINC&OIS VINT LI ROIS A LA LOR,
 CAR AVOEC AX SONT LI MEILLOR
 DES CHEVALIERS, ET TOZ LI PLUS.
 *ENTR'AX SEOIT LI ROIS *ARTUS,
 QUANT *YVAINS TANT ENCOMANC&A
 A PANSER, QUE DES LORS EN C&A
 QUE A SA DAME OT CONGIE/ PRIS,
 NE FU TANT DE PANSER SORPRIS
 CON DE CELUI, CAR BIEN SAVOIT
 QUE COVANT MANTI LI AVOIT
 ET TRESPASSEZ ESTOIT LI TERMES.
 *A GRANT POINNE TENOIT SES LERMES,
 TANT PANSA QU'IL VIRENT VENIR
 UNE DAMEISELE A DROITURE;
 ET VINT MOLT TRES GRANT ALEU=RE
 SOR UN NOIR PALEFROI BAUCENT;
 DEVANT LOR PAVEILLON DESCENT
 QUE NUS NE FU A SON DESCENDRE,
 NE NUS N'ALA SON CHEVAL PRENDRE.
 *ET LORS QUE ELE POT VEOIR
 LE ROI, SI LEISSA JUS CHEOIR
 SON MANTEL, ET DESAFUBLEE
 S'EN EST EL PAVEILLON ANTREE
 ET TRES DEVANT LE ROI VENUE;
 SI DIST QUE SA DAME SALUE
 LE ROI ET MON SEIGNOR *GAUVAIN
 ET TOZ LES AUTRES, FORS *YVAIN,
 LE MANC&ONGIER, LE GUILEOR,
 LE DESLEAL, LE TRICHEOR,
 QU'IL L'A GUILEE ET DECEU=E;
 BIEN A SA GUILE APARCEU=E
 QU'IL SE FEISOIT VERAIS AMERRES,
 S'ESTOIT FOS, SOUDUIANZ ET LERRES;
 SA DAME A CIL LERRES SOUDUITE
 QUI N'ESTOIT DE NUS MAX ESTRUITE
 NE NE CUIDOIT PAS, A NUL FUER,
 QU'IL LI DEU=ST ANBLER SON CUER;
 CIL N'ANBLENT PAS LES CUERS QUI AINMENT,
 SI A TEX QUI LARRONS LES CLAIMENT
 QUI EN AMER SONT NON VEANT
 ET SI N'AN SEVENT NES NEANT.
 *LI AMIS PRANT LE CUER S'AMIE
 ENSI QU'IL NE LI ANBLE MIE,
 EINZ LE GARDE, ET CIL QUI LES ANBLENT,
 LI LARRON QUI PRODOME SANBLENT,
 ICIL SONT LARRON IPOCRITE
 ET TRAI=TOR, QUI METENT LITE
 EN CUERS ANBLER DON AX NE CHAUT;
 MES LI AMIS QUEL PART QU'IL AUT
 LE TIENT CHIER, ET SI LE RAPORTE.
 *MES SIRE *YVAINS LA DAME A MORTE
 QU'ELE CUIDOIT QU'IL LI GARDAST
 SON CUER, ET SI LI RAPORTAST,
 EINC&OIS QUE FUST PASSEZ LI ANZ.
 *YVAIN, MOLT FUS OR OBLIANZ
 QUANT IL NE T'AN POT SOVENIR
 QUE TU DEVOIES REVENIR
 A MA DAME JUSQU'A UN AN;
 JUSQU'A LA FESTE SAINT *JEHAN
 TE DONA ELE DE RESPIT;
 ET TU L'EU=S AN TEL DESPIT
 C'ONQUES PUIS NE T'AN REMANBRA.
 *MA DAME EN SA CHANBRE POINZ A
 TRESTOZ LES JORZ ET TOZ LES TANS,
 CAR QUI AINME, IL EST EN ESPANS,
 MES TOTE NUIT CONTE ET ASOME,
 N'ONQUES NE PUET PANRE BOEN SOME,
 LES JORZ QUI VIENENT ET QUI VONT.
 *ENSI LI LEAL AMANT FONT
 CONTRE LE TANS ET LA SEISON.
 SA CONPLAINTE NE DEVANT JOR,
 SI NE DI GE RIEN POR CLAMOR,
 MES TANT DIT QUE TRAI=Z NOS A
 QUI A MA DAME TRESPASSA.
 *YVAIN, N'A MES CURE DE TOI
 MA DAME, AINZ TE MANDE PAR MOI
 QUE JA MES VERS LI NE REVEIGNES
 NE SON ANEL PLUS NE RETEIGNES.
 *PAR MOI QUE CI AN PRESANT VOIZ
 TE MANDE QUE TU LI ENVOIZ:
 RANT LI, QU'A RANDRE LE T'ESTUET."
 *YVAINS RESPONDRE NE LI PUET,
 QUE SANS ET PAROLE LI FAUT;
 ET LA DAMEISELE AVANT SAUT,
 SI LI OSTE L'ANEL DEL DOI;
 PUIS SI COMANDE A *DEU LE ROI
 ET TOZ LES AUTRES, FORS CELUI
 CUI ELE LEISSE AN GRANT ENUI.
 *ET SES ENUIZ TOT ADE/S CROIST
 QUE QUAN QUE IL VIT LI ANGROIST
 ET QUAN QUE IL OT LI ENUIE;
 MIS SE VOLDROIT ESTRE A LA FUIE
 TOZ SEUS EN SI SALVAGE TERRE
 QUE L'EN NE LE SEU=ST OU QUERRE,
 NE NUS HOM NE FAME NE FUST
 QUI DE LUI NOVELES SEU=ST
 NE PLUS QUE S'IL FUST EN ABISME.
 *NE HET TANT RIEN CON LUI MEI=SME,
 NE NE SET A CUI SE CONFORT
 DE LUI QUI SOI MEI=SME A MORT.
 *MES AINZ VOLDROIT LE SAN CHANGIER
 QUE IL NE SE POI=ST VENGIER
 DE LUI QUI JOIE S'A TOLUE.
 *D'ANTRE LES BARONS SE REMUE
 QU'IL CRIENT ENTR'AX ISSIR DEL SAN,
 ET DE CE NE SE GARDOIT L'AN,
 SI L'AN LEISSIERENT SEUL ALER:
 BIEN SEVENT QUE DE LOR PARLER
 NE DE LOR SIEGLE N'A IL SOING.
 *ET IL VA TANT QUE IL FU LOING
 DE TANTES ET DES PAVEILLONS.
 *LORS SE LI MONTE UNS TORBEILLONS
 EL CHIEF, SI GRANT QUE IL FORSANE;
 SI SE DESSIRE ET SE DEPANE
 ET FUIT PAR CHANS ET PAR AREES,
 ET LESSA SES GENZ ESGAREES
 QUI SE MERVOILLENT OU PUET ESTRE:
 QUERANT LE VONT DESTRE ET SENESTRE
 PAR LES OSTEX AS CHEVALIERS,
 ET PAR HAIES ET PAR VERGIERS;
 SEL QUIERENT LA OU IL N'EST PAS.
 *ET IL S'AN VET PLUS QUE LE PAS
 TANT QU'IL TROVA DELEZ UN PARC
 UN GARC&ON QUI TENOIT UN ARC
 ET CINQ SAIETES BARBELEES
 QUI MOLT ERENT TRANCHANZ ET LEES.
 *YVAINS S'EN VA JUSQU'AU GARC&ON
 CUI IL VOLOIT TOLIR L'ARC&ON
 POR QANT MES NE LI SOVENOIT
 DE RIEN QUE ONQUES EU=ST FEITE.
 *LES BESTES PAR LE BOIS AGUEITE,
 SI LES OCIT; ET SE MANJUE
 LA VENISON TRESTOTE CRUE.
 *ET TANT CONVERSA EL BOSCHAGE
 COM HOM FORSENEZ ET SALVAGE,
 C'UNE MEISON A UN HERMITE
 TROVA, MOLT BASSE ET MOLT PETITE;
 ET LI HERMITES ESSARTOIT.
 *QUANT VIT CELUI QUI NUZ ESTOIT
 BIEN POT SAVOIR, SANZ NUL REDOT,
 QU'IL N'ERT MIE AN SON SAN DEL TOT;
 ET SI FIST IL, TRES BIEN LE SOT,
 DE LA PEOR QUE IL EN OT,
 SE FERI AN SA MEISONETE;
 DE SON PAIN ET DE SA PORRETE
 PAR CHARITE/ PRIST LI BOENS HOM,
 SI LI MIST FORS DE SA MEISON
 DESOR UNE FENESTRE ESTROITE;
 ET CIL VIENT LA QUI MOLT COVOITE:
 LE PAIN SEL PRANT ET SI I MORT;
 NE CUIT QUE ONQUES DE SI FORT
 NE DE SI ASPRE EU=ST GOSTE/
 N'AVOIT MIE .XX. SOLZ COSTE/
 LI SETIERS DON FU FEZ LI PAINS,
 QU'A TOZ MANGIERS EST FORCE FAINS
 DESATRANPREE ET DESCONFITE;
 TOT MENJA LE PAIN A L'ERMITE
 MES SIRE *YVAINS, QUE BOEN LI SOT;
 DE L'EVE FROIDE BUT AU POT.
 *QUANT MANGIE/ OT, SI SE REFIERT
 EL BOIS, ET CERS ET BICHES QUIERT;
 ET LI BOENS HOEM DESOZ SON TOIT
 PRIE *DEU, QUANT ALER L'EN VOIT,
 QU'IL LE DESFANDE ET QU'IL LE GART
 QUE MES NE VAINGNE CELE PART.
 *MES N'EST NUS, TANT PO DE SAN AIT,
 QUI EL LEU OU L'EN BIEN LI FAIT
 NE REVAIGNE MOLT VOLENTIERS.
 *PUIS NE PASSA HUIT JORZ ANTIERS
 TANT COM IL FU AN CELE RAGE
 QUE AUCUNE BESTE SALVAGE
 NE LI APORTAST A SON HUIS.
 *ICESTE VIE MENA PUIS,
 ET LI BOENS HOM S'ANTREMETOIT
 DE LUI COLCHIER, ET SI METOIT
 ASEZ DE LA VENISON CUIRE;
 ET LI PEINS, ET L'EVE, ET LA BUIRE
 ESTOIT TOZ JORZ A LA FENESTRE
 POR L'OME FORSENE/ REPESTRE;
 S'AVOIT A MANGIER ET A BOIVRE
 VENISON SANZ SEL ET SANZ POIVRE
 ET AIGUE FROIDE DE FONTAINNE.
 *ET LI BOENS HOEM ESTOIT AN PAINNE
 DE CUIR VANDRE ET D'ACHETER PAIN
 D'ORGE, ET DE SOIGLE SANZ LEVAIN;
 S'OT PUIS TOTE SA LIVREISON
 QU'IL LI DONA TANT LONGUEMANT
 C'UN JOR LE TROVERENT DORMANT
 EN LA FOREST DEUS DAMEISELES
 ET UNE LOR DAME AVOEC ELES
 DE CUI MESNIEE ELES ESTOIENT.
 *VERS L'OME NU QUE ELES VOIENT
 CORT ET DESCENT UNE DES TROIS;
 MES MOLT LE REGARDA EINC&OIS
 QUE RIEN NULE SOR LUI VEI=ST
 QUI RECONUISTRE LI FEI=ST;
 SI L'AVOIT ELE TANT VEU=
 QUE TOST L'EU=ST RECONEU=
 SE IL FUST DE SI RICHE ATOR
 COM IL AVOIT ESTE/ MAINT JOR.
 *AU RECONOISTRE MOLT TARDA
 ET TOTE VOIE L'ESGARDA
 TANT QU'AN LA FIN LI FU A VIS
 D'UNE PLAIE QU'IL OT EL VIS;
 C'UNE TEL PLAIE EL VIS AVOIT
 MES SIRE *YVAINS, BIEN LE SAVOIT,
 QU'ELE L'AVOIT ASSEZ VEU=.
 *POR LA PLAIE L'A CONEU=,
 QUE CE EST IL, DE RIEN N'EN DOTE;
 MES DE CE SE MERVOILLE TOTE,
 COMANT CE LI EST AVENU,
 QUE SI L'A TROVE/ POVRE ET NU.
 *MOLT S'AN SEIGNE, ET SI S'AN MERVOILLE;
 CELE NE LE BOTE, N'ESVOILLE,
 EINZ PRANT LE CHEVAL, SI REMONTE
 ET VIENT AS AUTRES, SI LOR CONTE
 S'AVENTURE TOT AN PLORANT.
 *NE SAI QU'ALASSE DEMORANT
 A CONTER LE DUEL QU'ELE AN FIST,
 MES PLORANT A SA DAME DIST:
 "*DAME, JE AI *YVAIN TROVE/,
 LE CHEVALIER MIALZ ESPROVE/
 DEL MONDE, ET LE MIALZ ANTECHIE/;
 MES JE NE SAI PAR QUEL PECHIE/
 EST AU FRANC HOME MESCHEU=;
 ESPOIR, AUCUN DUEL A EU=
 QUI LE FET ENSI DEMENER;
 AN PUET BIEN DE DUEL FORSENER,
 ET SAVOIR ET VEOIR PUET L'AN
 QU'IL N'EST MIE BIEN AN SON SAN,
 QUE JA VOIR NE LI AVENIST
 QUE SI VILMANT SE CONTENIST
 SE IL LE SAN N'EU=ST PERDU.
 *CAR LI EU=ST OR *DEX RANDU
 LE SAN, AU MIALZ QUE IL OT ONQUES,
 ET PUIS SI LI PLEU=ST ADONQUES
 QU'IL REMASSIST EN VOSTRE AI=E.
 *CAR TROP VOS A MAL ENVAI=E
 LI CUENS *ALIERS QUI VOS GUERROIE.
 *LA GUERRE DE VOS DEUS VERROIE
 A VOSTRE GRANT ENOR FINEE,
 SE *DEX SI BOENE DESTINEE
 LI DONOIT, QU'IL SE REMEI=ST
 EN SON SAN, ET S'ANTREMEI=ST
 DE VOS EIDIER A CEST BESOING."
 *LA DAME DIST: "*OR N'AIEZ SOING,
 A L'AI=DE DE *DEU, CE CUIT,
 LI OSTERONS NOS DE LA TESTE
 TOTE LA RAGE ET LA TEMPESTE.
 *MES TOST ALER NOS AN COVIENT,
 CAR D'UN OIGNEMANT ME SOVIENT
 QUE ME DONA *MORGUE LA SAGE;
 ET SI ME DIST QUE SI GRANT RAGE
 N'EST AN TESTE, QU'IL NE L'EN OST."
 *VERS LE CHASTEL S'AN VONT MOLT TOST
 QU'IL ERT SI PRE/S QU'IL N'I OT PAS
 PLUS DE DEMIE LIUE UN PAS,
 DES LIUES QUI EL PAI=S SONT,
 CAR A MESURE DES NOZ SONT
 LES DEUS UNE, LES QUATRE DEUS.
 *ET CIL REMAINT DORMANT TOZ SEUS;
 ET CELE ALA L'OIGNEMANT QUERRE.
 *LA DAME UN SUEN ESCRIN DESSERRE,
 S'AN TRET LA BOISTE, ET SI LA CHARGE
 A LA DAMEISELE, ET TROP LARGE
 LI PRIE QUE ELE N'EN SOIT,
 LES TEMPLES ET LE FRONT L'EN FROIT,
 QU'AILLORS POINT METRE N'EN BESOINGNE.
 *LES TEMPLES ET LE FRONT L'EN OINGNE,
 ET LE REMENANT BIEN LI GART,
 QU'IL N'A POINT DE MAL AUTRE PART
 FORS QUE SEULEMANT EL CERVEL.
 *ROBE VEIRE, COTE ET MANTEL,
 A FET PORTER, DE SOIE AN GREINNE.
 *CELE LI PORTE ET SI LI MEINNE
 AN DESTRE UN PALEFROI MOLT BUEN,
 ET AVOEC CE I MET DEL SUEN
 CHEMISE ET BRAIES DELIEES,
 ET CHAUCES NOIRES, ET DOUGIEES.
 *A TOT CE, SI TRES TOST S'AN VA,
 QU'ANCOR DORMANT CELUI TROVA
 LA OU ELE L'AVOIT LEISSIE/.
 *SES CHEVAX MET EN UN PLEISSIE/
 SES ATACHE ET LIE MOLT FORT,
 ET PUIS VIENT LA OU CIL SE DORT,
 A TOT LA ROBE ET L'OINGNEMANT,
 ET FET UN MOLT GRANT HARDEMANT
 QUE DEL FORSENE/ TANT S'APROCHE
 QU'ELE LE MENOIE ET ATOCHE;
 ET PRANT L'OIGNEMANT, SI L'EN OINT
 TANT COM EN LA BOISTE AN OT POINT,
 ET TANT SA GARISON COVOITE
 QUE DE L'OINDRE PAR TOT ESPLOITE;
 SI LE MET TRESTOT AN DESPANSE
 QUE NE LI CHAUT DE LA DESFANSE
 SA DAME, NE NE L'EN SOVIENT.
 *PLUS EN I MET QU'IL NE COVIENT,
 MOLT BIEN, CE LI EST VIS, L'ENPLOIE:
 LES TEMPLES ET LE FRONT L'EN FROIE
 TRESTOT LE CORS JUS QU'AN L'ARTUEL.
 *TANT LI FROIA AU CHAUT SOLOIL
 LES TEMPLES ET TRESTOT LE CORS
 LA RAGE ET LA MELENCOLIE;
 MES DEL CORS FIST ELE FOLIE
 QU'IL NE LI ESTOIT NUS MESTIERS.
 *S'IL EN I EU=ST CINC SETIERS,
 S'EU=ST ELE AUTEL FET, CE CUIT.
 *LA BOISTE AN PORTE, SI S'AN FUIT,
 SI S'EST VERS SES CHEVAX REPOSTE,
 MES LA ROBE MIE N'EN OSTE
 POR CE QUE, SE CIL SE RAVOIE,
 VIALT QU'APAREILLIEE LA VOIE,
 ET QU'IL LA PREIGNE, SI S'AN VESTE.
 *DERRIERS UN GRANT CHASNE S'ARESTE
 TANT QUE CIL OT DORMI ASSEZ,
 QUI FU GARIZ ET RESPASSEZ,
 ET ROT SON SAN ET SON MIMOIRE.
 *MES NUZ SE VOIT COM UN YVOIRE;
 S'A GRANT HONTE; ET PLUS GRANT EU=ST
 SE IL S'AVENTURE SEU=ST;
 MES NE SOT POR COI NUZ SE TRUEVE.
 *DEVANT LUI VOIT LA ROBE NUEVE;
 SI SE MERVOILLE A DESMESURE
 COMANT, ET PAR QUEL AVENTURE,
 CELE ROBE ESTOIT LA VENUE;
 ET DE SA CHAR QUE IL VOIT NUE
 EST TRESPANSEZ ET ESBAI=Z
 ET DIT QUE MORZ EST ET TRAI=Z,
 S'EINSI L'A TROVE/ NE VEU=
 RIENS NULE QUI L'AIT CONEU=.
 *ET TOTE VOIE SI SE VEST,
 ET REGARDE VERS LA FOREST
 S'IL VERROIT NUL HOME VENIR.
 *LEVER SE CUIDE ET SOSTENIR,
 MES NE PUET TANT QU'ALER S'AN PUISSE.
 *MESTIERS LI EST QU'AI=DE TRUISSE
 QUI LI AI=ST ET QUI L'EN MAINT;
 QUE SI L'A SES GRANZ MAX ATAINT
 QU'A POINNES PUET SOR PIEZ ESTER.
 *OR NE VIALT MES PLUS ARESTER
 LA DAMEISELE, AINZ EST MONTEE,
 ET PAR DELEZ LUI EST PASSEE,
 SI CON S'ELE NE L'I SEU=ST.
 *ET CIL, QUI GRANT MESTIER EU=ST
 D'AI=DE, NE LI CHAUSIST QUEL,
 QUI L'EN MENAST JUSQU'A OSTEL
 TANT QU'IL FUST AUQUES EN SA FORCE,
 DE LI APELER MOLT S'ESFORCE.
 *ET LA DAMEISELE AUTRESI
 VET REGARDANT ENVIRON LI
 CON S'ELE NE SACHE QU'IL A.
 *ESBAI=E, VET C&A ET LA
 QUE DROIT VERS LUI NE VIALT ALER.
 *ET CIL COMANCE A RAPELER:
 "*DAMEISELE, DE C&A, DE C&A!"
 *ET LA DAMEISELE ADREC&A
 VERS LUI SON PALEFROI ANBLANT.
 *CUIDIER LI FIST PAR CE SANBLANT
 QU'ELE DE LUI RIEN NE SEU=ST,
 N'ONQUES LA VEU= NE L'EU=ST,
 QUANT DEVANT LUI VINT, SI LI DIST:
 "*SIRE CHEVALIERS, QUE VOLEZ
 QUI A TEL BESOING M'APELEZ?
 _ *HA! FET IL, DAMEISELE SAGE,
 TROVEZ ME SUI AN CEST BOSCHAGE,
 JE NE SAI PAR QUEL MESCHEANCE.
 *POR *DEU ET POR VOSTRE CREANCE
 VOS PRI QUE AN TOZ GUERREDONS
 ME PRESTEZ OU DONEZ AN DONS
 CE PALEFROI QUE VOS MENEZ.
 _ *VOLENTIERS, SIRE, MES VENEZ
 AVOEC MOI, LA OU GE M'AN VOIS.
 _ *QUEL PART, FET IL? _ *FORS DE CEST BOIS,
 JUSQU'A UN CHASTEL CI SELONC.
 _ *DAMEISELE, OR ME DITES DONC
 SE VOS AVEZ BESOING DE MOI?
 _ *OI=L, FET ELE, MES JE CROI
 QUE VOS N'IESTES MIE BIEN SAINS;
 JUSQU'A QUINZAINNE, A TOT LE MAINS,
 VOS COVENDROIT A SEJOR ESTRE;
 LE CHEVAL QUE JE MAING AN DESTRE
 PRENEZ, S'IRONS JUSQU'A OSTEL."
 *ET CIL QUI NE DEMANDOIT EL
 LE PRANT ET MONTE, SI S'AN VONT
 TANT QU'IL VINDRENT DESOR .I. PONT
 DON L'EVE ESTOIT ROIDE ET BRUIANZ.
 *ET LA DAMEISELE GIETE ANZ
 LA BOISTE, QU'ELE PORTOIT VUIDE,
 QU'AINSI VERS SA DAME SE CUIDE
 DE SON OIGNEMANT ESCUSER,
 QU'ELE DIRA QUE AU PASSER
 DEL PONT, ENSI LI MESCHEI=
 QUE LA BOISTE AN L'EVE CHEI=:
 POR CE QUE DE SOZ LI C&OPA
 SES PALEFROIZ, LI ESCAPA
 DEL POING LA BOISTE, ET A BIEN PRES
 QUE ELE NE SAILLI APRE/S,
 MES ADONC FUST LA PERTE GRAINDRE.
 *CESTE MANC&ONGE VOLDRA FAINDRE,
 QANT DEVANT SA DAME IERT VENUE.
 *LOR VOIE ONT ANSANBLE TENUE
 TANT QUE AU CHASTEL SONT VENU;
 SI A LA DAME RETENU
 MON SEIGNOR *YVAIN LIEEMANT;
 ET SA BOISTE, ET SON OINGNEMANT,
 DEMANDA A SA DAMEISELE;
 MES CE FU SEUL A SEUL; ET CELE
 LI A LA MANC&ONGE RETREITE
 SI GRANT COM ELE L'AVOIT FEITE,
 QUE LE VOIR NE L'EN OSA DIRE;
 S'EN OT LA DAME MOLT GRANT IRE
 ET DIT: "*CI A MOLT LEIDE PERTE,
 QUE DE CE SUI JE TOTE CERTE
 QU'ELE N'IERT JA MES RECOVREE.
 *MES DES QUE LA CHOSE EST ALEE
 SI N'I A QUE DEL CONSIRRER.
 *TEL HORE CUIDE AN DESIRRER
 SON BIEN QU'AN DESIRRE SON MAL;
 DON CUIDAI BIEN ET JOIE AVOIR,
 SI AI PERDU DE MON AVOIR
 TOT LE MEILLOR ET LE PLUS CHIER.
 *NE POR QUANT BIEN VOS VUEL PRIER
 DE LUI SERVIR SOR TOTE RIEN.
 _ *HA! DAME, OR DITES VOS MOLT BIEN
 QUE CE SEROIT TROP VILEINS GEUS
 QUI FEROIT D'UN DOMAGE DEUS."
 *ATANT DE LA BOISTE SE TEISENT;
 ET MON SEIGNOR *YVAIN AEISENT
 DE QUAN QU'ELES PUEENT NE SEVENT:
 SEL BAIGNENT, ET SON CHIEF LI LEVENT,
 ET SEL FONT RERE ET REOIGNIER,
 QUE L'EN LI POI=ST ANPOIGNIER
 LA BARBE A PLAIN POING SOR LA FACE.
 *NE VIALT CHOSE QU'AN NE LI FACE;
 S'IL VIALT ARMES, ET AN LI DONE;
 S'IL VIALT CHEVAL, EN LI SEJORNE,
 GRANT ET BEL ET FORT ET HARDI.
 *TANT SEJORNA QU'A UN MARDI
 VINT AU CHASTEL LI CUENS *ALIERS
 A SERGENZ ET A CHEVALIERS,
 ET MISTRENT FEU ET PRISTRENT PROIES;
 ET CIL DEL CHASTEL, TOTE VOIES,
 MONTENT, ET D'ARMES SE GARNISSENT;
 ARME/ ET DESARME/ S'AN ISSENT
 TANT QUE LES COREORS ATEIGNENT
 QUI POR AX MOVOIR NE SE DEIGNENT,
 EINZ LES ATENDENT A UN PAS.
 *ET MES SIRE *YVAINS FIERT EL TAS,
 QUI TANT A ESTE/ SEJORNEZ
 QU'AN SA FORCE FU RETORNEZ;
 SI FERI DE SI GRANT VERTU
 UN CHEVALIER PAR MI L'ESCU
 QU'IL MIST EN UN MONT, CE ME SANBLE,
 CHEVAL ET CHEVALIER ANSANBLE:
 N'ONQUES PUIS CIL NE SE LEVA
 QU'EL VANTRE LI CUERS LI CREVA
 ET FU PAR MI L'ESCHINE FREZ.
 *UN PETIT S'EST ARRIERES TREZ
 MES SIRE *YVAINS, ET SI RECUEVRE;
 TRESTOZ DE SON ESCU SE CUEVRE
 ET CORT POR LE PAS DESCONBRER.
 *PLUS TOST NE POI=ST AN NONBRER
 AN PREU, ET DEUS, ET TROIS, ET QUATRE,
 QUE L'EN NE LI VEI=ST ABATRE
 QUATRE CHEVALIERS ARAUMANT
 PLUS TOST, ET PLUS DELIVREMANT.
 *ET CIL QUI AVOEC LUI ESTOIENT
 POR LUI GRANT HARDEMANT PRENOIENT;
 QUE TEX A POINNE OVRER ANTASCHE,
 QUANT IL VOIT C'UNS PRODON ALASCHE
 DEVANT LUI TOTE UNE BESOINGNE,
 QUE MAINTENANT HONTE ET VERGOINGNE
 LI CORT SUS, ET SI GIETE FORS
 LE POVRE CUER QU'IL A EL CORS,
 CUER DE PRODOME ET HARDEMANT.
 *ENSI SONT CIL DEVENU PREU,
 SI TIENT CHASCUNS MOLT BIEN SON LEU
 EN LA MESLEE ET AN L'ESTOR.
 *ET LA DAME FU EN LA TOR
 DE SON CHASTEL MONTEE AN HAUT
 ET VIT LA MESLEE ET L'ASAUT
 AU PAS DESRESNIER ET CONQUERRE,
 ET VIT ASSEZ GISANZ PAR TERRE
 DES AFOLEZ ET DES OCIS,
 DES SUENS ET DE SES ANEMIS,
 ET PLUS DES AUTRES QUE DES SUENS.
 *MES LI CORTOIS, LI PREUZ, LI BUENS,
 MES SIRE *YVAINS TRESTOT AUSI
 LES FEISOIT VENIR A MERCI
 CON FET LI FAUCONS LES CERCELES.
 *ET DISOIENT ET CIL ET CELES
 QUI EL CHASTEL REME/S ESTOIENT
 ET DES BATAILLES L'ESGARDOIENT:
 "*HAI=! *CON VAILLANT SOLDOIER,
 CON FET SES ANEMIS PLOIER!
 *CON ROIDEMANT IL LES REQUIERT!
 *TOT AUTRESI ANTR'AX SE FIERT
 CON LI LY=ONS ANTRE LES DAINS
 QUANT L'ENGOISSE ET CHACE LA FAINS.
 *ET TUIT NOSTRE AUTRE CHEVALIER
 AN SONT PLUS HARDI ET PLUS FIER
 QUE JA, SE PAR LUI SEUL NE FUST,
 LANCE BRISIEE N'I EU=ST,
 N'ESPEE TRAITE POR FERIR.
 *MOLT DOIT AN AMER ET CHERIR
 UN PRODOME QUANT EN LE TRUEVE.
 *VEEZ OR COMANT CIL SE PRUEVE,
 VEEZ COM IL SE TIENT EL RANC;
 OR VEEZ COM IL TAINT DE SANC
 ET SA LANCE ET S'ESPEE NUE;
 VEEZ COMANT IL LES REMUE;
 VEEZ COMANT IL LES ANTASSE,
 COM IL LOR VIENT, COM IL LOR PASSE,
 COM IL GANCHIST, COM IL RETORNE!
 *MES AU GANCHIR PETIT SEJORNE
 ET MOLT DEMORE AN SON RETOR;
 VEEZ QUANT IL VIENT AN L'ESTOR,
 COM IL A PO SON ESCU CHIER,
 COM IL LE LEISSE DETRANCHIER;
 N'EN A PITIE/ NE TANT NE QANT,
 MES DE CE SE VOIT MOLT EN GRANT
 DES COS VANGIER QUE L'EN LI DONE.
 *QUI DE TRESTOT LE BOIS D'*ARGONE
 LI AVROIT FET LANCES, CE CUIT,
 N'I AVROIT IL NULE ANQUENUIT
 QU'AN NE L'EN FET TANT METRE AN FAUTRE
 COM IL PEC&OIE DEVANT AUTRE.
 *ET VEEZ COMANT IL LE FET
 DE L'ESPEE, QUANT IL LA TRET!
 ONQUES NE FIST PAR *DURANDART
 *ROLANZ, DES *TURS, SI GRANT ESSART
 EN *RONCEVAX NE AN *ESPAIGNE.
 AUQUES DE SI FEZ CONPAIGNONS,
 LI FEL DE COI NOS NOS PLEIGNONS
 S'EN ALAST COME DESCONFIZ
 OU IL EN REMASSIST HONIZ."
 *ET DI=ENT QUE BUER SEROIT NEE
 CUI IL AVROIT S'AMOR DONEE,
 QUI SI EST AS ARMES PUISSANZ
 ET DE SOR TOZ RECONOISSANZ,
 SI CON CIERGES ANTRE CHANDOILES
 ET LA LUNE ANTRE LES ESTOILES,
 ET LI SOLAUZ DE SOR LA LUNE;
 ET DE CHASCUN ET DE CHASCUNE
 A SI LES CUERS QUE TUIT VOLDROIENT,
 POR LA PROESCE QU'AN LUI VOIENT,
 QUE IL EU=ST LOR DAME PRISE
 ET FUST LA TERRE AN SA JUSTISE.
 *ENSI TUIT ET TOTES PRISOIENT
 CELUI DON VERITE/ DISOIENT
 QUE CEZ DE LA A SI ATAINZ
 QUE IL S'AN FUIENT QUI AINZ AINZ;
 MES IL LES CHACE MOLT DE PRES
 ET TUIT SI CONPAIGNON APRE/S
 QUE LEZ LUI SONT AUSI SEU=R
 CON S'IL FUSSENT TUIT CLOS A MUR
 HAUT ET ESPE/S DE PIERRE DURE.
 *LA CHACE MOLT LONGUEMANT DURE
 TANT QUE CIL QUI FUIENT ESTANCHENT
 ET CIL QUI CHACENT LOR DETRANCHENT
 TOZ LOR CHEVAX ET ESBOELENT.
 *LES VIS DESOR LES MORZ ROELENT
 QUI S'ANTR'AFOLENT ET OCI=ENT,
 LEIDEMANT S'ANTRE CONTRALI=ENT.
 *ET LI CUENS TOT ADE/S S'AN FUIT
 MES MES SIRE *YVAINS PAS NE FUIT
 QUI DE LUI SIUDRE NE SE FAINT:
 TANT LE CHACE QUE IL L'ATAINT
 AU PIE/ D'UNE RUISTE MONTEE,
 ET CE FU MOLT PRES DE L'ANTREE
 D'UN FORT RECET QUI ESTOIT SUENS;
 IQUI FU  RETENUZ LI CUENS
 C'ONQUES RIENS NE LI POT EIDIER
 ET SANZ TROP LONGUEMANT PLEIDIER
 AN PRIST LA FOI MES SIRE *YVAINS,
 QUE, DES QUE IL LE TINT AS MAINS
 ET IL FURENT SEUL PER A PER
 N'I A NEANT DEL ESCHAPER,
 NE DEL GANCHIR, NE DEL DESFANDRE,
 EINZ LI PLEVIST QU'IL S'IROIT RANDRE
 A LA DAME DE *NORISON,
 SI SE METROIT AN SA PRISON
 ET FEROIT PEIS A SA DEVISE.
 *ET QUANT IL EN OT LA FOI PRISE,
 SI LI FIST SON CHIEF DESARMER
 ET L'ESCU JUS DEL COL OSTER,
 ET L'ESPEE LI RANDI NUE.
 *CESTE ENORS LI EST AVENUE
 QU'IL AN MAINNE LE CONTE PRIS,
 SI LE RANT A SES ANEMIS
 *MES AINZ FU LA NOVELE DITE
 AU CHASTEL, QUE IL I VENISSENT;
 ENCONTRE AX TUIT ET TOTES ISSENT,
 ET LA DAME DEVANT TOZ VIENT.
 *MES SIRE *YVAINS PAR LA MAIN TIENT
 LE PRISONIER, SI LI PRESANTE.
 *SA VOLANTE/ ET SON CREANTE
 FIST LORS LI CUENS OLTREEMANT,
 ET PAR FOI ET PAR SEIREMANT
 ET PAR PLOIGES L'EN FIST SEU=RE;
 PLOIGE LI DONE, ET SI LI JURE
 QUE TOZ JORZ MES PES LI TANRA
 ET QUE SES PERTES LI RANDRA
 QUAN QU'ELE AN MOSTERRA PAR PRUEVES,
 ET REFERA LES MEISONS NUEVES
 QUE IL AVOIT PAR TERRE MISES.
 *QANT CES CHOSES FURENT ASISES
 ENSI COM A LA DAME SIST,
 MES SIRE *YVAINS CONGIE/ AN QUIST
 QUE ELE NE LI DONAST MIE,
 SE IL A FAME, OU A AMIE,
 LA VOLSIST PANRE ET NOC&OIER;
 NEI=S SIUDRE NE CONVOIER
 NE S'I VOST IL LESSIER UN PAS,
 EINZ S'AN PARTI EN ES LE PAS
 C'ONQUES RIEN N'I VALUT PROIERE.
 *OR SE MIST A LA VOIE ARRIERE
 ET LEISSA MOLT LA DAME IRIEE
 QUE IL AVOIT MOLT FEITE LIEE.
 *ET CON PLUS LIEE L'AVOIT FEITE,
 PLUS LI POISE ET PLUS SE DESHEITE
 QUANT IL NE VIALT PLUS DEMORER,
 C'OR LE VOLSIST ELE ENORER,
 ET SEL FEI=ST, SE LUI PLEU=ST,
 SEIGNOR DE QUAN QUE ELE EU=ST,
 OU ELE LI EU=ST DONEES
 POR SON SERVISE GRANZ SOLDEES
 SI GRANZ COM IL LES VOLSIST PRENDRE.
 *MES IL N'EN VOST ONQUES ENTENDRE
 PAROLE D'OME NE DE FAME;
 DES CHEVALIERS ET DE LA DAME
 S'EST PARTIZ, MES QUE BIEN L'EN POIST
 QUE PLUS REMENOIR NE LI LOIST.
 *MES SIRE *YVAINS PANSIS CHEMINE
 PAR UNE PARFONDE GAUDINE
 TANT QU'IL OI= EN MI LE GAUT
 UN CRI MOLT DOLEREUS ET HAUT.
 *SI S'ADREC&A LORS VERS LE CRI
 CELE PART OU IL L'OT OI=,
 ET, QUANT IL PARVINT CELE PART,
 VIT UN LY=ON, EN UN ESSART,
 ET UN SERPANT QUI LE TENOIT
 PAR LA COE, ET SI LI ARDOIT
 TRESTOZ LES RAINS DE FLAME ARDANT.
 *N'ALA MIE MOLT REGARDANT
 MES SIRE *YVAINS CELE MERVOILLE;
 A LUI MEI=SMES SE CONSOILLE
 AUQUEL D'AUS DEUS IL AIDERA;
 LORS DIT QU'AU LY=ON SE TANRA,
 NE DOIT AN FEIRE SE MAL NON,
 ET LI SERPANZ EST VENIMEUS,
 SI LI SAUT PAR LA BOCHE FEUS,
 TANT EST DE FELENIE PLAINS.
 *POR CE PANSE MES SIRE *YVAINS
 QU'IL L'OCIRRA PREMIEREMANT;
 S'ESPEE TRET ET VINT AVANT
 ET MET L'ESCU DEVANT SA FACE,
 QUE LA FLAME MAL NE LI FACE
 QUE IL GITOIT PAR MI LA GOLE,
 QUI PLUS ESTOIT LEE D'UNE OLE.
 *SE LI LY=ONS APRE/S L'ASAUT,
 LA BATAILLE PAS NE LI FAUT,
 MES QUE QU'IL L'EN AVEINGNE APRE/S,
 EIDIER LI VOLDRA IL ADE/S,
 QUE PITIEZ LI SEMONT ET PRIE
 QU'IL FACE SECORS ET AI=E
 A LA BESTE GENTIL ET FRANCHE.
 *A S'ESPEE, QUI SOE=F TRANCHE,
 VA LE FELON SERPANT REQUERRE;
 SI LE TRANCHE JUSQU'ANZ EN TERRE
 ET LES DEUS MITIEZ RETRONC&ONE,
 FIERT ET REFIERT, ET TANT L'EN DONE
 QUE TOT LE DEMINCE ET DEPIECE.
 *MES IL LI COVIENT UNE PIECE
 TRANCHIER DE LA COE AU LI=ON
 POR LA TESTE AU SERPANT FELON
 QUI PAR LA COE LE TENOIT;
 TANT CON TRANCHIER AN COVENOIT
 EN TRANCHA, C'ONQUES MOINS NE POT.
 *QUANT LE LY=ON DELIVRE/ OT,
 SI CUIDA QU'IL LI COVENIST
 CONBATRE, ET QUE SUS LI VENIST;
 MES IL NE LE SE PANSA ONQUES.
 *OEZ QUE FIST LI LY=ONS DONQUES,
 CON FIST QUE PREUZ ET DEBONEIRE,
 COM IL LI COMANC&A A FEIRE
 SANBLANT QUE A LUI SE RANDOIT,
 QUE SES PIEZ JOINZ LI ESTANDOIT
 ET VERS TERRE ENCLINE SA CHIERE;
 SI S'ESTUT SOR SES PIEZ DERRIERE
 ET PUIS SI SE RAGENOILLOIT,
 ET TOTE SA FACE MOILLOIT
 DE LERMES, PAR HUMILITE/.
 *MES SIRE *YVAINS, POR VERITE/,
 SET QUE LI LY=ONS LE MERCIE
 ET QUE DEVANT LUI S'UMILIE
 POR LE SERPANT QUE IL A MORT
 ET LUI DELIVRE/ DE LA MORT;
 SI LI PLEST MOLT CESTE AVENTURE.
 *POR LE VENIN ET POR L'ORDURE
 DEL SERPANT, ESSUIE S'ESPEE,
 SI L'A EL FUERRE REBOTEE,
 PUIS SI SE REMET A LA VOIE.
 *ET LI LY=ONS LEZ LUI COSTOIE
 QUE JA MES NE S'AN PARTIRA,
 TOZ JORZ MES AVOEC LUI IRA
 QUE SERVIR ET GARDER LE VIALT.
 *DEVANT A LA VOIE S'AQUIALT
 SI COM IL EN ALOIT DEVANT
 BESTES SALVAGES EN PASTURE;
 SI LE SEMONT FEINS ET NATURE
 D'ALER AN PROIE ET DE CHACIER
 POR SA VITAILLE PORCHACIER;
 CE VIALT *NATURE QUE IL FACE;
 UN PETIT S'EST MIS EN LA TRACE
 TANT QU'A SON SEIGNOR A MOSTRE/
 QU'IL A SENTI ET ANCONTRE/
 VANT ET FLEIR DE SALVAGE BESTE.
 *LORS LE REGARDE ET SI S'ARESTE
 QUE IL LE VIALT SERVIR AN GRE/;
 CAR ENCONTRE SA VOLENTE/
 NE VOLOIT ALER NULE PART.
 *ET CIL PARC&OIT A SON ESGART
 QU'IL LI MOSTRE QUE IL L'ATANT.
 *BIEN L'APARC&OIT, ET BIEN L'ENTANT,
 QUE S'IL REMAINT, IL REMANRA,
 ET, SE IL LE SIUST, IL PANRA
 LA VENEISON QU'IL A SANTIE.
 *LORS LE SEMONT ET SI L'ESCRIE
 AUSI COM UN BRACHET FEI=ST;
 ET LI LY=ONS MAINTENANT MIST
 LE NES AU VANT QU'IL OT SANTI;
 NE NE LI OT DE RIEN MANTI,
 QU'IL N'OT PAS UNE ARCHIEE ALEE
 QUANT IL VIT EN UNE VALEE
 TOT SEUL PASTURER UN CHEVREL.
 *CELUI PANRA IL JA SON VUEL,
 SI FIST IL AU PREMIER ASAUT,
 ET SI AN BUT LE SANC TOT CHAUT.
 *QANT OCIS L'OT, SI LE GITA
 SOR SON DOS, ET SI L'EN PORTA
 TANT QUE DEVANT SON SEIGNOR VINT,
 ET PUIS AN GRANT CHIERTE/ LE TINT
 POR LA GRANT AMOR QU'AN LUI OT.
 *JA FU PRES DE NUIT, SE LI PLOT
 QU'ILUEQUES SE HERBERGEROIT
 ET LE CHEVREL ESCORCHEROIT
 TANT COM IL EN VOLDROIT MANGIER.
 *LORS LE COMANCE A ESCORCHIER;
 LE CUIR LI FANT DESUS LA COSTE,
 DE LA LONGE UN LARDE/ LI OSTE;
 ET TRET LE FEU D'UN CHAILLOT BIS,
 SI L'A DE BUSCHE SESCHE ESPRIS;
 PUIS MIST EN UNE BROCHE AN ROST
 SON LARDE/ CUIRE AU FEU MOLT TOST;
 SEL ROSTIST TANT QUE IL FU CUIZ,
 MES DEL MANGIER NE FU DEDUIZ
 QU'IL N'I OT PEIN NE VIN NE SEL,
 NE NAPE, NE COUTEL, NE EL;
 QUE QU'IL MANJA, DEVANT LUI JUT
 SES LY=ONS, C'ONQUES NE SE MUT;
 EINZ L'A TOT ADE/S REGARDE/
 TANT QU'IL OT DE SON GRAS LARDE/
 TANT MANGIE/ QUE IL N'EN VOST PLUS.
 *ET DEL CHEVREL LE SOREPLUS
 MANJA LI LY=ONS JUSQU'AS OS;
 TOTE LA NUIT SOR SON ESCU,
 A TEL REPOS COME CE FU;
 ET LI LY=ONS OT TANT DE SENS
 QU'IL VEILLA ET FU AN ESPENS
 DEL CHEVAL GARDER, QUI PESSOIT
 L'ERBE QUI PETIT L'ENGRESSOIT.
 *AU MAIN S'AN ALERENT ENSANBLE
 ET ITEL VIE, CE ME SANBLE,
 COM IL ORENT LA NUIT MENEE
 REMENERENT A LA VESPREE,
 ET PRES QUE TOTE UNE QUINZAINNE,
 TANT QU'AVENTURE A LA FONTAINNE
 DESOZ LE PIN, LES AMENA.
 *LAS! PAR PO NE REFORSENA
 MES SIRE *YVAINS, CELE FOIEE,
 QUANT LA FONTAINNE A APROCHIEE,
 ET LE PERRON, ET LA CHAPELE;
 MIL FOIZ LAS ET DOLANZ S'APELE,
 ET CHIET PASMEZ, TANT FU DOLANZ;
 ET S'ESPEE QUI ERT COLANZ
 CHIET DEL FUERRE, SI LI APOINTE
 ES MAILLES DEL HAUBERC LA POINTE
 ENPRE/S LE COL, PRES DE LA JOE;
 N'I A MAILLE QUI NE DESCLOE,
 ET L'ESPEE DEL COL LI TRANCHE
 LA PEL DESOZ LA MAILLE BLANCHE,
 SI QU'IL AN FIST LE SANC CHEOIR.
 *LI LY=ONS CUIDE MORT VEOIR
 SON CONPAIGNON ET SON SEIGNOR;
 EINZ DE RIEN N'OT IRE GRAIGNOR,
 QU'IL COMANC&A TEL DUEL A FERE,
 N'OI= TEL CONTER NE RETRERE,
 QU'IL SE DETUERT ET GRATE ET CRIE
 ET S'A TALANT QUE IL S'OCIE
 DE L'ESPEE, QU'IL LI EST VIS
 QUI AIT SON BOEN SEIGNOR OCIS.
 *A SES DANZ L'ESPEE LI OSTE
 ET SOR UN FUST GISANT L'ACOSTE
 ET DERRIERS A UN TRONC L'APUIE
 QU'IL A PEOR QU'EL NE S'AN FUIE
 QANT IL I HURTERA DEL PIZ.
 *JA FUST SES VOLOIRS ACONPLIZ
 QUANT CIL DE PASMEISONS REVINT;
 ET LI LY=ONS SON CORS RETINT
 QUI A LA MORT TOZ ESCORSEZ
 COROIT COME PORS FORSENEZ
 QUI NE PRANT GARDE OU IL SE FIERE.
 *MES SIRE *YVAINS EN TEL MENIERE
 DEVANT LE PERRON SE PASMA.
 *AU REVENIR MOLT SE BLASMA
 DE L'AN QUE TRESPASSE/ AVOIT
 POR COI SA DAME LE HAOIT,
 ET DIT: "*QUE FET QUANT NE SE TUE
 CIL LAS QUI JOIE S'EST TOLUE?
 *QUE FAIS JE, LAS, QUI NE M'OCI?
 *COMANT PUIS JE DEMORER CI
 ET VEOIR LES CHOSES MA DAME?
 *EN MON CORS POR COI REMAINT AME?
 *QUE FET AME AN SI DOLANT CORS?
 NE SEROIT PAS EN TEL MARTIRE.
 *HAI=R ET BLASMER ET DESPIRE
 ME DOI, VOIR, MOLT, ET JE SI FAZ.
 *QUI PERT SA JOIE ET SON SOLAZ
 PAR SON MESFET ET PAR SON TORT
 MOLT SE DOIT BIEN HAI=R DE MORT.
 *HAI=R ET OCIRRE SE DOIT;
 ET JE, TANT CON NUS NE ME VOIT,
 POR QUOI M'ESPARG QUE NE ME TU?
 *DONC N'AI JE CE LY=ON VEU=
 QUI POR MOI A SI GRANT DUEL FET
 QU'IL SE VOLT M'ESPEE ANTRESET
 PAR MI LE CORS EL PIZ BOTER?
 *ET JE DOI LA MORT REDOTER
 QUI AI MA JOIE A DUEL CHANGIEE?
 *DE MOI S'EST LEESCE ESTRANGIEE
 ET TUIT SOLAZ. *N'EN DIRAI PLUS;
 QUE CE NE PORROIT DIRE NUS,
 S'AI DEMANDEE GRANT OISEUSE.
 *DES JOIES FU LA PLUS JOIEUSE
 CELE QUI M'ERT ASEU=REE;
 MES MOLT OT PETITE DUREE.
 *ET QUI CE PERT PAR SON MESFET
 N'EST DROIZ QUE BOENE AVENTURE ET."
 *QUE QUE CIL ENSI SE DEMANTE,
 UNE CHEITIVE, UNE DOLANTE,
 ESTOIT EN LA CHAPELE ANCLOSE,
 QUI VIT ET OI= CESTE CHOSE
 PAR LE MUR QUI ESTOIT CREVEZ.
 *MAINTENANT QU'IL FU RELEVEZ
 DE PASMEISONS, SI L'APELA:
 "*DEX! FET ELE, QUE VOI GE LA?
 *QUI EST QUI SE DEMANTE SI?"
 *ET CIL LI RESPONT: "*ET VOS QUI?
 _ *JE SUI, FET ELE, UNE CHEITIVE
 LA PLUS DOLANTE RIENS QUI VIVE."
 *CIL LI RESPONT: "*TES, FOLE RIENS!
 *TEX DIAX EST JOIE! *TEX EST BIENS
 ENVERS LES MAX DON GE LENGUIS.
 *TANT CON LI HOM A PLUS APRIS
 A DELIT ET A JOIE VIVRE,
 PLUS LE DESVOIE ET PLUS L'ENIVRE
 DE QUAN QU'IL A QUE UN AUTRE HOME;
 LI FOIBLES HOM PORTE LA SOME
 PAR US ET PAR ACOSTUMANCE,
 C'UNS AUTRES DE PLUS GRANT PUISSANCE
 NE PORTEROIT POR NULE RIEN.
 _ *PAR FOI, FET ELE, JEL SAI BIEN
 QUE C'EST PAROLE TOTE VOIRE;
 MES POR CE NE FET MIE A CROIRE
 QUE VOS AIEZ PLUS MAL DE MOI,
 ET POR CE MIE NE LE CROI,
 QU'IL M'EST A VIS QUE VOS POEZ
 ALER QUEL PART QUE VOS VOLEZ,
 ET JE SUI CI ANPRISONEE;
 SI M'EST TEX FAESONS DONEE
 QUE DEMAIN SERAI CEANZ PRISE
 ET LIVREE A MORTEL JUI=SE.
 _ *SIRE CHEVALIERS, JA *DEX N'ET
 DE L'AME DE MON CORS MERCI
 SE JE L'AI MIE DESSERVI!
 *ET NE POR QUANT SI VOS DIRAI
 LE VOIR, QUE JA N'EN MANTIRAI.
 *POR CE CEANZ SUI AN PRISON
 QU'AN M'APELE DE TRAI=SON,
 NE JE NE TRUIS QUI M'AN DESFANDE
 QUE L'EN DEMAIN NE M'ARDE OU PANDE.
 _ *OR PRIMES, FET IL, PUIS JE DIRE
 QUE LI MIENS DIAX ET LA MOIE IRE
 A LA VOSTRE DOLOR PASSEE
 QU'ESTRE PORRI=EZ DELIVREE
 PAR QUI QUE SOIT DE CEST PERIL,
 DONC NE PORROIT CE ESTRE. _ *OI=L!
 MES JE NE SAI ENCOR PAR CUI:
 IL NE SONT ANCORE QUE DUI
 QUI OSASSENT POR MOI ENPRANDRE
 BATAILLE A TROIS HOMES DESFANDRE.
 _ *COMANT? *POR *DEU, SONT IL DONC TROI?
 _ *OI=L, SIRE, A LA MOIE FOI:
 TROI SONT QUI TRAI=TRE ME CLAINMENT.
 _ *ET QUI SONT CIL QUI TANT VOS AINMENT
 DON LI UNS SI HARDIZ SEROIT
 QU'A TROIS CONBATRE S'OSEROIT
 POR VOS SAUVER ET GARENTIR?
 _ *JE LE VOS DIRAI SANZ MANTIR:
 LI UNS EST MES SIRE *GAUVAINS
 ET LI AUTRES MES SIRE *YVAINS
 POR CUI DEMAIN SERAI A TORT
 LIVREE A MARTIRE DE MORT.
 _ *POR LEQUEL, FET IL, L'AVEZ DIT?
 _ *SIRE, SE DAMEDEX M'AI=T
 POR LE FIL AU ROI *URI=EN.
 _ *OR VOS AI ENTANDUE BIEN;
 MES VOS N'I MORROIZ JA SANZ LUI.
 *JE MEI=SMES CIL *YVAIN SUI
 POR CUI VOS ESTES AN ESFROI;
 ET VOS ESTES CELE, CE CROI,
 QUI EN LA SALE ME GARDASTES;
 MA VIE ET MON CORS M'I SALVASTES
 ENTRE LES DEUS PORTES COLANZ
 OU GE FUI PENSIS ET DOLANZ
 ET ANGOISSEUS ET ANTREPRIS;
 MORZ I EU=SSE ESTE/ ET PRIS
 SE NE FUST VOSTRE BOENE AI=E.
 *OR ME DITES, MA DOLCE AMIE,
 QUI CIL SONT QUI DE TRAI=SON
 VOS APELENT, ET AN PRISON
 VOS ONT MISE ET AN CEST RECLUS.
 _ *SIRE, NEL VOS CELERAI PLUS
 DES QU'IL VOS PLEST QUE JEL VOS DIE.
 *VOIRS EST QUE JE NE ME FAINS MIE
 DE VOS EIDIER AN BOENE FOI.
 *PAR L'AMONESTEMANT DE MOI,
 MA DAME A SEIGNOR VOS REC&UT;
 MON LOS ET MON CONSOIL AN CRUT
 ET PAR LA SAINTE *PATERNOSTRE
 LE CUIDAI FEIRE ET CUIT ANCOR:
 ITANT VOS AN RECONUIS OR,
 S'ENOR ET VOSTRE VOLENTE/
 PORQUIS, SE *DEX ME DOINT SANTE/.
 *MES QUANT C'AVINT QUE VOS EU=STES
 L'AN TRESPASSE/ QUE VOS DEU=STES
 REVENIR A MA DAME C&A,
 TANTOST A MOI SE CORREC&A
 ET MOLT SE TINT A DECEU=E
 DE CE QU'ELE M'AVOIT CREU=E.
 *ET QUANT CE SOT LI SENESCHAX,
 UNS FEL, UNS TRAI=TRES MORTAX,
 QUI GRANT ENVIE ME PORTOIT
 POR CE QUE MA DAME CREOIT
 MOI PLUS QUE LUI DE MAINT AFEIRE,
 SI VIT BIEN C'OR PORROIT IL FEIRE
 ENTRE MOI ET LI GRANT CORROZ.
 *AN PLAINNE CORT ET VEANT TOZ
 M'AMIST QUE POR VOS L'OI TRAI=E
 ET JE N'OI CONSOIL NE AI=E
 FORS DE MOI SEULE QUI DISOIE
 C'ONQUES VERS MA DAME N'AVOIE
 TRAI=SON FEITE NE PANSEE.
 *SIRE, POR *DEU, COM ESFREEE
 TOT MAINTENANT, SANZ CONSOIL PRENDRE,
 DIS JE M'AN FEROIE DESFANDRE
 D'UN CHEVALIER ANCONTRE TROIS.
 *ONQUES NE FU CIL SI CORTOIS
 QUE IL LE DEIGNAST REFUSER,
 NE RESSORTIR NE REU=SER
 NE M'AN POI, POR RIEN QU'AVENIST.
 *ENSI A PAROLE ME PRIST;
 SI ME COVINT D'UN CHEVALIER
 ENCONTRE TROIS GAGE A BAILLIER
 ET PAR RESPIT DE TRENTE JORZ.
 *PUIS AI ESTE/ AN MAINTES CORZ:
 A LA CORT LE ROI *ARTUS FUI
 N'I TROVAI CONSOIL EN NELUI
 NE N'I TROVAI QUI ME DEI=ST
 DE VOS CHOSE QUI ME SEI=ST,
 CAR IL N'EN SAVOIENT NOVELES.
 _ *ET MES SIRE *GAUVAIN, CHAELES,
 LI FRANS, LI DOLZ, OU ERT IL DONQUES?
 *A S'AI=E NE FAILLI ONQUES
 DAMEISELE DESCONSEILLIEE.
 _ *CIL ME FEI=ST JOIANT ET LIEE,
 SE JE A CORT TROVE/ L'EU=SSE;
 JA REQUERRE NE LI SEU=SSE
 RIENS NULE QUI ME FUST VEHEE;
 MES LA REI=NE EN A MENEE
 UNS CHEVALIERS, CE ME DIT AN,
 DON LI ROIS FIST QUE FORS DEL SAN,
 QUANT APRE/S LI L'EN ENVOIA;
 ET *KEX, CE CUIT, LA CONVOIA
 JUSQU'AU CHEVALIER QUI L'EN MAINNE;
 S'AN EST OR ENTREZ AN GRANT PAINNE
 MES SIRE *GAUVAINS QUI LA QUIERT.
 *JA MES NUL JOR A SEJOR N'IERT
 JUSQUE TANT QU'IL L'AVRA TROVEE.
 VOS AI DE M'AVENTURE DITE.
 *DEMAIN MORRAI DE MORT DESPITE,
 SI SERAI ARSE SANZ RESPIT
 POR MAL DE VOS ET POR DESPIT."
 *ET IL RESPONT: "*JA *DEU NE PLACE
 QUE L'EN POR MOI NUL MAL VOS FACE;
 JA, QUE JE PUISE, N'I MORROIZ!
 *DEMAIN ATENDRE ME PORROIZ
 APAREILLIE/ LONC MA PUISSANCE
 DE METRE AN VOSTRE DELIVRANCE
 MON CORS, SI CON JE LE DOI FEIRE.
 *MES DE CONTER NE DE RETREIRE
 AS GENZ QUI JE SUI NE VOS CHAILLE!
 *QUE QU'AVEIGNE DE LA BATAILLE
 GARDEZ QUE L'EN NE M'I CONOISSE.
 _ *SIRE, CERTES, POR NULE ANGOISSE
 VOSTRE NON NE DESCOVERROIE.
 *LA MORT EINC&OIS AN SOFERROIE,
 DES QUE VOS LE VOLEZ ENSI;
 ET NE POR QUANT ICE VOS PRI
 QUE JA POR MOI N'I REVEIGNIEZ.
 *NE VUEL PAS QUE VOS ANPREIGNIEZ
 BATAILLE SI TRES FELONESSE.
 *VOSTRE MERCI DE LA PROMESSE
 QUE VOLANTIERS LA FEROIEZ,
 MES TRESTOZ QUITES AN SOIEZ,
 QUE MIALZ EST QUE JE SEULE MUIRE
 QUE JE LES VEI=SSE DEDUIRE
 DE VOSTRE MORT ET DE LA MOIE.
 *JA POR CE N'EN ESCHAPEROIE,
 QUANT IL VOS AVROIENT OCIS;
 S'EST MIALZ QUE VOS REMAINGNIEZ VIS
 QUE NOS I FUSSIENS MORT ANDUI.
 _ *MOLT AVEZ OR DIT GRANT ENUI,
 FET MES SIRE *YVAINS, BELE AMIE,
 ESPOIR OU VOS NE VOLEZ MIE
 ESTRE DELIVRE DE LA MORT,
 OU VOS DESPISIEZ LE CONFORT,
 QUE JE VOS FAZ, DE VOS EIDIER.
 *N'AN QUIER OR PLUS A VOS PLEIDIER
 QUE VOS AVEZ TANT FET POR MOI,
 CERTES, QUE FAILLIR NE VOS DOI
 A NUL BESOING QUE VOS AIEZ.
 *BIEN SAI QUE MOLT VOS ESMAIEZ,
 MES, SE *DEU PLEST AN CUI JE CROI,
 IL AN SERONT HONI TUIT TROI.
 *OR N'I A PLUS QUE JE M'AN VOIS,
 OU QUE SOIT, LOGIER AN CE BOIS,
 QUE D'OSTEL PRES NE SAI GE POINT.
 _ *SIRE, FET ELE, *DEX VOS DOINT
 ET BOEN OSTEL ET BOENE NUIT
 ET DE CHOSE QUI VOS ENUIT,
 SI CON JE LE DESIR, VOS GART."
 *MES SIRE *YVAINS ATANT S'AN PART,
 ET LI LY=ONS TOZ JORZ APRE/S.
 *SONT TANT ALE/ QU'IL VINDRENT PRES
 D'UN FORT RECET A UN BARON
 DE MUR ESPE/S ET FORT ET HAUT.
 *LI CHASTIAX NE CREMOIT ASSAUT
 DE MANGONEL NE DE PERRIERE,
 QU'IL ESTOIT FORZ A GRANT MENIERE;
 MES FORS DES MURS ESTOIT ESRESE
 LA PLACE, QU'IL N'I OT REMESE
 AN ESTANT BORDE NE MEISON.
 *ASSEZ EN ORROIZ LA REISON
 UNE AUTRE FOIZ, QUANT LEUS SERA.
 *LA PLUS DROITE VOIE S'EN VA
 MES SIRE *YVAINS VERS LE RECET;
 ET VASLET SAILLENT JUSQU'A SET
 QUI LI ONT UN PONT AVALE/;
 SI LI SONT A L'ENCONTRE ALE/,
 MES DEL LY=ON, QUE VENIR VOIENT
 AVOEC LUI, DUREMANT S'ESFROIENT,
 SI LI DI=ENT QUE, S'IL LI PLEST,
 SON LY=ON A LA PORTE LEST
 QU'IL NE LES AFOST ET OCIE;
 ET IL RESPONT: "*N'EN PARLEZ MIE
 QUE JA N'I ENTERRAI SANZ LUI:
 OU NOS AVRONS L'OSTEL ANDUI,
 OU JE ME REMANRAI C&A FORS
 QU'AUTRETANT L'AIM COME MON CORS.
 *ET NE POR QUANT, N'EN DOTEZ RIEN,
 QUE JE LE GARDERAI SI BIEN
 QUE'ESTRE PORROIZ TOT ASSEU=R."
 *CIL RESPONENT: "*A BOEN EU=R!"
 *ATANT SONT EL CHASTEL ANTRE/
 ET VONT TANT QU'IL ONT ANCONTRE/
 CHEVALIERS, DAMES ET SERGENZ,
 ET DAMEISELES AVENANZ
 QUI LE SALU=ENT, ET DESCENDENT,
 ET A LUI DESARMER ENTANDENT;
 SI LI DI=ENT: "*BIEN SOIEZ VOS,
 BIAX SIRE, VENUZ ANTRE NOS,
 ET *DEX VOS I DOINT SEJORNER
 TANT QUE VOS AN PUISIEZ TORNER."
 *A GRANT JOIE ET A GRANT ENOR
 DES LE PLUS HAUT JUSQU'AU MENOR
 LI FONT JOIE ET FORMANT S'AN PAINNENT;
 A GRANT JOIE A L'OSTEL L'EN MAINNENT
 ET TANT GRANT JOIE LI ONT FEITE.
 *UNE DOLORS QUI LES DESHEITE
 LOR REFET LA JOIE OBLI=ER;
 SI RECOMANCENT A CRI=ER,
 ET PLORENT, ET SI S'ESGRATINENT.
 *ENSI MOLT LONGUEMANT NE FINENT
 DE JOIE FEIRE ET DE PLORER:
 JOIE POR LOR OSTE ENORER
 FONT SANZ CE QUE TALANT N'EN AIENT,
 CAR D'UNE AVENTURE S'ESMAIENT
 QU'IL ATENDENT A L'ANDEMAIN;
 S'AN SONT TUIT SEU=R ET CERTAIN
 QU'IL L'AVRONT, EINZ QUE MIDIS SOIT.
 *MES SIRE *YVAINS S'ESBAI=SSOIT
 DE CE QUE SI SOVANT CHANJOIENT
 QUE DUEL ET JOIE DEMENOIENT.
 DEL CHASTEL ET DE LA MEISON:
 "*POR *DEU, FET IL, BIAX DOLZ CHIERS SIRE,
 ICE PLEIROIT VOS IL A DIRE
 POR COI M'AVEZ TANT ENORE/
 ET TANT FET JOIE, ET PUIS PLORE/?
 _ *OI=L, S'IL VOS VIENT A PLEISIR;
 MES LE CELER ET LE TEISIR
 DEVRI=EZ VOS ASEZ VOLOIR;
 CHOSE QUI VOS FACE DOLOIR
 NE VOS DIRAI JE JA, MON VUEL;
 LESSIEZ NOS FEIRE NOSTRE DUEL
 SI N'AN METEZ JA RIEN A CUER.
 _ *CE NE PORROIT ESTRE A NUL FUER
 QUE JE DUEL FEIRE VOS VEI=SSE
 NE RIEN A MON CUER N'AN MEI=SSE;
 EINZ LE DESIR MOLT A SAVOIR
 QUELQUE DUEL QUE J'EN DOIE AVOIR.
 _ *DONC, FET IL, LE VOS DIRAI GIE/.
 *MOLT M'A UNS JAIANZ DOMAGIE/
 QUI VOLOIT QUE JE LI DONASSE
 MA FILLE, QUI DE BIAUTE/ PASSE
 TOTES LES PUCELES DEL MONDE.
 *LI FEL JAIANZ, CUI *DEX CONFONDE,
 A NON *HARPINS DE LA MONTAINGNE;
 JA N'IERT JORZ QUE DEL MIEN NE PRAIGNE
 TOT CE QUE IL AN PUET ATEINDRE.
 *MIALZ DE MOI NE SE DOIT NUS PLAINDRE,
 NE DUEL FEIRE, NE DUEL MENER;
 DE DUEL DEVROIE FORSENER
 QUE SIS FILZ CHEVALIERS AVOIE,
 PLUS BIAX EL MONDE NE SAVOIE;
 SES A TOZ SIS LI JAIANZ PRIS;
 VEANT MOI EN A DEUS OCIS
 ET DEMAIN OCIRRA LES QUATRE,
 SE JE NE TRUIS QUI S'AN CONBATE
 A LUI, POR MES FILZ DELIVRER,
 OU SE GE NE LI VOEL LIVRER
 MA FILLE; ET QUANT IL L'AVRA
 AS PLUS VIX GARC&ONS QU'IL SAVRA
 EN SA MEISON, ET AS PLUS ORZ,
 LA LIVRERA POR LOR DEPORZ,
 QU'IL NE LA DEIGNEROIT MES PRANDRE.
 *A DEMAIN PUIS CE DUEL ATENDRE,
 SE *DAMEDEX NE M'AN CONSOILLE.
 *ET POR CE N'EST MIE MERVOILLE,
 BIAX SIRE CHIERS, SE NOS PLORONS;
 MES POR VOS TANT CON NOS POONS
 NOS RESFORC&ONS A LA FOIEE
 DE FEIRE CONTENANCE LIEE;
 QUE FOS EST QUI PRODOME ATRET
 ENTOR LUI, S'ENOR NE LI FET,
 ET VOS ME RESANBLEZ PRODOME;
 OR VOS EN AI DITE LA SOME,
 SIRE, DE NOSTRE GRANT DESTRECE,
 N'EN CHASTEL NE AN FORTERECE,
 NE NOS A LESSIE/ LI JAIANZ
 FORS TANT COM IL EN A CEANZ;
 VOS MEI=SMES BIEN LE VEI=STES
 QU'IL N'A LESSIE/ VAILLANT UN ES
 FORS DE CES MURS QUI SONT REME/S;
 AINZ A TRESTOT LE BORC PLENE/;
 QUANT CE QU'IL VOST EN OT MENE/,
 SI MIST EL REMENANT LE FEU;
 EINSI M'A FEIT MEINT FELON GEU."
 *MES SIRE *YVAINS TOT ESCOUTA
 QUAN QUE SES OSTES LI CONTA,
 ET QUANT TRESTOT ESCOUTE/ OT,
 SI LI REDIST CE QUE LUI PLOT:
 "*SIRE, FET IL, DE VOSTRE ENUI
 MOLT IRIEZ ET MOLT DOLANZ SUI,
 MES D'UNE CHOSE ME MERVOIL
 SE VOS N'EN AVEZ QUIS CONSOIL
 A LA CORT LE BOEN ROI *ARTU.
 *NUS HOM N'EST DE SI GRANT VERTU
 QU'A SA CORT NE POI=ST TROVER
 TEX QUI VOLDROIENT ESPROVER
 LOR VERTU ANCONTRE LA SOE."
 *ET LORS LI DESCUEVRE ET DESNOE
 LI RICHES HOM, QUE IL EU=ST
 BOENE AI=E, SE IL SEU=ST
 OU TROUVER MON SEIGNOR *GAUVAIN.
 "*CIL NE L'ANPREI=ST PAS EN VAIN
 QUE MA FAME EST SA SUER GERMAINNE;
 MES LA FAME LE ROI EN MAINNE
 UNS CHEVALIERS D'ESTRANGE TERRE
 QUI A LA CORT L'ALA REQUERRE.
 *NE POR QUANT JA NE L'EN EU=ST
 MENEE, POR RIEN QU'IL PEU=ST,
 NE FUST *KEX QUI ANBRICONA
 LE ROI, TANT QUE IL LI BAILLA
 LA REI=NE, ET MIST EN SA GARDE.
 *CIL FU FOS ET CELE MUSARDE
 QUI AN SON CONDUIT SE FI=A,
 ET JE RESUI CIL QUI I A
 TROP GRANT DOMAGE ET TROP GRANT PERTE,
 QUE CE EST CHOSE TOTE CERTE
 QUE MES SIRE *GAUVAINS LI PREUZ
 POR SA NIECE ET POR SES NEVEUZ,
 FUST C&A VENUZ GRANT ALEU=RE
 SE IL SEU=ST CESTE AVENTURE;
 MES IL NEL SET, DON TANT ME GRIEVE
 QUE PAR PO LI CUERS NE ME CRIEVE;
 EINZ EST ALEZ APRE/S CELUI,
 CUI *DAMEDEX DOINT GRANT ENUI,
 QUANT MENEE EN A LA REI=NE."
 *MES SIRE *YVAINS ONQUES NE FINE
 DE SOPIRER QUANT CE ANTANT
 DE LA PITIE/ QUE IL L'EN PRANT;
 LI RESPONT: "*BIAX DOLZ SIRE CHIERS,
 JE M'AN METROIE VOLENTIERS
 EN L'AVENTURE ET EL PERIL,
 SE LI JAIANZ ET VOSTRE FIL
 VENOIENT DEMAIN A TELE ORE
 QUE N'I FACE TROP GRANT DEMORE,
 QUE JE SERAI AILLORS QUE CI
 DEMAIN A ORE DE MIDI,
 SI CON JE L'AI ACREANTE/.
 VOS MERCI GE, FET LI PRODOM,
 .C. MILE FOIZ EN UN RANDON."
 *ET TOTES LES GENZ DE L'OSTEL
 LI REDISOIENT AUTRETEL.
 *ATANT VINT D'UNE CHANBRE FORS
 LA PUCELE GENTE DE CORS
 ET DE FAC&ON BELE ET PLEISANZ.
 *MOLT VINT SINPLE ET MUE ET TEISANZ
 C'ONQUES SES DIAX NE PRENOIT FIN,
 VERS TERRE TINT LE CHIEF ANCLIN;
 ET SA MERE REVINT DECOSTE
 QUE MOSTRER LOR VOLOIT LOR OSTE
 LI SIRES, QUI LES OT MANDEES;
 EN LOR MANTIAX ANVELOPE/ES
 VINDRENT, POR LOR LERMES COVRIR;
 ET IL LOR COMANDE A OVRIR
 LES MANTIAX, ET LES CHIE/S LEVER
 ET DIT: "*NE VOS DOIT PAS GREVER
 CE QUE JE VOS COMANT A FEIRE,
 C'UN FRANC HOME MOLT DEBONEIRE
 NOS A *DEX ET BOENE AVENTURE
 CEANZ DONE/, QUI M'ASEU=RE
 QU'IL SE CONBATRA AU JAIANT.
 *OR N'EN ALEZ PLUS DELAIANT
 QU'AU PIE/ NE L'EN AILLIEZ CHEOIR.
 _ *CE NE ME LEST JA *DEX VEOIR,
 FET MES SIRE *YVAINS MAINTENANT,
 VOIR NE SEROIT MIE AVENANT
 QUE AU PIE/ ME VENIST LA SUER
 MON SEIGNOR *GAUVAIN A NUL FUER,
 NE SA NIECE, *DEX M'AN DESFANDE
 C'ORGUIAUZ EN MOI TANT NE S'ESTANDE
 QUE A MON PIE/ VENIR LES LES.
 *VOIR, JA N'OBLIEROIE MES
 LA HONTE QUE JE EN AVROIE.
 *MES DE CE BOEN GRE/ LOR SAVROIE
 SE ELES SE RECONFORTOIENT
 JUSQU'A DEMAIN, QUE ELES VOIENT
 SE *DEX LES VOLDRA CONSEILLIER.
 *MOI NE COVIENT IL PLUS PROIER
 MES QUE LI JAIANZ SI TOST VEINGNE
 QU'AILLORS MANTIR NE ME COVEINGNE,
 QUE POR RIEN JE NE LESSEROIE
 QUE DEMAIN A MIDI NE SOIE
 AU PLUS GRANT AFEIRE POR VOIR
 QUE JE ONQUES POI=SSE AVOIR."
 *ENSI NE LES VOLT PAS DEL TOT
 ASEU=RER, CAR AN REDOT
 EST QUE LI JAIANZ NE VENIST
 A TELE ORE QUE IL POI=ST
 VENIR A TENS A LA PUCELE
 QUI ERT ANCLOSE AN LA CHAPELE.
 *ET NE POR QUANT TANT LOR PROMET
 QU'AN BOENE ESPERANCE LES MET;
 ET TUIT ET TOTES L'EN MERCI=ENT,
 QU'AN S'ESPERANCE MOLT SE FI=ENT
 ET MOLT PANSENT QU'IL SOIT PREUDON
 POR LA CONPAINGNIE AU LY=ON
 LEZ LUI COM UNS AIGNIAX FEI=ST.
 *POR L'ESPERANCE QU'AN LUI ONT
 SE CONFORTENT ET JOIE FONT,
 N'ONQUES PUIS DUEL NE DEMENERENT.
 *QUANT ORE FU, SI L'EN MENERENT
 COLCHIER EN UNE CHANBRE CLERE,
 ET LA DAMEISELE ET SA MERE
 FURENT ANDEUS A SON COLCHIER,
 QU'ELES L'AVOIENT JA MOLT CHIER
 ET CENT MILE TANZ PLUS L'EU=SSENT
 SE LA CORTEISIE SEU=SSENT
 ET LA GRANT PROESCE DE LUI.
 *IL ET LI LY=ONS ANBEDUI
 JURENT LEANZ ET REPOSERENT,
 QU'AUTRES GENZ GESIR N'I OSERENT,
 EINZ LOR FERMERENT SI BIEN L'UIS
 QUE IL N'EN PORENT ISSIR PUIS
 JUSQU'AU DEMAIN A L'ENJORNEE.
 *QUANT LA CHANBRE FU DESFERMEE,
 SI SE LEVA ET OI= MESSE
 ET ATENDI, POR LA PROMESSE
 QU'IL LOR OT FEITE, JUSQU'A PRIME.
 *LE SEIGNOR DEL CHASTEL MEI=SME
 APELE OIANT TOZ, SI LI DIT:
 "*SIRE, JE N'AI PLUS DE RESPIT,
 EINZ M'AN IRAI, SI NE VOS POIST,
 QUE PLUS DEMORER NE ME LOIST;
 ET SACHIEZ BIEN CERTAINNEMANT
 QUE VOLENTIERS ET BOENEMANT,
 SE TROP N'EU=SSE GRANT BESOING
 ET MES AFEIRES NE FUST LOING,
 DEMORASSE ENCOR UNE PIECE
 POR LES NEVEUZ ET POR LA NIECE
 MON SEIGNOR *GAUVAIN QUE J'AIM MOLT."
 *TRESTOZ LI CUERS EL VANTRE BOLT
 A LA PUCELE, DE PEOR,
 A LA DAME ET AU VAVASOR;
 TEL PEOR ONT QU'IL NE S'EN AUT
 QUE IL LI VOSTRENT, DE SI HAUT
 COM IL FURENT, AU PIE/ VENIR;
 MES IL NE LO VOUT PAS SOFRIR
 QUE LUI NE FUST NE BEL NE BUEN.
 *LORS LI OFRE A DONER DEL SUEN
 LI SIRES, S'IL AN VIALT AVOIR
 OU SOIT DE TERRE OU D'AUTRE AVOIR,
 MES QUE ANCOR UN PO ATENDE.
 *ET IL RESPONT: "*DEX ME DESFANDE
 QUE JE JA RIEN NULE N'EN AIE!"
 *ET LA PUCELE QUI S'ESMAIE
 COMANCE MOLT FORT A PLORER,
 SI LI PRIE DE DEMORER.
 *COME DESTROITE ET ANGOISSEUSE
 POR LA REI=NE GLORIEUSE
 DEL CIEL ET DES ANGES LI PRIE,
 ET POR *DEU, QU'IL NE S'AN AUT MIE,
 EINZ ATENDE ENCORE UN PETIT,
 ET POR SON ONCLE QUE IL DIT
 QU'IL LE CONUIST ET LOE ET PRISE.
 QUANT IL OT QU'ELE SE RECLAINME
 DE PAR L'OME QUE IL PLUS AINME
 ET PAR LA REI=NE DES CIAX
 DE PAR LI QUI EST LI MOIAX
 ET LA DOLC&ORS DE PI=ETE/.
 *D'ANGOISSE A UN SOPIR GITE/
 QUE POR LE RE=AUME DE *CARSE
 NE VOLDROIT QUE CELE FUST ARSE
 QUE IL AVOIT ASEU=REE;
 SA VIE AVROIT CORTE DUREE
 OU IL ISTROIT TOZ VIS DEL SENS
 S'IL N'I POOIT VENIR A TENS;
 ET D'AUTRE PART, AUTRE DESTRECE
 LE RETIENT, LA GRANZ GENTILLECE
 MON SEIGNOR *GAUVAIN SON AMI,
 QUE PAR PO NE LI PART PAR MI
 LI CUERS, QUANT DEMORER NE PUET.
 *NE POR QUANT ENCOR NE SE MUET,
 EINC&OIS DEMORE ET SI ATANT
 TANT QUE LI JAIANZ VIENT BATANT
 QUI LES CHEVALIERS AMENOIT;
 ET UN PEL A SON COL TENOIT,
 GRANT ET QUARRE/, AGU DEVANT,
 DOM IL LES BOUSOIT MOLT SOVANT;
 ET IL N'AVOIENT PAS VESTU
 DE ROBE VAILLANT UN FESTU,
 FORS CHEMISES SALES ET ORDES;
 S'AVOIENT BIEN LI=EZ DE CORDES
 LES PIEZ ET LES MAINS, SI SEOIENT
 SOR QUATRE RONCINS QUI CLOCHOIENT,
 MEIGRES ET FOIBLES ET REDOIS.
 *CHEVALCHANT VINDRENT LEZ LE BOIS;
 UNS NAINS, FEL COME BOZ ANFLEZ,
 LES OT COE A COE NOEZ,
 SES ALOIT COSTOIANT TOZ QUATRE,
 ONQUES NE LES FINA DE BATRE
 D'UNES CORGIEES A SIS NEUZ
 DON MOLT CUIDOIT FEIRE QUE PREUZ;
 LES BATOIT SI QUE TUIT SEINNOIENT;
 ENSI VILMANT LES AMENOIENT
 ENTRE LE JAIANT ET LE NAIN.
 *DEVANT LA PORTE, EN MI UN PLAIN,
 S'ARESTE LI JAIANZ, ET CRIE
 AU PREUDOME QUE IL DESFIE
 SES FILZ DE MORT, S'IL NE LI BAILLE
 SA FILLE; ET A SA GARC&ONAILLE
 LA LIVERRA A JAELISE,
 CAR IL NE L'AINME TANT NE PRISE
 QU'AN LI SE DAINGNAST AVILLIER;
 DE GARC&ONS AVRA UN MILLIER
 AVOEC LUI SOVANT ET MENU,
 QUI SERONT POEILLEUS ET NU
 SI CON RIBAUT ET TORCHEPOT,
 QUE TUIT I METRONT LOR ESCOT.
 *POR PO QUE LI PREUDON N'ENRAGE
 QUI OT CELUI QUI A PUTAGE
 DIT QUE SA FILLE LI METRA,
 OU OR AN DROIT, SI QUEL VERRA,
 SERONT OCIS SI QUATRE FIL;
 QUI MIALZ S'AMEROIT MORZ QUE VIS.
 *MOLT SE CLAINME DOLANZ CHEITIS,
 ET PLORE FORMANT, ET SOPIRE;
 ET LORS LI ANCOMANCE A DIRE
 MES SIRE *YVAINS, CON FRANS ET DOLZ:
 "*SIRE, MOLT EST FEL ET ESTOLZ
 CIL JAIANZ, QUI LA FORS S'ORGUELLE;
 MES JA *DEX CE SOFRIR NE VUELLE
 QU'IL AIT POOIR DE VOSTRE FILLE,
 MOLT LA DESPIST ET MOLT L'AVILLE;
 TROP SEROIT GRANZ MESAVENTURE
 SE SI TRES BELE CRIATURE
 ET DE SI HAUT PARAGE NEE
 ERT A GARC&ONS ABANDONEE.
 "*C&A, MES ARMES ET MON CHEVAL!
 ET FEITES LE PONT TREIRE AVAL,
 SI M'AN LESSIEZ OLTRE PASSER.
 *DE NOS DEUS COVENRA LASSER
 OU MOI OU LUI, NE SAI LE QUEL.
 *SE JE LE FELON, LE CRUEL,
 QUI CI NOS VET CONTRALI=ANT,
 POOIE FEIRE HUMELI=ANT
 TANT QUE VOZ FILZ VOS RANDIST QUITES,
 ET LES HONTES QU'IL VOS A DITES
 VOS VENIST CEANZ AMANDER,
 PUIS VOS VOLDROIE COMANDER
 A *DEU, S'IROIE A MON AFEIRE."
 *LORS LI VONT SON CHEVAL FORS TREIRE
 ET TOTES SES ARMES LI BAILLENT;
 DE LUI BIEN SERVIR SE TRAVAILLENT
 ET BIEN ET TOST L'ONT ATORNE/;
 A LUI ARMER N'ONT SEJORNE/
 S'A TOT LE MOINS NON QUE IL PORENT.
 *QUANT BIEN ET BEL ATORNE/ L'ORENT,
 SI N'I OT QUE DEL AVALER
 LE PONT, ET DEL LESSIER ALER;
 EN LI AVALE, ET IL S'AN IST,
 MES APRE/S LUI NE REMASSIST
 LI LY=ONS AN NULE MENIERE.
 *ET CIL QUI SONT REME/S ARRIERE
 LE COMANDENT AU *SALVEOR,
 CAR DE LUI ONT MOLT GRANT PEOR
 QUE LI MAUFEZ, LI ANEMIS,
 QUI AVOIT MAINT PRODOME OCIS
 VEANT LOR IALZ, EN MI LA PLACE,
 AUTRETEL DE LUI NE REFACE.
 *SI PRI=ENT *DEU QU'IL LE DESFANDE
 DE MORT, ET VIF ET SAIN LOR RANDE,
 ET LE JAIANT LI DOINT OCIRRE.
 *SI COME CHASCUNS LE DESIRRE
 AN PRIE *DEU MOLT DOLCEMANT;
 *ET CIL PAR SON FIER HARDEMANT
 VINT VERS LUI, SI LE MENAC&A,
 ET DIT: "*CIL QUI T'ANVEA C&A
 NE T'AMOIT MIE, PAR MES IALZ!
 *CERTES, IL NE SE POI=ST MIALZ
 DE TOI VANGIER, EN NULE GUISE;
 MOLT A BIEN SA VENGENCE PRISE
 _ *DE NEANT ES ANTREZ AN PLET,
 FET CIL, QUI NEL DOTE DE RIEN;
 OR FAI TON MIALZ ET JE LE MIEN
 QUE PAROLE OISEUSE ME LASSE."
 *TANTOST MES SIRE *YVAINS LI PASSE,
 CUI TARDE QU'IL S'AN SOIT PARTIZ;
 FERIR LE VA EN MI LE PIZ
 QU'IL OT ARME/ D'UNE PEL D'ORS;
 ET LI JAIANZ LI VINT LE CORS
 DE L'AUTRE PART A TOT SON PEL.
 *EN MI LE PIZ LI DONA TEL
 MES SIRE *YVAINS, QUE LA PIAX FAUSSE;
 EL SANC DEL CORS, AN LEU DE SAUSSE,
 LE FER DE LA LANCE LI MOILLE;
 ET LI JAIANZ DEL PEL LE ROILLE
 SI FORT, QUE TOT PLOIER LE FET.
 *MES SIRE *YVAINS L'ESPEE TRET
 DOM IL SAVOIT FERIR GRANZ COS.
 *LE JAIANT A TROVE/ DESCLOS,
 QUI AN SA FORCE SE FI=OIT,
 TANT QUE ARMER NE SE VOLOIT;
 ET CIL QUI TINT L'ESPEE TREITE
 LI A UNE ANVAI=E FEITE;
 DEL TRANCHANT, NON MIE DEL PLAT,
 LE FIERT SI QUE IL LI ABAT
 DE LA JOE UNE CHARBONEE,
 ET IL L'EN RA UNE DONEE
 TEL QUE TOT LE FET ANBRUNCHIER
 JUSQUE SOR LE COL DEL DESTRIER.
 *A CE COP, LI LY=ONS SE CRESTE,
 DE SON SEIGNOR EIDIER S'APRESTE,
 ET SAUT PAR IRE, ET PAR GRANT FORCE
 S'AERT, ET FANT CON UNE ESCORCE,
 SOR LE JAIANT, LA PEL VELUE,
 SI QUE DESOZ LI A TOLUE
 UNE GRANT PIECE DE LA HANCHE;
 LES NERS ET LES BRAONS LI TRANCHE,
 ET LI JAIANZ LI EST ESTORS,
 SI BRET ET CRIE COME TORS,
 QUE MOLT L'A LI LY=ONS GREVE/;
 LE PEL A A DEUS MAINS LEVE/
 ET CUIDE FERIR, MES IL FAUT,
 CAR LI LY=ONS EN TRAVERS SAUT,
 SI PERT SON COP ET CHIET EN VAIN
 PAR DELEZ MON SEIGNOR *YVAIN
 QUE L'UN NE L'AUTRE N'ADESA.
 *ET MES SIRE *YVAINS ANTESA
 SI A DEUS COS ENTRELARDEZ.
 *EINZ QUE CIL SE FUST REGARDEZ
 LI OT, AU TRANCHANT DE S'ESPEE,
 L'ESPAULE DEL BU DESSEVREE;
 A L'AUTRE COP, SOZ LA MEMELE,
 LI BOTA TOTE L'ALEMELE
 DE S'ESPEE PAR MI LE FOIE;
 LI JAIANZ CHIET, LA MORZ L'ASPROIE,
 ET, SE UNS GRANZ CHASNES CHEI=ST,
 NE CUIT QUE GRAINDRE ESFROIS FEI=ST
 QUE LI JAIANZ FIST AU CHEOIR.
 CIL QUI ESTOIENT AS CRENIAX.
 *LORS I PARUT LI PLUS ISNIAX
 QUE TUIT CORENT A LA CUIRIEE,
 SI CON LI CHIENS QUI A CHACIEE
 LA BESTE, TANT QUE IL L'A PRISE;
 ENSI COROIENT SANZ FEINTISE
 TUIT ET TOTES PAR ENHATINE
 LA OU CIL GIST GOLE SOVINE.
 *LI SIRES MEI=SMES I CORT
 ET TOTE LA GENT DE SA CORT;
 CORT I LA FILLE, CORT LA MERE;
 OR ONT JOIE LI QUATRE FRERE
 QUI MOLT AVOIENT MAL SOFERT;
 DE MON SEIGNOR *YVAIN SONT CERT
 QU'IL NEL PORROIENT RETENIR
 POR RIEN QUI POI=ST AVENIR,
 SI LI PRI=ENT DE RETORNER
 POR DEDUIRE ET POR SEJORNER
 TOT MAINTENANT QUE FET AVRA
 SON AFEIRE LA OU IL VA.
 *ET IL RESPONT QU'IL NE LES OSE
 ASSEU=RER DE CESTE CHOSE;
 IL NE SET MIE DEVINER
 S'IL PORRA BIEN OU MAL FINER;
 MES AU SEIGNOR ITANT DIST IL
 QUE IL VIALT QUE SI QUATRE FIL
 ET SA FILLE PRAIGNENT LE NAIN,
 S'AILLENT A MON SEIGNOR *GAUVAIN,
 QUANT IL SAVRONT QU'IL IERT VENUZ,
 ET COMANT IL S'ERT CONTENUZ
 VIALT QUE IL SOIT DIT ET CONTE/,
 QUE POR NEANT PRANT SA BONTE/
 QUI VIALT QU'ELE NE SOIT SEU=E.
 *ET CIL DI=ENT: "*JA N'IERT TEU=E
 CESTE BONTEZ, QU'IL N'EST PAS DROIZ.
 *BIEN FERONS CE QUE VOS VOLDROIZ
 MES TANT DEMANDER VOS VOLONS,
 SIRE, QUANT DEVANT LUI SERONS
 DE CUI NOS PORRONS NOS LOER
 SE NOS NE VOS SAVONS NOMER."
 *ET IL RESPONT: "*TANT LI PORROIZ
 DIRE, QUANT DEVANT LUI VANROIZ,
 QUE LI *CHEVALIERS AU LY=ON
 VOS DIS QUE JE AVOIE NON;
 ET AVOEC CE PRIER VOS DOI
 QUE VOS LI DITES DE PAR MOI
 QU'IL ME CONUIST BIEN ET JE LUI;
 ET SI NE SET QUI JE ME SUI;
 DE RIEN NULE PLUS NE VOS PRI;
 C'OR M'AN ESTUET ALER DE CI,
 ET C'EST LA RIENS QUI PLUS M'ESMAIE
 QUE JE CI TROP DEMORE/ N'AIE;
 CAR EINZ QUE MIDIS SOIT PASSEZ
 AVRAI AILLORS A FEIRE ASSEZ
 SE JE I PUIS VENIR A ORE."
 *LORS S'EN PART QUE PLUS N'I DEMORE,
 MES EINC&OIS MOLT PRIE/ LI OT
 LI SIRES, PLUS BEL QUE IL POT,
 QU'IL SES QUATRE FILZ AN MENAST:
 DE LUI SERVIR, SE IL VOLSIST;
 MES NE LI PLOT NE NE LI SIST
 QUE NUS LI FEI=ST CONPAIGNIE;
 SEUS LOR A LA PLACE GUERPIE.
 *ET MAINTENANT QUE IL S'AN MUET,
 TANT CON CHEVAX PORTER LE PUET,
 S'AN RETORNE VERS LA CHAPELE,
 QUE MOLT ESTOIT ET DROITE ET BELE
 LA VOIE, ET BIEN LA SOT TENIR;
 MES AINZ QUE IL POI=ST VENIR
 A LA CHAPELE, EN FU FORS TREITE
 LA DAMEISELE, ET LA REZ FEITE,
 OU ELE DEVOIT ESTRE MISE
 TRESTOTE NUE EN SA CHEMISE.
 *AU FEU LI=EE LA TENOIENT
 CIL QUI A TORT LI AMETOIENT
 CE QU'ELE ONQUES PANSE/ N'AVOIT;
 ET MES SIRE *YVAINS S'AN VENOIT
 AU FEU OU AN LA VIALT RUER,
 TOT CE LI DUT FORMANT GREVER;
 CORTOIS NE SAGES NE SEROIT
 QUI DE RIEN NULE AN DOTEROIT.
 *VOIRS EST QUE MOLT LI ENUIA,
 MES BOENE FI=ANCE AN LUI A
 QUE *DEX ET DROIZ IL AIDEROIT
 QUI EN SA PARTIE SEROIT:
 EN SES AI=DES MOLT SE FIE
 ET SES LI=ONS NEL REHET MIE.
 *VERS LA PRESSE TOZ ESLESSIEZ
 S'AN VET CRIANT: "*LESSIEZ, LESSIEZ
 LA DAMEISELE, GENT MALVEISE!
 *N'EST DROIZ QU'AN REZ NE AN FORNEISE
 SOIT MISE, QUE FORFET NE L'A."
 *ET CIL TANTOST QUE C&A QUE LA
 SE DEPARTENT, SI LI FONT VOIE,
 ET LUI EST MOLT TART QUE IL VOIE
 DES IALZ CELI QUE SES CUERS VOIT
 EN QUELQUE LEU QU'ELE ONQUES SOIT;
 AS IALZ LA QUIERT TANT QU'IL LA TRUEVE,
 ET MET SON CUER AN TEL ESPRUEVE
 QU'IL LE RETIENT, ET SI L'AFREINNE
 SI COM AN RETIENT A GRANT PAINNE
 AU FORT FRAIN SON CHEVAL TIRANT.
 *ET NE POR QUANT AN SOPIRANT
 LA REGARDE MOLT VOLANTIERS,
 MES NE FET MIE SI ANTIERS
 SES SOPIRS QUE L'AN LES CONUISSE,
 EINZ LES RETRANCHE A GRANT ANGOISSE.
 *ET DE CE GRANZ PITIEZ LI PRANT
 QU'IL OT ET VOIT ET SI ANTANT
 LES POVRES DAMES QUI FEISOIENT
 ESTRANGE DUEL ET SI DISOIENT:
 "*HA! *DEX, CON NOS AS OBLIEES,
 CON REMENRONS OR ESGAREES
 QUI PERDROMES SI BOENE AMIE,
 ET TEL CONSOIL, ET TELE AI=E,
 QUI A LA CORT POR NOS ESTOIT!
 *PAR SON CONSOIL NOS REVESTOIT
 MOLT NOS CHANGERA LI AFEIRES
 QU'IL N'EST MES QUI POR NOS PAROST.
 *MAL AIT DE *DEU QUI LA NOS TOST,
 MAL AIT PAR CUI NOS LA PERDRONS
 QUE TROP GRANT DOMAGE I AVRONS;
 N'IERT MES QUI DIE NE QUI L'OT:
 "*ET CEST MANTEL ET CEST SORCOT
 "ET CESTE COTE, CHIERE DAME,
 "DONEZ A CESTE FRANCHE FAME,
 "QUE VOIR, SE VOS LI ENVOIEZ,
 "MOLT I SERA BIEN ANPLOIEZ;
 "ET ELE EN A MOLT GRANT SOFREITE."
 *JA DE CE N'IERT PAROLE FEITE
 QUE NUS N'EST MES FRANS NE CORTOIS,
 EINZ DEMANDE CHASCUNS EINC&OIS
 POR LUI, QUE POR AUTRUI NE FAIT
 SANZ CE QUE NUL MESTIER EN AIT."
 *ENSI SE DEMANTOIENT CELES;
 ET MES SIRE *YVAINS ERT ANTR'ELES,
 S'OT BIEN OI=ES LOR CONPLAINTES
 QUI N'ESTOIENT FAUSES NE FAINTES,
 ET VIT *LUNETE AGENOILLIEE
 EN SA CHEMISE DESPOILLIEE,
 ET SA CONFESSE AVOIT JA PRISE,
 A *DEU DE SES PECHIEZ REQUISE
 MERCI, ET SA CORPE CLAMEE;
 ET CIL QUI MOLT L'AVOIT AMEE
 VIENT VERS LI, SI L'EN LIEVE A MONT
 ET DIT: "*MA DEMEISELE, OU SONT
 CIL QUI VOS BLASMENT ET ANCUSENT?
 *TOT MAINTENANT, S'IL NEL REFUSENT,
 LOR IERT LA BATAILLE ARRAMIE."
 *ET CELE QUI NE L'AVOIT MIE
 ENCOR VEU= NE REGARDE/
 LI DIT: "*SIRE, DE LA PART *DE/,
 VAIGNIEZ VOS A MON GRANT BESOING!
 *CIL QUI PORTENT LE FAUS TESMOING
 VERS MOI SONT CI TUIT APRESTE/
 S'UN PO EU=SSIEZ PLUS ESTE/
 PAR TANS FUSSE CHARBONS ET CENDRE.
 *VENUZ ESTES POR MOI DESFANDRE,
 ET *DEX LE POOIR VOS AN DOINT,
 ENSI CON JE DE TORT N'AI POINT
 DEL BLASME DON JE SUI RETEE."
 *CESTE PAROLE OT ESCOUTEE
 LI SENESCHAX, IL ET SES FRERE:
 "*HA! DIST IL, FAME, CHOSE AVERE
 DE VOIR DIRE, ET DE MANTIR LARGE!
 *MOLT EST PO SAGES QUI ENCHARGE,
 POR TA PAROLE, SI GRANT FES;
 MOLT EST LI CHEVALIERS MALVE/S
 QUI VENUZ EST MORIR POR TOI,
 QU'IL EST SEUS ET NOS SOMES TROI;
 MES JE LI LO QU'IL S'AN RETORT
 EINC&OIS QUE A NOAUZ LI TORT."
 *ET CIL RESPONT, CUI MOLT ENUIE:
 *NE CRIEM PAS TANT VOZ TROIS ESCUZ
 QUE SANZ COP M'EN AILLE VEINCUZ.
 *MOLT FEROIE ORE QU'AFEITIEZ,
 SE JE TOZ SAINS ET TOZ HEITIEZ
 LA PLACE ET LE CHANP VOS LESSOIE!
 *JA TANT COME VIS ET SAINS SOIE
 NE M'AN FUIRAI POR TEL MENACES.
 *MES JE TE CONSOIL QUE TU FACES
 LA DAMEISELE CLAMER QUITE
 QUE TU AS A GRANT TORT SORDITE,
 QU'ELE LE DIT, ET JE L'EN CROI,
 SI M'AN A PLEVIE SA FOI
 ET DIT, SOR LE PERIL DE S'AME,
 C'ONQUES TRAI=SON VERS SA DAME
 NE FIST, NE DIST, NE NE PANSA.
 *BIEN CROI QUAN QU'ELE DIT M'EN A;
 SI LA DESFANDRAI, SE JE PUIS,
 QUE SON DROIT EN M'AI=E TRUIS.
 *ET QUI LE VOIR DIRE AN VOLDROIT
 *DEX SE RETINT DE VERS LE DROIT,
 ET *DEX ET DROIZ A UN S'AN TIENENT;
 ET QUANT IL DE VERS MOI S'AN VIENENT
 DONS AI GE MEILLOR CONPAINGNIE
 QUE TU N'AS, ET MEILLOR AI=E."
 *ET CIL RESPONT MOLT FOLEMANT
 QUE IL MET AN SON NUISEMANT
 TRESTOT QUAN QUE LUI PLEST ET SIET,
 MES QUE LI LY=ONS NE LOR GRIET.
 *ET CIL DIT C'ONQUES SON LY=ON
 N'I AMENA POR CHANPI=ON
 N'AUTRUI QUE LUI METRE N'I QUIERT;
 MES SE SES LY=ONS LES REQUIERT,
 SI SE DESFANDENT VERS LUI BIEN,
 QU'IL NES EN AFI=E DE RIEN.
 *CIL RESPONENT: "*QUE QUE TU DI=ES,
 SE TU TON LY=ON NE CHASTI=ES
 ET SE NEL FEZ AN PES ESTER,
 DONC N'AS TU CI QUE DEMORER;
 MES REVA T'AN, SI FERAS SAN
 QUE PAR TOT CEST PAI=S SET AN
 COMANT ELE TRAI= SA DAME;
 S'EST DROIZ QUE AN FEU ET EN FLAME
 L'EN SOIT RANDUE LA MERITE.
 _ *NE PLACE LE *SAINT ESPERITE,
 FET CIL QUI BIEN AN SET LE VOIR,
 JA *DEX NE M'AN DOINT REMOVOIR
 TANT QUE JE DELIVREE L'AIE."
 *LORS DIT AU LY=ON QU'IL SE TRAIE
 ARRIERES, ET TOZ COIZ SE GISE;
 ET CIL LE FET A SA DEVISE.
 *LI LY=ONS S'EST ARRIERES TREZ.
 *TANTOST LA PAROLE ET LI PLEZ
 REMEST D'AUS DEUS, SI S'ANTR'ESLOINGNENT,
 LI TROI ANSANBLE VERS LUI POINGNENT,
 ET IL VINT ENCONTRE AUS LE PAS,
 QUE DESREER NE SE VOST PAS
 *LOR LANCES LOR LESSE FROISSIER
 ET IL RETIENT LA SOE SAINNE;
 DE SON ESCU LOR FET QUINTAINNE,
 SI A CHASCUNS SA LANCE FREITE.
 *ET IL A UNE POINTE FEITE
 TANT QUE D'AX UN ARPANT S'ESLOINGNE;
 MES TOST REVINT A LA BESOINGNE
 QU'IL N'A CURE DE LONC SEJOR.
 *LE SENESCHAL AN SON RETOR
 DEVANT SES DEUS FRERES ATAINT:
 SA LENCE SOR LE CORS LI FRAINT;
 UN COP LI A DONE/ SI BUEN
 QUEL PORTE A TERRE, MAU GRE/ SUEN;
 UNE GRANT PIECE ESTANDUZ JUT
 C'ONQUES NULE RIENS NE LI NUT.
 *ET LI AUTRE DUI SUS LI VIENENT:
 AS ESPEES QUE NUES TIENENT
 LI DONENT GRANZ COS ANBEDUI,
 MES PLUS GRANZ REC&OIVENT DE LUI,
 QUE DE SES COS VALT LI UNS SEUS
 DES LOR TOZ A MESURE DEUS.
 *SI SE DESFANT VERS AX SI BIEN
 QUE DE SON DROIT N'EN PORTENT RIEN,
 TANT QUE LI SENESCHAX RELIEVE
 QUI DE TOT SON POOIR LI GRIEVE;
 ET LI AUTRE AVOEC LUI S'AN PAINNENT
 TANT QU'IL LE GRIEVENT ET SORMAINNENT.
 *ET LI LY=ONS QUI CE ESGARDE
 DE LUI AIDIER PLUS NE SE TARDE,
 QUE MESTIERS LI EST, CE LI SANBLE;
 ET TOTES LES DAMES ANSANBLE
 QUI LA DAMEISELE MOLT AINMENT
 *DAMEDEU MOLT SOVANT RECLAINMENT
 ET SI LI PRI=ENT DE BOEN CUER
 QUE SOFRIR NE VUELLE A NUL FUER
 QUE CIL I SOIT MORZ NE CONQUIS
 QUI POR LI S'EST AN PAINNE MIS.
 *DE PRIERE AI=DE LI FONT
 LES DAMES, QU'AUTRES BASTONS N'ONT.
 *ET LI LY=ONS LI FET AI=E
 TEL QU'A LA PREMIERE ENVAI=E
 A DE SI GRANT AI=R FERU
 LE SENESCHAL, QUI A PIE/ FU;
 AUSI CON SE CE FUSSENT PAILLES
 FET DEL HAUBERC VOLER LES MAILLES,
 ET CONTREVAL SI FORT LE SACHE
 QUE DE L'ESPAULE LI ARACHE
 LE TANRUN A TOT LE COSTE/.
 *QUAN QU'IL ATEINT L'EN A OSTE/
 SI QUE LES ANTRAILLES LI PERENT.
 *CE COP LI AUTRE DUI CONPERENT.
 *OR SONT EL CHANP TOT PER A PER;
 DE LA MORT NE PUET ESCHAPER
 LI SENESCHAX QUI SE TOOILLE
 ET DEVULTE AN L'ONDE VERMOILLE
 DEL SANC, QUI DE SON CORS LI SAUT.
 *LI LY=ONS LES AUTRES ASAUT
 POR FERIR NE POR MENACIER,
 MES SIRE *YVAINS EN NULE GUISE;
 S'I A IL MOLT GRANT POINNE MISE;
 MES LI LY=ONS SANZ DOTE SET
 QUE SES SIRES MIE NE HET
 S'AI=E, EINC&OIS L'EN AINME PLUS;
 SI LOR PASSE FIEREMANT SUS
 TANT QUE CIL DE SES COS SE PLAIGNENT
 ET LUI REBLESCENT ET MAHAIGNENT.
 *QUANT MES SIRE *YVAINS VOIT BLECIE/
 SON LY=ON, MOLT A CORRECIE/
 LE CUER DEL VANTRE, ET N'A PAS TORT;
 MES DEL VANGIER SE POINNE FORT;
 SI LOR VET SI ESTOUTEMANT
 QUE IL LES MAINNE SI VILMANT
 QUE VERS LUI POINT NE SE DESFANDENT
 ET QUE A SA MERCI SE RANDENT
 POR L'AI=DE QUE LI A FEITE
 LI LI=ONS, QUI MOLT SE DESHEITE,
 QUE BIEN DEVOIT ESTRE ESMAIEZ,
 CAR AN DEUS LEUS ESTOIT PLAIEZ.
 *ET D'AUTRE PART MES SIRE *YVAINS
 NE RESTOIT MIE TRESTOZ SAINS,
 EINZ AVOIT EL CORS MAINTE PLAIE;
 MES DE CE PAS TANT NE S'ESMAIE
 CON DE SON LY=ON QUI SE DIALT.
 *OR A TOT ENSI COM IL VIALT
 SA DAMEISELE DELIVREE,
 ET S'IROR LI A PARDONEE
 LA DAME TRESTOT DE SON GRE/.
 *ET CIL FURENT ARS AN LA RE/
 QUI POR LI ARDOIR FU ESPRISE;
 QUE CE EST REISONS DE JUSTISE
 QUE CIL QUI AUTRUI JUGE A TORT
 DOIT DE CELUI MEI=SMES MORT
 MORIR QUE IL LI A JUGIEE.
 *OR EST *LUNETE BAUDE ET LIEE
 QANT A SA DAME EST ACORDEE,
 SI ONT TEL JOIE DEMENEE
 QU'AINZ NULE GENT SI GRANT NE FIRENT
 ET TUIT A LOR SEIGNOR OFRIRENT
 LOR SERVISE, SI CON IL DURENT,
 SANZ CE QUE IL NE LE CONURENT;
 NEI=S LA DAME QUI AVOIT
 SON CUER, ET SI NE LE SAVOIT,
 LI PRIA MOLT QU'IL LI PLEU=ST
 A SEJORNER TANT QU'IL EU=ST
 RESPASSE/, SON LY=ON ET LUI.
 *ET IL DIT: "*DAME, CE N'IERT HUI
 QUE JE ME REMAINGNE AN CEST POINT
 TANT QUE MA DAME ME PARDOINT
 SON MAUTALANT ET SON CORROZ.
 *LORS FINERA MES TRAVAUZ TOZ.
 _ *CERTES, FET ELE, CE ME POISE,
 NE TIENG MIE POR TRES CORTOISE
 LA DAME QUI MAL CUER VOS PORTE.
 *NE DEU=ST PAS VEHER SA PORTE
 A CHEVALIER DE VOSTRE PRIS
 _ *DAME, FET IL, QUE QU'IL ME GRIET
 TRESTOT ME PLEST CE QUE LI SIET,
 MES NE M'AN METEZ PAS AN PLET,
 QUE L'ACOISON ET LE FORFET
 NE DIROIE POR NULE RIEN
 SE CEZ NON QUI LE SEVENT BIEN.
 _ *SET LE DONC NUS, SE VOS DUI NON?
 _ *OI=L, VOIR, DAME. _ *ET VOSTRE NON,
 SE VOS PLEST, BIAX SIRE, NOS DITES,
 PUIS SI VOS EN IROIZ TOZ QUITES.
 _ *TOZ QUITES, DAME? *NEL FEROIE;
 PLUS DOI QUE RANDRE NE PORROIE;
 NE POR QUANT NE VOS DOI CELER
 COMANT JE ME FAZ APELER:
 JA DEL *CHEVALIER AU LY=ON
 N'ORROIZ PARLER SE DE MOI NON:
 PAR CEST NON VUEL QUE L'EN M'APIAUT.
 _ *POR *DEU, BIAX SIRE, CE QU'ESPIAUT
 QUE ONQUES MES NE VOS VEI=SMES
 NE VOSTRE NON NOMER N'OI=SMES?
 _ *DAME, PAR CE SAVOIR POEZ
 QUE NE SUI GUERES RENOMEZ."
 *LORS DIT LA DAME DE RECHIEF:
 "*ENCOR, S'IL NE VOS ESTOIT GRIEF,
 DE REMENOIR VOS PRI=EROIE.
 _ *CERTES, DAME, JE NEL FEROIE
 TANT QUE CERTENEMANT SEU=SSE
 QUE LE BOEN CUER MA DAME EU=SSE.
 _ *OR ALEZ DONC A *DEU, BIAUS SIRE,
 QUI VOSTRE PESANCE ET VOSTRE IRE,
 SE LUI PLEST, VOS ATORT A JOIE!
 _ *DAME, FET IL, *DEX VOS EN OIE!"
 *PUIS DIST ANTRE SES DANZ SOE=F:
 "*DAME, VOS EN PORTEZ LA CLEF,
 ET LA SERRE ET L'ESCRIN AVEZ
 OU MA JOIE EST, SI NEL SAVEZ."
 *ATANT S'AN PART A GRANT ANGOISSE,
 SE N'I A NUL QUI LE CONOISSE
 FORS QUE *LUNETE SEULEMANT
 QUI LE CONVEA LONGUEMENT.
 *LUNETE SEULE LE CONVOIE
 ET IL LI PRIE TOTE VOIE
 QUE JA PAR LI NE SOIT SEU=
 QUEL CHANPI=ON ELE OT EU=.
 "*SIRE, FET ELE, NON IERT IL."
 *APRE/S CE LI REPRIA CIL
 QUE DE LUI LI RESOVENIST
 ET VERS SA DAME LI TENIST
 BOEN LEU, S'ELE VENOIT EN EISE.
 *ET CELE DIT QUE IL S'AN TEISE
 QU'ELE N'EN IERT JA OBLI=EUSE
 NE RECREANZ NE PERECEUSE;
 ET CIL L'EN MERCIE .C. FOIZ.
 *SI S'AN VET PANSIS ET DESTROIZ
 POR SON LY=ON QU'IL LI ESTUET
 PORTER QUE SIUDRE NE LE PUET.
 *EN SON ESCU LI FET LITIERE
 DE LA MOSSE ET DE LA FOUCHIERE;
 AU PLUS SOEF QU'IL PUET LE COUCHE,
 SI L'EN PORTE TOT ESTANDU
 DEDANZ L'ENVERS DE SON ESCU.
 *ENSI AN SON ESCU L'ENPORTE
 TANT QUE IL VINT DEVANT LA PORTE
 D'UNE MEISON MOLT FORT ET BELE;
 FERME LA TRUEVE, SI APELE,
 ET LI PORTIERS OVERTE L'A
 SI TOST C'ONQUES N'I APELA
 UN MOT APRE/S LE PREMERAIN.
 *A LA RESNE LI TANT LA MAIN,
 SI LI DIT: "*BIAX SIRE, AN PRESANT
 L'OSTEL MON SEIGNOR VOS PRESANT,
 SE IL VOS I PLEST A DESCENDRE.
 _ *CE PRESANT, FET IL, VUEL JE PRENDRE
 QUE JE EN AI MOLT GRANT MESTIER
 ET SI EST TANS DE HERBERGIER."
 *ATANT A LA PORTE PASSEE
 ET VOIT LA MESNIEE AMASSEE
 QUI TUIT A L'ENCONTRE LI VONT;
 SALU=E/, ET DESCENDU L'ONT,
 LI UN METENT SOR UN PERRON
 SON ESCU A TOT LE LY=ON
 ET LI AUTRE ONT SON CHEVAL PRIS,
 SI L'ONT EN UNE ESTABLE MIS;
 LI ESCUIER, SI CON IL DOIVENT,
 SES ARMES PRANENT ET REC&OIVENT.
 *QUANT LI SIRES LA NOVELE OT
 TOT MAINTENANT QUE IL LE SOT
 VIENT AN LA CORT, SI LE SALU=E,
 ET LA DAME EST APRE/S VENUE
 ET SI FIL ET SES FILLES TOTES;
 D'AUTRES GENZ I OT MOLT GRANZ ROTES,
 SI LE HERBERGENT A GRANT JOIE;
 MIS L'ONT EN UNE CHANBRE COIE
 POR CE QUE MALADE LE TRUEVENT
 ET DE CE MOLT BIEN SE REPRUEVENT
 QUE SON LY=ON AVOEC LUI METENT;
 ET DE LUI GARIR S'ANTREMETENT
 DEUS PUCELES QUI MOLT SAVOIENT
 DE MECINES, ET SI ESTOIENT
 FILLES AU SEIGNOR DE LEANZ.
 *JORZ I SEJORNA NE SAI QUANZ
 TANT QUE IL ET SES LY=ONS FURENT
 GARI, ET QUE RALER S'AN DURENT.
 *MES DEDANZ CE FU AVENU
 QUE A LA MORT OT PLET TENU
 LI SIRES DE LA NOIRE ESPINE;
 SI PRIST A LUI TEL ANHATINE
 LA MORZ, QUE MORIR LE COVINT.
 *APRE/S SA MORT ENSI AVINT
 DE DEUS FILLES QUE IL AVOIT
 QUE L'AINZ NEE DIST QU'ELE AVROIT
 TRESTOTE LA TERRE A DELIVRE
 TOZ LES JORZ QU'ELE AVROIT A VIVRE,
 QUE JA SA SUER N'I PARTIROIT.
 *ET L'AUTRE DIST QUE ELE IROIT
 A LA CORT LE ROI *ARTUS, QUERRE
 *ET QUANT L'AUTRE VIT QUE SA SUER
 NE LI SOFFERROIT A NUL FUER
 TOTE LA TERRE SANZ TANC&ON
 S'AN FU EN MOLT GRANT CUSANC&ON
 ET DIST QUE, SE ELE POOIT,
 EINC&OIS DE LI A CORT VANROIT.
 *TANTOST S'APAROILLE ET ATORNE
 NE DEMORE NE NE SEJORNE,
 EINZ ERRA TANT QU'A LA CORT VINT;
 ET L'AUTRE APRE/S SA VOIE TINT
 ET QUAN QU'ELE POT SE HASTA,
 MES SA VOIE ET SES PAS GASTA
 QUE LA PREMIERE AVOIT JA FET
 A MON SEIGNOR *GAUVAIN SON PLET
 ET IL LI AVOIT OTROIE/
 QUAN QU'ELE LI AVOIT PROIE/.
 *MES TEL COVANT ENTR'AX AVOIT
 QUE SE NUS PAR LI LE SAVOIT,
 JA PUIS NE S'ARMEROIT POR LI;
 ET ELE L'OTROIA ENSI.
 *ATANT VINT L'AUTRE SUER A CORT,
 AFUBLEE D'UN MANTEL CORT
 D'ESCARLATE FORRE/ D'ERMINE:
 S'AVOIT TIERZ JOR QUE LA REI=NE
 ERT DE LA PRISON REVENUE
 OU *MELEAGANZ L'A TENUE
 ET TRESTUIT LI AUTRE PRISON,
 ET *LANCELOZ PAR TRAI=SON
 ESTOIT REME/S DEDANZ LA TOR.
 *ET AN CELUI MEI=SMES JOR
 QUE A LA CORT VINT LA PUCELE
 I FU VENUE LA NOVELE
 DEL JAIANT CRUEL ET FELON
 QUE LI CHEVALIERS AU LY=ON
 AVOIT AN BATAILLE TU=E/.
 *DE PAR LUI ORENT SALU=E/
 MON SEIGNOR *GAUVAIN SI NEVEU.
 *LE GRANT SERVISE ET LE GRANT PREU
 QUE IL LOR AVOIT POR LUI FET
 LI A TOT SA NIECE RETRET
 ET DIST QUE BIEN LE CONUISSOIT,
 NE NE SAVOIT QUI IL ESTOIT.
 *CESTE PAROLE OT ENTANDUE
 CELE QUI MOLT ERT ESPERDUE
 ET TRESPANSEE ET ESBAHIE,
 QUI NUL CONSOIL NE NULE AI=E
 A LA CORT TROVER NE CUIDOIT,
 PUIS QUE LI MIAUDRES LI FAILLOIT,
 QU'ELE AVOIT EN MAINTE MENIERE,
 ET PAR AMOR, ET PAR PROIERE,
 ESSAIE/ MON SEIGNOR *GAUVAIN
 ET IL LI DIST: "*AMIE, AN VAIN
 ME PRIEZ QUE JE NEL PUIS FEIRE
 QUE J'AI ANPRIS UNE AUTRE AFEIRE
 QUE JE NE LESSEROIE PAS."
 *ET LA PUCELE EN ES LE PAS
 S'AN PART ET VIENT DEVANT LE ROI.
 "*ROIS, FET ELE, JE VING A TOI
 ET A TA CORT QUERRE CONSOIL
 NE N'I TRUIS POINT, SI M'AN MERVOIL
 QUANT JE CONSOIL N'I PUIS AVOIR
 SE JE SANZ CONGIE/ M'AN ALOIE.
 *ET SACHE MA SUER TOTE VOIE
 QU'AVOIR PORROIT ELE DEL MIEN
 PAR AMORS, S'ELE VOLOIT BIEN,
 MES JA PAR FORCE QUE JE PUISSE,
 POR QU'AI=E NE CONSOIL TRUISSE,
 NE LI LEIRAI MON HERITAGE.
 _ *VOS DITES, FET LI ROIS, QUE SAGE
 ET DEMANTRES QUE ELE EST CI
 JE LI CONSOIL ET LO ET PRI
 QU'ELE VOS LEST VOSTRE DROITURE."
 *ET CELE QUI ESTOIT SEU=RE
 DEL MEILLOR CHEVALIER DEL MONDE
 RESPONT: "*SIRE, *DEX ME CONFONDE
 SE JA DE MA TERRE LI PART
 CHASTEL, NE VILE, NE ESSART,
 NE BOIS, NE PLAIN, NE AUTRE CHOSE.
 *MES SE UNS CHEVALIERS S'EN OSE
 POR LI ARMER, QUI QUE IL SOIT
 QUI VOELLE DESRESNIER SON DROIT,
 SI VEINGNE TRESTOT MAINTENANT.
 _ *NE LI OFREZ MIE AVENANT,
 FET LI ROIS, QUE PLUS I ESTUET;
 S'ELE PLUS PORCHACIER SE PUET
 AU MOINS JUSQU'A QUATORZE JORZ
 AU JUGEMANT DE TOTES CORZ".
 *ET CELE DIT: "*BIAX SIRE ROIS,
 VOS POEZ ESTABLIR VOZ LOIS
 TEX CON VOS PLEST ET BOEN VOS IERT,
 N'A MOI N'ATEINT, N'A MOI N'AFIERT
 QUE JE DESDIRE VOS AN DOIVE;
 SI ME COVIENT QUE JE REC&OIVE
 LE RESPIT, S'ELE LE REQUIERT."
 *ET CELE DIT QU'EL LE REQUIERT
 ET SI LE DESIRRE ET DEMANDE.
 *TANTOST LE ROI A *DEU COMANDE;
 NE FINERA PAR TOTE TERRE
 DEL *CHEVALIER AU LY=ON QUERRE
 QUI MET SA POINNE A CONSEILLIER
 CELES QUI D'AI=E ONT MESTIER.
 *ENSI EST AN LA QUESTE ANTREE
 ET TRESPASSE MAINTE CONTREE
 C'ONQUES NOVELES N'EN APRIST,
 DON TEL DUEL OT QUE MAX L'EN PRIST.
 *MES DE CE MOLT BIEN LI AVINT
 QUE CHIE/S UN SUEN ACOINTE VINT
 DOM ELE ESTOIT ACOINTE MOUT:
 S'APARC&UT L'EN BIEN A SON VOUT
 QUE ELE N'ESTOIT MIE SAINNE.
 *A LI RETENIR MISTRENT PAINNE
 TANT QUE SON AFEIRE LOR DIST;
 ET UNE AUTRE PUCELE ANPRIST
 LA VOIE QU'ELE AVOIT ANPRISE:
 POR LI S'EST AN LA QUESTE MISE.
 *ENSI REMEST CELE A SEJOR.
 *ET L'AUTRE ERRA AU LONC DEL JOR,
 TOTE SEULE GRANT ALEU=RE
 TANT QUE VINT A LA NUIT OSCURE.
 ET DE CE DOBLA LI ENUIZ
 QU'IL PLOVOIT A SI GRANT DESROI,
 CON *DAMEDEX AVOIT DE COI,
 ET FU EL BOIS MOLT AU PARFONT.
 *ET LA NUIZ, ET LI BOIS LI FONT
 GRANT ENUI, ET PLUS LI ENUIE
 QUE LA NUIZ, NE LI BOIS, LA PLUIE.
 *ET LI CHEMINS ESTOIT SI MAX
 QUE SOVANT ESTOIT SES CHEVAX
 JUSQUE PRES DES CENGLES EN TAI;
 SI POOIT ESTRE AN GRANT ESMAI
 PUCELE AU BOIS, ET SANZ CONDUIT,
 PAR MAL TANS, ET PAR NOIRE NUIT,
 SI NOIRE QU'ELE NE VEOIT
 LE CHEVAL SOR QU'ELE SEOIT.
 *ET POR CE RECLAMOIT ADE/S
 *DEU AVANT, ET SA MERE APRE/S,
 ET PUIS TOZ SAINZ ET TOTES SAINTES;
 ET DIST LA NUIT ORISONS MAINTES
 QUE *DES A OSTEL LA MENAST
 ET FORS DE CE BOIS LA GITAST.
 *SI CRI=A TANT QUE ELE OI=
 UN COR DON MOLT SE RESJOI=
 QU'ELE CUIDE QUE ELE TRUISSE
 OSTEL, MES QUE VENIR I PUISSE;
 SI S'EST VERS LA VOIZ ADRECIEE
 TANT QU'ELE ANTRE EN UNE CHAUCIEE,
 ET LA CHAUCIEE DROIT L'EN MAINNE
 VERS LE COR DOM ELE OT L'ALAINNE,
 QUE PAR TROIS FOIZ, MOLT LONGUEMANT,
 SONA LI CORZ ET HAUTEMANT;
 ET ELE ERRA DROIT A LA VOIZ,
 TANT QU'ELE VINT A UNE CROIZ
 QUI SOR LA CHAUCIEE ERT A DESTRE;
 ILUEC PANSOIT QUE POI=ST ESTRE
 LI CORZ ET CIL QUI L'A SONE/;
 CELE PART A ESPERONE/
 TANT QU'ELE APROCHA VERS UN PONT,
 ET VIT D'UN CHASTELET REONT
 LES MURS BLANS ET LA BARBAQUANE.
 *EINSI PAR AVENTURE ASANE
 AU CHASTEL, ENSI ADREC&A,
 PAR LA VOIZ QUI L'I AMENA.
 *LA VOIZ DEL COR L'I A ATRETE
 QUE SONE/ AVOIT UNE GUETE
 QUI SOR LES MURS MONTEE ESTOIT;
 TANTOST CON LA GUETE LA VOIT
 SI LA SALU=E ET PUIS DESCENT,
 ET LA CLEF DE LA PORTE PRENT,
 SI LI OEVRE ET DIT: "*BIEN VEIGNIEZ,
 PUCELE, QUI QUE VOS SOIEZ.
 *ANQUENUIT AVROIZ BOEN OSTEL.
 _ *JE NE DEMANT ENUIT MES EL",
 FET LA PUCELE; ET IL L'EN MAINNE.
 *APRE/S LE TRAVAIL ET LA PAINNE
 QUE ELE AVOIT LE JOR EU=E,
 SI EST A L'OSTEL BIEN VENUE
 QUE MOLT I EST BIEN AEISIEE.
 *APRE/S SOPER L'A ARESNIEE
 OU ELE VA ET QU'ELE QUIERT.
 *ET CELE LI RESPONT ADONQUES:
 "*JE QUIER CE QUE JE NE VI ONQUES,
 MIEN ESCI=ANT, NE NE QUENUI,
 MES UN LY=ON A AVOEC LUI
 ET AN ME DIT, SE JE LE TRUIS,
 QUE AN LUI MOLT FI=ER ME PUIS.
 _ *GIE/, FET CIL, L'EN REPORT TESMOING
 QUE A UN MIEN MOLT GRANT BESOING
 LE M'AMENA *DEX AVANT IER.
 *BENEOIT SOIENT LI SANTIER
 PAR OU IL VINT A MON OSTEL,
 CAR D'UN MIEN ANEMI MORTEL
 ME VENCHA, DON SI LIE/ ME FIST
 QUE TOT VEANT MES IALZ L'OCIST
 A CELE PORTE LA DEFORS.
 *DEMAIN PORROIZ VEOIR LE CORS
 D'UN GRANT JAIANT QUE IL TU=A
 SI TOST QUE GUERES N'I SU=A.
 _ *POR *DEU, SIRE, DIT LA PUCELE,
 CAR ME DITES VOIRE NOVELE
 SE VOS SAVEZ OU IL TORNA
 ET S'IL EN NUL LEU SEJORNA.
 _ *JE NON, FET IL, SE DEX ME VOIE!
 *MES BIEN VOS METRAI AN LA VOIE
 DEMAIN, PAR OU IL S'EN ALA.
 _ *ET *DEX, FET ELE, ME MAINT LA
 OU JE VOIRE NOVELE EN OIE,
 CAR SE JEL TRUIS, MOLT AVRAI JOIE."
 *ENSI MOLT LONGUEMANT PARLERENT
 TANT QU'AN LA FIN COUCHIER ALERENT.
 *QUANT VINT QUE L'AUBE FU CREVEE,
 LA DAMEISELE FU LEVEE
 QUI AN MOLT GRANT ESPANS ESTOIT
 DE TROVER CE QU'ELE QUEROIT.
 *ET LI SIRES DE LA MEISON
 SE LIEVE, ET TUIT SI CONPAIGNON;
 SI LA METENT EL DROIT CHEMIN
 VERS LA FONTAINNE SOZ LE PIN;
 ET ELE DE L'ERRER ESPLOITE
 VERS LE CHASTEL LA VOIE DROITE,
 TANT QU'ELE VINT ET DEMANDA
 AS PREMERAINS QU'ELE TROVA
 S'IL LI SAVOIENT ANSEIGNIER
 LE LY=ON ET LE CHEVALIER
 QUI ENTR'ACONPAINGNIE/ S'ESTOIENT.
 *ET CIL DI=ENT QU'IL LOR AVOIENT
 VEU=Z TROIS CHEVALIERS CONQUERRE
 DROIT AN CELE PIECE DE TERRE.
 *ET CELE DIT EN ES LE PAS:
 "*POR *DEU, NE ME CELEZ VOS PAS,
 DES QUE VOS TANT DIT M'AN AVEZ,
 SE VOS PLUS DIRE M'AN SAVEZ.
 _ *NENIL, FONT IL, NOS N'EN SAVONS
 FORS TANT CON DIT VOS EN AVONS;
 NE NOS NE SAVONS QU'IL DEVINT.
 *SE CELE POR CUI IL C&A VINT
 NOVELES NE VOS AN ENSEIGNE
 N'IERT NUS QUI LES VOS AN APREIGNE,
 NE VOS COVIENT AILLORS ALER
 QU'ELE EST ALEE AN CE MOSTIER
 POR MESSE OI=R ET *DEU PROIER,
 ET SI I A TANT DEMORE/
 QU'ASEZ I PUET AVOIR ORE/."
 *QUE QU'IL L'APARLOIENT ENSI
 *LUNETE DEL MOSTIER ISSI;
 SI LI DI=ENT: "*VEEZ LA LA."
 *ET CELE ANCONTRE LI ALA.
 *SI SE SONT ANTRESALU=EES;
 TANTOST A CELE DEMANDEES
 LES NOVELES QU'ELE QUEROIT;
 ET CELE DIT QU'ELE FEROIT
 UN SUEN PALEFROI ANSELER,
 CAR AVOEC LI VOLDROIT ALER,
 SI L'AN MANROIT VERS UN PLESSIE/
 OU ELE L'AVOIT CONVOIE/.
 *ET CELE DE CUER L'EN MERCIE.
 *LI PALEFROIZ NE TARDA MIE,
 EN LI AMAINNE ET ELE MONTE;
 *LUNETE AN CHEVALCHANT LI CONTE
 COMANT ELE FU ANCUSEE
 ET DE TRAI=SON APELEE
 ET COMANT LA REZ FU ESPRISE
 OU ELE DEVOIT ESTRE MISE,
 ET COMANT CIL LI VINT EIDIER
 QUANT ELE EN OT PLUS GRANT MESTIER.
 *ENSI PARLANT LA CONVEA
 TANT QU'AU DROIT CHEMIN L'AVEA
 OU MES SIRE *YVAINS L'OT LESSIEE.
 *QUANT JUSQUE LA L'OT CONVOIEE,
 SI LI DIST: "*CEST CHEMIN TANROIZ
 TANT QUE EN AUCUN LEU VANROIZ
 OU NOVELE VOS EN IERT DITE,
 SE *DEU PLEST ET SAINT ESPERITE,
 PLUS VOIRE QUE JE NE L'EN SAI;
 BIEN M'AN SOVIENT QUE JEL LESSAI
 BIEN PRES DE CI, OU CI MEI=SMES;
 NE PUIS NE NOS ANTREVEI=SMES,
 NE JE NE SAI QU'IL A PUIS FET,
 QUE GRANT MESTIER EU=ST D'ANTRET
 QUANT IL SE DEPARTI DE MOI.
 *PAR CI APRE/S LUI VOS ENVOI
 ET *DEX LE VOS DOINT TROVER SAIN,
 S'IL LI PLEST, AINZ HUI QUE DEMAIN.
 *OR ALEZ, A *DEU VOS COMANT,
 QUE JE NE VOS OS SIUDRE AVANT
 QUE MA DAME A MOI NE S'IRESSE."
 *MAINTENANT L'UNE L'AUTRE LESSE:
 L'UNE RETORNE, ET L'AUTRE EN VA
 ET VET TANT QUE ELE TROVA
 LA MEISON OU MES SIRE *YVAINS
 OT ESTE/ TANT QUE TOZ FU SAINS.
 *ET VIT DEVANT LA PORTE GENZ:
 DAMES, CHEVALIERS, ET SERGENZ,
 ET LE SEIGNOR DE LA MEISON;
 SEL SALU=E, ET MET A REISON
 S'IL SEVENT QUE IL LUI APREINGNENT
 NOVELES, ET QU'IL LI ANSEINGNENT
 "*DE TEL MENIERE EST QUE JA N'IERT
 SANZ UN LYEON, C'EI OI= DIRE.
 _ *PAR FOI, PUCELE, FET LI SIRE,
 IL PARTI OR EN DROIT DE NOS
 ENCOR ANCUI L'ATEINDROIZ VOS
 SE SES ESCLOZ SAVEZ GARDER,
 MES GARDEZ VOS DE TROP TARDER."
 _ *SIRE, FET ELE, *DEX M'AN GART
 MES OR ME DITES DE QUEL PART
 JE LE SIUE." *ET CIL LE LI DI=ENT:
 "*PAR CI, TOT DROIT", ET SI LI PRI=ENT
 QU'ELE, DE PAR AX, LE SALUT;
 MES CE GUERES NE LOR VALUT,
 QU'ELE ONQUES NE S'AN ENTREMIST.
 *MES LORS ES GRANZ GALOZ SE MIST
 QUE L'ANBLEU=RE LI SANBLOIT
 ESTRE PETITE, ET SI ANBLOIT
 SES PALEFROIZ DE GRANT ESLAIS.
 *AUSI GALOPE PAR LE TAIS
 CON PAR LA VOIE IGAL ET PLAINNE
 TANT QU'ELE VOIT CELUI QUI MAINNE
 LE LYEON AN SA CONPAINGNIE.
 *LORS FET JOIE ET DIT "*DEX AI=E!
 *OR VOI CE QUE TANT AI CHACIE/;
 MOLT L'AI BIEN SEU= ET TRACIE/.
 *MES SE JEL CHAZ ET JEL ATAING,
 QUE ME VALDRA, SE JE NEL PRAING?
 *PAR CI S'AN VET, VOIRE PAR FOI;
 S'IL NE S'AN VIENT ANSANBLE O MOI,
 DONC AI GE MA POINNE GASTEE."
 *ENSI PARLANT S'EST TANT HASTEE,
 TRESTOZ SES PALEFROIZ TRESSU=E;
 SI S'ARESTE, ET SI LE SALU=E,
 ET CIL LI RESPONDI MOLT TOST:
 "*DEX VOS SAUT, BELE, ET SI VOS OST
 DE CUSANC&ON ET DE PESANCE!
 _ *ET VOS, SIRE, OU J'AI ESPERANCE
 QUE BIEN M'AN PORRI=EZ OSTER!"
 *LORS SE VA LEZ LUI ACOSTER
 ET DIT: "*SIRE, JE VOS AI QUIS.
 *LI GRANZ RENONS DE VOSTRE PRIS
 M'A MOLT FET APRE/S VOS LASSER
 ET MAINTE CONTREE PASSER.
 *TANT VOS AI QUIS, LA *DEU MERCI,
 QU'ASANBLEE SUI A VOS CI,
 ET SE GE NUL MAL I AI TRET
 DE RIEN NULE NE M'AN DESHET,
 NE NE M'AN PLEING, NE NE M'AN MENBRE;
 TUIT ME SONT ALEGIE/ LI MANBRE
 QUE LA DOLORS M'AN FU ANBLEE,
 TANTOST QU'A VOS FUI ASANBLEE.
 *SI N'EST PAS LA BESOINGNE MOIE;
 MIAUDRE DE MOI A VOS M'ANVOIE,
 PLUS GENTIX FAME ET PLUS VAILLANZ,
 MES SE ELE EST A VOS FAILLANZ
 DONC L'A VOSTRE RENONS TRAI=E,
 QU'ELE N'ATANT SECORS N'AI=E,
 DE BIEN DESRESNIER SA QUERELE,
 C'UNE SOE SUER DESHERETE,
 NE QUIERT QU'AUTRES S'AN ENTREMETE;
 N'AN NE LI PUET FEIRE CUIDIER
 QUE AUTRES L'AN POI=ST EIDIER;
 ET SACHIEZ BIEN TRESTOT DE VOIR
 SE LE PRIS AN POEZ AVOIR,
 S'AVROIZ CONQUISE ET RACHETEE
 L'ENOR A LA DESHERITEE
 ET CREU= VOSTRE VASELAGE.
 *POR DESRESNIER SON HERITAGE
 ELE MEI=SMES VOS QUEROIT
 POR LE BIEN QU'ELE I ESPEROIT,
 NE JA AUTRE N'I FUST VENUE;
 MES UNS FORZ MAX L'A DETENUE
 TEX QUE PAR FORCE AU LIT LA TREST.
 *OR M'AN RESPONEZ, S'IL VOS PLEST,
 SE VOS VENIR I OSEROIZ
 OU SE VOS VOS REPOSEROIZ.
 _ *N'AI SOING, FET IL, DE REPOSER;
 NE S'EN PUET NUS HOM ALOSER,
 NE JE NE REPOSERAI MIE,
 EINZ VOS SIUDRAI, MA DOLCE AMIE,
 VOLANTIERS, LA OU VOS PLEIRA;
 ET SE DE MOI GRANT AFEIRE A
 CELE POR CUI VOS ME QUEREZ,
 JA NE VOS AN DESESPEREZ
 QUE JE TOT MON POOIR N'EN FACE;
 OR ME DOINT *DEX ET CUER ET GRACE
 QUE JE, PAR SA BOENE AVENTURE,
 PUISSE DESRESNIER SA DROITURE."
 *ENSI ENTR'AUS DEUS CHEVALCHIERENT
 PARLANT, TANT QUE IL APROCHIERENT
 LE CHASTEL DE PESME AVENTURE.
 *DE PASSER OLTRE N'ORENT CURE
 QUE LI JORZ ALOIT DECLINANT.
 *CE CHASTEL VIENENT APRISMANT,
 ET LES GENZ QUI VENIR LES VOIENT
 TRESTUIT AU CHEVALIER DISOIENT:
 "*MAL VEIGNIEZ, SIRE, MAL VEIGNIEZ!
 *CIST OSTEX VOS FU ANSEIGNIEZ
 POR MAL ET POR HONTE ANDURER,
 CE PORROIT UNS ABES JURER.
 _ *HA! FET IL, GENT FOLE ET VILAINNE,
 GENT DE TOTE MALVESTIE/ PLAINNE
 QUI A TOZ BIENS AVEZ FAILLI,
 POR COI M'AVEZ SI ASAILLI?
 _ *POR COI? *VOS LE SAVROIZ ASSEZ
 S'ANCORE UN PO AVANT PASSEZ!
 *MES NULE RIEN JA N'EN SAVROIZ
 JUSQUE TANT QUE ESTE/ AVROIZ
 AN CELE HAUTE FORTERESCE."
 *TANTOST MES SIRE *YVAINS S'ADRESCE
 VERS LA TOR; ET LES GENZ S'ESCRI=ENT:
 TRESTUIT A HAUTE VOIZ LI DI=ENT:
 "*HU! *HU! *MALEU=REUS, OU VAS?
 *S'ONQUES EN TA VIE TROVAS
 QUI TE FEI=ST HONTE NE LET,
 QUE JA PAR TOI N'IERT RECONTE/.
 _ *GENT SANZ ENOR, ET SANZ BONTE/,
 FET MES SIRE *YVAINS QUI ESCOTE,
 GENT ENUIEUSE, GENT ESTOUTE,
 POR COI M'ASAUZ? *POR COI M'AQUIAUS?
 *QUE ME DEMANDES? *QUE ME VIAUS,
 QUI SI APRE/S MOI TE DEGROCES?
 _ *AMIS, DE NEANT TE CORROCES,
 FIST UNE DAME AUQUES D'AAGE
 QUI MOLT ESTOIT CORTOISE ET SAGE,
 QUE CERTES POR MAL NE TE DI=ENT
 NULE CHOSE, EINC&OIS TE CHASTI=ENT,
 SE TU LE SAVOIES ENTENDRE,
 QUE LESSUS N'AILLES OSTEL PRENDRE;
 NE LE PORCOI DIRE NE T'OSENT,
 MES IL TE CHASTOIENT ET CHOSENT
 POR CE QUE ESMAIER T'EN VUELENT;
 ET PAR COSTUME FEIRE SUELENT
 AUTEL A TOZ LES SORVENANZ,
 POR CE QUE IL N'AILLENT LEANZ.
 *ET LA COSTUME EST C&A FORS TEX
 QUE NOS N'OSONS A NOZ OSTEX
 HERBERGIER, POR RIEN QUI AVEIGNE,
 NUL PREUDOME QUI DE FORS VEIGNE.
 *OR EST SOR TOI DEL SOREPLUS:
 LA VOIE NE TE DESFANT NUS,
 SE TU VIAX, LEISSUS MONTERAS;
 MES, PAR MON LOS, RETORNERAS.
 _ *DAME, FET IL, SE JE CREOIE
 VOSTRE CONSOIL, JE CUIDEROIE
 QUE G'I EU=SSE ENOR ET PREU;
 MES JE NE SAVROIE AN QUEL LEU
 JE RETROVASSE OSTEL HUI MES.
 _ *PAR FOI, FET CELE, ET JE M'AN TES,
 QU'A MOI RIEN NULE N'EN AFIERT.
 *ALEZ QUEL PART QUE BOEN VOS IERT.
 *ET NE POR QUANT, GRANT JOIE AVROIE
 SE JE DE LEANZ VOS VEOIE
 SANZ TROP GRANT HONTE REVENIR;
 MES CE NE PORROIT AVENIR.
 _ *DAME, FET IL, *DEX LE VOS MIRE!
 *MES MES FINS CUERS LEANZ ME TIRE:
 SI FERAI CE QUE MES CUERS VIALT."
 *TANTOST, VERS LA PORTE S'AQUIALT,
 ET SES LYEONS ET LA PUCELE;
 ET LI PORTIERS A SOI L'APELE,
 SI LI DIT: "*VENEZ TOST, VENEZ
 QU'AN TEL LEU ESTES ARIVEZ
 OU VOS SEROIZ BIEN RETENUZ,
 ET MAL I SOIEZ VOS VENUZ."
 *ENSI LI PORTIERS LE SEMONT
 ET HASTE DE VENIR AMONT,
 MES MOLT LI FIST LEIDE SEMONSE.
 *ET MES SIRE *YVAINS, SANZ RESPONSE,
 PAR DEVANT LUI S'AN PASSE, ET TRUEVE
 UNE GRANT SALE HAUTE ET NUEVE;
 S'AVOIT DEVANT UN PRAEL CLOS
 ET PAR ENTRE LES PEX LEANZ
 VIT PUCELES JUSQU'A TROIS CENZ
 QUI DIVERSES OEVRES FEISOIENT:
 DE FIL D'OR ET DE SOIE OVROIENT
 CHASCUNE AU MIALZ QU'ELE SAVOIT;
 MES TEL POVRETE/ I AVOIT
 QUE DESLI=EES ET DESCEINTES
 EN I OT DE POVRETE/ MEINTES;
 ET AS MEMELES ET AS COTES
 ESTOIENT LOR COTES DEROTES,
 ET LES CHEMISES AS DOS SALES;
 LES COS GRESLES ET LES VIS PALES
 DE FAIN ET DE MESEISE AVOIENT.
 *IL LES VOIT, ET ELES LE VOIENT,
 SI S'ANBRUNCHENT TOTES ET PLORENT;
 ET UNE GRANT PIECE DEMORENT
 QU'ELES N'ANTENDENT A RIEN FEIRE,
 NE LOR IALZ N'EN PUEENT RETREIRE
 DE TERRE, TANT SONT ACOREES.
 *QUANT UN PO LES OT REGARDEES
 MES SIRE *YVAINS, SI SE TRESTORNE,
 DROIT VERS LA PORTE S'AN RETORNE;
 ET LI PORTIERS CONTRE LUI SAUT,
 SE LI ESCRIE: "*NE VOS VAUT
 QUE VOS N'EN IROIZ OR, BIAX MESTRE;
 VOS VOLDRIEZ OR LA FORS ESTRE,
 MES, PAR MON CHIEF, NE VOS I MONTE,
 EINZ AVROIZ EU= TANT DE HONTE
 QUE PLUS N'EN PORRI=EZ AVOIR;
 SI N'AVEZ MIE FET SAVOIR
 QUANT VOS ESTES VENUZ CEANZ
 QUE DEL RISSIR EST IL NEANZ.
 _ *NE JE NE QUIER, FET IL, BIAX FRERE,
 MES DI MOI, PAR L'AME TON PERE,
 DAMEISELES QUE J'AI VEU=ES
 AN CEST CHASTEL, DON SONT VENUES,
 QUI DRAS DE SOIE ET ORFROIS TISSENT,
 ET OEVRES FONT QUI M'ABELISSENT?
 *MES CE ME DESABELIST MOUT
 QU'ELES SONT DE CORS ET DE VOUT
 MEIGRES, ET PALES, ET DOLANTES;
 SI M'EST VIS QUE BELES ET GENTES
 FUSSENT MOLT, SE ELES EU=SSENT
 ITEX CHOSES QUI LOR PLEU=SSENT.
 _ *JE, FET IL, NEL VOS DIRAI MIE,
 QUEREZ AUTRUI QUI LE VOS DIE.
 _ *SI FERAI GE, QUANT MIALZ NE PUIS."
 *LORS QUIERT TANT QUE IL TRUEVE L'UIS
 DEL PRAEL OU LES DAMEISELES
 OVROIENT; ET VINT DEVANT ELES,
 SI LES SALU=E ANSANBLE TOTES;
 ET SI LOR VOIT CHEOIR LES GOTES
 DES LERMES QUI LOR DECOROIENT
 DES IALZ, SI CON ELES PLOROIENT.
 *ET IL LOR DIT: "*DEX, S'IL LI PLEST,
 CEST DUEL QUE NE SAI DON VOS NEST,
 *L'UNE RESPONT: "*DEX VOS EN OIE,
 QUE VOS EN AVEZ APELE/!
 *NE VOS SERA MIE CELE/
 QUI NOS SOMES ET DE QUEL TERRE,
 ESPOIR CE VOLEZ VOS ANQUERRE.
 _ *POR EL, FET IL, NE VING JE C&A.
 _ *SIRE, IL AVINT MOLT GRANT PIEC&A
 QUE LI ROIS DE L'ISLE AS PUCELES
 ALOIT POR APANRE NOVELES
 PAR LES CORZ ET PAR LES PAI=S.
 *S'ALA TANT COME FOS NAI=S
 QU'IL S'ANBATI AN CEST PERIL.
 *A MAL EU=R I VENIST IL,
 QUE NOS CHEITIVES, QUI CI SOMES,
 LA HONTE, ET LE MAL, EN AVOMES,
 QUI ONQUES NE LE DESSERVIMES.
 *ET BIEN SACHIEZ QUE VOS MEI=SMES
 I POEZ MOLT GRANT HONTE ATENDRE,
 SE REANC&ON N'EN VIALT AN PRENDRE.
 *MES TOTE VOIE ENSI AVINT
 QUE MES SIRE AN CEST CHASTEL VINT
 OU IL A DEUS FILZ DE DEABLE,
 NE NEL TENEZ VOS MIE A FABLE,
 QUE DE FAME ET DE NETUN FURENT.
 *ET CIL DUI CONBATRE SE DURENT
 AU ROI, DON DOLORS FU TROP GRANZ,
 QU'IL N'AVOIT PAS DIS ET HUIT ANZ;
 SI LE POI=SSENT TOT PORFANDRE
 AUSI COM UN AIGNELET TANDRE;
 ET LI ROIS QUI GRANT PEOR OT
 S'AN DELIVRA SI COM IL POT:
 SI JURA QU'IL ANVOIEROIT
 CHASCUN AN, TANT CON VIS SEROIT,
 CEANZ, DE SES PUCELES, TRANTE;
 SI FUST QUITES PAR CESTE RANTE;
 ET DEVISIE/ FU A JURER
 ET CIST TREU=Z DEVOIT DURER
 TANT CON LI DUI MAUFE/ DURROIENT;
 ET A CE JOR QUE IL SEROIENT
 CONQUIS ET VAINCU AN BATAILLE
 QUITES SEROIT DE CESTE TAILLE
 ET NOS SERIENS DELIVREES,
 QUI A HONTE SOMES LIVREES,
 ET A DOLOR, ET A MESEISE;
 JA MES N'AVRONS RIEN QUI NOS PLEISE.
 *MES MOLT DI ORE GRANT ENFANCE
 QUI PAROIL DE LA DELIVRANCE
 QUE JA MES DE CEANZ N'ISTRONS;
 TOZ JORZ DRAS DE SOIE TISTRONS,
 NE JA N'EN SERONS MIALZ VESTUES;
 TOZ JORZ SERONS POVRES ET NUES,
 ET TOZ JORZ FAIN ET SOIF AVRONS;
 JA TANT CHEVIR NE NOS SAVRONS
 QUE MIALZ EN AIENS A MANGIER.
 *DEL PAIN AVONS A GRANT DONGIER
 AU MAIN PETIT, ET AU SOIR MAINS,
 QUE JA DE L'UEVRE DE NOZ MAINS
 N'AVRA CHASCUNE POR SON VIVRE
 ET DE CE NE POONS NOS PAS
 ASSEZ AVOIR VIANDE ET DRAS
 CAR QUI GAAIGNE LA SEMAINNE
 VINT SOLZ N'EST MIE FORS DE PAINNE.
 *MES BIEN SACHIEZ VOS A ESTROS
 QUE IL N'I A CELI DE NOS
 QUI NE GAAINT CINC SOLZ OU PLUS.
 *DE CE SEROIT RICHES UNS DUS!
 *ET NOS SOMES CI AN POVERTE,
 S'EST RICHES DE NOSTRE DESSERTE
 CIL POR CUI NOS NOS TRAVEILLONS.
 *DES NUIZ GRANT PARTIE VEILLONS
 ET TOZ LES JORZ POR GAAIGNIER,
 QU'IL NOS MENACE A MAHAIGNIER
 DES MANBRES, QUANT NOS REPOSONS;
 ET POR CE REPOSER N'OSONS.
 *MES QUE VOS IROIE CONTANT?
 *DE HONTE ET DE MAL AVONS TANT
 QUE LE QUINT NE VOS AN SAI DIRE.
 *ET CE NOS FET ANRAGIER D'IRE
 QUE MAINTES FOIZ MORIR VEOMES
 CHEVALIERS JUENES ET PRODOMES
 QUI AS DEUS MAUFEZ SE CONBATENT;
 L'OSTEL MOLT CHIEREMANT ACHATENT,
 AUSI CON VOS FEROIZ DEMAIN
 QUE TRESTOT SEUL, DE VOSTRE MAIN,
 VOS COVANDRA, VOILLIEZ OU NON,
 CONBATRE, ET PERDRE VOSTRE NON
 ENCONTRE LES DEUS VIS DEABLES.
 _ *DEX, LI VOIRS ROIS ESPERITABLES,
 FET MES SIRE *YVAINS, M'AN DESFANDE,
 ET VOS ENOR ET JOIE RANDE,
 SE IL A VOLENTE/ LI VIENT!
 *DES OR MES ALER M'AN COVIENT
 ET VEOIR GENZ QUI LEANZ SONT,
 SAVOIR QUEL CHIERE IL ME FERONT.
 _ *OR ALEZ, SIRE, CIL VOS GART
 QUI TOZ LES BIENS DONE A SA PART!"
 *LORS VET TANT QU'IL VINT EN LA SALE;
 N'I TRUEVE GENT BOENE NE MALE
 QUI DE RIEN LES METE A REISON.
 *TANT TRESPASSENT DE LA MEISON
 QUE IL VINDRENT EN UN VERGIER;
 EINZ DE LOR CHEVAX HERBERGIER
 NE TINDRENT PLET NE N'AN PARLERENT.
 *CUI CHAUT! *QUE BIEN LES ESTABLERENT
 CIL QUI L'UN AN CUIDENT AVOIR,
 NE SAI S'IL CUIDERENT SAVOIR
 QU'ANCORE A IL CHEVAL TOT SAIN;
 LI CHEVAL ONT AVOINNE ET FAIN
 ET LA LITIERE ENJUSQU'AU VANTRE.
 *ET MES SIRE *YVAINS LORS S'EN ANTRE
 EL VERGIER, APRE/S LI SA ROTE;
 VOIT APOIE/ DESOR SON COTE
 UN RICHE HOME QUI SE GISOIT
 SOR UN DRAP DE SOIE; ET LISOIT
 UNE PUCELE DEVANT LUI
 ET POR LE ROMANS ESCOTER
 S'I ESTOIT VENUE ACOTER
 UNE DAME; ET S'ESTOIT SA MERE,
 ET LI SIRES ESTOIT SES PERE;
 SI SE PORENT MOLT ESJOI=R
 DE LI BIEN VEOIR ET OI=R,
 CAR IL N'AVOIENT PLUS D'ENFANZ;
 NE N'OT MIE PLUS DE SEIZE ANZ,
 ET S'ESTOIT MOLT BELE ET MOLT GENTE,
 QU'AN LI SERVIR MEI=ST S'ANTENTE
 LI DEUS D'*AMORS, S'IL LA VEI=ST,
 NE JA AMER NE LA FEI=ST
 AUTRUI SE LUI MEI=SMES NON.
 *POR LI SERVIR DEVENIST HON,
 S'ISSIST DE SA DEITE/ FORS
 ET FERIST LUI MEI=SME EL CORS
 DEL DART DON LA PLAIE NE SAINNE
 SE DESLEAX MIRES N'I PAINNE.
 *N'EST DROIZ QUE NUS PENER I PUISSE
 JUSQUE DESLE=AUTE/ I TRUISSE,
 ET QUI AN GARIST AUTREMANT
 IL N'AINME MIE LE=AUMANT;
 DE CES PLAIES MOLT VOS DEI=SSE
 TANT QU'A UNE FIN AN VENISSE
 SE L'ESTOIRE BIEN VOS PLEU=ST;
 MES TOST DEI=ST, TEL I EU=ST,
 QUE JE VOS PARLASSE DE SONGE,
 QUE LA GENZ N'EST MES AMORONGE
 NE N'AINMENT MES, SI CON IL SUELENT,
 QUE NES OI=R PARLER N'AN VUELENT.
 *MES OR OEZ AN QUEL MENIERE,
 A QUEL SANBLANT, ET A QUEL CHIERE,
 MES SIRE *YVAINS EST HERBERGIEZ.
 *CONTRE LUI SAILLIRENT AN PIEZ
 TUIT CIL QUI EL VERGIER ESTOIENT,
 ET MAINTENANT QUE IL LE VOIENT
 SI LI DI=ENT: "*OR C&A, BIAX SIRE,
 DE QUAN QUE *DEX PUET FEIRE ET DIRE
 SOIEZ VOS BENEOIZ CLAMEZ,
 ET VOS ET QUAN QUE VOS AVEZ!"
 *SE NE SAI GE S'IL LE DEC&OIVENT,
 MES A GRANT JOIE LE REC&OIVENT
 ET FONT SANBLANT QUE MOLT LOR PLEISE
 QU'IL SOIT HERBERGIEZ A GRANT EISE.
 *MEI=SMES LA FILLE AU SEIGNOR
 LE SERT ET PORTE GRANT ENOR
 COM AN DOIT FEIRE A SON BOEN OSTE:
 TRESTOTES SES ARMES LI OSTE
 ET CE NE FU MIE DEL MAINS
 QU'ELE LI LEVE DE SES MAINS
 LE COL, ET LE VIS, ET LA FACE;
 TOTE ENOR VIALT QUE L'EN LI FACE
 LI PERES, SI CON ELE FET;
 CHEMISE RISDEE LI TRET
 FORS DE SON COFRE, ET BRAIES BLANCHES;
 ET FIL ET AGUILLE A SES MANCHES
 SI LI VEST, ET SES BRAZ LI COST.
 CESTE LOSENGE ET CIST SERVISE!
 *A VESTIR DESOR SA CHEMISE
 LI A BAILLIE/ UN NUEF SORCOT
 ET UN MANTEL SANZ HARIGOT,
 VEIR D'ESCARLATE, AU COL LI MET;
 DE LUI SERVIR TANT S'ANTREMET
 QU'IL EN A HONTE, ET SI L'AN POISE,
 MES LA PUCELE EST TANT CORTOISE,
 ET SI FRANCHE, ET SI DEBONEIRE,
 QU'ANCOR N'AN CUIDE ELE PREU FEIRE.
 *ET BIEN SET QU'A SA MERE PLEST
 QUE RIEN A FEIRE NE LI LEST
 DONT ELE LE CUIT LOSANGIER.
 *LA NUIT FU SERVIZ AU MANGIER
 DE TANZ MES QUE TROP EN I OT;
 LI APORTERS ENUIER POT
 AS SERGENZ QUI DES MES SERVIRENT;
 LA NUIT TOTES ENORS LI FIRENT
 ET MOLT A EISE LE COLCHIERENT;
 N'ONQUES PUIS VERS LUI N'APROCHIERENT
 QUE IL FU AN SON LIT COLCHIEZ.
 *ET LI LYEONS JUT A SES PIEZ,
 SI COM IL OT ACOSTUME/.
 *AU MAIN, QUANT *DEX ROT ALUME/,
 PAR LE MONDE, SON LUMINAIRE,
 SI MATIN COM IL LE POT FAIRE
 QUI TOT FET PAR COMANDEMANT,
 SE LEVA MOLT ISNELEMANT
 MES SIRE *YVAINS ET SA PUCELE;
 S'OI=RENT A UNE CHAPELE
 MESSE QUI MOLT TOST LOR FU DITE
 EN L'ENOR DEL *SAINT ESPERITE.
 *MES SIRE *YVAINS APRE/S LA MESSE
 OI= NOVELE FELENESSE
 QUANT IL CUIDA QU'IL S'AN DEU=ST
 ALER, QUE RIEN NE LI NEU=ST;
 MES NE POT MIE ESTRE A SON CHOIS.
 *QANT IL DIT: "*SIRE, JE M'AN VOIS,
 S'IL VOS PLEST, A VOSTRE CONGIE/.
 _ *AMIS, ANCOR NEL VOS DOING GIE/,
 FET LI SIRES DE LA MEISON.
 *JE NEL PUIS FEIRE PAR REISON:
 EN CEST CHASTEL A ESTABLIE
 UNE MOLT FIERE DEABLIE
 QU'IL ME COVIENT A MAINTENIR.
 *JE VOS FERAI JA CI VENIR
 DEUS MIENS SERGENZ MOLT GRANZ ET FORZ;
 ENCONTRE AUS DEUS, SOIT DROIZ OU TORZ,
 VOS CONVENRA VOZ ARMES PRENDRE.
 *S'ANCONTRE AUS VOS POEZ DESFANDRE
 ET AUS ENDEUS VAINCRE ET OCIRRE,
 MA FILLE A SEINORS VOS DESIRRE,
 ET DE CEST CHASTEL VOS ATANT
 L'ENORS, ET QUAN QU'IL I APANT.
 _ *SIRE, FET IL, JE N'EN QUIER POINT.
 *JA *DEX ENSI PART NE M'I DOINT,
 ET VOSTRE FILLE VOS REMAINGNE,
 SEROIT BIEN SAUS, S'IL L'AVOIT PRISE,
 QUE MOLT EST BELE ET BIEN APRISE.
 _ *TEISIEZ, BIAX OSTES, DIT LI SIRE,
 DE NEANT VOS OI ESCONDIRE,
 QUE VOS N'AN POEZ ESCHAPER.
 *MON CHASTEL ET MA FILLE A PER
 DOIT AVOIR, ET TOTE MA TERRE,
 CIL QUI PORRA EN CHANP CONQUERRE
 C&AUS QUI VOS VANRONT ASAILLIR.
 *LA BATAILLE NE PUET FAILLIR
 NE REMENOIR EN NULE GUISE.
 *MES JE SAI BIEN QUE COARDISE
 VOS FET MA FILLE REFUSER:
 PAR CE VOS CUIDIEZ ESCHAPER
 OLTREEMANT DE LA BATAILLE;
 MES CE SACHIEZ VOS BIEN, SANZ FAILLE,
 QUE CONBATRE VOS I ESTUET.
 *POR RIEN ESCHAPER NE S'AN PUET
 NUS CHEVALIERS QUI CEANZ GISE;
 CE EST COSTUME ET RANTE ASISE
 QUI TROP AVRA LONGUE DUREE,
 QUE MA FILLE N'IERT MARIEE
 TANT QUE MORZ OU CONQUIS LES VOIE.
 _ *DONC, M'I COVIENT IL TOTE VOIE
 CONBATRE, MALEOIT GRE/ MIEN;
 MES JE M'AN SOFRISSE MOLT BIEN
 ET VOLANTIERS, CE VOS OTROI;
 LA BATAILLE, CE POISE MOI,
 FERAI, QUE NE PUET REMENOIR."
 *ATANT VIENENT, HIDEUS ET NOIR
 AMEDUI LI FIL DOU NETUN.
 *N'I A NUL D'AUS DEUS QUI N'AIT UN
 BASTON CORNU DE CORNELIER,
 QU'IL ORENT FEZ APARELLIER
 DE CUIVRE, ET PUIS LI=ER D'ARCHAL.
 *DES LES ESPAULES CONTREVAL
 FURENT ARME/ JUSQU'AUS GENOLZ,
 MES LES CHIE/S ORENT ET LES VOLZ
 DESARMEZ, ET LES JAMES NUES,
 QUI N'ESTOIENT MIE MENUES.
 *ET ENSI ARME/ COM IL VINDRENT,
 ESCUZ REONZ SOR LOR CHIE/S TINDRENT,
 FORZ ET LEGIERS POR ESCREMIR.
 *LI LYEONS COMANCE A FREMIR
 TOT MAINTENANT QUE IL LES VOIT,
 QU'IL SET MOLT BIEN ET APARC&OIT
 QUE A CES ARMES QUE IL TIENENT
 CONBATRE A SON SEIGNOR SE VIENENT;
 SI SE HERICE ET CRESTE ANSANBLE,
 DE HARDEMANT ET D'IRE TRANBLE
 ET BAT LA TERRE DE SA COE,
 QUE TALANT A QUE IL RESCOE
 SON SEIGNOR, EINZ QUE IL L'OCI=ENT.
 *ET QUANT CIL LE VOIENT, SI DI=ENT:
 "*VASAX, OSTEZ DE CESTE PLACE
 VOSTRE LYEON QUI NOS MENACE,
 OU VOS VOS RANDEZ RECREANZ;
 Q'AUTREMANT, CE VOS ACREANZ,
 QUE IL NE SE PUISSE ANTREMETRE
 DE VOS EIDIER ET DE NOS NUIRE;
 SEUL VOS COVIENT O NOS DEDUIRE,
 QUE LI LYEONS VOS EIDEROIT
 MOLT VOLENTIERS, SE IL POOIT.
 _ *VOS MEI=SMES, QUI LE DOTEZ,
 FET MES SIRE *YVAINS, L'EN OSTEZ,
 QUE MOLT ME PLEST ET MOLT ME SIET
 S'IL ONQUES PUET, QUE IL VOS GRIET,
 ET MOLT M'EST BEL SE IL M'AI=E.
 _ *PAR FOI, FONT IL, CE N'I EST MIE
 QUE JA AI=DE N'I AVROIZ.
 *FEITES DEL MIALZ QUE VOS PORROIZ
 TOZ SEUS SANZ AI=DE D'AUTRUI.
 *VOS DEVEZ SEUS ESTRE ET NOS DUI;
 SE LI LY=ONS ERT AVOEC VOS,
 POR CE QU'IL SE MERLAST A NOS,
 DONC NE SERI=EZ VOS PAS SEUS,
 DUI SERI=EZ CONTRE NOS DEUS.
 *SE VOS COVIENT, CE VOS AFI,
 VOSTRE LYEON OSTER DE CI,
 MES QUE BIEN VOS POIST OR AN DROIT.
 _ *OU VOLEZ VOS, FET IL, QU'IL SOIT?
 *OU VOS PLEST IL QUE JE LE METE?"
 *LORS LI MOSTRENT UNE CHANBRETE,
 SI DI=ENT: "*LEANZ L'ENCLOEZ.
 _ *FET IERT, DES QUE VOS LE VOLEZ."
 *LORS L'I MOINNE ET SI LI ANSERRE.
 *ET AN LI VET MAINTENANT QUERRE
 SES ARMES POR ARMER SON CORS;
 ET SON CHEVAL LI ONT TRET FORS,
 SE LI BAILLENT, ET IL I MONTE.
 *POR LUI LEIDIR ET FEIRE HONTE
 LI PASSENT LI DUI CHANPI=ON,
 QU'ASEU=RE/ SONT DEL LY=ON
 QUI EST DEDANZ LA CHANBRE ANCLOS.
 *DES MACES LI DONENT TEX COS
 QUE PETIT D'AI=DE LI FAIT
 ESCUZ NE HIAUMES QUE IL AIT,
 CAR QUANT AN SON HIAUME L'ATEIGNENT
 TOT LI ANBARRENT ET ANFREIGNENT,
 ET LI ESCUZ PEC&OIE ET FONT
 COME GLACE; TEX TROS I FONT,
 QUE SON POING I PUET AN BOTER.
 *MOLT FONT LOR COP A REDOTER.
 *ET IL, QUE FET DES DEUS MAUFEZ?
 *DE HONTE ET DE CRIEME ESCHAUFEZ,
 SE DESFANT DE TOTE SA FORCE;
 MOLT S'ESVERTUE ET MOLT S'EFFORCE
 DE DONER GRANZ COS ET PESANZ.
 *N'ONT PAS FAILLI A SES PRESANZ
 QU'IL LOR RANT LA BONTE/ A DOBLE.
 *OR A SON CUER DOLANT ET TROBLE
 LI LYEONS QUI EST AN LA CHANBRE,
 QUE DE LA GRANT BONTE/ LI MANBRE
 QUE CIL LI FIST PAR SA FRANCHISE,
 ET DE S'AI=DE GRANT MESTIER;
 JA LI RANDROIT AU GRANT SETIER
 ET AU GRANT MUI CESTE BONTE/;
 JA N'I AVROIT RIEN MESCONTE/
 S'IL POOIT ISSIR DE LEANZ.
 *MOLT VET REVERCHANT DE TOZ SANZ
 NE NE VOIT PAR OU IL S'AN AILLE.
 *BIEN OT LES COS DE LA BATAILLE,
 QUI PERILLEUSE EST ET VILAINNE,
 ET POR CE SI GRANT DUEL DEMAINNE
 QU'IL ANRAGE VIS ET FORSENE.
 *TANT VET CERCHANT QUE IL ASENE
 AU SUIL, QUI PORRISOIT PRES TERRE,
 ET TANT QU'IL L'ARACHE ET S'I SERRE
 ET FICHE JUSQUE PRES DES RAINS.
 *ET JA ESTOIT MES SIRE *YVAINS
 MOLT TRAVEILLIEZ ET MOLT SU=ANZ,
 ET MOLT TROVOIT LES DEUS JAIANZ
 FORZ ET FELONS ET ADUREZ.
 *MOLT I AVOIT COS ANDUREZ
 ET RANDUZ, TANT COM IL PLUS POT,
 NE DE RIEN BLECIEZ NE LES OT
 QUE TROP SAVOIENT D'ESCREMIE;
 ET LOR ESCU N'ESTOIENT MIE
 TEL QUE RIEN EN OSTAST ESPEE,
 TANT FUST TRANCHANZ NE ACEREE.
 *POR CE SI SE POOIT MOLT FORT
 MES SIRE *YVAINS DOTER DE MORT;
 MES ADE/S TANT SE CONTRETINT
 QUE LI LY=ONS OLTRE S'AN VINT,
 TANT OT DESOZ LE SUEL GRATE/.
 *S'OR NE SONT LI GLOTON MATE/
 DONC NE LE SERONT IL JA MES;
 CAR AU LYEON NE PANRONT PES
 NE N'AVRONT, TANT CON VIS LES SACHE.
 *L'UN EN AERT ET SI LE SACHE
 PAR TERRE, AUSI COM UN MOSTON.
 *OR SONT ESFREE/ LI GLOTON,
 N'IL N'A HOME AN TOTE LA PLACE
 QUI AN SON CUER JOIE N'EN FACE;
 ET CIL NE RELEVERA JA
 QUE LI LYEONS ATERRE/ A,
 SE LI AUTRES NE LE SECORT;
 POR LUI EIDIER, CELE PART CORT
 ET POR LUI MEI=SMES SECORRE
 QU'A LUI NE LEST LI LYEONS CORRE
 QUANT IL AVRA CELUI OCIS
 QUE IL AVOIT PAR TERRE MIS.
 *ET SI AVOIT GRAIGNOR PEOR
 DEL LYEON QUE DE SON SEIGNOR.
 *DES OR EST MES SIRE *YVAINS FOS,
 DES QU'IL LI A TORNE/ LE DOS
 ET VOIT LE COL NU ET DELIVRE,
 SE LONGUEMANT LE LEISSE VIVRE,
 QUE MOLT L'AN EST BIEN AVENU.
 *LA TESTE NUE ET LE COL NU
 LI A LI GLOZ ABANDONE/,
 ET IL LI A TEL COP DONE/
 QUE LA TESTE DEL BU LI RET,
 *ET MAINTENANT A TERRE VIENT
 POR L'AUTRE QUE LI LYEONS TIENT,
 QUE RESCORRE ET TOLIR LI VIALT.
 *MES POR NEANT QUE TANT SE DIALT
 JA MES MIRE A TANS N'I AVRA,
 QU'AN SON VENIR SI LE NAVRA
 LI LYEONS, QUI MOLT VINT IRIEZ,
 QUE LEIDEMANT FU ANPIRIEZ.
 *ET TOTE VOIE ARRIERS LE BOTE,
 SI VOIT QUE IL LI AVOIT TOTE
 L'ESPAULE FORS DE SON LEU TRETE.
 *POR LUI DE RIEN NE SE DESHETE,
 QUE SES BASTONS LI EST CHEU=Z.
 *ET CIL GIST PRES COME FEU=Z,
 QU'IL NE SE CROSLE NE NE MUET;
 MES TANT I A QUE PARLER PUET
 ET DIST, SI COM IL LI POT DIRE:
 "*OSTEZ VOSTRE LYEON, BIAX SIRE,
 SE VOS PLEST, QUE PLUS NE M'ADOIST,
 QUE DES OR MES FAIRE VOS LOIST
 DE MOI TOT CE QUE BOEN VOS IERT.
 *ET QUI MERCI PRIE ET REQUIERT,
 N'I DOIT FAILLIR CIL QUI LA RUEVE,
 SE HOME SANZ PITIE/ NE TRUEVE.
 *ET JE NE ME DESFANDRAI PLUS,
 NE JA NE RELEVERAI SUS
 DE CI, POR FORCE QUE JE AIE,
 SI ME MET AN VOSTRE MENAIE.
 _ *DI DONC, FET CIL, SE TU OTROIES
 QUE VAINCUZ ET RECREANZ SOIES.
 _ *SIRE, FET IL, IL I PERT BIEN;
 VEINCUZ SUI, MALEOIT GRE/ MIEN,
 ET RECREANZ, CE VOS OTROI.
 _ *DONC N'AS TU MES GARDE DE MOI
 ET MES LYEONS TE RASEU=RE."
 *TANTOST VIENENT GRANT ALEU=RE
 TOTES LES GENZ ANVIRON LUI;
 ET LI SIRE ET LA DAME ANDUI
 LI FONT GRANT JOIE, ET SI L'ACOLENT,
 ET DE LOR FILLE LI PAROLENT,
 SI LI DI=ENT: "*OR SEROIZ NOS
 DAMEISIAX, ET SIRES DE NOS,
 ET NOSTRE FILLE IERT VOSTRE DAME
 CAR NOS LA VOS DONRONS A FAME.
 _ *ET JE, FET IL, LA VOS REDOING.
 *QUI VIALT, SI L'AIT! *JE N'EN AI SOING;
 SI N'EN DI GE RIEN POR DESDEING:
 NE VOS POIST, SE JE NE LA PREING,
 QUE JE NE PUIS, NE JE NE DOI.
 *MES, S'IL VOS PLEST, DELIVREZ MOI
 LES CHEITIVES QUE VOS AVEZ;
 LI TERMES EST, BIEN LE SAVEZ,
 QU'ELES S'AN DOIVENT ALER QUITES.
 _ *VOIRS EST, FET IL, CE QUE VOS DITES,
 ET JE LES VOS RANT ET AQUIT;
 QU'IL N'I A MES NUL CONTREDIT;
 MA FILLE, A TRESTOT MON AVOIR,
 QUI EST MOLT BELE, ET RICHE, ET SAGE;
 JA MES SI RICHE MARIAGE
 N'AVROIZ, SE VOS CESTUI N'AVEZ.
 _ *SIRE, FET IL, VOS NE SAVEZ
 MON ESSOINE NE MON AFEIRE,
 NE JE NE LE VOS OS RETREIRE.
 *MES JE SAI BIEN QUE JE REFUS
 CE QUE NE REFUSEROIT NUS
 QUI DEU=ST SON CUER, ET S'ANTENTE,
 METRE AN PUCELE BELE ET GENTE,
 SE JE POI=SSE NE DEU=SSE,
 QUE VOLANTIERS LA RECEU=SSE.
 *JE NE PUIS, CE SACHIEZ DE VOIR,
 CESTI NE AUTRE RECEVOIR.
 *SI M'AN LESSIEZ AN PES ATANT
 QUE LA DAMEISELE M'ATANT,
 QUI AVOEC MOI EST C&A VENUE;
 CONPAIGNIE M'I A TENUE,
 ET JE LA REVOEL LI TENIR
 QUE QUE IL M'AN DOIE AVENIR.
 _ *VOLEZ, BIAX SIRE? *ET VOS COMANT!
 *JA MES, SE JE NE LE COMANT
 ET MES CONSAUZ NE LE M'APORTE,
 NE VOS IERT OVERTE MA PORTE;
 EINZ REMANROIZ EN MA PRISON;
 ORGUEL FEITES ET MESPRISON
 QANT JE VOS PRI QUE VOS PRAIGNIEZ
 MA FILLE, ET VOS LA DESDAIGNIEZ.
 _ *DESDAING, SIRE; NEL FAZ, PAR M'AME,
 MES JE NE PUIS ESPOSER FAME
 NE REMENOIR POR NULE PAINNE.
 *LA DAMEISELE QUI M'AN MAINE
 SIUDRAI, QU'AUTREMANT NE PUET ESTRE.
 *MES, S'IL VOS PLEST, DE MA MAIN DESTRE
 VOS PLEVIRAI, SI M'AN CREEZ,
 Q'AINSI CON VOS OR ME VEEZ
 REVANRAI C&A, SE J'ONQUES PUIS,
 ET PANRAI VOSTRE FILLE PUIS.
 _ *DAHAIT, FET IL, QUI EL VOS QUIERT,
 NE QUI FOI NE PLOIGE AN REQUIERT!
 *SE MA FILLE VOS ATALANTE,
 RECEVEZ LA POR BELE ET GENTE,
 VOS REVANROIZ HASTIVEMANT;
 JA POR FOI NE POR SEIREMANT,
 CE CUIT, NE REVANROIZ PLUS TOST.
 *OR ALEZ, QUE JE VOS EN OST
 TRESTOZ PLOIGES ET TOZ CREANZ.
 *SE VOS RETAINGNE PLUIE ET VANZ
 OU FINS NEANZ, NE ME CHAUT IL!
 *JA MA FILLE N'AVRAI SI VIL
 QUE JE PAR FORCE LA VOS DOINGNE.
 *OR ALEZ AN VOSTRE BESOINGNE,
 QUE TOT AUTANT, SE VOS VENEZ,
 M'AN EST, CON SE VOS REMENEZ."
 *TANTOST MES SIRE *YVAINS S'AN TORNE
 QUI EL CHASTEL PLUS NE SEJORNE,
 ET S'EN A AVOEC SOI MENEES
 ET LI SIRES LI A BAILLIEES
 POVRES, ET MAL APAREILLIEES,
 MES OR SONT RICHES, CE LOR SANBLE:
 FORS DEL CHASTEL TOTES ENSANBLE,
 DEVANT LUI, DEUS ET DEUS S'AN ISSENT;
 NE NE CUIT PAS QU'ELES FEI=SSENT
 TEL JOIE COM ELES LI FONT
 A CELUI QUI FIST TOT LE MONT,
 S'IL FUST VENUZ DE CIEL AN TERRE.
 *MERCI ET PES LI VINDRENT QUERRE
 TOTES LES GENZ QUI DIT LI ORENT
 TANT DE HONTE COM IL PLUS PORENT:
 SI LE VONT EINSI CONVOIANT,
 MES IL DIT QU'IL N'AN SET NEANT:
 "*JE NE SAI, FET IL, QUE VOS DITES,
 ET SI VOS AN CLAIM JE TOZ QUITES,
 C'ONQUES CHOSES QUE J'EN MAL TEINGNE
 NE DEI=STES, DON MOI SOVEINGNE."
 *CIL SONT MOLT LIE/ DE CE QU'IL OENT,
 ET SA CORTEISIE MOLT LOENT.
 *OR LE COMANDENT A *DEU TUIT,
 QUE GRANT PIECE L'ORENT CONDUIT;
 ET LES DAMEISELES LI RONT
 CONGIE/ DEMANDE/, SI S'AN VONT;
 AU PARTIR TOTES LI ANCLINENT,
 ET SI LI ORENT ET DESTINENT
 QUE *DEX LI DOINT JOIE ET SANTE/
 ET VENIR A SA VOLANTE/
 EN QUELQUE LEU QU'IL ONQUES AUT.
 *ET CIL RESPONT QUE *DEX LES SAUT,
 CUI LA DEMORE MOLT ENUIE:
 "*ALEZ, FET IL, *DEX VOS CONDUIE
 EN VOZ PAI=S SAINNES ET LIEES."
 *MAINTENANT SE SONT AVOIEES;
 SI S'AN VONT GRANT JOIE MENANT.
 *ET MES SIRE *YVAINS MAINTENANT
 DE L'AUTRE PART SE RACHEMINE.
 *D'ERRER A GRANT ESPLOIT NE FINE
 TRESTOZ LES JORZ DE LA SEMAINNE,
 SI CON LA PUCELE L'EN MAINNE
 QUI LA VOIE MOLT BIEN SAVOIT,
 ET LE RECET OU ELE AVOIT
 LESSIEE LA DESHERITEE,
 DESHEITIEE, ET DESCONFORTEE.
 *MES QUANT ELE OI= LA NOVELE
 DE LA VENUE A LA PUCELE
 ET DEL *CHEVALIER AU LYEON;
 NE FU JOIE SE CELE NON
 QUE ELE EN OT DEDANZ SON CUER;
 CAR OR CUIDE ELE QUE SA SUER
 DE SON HERITAGE LI LEST
 UNE PARTIE, SE LI PLEST.
 *MALADE OT GEU= LONGUEMANT
 LA PUCELE, ET NOVELEMANT
 ESTOIT DE SON MAL RELEVEE,
 QUI DUREMANT L'AVOIT GREVEE,
 SI QUE BIEN PAROIT A SA CHIERE.
 *A L'ENCONTRE, TOTE PREMIERE,
 LI EST ALEE SANZ DEMORE;
 DE QUAN QU'ELE ONQUES SET NE PUET.
 *DE LA JOIE PARLER N'ESTUET
 QUI LA NUIT FU A L'OSTEL FEITE:
 JA PAROLE N'EN IERT RETREITE
 QUE TROP I AVROIT A CONTER;
 TOT VOS TRESPAS JUSQU'AU MONTER
 L'ANDEMAIN, QUE IL S'AN PARTIRENT.
 *PUIS ERRERENT TANT QUE IL VIRENT
 UN CHASTEL OU LI ROIS *ARTUS
 OT DEMORE/ QUINZAINNE OU PLUS.
 *ET LA DAMEISELE I ESTOIT
 QUI SA SEROR DESHERITOIT,
 QU'ELE AVOIT PRES LA CORT TENUE,
 PUIS SI ATENDOIT LA VENUE
 SA SEROR, QUI VIENT ET APROCHE.
 *MES MOLT PETIT AU CUER LI TOCHE
 QU'ELE CUIDE QUE L'EN NE TRUISSE
 NUL CHEVALIER QUI SOFRIR PUISSE
 MON SEIGNOR *GAUVAIN AN ESTOR.
 *N'IL N'I AVOIT QUE UN SEUL JOR
 DE LA QUINZAINNE A PARVENIR;
 LA QUERELE TOT SANZ MANTIR
 EU=ST DESRESNIE/ QUITEMANT
 PAR REISON ET PAR JUGEMANT
 SE CIL SEUS JORZ FUST TRESPASSEZ.
 *MES PLUS I A AFEIRE ASSEZ
 QU'ELE NE CUIDE NE NE CROIT.
 *EN UN OSTEL BAS ET ESTROIT
 FORS DEL CHASTEL CELE NUIT JURENT,
 OU NULES GENZ NE LES CONURENT;
 CAR SE IL EL CHASTEL GEU=SSENT
 TOTES LES GENZ LES CONEU=SSENT,
 ET DE CE N'AVOIENT IL SOING.
 *FORS DE L'OSTEL, A GRANT BESOING,
 A L'AUBE APARISSANT S'AN ISSENT;
 SI SE REPONENT ET TAPISSENT
 TANT QUE LI JORZ FU BIAX ET GRANZ.
 *JORZ AVOIT PASSEZ NE SAI QUANZ
 QUE MES SIRE *GAUVAINS S'ESTOIT
 HERBERGIEZ, SI QU'AN NE SAVOIT
 DE LUI A CORT NULE NOVELE,
 FORS QUE SEULEMANT LA PUCELE
 POR CUI IL SE VOLOIT CONBATRE.
 *PRES A TROIS LIUES OU A QUATRE
 S'ESTOIT DE LA CORT TRESTORNEZ;
 ET VINT A CORT SI ATORNEZ
 QUE RECONUISTRE NE LE PORENT
 CIL QUI TOZ JORZ CONEU= L'ORENT
 AS ARMES QUE IL APORTA.
 *LA DAMEISELE QUI TORT A,
 VERS SA SEROR, TROP DESAPERT,
 VEANT TOZ, L'A A CORT OFFERT
 QUE PAR LUI DESRESNIER VOLDROIT
 LA QUERELE OU ELE N'A DROIT;
 ET DIT AU ROI: "*SIRE, ORE PASSE,
 JUSQU'A PO SERA NONE BASSE,
 ET LI DERRIENS JORZ IERT HUI.
 *OR VOIT AN BIEN COMANT JE SUI,
 SE MA SUER DEU=ST REVENIR
 N'I EU=ST MES QUE DEMORER.
 *DEU AN PUISSE JE AORER,
 QUANT EL NE VIENT NE NE REPEIRE.
 *BIEN I PERT QUE MIALZ NE PUET FEIRE,
 SI SUI POR NEANT TRAVEILLIEE;
 ET J'AI ESTE/ APAREILLIEE
 TOZ LES JORZ JUSQU'AU DESRI=EN
 A DESRESNIER CE QUI EST MIEN.
 *TOT AI DESRESNIE/ SANZ BATAILLE,
 S'EST OR BIEN DROIZ QUE JE M'EN AILLE
 TENIR MON HERITAGE AN PES;
 QUE JE N'AN RESPONDROIE MES
 A MA SEROR TANT CON JE VIVE:
 SI VIVRA DOLANTE ET CHEITIVE."
 *ET LI ROIS QUI MOLT BIEN SAVOIT
 QUE LA PUCELE TORT AVOIT
 VERS SA SEROR, TROP DESLEAL,
 LI DIT: "*AMIE, A CORT REAL
 DOIT EN ATENDRE, PAR MA FOI,
 TANT CON LA JUSTISE LE ROI
 SIET ET ATANT POR DROITURIER.
 *N'I A RIEN DEL CORJON PLOIER,
 QU'ANCOR VENDRA TRESTOT A TANS
 VOSTRE SUER CI, SI CON JE PANS."
 *EINZ QUE LI ROIS EU=ST CE DIT,
 LE *CHEVALIER AU LYEON VIT
 ET LA PUCELE DELEZ LUI;
 SEUL A SEUL VENOIENT ANDUI,
 QUE DEL LYEON ANBLE/ SE FURENT:
 SI FU REME/S LA OU IL JURENT.
 *LI ROIS LA PUCELE A VEU=E,
 SI NE L'A PAS MESCONEU=E,
 ET MOLT LI PLOT ET ABELI
 QUANT IL LA VIT, QUE DEVERS LI
 DE LA QUERELE SE PANDOIT,
 POR CE QUE AU DROIT ENTANDOIT.
 *DE LA JOIE QUE IL EN OT
 LI DIST, AU PLUS TOST QUE IL POT:
 "*OR, AVANT, BELE, *DEX VOS SAUT."
 *QUANT CELE L'OT, TOTE AN TRESSAUT,
 ET SI SE TORNE, SI LA VOIT
 ET LE CHEVALIER QU'ELE AVOIT
 AMENE/ A SON DROIT CONQUERRE;
 SI DEVINT PLUS NOIRE QUE TERRE.
 *MOLT FU BIEN DE TOZ APELEE
 LA PUCELE; ET ELE EST ALEE
 DEVANT LE ROI, LA OU LE VIT;
 QUANT FU DEVANT LUI, SI LI DIT:
 "*DEX SALT LE ROI ET SA MESNIEE!
 *ROIS, S'OR PUET ESTRE DESRESNIEE
 MA DROITURE NE MA QUERELE
 PAR UN CHEVALIER, DONC L'IERT ELE
 PAR CESTUI QUI, SOE MERCI,
 M'EN A SEU=E ANJUSQUE CI,
 S'EU=ST IL MOLT AILLORS A FEIRE
 LI FRANS CHEVALIERS DEBONEIRE;
 MES DE MOI LI PRIST TEX PITIEZ
 QU'IL A ARRIERES DOS GITIEZ
 *OR FEROIT CORTEISIE ET BIEN
 MA DAME, MA TRES CHIERE SUER,
 QUE J'AIM AUTANT COME MON CUER,
 SE ELE MON DROIT ME LESSOIT;
 MOLT FEROIT BIEN, S'EL LE FEISOIT,
 QUE JE NE DEMANT RIEN DEL SUEN.
 _ *NE JE, VOIR, FET ELE, DEL TUEN:
 TU N'I AS RIEN, NE JA N'AVRAS;
 JA TANT PREESCHIER NE SAVRAS
 QUE RIEN EN AIES POR PRESCHIER;
 TOTE AN PORRAS DE DUEL SECHIER."
 *ET L'AUTRE RESPONT MAINTENANT,
 QUI SAVOIT ASSEZ D'AVENANT
 ET MOLT ESTOIT SAGE ET CORTOISE:
 "*CERTES, FET ELE, CE ME POISE
 QUE POR NOS DEUS SE CONBATRONT
 DUI SI PREUDOME CON CIST SONT;
 S'EST LA QUERELE MOLT PETITE,
 MES JE NE LA PUIS CLAMER QUITE,
 QUE MOLT GRANT MESTIER EN AVROIE.
 *POR CE MEILLOR GRE/ VOS SAVROIE
 SE VOS ME LESSI=EZ MON DROIT.
 _ *CERTES, QUI OR TE RESPONDROIT,
 FET L'AUTRE, MOLT SEROIT MUSARDE.
 *MAX FEX ET MALE FLAME M'ARDE
 SE JE T'AN DOING DON TU MIALZ VIVES!
 *EINC&OIS ASANBLERONT LES RIVES
 DE LA *DUNOE ET DE *SEONE,
 SE LA BATAILLE NEL TE DONE.
 _ *DEX ET LI DROIZ QUE JE I AI,
 EN CUI JE M'AN FI, ET FI=AI,
 EN SOIT EN AI=DE CELUI,
 E SE LOU DEFFENDE D'ENUI,
 QUI PAR AMORS ET PAR FRAINCHISE
 SE POROFFRI DE MON SERVISE,
 SI NE SET IL QUI GE ME SUI,
 N'IL NE ME CONOIST, NE GE LUI!"
 *TANT ONT PARLE/ QU'ATANT REMAINNENT
 LES PAROLES, ET SI AMAINNENT
 LES CHEVALIERS EN MI LA CORT;
 ET TOZ LI PUEPLES I ACORT,
 SI CON A TEL AFEIRE SUELENT
 CORRE LES GENZ, QUI VEOIR VUELENT
 COS DE BATAILLE, ET ESCREMIE.
 *MES NE S'ANTRECONURENT MIE
 CIL QUI CONBATRE SE VOLOIENT,
 QUI MOLT ENTR'AMER SE SOLOIENT.
 *ET OR DONC NE S'ANTR'AINMENT IL?
 *OI=L, VOS RESPONG, ET NENIL;
 ET L'UN ET L'AUTRE PROVERAI
 SI QUE REISON I TROVERAI.
 *POR VOIR, MES SIRE *GAUVAINS AINME
 *YVAIN, ET CONPAINGNON LE CLAINME;
 ET *YVAINS LUI, OU QUE IL SOIT;
 NEI=S CI, S'IL LE CONUISSOIT,
 FEROIT IL JA DE LUI GRANT FESTE;
 ET SI METROIT POR LUI SA TESTE
 EINZ QU'AN LI FEI=ST GRANT ENUI.
 *N'EST CE *AMORS ANTIERE ET FINE?
 *OI=L, CERTES; ET LA *HAI=NE
 DON NE REST ELE TOTE APERTE?
 OI=L, QUE CE EST CHOSE CERTE
 QUE LI UNS A L'AUTRE SANZ DOTE
 VOLDROIT AVOIR LA TESTE ROTE,
 OU TANT DE HONTE LI VOLDROIT
 AVOIR FEITE QUE PIS VALDROIT.
 *PAR FOI, C'EST MERVOILLE PROVEE
 QUE L'EN A ENSANBLE TROVEE
 *AMOR ET *HAI=NE MORTEL.
 *DEX! MEI=SMES EN UN OSTEL
 COMANT PUET ESTRE LI REPAIRES
 A CHOSES QUI TANT SONT CONTRAIRES?
 *EN UN OSTEL, SI CON MOI SANBLE,
 NE PUEENT ELES ESTRE ANSANBLE,
 QUE NE PORROIT PAS REMENOIR
 L'UNE AVOEQUES L'AUTRE UN SEUL SOIR
 QUE NOISE ET TANC&ON N'I EU=ST,
 PUIS QUE L'UNE L'AUTRE I SEU=ST.
 *MES EN UN CHAS A PLUSORS MANBRES,
 QUE L'EN I FET LOGES ET CHANBRES;
 *ENSI PUET BIEN ESTRE LA CHOSE:
 ESPOIR QU'*AMORS S'ESTOIT ANCLOSE
 EN AUCUNE CHANBRE CELEE;
 ET *HAI=NE S'AN ERT ALEE
 AS LOGES PAR DEVERS LA VOIE
 POR CE QU'EL VIALT QUE L'EN LA VOIE.
 *OR EST *HAI=NE MOLT AN COCHE,
 QU'ELE ESPERONE, ET POINT, ET BROCHE
 SOR *AMORS QUAN QUE ELE PUET,
 ET *AMORS ONQUES NE SE MUET.
 *HA! *AMORS, OU ES TU REPOSTE?
 *CAR T'AN IS, SI VERRAS QUEL OSTE
 ONT SOR TOI AMENE/ ET MIS;
 LI ANEMIS A TES A MIS;
 LI ANEMI SONT CIL MEI=SME
 QUI S'ANTR'EMENT D'AMOR SAINTIME;
 QU'AMORS QUI N'EST FAUSE NE FAINTE
 EST PRECIEUSE CHOSE, ET SAINTE.
 *SI EST *AMORS ASEZ TROP GLOTE,
 ET *HAI=NE N'I REVOIT GOTE;
 QU'*AMORS DEFFANDRE LOR DEU=ST,
 SE ELE LES RECONEU=ST,
 QUE LI UNS L'AUTRE N'ADESAST
 NE FEI=ST RIEN QUI LI GREVAST.
 *POR CE EST *AMORS AVUGLEE
 ET DESCONFITE ET DESJUGLEE
 QUE CEZ QUI TUIT SONT SUEN PAR DROIT
 NE RECONUIST, ET SI LES VOIT.
 *ET *HAI=NE DIRE NE SET
 POR COI LI UNS D'AX L'AUTRE HET,
 SES VIALT FEIRE MESLER A TORT,
 SI HET LI UNS L'AUTRE DE MORT.
 *N'AINME PAS, CE POEZ SAVOIR,
 L'OME QUI LE VOLDROIT AVOIR
 HONI, ET QUI SA MORT DESIRRE.
 MON SEIGNOR *GAUVAIN SON AMI?
 *OI=L, ET IL LUI AUTRESI.
 *SI VOLDROIT MES SIRE *GAUVAINS
 *YVAIN OCIRRE DE SES MAINS
 OU FEIRE PIS QUE JE NE DI?
 *NENIL, CE VOS JUR ET AFI.
 *LI UNS NE VOLDROIT AVOIR FET
 A L'AUTRE NE HONTE NE LET,
 POR QUAN QUE *DEX A FET POR HOME
 NE POR TOT L'EMPIRE DE *ROME.
 *OR AI MANTI MOLT LEIDEMANT,
 QUE L'EN VOIT BIEN APERTEMANT
 QUE LI UNS VIALT ENVAI=R L'AUTRE,
 LANCE LEVEE SOR LE FAUTRE;
 ET LI UNS L'AUTRE VIALT BLECIER
 ET FEIRE HONTE, ET CORRECIER,
 QUE JA DE RIEN NE S'AN FEINDRA.
 *OR DITES DE CUI SE PLAINDRA
 CIL QUI DES COS AVRA LE PIS
 QUANT LI UNS L'AUTRE AVRA CONQUIS.
 *CAR S'IL FONT TANT QU'IL S'ANTREVAIGNENT
 GRANT PEOR AI QU'IL NE MAINTAIGNENT
 TANT LA BATAILLE ET LA MESLEE
 QU'IL SOIT DE L'UNE PART OLTREE.
 *PORRA *YVAINS PAR REISON DIRE,
 SE LA SOE PARTIE EST PIRE,
 QUE CIL LI AIT FET LET NE HONTE
 QUI ANTRE SES AMIS LE CONTE,
 N'AINZ NE L'APELA PAR SON NON,
 SE AMI ET CONPAIGNON NON.
 *OU S'IL AVIENT PAR AVENTURE
 QU'IL LI AIT FET NULE LEIDURE,
 OU DE QUE QUE SOIT LE SORMAINT,
 AVRA IL DROIT, SE IL SE PLAINT?
 *NENIL, QU'IL NE SAVRA DE CUI.
 *ANTR'ESLOIGNIE/ SE SONT ANDUI
 POR CE QU'IL NE S'ANTRECONOISSENT.
 *A L'ASANBLER LOR LANCES FROISSENT,
 QUI GROSSES ERENT ET DE FRESNE.
 *LI UNS L'AUTRE DE RIEN N'ARESNE,
 CAR S'IL ENTR'AREISNIE/ SE FUSSENT
 AUTRE ASANBLEE FEITE EU=SSENT.
 *JA N'EU=SSENT A L'ASANBLEE
 FERU DE LANCE NE D'ESPEE:
 ENTREBEISIER ET ACOLER
 S'ALASSENT EINZ QUE AFOLER,
 QU'IL S'ANTR'AFOLENT ET MEHAINGNENT;
 LES ESPEES RIEN N'I GAAINGNENT
 NE LI HIAUME, NE LI ESCU
 QUI ANBARRE/ SONT ET FANDU;
 ET DES ESPEES LI TRANCHANT
 ESGRUNENT ET VONT REBOUCHANT,
 CAR IL SE DONENT SI GRANZ FLAZ
 DES TRANCHANZ, NON MIE DES PLAZ,
 ET DES PONS REDONENT TEX COS
 SOR LES NASEX ET SOR LES DOS,
 ET SOR LES FRONZ ET SOR LES JOES
 QUE TOTES SONT PERSES ET BLOES
 ET LES HAUBERS ONT SI DEROZ
 ET LES ESCUZ SI DEPECIEZ,
 N'I A CELUI NE SOIT BLECIEZ;
 ET TANT SE PAINNENT ET TRAVAILLENT,
 A PO QU'ALAINNES NE LOR FAILLENT;
 SI SE CONBATENT UNE CHAUDE
 QUE JAGONCE NE ESMERAUDE
 N'OT SOR LOR HIAUMES ATACHIEE
 NE SOIT MOLUE ET ARACHIEE;
 CAR DES PONS SI GRANZ COS SE DONENT
 SOR LES HIAUMES QUE TUIT S'ESTONENT
 ET PAR PO QU'IL NE S'ESCERVELENT.
 *LI OEL DES CHIE/S LOR ESTANCELENT
 QU'IL ONT LES POINZ QUARREZ ET GROS,
 ET FORZ LES NERS, ET DURS LES OS,
 SI SE DONENT MALES GROIGNIEES
 A CE QU'IL TIENENT ANPOIGNIEES
 LES ESPEES QUI GRANT AI=E
 LOR FONT QUANT IL FIERENT A HIE.
 *QUANT GRANT PIECE SE SONT LASSE/
 TANT QUE LI HIAUME SONT QUASSE/
 ET LI ESCU FANDU ET FRET,
 UN PO SE SONT ARRIERES TRET
 SI LESSENT REPOSER LOR VAINNES
 ET SI REPRANENT LOR ALAINNES.
 *MES N'I FONT MIE GRANT DEMORE
 EINZ CORT LI UNS A L'AUTRE SORE,
 PLUS FIEREMANT QU'AINZ MES NE FIRENT
 ET TUIT DI=ENT QUE MES NE VIRENT
 DEUS CHEVALIERS PLUS CORAGEUS:
 "*NE SE CONBATENT MIE A GEUS,
 EINZ LE FONT ASEZ TROP A CERTES.
 *LES MERITES, ET LES DESERTES,
 NE LOR AN SERONT JA RENDUES."
 *CES PAROLES ONT ENTANDUES
 LI DUI AMI QUI S'ANTR'AFOLENT,
 ET S'ANTENDENT QUE IL PAROLENT
 DES DEUS SERORS ANTR'ACORDER,
 MES LA PES N'I PUEENT TROVER
 DEVERS L'AINZ NEE AN NULE GUISE.
 *ET LA MAINS NEE S'ESTOIT MISE
 SOR CE QUE LI ROIS AN DIROIT
 QUE JA RIEN N'EN CONTREDIROIT.
 *MES L'AINZ NEE ESTOIT SI ANRIEVRE
 QUE NES LA REI=NE *GANIEVRE
 ET CIL QUI SAVOIENT LOR LOIS
 ET LI CHEVALIER ET LI ROIS
 DEVERS LA MAINS NEE SE TIENENT;
 ET TUIT LE ROI PROIER AN VIENENT
 QUE MAUGRE/ L'AINZ NEE SEROR
 DOINT DE LA TERRE A LA MENOR
 LA TIERCE PARTIE OU LA QUARTE,
 ET LES DEUS CHEVALIERS DEPARTE,
 QUE MOLT SONT DE GRANT VASELAGE
 ET TROP I AVROIT GRANT DOMAGE
 SE LI UNS D'AX L'AUTRE AFOLOIT
 NE POINT DE S'ENOR LI TOLOIT.
 NE S'ANTREMETRA IL JA MES,
 QUE L'AINZ NEE SUER N'EN A CURE
 TANT PAR EST MALE CRIATURE.
 *TOTES CES PAROLES OI=RENT
 LI DUI, QUI DES CORS S'ANTR'ANPIRENT
 SI QU'A TOZ VIENT A GRANT MERVOILLE;
 ET LA BATAILLE EST SI PAROILLE
 QUE L'EN NE SET PAR NUL AVIS
 QUI N' A LE MIALZ NE QUI LE PIS.
 *MES LI DUI QUI SI SE CONBATENT
 QUE PAR MARTIRE ENOR ACHATENT,
 SE MERVOILLENT ET ESBAI=SSENT
 QUE SI PAR IGAL S'ANVAI=SSENT,
 QU'A GRANT MERVOILLE A CHASCUN VIENT,
 QUI CIL EST QUI SE CONTRETIENT
 ANCONTRE LUI SI FIEREMANT.
 *TANT SE CONBATENT LONGUEMANT
 QUE LI JORZ VERS LA NUIT SE TRET;
 NE IL N'I A CELUI QUI N'ET
 LE BRAZ LAS ET LE CORS DOILLANT.
 *ET LI SANC TUIT CHAUT ET BOILLANT
 PAR MAINZ LEUS FORS DES CORS LOR BOLENT,
 QUI PAR DESOZ LES HAUBERS COLENT;
 N'IL N'EST MERVOILLE S'IL SE VUELENT
 REPOSER, CAR FORMANT SE DUELENT.
 *LORS SE REPOSENT ANBEDUI,
 ET PUIS PANSE CHASCUNS POR LUI
 C'OR A IL SON PAROIL TROVE/
 COMANT QU'IL LI AIT DEMORE/.
 *LONGUEMANT ANDUI SE REPOSENT,
 QUE RASANBLER AS ARMES N'OSENT;
 N'ONT PLUS DE LA BATAILLE CURE,
 QUE POR LA NUIT QUI VIENT OSCURE
 QUE POR CE QUE MOLT S'ANTREDOTENT.
 *CES DEUS CHOSES ANDEUS LES BOTENT,
 ET SEMONENT QU'AN PES S'ESTOISENT;
 MES EINC&OIS QUE DEL CHANP S'AN VOISENT,
 SE SERONT BIEN ANTR'ACOINTIE/,
 S'AVRA ENTR'AX JOIE ET PITIE/.
 *MES SIRE *YVAINS PARLA EINC&OIS,
 QUI MOLT ESTOIT PREUZ ET CORTOIS;
 MES AU PARLER NEL RECONUT
 SES BOENS AMIS, ET CE LI NUT
 QU'IL AVOIT LA PAROLE BASSE
 ET LA VOIZ ROE, ET FOIBLE, ET QUASSE,
 QUE TOZ LI SANS LI FU MEU=Z
 DES COS QU'IL AVOIT RECEU=Z.
 "*SIRE, FET IL, LA NUIZ APROCHE;
 JA, CE CUIT, BLASME NE REPROCHE
 N'EN AVROIZ, SE L'EN NOS DEPART.
 *MES TANT DI DE LA MOIE PART
 QUE MOLT VOS DOT ET MOLT VOS PRIS,
 N'ONQUES EN MA VIE N'ENPRIS
 BATAILLE DON TANT ME DOUSISSE
 NE CHEVALIER QUE JE VOUSISSE
 TANT VEOIR NE TANT ACOINTIER.
 QUE VAINCUZ ME CUIDAI VEOIR.
 *BIEN SAVEZ VOS COS ASEOIR
 ET BIEN LES SAVEZ ANPLOIER.
 *EINZ TANT NE SOT DE COS PAIER
 CHEVALIERS QUE JE CONEU=SSE;
 JA, MON VUEL, TANT N'AN RECEU=SSE
 CON VOS M'AN AVEZ HUI PRESTE/.
 *TOT M'ONT VOSTRE COP ANTESTE/.
 _ *PAR FOI, FET MES SIRE *GAUVAINS,
 N'IESTES SI ESTONEZ NE VAINS
 QUE JE AUTANT OU PLUS NE SOIE,
 ET SE JE VOS RECONOISSOIE,
 ESPOIR NE ME GREVEROIT RIEN;
 SE JE VOS AI PRESTE/ DEL MIEN,
 BIEN M'EN AVEZ RANDU LE CONTE,
 ET DEL CHETEL ET DE LA MONTE,
 QUE LARGES ESTI=EZ DEL RENDRE
 PLUS QUE JE N'ESTOIE DEL PRENDRE.
 *MES COMANT QUE LA CHOSE PRAINGNE
 QUANT VOS PLEST QUE JE VOS APRAINGNE
 PAR QUEL NON JE SUI APELEZ,
 JA MES NONS NE VOS IERT CELEZ:
 *GAUVAINS AI NON, FILZ AU ROI *LOT."
 *QUANT *YVAINS CESTE NOVELE OT,
 SI S'ESBAI=ST, ET ESPERT TOZ,
 PAR MAUTALANT ET PAR CORROZ;
 FLATI A LA TERRE S'ESPEE
 QUI TOTE ESTOIT ANSANGLANTEE
 ET SON ESCU TOT DEPECIE/,
 SI DESCENT DEL CHEVAL A PIE/
 ET DI: "*HA! LAS! *QUEL MESCHEANCE!
 *PAR TROP LEIDE MESCONOISSANCE
 CESTE BATAILLE FEITE AVOMES
 QU'ANTRECONEU= NE NOS SOMES;
 QUE JA, SE JE VOS CONEU=SSE,
 A VOS CONBATUZ NE ME FUSSE,
 EINZ ME CLAMASSE A RECREANT
 DEVANT LE COP, CE VOS CREANT.
 _ *COMANT, FET MES SIRE *GAUVAINS,
 QUI ESTES VOS? _ *JE SUI *YVAINS,
 QUE PLUS VOS AIM C' OME DEL MONDE
 TANT COM IL DURE A LA REONDE;
 QUE VOS M'AVEZ AME/ TOZ JORZ
 ET ENORE/ AN TOTES CORZ.
 *MES JE VOS VOEL, DE CEST AFEIRE,
 TEL AMANDE ET TEL ENOR FEIRE
 C'OUTREEMANT VAINCUZ M'OTROI.
 _ *ICE FERI=EZ VOS POR MOI,
 FET MES SIRE *GAUVAINS LI DOUZ.
 *CERTES, MOLT SEROIE OR ESTOUZ
 SE GE CESTE AMANDE AN PRENOIE.
 *JA CESTE ENORS NE SERA MOIE,
 EINZ IERT VOSTRE, JE LA VOS LES.
 _ *HA! BIAX SIRE, NEL DITES MES,
 QUE CE NE PORROIT AVENIR;
 JE NE ME PUIS MES SOSTENIR,
 SI SUI ATAINZ ET SORMENEZ.
 _ *CERTES, DE NEANT VOS PENEZ,
 *MES JE SUI VAINCUZ ET ATAINZ,
 NE JE N'EN DI RIEN POR LOSANGE,
 QU'IL N'A EL MONDE SI ESTRANGE
 QUE JE AUTRETANT N'AN DEI=SSE,
 EINC&OIS QUE PLUS DES COS SOFRISSE."
 *EINSI PARLANT SONT DESCENDU;
 S'A LI UNS A L'AUTRE TANDU
 LES BRAZ AU COL, SI S'ANTREBEISENT,
 NE POR CE MIE NE SE TEISENT,
 QUE CHASCUNS OLTREZ NE SE CLAINT.
 *LA TANC&ONS ONQUES NE REMAINT
 TANT QUE LI ROIS ET LI BARONS
 VIENENT CORRANT TOT AN VIRON,
 SES VOIENT ANTRECONJOI=R,
 ET MOLT DESIRRENT A OI=R
 QUE CE PUET ESTRE, ET QUI CIL SONT
 QUI SI GRANT JOIE S'ANTREFONT.
 "*SEIGNOR, FET LI ROIS, DITES NOS
 QUI A SI TOST MIS ANTRE VOS
 CESTE AMISTIE/ ET CESTE ACORDE,
 QUE TEL HAI=NE ET TEL DESCORDE
 I AI HUI TOTE JOR VEU=E?
 _ *SIRE, JA NE VOS IERT TEU=E,
 FET MES SIRE *GAUVAINS, SES NIE/S,
 LA MESCHEANCE ET LI MESCHIE/S
 DON CESTE BATAILLE A ESTE/.
 *DES QUE OR ESTES ARESTE/
 POR L'OI=R ET POR LE SAVOIR,
 BIEN IERT QUI VOS AN DIRA VOIR.
 *JE, QUI *GAUVAINS VOSTRE NIE/S SUI,
 MON CONPAIGNON NE RECONUI,
 MON SEIGNOR *YVAIN QUI EST CI,
 TANT QUE IL, LA SOE MERCI,
 SI CON *DEU PLOT, MON NON ENQUIST.
 *LI UNS SON NON A L'AUTRE DIST;
 LORS SI NOS ANTRECONEU=MES
 QUANT BIEN ANTREBATU NOS FUMES.
 *BIEN NOS SOMES ANTREBATU,
 ET SE NOS FUSSIENS CONBATU
 ENCORE UN PO PLUS LONGUEMANT,
 IL M'EN ALAST TROP MALEMANT
 QUE, PAR MON CHIEF, IL M'EU=ST MORT
 PAR SA PROESCE, ET PAR LE TORT
 CELI QUI M'AVOIT EL CHANP MIS.
 *MES MIALZ VOEL JE QUE MES AMIS
 M'AIT OLTRE/ D'ARMES QUE TU=E/."
 *LORS A TRESTOT LE SAN MU=E/
 MES SIRE *YVAINS, ET SI LI DIT:
 "*BIAX SIRE CHIERS, SE DEX M'AI=T
 TROP AVEZ GRANT TORT DE CE DIRE;
 MES BIEN SACHE LI ROIS MES SIRE
 QUE JE SUI DE CESTE BATAILLE
 OLTREZ ET RECREANZ SANZ FAILLE.
 _ *MES GE. _ *MES GE, FET CIL ET CIL".
 *TANT SONT ANDUI FRANC ET GENTIL
 QUE LA VICTOIRE ET LA QUERONE
 LI UNS A L'AUTRE OTROIE ET DONE;
 EINZ FET CHASCUNS PAR FORCE ENTENDRE
 AU ROI, ET A TOTES SES GENZ,
 QU'IL EST OLTREZ ET RECREANZ.
 *MES LI ROIS LA TANC&ON DEPIECE,
 QUANT OI=Z LES OT UNE PIECE;
 ET LI OI=RS MOLT LI PLEISOIT
 ET CE AVOEC QUE IL VEOIT
 QU'IL S'ESTOIENT ENTR'ACOLE/.
 *S'AVOIT LI UNS L'AUTRE AFOLE/
 MOLT LEIDEMANT AN PLUSORS LEUS.
 "*SEIGNOR, FET IL, ANTRE VOS DEUS
 A GRANT AMOR, BIEN LE MOSTREZ
 QUANT CHASCUNS DIT QU'IL EST OLTREZ;
 MES OR VOS AN METEZ SOR MOI
 ET JES ACORDERAI, CE CROI,
 SI BIEN QUE'A VOZ ENORS SERA
 ET TOZ SIEGLES M'AN LOERA."
 *LORS ONT ANDUI ACREANTE/
 QU'IL AN FERONT SA VOLANTE/
 TOT ENSI COM IL LE DIRA.
 *ET LI ROIS DIT QU'IL PARTIRA
 A BIEN ET A FOI LA QUERELE.
 "*OU EST, FET IL, LA DAMEISELE
 QUI SA SEROR A FORS BOTE/E
 DE SA TERRE, ET DESERITE/E
 PAR FORCE ET PAR MALE MERCI?
 _ *SIRE, FET ELE, JE SUI CI.
 _ *LA ESTES VOS? *VENEZ DONC C&A.
 *JE LE SAVOIE BIEN PIEC&A
 QUE VOS LA DESERITEIEZ.
 *SES DROIZ NE SERA PLUS NOIEZ
 QUE CONEU= M'AVEZ LE VOIR.
 *LA SOE PART PAR ESTOVOIR
 VOS COVIENT TOTE CLAMER QUITE.
 _ *HA! SIRE ROIS, SE JE AI DITE
 UNE RESPONSE NICE ET FOLE,
 VOLEZ M'AN VOS METRE A PAROLE.
 *POR *DEU, SIRE, NE ME GREVEZ!
 *VOS ESTES ROIS, SI ME DEVEZ
 DE TORT GARDER ET DE MESPRENDRE.
 _ *POR CE, FET LI ROIS, VOEL JE RENDRE
 A VOSTRE SEROR SA DROITURE
 C'ONQUES DE TORT FEIRE N'OI CURE.
 *ET VOS AVEZ BIEN ANTENDU
 QU'AN MA MERCI SE SONT RANDU
 VOSTRES CHEVALIERS ET LI SUENS;
 NE DIRAI MIE TOZ VOZ BUENS,
 QUE VOSTRE TORZ EST BIEN SEU=Z.
 *CHASCUNS DIT QU'IL EST CHANPCHEU=Z
 TANT VIALT LI UNS L'AUTRE ENORER.
 *A CE N'AI GE QUE DEMORER
 DES QUE LA CHOSE EST SOR MOI MISE:
 OU VOS FEROIZ A MA DEVISE
 TOT QUAN QUE GE DEVISERAI
 SANZ FEIRE TORT, OU GE DIRAI
 QUE MES NIE/S EST D'ARMES CONQUIS.
 *LORS SI VAUDRA A VOSTRE OE/S PIS;
 MES JEL DI OR CONTRE MON CUER."
 *IL NE LE DEI=ST A NUL FUER,
 S'IL LA PORROIT TANT ESMAIER
 QU'ELE RANDIST A SA SEROR
 SON HERITAGE, PAR PEOR,
 QU'IL S'EST APARCEU=Z MOLT BIEN
 QUE ELE NE L'EN RANDIST RIEN
 POR QUAN QUE DIRE LI SEU=ST
 SE FORCE OU CRIEME N'I EU=ST.
 *POR CE QUE ELE DOTE ET CRIENT,
 LI DIT: "*BIAX SIRE, OR ME COVIENT
 QUE JE FACE VOSTRE TALANT,
 MES MOLT EN AI LE CUER DOLANT,
 QUE JEL FERAI QUE QU'IL ME GRIET;
 S'AVRA MA SUER CE QUE LI SIET
 DE LA PART DE MON HERITAGE;
 VOTRE CORS LI DOING EN OSTAGE
 POR CE QUE PLUS SEU=RE AN SOIT.
 _ *REVESTEZ L'AN TOT OR EN DROIT,
 FET LI ROIS, ET ELE DEVEINGNE
 VOSTRE FAME, ET DE VOS LA TEINGNE;
 SI L'AMEZ COME VOSTRE FAME,
 ET ELE VOS COME SA DAME
 ET COME SA SEROR GERMAINNE."
 *LI ROIS EINSI LA CHOSE MAINNE
 TANT QUE DE SA TERRE EST SEISIE
 LA PUCELE, QUI L'EN MERCIE.
 *ET LI ROIS DIT A SON NEVEU,
 AU CHEVALIER VAILLANT ET PREU,
 QUE LES ARMES OSTER SE LEST,
 ET MES SIRE *YVAINS, SE LUI PLEST,
 SE RELEST LES SOES TOLIR,
 CAR BIEN S'AN PUEENT MES SOFRIR.
 *LORS SONT DESARME/ LI VASAL;
 SI S'ANTREBEISENT PAR IGAL.
 *ET QUE QUE IL S'ANTREBEISOIENT,
 LE LY=ON CORRANT VENIR VOIENT
 QUI SON SEIGNOR QUERANT ALOIT.
 *TOT MAINTENANT QUE IL LE VOIT,
 SI COMANCE GRANT JOIE A FEIRE;
 LORS VEI=SSIEZ GENZ ARRIERS TREIRE;
 TRESTOZ LI PLUS HARDIZ S'AN FUIT.
 "*ESTEZ, FET MES SIRE *YVAINS, TUIT.
 *POR COI FUIEZ? *NUS NE VOS CHACE;
 NE DOUTEZ JA QUE MAL VOS FACE
 LI LYEONS QUE VENIR VEEZ;
 DE CE, S'IL VOS PLEST, ME CREEZ,
 QU'IL EST A MOI, ET JE A LUI;
 SI SOMES CONPAIGNON ANDUI."
 *LORS SORENT TRESTUIT CIL DE VOIR,
 QUI ORENT OI= MANTEVOIR
 LES AVENTURES AU LYEON,
 DE LUI ET DE SON CONPAIGNON,
 C'ONQUES NE FU AUTRES QUE CIST
 QUI LE FELON JAIANT OCIST.
 *ET MES SIRE *GAUVAINS LI DIST:
 "*SIRE CONPAINZ, SE DEX M'AI=ST,
 MOLT M'AVEZ BIEN AVILENI:
 MALVEISEMANT VOS AI MERI
 LE SERVISE QUE ME FEI=STES,
 POR MES NEVEUZ ET POR MA NIECE.
 *MOLT AI PANSE/ A VOS GRANT PIECE,
 MES APANSER NE ME SAVOIE,
 N'ONQUES OI= PARLER N'AVOIE
 DE CHEVALIER QUE JE SEU=SSE
 AN TERRE OU JE ESTE/ EU=SSE
 QUI LI *CHEVALIERS AU LYEON
 FUST APELEZ AN SORENON."
 *DESARME/ SONT ENSI PARLANT,
 ET LI LYEONS NE VINT PAS LANT
 VERS SON SEIGNOR LA OU IL SIST.
 *QUANT DEVANT LUI VINT, SI LI FIST
 GRANT JOIE, COME BESTE MUE.
 *EN ANFERMERIE OU AN MUE
 LES AN COVIENT ANDEUS MENER,
 CAR A LOR PLAIES RESENER
 ONT MESTIER DE MIRE ET D'ANTRET.
 *DEVANT LUI MENER LES AN FET
 LI ROIS, QUI MOLT CHIERS LES AVOIT.
 *UN FISICI=EN QUI SAVOIT
 DE MIRGIE PLUS QUE NUS HOM
 FIST MANDER ROIS *ARTUS ADOM.
 *ET CIL DEL GARIR SE PENA
 TANT QUE LOR PLAIES LOR SENA
 AU MIALZ ET AU PLUS TOST QU'IL POT.
 *QUANT ANBEDEUS GARIZ LES OT,
 MES SIRE *YVAINS QUI, SANZ RETOR,
 AVOIT SON CUER MIS EN *AMOR,
 VIT BIEN QUE DURER N'I PORROIT
 ET PAR *AMOR AN FIN MORROIT,
 SE SA DAME N'AVOIT MERCI
 DE LUI, QUI SE MOROIT ENSI;
 ET PANSE QU'IL SE PARTIROIT
 TOZ SEUS DE CORT, ET SI IROIT
 A SA FONTAINNE GUERROIER;
 ET S'I FEROIT TANT FOUDROIER,
 ET TANT VANTER, ET TANT PLOVOIR,
 QUE PAR FORCE ET PAR ESTOVOIR
 LI COVANROIT FEIRE A LUI PES,
 OU IL NE FINEROIT JA MES
 DE LA FONTAINNE TORMANTER,
 ET DE PLOVOIR, ET DE VANTER.
 *MAINTENANT QUE MES SIRE *YVAINS
 SANTI QU'IL FU GARIZ ET SAINS,
 SI S'AN PARTI, QUE NUS NEL SOT;
 MES SON LYEON AVOEC LUI OT
 QUI ONQUES EN TOTE SA VIE
 NE VOLT LESSIER SA CONPAIGNIE.
 *PUIS ERRERENT TANT QUE IL VIRENT
 LA FONTAINNE; ET PLOVOIR I FIRENT.
 *NE CUIDIEZ PAS QUE JE VOS MANTE
 QUE SI FU FIERE LA TORMANTE
 QUE NUS N'AN CONTEROIT LE DISME,
 QU'IL SANBLOIT QUE JUSQU'AN ABISME
 DEU=ST FONDRE LA FOREZ TOTE!
 *LA DAME DE SON CHASTEL DOTE
 QUE IL NE FONDE TOZ ANSANBLE;
 LI MUR CROSLENT, ET LA TORZ TRANBLE,
 SI QUE PAR PO QU'ELE NE VERSE.
 LI PLUS HARDIZ ANTRE LES *TURS,
 QUE LEANZ ESTRE ANTRE LES MURS.
 *TEL PEOR ONT QUE IL MAUDIENT
 LOR ANCESSORS, ET TRESTUIT DI=ENT:
 "*MALEOIZ SOIT LI PREMIERS HOM
 QUI FIST AN CEST PAI=S MEISON,
 ET CIL QUI CEST CHASTEL FONDERENT!
 *QU'AN TOT LE MONDE NE TROVERENT
 LEU QUE L'AN DOIE TANT HAI=R
 C'UNS SEUS HOM LE PUET ENVAI=R,
 ET TORMANTER, ET TRAVEILLIER."
 " _ *DE CESTE CHOSE CONSEILLIER
 VOS COVIENT, DAME, FET *LUNETE;
 NE TROVEROIZ QUI S'ANTREMETE
 DE VOS EIDIER A CEST BESOING
 SE L'EN NEL VA QUERRE MOLT LOING.
 *JA MES VOIR NE REPOSERONS
 AN CEST CHASTEL, NE N'OSERONS
 LES MURS NE LA PORTE PASSER.
 *QUI AVROIT TOZ FEZ AMASSER
 VOZ CHEVALIERS POR CEST AFEIRE,
 NE S'AN OSEROIT AVANT TREIRE
 TOZ LI MIAUDRES, BIEN LE SAVEZ.
 *S'EST OR ENSI QUE VOS N'AVEZ
 QUI DESFANDE VOSTRE FONTAINNE,
 SI SANBLEROIZ FOLE ET VILAINNE;
 MOLT BELE ENOR I AVROIZ JA
 QUANT SANZ BATAILLE S'AN IRA
 CIL QUI SI VOS A ASAILLIE.
 *CERTES, VOS ESTES MAL BAILLIE
 S'AUTREMANT DE VOS NE PANSE/.
 _ *TU, FET LA DAME, QUI TANT SEZ,
 ME DI COMANT J'EN PANSERAI,
 ET GE A TON LOS LE FERAI.
 _ *DAME, CERTES, SE JE SAVOIE
 VOLANTIERS VOS CONSEILLEROIE;
 MES VOS AVRI=EZ GRANT MESTIER
 DE PLUS RESNABLE CONSEILLIER.
 *POR CE, SI NE M'AN OS MESLER,
 ET LE PLOVOIR ET LE VANTER
 AVOEC LES AUTRES SOFFERRE/
 TANT, SE *DEU PLEST, QUE JE VERRE/
 EN VOSTRE CORT AUCUN PREUDOME
 QUI PRENDRA LE FES ET LA SOME
 DE CESTE BATAILLE SOR LUI.
 *MES JE NE CUIT QUE CE SOIT HUI,
 SI VANDRA PIS A OE/S VOSTRE OE/S."
 *ET LA DAME LI RESPONT LUE/S:
 "*DAMEISELE, CAR PARLEZ D'EL.
 *CAR IL N'A GENT AN MON OSTEL
 AN CUI GE AIE NULE ATANDUE
 QUE JA PAR AUS SOIT DESFANDUE
 LA FONTAINNE NE LI PERRONS.
 *MES, SE *DEU PLEST, OR I VERRONS
 VOSTRE CONSOIL ET VOSTRE SAN,
 QU'AU BESOING, TOZ JORZ LE DIT AN,
 DOIT AN SON AMI ESPROVER.
 _ *DAME, QUI CUIDEROIT TROVER
 ET LES TROIS CHEVALIERS CONQUIST,
 IL LE FEROIT BOEN ALER QUERRE;
 MES TANT COM IL AVRA LA GUERRE
 ET L'IRE ET LE MAL VERS SA DAME,
 N'A EN CEST MONT HOME NE FAME
 CUI IL SUIEST, MIEN ESCI=ANT,
 TANT QUE IL LI JURT ET FIANT
 QU'IL FERA TOTE SA PUISSANCE
 DE RACORDER LA MESCHEANCE
 QUE SA DAME A SI GRANT A LUI
 QU'IL AN MUERT DE DUEL ET D'ENUI."
 *ET LA DAME DIT: "*JE SUI PRESTE,
 EINZ QUE VOS ENTROIZ AN LA QUESTE,
 QUE JE VOS PLEVISSE MA FOI
 ET JURERAI, S'IL VIENT A MOI,
 QUE JE, SANZ GUILE ET SANZ FEINTISE,
 LI FERAI TOT A SA DEVISE
 SA PES, SE JE FEIRE LA PUIS."
 *ET *LUNETE LI REDIT PUIS:
 "*DAME, DE CE NE DOT GE RIEN
 QUE VOS NE LI PUISSIEZ MOLT BIEN
 SA PES FEIRE, SE IL VOS SIET;
 MES DEL SEIREMANT NE VOS GRIET
 QUE JE LE PANRAI TOTE VOIE
 EINZ QUE JE ME METE A LA VOIE.
 _ *CE, FET LA DAME, NE ME POISE."
 *LUNETE QUI MOLT FU CORTOISE
 LI FIST ISNELEMANT FORS TRAIRE
 UN MOLT PRECI=EUS SAINTUAIRE;
 ET LA DAME A GENOLZ S'EST MISE.
 *AU GEU DE LA VERTE/ L'A PRISE
 *LUNETE, MOLT CORTOISEMANT.
 *A L'ESCHEVIR DEL SEIREMANT,
 RIEN DE SON PREU N'I OBLIA
 CELE QUI ESCHEVI LI A.
 "*DAME, FET ELE, HAUCIEZ LA MAIN!
 *JE NE VOEL PAS QU'APRE/S DEMAIN
 M'AN METOIZ SUS NE CE NE QUOI
 QUE VOS N'AN FEITES RIEN POR MOI.
 *POR VOS MEI=SMES LE FEROIZ!
 *SE IL VOS PLEST, SI JUREROIZ
 POR LE *CHEVALIER AU LYEON
 QUE VOS, EN BOENE ANTENCI=ON,
 VOS PENEROIZ TANT QU'IL SAVRA
 QUE LE BOEN CUER SA DAME AVRA
 TOT AUTRESI COM IL OT ONQUES."
 *LA MAIN DESTRE LEVA ADONQUES
 LA DAME, ET DIT TRESTOT EINSI:
 "*CON TU L'AS DIT, ET JE LE DI
 QUE, SI M'AI=ST *DEX ET LI SAINZ,
 QUE JA MES CUERS NE SERA FAINZ
 QUE JE TOT MON POOIR N'EN FACE.
 *L'AMOR LI RANDRAI ET LA GRACE
 QUE IL SIALT A SA DAME AVOIR,
 PUIS QUE J'EN AI FORCE ET POOIR."
 *OR A BIEN *LUNETE ESPLOITE/;
 DE RIEN N'AVOIT TEL COVOITIE/
 COME DE CE QU'ELE AVOIT FET.
 UN PALEFROI SOE=F ANBLANT.
 *A BELE CHIERE, A LIE/ SANBLANT,
 MONTE *LUNETE; SI S'AN VA,
 TANT QUE DELEZ LE PIN TROVA
 CELUI QU'ELE NE CUIDOIT PAS
 TROVER A SI PETIT DE PAS,
 EINZ CUIDOIT QU'IL LI COVENIST
 MOLT QUERRE, EINC&OIS QU'A LUI VENIST.
 *PAR LE LYEON L'A CONEU=
 TANTOST COM ELE L'A VEU=;
 SI VINT VERS LUI GRANT ALEU=RE
 ET DESCENT A LA TERRE DURE.
 *ET MES SIRE *YVAINS LA CONUT
 DE SI LOING COM IL L'APARC&UT;
 SI LA SALU=E, ET ELE LUI,
 ET DIT: "*SIRE, MOLT LIEE SUI
 QUANT JE VOS AI TROVE/ SI PRES."
 *ET MES SIRE *YVAINS DIT APRE/S:
 "*COMANT, QUERI=EZ ME VOS DONQUES?
 _ *OI=L, VOIR, ET SI NE FUI ONQUES
 SI LIEE, DES QUE JE FUI NEE,
 QUE J'AI MA DAME A CE MENEE
 QUE TOT AUSI COM ELE SIAUT,
 S'ELE PARJURER NE SE VIAUT,
 IERT VOSTRE DAME ET VOS SES SIRE;
 POR VERITE/ LE VOS PUIS DIRE."
 *MES SIRE *YVAINS FORMANT S'ESJOT
 DE LA MERVOILLE QUE IL OT
 CE QU'IL JA NE CUIDOIT OI=R.
 *NE PUET PAS ASEZ CONJOI=R.
 *LES IALZ BEISA ET PUIS LE VIS
 CELI QUE CE LI A PORQUIS
 ET DIT: "*CERTES, MA DOLCE AMIE,
 CE NE VOS PORROIE JE MIE
 GUERREDONER, EN NULE GUISE;
 A VOS FEIRE ENOR ET SERVISE
 CRIEM QUE POOIRS OU TANS ME FAILLE.
 _ *SIRE, FET ELE, OR NE VOS CHAILLE;
 NE JA N'EN SOIEZ AN ESPANS,
 QU'ASSEZ AVROIZ POOIR ET TANS
 A FEIRE BIEN MOI ET AUTRUI.
 *SE JE AI FET CE QUE JE DUI,
 SI M'AN DOIT AN TEL GRE/ SAVOIR
 CON CELI QUI AUTRUI AVOIR
 ANPRUNTE, ET PUIS SI LE REPAIE.
 *N'ENCOR NE CUIT QUE JE VOS AIE
 RANDU CE QUE JA VOS DEVOIE.
 _ *SI AVEZ FET, SE DEX ME VOIE,
 A PLUS DE .VC. MILE DROIZ.
 *OR EN IRONS TOST QU'IL EST DROIZ.
 _ *ET AVEZ LI VOS DIT DE MOI
 QUI JE SUI? _ *NAIE, PAR MA FOI,
 NE NE SET COMANT AVEZ NON,
 SE *CHEVALIERS AU LYEON NON."
 *ENSI S'AN VONT PARLANT ADE/S,
 ET LI LYEONS TOZ JORZ APRE/S,
 TANT QU'AU CHASTEL VINDRENT TUIT TROI.
 *EINZ NE DISTRENT NE CE NE QUOI
 TANT QU'IL VINDRENT DEVANT LA DAME.
 *ET LA DAME MOLT S'ESJOI=
 TANTOST CON LA NOVELE OI=
 DE SA PUCELE QUI VENOIT,
 ET DE CE QUE ELE AMENOIT
 LE LYEON ET LE CHEVALIER
 QU'ELE VOLOIT MOLT ACOINTIER
 ET MOLT CONOISTRE ET MOLT VEOIR.
 *A SES PIEZ S'EST LESSIEZ CHEOIR
 MES SIRE *YVAINS, TRESTOZ ARMEZ;
 ET *LUNETE QUI FU DELEZ
 LI DIT: "*DAME, RELEVEZ L'AN,
 ET METEZ FORCE ET POINNE ET SAN
 A LA PES QUERRE ET AU PARDON,
 QUE NUS NE LI PUET, SE VOS NON,
 EN TOT LE MONDE PORCHACIER."
 *LORS L'A FET LA DAME DRECIER
 ET DIT: "*MES POOIRS EST TOZ SUENS,
 SA VOLENTE/ FEIRE ET SES BUENS
 VOLDROIE MOLT QUE JE POI=SSE.
 _ *CERTES, DAME, JA NEL DEI=SSE,
 FET *LUNETE, S'IL NE FUST VOIRS.
 *TOZ AN EST VOSTRES LI POOIRS
 ASSEZ PLUS QUE DIT NE VOS AI;
 MES DES OR MES, LE VOS DIRAI
 LA VERITE/, SI LA SAVROIZ:
 EINZ N'EU=STES NE JA N'AVROIZ
 SI BOEN AMI COME CESTUI.
 *DEX, QUI VIALT QU'ANTRE VOS ET LUI
 AIT BOENE PES ET BOENE AMOR
 TEL QUE JA NE FAILLE A NUL JOR,
 LE M'A HUI FET SI PRES TROVER.
 *JA A LA VERITE/ PROVER
 N'I COVIENT AUTRE RESCONDIRE;
 DAME, PARDONEZ LI VOSTRE IRE,
 QUE IL N'A DAME AUTRE QUE VOS:
 C'EST MES SIRE *YVAINS, VOSTRE ESPOS."
 *A CEST MOT LA DAME TRESSAUT
 ET DIT: "*SE DAMEDEX ME SAUT,
 BIEN M'AS OR AU HOQUEREL PRISE!
 *CELUI QUI NE M'AINME NE PRISE
 ME FERAS AMER MAU GRE/ MIEN.
 *OR AS TU ESPLOITIE/ MOLT BIEN!
 *OR M'AS TU MOLT AN GRE/ SERVIE!
 *MIALZ VOLSISSE TOTE MA VIE
 VANZ ET ORAGES ENDURER,
 ET S'IL NE FUST DE PARJURER
 TROP LEIDE CHOSE ET TROP VILAINNE,
 JA MES A MOI, POR NULE PAINNE,
 PES NE ACORDE NE TROVAST.
 *TOZ JORZ MES EL CORS ME COVAST,
 SI CON LI FEUS COVE AN LA CENDRE,
 CE DON GE NE VOEL ORE APRENDRE
 NE NE ME CHAUT DEL RECORDER
 DES QU'A LUI M'ESTUET ACORDER."
 *MES SIRE *YVAINS OT ET ANTANT
 QUE SES AFEIRES SI BIEN PRANT
 QU'IL AVRA SA PES ET S'ACORDE,
 ET DIT: "*DAME, MISERICORDE
 *CONPARE/ AI MON NONSAVOIR,
 ET JE LE VOEL BIEN CONPARER.
 *FOLIE ME FIST DEMORER,
 SI M'AN RANT CORPABLE ET FORFET,
 ET MOLT GRANT HARDEMANT AI FET
 QANT DEVANT VOS OSAI VENIR;
 MES S'OR ME VOLEZ RETENIR,
 JA MES NE VOS FORFERAI RIEN.
 _ *CERTES, FET ELE, JE VOEL BIEN,
 POR CE QUE PARJURE SEROIE
 SE TOT MON POOIR N'EN FEISOIE,
 LA PES FEIRE ANTRE VOS ET MOI;
 S'IL VOS PLEST, JE LA VOS OTROI.
 _ *DAME, FET IL, .VC. MERCIZ
 ET, SI M'AI=ST SAINZ ESPERIZ,
 QUE *DEX AN CEST SIEGLE MORTEL
 NE ME FEI=ST PAS SI LIE/ D'EL".
 *OR A MES SIRE *YVAINS SA PES;
 ET POEZ CROIRE C'ONQUES MES
 NE FU DE NULE RIEN SI LIEZ,
 COMANT QU'IL AIT ESTE/ IRIEZ.
 *MOLT AN EST A BOEN CHIEF VENUZ
 QU'IL EST AMEZ ET CHIER TENUZ
 DE SA DAME, ET ELE DE LUI.
 *NE LI SOVIENT OR DE NELUI
 QUE PAR LA JOIE L'ANTROBLIE
 QUE IL A DE SA DOLCE AMIE.
 *ET *LUNETE REST MOLT A EISE;
 NE LI FAUT CHOSE QUE LI PLEISE,
 DES QU'ELE A FET LA PES SANZ FIN
 DE MON SEIGNOR *YVAIN LE FIN
 ET DE S'AMIE CHIERE ET FINE.
 *DEL *CHEVALIER AU LYEON FINE
 *CRESTI=ENS SON ROMANS ENSI;
 N'ONQUES PLUS CONTER N'EN OI=
 NE JA PLUS N'EN ORROIZ CONTER
 S'AN N'I VIALT MANC&ONGE AJOSTER.
 *EXPLYCIT LI *CHEVALIERS AU *LYEON.
 *CIL QUI L'ESCRIST *GUIOZ A NON;
 DEVANT *NOSTRE DAME DEL VAL